នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន៖ បងប្អូនយើងបែកគ្នាដោយពុំបានលាគ្នា...បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ

2022/05/06 03:09:40 am        536
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសរសេរសារខ្លីដ៏សង្វេគ នៃមរណភាពឯកឧត្តម ហ៊ុន ណេង ដែលជាបងប្រុសបង្កើត ដោយមានខ្លឹមសារថា «បងប្អូនយើងបែកគ្នា ដោយពុំបានលាគ្នា និងនិយាយជាមួយគ្នាសូម្បីមួយម៉ាត់។ បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ»។គួរបញ្ជាក់ថា ឯកឧត្តម ហ៊ុន ណេង សមាជិកអចិន្ត្រៃយ៍រដ្ឋសភា និងជាតំណាងរាស្ត្រមណ្ឌលកំពង់ចាម បានទទួលមរណភាពដោយគាំងបេះដូង នៅរសៀលថ្ងៃទី០៥ ខែឧសភា ឆ្នាំ២០២២នេះ ក្នុងជន្មាយុ៧២ឆ្នាំ ៕

បងប្អូនខ្មែររស់នៅអាមេរិក​ មានមោទនភាព​ នឹងក្រវីទង់ជាតិខ្មែរ​ទទួលស្វាគមន៍​សម្តេចតេជោ

2022/05/05 03:45:48 pm        582
Facebook Telegram Linkin
ភ្នំពេញ៖ បងប្អូនប្រជាពលរដ្ឋខ្មែរមួយចំនួន បានសម្តែងមោទនភាព នឹងត្រៀមទង់ជាតិខ្មែរក្រវីស្វាគមន៍ ពេលវត្តមានសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នៅសហរដ្ឋអាមេរិក ខណៈប្រធានាធិបតីសហរដ្ឋអាមេរិកលោក ចូ បៃឌិន អញ្ជើញសម្តេចទៅកាន់អាមេរិក ដើម្បីចូលរួមកិច្ចប្រជុំកំពូលពិសេសអាស៊ានអាមេរិក ដែលនឹងប្រព្រឹត្តទៅ នាថ្ងៃទី១២-១៣ខាងមុខនេះ។នៅក្នុងកិច្ចសម្ភាសន៍ជាមួយទូរទស្សន៍BTVតាមរយៈវិដេអូពីចម្ងាយ (ពី USA) នាព្រឹកថ្ងៃទី៥ ខែឧសភា ឆ្នាំ២០២២នេះ ប្រជាពលរដ្ឋ បានលើកឡើងថា ក្នុងនាមលោក​ជាពលរដ្ឋខ្មែរម្នាក់​ដែល​កំពុងស្នាក់អាស្រ័យនៅសហរដ្ឋអាមេរិក ​លោកពិតជាមានមោទនភាព​យ៉ាងខ្លាំង​ចង់មើលចង់ឃើញ និងចង់ជួបមុខសម្តេចតេជោ ហ៊ុន សែន ពេលដែលសម្តេចទៅដល់សហរដ្ឋអាមេរិក ខណៈដែល​លោកចង់មើលចង់ឃើញ មុខសម្តចដោយផ្ទាល់នេះ ​ដោយ​សារ​តែ​លោក​ស្ងប់ស្ងែង​ថា ​ជាក្មេង​កសិករក្រីក្រម្នាក់បានក្លាយទៅជានាយករដ្ឋមន្រ្តីដឹកនាំប្រទេសជាតិនោះ។សម្ដេចតេជោ ហ៊ុន សែន នឹងអញ្ជើញចេញដំណើរពីកម្ពុជាទៅកាន់សហរដ្ឋអាមេរិក ដោយ​យន្តហោះពិសេសរបស់កម្ពុជា នៅថ្ងៃទី១០ ខែឧសភា ឆ្នាំ២០២២នេះ ​ ហើយនៅល្ងាចថ្ងៃទី ១០ដដែលនេះ ​សម្តេចតេជោនឹងផ្តើមជួបជាមួយបងប្អូនខ្មែរ​ ដែលរស់នៅទីនោះ ដែលបាន​មកស្វាគមន៍ និង​ទទួលសម្តេចនៅ​ព្រលានយន្តហោះ។ ថ្ងៃទី១១​សម្តេច​ក៏នឹងបន្តជួបជាមួយ​បងប្អូនខ្មែរ​ដែលមានចំនួនច្រើនជាបន្តទៀត​ ដែលបានអញ្ជើញមកស្វាគមន៍ និង​សួរសុខទុក្ខ​ជាមួយ​សម្ដេច។ ដោយឡែកសម្រាប់ថ្ងៃទី១២ ​និងថ្ងៃទី១៣ ​សម្តេច​តេជោ ហ៊ុន សែន ​នឹង​ចូលរួម​កិច្ចប្រជុំ​កំពូល​ពិសេស​អាស៊ាន-អាមេរិក​ នៅរដ្ឋធានីវ៉ាស៊ីនតោន ​សហរដ្ឋអាមេរិក។ពេលវត្តមានទៅដល់ទីក្រុងវ៉ាស៊ីនតោន ​សហរដ្ឋអាមេរិក ​មានបងប្អូន​ខ្មែររាប់ពាន់នាក់​ដែលកំពុង រស់នៅ​សហរដ្ឋអាមេរិក ​បានកំពុងទន្ទឹងរងចាំទទួល​ និងស្វាគមន៍​សម្តេចតេជោ​ ហ៊ុន សែន ខណៈបងប្អូន​ខ្មែរទាំងនោះ​បានចាត់ទុកដំណើរទស្សនកិច្ចរបស់ថ្នាក់ដឹកនាំកំពូលកម្ពុជានេះ វាជាកាលានុវត្តភាពមួយទៀត​ដើម្បីបង្កើនទំនាក់ទំនង​ទ្វេភាគីរវាងកម្ពុជា និង​អាមេរិកឲ្យកាន់តែមានភាពល្អប្រសើបន្ថែមទៀតនោះ៕ អត្ថបទ៖ បាន ចក់ 

