នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្តេចធិបតី ក្នុងឱកាសសម្ពោធស្ពាន និងសំណេះសំណាលជាមួយកម្មករ និយោជិតជាង១ម៉ឺននាក់ ក្នុងខេត្តកោះកុង

2024/01/08 09:33:34 am        67
Facebook Telegram Linkin
កោះកុង៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៨ មករា ២០២៤ បានអញ្ជើញជាអធិបតី សម្ពោធដាក់ឱ្យប្រើប្រាស់ជាផ្លូវការ “ស្ពានសម្តេចតេជោ ហ៊ុន សែន កោះយ៉” និងជួបសំណេះសំណាលជាមួយ “បងប្អូនកម្មករ និយោជិតចំនួន ១១ ០០០នាក់ ក្នុងស្រុកមណ្ឌលសីមា ខេត្តកោះកុង” ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖ -សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ថ្លែងអំណរគុណដល់ប្រជាពលរដ្ឋនៅក្នុងខេត្តកោះកុង ដែលកាលពីអំឡុងពេលបោះឆ្នោត ជឿជាក់ និងបានបោះឆ្នោតគាំទ្រគណបក្សប្រជាជនកម្ពុជាប្រមាណ ៨៥,៧៥ ភាគរយ ក្នុងចំណោមប្រជាពលរដ្ឋនៅទូទាំងខេត្ត។-សម្ដេចធិបតី ហ៊ុន ម៉ាណែត ថ្លែងថា បើគ្មានសន្ដិភាព គឺមិនអាចឱ្យប្រជាពលរដ្ឋរស់នៅប្រកបដោយសេចក្ដីសុខបានទេ។ សន្ដិភាពនេះ គឺកើតឡើងតាមរយៈនយោបាយ ឈ្នះ ឈ្នះ របស់សម្ដេចតេជោ ហ៊ុន សែន ដូច្នេះកាលពីថ្ងៃទី១ ខែមករា ឆ្នាំ២០២៤ រាជរដ្ឋាភិបាលបានចេញអនុក្រឹត្យយកថ្ងៃទី ២៩ ខែធ្នូ ជា «ទិវាសន្តិភាពនៅកម្ពុជា» ថ្ងៃឈប់សម្រាក១ថ្ងៃនៅទូទាំងប្រទេស។

សម្តេចធិបតី ហ៊ុន ម៉ាណែត អញ្ជើញសម្ពោធស្ពាន និងសំណេះសំណាលជាមួយកម្មករ និយោជិតជាង១ម៉ឺននាក់ ក្នុងខេត្តកោះកុង

2024/01/08 09:27:32 am        284
Facebook Telegram Linkin
កោះកុង៖ នៅព្រឹកថ្ងៃទី៨ ខែមករា ឆ្នាំ២០២៤នេះ សម្ដេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អញ្ជើញសម្ពោធស្ពានបេតុង និងសំណេះសំណាលជាមួយកម្មករ និយោជិតសរុបជាង១ម៉ឺននាក់ នៅក្នុងខេត្តកោះកុង។ស្ពានបេតុងដែលសម្ពោធដាក់ឱ្យប្រើប្រាស់នេះ មានឈ្មោះថា «ស្ពានសម្តេចតេជោ ហ៊ុន សែន កោះយ៉»។ ស្ពាននេះជាសមិទ្ធផលថ្មីមួយទៀត សម្រាប់ប្រជាពលរដ្ឋរស់នៅឃុំប៉ាក់ខ្លង ស្រុកមណ្ឌលសីមា ខេត្តកោះកុង ជាអំណោយរបស់សម្តេចតេជោ ហ៊ុន សែន តាមរយ:អ្នកឧកញ៉ា លី យ៉ុងផាត់ សមាជិកព្រឹទ្ធសភា និងភរិយា។ ស្ពាននេះមានប្រវែង ១២០ ម៉ែត្រ ទទឹង ១១ ម៉ែត្រ ចំណាយថវិកាសាងសង់ជាង ១,៣ លានដុល្លារអាមេរិក។ស្ពាននេះសាងសង់ឡើងដើម្បីសម្រួលចរាចរណ៍ប្រជាពលរដ្ឋ ក៏ដូចជាភ្ញៀវទេសចរបានធ្វើដំណើរ បន្ទាប់ពីស្ពានបេឡេ ដែលឆ្លងកាត់ព្រែកកោះយ៉មានសភាពចាស់ទ្រុឌទ្រោម។

លោកស្រីនាយករដ្ឋមន្ត្រី បង់ក្លាដែស ឈ្នះការបោះឆ្នោតជាថ្មី ក្រោយការបោះឆ្នោតដោយគ្មានបក្សប្រឆាំង

2024/01/08 08:38:42 am        148
Facebook Telegram Linkin
ក្រុមមន្ត្រីបាននិយាយថា លោកស្រីនាយករដ្ឋមន្ត្រីបង់ក្លាដែស សេក ហាស៊ីណា (Sheikh Hasina) បានឈ្នះការបោះឆ្នោតជាថ្មីសម្រាប់អាណត្តិទី៥កាលពីថ្ងៃអាទិត្យ ទី៧ មករា បន្ទាប់ពីការធ្វើពហិការ ដឹកនាំដោយគណបក្សប្រឆាំង ដែលលោកស្រី ហៅថាជា អង្គការភេរវកម្ម ។ អ្នកនាំពាក្យគណៈកម្មាធិការរៀបចំការបោះឆ្នោតមួយរូបបានប្រាប់សារព័ត៌មាន AFP នៅព្រឹកថ្ងៃចន្ទនេះបន្ទាប់ពីការបោះឆ្នោតដែលរបាយការណ៍បឋមបានលើកឡើងថាមានអ្នកទៅបោះឆ្នោតតិចជាង៤០ ភាគរយថា គណបក្សសម្ព័ន្ធ អាវ៉ាមី (Awami League)ដែលកំពុងកាន់អំណាចរបស់លោកស្រីហាស៊ីណា(Hasina)បានឈ្នះការបោះឆ្នោត។ លោកស្រីបានដឹកនាំកំណើនសេដ្ឋកិច្ចនៅក្នុងប្រទេសមួយនេះ ដែលធ្លាប់ត្រូវបានរួបរឹតដោយភាពក្រីក្រ ប៉ុន្តែរដ្ឋាភិបាលរបស់លោកស្រីត្រូវបានចោទប្រកាន់ពីបទរំលោភសិទ្ធិមនុស្សធ្ងន់ធ្ងរ និងការបង្រ្កាបដ៏ឃោរឃៅលើក្រុមប្រឆាំង។ គណបក្សរបស់លោកស្រីស្ទើរតែគ្មានគូប្រជែងដ៏មានប្រសិទ្ធភាពនៅក្នុងអាសនៈដែលខ្លួនប្រកួតប្រជែងនោះទេ ប៉ុន្តែបានបញ្ចៀសការចុះឈ្មោះបេក្ខជននៅក្នុងមណ្ឌលមួយចំនួន ក្នុងកិច្ចខិតខំប្រឹងប្រែងជាក់ស្តែង ដើម្បីជៀសវាងសភា ដែលត្រូវបានចាត់ទុកថាជាស្ថាប័នឯកបក្ស។ គណបក្សប្រឆាំងជាតិនិយមបង់ក្លាដែស (BNP) ដែលចំណាត់ថ្នាក់របស់ពួកគេត្រូវបានកាត់បន្ថយដោយការចាប់ខ្លួនដ៏ធំ ដែលហៅថាកូដកម្មសកល ហើយរួមជាមួយមនុស្សរាប់សិបនាក់ផ្សេងទៀតបានបដិសេធមិនចូលរួមក្នុង ការបោះឆ្នោតដែលពួកគេហៅថាជាការបោះឆ្នោតគ្មានការអៀនខ្មាស់។ ស្របពេលលទ្ធផលចុងក្រោយ និងតួលេខពិតប្រាកដនឹងត្រូវបានប្រកាសជាផ្លូវការនៅក្នុងពិធីមួយនៅពេលក្រោយនៅថ្ងៃចន្ទនេះ មន្ត្រីគណៈកម្មាធិការរៀបចំការបោះឆ្នោតបាននិយាយថា គណបក្សរបស់លោកស្រីហាស៊ីណា បានឈ្នះប្រហែលបីភាគបួននៃអាសនៈយ៉ាងហោចណាស់ ២២០ នៃចំនួន អាសនៈសរុប៣០០៕

