នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់

នយោបាយ​ និង ការអភិវឌ្ឍន៍

ហ្វីលីពីនដករបាំងការពាររបស់ចិននៅតំបន់ជម្លោះចេញ ក្នុងប្រតិបត្តិការពិសេស

2023/09/26 09:53:37 am        202
Facebook Telegram Linkin
ហ្វីលីពីន៖ ហ្វីលីពីនបាននិយាយកាលពីថ្ងៃចន្ទ (២៥ កញ្ញា) ថា ខ្លួនបានអនុវត្ត «ប្រតិបត្តិការពិសេស» ដើម្បីដករបាំងបណ្តែត ដែលដំឡើងដោយប្រទេសចិន នៅតំបន់នេសាទដ៏សំខាន់មួយនៅក្នុងសមុទ្រចិនខាងត្បូង ដែលជាវិធានការមួយអាចបង្កឱ្យមានភាពតានតឹងបន្ថែមទៀត បន្ទាប់ពីភាពតានតឹងរយៈពេលជាច្រើនឆ្នាំនៅក្នុងតំបន់ដែនទឹកដែលមានជម្លោះ របស់អាស៊ីមួយនេះ។ប្រទេសហ្វីលីពីន បានសម្តែងការខឹងសម្បារកាលពីថ្ងៃអាទិត្យ (២៤ កញ្ញា) និងបានចែករំលែករូបភាពនៃនគរបាលឆ្មាំល្បាតឆ្នេររបស់ចិន ដែលដាក់របាំងពោងបណ្ដែតទឹកដ៏វែងមួយនៅជិតតំបន់សមុទ្រ Scarborough ដែលជាផ្ទាំងថ្មប៉ប្រះទឹកមានចម្ងាយ ២០០គីឡូម៉ែត្រ ពីប្រទេសហ្វីលីពីន និងជាកន្លែងដែលមានជម្លោះអស់រយៈពេលជាច្រើនឆ្នាំជុំវិញអធិបតេយ្យភាព និងសិទ្ធិនេសាទ។ប៉ុន្មានម៉ោងបន្ទាប់ពីទីប្រឹក្សាសន្តិសុខជាតិបានប្តេជ្ញាថានឹងចាត់វិធានការ ឆ្មាំល្បាតឆ្នេរហ្វីលីពីនបាននិយាយថា ខ្លួនបានដកខ្សែពួរអណ្តែតទឹកនោះចេញ តាមការបញ្ជារបស់ប្រធានាធិបតីហ្វីលីពីន លោក Ferdinand Marcos Jr និងក្រុមការងារពិសេសរបស់លោក នៅសមុទ្រចិនខាងត្បូង។ វីដេអូមិនមានកាលបរិច្ឆេទ ដែលបានផ្សព្វផ្សាយដោយឆ្មាំឆ្នេរសមុទ្រហ្វីលីពីន បានបង្ហាញពីបុគ្គលិករបស់ខ្លួនម្នាក់បានកាត់ខ្សែពួរ ដែលចងភ្ជាប់របាំងអណ្តែតទឹក ហើយដកយុថ្ការបស់ពោងបណ្ដែតទាំងនោះចេញផងដែរ។តំបន់សមុទ្រយុទ្ធសាស្ត្រ Scarborough ដែលដាក់ឈ្មោះតាមនាវាដឹកទំនិញរបស់អង់គ្លេស ដែលបានជាប់នៅទីនោះកាលពីសតវត្សទី១៨ ត្រូវបានរឹបអូសក្នុងឆ្នាំ២០១២ ដោយប្រទេសចិន ដែលបានរក្សាវត្តមានជាប្រចាំនៃឆ្មាំល្បាតឆ្នេរ និងទូកនេសាទរបស់ខ្លួន នៅតំបន់នោះចាប់តាំងពីពេលនោះមក៕

ឧត្តមសេនីយ៍សេង ធារិន៖ យោធភូមិភាគទី៥ ប្តេជ្ញាមិនឲ្យគ្រឿងញៀនមានជាប់ នឹងខ្លួនកងទ័ពជាដាច់ខាត