លោកស្រី ពេជ ចន្ទមុន្នី ជួបសំណេះសំណាល និងសួរសុខទុក្ខចាស់ជរានៅអង្គការមូលនិធិកុមារកម្ពុជា(CFF) ស្ទឹងមានជ័យ

2022/05/05 02:57:02 pm        191
Facebook Telegram Linkin
ភ្នំពេញ៖ លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានដឹកនាំក្រុមការងារអញ្ជើញចុះសួរសុខទុក្ខ និងផ្តល់អំណោយជូនលោកយាយ លោកតា នៅអង្គការមូលនិធិកុមារកម្ពុជានៅថ្ងៃទី០៥ ខែឧសភា ឆ្នាំ២០២២។ លោកស្រី ពេជ ចន្ទមុន្នី បានផ្ដាំផ្ញើការសាកសួរសុខទុក្ខពីសំណាក់សម្ដេចតេជោ ហ៊ុន សែន និងសម្តេចកិតិ្តបណ្ឌិត ជូនលោកយាយ លោកតា ដែលជាមនុស្សចាស់ក្នុងកម្មវិធីមនុស្សចាស់របស់អង្គការមូលនិធិកុមារកម្ពុជា។ លោកស្រី បញ្ជាក់ថា សម្តេចទាំងទ្វេតែងតែគិតគូរយកចិត្តទុកដាក់ចំពោះសុខទុកតម្រូវការការរស់នៅបារម្ភចំពោះសុខភាពរបស់លោកយាយ លោកតា អ៊ុ ពូ មីងជាពិសេសក្នុងដំណាក់កាលនៃការរីករាលដាលជំងឺកូវីដ-១៩។សូមបញ្ជាក់ថា កម្មវិធីមនុស្សចាស់របស់អង្គការមូលនិធិកុមារកម្ពុជាមានចំនួន៨៥នាក់ ដែលកម្មវិធីនេះជួយដល់មនុស្សចាស់នៅក្នុងសហគមន៍ស្ទឹងមានជ័យ តាមរយៈការឧបត្ថម្ភថវិកា សម្ភារៈ គ្រឿងឧបភោគបរិភោគ ប្រចាំសប្តាហ៍ និងការផ្ដល់ជូននូវការព្យាបាលដោយឥតគិតថ្លៃ។ក្រៅពីនោះ លោកយាយ លោកតា នៅក្នុងកម្មវិធីមនុស្សចាស់នេះក៏ទទួលបានការឧបត្ថម្ភជាថវិកា សម្ភារៈ គ្រឿងឧបភោគបរិភោគ ដែលជាអំណោយរបស់សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិតតាមរយៈលោក ហ៊ុន ម៉ាណែត និងលោកស្រី ពេជ ចន្ទមុន្នីនាពេលកន្លងមកផងដែរ៕

