BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

នយោបាយ និង ការអភិវឌ្ឍន៍

សម្តេចតេជោ ស្នើមិត្តចិនផលិតវ៉ាក់សាំងនៅក្នុងប្រទេសកម្ពុជា

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងស្នើសុំមិត្តចិនផលិតវ៉ាក់ សាំងនៅក្នុងប្រទេសកម្ពុជាផ្ទាល់តែម្តង។ក្នុងឱកាសអញ្ជើញទទួលជំនួយវ៉ាក់សាំងពីមិត្តចិន ចំនួនពីរលានដូសបន្ថែមទៀត នៅអាកាស យានដ្ឋានអន្តរជាតិភ្នំពេញ នៅព្រឹកថ្ងៃទី១៧ ខែវិច្ឆិកានេះ ក្នុងពិធីអបអសាទរការផ្តល់វ៉ាក់សាំងដោយជោគជ័យរបស់រដ្ឋាភិបាល និងប្រជាជនចិន ចំពោះយុទ្ធនាការចាក់ជុំទីមួយ របស់រាជរដ្ឋាភិបាលកម្ពុជា សម្តេចតេជោ ហ៊ុន សែន បានបញ្ជាក់ថា ការមានគម្រោងស្នើសុំមិត្តចិនផលិតវ៉ាក់សាំងនៅក្នុងប្រទេស ផ្ទាល់តែម្តង ដើម្បីងាយស្រួលបំពេញតម្រូវការទៅមុខជាបន្តទៀត។ប្រទេសចិន បានជាប្រទេសឈានមុខគេ ក្នុងការផ្គត់ផ្គង់វ៉ាក់សាំងបង្ការជំងឺកូវីដ-១៩ មកដល់ ប្រទេសកម្ពុជា ហើយក៏ជាប្រទេស ដែលបានផ្តល់ជំនួយវ៉ាក់សាំងមុនគេមកកម្ពុជា គឺបានផ្តល់មកដល់ដំបូង នៅថ្ងៃទី០៧ ខែកុម្ភៈ ឆ្នាំ២០២១ ហើយគិតមកដល់ពេលនេះ ចិនបានផ្តល់វ៉ាក់សាំងដល់កម្ពុជាជិត ៣៩លានដូសហើយ។តាមរយៈវ៉ាក់សាំងដែលទទួលបានជាបន្តបន្ទាប់ រួមទាំងពីបណ្តាប្រទេសជាមិត្តមួយចំនួនទៀត បើតាមរបាយការណ៍របស់ក្រសួងសុខាភិបាល បានបង្ហាញថា កំណើនអត្រាចាក់វ៉ាក់សាំងកូវីដ-១៩ នៅកម្ពុជាគិតត្រឹមថ្ងៃទី១៦ ខែវិច្ឆិកានេះ គឺសម្រេចបានចំនួនជាង១៤លាននាក់ ស្មើនឹងជិត៨៨ភាគរយ ធៀបនឹងចំនួនប្រជាជនសរុប១៦លាននាក់៕អត្ថបទ៖ មុត សុទ្ធ

វ៉ាក់សាំងបង្ការជំងឺកូវីដ-១៩ចំនួន ២លានដូសទៀតដែលជាជំនួយរបស់ចិនបានមកដល់កម្ពុជានៅព្រឹកថ្ងៃនេះ

ភ្នំពេញ៖ វ៉ាក់សាំងបង្ការជំងឺកូវីដ-១៩ចំនួន ២លានដូសបន្ថែមទៀត ដែលជាជំនួយរបស់ប្រទេសចិនមកឱ្យរាជរដ្ឋាភិបាលកម្ពុជា ត្រូវបានដឹកជញ្ជូនមកដល់ប្រទេសកម្ពុជាហើយនៅព្រឹកថ្ងៃនេះ។វ៉ាក់សាំងចំនួន ២លានដូសនេះ ត្រូវបានប្រគល់ជូនមកកម្ពុជានៅព្រឹកថ្ងៃនេះផងដែរ ដោយសម្ដេចតេជោ ហ៊ុន សែន បានទៅទទួលវ៉ាក់សាំងនេះដោយផ្ទាល់នៅឯអាកាសយានដ្ឋានអន្តរជាតិភ្នំពេញ។ប្រទេសចិនបានចាប់ផ្ដើមផ្ដល់វ៉ាក់សាំងរបស់ខ្លួនមកកម្ពុជាកាលពីថ្ងៃទី១០ ខែកុម្ភៈកន្លងមកនេះ ហើយក៏បានក្លាយជាប្រទេសផ្ដល់ជំនួយវ៉ាក់សាំងច្រើនបំផុតមកកម្ពុជាផងដែរ។គិតត្រឹមថ្ងៃនេះ កម្ពុជាបានផ្ដល់វ៉ាក់សាំងបង្ការជំងឺកូវីដ-១៩ដល់ប្រជាជនរបស់ខ្លួនរហូតដល់ជាង ១៤លាននាក់ហើយ ឬប្រហែល ៨៨ភាគរយនៃចំនួនពលរដ្ឋសរុបខ្ទង់ ១៦លាននាក់។សន្ទុះនៃការចាក់វ៉ាក់សាំងដល់ប្រជាពលរដ្ឋខ្លួនបែបនេះ នាំឱ្យកម្ពុជាត្រូវបានចាត់ទុកជាប្រទេសឈានមុខគេមួយនៅលើពិភពលោក ដែលបានសម្រេចការចាក់វ៉ាក់សាំងដល់ប្រជាជនខ្លួនមានអត្រាគ្របដណ្ដប់ខ្ពស់៕

