នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

កម្មវិធីគាំពារសង្គមសម្រាប់ស្រ្តីមានផ្ទៃពោះ និងកូនអាយុក្រោម ២ឆ្នាំ នឹងចាប់អនុវត្តពីដើមខែសីហាទៅ

2023/07/31 01:19:11 pm        928
Facebook Telegram Linkin
ភ្នំពេញ៖ កម្មវិធីគាំពារសង្គមសម្រាប់ស្រ្តីមានផ្ទៃពោះ និងកូនអាយុក្រោម ២ឆ្នាំ នឹងចាប់អនុវត្ត​ពីដើមខែ សីហាទៅ ដោយរាជរដ្ឋាភិបាល នឹងផ្តល់ប្រាក់ឧបត្ថម្ភដល់ស្ត្រី​ដែល​ជាមន្រ្តីរាជការ មន្រ្តី​កិច្ចសន្យា មន្រ្តីកម្មសិក្សា ​កម្មករនិយោជិតជាសមាជិក​ ប.ស.ស. និងស្រ្តីមកពីគ្រួសារក្រីក ក្នុង​អំឡុងពេលមានផ្ទៃពោះ ពេលសម្រាល ​និងក្រោយពេលសម្រាល រហូតដល់កូនមានអាយុ២ឆ្នាំ។ការបង្កើនកម្រិតប្រាក់​ឧបត្ថម្ភ​ជូនកម្មករ​និយោជិតជាស្រ្តីនេះ រាជរដ្ឋាភិបាលនឹងពង្រីកកិច្ចគាំពារ​សង្គមបន្ថែម​ដល់ស្រ្តីមានផ្ទៃពោះ ​និងកូនអាយុក្រោម២ឆ្នាំ មកពីផ្នែកពាក់ព័ន្ធ ក្នុងគោលបំណង​លើក​កម្ពស់សុខុមាភាពមាតា ​និងកុមារតូច ​ព្រមទាំងរួមចំណែកដោះស្រាយបញ្ហាកង្វះអាហារូបត្ថម្ភ​របស់កុមារ ​ចាប់ពីក្នុងផ្ទៃ រហូតអាយុ២ឆ្នាំ ​និងជំរុញការលូតលាស់ទាំងកាយសម្បទា ទាំងបញ្ញា​ស្មារតី ក្នុងរយៈពេល ១ពាន់ថ្ងៃ ដំបូងនៃជីវិត។កម្មការិនីកំពុងពពោះ បម្រើការងារក្នុងវិស័យកាត់ដេរ បានសម្តែងការអរគុណជូនចំពោះប្រមុខ​រាជរដ្ឋាភិបាល ​និងមន្រ្តីគ្រប់ជាន់ថ្នាក់ ដែលបានគិតគូរជាប់ជានិច្ច ។ ពួកគាត់ សង្ឃឹមទៀតថា តាមរយៈការដឹកនាំ​របស់នាយករដ្ឋមន្រ្តីថ្មី នាពេលខាងមុខឆាប់ៗនេះ ពួកគាត់នឹងនៅតែទទួល​បានបន្តនូវអត្ថប្រយោជន៍ ​និងការដំឡើង​ប្រាក់ឈ្នួលអប្បបរមាដូចរៀងរាល់ឆ្នាំជាដើម​។សូមបញ្ជាក់ថា ការផ្តល់ប្រាក់ឧបត្ថម្ភបន្ថែមដល់ស្ត្រីដែលជាមន្រ្តីរាជការ​ មន្រ្តីកិច្ចសន្យា មន្រ្តី​កម្មសិក្សា កម្មករនិយោជិតជាសមាជិក ប.ស.ស. និងស្រ្តីមកពីគ្រួសារក្រីក ក្នុងអំឡុងពេលមាន​ផ្ទៃពោះ ពេលសម្រាល ​និងក្រោយពេលសម្រាល រហូតដល់កូនមានអារយុ២ឆ្នាំនេះ គិតសរុប​ជាសាច់ប្រាក់មានចំនួនប្រមាណ ១លាន ៥២ម៉ឺនរៀល រហូតដល់ ២លាន ៧២ម៉ឺនរៀល ដោយនឹង​គិតតាមចំនួនកូន និងលក្ខខណ្ឌចាំបាច់មួយចំនួនទៀត ​ដើម្បីបន្តគាំពារស្រ្តីមានផ្ទៃពោះ​ និងកុមារតូច ក៏ដូចជាជំរុញការអភិវឌ្ឍមូលធនមនុស្សបន្ថែមទៀតស្របតាមគោលនយោបាយជាតិគាំពារសង្គម៕អត្ថបទ ឈិត បូរ៉ាវី