សម្តេច ឃួន សុដារី លើកទឹកចិត្តសមាជិកគណបក្សប្រជាជនកម្ពុជាចុះជួយស្រុកលើកដែកបន្តចុះជាប់ និងដោះស្រាយសំណូមពរពលរដ្ឋឆ្លើយតបជំនឿទុកចិត្តមិនឱ្យខកបំណង

2024/01/07 07:28:05 pm        55
Facebook Telegram Linkin
កណ្ដាល៖សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា​ សមាជិកាគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈអចិន្រ្តៃយ៍ក្រុមការងារគណបក្សប្រជាជនកម្ពុជាថ្នាក់កណ្តាល ចុះមូលដ្ឋានស្រុកលើកដែក បានលើកទឹកចិត្តសមាជិកគណបក្សចុះជួយស្រុកលើកដែកគ្រប់លំដាប់ថ្នាក់ បន្តបម្រើឆ្លើយតបសេវាតម្រូវការ និងសេវាសំណូមពរនានា ជូនប្រជាពលរដ្ឋឆ្លើយតបនឹងជំនឿទុកចិត្ត កុំឱ្យខកបំណងដែលប្រជាពលរដ្ឋបានបោះឆ្នោតជូនគណបក្សប្រជាជនកម្ពុជា ក្នុងការដឹកនាំប្រទេសជារហូតមកនិងបន្តបន្ទាប់ទៅអនាគតទៀត។ការជំរុញនិងលើកទឹកចិត្តនេះ បានលើកឡើងក្នុងឱកាស សម្តេចរដ្ឋសភាធិបតី អញ្ជើញជាអធិបតីភាពដ៏ខ្ពង់ខ្ពស់ក្នុងពិធីផ្សព្វផ្សាយលទ្ឋផលមហាសន្និបាតវិសាមញ្ញតំណាងទូទាំងប្រទេស របស់គណបក្សប្រជាជនកម្ពុជា នៅស្រុកលើកដែក ខេត្តកណ្តាល នាព្រឹកថ្ងៃសៅរ៍​ ទី៦ ខែមករា ឆ្នាំ២០២៤។មានប្រសាសន៍ទៅកាន់សមាជិកចូលរួមប្រមាណ៣០០នាក់ សម្តេចរដ្ឋសភាធិបតី ឃួន សុដារី បាននាំយកនូវការផ្តាំផ្ញើសាកសួរសុខទុក្ខ និងការថ្លែងអំណរគុណ ពីថ្នាក់ដឹកនាំគណបក្សគ្រប់ជាន់ថ្នាក់ ជាពិសេសពី​ សម្តេចតេជោ ហ៊ុន សែន ប្រធានគណបក្ស ជូនប្រជាពលរដ្ឋនៅស្រុកលើកដែក ក៏ដូចជាប្រជាពលរដ្ឋនៅទូទំាងប្រទេស ដែលបានបោះឆ្នោតជូនគណបក្សកាលពីខែកក្កដា កន្លងមកនេះ មានរហូតដល់ជាង៨២% ក្នុងចំណោមប្រជាពលរដ្ឋបានចេញទៅបោះឆ្នោត ដែលជាចំនួនច្រើនលើសលប់ មិនធ្លាប់មានតំាងពីឆ្នាំ១៩៩៣ មក។សម្តេចរដ្ឋសភាធិបតី បានគូសបញ្ជាក់ថា ការចូលរួមក្នុងដំណើរការបោះឆ្នោត និងការគាំទ្រដ៏ច្រើនសន្ធឹកសន្ធាប់ពីសំណាក់ប្រជាជនបែបនេះ ជាកត្តាសត្យានុម័តជួយឱ្យដំណើរការផ្ទេរអំណាចពីឥស្សរជនថ្នាក់ដឹកនាំជំនាន់មុន មកឥស្សរជនជំនាន់ក្រោយជាអ្នកបន្តវេន បានប្រព្រឹត្តទៅដោយរលូន ជាព្រឹត្តិការណ៍ប្រវត្តិសាស្រ្ត មិនធ្លាប់មានក្នុងរយៈពេលប្រមាណ៥០០ឆ្នាំកន្លងមកនេះ នៅកម្ពុជា។ រាជរដ្ឋាភិបាលអាណត្តិទី៧ នៃរដ្ឋសភា បានដាក់ចេញនូវ “យុទ្ធសាស្ត្របញ្ចកោណដំណាក់កាលទី១ ” ដើម្បីកំណើនការងារ សមធម៌ ប្រសិទ្ធភាព និងចីរភាព សំដៅស្តារឡើងវិញនូវសេដ្ឋកិច្ចសង្គម ប្រកបដោយភាពធន់ និងបរិយាប័ន្ន។សម្តេចរដ្ឋសភាធិបតី ឃួន សុដារី បានបញ្ជាក់ថា មហាសន្និបាតវិសាមញ្ញតំណាងទូទាំងប្រទេសរបស់គណបក្សកាលពីថ្ងៃទី៩​ និងទី១០ ខែធ្នូ ឆ្នាំ២០២៣ បានប្រារព្ធធ្វើឡើងក្រោមវត្តមានដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស បានសម្រេចជ្រើសតាំងសម្ដេចមហាបវរធិបតី ហ៊ុន ម៉ាណែត ជាអនុប្រធានគណបក្សប្រជាជនកម្ពុជា​ និងសម្រេចបោះឆ្នោតជ្រើសតាំងបន្ថែមសមាជិកគណៈកម្មាធិការកណ្ដាលចំនួន៤៩៦រូប ធ្វើឱ្យសមាជិកគណៈកម្មាធិការកណ្ដាលរបស់គណបក្សប្រជាជនកម្ពុជា មានចំនួនសរុប ១៣១២រូប និងការសម្រេចបញ្ចូលសមាជិកគណៈអចិន្ត្រៃយ៍នៃគណៈកម្មាធិការកណ្តាលរបស់គណបក្សចំនួន២៣រូបបន្ថែមទៀតផងដែរ។នៅក្នុងឱកាសនោះ សម្តេចរដ្ឋសភាធិបតី បានលើកឡើងពីតម្លៃសន្តិភាព ដំណើរការលទ្ធិប្រជាធិបតេយ្យ កំណើនសេដ្ឋកិច្ច ស្ថិរភាពសង្គម និងស្ថានភាពវឹកវររបស់សកលលោកដែលកំពុងកើតមាន។ សម្តេចរដ្ឋសភាធិបតី ក៏បានជម្រាបអង្គពិធីពីលទ្ធផលដឹកនាំរបស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត ផងដែរ។សម្តេចប្រធានគណៈអចិន្រ្តៃយ៍ ក្រុមការងារគណបក្សចុះមូលដ្ឋានស្រុកលើកដែក បានលើកឡើងថា រាជរដ្ឋាភិបាល អាណត្តិទី៧ មានសមាសភាពគណៈរដ្ឋមន្រ្តី ភាគច្រើនជាយុវជន មានអាយុក្រោម៦០ឆ្នាំ មានទំាងចំណេះដឹងនិងសីលធម៌ ពោរពេញដោយថាមពល បានកំពុងបម្រើប្រទេសជាតិ ប្រកបដោយភាពស្វាហាប់។ នៅក្នុងរយៈពេលប្រមាណ៤ខែមកនេះ រាជរដ្ឋាភិបាលអាណត្តិទី៧ សម្រេចបានលទ្ឋផលជាច្រើនជាទីមោទកភាពយ៉ាងក្រៃលែង បន្ទាប់ពីបានដាក់ចេញនូវយុទ្ធសាស្ត្របញ្ចកោណដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងនិរន្តរភាព ដោយកំំណត់អាទិភាពគន្លឹះ ៥ គឺមនុស្ស ផ្លូវ ទឹក ភ្លើង និងបច្ចេកវិទ្យា។សម្តេចរដ្ឋសភាធិបតី ឃួន សុដារី បានមានប្រសាសន៍បន្ថែមថា មហាសន្និបាតគណបក្សប្រជាជនកម្ពុជា គាំទ្រពេញទំហឹងចំពោះរាជរដ្ឋាភិបាលនីតិកាលទី ៧ នៃរដ្ឋសភា ដើម្បីអនុវត្តដោយជោគជ័យនូវកម្មវិធីនយោបាយរបស់ខ្លួន សំដៅការពារ ថែរក្សា ពួនជ្រំ សមិទ្ធិផលជាតិ ជំរុញសន្ទុះកំណើនសេដ្ឋកិច្ច ធ្វើឱ្យប្រទេសកម្ពុជា ប្រែក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសអភិវឌ្ឍន៍មានចំណូលខ្ពស់ នៅឆ្នាំ២០៥០ ។ក្រោយពីបានស្តាប់របាយការណ៍របស់គណៈកម្មាធិការកណ្ដាល ស្ដីពីសភាពការណ៍ទូទៅ និងការងារគណបក្សឆ្នាំ ២០២៣ និងទិសដៅភារកិច្ចឆ្នាំ២០២៤ សេចក្ដីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា និងសេចក្ដីសម្រេច ស្ដីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤រួចមក​ សម្តេចរដ្ឋសភាធិបតី ឃួន សុដារី ក៏ដូចជាសមាជិកសមាជិកាគណបក្សទាំងអស់ បានប្តេជ្ញារួមគ្នាយ៉ាងមុតមាំ នៅក្នុងអនុវត្តឱ្យសម្រេចនូវរាល់សេចក្តីសម្រេច ផែនការ និងទិសដៅរបស់គណបក្សប្រជាជនកម្ពុជាឱ្យទទួល បានជោគជ័យ មានប្រសិទ្ធភាពខ្ពស់ ជាពិសេសការទទួលជ័យជម្នះ នៅក្នុងការបោះឆ្នោតបន្តបន្ទាប់ នៅពេលអនាគតទៀត៕

