នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

ក្រុមប្រឹក្សាសន្តិសុខ UN នឹងបោះឆ្នោតនៅថ្ងៃសុក្រ ស្អែកនេះស្តីពីសមាជិកភាពរបស់ប៉ាឡេស្ទីន

2024/04/18 08:48:46 am        107
Facebook Telegram Linkin
ក្រុមអ្នកការទូតបាននិយាយថា ក្រុមប្រឹក្សាសន្តិសុខអង្គការសហប្រជាជាតិ គ្រោងនឹងបោះឆ្នោតនៅថ្ងៃសុក្រ (១៩ មេសា) ស្អែកនេះលើសំណើរបស់ប៉ាឡេស្ទីនសម្រាប់សមាជិកភាពពេញសិទ្ធិរបស់អង្គការសហប្រជាជាតិ ដោយជាជំហានមួយដែលសម្ព័ន្ធមិត្តរបស់អ៊ីស្រាអែល គឺសហរដ្ឋអាមេរិក ត្រូវបានគេរំពឹងថានឹងរារាំង ព្រោះការសម្រេចបាននឹងធ្វើឱ្យមានការទទួលស្គាល់រដ្ឋប៉ាឡេស្ទីនប្រកបដោយប្រសិទ្ធភាព។ក្រុមប្រឹក្សាដែលមានសមាជិក ១៥ រូបនេះត្រូវបោះឆ្នោតនៅម៉ោង ៣ រសៀល (ម៉ោងក្នុងស្រុក) ថ្ងៃសុក្រលើពង្រាងសេចក្តីសម្រេច ដែលផ្តល់អនុសាសន៍ដល់មហាសន្និបាតអង្គការសហប្រជាជាតិសមាជិក ១៩៣ ប្រទេសថា «រដ្ឋប៉ាឡេស្ទីនត្រូវបានអនុញ្ញាតឱ្យចូលជាសមាជិកអង្គការសហប្រជាជាតិ»។សេចក្តីសម្រេចមួយរបស់ក្រុមប្រឹក្សាត្រូវការសំឡេងគាំទ្រយ៉ាងតិចប្រាំបួន ហើយពុំមានការវេតូដោយសហរដ្ឋអាមេរិក អង់គ្លេស បារាំង រុស្ស៊ី ឬចិនដើម្បីអនុម័តបាន។ ក្រុមអ្នកការទូតនិយាយថា វិធានការនេះអាចមានការគាំទ្រពីសមាជិកក្រុមប្រឹក្សារហូតដល់ ១៣ រូប ដែលនឹងបង្ខំឱ្យសហរដ្ឋអាមេរិកប្រើវេតូរបស់ខ្លួន។ការជំរុញរបស់ប៉ាឡេស្ទីន សម្រាប់សមាជិកភាពពេញលេញរបស់អង្គការសហប្រជាជាតិនេះកើតឡើងរយៈពេលប្រាំមួយខែនៅក្នុងសង្គ្រាមរវាងអ៊ីស្រាអែល និងក្រុមហាម៉ាស នៅហ្កាហ្សា ហើយខណៈដែលអ៊ីស្រាអែល កំពុងពង្រីកការតាំងលំនៅនៅតំបន់កាន់កាប់ វេស បែង (West Bank)។ មានការរីកចម្រើនតិចតួចណាស់លើការសម្រេចបាននូវភាពជារដ្ឋរបស់ប៉ាឡេស្ទីន ចាប់តាំងពីការចុះហត្ថលេខាលើកិច្ចព្រមព្រៀង អូស្លូ (Oslo) រវាងអ៊ីស្រាអែល និងអាជ្ញាធរប៉ាឡេស្ទីននៅដើមទសវត្សរ៍ឆ្នាំ១៩៩០ មក៕

កាតា៖ កិច្ចពិភាក្សារវាងអ៊ីស្រាអែល និងក្រុមហាម៉ាស លើបទឈប់បាញ់ហ្កាហ្សា កំពុងជាប់គាំង