2023/09/26 09:51:42 am        295
Facebook Telegram Linkin
ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥ បានអះអាងថា ចាប់ពីពេលនេះតទៅ យោធភូមិភាគទី៥ប្តេជ្ញា​ មិនឲ្យ​គ្រឿងញៀន​ជាប់នឹងខ្លួនដល់​កងទ័ព​នៅអង្គភាពរបស់ខ្លួនជាដាច់ខេត្ត ​ហើយប្រសិនបើរកឃើញថា ​មានជាប់ពាក់ព័ន្ធ នឹងត្រូវដក​ចេញពីក្របខណ្ឌកងទ័ព និងយកទៅផ្តន្ទាទោសទៅតាមច្បាប់ផងដែរ។តាមរយៈកិច្ចសម្ភាសន៍ជាមួយទូរទស្សន៍ BTV លោកឧត្តមសេនីយ៍ទោ សេង ធារិន បានបញ្ជាក់ថា ដើម្បីអនុវត្តទៅតាមបទបញ្ជាយ៉ាងម៉ឹងម៉ាត់​របស់រាជរដ្ឋាភិបាល ​ក៏ដូចជាក្រសួងការពារជាតិកម្ពុជា «សូន្យគ្រឿងញៀនក្នុងវិស័យកងទ័ព» យោធភូមិភាគទី៥ ​មានកងពលតូចថ្មើរជើងចំនួន៣ កងពលតូចថ្មើរជើង​លេខ៥១ លេខ ៥២ លេខ៥៣ ​តំបន់ប្រតិបត្តិការសឹករងចំនួន៤, តំបន់ប្រតិបត្តិការ​សឹករងពោធិ៍សាត់,តំបន់ប្រតិបត្តិការសឹករងបាត់ដំបង, តំបន់ប្រតិបត្តិការសឹករងបន្ទាយមានជ័យ, តំបន់ប្រតិបត្តិការសឹករងប៉ៃលិន,វរសេនាតូចស៊ើបការ វរសេនាតូចការពារអាកាស ,វរសេនាតូចរថក្រោះ ​និងវរសេនាតូចកំភ្លើងធំ​នោះនឹង ចូលរួមជាមួយ​ភាគីពាក់ព័ន្ធទប់ស្កាត និងប្រយុទ្ធប្រឆាំងគ្រឿងញៀនឲ្យខាងតែបាន ជាពិសេសគឺនៅក្នុងអង្គភាព​នីមួយៗ​ដែលចំណុះឲ្យយោធភូមិភាគទី៥នេះតែម្តង។សូមបញ្ជាក់ថា​ នៅក្នុងដំណើរចុះសួរសុខទុក្ខដល់នាយទាហាន ​នាយទាហានរងនៅក្នុងយោធភូមិ ភាគទី៤ និងទី៥កាលពីចុងសប្តាហ៍កន្លងទៅនេះ​ នាយឧត្តមសេនីយ៍ ទៀ សីហា​ ឧបនាយករដ្ឋមន្រ្តី រដ្ឋ មន្រ្តីក្រសួងការពារជាតិកម្ពុជា ​បានដាក់បទបញ្ជា ​និងដាស់តឿន ដល់កងទ័ពទាំងអស់​មិនត្រូវ​សេព និងជាប់ពាក់ព័ន្ធនឹងការជួញដូរគ្រឿងញៀននោះឡើយ​ហើយប្រសិនបើរកឃើញថា​ទាហានរូបណាដែលសេព ​និងជួយដូរគ្រឿងញៀននឹងត្រូវដកចេញពីក្របខណ្ឌកងទ័ពភ្លាមៗ រួមទាំង​ដាក់ទោសទៅតាមច្បាប់ជាធរមានផងដែរ។ជាមួយគ្នានោះដែរនាយឧត្តមសេនីយ៍ ឧបនាយករដ្ឋមន្រ្តី ក៏បានដាក់បទបញ្ជាដល់មេបញ្ជាការកង​ពលទាំងអស់មុន​នឹង​ជ្រើសរើសទាហាន​បន្តវេន​នៅក្នុងអង្គភាព​របស់ខ្លួន ​ត្រូវពិនិត្យ និងធ្វើតេស្ត​គ្រឿងញៀនឲ្យបាន​ម៉ត់ចត់ ដោយមុនធ្វើការប្រឡងត្រូវធ្វើតេស្តគ្រឿងញៀនជាមុន ហើយមុននឹង​ជាប់ក្របខណ្ឌត្រូវធ្វើតេស្តយ៉ាងតិចចំនួន៤ ដងផងដែរ៕អត្ថបទ៖ បាន ចក់

