នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត
សម្ដេចតេជោ ជំរុញឱ្យកម្ពុជា-កូរ៉េខាងត្បូងលើកកម្ពស់ទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយក្នុងឱកាសខួប៣០ឆ្នាំនៃទំនាក់ទំនងប្រទេសទាំងពីរ

នយោបាយ​ និង ការអភិវឌ្ឍន៍

ប្រធានាធិបតីប៉ាឡេស្ទីន និងប្រធានក្រុមហាម៉ាសពិភាក្សាគ្នាអំពីការផ្សះផ្សាផ្ទៃក្នុង

2023/08/11 12:01:00 pm        58
Facebook Telegram Linkin
ប៉ាឡេស្ទីន៖ ប្រធានាធិបតីប៉ាឡេស្ទីនលោក ម៉ាស្មូត អាបាស ( Mahmoud Abbas) និងប្រធានការិយាល័យនយោបាយនៃចលនាតស៊ូឥស្លាម (Hamas) លោកអ៊ីស្មៃ ហានីយេ ( Ismail Haniyeh) កាលពីថ្ងៃព្រហស្បតិ៍ បានពិភាក្សាគ្នាអំពីការបញ្ចប់ការបែកបាក់ផ្ទៃក្នុង និងដំណើរការការផ្សះផ្សាផ្ទៃក្នុង។ទីភ្នាក់ងារព័ត៌មានផ្លូវការរបស់ប៉ាឡេស្ទីន WAFA បានរាយការណ៍ថា នៅក្នុងការសន្ទនាតាមទូរស័ព្ទ ពួកគេ បានពិភាក្សាអំពីការតាមដានលទ្ធផលនៃកិច្ចប្រជុំដែលធ្វើឡើងនៅប្រទេសអេហ្ស៊ីប កាលពីចុងខែ   កក្កដា នៅពេលដែលក្រុមមេដឹកនាំនៃក្រុមប្រឆាំងប៉ាឡេស្ទីន បានយល់ព្រមបង្កើតគណៈកម្មាធិការមួយ ដើម្បីលើកកម្ពស់កិច្ចសន្ទនា ធ្វើការដើម្បីបញ្ចប់ការបែកបាក់គ្នា និងសម្រេចបាននូវឯកភាពជាតិ។នៅក្នុងសេចក្តីថ្លែងការណ៍មួយ ក្រុមហាម៉ាស បាននិយាយថា អាបាស និង លោក ហានីយេ បានយល់ព្រមលើតម្រូវការ ដើម្បីពន្លឿនការបង្កើតគណៈកម្មាធិការនេះ។សេចក្តីថ្លែងការណ៍នោះ បានឲ្យដឹងទៀតថា គណៈកម្មាធិការដែលបានព្រមព្រៀងគ្នា នឹងពិភាក្សាអំពីឯកសារទាំងអស់ ដើម្បីឲ្យវាអាចបង្ហាញលទ្ធផលនៃការពិភាក្សារបស់ខ្លួន មុនពេលកិច្ចប្រជុំបន្ទាប់នៃអគ្គលេខា ធិការ (នៃក្រុមប្រឆាំងប៉ាឡេស្ទីន)។សេចក្តីថ្លែងការណ៍ដដែល បានបន្ថែមទៀតថា មេដឹកនាំទាំងពីរ បានសង្កត់ធ្ងន់លើតម្រូវការឆ្ពោះទៅមុខដើម្បីនាំប្រជាជនប៉ាឡេស្ទីនកាន់តែជិតស្និទ្ធគ្នា និងសម្រេចបាននូវឯកភាពផ្ទៃក្នុង ដើម្បីពង្រឹងជំហរជាតិរួម ក្នុងការប្រឈមនឹងបញ្ហាប្រឈមពេលបច្ចុប្បន្ន៕

អ្នកព្យាករណ៍៖ ឱកាសនៃបាតុភូត អ៊ែលនីញ៉ូ មានរហូតទៅដល់៩៥% ខណៈព្យុះសង្ឃរាធំៗមានកំណើនក្នុងឆ្នាំ២០២៣នេះ

2023/08/11 11:58:20 am        62
Facebook Telegram Linkin
អាមេរិក៖ ទីភ្នាក់ងារព្យាករណ៍អាកាសធាតុរបស់រដ្ឋាភិបាលសហរដ្ឋអាមេរិក បាននិយាយកាលពីថ្ងៃព្រហស្បតិ៍ថា មានឱកាសច្រើនជាង៩៥% ដែលលក្ខខណ្ឌបាតុភូតអាកាសធាតុ អ៊ែលនីញ៉ូ នឹងគ្របដណ្ដប់ចាប់ពីខែធ្នូ ឆ្នាំ២០២៣ ដល់ខែកុម្ភៈ ឆ្នាំ២០២៤ ដោយធ្វើឱ្យហានិភ័យនៃរលកកម្ដៅ និងទឹកជំនន់នៅទូទាំងប្រទេសកាន់តែធ្ងន់ធ្ងរ។ ទីភ្នាក់ងារនោះក៏រំពឹងថា នឹងមានរដូវព្យុះអាត្លង់ទិកដ៏គ្រោះថ្នាក់បន្ថែមទៀតនៅឆ្នាំនេះ ដោយបង្កើនចក្ខុវិស័យព្យុះសង្ឃរាអាត្លង់ទិច ដោយសារតែសីតុណ្ហភាពខ្ពស់លើផ្ទៃសមុទ្រផងដែរ។បាតុភូតអាកាសធាតុ ដែលជាការឡើងកំដៅនៃសីតុណ្ហភាពផ្ទៃខាងលើមហាសមុទ្រនៅភាគខាងកើត និងកណ្តាលប៉ាស៊ីហ្វិក កំពុងជំរុញឱ្យមានគ្រោះមហន្តរាយធម្មជាតិនៅទូទាំងពិភពលោករួចទៅហើយ ដោយហានិភ័យត្រូវបានគេមើលឃើញថាខ្ពស់ជាងមុន សម្រាប់ទីផ្សារដែលកំពុងរីកចម្រើន ដែលប្រឈមនឹងការប្រែប្រួលតម្លៃអាហារ ព្រមទាំងថាមពលផងដែរ។ការរំពឹងទុកចុងក្រោយបំផុតរបស់មជ្ឈមណ្ឌលព្យាករណ៍អាកាសធាតុ (CPC) បានឡើងខ្ពស់បន្តិចពីខែកក្កដា ដែលពេលនោះទីភ្នាក់ងារនេះព្យាករណ៍ថា មានឱកាស៩០% នៃបាតុភូតនេះបន្តរហូតដល់រដូវរងា។ កាលពីព្រឹកថ្ងៃដដែលនោះ ការិយាល័យអាកាសធាតុរបស់ប្រទេសជប៉ុនបានព្យាករណ៍ថា ឱកាសនៃបាតុភូត អ៊ែលនីញ៉ូ ឆ្លងកាត់រដូវរងាអឌ្ឍគោលខាងជើងគឺមានកម្រិត៩០%។ អង្គការឧតុនិយមពិភពលោកបានព្រមានកាលពីខែឧសភាថា បាតុភូតអាកាសធាតុដ៏ធ្ងន់ធ្ងរនេះ អាចរួមចំណែកដល់កំណើននៃសីតុណ្ហភាពពិភពលោកផងដែរ៕

