នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS | កម្ពុជា និងថៃឯកភាពឈប់បាញ់គ្នា និងត្រលប់ទៅអនុវត្តបទឈប់បាញ់តាមរយៈការសម្របសម្រួលរបស់ប្រធានាធិបតីអាមេរិក
តម្លៃសេវាអ៊ីនធឺណិតនឹងទាបជាងមុន បន្ទាប់ពីកម្ពុជាតបណ្តាញប្រព័ន្ធអ៊ីនធឺណិតពីហុងកុង
វេទិកានយោបាយអាស៊ី-អឺរ៉ុប ស្នើឱ្យភាគីជម្លោះគោរពចំពោះកិច្ចព្រមព្រៀងសន្តិភាពនានា និង​ធម្មនុញ្ញ UN
ក្រសួងរៀងចំដែនដី នឹងបង្កើតសួនបន្ថែមក្នុងទីក្រុង ឆ្លើយតបនឹងកំណើនពលរដ្ឋក្នុងទីក្រុង

នយោបាយ​ និង ការអភិវឌ្ឍន៍

សម្តេចតេជោ ជំរុញឱ្យក្រសួងសុខាភិបាលផ្សព្វផ្សាយសេវាពិនិត្យ និងព្យាបាលជំងឺដល់​ពលរដ្ឋឱ្យទូលំទូលាយ

2022/03/21 10:24:52 am        693
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្តល់អនុសាសន៍ដល់ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ឱ្យផ្សព្វផ្សាយសេវាកម្មពិនិត្យ និងព្យាបាលជំងឺឱ្យបានជ្រួតជ្រាបដល់ប្រជាពលរដ្ឋ។ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការមន្ទីរពេទ្យមិត្តភាពកម្ពុជា-ចិនព្រះកុសុមៈ(ពេទ្យលោកសង្ឃ) នៅព្រឹកថ្ងៃទី២១ ខែមីនា ឆ្នាំ២០២២នេះ សម្តេចតេជោ ហ៊ុន សែន បញ្ជាក់ថា ពាក់ព័ន្ធការពិនិត្យ ព្យាបាលជំងឺធំៗ និងធ្ងន់ៗ ប្រជាពលរដ្ឋខ្លះមិនបានដឹងនោះទេ បែរជា​ទៅ​រក​សេវាពិនិត្យ និងព្យាបាលជំងឺទាំងនោះ នៅក្រៅប្រទេសទៅវិញ។សម្តេចតេជោ ហ៊ុន សែន នាយករដ្ឋមន្ត្រី ប្រកាសថា មន្ទីរពេទ្យមិត្តភាពកម្ពុជា-ចិនព្រះកុសុមៈ កាន់​តែធ្វើទំនើបកម្ម ​ដោយមាន​សមត្ថភាពអាចពិនិត្យ ​និងព្យាបាលជំងឺកម្រិតធ្ងន់ៗ ក្នុងនោះ​មានការ​វះកាត់​ផ្លាស់ប្តូរ​ក្រលៀន ​និង​ប្តូរថ្លើមផងដែរ៕

សម្តេចតេជោ ហ៊ុន សែន អំពាវនាវដល់ពលរដ្ឋខ្មែររស់នៅអ៊ុយក្រែន កុំរត់ចោលពេលគេលំបាក

2022/03/21 10:12:17 am        601
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា ប្រកាសអំពាវនាវដល់ប្រជាពលរដ្ឋកម្ពុជា កំពុងស្នាក់នៅប្រទេសអ៊ុយក្រែន សូមបន្តរស់នៅទីនោះ រួមសុខ រួមទុក្ខ ជាមួយប្រជាជនអ៊ុយក្រែន។ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការមន្ទីរពេទ្យមិត្តភាពកម្ពុជា-ចិនព្រះកុសុមៈ (ពេទ្យលោកសង្ឃ) ដែលជាមន្ទីរពេទ្យបំពាក់បរិក្ខាវេជ្ជសាស្ត្របម្រើការព្យាបាលដ៏ទំនើប នៅព្រឹកថ្ងៃទី២១ ខែមិនា ឆ្នាំ២០២២នេះ សម្តេចតេជោ ហ៊ុន សែន បញ្ជាក់ថា ប្រជាជនអ៊ុយក្រែន រស់នៅយ៉ាងម៉េច សូមរស់នៅរបៀបនោះជាមួយគេ«កុំរត់គេចពេលគេលំបាល»៕

