នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

មេដឹកនាំកូរ៉េខាងជើង ចុះពិនិត្យរោងចក្រផលិតគ្រឿងយុទ្ធោបករណ៍រួមទាំងរោងចក្រមីស៊ីល

2023/08/14 09:31:31 am        165
Facebook Telegram Linkin
កូរ៉េខាងជើង៖ ប្រព័ន្ធផ្សព្វផ្សាយរដ្ឋ KCNA បាននិយាយនៅថ្ងៃចន្ទនេះថា មេដឹកនាំប្រទេសកូរ៉េខាងជើង លោក Kim Jong Un បានធ្វើទស្សនកិច្ចនៅរោងចក្រផលិតសម្ភារៈយោធាសំខាន់ៗ រួមមានទាំងរោងចក្រផលិតមីស៊ីលតាកទិក។ ព័ត៌មាន KCNA និយាយថា លោក Kim បានបង្ហាញការពេញចិត្តលើការផ្តោតសំខាន់នាពេលបច្ចុប្បន្ននៅរោងចក្រមួយលើការផលិតមីស៊ីលតាកទិក និងការពង្រីកសមត្ថភាពផលិតកម្ម អំឡុងទស្សនកិច្ចរបស់លោកកាលពីសប្តាហ៍កន្លងទៅនេះ។ សារព័ត៌មាន និយាយថា លោកបានបង្ហាញគោលដៅដ៏សំខាន់ ដើម្បីធ្វើឲ្យប្រសើរឡើងការផលិតមីស៊ីល ដោយបានកោតសរសើរសមត្ថភាពប្រតិបត្តិការចុងក្រោយនៃគ្រាប់កាំភ្លើងធំ និងបានជំរុញផ្ទាល់នៃយានរថពាសដែកប្រយុទ្ធ។ នេះគឺជាដំណើលរទស្សនកិច្ចចុងក្រោយដែលធ្វើឡើងជាបន្តបន្ទាប់ដោយមេដឹកនាំ លោក Kim Jong Un ទៅកាន់រោងចក្រផ្នៃកការពារជាតិ ជាកន្លែងដែលលោកបញ្ជាក់ពីការផលិតអាវុធទ្រង់ទ្រាយធំ។ សហរដ្ឋអាមេរិក បានចោទប្រកាន់ប្រទេសកូរ៉េខាងជើងពីការផ្តល់អាវុធដល់ប្រទេសរុស្ស៊ីសម្រាប់សង្គ្រាមរបស់ខ្លួននៅអ៊ុយក្រែន។ អ្នកនាំពាក្យរងក្រសួងការបរទេស លោក Vedant Patel បាននិយាយកាលពីខែមុនថា សហរដ្ឋអាមេរិកមានក្តីបារម្ភមិនគួឲ្យជឿអំពីទំនាក់ទំនងរបស់ពួកគេ។ ប្រទេសកូរ៉េខាងជើង និងរុស្ស៊ី បានច្រានចោលការដឹកជញ្ជូនអាវុធណាមួយ។ សារព័ត៌មាន KCNA បាននិយាយដាច់ដោយឡែកនៅថ្ងៃចន្ទនេះថា លោក Kim បានធ្វើទស្សនកិច្ចតំបន់រងគ្រោះដោយព្យុះទីហ្វុង បន្ទាប់ពីព្យុះត្រូពិក Khanun វាយបក់បោកមកលើឧបទ្វីបកូរ៉េកាលពីសប្តាហ៍មុន ដែលបានធ្វើឲ្យជន់លិច ដីស្រែចំការ៕

មេដឹកនាំលំដាប់ទី២របស់កោះតៃវ៉ាន់ និយាយថា តៃវ៉ាន់ នឹងមិនចុះញ៉មចំពោះការគំរាមឡើយអំឡុងទស្សនកិច្ចទៅអាមេរិក

2023/08/14 09:28:35 am        219
Facebook Telegram Linkin
តៃវ៉ាន់៖ មេដឹកនាំលំដាប់ទី២របស់កោះតៃវ៉ាន់ បានបា្រប់ក្រុមអ្នកគាំទ្រ អំឡុងដំណើរទស្សនកិច្ចរទៅកាន់សហរដ្ឋអាមេរិក ដែលទីក្រុងប៉េកាំងបានថ្កោលទោស ខណៈបញ្ជាក់ជាថ្មីពីឆន្ទៈក្នុងការពិភាក្សាជាមួយចិន ថាប្រសិនបើកោះតៃវ៉ាន់មានសុវត្ថិភាព ដូច្នេះ ពិភពលោកនឹងមានសុវត្ថិភាពដែរ ហើយកោះតៃវ៉ាន់នឹងមិនចុះញ៉មក្នុងការប្រឈមមុខចំពោះការគំរាមនេះទេ ។លោក វីលៀម ឡៃ(William Lai) ដែលជាបេក្ខជននាំមុខសម្រាប់តំណែងមេដឹកនាំបន្ទាប់របស់កោះតៃវ៉ាន់ ក្នុងការបោះឆ្នោតជ្រើសរើសមេដឹកនាំនៅខែមករាឆ្នាំក្រោយ ផងដែរនេះ កំពុងមានវត្តមាននៅក្នុងសហរដ្ឋអាមេរិក នូវអ្វីដែលជាដំណើរឈប់សំចតផ្លូវការរបស់លោកទៅកាន់ប្រទេសប៉ារ៉ាហ្គាយ ដើម្បីអបអរសាទរប្រធានាធិបតីថ្មីរបស់ខ្លួន ។ ប្រទេសប៉ារ៉ាហ្គាយគឺជាប្រទេសមួយក្នុងចំណោមប្រទេស១៣ ដែលបានរក្សាទំនាក់ទំនងធម្មតាជាមួយកោះដែលចិនអះអាងសិទ្ធិជាដែនដីរបស់ខ្លួន។  ទាំងកោះតៃវ៉ាន់ ទាំងសហរដ្ឋអាមេរិកនិយាយថាសំណើរឈប់សំចតនេះ រួមទាំង នៅក្នុងទីក្រុង San Francisco ក្នុងដំណើរវិលត្រឡប់ទៅវិញ តាមទម្លាប់ ប៉ុន្តែចិន បានរិះគន់និងហៅលោកឡៃ ថាជាអ្នកបង្ករឿងរបស់ក្រុមផ្ដាច់ខ្លួន។ យោងតាមការអានពីការិយាល័យមេដឹកនាំកោះតៃវ៉ាន់ នៅក្នុងការអត្ថាធិប្បាយពេលទទួលទានអាហារថ្ងៃត្រង់នៅក្នុងទីក្រុង New Yorkកាលពីថ្ងៃអាទិត្យ លោក ឡៃ បាននិយាយថា ប្រសិនបើកោះតៃវ៉ាន់មានសុវត្ថិភាព ពិភពលោកមានសុត្ថិភាព ប្រសិនបើ ច្រកសមុទ្រតៃវ៉ាន់សុខសាន្ត នោះ ពិភពលោកទាំងមូលនឹងសុខសាន្តដែរ៕