កិច្ចប្រជុំពិគ្រោះយោបល់ស្តីពីជំនួយមនុស្សធម៌ទៅមីយ៉ាន់ម៉ា នឹងធ្វើឡើងនៅថ្ងៃស្អែក

2022/05/05 02:00:44 pm        560
Facebook Telegram Linkin
ភ្នំពេញ៖ នៅថ្ងៃស្អែកនេះ ឯកឧត្តម ឧបនាយករដ្ឋមន្រ្តី ប្រាក់ សុខុន និងអគ្គលេខាធិការអាស៊ាន នឹងធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា។ នេះបើតាមសេចក្តីប្រកាសព័ត៌មានរបស់អាស៊ាន។យោងតាមសេចក្តីប្រកាសព័ត៌មានរបស់អាស៊ាន បានឲ្យដឹងថា នៅថ្ងៃទី៦ ខែឧសភា ស្អែកនេះ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេសនិង សហប្រតិបត្តិ ការអន្តរជាតិ និងជាប្រេសិតពិសេសរបស់ប្រធានអាស៊ានសម្រាប់មីយ៉ាន់ម៉ា និង ឯកឧត្តម លឹម ចុក ហ៊ុយ អគ្គលេខាធិការអាស៊ាន ក្នុងឋានៈជាអ្នកសម្របសម្រួលជំនួយមនុស្សធម៌របស់អាស៊ាន នឹងធ្វើជា​សហប្រធានដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា នៅរាជធានីភ្នំពេញ និងតាមប្រព័ន្ធវីដេអូ។កិច្ចប្រជុំពិគ្រោះយោបល់ នឹងត្រូវបានអញ្ជើញចូលរួមដោយផ្ទាល់ ​និងតាមប្រព័ន្ធវីដេអូ ដោយ​តំណាង​ជាន់ខ្ពស់​មកពីប្រទេសជាសមាជិកអាស៊ានទាំងអស់​ ដៃគូខាងក្រៅរបស់ អាស៊ាន ទីភ្នាក់ងារ​ជំនាញ​អង្គការសហប្រជាជាតិ និងបណ្តាអង្គការអន្តរជាតិពាក់ព័ន្ធនៅក្នុងប្រទេសមីយ៉ាន់ម៉ា។សេចក្តីប្រកាសព័ត៌មាននេះ បន្តថា កិច្ចប្រជុំពិគ្រោះយោបល់នេះ នឹងផ្តល់ជាវេទិកាកម្រិតខ្ពស់មួយ​សម្រាប់​អាស៊ានធ្វើការពិភាក្សា​ផ្តួចផ្តើម​ឱ្យមានកិច្ចសន្ទនា​មួយដែលមានការចូលរួមពីភាគីពាក់ព័ន្ធ ដើម្បីផ្តល់នូវ​មគ្គុទ្ទេសក៍​អំពីរបៀបក្នុងការជំរុញជំនួយមនុស្សធម៌របស់អាស៊ាន ឱ្យទៅដល់​ប្រជាជន​មីយ៉ាន់ម៉ា ដែលកំពុងត្រូវការបំផុត ដោយឈរលើគោលការណ៍មនុស្សធម៌ និងគ្មានការរើសអើង។កិច្ចប្រជុំពិគ្រោះយោបល់ នេះរៀបចំឡើងក្នុងគោលបំណងដើម្បីពិភាក្សាស្វែងរកដំណោះស្រាយ ដែលមានការព្រមព្រៀងគ្នាទៅវិញទៅមកលើវិធីសាស្រ្ត ក្នុងការពង្រឹងបន្ថែមនូវការផ្តល់​ជំនួយ​មនុស្សធម៌នៅមីយ៉ាន់ម៉ា ​ដើម្បីធានាបានថានឹងពុំមាននរណាម្នាក់ត្រូវបានទុកចោលនោះទេ, ដំណោះស្រាយ​ចំពោះបញ្ហាប្រឈមនានា ​ដែលពាក់ព័ន្ធទៅ​នឹងប្រតិបត្តិការរបស់មជ្ឈមណ្ឌល​សម្របសម្រួល​អាស៊ានសម្រាប់ជំនួយមនុស្សធម៌ស្តីពីការគ្រប់គ្រង​ គ្រោះមហន្តរាយ និង​វិធីសាស្រ្តនានា​ដែលជួយគាំទ្រទៅដល់ការផ្តល់ ​វ៉ាក់សាំងបង្ការជំងឺកូវីដ-១៩ ទៅដល់​សហគមន៍​នានា​នៅមីយ៉ាន់ម៉ាផងដែរ៕ អត្ថបទ សេក ឧត្តម 

