នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

ក្រុមបាតុករថៃជួបជុំគ្នាក្រោមដំណក់ទឹកភ្លៀងនៅទីក្រុងបាងកក ក្រោយសភារារាំងលោក Pitaមិនឲ្យក្លាយជានាយករដ្ឋមន្រ្តី

2023/07/24 12:19:45 pm        246
Facebook Telegram Linkin
កាលពីល្ងាចថ្ងៃអាទិត្យម្សិលមិញ ក្រុមបាតុកររាប់ពាន់នាក់ បានជួបជុំគ្នានៅតាមដឹងផ្លូវក្នុង ទីក្រុងបាងកក ដើម្បីតវ៉ា ស្របពេលដែលមេដឹកនាំគណបក្សឈ្នះឆ្នោតដំណើរឆ្ពោះទៅមុខ លោក Pita Limjaroenratត្រូវបានសភារារាំងមិនឲ្យក្លាយជានាយករដ្ឋមន្រ្តីថៃ ។ កាលពីថ្ងៃសុក្រសប្តាហ៍មុន គណបក្សមួយនេះ បានបើកផ្លូវឲ្យគណបក្សឈរលេខរៀងទី ២ និងជាដៃគូសម្ព័ន្ធមិត្តរបស់ខ្លួនគឺគណបក្ស Pheu Thaiព្យាយាមបង្កើតរដ្ឋាភិបាលថ្មី ក្រោយការព្យាយាមរបស់មេដឹកនាំរបស់ពួកគេ ត្រូវបានរារាំង ២លើកក្នុងខែនេះ ដោយព្រឹទ្ធសភាដែលគាំទ្រដោយយោធា ។ គណបក្សដំណើរឆ្ពោះទៅមុខ និងគណបក្ស Pheu Thai មាននូវការចែករំលែកអាសនៈដ៏ច្រើនបំផុតនៅក្នុងរដ្ឋសភាដែលមាន ៥០០អាសនៈ ប៉ុន្តែ​ឧបស្គដ៏ធំ​សម្រាប់សម្ព័ន្ធមិត្តរបស់ពួកគេ គឺនៅព្រឹទ្ធសភាមាន ២៤៩អាសនៈ ដែលត្រូវបានតែងតាំង​ដោយ​យោធារាជានិយម ក្រោយរដ្ឋប្រហារឆ្នាំ ២០១៤ ហើយនិងមានប្រវត្តិបោះឆ្នោតថា ជាក្រុមរារាំង ដើម្បីការពារអត្ថប្រយោជន៍របស់ពួកគេ ដែលរួមទាំងការបញ្ឈប់ការបង្កើតរដ្ឋាភិបាលថ្មីផងដែរ ។ សម្ព័ន្ធមិត្តមានគណបក្សចំនួន ៨ បានគាំទ្រមេដឹកនាំគណបក្សដំណើរឆ្ពោះទៅមុខលោក Pita Limjaroenratឲ្យក្លាយជានាយករដ្ឋមន្រ្តី មុនពេលក្រុមប្រឆាំងអភិរក្សនិយម និងសមាជិកព្រឹទ្ធសភា រារាំងរូបលោកនៅការបោះឆ្នោតសភា កាលពីថ្ងៃទី ១៣ ខែកក្កដា ហើយនិងបានរារាំងការតែងតាំង​ឡើងវិញរបស់លោកម្តងទៀត នៅរយៈពេល ៦ថ្ងៃក្រោយ ។ សូមបញ្ជាក់ថា គណបក្សដំណើរឆ្ពោះទៅមុខ បានឈ្នះការបោះឆ្នោតកាលពីខែឧសភា ក្រោយ​ទទួល​បានការគាំទ្រខ្លាំង​ពីក្រុមយុវជន​ ផ្អែកលើវេទិកាគោលនយោបាយប្រឆាំងក្រុមអ្នកកាន់​អំណាច ដែលរួមទាំងការបង្កើតយោធា បញ្ចប់ភាពផ្តាច់មុខធុរកិច្ច ​ហើយនិងធ្វើវិសោធនកម្មច្បាប់​ប្រមាថព្រះមហាក្សត្រ ​ដែលការពាររបបរាជានិយមដ៏មានអំណាចពីការរិះគន់ ៕

យុវជនសង្កេតការណ៍៖ ពលរដ្ឋកាន់តែច្រើន យល់ដឹង និងចេះប្រើប្រាស់សិទ្ធិក្នុងការបោះឆ្នោត

