នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

លោកស្រីអ៊ុងសាន ស៊ូជី ត្រូវបាននាំចេញពីពន្ធនាគារទៅកាន់អគារដ្ឋាភិបាលសហភាពមីយ៉ាន់ម៉ា

2023/07/28 12:32:48 pm        152
Facebook Telegram Linkin
មីយ៉ាន់ម៉ា៖  មន្រ្តីមួយរូបមកពីគណបក្សរបស់លោកស្រី បាននិយាយនៅថ្ងៃសុក្រនេះថា មេដឹកនាំស៊ីវិលសហភាពមីយ៉ាន់ម៉ា លោកស្រី អ៊ុងសាន ស៊ូជី ដែលត្រូវបានគេទម្លាក់ចេញពីអំណាច អំឡុងរដ្ឋប្រហារយោធាកាលពីឆ្នាំ ២០២១ ត្រូវបានគេនាំចេញពីពន្ធនាគារទៅកាន់អគាររដ្ឋាភិបាល ។  លោកស្រី អ៊ុងសាន ស៊ូជី ទើបតែគេមើលឃើញម្តងគត់នៅក្នុងរូបថតសារព័ត៌មានរដ្ឋ ពីបន្ទប់សវនាការគ្មានមនុស្សក្នុងរដ្ឋធានីណៃពិដោ ចាប់តាំងពីលោកស្រីត្រូវបានគេឃុំឃាំង ក្រោយរដ្ឋប្រហារថ្ងៃទី ១ ខែកុម្ភៈ ។   យោងតាមការអះអាងរបស់អង្គការសហប្រជាជាតិ(UN) បានឲ្យដឹងថា រដ្ឋប្រហារយោធា បានរុញច្រានប្រទេសនៅអាស៊ីអាគ្នេយ៍មួយនេះ ធ្លាក់ក្នុងជម្លោះដែលនាំឲ្យមនុស្សជាង ១លាននាក់ រត់ភៀសខ្លួន ។  មន្រ្តីមួយរូបដែលសុំមិនបញ្ចេញឈ្មោះ មកពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ និយាយប្រាប់ទីភ្នាក់ងារព័ត៌មាន AFPនៅថ្ងៃសុក្រនេះថា លោកស្រី អ៊ុងសាន ស៊ូជី ត្រូវបានគេនាំចេញទៅកាន់បរិវេនអគារខ្ពស់មួយកន្លែងកាលពីយប់ថ្ងៃចន្ទ ។  មន្រ្តីគណបក្សរូបនោះ បានបញ្ជាក់ផងដែរថា លោកស្រី អ៊ុងសាន ស៊ូជី បានជួបជាមួយប្រធានសភាមីយ៉ាន់ម៉ា លោក Ti Khun Myat ហើយទំនងជាបានជួបលោក Deng Xijuan(តេង ស៊ីជាន់) ដែលជាប្រេសិតពិសេសចិនទទួលបន្ទុកកិច្ចការអាស៊ី ដែលកំពុងបំពេញទស្សនកិច្ចនៅក្នុងប្រទេសមួយនេះ ។  ដោយឡែក ប្រភពព័ត៌មានពីគណបក្សមួយផ្សេងទៀត បានឲ្យដឹងថា លោកស្រី អ៊ុងសាន ស៊ូជី ត្រូវបានគេនាំទៅកាន់អគារសម្រាប់ភ្ញៀវពិសេស VIPស្ថិតក្នុងទីក្រុងណៃពិដោ ។  គួរឲ្យដឹងថា កាលពីខែកក្កដា កន្លងទៅ រដ្ឋមន្រ្តីការបរទេសថៃ បាននិយាយថា លោកបានជួបជាមួយលោកស្រី អ៊ុងសាន ស៊ូជី គឺជាជំនួបលើកដំបូងដែលគេបានដឹងជាមួយប្រេសិតពិសេសបរទេស ចាប់តាំងពីលោកស្រី ត្រូវបានឃុំឃាំង ។  អ្នកនាំពាក្យរបបយោធាមីយ៉ាន់ម៉ា និយាយប្រាប់ AFPថា ជំនួបនោះ មានរយៈពេលជាង ១ម៉ោង ប៉ុន្តែពួកគេពុំបានផ្តល់រឿងរ៉ាវលម្អិតជុំវិញជំនួបនោះឡើយ ។  មាននូវក្តីកង្វល់ផងដែរពីសុខភាពរបស់ម្ចាស់ជ័យលាភីណូបែលសន្តិភាពវ័យ ៧៨ឆ្នាំម្នាក់នេះ ចាប់តាំងពីការឃុំឃាំងរបស់លោកស្រី រួមទាំងអំឡុងពេលការកាត់ទោសរបស់លោកស្រីនៅតុលាការយោធា ដែលត្រូវការឲ្យលោកស្រី ឡើងសវនាការស្ទើតែរាល់ថ្ងៃនោះ ។  សូមបញ្ជាក់ថា លោកស្រី អ៊ុងសាន ស៊ូជី ត្រូវបានតុលាការយោធាមីយ៉ាន់ម៉ា កាត់ទោសឲ្យជាប់ពន្ធនាគារយៈពេល ៣៣ឆ្នាំ លើករណីចោទប្រកាន់ជាច្រើន រួមទាំងករណីអំពើពុករលួយ ការគ្រប់គ្រងវិទ្យុទាក់ទងខុសច្បាប់ ហើយនិងការបំពានលើវិធានការរឹតត្បិតជំងឺ COVID-19 ៕