សម្ដេចតេជោ លើក​ទឹក​ចិត្តឱ្យ​ក្រុម​ប្រឹក្សា​ធុរកិច្ចអាមេរិក​អាស៊ាន​ស្វែង​រក​សក្ដានុពល​វិនិយោគ​នៅ​កម្ពុជា

2022/05/05 11:54:52 am        945
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានស្វាគមន៍ក្រុមហ៊ុនវិនិយោគអាមេរិក ដែលបានបង្កើតរោងចក្រដំឡើងរថយន្តនៅខេត្តពោធិ៍សាត់ និងលើកទឹកចិត្តឱ្យបណ្តាក្រុមហ៊ុន នៃធុរកិច្ចអាមេរិក អាស៊ានស្វែងរកសក្តានុពលដទៃទៀតសម្រាប់ការវិនិយោគនៅកម្ពុជា។សម្តេចតេជោ ប្រមុខរាជរដ្ឋាភិបាលបានស្វាគមន៍ និងលើកទឹកចិត្តដល់ក្រុមធុរកិច្ចអាមេរិក អាស៊ានបែបនេះ ​ក្នុងឱកាសអនុញ្ញាតឱ្យឯកឧត្តម ឯកអគ្គរដ្ឋទូត ម៉ៃឃីល មីឆាឡាក់ អនុប្រធានជាន់ខ្ពស់និងជានាយកគ្រប់គ្រងតំបន់នៃក្រុមប្រឹក្សាធុរកិច្ចអាមេរិក-អាស៊ាន ចូលជួបសំដែងការគួរសមនិងពិភាក្សា នៅវិមានសន្តិភាព នាព្រឹកថ្ងៃទី ៥ខែឧសភានេះ ។ឯកឧត្តម អ៊ាង សុផល្លែត អ្នកនាំពាក្យសម្តេចតេជោ​ បានឱ្យដឹងថា នៅក្នុងជំនួបនេះ ជាមួយនឹងការ​អរគុណជូន​ចំពោះ​សម្ដេចតេជោ ដែល​បានជួយគាំទ្រ​ក្រុមប្រឹក្សា​ធុរកិច្ច​សហរដ្ឋអាមេរិកអាស៊ាន​និង​សម្ដែងការគាំទ្រ​និងអបអរសាទរចំពោះការធ្វើជាប្រធានអាស៊ាន​របស់កម្ពុជា ។ការឆ្លើយ​តប​សម្ដេចតេជោ​ បានថ្លែងអំណរគុណដល់សហរដ្ឋអាមេរិក ដែលផ្ដល់វ៉ាក់សាំង johnson and Jonson និងPfizer ដល់កម្ពុជា​និងបានជម្រាបជូនប្រតិភូទាំងមូលអំពីស្ថានភាពថា​មពលនៅ​កម្ពុជា​ដែលក្នុងនោះកម្ពុជាកំពុងតែប្រើប្រាស់អគ្គិសនី​ផលិត​ដោយ​វារីអគ្គិសនី​សរុប​មានជាង ៦១ភាគរយ និង​ថាមពលសូឡាជាង ៤ភាគរយជាដើម។នៅក្នុងជំនួបនេះ ឯកឧត្តម ម៉ៃឃីល បាន​ថ្លែងអំណរគុណជូនចំពោះសម្ដេចតេជោ​ដែល​បានជួយ​គាំទ្រ​ក្រុម​ប្រឹក្សាធុរកិច្ច ​អាមេរិក អាស៊ាន ហើយ​បានសម្ដែងការគាំទ្រ​និងអបអរសាទរចំពោះការធ្វើ​ជាប្រធានអាស៊ាន​របស់កម្ពុជា។ឯកឧត្តម បានបន្ថែមថា ក្រោមការដឹកនាំរបស់សម្ដេចតេជោ ​បានដើរតួនាទីបានយ៉ាង​ល្អសម្រាប់​តំបន់​ជាពិសេសសម្រាប់បញ្ហាមីយ៉ាន់ម៉ា​ហើយឯកឧត្តម​បានវាយតម្លៃខ្ពស់ចំពោះការចាត់​វិធានការ​ទប់ស្កាត់​ការរីករាលដាលជំងឺកូវីដ១៩ ដោយទទួលបានជោគជ័យ​ហើយនាំទៅដល់ការបើក​ប្រទេស​ឡើងវិញ​និងអនុញ្ញាតឲ្យមានជំនួបដោយផ្ទាល់នៅថ្ងៃនេះ។នៅក្នុងជំនួបនេះ ឯកឧត្តមបានដឹកនាំក្រុមហ៊ុនចំនួន១៣ ហើយបានបែងចែកជាបីក្រុមនិងបានលើក​មកពិភាក្សាអំពីបញ្ហាថាមពល ​ការបង្កើតរោងចក្រ​ដំឡើង​រថយន្តនៅខេត្តពោធិ៍សាត់ ការជំរុញ​សេដ្ឋកិច្ច​ឌីជីថល​និង​វិស័យសុខាភិបាល៕