ចិនអះអាងថា អត្រាចាក់វ៉ាក់សាំងនៅប្រទេសកម្ពុជា បានឈានមុខគេនៅលើពិភពលោក

ភ្នំពេញ ៖ ឯកអគ្គរដ្ឋទូតចិនប្រចាំនៅកម្ពុជា លោក វ៉ាង វិនធៀន បានអះអាងថា អត្រាចាក់វ៉ាក់សាំងកូវីដ-១៩ ដល់ប្រជាជននៅប្រទេសកម្ពុជា បានឈានមុខគេនៅលើពិភពលោក ខណៈយុទ្ធនាការចាក់វ៉ាក់សាំងរបស់ រាជរដ្ឋាភិបាលកម្ពុជានេះ ពុំបានគិតថ្លៃ ហើយក៏ជាយុទ្ធសាស្រ្តដ៏ត្រឹមត្រូវបំផុត សម្រាប់ការពារសុខុមាលភាព របស់ប្រជាពលរដ្ឋខ្លួន។នៅក្នុងឱកាសផ្តល់ និងទទួលជំនួយវ៉ាក់សាំងពីមិត្តចិនចំនួនពីរលានដូសបន្ថែមទៀតដល់កម្ពុជា និងពិធីអបអសាទរការផ្តល់វ៉ាក់សាំងដោយជោគជ័យរបស់រដ្ឋាភិបាល និងប្រជាជន នៃសាធារណរដ្ឋប្រជាមានិតចិន ចំពោះយុទ្ធនាការចាក់វ៉ាក់សាំងជុំទី១ របស់រាជរដ្ឋាភិបាល នៃព្រះរាជាណាចក្រកម្ពុជា នាព្រឹកថ្ងៃទី១៧ ខែវិច្ឆិកានេះ នៅព្រលានយន្តហោះអន្តរជាតិភ្នំពេញ លោក វ៉ាង វិនធៀន បានលើកឡើងថា រដ្ឋាភិបាលចិន ពិតជាមានការកោតសរសើរចំពោះយុទ្ធនាការចាក់វ៉ាក់សាំងរបស់រាជរដ្ឋាភិបាលកម្ពុជា ដល់ប្រជាជនរបស់ខ្លួន ដោយរហូតមកដល់ពេលនេះ បានចំនួនជិត៨៨ភាគរយហើយចំពោះប្រជាជនសរុប ១៦លាននាក់។ឯកអគ្គរដ្ឋទូតចិនប្រចាំនៅកម្ពុជា ក៏បានថ្លែងកោតសរសើរចំពោះភាពដឹកនាំរបស់រាជរដ្ឋាភិបាល កម្ពុជា ជាពិសេសសម្តេចតេជោ ហ៊ុន សែន នាយករដ្ឋមន្រ្តីតែម្តង ដែលបានប្រើយុទ្ធសាស្ត្រដ៏ត្រឹមត្រូវ និងលឿនបំផុតក្នុងការបង្ការ និងទប់ស្កាត់ការរីរាលដាលនៃជំងឺកូវីដ-១៩ ដោយគិតបាន ខ្ពស់បំផុតចំពោះ សុខុមាលភាព និងអាយុជីវិតរបស់ប្រជាជនខ្លួននោះ។លោកទូតក៏បានបានញ្ជាក់ផងដែរថា រហូតមកដល់ពេលនេះ ចិនបានផ្តល់នូវវ៉ាក់សាំងឲ្យរាជរដ្ឋាភិបាល និងប្រជាជនកម្ពុជា ជិត៤០លានដូសហើយ ដែលនាំឱ្យកម្ពុជា មានលទ្ធភាពចាក់ជូនប្រជាពលរដ្ឋ ចាប់តាំងពីអាយុ៥ឆ្នាំឡើង ទៅបានប្រមាណ១៤លាននាក់ហើយ ធៀបនឹងចំនួន១៦លាននាក់៕អត្ថបទ៖ បាន ចក់

