BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

ពលរដ្ឋអាយុពី ១៨ឆ្នាំឡើងចំនួនជាង ១លាននាក់នៅរាជធានីភ្នំពេញ បានចាក់វ៉ាក់សាំងដូសទី៣រួចរាល់

ភ្នំពេញ៖ គិតត្រឹមថ្ងៃទី៣១ ខែមករា ឆ្នាំ២០២២ ពលរដ្ឋមានអាយុពី១៨ឆ្នាំឡើង មកទទួលការចាក់វ៉ាក់សាំង នៅរាជធានីភ្នំពេញដូសទី៣ មានចំនួនជាង១លាននាក់ និងដូសទី៤ មានចំនួនជាង៤៥ម៉ឺននាក់។ ការចាក់វ៉ាក់សាំងដូសជំរុញទី៣ និងទី៤ គឺដើម្បីបង្កើនអង់ទីគ័រទប់ទល់ នឹងការវាយលុកពីជំងឺកូវីដ-១៩។ពលរដ្ឋមកទទួលការចាក់វ៉ាក់សាំងកូវីដ-១៩ ដូសទី៣ និងទី៤ នៅមន្ទីរពេទ្យបង្អែកច្បារអំពៅ នៅថ្ងៃទី១ ខែកុម្ភៈនេះ បានប្រាប់BTVឱ្យដឹងថា ការចាក់វ៉ាក់សាំងពិតជារឿងសំខាន់ ព្រោះអាចទប់ទល់ពីការ វាយលុកពីជំងឺកូវីដ-១៩ និងបានជួយបង្កើនទំនុកចិត្តបន្ថែមទៀត ក្នុងរស់នៅតាមបែបគន្លងថ្មី ជាមួយជំងឺកូវីដ-១៩។ពួកគេ បានបន្តថា ទោះបីចាក់វ៉ាក់សាំងដូសជំរុញរួចហើយក្តី ក៏នៅតែបន្តអនុវត្តវិធានសុខាភិបាល ៣កុំ ៣ការពារ។របាយការណ៍របស់គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ដែលBTVទទួលបាននៅថ្ងៃទី០១ ខែកុម្ភៈនេះ បានបង្ហាញថា គិតត្រឹមថ្ងៃទី៣១ ខែមករា ឆ្នាំ២០២២ ពលរដ្ឋមានអាយុពី ១៨ឆ្នាំឡើង មកទទួលការចាក់វ៉ាក់សាំងនៅរាជធានីភ្នំពេញ ដូសទី៣ មានចំនួនជាង១លាន នាក់ និងដូសទី៤ មានចំនួនជាង៤៥ម៉ឺននាក់។ ពលរដ្ឋដែលមិនទាន់ទទួលបានការចាក់វ៉ាក់សាំងកូវីដ-១៩ រាប់ចាប់ពីដូសទី១ឡើងទៅ គឺអាចទៅទទួលការការចាក់វ៉ាក់សាំង នៅទីតាំងសុខាភិបាលសាធារណៈ ក្នុងមូលដ្ឋានរស់នៅរបស់ពួកគេ។បច្ចុប្បន្នកម្ពុជា បានបើកដំណើរការប្រទេសឡើងវិញតាមបែបគន្លងថ្មី បន្ទាប់ពីទទួលបានជោគ ជ័យលើនយោបាយចាក់វ៉ាក់សាំងជូនពលរដ្ឋបានជិត ៩០ភាគរយ ធៀបនឹងចំនួនពលរដ្ឋជាង ១៦លាននាក់៕អត្ថបទ៖ ទូច សោភ័ណ