សម្តេចតេជោ៖«គណបក្សប្រជាជនឈ្នះ គឺខ្មែរឈ្នះទាំងអស់គ្នា»

2023/07/28 12:31:00 pm        168
Facebook Telegram Linkin
ភ្នំពេញ៖ តាមរយៈតេឡេក្រាមនៅថ្ងៃទី២៨ ខែកក្កដា ឆ្នាំ២០២៣នេះ សម្តេចតេជោ ហ៊ុន សែន បានមានប្រសាសន៍ថា «គណបក្សប្រជាជនឈ្នះ គឺខ្មែរឈ្នះទាំងអស់គ្នា ហើយគណបក្សនានា ក៏អាចរួមរស់ក្រោមម្លប់សន្តិភាពបានទាំងអស់គ្នា»។ សម្តេចតេជោ ហ៊ុន សែន មានប្រសាសន៍បន្ដថា ច្បាស់ណាស់ គឺនៅពេលដ៏ខ្លីខាងមុខនេះ កម្ពុជានឹងមាននាយករដ្ឋមន្រ្តីថ្មីបន្ដដឹកនាំ ប្រទេស ដើម្បីបម្រើផលប្រយោជន៍​ប្រជាពលរដ្ឋ​ជាម្ចាស់ឆ្នោត។សម្តេចតេជោ ហ៊ុន សែន សូមអរគុណបងប្អូនជនរួមជាតិដែលបានផ្តល់នូវសេចក្តីស្រឡាញ់ ការគាំទ្រនិងទំនុកចិត្តជ្រាលជ្រៅចំពោះសម្តេច និងឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី ដើម្បីដឹកនាំរាជរដ្ឋាភិបាលកម្ពុជាសម្រាប់អាណត្តិទី៧ ឆ្នាំ២០២៣។ ជូនពរបងប្អូនជនរួមជាតិជួបតែសេចក្តីសុខ និងសំណាងល្អ ។សូមជម្រាបថា នៅសល់រយៈពេលប្រមាណ៣សប្ដាហ៍ទៀតប៉ុណ្ណោះ ក្រោយកិច្ចប្រជុំរដ្ឋសភាជាតិ នៅថ្ងៃទី២២ ខែសីហា ឆ្នាំ ២០២៣នេះ គណៈរដ្ឋមន្រ្ដីថ្មី នឹងត្រូវប្រកាសចូលកាន់​តំណែង​ហើយ​ពេលនោះ​ឯកឧត្ដម បណ្ឌិត ហ៊ុន ម៉ាណែត ​នឹងក្លាយជានាយករដ្ឋមន្រ្ដីរបស់​ប្រទេស​កម្ពុជា​ជា​ផ្លូវការផងដែរ៕

ជប៉ុនកាន់តែបារម្ភពីកម្លាំងយោធាចិន និងការគំរាមកំហែងខ្លាំងជាងមុនរបស់កូរ៉េខាងជើង

2023/07/28 12:28:20 pm        211
Facebook Telegram Linkin
ជប៉ុន៖ នៅក្នុងឯកសារការពារជាតិប្រចាំឆ្នាំរបស់ខ្លួន ដែលចេញផ្សាយ នៅថ្ងៃសុក្រ (ទី២៨ ខែកក្កដា) នេះ ប្រទេសជប៉ុន បានលើកឡើងពីការបារម្ភរបស់ខ្លួន ជុំវិញឥទ្ធិពលរបស់ប្រទេសចិន នៅក្នុងតំបន់ ក៏ដូចជាទំនាក់ទំនងយោធា ដែលកំពុងកើនឡើងជាមួយប្រទេសរុស្ស៊ី និងការអះអាងសិទ្ធិលើកោះតៃវ៉ាន់របស់ប្រទេសនេះ។ក្នុងសៀវភៅសប្រចាំឆ្នាំរបស់ខ្លួន ពោលគឺជារបាយការណ៍សង្ខេបពីការគំរាមកំហែងផ្នែកយោធាយ៉ាងខ្លាំងក្លាបំផុត និងផែនការដើម្បីធានាស្ថិរភាព ក្រសួងការពារជាតិរបស់ប្រទេសជប៉ុន បានលើកយកករណីមួយមក ដើម្បីជាអំណះអំណាងដល់ការដំឡើងការចំណាយលើវិស័យការពារជាតិដ៏សំខាន់ នៅពេលដែលពិភពលោកចូលទៅក្នុង «យុគសម័យថ្មីនៃវិបត្តិ»។ខណៈកម្លាំងយោធារបស់ចិន ដែលកំពុងតែកើនឡើង និងការលុកលុយរបស់រុស្ស៊ីលើអ៊ុយក្រែន គឺជាការផ្តោតដ៏សំខាន់របស់សៀវភៅសនោះ ប្រទេសកូរ៉េខាងជើង ក៏ត្រូវបានចាត់ទុកថា ជាកង្វល់ដ៏ធំមួយ សម្រាប់ប្រទេសជប៉ុនផងដែរ។ ឯកសារសដែលត្រូវបានអនុម័តដោយខុទ្ទកាល័យរបស់នាយករដ្ឋមន្រ្តី លោក Fumio Kishida នៅព្រឹកថ្ងៃសុក្រនេះ កើតមានឡើង នៅពេលដែលកូរ៉េខាងជើងបង្កើនការសាកល្បងបាញ់មីស៊ីលជាញឹកញាប់។យោងតាមរបាយការណ៍កម្រាស់ ៥១០ទំព័រ បានឲ្យដឹងថា ប្រទេសចិន រុស្សី និងកូរ៉េខាងជើង រួមចំណែកដល់ «បរិយាកាសសន្តិសុខធ្ងន់ធ្ងរ និងស្មុគស្មាញបំផុត គិតចាប់តាំងពីការបញ្ចប់សង្គ្រាមលោកលើកទី២។ ឯកសារបានបញ្ជាក់ថា ជំហរនៅខាងក្រៅ និងសកម្មភាពយោធារបស់ចិន បានក្លាយជាកង្វល់យ៉ាងធំធេង សម្រាប់ប្រទេសជប៉ុន និងសហគមន៍អន្តរជាតិ ហើយបានបង្ហាញពី«ការប្រឈមជាយុទ្ធសាស្ត្រមិនធ្លាប់មានពីមុនមក និងធំបំផុត»៕