ស្ពានហាលអង្គរវត្តគ្រោង នឹងបញ្ចប់ការជួសជុលនៅចុងឆ្នាំ២០២១នេះ

សៀមរាប ៖ ក្រុមការងារនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ កំពុងបង្ហើយការងារដែលនៅសេសសល់ក្នុងការដ្ឋានជួសជុលស្ពានហាលប្រាសាទអង្គរវត្ត ហើយផែនការគ្រោង នឹងបញ្ចប់ទាំងស្រុងនៅចុងឆ្នាំ២០២១នេះ។លោក អន សុភាព បុរាណវិទូ និងជាប្រធានក្រុមការងារជួសជុលស្ពានហាលអង្គរវត្ត មានប្រសាសន៍ថា គិតត្រឹមពាក់កណ្ដាល ខែវិច្ឆិកានេះ គម្រោងជួសជុលស្ពានហាលអង្គរវត្តសម្រេចបានជិត ១០០ភាគរយហើយ។ លោក បន្ថែមថា ការងារនៅផ្នែកខាងលើនៃកម្រាលស្ពានសម្រេច៩៩ភាគរយហើយ ចំណែកនៅផ្នែកខាងក្រោមនៃជញ្ជាំងថ្មបាយក្រៀមសម្រេចបានប្រមាណ ៨០ភាគរយ ហើយអាចនឹងបញ្ចប់ទាំងស្រុងនៅចុងឆ្នាំ២០២១នេះ។ដោយឡែក ចំពោះការងារជួសជុលកំពង់ទឹកនៅផ្នែកខាងជើងនឹងត្រូវបន្ត ដែលគម្រោងនេះអាចនឹងប្រើពេលមួយឆ្នាំទៀតដើម្បីជួសជុលរួច។សូមបញ្ជាក់ថា គម្រោងជួសជុលស្ពានហាលអង្គរវត្តប៉ែកខាងជើងដំណាក់កាលទី២ មានប្រវែងសរុប ៩៤ម៉ែត្រ បានចាប់ផ្តើមដំណើរការពីឆ្នាំ២០១៦មក ដែលជាគម្រោងកិច្ចសហប្រតិបត្តិការរវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ាប្រទេសជប៉ុន៕

ពលរដ្ឋជាង ២០០០គ្រួសារ ក្នុងស្រុកពីរនៃខេត្តបាត់ដំបង កំពុងរងគ្រោះជំនន់ទឹកភ្លៀង

បាត់ដំបង ៖ ជំនន់ទឹកភ្លៀងនៅក្នុងស្រុករុក្ខគិរី និងស្រុកមោងឫស្សី ខេត្តបាត់ដំបង បង្កផលប៉ះពាល់ដល់ប្រជាពលរដ្ឋជាង២០០០គ្រួសារ ស្រូវជិតមួយពាន់ហិកតា និងផលដំណាំរួមផ្សំមួយចំនួនទៀត តែទឹកនៅក្នុងស្រុក រុក្ខគិរី បានស្រកចុះវិញខ្លះហើយ ប៉ុន្តែបន្តកើនឡើងនៅក្នុងស្រុកមោងឫស្សី ។លោកស្រី ប៊ិន បូឡែន អភិបាលស្រុករុក្ខគិរី បានឲ្យដឹងថា ជំនន់ទឹកភ្លៀងក្នុងស្រុករុក្ខគិរី បានប៉ះ ពាល់ចំនួន៥ឃុំ រួមមាន ឃុំបាសាក់ ព្រែកជីក ព្រៃត្រឡាច មុខរាណ៍ និងឃុំស្តុកប្រវឹក ស្មើនឹង៣០ភូមិ និងប្រជាពលរដ្ឋចំនួន ៩៨គ្រួសារស្មើនឹង៣៩២នាក់ ត្រូវបានជម្លៀសទៅកាន់ទីទួលសុវត្ថិភាព។លោក ឡុង សុភឺន អភិបាលរងស្រុកមោងឫស្សី បានឱ្យដឹងដែរថា ស្ថានភាពជំនន់ទឹកភ្លៀង នៅ ក្នុងស្រុកនេះ កំពុងបន្តហក់ឡើង បណ្ដាលឲ្យលិចលង់ដល់ផលដំណាំ ផ្លូវថ្នល់មួយចំនួន និងប៉ះពាល់ដល់ពលរដ្ឋ៤៥០គ្រួសារ។ ជំនន់ទឹកភ្លៀង រយៈពេលខ្លី នៅក្នុងស្រុកទាំងពីរនេះ មិនបណ្ដាលឱ្យប៉ះពាល់ដល់អាយុជីវិតមនុស្ស និងសត្វឡើយ។នៅព្រឹកថ្ងៃទី១៦ ខែវិច្ឆិកានេះ ឯកឧត្តម សុខ លូ អភិបាលខេត្តបាត់ដំបង បាននាំយកអំណោយ មនុស្សធម៌របស់សម្ដេចក្រឡាហោម ស ខេង និងលោកជំទាវ ទៅចែកជូនដល់ប្រជាពលរដ្ឋរងគ្រោះដោយជំនន់ទឹកភ្លៀង ចំនួន៩៨គ្រួសារ នៅស្រុករុក្ខគិរី ៕អត្ថបទ៖ នឿត សុភក្ត្រ