អាជ្ញាធរជាតិអប្សរា កំពុងរៀបចំវង់ទស្សនាថ្ងៃលិចនៅប្រាសាទភ្នំក្រោម

សៀមរាប៖ នៅរមណីយដ្ឋានអង្គរ បើនិយាយពីគោលដៅទស្សនាថ្ងៃរៀបលិច នោះគេនឹងស្គាល់ច្បាស់ពីប្រាសាទភ្នំបាខែង ។ តែដើម្បីជម្រុញគោលដៅទស្សនាថ្ងៃរៀបលិច ឱ្យកាន់តែច្រើន និងផ្តល់នូវទេសភាពថ្ងៃរៀបលិចប្លែកៗ អាជ្ញាធរជាតិអប្សរា បានរៀបចំទីតាំងថ្មីៗបន្ថែមទៀតមួយចំនួន។ ជាក់ស្ដែងអាជ្ញាធរជាតិអប្សរាកំពុងរៀបចំវង់ទស្សនាថ្ងៃរៀបលិចមួយបន្ថែមទៀត នៅរមណីយដ្ឋានប្រាសាទភ្នំក្រោម ដែលនៅជាប់បឹងទន្លេសាប ព្រោះនៅទីនោះភ្ញៀវទេចរអាចមើលឃើញនូវទិដ្ឋភាពស្រស់ស្អាតអមដោយវាលស្រែ និងផ្ទៃដីព្រៃលិចទឹកដាច់កន្ទុយភ្នែកនៃបឹងទន្លេសាប។លោក សេង សុធារ៉ា អនុប្រធានអភិវឌ្ឍន៍ទេសចរណ៍អង្គរ លើកឡើងថា ក្នុងការរៀបចំវង់ទស្សនាថ្ងៃលិច អាជ្ញាធរជាតិអប្សរាបានកែលម្អបរិស្ថាន លើកកម្ពស់សោភ័ណភាពជុំវិញប្រាសាទ រៀបចំផ្លូវដើរជុំវិញប្រាសាទ ដាក់ស្លាកសញ្ញាបង្ហាញទិស ដាក់បង្គោលខ្សែការពារសុវត្ថិភាព រៀបចំផ្ទាំងព័ត៌មានស្តីពីប្រាសាទ៕

មន្រ្តីសុខាភិបាលរំលឹកពលរដ្ឋឲ្យបន្តមានការប្រុងប្រយ័ត្នខ្ពស់ ខណៈអូមីក្រុងបន្តកើនឡើងជារៀងរាល់ថ្ងៃ