2024/04/18 08:45:03 am        92
Facebook Telegram Linkin
នាយករដ្ឋមន្ត្រីកាតា លោក សេក ម៉ូហាម៉េដ ប៊ីន អាឌុលរ៉ាម៉ាន អាល់ថានី (Sheikh Mohammed bin Abdulrahman Al-Thani) បាននិយាយកាលពីថ្ងៃពុធ (១៧ មេសា) ថា ការចរចារវាងអ៊ីស្រាអែល និងក្រុមហាម៉ាស ដើម្បីទទួលបានបទឈប់បាញ់នៅតំបន់ហ្កាហ្សា និងការដោះលែងចំណាប់ថ្នូរបានជាប់គាំង។លោក អាល់ថានី បានប្រាប់សន្និសីទសារព័ត៌មានជាមួយនាយករដ្ឋមន្ត្រីរ៉ូម៉ានី លោក ម៉ាឆែល ឆូឡាខូ (Marcel Ciolacu) ថា «យើងកំពុងឆ្លងកាត់ដំណាក់កាលដ៏រសើបមួយជាមួយនឹងការជាប់គាំងមួយចំនួន ហើយយើងកំពុងព្យាយាមឱ្យខ្លាំងតាមដែលអាចធ្វើទៅបានដើម្បីដោះស្រាយបញ្ហានេះ»។ប្រទេសកាតា ជាមួយសហរដ្ឋអាមេរិក និងអេហ្ស៊ីប បានចូលរួមនៅក្នុងកិច្ចពិភាក្សានៅពីក្រោយឆាកជាច្រើនសប្តាហ៍ ដើម្បីទទួលបានបទឈប់បាញ់នៅហ្កាហ្សា និងការដោះលែងចំណាប់ថ្នូរអ៊ីស្រាអែល ដោះដូរនឹងអ្នកទោសប៉ាឡេស្ទីន ដែលជាប់ឃុំក្នុងពន្ធនាគារអ៊ីស្រាអែល។ក្រុមអ្នកសម្រុះសម្រួលបានសង្ឃឹមថានឹងទទួលបានបទឈប់បាញ់មុនពេលចាប់ផ្តើមបុណ្យរ៉ាម៉ាដាន ប៉ុន្តែវឌ្ឍនភាពបានធ្លាក់ចុះម្តងហើយម្តងទៀតដោយពុំមានការបញ្ឈប់អរិភាពណាមួយនៅក្នុងខែដ៏វិសុទ្ធរបស់មូស្លីមដែលបានបញ្ចប់កាលពីសប្តាហ៍មុននោះទេ។ ជំនួសមកវិញ ការភ័យខ្លាចបានកើនឡើងនៃសង្គ្រាមរយៈពេលជាច្រើនខែនៅហ្កាហ្សា ដែលរាលដាលចូលទៅក្នុងជម្លោះក្នុងតំបន់ បន្ទាប់ពីការវាយប្រហារដោយផ្ទាល់លើកដំបូងមិនធ្លាប់មានរបស់អ៊ីរ៉ង់ ទៅលើសត្រូវដ៏យូរអង្វែងរបស់ខ្លួនគឺអ៊ីស្រាអែល កាលពីចុងសប្តាហ៍៕

លោក Netanyahu និយាយថា អ៊ីស្រាអែលនឹងធ្វើអ្វីគ្រប់យ៉ាងចាំបាច់ដោយខ្លួនឯង ក្នុងការវាយបកលើអ៊ីរ៉ង់

2024/04/18 08:34:15 am        166
Facebook Telegram Linkin
លោកនាយករដ្ឋមន្ត្រីអ៊ីស្រាអែល Benjamin Netanyahu បាននិយាយកាលពីថ្ងៃពុធថាសប្ដាហ៍នេះថា អ៊ីស្រាអែលនឹងសម្រេចចិត្តដោយខ្លួនឯង ហើយរដ្ឋអ៊ីស្រាអែលនឹងធ្វើអ្វីគ្រប់យ៉ាងដែលចាំបាច់ដើម្បីការពារខ្លួន បន្ទាប់ពីរងការវាយប្រហារដោយគ្រាប់មីស៊ីល និងយានដ្រូនរបស់អ៊ីរ៉ង់កាលពីចុងសប្តាហ៍មុន។បណ្ដាប្រទេសលោកខាងលិចដែលកំពុងអង្វរឱ្យមានការអត់ធ្មត់ បានបញ្ជូនអ្នកការទូតជាន់ខ្ពស់របស់ខ្លួនទៅកាន់ទីក្រុងហ្សេរុយសាឡឹម។ រដ្ឋមន្ត្រីការបរទេសអាល្លឺម៉ង់លោកស្រីអាណាឡេណា បេបុក( Annalena Baerbock) បាននិយាយថា ទីក្រុងប៊ែរឡាំងបានឈរក្នុងសាមគ្គីភាពពេញលេញជាមួយអ៊ីស្រាអែល ប៉ុន្តែបានព្រមាន ថាមិនត្រូវឲ្យតំបន់នេះ ធ្លាក់ចូលទៅក្នុងស្ថានភាពមួយមិនអាចទាយទុកមុនបានទាំងស្រុងនោះឡើយ ។ អំឡុងទស្សនកិច្ចនៅអ៊ីស្រាអែល លោក David Cameron ប្រមុខការទូតអង់គ្លេស បាននិយាយថា គោលបំណងមកកាន់ទីនេះ ក្នុងប្រទេសអ៊ីស្រាអែល នៅថ្ងៃនេះ គឺដើម្បីបង្ហាញពីសាមគ្គីភាព បន្ទាប់ពីការវាយប្រហារដ៏គួរឱ្យរន្ធត់ដោយអ៊ីរ៉ង់។ លោករំពឹងថានឹងមានការឆ្លើយតបរបស់អ៊ីស្រាអែលចំពោះអ៊ីរ៉ង់ តែសង្ឃឹមថានឹងមានកម្រិត។ការវាយប្រហាររបស់អ៊ីរ៉ង់កាលពីថ្ងៃសៅរ៍សប្ដាហ៍មុន រួមមានមីស៊ីលតម្រង់គោលដៅ មីស៊ីលបាលីស្ទីក និងយានដ្រូនបំផ្ទុះ តែភាគច្រើនត្រូវបានអ៊ីស្រាអែល និងសម្ព័ន្ធមិត្តបាញ់ទម្លាក់ ហើយមិនបណ្តាលឲ្យមានមនុស្សស្លាប់ទេ។អ៊ីរ៉ង់បាននិយាយថា ការវាយប្រហារនេះគឺជាការសងសឹកចំពោះការវាយប្រហាររបស់អ៊ីស្រាអែលដែលបានសម្លាប់មេបញ្ជាការយោធាជាន់ខ្ពស់របស់អ៊ីរ៉ង់នៅក្នុងបរិវេណស្ថានទូតក្នុងរដ្ឋធានីដាម៉ាស ប្រទេសស៊ីរី កាលពីដើមខែមេសា។បន្ទាប់ពីការវាយប្រហារនេះ រដ្ឋមន្ត្រីការបរទេសអ៊ីរ៉ង់បានព្រមានអ៊ីស្រាអែល ខ្លួននឹងសងសឹកដោយនិយាយថា អ៊ីស្រាអែល នឹងប្រឈមការឆ្លើយតបយ៉ាងម៉ឺងម៉ាត់ និងធ្ងន់ធ្ងរ៕