កម្ពុជាកំពុងរៀបចំផែនការយុទ្ធសាស្រ្តជាតិ ស្ដីពីកម្លាំងសេវាសង្គម ២០២២-២០៣១

ភ្នំពេញ ៖ កម្ពុជាដែលមានក្រសួងសង្គមកិច្ចជាសេនាធិការ បាននឹងកំពុងរៀបចំផែនការយុទ្ធសាស្រ្តស្ដីពីកម្លាំងសេវាសង្គម ២០២២-២០៣១។ ការរៀបចំផែនការយុទ្ធសាស្រ្តនេះ គឺបានឈានដល់កិច្ចប្រជុំលើសេចក្ដីព្រាងទី៣ កម្រិតជាតិ ដែលក្រសួងស្ថាប័ន ពាក់ព័ន្ធនិងវត្តមានដៃគូអភិវឌ្ឍន៍ចូលរួមផងដែរ។ក្រសួងសង្គមកិច្ចនាថ្ងៃនេះ បានរៀបចំកិច្ចប្រជុំសេចក្ដីព្រាងទី ៣ លើផែនការយុទ្ធសាស្រ្តជាតិស្ដីពីកម្លាំងសេវាសង្គម ២០២២-២០៣១ ដោយមានក្រសួងស្ថាប័នពាក់ព័ន្ធ និងវត្តមានរបស់ដៃគូអភិវឌ្ឍន៍ផងដែរ។ ក្នុងកិច្ចប្រជុំនេះ ឯកឧត្តម វង សូត រដ្ឋមន្រ្តីក្រសួងសង្គមកិច្ច បានមានប្រសាសន៍ថា កម្លាំងសេវាសង្គមដើរតួសំខាន់ក្នុងការគាំទ្រ លើកកម្ពស់សុខុមាលភាពរបស់ កុមារ គ្រួសារ និងក្រុមជនរងគ្រោះ ងាយរងគ្រោះ ដោយកាត់បន្ថយនូវភាពក្រីក្រ និងគ្រប់គ្រងហានិភ័យ ផ្ដល់សេវាការពារនិងភ្ជាប់ទំនាក់ទំនង ឱ្យទទួលបានសេវាសុខុមាលភាពដែលជាតម្រូវការគ្រប់កាលទេសៈ។ ឯកឧត្តមរដ្ឋមន្រ្តី បន្តថា កម្ពុជាត្រូវការកម្លាំងសេវាសង្គម ក្នុងការចូលរួមចំណែកផ្លាស់ប្ដូរសង្គម និងការកសាងសហគមន៍ប្រកបដោយផាសុខភាព ដែលប្រជាជនត្រូវការការគាំទ្រគ្រប់ប្រភេទ ផ្លូវចិត្ត សម្ភារៈ ការអប់រំ សង្គមនយោបាយ និងសេដ្ឋកិច្ច។ពាក់ព័ន្ធនឹងកម្លាំងសេវាសង្គមនេះ ឯកឧត្តម សំហេង បុរសរដ្ឋលេខាធិការក្រសួងសង្គមកិច្ចបញ្ជាក់ថា តួអង្គជា កម្លាំងសេវាសង្គមមានចំនួន ៤ប្រភេទ រួមមាន អ្នកអាជីពសង្គមកិច្ច អ្នកអាជីពសង្គមកិច្ចររង អ្នកសង្គមកិច្ចបឋម និងអ្នកសង្គមកិច្ចសម័្ពន្ធ។ ឯកឧត្តម បន្តថា បច្ចុប្បន្នក្រសួងកំពុងព្យាយាមបណ្ដុះបណ្ដាលតួអង្គទាំង ៤ នេះ ដើម្បីបម្រើដល់ផលប្រយោជន៍ប្រជាពលរដ្ឋ ស្របពេលដែលកម្ពុជាកំពុងមានការអភិវឌ្ឍយ៉ាងឆាប់រហ័ស។ យ៉ាងណាម៉ិញគិតត្រឹមពេលនេះ អ្នកអាជីបសង្គមកិច្ចនៅកម្ពុជា គឺមានចំនួនតិចតួចត្រឹមជិត ២០នាក់ប៉ុណ្ណោះ ចំណែកឯអ្នកទទួលបានការបណ្ដុះបណ្ដាលត្រឹមរយៈពេល ៣ខែ គឺមានច្រើន។ នេះជាការបញ្ជាក់បន្ថែម របស់ឯកឧត្តម សំហេង បុរស រដ្ឋលេខាធិការក្រសួងសង្គមកិច្ច។សព្វថ្ងៃទាក់ទងនឹងកម្មវិធីអប់រំការងារសង្គម ដែលផ្ដល់សញ្ញាបត្រជាផ្លូវការនៅប្រទេសកម្ពុជា មានកម្មវិធីចំនួន ៤ ដោយបរិញ្ញាបត្រចំនួន ៣ និងបរិញ្ញាបត្រជាន់ខ្ពស់ចំនួន ១៕អត្ថបទ៖ គឹមហុក

