នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

ដើមខែធ្នូខាងមុខ រាជធានីភ្នំពេញនឹងរៀបចំកិច្ចប្រជុំអភិបាលក្រុងអាស៊ាន ,កិច្ចប្រជុំអភិបាលរាជធានី និងរដ្ឋធានីអាស៊ានឆ្នាំ២០២២

2022/11/04 12:50:01 pm        250
Facebook Telegram Linkin
ភ្នំពេញ៖ កិច្ចប្រជុំអភិបាលក្រុងអាស៊ាន ដែលហៅថា AMF , កិច្ចប្រជុំអភិបាលរាជធានី និងរដ្ឋធានីអាស៊ាន MGMAC ឆ្នាំ២០២២ គ្រោងនឹងធ្វើឡើងនៅរាជធានីភ្នំពេញ នាដើមខែធ្នូ ឆ្នាំ២០២២ខាងមុខនេះ ។ក្នុងកិច្ចប្រជុំគណៈកម្មការរៀបចំវេទិកាអភិបាលក្រុងអាស៊ាន និងកិច្ចប្រជុំអភិបាលរាជធានី និងរដ្ឋធានីអាស៊ាន ឆ្នាំ២០២២ នៅសាលារាជធានីភ្នំពេញ នាព្រឹកថ្ងៃទី០៤ ខែវិច្ជិកា ឆ្នាំ២០២២នេះ ឯកឧត្តម ឃួង ស្រេង អភិបាលរាជធានីភ្នំពេញ មានប្រសាសន៍ថា ចំពោះមុខនេះ ដើម្បីឱ្យដំណើរនៃកិច្ចប្រជុំខាងលើ និងកិច្ចប្រជុំកំពូលអាស៊ាន ដែលនឹងប្រព្រឹត្តិទៅចាប់ពីថ្ងៃទី១០ ដល់ថ្ងៃទី១៣ ខែ វិច្ឆិកា ឆ្នាំ២០២២ និងកិច្ចប្រជុំកំពូលពាក់មួយចំនួនទៀត ប្រធាន​គណៈបញ្ជាការ​រដ្ឋបាលខណ្ឌទាំង១៤ ត្រូវពង្រឹងសន្តិសុខ សណ្តាប់ធ្នាប់ឱ្យបានល្អបំផុត ពិសេសការដាក់កម្លាំង​ដើម្បីត្រួតពិនិត្យអាវុធជាតិផ្ទុះនៅតាមដងផ្លូវក្នុងមូលដ្ឋានរបស់ខ្លួន ​ជាមួយនឹងការពិនិត្យរដ្ឋបាលនៅតំបន់​ស្មុកស្មាញ​ឱ្យបានខ្លាំងក្លា ព្រោះថា​សម្រាប់កិច្ចប្រជុំកំពូលអាស៊ាន នឹងមានមេដឹកនាំ​ប្រទេសមហា​អំណាចជាច្រើនរូប ​មានទាំងចិន ​អាមេរិក​ រុស្ស៊ី​ ជាដើមនឹងមកចូលរួមនៃកិច្ចប្រជុំនេះ។ឯកឧត្តម ក៏បានបញ្ជាយ៉ាងម៉ឺងម៉ាត់ដល់កម្លាំង និងអាជ្ញាធរទាំងអស់ត្រូវរឹតបន្តឹងសន្តិសុខ​ឱ្យ​បានខ្លាំងក្លាបំផុត ដាច់ខាតមិនឱ្យភាគីណាមួយមកបំផ្លាញកិច្ចប្រជុំកំពូលអាស៊ាននេះបានឡើយ។លោក នួន ផារ័ត្ន អភិបាលរងរាជធានីភ្នំពេញ បានលើកឡើងថា សម្រាប់កិច្ចប្រជុំអភិបាលក្រុង​អាស៊ាន ​ដែលហៅថា AMF និងកិច្ចប្រជុំអភិបាលរាជធានី និងរដ្ឋធានីអាស៊ាន MGMAC ឆ្នាំ២០២២ ជាគម្រោងនឹងធ្វើឡើងនៅថ្ងៃទី០២ និងទី០៣ ខែធ្នូ ឆ្នាំ២០២២នេះនៅរាជធានីភ្នំពេញ ។ លោកថា ក្នុងនាមយើងជាម្ចាស់ផ្ទះនៃកិច្ចប្រជុំនេះ ​យើងត្រូវរៀបចំវេទិកានេះឱ្យបានម៉ត់ចត់។លោក បានបញ្ជាក់ថា គិតមកដល់ពេលនេះ មានទីក្រុងចំនួន៧៣ហើយ ដែលកម្ពុជាបានអញ្ជើញ​ឱ្យ​មកចូលរួម ហើយក៏បាននិងកំពុងអញ្ជើញអភិបាលក្រុងធំៗ​ ជាបន្តបន្ទាប់ទៀតផងដែរ។ ភាពចំណេញពីកិច្ចប្រជុំអភិបាលក្រុងអាស៊ាន AMF ​និងកិច្ចប្រជុំអភិបាលរាជធានី និងរដ្ឋធានី​អាស៊ាន MGMAC គឺបានផលពីការចែករំលែកបទពិសោធន៍រវាងទីក្រុង​ និងទីក្រុង ពិសេស​ធ្វើឱ្យទីក្រុងមានភាពធន់ ទីក្រុងស្អាត​ និងជាក្រុងមានភាពឆ្លាតវៃជាដើម។គួរបញ្ជាក់ថា គណៈកម្មការរៀបចំវេទិកាអភិបាលក្រុងអាស៊ាន ​និងកិច្ចប្រជុំអភិបាលរាជធានី និង​រដ្ឋធានីអាស៊ាន ឆ្នាំ២០២២ ត្រូវបានបង្កើតឡើង ​ដោយមានសមាជិកចំនួន៧១រូប ដែលមាន ឯកឧត្តម ឃួង ស្រេង អភិបាលរាជធានីភ្នំពេញជាប្រធាន និងលោក នួន ផារ័ត្ន អភិបាលរងរាជធានី ជា​អនុប្រធានប្រចាំការ៕ អត្ថបទ ៖ ប្រាក់ វ៉ាន់ដា 