មេដឹកនាំEU ធ្វើដំណើរទស្សនកិច្ចដ៏កម្រទៅកាន់ប្រទេសហ្វីលីពីន

2023/07/31 12:24:23 pm        85
Facebook Telegram Linkin
បន្ទាប់ពីមានទំនាក់ទំនងដ៏រង្គោះរង្គើជាមួយនឹងអតីតប្រធានាធិបតីជុំវិញបញ្ហាសិទ្ធិមនុស្ស ប្រធានគណៈកម្មការអឺរ៉ុប លោកស្រី អ៊ុស៊ុឡា វ៉ុន ដឺ ឡេយេន (Ursula von der Leyen) កំពុងជួបពិភាក្សាជាមួយប្រធានាធិបតីហ្វីលីពីន លោក ហ្វឺឌីណានដ៍ ម៉ាកូស (Ferdinand Marcos Jr) នៅថ្ងៃចន្ទនេះ ក្នុងសញ្ញានៃការធ្វើឲ្យទំនាក់ទំនងប្រសើរឡើង បន្ទាប់ពីមានភាពរង្គោះរង្គើមួយរយៈ រវាងសហភាពអឺរ៉ុប និងអ្នកកាន់តំណែងមុនរបស់លោកជុំវិញបញ្ហាសិទ្ធិមនុស្ស។ក្រុមមន្ត្រីអឺរ៉ុបនិងហ្វីលីពីន បាននិយាយថា លោកស្រី វ៉ុន ដឺ ឡេយេន បានមកដល់ទីក្រុងម៉ានីល កាលពីយប់ថ្ងៃអាទិត្យសម្រាប់ដំណើរទស្សនកិច្ចកម្រិតកំពូលជាលើកដំបូងក្នុងរយៈពេលជិត៦ទសវត្សរ៍នៃទំនាក់ទំនង ជាមួយហ្វីលីពីន។ មន្ត្រីអឺរ៉ុប និងហ្វីលីពីន បាននិយាយថា ដំណើរទស្សនកិច្ចរបស់លោកស្រី គឺមានបំណងពង្រឹងការទូត ពាណិជ្ជកម្ម សន្តិសុខ និងទំនាក់ទំនងទូទៅ ដោយបានបន្ថែមថា លោកស្រីបានមក តាមការអញ្ជើញរបស់លោកម៉ាកូស។កិច្ចពិភាក្សារវាងលោកស្រី វ៉ុន ដឺ ឡេយេន និងគណៈប្រតិភូរបស់លោកស្រីជាមួយមន្ត្រីហ្វីលីពីន ក៏ត្រូវបានគេរំពឹងថា នឹងគ្របដណ្តប់នូវឱកាសរបស់ប្រទេសហ្វីលីពីនក្នុងការរក្សាការលើកទឹកចិត្តពាណិជ្ជកម្មពិសេស អាស្រ័យលើការប្រកាន់ខ្ជាប់របស់ខ្លួនចំពោះអនុសញ្ញាអន្តរជាតិស្តីពីសិទ្ធិមនុស្ស និងការងារ និងអភិបាលកិច្ចល្អ។កាលពីខែកុម្ភៈ សមាជិកសភាអឺរ៉ុបមួយក្រុម បាននិយាយថា ឱកាសរបស់ទីក្រុងម៉ានីលក្នុងការរក្សាការលើកទឹកចិត្តទាំងនោះ រួមទាំងការកាត់បន្ថយពន្ធគយសម្រាប់ផលិតផលជាច្រើនមុខ នឹងកើនឡើង ប្រសិនបើមេដឹកនាំបក្សប្រឆាំងដែលត្រូវបានឃុំខ្លួនជាយូរមកហើយ ត្រូវបានដោះលែង ហើយហ្វីលីពីនបានចូលរួមជាមួយតុលាការឧក្រិដ្ឋកម្មអន្តរជាតិឡើងវិញ។

ក្រុមប្រឹក្សាធម្មនុញ្ញតម្កល់សេចក្តីសម្រេចផ្តន្ទាទោស លើករណីបុគ្គលញុះញង់គូសបំផ្លាញសន្លឹកឆ្នោត