ការស៊ើបអង្កេតរបស់UN៖ រុស្ស៊ីធ្វើទារុណកម្មជនរងគ្រោះអ៊ុយក្រែនមួយចំនួនរហូតដល់ស្លាប់

2023/09/26 09:29:40 am        174
Facebook Telegram Linkin
អ៊ុយក្រែន៖ សមាជិកនៃស្ថាប័នស៊ើបអង្កេត ដែលទទួលបន្ទុកដោយអង្គការសហប្រជាជាតិ បាននិយាយកាលពីថ្ងៃចន្ទ (២៥ កញ្ញា) នៅក្នុងការរកឃើញចុងក្រោយរបស់ពួកគេថា ក្រុមទាហានរុស្ស៊ី បានធ្វើទារុណកម្មជនជាតិអ៊ុយក្រែនយ៉ាងព្រៃផ្សៃ រហូតដល់ជនរងគ្រោះមួយចំនួនបានស្លាប់ ហើយបានបង្ខំក្រុមគ្រួសារឱ្យនៅស្តាប់ ខណៈពួកគេបានរំលោភស្ត្រីនៅក្បែរនោះទៀតផង។លោក Erik Møse ប្រធានគណៈកម្មការស៊ើបអង្កេតលើអ៊ុយក្រែន បានប្រាប់ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ នៅទីក្រុងហ្សឺណែវ ថា ក្រុមរបស់លោកបាន «ប្រមូលភស្តុតាងបន្ថែមទៀត ដែលបង្ហាញថា ការប្រើប្រាស់ការធ្វើទារុណកម្មដោយកងកម្លាំងប្រដាប់អាវុធរុស្ស៊ី នៅក្នុងតំបន់ដែលស្ថិតនៅក្រោមការគ្រប់គ្រងរបស់ពួកគេ បានរីករាលដាល និងជាប្រព័ន្ធ»។រុស្ស៊ីបដិសេធការប្រព្រឹត្តអំពើឃោរឃៅ ឬកំណត់គោលដៅជនស៊ីវិលនៅអ៊ុយក្រែន។ លោក Møse បាននិយាយថា គណៈកម្មការព្យាយាមទាក់ទងជាមួយរុស្ស៊ី ប៉ុន្តែមិនមានចម្លើយអំពីបញ្ហានេះនោះទេ។ គណៈកម្មាការបាននិយាយពីមុនថា ការរំលោភដែលប្រព្រឹត្តដោយកងកម្លាំងរុស្ស៊ីនៅអ៊ុយក្រែន រួមទាំងការប្រើទារុណកម្ម អាចជាឧក្រិដ្ឋកម្មប្រឆាំងមនុស្សជាតិ៕

អ្នកបាត់ខ្លួនត្រូវគេបារម្ភថាបានស្លាប់ បន្ទាប់ពីព្យុះដ៏កំណាចបានវាយប្រហារនៅអាហ្វ្រិកខាងត្បូង

2023/09/26 09:27:30 am        256
Facebook Telegram Linkin
អាហ្វ្រិកខាងត្បូង៖ ក្រុមមន្ត្រីខេត្ត Western Cape បាននិយាយថា អ្នកបាត់ខ្លួនយ៉ាងហោចណាស់៣នាក់ ត្រូវបានគេបារម្ភថាបានស្លាប់ បន្ទាប់ពីព្យុះដ៏កាចសាហាវមួយបានបោកបក់ពាសពេញខេត្តអាហ្រ្វិកខាងត្បូងមួយនេះ កាលពីថ្ងៃច័ន្ទ (២៥ កញ្ញា) ដែលបណ្តាលឱ្យមានការខូចខាតយ៉ាងទូលំទូលាយ និងទឹកជំនន់ផងដែរ។ មន្ត្រីទំនាក់ទំនងប្រព័ន្ធផ្សព្វផ្សាយខេត្ត Western Cape លោក Regan Thaw បានប្រាប់សារព័ត៌មាន រ៉យទ័រ ថា ឥទ្ធិពលព្យុះបក់ទៅលើលំនៅដ្ឋានក្រៅផ្លូវការរបស់ខេត្តនេះ មានទំហំធំធេងណាស់។រដ្ឋាភិបាលក្នុងតំបន់បានហៅព្យុះនេះថាជា «គ្រោះមហន្តរាយ» ដោយផ្តល់យោបល់ថា ទំហំនៃការខូចខាតទាំងស្រុង នឹងលេចចេញជារូបរាងនៅពេលដែលព្យុះបានថយចុះ។ សេវាកម្មអាកាសធាតុអាហ្រ្វិកខាងត្បូងបានចេញការព្រមាន «កម្រិតពណ៌លឿងទុំ ៩» ដែលបង្ហាញពីលទ្ធភាពនៃទឹកជំនន់បន្ថែមទៀតខណៈប្រព័ន្ធអាកាសធាតុបង្ហាញថា ព្យុះកំពុងផ្លាស់ទីទៅភាគខាងកើតពាសពេញអាហ្វ្រិកខាងត្បូងផងដែរ៕

ឯកឧត្តម សេដ្ឋា ថាវីស៊ីន នាយករដ្ឋមន្ត្រីថៃ នឹងអញ្ជើញទស្សនកិច្ចផ្លូវការនៅកម្ពុជានាថ្ងៃទី២៨ ខែកញ្ញា

