BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

ពលរដ្ឋហ្គាបុង មានអារម្មណ៍ថាមានសុវត្ថិភាពមុនការឡើងកាន់អំណាចរបស់មេដឹកនាំយោធា

ហ្គាបុង៖ ពលរដ្ឋនៅរដ្ឋធានី Libreville ប្រទេសហ្គាបុង បាននិយាយថាពួកគេមានអារម្មណ៍ថាស្ងប់ស្ងាត់ និងមានសុវត្ថិភាពកាលពីថ្ងៃអាទិត្យ មួយថ្ងៃមុនការឡើងកាន់អំណាចតាមផែនការរបស់មេដឹកនាំយោធា លោក Brice Oligui Nguema( ប៊្រីស អូលីហ្គី ង្វែម៉ា) ជាប្រធានាធិបតីអន្តរកាលរបស់ប្រទេស។លោក Nguema និងសមាជិកផ្សេងទៀត នៃកងអង្គរក្សប្រធានាធិបតីរបស់ប្រទេសហ្គាបុង បានដណ្តើមអំណាចក្នុងការធ្វើរដ្ឋប្រហារកាលពីថ្ងៃពុធ ទី៣០ ខែសីហា ដោយបានបណ្តេញចេញប្រធានាធិបតីកាន់តំណែងរយៈពេលយូរ លោក Ali Bongo ជាការដណ្តើមអំណាចយោធាលើកទី៨ នៅក្នុងប្រទេសអាហ្វ្រិកកណ្តាល និងខាងលិច ក្នុងរយៈពេល៣ឆ្នាំមកនេះ។។រដ្ឋប្រហារនេះ បានបង្កើនក្តីបារម្ភអំពីការរាលដាលការដណ្តើមអំណាចរបស់យោធនៅពាសពេញតំបន់ ដែលបានលុបចោលភាពរីកចម្រើនលទ្ធិប្រជាធិបតេយ្យបង្កើតឡើងក្នុងរយៈពេល២ទសវត្សរ៍ចុងក្រោយនេះ។ មេដឹកនាំរដ្ឋប្រហារកំពុងស្ថិតក្រោមសម្ពាធអន្តរជាតិដើម្បីឲ្យស្តារឡើងវិញរដ្ឋាភិបាលស៊ីវិល ប៉ុន្តែបាននិយាយកាលពីថ្ងៃសុក្រថា ពួកគេមិនប្រញាប់ប្រញាល់រៀបចំការបោះឆ្នោតនោះទេ៕

លោក Biden បង្ហាញការខកចិត្ត ដែលលោក Xi នឹងមិនចូលរួមកិច្ចប្រជុំកំពូលG20

អាមេរិក៖ លោកប្រធានាធិបតីអាមេរិក Joe Biden បាននិយាយកាលពីអាទិត្យទី៣ខែកញ្ញា ថា រូបលោកខកចិត្តដែលលោកប្រធានាធិបតីចិន Xi Jinping នឹងមិនចូលរួមជំនួបកំពូលក្រុមមេដឹកនាំ G20 នៅប្រទេសឥណ្ឌា ប៉ុន្តែ បានបន្តថា លោកនឹងស្វះស្វែងជួបលោក Xi ។ លោក Biden បានប្រាប់ក្រុមអ្នកសារព័ត៌មានក្នុងតំបន់ឆ្នេររ៉េហូបូត រដ្ឋដេឡាវ៉ែ(Delaware) ដោយពុំបានបញ្ជាក់ឲ្យច្បាស់លាស់ថា ខ្ញុំខកចិត្ត ប៉ុន្តែខ្ញុំនឹងមិនបានជួបលោកទេ។ លោក Biden នឹងទៅបំពេញទស្សនកិច្ចនៅប្រទេសឥណ្ឌា ចាប់ពីថ្ងៃទី៧ដល់១០ ខែកញ្ញានេះ សម្រាប់ការចូលរួមកិច្ចប្រជុំក្រុមប្រទេស G20 ក្រោយដំណើរទៅកាន់ប្រទេសវៀតណាម ខណៈរដ្ឋបាលរបស់លោកស្វែងរកការពង្រឹងទំនាក់ទំនងរបស់សហរដ្ឋអាមេរិកនៅក្នុងតំបន់អាស៊ី។ ប្រភពនានាដែលបានដឹងពីដំណឹងនេះ បានប្រាប់សារព័ត៌មាន Reuters ថា លោក Xi ទំនង មិនចូលរួមកិច្ចប្រជុំកំពូលនេះទេ ហើយ គេរំពឹងថាលោកនាយករដ្ឋមន្ត្រីចិន លីឈាង(Li Qiang)នឹងដំណាងឲ្យទីក្រុងប៉េកាំង នៅជំនួបក្នុងទីក្រុង New Delhi ។ មេដឹកនាំទាំង២បានជួបគ្នាចុងក្រោយនៅកិច្ចប្រជុំកំពូលមួយក្នុងប្រទេសឥណ្ឌូនេស៊ី កាលពីឆ្នាំមុន ។ លោក Xi ធ្លាប់បាននិយាយថា លោកនឹងធ្វើដំណើរទៅកាន់រដ្ឋធានីរបស់ឥណ្ឌាដើម្បីចូលរួមកិច្ចប្រជុំនោះ ប៉ុន្តែក្រសួងការបរទេសរបស់ចិន នឹងពុំបញ្ជាក់ពីការចូលរួមរបស់លោកទេ នៅពេលអ្នកព័ត៌មានសួរនៅសន្និសីទសាព័ត៌មានប្រចាំថ្ងៃកាលពីថ្ងៃព្រហស្បតិ៍ កន្លងទៅ ៕