2023/07/31 12:20:29 pm        321
Facebook Telegram Linkin
ភ្នំពេញ៖ ក្រុមប្រឹក្សាធម្មនុញ្ញ ប្រកាសតម្កល់សេចក្តីសម្រេចរបស់គណៈកម្មាធិការជាតិរៀបចំការបោះឆ្នោត (គ.ជ.ប) ជុំវិញការផ្តន្ទាទោសលើករណីបុគ្គលញុះញង់គូសបំផ្លាញសន្លឹកឆ្នោត។នៅថ្ងៃទី៣១ ខែកក្កដា ឆ្នាំ២០២៣ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ និងជាប្រធានក្រុមប្រឹក្សាជំនំជម្រះ បានដឹកនាំសមាជិក-សមាជិកា បើកសវនាការលើបណ្តឹងតវ៉ាជំទាស់ចំនួន២សំណុំរឿងទៅលើសេចក្តីសម្រេចរបស់ គ.ជ.ប ពាក់ព័ន្ធនឹងសកម្មភាពណែនាំ និងញុះញង់ឲ្យអ្នកបោះឆ្នោតគូសបំផ្លាញ ឬធ្វើឲ្យខូចសន្លឹកឆ្នោត អំឡុងការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣។ក្រោយពីបានសួរដេញដោល ក្រុមប្រឹក្សាជំនុំជម្រះនៃក្រុមប្រឹក្សាធម្មនុញ្ញ បានប្រកាសតម្កល់​សេចក្តីសម្រេចរបស់គណៈកម្មាធិការជាតិរៀបចំការបោះឆ្នោត (គ.ជ.ប) ជុំវិញការផ្តន្ទាទោស​លើ​បុគ្គលញុះញង់ឲ្យគូសបំផ្លាញសន្លឹកឆ្នោត និងសម្រេចបិទផ្លូវតវ៉ាផងដែរ។សូមជម្រាបថា បន្ទាប់ពី គ.ជ.ប ចេញសេចក្តីសម្រេច តំណាងដើមចោទ ឬចុងចោទអាចបន្ត​ប្តឹងជំទាស់​ទៅក្រុមប្រឹក្សាធម្មនុញ្ញ ក្នុងរយៈពេល៧២ម៉ោង ខណៈក្នុងករណីបណ្តឹងដោះស្រាយ​បញ្ចប់ជាស្ថាពរ គ.ជ.ប ​នឹងធ្វើការប្រកាសលទ្ធផលបណ្តោះអាសន្ន ​នាថ្ងៃទី៥ សីហា និង​លទ្ធផលផ្លូវការប្រកាសនាថ្ងៃទី៩ សីហាខាងមុខ។

មន្ត្រីជាន់ខ្ពស់៖ អ៊ុយក្រែននឹងចាប់ផ្តើមពិភាក្សាជាមួយអាមេរិកលើការធានាសន្តិសុខ

2023/07/31 11:15:02 am        93
Facebook Telegram Linkin
មន្ត្រីជាន់ខ្ពស់អ៊ុយក្រែនម្នាក់ បាននិយាយកាលពីថ្ងៃអាទិត្យ (ទី ៣០ ខែកក្កដា)ថា ប្រទេសអ៊ុយក្រែន នឹងចាប់ផ្តើមការពិគ្រោះយោបល់ជាមួយសហរដ្ឋអាមេរិកនៅសប្តាហ៍នេះស្តីពីការផ្តល់ការធានាសន្តិសុខសម្រាប់ទីក្រុងគីវដែលកំពុងរង់ចាំការបញ្ចប់ដំណើរការនៃការចូលរួមជាមួយអង្គការណាតូ។ កិច្ចពិភាក្សាដែលត្រូវបានប្រកាសដោយប្រធានបុគ្គលិករបស់លោកប្រធានាធិបតី វ៉ូឡូមៀ ហ្សេឡិនស្គី គឺជាការបន្តការសន្យាដែលចេញដោយក្រុមប្រទេសមានឧស្សាហកម្មជឿនលឿនទាំង៧ឬ G7 បន្ទាប់ពីកិច្ចប្រជុំកំពូលរបស់អង្គការណាតូក្នុងខែនេះ នៅប្រទេសលីទុយអានី ដើម្បីរៀបចំ និងផ្តល់ការធានាសន្តិសុខ។លោក អានឌ្រី យឺម៉ាក ( Andriy Yermak) បានសរសេរនៅលើកម្មវិធីផ្ញើសារTelegramថា យើងនឹងចាប់ផ្តើមកិច្ចពិភាក្សាជាមួយសហរដ្ឋអាមេរិកនៅ (សប្តាហ៍នេះ)។ ការធានាសន្តិសុខសម្រាប់អ៊ុយក្រែន នឹងក្លាយជាជាក់ស្តែង កាតព្វកិច្ចរយៈពេលវែង ដែលធានានូវសមត្ថភាពរបស់អ៊ុយក្រែនក្នុងការកម្ចាត់ និងទប់ស្កាត់ការវាតលុករបស់រុស្ស៊ី នាពេលអនាគត។ ទាំងនេះនឹងត្រូវបានព្រាងឲ្យច្បាស់នូវទម្រង់និងយន្តការនៃការគាំទ្រ។លោកយឺម៉ាក បាននិយាយថា ការធានានឹងចូលជាធរមានរហូតដល់អ៊ុយក្រែនទទួលបានសមាជិកភាពណាតូ។

ប្រមុខការពារជាតិ៖ ការសាងសង់មូលដ្ឋានសមុទ្ររាម នឹងលើកកម្ពស់​សមត្ថភាព​កងទ័ព​ជើងទឹក​ឲ្យកាន់តែមានប្រសិទ្ធភាពបន្ថែមទៀត

