ទូរទស្សន៍រដ្ឋ KRT បានរាយការណ៍ថា មេដឹកនាំប្រទេសកូរ៉េខាងជើង លោក គីម ជុងអ៊ុន និងកូនស្រីរបស់លោក បានមកពិនិត្យការសាងសង់វិមានរំលឹកដល់កងទ័ពកូរ៉េខាងជើងដែលបានស្លាប់ក្នុងការប្រយុទ្ធនៅក្រៅប្រទេស។

នៅក្នុងវីដេអូដែលបានចាក់ផ្សាយនៅលើទូរទស្សន៍ KRT នៅថ្ងៃអង្គារ ទី៦ ខែមករា នេះ លោក គីម ត្រូវបានគេឃើញដាំដើមឈើជាមួយកូនស្រី ភរិយា និងបានបើកបរយានដឹកកូនឈើ។

ក្រោមកតិកាសញ្ញាការពារជាតិទៅវិញទៅមកជាមួយរុស្ស៊ីក្នុងឆ្នាំ២០២៤ ប្រទេសកូរ៉េខាងជើង បានបញ្ជូនទាហានប្រហែល១៤.០០០នាក់ទៅប្រយុទ្ធរួមជាមួយកងទ័ពរុស្ស៊ីនៅអ៊ុយក្រែន ជាកន្លែងដែលទាហានជាង៦.០០០នាក់ត្រូវបានសម្លាប់ នេះបើយោងតាមប្រភពព័ត៌មានរបស់កូរ៉េខាងត្បូង អ៊ុយក្រែន និងប្រទេសលោកខាងលិច។

លោកគីម បានចាត់ទុកទាហានស្លាប់ទាំងនោះថាជា «វីរបុរស ដែលបានលះបង់ខ្លួនឯងដោយមិនស្ទាក់ស្ទើរ» និងបាននិយាយថា «គ្មាននរណាម្នាក់នៅក្នុងពិភពលោកអាចយកឈ្នះកងទ័ពបែបនេះជាអ្នកដែលស្មោះត្រង់នឹងបទបញ្ជារបស់គណបក្សឡើយ»។