ពលរដ្ឋក្នុងស្រុកបីនៃខេត្តតាកែវ ចាប់ផ្ដើមទទួលវ៉ាក់សាំងដូសទីបី

ភ្នំពេញ ៖ នៅថ្ងៃទី១៥ ខែវិច្ឆិកានេះ យុទ្ធនាការចាក់វ៉ាក់សាំងដូសទី៣ ជូនប្រជាពលរដ្ឋក្នុងស្រុកបី នៃខេត្តតាកែវ បានចាប់ផ្ដើម ហើយមួយថ្ងៃម្សិលមិញនោះ ការចាក់វ៉ាក់សាំងសម្រេចបានជាង ១ម៉ឺននាក់។កាលពីម្សិលមិញ ក្រុមគ្រូពេទ្យក្រសួងការពារជាតិ និងក្រុមគ្រូពេទ្យខេត្តតាកែវ បានបើកដំណើរ ការចាក់វ៉ាក់សាំងដូសទី៣ ឬ ដូសជំរុញជូនប្រជាពលរដ្ឋនៅក្នុងស្រុកស្រុកបាទី សំរោង និងស្រុកត្រាំកក់ ដែលប្រជាពលរដ្ឋក្នុងស្រុកបាទី និងស្រុកសំរោង ត្រូវចាក់ដោយក្រុមគ្រូពេទ្យរបស់ក្រសួងការពារជាតិ ចំណែកពលរដ្ឋស្រុកត្រាំកក់ ត្រូវចាក់ដោយក្រុមគ្រូពេទ្យរបស់ខេត្ត នៅក្នុងមណ្ឌលសុខភាពចំនួន១៤។ នេះបើតាមការឱ្យដឹងពីលោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ។លោកវេជ្ជបណ្ឌិត បានឱ្យដឹងទៀតថា ប្រជាពលរដ្ឋ ដែលនឹងត្រូវចាក់វ៉ាក់សាំងដូសទី៣ នៅក្នុង ស្រុកទាំងបីនេះ មានចំនួនប្រមាណ៣០ម៉ឺននាក់ ហើយអាជ្ញាធរ បានជ្រើសរើសវត្តចំនួន២១ នៅក្នុងស្រុកសំរោង និងស្រុកបាទី ធ្វើជាទីតាំងសម្រាប់ចាក់វ៉ាក់សាំងជូនប្រជាពលរដ្ឋ ចំណែកក្នុងស្រុកត្រាំកក់ អាជ្ញាធរ បានជ្រើសរើសមណ្ឌលសុខភាពចំនួន១៤ ធ្វើជាទីតាំងចាក់វ៉ាក់សាំង។លោកប្រធានមន្ទីរសុខាភិបាលខេត្តតាកែវ បានឱ្យដឹងបន្ថែមថា ចំពោះប្រជាពលរដ្ឋរស់នៅក្នុងក្រុង ស្រុកចំនួន៧ទៀត អាជ្ញាធរ នឹងរៀបចំចាក់វ៉ាក់សាំងជូនដូសទី៣ នៅក្នុងខែក្រោយ៕អត្ថបទ៖ គុជ វិភាគ

រដ្ឋមន្ត្រីទេសចរណ៍ ជំរុញការពង្រឹងអនុវត្តវិធានសុខាភិបាល អំឡុងឈប់សម្រាកបុណ្យអុំទូក ខាងមុខនេះ

