នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

ផ្លូវថ្នល់រងការជន់លិចពេលព្យុះកំបុតត្បូង Harold បោកបក់ដល់ដីគោកនៅរដ្ឋ Texas សហរដ្ឋអាមេរិក

2023/08/23 12:08:32 pm        100
Facebook Telegram Linkin
អាមេរិក៖  ព្យុះកំបុតត្បូង Haroldបានបោកបក់មកដល់ដីគោកនៅតំបន់ជ្រោយភាគខាងត្បូងរដ្ឋ Texas សហរដ្ឋអាមេរិកកាលពីថ្ងៃអង្គារ ជាមួយនឹងកម្លាំងខ្យល់បក់ខ្លាំង និងភ្លៀងធ្លាក់ខ្លាំង បណ្តាលឲ្យមនុស្សរាប់ម៉ឺននាក់គ្មានចរន្តអគ្គិសនីប្រើប្រាស់ ស្របពេលដែលក្រុមព្យាករណ៍ឧតុនិយមព្រមានពីទឹកជំនន់ដ៏គំហក់ និងធ្វើឲ្យមានការខូចខាតពេញមួយថ្ងៃ ។  រូបភាពវីដេអូឃ្លីប ឃើញភ្លៀងធ្លាក់ខ្លាំង និងផ្លូវថ្នល់រងការជន់លិច ខណៈដែលមនុស្សប្រហែល ១,៣លាននាក់នៅតំបន់ Deep South Texas និងតំបន់ជ្រលងភ្នំ Rio Grandeស្ថិតក្រោមការព្រមានពីព្យុះត្រូពិក ។  សេវាកម្មឧតុនិយមជាតិ (NWS) បានរាយការណ៍ថា ព្យុះកំបុតត្បូង Haroldបោកបក់ក្នុងល្បឿនខ្យល់បក់ ៨០គ.មក្នុង១ម៉ោង ហើយភ្លៀងធ្លាក់ខ្លាំង អាចនឹងមានកម្ពស់ ១៥សង់ទីម៉ែត្រនៅតាមតំបន់មួយចំនួន ។  NWS បាយរាយការណ៍ទៀតថា ព្យុះនេះដែរ អាចបង្កឲ្យមានទឹកជន់នៅតាមតំបន់ឆ្នេរ និងតាមដងទន្លេ ជន់លិចផ្លូវថ្នល់ និងតំបន់ដែលមានប្រព័ន្ធបង្ហូរលូរអន់ ។ ចំណែកឯខ្យល់បក់ខ្លាំង អាចបណ្តាលឲ្យមានការខូចខាតផងដែរដល់ផ្ទះសម្បែងប្រជាពលរដ្ឋ និងហេដ្ឋារចនាសម្ព័ន្ធនានា ។  លោក Brad Culp គឺជាភ្ញៀវទេសចរមួយរូបដែលបានដើរកម្សាន្តនៅតំបន់ឆ្នេររដ្ឋ Texas និយាយថា ឥលូវមានភ្លៀងធ្លាក់ខ្លាំងបន្តិចដែរ ហើយខ្យល់ក៏បក់ខ្លាំង ហើយអ្វីដែលជាការព្រួយបារម្ភរបស់លោក គឺការកញ្ជ្រោលឡើងរបស់ព្យុះ Haroldនេះតែម្តង ៕

សម្ព័ន្ធមិត្តដំបូងរបស់លោកដូណាល់ ត្រាំ បានយល់ព្រមចុះចាញ់ក្នុងសំណុំរឿងការបោះឆ្នោតរដ្ឋ Georgia