ចំនួនអ្នកស្លាប់កើនដល់៩៣នាក់ពីចំហេះព្រៃកោះ ម៉ូអ៊ី ខណៈប្រតិបត្តិការស្វែងរកកំពុងបន្ត

2023/08/14 08:10:23 am        275
Facebook Telegram Linkin
អាមេរិក៖​ ចំនួនអ្នកស្លាប់ដោយសារចំហេះព្រៃកោះ ម៉ូអ៊ី រដ្ឋហាវ៉ៃ សហរដ្ឋអាមេរិក បានកើនឡើងដល់៩៣នាក់កាលពីថ្ងៃអាទិត្យ ខណៈដែលគ្រួសាររបស់អ្នកបាត់ខ្លួនកំពុងស្វែងរកសាច់ញាតិពួកគេយ៉ាងអន្ទះសារ ដោយសង្ឃឹមថាអ្នកទាំងនោះអាចនៅមានជីវិត។ អភិបាលរដ្ឋហាវ៉ៃ លោក Josh Green កាលពីថ្ងៃអាទិត្យបានប្រដូចទីក្រុងឡាហេណា ដែលឆេះខ្ទេចខ្ទីអស់ ទៅនឹង "តំបន់សង្គ្រាម" បន្ទាប់ពីចំហេះដែលរាលដាលយ៉ាងលឿននោះ បានលេបត្របាក់ឆ្នេរសមុទ្រភាគពាយ័ព្យនៃកោះ ម៉ូអ៊ី កាលពីថ្ងៃអង្គារ ដោយបានធ្វើឱ្យខូចខាតទីក្រុងរមណីយដ្ឋានប្រវត្តិសាស្ត្រជាច្រើន និងបានឆាបឆេះស្ទើរតែគ្រប់យ៉ាងទាំងអស់នៅក្នុងតំបន់នោះ។ប៉ុន្មានថ្ងៃបន្ទាប់ពីគ្រោះមហន្តរាយនេះ ក្រុមពន្លត់អគ្គិភ័យនៅតែកំពុងទប់ទល់នឹងចំហេះនេះ ហើយសត្វសុខន cadaver កំពុងដើរស្វែងរកតាមប្រាសាទដែលឆេះយ៉ាងសន្ធោសន្ធៅក្នុងទីក្រុង ដើម្បីស្វែងរកជនរងគ្រោះ ខណៈដែលអ្នកនៅរស់រានមានជីវិត និងក្រុមមន្ត្រីបានកំណត់ពីទំហំនៃគ្រោះមហន្តរាយនេះ។តួលេខអ្នកស្លាប់នេះ បានធ្វើឱ្យចំហេះនេះក្លាយជាគ្រោះធម្មជាតិដ៏អាក្រក់បំផុតរបស់រដ្ឋហាវ៉ៃ លើសពីរលកយក្សស៊ូណាមិ ដែលបានសម្លាប់មនុស្ស៦១នាក់ក្នុងឆ្នាំ១៩៦០ រយៈពេលមួយឆ្នាំបន្ទាប់ពីហាវ៉ៃក្លាយជារដ្ឋរបស់សហរដ្ឋអាមេរិក។ យោងតាមទីភ្នាក់ងារគ្រប់គ្រងគ្រោះអាសន្នសហព័ន្ធ (FEMA) បានឱ្យដឹងថា ការចំណាយលើការកសាងទីក្រុង ឡាហេណា ឡើងវិញត្រូវបានប៉ាន់ប្រមាណថាមានចំនួន៥,៥ពាន់លានដុល្លារ ដោយមានរចនាសម្ព័ន្ធជាង២.២០០ទីតាំង ត្រូវបានខូចខាត ឬបំផ្លាញ និងផ្ទៃដីជាង២.១០០ហិចតា ត្រូវបានដុតបំផ្លាញ៕

ឯកឧត្តមកិតិ្តទេសាភិបាលបណ្ឌិត ហ៊ុន ម៉ាណែត និង ឯកឧត្តម វ៉ាង យី ប្តេជ្ញាបន្តលើកកម្ពស់​កិច្ចសហប្រតិបត្តិការ​រវាងប្រទេសទាំងពីរកម្ពុជា-ចិន ឱ្យកាន់តែជិតស្និទ្ធបន្ថែមទៀត