មន្ត្រីជំនាញ៖ ស្ថានភាពទឹកទន្លេមេគង្គមិនទាន់បង្កបញ្ហាអ្វីទេ តែកំពុងតាមដានគម្រោងបើកទឹកនៅឡាវ

2023/08/11 11:58:16 am        234
Facebook Telegram Linkin
ភ្នំពេញ៖ អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តម សុទ្ធ គឹមកុលមុន្នី បានឲ្យដឹងថា បច្ចុប្បន្នស្ថានភាពទឹកជំនន់នៅទន្លេមេគង្គ ​ក្នុងប្រទេសកម្ពុជា ពុំទាន់មានផលប៉ះពាល់​អ្វីគួរឲ្យកត់សម្គាល់នោះទេ ខណៈមន្ត្រីជំនាញ និងអាជ្ញាធរតាមខេត្តជាប់ទន្លេមេគង្គ កំពុងតាមដាន​យ៉ាង​យកចិត្តទុកដាក់ ​ចំពោះគម្រោងការបើកទំនប់​នៅប្រទេសឡាវ ។ឯកឧត្តម សុទ្ធ គឹមកុលមន្នី មានប្រសាសន៍ថា ​យោងតាមការព្យាករណ៍របស់ក្រសួងធនធានទឹក និងឧតុនិយម កម្ពុជា​​នឹងទទួលឥទ្ធិពលជ្រលងសម្ពាធទាប ​ជាក់ស្តែងស្ថានភាព​ទឹកទន្លេមេគង្គ​ស្រកបន្តិច ​ដោយសារទឹកដែលហក់ប៉ុន្មានថ្ងៃមុន​ បានហូរចូលព្រែក ទើបធ្វើឲ្យមិនទាន់មានការ​គំរាមកំហែង នៃការជន់លិចធ្ងន់ធ្ងរនោះទេ ។ ឯកឧត្តមបានបន្តថា ​ជាមួយគ្នានឹងការជូនដំណឹង ​របស់រោងចក្រវារីអគ្គិសនីស្រែពក៤ នៅ​ប្រទេសឡាវ ​ដែលគ្រោងបើកទ្វារទឹករបស់ខ្លួននៅសប្តាហ៍ក្រោយ គឺ​អាជ្ញាធរតាមបណ្តាខេត្ត​ជាប់ទន្លេមេគង្គ ​កំពុងបន្តតាមដានជាប់ជាប្រចាំ ​ដើម្បី​ត្រៀម​បង្ការ​ជម្លៀស​ប្រជាពលរដ្ឋ ឲ្យបានទាន់ពេលវេលា ។ គិតត្រឹមព្រឹកថ្ងៃទី១១ ខែសីហា ឆ្នាំ២០២៣ ​ស្ថានភាពទឹកទន្លេមេគង្គ ​មានកម្ពស់ ៧,៦៨ម៉ែត្រ ស្រកចុះ ០,០៨ម៉ែត្រ កំពស់ទឹកត្រូវប្រកាសអាសន្នកម្ពស់ ​១០,៧០ម៉ែត្រ,​ ទឹកទន្លេសេកុង ​មានកម្ពស់ ៤,២៥ម៉ែត្រ ស្រកចុះ​ ០,៩៤ម៉ែត្រ កម្ពស់ទឹកត្រូវប្រកាសអាសន្ន ​១១,៥០ម៉ែត្រ, ទន្លេសេសាន​ កម្ពស់ ៥,០៤ម៉ែត្រ ស្រកចុះ ​០,២០ម៉ែត្រ កម្ពស់ទឹកត្រូវប្រកាសអាសន្ន ​១០,៥០ម៉ែត្រនិងទំនប់វារីសេសាន កំពស់ទឹកប្រុងប្រយ័ត្ន៧៥,០០ម៉ែត្រ ។គួរបញ្ជាក់ថា ​ចាប់ពីថ្ងៃទី៩ ដល់១៥ ខែសីហា ឆ្នាំ២០២៣ ​កម្ពុជា​ទទួលឥទ្ធិពលខ្សោយពីជ្រលង​សម្ពាធទាប ​ហើយបន្ទាប់មក​ គឺចាប់ពីថ្ងៃទី១២ ខែសីហា ទទួលឥទ្ធិពលខ្សោយពីប្រព័ន្ធ​សម្ពាធ​ទាបអូសបន្លាយលើភាគខាងជើងប្រទេសមីយ៉ាន់ម៉ា ឡាវ និងវៀតណាម ជាមួយខ្យល់​មូសុងនិរតីមធ្យម ៕ អត្ថបទ បាន សុខរិទ្ធិ