2023/07/24 11:37:16 am        327
Facebook Telegram Linkin
ភ្នំពេញ៖ យុវជនសង្កេតការណ៍បោះឆ្នោត បានបង្ហាញការយល់ឃើញថា ​ប្រជាពលរដ្ឋកម្ពុជា មានការស្វែងយល់​ ពីការប្រើប្រាស់សិទ្ធិកាន់តែប្រសើរ ​និងត្រឹមត្រូវ ​តាមរយៈការចូលរួមបោះឆ្នោត ។ ការលើកឡើងនេះ គឺ ដោយផ្អែកលើភាគរយ ​នៃចំនួនអ្នកទៅឆ្នោតកើនឡើងរហូតដល់​ជាង៨៤ភាគរយ។ការបោះឆ្នោតជ្រើសតាំងតំណាងរាស្រ្តនីតិកាលទី ៧ បានបិទបញ្ចប់ ជាស្ថាពរកាលពីថ្ងៃទី ២៣ ខែកក្កដា ម្សិលមិញនេះ។ ​ការបោះឆ្នោតបញ្ចប់ទៅដោយរលូន ​ថែមទាំងមានការកើនឡើង នៃចំនួនប្រជា ពលរដ្ឋចូលរួមបោះឆ្នោតថែមទៀតផង ។ ចំនួនអ្នកទៅបោះឆ្នោត មានរហូតដល់ជាង៨លាននាក់ នៃចំនួនសរុបអ្នកមានឈ្មោះក្នុងបញ្ជីបោះឆ្នោត ជាង៩លាន៧សែននាក់ ។ គិតជាភាគរយ គឺមានអ្នកទៅ បោះឆ្នោត ចំនួន៨៤,៥៨ភាគរយ។ នេះបើផ្អែកលើគណៈកម្មាធិការជាតិរៀបចំការបោះឆ្នោត (គ.ជ.ប) ។សម្រាប់យុវជនមើលឃើញថា ការកើនឡើង នៃអ្នកទៅបោះឆ្នោត គឺបង្ហាញថាពលរដ្ឋកម្ពុជា មាន ការពេញចិត្តចំពោះការរៀបចំការងារបោះឆ្នោត ចេះប្រើប្រាស់សិទ្ធិខ្លួនឯងដោយត្រឹមត្រូវ និងចេះ​ប្រើប្រាស់ សិទ្ធិសម្រេចលើជោគវាសនាខ្លួនឯង តាមរយៈបោះឆ្នោតគាំទ្រគណបក្ស​ដែលខ្លួន​ជឿទុកចិត្ត។ ការលើកឡើងដូចនេះ ក៏ដោយសារតែពួកគេបានមើលឃើញផ្ទាល់ ក្នុងការបំពេញការងារជាអ្នក​សង្កេតការណ៍ នៅតាមទីតាំងបោះឆ្នោតក្នុងខណ្ឌដង្កោផងដែរ។តាមការឱ្យដឹងពីគ.ជ.ប ចំនួនភាគរយប្រជាពលរដ្ឋចូលរួមបោះឆ្នោត ​ជ្រើសតាំងតំណាងរាស្រ្ត នីតិ កាលទី៧ កាលពីម្សិលមិញ ​គឺមានចំនួនច្រើន ជាងចំនួនភាគរយពលរដ្ឋទៅបោះឆ្នោតជ្រើសរើស​ក្រុម ប្រឹក្សាឃុំសង្កាត់ ឆ្នាំ២០២២ ហើយក៏ច្រើនជាងចំនួនភាគរយពលរដ្ឋ​ទៅបោះឆ្នោត​ឆ្នាំ២០១៨ផងដែរ ។សម្រាប់ការបោះឆ្នោតថ្ងៃទី២៣ ខែកក្កដា នេះ គ.ជ.ប ក៏បានបញ្ជាក់ដែរថា ចំនួនអ្នកសង្កេត ការណ៍ជាតិ បានចូលរួមការងារបោះឆ្នោត ចំនួនជាងជាង៨ម៉ឺន៩ពាន់នាក់ ហើយក៏មានវត្តមាន​ក្រុមអ្នក សង្កេតការណ៍អន្តរជាតិ ចំនួនជាង៦០០នាក់ មកពី៦១ស្ថាប័នផងដែរ ៕អត្ថបទ៖ គឹមហុក

ក្រុមហ៊ុន Unilever អនុញ្ញាតឲ្យកម្មកររុស្ស៊ីចំនួន៣.000របស់ខ្លួន ត្រូវបានជ្រើសរើសឲ្យបម្រើយោធា

