នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ
ពុទ្ធបដិមាធ្វើអំពីស្ពាន់ទម្ងន់៩តោន ត្រៀមធ្វើពុទ្ធាភិសេកនៅរសៀលថ្ងៃនេះ
សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ
គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុង​ស្រុកបាកាន ខេត្តពោធិ៍សាត់

នយោបាយ​ និង ការអភិវឌ្ឍន៍

អេហ្ស៊ីប រិះគន់ការលើកឡើងរបស់លោកណេតាន់យ៉ាហ៊ូថា អ៊ីស្រាអែលត្រូវតែដណ្តើមយកតំបន់ព្រំដែន ហ្កាហ្សា

2024/01/24 11:49:08 am        93
Facebook Telegram Linkin
មន្ត្រីអេហ្ស៊ីប បានរិះគន់ចំពោះការលើកឡើងរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) ដែលថា អ៊ីស្រាអែល នឹងត្រូវគ្រប់គ្រងតំបន់ទ្រនាប់ប្រវែងប្រហែល ១០០ យ៉ាដ នៅលើផ្នែកខាងតំបន់ហ្កាហ្សានៃព្រំដែនប្រវែង៩ម៉ាយរបស់ប៉ាឡេស្ទីន ដែលហែកហួរដោយសង្រ្គាមជាមួយអេហ្ស៊ីប។មន្ត្រីអ៊ីស្រាអែល បាននិយាយថា ការរត់ពន្ធឆ្លងកាត់តំបន់ទ្រនាប់នោះ ដែលគេស្គាល់ថា ជាច្រករបៀង ហ្វីឡាឌែលហ្វី (Philadelphi) ទាំងពីលើដី និងតាមរូងក្រោមដី បានផ្តល់អាវុធ និងគ្រឿងផ្គត់ផ្គង់ផ្សេងៗទៀតដល់អ្នកគ្រប់គ្រងតំបន់ហ្កាហ្សា ជាការចោទប្រកាន់ដែលអេហ្ស៊ីបបដិសេធយ៉ាងដាច់អហង្ការ។លោកណេតាន់យ៉ាហ៊ូ បាននិយាយនៅចុងខែធ្នូថា៖«ច្រករបៀងហ្វីឡាឌែលហ្វី ឬដើម្បីដាក់វាឲ្យ កាន់តែត្រឹមត្រូវ ចំណុចឈប់ភាគខាងត្បូង[នៃតំបន់ហ្កាហ្សាស្ទ្រីប] ត្រូវតែស្ថិតនៅក្នុងដៃរបស់យើង។ ច្រកនេះ ត្រូវតែបិទ ដោយបានព្រមានថា សង្គ្រាមរបស់ប្រទេសលោកប្រឆាំងនឹងក្រុមហាម៉ាស ដែលបង្កឡើងដោយការវាយប្រហារយ៉ាងឃោរឃៅរបស់ក្រុមនេះ កាលពីថ្ងៃទី៧ ខែតុលា ទៅលើអ៊ីស្រាអែល នឹងបន្តអស់រយៈពេលជាច្រើនខែ។ វាច្បាស់ណាស់ថា ការរៀបចំណាមួយផ្សេងទៀត នឹងមិនធានាបាននូវការគ្មានយោធាដែលយើងស្វះស្វែងរកនោះ»។ប្រធានសេវាព័ត៌មានរដ្ឋរបស់អេហ្ស៊ីប (SIS) លោក Diaa Rashwan បានថ្កោលទោសកាលពីថ្ងៃចន្ទចំពោះការប្រកាសរបស់លោកណេតាន់យ៉ាហ៊ូថាជា «ការប៉ុនប៉ង ដើម្បីបង្កើតភាពស្របច្បាប់» សម្រាប់អ្វីដែលលោកបាននិយាយថា គឺជាគោលដៅពិតប្រាកដរបស់រដ្ឋាភិបាលអ៊ីស្រាអែល ក្នុងការកាន់កាប់ច្រករបៀងព្រំដែន ដោយរំលោភលើកិច្ចព្រមព្រៀងសន្តិសុខ ដែលបានចុះហត្ថលេខារវាង អ្នកជិតខាងទាំងពីរនេះ។

ប្រមុខអង្គការសហប្រជាជាតិនិយាយថា «មិនអាចទទួលយកបានទេ» សម្រាប់អ៊ីស្រាអែល ក្នុងការបដិសេធដំណោះស្រាយរដ្ឋពីរ