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិន ព្រះកុសុមៈ

2022/03/21 02:31:49 am        727
Facebook Telegram Linkin
ភ្នំពេញ៖ នៅថ្ងៃទី២១ ខែមីនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវមន្ទីរពេទ្យមិត្តភាពកម្ពុជា-ចិនព្រះកុសុមៈ(ពេទ្យលោកសង្ឃ) ដែលជាមន្ទីរពេទ្យបំពាក់បរិក្ខារវេជ្ជសាស្ត្របម្រើការព្យាបាលដ៏ទំនើប ដែលបានសាងសង់រួចរាល់ជាស្ថាពរ។មន្ទីរពេទ្យមិត្តភាពកម្ពុជា-ចិន ព្រះកុសុមៈ ត្រូវបានសាងសង់ ដោយចំណាយថវិកាជាង ៨០លានដុល្លារអាមេរិក ជាជំនួយឥតសំណងរបស់រដ្ឋាភិបាលចិន។ មន្ទីរពេទ្យនេះ ត្រូវបានបើកការដ្ឋានសាងសង់នៅថ្ងៃទី៣០ ខែតុលា ឆ្នាំ២០១៨ ដោយចំណាយពេល ៣៩ខែ។ អគារមន្ទីរពេទ្យថ្មីនេះ ត្រូវបានសាងសង់លើទំហំដីជាង ១៣ពាន់ម៉ែត្រក្រឡា មានកម្ពស់ ១១ជាន់ ជាមួយប្រវែង ៥៣ម៉ែត្រ។ ចែកចេញជាផ្នែកពិគ្រោះជំងឺក្រៅ ផ្នែកសង្គ្រោះបន្ទាន់ ផ្នែកបច្ចេកវិទ្យាវេជ្ជសាស្ត្រ ផ្នែកជំងឺទូទៅ ជំងឺវះកាត់ ផ្នែកសម្ភព រោគស្ត្រី ព្រមទាំងសេវាជំនួយផ្សេងៗទៀត។ នៅលើដំបូលអគារមានចំណតឧត្ថម្ភាគចក្រចុះចត ទម្ងន់ពី ៣តោន ទៅ ៥តោនថែមទៀតផង។មន្ទីរពេទ្យនេះមានគ្រែសម្រាប់ព្យាបាលអ្នកជំងឺរហូតដល់ទៅ ៤០០គ្រែ។ មន្ទីរពេទ្យថ្មីនេះ ជាមន្ទីរពេទ្យដ៏ធំមួយក្នុងប្រទេសកម្ពុជា ដែលអាចផ្តល់សេវាថែទាំជូនប្រជាជននៅទូទាំងប្រទេស ដែលមានអាការៈជំងឺធ្ងន់ៗ ហើយក៏ជាកន្លែងបណ្តុះបណ្តាលធនធានមនុស្សមួយដ៏សំខាន់ផងដែរ៕

សេចក្តីថ្លែងការណ៍រួមរវាងព្រះរាជាណាចក្រកម្ពុជា និងប្រទេសជប៉ុន

2022/03/20 02:11:05 pm        558
Facebook Telegram Linkin
ភ្នំពេញ៖ តបតាមការអញ្ជើញរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឯកឧត្តម គីស៊ីដា ហ្វឹមីអូ (KISHIDA Fumio) នាយករដ្ឋមន្ត្រី នៃប្រទេសជប៉ុនបានអញ្ជើញមកបំពេញទស្សនកិច្ចផ្លូវការ នៅព្រះរាជាណាចក្រកម្ពុជាចាប់ពីថ្ងៃទី២០ ដល់ថ្ងៃទី២១ ខែមីនា ឆ្នាំ២០២២។ ខាងក្រោមនេះ ជាសេចក្តីថ្លែងការណ៍រួមរវាងព្រះរាជាណាចក្រកម្ពុជា និងប្រទេសជប៉ុន៖

សម្តេចតេជោ ហ៊ុន សែន និងនាយករដ្ឋមន្ត្រីជប៉ុន អញ្ជើញធ្វើជាអធិបតីភាព ក្នុងពិធីចុះហត្ថលេខាលើឯកសារសំខាន់ៗចំនួន២

2022/03/20 08:08:26 pm        628
Facebook Telegram Linkin
ភ្នំពេញ៖ នៅរាត្រីថ្ងៃទី ២០ ខែមីនា ឆ្នាំ ២០២២ សម្តេចតេជោ ហ៊ុន សែន នាយករដ្ឋមន្ត្រី និងឯកឧត្តមនាយករដ្ឋមន្ត្រីជប៉ុន អញ្ជើញធ្វើជាអធិបតីភាព ក្នុងពិធីចុះហត្ថលេខាលើឯកសារសំខាន់ៗចំនួន២។ខ្លឹមសារ នៃការចុះហត្ថលេខានោះរួមមាន៖ គម្រោងទទួលបានថាមពលកើតឡើងវិញ ប្រកបដោយបរិយាប័ន្ននៅតំបន់ជនបទ ដែលមានទំហំទឹកប្រាក់២០០លានយ៉េន ស្មើនឹងប្រមាណ១,៧លានដុល្លារអាមេរិក និងគម្រោងពង្រឹងតម្លាភាព និងគណនេយ្យភាពនៅរដ្ឋបាលមូលដ្ឋាន តាមរយៈការចូលរួមពីប្រជាពលរដ្ឋ ដែលមានទំហំទឹកប្រាក់៣០០លានយ៉េន ស្មើនឹងប្រមាណ២,៦លានដុល្លារអាមេរិក៕