ភ្នំពេញ៖ អ្នកនាំពាក្យ និងជារដ្ឋលេខាធិការក្រសួងសុខាភិបាលកម្ពុជា លោកជំទាវ ឱ វណ្ណឌីន បានបន្តអំពាវនាវយ៉ាងទទូចដល់ជនរួមជាតិទាំងអស់ ត្រូវបង្កើនការប្រុងប្រយ័ត្នឲ្យបានខ្លាំងក្លាបន្ថែមទៀត ចំពោះវិធានការការពារនូវមេរោគកូវីដ១៩ ខណៈមេរោគបំប្លែងថ្មី អូមេក្រុងវាបន្តកើនឡើងជារៀងរាល់ថ្ងៃ បើទោះបីជាមេរោគប្រភេទថ្មីនេះ វាមិនបណ្តាលឲ្យយើងជួបផលប៉ះពាល់ខ្លាំងយ៉ាងណាក៏ដោយ។តាមរយៈសារសំឡេង ដែលបានផ្ញើជូនដល់បងប្អូនជនរួមជាតិ នាថ្ងៃទី១ ខែកុម្ភៈ ឆ្នាំ២០២២នេះ លោកជំទាវ ឱ វណ្ណឌីន បានលើកឡើងថា នាពេលបច្ចុប្បន្ន ក៏ដូចជាក្នុងឱកាសបុណ្យចូលឆ្នាំចិននេះ មានបងប្អូនមួយចំនួននៅមានការធ្វេសប្រហែសនៅឡើយចំពោះវិធានការទប់ស្កាត់ នូវការរីករាលដាលនៃមេរោគកូវីដ១៩ ជាពិសេសមេរោគបំប្លែងថ្មីប្រភេទអូមីក្រុងនេះតែម្តង។ ដូច្នេះក្នុងនាមក្រសួងសុខាភិបាល លោកជំទាវ បានជំរុញឲ្យបងប្អូនជនរួមជាតិទាំងអស់ខិតខំអនុវត្តន៍បានគ្រប់ៗគ្នា ដើម្បីបង្ការខ្លួនឲ្យរួចផុតពីការរីករាលដាលនូវមេរោគនេះ រួមទាំងដើម្បីសុខភាពសាធារណៈផងដែរ។តាមរយៈសារសំឡេងនេះដែរ លោកជំទាវ ឱ វណ្ណឌីន ក្នុងនាម ប្រធានគណៈកម្មការចំពោះកិច្ចចាក់វ៉ាក់សាំងក្នុងក្របខណ្ឌទូទាំងប្រទេសបានអំពាវនាវដល់បងប្អូនជនរួមជាតិទាំងអស់ ដែលពុំទាន់បានចាក់វ៉ាក់សាំងដូសទី៣ និងដូសទី៤ គប្បីប្រញាប់ទៅចាក់ឲ្យបានគ្រប់ៗគ្នា ខណៈកន្លែងចាក់មាននូវតាមមណ្ឌលនានា ក្បែរផ្ទះរបស់បងប្អូន ដោយការជំរុញឲ្យមានការចាក់នូវដូសទី៤នេះ គឺវានឹងជួយដល់បងប្អូនឲ្យមានភាពស៊ាំបានយ៉ាងខ្លាំងក្លានៅក្នុងសហគមន៍ និងបង្កើនអង់ទីគ័រមិនឲ្យមានសភាពធ្ងន់ធ្ងរនៃជំងឺផងដែរ។ សូមបញ្ជាក់ថា រហូតមកដល់ថ្ងៃទី១ ខែកុម្ភៈ ឆ្នាំ២០២២នេះ ប្រទេសកម្ពុជាមានការរីករាលដាលនូវមេរោគកូវីដ១៩ បំប្លែងថ្មីប្រភេទអូមីក្រុងចំនួន ៤៦១ករណីហើយ ទាំងការនាំចូល និងឆ្លងតាមសហគមន៍នោះ ។ យ៉ាងណាក៏ដោយមេរោគប្រភេទអូមីក្រុងនេះ ពុំបណ្តាលឲ្យមានអ្នកជំងឺណាម្នាក់បាត់បង់ជីវិតនោះឡើយ រហូតដល់សព្វថ្ងៃនេះ៕អត្ថបទ៖ បាន ចក់