2024/01/24 11:36:21 am        112
Facebook Telegram Linkin
អគ្គលេខាធិការអង្គការសហប្រជាជាតិ លោក Antonio Guterres កាលពីថ្ងៃអង្គារ ទី ២៣ ខែមករា បាននិយាយថា «ការបដិសេធយ៉ាងច្បាស់និងម្តងហើយម្តងទៀត ចំពោះដំណោះស្រាយរដ្ឋពីរ នៅកម្រិតខ្ពស់បំផុតរបស់រដ្ឋាភិបាលអ៊ីស្រាអែល គឺមិនអាចទទួលយកបានទេ» ខណៈ លោក បានអំពាវនាវឱ្យមានជំនួយបន្ថែមទៀតនៅទូទាំងតំបន់ហ្កាហ្សា។លោក Guterres បាននិយាយទៅកាន់ក្រុមប្រឹក្សាសន្តិសុខអង្គការសហប្រជាជាតិថា ប្រជាជនទាំងមូលក្នុងតំបន់ហ្កាហ្សា កំពុងស៊ូទ្រាំនឹងការបំផ្លិចបំផ្លាញក្នុងទំហំមួយ និងល្បឿន ដោយមិនស្របគ្នាក្នុងប្រវត្តិសាស្ត្រថ្មីៗនេះ។ គ្មានអ្វីអាចបង្ហាញពីភាពត្រឹមត្រូវនៃការដាក់ទណ្ឌកម្មរួមលើពលរដ្ឋប៉ាឡេស្ទីននោះទេ។លោកបាននិយាយទៅកាន់ក្រុមប្រឹក្សាថា ស្ថានភាពមនុស្សធម៌នៅក្នុងតំបន់ហ៊ុមព័ទ្ធប៉ាឡេស្ទីនគឺ «គួរឱ្យរន្ធត់" ហើយ ប្រជាជនតំបន់ហ្កាហ្សា មិនត្រឹមតែមានហានិភ័យនៃការស្លាប់ឬរងរបួសដោយការទម្លាក់គ្រាប់បែកឥតឈប់ឈរប៉ុណ្ណោះទេ ពួកគេក៏ប្រឈមការកើនឡើងការឆ្លងជំងឺ ដូចជាជំងឺរលាកថ្លើមប្រភេទ A ជំងឺរាក និងជំងឺអាសន្នរោគ។លោក Guterres បានអំពាវនាវម្តងទៀត សម្រាប់បទឈប់បាញ់មនុស្សធម៌ជាបន្ទាន់។

ប្រធានាធិបតីហ្វីលីពីន មិនគាំទ្រឯករាជ្យភាពកោះតៃវ៉ាន់ទេ និងប្រកាន់ខ្ជាប់គោលការណ៍ចិនតែមួយ

2024/01/24 11:33:21 am        149
Facebook Telegram Linkin
ប្រធានាធិបតីហ្វីលីពីន លោក ហ្វឺឌីណាន ម៉ាកូស ជូនៀ (Ferdinand Marcos Jr) បាននិយាយថា លោកមិនគាំទ្រឯករាជ្យភាពរបស់កោះតៃវ៉ាន់ឡើយ ហើយបានរំលឹកឡើងវិញថាប្រទេសរបស់លោកបានប្តេជ្ញាចិត្តចំពោះគោលនយោបាយចិនតែមួយ ដែលជាការឆ្លើយតបទៅនឹងការខឹងសម្បាររបស់ប្រទេសចិនចំពោះការលើកឡើងនាពេលថ្មីៗនេះក្នុងការអបអរសាទរមេដឹកនាំឈ្នះឆ្នោតថ្មីរបស់កោះតៃវ៉ាន់។លោក ម៉ាកូស បាននិយាយនៅក្នុងបទសម្ភាសន៍មួយជាមួយទូរទស្សន៍ ជីអ៊ឹមអេ ញ៉ូវស៍ ធីវី (GMA News TV) ដែលបានចាក់ផ្សាយកាលពីថ្ងៃអង្គារ (២៣ មករា) ថាការអធិប្បាយអបអរសាទររបស់លោកចំពោះលោក ឡៃ ឈីងតឺ (Lai Ching-te) កាលពីដើមខែនេះ ដែលបានហៅលោក ឡៃ ថាជាមេដឹកនាំ គឺជា «ការគួរសម» តែប៉ុណ្ណោះ។ លោក ម៉ាកូស បាននិយាយថា «គោលនយោបាយចិនតែមួយនៅតែមាន ហើយយើងបានប្រកាន់ខ្ជាប់នូវគោលនយោបាយចិនតែមួយយ៉ាងតឹងរ៉ឹង និងប្រកបដោយមនសិការចាប់តាំងពីយើងបានអនុម័តវាមក»។ទោះជាយ៉ាងណាក៏ដោយ សារអបអរសាទរនេះបានទាក់ទាញការស្តីបន្ទោសយ៉ាងខ្លាំងពីប្រទេសចិនដោយអ្នកនាំពាក្យក្រសួងការបរទេសរបស់ខ្លួនបានប្រាប់លោកប្រធានាធិបតី Marcos កាលពីសប្តាហ៍មុនឱ្យ «អានសៀវភៅបន្ថែមទៀតដើម្បីយល់ឱ្យបានត្រឹមត្រូវអំពីបញ្ហាខាងក្នុង និងក្រៅនៃកោះតៃវ៉ាន់»៕