2023/08/13 06:36:29 pm        612
Facebook Telegram Linkin
នារសៀលថ្ងៃទី១៣ ខែសីហា ឆ្នាំ២០២៣, នៅវិមានសន្តិភាព ឯកឧត្តមកិតិ្តទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីតែងតាំង នៃព្រះរាជាណាចក្រកម្ពុជា បាន​ទទួល​ជួប​សម្តែង​ការ​គួរសម​ជាមួ​យនឹង ឯកឧត្តម វ៉ាង យី សមាជិកការិយាល័យនយោបាយ, ប្រធានការិយាល័យ​គណៈកម្មការ​កិច្ច​ការបរទេស នៃគណៈកម្មាធិការមជ្ឈិមបក្សកុម្មុយនីស្តចិន និង ជារដ្ឋមន្ត្រី​ការ​បរទេស​ចិន ដែលបានអញ្ជើញបំពេញទស្សនកិច្ចផ្លូវការនៅព្រះរាជាណាចក្រកម្ពុជា ចាប់​ពី​ថ្ងៃ​ទី​១២-១៣ ខែសីហា ឆ្នាំ២០២៣ ។ នៅក្នុងជំនួបនេះ, ឯកឧត្តម វ៉ាង យី បានបញ្ជាក់អំពីជំហរបន្តជំរុញការអនុវត្តការងារ ប្រកប​ដោយ​ប្រសិទ្ធ​ភាព និងភាពជិតស្និទ្ធជាមួយកម្ពុជា ហើយ​ភាគី​មិត្ត​ចិន​នឹង​ត្រៀម​ទទួល​ស្វាគមន៍​ដំណើរ​ទស្សន​កិច្ច​ផ្លូវការ និងការចូលរួមរបស់ ឯកឧត្តម កិតិ្តទេសាភិបាលបណ្ឌិត នៅក្នុងពិព័រណ៍ចិន-អាស៊ាន លើកទី២០ ឆ្នាំ២០២៣ ដែលនឹងប្រព្រឹត្តទៅនៅទីក្រុងណាននីង ខេត្តក្វាងស៊ី ប្រទេស​ចិន នាពាក់កណ្តាលខែកញ្ញា ឆ្នាំ២០២៣ ខាងមុខ ។ជាការឆ្លើយតប ឯកឧត្តមកិតិ្តទេសាភិបាលបណ្ឌិត បានថ្លែងអំណរគុណ និង​ធ្វើ​ការ​គូស​បញ្ជាក់​ជូន​ភាគី​មិត្ត​ផងដែរ នូវការរក្សាគោលជំហរឥតប្រួលប្រែរបស់រាជរដ្ឋាភិបាលថ្មី នៃ​ព្រះរាជា​ណា​ចក្រ​​កម្ពុជា​ចំពោះ «គោលនយោបាយចិនមួយ» និងការមិន​ជ្រៀត​ជ្រែក​លើ​កិច្ច​ការផ្ទៃក្នុងរបស់ចិន ។ ជាមួយគ្នានេះ ឯកឧត្តមកិតិ្តទេសាភិបាលបណ្ឌិត បាន​ឆ្លើយ​តប​ទៅ​នឹង​ការ​អញ្ជើញ​របស់​ភាគី​មិត្ត​ចិន​ទៅ​ចូលរួមពិធីខួបលើកទី១០ នៃការបង្កើតគំនិតផ្តួចផ្តើមខ្សែក្រវាត់ និងផ្លូវ នៅរដ្ឋធានី​ប៉េកាំង សាធារណរដ្ឋប្រជាមានិតប្រទេសចិន នាពាក់កណ្តាលខែតុលា ឆ្នាំ២០២៣ ខាងមុខ ។ ជាចុងក្រោយ ថ្នាក់ដឹកនាំទាំងពីរ បាន​ប្តេជ្ញា​បន្ត​លើក​កម្ពស់​កិច្ច​សហប្រតិបត្តិការ​រវាង​ប្រទេស​ទាំង​ពីរ​កម្ពុជា-ចិន ឱ្យកាន់ជិតស្និទ្ធ តាមរយៈការថែរក្សាសមិទ្ធផលដែលមានកន្លងមក ក៏ដូច​ជា​ការ​ពង្រីក​ទិស​ដៅកិច្ចសហប្រតិបត្តិការទៅលើវិស័យថ្មីៗបន្ថែមទៀត ដូចជា៖ វិស័យអគ្គិសនី ជា​ពិសេស វារីអគ្គិសនី, វិស័យហេដ្ឋារចនាសម្ព័ន្ធ, វិស័យកសិកម្ម និងវិស័យពាណិជ្ជកម្ម ជាដើម ។ល។ លើសពីនេះ ភាគីទាំងពីរ ក៏ឯកភាពនឹងបន្តកិច្ចសហប្រតិបត្តិការ និង​ផ្តល់​ការ​គាំទ្រ​ដល់​គ្នា​ទៅ​វិញ​ទៅមកផងដែរ នៅក្នុងក្របខ័ណ្ឌតំបន់ និងលើឆាកអន្តរជាតិ៕

ចិនបញ្ជាក់ការគាំទ្រកម្ពុជា​ និងមានជំនឿលើការដឹកនាំរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត

2023/08/13 01:42:07 pm        500
Facebook Telegram Linkin
ភ្នំពេញ៖ នៅព្រឹកថ្ងៃទី១៣ ខែសីហា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បាន​អនុញ្ញាត​ឱ្យ​ឯកឧត្តម វ៉ាង យី សមាជិកការិយាល័យនយោបាយ ប្រធាន​ការិយាល័យ​គណៈ​កម្មការ​កិច្ច​ការ​បរទេស នៃគណៈកម្មាធិការមជ្ឈិមបក្សកុម្មុយនីស្តចិន និងជា​រដ្ឋមន្រ្តី​ការបរទេស នៃ​សាធារណ​រដ្ឋ​ប្រជាមានិត​ចិន ចូលជួបសំដែងការគួរសម និងពិភាក្សាការងារ នៅវិមានសន្តិភាព។បើតាម ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានឱ្យដឹងថា ឯកឧត្តម វ៉ាង យី បាន​គោរព​ពាំនាំ​នូវ​ការផ្ដាំផ្ញើសួរសុខទុកពី ឯកឧត្តមប្រធានាធិបតី ស៊ី ជិនពីង ឯកឧត្តមនាយករដ្ឋមន្ត្រី លី ឈាង និង​ថ្នាក់​ដឹកនាំចិ​នមួយចំនួនទៀត ជូនចំពោះសម្ដេចតេជោ។ ឯកឧត្តម វ៉ាង យី បានគោរព​ជម្រាប​ជូន​សម្ដេច​តេជោ​ថា ឯកឧត្តមបានមកកាន់កម្ពុជាជាច្រើនដងហើយៗជារៀងរាល់ដងដែលបានមកដល់កម្ពុជា ឯកឧត្តម​បានឃើញកម្ពុជា ជាពិសេសរាជធានីភ្នំពេញ មានការផ្លាស់ប្ដូរយ៉ាងរស់រវើក ហើយ​ពេល​នេះ​ជា​សក្ខីភាព​ទី​ក្រុងភ្នំពេញ បានក្លាយទៅជាទីក្រុងពាណិជ្ជកម្ម យ៉ាងទំនើប។ ឯកឧត្តម​បាន​គោរព​សម្ដែង​នូវ​ការ​អបអ​រសាទរជូនចំពោះសម្ដេចតេជោ ជូនចំពោះគណបក្សប្រជាជនកម្ពុជា ដែល​ទទួ​ល​បាន​ការ​គាំទ្រ​ពី​ប្រជាជន​លើស​៨០%។ ឯកឧត្តម វ៉ាង យី បានមានប្រសាសន៍ថា ប្រទេស​ជា​ច្រើន​បាន​មក​សង្កេតការណ៍​ការ​បោះឆ្នោតនៅកម្ពុជាហើយឃើញថា ការបោះឆ្នោតដែលប្រព្រឹត្តទៅកាលពីថ្ងៃទី២៣ខែកក្កដា កន្លងទៅ គឺយុត្តិធម៌ តម្លាភាព និងស្របច្បាប់។ ប្រជាជនជាង៨០% បានទៅបោះឆ្នោត ដែលនោះសបញ្ជាក់​ឱ្យ​ឃើញ​ថា ប្រជាជនកម្ពុជាបានប្រើប្រាស់សិទ្ធិពេញលេញ ប្រជាជនជាង ៨០% បាន​បោះឆ្នោ​ត​ជូន​គណបក្ស​ប្រជាជនកម្ពុជា នោះសឱ្យឃើញថា ប្រជាជនគាំទ្រគណបក្សប្រជាជនកម្ពុជា ឲ្យ​ដឹក​នាំ​បន្ត​ទៀត​។​ ឯកឧត្តមថា ការទទួលបានការទុកចិត្តពីប្រជាជននេះ ជាកត្តាសំខាន់បំផុត។ ក្នុងន័យនេះ ឯកឧត្តម វ៉ាង យី សូមគោរពសម្ដែង នូវការអបអរសាទរជូនចំពោះសម្ដេចតេជោហើយបានបញ្ជាក់ជូនសម្ដេចតេជោថា ដំណើរ​ទស្សនកិច្ចរបស់ឯកឧត្តមមកកាន់ព្រះរាជាណាចក្រកម្ពុជា នៅពេលនេះ ដើម្បីបញ្ជាក់ថា ចិន​គាំ​ទ្រ​កម្ពុជា​ ហើយមានជំនឿថា ក្រោមការដឹកនាំរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត កិច្ច​សហប្រតិបត្តិការ​រវាងកម្ពុជានិងចិន នឹងរីកចម្រើនឡើង កាន់តែធំធាត់ ជាពិសេស​កម្ពុជា​កាន់​តែ​មាន​ភាព​រុង​រឿង​ឡើង​ថែមទៀត។ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនចំពោះ ឯកឧត្តម វ៉ាង យី ដែលបាន​ពាំនាំ​នូវ​ការផ្ដាំផ្ញើសួរសុខទុក្ខ ពីឯកឧត្តមប្រធានាធិបតី ស៊ី ជិនពីង ឯកឧត្តមនាយករដ្ឋមន្ត្រី លី ឈាង និងថ្នាក់ដឹកនាំចិនមួយចំនួនទៀត ហើយក៏បានថ្លែងអំណរគុណជូនចំពោះឯកឧត្តមប្រធានាធិបតី ស៊ី ជិនពីង ឯកឧត្តមនាយករដ្ឋមន្ត្រី លី ឈាង និងថ្នាក់ដឹកនាំចិនជាច្រើនទៀត ផងដែរ។ សម្ដេចបានថ្លែង អំណរគុណជូនចំពោះឯកឧត្តម វ៉ាង យី ចំពោះពាក្យពេចន៍ដ៏ល្អ ជាពិសេសការគាំទ្រ របស់មិត្តចិន។ សម្ដេចតេជោបាន មានប្រសាសន៍ថា ប្រជាជនកម្ពុជាបានដឹងជាមុនថា នឹង​មាន​ការ​ផ្លាស់​ប្ដូរ​មុន​ពេល​បោះឆ្នោត ហើយការគាំទ្រ រហូតដល់ទៅ៨៤% គឺជាការអបអរសាទរ។គួរបញ្ជាក់ថា ឯកឧត្តម វ៉ាង យី បានអញ្ជើញមកដល់ព្រលានយន្តហោះអន្តរជាតិភ្នំពេញដោយសុវត្ថិភាព កាល​ពីល្ងាចថ្ងៃទី១២សីហាម្សិលមិញ ដើម្បីចាប់ផ្ដើមទស្សនកិច្ចផ្លូវការ នៅព្រះរាជាណាចក្រកម្ពុជា ពី​ថ្ងៃ​ទី​១២ ដល់ថ្ងៃទី១៣ ខែសីហា ឆ្នាំ២០២៣៕