UNស្នើឲ្យបន្ធូរបន្ថយទណ្ឌកម្មមួយចំនួនលើប្រទេសរុស្ស៊ី ដើម្បីស្តារកិច្ចព្រមព្រៀងនាំចេញគ្រាប់ធញ្ញជាតិ

UN៖ ដោយមានការគាំទ្រពីប្រទេសទួរគី អង្គការសហប្រជាជាតិ បានរៀបចំកញ្ចប់ថ្មីនៃសំណើ ដើម្បីចាប់ផ្តើមឡើងវិញនូវគំនិតផ្តួចផ្តើមគ្រាប់ធញ្ញជាតិដែលជាប់គាំង ដែលបានទម្លាយការរារាំងរបស់រុស្ស៊ី និងអនុញ្ញាតឲ្យអ៊ុយក្រែននាំចេគ្រាប់ធញ្ញជាតិចេញពីកំពង់ផែចំនួនបីនៅសមុទ្រខ្មៅ។ទីភ្នាក់ងារព័ត៌មានទួរគី Anadolu បានរាយការណ៍ថា រដ្ឋមន្ត្រីការបរទេសទួរគី ហាកាន ហ្វីដាន (Hakan Fidan) បានប្រកាសពីការរៀបចំកញ្ចប់នេះ នៅក្នុងសន្និសីទសារព័ត៌មានរួមគ្នាជាមួយរដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ ( Sergei Lavrov) បន្ទាប់ពីកិច្ចពិភាក្សានៅទីក្រុងមូស្គូ កាលពីថ្ងៃទី២ ខែកញ្ញា។ជាពិសេស មានសំណើជាច្រើន ដើម្បីភ្ជាប់ក្រុមហ៊ុនបុត្រសម្ព័ន្ធរបស់ធនាគារ Rosselkhozbank ទៅ SWIFT(សង្គមសម្រាប់ទូរគមនាគមន៍ហិរញ្ញវត្ថុអន្តរធនាគារពិភពលោក) និងដកការបង្កកទ្រព្យសម្បត្តិរបស់ក្រុមហ៊ុនជីរុស្ស៊ីនៅអឺរ៉ុប។ ប្រធានាធិបតីទួរគី លោក រ៉េសិប តាយីប អេរដូហ្គែន (Recep Tayyip Erdogan) អាចនឹងធ្វើទស្សនកិច្ចនៅប្រទេសរុស្ស៊ី នៅថ្ងៃទី៤ ខែកញ្ញានេះ ដើម្បីពិភាក្សាអំពីការបន្តកិច្ចព្រមព្រៀងគ្រាប់ធញ្ញជាតិ៕