2023/07/24 11:26:12 am        80
Facebook Telegram Linkin
រុស្ស៊ី៖ ក្រុមហ៊ុន Unilever នឹងអនុញ្ញាតឲ្យកម្មកររុស្ស៊ីរាប់ពាន់នាក់របស់ខ្លួន ត្រូវបានបញ្ចូលទៅក្នុងសង្រ្គាមអ៊ុយក្រែន ខណៈដែលជម្លោះកាន់តែស៊ីជម្រៅលើការសម្រេចចិត្តរបស់ខ្លួនក្នុងការបន្តលក់នៅក្នុងប្រទេសនេះ។ក្រុមហ៊ុនអាហារខ្នាតយក្ស ដែលមានមោទនភាពចំពោះ«គោលបំណងសង្គម»របស់ខ្លួន បានបញ្ជាក់ថា ខ្លួនបានដឹងអំពីច្បាប់របស់រុស្ស៊ី «តម្រូវឲ្យក្រុមហ៊ុនណាមួយ ដែលកំពុងប្រតិបត្តិការ នៅក្នុងប្រទេសរុស្ស៊ីអនុញ្ញាតឲ្យជ្រើសរើសបុគ្គលិកចូលបម្រើយោធា ប្រសិនបើពួកគេត្រូវបានកោះហៅ» នៅក្នុងលិខិតមួយទៅកាន់ក្រុមយុទ្ធនាការ B4Ukraine។លោក Reginaldo Ecclissato ជាប្រធានប្រតិបត្តិការអាជីវកម្ម និងជាមន្រ្តីខ្សែសង្វាក់ផ្គត់ផ្គង់របស់ក្រុមហ៊ុនUnilever បានបន្ថែមថា៖«យើងតែងតែគោរពតាមច្បាប់ទាំងអស់នៃប្រទេសដែលយើងធ្វើប្រតិបត្តិការនៅក្នុងនោះ។វានឹងជំរុញឲ្យមានការរិះគន់លើការសម្រេចចិត្តរបស់ក្រុមហ៊ុន Unilever ក្នុងការបន្តលក់អាហារ និងផលិតផលអនាម័យ នៅក្នុងប្រទេសរុស្ស៊ី ខណៈដែលគូប្រជែង បានចាកចេញ ដើម្បីឆ្លើយតបទៅនឹង្គ្រាម នៅអ៊ុយក្រែន។ក្រុមហ៊ុនដែលជាម្ចាស់សាប៊ូ Marmite និង Dove បាននិយាយកាលពីឆ្នាំមុនថា ខ្លួននឹងពិនិត្យមើលប្រតិបត្តិការរបស់ខ្លួននៅក្នុងប្រទេសរុស្ស៊ី ប៉ុន្តែនៅតែលក់អ្វីដែលខ្លួនយល់ថាជា «អាហារចាំបាច់ប្រចាំថ្ងៃ» នៅក្នុងប្រទេស រួមទាំងការ៉េមផងដែរ។ក្រុមហ៊ុន Unilever ត្រូវបានគេដាក់ឈ្មោះថា ជាអ្នកឧបត្ថម្ភសង្គ្រាមដោយរដ្ឋាភិបាលអ៊ុយក្រែន បន្ទាប់ពីបានបន្តបង់ពន្ធ នៅក្នុងប្រទេសរុស្ស៊ី។

មនុស្ស ១០នាក់ បានស្លាប់ បន្ទាប់ពីដំបូលកន្លែងហាត់ប្រាណនៅប្រទេសចិនបាក់រលំ

2023/07/24 11:20:50 am        103
Facebook Telegram Linkin
ចិន៖ ប្រព័ន្ធផ្សព្វផ្សាយរដ្ឋ បានរាយការណ៍ នៅថ្ងៃចន្ទ (ទី២៤ ខែកក្កដា)នេះ ថា ដំបូលបេតុងនៃកន្លែងហាត់ប្រាណរបស់សាលាមួយ បានរលំបាក់ នៅក្នុងទីក្រុង Qiqihar (ឈីឈីងហា) របស់ប្រទេសចិន កាលពីថ្ងៃអាទិត្យ (ទី២៣ ខែកក្កដា) ដោយបានសម្លាប់មនុស្ស ១០នាក់ ខណៈមនុស្សម្នាក់ នៅតែជាប់ក្នុងគំនរបែកបាក់របស់ដំបូលនោះ។យោងតាមទូរទស្សន៍ CCTV បានឲ្យដឹងថា ដំបូងឡើយ គេគិតថា មនុស្ស ១៥នាក់ ត្រូវបានជាប់នៅក្រោមគំនរបាក់បែកនោះ តែអាជ្ញាធរយកចេញបាន ១៤នាក់ ហើយសារព័ត៌មាន Xinhua បានផ្សាយថា យោងតាមនាយកដ្ឋានពន្លត់អគ្គិភ័យ និងជួយសង្គ្រោះខេត្ត បានឲ្យដឹងដឹងថា ការបាក់រលំនៅសាលាបឋមសិក្សាលេខ៣៤ ក្នុងសង្កាត់ Longsha នៅទីក្រុង Qiqihar ស្ថិតនៅក្នុងខេត្ត Heilongjiang (ហីឡុងជាំង) ភាគឦសាននៃប្រទេសចិននេះ ត្រូវបានរាយការណ៍ឲ្យដឹងនៅម៉ោង ២:៥៦នាទីរសៀល (ត្រូវនឹងម៉ោង ៦:៥៦នាទីព្រឹកម៉ោងសកល) កាលពីថ្ងៃអាទិត្យ (ទី២៣ ខែកក្កដា)។មានមនុស្ស១៩នាក់នៅកន្លែងហាត់ប្រាណនោះ ពេលគ្រោះថ្នាក់នេះបានកើតឡើង ហើយយោងតាមប្រព័ន្ធផ្សព្វផ្សាយរដ្ឋ បានឲ្យដឹងថា មនុស្ស ៤នាក់ បានគេចផុតពីការបាក់រលំនេះ តែ ១៥នាក់ទៀត ត្រូវបានជាប់នៅក្រោមនោះ។សារព័ត៌មាន Xinhua បានឲ្យដឹងទៀតថា ការស៊ើបអង្កេតស៊ីជម្រៅ កំពុងបន្តធ្វើ ហើយបុគ្គលដែលទទួលខុសត្រូវនៅក្រុមហ៊ុនសំណង់ ត្រូវបាននាំខ្លួនទៅឃុំនៅប៉ុស្តិ៍នគរបាលហើយ៕