2023/09/26 09:26:05 am        326
Facebook Telegram Linkin
ភ្នំពេញ៖ ឯកឧត្តម សេដ្ឋា ថាវីស៊ីន(SRETTHA THAVISIN) នាយករដ្ឋមន្ត្រីនៃ ព្រះរាជា ណាចក្រថៃ នឹងអញ្ជើញមកធ្វើទស្សនកិច្ចផ្លូវការនៅព្រះរាជាណាចក្រកម្ពុជា នៅថ្ងៃទី២៨ ខែកញ្ញា ឆ្នាំ២០២៣ខាងមុខនេះ។ នេះបើតាមការឲ្យដឹងរបស់ក្រសួងការបរទេស និង​សហប្រតិបត្តិការ​អន្តរជាតិ នារសៀលថ្ងៃទី២៥ ខែកញ្ញា ឆ្នាំ២០២៣។តាមកម្មវិធីដែលបានគ្រោងទុក ឯកឧត្ដម សេដ្ឋា ថាវីស៊ីន នឹងដឹកនាំគណៈប្រតិភូអ​ញ្ជើញ​មក​ដល់​កម្ពុជា​នា​ព្រឹកថ្ងៃ​ទី​២៨​ ខែ​កញ្ញា ឆ្នាំ២០២៣ ។ ឯកឧត្ដម​នឹងដាក់កម្រងផ្កាគោរពវិញ្ញាណក្ខន្ធ​នៅ​វិមាន​ឯករាជ្យ និង​ដាក់​កម្រង​ផ្កាគោរពវិញ្ញាណក្ខន្ធ ព្រះបរមរតនកោដ្ឋ ព្រះករុណា​ព្រះបាទ​សម្តេច​ព្រះ នរោត្តម សីហនុ។ បន្ទាប់មកឯកឧត្ដម សេដ្ឋា ថាវីស៊ីន អញ្ជើញ​ជួប​សម្តែង​ការគួរ​សម​ជា​មួយ​សម្តេច​ធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចករកម្ពុជា នៅវិមានសន្តិភាព។ ក្នុងដំណើរទស្សនកិច្ចនេះ ឯកឧត្ដម សេដ្ឋា ថាវីស៊ីន អញ្ជើញជាអធិបតីក្នុង​ពិធី​សម្ភោធ​មណ្ឌល​សំចត និង​ទទួលជន​រង​គ្រោះ​ដោយ​សារ​ការជួញដូរ និងក្រុមងាយរងគ្រោះដទៃទៀត។ នៅ​ពេលរសៀលថ្ងៃដដែលឯកឧត្ដម សេដ្ឋា ថាវីស៊ីន អញ្ជើញចូលជួបសម្តែង​ការ​គួរសម​ជា​មួយ​សម្តេច​មហា​រដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា នៅ​វិមាន​រដ្ឋសភា, សម្តេច​វិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រ​កម្ពុជា នៅ​វិមានព្រឹទ្ធសភា, ​សម្តេច​អគ្គ​ម​ហា​សេនាបតីតេជោ ហ៊ុន សែន ប្រធានក្រុមឧត្តម​ប្រឹក្សា​ផ្ទាល់​ព្រះមហាក្សត្រ ​នៃ​ព្រះរាជា​ណា​ចក្រ​កម្ពុជា។

លើទឹកដីអាមេរិក៖ សម្តេចធិបតី ហ៊ុន ម៉ាណែត បញ្ជាក់យ៉ាងម៉ឹងម៉ាត់ថា កម្ពុជាមិនឲ្យមានមូលដ្ឋានកងទ័ពបរទេសលើទឹកដីខ្លួនឡើយ