របាយការណ៍របស់UN៖ កូរ៉េខាងជើងកំពុងអភិវឌ្ឍអាវុធនុយក្លេអ៊ែរ ដោយគេចពីទណ្ឌកម្ម នៅក្នុងឆ្នាំ២០២៣នេះ

2023/08/11 11:55:35 am        56
Facebook Telegram Linkin
កូរ៉េខាងជើង៖ កូរ៉េខាងជើងបានបន្តអភិវឌ្ឍអាវុធនុយក្លេអ៊ែរ និងផលិតសម្ភារៈនុយក្លេអ៊ែរនៅឆ្នាំ២០២៣ ហើយកំពុងគេចចេញពីការដាក់ទណ្ឌកម្មរបស់អង្គការសហប្រជាជាតិដែលមានគោលបំណងកាត់ផ្តាច់មូលនិធិសម្រាប់កម្មវិធីនុយក្លេអ៊ែរ និងមីស៊ីលប៉ាលិស្ទិករបស់រដ្ឋធានីព្យុងយ៉ាង នេះបើយោងតាមរបាយការណ៍របស់អង្គការសហប្រជាជាតិដែលមិនបានផ្សព្វផ្សាយ និងបនាឃើញដោយសារព័ត៌មាន រ៉យទ័រ កាលពីថ្ងៃព្រហស្បតិ៍។អង្គការឃ្លាំមើលទណ្ឌកម្មឯករាជ្យបានសរសេរនៅក្នុងរបាយការណ៍ទៅកាន់គណៈកម្មាធិការក្រុមប្រឹក្សាសន្តិសុខអង្គការសហប្រជាជាតិ ថា «បន្ទាប់ពីកម្រិតបំបែកកំណត់ត្រានៃចោរកម្មតាមអ៊ីនធឺណិតក្នុងឆ្នាំ២០២២ ដែលត្រូវបានប៉ាន់ស្មានថាចំនួន១,៧ពាន់លានដុល្លារមក តាមសេចក្តីរាយការណ៍បានឲ្យដឹងថា ពួកចោរព័ត៌មានវិទ្យារបស់កូរ៉េខាងជើង បានបន្តកំណត់គោលដៅលួចយកបានដោយជោគជ័យនូវរូបិយវត្ថុគ្រីបតូ និងប្រតិបត្តិការដោះដូរហិរញ្ញវត្ថុផ្សេងទៀតនៅទូទាំងពិភពលោក»។ប្រព័ន្ធផ្សព្វផ្សាយរដ្ឋ KCNA បានរាយការណ៍ថា កាលពីព្រឹកថ្ងៃព្រហស្បតិ៍ មេដឹកនាំកូរ៉េខាងជើង លោក គីំ ជុងអ៊ុន បានជំនួសតំណែងឧត្តមសេនីយ៍ជាន់ខ្ពស់យោធា ហើយបានអំពាវនាវឱ្យមានការត្រៀមបន្ថែមទៀតសម្រាប់លទ្ធភាពនៃសង្គ្រាមដែលអាចកើតមាន ដោយជំរុញការផលិតសព្វាវុធ និងពង្រីកសមយុទ្ធយោធា។កូរ៉េខាងជើងបានស្ថិតនៅក្រោមការដាក់ទណ្ឌកម្មរបស់អង្គការសហប្រជាជាតិសម្រាប់កម្មវិធីនុយក្លេអ៊ែរ និងមីស៊ីលប៉ាលិស្ទិករបស់ខ្លួន ចាប់តាំងពីឆ្នាំ២០០៦មក។ វិធានការទាំងនោះត្រូវបានពង្រឹងជាឯកច្ឆ័ន្ទក្នុងរយៈពេលជាច្រើនឆ្នាំមកនេះ ប៉ុន្តែស្ថាប័នដែលមានសមាជិក១៥ប្រទេសនេះ កំពុងត្រូវជាប់គាំងដោយសារតែប្រទេសចិន និងរុស្ស៊ីជំរុញឱ្យពួកគេបន្ធូរបន្ថយចំណាត់ការ ដើម្បីបញ្ចុះបញ្ចូលរដ្ឋធានីព្យុងយ៉ាង ឲ្យត្រឡប់ទៅរកការចរចារំសាយអាវុធនុយក្លេអ៊ែរវិញ៕

ពលរដ្ឋអាមេរិកដែលជាប់ឃុំនៅប្រទេសអ៊ីរ៉ង់ ត្រូវបានប្តូរពីពន្ធនាគារទៅឃុំខ្លួនក្នុងផ្ទះ