កម្ពុជាសម្រេចបញ្ជូនអ្នកជំនាញ ទៅជួយហ្វឹកហ្វឺនកម្លាំងបោសសម្អាតមីនរបស់អ៊ុយក្រែន

2022/11/03 01:38:47 pm        251
Facebook Telegram Linkin
ភ្នំពេញ៖ មជ្ឈមណ្ឌលសកម្មភាពកំចាត់មីនកម្ពុជា (CMAC) នឹងបញ្ជូនមន្ត្រីជំនាញបច្ចេកទេស ទៅបំពេញបេសកកម្មជួយហ្វឹកហ្វឺនមន្ត្រីជំនាញសកម្មភាពមីន នៅប្រទេសអ៊ុយក្រែន ក្រោមការគាំទ្រគម្រោងជំនួយរបស់ប្រទេសជប៉ុន ។យោងតាមលិខិតទីស្ដីការគណៈរដ្ឋមន្ត្រី ផ្ញើជូនអង្គភាពស៊ីម៉ាក់ កាលពីថ្ងៃទី២៦ ខែតុលា ឆ្នាំ២០២២ ដែល BTV ទទួលបាននៅថ្ងៃទី៣ ខែវិច្ឆិកា ឆ្នាំ២០២២នេះ បានឲ្យដឹងថា រាជរដ្ឋាភិបាលយល់ព្រមបញ្ជូនមន្ត្រីជំនាញបច្ចេកទេសស៊ីម៉ាក់ ចំនួន៣រូប ​ទៅជួយហ្វឹកហ្វឺន ហើយ​កម្លាំងស៊ីម៉ាក់ ត្រូវសហការឲ្យបានល្អជាមួយមិត្តជប៉ុន ​ដើម្បីជួយដល់អ៊ុយក្រែន បំផ្លាញចោលគ្រាប់មីន ។អគ្គនាយកមជ្ឈមណ្ឌលសកម្មភាពកំចាត់មីនកម្ពុជា ឯកឧត្ដម ហេង រតនា បានឱ្យដឹងថា ក្រោយ​ពីបាន​ទទួលគោលការណ៍ដ៏ខ្ពង់ខ្ពស់បំផុត ​ពីសម្តេចអគ្គមហាសេនាបតីតេជោ ប្រមុខរាជរដ្ឋាភិបាល​រួចមក អង្គភាពស៊ីម៉ាក់បានសហការយ៉ាង​ជិតសិ្នទ្ធ​ជាមួយមិត្តជប៉ុន ក្នុងការបញ្ជូនក្រុមគ្រូជំនាញ​បច្ចេកទេសបោសសំអាតគ្រាប់មីន ​ដើម្បីជួយផ្តល់ការហ្វឹកហ្វឺនជូនអ្នកដោះមីនអ៊ុយក្រែន ។សូមបញ្ជាក់ថា ​ក្រោយមានគោលការណ៍នេះអង្គភាពស៊ីម៉ាក់ ​និងភាគីជប៉ុន បានពិភាក្សាគ្នាយ៉ាង​មមាញឹក​បំផុត ។ ជាផែនការក្រុមដំបូងអាចចេញដំណើរនៅដើមខែធ្នូ ឆ្នាំ២០២២ និងក្រុមទី២ អាច​បំពេញបេសកកម្មនេះ នៅក្នុងត្រីមាសទី១ ឆ្នាំ២០២៣ ។ក្នុងសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ​ស្តីពីលទ្ធផល​ជំនួប​របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ​និងឯកឧត្តម វ៉ូឡូឌីមៀ ហ្ស៊ែឡិនស្គី កាលពីថ្ងៃទី១ ខែវិច្ឆិកា បានឲ្យដឹងថា ដោយមានកិច្ច​សហប្រតិបត្តិការ​ពីប្រទេសជប៉ុន កម្ពុជាបានត្រៀមខ្លួនជាស្រេច ​ក្នុងការបញ្ជូនអ្នកដោះមីនរបស់កម្ពុជា ទៅជួយ​បណ្ដុះបណ្ដាលដល់អ្នកដោះមីន របស់អ៊ុយក្រែន តាមពេលវេលាសមស្រប ៕ អត្ថបទ បាន សុខរិទ្ធិ

គណៈកម្មាធិការអចិន្រ្តៃយ៍នៃរដ្ឋសភាប្រជុំពិនិត្យលើសំណើសេចក្តីព្រាងច្បាប់ស្តីពីហិរញ្ញវត្ថុឆ្នាំ២០២៣

2022/11/03 12:48:07 pm        226
Facebook Telegram Linkin
ភ្នំពេញ៖ គណៈកម្មាធិការអចិន្រ្តៃយ៍នៃរដ្ឋសភា បានបើកកិច្ចប្រជុំពិនិត្យលើសំណើនៃសេចក្តីព្រាង​ច្បាប់​ហិរញ្ញវត្ថុឆ្នាំ២០២៣ និងសេចក្តីព្រាងច្បាប់ទូទាត់ថវិកាឆ្នាំ២០២១ ព្រមទាំងពិធីសារទាក់ទង​វិស័យអាកាសចរស៊ីវិល។នៅថ្ងៃទី៣ ខែ វិច្ឆិកា ឆ្នាំ២០២២ សម្តេចអគ្គមហាពញាចក្រី ហេង សំរិន ប្រធានរដ្ឋសភា​បានដឹកនាំ​កិច្ច​ប្រជុំគណៈកម្មាធិការអចិន្រ្តៃយ៍ ដើម្បីពិភាក្សា និងពិនិត្យលើសំណើរបស់រាជរដ្ឋាភិបាលជុំវិញ​ថវិកា​ជាតិឆ្នាំ២០២៣។ កិច្ចប្រជុំនេះ បានសម្រេចបញ្ជូនសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ ជូន​គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា ​និងសេចក្តីព្រាងច្បាប់ ស្ដីពី​ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២១ ​ជូនគណៈកម្មការសេដ្ឋកិច្ច ហិរញ្ញវត្ថុ ធនាគារ​ និងសវនកម្ម នៃរដ្ឋសភា ​ដើម្បីពិនិត្យ និងសិក្សា។ទន្ទឹមគ្នានេះ កិច្ចប្រជុំក៏បានសម្រេច​លើពិធីសារទាក់ទងនឹងការធ្វើវិសោធនកម្ម​អនុសញ្ញា​ស្ដីពី​អាកាសចរណ៍​ស៊ីវិលអន្តរជាតិដោយបន្ថែមមាត្រា៣ស្ទួន ៤.២- ពិធីសារទាក់ទងនឹងការធ្វើ​វិសោធន​កម្ម​មាត្រា៥០(ក) ​នៃអនុសញ្ញាស្តីពីអាកាសចរណ៍ស៊ីវិលអន្តរជាតិ ។ បន្ថែមពីលើនេះ អង្គប្រជុំ​ ក៏បានសម្រេចលើពិធីសារទាក់ទងនឹងការធ្វើវិសោធនកម្មមាត្រា៥៦ នៃ​អនុសញ្ញាស្តីពីអាកាសចរណ៍ស៊ីវិល អន្តរជាតិ ​ដោយប្រគល់ជូន​គណៈកម្មការសាធារណការ ដឹក​ជញ្ជូន ទូរគមនាគមន៍ ប្រៃសណីយ៍ ​ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា ​ដោយសហការជាមួយគណៈកម្មការ ​កិច្ចការបរទេស សហប្រតិបត្តិការអន្តរជាតិ ​ឃោសនាការ ​និងព័ត៌មាន ​នៃរដ្ឋសភា ពិនិត្យសិក្សាបន្ថែម៕អត្ថបទ សេក ឧត្តម 