ក្រុមសេដ្ឋកិច្ចក្រៅប្រព័ន្ធចូលរួមអបអរសាទរទិវាជ័យជម្នះ៧មករាលើរបបប្រល័យពូជសាសន៍

2024/01/07 06:52:06 pm        396
Facebook Telegram Linkin
ភ្នំពេញ៖ក្រុមសេដ្ឋកិច្ចក្រៅប្រព័ន្ធនៃសមាគមយុវជនខ្មែរមហានគរ នៅរសៀលថ្ងៃទី៧ ខែមករា ឆ្នាំ២០២៤នេះ បាន​រួមគ្នា​ ចូលរួម​អបអរសាទរ និង​ចេញសេចក្ដីថ្លែងការណ៍ ទិវាជ័យជម្នះ ៧មករា ១៩៧៩-២០២៤ ក្រោមប្រធានបទ «ថ្ងៃ៧មករា ឆ្នាំ៧៩ ជាមូលដ្ឋានគ្រឹះនៃសិទ្ធរស់រានមានជីវិត និងការអភិវឌ្ឍ» ដើម្បីរម្លឹកដល់គុណូបការៈដ៏ថ្លៃថ្លា និងការលះបង់ដ៏មហាធំធេងរបស់សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ចំពោះប្រទេសជាតិ និងប្រជាជនខ្មែរទាំងមូល។ក្រុមសេដ្ឋកិច្ចក្រៅប្រព័ន្ធ នៃសមាគមយុវជនខ្មែរមហានគរទាំង ១៦ ផែននៃសមាគមយុវជនខ្មែរមហានគរទាំងអស់គ្នា រួមមាន សិស្ស និស្សិត បញ្ញវន្ត អាជីវករ និងអ្នករត់កង់បីជាដើម នៅថ្ងៃទី៧ មករានេះ បានបង្ហាញសេចក្ដីសោមនស្សរីករាយរំឮកដល់គុណបំណាច់ដ៏មហាធំធេង នាឱកាសថ្ងៃទិវាជ័យជម្នះ ៧ មករា ផ្ដួលរំលំរបបប្រល័យពូជសាសន៍ ប៉ុល ពត។លោក ហេង សំណាង ប្រធានក្រុមយុវជនសង្គមស៊ីវិល បានឱ្យដឹងថាបណ្តាលក្រុមយុវជនខេត្តក្រុងនានា បានរួមគ្នារៀបចំការអបអរសាទរទិវា ថ្ងៃ៧ មករា ជាមួយ រដ្ឋបាលក្រុង ស្រុក ខេត្តជាបន្តបន្ទាប់ក្នុងថ្ងៃនេះ។ លោកថ្លែងថា អ្វីដែលយុវជនចង់ឃើញ គឺធ្វើយ៉ាងណាចង់ចាំនូវថ្ងៃប្រវត្តិសាស្ត្រ ៧មករា និងឱ្យតម្លៃការធ្វើកិច្ចការងារដើម្បីសង្គមជាតិ និងចូលរួមការពារទឹកដី មាតុភូមិរបស់កម្ពុជាឱ្យទទួលបាននូវសុខសន្ដិភាព។លោកថ្លែងថា យុវជនសង្គមស៊ីវិលនៅតាមណ្តាលខេត្ត ក្រុង នានាបានសម្តែងការអរគុណ និងដឹងគុណដល់វីរភាព អតីតយុទ្ធជន ប្រជាជនដែលបានលះបង់ជីវិត ក្នុងការរក្សាទឹកដីពិសេស ដឹងគុណដល់សម្តេចតេជោ ហ៊ុន សែន ដែលជាស្ថាបនិក និងជាអគ្គមគ្គុទេសឯក សន្តិភាព និងជាអ្នករំដោះកម្ពុជាចេញពីភាពខ្មៅងងឹត យង់ខ្នង ពីរបបសម្លាប់រង្គាល ប្រល័យពូជសាសន៍ ក្នុងរបប ៣ឆ្នាំ ៨ខែ ២០ថ្ងៃ ខ្មែរក្រហម។ក្នុងឱកាសនេះ ក្រុមយុវជនសង្គមស៊ីវិលបានថ្លែងអំណរគុណយ៉ាងជ្រាលជ្រៅបំផុតចំពោះថ្នាក់ដឹកនាំនីតិកាលទី៦ និងនីតិកាលទី៧ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត ដែលកំពុងបន្តដឹកនាំនាវាកម្ពុជាឱ្យកាន់តែរីកចម្រើន និងអភិវឌ្ឍន៍ធនធានមនុស្ស អភិវឌ្ឍធនធានសេដ្ឋកិច្ចកម្ពុជា ប្រកបដោយចីរភាព ដើម្បីបន្តធានាបាន នូវសមិទ្ធផលនានា និងធានាបាននូវសុខ សន្តិភាព របស់កម្ពុជាជានិរន្តន៍៕ 

ក្រុមអ្នកវិភាគ៖ ភាពស្និទ្ធស្នាលរវាងក្រសួងការងារ និងបណ្តាសហជីពគ្រប់និន្នាការ គឺជាសញ្ញាណ នៃសុខដុមនីយកម្មលើវិស័យការងារនៅកម្ពុជា