2023/09/26 09:25:16 am        483
Facebook Telegram Linkin
ភ្នំពេញ៖ ក្នុងឱកាសចូលរួមនៃសម័យប្រជុំលើកទី៧៨ នៃមហាសន្តិបាតអង្គការសហប្រជាជាតិ(UNGA) ដែលបានធ្វើឡើងនៅទីក្រុងញូវយ៉ក់ សហរដ្ឋអាមេរិក កាលពីចុងសប្តាហ៍កន្លងទៅនេះ សម្តេចធិបតី ហ៊ុន ម៉ាណែត នាយករដ្ឋមន្រ្តី​នៃកម្ពុជា បានអះអាងយ៉ាង​ម៉ឺងម៉ាត់​ថា កម្ពុជាមិនអនុញ្ញាត​ឲ្យមានមូលដ្ឋានកងទ័ពបរទេស​ស្ថិតនៅលើទឹកដីរបស់ខ្លួននោះឡើយ​ ហើយមួយវិញទៀតក៏មិនព្រមឲ្យប្រទេសណា ឬក្រុមណាប្រើប្រាស់ទឹកដីកម្ពុជាប្រឆាំង នឹងប្រទេសណានោះដែរ។ការបញ្ជាក់បែបនេះ របស់នាយករដ្ឋមន្រ្តីកម្ពុជា នៅក្នុងកិច្ចប្រជុំដ៏ធំដែលមានប្រទេសជាង ១៨០ចូលរួមនេះ គឺដើម្បីឆ្លើយតបចំពោះប្រទេសខ្លះ ដែលបានធ្វើការចោទប្រកាន់ មកលើកម្ពុជា​ម្តងហើយម្តងទៀតថា កម្ពុជាបានអនុញ្ញាតឲ្យកងទ័ពចិនដាក់មូលដ្ឋានខ្លួនលើទឹកដីកម្ពុជា ជាពិសេសគឺលើសមុទ្ររាម ​នាខេត្តព្រះសីហនុនេះតែម្តង។តាមរយៈសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ស្តីពី​លទ្ធផលវត្តមានរបស់សម្តេចធិបតី ហ៊ុន ម៉ាណែត ក្នុងមហាសន្តិបាតអង្គការសហប្រជាជាតិ(UNGA) នោះសម្តេចធិបតី ហ៊ុន ម៉ាណែត បានលើកឡើងថា រាជរដ្ឋាភិបាលកម្ពុជា​ប្រកាន់ខ្ជាប់នូវគោល​នយោបាយ ​ការបរទេសឯករាជ្យ ​និង​អព្យាក្រឹត្យ​ដែល​ផ្អែកលើច្បាប់ និងគោលការណ៍របស់​ធម្មនុញ្ញអង្គការ​សហប្រជាជាតិ។សម្តេចធិបតី បានបញ្ជាក់ថា«កម្ពុជានឹងមិនអនុញ្ញាតឲ្យមានមូលដ្ឋានយោធាបរទេស នៅលើទឹកដីរបស់ខ្លួនដូចដែលបានចែងយ៉ាងច្បាស់នៅក្នុងរដ្ឋធម្មនុញ្ញរបស់កម្ពុជា។ ទន្ទឹមនេះ កម្ពុជាក៏ មិនអនុញ្ញាតឲ្យប្រទេសណាមួយ ឬក្រុមណាមួយ ​ប្រើប្រាស់ទឹកដីកម្ពុជា ប្រឆាំង​នឹងប្រទេសណាមួយនោះឡើយ»។តាមរយៈសេចក្តីប្រកាសព័ត៌មាននេះដែរ ​សម្តេចធិបតី ហ៊ុន ម៉ាណែត ​ក៏បានប្រាប់ដល់អង្គប្រជុំ​ផងដែរថា ​កម្ពុជាមានវឌ្ឍនភាព​ឥតឈប់ឈរ ​ក្នុង​ការ​កសាង​ប្រជាធិបតេយ្យ ​ដូចដែលត្រូវ​បាន​បង្ហាញ តាមរយៈការបោះឆ្នោតសកលក្នុងខែកក្កដា កន្លងទៅ ដែលមានលក្ខណៈសេរី ​យុត្តិធម៌ គួរ​ឲ្យទុកចិត្តត្រឹមត្រូវ និងប្រកបដោយបរិយាបន្ន ​ដោយមានគណបក្សនយោបាយចំនួន១៨ ចូលរួម​ក្នុងការប្រកួតប្រជែង នេះ និងមានអ្នកចូលរួមបោះឆ្នោតចំនួន ៨៤.៥៩ភាគរយ ដែលនេះ​គឺជាអត្រាខ្ពស់បំផុតមិនធ្លាប់មានពី ​មុនមកចំពោះកម្ពុជា។ សម្តេចធិបតី ​បានបន្ថែមទៀតថា ការណ៍នេះបានបង្ហាញពីភាពចាស់ទុំផ្នែកនយោបាយ និង​សេចក្តីរីករាយពេញចិត្តខ្លាំងជាងមុន ក្នុងការអនុវត្តសិទ្ធិប្រជាធិបតេយ្យរបស់ប្រជាជនកម្ពុជា៕អត្ថបទ៖ បាន ចក់

ជនអន្តោប្រវេសន៍ មួយចំនួនជាកុមារ ព្យាយាមឆ្លងកាត់ទន្លេ Rio Grande សម្រាប់ក្តីស្រម៉ៃ ទៅអាមេរិក