សម្តេចតេជោ៖ អេកម៉ិច និង CLMV គួរបង្កើនកិច្ចសហប្រតិបត្តិការអភិវឌ្ឍសហគមន៍និង អេកូទេសចរណ៍

2022/11/03 10:38:48 am        239
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានផ្តល់​អនុសាសន៍​ឱ្យ​ប្រទេស​សមាជិក​អេកម៉ិច និងCLMV គួរបង្កើនកិច្ចសហប្រតិបត្តិការលើការអភិវឌ្ឍ ទេសចរណ៍ជនបទ សហគមន៍ និង​អេកូទេសចរណ៍ឲ្យក្លាយជា ឆ្អឹងខ្នងនៃការអភិវឌ្ឍ វិស័យទេសចរណ៍ប្រកបដោយភាពធន់ និង​ចីរភាព​។តាមរយៈសារលិខិតស្វាគមន៍របស់សម្តេចសម្រាប់ បើកកិច្ចប្រជុំរដ្ឋមន្ត្រីទេសចរណ៍អេកម៉ិច (ACMECS) លើកទី៥ និងកិច្ចប្រជុំរដ្ឋមន្ត្រីទេសចរណ៍ CLMV លើកទី៦​ដែល​ប្រារព្ធ​នៅ​ខេត្ត​សៀមរាប​ នាព្រឹកថ្ងៃទី៣វិច្ឆិកានេះ ជាមួយនឹងបង្ហាញមោទនភាព ដែលកម្ពុជា​បាន​ទទួល​ធ្វើ​ជាម្ចាស់​ផ្ទះ​រៀបចំ​កិច្ចប្រជុំអន្តរជាតិធំៗ ជាច្រើន បន្ទាប់ពីការប្រកាសបើកប្រទេសឡើងវិញ ចាប់​ពី​ចុង​ឆ្នាំ២០២១ មកសម្តេច​ក៏បានយកឱកាសចែករំលែកនូវការគិតគូរមួយចំនួន ដល់កិច្ចប្រជុំ​រដ្ឋ​មន្ត្រី​ទេសចរណ៍អេកម៉ិក និង CLMV ថា៖គួរបង្កើន​កិច្ច​សហប្រតិបត្តិការ​លើ​ការ​អភិវឌ្ឍ​ផលិតផល​ថ្មីៗ ការបំពេញឲ្យគ្នា ទៅវិញទៅមក និងផ្ដល់នូវភាពសំបូរបែបដល់ទេសចរ ស្រប​តាម​ការ​ប្រែប្រួល​និន្នាកាទេសចរណ៍ ក្រោយវិបត្តិកូវីដ-១៩។សម្ដេចតេជោនាយករដ្ឋមន្ត្រីបានមានប្រសាសន៍ថា ក្នុងបរិបទឌីជីថលូបនីយកម្ម ប្រទេសអេកម៉ិក និង CLMV គួរជំរុញការផ្លាស់ប្ដូរបទពិសោធន៍ លើ ដំណើរការបរិវត្ត​កម្ម​ឌីជីថល​ក្នុង​វិស័យ​ទេសចរណ៍ ក្នុងនោះគួរដកពិសោធន៍គ្នាទៅវិញ ទៅមក លើ​ការ​អនុវត្ត​កម្មវិធី​អក្ខរកម្ម​ឌីជីថល​ក្នុង​វិស័យ​ទេសចរណ៍ ការអភិវឌ្ឍជំនាញឌីជីថល ក៏ដូចជា ការប្រើប្រាស់បច្ចេកវិទ្យាឌីជីថល ក្នុង​ការ​បង្កើន​ផលិតភាព និងឧត្តមភាពប្រកួតប្រជែង។អេកម៉ិក និងCLMV គួរគិតគូរជំរុញលំហូរទេសចរផ្ទៃក្នុងតំបន់អាម៉ិក (ACMECS-Intra Traveler)​ និង លំហូរទេសចរផ្ទៃក្នុងតំបន់ CLMV (CLMV-Intra Traveler) ដោយត្រូវគិតគូរ ផងដែរ លើការបង្កើនការតភ្ជាប់ផ្លូវគោក ផ្លូវអាកាស និងផ្លូវទឹក បន្ថែមទៀត ព្រមទាំងជំរុញ ទេសចរណ៍​បើកបរដោយខ្លួនឯង (Self-Driving Tour)។ សម្រាប់ការទាក់ទាញទេសចរពី ប្រទេសទី៣ សម្តេចបានគាំទ្រឲ្យបន្តផ្សព្វផ្សាយក្រោមយុទ្ធនាការ "ប្រទេសប្រាំ គោលដៅ​ទេសចរណ៍ តែមួយ” និង "ប្រទេសបួន គោលដៅទេសចរណ៍តែមួយ”។ដើម្បី​សម្រប​សម្រួលការអនុវត្តផែនការសកម្មភាពទេសចរណ៍អេកម៉ិក និង CLMV ដែលបាន ដាក់ចុះ សម្តេចក៏បានគាំទ្រនូវការគិតគូរបង្កើតឲ្យមានយន្តការស្ថាប័នទេសចរណ៍អេកម៉ិក និង CLMV ដែលអាចជាលេខាធិការដ្ឋាន ឬរចនាសម្ព័ន្ធណាមួយ ហើយ​កម្ពុជា​មាន​សេចក្តី​រីករាយ​ក្នុង​ការទទួលធ្វើជាម្ចាស់ផ្ទះ៕

