ប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃចន្ទថា ប្រទេសអ៊ីរ៉ង់ បានចូលរួមក្នុងការចរចា ដែលមានគោលបំណងរៀបចំកិច្ចព្រមព្រៀងបទឈប់បាញ់សម្រាប់ចំណាប់ថ្នូររវាងអ៊ីស្រាអែល និងក្រុមហាម៉ាស។

តំបន់ហ្កាហ្សានៅពេលនេះ កំពុងស្ថិតក្នុងការចរចាដ៏ធំរវាងពួកយើង និងក្រុមហាម៉ាស និងអ៊ីស្រាអែល ហើយអ៊ីរ៉ង់ពិតជាបានចូលរួម ហើយយើងនឹងឃើញអ្វីដែលនឹងកើតឡើងជាមួយនឹងហ្កាហ្សា។

លោក ត្រាំ បានប្រាប់អ្នកយកព័ត៌មានក្នុងអំឡុងពេលព្រឹត្តិការណ៍មួយ នៅក្នុងបន្ទប់ទទួលទានអាហាររដ្ឋរបស់សេតវិមានថា៖«យើងចង់យកចំណាប់ខ្មាំងទាំងត្រឡប់មកវិញ»។ 

លោក ត្រាំ មិនបានបញ្ជាក់លម្អិតទេ ហើយសេតវិមានមិនបានឆ្លើយតបភ្លាមៗចំពោះសំណើសុំព័ត៌មានលម្អិតអំពីការចូលរួមរបស់អ៊ីរ៉ង់នោះទេ។ បេសកកម្មរបស់អ៊ីរ៉ង់ប្រចាំអង្គការសហប្រជាជាតិ នៅទីក្រុងញូវយ៉ក មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។

សហរដ្ឋអាមេរិក បានស្នើបទឈប់បាញ់រយៈពេល ៦០ថ្ងៃ រវាងអ៊ីស្រាអែល និងក្រុមហាម៉ាស។ អ៊ីស្រាអែលបាននិយាយថា ខ្លួននឹងគោរពតាមលក្ខខណ្ឌ ប៉ុន្តែរហូតមកដល់ពេលនេះ ក្រុមហាម៉ាស បានច្រានចោលផែនការនេះ។

នៅក្រោមសំណើនោះ ចំណាប់ថ្នូរអ៊ីស្រាអែល ២៨នាក់  នៅរស់និងស្លាប់ នឹងត្រូវបានដោះលែង នៅក្នុងសប្តាហ៍ដំបូង ជាថ្នូរនឹងការដោះលែងអ្នកទោសប៉ាឡេស្ទីន ១.២៣៦ នាក់ និងសាកសពរបស់ជនជាតិប្រជាជនប៉ាឡេស្ទីន១៨០នាក់ ដែលបានស្លាប់។

សហរដ្ឋអាមេរិក និងអ៊ីរ៉ង់ ក៏កំពុងព្យាយាមដោយឡែកពីគ្នា ដើម្បីចរចាលើកិច្ចព្រមព្រៀងស្តីពីកម្មវិធីនុយក្លេអ៊ែររបស់ក្រុងតេហេរ៉ង់ដែរ។