អាមេរិកបារម្ភខ្លាំង ចំពោះករណីរំលោភបំពានផ្លូវភេទ នៅឥណ្ឌា ក្នុងវីដេអូចែករំលែកគ្នាយ៉ាងទូលំទូលាយ និងឆាប់រហ័ស

2023/07/24 10:55:45 am        190
Facebook Telegram Linkin
អាមេរិក៖ សហរដ្ឋអាមេរិក បាននិយាយ កាលពីថ្ងៃអាទិត្យ (ទី២៣ ខែកក្កដា) ថា ខ្លួនមានការបារម្ភយ៉ាងខ្លាំងចំពោះរបាយការណ៍នៃវីដេអូចែករំលែកគ្នាយ៉ាងឆាប់រហ័ស ដែលបង្ហាញពីនារី២នាក់ ត្រូវបានបង្ខំឲ្យដើរដង្ហែតាមផ្លូវទាំងអាក្រាតកាយ នៅរដ្ឋ Manipur ភាគឦសាននៃប្រទេសឥណ្ឌា ដោយនេះជាករណីរំលោភផ្លូវភេទ ដែលបង្កឲ្យមានការខឹងសម្បាទូទាំងប្រទេស។ការបំពារបំពាន ដែលត្រូវបានចោទប្រកាន់ថា រំលោភបូក និងដង្ហែនារីអាក្រាតកាយនោះ បានកើតឡើងជាង ២ខែមុន ប៉ុន្តែករណីនោះ បានទាក់ទាញចំណាប់អារម្មណ៍ពីមជ្ឈដ្ឋានទាំងក្នុងប្រទេស និងពិភពលោក នៅពេលដែលវីដេអូនេះ ត្រូវបានចែករំលែកយ៉ាងទូលំទូលាយ និងយ៉ាងឆាប់រហ័ស នៅលើបណ្ដាញទំនាក់ទំនងសង្គម កាលពីសប្តាហ៍មុន។ ក្រោយមក នគរបាលបានចាប់ខ្លួនមនុស្សមួយចំនួន។អ្នកនាំពាក្យក្រសួងការបរទេសអាមេរិក បានហៅហេតុការណ៍នេះថា ជាអំពើ «ឃោរឃៅ» និង «គួរឲ្យខ្លាច» ហើយបាននិយាយថា សហរដ្ឋអាមេរិកសូមបង្ហាញនូវក្ដីអាណិតអាសូរ ចំពោះជនរងគ្រោះយ៉ាងស្មោះអស់ពីចិត្ត។ទង្វើអសីលធម៌នេះ ត្រូវបានរាយការណ៍ឲ្យដឹងដោយជនរងគ្រោះ ដែលមានអាយុ ២១ឆ្នាំម្នាក់ និង ១៩ឆ្នាំម្នាក់ កាលពីខែឧសភា អំឡុងពេលមានការប៉ះទង្គិចគ្នាដោយហិង្សា រវាងជនជាតិភាគតិចកុលសម្ព័ន្ធគូគី (Kuki) និងជនជាតិភាគតិចភាគច្រើនម៉ីតី (Meitei) ជុំវិញការផ្លាស់ប្តូរដែលអាចនឹងកើតមាន ដែលផ្ដល់ផលប្រយោជន៍ខាងសេដ្ឋកិច្ចដល់ជនជាតិភាគតិចគូគី (Kuki) ច្រើនជាង។បញ្ហានេះត្រូវបានដោះស្រាយបន្ទាប់ពីទីក្រុងញូវដេលី (New Delhi) បានប្រញាប់ប្រញាល់បញ្ចូនទាហានប៉ារ៉ា និងកងទ័ពរាប់ពាន់នាក់ទៅកាន់រដ្ឋ ដែលមានប្រជាជនចំនួន ៣,២លាននាក់នេះ។ ប៉ុន្តែអំពើហិង្សា និងការកាប់សម្លាប់ បានបន្តកើតឡើងវិញមិនយូរប៉ុន្មាន ហើយរដ្ឋនៅតែមានភាពតានតឹង ចាប់តាំងពីពេលនោះមក។ មនុស្សយ៉ាងហោចណាស់ ១២៥នាក់ ត្រូវបានសម្លាប់ និងជាង ៤០.០០០នាក់ បានភៀសខ្លួនចេញពីគេហដ្ឋានរបស់ពួកគេ ចាប់តាំងពីអំពើហិង្សា បានផ្ទុះឡើងនៅរដ្ឋ Manipur នេះ៕