2023/09/26 09:24:49 am        181
Facebook Telegram Linkin
អាមេរិក៖ កាលពីថ្ងៃចន្ទ ជនអន្តោប្រវេសន៍ច្រើននាក់បានឆ្លងកាត់ទន្លេ Rio Grande យ៉ាងក្លាហាន ធ្វើដំណើរដោយថ្មើជើងក្នុងការស្វែងរករបស់ពួកគេដើម្បីបានទៅដល់សហរដ្ឋអាមេរិក។ ឃ្លីបវីដេអូ មកពីទីក្រុង Eagle Pass រដ្ឋតិចសាស់ ជនអន្តោប្រវេសន៍មួយចំនួន ធ្វើដំណើរជាមួយកុមារ ដោយដើរឆ្លងកាត់ចរន្តទឹកទន្លេហូខ្លាំង និងកំពុងនាំយកអីវ៉ាន់របស់ពួកគេមកជាមួយ។ ទូកល្បាតព្រំដែនសហរដ្ឋអាមេរិកមួយចំនួន បានស្ថិតនៅទីតាំងកើតហេតុនោះ។ ជនអន្តោប្រវសេន៍រាប់ពាន់នាក់បានឆ្លងកាត់ចូលទៅក្នុងសហរដ្ឋអាមេរិក ក្នុងប៉ុន្មានថ្ងៃថ្មីៗនេះ ពីរដ្ឋកាលីហ្វ័នីញ៉ា ទៅកាន់រដ្ឋតិចសាស់ ដោយជនអន្តោប្រវេសន៍ជាច្រើននាក់ទៀតនៅតែមកដល់តាមរថយន្តក្រុង និងរថភ្លើងដឹកទំនិញ ទៅកាន់ទីក្រុងព្រំដែនប្រទេសម៉ិកស៊ិក ក្នុងកំណត់ត្រាខ្ពស់នៃលំហូរការធ្វើអន្តោប្រវេសន៍ទៅកាន់ភាគខាងត្បូងបន្ថែមទៀត។ ការកើនឡើងច្រើននៅតាមបណ្តោយព្រំដែន ដែលគួឲ្យកត់សំគាល់ នៅក្នុងទីក្រុង San Diego រដ្ឋកាលីហ្វ័នីញ៉ា និងទីក្រុង El Paso និងទីក្រុង Eagle Pass របស់រដ្ឋតិចសាស់ ដែលកំណត់ជាចំណុចរបត់មួយ បន្ទាប់ពីចំនួនបានថយចុះក្នុងរយៈពេលប៉ុន្មានខែថ្មីៗនេះ និងអាចបង្កើតបញ្ហាប្រឈមផ្នែកនយោបាយថ្មីៗ សម្រាប់ប្រធានាធិបតីសហរដ្ឋអាមេរិក លោក Joe Biden ដែលកំពុងឈានទៅរករដូវកាលបោះឆ្នោត។ កាលពីថ្ងៃសៅរ៍អភិបាលក្រុង El Paso លោក Oscar Lesser បាននិយាយថាការកើនឡើងនេះបានជំរុញឲ្យទីក្រុងចូលទៅកាន់ចំណុចបំបែកមួយ ដោយមនុស្សជាង២.០០០នាក់ ក្នុងមួយថ្ងៃកំពុងស្វែងរកសិទ្ធជ្រកកោន ដែលហួសពីសមត្ថភាពការផ្តល់ទីជម្រក និងធនធាននៃការដាក់ពង្រាយ។ ជនអន្តោប្រវេសន៍រាប់ពាន់នាក់ បានមកប្រមូលផ្តុំគ្នាកាលពីថ្ងៃចន្ទនៅខាងក្រៅការិយាល័យគណៈកម្មាធិការផ្តល់ជំនួយជនភៀសខ្លួនម៉ិកស៊ិក នៅទីក្រុង Tapachula ភាគខាងត្បូង ដើម្បីទទួលបានទិដ្ឋាការ ដែលអនុញ្ញាតឲ្យពួកគេ ឆ្លងកាត់ដោយសុវត្ថិភាពតាមប្រទេសម៉ិកស៊ិក ដើម្បីបន្តដំណើរទៅកាន់សហរដ្ឋអាមេរិក។ យោងតាមប្រព័ន្ធផ្សព្វផ្សាយក្នុងតំបន់បានឲ្យដឹងថាជនអន្តោប្រវេសន៍ប្រមាណ៣ពាន់នាក់មកពីប្រទេសអាមេរិកកណ្តាល និងខាងត្បូងកំពុងរង់ចាំយ៉ាងអន្ទះសារទិដ្ឋាការមនុស្សធម៌ ដើម្បីឆ្ពោះទៅកាន់ព្រំដែនភាគខាងជើងប្រទេសម៉ិកស៊ិក ស្វែងរកសិទ្ធជ្រកកោន នៅក្នុងសហរដ្ឋអាមេរិក៕

ភ្លៀងធ្លាក់ខ្លាំង នៅប្រទេសហ្គាតេម៉ាឡា បណ្តាលឲ្យមនុស្ស៦នាក់ស្លាប់ និង១៣នាក់បាត់ខ្លួន

2023/09/26 09:20:35 am        193
Facebook Telegram Linkin
ហ្គាតេម៉ាឡា៖ អាជ្ញាធរបាននិយាយកាលពីថ្ងៃចន្ទថា ភ្លៀងធ្លាក់ខ្លាំងកាលពីពេលយប់បង្កឲ្យទន្លេនៅក្នុងរដ្ឋធានីប្រទេសហ្គាតេម៉ាឡា ហៀរឡើងលើច្រាំង បណ្តាលឲ្យមនុស្សយ៉ាងហោចណាស់៦នាក់ស្លាប់ និង១៣នាក់ផ្សេងទៀតបាត់ខ្លួន។ទីភ្នាក់ងារគ្រោះមហន្តរាយជាតិប្រទេសហ្គាតេម៉ាឡា Conred បាននិយាយថា លំនៅឋាន៦ខ្នងត្រូវបានទឹកហូរនាំបន្ទាប់ពីទន្លេ Las Vacas ដែលហូរឆ្លងកាត់ទីក្រុងរបស់ប្រទេសហ្គាតេម៉ាឡា បានធ្វើឲ្យពេញហៀរតំបន់មួយកន្លែង មានចម្ងាយប្រមាណ៣គីឡូម៉ែត្រ ភាគខាងត្បូងទីប្រជុំជន។ លោក Sergio Cabanas ប្រធានប្រតិបត្តិការមកពីនាយកដ្ឋានពន្លត់អគ្គិភ័យក្រុង បាននិយាយថាសាកសពយ៉ាងហោចណាស់៦នាក់ ម្នាក់ជាអនីតិជន និង៥នាក់ជាមនុស្សពេញវ័យ ត្រូវបានស្រង់យក ទោះបីជាក្រុមអ្នកសង្គ្រោះនៅបន្តស្វែងរកសាកសសពបន្ថែមទៀតក៏ដោយ។យោងតាមអ្នកសម្របសម្រួលជាតិ ទទួលបន្ទុកកាត់បន្ថយគ្រោះមហន្តរាយ(Conred) បានឲ្យដឹងថា មុនពេលភ្លៀងកាលពីល្ងាចថ្ងៃអាទិត្យ មនុស្សយ៉ាងហោចណាស់២៩នាក់បានស្លាប់ដោយសារតែទឹកជំនន់នៅក្នុងប្រទេសហ្គាតេម៉ាឡា ក្នុងរដូវវស្សានេះ៕