2023/08/11 11:52:09 am        42
Facebook Telegram Linkin
អាមេរិក៖ ពលរដ្ឋអាមេរិកមួយក្តាប់តូចដែលកំពុងជាប់ឃុំឃាំងក្នុងប្រទេសអ៊ីរ៉ង់ ត្រូវបានផ្លាស់ទៅឃុំខ្លួនក្នុងផ្ទះ ដែលសារព័ត៌មានអាមេរិក កំពុងរាយការណ៍ថាជាជំហានដំបូងនៅក្នុងកិច្ចព្រមព្រៀងដោះដូរអ្នកទោសដ៏សំខាន់រវាងទីក្រុងវ៉ាស៊ីនតោន និងទីក្រុងតេអេរ៉ង់។ដោយលើកឡើងពីមនុស្សដែលដឹងកិច្ចព្រមព្រៀងនេះច្បាស់ សារព័ត៌មាន New York Times បានរាយការណ៍កាលពីថ្ងៃព្រហស្បតិ៍ថា ពលរដ្ឋសញ្ជាតិអាមេរិក-អ៊ីរ៉ងចំនួន៥នាក់ ត្រូវបានដោះលែងឲ្យឃុំខ្លួនក្នុងផ្ទះវិញ។សារព័ត៌មាននេះ បានបញ្ចេញឈ្មោះអ្នកទោសបីនាក់គឺ ស៊ីអាម៉ាក់ ណាម៉ាហ្ស៊ី (Siamak Namazi) , អ៊ីម៉ាដ សាហ្គី (Emad Sharghi) និង មូរ៉ាដ តាហាហ្ស (Morad Tahbaz) ហើយបាននិយាយថា គ្រួសាររបស់អ្នកទោសពីរនាក់ផ្សេងទៀត កំពុងរក្សាទុកអត្តសញ្ញាណរបស់ពួកគេ។មេធាវីរបស់ណាម៉ាហ្ស៊ី លោក ចារិដ ហ្គែនសឺ (Jared Genser) បានប្រាប់កាសែត New York Timesថា ពួកគេ៤នាក់ ត្រូវបានដោះលែងកាលពីថ្ងៃព្រហស្បតិ៍ពីពន្ធនាគារអ៊ីវីន( Evin ) ដ៏ល្បីរបស់ប្រទេសអ៊ីរ៉ង់ទៅកាន់សណ្ឋាគារមួយក្នុងរដ្ឋធានីនេះ។ សារព័ត៌មាននេះ បានឲ្យដឹងថា អ្នកទោសទី៥ ត្រូវបានដោះលែងមុននេះ៕

រុស្សីបាញ់បង្ហោះយានចុះចតលើឋានព្រះច័ន្ទ ដើម្បីស្វែងរកប្រភពទឹកនៅលើនោះ

2023/08/11 11:49:22 am        61
Facebook Telegram Linkin
រុស្សី៖ ប្រទេសរុស្ស៊ីបានបាញ់បង្ហោះយានអវកាសចុះចតឋានព្រះច័ន្ទជាលើកដំបូងក្នុងរយៈពេល៤៧ឆ្នាំ នៅថ្ងៃសុក្រ (១១ សីហា) នេះ ក្នុងគោលបំណងដើម្បីក្លាយជាមហាអំណាចដំបូងគេក្នុងការចុះចតដែលមានការគ្រប់គ្រងក្នុងសម្ពាធស្រាលនៅលើប៉ូលខាងត្បូងនៃភពព្រះចន្ទ ដែលជាតំបន់មួយដែលត្រូវបានគេជឿថាមានស្រទាប់ទឹកកកទឹក។យានចម្លង Soyuz 2.1v ដែលដឹកយាន Luna-25 បានបាញ់ចេញពីទីលានអវកាស Vostochny cosmodrome ( កូសថុចនីកូសម៉ូដ្រូម) ចម្ងាយ៣.៤៥០ម៉ាយល៍ (៥.៥៥០គីឡូម៉ែត្រ) ភាគខាងកើតរដ្ឋធានីម៉ូស្គូ នៅថ្ងៃសុក្រនេះ វេលាម៉ោង២:១១យប់ ម៉ោងនៅទីក្រុងម៉ូស្គូ។ ទីភ្នាក់ងារអវកាសរុស្ស៊ីបាននិយាយថា យាននោះ គ្រោងនឹងចុះទៅឋានព្រះច័ន្ទនៅថ្ងៃទី ២៣ ខែសីហា ខាងមុខនេះ។បេសកកម្មឋានព្រះច័ន្ទរបស់រុស្ស៊ី ដែលជាបេសកកម្មលើកដំបូងចាប់តាំងពីឆ្នាំ១៩៧៦មក កំពុងប្រកួតប្រជែងជាមួយឥណ្ឌា ដែលបានបញ្ជូនយានចុះចតឋានព្រះច័ន្ទឈ្មោះ Chandrayaan-3 (ចន្ត្រាយាន-3) របស់ខ្លួនកាលពីខែមុន និងកាន់តែមានភាពខ្លាំងក្លាជាមួយសហរដ្ឋអាមេរិក និងចិន ដែលប្រទេសទាំងពីរនោះមានកម្មវិធីរុករកឋានព្រះច័ន្ទកម្រិតខ្ពស់៕

ជម្រកសត្វព្រៃ «ព្រៃឡង់» និងភ្នំណាមលៀរ ត្រូវបានរាជរដ្ឋាភិបាលកែប្រែទំហំដីបន្ថែម​ដើម្បីធានាការថែទាំងសត្វព្រៃ