ជប៉ុននឹងជួយដោះស្រាយបញ្ហាទឹកជំនន់ព្រែកត្នោត

ភ្នំពេញ៖ ប្រធានសមាគមជប៉ុន-កម្ពុជា និងជាអតីតឯកអគ្គរាជទូតជប៉ុនប្រចាំកម្ពុជា បានស្នើសុំសម្ដេចតេជោ ហ៊ុន សែន ពិនិត្យលទ្ធភាពដោះស្រាយបញ្ហាទឹកជំនន់ស្ទឹងព្រែកត្នោត ដែលតែងតែបង្កការជន់លិចផ្នែកខ្លះនៃរាជធានីភ្នំពេញ។ឯកឧត្តម តាកាហាស៊ី ហ្វូមីអាគី (TAKAHASHI FUMIAKI) ប្រធានសមាគមជប៉ុន-កម្ពុជា និងជាអតីតឯកអគ្គរាជទូតជប៉ុនប្រចាំកម្ពុជា ដែលត្រូវបានអនុញ្ញាតឱ្យចូលជួបសំដែងការគួរសម និងពិភាក្សាការងារជាមួយសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១ ខែកុម្ភៈនេះ បានឱ្យដឹងថា បញ្ហាទឹកជំនន់ព្រែកត្នោត កាលពីពេលកន្លងមក ឯកឧត្ដម បានធ្វើការសិក្សាមួយចំនួនរួចហើយ និងពេលនេះ ស្នើសុំសម្ដេចតេជោ ពិនិត្យលទ្ធភាពការដោះស្រាយបញ្ហាទឹកជំនន់ព្រែកត្នោត។ នេះបើតាមការឱ្យដឹងរបស់ឯកឧត្តម អ៊ាង សុផ្លែត អ្នកនាំពាក្យរបស់សម្តេចតេជោ។ឯកឧត្ដម បានឱ្យដឹងទៀតថា ឯកឧត្តម តាកាហាស៊ី ហ្វូមីអាគី ក៏បានគោរពសុំការអនុញ្ញាតដ៏ខ្ពង់ខ្ពស់ពីសម្ដេចតេជោ ដើម្បីនាំប្រតិភូក្រុមអ្នកវិនិយោគធុនកណ្តាលមកកាន់ព្រះរាជាណាចក្រកម្ពុជានាខែមេសាខាងមុខ។ ឯកឧត្តម ក៏បានគោរពស្នើសុំប្រគល់ទីតាំងដីមួយកន្លែងជូនចំពោះសម្ដេច ដើម្បីរៀបចំធ្វើជាសួនអនុស្សាវរីយ៍កម្ពុជា-ជប៉ុន ហើយនឹងដាក់ឈ្មោះថាសួន «ភីឃីអូ» សម្រាប់សាធារណៈជនប្រើប្រាស់ផង និងសម្រាប់ជាតំណាងទំនាក់ទំនងរវាងកម្ពុជា និងជប៉ុនផង។ឯកឧត្ដម បានគោរពវាយតម្លៃខ្ពស់ចំពោះចំណាត់ការរបស់សម្ដេចតេជោ ក្នុងការទប់ស្កាត់ការរីករាលដាលជំងឺកូវីដ-១៩ ក្នុងប្រទេសកម្ពុជា។ជាការឆ្លើយតបសម្ដេចតេជោ បានថ្លែងអំណរគុណជូនចំពោះឯកឧត្តម តាកាហាស៊ី ហើយក៏បានជម្រាបជូនឯកឧត្តម និងគណៈប្រតិភូអំពីវិធានការ និងចំណាត់ការនិងការទប់ស្កាត់ជំងឺកូវីដ-១៩ ហើយក៏បានស្វាគមន៍ចំពោះប្រតិភូអ្នកវិនិយោគធុនកណ្ដាល ដែលឯកឧត្តម តាកា ហាស៊ី មានបំណងនាំមកព្រះរាជាណាចក្រកម្ពុជា។សម្ដេចតេជោ ក៏បានទទួលស្វាគមន៍ និងសំដែងនូវការគាំទ្រចំពោះការផ្ដួចផ្ដើមរៀបចំធ្វើឲ្យមានសួនសាធារណៈ ដែលជាសួនអនុស្សាវរីយ៍ដោយដាក់នាមថាសួន«ភីឃីអូ» ។ពាក់ព័ន្ធនឹងការការពារជំនន់ស្ទឹងព្រែកត្នោត សម្ដេចតេជោ ក៏បានណែនាំឱ្យឯកឧត្តម សុខចិន្តា សោភា សូមសហការសម្របសម្រួលជាមួយឯកឧត្តម លឹម គានហោ រដ្ឋមន្ត្រីធនធានទឹកនិងឧត្តុនិយម និងស្ថាប័នពាក់ព័ន្ធដទៃទៀត ដើម្បីអនុញ្ញាតឱ្យប្រតិភូរបស់ឯកឧត្តម តាកា ហាស៊ី បានធ្វើបទបង្ហាញពាក់ព័ន្ធនឹងបញ្ហានេះ៕អត្ថបទ៖ មុត សុទ្ធ