វៀតណាមនិយាយថា ស្លាកសេដ្ឋកិច្ចមិនទីផ្សាររបស់អាមេរិក មិនល្អសម្រាប់ទំនាក់ទំនងទ្វេភាគីទេ

2024/01/24 11:29:58 am        118
Facebook Telegram Linkin
ឯកអគ្គរដ្ឋទូតវៀតណាមប្រចាំនៅសហរដ្ឋអាមេរិក កាលពីថ្ងៃអង្គារ (២៣ មករា) បានជំរុញទីក្រុងវ៉ាស៊ីនតោន ឱ្យបញ្ចប់ស្លាក «សេដ្ឋកិច្ចមិនទីផ្សារ» របស់ខ្លួននៅលើទីក្រុងហាណូយ ដោយព្រមានថាការរក្សាពន្ធលើទំនិញវៀតណាមជាលទ្ធផលមិនល្អនោះទេសម្រាប់ទំនាក់ទំនងទ្វេភាគីកាន់តែជិតស្និទ្ធ។កាលពីឆ្នាំមុន ក្រសួងពាណិជ្ជកម្មសហរដ្ឋអាមេរិកបាននិយាយថា ខ្លួនកំពុងពិនិត្យមើលស្ថានភាពសេដ្ឋកិច្ចមិនទីផ្សាររបស់វៀតណាម បន្ទាប់ពីទីក្រុងហាណូយ បានប្រកែកថាខ្លួនគួរតែត្រូវបានដកចេញពីបញ្ជីដែលបានអនុវត្តនៅក្នុងករណីប្រឆាំងការលក់បង្ខូចថ្លៃ ដោយសារកំណែទម្រង់សេដ្ឋកិច្ចខ្លួនក្នុងប៉ុន្មានឆ្នាំថ្មីៗនេះ។ស្លាកសញ្ញាសេដ្ឋកិច្ចមិនទីផ្សារ ដែលត្រូវបានអនុវត្តផងដែរចំពោះប្រទេសចិន និងរុស្ស៊ី ដោយសារតែការជាប់ពាក់ព័ន្ធយ៉ាងខ្លាំងរបស់រដ្ឋនៅក្នុងសេដ្ឋកិច្ចរបស់ពួកគេ ក្នុងចំណោមប្រទេសដទៃទៀត អនុញ្ញាតឱ្យសហរដ្ឋអាមេរិក ដាក់ពន្ធប្រឆាំងការលក់បង្ខូចតម្លៃខ្ពស់ខ្លាំងលើការនាំចូលពីបណ្ដាប្រទេសដែលបានកំណត់ដោយពឹងផ្អែកលើតម្លៃលករាយរបស់ប្រទេសទីបី។កាលពីឆ្នាំមុន សហរដ្ឋអាមេរិក និងវៀតណាម បានលើកកម្ពស់ទំនាក់ទំនងទៅកាន់ភាពជាដៃគូយុទ្ធសាស្ត្រគ្រប់ជ្រុងជ្រោយ ក្នុងអំឡុងពេលបំពេញទស្សនកិច្ចនៅទីក្រុងហាណូយ របស់លោកប្រធានាធិបតី ចូ បៃដិន (Joe Biden)។ កាលពីឆ្នាំមុន នាយករដ្ឋមន្ត្រីវៀតណាម ហ្វាម មីញជីញ (Pham Minh Chinh) ក៏បានជំរុញឱ្យរដ្ឋមន្ត្រីក្រសួងរតនាគារអាមេរិក លោកស្រី ចេណេត យេឡែន (Janet Yellen) បញ្ចប់ស្លាកសញ្ញានេះ៕

លោកស្រី Haley ប្ដេជ្ញាបន្តការប្រកួតប្រជែងតំណែងប្រធានាធិបតី ទោះចាញ់លោក Trump នៅរដ្ឋ New Hampshire ក៏ដោយ