សម្តេចតេជោ ហ៊ុន សែន ជួបពិភាក្សាការងារជាមួយឯកឧត្តមវ៉ាង យី រដ្ឋមន្ត្រីការបរទេសចិន

2023/08/13 11:33:42 am        361
Facebook Telegram Linkin
នៅវិមានសន្តិភាព ព្រឹកថ្ងៃទី១៣ ខែសីហា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា បានញ្ជើញជួបពិភាក្សាការងារជាមួយ ឯកឧត្តម វ៉ាង យី (Wang Yi) សមាជិកការិយាល័យនយោបាយ និងជាប្រធានការិយាល័យគណៈកម្មការកិច្ចការបរទេស នៃ​គណៈកម្មាធិការ​មជ្ឈិមបក្សកុម្មុយនីស្តចិន និងជារដ្ឋមន្ត្រីការបរទេស​នៃ​សាធារណ​រដ្ឋ​ប្រជាមានិត​ចិន​។នៅក្នុងជំនួបថ្ងៃនេះ ឯកឧត្តម វ៉ាង យី បានគោរព​ពាំនាំការផ្ដាំផ្ញើសួរសុខទុក្ខ​ពីឯកឧត្តម​ប្រធានា​ធិបតីចិន ស៊ី ជិនពីង, ឯកឧត្តម នាយករដ្ឋមន្ត្រីចិន លី ជាំង និងថ្នាក់ដឹកនាំ​ចិន​មួយ​ចំនួន​ទៀត​ដល់​សម្ដេចតេជោ។ឯកឧត្តម វ៉ាង យី បានគោរពជម្រាបជូនសម្ដេចថា ឯកឧត្តមមកកាន់កម្ពុជាជាច្រើនដង ហើយ​ជា​រៀង​រាល់​ដងពេលមកដល់កម្ពុជា បានឃើញកម្ពុជា ជាពិសេសរាជធានីភ្នំពេញ មានការផ្លាស់​ប្ដូរ​យ៉ាង​រស់​រវើក ហើយពេលនេះ ជាសក្ខីភាព​បញ្ជាក់ថា​ទី​ក្រុង​ភ្នំពេញ​បាន​ក្លាយ​ទៅ​ជាទី​ក្រុង​ពាណិជ្ជកម្ម​យ៉ាង​ទំនើប ។ឯកឧត្តម វ៉ាង យី ក៏បានបង្ហាញនូវការអបអរសាទរជូនចំពោះសម្ដេចតេជោ និង​គណបក្ស​ប្រជាជន​កម្ពុជាដែ​លបានទទួលការគាំទ្រក្នុងពេលបោះឆ្នោតកន្លងទៅពីប្រជាជនលើសពី ៨០%។ ឯកឧត្តម បានមានប្រសាសន៍ថា ប្រទេសជាច្រើនបានមកសង្កេតការណ៍ការបោះឆ្នោតនៅកម្ពុជា ហើយ​បានឃើញថា ការបោះឆ្នោតដែលបានប្រព្រឹត្តទៅកាលពីថ្ងៃទី២៣ ខែកក្កដា ឆ្នាំ២០២៣​កន្លងទៅ គឺប្រកបដោយយុត្តិធម៌ តម្លាភាព និងស្របច្បាប់ ដែលប្រជាជនជាង ៨០% បាន​ទៅ​បោះ​ឆ្នោត។ នេះសរ​បញ្ជាក់​ឱ្យ​ឃើញ​ថា​ប្រជាជន​កម្ពុជា​បាន​ប្រើប្រាស់​សិទ្ធិ​ពេញ​លេញ​ទៅ​បោះឆ្នោត ដែលមានចំនួនជាង ៨០% បានបោះ​ឆ្នោត​ជូន​គណបក្ស​ប្រជាជន​កម្ពុជា​ដើម្បី​ដឹកនាំ​ប្រទេស​បន្ត​ទៀត។ ការទទួលបានទំនុកចិត្តនិងការគាំទ្រពីប្រជាជនគឺជាកត្តាដ៏សំខាន់បំផុត។ជាមយយគ្នានេះដែរ ឯកឧត្តម វ៉ាង យី បានសម្ដែងនូវការអបអរសាទរជូនចំពោះសម្ដេចតេជោ ដោយ​បានបញ្ជាក់ថា ដំណើរទស្សនកិច្ចរបស់ឯកឧត្តម មកកាន់កម្ពុជា​នាពេល​នេះ​គឺ​ដើម្បី​បញ្ជាក់​ជា​ថ្មីម្តង​ទៀតថាចិនគាំទ្រកម្ពុជា ហើយមានជំនឿថា​ក្រោម​ការដឹកនាំ​របស់​ឯកឧត្តម​កិត្តិ​ទេសា​ភិបាល​បណ្ឌិត ហ៊ុន ម៉ាណែត កិច្ចសហប្រតិបត្តិការរវាងកម្ពុជា និងចិននឹង​រីក​ចម្រើន​ឡើង​កាន់​តែ​ធំធាត់​ហើយ​ជាពិសេស កម្ពុជានឹងកាន់តែមានភាពរុងរឿងឡើងថែមទៀត។ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនចំពោះឯកឧត្តម វ៉ាង យី ដែលបានពាំនាំនូវការផ្ដាំផ្ញើសួរសុខទុក្ខអំពីប្រធានាធិបតីចិន ស៊ី ជិនពីង, នាយករដ្ឋមន្ត្រីចិន ឯកឧត្តម លី ជាំង និងថ្នាក់ដឹកនាំចិនជាច្រើនទៀត។ សម្ដេចតេជោនាយករដ្ឋមន្ត្រី ក៏បានថ្លែងអំណរគុណចំពោះឯកឧត្តម វ៉ាង យី ផង​ដែរ​ចំពោះ​ពាក្យ​ពេចន៍​ដ៏​ល្អ និងជាពិសេសការគាំទ្រដ៏ធំធេងរបស់មិត្តចិន ។ សម្ដេចតេជោ ក៏បានមាន​ប្រសាសន៍​ផង​ដែរ​ថា ប្រជាជនកម្ពុជា​បាន​ដឹង​ជា​មុន​ហើយ​ថា​នឹង​មាន​ការ​ផ្លាស់​ប្ដូ​រ​មុន​ពេល​បោះឆ្នោត​ដែល​ចំនួន​គាំទ្រ​មានរហូតដល់ទៅ ៨៤% គឺជាការអបអរសាទរ​ដ៏​ច្រើន​បំផុត​ពី​ប្រជាពលរដ្ឋ​ខ្មែរ​ចំពោះ​សម្តេ​ចផ្ទាល់ និងចំពោះគណបក្សប្រជាជនកម្ពុជា៕