សម្ដេចតេជោ ហ៊ុន សែន អញ្ជើញទទួលស្វាគមន៍ដំណើរបំពេញទស្សនកិច្ចផ្លូវការរបស់នាយករដ្ឋមន្ត្រីជប៉ុន

2022/03/20 06:20:02 pm        330
Facebook Telegram Linkin
ភ្នំពេញ៖ នៅល្ងាចថ្ងៃអាទិត្យ ទី២០ ខែមីនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញទទួលស្វាគមន៍ជាផ្លូវការ នៃដំណើរបំពេញទស្សនកិច្ចរបស់ឯកឧត្តម គីស៊ីដា ហ្វូមីអូ ( Kishida Fumio) ក្នុងឱកាសដែលឯកឧត្តមអញ្ជើញបំពេញទស្សនកិច្ចផ្លូវការនៅព្រះរាជាណាចក្រកម្ពុជា។ ពិធីទទួលស្វាគមន៍ ឯកឧត្តមនាយករដ្ឋមន្ត្រីជប៉ុន បានធ្វើឡើងនៅវិមានសន្តិភាព រាជធានីភ្នំពេញ ដោយមានការអញ្ជើញចូលរួមពីតំណាងអង្គទូតនានា នៅព្រះរាជាណាចក្រកម្ពុជា មន្ត្រីនៃរាជរដ្ឋាភិបាលកម្ពុជា និងមន្ត្រីប្រតិភូសំខាន់ៗនៃប្រទេសជប៉ុន។ បន្ទាប់ពីពិធីបដិសណ្ឋារកិច្ចផ្លូវការរួចហើយ នៅល្ងាចនេះ សម្ដេចតេជោនាយករដ្ឋមន្ត្រីនឹងអញ្ជេីញជួបពិភាក្សាការងារទ្វេរភាគីជាមួយនឹងឯកឧត្តមនាយករដ្ឋមន្ត្រី ជប៉ុន បន្ទាប់មកសម្តេចតេជោ និងនាយករដ្ឋមន្ត្រីជប៉ុន នឹងធ្វើជាអធិបតីក្នុងពិធីចុះហត្ថលេខាលើឯកសារសំខាន់ៗ និងមានសន្និសីទព័ត៌មានរួមគ្នាផងដែរ។តាមរយៈដំណើរបំពេញទស្សនកិច្ចផ្លូវរបស់នាយករដ្ឋមន្ត្រីជប៉ុននៅពេលនេះ នឹងពង្រឹងបន្ថែមទៀតនូវទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ រួមមានក្នុងវិស័យពាណិជ្ជកម្ម និងការវិនិយោគ អប់រំ ហេដ្ឋារចនាសម្ព័ន្ធ ការពារជាតិនិងសន្តិសុខ និងការស្តារសង្គម-សេដ្ឋកិច្ចឡើងវិញ ក្រោយវិបត្តិនៃជំងឺកូវីដ-១៩ ព្រមទាំងវិស័យផ្សេងៗទៀត៕

នាយករដ្ឋមន្ត្រីជប៉ុន ចាប់ផ្តើមបំពេញទស្សនកិច្ចផ្លូវការនៅកម្ពុជា

2022/03/20 06:04:14 pm        237
Facebook Telegram Linkin
ភ្នំពេញ៖ ឯកឧត្តម គីស៊ីដា ហ្វូមីអូ នាយករដ្ឋមន្រ្តីជប៉ុន នឹងដឹកនាំគណៈប្រតិភូជាន់ខ្ពស់ជប៉ុន បំពេញទស្សនកិច្ចផ្លូវការនៅកម្ពុជានាថ្ងៃទី២០ ខែមីនានេះ នៃគម្រោងបំពេញទស្សនកិច្ចផ្លូវការនៅកម្ពុជារយៈពេល២ថ្ងៃនៅកម្ពុជា (២០-២១ ខែមីនា ឆ្នាំ២០២២)។នាយករដ្ឋមន្ត្រីជប៉ុន មានជំនួបជាមួយសម្តេចតេជោ ហ៊ុន សែន នាយករដ្ឋមន្ត្រី ដើម្បីពិភាក្សាអំពីការពង្រឹងទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ , អញ្ជើញដាក់កម្រងផ្កាគោរពវិញ្ញាណក្ខន្ធនៅវិមានឯករាជ្យ និងនៅមណ្ឌបព្រះបរមរតនកោដ្ឋ អតីតព្រះមហាក្សត្រ, អញ្ជើញទៅគោរពវិញ្ញាណក្ខន្ធនៅមណ្ឌបរបស់អតីតមន្ត្រីជប៉ុនចំនួន២រូប ដែលបានពលីជីវិតនៅក្នុងបេសកកម្មការងាររបស់អង្គការសហប្រជាជាតិនៅកម្ពុជា។នាយករដ្ឋមន្រ្តីទាំងពីរ ក៏នឹងអញ្ជើញធ្វើសន្និសីទសារព័ត៌មានរួមគ្នាផងដែរ៕