លោក Biden និយាយថា គណបក្សសាធារណៈរដ្ឋ កំពុងធ្វើឲ្យអន្តរាយដល់យោធារបស់ប្រទេស

2023/07/28 12:26:19 pm        124
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden កាលពីថ្ងៃព្រហស្បតិ៍ បានចោទប្រកាន់គណបក្សសាធារណៈរដ្ឋពីការបង្កអន្តរាយដល់យោធាសហរដ្ឋអាមេរិក ដោយអនុញ្ញាតឲ្យសមាជិកព្រឹទ្ធសភាអាមេរិក លោក Tommy Tuberville រារាំងការតែងតាំងយោធាសហរដ្ឋអាមេរិក៣០០នាក់ ជុំវិញគោលនយោបាយរម្លូតកូនរបស់មន្ទីរបញ្ចកោណ។ លោក Tuberville មកពីគណបក្សសាធារណរដ្ឋ ជាអ្នកអភិរក្សសង្គមមកពីរដ្ឋអាឡាបាម៉ា បានចាប់ផ្តើមរារាំង ការអនុម័តចំពោះមុខតំណែងជាន់ខ្ពស់នៅមន្ទីរបញ្ចកោណក្នុងខែមីនា ដើម្បីតវ៉ាគោលនយោបាយក្រសួងការពារជាតិ ដែលបានអនុម័តកាលពីឆ្នាំមុន ដែលបានផ្តល់ឲ្យមានការអនុញ្ញាតច្បាប់ និងបង់ប្រាក់លើការចំណាយសម្រាប់សមាជិកបម្រើសេវាកម្ម ដែលធ្វើដំណើរទៅរម្លូតកូន៕

ជប៉ុនស្វាគមន៍ការទំនាក់ទំនងជាមួយកូរ៉េខាងត្បូងក្នុងការវាយតម្លៃសន្តិសុខប្រចាំឆ្នាំដ៏អាប់អួរ

2023/07/28 12:23:12 pm        76
Facebook Telegram Linkin
ជប៉ុន៖ ប្រទេសជប៉ុន បានស្វាគមន៍ចំពោះភាពល្អកកករក្នុងទំនាក់ទំនងជាមួយកូរ៉េខាងត្បូង នៅក្នុងរបាយការណ៍ ការពារជាតិប្រចាំឆ្នាំរបស់ខ្លួន កាលពីថ្ងៃសុក្រ ប៉ុន្តែបើមិនដូច្នេះទេ បានផ្តល់ការវាយតម្លៃដ៏អាប់អួរចំពោះការគំរាមកំហែងនៃមហិច្ឆតាទឹកដីរបស់ប្រទេសចិន ភាពជាដៃគូសន្តិសុខរបស់ខ្លួនជាមួយរុស្ស៊ី និងកូរ៉េខាងជើងដែលចូលចិត្តបង្ករឿង។ក្រសួងការពារជាតិ បាននិយាយនៅក្នុងរបាយការណ៍ការពារជាតិឆ្នាំ២០២៣ថា ចំពេលមានការកើនឡើងនៃភាពធ្ងន់ធ្ងរ និងការលំបាកដែលយើងប្រឈមមុខ តម្រូវការសម្រាប់ប្រទេសជប៉ុន និងកូរ៉េខាងត្បូងត្រូវចងសម្ព័ន្ធនឹងគ្នា កាន់តែមានសារៈសំខាន់។ ដោយហ៊ុមព័ទ្ធជុំវិញដោយគូប្រជែងប្រដាប់អាវុធនុយក្លេអ៊ែរ ជប៉ុនត្រូវប្រឈមមុខនឹងសមយុទ្ធយោធាចិនដែលកាន់តែខ្លាំងឡើងនៅជុំវិញកោះតៃវ៉ាន់ និងកោះមានជម្លោះនៅសមុទ្រចិនខាងកើត ដែលជាការគំរាមកំហែងកាន់តែខ្លាំងឡើងពីកម្មវិធីមីស៊ីលបាលិស្ទិករបស់កូរ៉េខាងជើង និងធ្វើឲ្យសន្តិសុខក្នុងតំបន់កាន់តែយ៉ាប់យ៉ឺន បន្ទាប់ពីការវាយប្រហាររបស់រុស្ស៊ីលើអ៊ុយក្រែន។បញ្ហាប្រឈមផ្នែកសន្តិសុខរួម បានជួយសម្ព័ន្ធមិត្តរបស់សហរដ្ឋអាមេរិក ជប៉ុន និងកូរ៉េខាងត្បូង ជួសជុលទំនាក់ទំនង ដែលមានភាពរង្គោះរង្គើជុំវិញជម្លោះអំពីសំណងសម្រាប់ស្ត្រី ដែលត្រូវបានបង្ខំឲ្យធ្វើការនៅក្នុងផ្ទះបនយោធាជប៉ុន និងជនជាតិកូរ៉េផ្សេងទៀត ដែលត្រូវបានចាក់ថាជាកម្មករក្នុងសម័យសង្គ្រាម។នៅក្នុងកិច្ចប្រជុំមួយកាលពីខែឧសភាជាមួយនាយករដ្ឋមន្ត្រីជប៉ុន លោក ហ្វូមីអូ គីស៊ីដា (Fumio Kishida) នៅក្រៅសង្វៀនកិច្ចប្រជុំកំពូលក្រុមប្រទេសG7 នៅប្រទេសជប៉ុន ប្រធានាធិបតីកូរ៉េខាងត្បូង យូន ស៊ុក យ៉ូល (Yoon Suk Yeol) បានសរសើរសមភាគីរបស់លោក ដែលបានសម្តែងការអាណិតអាសូរចំពោះអ្នកដែលរងទុក្ខ នៅក្រោមការគ្រប់គ្រងអាណានិគមរបស់ជប៉ុន។