2023/07/31 11:13:00 am        531
Facebook Telegram Linkin
សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បាន​បញ្ជាក់​ជា​ថ្មីម្តងទៀតថា ការសាងសង់សមុទ្ររាមបានកំពុងដំណើរការយ៉ាងសកម្ម ខណៈ​ការ​សាងសង់​នេះ​គឺដើម្បីបង្កើន សមត្ថភាព​កងទ័ព​ជើងទឹក​កម្ពុជា​ឲ្យ​កាន់​តែ​ខ្លាំងក្លា​បន្ថែម​ទៀត​នា​ពេល​អនាគត។តាមរយៈផេកហ្វេសបុកផ្ទាល់ នាថ្ងៃទី៣០ ខែកក្កដា ឆ្នាំ២០២៣នេះ សម្តេចពិជ័យសេនាទៀ បាញ់ បានបញ្ជាក់ថា «ថ្ងៃនេះ ថ្នាក់ដឹកនាំក្រសួងការពារជាតិ និងអគ្គបញ្ជាការ បានចុះត្រួត​ពិនិត្យ​ការដ្ឋាន​សាង​សង់មូលដ្ឋានសមុទ្ររាម បាននិងកំពុង​ដំណើរ​ការ​យ៉ាង​សកម្មតាម​ផែន​ការ​គ្រោង​ទុក ដែលជាសំណង់ដ៏ធំមួយ នឹង​លើក​កម្ពស់​សមត្ថភាព​កងទ័ព​ជើង​ទឹក​ឲ្យ​កាន់​តែ​មាន​ភាព​រីក​ចម្រើន​មួយ​កម្រិតថែមទៀតនាពេលអនាគត»។សូមបញ្ជាក់ថា ក្រសួងការពារជាតិកម្ពុជា បានបើកការរដ្ឋានសាងសង់ នៅមូលដ្ឋានសមុទ្ររាម កាល​ពីថ្ងៃទី៨ ខែមិថុនា ឆ្នាំ២០២៣កន្លងទៅនេះ ដោយការ​សាងសង់​នេះ​គឺ​ជា​ជំនួយ​ឥត​សំណង​របស់​រដ្ឋាភិបាលចិន។ការសាងសង់នូវសមុទ្ររាមនេះ សម្តេចពិជ័យសេនា ទៀ បាញ់ បានមានប្រសាសន៍ម្តងហើយម្តង ទៀត​ថា ការធ្វើទំនើបកម្មផ្នែកយោធា និងការកសាងសមត្ថភាពក្នុងវិស័យការពារជាតិ គឺជា​កាតព្វកិច្ច ​សម្រាប់ប្រទេសជាតិ​នីមួយៗ​ដោយ​អនុលោម​ទៅ​តាម​បរិស្ថាន​សន្តិសុខ​របស់​ប្រទេស​ខ្លួន​ សម្រាប់តំបន់ និងពិភពលោក។ សម្តេចពិជ័យសេនាក៏បានលើកឡើងផងដែរថា ការអភិវឌ្ឍសមត្ថភាពកងយោធពលខេមរភូមិន្ទ មិន​មែន​មាន​ត្រឹមតែការធ្វើទំនើបកម្មនៅមូលដ្ឋានរាមប៉ុណ្ណោះទេ។ កម្ពុជា​នឹង​បន្ត​ធ្វើ​ឲ្យ​កង​យោធពល​ខេមរភូមិន្ទ មានសមត្ថភាពកាន់តែខ្ពស់ មិនត្រឹម​តែ​អាច​ធានា​ដល់​ការ​ការពារ​អធិបតេយ្យ និងបូរណភាពទឹកដីរបស់ខ្លួនប៉ុណ្ណោះទេ ថែមទាំង​អាច​បំពេញ​បាន​នូវ​ករណីកិច្ច​ដទៃ​ទៀត​ ប្រកបដោយជោគជ័យ ដូចជាការប្រឆាំងអំពើភេរវកម្ម និងឧក្រិដ្ឋកម្មឆ្លងដែន កិច្ច​ការ​ជួយ​សង្គ្រោះ ប្រតិបត្តិការរក្សាសន្តិភាពជាដើម។សម្តេចពិជ័យសេនា ក៏បានបញ្ជាក់ជារឿយៗផងដែរថា ការសាងសង់សមុទ្ររាមនេះគឺមិនដកថយ នោះ​ទេ​ បើទោះបីជាមានការរិះគន់ និង​មាន​ការ​ចោទ​ប្រកាន់​ណាមួយ​ពី​ប្រទេស​មហា​អំណាច​មួយ​ចំនួន​ក៏ដោយ ខណៈសម្ដេចបានចាត់ទុកការចោទប្រកាន់ដោយគ្មានមូលដ្ឋាន និងមាន​លក្ខណៈ​បង្កើត​បញ្ហា​បែប​នេះ គឺជាការមាក់ងាយដល់សមត្ថកិច្ច និងអភិបាលកិច្ចរបស់កម្ពុជាតែប៉ុណ្ណោះ៕ អត្ថបទ៖ បាន ចក់