2023/08/23 12:05:51 pm        94
Facebook Telegram Linkin
អាមេរិក៖ សហចុងចោទទីមួយរបស់លោក ដូណាល់ ត្រាំ ក្នុងសំណុំរឿងព្រហ្មទណ្ឌរបស់រដ្ឋ Georgia ដែលចោទប្រកាន់អតីតប្រធានាធិបតីសហរដ្ឋអាមេរិករូបនេះ និងសហការីរបស់លោក ពីបទព្យយាមបង្វែរលទ្ធផលបោះឆ្នោតឆ្នាំ២០២០ បានយល់ព្រមចុះចាញ់នៅពន្ធនាគារ អាត្លង់តា កាលពីថ្ងៃអង្គារ (២២សីហា) នេះបើយោងតាមកំណត់ត្រាសហព័ន្ធ និងសេចក្តីថ្លែងការណ៍មួយ។អតីតមេធាវីរបស់លោក ត្រាំ គឺលោក John Eastman និងអ្នកឃ្លាំមើលការស្ទង់មតិរបស់គណបក្សសាធារណរដ្ឋ លោក Scott Hall ទាំងពីរនាក់នេះ បានប្រគល់ខ្លួនទៅការិយាល័យតម្រួតសហព័ន្ធ ពីរថ្ងៃមុនពេលលោក ត្រាំ ត្រូវប្រឈមមុខនឹងការចោទប្រកាន់ពីបទឧក្រិដ្ឋលើកទីបួនរបស់លោកនៅឆ្នាំនេះ។លោក ត្រាំ ដែលជាអ្នកនាំមុខគេសម្រាប់ការតែងតាំងតំណែងប្រធានាធិបតីនៃបកសសាធារណរដ្ឋ ឆ្នាំ២០២៤ បានរិះគន់ការកាត់ទោសទាំងអស់របស់លោកថា មានហេតុផលនយោបាយនៅពីក្រោយ ហើយបន្តអះអាងមិនពិតថា ការចាញ់ឆ្នោតឆ្នាំ២០២០ របស់លោក ចំពោះប្រធានាធិបតីបក្សប្រជាធិបតេយ្យ លោក ចូ បៃដិន គឺជាលទ្ធផលនៃការបោកប្រាស់។ លោក Eastman បាននិយាយនៅក្នុងសេចក្តីថ្លែងការណ៍មួយថា លោកនឹងចូលខ្លួនមួយថ្ងៃបន្ទាប់ពីបានយល់ព្រមលើកិច្ចព្រមព្រៀងតម្កល់ប្រាក់ធានាខ្លួនជាសាច់ប្រាក់សុទ្ធ១០០.០០០ដុល្លារ។កាលពីថ្ងៃចន្ទ លោក ត្រាំ បានយល់ព្រមលើការដាក់ប្រាក់ធានាតាមក្រោយចំនួន២០០.០០០ដុល្លារ និងទទួលយកលក្ខខណ្ឌធានាខ្លួន ដែលនឹងរារាំងលោកពីការគំរាមកំហែងសហចុងចោទ ឬសាក្សីក្នុងសំណុំរឿងនេះ។ នៅក្នុងការចោទប្រកាន់ចំនួន៤១ករណី នៅរដ្ឋ Georgia ដែលបានបង្ហាញកាលពីសប្តាហ៍មុន លោក ត្រាំ និងចុងចោទចំនួន១៨នាក់ផ្សេងទៀត ត្រូវបានចោទប្រកាន់ពីបទឧក្រិដ្ឋកម្មគ្រោងទុក និងបទឧក្រិដ្ឋកម្មផ្សេងៗទៀត ជុំវិញការខិតខំប្រឹងប្រែងរបស់ពួកគេដើម្បីបង្វែរការបរាជ័យរបស់លោក ត្រាំ ក្នុងការបោះឆ្នោតឆ្នាំ២០២០ ដាក់ទៅលើលោកប្រធានាធិបតី ចូ បៃដិន៕

សាកសពមនុស្សឆេះខ្លោចចំនួន១៨នាក់ ត្រូវបានរកឃើញនៅប្រទេសក្រិក ខណៈចំហេះព្រៃរីករាលដាលកាន់តែខ្លាំង

2023/08/23 12:03:31 pm        93
Facebook Telegram Linkin
ក្រិក៖ ក្រុមអាជ្ញាធរបាននិយាយថា សាកសពមនុស្សដែលឆេះខ្លោចចំនួន១៨នាក់ ដែលអាចជាជនអន្តោប្រវេសន៍ ត្រូវបានរកឃើញកាលពីថ្ងៃអង្គារ (២២សីហា) នៅតំបន់ជនបទមួយនៅភាគខាងជើងប្រទេសក្រិច ជាទីដែលចំហេះព្រៃបានកំពុងឆាបឆេះអស់រយៈពេលបួនថ្ងៃមកហើយ ខណៈកម្លាំងខ្យល់បក់បោកបានជំរុញឲ្យចំហេះឆាបឆេះកាន់តែខ្លាំងនៅទូទាំងប្រទេស។នៅក្នុងទីក្រុងកំពង់ផែ Alexandroupolis ក្បែរនោះ អ្នកជំងឺមន្ទីរពេទ្យរាប់សិបនាក់ត្រូវបានជម្លៀសចេញតាមសាឡាងកាលពីព្រឹកថ្ងៃអង្គារ ខណៈដែលចំហេះនៅលើជើងភ្នំ Parnitha នៅជាយក្រុងអាតែន (Athens) បានបញ្ចេញពពកផ្សែងយ៉ាងក្រាស់ពាសពេញរដ្ឋធានីក្រិកមួយនេះ។ អង្គភាពពន្លត់អគ្គិភ័យបាននិយាយថា ក្រុមអាជ្ញាធរកំពុងស៊ើបអង្កេត លើលទ្ធភាពដែលសាកសពទាំងនោះ អាចជាជនអន្តោប្រវេសន៍ ដែលចូលមកក្នុងប្រទេសដោយខុសច្បាប់ ដោយសារតែមិនមានអ្នកស្រុកនៅក្នុងតំបន់នេះត្រូវបានរាយការណ៍ថាបាត់ខ្លួននោះទេ។ចំហេះព្រៃក្នុងរដូវក្តៅនៅប្រទេសក្រិក គឺជារឿងធម្មតា ប៉ុន្តែចំហេះបានកើតឡើងកាន់តែធ្ងន់ធ្ងរក្នុងរយៈពេលប៉ុន្មានឆ្នាំចុងក្រោយនេះ ដោយលក្ខខណ្ឌអាកាសធាតុក្តៅ ស្ងួត និងខ្យល់ខ្លាំងខុសធម្មតា ដែលអ្នកវិទ្យាសាស្ត្របានផ្សារភ្ជាប់ទៅនឹងបម្រែបម្រួលអាកាសធាតុ។អ្នកទេសចរបរទេសជាង២០.០០០នាក់ត្រូវបានជម្លៀសចេញពីរមណីយដ្ឋានទេសចរណ៍នៅលើកោះ Aegean នៃប្រជុំកោះ Rhodes កាលពីខែកក្កដា ខណៈចំហេះព្រៃបានឆាបឆេះអស់រយៈពេលមួយសប្តាហ៍ដោយបំផ្លាញលំនៅឋាន និងសណ្ឋាគារជាច្រើននៅតំបន់នោះ៕