សហគមន៍ឥស្លាមគាំទ្រឯកឧត្ដម ហ៊ុន ម៉ាណែត ជានាយករដ្ឋមន្ត្រីថ្មី និងថែរក្សាភាពសុខដុមនៃសាសនា

2023/07/28 12:21:52 pm        142
Facebook Telegram Linkin
ភ្នំពេញ៖ សហគមន៍ខ្មែរឥស្លាម បានបង្ហាញការគាំទ្រយ៉ាងពេញទំហឹងចំពោះឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីថ្មី នៃកម្ពុជា និងប្ដេជ្ញាចូលរួមថែរក្សាភាពសុខដុមនៃសាសនា ដូចក្នុងអាណត្តិមុនៗ ដែល ដឹកនាំដោយសម្ដេចតេជោ ហ៊ុន សែន ដែរ ។តំណាងសហគមន៍ខ្មែរឥស្លាម នៅក្នុងសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ បានលើកឡើងថា ពួកគេពិតជាពេញចិត្តយ៉ាងខ្លាំង ​ដែលគណបក្សប្រជាជនកម្ពុជា បានជ្រើសតាំង​ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីបន្តវេន ពីសម្ដេចតេជោ ហ៊ុន សែន ​ព្រោះឯកឧត្តម ពិតជាមានសមត្ថភាព ​ចំណេះដឹងគ្រប់គ្រាន់ក្នុងការដឹកនាំប្រទេស ។ពលរដ្ឋខ្មែរឥស្លាម បានអះអាងថា ការគាំទ្ររបស់ពួកគេ ធ្វើឡើងតាមរយៈសន្លឹកឆ្នោត ​ដែលបាន បោះជូនគណបក្សប្រជាជនកម្ពុជា រួមទាំងមានសេចក្តីសង្ឃឹម គឺនៅពេលឯកឧត្តមឡើងកាន់​តំណែង នឹង បន្តខិតខំអភិវឌ្ឍន៍​ប្រទេសឲ្យមានការរីកចម្រើន និងប្រឹងប្រែងរក្សាសុខសន្តិភាព ដែលកម្ពុជាកំពុងមាន ។ពលរដ្ឋខ្មែរឥស្លាម ​ក៏បានថ្លែងអំណរគុណយ៉ាងខ្លាំងចំពោះសម្ដេចតេជោ​ ហ៊ុន សែន និងរាជរដ្ឋាភិ បាលគ្រប់លំដាប់ថ្នាក់​ ដែលបានផ្ដល់សិទ្ធិដល់សហគមន៍ខ្មែរឥស្លាមនៅកម្ពុជា បានរស់នៅប្រកប​ដោយ ភាពសុខដុម អាចគោរប្រតិបត្តិសាសនាឥស្លាមដោយសេរីភាព​ មិនមានការរារាំង រួមទាំង​អនុញ្ញាតឲ្យបម្រើ កិច្ចការក្នុងក្រសួងស្ថាប័នរដ្ឋ ​ជាពិសេសផ្ដល់ក្របខណ្ឌដល់គ្រូបង្រៀនខ្មែរឥស្លាម ។គួរបញ្ជាក់ថា នៅសល់តែប៉ុន្មានសប្ដាហ៍ទៀតប៉ុណ្ណោះ​ កម្ពុជា​ នឹងប្រកាសនាយករដ្ឋមន្ត្រី និង គណៈរដ្ឋមន្ត្រីថ្មី ​ដែលនឹងដឹកនាំប្រទេស ក្នុងអាណត្តិទី៧ រួមជាមួយនឹងការរំពឹងរបស់ពលរដ្ឋថា រាជរដ្ឋាភិបាល ក្នុងនីតិកាលទី៧នេះ ​នឹងបន្តខិតខំអភិវឌ្ឍន៍​ប្រទេសជាតិ ឲ្យកាន់តែមានការរីកចម្រើន ៕ អត្ថបទ៖ បាន សុខរិទ្ធិ

អាមេរិកនិយាយថា លោកត្រាំ បានបញ្ជាឲ្យគេលុបវីដេអូ និងចោទប្រកាន់បុគ្គលិកទី២ក្នុងករណីឯកសារ