អេស្ប៉ាញធ្លាក់ក្នុងភាពចលាចលខាងនយោបាយ ក្រោយការបោះឆ្នោតដែលពុំមានអ្នកឈ្នះដាច់

2023/07/24 10:51:52 am        156
Facebook Telegram Linkin
អេស្ប៉ាញ៖ អេស្ប៉ាញទំនងជាបានឈានទៅដល់ដំណាក់កាលព្យួរសភាបន្ទាប់ពីការបោះឆ្នោតជាតិកាលពីថ្ងៃអាទិត្យ ភាគីឆ្វេង និងស្តាំនិយម មិនអាចទទួលបានជ័យជម្នះច្បាស់លាស់ឆ្ពោះទៅរកការបង្កើតរដ្ឋាភិបាលថ្មីបាន។ខណៈការរាប់សន្លឹកឆ្នោតបាន៩៩%នៅម៉ោង ១១:៤៥នាទី យប់ កាលពីថ្ងៃអាទិត្យ គណបក្សប្រឆាំងអភិរក្សនិយម (PP) ទទួលបាន១៣៦ អាសនៈស្របពេលគណបក្ស ពលករសង្គមនិយម(PSOE) កំពុងកាន់អំណាចរបស់នាយករដ្ឋមន្ត្រី ផេត្រូ សាន់ឆេស(Pedro Sanchez)ទទួលបាន ១២២ អាសនៈ។គណបក្សមួយចំនួន ដែលមានចំណែកសំខាន់បំផុតក្នុងការក្លាយជាបក្សបង្គ្រប់សំឡេង គឺគណបក្សស្តាំនិយម Vox ទទួលបាន ៣៣អាសនៈ និងគណបក្សឆ្វេងនិយមជ្រុល ស៊ូម៉ា (Sumar) ទទួលបាន៣១អាសនៈ។លទ្ធផលសម្រាប់គណបក្ស Vox ដែលបានធ្វើយុទ្ធនាការលើវេទិការឡើងវិញនៃច្បាប់ស្តីពីអំពើហិង្សា យេនឌ័រ សិទ្ធិមនុស្សស្រឡាញ់ភេទដូចគ្នាឬ LGBTQ ការរំលូតកូន និងការប្រើប្រាស់ថ្នាំបំបាត់ការឈឺចាប់  បានបាត់បង់១៩ អាសនៈ បើធៀបទៅនឹង បួនឆ្នាំមុន។ខណៈក្រុមសង្គមនិយមរបស់ Sanchez បានបញ្ចប់ក្នុងចំណាត់ថ្នាក់លេខ ២ ពួកគេ និងគណបក្សសម្ព័ន្ធមិត្តរបស់ពួកគេបានអបអរលទ្ធផលនេះថាជាជ័យជម្នះចាប់តាំងពីការរួមកម្លាំងគ្នារបស់ពួកគេ ទទួលបានអាសនៈច្រើនជាងគណបក្ស PP និង គណបក្សស្តាំនិយមបន្តិច។  ប្លុកដែលទំនងជាអាចគាំទ្រលោក Sanchez ទទួលបានអាសនៈសរុប ១៧២ អាសនៈ ខណៈ ប្លុកស្តាំនិយមតាមពីក្រោយរបស់មេដឹកនាំគណបក្ស PP លោក អាល់ប៊ើតូ នូណេសហ្វេចូ(Alberto Nunez Feijoo) ទំនងទទួលបាន១៧០អាសនៈ៕