ប្រធានាធិបតីអ៊ីរ៉ង់ បានប្រាប់លោកពូទីនថា ការវាយប្រហារលើអ៊ីស្រាអែល នៅមានកម្រិត

2024/04/17 02:46:29 pm        210
Facebook Telegram Linkin
ប្រធានាធិបតីអ៊ីរ៉ង់ បានប្រាប់លោក វ្ល៉ាឌីមៀ ពូទីនថា ការវាយប្រហាររបស់ក្រុងតេអេរ៉ង់លើអ៊ីស្រាអែល នៅមានកម្រិត ហើយខ្លួនចង់ជៀសវាងការកើនឡើងបន្ថែមទៀត ដែលជាការសន្ទនាតាមទូរស័ព្ទលើកដំបូងរបស់សម្ព័ន្ធមិត្ត ចាប់តាំងពីការវាយប្រហារដោយមីស៊ីល និងដ្រូនកាលពីថ្ងៃអាទិត្យ។លោកប្រធានាធិបតីរុស្ស៊ី បាននិយាយទៅកាន់លោកអ៊ីប្រាហ៊ីម រ៉េស៊ី ( Ebrahim Raisi) ដែលជាសមភាគីអ៊ីរ៉ង់របស់លោកកាលពីថ្ងៃអង្គារ ដោយវិមានក្រឹមឡាំង បាននិយាយថា ប្រទេសរុស្ស៊ីសង្ឃឹមថា ភាគីទាំងអស់ នឹងបង្ហាញ «ការអត់ធ្មត់សមហេតុផលនិងការពារការប្រឈមមុខគ្នាថ្មីដែលពោរពេញដោយផលវិបាកមហន្តរាយសម្រាប់តំបន់ទាំងមូល»។កាលពីព្រឹកថ្ងៃអង្គារនេះ លោក វ៉ាង យី (Wang Yi) រដ្ឋមន្ត្រីការបរទេសចិន បានថ្លែងថា ទីក្រុងប៉េកាំង ជឿជាក់ថា អ៊ីរ៉ង់អាច «ដោះស្រាយស្ថានការណ៍បានល្អ ហើយទុកតំបន់ចលាចលបន្ថែមទៀត»។ លោក វ៉ាង បាននិយាយថា ប្រទេសចិន បានកត់សម្គាល់ការអះអាងរបស់អ៊ីរ៉ង់ថា «សកម្មភាពរបស់ខ្លួន ត្រូវបានកំណត់ និងជាសកម្មភាពការពារខ្លួន»។របបនៅទីក្រុងតេអេរ៉ង់ កំពុងរំពឹងថា នឹងមានការសងសឹកចំពោះការវាយប្រហារដោយមីស៊ីល និងយាន ដ្រូនដែលមិនធ្លាប់មានពីមុនមកលើទឹកដីអ៊ីស្រាអែល។ប្រភពមួយដែលដឹងពីការពិភាក្សានេះ បានប្រាប់សារព័ត៌មានThe Telegraph ថា៖«គណៈរដ្ឋមន្ត្រីអ៊ីស្រាអែល បានពិភាក្សាគ្នាពីរបៀប ដើម្បីឆ្លើយតបនឹងការវាយប្រហារនោះ ហើយបានយល់ស្របថា ការសងសឹក គួរតែជា«យុទ្ធសាស្ត្រ ប៉ុន្តែអាចធ្វើឲ្យមានការឈឺចាប់»។ គណៈរដ្ឋមន្ត្រីនេះ នៅតែប្តេជ្ញាឆ្លើយតបនឹងយានដ្រូនចំនួន៣៥០គ្រឿង ដែលបានបាញ់ចេញពីប្រទេសអ៊ីរ៉ង់ យេម៉ែន អ៊ីរ៉ាក់ និងលីបង់ ប៉ុន្តែការខ្វែងគំនិតគ្នា នៅតែបន្តកើតឡើង នៅពេលដែលការវាយប្រហារ គួរកើតឡើង និងក្នុងទម្រង់បែបណាមួយ។

បោះឆ្នោតនៅប្រទេសកោះសូឡូម៉ុន ត្រូវបានឃ្លាំមើលដោយចិន និងអាមេរិកសម្រាប់សន្តិសុខតំបន់