2023/07/28 12:10:02 pm        111
Facebook Telegram Linkin
អាមេរិក៖ លោក ដូ ណាល់ត្រាំ បានចេញបញ្ជាឲ្យបុគ្គលិកនៅរមណីយដ្ឋានរដ្ឋ Florida របស់លោកលុបវីដេអូសុវត្ថិភាព ខណៈលោកកំពុងស្ថិតក្រោមការស៊ើបអង្កេតសម្រាប់ការរក្សាទុកឯកសារសម្ងាត់ ដែលរដ្ឋអាជ្ញាសហរដ្ឋអាមេរិក បាននិយាយកាលពីថ្ងៃព្រហស្បតិ៍ ខណៈពួកគេពង្រីកបន្ថែមករណីស៊ើបអង្កេតមកលើអតីតប្រធានាធិបតី ដូ ណាល់ត្រាំ និងបានចោទប្រកាន់សមាជិកទី២នៃបុគ្គលិករបស់លោកក្នុងការជួយលាក់ឯកសារ។រដ្ឋអាជ្ញាពិសេសសហរដ្ឋអាមេរិក លោក Jack Smith បានដាក់បណ្តឹងបទឧក្រិដ្ឋថ្មីចំនួន៣ករណីលើលោកត្រាំ ដែលនាំឲ្យបណ្តឹងសរុបមានចំនួន៤០ករណី និងបានចោទប្រកាន់បុគ្គលិកថែទាំនៅរមណីយដ្ឋាន Mar-a-Lago របស់លោកត្រាំ គឺលោក Carlos De Oliveira ពីបទឃុបឃិតដើម្បីរារាំងតុលាការ ដោយចោទប្រកាន់លោកពីបទជួយលោក ត្រាំ លាក់ទុកឯកសារ។ លោក De Oliveira អាយុ៥៦ឆ្នាំ បានប្រាប់បុគ្គលិកម្នាក់ផ្សេងទៀតនៅរមនីយដ្ឋានជាកន្លែងដែលលោកត្រាំរស់នៅ ថា លោកប្រធាន ចង់ឲ្យវីដេអូសុវត្ថិភាពនៅក្នុងបរិវេណភូមិគ្រឹះនៅរដ្ឋ Florida ត្រូវបានលុបចោល បន្ទាប់ពីក្រសួងយុត្តិធម៌បានកោះហៅពួកគេ។ ក្រុមរដ្ឋអាជ្ញា បានចោទប្រកាន់លោក De Oliveira ពីបទនិយាយកុហក់មកកាន់ភ្នាក់ស៊ើបអង្កេត FBI អំឡុងការសាកសួរដោយស្ម័គ្រចិត្ត ជាការអះអាងភូតកុហក់ថាលោកពុំបានពាក់ព័ន្ធក្នុងការយកចេញទូរឯកសារសម្ងាត់នៅរមនីយដ្ឋាន Mar-a-Lago នោះទេ។  លោកត្រាំបានបង្ហាញពីភាពគ្មានទោស នៅទីក្រុង Moami កាលពីខែមុនចំពោះការចោទប្រកាន់សហព័ន្ធ ពីការរក្សាទុកដោយខុសច្បាប់នូវឯកសារសម្ងាត់របស់រដ្ឋាភិបាល បន្ទាប់ពីចាកចេញពីតំណែងក្នុងឆ្នាំ២០២១ និងបានរារាំងតុលាការ។ រដ្ឋអាជ្ញា បានចោទប្រកាន់លោកពីបទបង្កហានីភ័យដល់ភាពរសើបបំផុតមួយចំនួននៃភាពសម្ងាត់ផ្នែកសន្តិសុខជាតិរបស់សហរដ្ឋអាមេរិក៕

ផ្លូវបេតុងថ្មីមួយខ្សែកំពុងត្រូវបានកសាងក្នុងខណ្ឌសែនសុខ ធ្វើឱ្យពលរដ្ឋសប្បាយចិត្ត

2023/07/28 12:03:28 pm        142
Facebook Telegram Linkin
ភ្នំពេញ៖ ប្រជាពលរដ្ឋរស់នៅប្របសងខាងផ្លូវលេខ១៩៦២ ស្ថិតក្នុងសង្កាត់ក្រាំងធ្នង់ ខណ្ឌសែនសុខ បានសម្តែងក្តីសប្បាយរីករាយ​ ព្រោះនឹងជិតជិតទទួលបានផ្លូវបេតុងថ្មីមួយខ្សែ សម្រាប់ការប្រើប្រាស់ ក្នុងពេល ឆាប់ៗខាងមុខ ។ផ្លូវបេតុងនេះ កំពុងត្រូវបានកសាងជិតរួចរាល់ហើយ ដែលមានប្រវែងជិតបីពាន់ម៉ែត្រ ភ្ជាប់ពីផ្លូវលេខ២០១១ ដល់វត្តក្រាំងធ្នង់ ។ពលរដ្ឋ បានលើកឡើងថា ត្បិតតែផ្លូវមិនទាន់ជួសជុលរួចរាល់ក៏ដោយ ​ប៉ុន្តែពួកគេសប្បាយចិត្តចំ ពោះសម្មិទ្ធផលថ្មីនេះ ​ព្រោះផ្លូវបេតុងមួយខ្សែស្អាតនេះ នឹងដើរតួនាទីសំខាន់ក្នុងការជួយសម្រួល​ដល់រំហូរ ​ចរាចរណ៍ប្រចាំថ្ងៃរបស់ពលរដ្ឋ ​ដោយលែងបង្កការកកស្ទះទៀត ។ ​កាន់តែពិសេស រំពឹងថា​ ពលរដ្ឋនៅក្នុង តំបន់ ​ក៏អាចប្រកបរបរអាជីវកម្មបានកាន់តែប្រសើរ និងរីកចម្រើនជាងមុន​ផងដែរ ។លោក ធាម ច័ន្ទសេរីវុឌ្ឍ ប្រធានការិយាល័យសាធារណការ ​ខណ្ឌសែនសុខ បានប្រាប់BTVថា ផ្លូវ បេតុងមួយខ្សែនេះ ​បានបើកការដ្ឋានជួសជុល ​កាលពីថ្ងៃ១០ ខែមិនា ឆ្នាំ២០២៣ ។ ​ហើយបច្ចុប្បន្ន ផ្លូវមួយខ្សែនេះ ​បានស្ថាបនាជិតរួចរាល់ហើយផងដែរ ។ ​បើតាមផែនការគម្រោងជួសជុល ផ្លូវបេតុងនេះ អាចនឹងជួសជុលរួចរាល់ជាស្ថាពរនៅកំលុងខែកញ្ញា ឆ្នាំ២០២៣ ។ប្រជាពលរដ្ឋ បានសម្ដែងនូវក្ដីសង្ឃឹមថា រាជរដ្ឋាភិបាលថ្មី អាណត្តិទី៧ ដែលនឹងស្ថិតក្រោមការ ដឹកនាំរបស់ឯកឧត្ដម ហ៊ុន ម៉ាណែត នឹងខិតខំធ្វើការអភិវឌ្ឍហេដ្ឋារចនាសម្ព័ន្ធនានាបន្ថែមទៀត ដើម្បី បម្រើសេចក្ដីត្រូវការរបស់ប្រជាពលរដ្ឋ ដែលកំពុងតែមានកំណើនពីមួយឆ្នាំទៅមួយឆ្នាំ ៕អត្ថបទ៖ លីហេង