ប្រេសិតពិសេសប្រធានអាស៊ាន និងអគ្គលេខាធិការអាស៊ាន នឹងបើកការគ្រោះយោបល់រឿងជំនួយមនុស្សធម៌អាស៊ានសម្រាប់មីយ៉ាន់ម៉ា នៅថ្ងៃស្អែកនេះ

2022/05/05 04:04:02 am        455
Facebook Telegram Linkin
ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន ក្នុងឋានៈជាប្រេសិតពិសេសរបស់ប្រធានអាស៊ានសម្រាប់មីយ៉ាន់ម៉ា និង ឯកឧត្តម លឹម ចុក ហ៊ុយ អគ្គលេខាធិការអាស៊ាន ជាអ្នកសម្របសម្រួលជំនួយមនុស្សធម៌របស់អាស៊ាន នឹងធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា នៅថ្ងៃទី៦ ខែឧសភា ឆ្នាំ២០២២ នៅរាជធានីភ្នំពេញ និងតាមប្រព័ន្ធវីដេអូ។

អាជ្ញាធរកម្ពុជាគ្រោងជួបពិភាក្សាជាមួយអាជ្ញាធរថៃ ដើម្បីបើកច្រកព្រំដែនក្នុងខេត្តឧត្ដរមានជ័យឡើងវិញ

2022/05/05 05:41:21 am        1303
Facebook Telegram Linkin
ឧត្តរមានជ័យ៖ អាជ្ញាធរខេត្តឧត្តរមានជ័យ នៃប្រទេសកម្ពុជា គ្រោងជួបពិភាក្សាជាមួយអាជ្ញាធរថៃ ខេត្តសុរិន្ទ និងខេត្តស៊ីសាកេត ដើម្បីឈានទៅរកការបើកច្រកទ្វារព្រំដែនអន្តរជាតិអូរស្មាច់ និងច្រកជាំសាង៉ាំឡើងវិញ​ខណៈអាជ្ញាធរថៃ ក៏កំពុងជំរុញឱ្យមានការបើកច្រកទ្វារព្រំដែនអន្តរជាតិទាំងពីរនេះឡើងវិញឱ្យបានឆាប់។អភិបាលខេត្តឧត្តរមានជ័យ ឯកឧត្ដម ប៉ែន កុសល បានឱ្យដឹងកាលពីរសៀលម្សិលមិញថា ឯកឧត្ដម នឹងដឹកនាំក្រុមការងារថ្នាក់ខេត្ត ទៅជួបប្រជុំជាមួយអាជ្ញាធរថៃ ខេត្តសុរិន្ទ ដើម្បីជជែកគ្នាពីបញ្ហាអនុស្សារណៈ នៃការយោគយល់គ្នា រវាងអាជ្ញាធរខេត្តឧត្តរមានជ័យ និងអាជ្ញាធរខេត្តសុរិន្ទ ដើម្បីឈានទៅបើកច្រកព្រំដែនអន្តរជាតិ អូរស្មាច់ សម្រាប់ឱ្យពលរដ្ឋទាំងសងខាងបានចេញចូលឡើងវិញ នៅពេលឆាប់ៗនេះ។ឯកឧត្ដម បានឱ្យដឹងទៀតថា នៅថ្ងៃទី៩ ខែឧសភានេះ ឯកឧត្ដម ក៏គ្រោងនឹងដឹកនាំក្រុមការងារថ្នាក់ខេត្ត ដើម្បីជួបជជែកជាមួយអាជ្ញាធរថៃ ខេត្តស៊ីសាកេត ដើម្បីពិភាក្សាគ្នាឈានទៅរកការបើកច្រកព្រំដែនអន្តរជាតិខ្មែរ-ថៃ ជាំ-សាង៉ាំ ក្នុងស្រុកអន្លង់វែងផងដែរ។អាជ្ញាធរខេត្តឧត្តរមានជ័យ បានបញ្ជាក់ថា ការគ្រោងជួបជជែកជាមួយអាជ្ញាធរថៃ ទាំងពីរខេត្តនេះ គឺដើម្បីចង់ដឹងអំពីលក្ខណ្ឌ ដែលអាជ្ញាធរថៃតម្រូវ ចំពោះប្រជាពលរដ្ឋ ដែលចេញចូលទៅមក ដូចជាតម្រូវឱ្យពលរដ្ឋ ដែលមានកាតចាក់វ៉ាក់សាំង ឬក៏តម្រូវឱ្យពលរដ្ឋបង់ប្រាក់ធានាផ្សេងៗ។ល។ខេត្តឧត្តរមានជ័យ បច្ចុប្បន្ន មានច្រកព្រំដែនអន្តរជាតិ ចំនួនពីរ និងច្រករបៀង ចំនួនមួយ ជាមួយប្រទេសថៃ ដូចជាច្រកព្រំដែនអន្តរជាតិអូរស្មាច់ ជាមួយខេត្តសុរិន្ទ ច្រកព្រំដែនអន្តរជាតិជាំ-សាង៉ាំ ជាមួយខេត្តស៊ីសាកេត និងច្រករបៀងព្រំដែនខ្មែរ-ថៃ ជប់គគីរ ជាមួយខេត្តបូរីរ៉ាំ ៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតជូនជនរួមជាតិ ក្នុងឱកាសទិវា «ឆ្មបជាតិ» ៥ឧសភា ឆ្នាំ២០២២