រាជរដ្ឋាភិបាល សម្រេចពង្រីកផ្ទៃដីជាងមួយពាន់ហិកតាបន្ថែមទៀត​ដល់ដែនជម្រកសត្វព្រៃ​ព្រែកប្រសព្វ

2023/08/13 09:17:07 am        349
Facebook Telegram Linkin
រាជរដ្ឋាភិបាលកម្ពុជា បានចេញអនុក្រឹត្យសម្រេចកែប្រែ ដោយពង្រីក​ដែនជម្រក​សត្វ​ព្រៃ​ព្រែក​ប្រសព្វ ដែលស្ថិតក្នុងភូមិសាស្ត្រខេត្តក្រចេះ ពីផ្ទៃដីទំហំ១២៧៧០ហិកតា មកផ្ទៃដី​ទំហំ​១៤២២១​​ហិកតា ខណៈការបង្កើតនេះ គឺដើម្បីលើកកម្ពស់នៃការថែរក្សាការពារនូវសត្វព្រៃ និង​លំនឹក​បរិស្ថាន​ឲ្យកាន់តែមានប្រសិទ្ធភាពថែមទៀត។តាមរអនុក្រឹត្យដែលទូរទស្សន៍BTVទទួលបាននាថ្ងៃទី១៣ ខែសីហា ឆ្នាំ២០២៣នេះ បានឲ្យដឹង ថា ការពង្រីកនូវផ្ទៃដី​នៃដែនជម្រកសត្វព្រៃខាងលើនេះ គឺ​ដើម្បី​ធានា​ឱ្យ​មាន​ការ​ថែទាំ​ទី​ជម្រក​សត្វ​ព្រៃ ប្រព័ន្ធអេកូឡូស៊ី និងសារព័នមជ្ឈដ្ឋានធម្មជាតិ ដោយ​មាន​ការ​បំពេញ​លក្ខ​ខណ្ឌ​ចាំបាច់​ សម្រាប់​ប្រភេទ​ណាមួយ នៃសត្វរុក្ខជាតិ និងជីវៈចម្រុះ, រក្សាលំនឹងបរិស្ថាន និង​រួម​ចំណែក​កាត់​បន្ថយ​ការ​ប្រែប្រួល​អាកាស​ធាតុ និងហានិភ័យគ្រោះមហន្តរាយធម្មជាតិ, ផ្តល់​ផលិតផល​ និង​សេវា​កម្ម​ធម្មជាតិ​ សម្រាប់​ការ​ប្រើប្រាស់​ប្រកប​ដោយ​និរន្តរភាព​,គាំទ្រ​ដល់​ការ​អភិវឌ្ឍ​សេដ្ឋកិច្ច​សង្គម​ និង​សហគមន៍​មូលដ្ឋាន ដើម្បីរួមចំណែកក្នុងកិច្ចគាំពារបរិស្ថាន ការអភិរក្សជីវៈចម្រុះ ការ​ការពារ​ធនធាន​ធម្មជាតិ និងការរស់នៅដោយចីរភាព, និង​លើក​កម្ពស់​ការ​ចូលរួម​របស់​សហគមន៍​មូល​ដ្ឋាន​ ក៏ដូចជាសាធារណជនក្នុងការចូលរួមចំណែកដល់ការគ្រប់គ្រង ការការពារ និង​ការ​អភិរក្ស​ជីវៈ​ចម្រុះ និងធនធានធម្មជាតិក្នុងតំបន់ជាដើម។រាជរដ្ឋាភិបាល បានប្រគល់ឲ្យក្រសួងបរិស្ថានមានសមត្ថកិច្ចរៀបចំកែប្រែ និងគ្រប់​គ្រង​តំបន់​ដែន​ជម្រក​សត្វ​ព្រៃព្រែក​ប្រសព្វ ដោយសហការជាមួយក្រសួង ស្ថាប័នពាក់ព័ន្ធ និង​រដ្ឋបាល​ខេត្ត​ក្រចេះ​ ដើម្បីធានាដល់ការគ្រប់គ្រងបរិស្ថាន ការគ្រប់គ្រងជីវៈចម្រុះ ការប្រើ​ប្រាស់​ធនធាន​ធម្មជាតិ​ប្រកប​ដោយ​និរន្តរភាព និងការរស់នៅដោយចីរភាពស្របតាមច្បាប់ និង​លិខិត​បទដ្ឋាន​គតិយុត្ត​ជា​ធរមាន​ផង​ដែរ។លិខិតបទដ្ឋានគតិយុត្តដែលពាក់ព័ន្ធនឹងការកំណត់តំបន់សហគមន៍ តំបន់ប្រើប្រាស់ដោយចីរភាព ការ​វិនិយោគ ការចេញប័ណ្ណដីធ្លី ឬការអនុញ្ញាតឱ្យប្រើប្រាស់ដីធ្លី ដែល​អនុ​លោម​តាម​អនុក្រឹត្យ​ ស្តីពី​ការ​បង្កើត ដែនជម្រកសត្វព្រៃព្រែកប្រសព្វ អនុក្រឹត្យ​ស្ដីពី​ការ​បង្កើត​របៀង​អភិរក្ស​ជីវៈ​ចម្រុះ​ប្រព័ន្ធ​តំបន់​ការពារធម្មជាតិ ច្បាប់ និងលិខិតបទដ្ឋានគតិយុត្តពាក់ព័ន្ធជាធរមាន ត្រូវ​មាន​អានុភាព​អនុវត្ត​បន្ត​រហូត​ដល់​មាន​លិខិត​បទដ្ឋាន គតិយុត្ត​ថ្មី​មក​ជំនួស​ស្រប​តាម​បទ​ប្បញ្ញត្តិ​ នៃ​អនុក្រឹត្យ​នេះ​។រាជរដ្ឋាភិបាលបានបញ្ជាឲ្យរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញ​វត្ថុ​ រដ្ឋមន្ត្រីក្រសួងបរិស្ថាន រដ្ឋមន្ត្រីគ្រប់ក្រសួង និងប្រធានគ្រប់ស្ថាប័នដែលពាក់ព័ន្ធ អភិបាល​ នៃគ​ណៈអភិបាលខេត្តក្រចេះ ត្រូវទទួលបន្ទុកអនុវត្តអនុក្រឹត្យ នេះតាម​ភារកិច្ច​រៀងៗ​ខ្លួន ចាប់ពីថ្ងៃចុះហត្ថលេខានេះតទៅផងដែរ៕ អត្ថបទ៖ បាន ចក់