គ្រួសារមានបណ្ណសមធម៌ជឿជាក់ថា រដ្ឋាភិបាលថ្មីនៅតែបន្តគិតគូរជួយឧបត្ថម្ភគាំពារពលរដ្ឋជីវភាពក្រីក្រ

2023/07/28 11:48:46 am        198
Facebook Telegram Linkin
ភ្នំពេញ៖ ក្រុមគ្រួសារក្រីក្រ មានបណ្ណសមធម៌ បច្ចុប្បន្នកំពុងទទួលបាននូវអត្ថប្រយោជន៍ជាច្រើនពីរាជរដ្ឋាភិបាលកម្ពុជា។ អត្ថប្រយោជន៍ទាំងនោះបូករួមទាំងការព្យាបាលនៅគ្រប់មន្ទីរពេទ្យរដ្ឋដោយមិនគិតថ្លៃ និងបូករួមទាំងការទទួលបានថវិកាឧបត្ថម្ភជាប្រចាំខែផងដែរ។ស្របពេលការទទួលបានការជួយជាច្រើនពីរាជរដ្ឋាភិបាល​ ក្រុមគ្រួសារក្រីក្រនៅតែជឿជាក់ថា រាជរដ្ឋាភិបាលថ្មី ​ក្រោមការដឹកនាំរបស់ថ្នាក់ដឹកនាំថ្មី គឺនៅតែបន្តអ្វីដែលរាជរដ្ឋាភិបាលចាស់​បាននឹង​កំពុងជួយដល់ពួកគេ និងបង្កើនការយកចិត្តទុកដាក់បន្ថែមផងដែរ។រយៈពេលប្រមាណ១ខែខាងមុខទៀតនេះ ​កម្ពុជានឹងមានរាជរដ្ឋាភិបាលថ្មីកើតឡើង ជាមួយនឹង​នាយករដ្ឋមន្រ្តីថ្មីផងដែរ។ នាយករដ្ឋមន្រ្តីថ្មី គឺឯកឧត្តម ហ៊ុន ម៉ាណែត ​កូនប្រុសច្បងរបស់ សម្ដេចតេជោ ហ៊ុន សែន។ សម្រាប់រាជរដ្ឋាភិបាលថ្មីដែលត្រៀមនឹងបង្កើតឡើងនេះ ត្រូវបានប្រជាពលរដ្ឋគ្រប់មជ្ឈដ្ឋានជឿជាក់ និងផ្ដល់ទំនុកចិត្តចំពោះការដឹកនាំប្រទេស ដែលអាចបន្តរក្សាសុខសន្តិភាព ការរីកចម្រើន និងការគិតគូដល់ប្រជាពលរដ្ឋគ្រប់រូប។សម្រាប់ប្រជាពលរដ្ឋក្រីក្រមានបណ្ណសមធម៌ ដែលអាចចាត់ទុកថាជាក្រុមងាយរងគ្រោះ បង្ហាញការជឿជាក់ថា រាជរដ្ឋាភិបាលថ្មី ថ្នាក់ដឹកនាំថ្មី នឹងបន្តគាំទ្រយកចិត្តទុកដាក់ ជួយឧបត្ថម្ភដល់ពួកគេ ​ដូចអ្វីដែលពួកគេកំពុងទទួលបានក្នុងពេលបច្ចុប្បន្ន។ អត្ថប្រយោជន៍ដែលពួកគេទទួលបាននៅពេលនេះ គឺទទួលបានសេវាព្យាបាលដោយមិនគិតថ្លៃ និងការទទួលបានថវិកាជាប្រចាំខែផងដែរ។រាជរដ្ឋាភិបាលថ្មីនេះ កើតចេញពីគណបក្សប្រជាជនកម្ពុជា ដែលទទួលបានជ័យជំនះ​ក្នុង​ការបោះឆ្នោតជ្រើសតាំងតំណាងរាស្រ្តនីតិកាលទី ៧។ ទោះមានការផ្លាស់ប្ដូរ សមាសភាព​នាយករដ្ឋមន្រ្តីថ្មីក្ដី សម្ដេចតេជោ ហ៊ុន សែន ក្នុងនាមជាប្រធានគណបក្សប្រជាជនកម្ពុជា បានលើកឡើងក្នុងការបើកយុទ្ធនាការឃោសនាបោះឆ្នោតថា​ គណបក្សប្រជាជនកម្ពុជា ដាក់​ចេញកម្មវិធីគោលនយោបាយជាអាទិភាពចំនួន ៦ ចំណុច ក្នុងកម្មវិធីនយោបាយរបស់រាជ​រដ្ឋាភិបាល​នីតិកាលទី ៧។ ចំណុចអាទិភាពទាំង ៦នេះ ក៏មានចំណុចមួយចំនួនផ្តោតលើ ក្រុមពលរដ្ឋងាយរងហានិភ័យផងដែរ។ ជាក់ស្ដែង នឹងមានការបណ្តុះបណ្តាលជំនាញវិជ្ជាជីវៈ និងបច្ចេកទេស ជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ប្រមាណជាង ១,៥លាននាក់ ក្នុងកម្រិតសញ្ញាបត្របច្ចេកទេស និងវិជ្ជាជីវៈកម្រិត១ ដោយមិនបង់ថ្លៃសិក្សានិងទទួលបាននូវប្រាក់ឧបត្ថម្ភប្រចាំខែ។ រីឯចំណុចសំខាន់មួយទៀត គឺបញ្ជាក់ពី ការធ្វើ​ស្ថាបនូបនីយកម្មកម្មវិធីជាតិជំនួយសង្គមសម្រាប់គ្រួសារក្រីក្រ, ក្រុមជនងាយរងគ្រោះ​នៅក្នុងគ្រួសារក្រីក្រ និងគ្រួសារងាយរងហានិភ័យនៅក្នុងគ្រាមានវិបត្តិសេដ្ឋកិច្ច និងគ្រាមាន​គ្រោះអាសន្ន ដើម្បីជួយទ្រទ្រង់ និងផ្ដល់ការគាំពារទាន់ពេល និងក្នុងលក្ខណៈជាប្រព័ន្ធជូន​ប្រជាពលរដ្ឋ ជាពិសេសគ្រួសារក្រីក្រ និងងាយរងគ្រោះ និងគ្រួសារងាយរងហានិភ័យ​ទៅតាមស្ថានភាពជាក់ស្តែងនៃវិបត្តិ ឬគ្រោះអាសន្ន ទូទាំងប្រទេស ដែលនឹងគ្របដណ្តប់លើប្រជាជនសរុបប្រមាណ ៤,៣លាននាក់។ ចំពោះផ្នែកសុខាភិបាលវិញ ក៏នៅបន្តផ្ដល់ការព្យាបាលជូនគ្រួសារក្រីក្រក្រីក្រ ងាយរងហានិភ័យ តាមរយៈការប្រើប្រាស់មូលនិធិសមធម៌សុខាភិបាល៕ អត្ថបទ៖ គឹមហុក 