ពលរដ្ឋខ្មែរនៅអាម៉េរិក ស្ញប់ស្ញែងចំពោះការអភិវឌ្ឍរីកចម្រើនរបស់កម្ពុជា

2022/11/02 01:14:46 pm        155
Facebook Telegram Linkin
ភ្នំពេញ៖ លោក ម៉ក់ ហឺន ប្រជាពលរដ្ឋខ្មែរ-អាម៉េរិក និងជាអ្នកវិភាគបញ្ហានយោបាយ និងសង្គម រស់នៅសហរដ្ឋអាម៉េរិក ​បានសម្តែងការស្ងប់ស្ងែងជាខ្លាំង​ក្រោយពីឃើញការអភិវឌ្ឍជឿនលឿន​របស់កម្ពុជា។ ចំពោះភាពស្ងប់ស្ងែងរបស់លោក ម៉ក់ ហឺន ធ្វើឡើងក្នុងពេល​អញ្ជើញប្រគល់​អំណោយ​អាវពោង​ជាង១ពាន់​អាវជូនមកគណៈកម្មាធិការជាតិគ្រប់គ្រងគ្រោះមហន្តរាយ ​នៅថ្ងៃទី២ ខែ វិច្ឆិកា ឆ្នាំ២០២២នេះ ​ក្រោមអធិបតីភាពឯកឧត្តមទេសរដ្ឋមន្ត្រី គន់ គីម អនុប្រធានទី១​នៃ​គណៈកម្មាធិការជាតិ​គ្រប់គ្រងគ្រោះមហន្តរាយ ​តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្រ្តី។លោក ម៉ក់ ហឺន បានប្រាប់BTVថា បន្ទាប់ពីលោកបានមកដល់កម្ពុជា ​ឃើញថា សន្តិភាព និង​ការអភិវឌ្ឍ​អគារ​ស្កឹមស្កៃ​លើស​ពី​ការ​រំពឹង និង​ផ្ទុយ​ពី​ការ​បំភ្លៃរបស់​អ្នក​នយោបាយ​មួយ​ចំនួនតូច​នៅក្រៅប្រទេស។លោក ម៉ក់ ហឺន បានលើកឡើងទៀតថា ​ការធ្វើដំណើរមកកម្ពុជានាពេលនេះ និងក្នុង​នាមប្រជាពលរដ្ឋខ្មែរម្នាក់នៅក្រៅប្រទេស ​គឺប្រជាពលរដ្ឋគ្រប់រូបត្រូវយកចិត្តទុកដាក់ ដើម្បី​មើល​ឃើញពីប្រទេសរបស់ខ្លួន ​ជាជាងជឿទៅលើការបំបោងរបស់អ្នកនយោបាយមួយក្តាប់តូច។លោក ម៉ក់ ហឿន ​បន្តថា ​លោកនិងក្រុមគ្រួសារនឹងចូលរួម​ចុះឈ្មោះបោះឆ្នោតក្នុងការ​បោះឆ្នោត​ជ្រើសតាំងតំណាងរាស្រ្ត ​នីតិកាលទី៧​ ឆ្នាំ២០២៣ខាងមុខ ដើម្បីជ្រើសរើសមេដឹកនាំ​សម្រាប់​កូនចៅ​ជំនាន់ក្រោយ។គួរបញ្ជាក់ថា លោក ម៉ក់ ហឺន ជាប្រជាពលរដ្ឋខ្មែរ-អាម៉េរិកកាំង ​និងជាអ្នកវិភាគបញ្ហានយោបាយ និង​សង្គមខ្មែរ ​នៅសហរដ្ឋអាម៉េរិក​ ដែលតែងសម្តែងការរិះគន់ទៅលើរាជរដ្ឋាភិបាល​ ដើម្បីស្ថាបនា៕ អត្ថបទ៖ សេក ឧត្តម

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំង​អស់​ទាញយក​ប្រយោជន៍​ពី​អាសិប​ជាអតិបរមា