ពលរដ្ឋខ្មែរកាត់ចិនជាច្រើន សំរុកទៅយកអំពៅខ្មៅពីវិហារចិន ដើម្បីសុំលាភសំណាងឆ្នាំថ្មី

ភ្នំពេញ៖ ប្រជាពលរដ្ឋខ្មែរកាត់ចិន វៀតណាម ជាច្រើន បានចាប់ផ្ដើមទៅយកអំពៅខ្មៅ និងធូបពីព្រះវិហារចិន មួយកន្លែងនៅក្រុងតាខ្មៅ ខេត្តកណ្ដាល។ ជំនឿទៅយកអំពៅខ្មៅពីព្រះវិហារនេះ គឺធ្វើឡើងជារៀងរាល់ឆ្នាំ ដោយពួកគាត់មានជំនឿថា ការយកអំពៅខ្មៅ និងធូបដែលដុតពីព្រះវិហារទៅគេហដ្ឋានវិញ នាំមកនូវជ័យលាភសំណាង ជាពិសេសគឺភាពរីកចំរើនសម្រាប់មុខរបរ។ការយកអំពៅខ្មៅ និងធូបដែលដុតពីព្រះវិហារចិន ទៅកាន់គេហដ្ឋាន ជាជំនឿសំខាន់មួយរបស់ប្រជាពលរដ្ឋខ្មែរកាត់ចិន។ ការទៅយកអំពៅនេះ ជារៀងរាល់ឆ្នាំតែងមានមនុស្សជាច្រើនរយនាក់ ទោះបីក្នុងស្ថានភាពមានវត្តមានកូវីដ-១៩ក្ដី។ ការយកអំពៅខ្មៅ និងធូបដែលដុតពីព្រះវិហារទៅគេហដ្ឋាននេះ គឺចាប់ផ្ដើមពីម៉ោង ១២.០០ យប់ នៃថ្ងែសែន ដោយនឹងបន្តរហូតដល់ថ្ងៃបញ្ចប់នៃពិធីបុណ្យចូលឆ្នាំចិន។សម្រាប់ប្រជាពលរដ្ឋដែលទៅយកអំពៅខ្មៅ និងធូបពីព្រះវិហារចិន នៅថ្ងៃនេះ លើកឡើងថា ពួកគាត់មកយកជារៀងរាល់ឆ្នាំ ដោយមានជំនឿថា វាអាចនាំមកនូវភាពសុខសប្បាយសម្រាប់គ្រួសារ ជាពិសេសគឺធ្វើឱ្យការប្រកបរបរអាជីវកម្មរបស់ពួកគាត់រីកចំរើន លូតលាស់ដូចអំពៅ។ចំពោះអំពៅខ្មៅក្នុងកំឡុងពេលនេះ គឺមានការដាក់លក់ជាច្រើននៅតាមដងផ្លូវ នៅពីមុខព្រះវិហារតែម្ដង។ តម្លៃចាប់ពី ២ម៉ឺនរៀល ដល់៤ម៉ឺនរៀល ក្នុង១គូ ទៅតាមទំហំ កម្ពស់នៃដើមអំពៅ។ ប្រជាពលរដ្ឋ ដែលមកយកអំពៅនិងធូប គឺត្រូវទិញអំពៅខ្មៅរួចយកចូលទៅក្នុងព្រះវិហារ ដើម្បីឱ្យម៉ុងសាយធ្វើពិធីកិច្ចជូន ចំពោះធូបវិញ ត្រូវចូលទៅដុតក្នុងព្រះវិហាររួចយកត្រឡប់ទៅគេហដ្ឋាន។ក្នុងកំឡុងពេលនៃពិធីជំនឿ ដែលមានការជួបជុំមនុស្សជាច្រើននេះ ក៏មានការដាក់ទឹកអាល់កុលសម្រាប់លាងសម្អាតដៃ និងមានការពាក់ម៉ាសការពារបានល្អប្រសើរផងដែរ។ ក៏ប៉ុន្តែការរក្សាគម្លាតសុវត្ថិភាពវិញពុំទាន់អនុវត្តបានល្អប្រសើរនោះទេ៕ អត្ថបទ៖ គឹមហុក