ឥណ្ឌាមានបំណងបង្កើតប្រវត្តិសាស្ត្រ ដោយការចុះចតយានអវកាសចន្ទ្រា-៣ ក្បែរប៉ូលខាងត្បូងភពព្រះចន្ទ

2023/08/23 12:00:45 pm        87
Facebook Telegram Linkin
ឥណ្ឌា៖ ប្រទេសឥណ្ឌា កំពុងព្យាយាមបង្កើតប្រវត្តិសាស្ត្រនៅថ្ងៃពុធនេះ តាមរយៈបេសកកម្មភពព្រះចន្ទលើកទី៣ ដែលនឹងកំណត់ចុះចតនៅលើភពព្រះចន្ទ។ប្រសិនបើបេសកកម្មយានអវកាសចន្ទ្រាយាន-៣ ជោគជ័យ នោះឥណ្ឌា នឹងក្លាយប្រទេសទីមួយដែល បានចុះចតយាន នៅក្បែរប៉ូលភាគខាងត្បូងក្នុងការស្រាវជ្រាវដំបូងនៅលើភពព្រះចន្ទ ។ ឥណ្ឌា ក៏នឹងក្លាយជាប្រទេសទី៤ដែលនឹងទទួលបានជោគជ័យ ក្នុងការចុះចតយានក្នុងសម្ពាធស្រាល នៅលើភពព្រះចន្ទ សហរដ្ឋអាមេរិក អតីតសហភាពសូវៀត និងប្រទេសចិន សុទ្ធតែបានចុះចតនៅក្បែរខ្សែបន្ទាត់អេក្ខាទ័រ។ ការប៉ុនប៉ងរបស់ប្រទេសឥណ្ឌា បានកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីយានអវកាស Luna-25 របស់ប្រទេសរុស្ស៊ី បានធ្លាក់ ខណៈព្យាយាមចុះចតនៅក្នុងតំបន់ដូចគ្នានេះ។  ការប៉ុនប៉ងកាលពីពេលថ្មីៗរបស់ប្រទេសនេះ ក្នុងការចុះចតបេសកកម្មយានចន្ត្រាយាន-២ របស់ខ្លួនជិតប៉ូលខាងត្បូង កាលពីឆ្នាំ២០១៩ពុំបានជោគជ័យ ដោយយាននោះបានធ្លាក់ចូលទៅក្នុងផ្ទៃខាងលើភពព្រះចន្ទ។ ដូច្នេះពេលនេះ ពិភពលោកកំពុងចោលខ្សែភ្នែកសម្លឹងមើលយានចន្ត្រាយាន៣របស់ឥណ្ឌា។  យានអវកាសដែលត្រូវបានបង្កើតឡើងដើម្បីធ្វើដំណើរទៅកាន់គន្លងវិថី យានចុះចត និង យានស្រាវជ្រាវ បានហោះចេញពីមជ្ឈមណ្ឌលអវកាស ស្រីហារីកូតា (Sriharikota) នៅភាគខាងត្បូងប្រទេសឥណ្ឌាកាលពីថ្ងៃទី១៤ ខែកក្កដា កន្លងទៅ។  យានដែលដាក់ឈ្មោះ ថា វីក្រាម (Vikram) យកតាមឈ្មោះស្ថាបនិកអង្គការស្រាវជ្រាវអវកាសឥណ្ឌា (Isro) គឺលោក វីក្រាម សារ៉ាប់ហៃ (Vikram Sarabhai) បានដឹកយានស្រាវជ្រាវតូចជាប់នឹងពោះដែលមាន ទម្ងន់២៦ គីឡូក្រាមមានឈ្មោះថា ប្រាកយាន (Pragyaan) ជាភាសាសំស្រ្កឹត ដែលមានន័យថាប្រាជ្ញា៕

ប្រមុខការទូតកម្ពុជាថ្មី ប្តេជ្ញាដឹកនាំវិស័យការទូតកម្ពុជាមិនជ្រៀតជ្រែកកិច្ចការផ្ទៃប្រទេសជាមិត្ត និងគោរពផលប្រយោជន៍គ្នា