ភ្លៀងធ្លាក់ខ្លាំងបានស្រោចស្រពពាសពេញប្រទេសអេស្ប៉ាញ

អេស្ប៉ាញ៖ នេះគឺជាទីតាំងកើតហេតុនៅទូទាំងតំបន់ជាច្រើនរបស់ប្រទេសអាស្ប៉ាញកាលពីថ្ងៃអាទិត្យ ខណៈភ្លៀងធ្លាក់ខ្លាំង និងព្យុះបានវាយបោកបក់នៅទូទាំងប្រទេសនេះ។ នៅក្នុងរដ្ឋធានី អភិបាលក្រុង Madrid បានព្រមានដល់ពលរដ្ឋឲ្យស្នាក់នៅផ្ទះ។ ការព្រមានពណ៌ក្រមពីទីក្រុង Madrid ដល់ទីក្រុង Cadiz នៅភាគខាងត្បូង ត្រូវបានចេញដោយទីភ្នាក់ងារអាកាសធាតុជាតិ ដែលមានន័យថា គ្រោះថ្នាក់ខ្លាំងអាចកើតមានឡើង។អង្គភាពសេវាសង្គ្រោះបន្ទាន់ទីក្រុងMadrid បានបញ្ជូនសារទៅកាន់ពលរដ្ឋ ដោយព្រមានពួកគេពីហានីភ័យទឹកជំនន់ និងបានណែនាំពួកគេមិនឲ្យប្រើប្រាស់រថយន្ត។ នៅឆ្នេរភាគខាងកើត ពលរដ្ឋទីក្រុងAlcanar ត្រូវបានអង្គភាពសេវាសង្គ្រោះបន្ទាន់ប្រាប់ឲ្យស្នាក់នៅផ្ទះ។ វីដេអូ ដែលបានចែករំលែកនៅលើបណ្តាញផ្សព្វផ្សាយសង្គម បានបង្ហាញទឹកជំនន់ខ្លាំងហូរកាត់ផ្ទះជាច្រើនខ្នង។បុរសម្នាក់និយាយថាគាត់បានភ្ញាក់ឡើងឃើញទឹកហូរកាត់ជាន់ទី២នៃអគារលំនៅឋានរបស់គាត់។ គាត់និយាយថាសហគមន៍បានទាញបុរសវ័យក្មេង២នាក់ចេញពីទឹកដោយប្រើខ្សែពួធ្វើឡើងពីកន្សែងនិងកម្រាលគ្រែ។ គាត់បានចាត់ទុកបទពិសោធន៏នេះថាគួឲ្យភ័យខ្លាច។ ក្រុមអ្នកពន្លត់អគ្គិភ័យបានបញ្ចេញវីដេអូអំពីពលរដ្ឋដែលត្រូវបានជួយសង្គ្រោះ បន្ទាប់ពីយានយន្តរបស់ពួកគេបានជាប់នៅក្នុងទឹកជំនន់៕

អាហ្វ្រិកខាងត្បូងនិយាយថាការស៊ើបអង្កេតពុំបានរកឃើញភស្តុតាងនៃការដឹកជញ្ជូនអាវុធទៅរុស្ស៊ីនោះទេ

អាហ្វ្រិកខាងត្បូង៖ ប្រធានាធិបតីប្រទេសអាហ្វ្រិកខាងត្បូង លោក Cyril Ramaphosa បាននិយាយកាលពីថ្ងអាទិត្យថា ការស៊ើបអង្កេតលើកាករចោទប្រកាន់របស់សហរដ្ឋអាមេរិកដែលថា នាវារុស្ស៊ីមួយគ្រឿង បានដឹកជញ្ជូនអាវុធនៅក្នុងប្រទេសអាហ្វ្រិកខាងត្បូង កាលពីចុងឆ្នាំមុន ពុំបានរកឃើញភស្តុតាងថានាវានោះបានដឹកជញ្ចូនអាវុធទៅកាន់ប្រទេសរុស្ស៊ីនោះទេ។លោក Ramaphosa បាននិយាយនៅក្នុងសុន្ទរកាថាមួយទៅកាន់ប្រជាជាតិថា គ្មានការចោទប្រកាន់ណាមួយត្រូវបានធ្វើឡើងអំពីការផ្គត់ផ្កង់អាវុធទៅកាន់ប្រទេសរុស្ស៊ីដែលត្រូវបានបង្ហាញថាជាការពិតនោះទេ។នៅក្នុងការអះអាងនោះ បានបង្កឲ្យមានជម្លោះការទូតដែលឯកអគ្គរដ្ឋទូតសហរដ្ឋអាមេរិកប្រចាំប្រទេសអាហ្វ្រិកខាងត្បូងលោក Reuben Brigety បានប្រាប់អ្នកសារព័ត៌មានក្នុងតំបន់ក្នុងសន្និសិទសារព័ត៌មានកាលពីខែឧសភាថា នាវាដឹកទំនិញរុស្ស៊ី Lady R បានផ្ទុកអាវុធនៅមូលដ្ឋានកងទ័ពជើងទឹកជិតទីក្រុង Cape Town កាលពីខែធ្នូកន្លងទៅ។ ការចោទប្រកាន់របស់សហរដ្ឋអាមេរិក បានបង្កើតសំនួរជាច្រើនជុំវិញជំហរទទួលស្គាល់របស់ប្រទេសអាហ្វ្រិកខាងត្បូងលើការគ្មានជាប់ពាក់ព័ន្ធ និងអព្យាក្រិតភាពជុំវិញសង្គ្រាមនៅអ៊ុយក្រែន និងក្តីបារម្ភពីទណ្ឌកម្មរបស់លោកខាងលិចដែលអាចកើតមាន។ មន្ត្រីប្រទេសអាហ្វ្រិកខាងត្បូង បានច្រានចោលភ្លាមៗចំពោះការអះអាងនេះ ដោយរដ្ឋាភិបាលរបស់លោក Ramaphosa បានបើកការស៊ើបអង្កេតឯករាជ្យមួយដឹកនាំដោយចៅក្រមចូលនិវត្តន៍ម្នាក់៕