2024/04/17 02:41:34 pm        151
Facebook Telegram Linkin
ប្រទេសកោះសូឡូម៉ុន បានចាប់ផ្តើមបោះឆ្នោតក្នុងការបោះឆ្នោតជាតិ នៅថ្ងៃពុធ ទី១៧ ខែមេសានេះ ជាលើកដំបូង ចាប់តាំងពីនាយករដ្ឋមន្ត្រីលោក ម៉ាណាសេ សូហ្កាវ៉ារ៉េ (Manasseh Sogavare) ក្នុងឆ្នាំ២០២២ បានចុះកិច្ចព្រមព្រៀងសន្តិសុខជាមួយប្រទេសចិន ហើយបានទាញយកប្រទេសកោះប៉ាស៊ីហ្វិកមួយនេះ ឱ្យខិតចូលកាន់តែជិតទីក្រុងប៉េកាំង។គណបក្សប្រឆាំងបាននិយាយថា លទ្ធផលនៃការបោះឆ្នោតនឹងត្រូវបានឃ្លាំមើលយ៉ាងដិតដល់ដោយសហរដ្ឋអាមេរិក ប្រទេសចិន និងអូស្ត្រាលី ចំពោះផលប៉ះពាល់ដ៏មានសក្តានុពលរបស់ប្រទេសនេះលើបញ្ហាសន្តិសុខក្នុងតំបន់ ទោះបីជាអ្នកបោះឆ្នោតនៅប្រទេសកោះសូឡូម៉ុន បានផ្តោតលើសេវាសុខភាព ការសិក្សាអប់រំ និងផ្លូវថ្នល់ ដែលមានមិនគ្រប់គ្រាន់ក៏ដោយ។ប្រជុំកោះសូឡូម៉ុន មានប្រជាជនត្រឹមតែ ៧០០.០០០នាក់ ប៉ុន្តែមានទីតាំងយុទ្ធសាស្ត្រចម្ងាយ ១.៦០០គីឡូម៉ែត្រ ភាគឦសានប្រទេសអូស្ត្រាលី។ការិយាល័យបោះឆ្នោត បានបើកនៅម៉ោង ៧ ព្រឹកថ្ងៃពុធ ដោយមានការបោះឆ្នោតជាតិនិងថ្នាក់ខេត្ត ត្រូវបានរៀបចំនៅថ្ងៃតែមួយជាលើកដំបូង។ នគរបាលមកពីប្រទេសអូស្ត្រាលី នូវែលហ្សេឡង់ ប៉ាពួញូហ្គីណេ និងប្រទេសហ្វីជី កំពុងជួយដល់កងកម្លាំងនគរបាលកោះសូឡូម៉ុន ការពារសន្តិសុខ។លោក សូហ្កាវ៉ារ៉េ(Sogavare) បានផ្លាស់ប្តូរទំនាក់ទំនងផ្នែកការទូតពីកោះតៃវ៉ាន់ ទៅទីក្រុងប៉េកាំង ភ្លាមៗបន្ទាប់ពីបានក្លាយជានាយករដ្ឋមន្ត្រីក្នុងឆ្នាំ ២០១៩ ហើយបានសន្យាពង្រឹងទំនាក់ទំនងជាមួយប្រទេសចិន ដែលកំពុងសាងសង់កំពង់ផែ ផ្លូវថ្នល់ និងបណ្តាញទូរគមនាគមន៍នៅប្រទេសកោះសូឡូម៉ុន។

អាមេរិក និងសហភាពអឺរ៉ុបសម្លឹងមើលការដាក់ទណ្ឌកម្មថ្មីលើអ៊ីរ៉ង់ បន្ទាប់ពីការវាយប្រហារលើអ៊ីស្រាអែល