អ្នកវិភាគបង្ហាញសុទិដ្ឋិនិយម និងគាំទ្របណ្ឌិត ហ៊ុន ម៉ាណែត ជានាយករដ្ឋមន្រ្ដីថ្មីនៃកម្ពុជា

2023/07/28 11:40:48 am        227
Facebook Telegram Linkin
ភ្នំពេញ៖ ក្រុមអ្នកវិភាគចាស់វស្សានៅក្នុងប្រទេសកម្ពុជា បានបង្ហាញសុទិដ្ឋិនិយម និងការគាំទ្រ​ឯកឧត្ដមបណ្ឌិត ហ៊ុន ម៉ាណែត ជានាយករដ្ឋមន្រ្ដីនៃប្រទេសកម្ពុជា នាពេលខាង​មុខនេះ ដោយ​ក្រុមអ្នកវិភាគមើលឃើញថា ប្រទេសកម្ពុជាពោរពេញទៅដោយធនធាន​មនុស្សវ័យក្មេង ដូច្នេះការរៀបចំរាជរដ្ឋាភិបាលមួយ​ដែលមានថ្នាក់ដឹកនាំវ័យក្មេង គឺបានបង្ហាញតុល្យភាព​ជាមួយប្រជាពលដ្ឋរបស់ខ្លួន។លោកបណ្ឌិត គិន ភា ក្នុងនាមជាប្រធានវិទ្យាស្ថានទំនាក់ទំនងអន្តរជាតិកម្ពុជា និងជាអ្នកវិភាគ​បញ្ហាសង្គម នយោបាយមើលឃើញថា «ការបន្តវេនរបស់ឯកឧត្តមបណ្ឌិត ហ៊ុន ម៉ាណែត ជាការផ្ទេរដំណាក់កាលប្រវត្តិសាស្ត្រដ៏សំខាន់បំផុតនៃប្រទេសកម្ពុជា​នាសតវត្សរ៍ទី២១»។លោកលើកឡើងថា ការប្រកាសដ៏គួរឱ្យភ្ញាក់ផ្អើលរបស់សម្តេចតេជោ ហ៊ុន សែន នារសៀល​ថ្ងៃទី២៦ ខែកក្កដានេះ បានបង្កើតនូវភាពច្បាស់លាស់មួយនៃផែនការបន្តវេន​ដែលរៀបចំឡើង​យ៉ាងល្អឥតខ្ចោះរបស់គណបក្សប្រជាជនកម្ពុជា ​ដោយគោរពទៅតាមលក្ខន្តិកៈ និងបទបញ្ជាផ្ទៃក្នុង​របស់គណបក្ស និងគោលការណ៍ច្បាប់នៃព្រះរាជាណាចក្រកម្ពុជា ព្រមទាំងស្របតាមគោលការណ៍​លទ្ធិប្រជាធិបតេយ្យផងដែរ។លោក អ៊ូ វីរៈ ប្រធានវេទិកាអនាគត ​និងជាអ្នកវិភាគសង្គមនយោបាយ បានស្វាគមន៍នៅការបន្តវេន​ថ្នាក់ដឹកនាំ ដែលបានជ្រើសរើសឯកឧត្ដម ហ៊ុន ម៉ាណែត ជានាយករដ្ឋមន្រ្ដីថ្មីនៅក្នុងអាណត្តិថ្មីនេះ។ លោកមានមានសុទិដ្ឋិនិយមថា ប្រទេសកម្ពុជា​ពោរពេញទៅដោយធនធានមនុស្សវ័យក្មេង ដូច្នេះ​ការរៀបចំ​រដ្ឋាភិបាលមួយដែលមានថ្នាក់ដឹកនាំវ័យក្មេង គឺជាបង្ហាញតុល្យភាព​ជាមួយប្រជាពលដ្ឋរបស់ខ្លួន។ ចំណែលោក ឡៅ ម៉ុងហៃ ដែលជាអ្នកវិភាគឯករាជ្យ បានមើលឃើញថា ​បើគិតថា ទំពាំងស្នង​ឬស្សីនោះ ប្រទេសកម្ពុជានឹងទទួលបានឬស្សីមកទៀត ដែលនេះបង្ហាញថា ឯកឧត្ដមបណ្ឌិត ហ៊ុន ម៉ាណែត អាចដឹកនាំប្រទេសកម្ពុជា​មិនចាញ់សម្ដេចតេជោ ហ៊ុន សែន ដែរ។ សូមជម្រាបថា នៅសល់រយៈពេលប្រមាណ ៣ សប្ដាហ៍ទៀតប៉ុណ្ណោះ ក្រោយកិច្ចប្រជុំរដ្ឋសភាជាតិ នៅថ្ងៃទី ២២ ខែសីហា ឆ្នាំ ២០២៣នេះ គណៈរដ្ឋមន្រ្ដីថ្មីនឹងត្រូវប្រកាសចូលកាន់​តំណែងហើយ​ពេលនោះ​ឯកឧត្ដម បណ្ឌិត ហ៊ុន ម៉ាណែត នឹងក្លាយជានាយករដ្ឋមន្រ្ដីរបស់​ប្រទេសកម្ពុជា​ជា​ផ្លូវការផងដែរ៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ជនភៀសសឹកចំនួនជាង៧០០គ្រួសារ នៅស្រុកអន្លង់វែង ទទួលអំណោយពីសប្បុរសជន
07/27/2025 01:07 PM
Facebook Telegram Linkin
ក្រុមសេនាសន្តិភាពបាននាំយកអំណោយជាគ្រឿងបរិភោគ ឧបភោគចែកជូនបងប្អូនប្រជាពលរដ្ឋខ្មែរ ដែលកំពុងភៀសសឹកនៅស្រុកចុងកាល់
07/27/2025 01:07 PM
Facebook Telegram Linkin
អ៊ីស្រាអែលនិយាយថា ខ្លួនចាប់ផ្តើមទម្លាក់ជំនួយតាមអាកាសលើតំបន់ហ្កាហ្សាស្រ្ទីប
07/27/2025 12:07 PM
Facebook Telegram Linkin
ព្រះជាណាចក្រកម្ពុជា និងថៃ បើកទូលាយចំពោះកិច្ចប្រជុំស្វែងរកការឈប់បាញ់ ក្រោយការអន្តរាគមន៍របស់លោក Trump
07/27/2025 12:07 PM
Facebook Telegram Linkin
មនុស្ស ១៨នាក់ស្លាប់ និង ២៤នាក់រងរបួសក្នុងហេតុការណ៍គ្រោះថ្នាក់រថយន្តក្រុងនៅប្រទេសប៉េរូ
07/27/2025 12:07 PM
Facebook Telegram Linkin
កម្ពុជាប្រាប់ទៅថៃថា គ្មានហេតុផលអ្វីដែលកម្ពុជា បាញ់ទៅលើប្រាសាទតាមាន់ ដែលជាដួងព្រលឹកដូនតាខ្លួន នោះឡើយ
07/27/2025 12:07 PM
Facebook Telegram Linkin
អ្នកដំណើរជម្លៀសខ្លួន ក្រោយយន្តហោះក្រុមហ៊ុនអាកាសចរណ៍អាមេរិកកើតហុយផ្សែងនៅអាកាសយានដ្ឋានក្រុង Denver
07/27/2025 12:07 PM
Facebook Telegram Linkin
ភ្លើងឆេះព្រៃជិតទីក្រុងអាតែន ប្រទេសក្រិកបង្ខំឲ្យមនុស្សជម្លៀសខ្លួន និងបំផ្លិចបំផ្លាញផ្ទះសម្បែងពលរដ្ឋ
07/27/2025 12:07 PM
Facebook Telegram Linkin
កូរ៉េខាងជើងប្រារព្ធខួបសង្រ្គាមកូរ៉េជាមួយនឹងការរាំរែក និងបាញ់កាំជ្រួចផ្កាភ្ញី
07/27/2025 12:07 PM
Facebook Telegram Linkin
ភ្លៀងធ្លាក់ខ្លាំងនៅភាគខាងជើងប្រទេសចិន បានសម្លាប់មនុស្ស ២នាក់ និងមនុស្សរាប់ពាន់នាក់ជម្លៀសខ្លួន
07/27/2025 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.