«សាររបស់ឯកឧត្តម គីស៊ីដា ហ្វូមិអុ នាយករដ្ឋមន្ត្រីជប៉ុនជូនចំពោះប្រជាជនកម្ពុជា»

2022/03/20 02:07:15 am        2492
Facebook Telegram Linkin
 ភ្នំពេញ៖ ខាងក្រោមនេះ ជាសាររបស់ ឯកឧត្ដម គីស៊ីដា ហ្វូមិអុ ជានាយករដ្ឋមន្ត្រីជប៉ុន ដែលមានខ្លឹមសារទាំងស្រុងដូចខាងក្រោម៖ជំរាបសួរប្រជាជនកម្ពុជាជាទីរាប់អាន! ខ្ញុំឈ្មោះ គីស៊ីដា ហ្វូមិអុ ជានាយករដ្ឋមន្ត្រីជប៉ុន។ថ្ងៃនេះខ្ញុំនឹងមកធ្វើទស្សនកិច្ចនៅប្រទេសកម្ពុជា។ ការធ្វើទស្សនកិច្ចលើកនេះ ធ្វើឡើងបន្ទាប់ពី ខ្ញុំបានមកបំពេញទស្សនកិច្ចនៅកម្ពុជាក្នុងឋានៈជារដ្ឋមន្ត្រីក្រសួងការបរទេសក្នុងឆ្នាំ២០១៤មកម្ល៉េះ។ ខ្ញុំទន្ទឹងរង់ចាំឃើញដោយផ្ទាល់ នូវភាពរីកចំរើនបន្ថែមទៀតនៅកម្ពុជា ។កម្ពុជាសម្រេចបាននូវការអភិវឌ្ឍសេដ្ឋកិច្ចដ៏រឹងមាំចាប់តាំងពីបានទទួលនូវសន្តិភាព។ ខ្ញុំសូមយកឱកាសនេះសម្តែងនូវការគោរពដល់ប្រជាជនកម្ពុជាសារជាថ្មីម្តងទៀត ដល់ការខិតខំរបស់ប្រជាជនកម្ពុជារហូតមកដល់ពេលនេះ។ ។ ក្នុងអំឡុងពេលកន្លងមកនេះ ទំនាក់ទំនងសហប្រតិបត្តិការរវាងប្រទេសយើងទាំងពីរកាន់តែស៊ីជម្រៅលើគ្រប់វិស័យ។ ប៉ុន្តែស្ថានភាពក្នុងពិភពលោកជុំវិញប្រទេសយើងទាំងពីរកាន់តែមានភាពស្មុគស្មាញ។ ដូច្នេះដើម្បីឱ្យប្រទេសជប៉ុន និងកម្ពុជា បន្តអភិវឌ្ឍជាមួយគ្នាក្នុងពិភពលោកប្រកបដោយស្ថិរភាព ខ្ញុំមកបំពេញទស្សនកិច្ចនៅកម្ពុជា ដោយមានគោលបំណងពីរដូចខាងក្រោម។ទី១ គឺការពង្រឹងបន្ថែមទៀតនូវទំនាក់ទំនងជប៉ុន-កម្ពុជា។ ឆ្នាំនេះ គឺជាខួបលើកទី៣០នៃការចូលរួមរបស់ជប៉ុនក្នុងសកម្មភាពថែរក្សាសន្តិភាព(PKO) ជាលើកដំបូងមកកម្ពុជា។ ជប៉ុនបានដើរជាមួយកម្ពុជាលើផ្លូវឆ្ពោះទៅរកសន្តិភាព ការស្តារឡើងវិញ និងអភិវឌ្ឍន៍សេដ្ឋកិច្ចជាបន្តបន្ទាប់នៅកម្ពុជា។ជាឧទាហរណ៍ ប្រទេសជប៉ុនបាននិងកំពុងផ្តល់ការគាំទ្រអស់រយៈពេលជាច្រើនឆ្នាំ លើការដោះមីនតាមរយៈការផ្តល់ឧបករណ៍ និងការបញ្ជូនអ្នកជំនាញ និងលើវិស័យផ្គត់ផ្គង់ទឹកស្អាតដោយស្ថិរភាពនៅក្នុងរាជធានីភ្នំពេញជាដើម។ ហើយនៅពេលថ្មីៗនេះ ជប៉ុនបានផ្តល់វ៉ាក់សាំងប្រមាណ ១.