2023/08/11 11:28:44 am        168
Facebook Telegram Linkin
ដែនជម្រកសត្វព្រៃ«ព្រៃឡង់» ស្ថិតក្នុងភូមិសាស្ត្រខេត្តក្រចេះ ខេត្តកំពង់ធំ ខេត្តស្ទឹងត្រែង និង​ខេត្តព្រះវិហារ ហើយនិងដែនជម្រកសត្វព្រៃភ្នំណាមលៀរ នៅខេត្តមណ្ឌលគិរី ត្រូវ​បាន​រាជ​រដ្ឋាភិបាល​ចេញ​អនុក្រឹត្យបង្កើន ទំហំដីបន្ថែមទៀត ដើម្បី​ធានា​ការ​ថែ​រក្សា​ការពារ​នូវ​សត្វព្រៃ​ស្ថិត​នៅ​តំបន់​ភូមិភាគឦសានទាំងនេះឲ្យកាន់តែមានប្រសិទ្ធភាពបន្ថែមទៀត។កាលពីមុនដែនជម្រកសត្វព្រៃ«ព្រៃឡង់» គឺមានទំហំដី៤៣១ ៦៨៣ ហើយត្រូវ​រាជ​រដ្ឋាភិបាល​បង្កើន​ទៅ​ដល់៤៨៩ ៦៦៣ហិកតា ខណៈដែនជម្រកសត្វព្រៃភ្នំណាមលៀរ កែប្រែ​ពី​ផ្ទៃ​ដី​ទំហំ​៤៧ ៥០០ហិកតា មកផ្ទៃដីទំហំ៦៤ ៨៣៥ហិកតា ។តាមអនុក្រឹត្យរបស់រាជរដ្ឋាភិបាលដែលទូរទស្សន៍BTVទទួលបាននាថ្ងៃទី១១ ខែសីហា ឆ្នាំ​២០២៣​នេះ​​បាន​បញ្ជាក់​ការ​ដែល​រាជ​រដ្ឋាភិបាល​ចេញ​អនុក្រឹត្យ​កែប្រែ​ទំហំ​ដី​នៅ​ដែន​ជម្រក​សត្វ​ព្រៃ​ទាំង​ពីរ ខាងលើនេះគឺមានគោលបំណង ធានាឱ្យមានការថែទាំទីជម្រកសត្វព្រៃ ប្រព័ន្ធ​អេកូ​ឡូស៊ី និងសារព័នមជ្ឈដ្ឋានធម្មជាតិ ដោយ​មាន​ការ​បំពេញ​លក្ខ​ខណ្ឌ​ចាំបាច់​សម្រាប់​ប្រភេទ​ណា​មួយ​ នៃ​សត្វ រុក្ខជាតិ និងជីវៈចម្រុះ, រក្សាលំនឹងបរិស្ថាន និងរួម​ចំណែក​កាត់​បន្ថយការ​ប្រែប្រួល​អាកាសធាតុ​ និង​ហានិភ័យគ្រោះមហន្តរាយ ធម្មជាតិ, ផ្តល់​ផលិត​ផល​ និង​សេវា​កម្ម​ធម្មជាតិ​ សម្រាប់​ការ​ប្រើប្រាស់ប្រកបដោយនិរន្តរភាព, គាំទ្រដល់ការអភិវឌ្ឍសេដ្ឋកិច្ចសង្គម និង​សហគមន៍​មូលដ្ឋាន ដើម្បីរួមចំណែកក្នុងកិច្ចគាំពារបរិស្ថាន ការអភិរក្សជីវៈចម្រុះ ការការពារធនធានធម្មជាតិ និង​ការ​រស់នៅដោយចីរភាព, និងលើកកម្ពស់ការចូលរួមរបស់សហគមន៍មូលដ្ឋាន ក៏ដូច​ជា​សាធារណ​ជន​ក្នុងការចូលរួមចំណែកដល់ការគ្រប់គ្រង ការការពារ និងការអភិរក្សជីវៈចម្រុះ និង​ធន​ធាន​ធម្មជាតិក្នុងតំបន់ជាដើម។រាជរដ្ឋាភិបាលបានប្រគល់តួនាទីឲ្យក្រសួងបរិស្ថានមានសមត្ថកិច្ចរៀបចំ កែប្រែ និង​គ្រប់​គ្រង​តំបន់​ដែន​ជម្រកសត្វព្រៃភ្នំណាមលៀរ ដោយសហការជាមួយក្រសួង ស្ថាប័នពាក់ព័ន្ធ និង​រដ្ឋបាល​ខេត្ត​​ដែល​​ជាប់ពាក់ព័ន្ធដើម្បីធានាដល់ការគ្រប់គ្រងបរិស្ថាន ការអភិរក្សជីវៈចម្រុះ ការ​ប្រើ​ប្រាស់​ធន​ធាន​ធម្មជាតិប្រកបដោយនិរន្តភាព និងការរស់នៅដោយចីរភាព ស្របតាម​ច្បាប់​ និង​លិខិត​បទ​ដ្ឋាន​គតិយុត្តជាធរមានផងដែរ។លិខិតបទដ្ឋានគតិយុត្តដែលពាក់ព័ន្ធនឹងការកំណត់តំបន់សហគមន៍ តំបន់ប្រើប្រាស់ដោយចីរភាព ការ​វិនិយោគ ការចេញប័ណ្ណដីធ្លី ឬការអនុញ្ញាតឱ្យប្រើប្រាស់ដីធ្លី ដែល​អនុ​លោម​តាម​ព្រះ​រាជ​ក្រឹត្យ​ស្តីពី​ការ​បង្កើត តំបន់ការពារធម្មជាតិ អនុក្រឹត្យ​ស្ដីពី​ការ​បង្កើត​របៀង​អភិរក្ស​ជីវៈ​ចម្រុះ​ប្រព័ន្ធ​តំបន់​ការពារ​ធម្មជាតិ ច្បាប់ និងលិខិតបទដ្ឋានគតិយុត្តពាក់ព័ន្ធជាធរមាន ត្រូវមាន​អានុ​ភាព​អនុវត្ត​បន្ត​រហូត​ដល់​មាន​លិខិតបទដ្ឋានគតិយុត្តថ្មី មកជំនួសស្របតាមបទប្បញ្ញត្តិនៃអនុក្រឹត្យនេះ។រាជរដ្ឋាភិបាលក៏បានបញ្ជាឲ្យរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រី​ក្រសួង​សេដ្ឋកិច្ច​ និង​ហិរញ្ញវត្ថុ រដ្ឋមន្ត្រីក្រសួងបរិស្ថាន រដ្ឋមន្ត្រីគ្រប់ក្រសួងនិងប្រធានគ្រប់ស្ថាប័នដែលពាក់ព័ន្ធ អភិបាល នៃ​គណៈនានា ត្រូវទទួលបន្ទុកអនុវត្តអនុក្រឹត្យនេះ តាមភារ​កិច្ច​រៀងៗ​ខ្លួន​ចាប់​ពី​ថ្ងៃ​ចុះ​ហត្ថ​លេខា​តទៅផងដែរ។បើយោងតាមអនុក្រឹត្យកែប្រែរបស់រាជរដ្ឋាភិបាល ដែលបានចេញផ្សាយជាសាធារណៈនោះ រហូត​មក​ដល់​ព្រឹកថ្ងៃទី១១ ខែសីហា ឆ្នាំ២០២៣នេះ គឺមានដែនជម្រកសត្វព្រៃ និង​តំបន់​ឧទ្យាន​ជាតិ​ចំនួន​១៩​ហើយនៅទូទាំងប្រទេសកម្ពុជា ត្រូវបាន​រាជ​រដ្ឋាភិបាល​ចេញ​អនុ​ក្រឹត្យ​កែប្រែ​ដោយ​បង្កើន​ទំហំ​ដី និងឧទ្យាន មួយចំនួនតូចទៀតត្រូវបានកាត់ឃ្វៀលដី ដើម្បីធានាការថែរក្សា ការ​ពារ​សោភណ​ភាព​ធម្មជាតិ ធានាឱ្យមានការថែទាំទីជម្រកសត្វព្រៃ ប្រព័ន្ធអេកូឡូស៊ី និង​សារព័ន​មជ្ឈដ្ឋាន​ធម្មជាតិ ដោយមានការបំពេញលក្ខខណ្ឌចាំបាច់សម្រាប់ប្រភេទណាមួយនៃសត្វ រុក្ខជាតិ និង​ជីវៈចម្រុះ, រក្សាលំនឹងបរិស្ថាន និងរួមចំណែកកាត់បន្ថយការប្រែប្រួលអាកាសធាតុ និង​ហានិភ័យ​គ្រោះមហន្តរាយ ធម្មជាតិជាដើម៕ អត្ថបទ៖ បាន ចក់