2022/11/02 10:55:57 am        624
Facebook Telegram Linkin
ភ្នំពេញ៖ នៅសណ្ឋាគារសូហ្វីតែលភ្នំពេញនាព្រឹកថ្ងៃទី២វិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រី​កម្ពុជា បានផ្តល់កិត្តិយសដ៏ឧត្តុង្គឧត្តម បើកវេទិកាពិគ្រោះ យោបល់​កម្រិត​ខ្ពស់​ក្នុង​ឱកាស​ខួប​អនុស្សាវរីយ៍១០ឆ្នាំ ស្តីពីកិច្ច ព្រមព្រៀងភាព​ជាដៃគូ​សេដ្ឋកិច្ច​គ្រប់​ជ្រុង​ជ្រោយ​តំបន់​(អាសិប) និង​ការ​ប្រកាស​ជា​ផ្លូវ​ការ​នៃ​សៀវភៅ​ស្ដីពី​ក្រប​ខណ្ឌ​ សម្រាប់​ការ​ធ្វើ​សមាហរណកម្ម​តំបន់​របស់​វិទ្យាស្ថានស្រាវជ្រាវសេដ្ឋកិច្ចអាស៊ាននិងអាស៊ីបូព៌ា(ERIA) ផងដែរ។ សម្ដេចបាន​រម្លឹក​ថា អាសិប ត្រូវបានប្រកាសឲ្យចាប់ផ្ដើមចរចា កាលពីឆ្នាំ២០១២នៅរាជធានី​ភ្នំពេញ​ ក្នុងឱកាស​ នៃកិច្ចប្រជុំកំពូលអាស៊ានលើកទី២១ ដែលកម្ពុជាជាប្រធានអាស៊ាន។ដើម្បីបង្កើនប្រសិទ្ធភាពនៃការទាញយកអត្ថប្រយោជន៍ពីកិច្ចព្រមព្រៀងអាសិបសម្ដេចតេជោ ហ៊ុន សែន បានចែករំលែកនូវទស្សនៈផ្ទាល់ខ្លួនមួយចំនួន ដូចខាក្រោម៖ ទី១-កាគីសមាជិក និង ភាគីហត្ថលេខីនៃកិច្ចព្រមព្រៀងអាសិបទាំងអស់ ជាពិសេសភាគី សមាជិកដែលជាប្រទេសអភិវឌ្ឍន៍តិចតួច គួរបង្កើនកិច្ចសហការនិងគាំទ្រគ្នាទៅវិញទៅមក ក្នុង ការអនុវត្តកិច្ចព្រមព្រៀងអាសិបនេះឱ្យបានពេញលេញ ដើម្បីទាញយកអត្ថប្រយោជន៍ ឱ្យបានជា អតិបរមា ដើម្បីសម្រេចបាននូវគោលបំណងនេះ លេខាធិការដ្ឋានអាសិបគួរតែត្រូវបង្កើតឡើងឱ្យ កាន់តែឆាប់តាមតែអាចធ្វើទៅបាន ដោយត្រូវពិចារណាលើគ្រប់ទិដ្ឋភាព និងលក្ខខណ្ឌចាំបាច់នានា សំដៅធានាបានអព្យាក្រឹត្យភាព ឯករាជ្យភាព កាលានុវត្តភាពសម្រាប់ការអភិវឌ្ឍ និងការចូលរួមក្នុង ការធ្វើសមាហរណកម្មតំបន់។ ក្នុងទិសដៅនេះ ខ្ញុំសូមបញ្ជាក់ជាថ្មីផងដែរថា កម្ពុជានៅតែមានចំណាប់អារម្មណ៍ក្នុងការទទួលតាំងលេខាធិការដ្ឋានអាសិបនៅទីក្រុងភ្នំពេញ និងត្រៀមខ្លួនជាស្រេច ក្នុងការផ្តល់ការគាំទ្រនិងសម្បទានចាំបាច់នានា។ទី២-ខ្ញុំសូមលើកទឹកចិត្តយ៉ាងទទូចឱ្យភាគីសមាជិកនិងភាគីហត្ថលេខីទាំងអស់នៃ អាសិប ចាប់ផ្តើមពិភាក្សាលើនីតិវិធីសម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀតឱ្យបានឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំចូលជាសមាជិកជាបន្តនៅក្នុងអំឡុងឆ្នាំក្រោយនេះ ។ទី៣-កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិកនិងភាគី ហត្ថលេខីនៃអាសិបសំដៅគាំទ្រនិងលើកកម្ពស់ប្រសិទ្ធភាពនៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍តិចតួចរួមទាំងកម្ពុជា និងសូមអំពាវនាវដល់សមាជិកទាំងអស់នៃអាសិបពនឿនការពិភាក្សាលើយន្តការនៃការប្រើប្រាស់កិច្ចសហប្រតិបត្តិការសេដ្ឋកិច្ចនិងបច្ចេកទេសនេះឱ្យបានឆាប់ចែករំលែកឧត្តមានុវត្តន៍ក្នុងការអនុវត្តកិច្ចព្រមព្រៀងពាណិជ្ជកម្មសេរីនានា ដើម្បីប្រែក្លាយកិច្ចព្រមព្រៀងអាសិបនេះឱ្យទៅជាយន្តការរួមមួយដែលគាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។ទី៤-វិស័យឯកជនជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និងបង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាពសកម្មភាពលើក​កម្ពស់ការ​យល់ដឹង និងវេទិកាពិគ្រោះយោបល់ជាមួយវិស័យឯកជន ដែលនឹងអាចក្លាយជាក្របខណ្ឌ ដើម្បីពិភាក្សាផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា។ សម្ដេចបានលើកទឹកចិត្តយ៉ាងទទូច ឱ្យភាគីសមាជិក និងភាគីហត្ថលេខីទាំងអស់ នៃអាសិប ចាប់ផ្តើមពិភាក្សាលើនីតិវិធី សម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀត ឱ្យ​បាន​ឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំ ចូលជាសមាជិកជាបន្តនៅក្នុងអំឡុងឆ្នាំក្រោយនេះ ។សម្ដេចបានបញ្ជាក់ថា កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិក និង ភាគី ហត្ថលេខី នៃអាសិប សំដៅគាំទ្រ និងលើកកម្ពស់ប្រសិទ្ធភាព នៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍​តិចតួច​រួមទាំងកម្ពុជា និងសូមអំពាវនាវដល់ សមាជិកទាំងអស់នៃអាសិប ពន្លឿនការពិភាក្សាលើយន្តការ នៃការប្រើប្រាស់​កិច្ចសហប្រតិបត្តិការ សេដ្ឋកិច្ចនិងបច្ចេកទេសនេះ ឱ្យបានឆាប់ ចែករំលែក​ឧត្តមានុវត្តន៍ ក្នុងការអនុវត្តកិច្ចព្រមព្រៀង ពាណិជ្ជកម្មសេរីនានា ដើម្បីប្រែក្លាយ​កិច្ចព្រមព្រៀង​អាសិបនេះឱ្យទៅជាយន្តការរួមមួយ ដែល គាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។សម្ដេចបន្តថា វិស័យឯកជន ជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និង បង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់ ។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាព សកម្មភាពលើក​កម្ពស់ការយល់ដឹង និងវេទិកាពិគ្រោះយោបល់ ជាមួយវិស័យឯកជន ដែលនឹង​អាចក្លាយ​ជាក្របខណ្ឌ ដើម្បីពិភាក្សា ផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា ។គួរបញ្ជាក់ថា កិច្ចព្រមព្រៀងអាសិប បានចូលជាធរមាននៅដើមឆ្នាំ២០២២នេះ បន្ទាប់ពីឆ្លងកាត់ដំណាក់កាលដ៏ស្មុគស្មាញ ក្នុងការចរចាជាច្រើន ចាប់តាំងពីបានចាប់ផ្តើមចរចាក្នុងឆ្នាំ២០១២ នៅរាជធានីភ្នំពេញ នៃព្រះរាជាណាចក្រកម្ពុជា ក្រោមការដឹកនាំរបស់កម្ពុជាដែលជាប្រធានអាស៊ាន ។អាសិបគឺជាកិច្ចព្រមព្រៀងពាណិជ្ជកម្មសេរីដ៏ធំបំផុតលើពិភពលោកដែលគ្របដណ្តប់ជិត៣០% នៃផលិតផលសរុបក្នុងស្រុកពិភពលោក នឹងចំនួនប្រជាជន ព្រមទាំងទំហំពាណិជ្ជកម្មរបស់ពិភពលោក។វេទិកាជាន់ខ្ពស់នាពេលនេះ ក៏រួមបញ្ចូលផងដែរនូវការដាក់ឱ្យប្រើប្រាស់សៀវភៅទី២ របស់ ERIA ស្ដីពីកិច្ចព្រម ព្រៀងអាសិប ក្រោមមូលបទ “ ថាមវន្តនៃអាស៊ីបូព៌ា និងកិច្ចព្រមព្រៀងភាពជាគូសេដ្ឋកិច្ចគ្រប់ជ្រុងជ្រោយអាសិប៖ ក្របខ័ណ្ឌសម្រាប់សមាហរណកម្មក្នុងតំបន់ ដែលសៀវភៅទី១ ត្រូវបានដាក់ឱ្យប្រើប្រាស់កាលពីដើមឆ្នាំ២០២២នេះ នៅទីក្រុងភ្នំពេញ។ ERIAក៏ទើបតែបញ្ចប់កំណែលើកទី៣ ស្ដីពីផែនការអភិវឌ្ឍអាស៊ីគ្រប់ជ្រុងជ្រោយ Comprehensive Asia Development Plan, CADP 3.0 ដែលត្រូវបានលើកយកមកពិភាក្សាផងដែរអំពីតួនាទីនៃកិច្ចព្រមព្រៀងអាសិប ដែលដើរតួយ៉ាងសំខាន់ក្នុងសមាហរណកម្មសេដ្ឋកិច្ចតំបន់អាស៊ីបូព៌ា។នៅក្នុងវេទិកានេះ រដ្ឋមន្ត្រីពាណិជ្ជកម្មកម្ពុជាក៏មានសុទិដ្ឋិនិយមចំពោះសក្ដានុពលនៃផែនការអភិវឌ្ឍអាស៊ីគ្រប់ជ្រុងជ្រោយ CADP 3.0 ដែលរួមចំណែកដល់ការសម្រេចបាននូវសេដ្ឋកិច្ចរួមបញ្ចូលគ្នាប្រកប ដោយភាពច្នៃប្រឌិត មានលក្ខណៈរួមគ្នា និងនិរន្តរភាពសេដ្ឋកិច្ចក្នុងតំបន់ ហើយការសិក្សា ដែលធ្វើឡើងដោយ ERIA នឹងផ្តល់ អត្ថប្រយោជន៍ដល់ភាគីពាក់ព័ន្ធទាំងអស់ដើម្បីអាចទទួលបានអត្ថប្រយោជន៍ជាអតិបរមាពីកិច្ចព្រមព្រៀងអាសិប៕ អត្ថបទ៖ មុត សុទ្ធ    