៣លានដូស និងឥណទានសម្បទានសរុប ៤៥ពាន់លានយ៉េន ដើម្បីគាំទ្រដល់វិធានការរបស់រដ្ឋាភិបាលកម្ពុជាប្រឆាំងនឹងកូវីត-១៩។ លើសពីនេះទៀត យើងក៏មានគម្រោងគាំទ្រដល់ការអភិវឌ្ឍកំពង់ផែស្វ័យតក្រុងព្រះសីហនុ ដែលជាសសរទ្រូងនៃការអភិវឌ្ឍសេដ្ឋកិច្ចរបស់កម្ពុជា។ ខ្ញុំជឿជាក់ថា កិច្ចសហប្រតិបត្តិការទាំងនេះបាននាំឲ្យមានទំនាក់ទំនងទុកចិត្តគ្នាដ៏ស៊ីជម្រៅ រវាងរដ្ឋាភិបាល និងប្រជាជនប្រទេសទាំងពីរ។ ថ្ងៃនេះ　ដោយផ្អែកលើទំនាក់ទំនងទុកចិត្តគ្នារបស់យើង ខ្ញុំនឹងធ្វើការពិភាក្សាយ៉ាងលំអិត ជាមួយសម្តេចតេជោនាយករដ្ឋមន្ត្រី ហ៊ុន សែនអំពីកិច្ចសហប្រតិបត្តិការលើវិស័យសេដ្ឋកិច្ច និងសន្តិសុខ ដើម្បីអភិវឌ្ឍទំនាក់ទំនងរវាងប្រទេសទាំងពីរឱ្យកាន់តែរីកចម្រើន។ទី២ គឺពង្រឹងកិច្ចសហប្រតិបត្តិការក្នុងកិច្ចការអន្តរជាតិ និងតំបន់ រួមមានបញ្ហាអ៊ុយក្រែន និងមីយ៉ាន់ម៉ាជាដើម។ នាពេលបច្ចុប្បន្ន សហគមន៍អន្តរជាតិកំពុងប្រឈមមុខនឹងស្ថានភាពដែលអង្រួនមូលដ្ឋានគ្រឹះនៃសណ្តាប់ធ្នាប់អន្តរជាតិ។ ការឈ្លានពានរបស់រុស្សីមកលើអ៊ុយក្រែន គឺជាការបំពានយ៉ាងច្បាស់លើច្បាប់អន្តរជាតិ ហើយប្រាកដជាមិនអាចទទួលស្គាល់បានឡើយ។ ប្រទេសជប៉ុន និងកម្ពុជា បានចូលរួមជាមួយគ្នាជាប្រទេសសហស្ថាបនិកនៃសេចក្តីសម្រេចចិត្តនៃកិច្ចប្រជុំពិសេសបន្ទាន់របស់មហាសន្និបាតអង្គការសហប្រជាជាតិស្តីពីការឈ្លានពានលើប្រទេសអ៊ុយក្រែន ហើយក៏បានសម្តែងការប្រឆាំងយ៉ាងច្បាស់ចំពោះការផ្លាស់ប្តូរស្ថានភាពបច្ចុប្បន្នដោយកម្លាំងជាឯកតោភាគីរបស់រុស្ស៊ី និងអំពើហិង្សាប្រឆាំងនឹងច្បាប់អន្តរជាតិ និងធម្មនុញ្ញអង្គការសហប្រជាជាតិ។ សម្តេចតេជោ នាយករដ្ឋមន្ត្រី ហ៊ុន សែនមានប្រសាសន៍ជាមួយខ្ញុំថា ក្នុងនាមជាប្រធានអាស៊ានប្តេជ្ញាចិត្តដើម្បីឆ្ពោះទៅរកដំណោះស្រាយនៃបញ្ហានានាដូចជា ស្ថានភាពនៅមីយ៉ាន់ម៉ាជាដើម ។ ខ្ញុំបានយល់ថាតាមបទពិសោធន៍នៃសង្គ្រាមស៊ីវិល ប្រជាជនកម្ពុជាមានចិត្តគំនិតដ៏ពិសេសចំពោះសន្តិភាព។ ហេតុដូច្នេះហើយ ខ្ញុំមានបំណងសហការជាមួយរដ្ឋាភិបាលកម្ពុជាដើម្បីសន្តិភាព និងស្ថិរភាពក្នុងតំបន់ និងពិភពលោក។ឆ្នាំ២០២៣ គឺជាខួបអនុស្សាវរីយ៍លើកទី៧០នៃការបង្កើតទំនាក់ទំនងការទូតរវាងប្រទេសជប៉ុន និងកម្ពុជា។ អស់លោកលោកស្រី ក្មួយៗដែលជាប្រជាជនកម្ពុជាទាំងអស់ ទោះរួមគ្នាបង្កើតទំព័រថ្មីនៃកិច្ចសហប្រតិបត្តិការជប៉ុន-កម្ពុជាជាមួយយើងខ្ញុំ។