ប្រវត្តិរូបសង្ខេប ឯកឧត្តម សេដ្ឋា ថាវីស៊ីន នាយករដ្ឋមន្ត្រីទី៣០ នៃព្រះរាជាណាចក្រថៃ

2023/09/26 08:59:15 am        592
Facebook Telegram Linkin
ភ្នំពេញ៖ ឯកឧត្តម សេដ្ឋា ថាវីស៊ីន(SRETTHA THAVISIN) នាយករដ្ឋមន្ត្រីនៃ ព្រះរាជា ណាចក្រថៃ នឹងអញ្ជើញមកធ្វើទស្សនកិច្ចផ្លូវការនៅព្រះរាជាណាចក្រកម្ពុជា នៅថ្ងៃទី២៨ ខែកញ្ញា ឆ្នាំ២០២៣ខាងមុខនេះ។ខាងក្រោមនេះជាប្រវត្តិរូបសង្ខេប ឯកឧត្តម សេដ្ឋា ថាវីស៊ីន៖

ភាពក្រអឺតក្រទម និងបំណងជាយុទ្ធសាស្ត្ររបស់អាមេរិកក្នុងការទប់ឥទ្ធិពលចិន ត្រូវបានលាតត្រដាងក្នុងកិច្ចប្រជុំកំពូលអាមេរិក-ប្រជុំកោះប៉ាស៊ីហ្វិកលើកទី២

2023/09/26 08:58:33 am        251
Facebook Telegram Linkin
អាមេរិក៖ ប្រធានាធិបតីអាមេរិកលោក Joe Biden កំពុងធ្វើជាម្ចាស់ផ្ទះនៃកិច្ចប្រជុំកំពូលលើកទីពីរជាមួយមេដឹកនាំកោះប៉ាស៊ីហ្វិកមួយចំនួននៅទីក្រុងវ៉ាស៊ីនតោនកាលពីថ្ងៃចន្ទ។ អ្នកជំនាញចិនមួយចំនួនបាននិយាយថា មិនសមហៅជំនួបនេះថាជា ការស្វាគមន៍ដំណើរទេសចរណ៍ ទេ គួរតែហៅថាជា ដំណើរកម្សាន្តលាងខួរក្បាល ព្រោះថាគោលដៅចុងក្រោយរបស់រដ្ឋាភិបាលអាមេរិកគឺ ធ្វើឲ្យក្លាយជាឧបករណ៍ និងយោធាក្នុងតំបន់ ដើម្បីបម្រើឲ្យផលប្រយោជន៍របស់ខ្លួន ដែលធ្វើឱ្យវាក្លាយជាចំណុចសំខាន់មួយនៅ អឌ្ឍគោលខាងត្បូង ដើម្បីធ្វើឱ្យឥទ្ធិពលរបស់ចិនចុះខ្សោយ ខណៈការបង្កើនឥទ្ធិពលរបស់សហរដ្ឋអាមេរិកមិនត្រឹមតែផ្នែកសេដ្ឋកិច្ចប៉ុណ្ណោះទេ ថែមទាំងនៅក្នុងវិស័យដូចជាយោធា និងសន្តិសុខផងដែរ។  អ្នកជំនាញមួយចំនួនបាននិយាយថា កិច្ចប្រជុំនេះត្រូវបានគេរំពឹងថានឹងផ្តោតលើប្រធានបទដូចជា ការប្រយុទ្ធប្រឆាំងនឹងការនេសាទខុសច្បាប់ ការបើកស្ថានទូត ការសន្យាការវិនិយោគថ្មីលើហេដ្ឋារចនាសម្ព័ន្ធ និងការពង្រឹងទំនាក់ទំនងតាមរយៈខ្សែកាបិ៍ក្រោមសមុទ្រ និងមួយចំនួនដែលអាចប្រើជាមធ្យោបាយសំខាន់ក្នុងការលាបពណ៌ប្រទេសចិន។ អ្នកជំនាញក៏មានការងឿងឆ្ងល់យ៉ាងខ្លាំងដែរថា មេដឹកនាំកោះប៉ាស៊ីហ្វិកនឹងធ្លាក់ចូលទៅក្នុងអន្ទាក់"ការនិទានរឿងដែលផ្តោតលើប្រទេសចិន" ជាពិសេសនៅពេលមេដឹកនាំកោះសូឡូម៉ុង (Solomon) សម្រេចចិត្តមិនចូលរួមកិច្ចប្រជុំកំពូលនេះ ហើយនាយករដ្ឋមន្ត្រីវ៉ានវ៉ាអាទូ (Vanuatu) នឹងមិនចូលរួមទេ ដែលបង្ហាញថាប្រទេសក្នុងតំបន់ មិនមានឆន្ទៈ ចូលរួមស្របពេលការប្រជែងគ្នារវាងអាមេរិក និងចិន។  លោក Biden សន្យាផ្ដល់ជំនួយចំនួន៤០លានដុល្លារបន្ថែមទៀតដល់បណ្ដាកោះប៉ាស៊ីហ្វុក ដើម្បីទប់ទល់នឹងឥទ្ធិពលដែលចេះតែកើនឡើងរបស់ប្រទេសចិន។នាយករដ្ឋមន្ត្រីកោះ សូឡូម៉ុង លោក ម៉ាណាសេ សូហ្គាវ៉ារ៉េ (Manasseh Sogavare) ថ្មីៗនេះបានកោតសរសើរគំនិតផ្តួចផ្តើមដែលស្នើឡើងដោយប្រទេសចិន រួមទាំងគំនិតផ្តួចផ្តើមខ្សែក្រវ៉ាត់ និងផ្លូវ គំនិតផ្តួចផ្តើមអភិវឌ្ឍន៍សកល គំនិតផ្តួចផ្តើមសន្តិសុខសកល និងគំនិតផ្តួចផ្តើមអរិយធម៌សកលនៅក្នុងសុន្ទរកថារបស់លោកទៅកាន់កិច្ចពិភាក្សាទូទៅនៃមហាសន្និបាតអង្គការសហប្រជាជាតិ៕