2024/01/24 11:20:24 am        109
Facebook Telegram Linkin
បេក្ខភាពប្រធានាធិបតីមកពីគណបក្សសាធារណរដ្ឋលោកស្រីនីគីហាលី (Nikki Haley)ទំនងជាពុំបានបាក់ទឹកចិត្តនោះទេ កាលពីថ្ងៃអង្គារ បន្ទាប់ពីចាញ់ការបោះឆ្នោតបឋមនៅរដ្ឋNew Hampshire ដែលបានប្រគល់ជ័យជម្នះឲ្យទៅអតីតប្រធានាធិបតីលោក Donald Trump។អតីតឯកអគ្គរដ្ឋទូតប្រចាំនៅអង្គការសហប្រជាជាតិរូបនេះ បាននិយាយទៅកាន់ក្រុមអ្នកគាំទ្រភ្លាមៗបន្ទាប់ពីលោក Trump ត្រូវគេព្យាករណ៍ថាជាអ្នកឈ្នះ ហើយបានអបអរសាទរលោក Trump ដោយគ្រាន់តែនិយាយថាលោកឈ្នះហើយ។ប៉ុន្តែលោកស្រីពុំបាននិយាយអ្វីឡើយនៅពេលប្រកាសថាលោកស្រីនឹងមិនព្រមចុះចាញ់បុរសដែលលោកស្រីបានបោះឆ្នោតឱ្យសម្រាប់តួនាទីនេះពីរដងនោះទេ ។ លោកស្រីបានប្រាប់ក្រុមអ្នកគាំទ្រនៅ Concord, N.H. ថា រដ្ឋ New Hampshire គឺជារដ្ឋដំបូងគេនៅក្នុងប្រទេសនេះ មិនមែនជារដ្ឋចុងក្រោយនៅក្នុងប្រទេសនោះទេ។ការប្រណាំងប្រជែងនេះគឺនៅវែងឆ្ងាយទៀត។ នៅសល់រដ្ឋរាប់សិបទៀតដែលត្រូវទៅ។ ហើយកន្លែងបន្ទាប់គឺរដ្ឋ South Carolina ដ៏ផ្អែមល្ហែមរបស់លោកស្រី។ លោក Trump ត្រូវបានគេចាត់ទុកថាជាបុគ្គលមានការពេញចិត្តខ្លាំងជាង លោកស្រី Nikki Haley នៅមុនការបោះឆ្នោតបឋមកាលពីថ្ងៃអង្គារ ជាពិសេសបន្ទាប់ពីលោកបានឈ្នះការនាំមុខនៅរដ្ឋ Iowa កាលពីសប្តាហ៍មុន។ ទោះជាយ៉ាងណាក៏ដោយលោកស្រី Haley បានចង្អុលទៅការកើនឡើងប្រជាប្រិយភាពជាបន្តបន្ទាប់របស់លោកស្រីនៅក្នុងការស្ទង់មតិដោយកត់សម្គាល់ថាធ្លាប់មានបេក្ខជន ចំនួន១៤រូប បើប្រៀបធៀបទៅនឹងអ្នកទាំងពីរដែលកំពុងឈរប្រកួតប្រជែង ។ លោកស្រី Haley បាននិយាយថា លោកស្រីជាអ្នកប្រយុទ្ធ ដោយកត់សម្គាល់ថាលោកស្រីបានចាប់ផ្តើមការប្រណាំងប្រជែងតាំងពីពេលលោកស្រីមានការគាំទ្រតែ ២% ។ ថ្ងៃនេះ យើងបានខិតជិតពាក់កណ្តាលនៃការបោះឆ្នោតហើយ។ យើងនៅតែមានផ្លូវត្រូវទៅមុខ យើងនឹងបន្តដំណើរទៅមុខទៀត៕

ប្រធានអង្គការណាតូ៖ សង្រ្គាមអ៊ុយក្រែន បានក្លាយជា «សមរភូមិនៃគ្រាប់រំសេវ»