2023/08/23 12:00:27 pm        467
Facebook Telegram Linkin
ភ្នំពេញ៖ ឯកឧត្តមឧបនាយករដ្ឋមន្រ្តី សុខ ចិន្តាសោភា ប្រមុខការទូតកម្ពុជាថ្មី ប្តេជ្ញាដឹកនាំវិស័យការទូតកម្ពុជាមិនជ្រៀតជ្រែកកិច្ចការផ្ទៃប្រទេសជាមិត្ត និងគោរពផលប្រយោជន៍គ្នា។ការប្តេជ្ញារបស់ឯកឧត្តម សុខ ចិន្តាសោភា ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និង សហប្រតិបត្តិការអន្តរជាតិ ក្នុងឱកាសអញ្ជើញជួបសំណេះសំណាលជាមួយមន្រ្តីរាជការ នៅថ្ងៃទី២៣ ខែសីហា ឆ្នាំ២០២៣ ​បន្ទាប់ពីរាជរដ្ឋាភិបាល នីតិកាលទី៧ បានរៀបចំគណៈរដ្ឋមន្រ្តីថ្មី កាលពីម្សិលមិញនេះ។ នាឱកាសនោះ ឯកឧត្តម សុខ ចិន្តាសោភា បានសម្តែងការថ្លែងអំណរគុណចំពោះការអនុញ្ញាត​របស់ថ្នាក់ដឹកនាំរាជរដ្ឋាភិបាល ​ក្នុងការផ្តល់ឱកាសឲ្យបានចូលរួមក្នុងបុព្វហេតុជាតិ ជាពិសេសនឹង​បំពេញភារកិច្ច និងកាតព្វកិច្ចក្នុងវិស័យការទូតឲ្យបន្តទទួល​បានកិត្យានុភាពយូរង្វែងបន្ថែមទៀត។ ជាមួយគ្នា ក្នុងនាមរដ្ឋមន្រ្តីការបរទេស និងសហប្រតិបត្តិការអន្តរជាតិថ្មី ឯកឧត្តម សុខ ចិន្តាសោភា បានលើកឡើងពី​ការពង្រឹងមូលដ្ឋាន​គ្រឹះវិស័យការទូត តាមរយៈពង្រឹងទៅលើវិទ្យាស្ថានជំនាញ​ការទូត យកចិត្តទុកដាក់ជំរុញមន្រ្តីការទូតវ័យឆ្លាត រួមទាំងកែសម្រួលយន្តការចាំបាច់ដល់​តម្រូវ​ការក្នុងវិស័យការទូតនេះផងដែរ។ដោយឡែកជុំវិញវិស័យការទូតក្នុងតំបន និងអន្តរជាតិវិញ ឯកឧត្តម សុខ ចិន្តាសោភា បានប្តេជ្ញា​ចិត្តខ្ពស់​ក្នុងនាមអ្នកបន្តវេនវិស័យការទូត ​អនុវត្តប្រឆាំងចំពោះការ​ជ្រៀតជ្រែត​ចូលផ្ទៃក្នុងកម្ពុជា ក៏ដូចជា​មិនជ្រៀតជ្រែកកិច្ចការផ្ទៃក្នុងបណ្តាប្រទេសដ៏ទៃ ហើយគោរពផលប្រយោជន៍គ្នា​ទៅវិញទៅមក។លើសពីនេះ ឯកឧត្តម សុខ ចិន្តាសោភា ថ្លែងថា វិស័យការទូតបានក្លាយជាមរតកដ៏ថ្លៃថ្លា​កើតចេញ​ពីសម្តេចតេជោ ហ៊ុន សែន ដែលលជាប្រមុខការទូតទី១ របស់កម្ពុជា និងឥស្សរជនជំនាញ​លើ​វិស័យការទូតឆ្នើម២រូបទៀត ​គឺឯកឧត្តម ហោ ណាំហុង និងឯកឧត្តម​ ប្រាក់ សុខុន ដែលបានចូលរួម​ចំណែកធ្វើឲ្យកេ្តរ៍ដំណែលដ៏ពិសិដ្ឋរបស់សម្តេចតេជោ ហ៊ុន សែន កាន់តែលេចធ្លោនូវកិត្យានុភាព​ជាតិទាងក្នុងតំបន់ និងអន្តរជាតិ៕ 

គ្រិស្តសាសនិកនៅប៉ាគីស្ថាននិយាយថា ពួកគេមិនហ៊ានទៅលំនៅឋានវិញទេ

2023/08/23 11:58:00 am        83
Facebook Telegram Linkin
ប៉ាគីស្ថាន៖ នាង Kanwal អាយុ១៨ឆ្នាំ ទើបតែត្រឡប់មកលំនៅឋានពីមន្ទីរពេទ្យជាមួយទារកទើបកើតរបស់នាង ដែលនៅមុនពេលនោះ មានក្រុមមនុស្សឥតសណ្តាប់ធ្នាប់មួយក្រុម បានចាប់ផ្តើមវាយប្រហារមកលើលំនៅឋានរបស់នាង ក្នុងតំបន់គ្រិស្តសាសនិករស់នៅ នៅប្រទេសប៉ាគីស្ថានភាគខាងកើត។ នាង Kanwal បានភៀសខ្លួនចេញដោយជើងទទេរ ជាមួយគ្រួសារ និងបានគេចខ្លួនចេញទាំងតក់ក្រហល់ ខណៈលំនៅឋានរបស់ពួកគេត្រូវឆេះបំផ្លាញ ហើយអ្វីគ្រប់យ៉ាងនៅខាងក្នុងបានបាត់បង់ រួមទាំងសត្វចិញ្ចឹម។ នាងនិយាយថាយើងគួតែផ្លាស់ប្តូរទៅកន្លែងផ្សេងទៀត យើងភ័យខ្លាចអ្នកជិតខាងរបស់យើង ពួកគេបានប្រព្រឹត្តិយ៉ាងឃោឃៅមកលើពួកយើង ហើយយើងមិនចង់ឲ្យពួកគេបំផ្លាញអ្វីដែលយើងនៅមានសល់បន្តិចបន្តួចនោះទេ។ មនុស្សជិត១៦០នាក់ ត្រូវបានចាប់ខ្លួនចាប់តាំងពីការវាយប្រហារកាលពីថ្ងៃពុធមុន នៅសហគមន៍គ្រិស្តសាសនិក។ ពលរដ្ឋនិយាយថា កំហឹងក្រោតរយៈពេលច្រើនម៉ោង រួមមានទាំងអ្នកដែលកំពុងកាន់រំពាត់ដែក កាំបិត និងដំបង។ ពួកគេបានដុតព្រះវិហារ និងលំនៅឋានជាច្រើនខ្នង។ នគរបាលនិយាយថា ការវាយប្រហារ បានបង្កឡើងបន្ទាប់ពី តាមការចោទប្រកាន់ថាមានគេប្រមាថទំព័រគម្ពីរកូរ៉ានចំពោះមេដឹកនាំបួងសួងនៅព្រះវិហារ ដែលបញ្ហានេះកើតមានឡើងបន្ទាប់ពីការអំពាវនាការដាក់ទណ្ឌកម្មពីបទប្រមាថគម្ពីរសក្តិសិទ្ធ។ នគរបាលបានចាប់ខ្លួនបុរសគ្រិស្តសាសនិក២នាក់ ចោទប្រកាន់ពីបទប្រមាថគម្ពីរពិសិដ្ឋនិងកំពុងធ្វើការស៊ើបអង្កេត។ ការប្រមាថនេះ អាចជាទណ្ឌកម្មរហូតដល់ទោសប្រហារជីវិតនៅក្នុងប្រទេសប៉ាគីស្ថាន ប៉ុន្តែគ្មាននណាម្នាក់ត្រូវបានកាត់ទោសនៅឡើយ។អាជ្ញាធរបានសន្យា ផ្តល់ជំនួយហិរញ្ញវត្ថុសម្រាប់សហគមន៍គ្រិស្តសាសនា ដែលបង្កើតឡើងមិនដល់២ភាគរយនៃចំនួនប្រជាជនប៉ាគីស្ថាន ២៤១លាននាក់។ មនុស្សជាច្រើន ភ័យខ្លាចមិនហានត្រលប់នៅលំនៅឋានវិញនោះទេ និងពុំដឹងថានៅកន្លែងណាដែលត្រូវកសាងជីវិតរបស់ពួកគេឡើងវិញឡើយ៕