2024/04/17 02:12:21 pm        283
Facebook Telegram Linkin
សហរដ្ឋអាមេរិក និងសហភាពអឺរ៉ុប បាននិយាយថា ពួកគេកំពុងសម្លឹងមើលការដាក់ទណ្ឌកម្មបន្ថែមទៀតលើប្រទេសអ៊ីរ៉ង់ បន្ទាប់ពីការវាយប្រហាររបស់ខ្លួនលើអ៊ីស្រាអែល កាលពីចុងសប្តាហ៍។រដ្ឋមន្ត្រីក្រសួងរតនាគារសហរដ្ឋអាមេរិក លោកស្រី Janet Yellen បាននិយាយថា លោកស្រីរំពឹងថា នឹងចាត់វិធានការ «នៅប៉ុន្មានថ្ងៃខាងមុខនេះ» ខណៈដែលប្រធានគោលនយោបាយការបរទេសរបស់សហភាពអឺរ៉ុប លោក ចូសិប បូរ៉ែល (Josep Borrell) បានបញ្ជាក់ថា ប្លុកនេះ កំពុងធ្វើការលើបញ្ហានេះ។អ៊ីស្រាអែល បានជំរុញឲ្យសម្ព័ន្ធមិត្តរបស់ខ្លួន ដាក់ទណ្ឌកម្មលើកម្មវិធីមីស៊ីលរបស់ក្រុងតេអេរ៉ង់។ទណ្ឌកម្មរបស់អង្គការសហប្រជាជាតិលើកម្មវិធីនេះ បានផុតកំណត់ កាលពីខែតុលា។ទណ្ឌកម្មទាំងនោះ ត្រូវបានភ្ជាប់ទៅនឹងកិច្ចព្រមព្រៀងធំជាងនេះ ដើម្បីកម្រិតកម្មវិធីនុយក្លេអ៊ែររបស់ អ៊ីរ៉ង់។ទោះបីជាយ៉ាងណាក៏ដោយ ប្រទេសមួយចំនួន រួមទាំងសហរដ្ឋអាមេរិក សហភាពអឺរ៉ុប និងចក្រភពអង់គ្លេស បានរក្សាការដាក់ទណ្ឌកម្ម និងបន្ថែមទណ្ឌកម្មថ្មី។នាយសេនាធិការយោធាអ៊ីស្រាអែល លោកឧត្តមសេនីយ៍ទោ Herzi Halevi បាននិយាយកាលពីថ្ងៃចន្ទថា ការវាយប្រហាររបស់អ៊ីរ៉ង់ នឹងមិនដំណើរការដោយគ្មានចម្លើយឡើយនោះទេ។ការវាយប្រហារដោយផ្ទាល់ជាលើកដំបូងមិនធ្លាប់មានរបស់អ៊ីរ៉ង់លើអ៊ីស្រាអែលកាលពីថ្ងៃសៅរ៍ បានឃើញរលកនៃការបាញ់មីស៊ីល និងយានដ្រូនជាង ៣០០គ្រឿងពីប្រទេសអ៊ីរ៉ង់ អ៊ីរ៉ាក់ ស៊ីរី និងយេម៉ែន ដោយភាគច្រើន ត្រូវបានទម្លាក់ដោយអ៊ីស្រាអែល និងសម្ព័ន្ធមិត្ត។ទីក្រុងតេអេរ៉ង់ បាននិយាយថា ការវាយប្រហារនេះ គឺជាការសងសឹកចំពោះការវាយប្រហារតាមអាកាសរបស់អ៊ីស្រាអែល ទៅលើស្ថានកុងស៊ុលរបស់ខ្លួននៅក្នុងប្រទេសស៊ីរីកាលពីថ្ងៃទី១ ខែមេសា ដែលក្នុងនោះមនុស្ស ១៣នាក់ ត្រូវបានសម្លាប់។

ហ្ស៊កដានី អះអាងថា ខ្លួននឹងមិនក្លាយទៅជា «ទីតាំងនៃសង្គ្រាម»រវាងអ៊ីស្រាអែលនិងអ៊ីរ៉ង់ទេ

2024/04/17 02:06:07 pm        226
Facebook Telegram Linkin
នៅពេលដែលអ៊ីរ៉ង់វាយប្រហារអ៊ីស្រាអែលនៅចុងសប្តាហ៍ ហ្ស៊កដានី បានស្ទាក់ចាប់មីស៊ីល និងយានដ្រូន ជាច្រើនគ្រឿង ប៉ុន្តែព្រះមហាក្សត្រអាបឌូឡាទី២ ( Abdullah II) បានសង្កត់ធ្ងន់ថា ប្រទេសរបស់ព្រះអង្គ មិនត្រូវក្លាយជា «ទីតាំងនៃសង្រ្គាមក្នុងតំបន់» នោះទេ។ប្រសិនបើសង្រ្គាមនៅតំបន់ហ្កាហ្សាដែលបានផ្ទុះឡើង ចាប់តាំងពីថ្ងៃទី៧ ខែតុលា បានបង្កើតបញ្ហាប្រឈមដ៏លំបាកសម្រាប់ហ្ស៊កដានី ឥឡូវនេះខ្លួនប្រឈមមុខនឹងការគំរាមកំហែងបន្ថែមនៃការជាប់គាំងពិតប្រាកដ នៅកណ្តាលជម្លោះរវាងអ៊ីស្រាអែល និងអ៊ីរ៉ង់ដែលកំពុងរីករាលដាល។ហ្ស៊កដានី ដែលប្រហែលពាក់កណ្តាលនៃចំនួនប្រជាជនមានដើមកំណើតប៉ាឡេស្ទីន ក៏ជាសម្ព័ន្ធមិត្តដ៏ជិតស្និទ្ធរបស់សហរដ្ឋអាមេរិក និងបានចុះហត្ថលេខាលើសន្ធិសញ្ញាសន្តិភាពជាមួយប្រទេសអ៊ីស្រាអែលជិតខាង កាលពី ៣០ឆ្នាំមុន។ចំពេលសង្គ្រាមហ្កាហ្សាដែលមានរយៈពេលកន្លះឆ្នាំ ព្រះមហាក្សត្រហ្ស៊កដានី បានសម្តែងការរិះគន់យ៉ាងខ្លាំងលើអ៊ីស្រាអែលម្តងហើយម្តងទៀត ហើយបានបញ្ជាឲ្យយោធារបស់ទ្រង់ហោះហើរទម្លាក់ស្បៀងអាហារប្រចាំថ្ងៃ ដើម្បីជួយប្រជាជនប៉ាឡេស្ទីនដែលត្រូវបានគេឡោមព័ទ្ធនោះ។អ្នកគាំទ្រដ៏រឹងមាំនៃបុព្វហេតុប៉ាឡេស្ទីន ព្រះមហាក្សត្រអង្គនេះ បានពណ៌នាទំនាក់ទំនងរបស់ហ្ស៊កដានីជាមួយអ៊ីស្រាអែលថា ជា«សន្តិភាពត្រជាក់»ដែលជាការអនុវត្តសន្ធិសញ្ញាសន្តិភាពបញ្ចប់ស្ថានភាពនៃសង្គ្រាម។ បន្ទាប់មក កាលពីចុងសប្តាហ៍មុន ហ្ស៊កដានីស្ថិតក្នុងចំណោមប្រទេសមួយក្រុម រួមទាំងសហរដ្ឋអាមេរិក អង់គ្លេស និងបារាំងផងដែរ ដែលបានជួយអ៊ីស្រាអែលបាញ់ទម្លាក់មីស៊ីល រ៉ុក្កែត និងយានដ្រូនដែលបាញ់បង្ហោះដោយអ៊ីរ៉ង់ និងសម្ព័ន្ធមិត្តរបស់ខ្លួន ទៅលើអ៊ីស្រាអែល។ប្រទេសហ្ស៊កដានី បានសង្កត់ធ្ងន់ថា គោលបំណងរបស់ខ្លួន គឺការពារអធិបតេយ្យភាពរបស់ខ្លួនជាជាងការពារអ៊ីស្រាអែល។