2024/01/05 03:27:05 pm        114
Facebook Telegram Linkin
ក្រុមអ្នកវិភាគមើលឃើញថាភាពស្និទ្ធស្នាលរវាងក្រសួងការងារ និងបណ្តុះបណ្តាលវិជ្ជាជីវៈ ជាមួយ​បណ្តាសហជីពគ្រប់និន្នាការនៅក្នុងស្រុក ជាសញ្ញាណ​នៃ​ការ​ធ្វើ​ឱ្យ​មាន​ការ​ដោះស្រាយ​បញ្ហា​រួម​លើ​វិស័យការងារ កម្មករនិយោជិត ជៀសជាងវាយប្រហារគ្នាតាមរយៈរបាយការណ៍ និង​សកម្មភាព​នានាដែលធ្វើឱ្យប៉ះពាល់ដោយប្រយោល និងផ្ទាល់ ដល់ភាព​សុខដុម​នីយកម្ម​ក្នុង​វិស័យ​ការងារ​នៅកម្ពុជា។ ការលើកឡើងបែបនេះបន្ទាប់ពីត្រូវបានគេមើលឃើញថា ក្រសួងការងារ និងបណ្តុះបណ្តាល​វិជ្ជា​ជីវៈ​តែង​មាន​ជំនួប​ជា​រើយៗជាមួយបណ្តាសហជីពគ្រប់និន្នការនៅកម្ពុជា ដើម្បីជជែក ពិភាក្សា​ការងារ ដាក់បញ្ហានៅលើតុរកដំណោះស្រាយរួមមួយ។មិនមែនលើកទី១ទេដែលក្រសួងការងារ និងបណ្តុះបណ្តាល​វិជ្ជាជីវៈ​បាន​ជួប​ជាមួយ​បណ្តាល​មេ​ដឹកនាំ​សហជីព ។ ដូចកាលពីថ្ងៃទី៥ ខែតុលា ឆ្នាំ២០២៣ ឯកឧត្ដម ហេង សួរ រដ្ឋមន្រ្តី​ក្រសួង​ការងារ​ បានជួបជាមួយបណ្តាសហជីពធំៗដូចជា លោក អាត់ ធន់ ប្រធាន​សហភាព​ការងារ​កម្ពុជា​ និងជាសមាជិកក្រុមប្រឹក្សាជាតិប្រាក់ឈ្នួលអប្បបរមា ប្រធាន​សម្ព័ន្ធ​សហជីព​ប្រជាធិបតេយ្យ​កម្មករ​កាត់ដេរកម្ពុជា (ស៊ីខៅឌូ ឬ C-CAWDU) លោក គង់ អាទិត្យ និង លោក ប៉ាវ ស៊ីណា ប្រធានសហភាពចលនាកម្មករកម្ពុជា និងបណ្តាសហជីពក្នុងស្រុកដ៏ទៃទៀត ។ នេះ​បើ​តាមក្រសួងការងារចេញផ្សាយរបាយការណ៍របស់ខ្លួននៅថ្ងៃទី៣០ ខែធ្នូ ឆ្នាំ២០២៣ កន្លងទៅ។ ប្រការនេះហើយទើប លោកបណ្ឌិត យ៉ង់ ពៅ អគ្គលេខាធិការ​នៃ​អគ្គលេខា​ធិការដ្ឋាន​រាជ​បណ្ឌិត្យ​សភា​កម្ពុជា​ បានលើកឡើងថាការខិតជិតរកគ្នារវាងភាគីសហជីព និងរាជរដ្ឋាភិបាល​គឺ​ជា​សញ្ញាណ​មួយ​ល្អណាស់ ពីព្រោះគ្មានអ្វី​ល្អជាង​ការ​ដាក់​បញ្ហា​នៅ​លើ​តុមូល​ហើយ​ជជែក​រក​ដំណោះ​ស្រាយ​នោះ​ទេ ជាពិសេសនោះគឺភាគីទាំងពីរមានគោលបំណងក្នុងការការពារសិទ្ធិ និងផល​ប្រយោជន៍​របស់កម្មករនិយោជិតដូចគ្នា ។ លោកបណ្ឌិតបន្ថែម « ការធ្វើបែបនេះគួរតែធ្វើបែបនេះតាំងតែពីដើម ក៏ប៉ុន្តែរឿង​ហួស​ឱ្យ​វា​ហួស​ទៅ​ចុះ សំខាន់បច្ចុប្បន្នយើងគួរមានយន្តការបែបនេះក្នុងការដោះស្រាយបញ្ហា និង​ការ​ពារ​សិទ្ធិ​ជូន​ពលរដ្ឋ​កម្ពុជា។ ការដាក់ក្បាលមេក្រូ ការប្រើវិធីហឹង្សា ការចេញរបាយការណ៍ទៅក្រៅហួសហេតុ មិន​មែនជាដំណោះស្រាយល្អនោះទេ »។ ដោយឡែកលោក បណ្ឌិតយ៉ង់ ពៅ បានជំរុញឱ្យទាំងសហជីព និងរដ្ឋាភិបាល​ដែល​សុទ្ធ​តែ​ជា​អ្នក​ការពារ​ប្រយោជន៍​ជូនកម្មករដូចគ្នា អាចធ្វើការជាមួយគ្នាបានដោយរលូន និងបង្កើត​ឱ្យ​មាន​យន្តការ​ធ្វើ​ការជា​មួយ​គ្នា​ជៀសជាង​ការ​ប្រើ​វេទិកា​ផ្សេង​ៗក្នុ​ង​ការ​វាយ​ប្រហារ​គ្នា​ដែល​សុទ្ធ​តែ​ជះ​ឥទ្ធិពល និងលទ្ធផលមិនល្អដល់វិស័យការងារនិយាយដាច់ដោយឡែក