ពលករខ្មែរនៅកូរ៉េ ជឿជាក់លើសមត្ថភាពរបស់នាយករដ្ឋមន្ត្រីថ្មី ក្នុងការបន្តអភិវឌ្ឍន៍ប្រទេស

2023/08/23 11:46:42 am        168
Facebook Telegram Linkin
ភ្នំពេញ៖ ក្រុមពលករខ្មែរ ដែលកំពុងធ្វើការនៅប្រទេសកូរ៉េខាងត្បូង បានអបអរសាទរ​ចំពោះ​ឯកឧត្តមទេសាភិបាលបណ្ឌិត ហ៊ុន ម៉ណែត ដែលបានឡើងកាន់តំណែងជានាយករដ្ឋមន្ត្រីថ្មី​របស់កម្ពុជា។ ក្នុងនោះពលករទាំងអស់ បានជឿជាក់​លើ​សមត្ថភាពរបស់នាយករដ្ឋមន្ត្រីថ្មី​ចំពោះការបន្ត​រក្សា​សន្តិភាព និងអភិវឌ្ឍប្រទេសជាតិ។លោក ពេជ្រ វីរៈ ជាពលករដែលកំពុងបម្រើការងារនៅតំបន់ហុងសុង​ នៃប្រទេសកូរ៉េខាងងត្បូង នៅថ្ងៃទី២២ ​ខែសីហា បានសម្ដែងនូវក្តីរំភើប​ និងបានអបអរ ​ឯកឧត្តមបណ្ឌិតហ៊ុន ម៉ាណែត ដែលឡើងកាន់តំណែងជានាយករដ្ឋមន្ត្រីកម្ពុជា នៅអាណត្តិទី៧នេះ។ លោកជឿជាក់ថា ​នាយករដ្ឋមន្ត្រីកម្ពុជារូបនេះ ​នឹងដឹកនាំកម្ពុជាឱ្យរីកចម្រើន និងរក្សានូវសុខសន្តិភាព​ជូនប្រទេសជាតិ។ ពលករខ្មែរមួយក្រុមផ្សេងទៀត​ ក៏បានបញ្ជាក់ពីគុណសម្បត្តិរបស់នាយករដ្ឋមន្ត្រីថ្មីថា ជា​បុគ្គលមួយរូបដែលមានទាំងចំណេះដឹង និងបទពិសោធន៍ សាកសមជានាយករដ្ឋមន្រ្តីកម្ពុជា។ ពលករទាំងអស់ ​រំពឹងទៅលើនាយករដ្ឋមន្ត្រីថ្មីដែលនឹងតម្កល់ស្មារតីជាតិ បម្រើប្រជាជន​ដោយមិនប្រកាន់​និន្នាការនយោបាយឡើយ។ ការចេញមកអបអរសាទររបស់ពលរដ្ឋខ្មែរដែលនៅក្រៅប្រទេស ​គឺធ្វើឡើងបន្ទាប់ពីរដ្ឋសភា​នៃនីតិកាលទី៧ បានបោះឆ្នោតផ្តល់សេចក្តីទុកចិត្តចំពោះ ​គណៈរដ្ឋមន្ត្រីថ្មីដែលមាន ឯកឧត្តមបណ្ឌិត ហ៊ុន ម៉ាណែត ជាប្រមុខ។សូមបញ្ជាក់ថា ក្នុងថ្ងៃផ្តល់សេចក្តីទុកចិត្តលើសុពលភាពរបស់គណៈរដ្ឋមន្ត្រីថ្មី ​លោកបណ្ឌិត ហ៊ុន ម៉ាណែត​ បានចេញសារនយោបាយធានាចំនួន៥ចំណុច។ ១.ការធានាការពារឱ្យបានជាដាច់ខាតនូវសន្តិភាព, ស្ថិរភាព, សន្តិសុខ, និងសុវត្ថិភាព។ ២.ការ​ធានាបន្តជំរុញអភិវឌ្ឍសេដ្ឋកិច្ច និងសង្គមកម្ពុជាក្នុងគ្រប់វិស័យ។ ៣. ការធានាបន្តជំរុញលើកកម្ពស់ និងកែលម្អជីវភាពរបស់ប្រជាជន ​តាមរយៈការ​បណ្តុះបណ្តាលជំនាញវិជ្ជាជីវៈ ​បង្កើតការងារធ្វើ ការ​ពង្រីកផលិតកម្ម និងការរកទីផ្សារលក់​កសិផល​ដោយថ្លៃសមរម្យជូនកសិករ, ការបន្តដំឡើង​ប្រាក់ឈ្នួលអប្បបរមាដល់កម្មករ និងមន្ត្រីរាជការជាដើម។ ៤.ធានានូវសុវត្ថិភាពសង្គម និងលំនឹង​ក្នុងការរស់នៅរបស់ប្រជាជន, ទាំងនៅបច្ចុប្បន្ន ​និងអនាគតតាមរយៈការអភិវឌ្ឍ និង​ការពង្រឹងប្រព័ន្ធគាំពារសង្គម ​និងការជួយគាំពារប្រជាជនគ្រប់រូប, ជាពិសេសគ្រួសារក្រីក្រ និងក្រុមងាយរងគ្រោះ។និងទី៥.ការធានាបង្កើនការយកចិត្តទុកដាក់ដល់ចីរភាពនៃការអភិវឌ្ឍសង្គម-សេដ្ឋកិច្ច និង ការកសាងភាពធន់ទៅនឹងការប្រែប្រួលអាកាសធាតុ និងការវិនិយោគបៃតង​ដែលឆ្លើយតបទៅ​នឹងបញ្ហានៃការប្រែប្រួល អាកាសធាតុ។ក្រៅពីពលករដែលនៅប្រទេសហើយនោះ ពលរដ្ឋនៅក្នុងប្រទេស ក៏សម្តែងការអបអរសាទរចំពោះ​គណៈរដ្ឋមន្ត្រីថ្មី ​ហើយជាពិសេសនាយករដ្ឋមន្ត្រីថ្មី បណ្ឌិត ហ៊ុន ម៉ាណែ តចំពោះការដឹកនាំរបស់​លោកក្នុង​អាណត្តិទី៧នេះ។ ពលរដ្ឋជឿជាក់ព្រមៗគ្នាថា ឯកឧត្តម នឹងធ្វើឱ្យកម្ពុជាមានការអភិវឌ្ឍបន្ថែមទៀតដើម្បី​លើកកម្ពស់​ជីវភាពរបស់ប្រជាជន៕