បណ្ដាញសង្គម

ព័ត៌មានថ្មីៗ

រដ្ឋមន្រ្ដីក្រសួងអប់រំផ្ដាំទៅយុវជនថាទន្ទឹមនឹងមានស្មារតីស្នេហាជាតិក៏ត្រូវមានសមត្ថភាពទើបប្រទេសជាតិរីកច្រើនឆាប់រហ័ស រស់នៅប្រកបដោយកិត្តិយស និងរក្សាបាននូវសុខសន្តិភាព
08/26/2025 01:08 PM
Facebook Telegram Linkin
លោក Trump៖ លោកអាចប្តូរឈ្មោះមន្ទីរបញ្ចកោណទៅជា «ក្រសួងសង្គ្រាម»
08/26/2025 01:08 PM
Facebook Telegram Linkin
ក្រុមអ្នកសង្កេតការណ៍អន្ដរកាល IOT ដឹកនាំដោយអនុព័ន្ធយោធាម៉ាឡេស៊ីចុះពិនិត្យជាក់ស្ដែងនៅភូមិជោគជ័យ ចំណុចទាហានថៃរាយបន្លាលួស
08/26/2025 01:08 PM
Facebook Telegram Linkin
ប៉េរូ បិទកំពង់ផែជាង១០០ ខណៈរលកវាយបោកបក់ទៅលើឆ្នេរ បណ្តាលឲ្យមនុស្សម្នាក់ស្លាប់
08/26/2025 12:08 PM
Facebook Telegram Linkin
ជនរងគ្រោះដោយព្យុះភ្លៀង នៅរដ្ឋ Uttarakhand បានរាប់ចំនួនបាត់បង់ និងបានទាមទារសំណង
08/26/2025 12:08 PM
Facebook Telegram Linkin
ជំនួយសង្គ្រោះរបស់UN ទៅដល់ទីក្រុងហ៊ុមព័ទ្ធរបស់ស៊ូដង់ជាលើកដំបូងក្នុងរយៈពេល១០ខែមកនេះ
08/26/2025 12:08 PM
Facebook Telegram Linkin
វេណេស៊ុយអេឡា ដាក់ពង្រាយទាហាន១៥.០០០នាក់ ទៅកាន់ព្រំដែនកូឡុំប៊ី ដើម្បីពង្រឹងសន្តិសុខ
08/26/2025 12:08 PM
Facebook Telegram Linkin
កម្ពុជា សម្ពោធដាក់ឱ្យប្រើប្រាស់យុទ្ធសាស្រ្តពង្រីក និងពិពិធកម្មទីផ្សានាំចេញអង្ករ ២០២៥-២០៣០
08/26/2025 12:08 PM
Facebook Telegram Linkin
លោក Trump បញ្ជាឱ្យបង្រ្កាបលើការដុតទង់ជាតិអាមេរិក និងការបំផ្លាញ ដោយបង្កើនការព្រួយបារម្ភអំពីសិទ្ធិ
08/26/2025 12:08 PM
Facebook Telegram Linkin
លោកNetanyahu៖ អ៊ីស្រាអែលសោកស្តាយចំពោះ «មហន្តរាយ» នៅឯមន្ទីរពេទ្យហ្កាហ្សា
08/26/2025 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.