ភ្នំពេញ ៖ នៅក្នុងព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែឆ្នាំនេះ គ្រប់មន្ត្រីរាជការ កម្មករនិយោជិកអាចឈប់សំរាកបានរហូតដល់៤ថ្ងៃ ហើយក៏ជាឱកាសជំរុញឲ្យភ្ញៀវទេសចរក្នុងស្រុក នឹងចេញដើរកម្សាន្តច្រើនទៅតាមគោលដៅទេសចរណ៍នានា។សម្រាប់បញ្ហានេះ រដ្ឋមន្ត្រីក្រសួងទេសចរណ៍អំពាវនាវអាជ្ញាធរមូលដ្ឋានពង្រឹងការអនុវត្តវិធានសុខាភិបាល និងអនុវត្តវិធាន SOP ដើម្បីគោលដៅទេសចរណ៍រឹតតែមានសុវត្ថិភាពថែមទៀត។ឯកឧត្តម ថោង ខុន រដ្ឋមន្ត្រីក្រសួងទេសចរណ៍ មានប្រសាសន៍ថា នៅសល់ប្រមាណតែ៣ថ្ងៃទៀតប៉ុណ្ណោះ ការឈប់សំរាកព្រះរាជពិធីបុណ្យអុំទូក នឹងឈានចូលមកដល់ ហើយនៅក្នុងឱកាសការឈប់សំរាកនោះ ប្រសិនបើភ្ញៀវទេសចរក្នុងស្រុកដែលចេញដើរកម្សាន្ត និងអាជីវកម្មទេសចរណ៍នានានៅតាមបណ្តាគោលដៅទេសចរណ៍ បន្តអនុវត្តវិធានសុខាភិបាល អនុវត្តនីតិវិធីប្រតិបត្តិស្តង់ដាអប្បបរមា SOP ឲ្យរឹតតែល្អប្រសើរថែមទៀត ហើយនឹងមិនមានករណីឆ្លងថ្មីនៃមេរោគកូវីដ១៩ច្រើននោះ នៅក្រោយបុណ្យអុំទូក កម្ពុជាទាំងមូលនឹងក្លាយជាប្រទេសមានសុវត្ថិភាព និងមានភាពស៊ាំក្នុងសហគមន៍បានល្អជាមួយនឹងការចាក់វ៉ាក់សាំងលើប្រជាពលរដ្ឋដ៏ច្រើនលើសលប់។បើភ្ញៀវអន្តរជាតិក្នុងស្រុក បានយល់ឃើញថា ក្នុងអំឡុងពេលដែលដើរកម្សាន្តទៅតាមគោលដៅទេសចរណ៍និងតាមអាជីវកម្មទេសចរណ៍ កត់សំគាល់ឃើញថា គ្រប់បណ្តាមូលដ្ឋានអាជីវកម្មទេសចរណ៍ទាំងសេវាស្នាក់នៅ និងសេវាម្ហូបអាហារ គឺបានត្រៀមខ្លួន និងរៀបចំដំណើរការបើកដំណើរអាជីកម្មដោយមានការប្រុងប្រយ័ត្នបានល្អ ហើយលោកក៏បានស្នើពលរដ្ឋបន្តអនុវត្តវិធាន៣កុំ៣ការពារ ខណៈកូវីដ១៩មិនទាន់ផុតរលុតទាំងស្រុងនោះទេ។បើតាមលោកលូ ម៉េង ប្រធានសហភាពសហព័ន្ធទេសចរណ៍កម្ពុជា បានថ្លែងថា ការប្រកាសបើកទទួលភ្ញៀវទេសចរអន្តរជាតិដោយលើកលែងការធ្វើចត្តាឡីស័កសម្រាប់ភ្ញៀវអន្តរជាតិបានចាក់វ៉ាក់សាំង របស់ប្រមុខថ្នាក់ដឹកនាំរាជរដ្ឋាភិបាល នៅមុនថ្ងៃបុណ្យអុំនេះ គឺបានរួមចំណែកលើកទឹកចិត្តជម្រុញទេសចរក្នុងស្រុកចេញដើរកម្សាន្តកាន់តែច្រើនថែមទៀត។នៅក្នុងឱកាសថ្ងៃឈប់សំរាកបុណ្យអុំទូក ខណៈដែលគ្រប់អាជីវកម្មទេសចរណ៍ជាង៥០% ដែលបានបើកឡើងវិញក្នុងអំឡុងពេលនេះ គឺគេសុទ្ធតែទទួលបានការណែនាំពីអាជ្ញាធរមូលដ្ឋានពីការអនុវត្តវិធានសុខាភិបាល និងការប្រតិបត្តិការស្តង់ដារអប្បបរមាSOP ដើម្បីទប់ស្កាត់កូវីដ១៩៕អត្ថបទ ស៊ុម សុខជា

ពលរដ្ឋ ៖ ក្រោយចាក់វ៉ាក់សាំងដូសទី៣ គឺមានប្រតិកម្មខ្លាំងជាងដូសមុនៗ តែមានសុវត្ថិភាពកាន់តែខ្ពស់