រដ្ឋមន្ត្រីការពារជាតិអ៊ីស្រាអែល ពិភាក្សាអំពីជំហានបន្ទាប់ នៅទីក្រុងរ៉ាហ្វា

2024/04/17 02:02:53 pm        126
Facebook Telegram Linkin
រដ្ឋមន្ត្រីការពារជាតិអ៊ីស្រាអែល លោក យ៉ូអាវ ហ្គាឡែនធ៍ ( Yoav Gallant) បានពិភាក្សាអំពីសកម្មភាពបន្ថែមទៀត នៅក្នុងទីក្រុងរ៉ាហ្វា ( Rafah) កាលពីល្ងាចថ្ងៃចន្ទ ជាមួយតំណាងក្រសួងរបស់ខ្លួន និងអាជ្ញាធរ COGAT របស់អ៊ីស្រាអែល ដែលត្រួតពិនិត្យទំនាក់ទំនងជាមួយប៉ាឡេស្ទីននិងជំនួយ។ពួកគេបានផ្តោតលើការជម្លៀសជនស៊ីវិលពីទីក្រុងរ៉ាហ្វា នៅភាគខាងត្បូងនៃហ្កាហ្សាស្ទ្រីប និងការពង្រីកការផ្តល់ស្បៀងអាហារ និងថ្នាំពេទ្យ នេះបើយោងតាមការិយាល័យសារព័ត៌មានរបស់រដ្ឋាភិបាល។មនុស្សជាងមួយលាននាក់ បានភៀសខ្លួនទៅកាន់ទីក្រុងរ៉ាហ្វាពីការវាយប្រហារ នៅទូទាំងតំបន់ដែលមានប្រជាជនច្រើន ហើយមានការព្រួយបារម្ភកាន់តែខ្លាំងឡើងថា ការវាយលុកដែលបានគ្រោងទុករបស់អ៊ីស្រាអែលនៅទីក្រុងរ៉ាហ្វា អាចបណ្តាលឲ្យមានជនស៊ីវិលស្លាប់យ៉ាងច្រើន។មុនពេលអ៊ីរ៉ង់ធ្វើការវាយប្រហាររបស់ខ្លួនលើអ៊ីស្រាអែលកាលពីសប្តាហ៍មុន នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ (Benjamin Netanyahu) បាននិយាយថា លោកបានកំណត់កាលបរិច្ឆេទសម្រាប់ការវាយលុកនៅទីក្រុងរ៉ាហ្វា ទោះបីជាលោក ហ្គាឡែនធ៍ជំទាស់នឹងរឿងនេះ បន្តិចក្រោយមកក៏ដោយ។នៅក្នុងការវាយប្រហារដោយក្រុមហាម៉ាស និងក្រុមសកម្មប្រយុទ្ធប៉ាឡេស្ទីនផ្សេងទៀត នៅតំបន់ព្រំដែនអ៊ីស្រាអែលកាលពីថ្ងៃទី៧ ខែតុលា មនុស្សជាង ១.២០០នាក់ ត្រូវបានសម្លាប់ និងជាង ២៥០ នាក់ត្រូវបានចាប់ពង្រត់ទៅកាន់តំបន់ហ្កាហ្សាស្ទ្រីប។មនុស្សជាង ៣៣.000នាក់ ត្រូវបានសម្លាប់នៅក្នុងតំបន់ហ្កាហ្សា ចាប់តាំងពីការផ្ទុះសង្រ្គាមកាលពីថ្ងៃទី៧ ខែតុលា នេះបើយោងតាមមន្ត្រីសុខាភិបាលនៅក្នុងតំបន់ដែលដឹកនាំដោយក្រុមហាម៉ាស។