និងសង្គម​ជាតិ​និយាយ​ជា​រួ​ម​។​លោក បណ្ឌិត ឆេង គឹមឡុង នាយកនៃមជ្ឈមណ្ឌលនវានុវត្តន៍ផ្នែកអភិបាលកិច្ច និង​ប្រជាធិបតេយ្យ នៃវិទ្យាស្ថានចក្ខុវិស័យអាស៊ី ថាការខិតជិតរកគ្នា​រវាង​សហជីព​ជាមួយ​រាជ​រដ្ឋាភិបាល​នេះ​គឺជារឿងមួយល្អសម្រាប់និរន្តរភាពវិស័យការងារនៅកម្ពុជា ដែលសហជីព និង​រាជ​រដ្ឋាភិបាល​តែង​មានភាពចម្រូងចម្រាស់រវាងគ្នា និងគ្នានាពេលកន្លងមក។ លោកបណ្ឌិតបន្ថែមថា ការធ្វើបែបនេះជារឿងត្រឹមត្រូវ និងមានយន្តការដោះស្រាយបញ្ហារួម ជៀស​ជាង​ធ្វើសកម្មភាពប្រឆាំងគ្នាដែលនាំឱ្យខូចខាតប្រយោជន៍ជាតិជារួម ជាពិសេស​ប៉ះ​ពាល់​ដល់​កម្មករ កម្មការិនី ដែលកំពុងបម្រើការងារនៅតាមបណ្តារោងចក្រ ឧស្សាហកម្ម ដែល​ការងារ​នេះ​ជា​ចំណូលបង្គោលសម្រាប់គ្រួសាររបស់ពួកគេ។ លោកបណ្ឌិតបានថ្លែងថា៖ «ជាពិសេសនៅ​ក្នុង​ស្ថាន​ការ​សេដ្ឋកិច្ច​កំពុង​មាន​បញ្ហា​ដូច​ពេល​បច្ចុប្បន្ន​នេះ ការចេញរបាយការណ៍របស់(សហជីព)ទៅខាងក្រៅ ត្រូវមានការ​ប្រយ័ត្ន​ប្រយែង​ដែល​អាច​ធ្វើឱ្យប៉ះពាល់ទៅដល់សេដ្ឋកិច្ចជាតិ និងអ្នកវិនិយោគ។ ក្នុងន័យនេះ​គឺ​ជាតិ​រប​ស់​យើង​ខូច​ខាត​ ហើយយើងខាតទាំងអស់គ្នា»។ការលើកឡើងដូចនេះដោយសារលោកបណ្ឌិត បានមើលឃើញថា សហជីពមួយចំនួននៅកម្ពុជា តែង​តែ​ធ្វើ​របាយការណ៍​រិះ​គន់​ពី​ស្ថាន​ភាព​កម្មករ​នៅ​កម្ពុជា​ដែល​មិ​ន​ឆ្លុះ​បញ្ចាំង​ពី​ស្ថាន​ភាព​ពិត​ប្រាកដ​​។ បើតាមលោកបណ្ឌិត សហជីពគួរ​តែ​អនុវត្ត​ស្មារតី​ស្តីពី​ច្បាប់​ស្តីពីស​ហជីព​ដែល​បាន​ចែង​ឱ្យ​សហជីព​ជំរុញឱ្យមានសុខដុមរមនាក្នុងទំនាក់ទំនងវិជ្ជាជីវៈ និងរួមចំណែក​ក្នុង​ការ​អភិ​វឌ្ឍ​ការងារ​សមរម្យ បង្កើនផលិតភាព និងការវិនិយោគ បន្ថែមលើកិច្ចការពារសិទ្ធិកម្មករ។ លោកបញ្ជាក់ថា «...បើមិនប្រយ័ត្នប្រយែងនោះទេ នោះគឺវាយឆ្នាំងបាយធំហើយ ប៉ះពាល់​ការ​វិនិយោគ ។ ក្នុងលក្ខខណ្ឌនេះបណ្តាប្រទេសខាងក្រៅគេមានសណ្តាប់ធ្នាប់ជាងយើង នោះ​អ្នក​រក​ស៊ី​គេរត់​ទៅ​បណ្តាប្រទេស​ទាំង​នោះ​ហើយ​ពី​ព្រោះប្រ​ទេស​ទាំង​នោះ​គេ​មានស្ថា​រភាព​លើ​ការ​គ្រប់គ្រង​កម្មករ​ហើយគេមានសុវត្ថិភាពជាង»។ ដោយឡែកឯកឧត្ដម ហេង សួរ រដ្ឋមន្រ្តីក្រសួងការងារ និងបណ្តុះបណ្តាល​វិជ្ជា​ជីវៈ​បាន​លើក​ឡើង​ក្នុង​ជំនួ​បរវាង សហភាព និងសហព័ន្ធសហជីពចំនូន២០៥នៅទូទាំងប្រទេស កាលពីថ្ងៃទី៥ ខែ​តុលា ឆ្នាំ២០២៣ថា សហជីព គឺជាដៃគូមិន​អាច​ខ្វះ​បាន​របស់​រាជ​រដ្ឋាភិបាល​ក្នុង​ការ​លើក​កម្ពស់សិទ្ធិ និងការពារអត្ថប្រយោជន៍របស់កម្មករនិយោជិត ហើយតម្រូវឱ្យ​សហជីព​ទាំង​អស់​ត្រូវ​ពង្រឹង​គុណ​វុឌ្ឍសមត្ថភាព ដើម្បីចូលរួមកសាងបរិយកាសអាជីវកម្មមួយដែលមានភាពសុខដុម និង​ប្រកប​ដោយ​ភាព​ទាក់​ទាញ​ក្នុង​ការ​រក្សា​ប្រយោជន៍​ជូន​ដល់​កម្មករ​និយោជិត​ឱ្យ​បាន​យូរ​អង្វែង​៕

