ការិយាល័យស្ថិតិសហព័ន្ធរបស់ប្រទេសអាល្លឺម៉ង់ បានរាយការណ៍ថា បរិមាណផលិតកម្មឧស្សាហកម្មនៅក្នុងប្រទេសអាល្លឺម៉ង់ បានធ្លាក់ចុះដល់កម្រិតទាបបំផុត ចាប់តាំងពីខែឧសភា ឆ្នាំ ២០២០ នៅពេលដែលប្រទេសនេះ កំពុងប្រឈមនឹងវិបត្តិសេដ្ឋកិច្ច ដែលបង្កឡើងដោយជំងឺរាតត្បាត COVID-19។

យោងតាមទីភ្នាក់ងារនេះ ទិន្នផលឧស្សាហកម្មក្នុងខែមិថុនា បានធ្លាក់ចុះ ១,៩% បើធៀបនឹងខែឧសភា។ ការថយចុះគួរឲ្យកត់សម្គាល់បំផុត ត្រូវបានគេសង្កេតឃើញ នៅក្នុងវិស័យវិស្វកម្មមេកានិច (ធ្លាក់ចុះ     ៥,៣ %) ឧស្សាហកម្មឱសថ (ធ្លាក់ចុះ ១១%) និងឧស្សាហកម្មម្ហូបអាហារ (ធ្លាក់ចុះ៦,៣%) ។ ផ្ទុយទៅវិញ វិស័យថាមពល បានបង្ហាញពីសក្ដានុពលវិជ្ជមាន ជាមួយនឹងការកើនឡើង ៣.១%។

ទីភ្នាក់ងារក៏បានកែសម្រួលការប៉ាន់ស្មានបឋមរបស់ខ្លួនសម្រាប់ខែឧសភាផងដែរ គឺទិន្នផលនៅក្នុងខែនោះ បានកើនឡើងត្រឹមតែ ០,១ % បើប្រៀបធៀបទៅនឹងខែមេសា ដែលមុននេះត្រូវបានរាយការណ៍ថា ១,២%។ ការកែប្រែយ៉ាងច្បាស់បែបនេះ ត្រូវបានភ្ជាប់ទៅនឹងក្រុមហ៊ុនផលិតរថយន្តជាច្រើន ដែលបាន បញ្ជូនទិន្នន័យដែលបានធ្វើបច្ចុប្បន្នភាពអំពីការអនុវត្តប្រចាំខែរបស់ពួកគេ។

ដូចដែលបានកត់សម្គាល់ដោយទីភ្នាក់ងារសារព័ត៌មានរ៉យទ័រ ការធ្លាក់ចុះនៅក្នុងខែមិថុនា គឺហួសហេតុ ដែលមិននឹកស្មានដល់ ដោយអ្នកជំនាញ បានព្យាករថា នឹងធ្លាក់ចុះជាមធ្យមត្រឹមតែ ០,៥ % ប៉ុណ្ណោះ។