2024/01/24 11:12:55 am        169
Facebook Telegram Linkin
អគ្គលេខាធិការអង្គការណាតូ លោក ជេន ស្តូលថិនប៊ឺក ( Jens Stoltenberg) បានព្រមានកាលពីថ្ងៃអង្គារថា សង្រ្គាមនៅអ៊ុយក្រែន បានប្រែក្លាយទៅជា «សមរភូមិគ្រាប់រំសេវ» ជាថ្មីម្តងទៀត ដោយអំពាវនាវដល់សម្ព័ន្ធមិត្តលោកខាងលិច ឲ្យផ្តល់ជំនួយយោធាបន្ថែមសម្រាប់ប្រទេសនេះ ខណៈដែលខ្លួនប្រយុទ្ធជាមួយរុស្ស៊ី។លោកបានប្រាប់អ្នកយកព័ត៌មានថា៖«សង្គ្រាមនៅអ៊ុយក្រែន បានក្លាយជាសមរភូមិនៃគ្រាប់រំសេវ។ «យើងមិនអាចអនុញ្ញាតឲ្យប្រធានាធិបតី [វ្លាឌីមៀ ] ពូទីន ឈ្នះនៅអ៊ុយក្រែនបានទេ។ …នោះនឹងជាសោកនាដកម្មមួយសម្រាប់ប្រជាជនអ៊ុយក្រែន និងគ្រោះថ្នាក់សម្រាប់យើងទាំងអស់គ្នា»។អង្គការណាតូ បានប្រកាសកិច្ចព្រមព្រៀងគ្រាប់រំសេវជាមួយអ៊ុយក្រែន កាលពីថ្ងៃអង្គារ ដោយសន្យាទិញគ្រាប់កាំភ្លើងធំធុន ១៥៥មីលិ្លម៉ែត្រចំនួន ២២០.000 គ្រាប់សម្រាប់ប្រទេសនេះ ដែលមានតម្លៃប្រហែល ១,២ ពាន់លានដុល្លារ។លោក ស្តូលថិនប៊ឺក បាននិយាយថា៖«កិច្ចព្រមព្រៀងនេះ មានសារៈសំខាន់ណាស់ ដើម្បីការពារទឹកដីរបស់យើង ដើម្បីបង្កើនស្តុកគ្រាប់រំសេវផ្ទាល់ខ្លួនរបស់យើង ប៉ុន្តែក៏ដើម្បីបន្តគាំទ្រអ៊ុយក្រែនផងដែរ»។សង្រ្គាមជិតពីរឆ្នាំ បានធ្វើឲ្យបាត់បង់ទុនបំរុងគ្រាប់រំសេវរបស់អ៊ុយក្រែន ដោយប្រទេសនេះ ពឹងផ្អែកលើសម្ព័ន្ធមិត្តលោកខាងលិចសម្រាប់ការផ្គត់ផ្គង់ផ្នែកយោធា ខណៈដែលភាពជាប់គាំងមួយ បានកើតឡើងនៅខ្សែត្រៀមជួរមុខ។សភាអាមេរិក ក៏ស្ថិតក្នុងការជាប់គាំងលើថាតើត្រូវបញ្ជូនជំនួយបន្ថែមទៅអ៊ុយក្រែនដែរឬអត់ ខណៈដែលគណបក្សសាធារណរដ្ឋមួយចំនួនជំរុញឲ្យមានការកាត់ផ្តាច់ការគាំទ្រទាំងស្រុង ដោយលើកឡើងពីការព្រួយបារម្ភអំពីថវិកា។រដ្ឋបាលលោកបៃដិន និងមេដឹកនាំព្រឹទ្ធសភា បានចូលរួមជាមួយប្រធានសភា លោក Mike Johnson ជាច្រើនសប្តាហ៍ជុំវិញការផ្តល់មូលនិធិសន្តិសុខតាមព្រំដែន ដែលប្រធានសភារូបនេះ បាននិយាយថា នេះគឺជាតម្រូវការជាមុន សម្រាប់ជំនួយអ៊ុយក្រែន។

កូរ៉េខាងត្បូងនិយាយថា កូរ៉េខាងជើងបានបាញ់មីស៊ីលតម្រង់គោលដៅជាច្រើនគ្រាប់ចូលសមុទ្រនៅថ្ងៃពុធនេះ

2024/01/24 11:09:03 am        125
Facebook Telegram Linkin
យោធាកូរ៉េខាងត្បូងបាននិយាយថា កូរ៉េខាងជើងបានបាញ់មីស៊ីលតម្រង់គោលដៅជាច្រើនគ្រាប់ចូលទៅក្នុងដែនទឹក ពីឆ្នេរសមុទ្រភាគខាងលិចរបស់ខ្លួន ដោយបន្ថែមថា ការបង្កហេតុដោយការសំញែងអាវុធ ត្រូវប្រឈមនឹងភាពតានតឹងនុយក្លេអ៊ែរកាន់តែធ្ងន់ធ្ងរជាមួយសហរដ្ឋអាមេរិក កូរ៉េខាងត្បូង និងជប៉ុន។ អគ្គសេនាធិការចម្រុះរបស់កូរ៉េខាងត្បូងបាននិយាយនៅថ្ងៃពុធនេះថា យោធាអាមេរិក និងកូរ៉េខាងត្បូងកំពុងវិភាគការបាញ់ទាំងនេះ។ ប្រភពខាងលើពុំបានបញ្ជាក់ភ្លាមៗពីចំនួនពិតប្រាកដនៃគ្រាប់មីស៊ីលដែលបានបាញ់ ឬព័ត៌មានលម្អិតនៃការបាញ់នេះទេ។ ការបាញ់នេះបានក្លាយជាព្រឹត្តិការណ៍បាញ់ជាលើកទីពីរក្នុងឆ្នាំនេះ បន្ទាប់ពីការបាញ់សាកល្បងការ មីស៊ីលអន្តរទ្វីបរយៈចម្ងាយមធ្យមប្រើឥន្ធនៈរឹងលើកដំបូងរបស់ប្រទេសនេះកាលពីថ្ងៃទី១៤ ខែមករា ដែលឆ្លុះបញ្ចាំងពីការខិតខំប្រឹងប្រែងរបស់ខ្លួនក្នុងកាអភិវឌ្ឍន៍រអាវុធរបស់ខ្លួនដែលផ្តោតលើមូលដ្ឋានយោធាអាមេរិកក្នុងប្រទេសជប៉ុន និង នៅកោះហ្គាំ (Guam) ។ ភាពតានតឹងនៅឧបទ្វីបកូរ៉េបានកើនឡើងក្នុងរយៈពេលប៉ុន្មានខែថ្មីៗនេះ ស្របពេលមេដឹកនាំកូរ៉េខាងជើងលោក Kim Jong Un បន្តពន្លឿនការអភិវឌ្ឍន៍អាវុធ និងចេញការគំរាមកំហែងពីបង្កហេតុណាមួយនៃជម្លោះនុយក្លេអ៊ែរជាមួយសហរដ្ឋអាមេរិក និងសម្ព័ន្ធមិត្តអាស៊ីរបស់ខ្លួន។ សហរដ្ឋអាមេរិក កូរ៉េខាងត្បូង និងជប៉ុន ជាការឆ្លើយតបបាននឹងកំពុងពង្រីកសមយុទ្ធយោធារួមរបស់ខ្លួន ដែលលោក Kim អះអាថាជាការហាត់សមការឈ្លានពាន និងសម្រួចយុទ្ធសាស្ត្ររេរាំងរបស់ពួកគេ ដែលបង្កើតឡើងជុំវិញ សមត្ថភាពអាវុធនុយក្លេអ៊ែររបស់សហរដ្ឋអាមេរិក៕