ក្រុមបាតុករគាំទ្ររដ្ឋាភិបាល ប្រមូលផ្តុំគ្នាក្នុងទីក្រុងតែលអាវីវ ប្រទេសអ៊ីស្រាអែល

2023/07/24 10:11:13 am        169
Facebook Telegram Linkin
អ៊ីស្រាអែល៖ ក្រុមអ្នកតវ៉ាអ៊ីស្រាអែល បានប្រមូលផ្តុំគ្នាយ៉ាងច្រើន នៅក្នុងទីក្រុងតែលអាវីវ កាលពីថ្ងៃអាទិត្យ ក្នុងការគាំទ្រការផ្លាស់ប្តូរប្រព័ន្ធតុលាការ ដែលស្នើឡើងដោយនាយករដ្ឋមន្ត្រីលោក Benjamin Netanyahu មុនការបោះឆ្នោតសភាដ៏សំខាន់។ និស្សិតអាយុ២៤ឆ្នាំម្នាក់ ឈ្មោះ Aviya Cohen បាននិយាយថា នាងមកចូលរួមដើម្បីផ្ញើសារទៅកាន់រដ្ឋាភិបាលថានាងបានបោះឆ្នោតគាំទ្រ។ ក្រុមអ្នកគាំទ្រនិយាយថា ក្រុមអ្នកប្រឆាំងច្បាប់ មានបំណងបង្អាក់ឆន្ទះនៃសំឡេងភាគច្រើនដែលបានបោះឆ្នោតឲ្យរដ្ឋាភិបាលរបស់លោក Netanyahu ឲ្យឡើងកាន់អំណាចកាលពីឆ្នាំមុន ហើយការប្រឆាំងនេះបានបើកចំហរចំពោះការបែកបាក់ដ៏ជ្រៅនៅក្នុងសង្គមអ៊ីស្រាអែល។ លោក Netanyahu អាយុ៧៣ឆ្នាំ បាននិយាយថា លោកកំពុងធ្វើបានយ៉ាល្អ បន្ទាប់ពីការចូលសម្រាកនៅមន្ទីរពេទ្យកាលពីពេលយប់ និងបានសន្យាមកចូលរួមនៅក្នុងសភានៅថ្ងៃចន្ទនេះ ដើម្បីបោះឆ្នោតសម្រាប់កំណែទម្រង់តុលាការដែលមានភាពចម្រូងចម្រាស់។ ក្រុមអ្នករិះគន់និយាយថា ការធ្វើវិសោធនកម្មកំពុងធ្វើឡើងដោយប្រញាប់ប្រញ៉ាល់តាមរយៈសភា ហើយនឹងបើកទ្វារដើម្បីបំពានអំណាចក្នុងការផ្លាស់ប្តូរនូវផ្នែកនៃការពិនិត្យតុល្យភាពដ៏មានប្រសិទ្ធភាពក្នុងចំណោមការពិនិត្យមួយចំនួនលើការអង្គប្រតិបត្តិ នៅក្នុងប្រទេសដោយគ្មានរដ្ឋធម្មនុញ្ញត្រូវបានសរសេរឡើងជាផ្លូវការ៕

លោកហ្សេឡិនស្គី៖ រុស្ស៊ីបានប្រើមីស៊ីលចំនួន ១៩ប្រភេទផ្សេងគ្នាក្នុងការវាយប្រហារនៅកំពង់ផែOdesa

2023/07/24 10:06:35 am        280
Facebook Telegram Linkin
អ៊ុយក្រែន៖ លោកប្រធានាធិបតី វ៉ូឡូមៀរ ហ្សេឡិនស្គី (Volodymyr Zelenskiy) បាននិយាយថា ការវាយប្រហាររបស់រុស្ស៊ីទៅលើកំពង់ផែ Odesa ភាគខាងត្បូងនៃប្រទេសអ៊ុយក្រែន កាលពីព្រឹកថ្ងៃអាទិត្យ (ទី២៣ កក្កដា) បានប្រើប្រាស់មីស៊ីលចំនួន១៩ប្រភេទ ដើម្បីបង្កការបំផ្លិចបំផ្លាញអតិបរមា។មេដឹកនាំអ៊ុយក្រែនរូបនេះ បានថ្លែងថា អគារជិត៥០ខ្នង ត្រូវបានខូចខាត ក្នុងនោះ ២៥ គឺជាវិមានស្ថាបត្យកម្ម ហើយស្ថានកុងស៊ុលក្រិក ក៏ស្ថិតក្នុងចំណោមសំណង់ដែលរងផលប៉ះពាល់ផងដែរ។វិហារដែលត្រូវបានវាយប្រហារកាលពីថ្ងៃអាទិត្យ គឺជាវិហារគ្រិស្តអូស្សូដក់របស់អ៊ុយក្រែន (UOC) ដែលមានទំនាក់ទំនងមួយទីក្រុងមូស្គូដែលជាព្រះវិហារធំអូថូដុកទីពីររបស់អ៊ុយក្រែន។គ្រិស្តបរិស័ទនិកាយអូថូដុកអ៊ុយក្រែនភាគច្រើនជាកម្មសិទ្ធិរបស់សាខាដាច់ដោយឡែកនៃសាសនានេះ ដែលបានបង្កើតឡើងកាលពី៤ឆ្នាំមុន ដោយការបង្រួបបង្រួមសាខានានាដែលឯករាជ្យពីអាជ្ញាធររុស្ស៊ី។ប្រទេសរុស្ស៊ី បាននិងកំពុងវាយប្រហារលើកំពង់ផែ Odesa និងកន្លែងនាំចេញស្បៀងអាហារអ៊ុយក្រែនផ្សេងៗទៀត ស្ទើរតែរាល់ថ្ងៃក្នុងរយៈពេលមួយសប្តាហ៍កន្លងទៅនេះ៕