2022/05/05 09:52:08 am        479
Facebook Telegram Linkin
ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្រ្តី និងកុមារ បានផ្ញើសារលិខិតជូនជនរួមជាតិ ក្នុងទិវា ឆ្មបជាតិ ៥ឧសភា ២០២២ ក្រោមប្រធានបទ”ការវិនិយោគលើឆ្មប ដើម្បីពង្រឹងការថែទាំសុខភាពបឋម សំដៅឈានទៅដល់ការគ្របដណ្តប់សុខភាពសកល” នាថ្ងៃទី៥ ខែឧសភា ឆ្នាំ២០២២។

ពលរដ្ឋខ្មែររស់នៅអាមេរិករាប់ពាន់នាក់ កំពុងទន្ទឹងរង់ចាំស្វាគមន៍ដំណើរទស្សនកិច្ចសម្តេចតេជោ

2022/05/04 12:50:29 pm        501
Facebook Telegram Linkin
ភ្នំពេញ៖ ពលរដ្ឋខ្មែររាប់ពាន់នាក់ ដែលកំពុងរស់នៅសហរដ្ឋអាមេរិក កំពុងទន្ទឹងរង់ចាំស្វាគមន៍សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដែលនឹងអញ្ជើញធ្វើដំណើរទៅទីនោះ នៅសប្ដាហ៍ក្រោយនេះ ដើម្បី ចូលរួមកិច្ចប្រជុំកំពូលពិសេសអាស៊ាន-អាមេរិក តបទៅតាមការអញ្ជើញរបស់លោក ចូ បៃឌិន ប្រធានាធិបតីសហរដ្ឋអាមេរិក។ពលរដ្ឋខ្មែរ ដែលកំពុងរស់នៅក្នុងរដ្ឋនានារបស់សហរដ្ឋអាមេរិក រយៈពេលប៉ុន្មានថ្ងៃមកនេះ បានចេញ«ឃ្លីបវីដេអូ»ដាច់ដោយឡែកពីគ្នាបង្ហាញពីការសប្បាយរីករាយ ក្រោយទទួលដំណឹងថា សម្ដេចតេជោ ហ៊ុន សែន នឹងអញ្ជើញទៅទីនោះ នៅថ្ងៃទី១០ ខែឧសភា នេះ ដើម្បីធ្វើជា​សហប្រធាន​កិច្ចប្រជុំកំពូលពិសេសអាស៊ាន-អាមេរិក នៅថ្ងៃទី១២-១៣ ខែឧសភា នេះ ដោយពួកគេ​បាន​យល់ឃើញថា ដំណើរទស្សនកិច្ចនេះ នឹងជាកាលានុវត្តភាពមួយទៀត ដើម្បីបង្កើនទំនាក់ទំនង​ទ្វេភាគីរវាងកម្ពុជា និងអាមេរិកឲ្យកាន់តែមានភាពល្អប្រសើបន្ថែមទៀត។សម្តេចតេជោ ហ៊ុន សែន បានថ្លែងអំណរគុណចំពោះពលរដ្ឋខ្មែរ-អាមេរិក ដែលបានទន្ទឹងរង់ចាំ ស្វាគមន៍​សម្ដេច តែទោះជាយ៉ាងណាក៏ដោយសម្តេច បានស្នើសុំ​យ៉ាង​ទទូច​ដល់​ពលរដ្ឋខ្មែរ ដែល​រស់នៅទីនោះ​ដែលគាំទ្រសម្តេច ​សូមកុំធ្វើបាតុកម្មតបតចំពោះបុគ្គលមួយក្តាប់តូច ដែលធ្វើ​បាតុកម្មប្រឆាំង នឹងដំណើរទស្សនកិច្ចសម្តេចទៅកាន់អាមេរិកនេះ។សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងជាប្រធានអាស៊ានឆ្នាំ២០២២ តាមរយៈ​លិខិតឆ្លើយតបទៅកាន់លោក ចូ បៃឌិន ​បានបញ្ជាក់សាជាថ្មីអំពីបំណងប្រាថ្នា ​ដ៏មុតមាំរបស់កម្ពុជា ក្នុងការខិតខំស្វែងរកកាលានុវត្តភាពបន្ថែមទៀត​ ដើម្បីពង្រីកកិច្ចសហប្រតិបត្តិការអាស៊ាន-សហរដ្ឋអាមេរិកលើគ្រប់វិស័យ»។សម្តេចតេជោ បានបង្ហាញនូវភាពជឿជាក់ថា ​កិច្ចប្រជុំកំពូលពិសេសនេះ ​ជាឱកាសដ៏ប្រសើរ សម្រាប់​កិច្ចពិភាក្សាពីការជំរុញកិច្ចសហប្រតិបតិ្តការព្រមទាំងផ្លាស់ប្តូរយោបល់គ្នាលើបញ្ហានានា ដែលជាក្តីបារម្ភ និងជាប្រយោជន៍រួមរបស់អាស៊ាន ​និងសហរដ្ឋអាមេរិក។ សម្តេចតេជោ ​បាន​បញ្ជាក់ពីក្ដី​ទន្ទឹង​ជួប​ជាមួយលោកប្រធានាធិបតី ចូ បៃឌិន ដោយផ្ទាល់ នៅ​រដ្ឋធានីវ៉ាស៊ីនតោន និងត្រៀមធ្វើការជិតស្និទ្ធជាមួយ​ លោកប្រធានាធិបតីផងដែរ៕អត្ថបទ៖ បាន ចក់