ប្រព័ន្ធអប់រំនៅក្នុងប្រទេសស៊ូដង់ត្រូវបានដួលរលំ ដោយសារសង្រ្គាម ខណៈការប្រយុទ្ធគ្នានៅតែបន្ត

2023/08/11 11:07:19 am        46
Facebook Telegram Linkin
ស៊ូដង់៖ ជម្លោះក្នុងប្រទេសស៊ូដង់ ដែលបានចាប់ផ្ដើមកាលពីពាក់កណ្ដាលខែមេសា បានរុញប្រព័ន្ធអប់រំដែលកំពុងទុនខ្សោយស្រាប់ផងនោះ ឲ្យដួលរលំ ដោយមានសាលាជាច្រើន បានបិទទ្វារ ឬ យកធ្វើជាកន្លែងស្នាក់នៅសម្រាប់ជនភៀសខ្លួន ហើយ ការប្រឡងបញ្ចប់ឆ្នាំថ្នាក់ជាតិសំខាន់បំផុត ត្រូវបានលុបចោល។ ជម្លោះនេះបានបង្កឲ្យមានការប្រយុទ្ធគ្នារាល់ថ្ងៃ នៅតាមផ្លូវនានាក្នុងរដ្ឋធានៅខាទុំ (Khartoum) ជាការកម្រើកឡើងវិញនៃការវាយប្រហារដែលមានគោលដៅជនជាតិភាគតិចនៅក្នុងតំបន់ ដាហ្វួរ (Darfur) និងការផ្លាស់ទីលំនៅរបស់មនុស្សជាង៤ លាននាក់នៅក្នុងប្រទេសស៊ូដង់ និងឆ្លងកាត់ព្រំដែនរបស់ខ្លួនចូលទៅកាន់ប្រទេសជិតខាងផ្សេងទៀត ។ យោងតាមអង្គការសហប្រជាជាតិ សាលារៀនយ៉ាងហោចណាស់៨៩កន្លែង ទូទាំងរដ្ឋចំនួន៧ កំពុងត្រូវបានប្រើប្រាស់ជាជម្រកសម្រាប់ពលរដ្ឋភៀសខ្លួន ដោយបង្កើនក្ដីបារម្ភថា កុមារជាច្រើននឹងពុំមានឱកាសចូលសាលានៅឆ្នាំសិក្សាថ្មីនិងអាចង្កឲ្យមានការកេញ្ចប្រវ័ញ្ចពលកម្មនិងរំលោភបំពានលើកុមារ។ កាលពីថ្ងៃពុធសប្ដាហ៍នេះ រដ្ឋមន្ត្រីក្រសួងអប់រំ បានលុបចោលការប្រលងបញ្ចប់ឆ្នាំដ៏សំខាន់នៅតាមសាលា នៅក្នុងតំបន់ទាំងឡាយដែលរងផលប៉ះពាល់ដោយសារសង្គ្រាម ។ មនុស្សមួយចំនួនក្នុងចំណោមអ្នកទាំងឡាយដែលបានរត់គេចចេញពីប្រទេសស៊ូដង់ កំពុងព្យាយាមចូលទៅសិក្សានៅតាមសាលារៀន និងសាកលវិទ្យាល័យនានានៅខាងក្រៅព្រំដែនរបស់ខ្លួន រួមទាំង នៅក្នុងប្រទេសអេហ្ស៊ីប ។ ប៉ុន្តែ នៅក្នុងប្រទេសឆាដវិញ ជាទីដែលមានជនភៀសខ្លួនជាង៣៧៧.០០០នាក់ បានទៅដល់ ពុំមានជម្រើសបែបនេះឡើយ។ លោក អារ៉ាហ្វា អ៊ីប្រាហ៊ីម (Arafa Ibrahim)ដែលជានិសិត្សពេទ្យជនជាតិស៊ូដង់ម្នាក់ នៅក្នុងប្រទេសឆាដ បាននិយាយថា ពួកគេ នឹងវិលទៅរកចំណុចសូន្យ ប្រើសិនបើ ពួកគេពុំបានរៀនសូត្រអ្វីសោះនោះ។ យោងតាមអង្គការជួយសង្រ្គោះកុមារ Save the children ពេលនេះ ចំនួនកុមារពុំបានចូលសាលាបានកើនឡើងពី៦ ,៩ លាននាក់ ដល់ ៩លាននាក់ ខណៈដែលកុមារគ្រប់អាយុចូលសាលារៀនជាង១លាននាក់ បានភៀសខ្លួន និងសាលារៀន យ៉ាងហោចណាស់សាលារៀនចំនួន ១០.៤០០កន្លែង ត្រូវបានបិទទ្វារ ចាប់តាំងពីការវាយប្រយុទ្ធគ្នាបានចាប់ផ្ដើម៕