លោក Trump ដាក់គោលដៅលើលោក Biden និងលោក DeSantis នៅក្នុងការជួបជុំក្នុងរដ្ឋ

2023/07/31 10:07:40 am        194
Facebook Telegram Linkin
អតីតប្រធានាធិបតីសហរដ្ឋអាមេរិក លោក ដូ ណាល់ត្រាំ បានចាប់យកគោលដៅទៅលើប្រធានាធិបតីលោក Joe Biden និងអភិបាលរដ្ឋ Florida លោក Ron DeSantis ជាគូប្រជែងតំណែងប្រធានាធិបតីគណបក្សសាធារណៈរដ្ឋ អំឡុងពិធីជួបជុំក្នុងទីក្រុង Erie រដ្ឋ Pennsylvania ។លោក DeSantis ត្រូវបានគេមើលឃើញថាជាការគំរាមសំខាន់មួយចំពោះលោកTrump នៅពេលដើមឆ្នាំ ប៉ុន្តែយុទ្ធនាការរបស់លោកកំពុងចុះខ្សោយនៅប៉ុន្មានសប្តាហ៍ថ្មីៗនេះ។ លោកបានបដិសេធមិនដើរពីក្រោយលោកTrump នៅក្នុងពិធីទទួលទានអាហារពេលល្ងាចនៃទិវា Lincoln Day របស់គណបក្សសាធារណៈរដ្ឋ ក្នុងទីក្រុង Des Moines( ដេ ម័ញ) កាលពីថ្ងៃសុក្រ ទី២៨ ខែកក្កដា ជាកន្លែងដែលអ្នកទាំងពីរនាក់នេះ និងសមាជិកគណបក្សសាធារណៈរដ្ឋ១១នាក់ផ្សេងទៀតមានក្តីសង្ឃឹមដែលត្រូវបានគេផ្តល់ឲ្យរយៈពេល១០នាទីម្នាក់នៅពីមុខអ្នកចូលរួម១.២០០នាក់។ នៅឆ្នាំនេះ លោក Trump ត្រូវបានគេចោទប្រកាន់២លើក ហើយចំនួនសំឡេងឆ្នោតរបស់លោក នៅក្នុងការប្រជែងតែងតាំងបេក្ខភាពប្រធានាធិបតីរបស់គណបក្សសាធារណៈរដ្ឋ កំពុងកើនឡើង។

ឯកឧត្ដមបណ្ឌិត ហ៊ុន ម៉ាណែត៖«រាល់ការរិះគន់ ក្នុងគោលបំណងស្ថាបនា ក្នុងចេតនាសុចរិត យើងស្វាគមន៍ និងផ្ដល់តម្លៃ»

2023/07/31 09:22:45 am        1250
Facebook Telegram Linkin
ភ្នំពេញ៖ តាមរយៈហ្វេសប៊ុកនៅព្រឹកថ្ងៃទី៣១ ខែកក្កដា ឆ្នាំ២០២៣នេះ ឯកឧត្ដមបណ្ឌិត ហ៊ុន ម៉ាណែត បានបញ្ជាក់ការរិះគន់ក្នុងគោលបំណងស្ថាបនាគឺខុសពីការប្រឌិតបញ្ហាដើម្បីបង្កាច់បង្ខូច។ ឯកឧត្ដមបណ្ឌិតបានបញ្ជាក់បន្ថែមទៀតថា «ចំពោះរាល់ការរិះគន់ ក្នុងគោលបំណងស្ថាបនាក្នុងចេតនាសុចរិត យើងស្វាគមន៌និងផ្ដល់តម្លៃ។ ផ្ទុយទៅវិញ ចំពោះការប្រឌិតបញ្ហាដើម្បីបង្កាច់បង្ខូចក្នុងចេតនាទុច្ចរិត យើងមិនចាំបាច់ឲ្យតម្លៃនោះទ្បើយ ព្រោះនាំតែខាតពេលវេលាឥតប្រយោជន៍។»

អាជ្ញាធរនឹងកែលម្អសួនច្បារកុមារពោធិ៍ចិនតុង ក្រោយអាជីវករផ្សារសេនជូរីផ្លាហ្សាចាប់ឆ្នោតជ្រើសរើសតូប