សម្ដចេតេជោ ព្រមានប្រើកណ្ដាប់ដៃដែកជានិច្ច ចំពោះអ្នកបំផ្លាញភាពសុខសាន្តរបស់ពលរដ្ឋ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានព្រមាន នឹងប្រើកណ្ដាប់ដៃដែកជានិច្ច ចំពោះបុគ្គលណាដែលមានចេតនាអាក្រក់បំផ្លាញសុខសន្តិភាព ដែលកម្ពុជារកបានដោយលំបាក និងភាពសុខសាន្តរបស់ប្រជាពលរដ្ឋ ។ ក្នុងឱកាសអញ្ជើញជាអធិបតីពិធីបើកការដ្ឋានសាងសង់ស្ពានអាកាស លើផ្លូវជាតិលេខ៥ ក្បែរទីលានប្រជាធិបតេយ្យ នៅថ្ងៃទី៣១ ខែមករា ឆ្នាំ២០២២ សម្ដេចតេជោ នាយករដ្ឋមន្ត្រី បានមានប្រសាសន៍ថា បើមិនធ្វើអំពើទុច្ចរិតនោះទេ កុំមានការខ្វល់ខ្វាយ គ្មានអ្នកធ្វើអ្វីនោះទេ ហើយសម្ដេចធានាមិនឲ្យមានចម្បាំងរាំងជល់គ្នា ដូចអតីតកាល ដែលសម្លាប់គ្នាដោយអាវុធនោះ ។សម្ដេច បន្ថែមថា ប៉ុន្តែបើមានបុគ្គលណា ចង់បំផ្លាញសុខសន្តិភាព និងសេចក្តីសុខរបស់ពលរដ្ឋ សម្ដេចនឹងប្រើកណ្ដាប់ដៃដែក ដើម្បីការពារប្រជាជន ដោយមិនឲ្យជនទាំងអស់នោះ មកបំផ្លាញជាដាច់ខាត ។គួរបញ្ជាក់ថា ជាញឹកញាប់តែងមានក្រុមប្រឆាំង និងអ្នកវិភាគមួយចំនួន តែងចោទប្រកាន់ និងរិះគន់ រាជរដ្ឋាភិបាលលើការអនុវត្តវិធានការផ្សេងៗ ក្នុងការទប់ស្កាត់សកម្មភាព របស់បុគ្គលមួយចំនួន ដែលបង្កឲ្យមានភាពចលាចល ប៉ះពាល់ដល់សណ្ដាប់ធ្នាប់ក្នុងប្រទេសនោះ ៕