មេដឹកនាំសហភាពអឺរ៉ុប ពិចារណាអំពីវិធានការដ៏តឹងរ៉ឹងប្រឆាំងហុងគ្រី ចំពោះការរារាំងជំនួយអ៊ុយក្រែន

2024/01/24 11:02:24 am        185
Facebook Telegram Linkin
សារព័ត៌មាន Bloomberg បានរាយការណ៍កាលពីថ្ងៃទី ២២ ខែមករាថា ក្រុមមេដឹកនាំសហភាពអឺរ៉ុប បានត្រៀមខ្លួន ដើម្បីចាត់វិធានការដ៏តឹងរ៉ឹងប្រឆាំងនឹងប្រទេសហុងគ្រី ប្រសិនបើលោកនាយករដ្ឋមន្ត្រី វីកទ័រ អ័របាន (Viktor Orbán) បន្តរារាំងកញ្ចប់ជំនួយចំនួន ៥៤,៣ ពាន់លានដុល្លារសម្រាប់អ៊ុយក្រែន។ប្រទេសជាសមាជិកសហភាពអឺរ៉ុប បានត្រៀមខ្លួនរួចជាស្រេច ដើម្បីអនុម័តកញ្ចប់ជំនួយសម្រាប់អ៊ុយក្រែននៅក្នុងកិច្ចប្រជុំកំពូលនៅទីក្រុងប្រ៊ុចសែល នៅថ្ងៃទី១ ខែកុម្ភៈ ដោយពុំគិតពីការគាំទ្ររបស់ហុងគ្រីទេ។ជម្រើសដ៏សំខាន់មួយពាក់ព័ន្ធនឹងការទប់ស្កាត់កញ្ចប់ជំនួយរបស់លោកអ័របានជាមួយនឹងរដ្ឋសមាជិកសហភាពអឺរ៉ុបដែលនៅសល់ដឹកនាំមូលនិធិទៅអ៊ុយក្រែន នៅខាងក្រៅដំណើរការថវិការបស់សហភាព អឺរ៉ុប។សំណើនេះ នឹងពាក់ព័ន្ធនឹងការផ្តល់ការធានានៅថ្នាក់ជាតិ ដើម្បីទាក់ទាញមូលនិធិនៅក្នុងទីផ្សារ ប្រសិនបើហុងគ្រី បន្តរារាំងការសម្រេចចិត្តរួមនេះ។ សំណើនេះដែរ ក៏អាចនាំឲ្យមានភាពតានតឹងកើនឡើង»រួមទាំងការចាប់ផ្តើមនៃដំណាក់កាលថ្មីនៃវិធានការដាក់ទណ្ឌកម្មប្រឆាំងនឹងទីក្រុងប៊ុយដាប៉ែស ( Budapest) ដោយសហភាពអឺរ៉ុប ដែលអាចបណ្តាលឲ្យប្រទេសហុងគ្រី បាត់បង់សិទ្ធិបោះឆ្នោតរបស់ខ្លួន។ទោះជាយ៉ាងណាក៏ដោយ សេណារីយោនេះ ក៏អាចនាំឲ្យមានជម្លោះកាន់តែធំផងដែរ ខណៈដែលនាយករដ្ឋមន្រ្តីស្លូវ៉ាគីលោក រ៉ូប៊ឹត ហ្វីកូ (Robert Fico) កាលពីសប្តាហ៍មុន បានព្រមានមេដឹកនាំផ្សេងទៀតថាលោកនឹងការពារប្រទេសហុងគ្រីពីវិធានការដ៏សំខាន់ណាមួយ ដែលមានបំណងដកហូតសិទ្ធិរបស់រដ្ឋាភិបាលលោកអ័របាន នៅក្នុងប្លុកនេះ។