ក្រសួងការបរទេសសរអាមេរិក បន្តហាមឃាត់ការប្រើប្រាស់លិខិតឆ្លងដែនអាមេរិកសម្រាប់ការធ្វើដំណើរទៅកាន់ប្រទេសកូរ៉េខាងជើង

2023/08/23 11:46:31 am        104
Facebook Telegram Linkin
អាមេរិក៖ ក្រសួងការបរទេស បាននិយាយកាលពីថ្ងៃអង្គារថា រដ្ឋបាលលោកបៃដិនកំពុងបន្តរយៈពេលមួយឆ្នាំទៀតសម្រាប់បម្រាមលើការប្រើប្រាស់លិខិតឆ្លងដែនរបស់សហរដ្ឋអាមេរិកក្នុងការធ្វើដំណើរទៅកាន់ប្រទេសកូរ៉េខាងជើង។ ការហាមប្រាមនេះ ត្រូវបានដាក់ឲ្យអនុវត្តន៍ក្នុងឆ្នាំ ២០១៧ ហើយត្រូវបានបន្តជារៀងរាល់ឆ្នាំ ចាប់តាំងពីពេលនោះមក។ការពន្យាពេលចុងក្រោយនេះ កើតឡើងនៅពេលដែលភាពតានតឹងជាមួយកូរ៉េខាងជើង កំពុងកើនឡើងជុំវិញកម្មវិធីនុយក្លេអ៊ែរ និងមីស៊ីលបាលិស្ទិករបស់ខ្លួន និងស្ថានភាពមិនច្បាស់លាស់របស់លោក Travis King សមាជិកយោធាអាមេរិក ដែលបានចូលប្រទេសនេះកាលពីខែមុន តាមព្រំដែនដែលមានកងកម្លាំងប្រដាប់ដោយអាវុធធុនធ្ងន់របស់ខ្លួន។ក្រសួងបាននិយាយនៅក្នុងសេចក្តីជូនដំណឹងមួយដែលត្រូវបានបោះពុម្ពផ្សាយនៅក្នុងសារព័ត៌មាន Federal Register ដែលត្រូវបានចុះហត្ថលេខាដោយរដ្ឋមន្ត្រីការបរទេស លោក អង់តូនី ប្ល៊ីងខិន(Antony Blinken)កាលពីថ្ងៃពុធថា៖«ក្រសួងការបរទេស បានកំណត់ថា ទីនោះបន្តមានហានិភ័យធ្ងន់ធ្ងរដល់ពលរដ្ឋនិងជនជាតិអាមេរិកក្នុងការចាប់ខ្លួន និងការឃុំខ្លួនរយៈពេលវែងដែលបង្កើតជាគ្រោះថ្នាក់ដល់សុវត្ថិភាពរាងកាយរបស់ពួកគេ»។ ការហាមប្រាមនេះ ធ្វើឲ្យវាខុសច្បាប់ក្នុងការប្រើប្រាស់លិខិតឆ្លងដែនសហរដ្ឋអាមេរិកសម្រាប់ការធ្វើដំណើរទៅ មកពី ឬឆ្លងកាត់ប្រទេសកូរ៉េខាងជើង លុះត្រាតែវាត្រូវបានបញ្ជាក់យ៉ាងជាក់លាក់ ក្នុងករណីផលប្រយោជន៍ជាតិដែលមានការបង្ខាំងទុក។ វានឹងនៅជាធរមាន រហូតដល់ថ្ងៃទី៣១ ខែសីហា ឆ្នាំ ២០២៤ លើកលែងតែវាត្រូវបានពន្យារពេល ឬលុបចោលវិញ។