ឯកឧត្តម ហ៊ុន ម៉ាណែត៖ យុវជនជាឆ្អឹងខ្នងដ៏រឹងមាំរបស់សង្គមជាតិ និងជាកម្លាំងបន្តវេនដ៏មុតស្រួចក្នុងការដឹកនាំកម្ពុជា

2022/03/19 03:37:21 pm        880
Facebook Telegram Linkin
កំពង់ស្ពឺ៖ ឯកឧត្តម ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានមានប្រសាន៍ថា យុវជនជាឆ្អឹងខ្នងដ៏រឹងមាំរបស់សង្គមជាតិ និងជាកម្លាំងបន្តវេនដ៏មុតស្រួច ក្នុងការដឹកនាំកម្ពុជា ឆ្ពោះទៅរកវឌ្ឍនភាពជឿនលឿនរុងរឿង។ ថ្លែងក្នុងពិធីប្រកាសសមាសភាពក្រុមការងារយុវជនគណបក្សខេត្តកំពង់ស្ពឺ នៅក្រុងច្បារមន កាល​ពីព្រឹកថ្ងៃទី១៩ ខែកុម្ភៈ ឆ្នាំ២០២២ ឯកឧត្តម ហ៊ុន ម៉ាណែត អំពាវនាវឲ្យយុវជនខិតខំប្រឹងប្រែង​យក​ចិត្តទុកដាក់ពង្រឹង ​និងពង្រីកសក្តានុពលរបស់​ខ្លួនឱ្យកាន់តែ រឹងមាំ​ច្បាស់លាស់ទាំង​ផ្នែកសមត្ថភាព​ចំណេះ​ដឹងជំនាញ ​និងផ្នែក​ចរិយាសម្បត្តិប្រកប​ដោយគុណធម៌​ សីលធម៌ រួមជាមួយនឹងស្មារតី និង​សកម្មភាពចូលរួមថែរក្សានូវសមិទ្ធផលដែលមានស្រាប់ឱ្យបានគង់វង្ស ​និងបន្តពង្រីកបន្ថែមទៀត​នូវ​សមិទ្ធផលវិជ្ជមានថ្មីៗ សម្រាប់ជាប្រយោជន៍ជាតិ មាតុភូមិនិងប្រជាជន។ឯកឧត្ដម ថ្លែងអំណរគុណដល់គណៈកម្មាធិការគណបក្សប្រជាជនកម្ពុជាខេត្តកំពង់ស្ពឺ និង​អង្គការ​ចាត់តាំងចំណុះ ​ព្រមទាំងយន្តការចុះជួយគ្រប់ជាន់ថ្នាក់​ ដែលបានខិតខំប្រឹង​ប្រែង​ក្នុងការបម្រើ និង​ចុះសួរសុខទុក្ខប្រជាពលរដ្ឋជាប់ជាប្រចាំ។ ទាំងនេះ​បាន​ឆ្លុះបញ្ចាំង​ឱ្យឃើញអំពីកម្លាំង​សាមគ្គីភាព​ដ៏ខ្លាំងក្លា ​និងភាពរឹងមាំ​របស់គណបក្ស ប្រជាជនកម្ពុជា ​ដែលតែងនៅក្បែរប្រជាពលរដ្ឋគ្រប់កាលៈទេសៈ៕

ទស្សនកិច្ចនាយករដ្ឋមន្រ្តីជប៉ុននៅកម្ពុជា នឹងមានផ្លែផ្កាទាំងនយោបាយការទូត និងកំណើនវិនិយោគ