ឡានក្រុងបាននិងកំពុងរង់ចាំបម្រើសេវាដឹកជញ្ជួនពលរដ្ឋទៅ-មកបោះឆ្នោត

2023/07/24 10:00:05 am        268
Facebook Telegram Linkin
ព្រះសីហនុ៖ រដ្ឋបាលខេត្តសីហនុ បានទទួលឡានក្រុង ១០គ្រឿង ពីរដ្ឋបាលរាជធានីភ្នំពេញ ដើម្បីជួយសម្រួលដល់ការធ្វើដំណើររបស់បងប្អូនកម្មករ-និយោជិត និងប្រជាពលរដ្ឋទៅ-មក ដោយមិនគិតថ្ងៃ (ទៅ និងត្រឡប់មកពី បោះឆ្នោតជ្រើសតាំងតំណាងរាស្ត្រ នីតិកាលទី៧ ថ្ងៃទី២៣ ខែកក្កដា ឆ្នាំ២០២៣) កាលពីថ្ងៃទី២២ ដល់ថ្ងៃទី២៤ ខែកក្កដា ឆ្នាំ២០២៣ នៅវេទិកា ៧មករា ផ្លូវឯករាជ្យ សង្កាត់លេខ៣ ក្រុងព្រះសីហនុ។ សូមបញ្ជាក់ថា អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់សម្តេចតេជោ ហ៊ុន សែន ដើម្បី​ជួយសម្រួលដល់ការធ្វើដំណើររបស់បងប្អូនកម្មករ-និយោជិត​ និងប្រជាពលរដ្ឋទៅស្រុកកំណើត រដ្ឋបាលរាជធានីភ្នំពេញ បានរៀបចំឡានក្រុងចំនួន៤៣០គ្រឿង ​សម្រាប់​បម្រើ​សេវា​ដឹកជញ្ជូន​សាធារណៈទៅ-មក ​ដោយ​មិនគិតថ្ងៃ (ទៅ និងត្រឡប់មកពីបោះឆ្នោតជ្រើសតាំងតំណាងរាស្ត្រ នីតិកាលទី៧ ថ្ងៃទី២៣ ខែកក្កដា ឆ្នាំ២០២៣)។

លោក Elon Musk និយាយថាលោកនឹងប្ដូរឡូហ្គូបក្សីពណ៌ខៀវរបស់ក្រុមហ៊ុន Twitter ទៅជាអក្ស‘X’វិញ

2023/07/24 09:56:57 am        197
Facebook Telegram Linkin
អាមេរិក៖ លោក Elon Musk  បាននិយាយថាលោកគ្រោងនឹងផ្លាស់ប្ដូរឡូហ្គូ របស់ក្រុមហ៊ុនបណ្ដាញសង្គម Twitter ទៅជាអក្ស “X” ពីនិមិត្តសញ្ញាបក្សីពណ៌ខៀវដ៏ល្បីល្បាញរបស់ខ្លួន ដែលក្លាយជាការផ្លាស់ប្ដូរដ៏ធំចុងក្រោយបំផុត ចាប់តាំងពីលោកបានទិញយកក្រុមហ៊ុនបណ្ដាញសង្គមមួយនេះ ក្នុងតម្លៃ៤៤ពាន់លានដុល្លារអាមេរិក កាលពីឆ្នាំមុន។ កាលពីថ្ងៃអាទិត្យ មហាសេដ្ឋីអាមេរិក ដែលជាម្ចាស់របស់ក្រុមហ៊ុន Twitter បាននិយាយក្នុងការបង្ហោះសារជាបន្តបន្ទាប់នៅលើគណនីរបស់លោកថា លោកកំពុងសម្លឹងមើលការផ្លាស់ប្ដូរទូទាំងពិភពលោកឆាប់បំផុតត្រឹមថ្ងៃនេះ។ លោកបានសរសេរថា មិនយូរទៀតទេ យើងនឹងនិយាយលាទៅកាន់ស្លាកយីហោ twitter គ្រប់បក្សីទាំងអស់។លោក Musk បានបង្ហោះរូបភាពរបស់អក្សរ“X”ដ៏ភ្លឺចែងចាំងមួយ ហើយក្រោយមកនៅក្នុងសារជាសំឡេងនៅលើគណនី Twitter ដែលបានឆ្លើយតបពាក្យថា “Yes” នៅពេលត្រូវបានសួរថាតើឡូហ្គូ Twitter នឹងត្រូវផ្លាស់ប្ដូរមែនទេ ដោយបន្ថែមថា គួរតែ ត្រូវបានធ្វើកាលពីមួយខែមុនមកម្ល៉េះ។ស្ថិតក្រោមការកាន់កាប់ដ៏ច្របូកច្របល់របស់លោក Musk ចាប់តាំងពីរូបលោកបានទិញក្រុមហ៊ុន Twitter កាលពីខែតុលា ឆ្នាំ ២០២២ ក្រុមហ៊ុនបានប្តូរឈ្មោះអាជីវកម្មរបស់ខ្លួនទៅជា X Corp ដោយឆ្លុះបញ្ចាំងពីចក្ខុវិស័យរបស់លោកក្នុងការបង្កើត "កម្មវិធីទំនើប" ដូចជា WeChat របស់ប្រទេសចិន។កាលពីខែតុលាឆ្នាំមុន លោកបាននិយាយថា ការទិញយក Twitter គឺជាការបង្កើនល្បឿនដល់ការបង្កើត X ដែលជាកម្មវិធីគ្រប់យ៉ាង៕