របាយការណ៍៖ កូរ៉េខាងជើង រុះរើវិមាននិមិត្តរូបនៃការរួបរួមជាមួយកូរ៉េខាងត្បូង

2024/01/24 10:55:21 am        175
Facebook Telegram Linkin
ប្រទេសកូរ៉េខាងជើង បានរុះរើវិមានដ៏ធំមួយនៅក្នុងរដ្ឋធានីរបស់ខ្លួន ដែលជានិមិត្តរូបគោលដៅនៃការផ្សះផ្សាជាមួយកូរ៉េខាងត្បូង តាមបញ្ជារបស់មេដឹកនាំលោក គីម ជុងអ៊ុន ដែលកាលពីសប្តាហ៍មុនបានហៅកូរ៉េខាងត្បូង ថាជា «សត្រូវចម្បង» ហើយបាននិយាយថាការបង្រួបបង្រួមមិនអាចមានទៀតនោះទេ។រូបភាពពីផ្កាយរណបនៃទីក្រុងព្យុងយ៉ាង កាលពីថ្ងៃអង្គារ (២៣ មករា) បានបង្ហាញថាវិមានដែលជានិមិត្តរូបនៃក្តីសង្ឃឹមសម្រាប់ការបង្រួបបង្រួមកូរ៉េ ដែលត្រូវបានសាងសង់ឡើងបន្ទាប់ពីកិច្ចប្រជុំកំពូលអន្តរកូរ៉េក្នុងឆ្នាំ២០០០ លែងនៅទីនោះទៀតហើយ។ប្រព័ន្ធផ្សព្វផ្សាយផ្លូវការបាននិយាយថា លោក គីម បានហៅវិមាននេះថាជាកន្លែង «ទើសភ្នែក» នៅក្នុងសុន្ទរកថានៅឯសភាមេដឹកនាំកំពូលកាលពីថ្ងៃទី១៥ ខែមករា ជាទីដែលលោកបានបញ្ជាឱ្យធ្វើវិសោធនកម្មរដ្ឋធម្មនុញ្ញដើម្បីដាក់ ភាគខាងត្បូងគឺជា «សត្រូវទីមួយ និងជាសត្រូវចម្បងដែលមិនអាចផ្លាស់ប្តូរបាន»។ភាពតានតឹងបានផ្ទុះឡើងនៅលើឧបទ្វីបកូរ៉េ បន្ទាប់ពីសមយុទ្ធយោធាកាន់តែខ្លាំងឡើងដោយយោធាកូរ៉េខាងត្បូង និងសហរដ្ឋអាមេរិក ក្នុងការឆ្លើយតបទៅនឹងការសាកល្បងអាវុធដោយកូរ៉េខាងជើង ដែលបាននិយាយថា ខ្លួនកំពុងត្រៀមធ្វើ «សង្រ្គាមនុយក្លេអ៊ែរ» ជាមួយសត្រូវ៕

[BREAKING NEWS] មនុស្ស ១០នាក់ស្លាប់ក្នុងឧបទ្ទវហេតុធ្លាក់យន្តហោះនៅដែនដី ណសវេស ភាគខាងជើងកាណាដា