2022/03/19 08:32:01 am        777
Facebook Telegram Linkin
ភ្នំពេញ៖ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាកម្ពុជា ចាត់ទុកការបំពេញទស្សនកិច្ចរបស់នាយករដ្ឋមន្រ្តីជប៉ុនមកកាន់កម្ពុជា នឹងទទួលបានផ្លែផ្កាទាំងនយោបាយការទូតទ្វេភាគី និងកំណើនវិនិយោគជប៉ុនមកកម្ពុជា។ ថ្លែងក្នុងពិភាក្សាពិសេសជាមួយទូរទស្សន៍ BTV News ជុំវិញទស្សនកិច្ចរបស់ឯកឧត្តម គីស៊ីដា ហ្វូមីអូ នាយករដ្ឋមន្រ្តីជប៉ុនមកកម្ពុជា ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យ​សភា​កម្ពុជា មានប្រសាសន៍ថា​ ជប៉ុន​ជាប្រទេសដៃគូរបស់កម្ពុជា​ដែល​បាន​រួមចំណែក​ក្នុងកិច្ចការ​សំខាន់ៗ​ជាច្រើន​លើ​គ្រប់វិស័យ ​ក្នុងនោះ​ក្រោយ​មាន​សន្ធិសញ្ញា​ទីក្រុងប៉ារីសឆ្នាំ១៩៩១ ​ ជប៉ុន​បាន​បញ្ជូន​កង​ស្វ័យ​ការពារ​របស់ខ្លួន ​ចូលរួមធ្វើបំពេញ​បេសកម្មនៅកម្ពុជា។ ឯកឧត្តមបណ្ឌិតសភាចារ្យ បានលើកឡើងយ៉ាងដូច្នេះ ដោយផ្អែកលើនយោបាយ​ផ្កា​ចម្រុះពណ៌​របស់​សម្តេចតេជោ ​ហ៊ុន សែន ​នាយករដ្ឋមន្រ្តី ​គឺ​ជា​ការ​ឆ្លុះបញ្ចាំង​ពី​តថភាពយ៉ាងច្បាស់​ទៅ​លើ​នយោបាយការបរទេសរបស់សម្តេចតេជោ​ ដែលធ្វើឲ្យបណ្តាប្រទេស​ដែល​មាន​ទិសដៅ និង​គិត​អំពីផលប្រយោជន៍ជាតិដូចគ្នា​ ដើម្បី​បញ្ចៀស​សង្គ្រាម​ និង​ការ​គាបសង្កត់​ពី​ប្រទេសនានា។ជាមួយគ្នានេះ ឯកឧត្តមបណ្ឌិត ម៉ី កល្យាណ ​ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិ ជឿជាក់ថា ​ដំណើរទស្សនកិច្ចរបស់នាយករដ្ឋមន្រ្តីជប៉ុនមក​កាន់​កម្ពុជា​នឹងធ្វើឲ្យស្ថានភាព​ការ​វិនិយោគរបស់ជប៉ុន​នៅកម្ពុជាកើនឡើង។ ​ទន្ទឹមនោះ ​ឯកឧត្តមបណ្ឌិត​ បានរំពឹងថា ​ការអញ្ជើញរបស់នាយករដ្ឋមន្រ្តីជប៉ុន ​ជាឱកាសមាស ហើយ​នឹងក្លាយ​ជារូបភាព​ល្អសម្រាប់​ទាក់ទាញ​វិនិយោគិនជប៉ុន​មកបណ្តាក់ទុកនៅកម្ពុជា។ទោះ​ស្ថិតក្នុង​ដំណាក់កាលវិបត្តិជាសកល​នៃជំងឺកូវីដ-១៩​ មិន​បាន​ក្លាយ​ជារបាំង​ ឬជះឥទ្ធិពល​ដល់​ទំនាក់ទំនងពាណិជ្ជកម្មរវាងកម្ពុជា-ជប៉ុន​ឲ្យធ្លាក់ចុះនោះឡើយ ​ពោលក្នុងឆ្នាំ២០២១ កន្លងមក ទំហំពាណិជ្ជកម្ម​រវាងប្រទេសទាំងពីរ ​មានទឹកប្រាក់សរុបជាង ​២,៣ ​ពាន់លានដុល្លារ បើធៀបទៅនឹងឆ្នាំ២០២០ កើនជិត១១ភាគរយ។ បន្ថែមពីលើនេះ ​ចំពោះវិស័យ​ពាណិជ្ជកម្មនេះ មានទំនិញចម្បង​របស់កម្ពុជា​ដែល​នាំចេញទៅកាន់​ប្រទេស​ជប៉ុន រួមមាន សំលៀកបំពាក់ គ្រឿង​អេឡិចត្រូនិក​ និងផលិតផលកសិកម្ម ខណៈទំនិញ​របស់​ជប៉ុន​ដែលនាំចូលមកកាន់កម្ពុជា ​មានជា​អាថិ៍ គ្រឿងម៉ាស៊ីន ​និង​ផលិតផលបច្ចេកវិទ្យា។ឯកឧត្តម ​គីស៊ីដា ហ្វូមីអូ ​នាយករដ្ឋមន្រ្តីជប៉ុន នឹង​ដឹកនាំ​គណៈប្រតិភូជាន់ខ្ពស់អញ្ជើញមកបំពេញ​ទស្សនកិច្ច​នៅកម្ពុជា រយៈពេល២ថ្ងៃ ពីថ្ងៃទី២០ ​ដល់ថ្ងៃទី២១ ​ខែមីនា ឆ្នាំ២០២២។ក្នុងទស្សនកិច្ចស្អែកនេះ សម្តេចតេជោ ហ៊ុន សែន ​នាយករដ្ឋមន្រ្តី ​និង​ឯកឧត្តមនាយករដ្ឋមន្រ្តីជប៉ុន នឹង​មានជំនួប​ទ្វេភាគី ​ដើម្បីពិភាក្សាអំពីការពង្រឹង​ទំនាក់ទំនង និងកិច្ចសហប្រតិបត្តិការរវាង​ប្រទេស​ទាំងពីរ រួមមាន ​វិស័យពាណិជ្ជកម្ម ការវិនិយោគ​ អប់រំ ​ហេដ្ឋារចនាសម្ព័ន្ធ ​ការពារជាតិ ​សន្តិសុខ និង​ការស្តារសង្គម-សេដ្ឋកិច្ចឡើងវិញ ​ក្រោយវិបត្តិនៃជំងឺកូវីដ-១៩។ក្នុងជំនួបទ្វេភាគីរបស់​នាយករដ្ឋមន្រ្តីប្រទេសទាំងពីរ ​ក៏នឹងផ្លាស់ប្តូរទស្សនៈគ្នា​ស្តីពីបញ្ហាតំបន់ និង​អន្តរជាតិនានា​ដែលជាផលប្រយោជន៍ ​និងក្តី​បារម្ភរួម៕ អត្ថបទ៖ សេក ឧត្តម រូបភាព៖ ឯកសារ