ប្រមុខការពារជាតិអាមេរិក និងចិន ជួបគ្នាតាមទូរស័ព្ទលើកដំបូងក្នុងពេលជិត១៨ខែ

2024/04/17 01:57:13 pm        112
Facebook Telegram Linkin
រដ្ឋមន្ត្រីការពារជាតិអាមេរិក លោក Lloyd Austin បានជួបសន្ទនាតាមទូរស័ព្ទជាមួយសមភាគីចិន លោកទុង ជុន(Dong Jun)តាមវីដេអូ កាលពីថ្ងៃអង្គារទី១៦ខែមេសា សប្ដាហ៍នេះ ក្នុងការពិភាក្សាប្រកបដោយអត្ថន័យជាលើកដំបូង រវាងប្រមុខការពារជាតិរបស់មហាអំណាចពិភពលោកទាំង២ ក្នុងរយៈពេលជិត១៨ខែ។ សហរដ្ឋអាមេរិក បានកំពុងធ្វើការក្នុងកិច្ចសហប្រតិបត្តិការពង្រឹងវិស័យការពារជាតិ ជាមួយសម្ព័ន្ធរបស់ខ្លួននៅក្នុងតំបន់អាស៊ី-ប៉ាស៊ីហ្វិក ដើម្បីទប់ទល់នឹងឥទ្ធិពលរបស់ប្រទេសចិនដែលចេះតែកើនឡើង ប៉ុន្តែក៏ចង់ រក្សាទំនាក់ទំនងជាមួយទីក្រុងប៉េកាំងដែរក្នុងការទប់ស្កាត់ភាពតានតឹងកុំឲ្យរីកហួសពីការគ្រប់គ្រង។ មន្ទីរបញ្ចកោនបាននិយាយនៅក្នុងសេចក្ដីថ្លែងការណ៍មួយថា មន្ត្រីមកពីប្រទេសទាំង ២ បានពិភាក្សាពីទំនាក់ទំនងការពារជាតិរវាងអាមេរិកនិងចិន បញ្ហានិងសន្តិសុខទាំងក្នុងនិងក្រៅតំបន់។ លោក Austin បានបញ្ជាក់ពីសារៈសំខាន់នៃការបន្តទំនាក់ទំនងបើកចំហ នៃការប្រាស្រ័យទាក់ទងគ្នាផ្នែកយោធា ទៅយោធា រវាងអាមេរិក និងចិន ក្រោយការពិភាក្សារវាងប្រទេសទាំង២ ក្នុងរយៈពេលប៉ុន្មានខែថ្មីៗនេះ ។ លោក Austin ក៏បានបញ្ជាក់ជាថ្មីផងដែរថាសហរដ្ឋអាមេរិក នឹងបន្តហោះហើរ បើកនាវា និងប្រតិបត្តិការប្រកបដោយសុវត្ថិភាព និងទទួលខុសត្រូវ គ្រប់កន្លែងដែលច្បាប់អន្តរជាតិអនុញ្ញាត និងបានគូសបញ្ជាក់ពីសារៈសំខាន់នៃការគោរពសេរីភាពសមុទ្រឲ្យបានខ្ពស់នៃការធ្វើនាវាចរណ៍ដែលត្រូវបានទទួលខុសត្រូវ ក្រោមច្បាប់អន្តរជាតិ ពិសេសនៅក្នុងសមុទ្រចិនខាងត្បូង។ ជាការឆ្លើយតបពីទីក្រុងប៉េកាំង លោក ទុង បានប្រើកិច្ចពិភាក្សានេះអំពាវនាវឲ្យកសាងទំនុកចិត្តកាន់តែប្រសើររវាងប្រទេសទាំង២ ។ យោងតាមអំណាន ក្នុងទីក្រុងប៉េកាំង លោក ទុង បានប្រាប់លោកអូស្ទីន ថា ប្រទេសចិន និងសហរដ្ឋអាមេរិក គួរតែចាប់យកសន្តិភាពជាវត្ថុមានតម្លៃបំផុត ហើយចាប់យកស្ថិរភាពជារឿងសំខាន់បំផុត៕

អាមេរិក បញ្ជាក់ជាថ្មីអំពីការព្រួយបារម្ភជុំវិញតួនាទីរបស់ចិន ក្នុងការផលិតអាវុធរបស់រុស្ស៊ី