2023/07/28 03:25:38 pm        222
Facebook Telegram Linkin
ភ្នំពេញ៖ លោក នួន ផារ័ត្ន អភិបាលរងរាជធានីភ្នំពេញ បានថ្លែងអំណរគុណ​ដល់អាជីវករផ្សារសិនជូរីផ្លាហ្សា និងប្រជាពលរដ្ឋក្នុងរាជធានីភ្នំពេញ ដែលបានអញ្ជើញទៅបោះឆ្នោតជ្រើសតាំងតំណាងរាស្រ្ត នីតិកាលទី៧នកាលពីថ្ងៃទី២៣ ខែកក្កដាកន្លងទៅនេះយ៉ាងច្រើនកុះករ ដែលធ្វើឱ្យដំណើរការបោះឆ្នោត បានប្រព្រឹត្តទៅដោយជោគជ័យ ក្រោមបរិយាកាស ស្ងប់ស្ងាត់ សុខសន្តិភាព និងគ្មានអំពើហិង្សា។ក្នុងឱកាសអញ្ជើញជាអធិបតីក្នុងការចាប់ឆ្នោតជ្រើសរើសតូបរបស់អាជីវករ​ផ្សារសេនជូរីផ្លាហ្សា កាលពីព្រឹកថ្ងៃទី២៨ ខែកក្កដា ឆ្នាំ២០២៣ នៅសាលប្រជុំសាលា​ខណ្ឌពោធិ៍សែជ័យ លោក នួន ផារ័ត្ន បានបន្ថែមថា ស្ថានភាពនេះបានបង្ហាញទៅកាន់មជ្ឈដ្ឋានជាតិ និងអន្តរជាតិ ឱ្យឃើញនូវភាពកាន់តែចាស់ទុំក្នុងការអនុវត្តគោលការណ៍នៃលទ្ធិប្រជាធិបតេយ្យសេរី ពហុបក្ស ។លោក បានថ្លែងថា ដោយសារតែការបោះឆ្នោតនាពេលកន្លងទៅបានប្រព្រឹត្តទៅដោយភាពរលូន ជោគជ័យ សេរី យុត្តិធម៌ និងប្រកបដោយតម្លាភាពនេះ គឺបានបង្ហាញពីលទ្ធិប្រជាធិបតេយ្យដើរទៅ​មុខដ៏ត្រឹមតូ្រវរឹងមាំនៅកម្ពុជា។តាមរយៈនេះហើយទើបយើងអាចឈានមករៀបចំពិធីចាប់ឆ្នោតជ្រើសរើសតូបជូនអាជីវករដែលកំពុងលក់ដូរនៅទីតាំងបណ្តោះអាសន្នលើសួនច្បារកុមារពោធិ៍ចិនតុង ដើម្បីត្រលប់ចូលទៅលក់​នៅ​ក្នុងផ្សារសេនជូរីផ្លាហ្សា ដែលទើបសង់រួចរាល់ ដើម្បីឱ្យការលក់ដូររបស់អាជីវករមាន​សណ្តាប់ធ្នាប់រៀបរយ និងការប្រកប អាជីវកម្មបានរលូនទៅមុខទៀត។លោកអភិបាលរងរាជធានី បានបន្ថែមថា ការចាប់ឆ្នោតជ្រើសរើសតូបនាពេលនេះ គឺជាជម្រើសដ៏ល្អរបស់ក្រុមអាជីវកម្មទាំង​ ៦៤៣តូប ​ដែលមានភាពយុត្តិធម៌ តម្លាភាព និង​ទទួលយកបានទាំងអស់គ្នា ក្នុងការទទួលបានតូបផ្លូវការបន្ទាប់ពីចាប់ឆ្នោតរួច។លោក នួន ផារ័ត្ន ក៏បានអរគុណចំពោះក្រុមអាជីវករដែលមានកិច្ចសហការល្អ​ក្នុងការរុះរើតូបមកលក់​ដូរជាបណ្តោះអាសន្ននៅលើទីតាំងសួនច្បារកុមារពោធិ៍ចិនតុង ហើយរង់ចាំរហូតដល់ថ្ងៃបានចាប់ឆ្នោតយកតូបលក់ដូរថ្មីនៅក្នុងផ្សារទំនើប ដែលធ្វើឱ្យមានការលក់ដូរកាន់តែងាយស្រួល មានផាសុខភាព អនាម័យ និងទទួលបានអតិថិជនកាន់តែច្រើន។ លោកបានបន្ថែមទៀតថា ក្រោយពេលអាជីវករចេញទៅលក់ដូរផ្សារថ្មីរួចរាល់ហើយនោះ អាជ្ញាធរនឹងរៀបចំកែប្រែសណ្តាប់ធ្នាប់ និងសួនច្បារនេះឱ្យមានសោភ័ណភាពកាន់តែស្រស់ស្អាតឡើងវិញ ។នៅក្នុងពិធីនោះដែរក្រុមអាជីវករបានសម្តែងអារម្មណ៍សប្បាយរីករាយ​ ដែលបានចាប់ឆ្នោតជ្រើស រើសតូបសម្រាប់លក់ដូរ ​ដែលមានភាពត្រឹមត្រូវ ​និងតម្លាភាព។ ក្រុមអាជីវករបានថ្លែងអំណរគុណ​ដល់អាជ្ញាធររាជធានីភ្នំពេញ អាជ្ញាធរខណ្ឌពោធិសែនជ័យ និងគណៈកម្មការផ្សារដែល​បាន​សម្របសម្រួល សាងសង់ផ្សារទំនើបសេនជូរីផ្លាហ្សានេះបានរួចរាល់ ទោះបី​ស្ថិតក្នុងការលំបាក​នៃ​ការរាតត្បាតជំងឺកូវីដ១៩ក្តី ​ដែលនេះ​ បង្ហាញពីការយកចិត្តទុកដាក់ដល់ក្រុម​អាជីវករ​បានទៅលក់ដូរនៅតូបថ្មីបានសមរម្យ ​និងការបង្កើនជីវភាពថ្មី៕អត្ថបទ ៖ ប្រាក់ វ៉ាន់ដា 