ប្រតិភូមីយ៉ាន់ម៉ា នឹងមកកម្ពុជាដើម្បីចូលរួមកិច្ចប្រជុំពិគ្រោះយោបល់ស្តីពីជំនួយ​មនុស្សធម៌​ទៅមីយ៉ាន់ម៉ា

2022/05/03 01:58:38 pm        502
Facebook Telegram Linkin
ភ្នំពេញ៖ ប្រធានក្រុមការងារមីយ៉ាន់ម៉ាសម្រាប់ការសម្របសម្រួលជំនួយមនុស្សធម៌ នឹងដឹកនាំគណៈប្រតិភូមកកាន់កម្ពុជា នៅថ្ងៃទី៦ ខែឧសភា ឆ្នាំ២០២២នេះ ដើម្បីចូលរួមកិច្ចប្រជុំពិគ្រោះយោបល់ ស្តីពីបញ្ហាជំនួយមនុស្សធម៌ទៅកាន់មីយ៉ាន់ម៉ា។ក្នុងឋានៈជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នឹងអញ្ជើញដឹកនាំកិច្ច​ប្រជុំ​ពិគ្រោះយោបល់​ស្តីពី​បញ្ហាជំនួយមនុស្សធម៌​ទៅកាន់មីយ៉ាន់ម៉ា ជាមួយប្រធានក្រុមការងារមីយ៉ាន់ម៉ា​សម្រាប់ការសម្របសម្រួលជំនួយមនុស្សធម៌តំណាង ឯកឧត្តម នាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា។ ការបញ្ជាក់ជុំវិញការចូលរួមកិច្ចប្រជុំពិគ្រោះយោបល់របស់គណៈប្រតិភូមីយ៉ាន់ម៉ា មកកាន់កម្ពុជា តាម​រយៈប្រសាសន៍របស់ឯកឧត្តម ​នាយសេនីយ៍ជាន់ខ្ពស់ ​មីង អោង ឡាំង ក្នុងពេលជួប​ពិភាក្សាការងារ​ជាមួយ​សម្តេចតេជោ ​ហ៊ុន សែន នាយករដ្ឋមន្រ្តី ​នៅថ្ងៃទី២ ខែឧសភា ឆ្នាំ២០២២ តាមប្រព័ន្ធវីដេអូ។គួរបញ្ជាក់ថា តាមរយៈដំណើរទស្សនកិច្ចលើកដំបូង ក្នុងឋានៈជាប្រេសិតពិសេសរបស់ប្រធាន​អាស៊ាន​ស្តីពីមីយ៉ាន់ម៉ា ​កាលពីថ្ងៃទី២១ ខែមីនាកន្លងទៅ ​ក្រៅពីជំរុញកិច្ចព្រមព្រៀងជា​ឯកច្ឆន្ទ​ប្រាំចំណុច​របស់អាស៊ាន​ កម្ពុជាមានគោលបំណងបង្កើត​លក្ខខណ្ឌអំណោយផល ដើម្បី​ឈាន​ទៅ​ដល់ការបញ្ចប់អំពើហិង្សា ក៏ដូចជាការអត់ធ្មត់ឱ្យបានខ្ពស់បំផុតពីគ្រប់ភាគីទាំងអស់ ការចែកចាយ​ជំនួយ​មនុស្សធម៌​ ដោយមានការគាំទ្រ ​និងសម្របសម្រួលពីលេខាធិការដ្ឋានអាស៊ាន និង​មជ្ឈមណ្ឌល​សម្រប​សម្រួលអាស៊ាន​ ដើម្បី​ជំនួយមនុស្សធម៌​ និងការគ្រប់គ្រងគ្រោះមហន្តរាយ និង​លើកទឹកចិត្តឱ្យមានកិច្ចពិគ្រោះយោបល់ ​និងកិច្ចសន្ទនានយោបាយ ក្នុងចំណោមភាគីពាក់ព័ន្ធ​ទាំងអស់៕ អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