ភ្នំពេញ ៖ ប្រជាពលរដ្ឋរស់នៅក្នុងរាជធានីភ្នំពេញ បានះអាងថា ក្រោយចាក់វ៉ាក់សាំងបង្ការជំងឺកូវីដ-១៩ ដូសទី៣រួចមក គឺមានការប្រតិកម្មខ្លាំងជាងដូសមុនៗ ពោលគឺក្តៅខ្លួន និងឈឺក្បាលជាដើម។ស្ថិតក្នុងបរិបទជំងឺកូវីដ-១៩ ប្រជាពលរដ្ឋរស់នៅក្នុងរាជធានីភ្នំពេញ នៅថ្ងៃទី១៦ ខែវិច្ឆិកានេះ បានប្រាប់BTVឲ្យដឹងថា ក្រោយចាក់វ៉ាក់សាំងបង្កាជំងឺកូវីដ-១៩ ដូសទី៣រួចរាល់ហើយ គឺមានសុវត្ថិភាព កាន់តែខ្ពស់ ដើម្បីការពារកុំឲ្យឆ្លងជំងឺកូវីដ-១៩ ជាពិសេសមេរោគបំប្លែងថ្មី។ ពួកគេ បានបន្តថា ចាក់វ៉ាក់ សាំងដូសទី៣ គឺមានការប្រតិកម្មខ្លាំងជាងដូសមុនៗ ពោលគឺក្តៅខ្លួន និងឈឺក្បាលមួយថ្ងៃពីរថ្ងៃ ទើបបាត់អាការៈទាំងអស់នេះ។ជាមួយគ្នានេះ ពលរដ្ឋមកទទួលការចាក់វ៉ាក់សាំងកូវីដដូសទី៣ នៅមណ្ឌលសុខាភាពជ្រោយចង្វា បានលើកឡើងដែរថា ការចាក់វ៉ាក់សាំងកូវីដ-១៩ ពិតជារឿងសំខាន់ ក្នុងពេលដែលប្រទេសកម្ពុជា បានបើកឡើងវិញតាមបែបគន្លងថ្មី ព្រោះថាពេលចូលក្នុងទីតាំងផ្សេងៗ ត្រូវបង្ហាញកាតចាក់វ៉ាក់សាំង ហើយជាពិសេសការពារពីជំងឺកូវីដ-១៩។ ក្រៅពីនេះ ពួកគេបានអគុណចំពោះរាជរដ្ឋាភិបាល ដែលបានស្វះស្វែងរក វ៉ាក់សាំងមកចាក់ជូនពលរដ្ឋដោយឥតគិតថ្លៃ។យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ ចេញផ្សាយនៅពេលថ្មីៗនេះ បាន បង្ហាញថា ដំណើរការចាក់វ៉ាក់សាំងកូវីដ-១៩ ជូនពលរដ្ឋសេសសល់ រាប់ទាំងដូសទី១ រហូតដល់ដូសទី៣ នៅតែបន្តដំណើរក្នុងទីតាំងសុខាភិបាលសាធារណៈ បើទោះបីយុទ្ធនាការត្រូវបានបិទបញ្ចប់ហើយក្តី។ ក្រៅពីនេះ រដ្ឋបាលរាជធានីភ្នំពេញ បានអំពាវដល់ប្រជាពលរដ្ឋ សូមទៅចាក់វ៉ាក់សាំងឲ្យបានគ្រប់ៗគ្នា។នៅកម្ពុជា ការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោមវិធានការសុខាភិបាលចាំ បាច់ដទៃទៀត ដែលនឹងបង្ការការរាតត្បាត ការចម្លងជំងឺកូវីដ-១៩ និងកាត់បន្ថយផលប៉ះពាល់ នៃជំងឺ កូវីដ-១៩ ទៅលើវិស័យសេដ្ឋកិច្ច និងសង្គម។ បច្ចុប្បន្នកម្ពុជាទទួលបានជោគជ័យលើនយោបាយចាក់វ៉ាក់ សាំងជូនពលរដ្ឋបានជាច្រើនលាននាក់ ហើយបានបើកប្រទេសឡើងវិញ តាមបែបគន្លងថ្មីផងដែរ៕អត្ថបទ៖ ទូច សោភ័ណ

WHO ៖ កម្ពុជាជាជើងឯកមួយក្នុងការគ្រប់គ្រងជំងឺកូវីដ-១៩ រហូតដល់បើកដំណើរការប្រទេសឡើងវិញ

ភ្នំពេញ ៖ លោកស្រី លី អាយទ្បែន នាយិកាអង្គការសុខភាពពិភពលោកដែលហៅកាត់ថា WHO ប្រចាំកម្ពុជា បានអះអាងថា កម្ពុជាគឺជាប្រទេសជើងឯកមួយ ដែលបានថែរក្សាតុល្យភាព រវាងការគ្រប់គ្រងជំងឺកូវីដ-១៩ រហូតដល់បើកប្រទេសឡើងវិញ ប្រកបដោយចីរភាព ដោយការបើកនេះ ក៏នឹងទទួលបានជោគជ័យផងដែរ។ក្នុងឱកាសប្រគល់ និងទទួលវ៉ាក់សាំងកូវីដ-១៩ ប្រភេទ Astrazeneca ចំនួន៣២ម៉ឺន៤ពាន់ដូស បន្ថែមទៀត ដែលបានផ្ដល់ជូនតាមរយៈយន្ដការកូវ៉ាក់ដល់ប្រទេសកម្ពុជា កាលពីល្ងាចថ្ងៃទី១៥ ខែវិច្ឆិកានេះ លោកស្រី លី អាយឡែន បានលើកឡើងថា ប្រទេសកម្ពុជា នឹងទទួលបានជោគជ័យ ក្នុងការបើកដំណើរការប្រទេសឡើងវិញ ហើយការបើកនេះ ក៏អាចចាត់ទុកថាជាដំណាក់កាលមួយ ដែលកំពុងរៀនសូត្រផងដែរ។យ៉ាងណាក៏ដោយលោកស្រី លី អាយទ្បែន ក៏បានលើកឡើងផងដែរថា ការចាប់ផ្ដើមបើកដំណើរ ការប្រទេសឡើងវិញនេះ គឺជាដំណាក់កាលថ្មីមួយសម្រាប់រៀនសូត្រ ហើយជោគជ័យ ឬបរាជ័យ ដែលនឹងសម្រេចបាន គឺអាស្រ័យទៅលើការចូលរួមរបស់បុគ្គលម្នាក់ៗ និងការចូលរួមរបស់វិស័យនីមួយៗជាដើម។ទាក់ទងនឹងវ៉ាក់សាំងតាមរយៈយន្តការកូវ៉ាក់នេះដែរ លោកស្រី លី អាឡែន បានបញ្ជាក់ម្តងទៀតថា អង្គការសុខាភាពពិភពលោក នឹងបន្តជួយប្រជាជនកម្ពុជា ដូចអ្វីដែលបានសន្យា។ រហូតមកដល់ បច្ចុប្បន្ននេះ វ៉ាក់សាំងតាមរយៈកូវ៉ាក់នេះ បានមកដល់ប្រទេសកម្ពុជា ចំនួនជាង៤០ភាគរយហើយ ហើយ នឹងមកដល់ជាបន្តបន្ទាប់ទៀតនៅឆ្នាំក្រោយឲ្យគ្រប់គម្រោង ដែលមានចំនួនជាង ៦.៦លានដូស៕អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ស្នើមិត្តចិនផលិតវ៉ាក់សាំងនៅក្នុងប្រទេសកម្ពុជា