នាយករដ្ឋមន្ត្រីថៃ លោក សេដ្ឋា នឹងអវត្តមានក្នុងកិច្ចប្រជុំកំពូលអាស៊ាន

ថៃ៖ ក្រសួងការបរទេសថៃបាននិយាយកាលពីថ្ងៃអាទិត្យ (៣កញ្ញា) ថា នាយករដ្ឋមន្ត្រីថ្មីរបស់ប្រទេសថៃលោកសេដ្ឋា ថាវីស៊ីន (Srettha Thavisin) នឹងខកខានកិច្ចប្រជុំថ្នាក់តំបន់នៃមេដឹកនាំអាស៊ីអាគ្នេយ៍នៅទីក្រុងហ្សាកាតា នៅសប្តាហ៍ក្រោយនេះ។ លោក សេដ្ឋា បានឈ្នះការបោះឆ្នោតសភាក្លាយជានាយករដ្ឋមន្ត្រីកាលពីខែមុន ហើយគណៈរដ្ឋមន្ត្រីរបស់លោកត្រូវបានរាជានុម័តដោយព្រះមហាក្សត្រកាលពីថ្ងៃសៅរ៍។នាយករដ្ឋមន្ត្រីរូបនេះ និងគណៈរដ្ឋមន្ត្រីរបស់លោក នឹងធ្វើសច្ចាប្រណិធាននៅចំពោះព្រះភក្ត្រព្រះមហាក្សត្រ មហា វិច្ចរ៉ាឡុងកន (Maha Vajiralongkorn) នៅថ្ងៃអង្គារ (៥កញ្ញា) ខាងមុខនេះ ហើយនឹងថ្លែងសុន្ទរកថាគោលនយោបាយនៅក្នុងសភា បន្ទាប់មកពួកគេអាចអនុវត្តភារកិច្ចរបស់ខ្លួនជាផ្លូវការបាន។ក្រសួងការបរទេសថៃបាននិយាយនៅក្នុងសេចក្តីថ្លែងការណ៍មួយថា លេខាធិការអចិន្ត្រៃយ៍លោក Sarun Charoensuwan នឹងតំណាងប្រទេសថៃនៅក្នុងកិច្ចប្រជុំកំពូលសមាគមប្រជាជាតិអាស៊ីអាគ្នេយ៍ (អាស៊ាន) ប៉ុន្តែគេមិនបានបញ្ជាក់ច្បាស់ថា ហេតុអ្វីបានជាលោកនាយករដ្ឋមន្ត្រីមិនចូលរួមក្នុងកិច្ចប្រជុំនោះទេ៕

មនុស្សជាង៤០នាក់ រងរបួស ខណៈព្យុះទីហ្វុង ហៃកួយ(Haikui) វាយប្រហារទូទាំងកោះតៃវ៉ាន់

តៃវ៉ាន់៖ លំនៅឋានប្រជាពលរដ្ឋរាប់ម៉ឺនខ្នងគ្មានអគ្គិសនីប្រើប្រាស់ និងមនុស្សជាង៧ពាន់នាក់ ត្រូវបានជម្លៀសបន្ទាប់ពីព្យុះបានវាយប្រហារកោះនេះ ។ ព្យុះទីហ្វុង ហៃកួយ (Haikui)បានបោកបក់ពាសពេញកោះតៃវ៉ាន់ កាលពីថ្ងៃអាទិត្យ បង្កឲ្យមានភ្លៀងធ្លាក់ និងខ្យល់ខ្លាំង ព្រមទាំងបណ្ដាលឲ្យលំនៅឋានជាច្រើនគ្មានអគ្គិសនីប្រើប្រាស់ បន្ទាប់ពីព្យុះដ៏ធំលើកដំបូង វាយប្រហាកោះរនេះដោយផ្ទាល់ ក្នុងរយៈពេល៤ឆ្នាំ ។ កោះតៃវ៉ាន់បាន មើលឃើញដើមឈើរដួលរលំ ទឹកជំនន់ និងភ្លៀងធ្លាក់នៅព្រឹកថ្ងៃចន្ទនេះ បន្ទាប់ពីព្យុះនេះបានវាយប្រហារមកលើដីគោក និងបោកបក់ទាំងយប់នៅទូទាំងតំបន់ភ្នំភាគកណ្ដាលរបស់កោះមួយនេះ។ មនុស្សជាង៧ពាន់នាក់ ត្រូវបានជម្លៀសចេញពីតំបន់ប្រឈមហានីភ័យខ្ពស់ ខណៈជើងហោះហើររាប់រយជើង ត្រូវបានលុបចោល ហើយហាងអាជីវកម្មត្រូវបានបិទទ្វារ ។ ក្រុមអាជ្ញាធរ បានរាយការណ៍ថា មនុស្សជាង៤០នាក់ បានរងរបួសដោយសារព្យុះនេះ រួមទាំង២នាក់នៅក្នុងស្រុកតំបន់ភ្នំហួលៀន (Hualien) នៅពេលដើមឈើដួលរលំចំរថយន្តមួយគ្រឿង ។ការិយាល័យអាកាសធាតុកណ្ដាលរបស់កោះតៃវ៉ាន់ បានបញ្ជាក់ទៅកាន់សារព័ត៌មានបារាំង អាហ្សង់ (Agence) ថាព្យុះទីហ្វុងនេះបានវាយប្រហារដីគោកនៅម៉ោង៣និង៤០នាទីល្ងាច នៅតាមតំបន់ឆ្នេរតៃទុង( Taitung) ជាស្រុកមួយស្ថិតនៅតំបន់ភ្នំ ភាគខាងកើតកោះនេះដែលមានប្រជាជនរស់នៅតិចតួច៕