ឯកឧត្តម ប្រាក់ សុខុន អញ្ជើញដឹកនាំគណៈប្រតិភូកម្ពុជាចូលរួមកិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការមេគង្គ-ឡានឆាង លើកទី១០ នៅទីក្រុងអាននីង ខេត្តយូណាន
08/15/2025 01:08 PM
Facebook Telegram Linkin
សេដ្ឋកិច្ចរបស់ប្រទេសជប៉ុន កើនឡើងលឿនជាងការរំពឹងទុកនៅក្នុងត្រីមាសទី២
08/15/2025 12:08 PM
Facebook Telegram Linkin
ការជម្រះក្តីលោក Jimmy Lai នៅក្នុងទីក្រុងហុងកុង ត្រូវបានពន្យារពេលដោយសារបញ្ហាបេះដូង
08/15/2025 12:08 PM
Facebook Telegram Linkin
UN ជំរុញឱ្យអ៊ីស្រាអែល បញ្ឈប់ការអភិវឌ្ឍន៍ទីតាំងលំនៅដែលនឹងបញ្ចប់ការរំពឹងទុកសម្រាប់ដំណោះស្រាយរដ្ឋពីរ
08/15/2025 12:08 PM
Facebook Telegram Linkin
អេស្ប៉ាញ ចាប់ខ្លួនអ្នកលួចដុតជាប់ពាក់ព័ន្ធនឹងចំហេះព្រៃ ខណៈអ្នកពន្លត់អគ្គិភ័យទី២ បានស្លាប់
08/15/2025 12:08 PM
Facebook Telegram Linkin
ប្រទេសប៉េរូ ច្រានចោលការចោទប្រកាន់ពីការចាប់ជំរិតពលរដ្ឋកូឡុំប៊ីពីរនាក់ក្នុងដែនដី Santa Rosa ដែលមានជម្លោះ
08/15/2025 12:08 PM
Facebook Telegram Linkin
ក្រុមហ៊ុនអាកាសចរណ៍ Air Canada មានផែនការលុបចោលជើងហោះហើរ៥០០វ៉ុល ខណៈក្រុមយានិកធ្វើកូដកម្ម
08/15/2025 12:08 PM
Facebook Telegram Linkin
ការតវ៉ាប្រឆាំងរដ្ឋាភិបាលស៊ែរប៊ី កើនឡើងនៅយប់ទីបីនៃការប៉ះទង្គិច
08/15/2025 12:08 PM
Facebook Telegram Linkin
បុគ្គលិកឆ្មាំជាតិ៨០០នាក់ ត្រូវបានដាក់ចល័តសម្រាប់បេសកកម្មនៅទីក្រុងវ៉ាស៊ីនតោន
08/15/2025 12:08 PM
Facebook Telegram Linkin
មនុស្សជាង៣៦០នាក់ ពុលអាហារ បន្ទាប់ពីទទួលទានអាហារនៅសាលារៀនដោយឥតគិតថ្លៃនៅឥណ្ឌូនេស៊ី
08/15/2025 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.