នាយឧត្តមសេនីយ៍ ទៀ សីហា រំលឹកដល់នាយទាហានគ្រប់កងឯកភាព បន្តយកចិត្តទុកដាក់​ប្រតិបត្តិតួនាទីរបស់ខ្លួន

2024/01/05 02:48:43 pm        146
Facebook Telegram Linkin
នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ លើក​ទឹកចិត្ត​នាយ​ទាហាន​ជំនាញគ្រប់កងឯកភាពក្នុងកងយោធពលខេមរភូមិន្ទ បន្តយកចិត្តទុកដាក់​ប្រតិបត្តិ​នូវ​តួនាទី ភារកិច្ចឱ្យកាន់តែល្អប្រសើរ បង្កើតនូវសមិទ្ធផល ស្នាដៃថ្មីៗថែមទៀត ជាមួយ​នឹង​ការ​ពង្រឹង​ពង្រីក​សមត្ថភាពគ្រប់ផ្នែក គ្រប់វិស័យប្រកបដោយវីរភាពអង់អាចក្លាហាន ដើម្បីបុព្វហេតុ ឯករាជ្យ អធិបតេយ្យភាព បូរណភាពដែនដី សុខសន្តិភាព ការអភិវឌ្ឍជូនសង្គមជាតិ និង​មាតុភូមិ​ជាដើម។ក្នុងឱកាសអញ្ជើញជាអធិបតីភាពបើកកិច្ចប្រជុំបូកសរុបលទ្ធផលការងារភស្តុភារ ហិរញ្ញវត្ថុ ឆ្នាំ២០២៣ និងទិសដៅអនុវត្តបន្តឆ្នាំ២០២៤ របស់អគ្គនាយកដា្ឋន ភស្តុភារ ហិរញ្ញវត្ថុ ក្រសួង​ការពារជាតិ នៅថ្ងៃទី៥ ខែមករា ឆ្នាំ២០២៣នេះ នាយឧត្តមសេនីយ៍ ទៀ សីហា បាន​ កោត​សរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំ ប្រធាន​ស្ថាប័ន មេបញ្ជាការ​គ្រប់​លំដាប់ថ្នាក់ទាំងអស់ ដែលបានយកអស់កម្លាំង ប្រាជ្ញា ស្មារតី សហការ​សាមគ្គីគ្នា​បាន​យ៉ាង​ល្អ​នៅ​ក្នុង​ការបំពេញតួនាទី ភារកិច្ចប្រកប​ដោយ​ការ​ទទួល​ខុស​ត្រូវ​រហូត​ឈាន​ទៅ​សម្រេច​បាន​នូវ​សមិទ្ធផល​នានាជាច្រើនលើការងារភស្តុភារ ហិរញ្ញវត្ថុ នៅក្នុងកងយោធពលខេមរភូមិន្ទ។នាយឧត្តមសេនីយ៍ក៏បានលើកឡើងផងដែរថា សមិទ្ធផល​ដែល​គ្រប់​កង​ឯកភាព​ក្នុង​កង​យោធពល​ខេ​មរភូមិន្ទសម្រេចបាននៅឆ្នាំ២០២៣កន្លងទៅ បានឆ្លុះបញ្ចាំង​ពី​កិច្ច​ខិតខំ​ប្រឹងប្រែង​ក្នុង​ការ​ចូល​រួមអនុវត្តយ៉ាងសកម្មនូវកម្មវិធីនយោបាយ និងយុទ្ធសាស្ត្រ​ចតុកោណ​ដំណាក់​កាលទី៤​ របស់រាជរដ្ឋាភិបាលនីតិកាលទី៦ នៃរដ្ឋសភា និងការចាប់​ផ្តើម​អនុវត្ត​នូវ​កម្ម​វិធី​នយោបាយ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ នៃរ​ដ្ឋសភា សំដៅលើកកម្ពស់វិស័យការពារជាតិកាន់តែរីកចម្រើនថែមទៀត។នាយ​ឧត្តមសេនីយ៍បានបន្ថែមទៀតថា ឆ្នាំ២០២៤នេះ ជាឆ្នាំទី១ នៃការអនុវត្តកម្មវិធីនយោបាយ និង​យុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា ដែលជា​របៀប​វារៈ​នយោបាយ​ដ៏​សំខាន់សម្រាប់ការអភិវឌ្ឍប្រទេសជាតិប្រកបដោយទស្សនវិស័យច្បាស់លាស់ និង​វែងឆ្ងាយ នាំប្រទេសជាតិឱ្យកាន់តែមានការអភិវឌ្ឍរីកចម្រើនលើគ្រប់វិស័យជាបន្តទៀត ក្នុង​នោះ​ស្នូល​នៃ​យុទ្ធសាស្ត្របញ្ចកោណដំណាក់កាលទី១ គឺផ្តោតលើការកែទម្រង់ការពង្រឹងអភិបាលកិច្ច និង​ការធ្វើទំនើបកម្មស្ថាប័នរដ្ឋឱ្យក្លាយជារដ្ឋបាលសាធារណៈទំនើបប្រកបដោយសមត្ថភាពខ្ពស់ខ្លាំង វៃឆ្លាត និងស្អាតស្អំ។ឯកឧត្តមឧបនាយករដ្ឋមន្ត្រី ទៀ សីហា បានបញ្ជាក់បន្តទៀតថា រាជរដ្ឋាភិបាល​បន្ត​អនុវត្ត​កម្ម​វិធី​កែ​ទម្រង់​ការគ្រប់គ្រងហិរញ្ញវត្ថុសាធារណៈ ឆ្ពោះទៅរកកម្រិតស្តង់ដារអន្តរ-ជាតិ តាមរយៈ​ការ​កែ​ទម្រង់ ការគ្រប់គ្រងចំណូលថវិកាជាតិ និងបង្កើន​ប្រសិទ្ធ​ភាព​ចំណាយ​ការ​អនុវត្ត​ប្រព័ន្ធ​បច្ចេក​វិទ្យាព័ត៌មាន សម្រាប់ការគ្រប់គ្រងហិរញ្ញវត្ថុសាធារណៈ និងការ​រៀបចំ​ក្រប​ខណ្ឌ​ថវិកា​ជាក់​លាក់​ទៅ​នឹង​ការពង្រឹងការរៀបចំផែនការយុទ្ធសាស្ត្រថវិកា និងផែនការថវិកាគ្រប់ក្រសួង ស្ថាប័ន​ទាំង​ថ្នាក់​ជាតិ និងថ្នាក់ក្រោមជាតិ សម្រាប់ការអនុវត្តថវិកាកម្មវិធី និងការឈាន​ទៅ​ពង្រឹង​ការ​អនុវត្ត​ថវិកា​ផ្អែក​លើសមិទ្ធកម្ម។ ទន្ទឹមនឹងនេះដែរឧបនាយករដ្ឋមន្ត្រី ទៀ សីហា បានបន្តថា រាជរដ្ឋាភិបាលបន្ត​ចាត់​វិធាន​ការ​បង្កើន​ប្រសិទ្ធ​ភាព​ចំណាយតាមរយៈការកែលម្អវិភាជថវិកាឱ្យចំទិសដៅ ទៅតាមអាទិភាព​រួម​គោល​នយោបាយ​ការ​លើកកម្ពស់ប្រសិទ្ធភាពប្រតិបត្តិការចំណាយ និងការពង្រឹងលទ្ធកម្មសារធារណៈ ​ជាមួយការផ្តោតការវិនិយោគសាធារណៈលើអាទិភាពចំនួន៥ សម្រាប់ការកសាងមាតុភូមិ រួមមាន «មនុស្ស ផ្លូវ ទឹក ភ្លើង និងបច្ចេកវិទ្យា» ដែលឈរលើគោលការណ៍ «ប្រសិទ្ធភាព ផលិតភាព គុណភាព ភាពធន់ និងចីរភាព»៕ អត្ថបទ៖ បាន ចក់