ចក្រភពអង់គ្លេសប្រកាសផ្តល់ថវិកាចំនួន៣០លានផោនដល់ជនភៀសខ្លួននៅប្រទេសហ៊្សកដានី

2023/07/28 02:39:05 pm        184
Facebook Telegram Linkin
ហ៊្សកដានី៖ កាលពីថ្ងៃព្រហស្បតិ៍ រដ្ឋមន្ត្រីការបរទេសអង់គ្លេសលោក James Cleverly បានប្រកាសផ្តល់ជំនួយចំនួន ៣០លានផោន (ប្រហែល ៣៨លានដុល្លារ) ដើម្បីជួយប្រទេសហ្ស៊កដានីក្នុងការទប់ទល់នឹងចំនួនជនភៀសខ្លួនស៊ីរីនៅក្នុងប្រទេសនេះ។ ទីភ្នាក់ងារស្បៀងអាហាររបស់អង្គការសហប្រជាជាតិក្នុងខែនេះបាននិយាយថា ខ្លួននឹងកាត់បន្ថយជំនួយជាសាច់ប្រាក់សម្រាប់ជនភៀសខ្លួនស៊ីរីចំនួន ១២០.០០០នាក់ដែលរស់នៅក្នុងជំរំ Zaatari និងជំរំ Azraq ក្នុងប្រទេសហ្ស៊កដានី ដោយសារតែបញ្ហាកង្វះថវិកា។បន្ទាប់ពីជួបជាមួយរដ្ឋមន្ត្រីការបរទេសហ្ស៊កដានី លោក Ayman Al Safadi នៅទីក្រុង Amman (អាម៉ង់) ខណៈដែលដំណើរទស្សនកិច្ចនៅមជ្ឈិមបូព៌ារបស់លោកបានបញ្ចប់ទៅ លោក Cleverly បាននិយាយថា ស្ថានភាពនេះបានបង្កបញ្ហាប្រឈមដល់ "ហេដ្ឋារចនាសម្ព័ន្ធនយោបាយ និងសង្គមរបស់ប្រទេសហ្ស៊កដានី"។ប្រទេសហ្ស៊កដានីគឺជាជម្រកសម្រាប់ជនភៀសខ្លួនស៊ីរីដែលបានចុះឈ្មោះចំនួន ៦៧០.០០០នាក់ ហើយចក្រភពអង់គ្លេស រួមជាមួយនឹងប្រទេសអាល្លឺម៉ង់ និងបារាំងបានរួមចំណែកយ៉ាងសំខាន់ក្នុងការជួយជាថវិកា ក៏ដូចជាការបង់ប្រាក់សម្រាប់គម្រោង ដែលផ្តល់អត្ថប្រយោជន៍ដល់បណ្ដាតំបន់ក្នុងប្រទេសហ្ស៊កដានីដែលធ្វើជាម្ចាស់ផ្ទះដល់ជនភៀសខ្លួនទាំងនោះផងដែរ៕

សមាជិកសភាប្រទេសហ្ស៊កដានីគាំទ្រច្បាប់ឧក្រិដ្ឋកម្មតាមប្រព័ន្ធបច្ចេកវិទ្យាអ៊ីនធឺណិតដ៏ចម្រូងចម្រាសមួយ