មូលដ្ឋានសុខាភិបាលបានត្រៀមខ្លួន អនុវត្តគោលនយោបាយពង្រីកសេវាថែទាំសុខភាពជូនពលរដ្ឋ

2023/08/23 11:40:07 am        221
Facebook Telegram Linkin
ភ្នំពេញ៖ តាមរយៈការប្ដេជ្ញាចិត្តរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជានូវការអនុវត្តកម្មវិធីគោលនយោបាយជាអាទិភាពចំនួន ៦ ក្នុងនោះ គោល​នយោបាយអាទិភាពទី១ គឺការពង្រីកសេវាថែទំាសុខភាពឆ្ពោះទៅរកការគ្របដណ្តប់​សុខភាព​ជាសកល ស្របពេលនេះបណ្តាមូលដ្ឋានសុខាភិបាលបានប្រកាសត្រៀមខ្លួន អនុវត្ត​នយោបាយ​អាទិភាពនេះសំដៅផ្តល់សេវាសុខភាពឲ្យបានទូលំទូលាយបំផុតជូនដល់ប្រជាពលរដ្ឋ។លោកវេជ្ជបណ្ឌិត អេង គឹមបូរារិទ្ធ អនុប្រធានមន្ទីរពេទ្យបង្អែករាជធានីភ្នំពេញ ​បានថ្លែងប្រាប់BTV នៅថ្ងៃទី២៣ ខែសីហានេះថា ​មន្ទីរពេទ្យបង្អែករាជធានីភ្នំពេញ ក៏ដូចមូលដ្ឋានសុខាភិបាល​សាធារណៈនានា បច្ចុប្បន្ន បានអនុវត្តគោលនយោបាយផ្តល់សេវាសុខាបាលរបស់រាជរដ្ឋាភិបាល​ឆ្ពោះទៅរកក្របដណ្តប់សុខភាពជាសកលយ៉ាងសកម្មភាព ដោយក្នុងនោះ អ្នកជំងឺនានា​ដែលមានបណ្ណ ប.ស.ស មានបណ្ណមូលនិធិសមធម៌សុខាភិបាល ម.ស.ស មានបណ្ណសមធម៌ ឬហៅបណ្ណក្រីក្រ ឬមានបណ្ណអាទិភាពទទួលសេវាសុខភាពសាធារណៈជាដើម​អាចអញ្ជើញ​មកទទួលសេវាថែទាំសុខភាព និងព្យាបាលជំងឺគ្រប់ប្រភេទ ដោយមិន គិតថ្លៃសេវាឡើយ។ប្រជាពលរដ្ឋក៏បានថ្លែងអំណរគុណ ​និងមានការពេញចិត្តជាខ្លាំងចំពោះ ឯកឧត្តម ហ៊ុន ម៉ាណែត នាយករដ្ឋមន្ត្រីកម្ពុជាថ្មីរបស់កម្ពុជា ចំពោះការប្តេជ្ញាចិត្តអនុវត្តនូវគោលនយោបាយការពង្រីក​សេវា​ថែទំាសុខភាពឆ្ពោះទៅរកការគ្របដណ្តប់សុខភាពជាសកល ដែលជាគោលនយោបាយ​អាទិភាពទី១។ សូមបញ្ជាក់ថា ការអនុវត្តគោលនយោបាយពង្រីកសេវាថែទំាសុខភាពឆ្ពោះទៅ​រកការគ្របដណ្តប់​សុខភាព​ជាសកលនេះរបស់រាជរដ្ឋាភិបាលថ្មីនេះ ​គឺធ្វើឡើងស្របតាមកម្មវិធីគោល​នយោបាយ​អង្គការ​សុខាភាពពិភពលោក WHO ដែលបច្ចុប្បន្នគឺបាន និងកំពុងជំរុញបណ្តាប្រទេស ផ្តល់​សេវាសុខាភិបាល ពិនិត្យថែទាំសុខភាព ​និងព្យាបាលជំងឺជូនអ្នកជំងឺទាំងអស់គ្នា ​និងដូចៗគ្នា ពី​រាជរដ្ឋាភិបាល បើទោះ ពលរដ្ឋនោះ ឬអ្នកជំងឺ មាន ឬមិនមានថវិកាក៏ដោយ៕ អត្ថបទ ស៊ុម សុខជា