ត្រីធូណាខៀវមួយក្បាលលក់បានក្នុងតម្លៃជិត ៨០ម៉ឺនដុល្លារ ក្នុងការដេញថ្លៃចូលឆ្នាំថ្មីនៅជប៉ុន

2024/01/05 02:26:13 pm        167
Facebook Telegram Linkin
ត្រីធូណាខៀវដ៏ធំមួយក្បាលដែលមានតម្លៃថ្លៃខ្លាំង បានលក់នៅទីផ្សារត្រីដ៏ធំបំផុតរបស់ទីក្រុងតូក្យូ ប្រទេសជប៉ុន នៅថ្ងៃដំបូងនៃការធ្វើអាជីវកម្មក្នុងឆ្នាំ២០២៤ ក្នុងតម្លៃ ១១៤,២លានយ៉េន ដែលស្មើនឹង ៧៨៨.៤៤០ដុល្លារ ក្នុងការដេញថ្លៃមួយសម្រាប់ត្រីដែលចាត់ទុកថាជាត្រីល្អបំផុត និងបានក្លាយជាប្រពៃណីចូលឆ្នាំថ្មីរបស់ជប៉ុន។ត្រីធូណានេះមានទម្ងន់ ២៣៨គីឡូក្រាម ហើយត្រូវបានលក់នៅថ្ងៃសុក្រ (០៥ មករា) នេះទៅឱ្យក្រុមហ៊ុនលក់គ្រឿងសមុទ្រ យ៉ាម៉ាយុគី (Yamayuki) និងប្រតិបត្តិករខ្សែសង្វាក់ត្រីស៊ូស៊ី អូណូដេរ៉ា គ្រុប (Onodera Group) ដែលជាអ្នកដេញថ្លៃបានត្រីប្រភេទនេះអស់រយៈពេល ៤ឆ្នាំជាប់ៗគ្នា។យោងតាមលោក ហីរ៉ូគី ម៉ាតសុស៊ីតា (Hiroki Matsushita) ដែលជាមន្ត្រីនៅផ្សារត្រីនោះបាននិយាយថា ត្រីធូណាយក្សនេះទទួលបានតម្លៃលើសពី ៣ដងនៃចំនួនដែលបានផ្តល់ជូនកាលពីឆ្នាំមុន ក្នុងការលក់នៅទីផ្សារត្រី តូយ៉ូសុ (Toyosu) របស់ទីក្រុងតូក្យូ និងមានតម្លៃខ្ពស់បំផុតលំដាប់ទីបួន ចាប់តាំងពីកំណត់ត្រាបានចាប់ផ្តើមក្នុងឆ្នាំ១៩៩៩ មក៕

ទីក្រុងម៉ូស្គូរបស់ប្រទេសរុស្ស៊ី ជួបសីតុណ្ហភាពត្រជាក់ខ្លាំងបំផុតក្នុងរយៈពេល ៧៤ឆ្នាំ

2024/01/05 02:10:24 pm        109
Facebook Telegram Linkin
យោងតាមសេចក្តីរាយការណ៍ពីក្រុមព្យាករណ៍ឧតុនិយមរុស្ស៊ី បានឲ្យដឹងថា ទីក្រុងម៉ូស្គូ បានជួបសីតុណ្ហភាពទាបបំផុតក្នុងរយៈពេល ៧៤ឆ្នាំ ពេលដែលសីតុណ្ហភាពធ្លាក់ចុះដល់ដក ២៧អង្សាសេ(-27°C)នៅតាមសង្កាត់មួយចំនួនកាលពីថ្ងៃព្រហស្បតិ៍ ។ ប៉ុន្តែអ្នកស្រុក និងភ្ញៀវដែលធ្វើដំណើរមកកាន់រដ្ឋធានីរបស់ប្រទេសរុស្ស៊ីមួយនេះ ហាក់ដូចជាមិនរារែកនឹងសីតុណ្ហភាពធ្លាក់ចុះជាប់កំណត់ត្រានេះឡើយ ពេលដែលទន្លេនៅក្នុងទីក្រុង បានកក ប៉ុន្តែព្រះអាទិត្យនៅតែរះ ។ ពលរដ្ឋមួយរូបរស់នៅក្នុងទីក្រុងម៉ូស្គូ និយាយថា វាគួរឲ្យចាប់អារម្មណ៍ ពេលអាកាសធាតុទាក់ទាញបែបនេះ ។ វានាំមកនូវសេចក្តីសប្បាយរីករាយដល់ពួកយើងទាំងអស់គ្នា។ យោងតាមការិយាល័យឧតុនិយមរុស្ស៊ី បានឲ្យដឹងថា សីតុណ្ហភាពមានប្រហែល ១៣-១៥អង្សាសេ ត្រជាក់ជាងពេលធម្មតា អំឡុងពេលនេះ ។ អាកាសធាតុត្រជាក់ខ្លាំងនេះដែរ ត្រូវបានគេរំពឹងថា នឹងបន្តកើតមាននៅក្នុងទីក្រុងម៉ូស្គូ រហូតដល់ថ្ងៃបុណ្យណូអែលគ្រិស្តអូស្សូដក់នៅថ្ងៃទី ៧ ខែមករាខាងមុខនេះ ៕

