រដ្ឋបាល​រាជធានី​ភ្នំពេញ​ អំពាវនាវ​ឱ្យ​ពលរដ្ឋ​នៅ​តំបន់​ក្រហម​អត់ធ្មត់​បន្តិចទៀត​

រដ្ឋបាលរាជធានីភ្នំពេញ អំពាវនាវឱ្យពលរដ្ឋនៅតំបន់ក្រហមអត់ធ្មត់បន្តិចទៀត

ភ្នំពេញ៖ អភិបាលរងរាជធានីភ្នំពេញ បានធ្វើការសុំអធ្យាស្រ័យ និងអំពាវនាវដល់ប្រជាពលរដ្ឋនៅក្នុងតំបន់ក្រហមទាំងអស់ ឲ្យមានការអត់ធ្មត់បន្តិចទៀត ខណៈអាជ្ញាធរបន្តបិទរយៈពេល១សប្តាហ៍ទៀត ដោយសារ ការរីករាលដាលនៃជំងឺកូវីដ-១៩ មិនទាន់មានសញ្ញាថយចុះនោះ។

នៅក្នុងសន្និសីទសារព័ត៌មានផ្សព្វផ្សាយសេចក្តីសម្រេចលេខ ១០០/២១ សសរ ចុះថ្ងៃទី០៥ ខែឧស ភា ឆ្នាំ២០២១ របស់រដ្ឋបាលរាជធានីភ្នំពេញ ស្តីពីការដាក់ចេញវិធានការរដ្ឋបាលសម្រាប់ភូមិសាស្ត្ររាជធា នីភ្នំពេញ ដើម្បីទប់ស្កាត់ការឆ្លងរាលដាលជំងឺកូវីដ-១៩ ដោយបែងចែកជា “តំបន់ក្រហម” “តំបន់លឿងទុំ” និង “តំបន់លឿង” នាព្រឹកថ្ងៃទី៦ ខែឧសភា នេះ លោក កើត ឆែ បានលើកឡើងថា ការបន្តបិទខ្ទប់ប្រជា ពលរដ្ឋមិនឲ្យចេញពីតំបន់ក្រហម រយៈពេល៧ថ្ងៃទៀតនេះ គឺដើម្បីការពារអាយុជីវិតពលរដ្ឋ តែប៉ុណ្ណោះ មិនមែនជាការបិទសិទ្ធិសេរីភាពអ្វីនោះឡើយ។

លោក កើត ឆែ បានបញ្ជាក់ថា ការសម្រេចបិទខ្ទប់រយៈពេលមួយសប្តាហ៍ទៀតនេះ គឺបែងចែកជា តំបន់បី គឺតំបន់ក្រហម តំបន់ក្រហម តំបន់លឿងទុំ និងតំបន់លឿង ហើយតំបន់នីមួយៗ ត្រូវបានអាជ្ញាធរ កំណត់ច្បាស់លាស់ហើយ កាលពីម្សិលមិញ។

នៅក្នុងសន្និសីទសារព័ត៌មាននេះផងដែរ លោក កើត ឆែ អភិបាលរងរាជធានីភ្នំពេញ បានអះអាង ផងដែរថា រហូតមកដល់ពេលនេះ ប្រជាពលរដ្ឋ ដែលស្ថិតនៅក្នុងតំបន់ក្រហម មានចំនួនជិត២០ម៉ឺននាក់ ហើយ ដែលបានធ្វើការចាក់វ៉ាក់សាំងបង្ការកូវីដ-១៩ ខណៈនៅសេសសល់ ក្រុមការងារ កំពុងបន្តចាក់ជូន រហូតដល់អស់ ដូចការគ្រោងទុករបស់រាជរដ្ឋាភិបាល។

យ៉ាងណាក៏ដោយ អាជ្ញាធរភ្នំពេញ បានបន្តក្រើនរំលឹកដល់ប្រជាពលរដ្ឋទាំងអស់ ឱ្យមានការប្រុង ប្រយ័ត្នបន្ថែមទៀត ដោយបន្តអនុវត្តវិធានបង្ការទប់ស្កាត់កូវីដ-១៩នេះ ជាពិសេសគឺកុំភ្លេច «៣ការពារ ៣កុំ» ស្របទៅតាមការណែនាំរបស់រាជរដ្ឋាភិបាល និងក្រសួងសុខាភិបាលកម្ពុជា នាពេលកន្លងទៅនោះ៕ អត្ថបទ៖ បាន ចក់

អត្ថបទដែលទាក់ទង

ប្រសាសន៍សំខាន់ៗ របស់សម្ដេចតេជោ ហ៊ុន សែន អញ្ជើញជាអធិបតីភាពដ៏ខ្ពង់ខ្ពស់ ក្នុងពិធី ពិសាអាហារសាមគ្គីមហាគ្រួសារឧកញ៉ាកម្ពុជា នៅសណ្ឋាគារហ្កាដិនស៊ីធី រាជធានីភ្នំពេញ