បណ្ដាញសង្គម

ព័ត៌មានថ្មីៗ

សេចក្តីថ្លែងការណ៍ជំនួបកំពូល EU៖ ហុងគ្រី ឆែក និងស្លូវ៉ាគី បដិសេធមិនផ្តល់ហិរញ្ញប្បទានដល់អ៊ុយ ក្រែន
12/19/2025 02:12 PM
Facebook Telegram Linkin
បេសកកម្មUN៖ រុស្ស៊ីព្រួយបារម្ភអំពីស្ថានភាពមនុស្សធម៌កាន់តែអាក្រក់ឡើងៗ នៅក្នុងប្រទេសស៊ីរី
12/19/2025 02:12 PM
Facebook Telegram Linkin
កាសែតគាំទ្រក្រុងព្យុងយ៉ាងកត់សម្គាល់ពីការលុបចោលបញ្ហាកូរ៉េខាងជើងពីរបាយការណ៍យុទ្ធសាស្ត្រសន្តិសុខអាមេរិក
12/19/2025 02:12 PM
Facebook Telegram Linkin
ប្រមុខការទូតអាមេរិក Marco Rubio ជំរុញឱ្យថៃត្រឡប់ទៅអនុវត្តកិច្ចព្រមព្រៀងសន្តិភាពជាមួយកម្ពុជាឡើងវិញ
12/19/2025 02:12 PM
Facebook Telegram Linkin
លោក MADURO ប្តេជ្ញាការពារអធិបតេយ្យភាពរបស់វ៉េណេស៊ុយអេឡា ទោះបីស្ថិតក្នុងកាលៈទេសៈណាក៏ដោយ
12/19/2025 02:12 PM
Facebook Telegram Linkin
UN៖ ជនអន្តោប្រវេសន៍ជិត ៧0.000នាក់ បានស្លាប់ ឬបាត់ខ្លួនតាមផ្លូវ ចាប់តាំងពីឆ្នាំ ២០១៤
12/19/2025 02:12 PM
Facebook Telegram Linkin
អាមេរិកចោទអាហ្វ្រិកខាងត្បូងពីបទយាយីមន្ត្រីអាមេរិក ដែលធ្វើការជាមួយជនជាតិអាហ្វ្រិក
12/19/2025 01:12 PM
Facebook Telegram Linkin
UN និយាយថា ក្រុមហ៊ួទីបានចាប់ខ្លួនបុគ្គលិករបស់ខ្លួនចំនួន ១០នាក់ បន្ថែមទៀត នៅក្នុងរដ្ឋធានីយេម៉ែន
12/19/2025 01:12 PM
Facebook Telegram Linkin
កម្ពុជា-ចិន បញ្ជាក់សារជាថ្មីពីការប្តេជ្ញាចិត្តឥតងាករេចំពោះទំនាក់ទំនងមិត្តភាពដែកថែបរវាងប្រទេសទាំងពីរ
12/19/2025 01:12 PM
Facebook Telegram Linkin
ក្រុមការងារ និង​បងប្អូន​ភៀស​សឹក​នៅ​ក្រុង​រុនតាឯក​តេជោសែន​បាន​រៀបចំ​ដាំដុះ​បន្លែ​សម្រាប់​បំពេញ​តម្រូវ​ការចាំបាច់ជាប្រចាំថ្ងៃ លើផ្ទៃដីសរុបប្រមាណ ២,៦០០ ម៉ែត្រការ៉េ ចំនួន ៥០ រោង
12/19/2025 12:12 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.