ប្រធានាធិបតីអ៊ុយក្រែន សម្រេចចិត្តដកតំណែងរដ្ឋមន្ត្រីការពារជាតិពេលប្រទេសមានសង្រ្គាម

អ៊ុយក្រែន៖ លោកប្រធានាធិបតីអ៊ុយក្រែន វ៉ូឡូឌីមៀ ហ្សេលិនស្គី (Volodymyr Zelensky) បាននិយាយកាលពីថ្ងៃអាទិត្យថាលោកបានសម្រេចចិត្តបណ្តេញរដ្ឋមន្ត្រីការពារជាតិ លោក អូឡេស្គី រ៉េស្នីកូវ( Oleksii Reznikov)ចេញពីតំណែង ហើយនឹងស្នើសុំសភានៅសប្តាហ៍នេះឱ្យជំនួសតំណែងលោក ដោយ លោក រ៉េស្ទឹម អ៊ូម៉េរូវ (Rustem Umerov) ប្រធានមូលនិធិគោលនយោបាយជនភាវូបនីយកម្មដ៏សំខាន់របស់អ៊ុយក្រែន។សេចក្តីប្រកាសដែលបានធ្វើឡើងនៅក្នុងសុន្ទរកថាជាវីដេអូពេលយប់របស់លោកទៅកាន់ប្រជាជាតិរបស់ខ្លួន ជាដំណាក់កាលដែលមានភាពរង្គោះរង្គើដ៏ធំបំផុតនៃការបង្កើតវិស័យការពារជាតិរបស់អ៊ុយក្រែនក្នុងអំឡុងពេលសង្រ្គាមដែលបានចាប់ផ្តើមដោយរុស្ស៊ីកាលពីខែកុម្ភៈ ឆ្នាំ ២០២២។ លោក រ៉េស្នីកូវ ដែលត្រូវបានតែងតាំងជារដ្ឋមន្ត្រីការពារជាតិកាលពីខែវិច្ឆិកា ឆ្នាំ ២០២១ បានជួយធានាបាននូវជំនួយយោធាលោកខាងលិចរាប់ពាន់លានដុល្លារដើម្បីជួយដល់កិច្ចខិតខំប្រឹងប្រែងក្នុងសមរភូមិសង្រ្គាមទប់ទល់ប្រទេសរុស្ស៊ី ប៉ុន្តែត្រូវបានជាប់គាំងដោយការចោទប្រកាន់អំពើពុករលួយជុំវិញក្រសួងរបស់លោក ដែលលោក បានហៅថាជាការលាបពណ៌។ លោក Zelensky បាននិយាយថា ខ្ញុំបានសម្រេចចិត្តដាក់ជំនួសតំណែងរដ្ឋមន្ត្រីក្រសួងការពារជាតិអ៊ុយក្រែន។លោកអូឡេស្គី រ៉េស្នីកូវ បានឆ្លងកាត់រយៈពេលជាង ៥៥០ ថ្ងៃនៃសង្គ្រាមទ្រង់ទ្រាយធំ។ ខ្ញុំជឿថាក្រសួងត្រូវការវិធីសាស្រ្តថ្មី និងទម្រង់ផ្សេងទៀតនៃអន្តរកម្មជាមួយទាំងយោធា ទាំងសង្គមទាំងមូល។ការផ្លាស់ប្តូររដ្ឋមន្ត្រីការពារជាតិត្រូវតែអនុម័តដោយសភា ប៉ុន្តែទំនងជាត្រូវបានគាំទ្រដោយសមាជិកសភាភាគច្រើននៅក្នុង ក្រុមប្រឹក្សាជាន់ខ្ពស់វ៉ើកូវណា រ៉ាដា (Verkhovna Rada) លោក ។ Zelensky បាននិយាយថារូបលោករំពឹងថាសភានឹងអនុម័តការតែងតាំង លោក អ៊ូមេរូវ ជារដ្ឋមន្ត្រីក្រសួងការពារជាតិអ៊ុយក្រែន៕