2024/01/24 10:43:18 am        393
Facebook Telegram Linkin
មនុស្ស ១០នាក់បានស្លាប់ ហើយអ្នកនៅរស់រានមានជីវិតតែម្នាក់ បានរងការរលាកធ្ងន់ធ្ងរនៅក្នុង​ការធ្លាក់​យន្តហោះខ្នាតតូច ប៊ីអេអ៊ី ជេតស្រ្ទីម (BAE Jetstream) ដែលមាន ១៩កៅអី នៅព្រឹក​ថ្ងៃអង្គារ (២៣ មករា) នៅភាគខាងជើងប្រទេសកាណាដា។ យន្តហោះ BAE Jetstream ១៩កៅអី ដែលដំណើរការដោយក្រុមហ៊ុនអាកាសចរណ៍ ណសវេស អ៊ែរលៀស (Northwestern Air Lease) នោះបានធ្លាក់ភ្លាមៗបន្ទាប់ពីការហោះហើរពីទីក្រុង ហ្វត ស្មីត (Fort Smith) នៅភាគអាគ្នេយ៍នៃដែនដី ណសវេស (Northwest Territories)។មន្ទីរ​ពេទ្យក្នុងតំបន់បានផ្តួចផ្តើមឱ្យមានការឆ្លើយតបចំពោះជនរងគ្រោះដ៏ច្រើន ប៉ុន្តែបាន​ឈប់​ទៅ​វិញ​នៅ​ពេល​ដែលព័ត៌មានលម្អិតនៃសោកនាដកម្មត្រូវបានបញ្ជាក់។ មានអ្នកដំណើរ ៩នាក់ និង​នាវិក ២នាក់ នៅលើយន្តហោះនោះ។ គេមិនទាន់ដឹងភ្លាមៗថា តើអ្នកនៅ​រស់រានមាន​ជីវិ​ត​នោះ​ជា​អ្នក​បើក​យន្តហោះ ឬជាអ្នកដំណើរនោះទេ។ បុគ្គលិករុករក និងជួយសង្គ្រោះយោធា​បានលោត​ឆ័ត្រ​​យោង​ចុះទៅកាន់កន្លែងកើតហេតុនោះនៅរសៀលថ្ងៃអង្គារ (២៣ មករា)។អាជ្ញាធរ​សេវាសុខភាព និងសង្គមនៃដែនដីណសវេស នៅភូមិ ហ្វតស្មីត នៃដែនដីនេះ បាននិយាយថា ខ្លួនបានបើកដំណើរការប្រតិបត្តិការ នៃគ្រោះថ្នាក់ដ៏ធំរបស់ខ្លួនបន្ទាប់​ពីការធ្លាក់​នៅ​ពេល​ព្រឹក។ ក្រុមប្រឹក្សាសុវត្ថិភាពរបស់ប្រទេសកាណាដា កំពុងបញ្ជូនអ្នកស៊ើប​អង្កេតទៅកាន់​ដែនដី​ណសវេស ដើម្បីស៊ើបអង្កេតលើការធ្លាក់យន្តហោះនេះ៕

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន ប្រារព្ធកិច្ចបួងសួងសុំសេចក្តីសុខ សេចក្តីចម្រើនជូនប្រទេសជាតិ នៅប្រាសាទនាគព័ន្ធ
09/07/2025 08:09 PM
Facebook Telegram Linkin
សម្តេចធិបតី៖ សុខុមាលភាពកងទ័ពទាំង១៨នាក់ ដែលថៃចាប់ទៅគឺជាបញ្ហានៃសេចក្តីថ្លៃថ្នូររបស់ជាតិ
09/07/2025 08:09 PM
Facebook Telegram Linkin
រដ្ឋបាលខណ្ឌ៧មករា បានរៀបចំពិធីសូត្រមន្តកាន់បិណ្ឌទី១ នៅវត្តព្រះពុទ្ធមានបុណ្យ
09/07/2025 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញក្នុងពិធីសូត្រមន្ត កាន់បិណ្ឌវេនទី១ នៅវត្តបទុមវតី
09/07/2025 06:09 PM
Facebook Telegram Linkin
ថ្នាក់ដឹកនាំ និងមន្ត្រីជំនាញ ក្រសួងមុខងារសាធារណៈបង្ហាញស្មារតីទទួលខុសត្រូវខ្ពស់ និងត្រៀមលក្ខណៈរួចរាល់ធ្វើប្រតិបត្តិការជំរឿនមន្ត្រីជាក់ស្តែងសម្រេចលទ្ធផលជូនរាជរដ្ឋាភិបាល
09/07/2025 05:09 PM
Facebook Telegram Linkin
ទឹកជំនន់នៅនីហ្សេរីយ៉ា បានសម្លាប់មនុស្សលើសពី ២៣០នាក់ ដោយជាង ១០០នាក់ នៅតែបាត់ខ្លួន
09/07/2025 05:09 PM
Facebook Telegram Linkin
ប្រធានក្រុមការងារចុះជួយឃុំទួលសាលា អំពាវនាវពលរដ្ឋជឿជាក់លើរាជរដ្ឋាភិបាល ស្វែងរកសន្តិភាពជូនប្រទេសជាតិ ជុំវិញជម្លោះព្រំដែន
09/07/2025 05:09 PM
Facebook Telegram Linkin
ពលរដ្ឋអាមេរិកជាង ២៥លាននាក់ ស្ថិតក្រោមការព្រមាន ខណៈអាកាសធាតុធ្ងន់ធ្ងរវាយប្រហារភាគឦសាន
09/07/2025 05:09 PM
Facebook Telegram Linkin
សម្ដេចធិបតី អបអរលោក Anutin ក្លាយជានាយករដ្ឋមន្ត្រីថៃថ្មី ខណៈកម្ពុជារងចាំធ្វើការជាមួយគ្នាស្ដារទំនាក់ទំនង និងសន្តិភាពប្រទេសទាំងពីរឡើងវិញ
09/07/2025 04:09 PM
Facebook Telegram Linkin
[UPDATE] នាយករដ្ឋមន្ត្រីជប៉ុន Ishiba បានចេញមកប្រកាសថា លោកសម្រេចចិត្តចុះពីតំណែងហើយ
09/07/2025 04:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.