វ៉ាក់សាំងបង្ការជំងឺកូវីដ-១៩ចំនួន ២លានដូសទៀតដែលជាជំនួយរបស់ចិនបានមកដល់កម្ពុជានៅព្រឹកថ្ងៃនេះ

ចិនអះអាងថា អត្រាចាក់វ៉ាក់សាំងនៅប្រទេសកម្ពុជា បានឈានមុខគេនៅលើពិភពលោក

ស្ពានហាលអង្គរវត្តគ្រោង នឹងបញ្ចប់ការជួសជុលនៅចុងឆ្នាំ២០២១នេះ

ពលរដ្ឋជាង ២០០០គ្រួសារ ក្នុងស្រុកពីរនៃខេត្តបាត់ដំបង កំពុងរងគ្រោះជំនន់ទឹកភ្លៀង

កម្ពុជាកំពុងរៀបចំផែនការយុទ្ធសាស្រ្តជាតិ ស្ដីពីកម្លាំងសេវាសង្គម ២០២២-២០៣១

ពលរដ្ឋក្នុងស្រុកបីនៃខេត្តតាកែវ ចាប់ផ្ដើមទទួលវ៉ាក់សាំងដូសទីបី

រដ្ឋមន្ត្រីទេសចរណ៍ ជំរុញការពង្រឹងអនុវត្តវិធានសុខាភិបាល អំឡុងឈប់សម្រាកបុណ្យអុំទូក ខាងមុខនេះ

ពលរដ្ឋ ៖ ក្រោយចាក់វ៉ាក់សាំងដូសទី៣ គឺមានប្រតិកម្មខ្លាំងជាងដូសមុនៗ តែមានសុវត្ថិភាពកាន់តែខ្ពស់

WHO ៖ កម្ពុជាជាជើងឯកមួយក្នុងការគ្រប់គ្រងជំងឺកូវីដ-១៩ រហូតដល់បើកដំណើរការប្រទេសឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ស្នើមិត្តចិនផលិតវ៉ាក់សាំងនៅក្នុងប្រទេសកម្ពុជា

ចិនអះអាងថា អត្រាចាក់វ៉ាក់សាំងនៅប្រទេសកម្ពុជា បានឈានមុខគេនៅលើពិភពលោក

ស្ពានហាលអង្គរវត្តគ្រោង នឹងបញ្ចប់ការជួសជុលនៅចុងឆ្នាំ២០២១នេះ

ពលរដ្ឋជាង ២០០០គ្រួសារ ក្នុងស្រុកពីរនៃខេត្តបាត់ដំបង កំពុងរងគ្រោះជំនន់ទឹកភ្លៀង

កម្ពុជាកំពុងរៀបចំផែនការយុទ្ធសាស្រ្តជាតិ ស្ដីពីកម្លាំងសេវាសង្គម ២០២២-២០៣១

ពលរដ្ឋក្នុងស្រុកបីនៃខេត្តតាកែវ ចាប់ផ្ដើមទទួលវ៉ាក់សាំងដូសទីបី

រដ្ឋមន្ត្រី​ទេសចរណ៍​ ជំរុញ​ការ​ពង្រឹង​អនុវត្តវិធាន​សុខាភិបាល​ អំឡុង​ឈប់​សម្រាក​បុណ្យអុំទូក ខាងមុខនេះ

ពលរដ្ឋ ៖ ក្រោយចាក់វ៉ាក់សាំងដូសទី៣ គឺមានប្រតិកម្មខ្លាំង​ជាង​ដូសមុនៗ​ តែមាន​សុវត្ថិភាព​កាន់​តែ​ខ្ពស់

WHO ៖ កម្ពុជាជាជើងឯកមួយក្នុងការគ្រប់គ្រងជំងឺកូវីដ-១៩ រហូតដល់បើកដំណើរ​ការ​ប្រទេស​ឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

រដ្ឋមន្ត្រីទេសចរណ៍ ជំរុញការពង្រឹងអនុវត្តវិធានសុខាភិបាល អំឡុងឈប់សម្រាកបុណ្យអុំទូក ខាងមុខនេះ

ពលរដ្ឋ ៖ ក្រោយចាក់វ៉ាក់សាំងដូសទី៣ គឺមានប្រតិកម្មខ្លាំងជាងដូសមុនៗ តែមានសុវត្ថិភាពកាន់តែខ្ពស់

WHO ៖ កម្ពុជាជាជើងឯកមួយក្នុងការគ្រប់គ្រងជំងឺកូវីដ-១៩ រហូតដល់បើកដំណើរការប្រទេសឡើងវិញ