អ៊ុយក្រែន នឹងបើកច្រករបៀងមនុស្សធម៌សម្រាប់នាវាដែលជាប់គាំងនៅក្នុងកំពង់ផែសមុទ្រខ្មៅ

2023/08/11 11:03:07 am        95
Facebook Telegram Linkin
អ៊ុយក្រែន៖ ប្រទេសអ៊ុយក្រែន បានប្រកាសថា ខ្លួននឹងបើកច្រករបៀងមនុស្សធម៌ នៅក្នុងសមុទ្រខ្មៅ ដើម្បីបញ្ចេញនាវាដឹកទំនិញដែលជាប់នៅក្នុងកំពង់ផែរបស់ខ្លួន ចាប់តាំងពីការផ្ទុះសង្រ្គាមដែលជាការសាកល្បងថ្មីនៃការបិទផ្លូវរបស់រុស្ស៊ី ចាប់តាំងពីទីក្រុងមូស្គូ បានបោះបង់ចោលកិច្ចព្រមព្រៀង កាលពីខែមុន ដើម្បីអនុញ្ញាតឲ្យទីក្រុងគីវនាំចេញគ្រាប់ធញ្ញជាតិពីកំពង់ផែសមុទ្ររបស់ខ្លួន។យ៉ាងហោចណាស់ពីដំបូង ច្រករបៀងដែលត្រូវបានប្រកាសកាលពីថ្ងៃព្រហស្បតិ៍ នឹងអនុវត្តចំពោះនាវាដូចជានាវាដឹកកុងតេន័រ ដែលបានជាប់គាំងនៅក្នុងកំពង់ផែអ៊ុយក្រែន ចាប់តាំងពីការឈ្លានពានខែកុម្ភៈឆ្នាំ២០២២ដោយប្រទេសរុស្ស៊ី ហើយមិនត្រូវបានគ្របដណ្តប់ដោយកិច្ចព្រមព្រៀងដែលបើកច្រកកំពង់ផែសម្រាប់ការដឹកជញ្ជូនគ្រាប់ធញ្ញជាតិទេ កាលពីឆ្នាំមុន។ប៉ុន្តែវាអាចជាការសាកល្បងដ៏សំខាន់នៃសមត្ថភាពរបស់អ៊ុយក្រែនក្នុងការបើកផ្លូវសមុទ្រឡើងវិញ នៅពេលដែលរុស្ស៊ីកំពុងព្យាយាមដាក់ការបិទផ្លូវមិនឲ្យចេញចូលជាថ្មី ដោយបានបោះបង់ចោលកិច្ចព្រមព្រៀងគ្រាប់ធញ្ញជាតិ កាលពីខែមុន។ ប្រភពនៃការដឹកជញ្ជូន និងធានារ៉ាប់រង បានបង្ហាញពីការព្រួយបារម្ភអំពីសុវត្ថិភាព។សារព័ត៌មានក្នុងស្រុក The Kyiv Independent បានរាយការណ៍ថា កងទ័ពជើងទឹកអ៊ុយក្រែន បានព្រមានថា ការគំរាមកំហែងផ្នែកយោធាពីប្រទេសរុស្ស៊ី ក៏ដូចជាគ្រាប់មីនសមុទ្រ នៅតែមាននៅតាមបណ្តោយផ្លូវដឹកជញ្ជូនទាំងអស់នោះ៕