សម្តេចតេជោ សោកស្តាយសោកនាដកម្មនៅអ៊ុយគ្រែន និងត្រៀមខ្លួនជា​ស្រេចក្នុង​ការបញ្ជូន​អ្នកដោះមីន​ទៅប្រទេសនេះ

2022/11/02 09:24:54 am        634
Facebook Telegram Linkin
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្តែងនូវ​ការសោក​ស្តាយ​ចំពោះ​សោកនាដកម្ម ដែលបានកំពុងកើតឡើងនៅប្រទេសអ៊ុយគ្រែន ខណៈសម្តេចក៏​បាន​ត្រៀម​ខ្លួន​រួច​ជាស្រេចផងដែរ ដើម្បីបញ្ជូនអ្នកដោះមីន​កម្ពុជា​ទៅ​បណ្តុះបណ្តាល​អ្នកដោះមីន​នៅ​ប្រទេស​អ៊ុយគ្រែន​ ក្នុងពេលវេលាសមស្របណាមួយ។ នេះបើយោងតាមសេចក្តីប្រកាសព័ត៌មានក្រសួងការបរទេស និងសហប្រតិបត្តិការ​អន្តរជាតិ​ក្រោយជំ​​នួបតាមទូរស័ព្ទរវាងសម្តេចតេជោ ហ៊ុន សែន នាយករដ្ឋមន្រ្តីកម្ពុជា និងលោក វ៉ូទ្យូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយគ្រែន កាលពីម្សិលមិញ។តាមសេចក្តីប្រកាសព័ត៌មានរបស់ក្រសួងការបរទេសបានបង្ហាញថា លោកហ្ស៊ែលឡិនស្គី បាន​សម្តែង​ការ​ពេញចិត្ត និងថ្លែងអំណរគុណយ៉ាងជ្រាលជ្រៅបំផុតចំពោះកម្ពុជា ដែលបានគាំទ្រ និងបាន​ចូលជាសហស្ថាបនិកសេចក្តីសម្រេចចិត្តរបស់មហាសន្តិបាតអង្គការសហប្រជាជាតិ និង​ជំហរ​ជាក់​លាក់របស់កម្ពុជាពាក់ព័ន្ធនឹងសង្រ្គាមអ៊ុយគ្រែន។ នៅក្នុងកិច្ចជំនួបតាមទូរស័ព្ទដ៏កម្រ និងជាលើកដំបូងបំផុតរវាងថ្នាក់ដឹកនាំកំពូលនៃប្រទេសទាំង ពីរនេះ សម្តេចតេជោ ហ៊ុន សែន នាយករដ្ឋមន្រ្តី​ក៏​បាន​សម្តែង​នូវ​ការ​សោក​ស្តាយ​ចំពោះ​សោកនាដកម្ម ដែលបាននិងកំពុងកើតឡើងនៅអ៊ុយគ្រែន។ សម្តេចក៏​បាន​«សម្តែង​ក្តី​បារម្ភ​ចំពោះ​ការ​វាយ​ប្រហារថ្មីៗទៅ លើទីក្រុងគៀវ និងទីក្រុងផ្សេងៗក្នុងប្រទេសអ៊ុយគ្រែន ដែលបណ្តាល​ឲ្យ​មាន​ការ​បាត់បង់ជីវិតប្រជាជន ការរងរបួសជាច្រើន និងខូចខាតដល់ហេដ្ឋារចនាសម្ព័ន្ធស៊ីវិល ដាច់​ចរន្ត​អគ្គិសនី និងទឹកស្អាតយ៉ាងធ្ងន់ធ្ងរ ហើយបណ្តាលឲ្យមានវិបត្តិថាមពល និងស្បៀង​អាហារ​ធ្ងន់ធ្ងរ ព្រមទាំងអតិផរណាកើនឡើងនៅទូទាំងសកលលោក»។ នៅកិច្ចសន្ទនានេះដែរ សម្តេចតេជោនាយករដ្ឋមន្រ្តី ក៏បានចែករំលែកបទពិសោធន៍ ដែល​កម្ពុជា​បាន​ឆ្លងកាត់សង្រ្គាមនាពេលកន្លងមក ប្រាប់ទៅកាន់លោកប្រធានាធិតបតី ហ្ស៊ែលឡិនស្គីផងដែរ ដោយ សម្តេចបាន​បង្ហាញ​ថា​«គ្មាន​សង្រ្គាម​ណាមួយ​អាច​បញ្ចប់​បាន​ដោយ​ប្រើប្រាស់​សង្រ្គាម​នោះ​ទេ»​។ សម្តេចតេជោបានប្រាប់ដល់លោកហ្ស៊ែលឡិនស្គីទៀតថា«កម្ពុជាផ្តល់សារៈសំខាន់ដល់ការចរចា និងដោះ​ស្រាយ ដោយសន្តិវិធី» ហើយសង្ឃឹម​ថា​ភាគី​ពាក់ព័ន្ធ​ទាំង​អស់​នឹង​ដោះ​ស្រាយ​គ្នា​ដោយ​សន្តិ​វិធី​ផងដែរ។  នៅក្នុងកិច្ចជំនួបនោះដែរ សម្តេចតេជោ ហ៊ុន សែន ក៏បានបញ្ជាក់​ជំហរ​របស់​កម្ពុជា​ចំពោះ​សង្រ្គាម នៅអ៊ុយគ្រែនថា កម្ពុជាប្រកាន់ខ្ជាប់នូវការគោរពគោលការណ៍ ដែលមាន​ចែង​ក្នុង​រដ្ឋ​ធម្មនុញ្ញ​អង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពាន ការគំរាម ឬ​ការ​ប្រើ​ប្រា​​ស់​ទន្រ្ទានយកទឹកដីពីប្រ ទេសដទៃនោះឡើយ។ យ៉ាង​ណាក៏ដោយសម្តេចតេជោ ហ៊ុន សែន បានប្រាប់ដល់លោកហ្ស៊ែលឡិនស្គីផងដែរថា ដោយ មានការសហការជាមួយរដ្ឋាភិបាលជប៉ុន កម្ពុជាត្រៀម​ខ្លួន​រួច​ជា​ស្រេច​ក្នុង​ការ​បញ្ជូន​អ្នក​ដោះមីន​របស់កម្ពុ ជា​ទៅ​ជួយ​បណ្តុះ​បណ្តាល​ដល់​អ្នក​ដោះមីន​របស់​អ៊ុយគ្រែន​តាម​ពេល​វេលា​សម​ស្រប​ណាមួ​យផងដែរ។ បើតាមសេចក្តីប្រកាសព័ត៌មានរបស់ក្រសួងការបរទេសដដែលបានឲ្យដឹងផងដែរថា នៅ​ក្នុង​កិច្ច​ជំនួប​នេះ លោកហ្ស៊ែលឡិនស្គី បាន​ស្វាគមន៍​ចំពោះ​បំណង​របស់​កម្ពុជា​ក្នុង​ការ​ជួយ​បណ្តុះ​បណ្តាល​លើវិ​ស័យដោះមីននៅអ៊ុយគ្រែន និងគាំទ្រសំណើររបស់សម្តេចតេជោ ដែលចង់​ឲ្យ​មាន​ឯក​អគ្គរាជទូត-រដ្ឋទូតនៃប្រទេសទាំងពីរនោះ។ ដោយឡែកសម្រាប់ទំទាក់ទំនង រវាងអ៊ុយគ្រែន និងអាស៊ាន លោកហ្ស៊ែលឡិនស្គី​បាន​ថ្លែង​អំណរ គុណចំពោះសេចក្តីថ្លែងការណ៍ទាំងបីររបស់អាស៊ាន គាំទ្រដល់អ៊ុយគ្រែន និង​កិច្ច​ខិតខំ​ប្រឹង​ប្រែង​របស់កម្ពុជា ចំពោះសំណើរអ៊ុយគ្រែនសុំចូលជាភាគីនៃសន្ធិសញ្ញាមិត្តភាព និង​កិច្ច​សហប្រតិបត្តិការ​នៅ​អាស៊ីអាគ្នេយ៍(TAC។ លោកប្រធានាធិបតីអ៊ុយគ្រែន ក៏បានស្នើ​សុំ​សម្តេច​តេជោ ថ្លែង​​សន្ទរកថាតាមប្រព័ន្ធវិដេអូ ក្នុងពេលកិច្ច​ប្រជុំ​អាស៊ាន​ដែល​កម្ពុជា​ធ្វើ​ជា​ម្ចាស់​ផ្ទះនា​ពេល​ខាង​មុខនេះផងដែរ ខណៈសំណើរនេះត្រូវ បានសម្តេចតេជោនាយករដ្ឋមន្រ្តីឆ្លើយតបថា កម្ពុជា​នឹង​បន្តធ្វើការជាមួយប្រទេសជាសមាជិកអាស៊ាន ដើម្បីឆ្លើយតប​នឹង​គោល​បំណង​រប​ស់​អ៊ុយគ្រែន​។បើតាមសេចក្តីប្រកាសព័ត៌មានក៏បានឲ្យដឹងផងដែរថា សម្តេចតេជោ ហ៊ុន សែន នាយករដ្ឋមន្រ្តី នឹងទៅបំពេញទស្សនកិច្ចនៅប្រទេសអ៊ុយគ្រែនក្នុងពេលវេលាសមស្របណាមួយ បន្ទាប់​ពី​លោក​ហ្ស៊ែលឡិនស្គី បានគោរពអញ្ជើញសម្តេចក្នុងពេលដែលសន្ទនាតាមទូរស័ព្ទនោះ៕ អត្ថបទ៖ បាន ចក់