បណ្ដាញសង្គម

ព័ត៌មានថ្មីៗ

សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ឧបត្ថម្ភកុមារា២នាក់ដែលឱពុកជាប់បំពេញកាតព្វកិច្ចជូនជាតិ​
08/03/2025 08:08 PM
Facebook Telegram Linkin
TOP STORY | សម្តេចតេជោប្រកាសមិនចូលរួមប្រជុំព្រឹទ្ធសភាថ្ងៃស្អែកទេដោយជាប់រវល់ប្រចាំការរួមបញ្ជាកងទ័ព២៤ម៉ោងលើ២៤ម៉ោងក្រោយថៃរៀបចំផែនការវាយប្រហារកម្ពុជា
08/03/2025 07:08 PM
Facebook Telegram Linkin
BREAKING NEWS ÷ ក្រសួងការពារជាតិកម្ពុជា៖កងទ័ពថៃគ្រោងនឹងបើកការវាយលុកតាមបណ្តោយព្រំដែនជាមួយកម្ពុជាឆាប់ៗនេះ
08/03/2025 07:08 PM
Facebook Telegram Linkin
លោកជំទាវ ហ៊ុន ម៉ាណា អញ្ជើញនាំយកទេយ្យវត្ថុប្រគេនព្រះសង្ឃនៅវត្តគោកត្របែក ក្នុងខេត្តកំពង់ធំ និងចែកអំណោយជូនប្រជាពលរដ្ឋ៣៤៩គ្រួសារ
08/03/2025 05:08 PM
Facebook Telegram Linkin
អ្នកនាំពាក្យរាជរដ្ឋាភិបាល៖រាជរដ្ឋាភិបាលកំពុងយកចិត្តទុកដាក់យ៉ាងខ្លាំងចំពោះយោធិន ពិសេសយោធិនពលី និងពលរដ្ឋភៀសសឹក
08/03/2025 04:08 PM
Facebook Telegram Linkin
ព្រះសង្ឃ និងប្រជាពលរដ្ឋខេត្តពោធិ៍សាត់ច្រើនពាន់នាក់ចូលរួម ក្បួនដង្ហែទង់ជាតិខ្មែរ រួមគ្នាថែរក្សាការពារជាតិមាតុភូមិ
08/03/2025 04:08 PM
Facebook Telegram Linkin
សហគមន៍ខ្មែរនៅកូរ៉េប្រមាណជិត២ពាន់នាក់ ប្រមូលផ្តុំអំណរគុណ និងគាំទ្រប្រធានាធិបតីអាមេរិកទទួលពានរង្វាន់សន្តិភាព និងអំពាវនាវឱ្យថៃយល់ព្រមទៅតុលារការអន្តរជាតិ
08/03/2025 03:08 PM
Facebook Telegram Linkin
មនុស្សរាប់ម៉ឺននាក់ប្រមូលផ្ដុំគ្នាទូទាំងពិភពលោកតវ៉ាប្រឆាំងការវាយប្រហាររបស់អ៊ីស្រាអែលនៅហ្កាហ្សា
08/03/2025 03:08 PM
Facebook Telegram Linkin
ប្រតិភូខេត្តកណ្ដាល ចុះសួរសុខទុក្ខ និងនាំយកគ្រឿងឧបភោគបរិភោគដែលទទួលបានពីសប្បជនផ្ដល់ជូនវីរកងទ័ពជួរមុខក្នុងខេត្តព្រះវិហារ
08/03/2025 03:08 PM
Facebook Telegram Linkin
[UPDATE] ចំនួនអ្នកស្លាប់ដោយសារទឹកជំនន់ភ្លៀងមូសុងនៅប្រទេសឥណ្ឌា បានកើនឡើងដល់ជិត១៨០នាក់
08/03/2025 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.