រាជរដ្ឋាភិបាល ចេញអនុក្រឹត្យបង្កើតតំបន់ការពារទេសភាព «ប្រាសាទបាកាន (ព្រះខ័នកំពង់ស្វាយ)» ដោយមានផ្ទៃដីជាង ២ពាន់ហិកតា

2023/08/13 09:00:44 am        609
Facebook Telegram Linkin
រាជរដ្ឋាភិបាលកម្ពុជា បាន​ចេញ​អនុក្រឹត្យ​ដោយ​បង្កើត​តំបន់​ការពារ​ទេសភាព «ប្រាសាទ​បាកាន​(ព្រះខ័នកំពង់ស្វាយ)» ដែលស្ថិតនៅភូមិសាស្រ្តស្រុកសង្គមថ្មី ខេត្តព្រះវិហារ ដោយ​មាន​ផ្ទៃ​ដី​ចំនួន​២.១២៤ហិកតា ខណៈការបង្កើតនេះគឺដើម្បីការថែរក្សា និងការពារសោភ័ណ្ឌភាពធម្មជាតិ ថែ​រក្សាការពារវប្បធម៌ ប្រៃពៃណី និងធនធានធម្មជាតិជាដើម។យោងតាមអនុក្រឹត្យ ដែលទូរទស្សន៍BTVទទួលបាននាថ្ងៃទី១៣ ខែសីហា ឆ្នាំ២០២៣នេះ បាន បញ្ជាក់ថា ការដែលរាជរដ្ឋាភិបាលសម្រេចបង្កើតតំបន់ការពារទេសភាពនេះ គឺ​មាន​គោល​បំណង​ធានា​ការថែរក្សា និងការពារសោភ័ណ្ឌភាពធម្មជាតិ ប្រព័ន្ធអេកូឡូស៊ី សារព័នមជ្ឈដ្ឋានធម្មជាតិ សត្វព្រៃ រុក្ខជាតិ និងវប្បធម៌, ផ្តល់ផលិតផល និង​សេវា​កម្ម​ធម្ម​ជាតិ​ សម្រាប់​ការ​ប្រើប្រាស់​ប្រកប​ដោយ​និរន្តរភាព,ថែរក្សាការ ពារលំនឹងបរិស្ថានធម្មជាតិក្នុងតំបន់ប្រាសាទ, លើក​កម្ពស់​ការ​ចូល​រួម​របស់​សហគមន៍មូលដ្ឋានក៏ដូចជា សាធារណៈជនក្នុងការរួមចំណែកដល់ការគ្រប់គ្រង ការការពារ និង​ការអភិវឌ្ឍជីវៈចម្រុះ និងធនធាន ធម្ម ជាតិក្នុងតំបន់, និងថែរក្សាការពារវប្បធម៌ ប្រពៃណី​ការ​អភិវឌ្ឍ និង​សារៈសំខាន់ផ្នែកវប្បធម៌របស់សហគមន៍ មូលដ្ឋានជាដើម។អនុក្រឹត្យក៏បានបញ្ជាក់ផងដែរថា ផ្ទៃដីនៃអនុក្រឹត្យតំបន់ការពារទេសភាព «ប្រាសាទ​បាកាន​(ព្រះខ័នកំពង់ស្វាយ)»នេះមិនរួមបញ្ចូលដីកម្មសិទ្ធឯកជន និងដីប្រើប្រាស់​ជា​ប្រយោជន៍​សាធារណៈ​។ រាជរដ្ឋា ភិបាលបានប្រគល់ឲ្យក្រសួងបរិស្ថានមានសមត្ថកិច្ចរៀបចំ និងគ្រប់​គ្រង​តំបន់​ការពារ​ទេសភាព«ប្រាសាទ បាកាន(ព្រះខ័នកំពង់ស្ថាយ)»ដោយសហការជាមួយក្រសួង ស្ថាប័ន​ពាក់ព័ន្ធ រដ្ឋបាលខេត្តព្រះវិហារ និង កងកម្លាំងប្រដាប់អាវុធមានសមត្ថកិច្ច ដើម្បី​ធានា​កិច្ច​គាំ​ពារ​បរិស្ថាន ការភិរក្សប្រព័ន្ធអេកូឡូស៊ី ជីវៈចម្រុះ និង​ការ​ប្រើប្រាស់​ធន​ធាន​ធម្មជាតិ​ប្រកប​ដោយ​និរន្តរភាពផងដែរ។ រាជរដ្ឋាភិបាលក៏បានណែនាំឲ្យរដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី រដ្ឋមន្រ្តីក្រសួងមហាផ្ទៃ រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រដ្ឋ​មន្រ្តីក្រសួងបរិស្ថាន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទ និងរដ្ឋមន្រ្តីគ្រប់ក្រសួង ប្រធាន​ស្ថាប័នពាក់ព័ន្ធ ត្រូវអនុវត្តអនុក្រឹត្យ​នេះ​ឲ្យ​មាន​ប្រសិទ្ធ​ភាព​ខ្ពស់​ចាប់​​ពី​ចុះហត្ថលេខានេះតទៅផងដែរ៕ អត្ថបទ៖ បាន ចក់