សម្តេចតេជោ ហ៊ុន សែន៖ កម្ពុជាប្រកាន់គោលការណ៍មានចែងក្នុងរដ្ឋធម្មនុញ្ញអង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពានប្រទេសដទៃ

2022/11/02 08:10:42 am        640
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានប្រកាសចំពោះការសន្ទនាជាមួយប្រធានាធិបតីអ៊ុយក្រែនថា​ កម្ពុជាប្រកាន់គោលការណ៍មានចែងក្នុងរដ្ឋធម្មនុញ្ញអង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពាន ការគំរាម ឬការប្រើប្រាស់កម្លាំងលើអធិបតេយ្យ បូរណភាពទឹកដីរបស់រដ្ឋឯករាជ្យ និងមិនគាំទ្រការបំបែករដ្ឋ ឬទន្ទ្រានយកទឹកដីពីប្រទេសដទៃឡើយ។សម្តេចតេជោ ហ៊ុន សែន ប្រកាសថា ដោយមានការសហការជាមួយប្រទេសបជប៉ុន កម្ពុជាត្រៀមខ្លួនរួចជាស្រេចក្នុងការបញ្ជូនអ្នកដោះមីនរបស់កម្ពុជាទៅជួយបណ្តុះបណ្តាលដល់អ្នកដោះមីនអ៊ុយក្រែន តាមពេលវេលាសមស្របណាមួយ។សម្តេចតេជោ ហ៊ុន សែន សម្តែងការសោកស្តាយចំពោះសោកនាដកម្ម ដែលបាននឹងកំពុងកើតឡើងនៅប្រទេសអ៊ុយក្រែន ដោយសម្តេចមានការព្រួយបារម្ភចំពោះការវាយប្រហារថ្មីៗនៅទីក្រុងគៀវ និងក្រុងផ្សេងៗរបស់អ៊ុយក្រែន៕

សម្ដេចតេជោ ហ៊ុន សែន អញ្ជើញជាអធិបតីក្នុងវេទិកាជាន់ខ្ពស់ស្តីពី ខួប១០ឆ្នាំ នៃកិច្ចព្រមព្រៀងRCEP