សម្តេចមហាបវរធិបតី ហ៊ុន ម៉ាណែត និងលោកជំទាវដឹកនាំប្រតិភូចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធនៅឥណ្ឌូនេស៊ី

ភ្នំពេញ៖ នៅព្រឹកថ្ងៃចន្ទ ទី៤ ខែកញ្ញា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវ បានដឹកនាំគណៈប្រតិភូជាន់ខ្ពស់ អញ្ជើញចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ តបតាមការអញ្ជើញរបស់លោក ចូកូ វីដូដូ ប្រធានាធិបតីឥណ្ឌូនេស៊ី ដែលជាប្រធានប្តូរវេនអាស៊ាន។ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា កិច្ចប្រជុំកំពូលខាងលើនេះ នឹងប្រព្រឹត្តទៅនៅរដ្ឋធានីហ្សាការតា ពីថ្ងៃទី៤ ដល់ទី៧ ខែកញ្ញា ឆ្នាំ២០២៣។ អញ្ជើញអមដំណើរសម្តេចនាយករដ្ឋមន្ត្រី រួមមានលោក លោកស្រី ជាឧបនាយករដ្ឋមន្ត្រី រដ្ឋមន្ត្រី និងមន្ត្រីសំខាន់ៗនៃរាជរដ្ឋាភិបាល ព្រមទាំងថ្នាក់ដឹកនាំផ្នែកឯកជនជាច្រើនរូបទៀត។យោងតាមក្រសួងការបរទេសបានឱ្យដឹងថា កិច្ចប្រជុំកំពូលអាស៊ាននៅឥណ្ឌូនេស៊ី នឹងធ្វើឡើងក្រោមមូលបទ «សារៈសំខាន់អាស៊ាន៖ ស្នូលនៃកំណើន» កិច្ចប្រជុំកំពូលនឹងផ្តោតលើការជំរុញចក្ខុវិស័យសហគមន៍អាស៊ានឆ្នាំ២០២៥ ដែលផ្តល់ជាផែនទីចង្អុលផ្លូវមួយដ៏សំខាន់សម្រាប់ការពង្រឹងឥទ្ធិពលអាស៊ាន តាមរយៈការបង្កើនប្រសិទ្ធភាពស្ថាប័ន ក្នុងគោលដៅស្វែងរកផលប្រយោជន៍សម្រាប់ប្រជាជនរបស់ខ្លួននៅលើឆាកអន្តរជាតិ។បន្ថែមពីនេះ ការពិភាក្សានឹងផ្តោតការយកចិត្តទុកដាក់លើការពូនជ្រុំសហគមន៍អាស៊ានប្រកបដោយបរិយាប័ន្ន ចក្ខុវិស័យវែងឆ្ងាយ និងយកប្រជាជនជាស្នូល ដែលជាកម្លាំងដ៏សំខាន់ ដើម្បីសម្រេចបាននូវអាស៊ានឆ្នាំ២០៤៥។របៀបវារៈសំខាន់ៗនៅកិច្ចប្រជុំ រួមមានកិច្ចព្រមព្រៀងជាឯកច្ឆន្ទ ៥ចំណុច ស្តីពីមីយ៉ាន់ម៉ា និងសេចក្តីសម្រេចផ្សេងៗទៀតរបស់ថ្នាក់ដឹកនាំអាស៊ាន។ ថ្នាក់ដឹកនាំអាស៊ាន ក៏នឹងពិភាក្សាលើទស្សនវិស័យអាស៊ាន ស្តីពីឥណ្ឌូ-ប៉ាស៊ីហ្វិក និងផ្លាស់ប្តូរទស្សនៈស្តីពីបញ្ហាតំបន់ និងអន្តរជាតិដែលជាក្តីបារម្ភរួម។ក្នុងអំឡុងពេលទស្សនកិច្ចនៅរដ្ឋធានីហ្សាការតា សម្តេចមហាបវរធិបតី ហ៊ុន ម៉ាណែត នឹងចូលជួបសម្តែងការគួរសម និងពិភាក្សាការងារជាមួយលោកប្រធានាធិបតី ចូកូ វីដូដូ។ សម្តេចនាយករដ្ឋមន្ត្រី ក៏នឹងមានជំនួបទ្វេភាគីជាមួយសមភាគីអាស៊ាន និងថ្នាក់ដឹកនាំពិភពលោកសំខាន់ៗមួយចំនួនទៀត។សូមបញ្ជាក់ថា ដំណើរចេញទៅកាន់ប្រទេសឥណ្ឌូនេស៊ីពេលនេះ គឺជាការបង្ហាញមុខលើកដំបូងក្នុងឆាកអន្តរជាតិរបស់សម្តេចមហាបវរធិបតី ហ៊ុន ម៉ាណែត ក្នុងឋានៈជានាយករដ្ឋមន្ត្រីកម្ពុជា៕

រាជរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត មានការគាំទ្រយ៉ាងរឹងមាំទាំងផ្ទៃក្នុងជាតិ ក្នុងឆាកតំបន់និងលើឆាកអន្តរជាតិ

ភ្នំពេញ៖ រាជរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត មានការគាំទ្រយ៉ាងរឹងមាំទាំងផ្ទៃក្នុងជាតិ ក្នុងឆាកតំបន់និងលើឆាកអន្តរជាតិ។ទី១៖ ការចេញដំណើររបស់គណៈប្រតិភូជាន់ខ្ពស់កម្ពុជាដឹកនាំដោយសម្តេចមហាបវរធិបតី ហ៊ុន ម៉ាណែត ដើម្បីអញ្ជើញចូលរួមកិច្ចប្រជុំកំពូលអាស៊ាន កិច្ចប្រជុំកំពូលអាស៊ានបូក និងកិច្ចប្រជុំកំពូលអាស៊ីបូព៌ា នៅទីក្រុងហ្សាការតា ប្រទេសឥណ្ឌូនេស៊ី គឺជាការចាប់ផ្តើមបើកទំព័របេសកកម្មក្រៅប្រទេសក្នុងនាមជានាយករដ្ឋមន្ត្រីកម្ពុជា។ នាឱកាសនោះ ប្រមុខរាជរដ្ឋាភិបាលកម្ពុជាដែលជាមេដឹកនាំក្មេងជាងគេក្នុងចំណោមមេដឹកនាំដែលចូលរួមប្រជុំនៅហ្សាការតាក៏គ្រោងជួបពិភាក្សាទ្វេភាគីជាមួយមេដឹកនាំប្រទេសធំៗជាច្រើនទៀតមានដូចជា ចិន ជប៉ុន កូរ៉េខាងត្បូង រុស្ស៊ី ឥណ្ឌា សហរដ្ឋអាមេរិក អូស្ត្រាលី និងនូវែលហ្សេឡង់ ជាដើម។ នៅមុនពេលចេញដំណើរនេះ សម្តេចធិបតី ហ៊ុន ម៉ាណែត ក៏បានជួបពិភាក្សាការងាររួចហើយជាមួយតំណាងប្រទេសមហាអំណាចធំៗដូចជា ឯកអគ្គរដ្ឋទូតសហភាពអឺរ៉ុបប្រចាំកម្ពុជា, គណៈប្រតិភូសភានិងតំណាងរដ្ឋាភិបាលសហរដ្ឋអាមេរិក និងរដ្ឋមន្ត្រីទំនាក់ទំនងអន្តរជាតិនៃគណៈកម្មាធិការមជ្ឈឹមបក្សកុម្មុយនិស្តចិន ជាដើម។ទី២៖ រហូតមកទល់ពេលនេះ មានមេដឹកនាំ ដែលជាប្រធានាធិបតី នាយករដ្ឋមន្ត្រី និងថ្នាក់ដឹកនាំជាន់ខ្ពស់ មកពីជាង ៤០ ប្រទេស និងមកពីគ្រប់ជ្រុងជ្រោយនៃពិភពលោកបានផ្ញើសារអបអរសាទរជូនចំពោះសម្តេចធិបតី ហ៊ុន ម៉ាណែត ក្នុងនាមជានាយករដ្ឋមន្ត្រីរបស់កម្ពុជា។ មានប្រទេសខ្លះ បានផ្ញើសារអបអរសាទររហូតដល់ពីរឬបីក៏មានពោលគឺសារអបអរសាទរពីនាយករដ្ឋមន្ត្រីឬប្រធានាធិបតីផង រដ្ឋមន្ត្រីការបរទេសផង និងមន្ត្រីជាន់ខ្ពស់ផ្សេងទៀតផង។ នេះសបញ្ជាក់អំពីសន្តានចិត្តនិងមនោសញ្ចេតនាគាំទ្រដ៏ជ្រាលជ្រៅរបស់ថ្នាក់ដឹកនាំនៃប្រទេសទាំងនោះមកលើសម្តេចធិបតី ហ៊ុន ម៉ាណែត ដែលបានក្លាយជានាយករដ្ឋមន្ត្រីបន្តវេនរបស់កម្ពុជាតាមរយៈការបោះឆ្នោតតាមបែបប្រជាធិបតេយ្យ។ ទី៣៖ ក្រឡេកទៅមើលការបោះឆ្នោតកាលពីថ្ងៃទី ២៣ កក្កដា ឆ្នាំ ២០២៣ អត្រានៃការចូលរួមបោះឆ្នោតមានរហូតដល់ជាង ៨៤% ក្នុងនោះមានអ្នកបោះឆ្នោតជាង ៨២% បានទម្លាក់សន្លឹកឆ្នោតគាំទ្រគណបក្សប្រជាជនកម្ពុជា។ មានន័យថា ប្រជាពលរដ្ឋខ្មែរគាំទ្រសម្តេចតេជោ ហ៊ុន សែន ជាបេក្ខជននាយករដ្ឋមន្ត្រី និងសម្តេចធិបតី ហ៊ុន ម៉ាណែត ជាបេក្ខជននាយករដ្ឋមន្ត្រីបន្តវេន។ បើធៀបនឹងការបោះឆ្នោតក្រុមប្រឹក្សាឃុំសង្កាត់ឆ្នាំ ២០២២ សំឡេងគាំទ្រគណបក្សប្រជាជនកម្ពុជាកើនឡើងពីជាង ៧៤% ដល់ជាង ៨២%។ នេះសបញ្ជាក់យ៉ាងច្បាស់ថា ពលរដ្ឋខ្មែរគាំទ្រយ៉ាងលើសលប់ដល់បេក្ខជននាយករដ្ឋមន្ត្រីបន្តវេនគឺសម្តេចមហាបវរធិបតី ហ៊ុន ម៉ាណែត។ ឈរលើមូលដ្ឋានដូចបានលើកឡើងខាងលើ គេអាចសន្និដ្ឋានបានប្របកដោយភាពសត្យានុម័តថា រាជរដ្ឋាភិបាលអាណត្តិទី៧ ដឹកនាំដោយសម្តេចធិបតី ហ៊ុន ម៉ាណែត ចេញដំណើរនៅលើមូលដ្ឋានគ្រឹះនៃការគាំទ្រយ៉ាងរឹងមាំពីសំណាក់ផ្ទៃក្នុងជាតិផង ពីសំណាក់ប្រទេសក្នុងតំបន់ផង និងលើឆាកអន្តរជាតិផង៕