លោក Biden ប្រៀបធៀបប្រទេសចិនទៅនឹង«គ្រាប់បែកកំណត់ម៉ោងផ្ទុះ» ដោយសារបញ្ហាសេដ្ឋកិច្ច

2023/08/11 10:58:04 am        69
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិកលោក Joe Biden កាលពីថ្ងៃព្រហស្បតិ៍ បានប្រៀបធៀបប្រទេសចិនទៅនឹង«គ្រាប់បែកកំណត់ម៉ោងផ្ទុះ» ដោយសារតែបញ្ហាប្រឈមផ្នែកសេដ្ឋកិច្ចរបស់ខ្លួន និងបាននិយាយថា ប្រទេសនេះកំពុងជួបបញ្ហាដោយសារតែកំណើនខ្សោយ។ ពួកគេមានបញ្ហាមួយចំនួន។ លោក Biden និយាយនៅក្នុងកម្មវិធីរៃអង្គាសថវិកានយោបាយនៅរដ្ឋ Utah ថា បញ្ហានេះមិនល្អនោះទេ ព្រោះនៅពេលដែលមនុស្សអាក្រក់មានបញ្ហា ពួកគេធ្វើអាក្រក់។ ការថ្លែងលើកឡើងរបស់លោក Biden គឺបានរំឮកដល់ការអត្ថាធិប្បាយដែលលោកបានធ្វើឡើងនៅកម្មវិធីរៃអង្គាសថវិកាមួយផ្សេងទៀតកាលពីខែមិថុនា នៅពេលដែលលោកបាននិយាយសំដៅទៅលើប្រធានាធិបតីលោក Xi Jinping ថាជា «ជនផ្តាច់ការ»។ ប្រទេសចិនបានចាត់ទុកការលើកឡើងនេះថាជាការញុះញង់។ការអត្ថាធិប្បាយទាំងនេះ បានធ្វើឡើងភ្លាមៗបន្ទាប់ពីរដ្ឋមន្ត្រីការបរទេសសហរដ្ឋអាមេរិកលោក Antony Blinken បានបញ្ចប់ដំណើរទស្សនកិច្ចទៅកាន់ប្រទេសចិនក្នុងគោលបំណងធ្វើឲ្យមានស្ថិរភាពទំនាក់ទំនងដែលទីក្រុងប៉េកាំងបានចាត់ទុកថាកំពុងស្ថិតនៅចំណុចទាបបំផុតចាប់តាំងពីទំនាក់ទំនងផ្លូវការត្រូវបានបង្កើតឡើងក្នុងឆ្នាំ ១៩៧៩។ វិស័យសម្រាប់អ្នកប្រើប្រាស់របស់ប្រទេសចិន បានធ្លាក់ចូលទៅក្នុងឱនភាព ហើយតម្លៃផលិតផលចេញពីរោងចក្របានបន្តធ្លាក់ចុះកាលពីខែកក្កដា។ ប្រទេសចិន អាចនឹងឈានចូលដល់យុគសម័យនៃកំណើនសេដ្ឋកិច្ចយឺតខ្លាំងដោយតម្លៃទំនិញប្រើប្រាស់និងប្រាក់ឈ្នួលដែលនៅទ្រឹង។សហរដ្ឋអាមេរិកដែលជាប្រទេសមានសេដ្ឋកិច្ចធំបំផុតរបស់ពិភពលោក បានប្រយុទ្ធប្រឆាំងអតិផរណាខ្ពស់និងបានមើលឃើញទីផ្សារការងាររឹងមាំ។ លោក Biden បាននិយាយកាលពីថ្ងៃព្រហស្បតិ៍ថា ប្រទេសចិនកំពុងជួបបញ្ហា។ លោកនិយាយថា លោកមិនចង់ធ្វើឲ្យប៉ះពាល់ដល់ប្រទេសចិននោះទេ ហើយចង់បានទំនាក់ទំនងសមរម្យជាមួយប្រទេសនេះ៕

បណ្ដាញសង្គម

ព័ត៌មានថ្មីៗ

ឧបនាយករដ្ឋមន្រ្តី កើត រិទ្ធ៖យប់នេះក្រសួងយុត្តិធម៌មានភាពចាំបាច់ផ្អាកជាបណ្តោះអាសន្នមុខងាររបស់ព្រះរាជអាជ្ញារងឈ្មោះ គ្រី សីហា ដែលដោះលែងដោយរំលោភអំណាចនូវជនល្មើស
07/16/2025 10:07 PM
Facebook Telegram Linkin
សម្តេចរដ្ឋសភាធិបតី ឃួន សុដារី ៖ កិច្ចប្រជុំក្រុមអ្នកនយោបាយអន្តរសភាអាស៊ានលើកទី១៦បានផ្លាស់ប្តូរនូវទស្សនៈយ៉ាងសកម្មក្នុងការជំរុញការទូតសភា កិច្ចសហប្រតិបត្តិការ និងភាពជាដៃគូដើម្បីប្រជាពលរដ្ឋ
07/16/2025 10:07 PM
Facebook Telegram Linkin
កុមារជួបកង្វះអាហារូបត្ថម្ភទទួលការព្យាបាលនៅមន្ទីរពេទ្យ Nasser ស្ថិតក្នុងតំបន់ហ្កាហ្សា
07/16/2025 08:07 PM
Facebook Telegram Linkin
តើហេតុអ្វីបានជាអឺរ៉ុបប្រឈមនឹងរលកកម្តៅបំបែកកំណត់ត្រា?
07/16/2025 08:07 PM
Facebook Telegram Linkin
កងកម្លាំងសន្តិសុខស៊ីរី ត្រូវបានដាក់ពង្រាយទៅកាន់ទីក្រុង Sweida របស់ជនជាតិភាគតិច Druze
07/16/2025 08:07 PM
Facebook Telegram Linkin
សភាអ៊ុយក្រែនគាំទ្រការបង្កើនជិត ១០ពាន់លានដុល្លារដល់ការចំណាយលើវិស័យការពារជាតិ ខណៈសង្រ្គាមបន្តមាន
07/16/2025 08:07 PM
Facebook Telegram Linkin
អ៊ីតាលីអាចនឹងដោះលែងអ្នកទោស ១០.០០០នាក់ ដើម្បីសម្រាលភាពចង្អៀត ក្នុងពន្ធនាគារ
07/16/2025 08:07 PM
Facebook Telegram Linkin
អង់គ្លេសដកចេញការរឹតត្បិតលើក្រុមហ៊ុនអាកាសចរណ៍ប៉ាគីស្ថាន ក្រោយបំរាមរយៈពេល ៥ឆ្នាំ
07/16/2025 08:07 PM
Facebook Telegram Linkin
លោក Prabowo ថាលោក Trump ជាអ្នកចរចាតឹងតែង ខណៈកិច្ចប្រជុំពាណិជ្ជកម្មឥណ្ឌូនេស៊ី-អាមេរិកនៅបន្ត
07/16/2025 08:07 PM
Facebook Telegram Linkin
ការបំផ្ទុះសម្លាប់ទាហានកេនយ៉ា ៣នាក់ នៅតាមផ្លូវ ក្បែរព្រំដែនសូម៉ាលី
07/16/2025 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.