2023/07/28 02:35:39 pm        183
Facebook Telegram Linkin
ហ្ស៊កដានី៖ កាលពីថ្ងៃព្រហស្បតិ៍ (២៧ កក្កដា) សភានៃប្រទេសហ្ស៊កដានីបានគាំទ្រច្បាប់ឧក្រិដ្ឋកម្មតាមប្រព័ន្ធបច្ចេវិទ្យាអ៊ីនធឺណិត ដែលត្រូវបានរិះគន់យ៉ាងទូលំទូលាយដោយផ្តល់អំណាចដល់រដ្ឋាភិបាលក្នុងការគ្រប់គ្រងមាតិកាតាមអ៊ីនធឺណិត និងជំរុញឱ្យមានការព្រួយបារម្ភពីក្រុមសិទ្ធិមនុស្ស ដោយពួកគេនិយាយថា ច្បាប់នោះនឹងដកហូតសិទ្ធិសេរីភាពពលរដ្ឋរបស់ពួកគេ។វិធានការនេះរឹតបន្តឹងការផ្តន្ទាទោសដាក់ពន្ធនាគារ និងពិន័យ សម្រាប់គេហទំព័រណាមួយ វេទិកាប្រព័ន្ធផ្សព្វផ្សាយសង្គម ឬអ្នកទទួលខុសត្រូវចំពោះគណនីសាធារណៈ ដែលត្រូវបានចាត់ទុកថាបានរំលោភលើឯកជនភាព និងនិយ័តកម្មមួយចំនួនទៀត។ សមាជិកសភាភាគច្រើនបានបោះឆ្នោតគាំទ្រច្បាប់នេះ បន្ទាប់ពីការជជែកដេញដោលរយៈពេលប្រាំមួយម៉ោង។ វាត្រូវបានគេរំពឹងថានឹងត្រូវបានអនុម័តនៅប៉ុន្មានថ្ងៃខាងមុខនេះ។នាយករដ្ឋមន្ត្រីប្រទេសហ្ស៊កដានីលោក Bisher al Khasawneh បាននិយាយថា វាចាំបាច់ក្នុងការបង្ក្រាបឧក្រិដ្ឋកម្មតាមប្រព័ន្ធបច្ចេកវិទ្យាអ៊ីនធឺណិត ដែលភាពឯកជនត្រូវបានរំលោភបំពាន ហើយបាននិយាយថា ការជំរិតទារប្រាក់តាមអ៊ីនធឺណិតបានបង្កឱ្យមានការប៉ះពាល់ជាខ្លាំងក្នុងសង្គម។ច្បាប់នេះបានធ្វើឱ្យអ្នកសារព័ត៌មានមួយចំនួន ក្រុមសកម្មជនសិទ្ធិមនុស្ស និងក្រុមគាំទ្រលទ្ធិប្រជាធិបតេយ្យនៅក្នុងប្រទេសហ្ស៊កដានីបានរិះគន់ច្បាប់នេះដោយពួកគេនិយាយថា មិនមានភាពច្បាស់លាស់ ហើយនឹងធ្វើឱ្យមានផលប៉ះពាល់ធំទូលាយពេក។ ពួកគេបារម្ភថារដ្ឋាភិបាល នគរបាល ព្រមទាំងតុលាការ នឹងកាន់តែងាយស្រួលក្នុងការកាត់បន្ថយសិទ្ធិបញ្ចេញមតិដោយសេរី និងដាក់ទោសទណ្ឌចំពោះអ្នករិះគន់ដែលបង្ហោះខ្លឹមសារតាមអ៊ីនធឺណិតផងដែរ៕

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា បន្តសួរសុខទុក្ខប្រជាពលរដ្ឋជម្លៀសពីតំបន់ព្រំដែនអូរបីជាន់
07/26/2025 06:07 PM
Facebook Telegram Linkin
ក្រុមយុវជននាំគ្នារៀបចំចម្អិនម្ហូបជូនជនភៀសសឹក ដែលគេចពីតំបន់សមរភូមិវាយប្រហាររបស់កងទ័ពថៃ ក្នុងខេត្តឧត្តរមានជ័យ
07/26/2025 06:07 PM
Facebook Telegram Linkin
សិក្ខាកាមវគ្គអប់រំនយោបាយកម្រិត១វគ្គជំនាន់៨១របស់គណបក្សប្រជាជនកម្ពុជានាំយកអំណោយចែកជូននគរបាលការពារបេតិកភណ្ឌប្រាសាទព្រះវិហារ
07/26/2025 05:07 PM
Facebook Telegram Linkin
ប្រធាន IAEA ត្រូវលើកទឹកចិត្តដោយការសម្រេចចិត្តរបស់អ៊ីរ៉ង់ ឲ្យមកទស្សនកិច្ចប្រទេសនេះ នៅប៉ុន្មាន សប្តាហ៍ខាងមុខ
07/26/2025 05:07 PM
Facebook Telegram Linkin
មនុស្សយ៉ាងតិច ៨នាក់ បានស្លាប់ និង ១៣នាក់ បានរងរបួស នៅក្នុងការវាយប្រហារ «ភេរវកម្ម» នៅភាគអាគ្នេយ៍អ៊ីរ៉ង់
07/26/2025 05:07 PM
Facebook Telegram Linkin
ខ្មែរជួយខ្មែរ៖ ក្រសួងកសិកម្ម បន្តនាំយកបន្លែចំនួន ៣តោនបន្ថែមទៀតជូនប្រជាពលរដ្ឋនៅជំរុំភៀសសឹកខេត្តឧត្ដរមានជ័យ
07/26/2025 05:07 PM
Facebook Telegram Linkin
ប្រជាជនប៉ាឡេស្ទីនដែលបានភៀសខ្លួន ប្រឈមនឹងការបំភិតបំភ័យ និងការវាយប្រហារជាថ្មី នៅពេលទៅទទួលជំនួយ
07/26/2025 05:07 PM
Facebook Telegram Linkin
អ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
07/26/2025 05:07 PM
Facebook Telegram Linkin
ទាហាន១០នាក់ ត្រូវបានសម្លាប់ ខណៈកងកម្លាំងយេម៉ែន បានប៉ះទង្គិចជាមួយក្រុមហ៊ួទី នៅខេត្ត Saada
07/26/2025 04:07 PM
Facebook Telegram Linkin
នគរបាលប្រឆាំងភេរវកម្ម កំពុងស៊ើបអង្កេតលើករណីផ្ទុះអគារផ្ទះល្វែងមួយ នៅប្រទេសក្រិក
07/26/2025 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.