សភាអាមេរិកកណ្តាល ដកកោះតៃវ៉ាន់ចេញពីអ្នកអង្កេតការណ៍ ដោយអញ្ជើញប្រទេសចិនជំនួសវិញ

2023/08/23 11:37:09 am        171
Facebook Telegram Linkin
អាមេរិក៖ សភាអាមេរិកណ្តាលបានសម្រេចដកចេញកោះតៃវ៉ាន់ ពីឋានៈអ្នកអង្កេតការណ៍ដែលមានរយៈពេល២០ឆ្នាំរបស់ខ្លួន និងដាក់ជំនួសដោយប្រទេសចិន។សភាមានប្រទេសចំនួន៦ ដែលគេស្គាល់ថា PARLACEN បានបោះឆ្នោតកាលពីថ្ងៃចន្ទ នៅក្នុងរដ្ឋធានី Managua (ម៉ាណាហ្គ័រ) ប្រទេសនីការ៉ាហ្គ័រ ដើម្បីអញ្ជើញប្រទេសចិនមកជាអ្នកអង្កេតការណ៍។ សេចក្តីស្នើច្បាប់ ដែលស្នើសម្រាប់ការផ្លាស់ប្តូរនេះ ត្រូវបានផ្ញើរដោយសមាជិកសភាប្រទេសនីការ៉ាហ្គ័រ។ សេចក្តីស្នើច្បាប់និយាយថា កោះតៃវ៉ាន់ ពុំមានលក្ខណៈសម្បត្តិគ្រប់គ្រាន់ដើម្បីចូលរួមក្នុងសភា PARLACEN ព្រោះកោះនេះពុំត្រូវបានទទួលស្គាល់ជារដ្ឋអធិបតេយ្យ នៅអង្គការសហប្រជាជាតិឡើយ។ប្រទេសអាមេរិកកណ្តាលចំនួន៥ រួមមាន ប៉ាណាម៉ា និងសាធារណៈរដ្ឋដូមីនិក មានទំនាក់ទំនងការទូតជាមួយកោះតៃវ៉ាន់ ក្រោយឆ្នាំ២០១៧។ បច្ចុប្បន្ននេះ មានតែប្រទេសហ្គាតេម៉ាឡា និងប៊ែលិហ្ស ដែលនៅតែមានទំនាក់ទំនងបែបនេះ។ នៅក្នុងកិច្ចប្រឹងប្រែងមួយ ដើម្បីពង្រឹងទំនាក់ទំនងការទូត មេដឹកនាំកោះតៃវ៉ាន់ លោកស្រី Tsai Ing-wen បានធ្វើទស្សនកិច្ចនៅប្រទេសទាំងពីរកាលពីដើមឆ្នាំនេះ៕

បណ្ដាញសង្គម

ព័ត៌មានថ្មីៗ

[UPDATE] មនុស្ស ៤នាក់ស្លាប់ និង ៥០នាក់បាត់ខ្លួន ក្រោយទឹកជំនន់ដ៏គំហុកវាយប្រហារទីក្រុងតំបន់ហិម៉ាឡៃ ប្រទេសឥណ្ឌា
08/05/2025 08:08 PM
Facebook Telegram Linkin
អំណោយសប្បុរសធម៌ជាច្រើនរបស់សហជីព និងកម្មកររោងចក្រ បានផ្តល់ជូនជនភៀសសឹកនៅខេត្តព្រះវិហារ
08/05/2025 08:08 PM
Facebook Telegram Linkin
ស៊ុយអែត ន័រវែស និងដាណឺម៉ាក ផ្តល់ ៤៨៦លានដុល្លារ ដល់គម្រោងរបស់ណាតូ ដើម្បីបញ្ជូនអាវុធអាមេរិកទៅអ៊ុយក្រែន
08/05/2025 08:08 PM
Facebook Telegram Linkin
លោក Netanyahu ៖ វាចាំបាច់ត្រូវបញ្ចប់គោលបំណងសង្រ្គាមហ្កាហ្សា
08/05/2025 08:08 PM
Facebook Telegram Linkin
UNICEF៖ ការកាត់បន្ថយមូលនិធិ ធ្វើឲ្យកុមារស៊ូដង់ធ្លាក់ទៅកៀកកម្រិតគ្រោះថ្នាក់សង្គ្រោះមិនបាន
08/05/2025 07:08 PM
Facebook Telegram Linkin
មនុស្ស ២នាក់ស្លាប់ក្រោយរុស្ស៊ីប្រើប្រាស់យានដ្រូនវាយប្រហារតំបន់ Kharkiv របស់អ៊ុយក្រែន
08/05/2025 07:08 PM
Facebook Telegram Linkin
ឥណ្ឌាចោទប្រកាន់ EU និងអាមេរិកថា ប្រើប្រាស់ស្តង់ដារ ២ ជុំវិញពាណិជ្ជកម្មរុស្ស៊ី
08/05/2025 07:08 PM
Facebook Telegram Linkin
គណៈរដ្ឋមន្ត្រីលីបង់ ជួបប្រជុំ ដើម្បីពិភាក្សា អំពីអាវុធរបស់ក្រុមហេសបូឡា ក្រោយមានសម្ពាធពីអាមេរិក
08/05/2025 07:08 PM
Facebook Telegram Linkin
ភ្លៀងធ្លាក់ខ្លាំងធ្វើឲ្យដងផ្លូវប្រែក្លាយជាដងទន្លេនៅតំបន់ភាគខាងត្បូងប្រទេសចិន
08/05/2025 07:08 PM
Facebook Telegram Linkin
UNICEF៖ អ៊ីស្រាអែលសម្លាប់កុមារប៉ាឡេស្ទីនជាមធ្យម ២៨នាក់ជារៀងរាល់ថ្ងៃនៅតំបន់ហ្កាហ្សា
08/05/2025 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.