មន្ទីរពេទ្យគន្ធបុប្ផារាជធានីភ្នំពេញ នៅថ្ងៃទី៩ ខែតុលា ឆ្នាំ២០២៣នេះ បានសង្រ្គោះជីវិតក្មេងប្រុសម្នាក់ អាយុ១២ខែ បានទាន់ពេលវេលា បន្ទាប់ពីក្មេងប្រុសរូបនេះមានជំងឺយ៉ាងធ្ងន់ធ្ងរ ដោយមានដំបៅខ្ទុះធ្លុះ ធ្លាយសួងយ៉ាងស្មុគស្មាញបំផុត។
តាមរយៈផេកហ្វេសបុក ដែលមានឈ្មោះថា Dr…Beat Richner នាថ្ងៃទី៩ ខែតុលា ឆ្នាំ២០២៣នេះ បានបញ្ជាក់ថា ជំងឺរលាកសួតធ្ងន់ធ្ងរអាចបង្កឡើងដោយពួកបាក់តេរី មេរោគផ្សិត និងពពួកវីរុសមួយចំនួនជួនកាលមានពួកបាក់តេរី និងវីរុសរួមគ្នាវាយប្រហារប្រព័ន្ធដង្ហើមក្នុងពេលតែមួយផងដែរ។ចៅប្រុសតូចម្នាក់នេះអាយុ១២ខែ មកពីខេត្តកណ្តាល យកមកមន្ទីរពេទ្យគន្ធបុប្ផានាដង្ហើមចុងក្រោយ និងស្ថិតក្នុងស្ថានភាពធ្ងន់ធ្ងរបំផុត ដោយមានជំងឺរលាកសួតទាំងសងខាងយ៉ាងធ្ងន់ធ្ងរនិងវិវត្តទៅជាដំបៅខ្ទុះធ្លុះធ្លាយសួតយ៉ាងស្មុគស្មាញបំផុត ដោយសារមេរោគបាក់តេរីកាចឈ្មោះ Burkholderia pseudomallei + វីរុសRSV+ វីរុស enfluenza A រួមគ្នាវាយប្រហារសួតរបស់គាត់។
យ៉ាងណាក៏ដោយតាមរយៈផេកខាងលើនេះ បានបញ្ជាក់ថា«ចៅប្រុស ត្រូវបានជួយសង្រ្គោះជីវិតនៅផ្នែកសង្រ្គោះបន្ទាន់គន្ធបុប្ផាភ្នំពេញអស់រយៈពេល ៦៤ថ្ងៃ ដោយជំនួយម៉ាស៊ីនសប់ដង្ហើម និងត្រូវបានធ្វើការវះកាត់យកក្លែបសួតស្អុយរលួយចំនួន២លើកថ្ងៃនេះបានជាសះស្បើយ និងមានសុខភាពល្អ ប្រសើរឡើងវិញ»។
ផេកហ្វេសបុកដែលមានឈ្មោះថាDr Beat Richnerនេះគ៏បានថ្លែងអំណរអរគុណគន្ធបុប្ផា និងបន្តបញ្ជាក់ថា រាល់ការព្យាបាលទាំងអស់ គឺឥតគិតថ្លៃ សម្រាប់គ្រប់ៗគ្នា ដោយគ្មានការរើសអើង អរគុណមូលនិធិគន្ធបុប្ផាស្វីស និងមូលនិធិគន្ធបុប្ផាកម្ពុជា អរគុណចំពោះសប្បុរសជនគ្រប់ៗរូប ដែលតែងតែគាំទ្រដល់ដំណើរការមន្ទីរពេទ្យគន្ធបុប្ផាផងដែរ៕អត្ថបទបាន ចក់