សម្តេចតេជោ៖ ប្រជាពលរដ្ឋដើរលេងបានដោយសារកត្តាសន្តិភាព និងហេដ្ឋារចនាសម្ព័ន្ធតភ្ជាប់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បង្ហាញពីមោទនភាព ដែលប្រទេសជាតិ និងប្រជាពលរដ្ឋបានរស់នៅប្រកបដោយសុខដុមរមនា ជាពិសេសក្នុងឱកាសនៃបុណ្យទានម្តងៗ ឃើញប្រជាពលរដ្ឋនាំគ្នាដើរលំហែកំសានស្បាយយ៉ាងច្រើន ទៅកាន់តំបន់ទេសរមណីដ្ឋានទេសចរណ៍នានា គឺដោយសារកត្តាសន្តិភាព ហេដ្ឋារចនាសម្ព័ន្ធតភ្ជាប់ មធ្យោបាយធ្វើដំណើរ ជាពិសេសមធ្យោបាយផ្ទាល់ខ្លួនកើនឡើង និងដោយសារកត្តាជីវភាពធូធារ។សម្តេចតេជោប្រមុខរាជរដ្ឋាភិបាល បានអញ្ជើញមានប្រសាសន៍យ៉ាងដូច្នេះ ក្នុងពេលអញ្ជើញជាអធិបតីដ៏ខ្ពង់ខ្ពស់ ក្នុងពិធីបើកការដ្ឋានសាងសង់ស្ពានអាកាសថ្មី១ទៀត នៅលើបណ្តោយផ្លូវជាតិលេខខ៥ ក្នុងខណ្ឌឫស្សីកែវ រាជធានីភ្នំពេញ ត្រង់ចំណុចប្រសប់ផ្លូវតភ្ជាប់ពីស្ពានខ្សែកាបឫស្សីកែវឆ្លងកាត់ទន្លេសាប ដែលតភ្ជាប់រវាងផ្លូវជាតិលេខ៥ និងទីក្រុងរណបជ្រោយចង្វា នាព្រឹកថ្ងៃទី៣១មករានេះ ។សម្តេច បានមានប្រសាសន៍ថា៖ ការដែលមើលឃើញប្រជាពលរដ្ឋនាំគ្នាដើរលេងច្រើននៅរាល់បុណ្យទានម្តងៗគឺដោយសារកត្តា៤យ៉ាងនោះគឺ សន្តិភាព ,ហេដ្ឋារចនាសម្ព័ន្ធតភ្ជាប់,មធ្យោបាយដឹកជញ្ជូន ទាំងរបស់សាធារណៈ និងឯនជនមានការកើនឡើង និងដោយសារកត្តាជីវភាពកាន់តែធូធារ របស់ប្រជាជន។អំពីហេដ្ឋារចនាសម្ព័ន្ធតភ្ជាប់នេះ, ស្ពានអាកាសដែលបើកការដ្ឋានសាងសង់ថ្មី នៅលើបណ្តោយផ្លូវជាតិលេខ៥ មានបណ្តោយសរុបប្រវែង ៤៨៣ម៉ែត្រ(បណ្តោយស្ពានអាកាស១៤៥ម៉ែត្រនិងផ្លូវគល់ស្ពានសងខាង៣៣៨ម៉ែត្រ),មានទទឹង ១៥.៨ម៉ែត្រ ដែលគ្រោងចំណាយថវិកាសាងសង់ជិត១០លានដុល្លារអាមេរិក សាងសង់ដោយក្រុមហ៊ុនវិនិយោគទុនអនិកជនកម្ពុជា (OCIC) ដោយប្រើរយៈពេលប្រមាណ១៥ខែ ។បច្ចុប្បន្ននៅក្នុងរាជធានីភ្នំពេញមានស្ពានអាកាសចំនួន៥ ដែលបានសាងសង់រួចរាល់និងកំពុងប្រើប្រាស់រួមមាន៖ ស្ពានអាកាសក្បាលថ្នល់ (២៤ មិថុនា២០១០), ស្ពានអាកាស៧មករា(៦ មករា ២០១២),ស្ពានអាកាសស្ទឹងមានជ័យ(៣១ កក្កដា ២០១៤),ស្ពានអាកាស៥មករា(៥ មករា ២០១៦),ស្ពានអាកាសមិត្តភាពកម្ពុជា -ចិន សែនសុខឬហៅថា «ស្ពានអាកាសផ្សារដីហ៊ុយ»(២ កក្កដា ២០១៨)។ ក្រៅពីនេះស្ពានអាកាសមួយទៀតគឺស្ពានអាកាសរង្វង់មូលចោមចៅកំពុងដំណើរការសាងសង់៕ អត្ថបទ៖ មុត សុទ្ធ