សម្ដេចតេជោ៖ កងទ័ព គឺជាអ្នកការទូតសន្តិភាព

2023/08/11 08:29:17 pm        373
Facebook Telegram Linkin
ភ្នំពេញ ៖ ក្នុងឱកាសអនុញ្ញាតឱ្យនាយឧត្តមសេនីយ៍បណ្ឌិត ឌូឌុង អាប់ឌូរាចិមែន(DUDUNG ABDURACHMAN)មេបញ្ជាការកងទ័ពជើងគោកជាតិឥណ្ឌូណេស៊ី ចូលជួបសម្ដែងការគួរសម និងពិ ភាក្សាការងារនៅវិមានសន្តិភាពនារសៀលថ្ងៃទី១១ ខែសីហា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្ត្រី បានស្វាគមន៍និងលើកទឹកចិត្តឱ្យកងទ័ពនៃប្រទេសទាំង២បន្តពង្រីកកិច្ចសហប្រតិបត្តិការថែមទៀត ដោយសម្តេចចាត់ទុកកងទ័ពគឺជាអ្នកការទូតសន្តិភាព។​បើតាមឯកឧត្តម អ៊ាង សុផល្លែត ជំនួយការសម្តេចតេជោបានឱ្យដឹងថា ជំនួបរវាងសម្ដេចអគ្គមហាសេ នាបតីតេជោ ហ៊ុន សែន នាយករដ្ឋមន្ត្រី ជាមួយឯកឧត្តមDUDUNG ABDURACHMAN, ឯកឧត្តមបាន គោរពរាយការណ៍ជូនសម្ដេចតេជោ អំពីលទ្ធផលនៃជំនួបរវាងឯកឧត្តមផ្ទាល់ជាមួយមេបញ្ជាការកងទ័ ពជើងគោកស្ដីទីឯកឧត្ដម ម៉ៅ សុផាន់ ដែលក្នុងនោះគឺមានកិច្ចសហប្រតិបត្តិការដែលមានស្រាប់ និងការពង្រីកកិច្ចសហប្រតិបត្តិការបន្ថែម តាមរយៈការជំរុញឲ្យមានការផ្លាស់ប្ដូរបទពិសោធន៍កាន់តែខ្លាំងឡើង ការផ្លាស់ប្ដូរព័ត៌មានរវាងកងទ័ពទាំងពីរ និងជាពិសេសការពង្រីកវិសាលភាពនៃការហ្វឹកហាត់ក ងទ័ព។ជាការឆ្លើយតប សម្ដេចតេជោបានវាយតម្លៃខ្ពស់ចំពោះកិច្ចសហប្រតិបត្តិការ រវាងកងទ័ពនៃប្រទេសទាំងពីរ ហើយបានលើកទឹកចិត្តឲ្យពង្រីកកិច្ចសហប្រតិបត្តិការថែមទៀត ដោយចាត់ទុកថា កងទ័ពជាអ្នកការទូតសន្តិភាព៕ ដោយ៖ មុត សុទ្ធ

ក្រសួងអភិវឌ្ឍន៍ជនបទ ប្តេជ្ញាបង្កើនសកម្មភាពទេ្វដងកំណត់អត្តសញ្ញាណជនជាតិដើមភាគតិច នៅកម្ពុជា