បណ្ដាញសង្គម

ព័ត៌មានថ្មីៗ

ក្រុមតាលីបង់ប្រារព្ធខួប ៤ឆ្នាំនៃការឡើងកាន់អំណាច នៅអាហ្វហ្គានីស្ថាន

ភាពជាដៃគូយុទ្ធសាស្ត្ររវាង នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ និងក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា តាមរយៈវគ្គបណ្តុះបណ្តាល ភាពយន្តខ្លីកម្ពុជា

បេសកជននិយាយថា មនុស្សរាប់រយនាក់ ត្រូវទាហានអ៊ុយក្រែនសម្លាប់ ដោយសារការព្យាយាមឆ្លងចូលទៅរុស្ស៊ី

ចិនចោទនាវាឆ្មាំល្បាតឆ្នេរហ្វីលីពីនថា ធ្វើនាវាចរណ៍ដ៏គ្រោះថ្នាក់ នៅសមុទ្រចិនខាងត្បូង

លីប៊ីគ្រោងនឹងរៀបចំការបោះឆ្នោតក្នុងស្រុកដ៏កម្រ ដែលជាការសាកល្បងសម្រាប់ប្រទេសដែលបែកបាក់នេះ

ប្រមុខក្រុមហេសបូឡា និយាយថា គ្មានរណាម្នាក់នៅលីបង់ មានសេចក្តីសុខទេ ប្រសិនបើរដ្ឋាភិបាលប្រឈមមុខជាមួយក្រុមនេះ

មនី្ទរសុខាភិបាលរាជធានី អំពាវនាវឲ្យពលរដ្ឋ រួមគ្នាលុបបំបាត់ជម្រកមូសខ្លា ដើម្បីទប់ស្កាត់ការចម្លងជំងឺគ្រុនឈាម

រុស្សីជួបពិភាក្សាជាមួយរដ្ឋ Sahel ស្តីពីកិច្ចសហប្រតិបត្តិការលើវិស័យការពារជាតិ

ការស្រុះស្រួលថ្មីឈានដល់ តែមិនទាន់មានកិច្ចព្រមព្រៀង នៅក្នុងកិច្ចពិភាក្សាការបំពុលដោយប្លាស្ទិក

ទីភ្នាក់ងារគ្រោះមហន្តរាយ៖ ភ្លៀងធ្លាក់ខ្លាំងបណ្តាលឲ្យមនុស្សរាប់សិបនាក់ស្លាប់នៅប៉ាគីស្ថាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