មជ្ឈមណ្ឌលតស៊ូជាតិ៖ រុស្ស៊ីគ្រោងនឹងបំពាក់មីស៊ីល តម្រង់គោលជាមួយនឹងគ្រាប់បែកចង្កោម

2024/01/05 01:46:57 pm        95
Facebook Telegram Linkin
មជ្ឈមណ្ឌលតស៊ូជាតិរបស់អ៊ុយក្រែន បានរាយការណ៍ថា ខ្លួនបានទទួលភ័ស្តុតាងនៃចេតនារបស់រុស្ស៊ី ក្នុងការបំពាក់មីស៊ីលតម្រង់គោលដៅ Kh-32 ជាមួយនឹងគ្រាប់បែកចង្កោម។តាមសេចក្តីរាយការណ៍ ឯកសារនៃរោងចក្រ OKB Chytverikov ដែលរុស្ស៊ីផលិតមីស៊ីលសម្រាប់ការវាយប្រហារបន្ថែមលើហេដ្ឋារចនាសម្ព័ន្ធស៊ីវិលរបស់អ៊ុយក្រែន ត្រូវបានបែកធ្លាយដល់មជ្ឈមណ្ឌលនេះ។យោងតាមឯកសារនេះ នៅខែតុលា ឆ្នាំ ២០២៣ ក្រសួងការពារជាតិរុស្ស៊ី បានបញ្ជាឲ្យវិស្វករធ្វើទំនើបកម្មមីស៊ីលតម្រង់គោលដៅដែលបំពាក់ដោយគ្រាប់បែងចង្កោម។រហូតមកដល់ពេលនេះ គ្មានករណីរបស់រុស្ស៊ីដែលប្រើប្រាស់មីស៊ីលបែបនេះ ត្រូវបានកត់ត្រាទេ។ ប៉ុន្តែយើងសូមអំពាវនាវដល់ប្រជាជនអ៊ុយក្រែន ឲ្យធ្វើសកម្មភាពប្រតិកម្មចំពោះការព្រមានពីការវាយប្រហារតាមអាកាស ខណៈដែលសត្រូវបំពានច្បាប់អន្តរជាតិ ហើយត្រៀមខ្លួនរួចជាស្រេច ក្នុងការប្រើប្រាស់អាវុធប្រល័យលោកបន្ថែមទៀតប្រឆាំងនឹងជនស៊ីវិល។គ្រាប់បែកចង្កោម មានដូចគ្រាប់បែកសម្រាប់វាយប្រហារតាមអាកាស គ្រាប់កាំភ្លើងធំ ឬមីស៊ីល ដែលមានគ្រឿងផ្ទុះតូចៗផ្សេងទៀត។

បណ្ដាញសង្គម

ព័ត៌មានថ្មីៗ

ដាណឺម៉ាកនឹងទិញប្រព័ន្ធការពារដែនអាកាស និងមីស៊ីលផលិតដោយអឺរ៉ុបតម្លៃ ៩,១ពាន់លានដុល្លារ
09/12/2025 06:09 PM
Facebook Telegram Linkin
សហរដ្ឋអាមេរិក និងជប៉ុន ចាប់ផ្តើមសមយុទ្ធរួមគ្នា មានទាំងការដាក់ពង្រាយមីស៊ីលដែលចិនចាត់ទុកថាជាការគំរាមកំហែង
09/12/2025 05:09 PM
Facebook Telegram Linkin
ស៊ុយអែតសន្យាគាំទ្រផ្នែកយោធាជិត ៧,៥ពាន់លានដុល្លារបន្ថែមទៀតដល់អ៊ុយក្រែន
09/12/2025 05:09 PM
Facebook Telegram Linkin
ប៉ូឡូញ៖ ការវាយប្រហារដោយយានដ្រូនរបស់រុស្ស៊ី មិនមែនអចេតនា ក្រោយលោក Trump គិតថា អាចជាកំហុសឆ្គង
09/12/2025 05:09 PM
Facebook Telegram Linkin
លោក Macron ៖ បារាំងនឹងដាក់ពង្រាយយន្តហោះចម្បាំង Rafale ៣គ្រឿង ជួយការពារដែនអាកាសប៉ូឡូញ
09/12/2025 05:09 PM
Facebook Telegram Linkin
លោក Trump៖ ការលុកលុយយានដ្រូនរុស្ស៊ីនៅប៉ូឡូញអាចជាកំហុសមួយ
09/12/2025 05:09 PM
Facebook Telegram Linkin
អ៊ីតាលីប្រាប់អ៊ីស្រាអែលឲ្យគោរពសិទ្ធិជនជាតិអ៊ីតាលី ក្រោយនាវាផ្ដល់ជំនួយតម្រង់ទៅហ្កាហ្សា រងការវាយប្រហារ
09/12/2025 05:09 PM
Facebook Telegram Linkin
រដ្ឋមន្រ្តីក្រសួងពាណិជ្ជកម្ម ផ្ដល់អនុសាសន៍ ៧ចំណុច លើកកម្ពស់វិស័យពាណិជ្ជកម្មឌីជីថលនៅកម្ពុជា
09/12/2025 05:09 PM
Facebook Telegram Linkin
យន្តហោះដឹកកម្មករកូរ៉េខាងត្បូងត្រូវបានឃាត់ខ្លួននៅអាមេរិក បានមកដល់អាកាសយានដ្ឋាន Incheon
09/12/2025 05:09 PM
Facebook Telegram Linkin
វិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា បានបង្ហាញពីភាពធន់ និងភាពប៉ិនប្រសប់របស់ប្រជាជនកម្ពុជា
09/12/2025 04:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.