2023/08/11 05:33:51 pm        327
Facebook Telegram Linkin
ភ្នំពេញ៖ ក្រសួងអភិវឌ្ឍន៍ជនបទ បានបង្ហាញការប្តេជ្ញាបង្កើនសកម្មភាពទ្វេដង កំណត់អត្តសញ្ញាណសហគមន៍ជនជាតិដើមភាគតិចនៅកម្ពុជា​ ដើម្បីបង្កើនសកម្មភាពថែរក្សា ការពារ អភិវឌ្ឍន៍ អភិរក្សជនជាតិដើមភាគតិច និងធានាបានការគ្រប់គ្រងដីសហគមន៍​ជនជាតិដើម​ភាគតិចឲ្យបានគង់វង្ស។នៅក្នុងឱកាសប្រារព្វទិវាអន្តរជាតិជនជាតិដើមភាគតិច ខួបលើកទី៧៥ ថ្ងៃទី១១ខែសីហា ឆ្នាំ២០២៣ នៅសណ្ឋាគារ SUN and Moon លោកស្រី នួន មុនីចិន្តា ប្រធាន​នាយកដ្ឋានអភិវឌ្ឍន៍​ជនជាតិដើម​ភាគតិច នៃក្រសួងអភិវឌ្ឍន៍ជនបទ បានថ្លែងថា បច្ចុប្បន្នក្រសួងអភិវឌ្ឍន៍​បាននិងកំពុងយកចិត្ត​ទុកដាក់​ដល់ជីវភាព​ការរស់នៅរបស់ភូមិសហគមន៍ជនជាតិដើម​ភាគតិច ដែលរស់នៅតាម​បណ្តាខេត្តចំនួន១៥ ដែលមានភូមិចំនួន៤៥៥ភូមិជនជាតិភាគតិច ឲ្យមានជីវភាព ការអភិរក្ស អភិវឌ្ឍន៍បានល្អប្រសើរ។លោកស្រី បន្តថា គិតត្រឹមឆ្នាំ២០២៣នេះ ក្រសួងបានចេញលិខិតទទួលស្គាល់អត្តសញ្ញាណ​សហគមន៍​ជនជាតិដើមភាគតិច បានចំនួន១៧៧ភូមិជនជាតិ និងបានរៀបចំបទបញ្ជាផ្ទៃក្នុង​សម្រាប់​ជនជាតិដើមភាគតិចបានចំនួន៩៨សហគមន៍ ហើយនៅសល់២៧៩ភូមិទៀត គឺបាននឹងកំពុង​ពន្លឿន​រៀបចំ​ចេញលិខិតទទួលស្គាល់អត្តសញ្ញាណជនជាតិដើមភាគតិចទៀត​ ដើម្បីធ្វើការថែររក្សា អភិរក្ស អភិវឌ្ឍន៍ ​ឲ្យបានគង់វង្សនូវទំនៀមទំលាប់ ​ប្រពៃណីជនជាតិដើមភាគតិចទាំងអស់នោះ ឲ្យបានស្ថិតស្ថេរយូរអង្វែង ។សូមបញ្ជាក់ថា ទិវាអន្តរជាតិជនជាតិដើមភាគតិចពិភពលោក ខួបលើកទី៧៥ ឆ្នាំ២០២៣ បាន​ប្រារព្ធ ក្រោមប្រធានបទ ​(លើកកម្ពស់ការចូលរួមប្រកបដោយបរិយាបន្ន និង​ភាពជាដៃគូរវាងជនជាតិដើម​ភាគតិច រដ្ឋាភិបាល ​សង្គមស៊ីវិល និងដៃគូអភិវឌ្ឍន៍) និង ​(យុវជនជនជាតិដើមភាគតិច ជា​តួអង្គនៃការ​ផ្លាស់ប្តូរ ដើម្បីសិទ្ធិស្វ័យសម្រេច) ​ហើយតាមរយៈទិវានេះ បណ្តាញ​អង្គការសមាគមន៍​ជនជាតិដើមភាគតិចនៅកម្ពុជា ​ក៏បានស្នើសុំដៃគូរាជរដ្ឋាភិបាល ​សង្គមស៊ីវិល និងអ្នកពាក់ព័ន្ធ​ផ្សេងទៀត ​រួមទាំងភ្នាក់ងារអង្គការសហប្រជាជាតិ ដៃគូអភិវឌ្ឍន៍ ​និងស្ថានទូតនានា ស្នើជួយ​បង្កើនការគាំទ្រដោយផ្ទាល់ និងលើក​កម្ពស់​ការដាក់​បញ្ចូលអង្គការ និងសហគមន៍ជនជាតិ​ដើមភាគតិច ​ក្នុងគោលបំណង ​ជំរុញការអភិរក្ស អភិវឌ្ឍន៍ប្រកបបចីរភាព និង ការយល់ដឹង​សិទ្ធជនជាតិ​ដើមភាគតិច ​ជាពិសេសស្ត្រី ​និងយុវជន ​ទាក់ទងការការពារប្រពៃណី និង​អត្តសញ្ញាណវប្បធម៌ ដើម្បីចូលរួមចំណែកលុបបំបាត់ ​ទម្រង់ការរើសអើង​ លើជនជាតិដើមតិច និង​ជំរុញផ្សព្វផ្សាយផលិតផលប្រពៃណី ​វប្បធម៌និងរបៀបការរស់នៅជនជាតិដើមភាគតិច៕អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

សម្ដេចធិបតី ហ៊ុន ម៉ាណែត ថ្លែងអំណរគុណដល់បងប្អូនមហាគ្រួសារខ្មែរ ដែលបានជួបជុំគ្នាជាលើកទីពីរ ជាសារលើកទឹកចិត្តដ៏ធំធេងទៅដល់វីរកងទ័ពជួរមុខ
07/19/2025 10:07 PM
Facebook Telegram Linkin
ប្រតិភូគណៈចលនាសាសនិកឥស្លាមកម្ពុជា នាំយកអំណោយឧបត្ថម្ភជូនកងកម្លាំងជួរមុខ ដែលកំពុងឈរជើងការពារព្រំដែន ខេត្តព្រះវិហារ
07/19/2025 08:07 PM
Facebook Telegram Linkin
ឯកឧត្តម ឌិត ទីណា អញ្ជើញបើកកិច្ចប្រជុំបូកសរុបសកម្មភាព និងលទ្ធផលការងារមូលដ្ឋានខេត្តបន្ទាយមានជ័យ
07/19/2025 07:07 PM
Facebook Telegram Linkin
កូនប្រុសពៅសម្ដេចធិបតី ហ៊ុន ម៉ាណែត ទទួលបានមេដាយមាសសិស្សឆ្នើម លើការប្រកួតគណិតវិទ្យាអន្តរជាតិ ចំណាត់ថ្នាក់លេខមួយ ៣ឆ្នាំជាប់គ្នា
07/19/2025 05:07 PM
Facebook Telegram Linkin
ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បន្តចុះពិនិត្យ ព្យាបាលជំងឺ ជូនប្រជាពលរដ្ឋដោយឥតគិតថ្លៃ នៅឃុំតាសាល ស្រុកឱរ៉ាល់ ខេត្តកំពង់ស្ពឺ
07/19/2025 05:07 PM
Facebook Telegram Linkin
ចិនប្តេជ្ញាចាត់វិធានការកាន់តែតឹងរ៉ឹង ប្រឆាំងនឹងការរត់ពន្ធរ៉ែយុទ្ធសាស្ត្រ
07/19/2025 05:07 PM
Facebook Telegram Linkin
មន្ត្រីជាន់ខ្ពស់ក្រសួងធម្មការនិងសាសនាណែនាំដល់យុវជនត្រូវធ្វើអំពើល្អនិងខិតខំរៀនសូត្រដើម្បីបន្តការពារនិងអភិវឌ្ឍន៍ជាតិ
07/19/2025 05:07 PM
Facebook Telegram Linkin
លោក Zelenskyy៖ រុស្ស៊ីបាញ់មីស៊ីលជាង ៣០គ្រាប់ និងយានដ្រូន ៣០០គ្រឿង អំឡុងការវាយប្រហារលើអ៊ុយក្រែន
07/19/2025 05:07 PM
Facebook Telegram Linkin
មនុស្សយ៉ាងតិច ១៩នាក់ រងរបួសដោយសារការផ្ទុះកាំជ្រួចនៅកន្លែងតាំងពិព័រណ៍ ភាគខាងលិចអាល្លឺម៉ង់
07/19/2025 05:07 PM
Facebook Telegram Linkin
កុងហ្គោ និងក្រុមឧទ្ទាម M23 ចុះហត្ថលេខាលើកិច្ចព្រមព្រៀងឈប់បាញ់ នៅកាតា
07/19/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.