2024/04/17 01:53:07 pm        125
Facebook Telegram Linkin
ក្រសួងការបរទេសសហរដ្ឋអាមេរិក បាននិយាយថា អ្នកការទូតជាន់ខ្ពស់របស់ទីក្រុងវ៉ាស៊ីនតោន នឹងបង្ហាញដោយផ្ទាល់នូវការព្រួយបារម្ភទៅកាន់ទីក្រុងប៉េកាំង អំពីសម្ភារៈរបស់ប្រទេសចិនដែលត្រូវបានប្រើប្រាស់នៅក្នុងប្រទេសរុស្ស៊ីដើម្បីផលិតអាវុធ។ អ្នកនាំពាក្យក្រសួងការបរទេស លោក Matthew Miller បាននិយាយកាលពីថ្ងៃអង្គារថា រដ្ឋមន្ត្រីការបរទេសលោក Antony Blinken ត្រូវបានគេរំពឹងថា នឹងលើកឡើងពីបញ្ហានេះ អំឡុងដំណើរទស្សនកិច្ចទៅកាន់ប្រទេសចិន។ លោក Miller បាននិយាយថា សហរដ្ឋអាមេរិកបានបង្ហាញយ៉ាងច្បាស់ដល់ប្រទេសចិនជាយូរមកហើយ នូវការព្រួយបារម្ភរបស់ខ្លួនអំពីសកម្មភាពណាមួយដើម្បីគាំទ្រដល់សង្គ្រាមរបស់រុស្ស៊ីនៅអ៊ុយក្រែន។ លោក និយាយថា នេះរួមបញ្ចូលមិនត្រឹមតែការគាំទ្រផ្នែកយោធាដោយផ្ទាល់ប៉ុណ្ណោះទេ ប៉ុន្តែ វិធានការណាមួយដែលបានធ្វើឡើងដោយក្រុមហ៊ុនចិន នឹងកសាងឡើងវិញមូលដ្ឋានឧស្សាហកម្មការពារជាតិរបស់រុស្ស៊ី។លោក Miller និយាយថា ក្នុងរយៈពេលប៉ុន្មានខែថ្មីៗនេះ សហរដ្ឋអាមេរិក បានឃើញសម្ភារៈជាច្រើនចេញពីប្រទេសចិនទៅកាន់ប្រទេសរុស្ស៊ី ដែលត្រូវបានប្រើប្រាស់ដើម្បីកសាងឡើងវិញនូវមូលដ្ឋានឧស្សាហកម្មនោះ និងផលិតអាវុធ ដែលកំពុងបង្ហាញនៅលើសមរភូមិក្នុងប្រទេសអ៊ុយក្រែន។ ប្រព័ន្ធផ្សព្វផ្សាយរបស់សហរដ្ឋអាមេរិក បានដកស្រង់សម្តីមន្ត្រីរដ្ឋាភិបាលជាន់ខ្ពស់របស់សហរដ្ឋអាមេរិក ដែលបាននិយាយថា ប្រទេសចិន បានផ្តល់សម្ភារៈដល់ប្រទេសរុស្ស៊ី ដូចជាម៉ាស៊ីនទុរប៊ីន និងបច្ចេកវិទ្យាសម្រាប់មីស៊ីលតម្រង់គោលដៅ ព្រមទាំងម៉ាស៊ីនសម្រាប់យានដ្រូន។ របាយការណ៍បាននិយាយថានៅឆ្នាំ ២០២៣ ប្រហែល៩០ភាគរយនៃគ្រឿងអេឡិចត្រូនិច ដែលរុស្ស៊ីប្រើប្រាស់ដើម្បីផលិតមីស៊ីល រថក្រោះ និងយន្តហោះ ត្រូវបាននាំចូលពីប្រទេសចិន។

បណ្ដាញសង្គម

ព័ត៌មានថ្មីៗ

ការទម្លាក់គ្រាប់បែករបស់រុស្ស៊ីសម្លាប់មនុស្ស ៤នាក់ និង ២៧នាក់ រងរបួសនៅទីក្រុង Dobropillia ប្រទេសអ៊ុយក្រែន
07/17/2025 08:07 PM
Facebook Telegram Linkin
ក្រសួងឧស្សាហកម្ម ដាក់ប្រព័ន្ធបន្សុទ្ធទឹកស្អាតនៅមន្ទីរពេទ្យគន្ធបុប្ផា ជូនដល់អ្នកព្យាបាលជំងឺពិសា
07/17/2025 08:07 PM
Facebook Telegram Linkin
សាស្ត្រាចារ្យសាកលវិទ្យាល័យតូក្យូ ចាប់អារម្មណ៍ស្វែងយល់បន្ថែមអំពីកម្ពុជា និងការអភិវឌ្ឍសង្គម-សេដ្ឋកិច្ច
07/17/2025 08:07 PM
Facebook Telegram Linkin
សារព័ត៌មាន NBC News៖ ការវាយប្រហាររបស់អាមេរិក បានបំផ្លាញទីតាំងនុយក្លេអ៊ែរអ៊ីរ៉ង់តែមួយប៉ុណ្ណោះ
07/17/2025 08:07 PM
Facebook Telegram Linkin
ប្រភព៖ អ្នកការទូតលោកខាងលិចនៅចម្ងាយប៉ុន្មានម៉ែត្រពីការវាយប្រហាររបស់អ៊ីស្រាអែល ក្នុងទីក្រុងដាម៉ាស
07/17/2025 08:07 PM
Facebook Telegram Linkin
អ៊ីស្រាអែល បង្កើនថ្លៃការពារជាតិ ដើម្បីឈានដល់ការងារប្រឈមផ្នែកសន្តិសុខ
07/17/2025 07:07 PM
Facebook Telegram Linkin
ហ្សកហ្ស៊ីររារាំងការលក់សារធាតុអ៊ុយរ៉ានីញ៉ូមតម្លៃ ៣លានដុល្លារដែលអាចប្រើក្នុងគ្រាប់បែក
07/17/2025 07:07 PM
Facebook Telegram Linkin
រដ្ឋធានីប្រទេសអេក្វាឌ័រ រងភាពរង្គោះរង្គើរដោយសារវិបត្តិកង្វះទឹកប្រើប្រាស់ប្រចាំថ្ងៃ​
07/17/2025 07:07 PM
Facebook Telegram Linkin
មេបញ្ជាការជាន់ខ្ពស់ណាតូ៖ ប្រព័ន្ធការពារដែនអាកាស Patriot នឹងទៅដល់ទីក្រុងគីវយ៉ាងលឿនតាមដែលអាច
07/17/2025 07:07 PM
Facebook Telegram Linkin
អាហ្វ្រិកខាងត្បូងជំរុញឲ្យមានការរួបរួម ខណៈកិច្ចប្រជុំរដ្ឋមន្រ្តីហិរញ្ញវត្ថុ G20 ចាប់ផ្តើមក្រោមស្រមោលពាណិជ្ជកម្ម
07/17/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.