2022/11/02 07:58:08 am        375
Facebook Telegram Linkin
ភ្នំពេញ៖ នៅព្រឹកថ្ងៃពុធទី២ ខែវិច្ឆិកា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុង វេទិកាជាន់ខ្ពស់ស្តីពី ខួប១០ឆ្នាំ នៃកិច្ចព្រមព្រៀងអាសិប (RCEP)។វេទិកានេះរៀបចំឡើង ដើម្បីរំលឹកឡើងវិញ​នូវដំណើរ​នៃអាសិប (RCEP) និងការសម្ពោធសៀវភៅទី២របស់វិទ្យាស្ថាន ERIA ស្តីពីកិច្ចព្រមព្រៀង​អាសិបក្រោមមូលបទ «ថាមវន្តនៃតំបន់អាស៊ីបូព៌ា និងកិច្ចព្រមព្រៀងអាសិប​ក្នុងក្របខ័ណ្ឌសម្រាប់សមាហរណកម្មតំបន់» ដែលវេទិកានេះនឹងប្រព្រឹត្តទៅរយៈពេល២ថ្ងៃ ពីថ្ងៃទី២-៣ខែវិច្ឆិកា ឆ្នាំ២០២២។ ព្រឹត្តិការណ៍ជាប្រវត្តិសាស្ត្រនេះនឹងញ៉ាំងឱ្យកិច្ចព្រមព្រៀងអាសិប កាន់តែមានសារសំខាន់​ក្រោយចូលជាធរមានកាលពីដើមឆ្នាំ២០២២ នេះ បន្ទាប់ពីកិច្ចចរចា​យ៉ាងស្វិតស្វាញជិត១០ឆ្នាំ ក្រោមគោលការណ៍ណែនាំ​កំណត់ដោយសេចក្តីថ្លែងការណ៍រួម ស្តីពីការបើកការចរចាកិច្ចព្រមព្រៀងអាសិប អនុម័តតាំងពីឆ្នាំ២០១២ នៅរាជធានីភ្នំពេញ។

លទ្ធផលជំនួបតាមទូរស័ព្ទរវាងសម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម វ៉ូឡូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយក្រែន

2022/11/02 07:30:02 am        437
Facebook Telegram Linkin
ភ្នំពេញ៖​ នៅល្ងាចថ្ងៃទី០១ ខែវិច្ឆិកា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម វ៉ូឡូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយក្រែន មានជំនួបតាមទូរស័ព្ទជាមួយគ្នា។ប្រធានាធិបតីអ៊ុយក្រែន អរគុណកម្ពុជា ក្រោយមានជំនួបពិភាក្សាជាមួយសម្ដេចតេជោ ហ៊ុន សែន នាយករដ្ឋមន្ត្រី ក្នុងឋានៈជាប្រធានអាស៊ាន ដែលសម្ដេចបានបង្ហាញពីជំហរក្នុងការការពារអធិប តេយ្យភាព និងបូរណភាពដែនដីរបស់អ៊ុយក្រែន។ អ៊ុយក្រែនក៏បានធានាអះអាងផងដែរថា នឹងធ្វើ ជាអ្នកផ្ដល់សន្តិសុខស្បៀងដល់តំបន់អាស៊ានផងដែរ។ខាងក្រោមនេះជាលទ្ធផលជំនួបតាមទូរស័ព្ទរវាង សម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម វ៉ូឡូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយក្រែន៖

បណ្ដាញសង្គម

ព័ត៌មានថ្មីៗ

រដ្ឋមន្រ្តីការងារចុះទទួលស្វាគមន៍ពលករខ្មែរ ដែលសម្រុកត្រឡប់មកពីប្រទេសថៃ នៅព្រំដែន
07/27/2025 05:07 PM
Facebook Telegram Linkin
ក្រសួងអប់រំបើកកិច្ចប្រជុំពិនិត្យស្ថានភាពអប់រំតាមខេត្តជាប់ព្រំដែន និងការត្រៀមរៀបចំការប្រឡងសិស្សថ្នាក់បាក់ឌុប
07/27/2025 05:07 PM
Facebook Telegram Linkin
ប៉ាគីស្ថាន ព្រមានពីភ្លៀងមូសុងបន្ថែមទៀតនៅសប្តាហ៍ក្រោយ ខណៈអ្នកស្លាប់ឡើងជាង ២៧០នាក់
07/27/2025 05:07 PM
Facebook Telegram Linkin
បាតុកររាប់រយនាក់នៅឥណ្ឌូនេស៊ី គោះឆ្នាំងតវ៉ា ជុំវិញវិបត្តិអត់ឃ្លានកាន់តែខ្លាំងនៅតំបន់ហ្កាហ្សា
07/27/2025 05:07 PM
Facebook Telegram Linkin
ក្រសួងការពារជាតិ នៅតែហួសចិត្តចំពោះភាគីថៃ បន្តចោទកម្ពុជាថា ជាអ្នកបង្កហេតុមុន ខណៈថៃខ្លួនឯង ជាចោរឈ្លានពានមកលើកម្ពុជាសោះ
07/27/2025 05:07 PM
Facebook Telegram Linkin
ចំហេះព្រៃកំពុងគំរាមកំហែងទីក្រុងធំបំផុតទីបួនរបស់ទួរគី ខណៈអ្នកស្រុកសម្រុកជម្លៀសខ្លួនចេញ
07/27/2025 05:07 PM
Facebook Telegram Linkin
ACCD អំពាវនាវដល់ពលរដ្ឋ និងអ្នកយកសារព័ត៌មាន កុំថត ចែករំលែក ឬបង្ហោះរូបភាព ឬវីដេអូទីតាំងឈរជើង ចល័តកងទ័ព ឬសកម្មភាពកងទ័ព
07/27/2025 04:07 PM
Facebook Telegram Linkin
ប្រជាពលរដ្ឋខ្មែរប្រមាណ ៥០០នាក់នៅប្រទេសជប៉ុនប្រមូលផ្តុំតវ៉ា និងថ្កោលទោស​ប្រឆាំង​ការ​ឈ្លាន​ពាន​របស់​ចោរសៀមលើអធិបតេយ្យភាពកម្ពុជា
07/27/2025 04:07 PM
Facebook Telegram Linkin
ប្រជាជនហ្កាហ្សា អំពាវនាវឱ្យមានបទឈប់បាញ់ពេញលេញ ក្រោយអ៊ីស្រាអែល ប្រកាសផ្អាកប្រយុទ្ធតាមកន្លែង
07/27/2025 04:07 PM
Facebook Telegram Linkin
រុស្ស៊ី ចាប់ផ្តើមជើងហោះហើរដឹកអ្នកដំណើរត្រង់ពីក្រុងមូស្គូ-ព្យុងយ៉ាង ជាលើកដំបូងក្នុងពេលច្រើនទសវត្សរ៍
07/27/2025 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.