សម្តេចតេជោ៖ គណបក្សប្រជាជនកម្ពុជា គ្មានថ្ងៃបោះបង់ចោលការប្រារព្ធខួបជ័យជំនះ៧មករាឡើយ

ភ្នំពេញ៖ ក្នុងឱកាសអញ្ជើញជាអធិបតីដ៏ខ្ពង់ខ្ពស់ ក្នុងពិធីបើកការដ្ឋានសាងសង់ស្ពានអាកាសថ្មីនៅលើបណ្តោយផ្លូវជាតិលេខខ៥ ក្នុងខណ្ឌឫស្សីកែវ រាជធានីភ្នំពេញ ត្រង់ចំណុចប្រសប់ផ្លូវតភ្ជាប់ពីស្ពានខ្សែកាបឫស្សីកែវឆ្លងកាត់ទន្លេសាប ដែលតភ្ជាប់រវាងផ្លូវជាតិលេខ៥ និងទីក្រុងរណបជ្រោយចង្វា នាព្រឹកថ្ងៃទី៣១មករានេះ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍តបទៅក្រុមវិភាគនយោបាយមួយចំនួនដែលថា គណបក្សប្រជាជនកម្ពុជា គឺពុំមានថ្ងៃដែលបោះបង់ចោលថ្ងៃ៧មករានោះឡើយ ។ការដែលសម្តេចបានមានប្រសាសន៍យ៉ាងដូច្នេះ ដោយឃើញមានក្រុមអ្នកវិភាគនយោបាយខ្លះ បានលើកឡើងថា ការដែលកន្លងមកគណបក្សប្រជាជនកម្ពុជា មិនបានប្រារព្ធខួបអនុស្សាវរីយ៍ថ្ងៃជ័យជំនះ៧មករា លើរបបប្រល័យពូជសាសន៍ដោយចង់បន្ថយឥទ្ធិពលពីវៀតណាម ជាដើមនោះ។ សម្តេចបានប្រតិកម្មតបយ៉ាងដូច្នេះថា ៧មករា បើទោះបីជាវៀតណាមមកជួយ ប៉ុន្តែជាអាយុជីវិតរបស់ប្រជាជនកម្ពុជា។ដូច្នេះគណបក្សប្រជាជនកម្ពុជា គឺគ្មានថ្ងៃដែលត្រូវបោះបង់ចោល៧មករានោះទេ។សូមបញ្ជាក់ថា៖ ការរំលឹកខួបអនុស្សាវរីយ៍នៃថ្ងៃជ័យជន្នះ ៧មករា លើរបបប្រល័យពូជសាសន៍ ត្រូវបានគណបក្សប្រជាជនកម្ពុជា តែងតែប្រារព្ធមិទ្ទិញយ៉ាងឧឡារិក ជារៀងរាល់ឆ្នាំមិនដែលខានឡើយដើម្បីជាការរំលឹករំលឹកចងចាំពីគុណូបការៈ នៃការតស៊ូរបស់ វីរៈកម្មាភិបាល យុទ្ធជននៃកងទ័ពរណសិរ្សសាមគ្គីសង្គ្រោះជាតិកម្ពុជាក៏ដូចជាវីរៈកម្មាភិបាល យុទ្ធជន កងទ័ពស្ម័គ្រចិត្តវៀតណាម ដែលបានលះបង់បូជាជីវិត សាច់ស្រស់ ឈាមស្រស់ ដើម្បីបុព្វហេតុនៃការរំដោះប្រទេសកម្ពុជាឱ្យរួចផុតពីគ្រោះមហន្តរាយប្រល័យពូជសាសន៍ប៉ុលពត ដែលបានកាប់សម្លាប់ប្រជាជនឯងអស់ជិត៣លាននាក់គ្រាន់តែត្រឹមរយៈពេល៣ឆ្នាំ និង៨ខែនិង២០ថ្ងៃ។ ប៉ុន្តែការអាក់ខានមិនបានប្រារព្ធទិវាជាប្រវត្តិសាស្ត្រកាលពីដើមឆ្នាំកន្លងមកនេះ គឺដោយសារតែរាជរដ្ឋាភិបាលក៏ដូជជាគណបក្សបានគិតគូរនិងយកចិត្តទុកដាក់បង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩ ដែលបាននិងកំពុងឆ្លងមិនទាន់ផុតរលត់អស់នៅឡើង៕អត្ថបទ៖ មុត សុទ្ធ

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ៥

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញជាអធិបតីភាពក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ ៥ ក្បែរទីលានប្រជាធិបតេយ្យ នៅព្រឹកថ្ងៃទី ៣១ ខែមករា ឆ្នាំ ២០២២នេះ។ នៅក្នុងឱកាសនោះសម្តេចតេជោ ហ៊ុន សែន លើកឡើងថា កត្តាសន្តិភាពធ្វើឲ្យប្រជាពលរដ្ឋធ្វើដំណើរទាំងយប់ទាំងថ្ងៃកំសាន្តសប្បាយតាមចំណង់ចំណូលចិត្ត។សម្តេចតេជោ បានបញ្ជាក់ថា នៅទីក្រុងភ្នំពេញប៉ុន្មានថ្ងៃនេះមាននិន្នាការទំនិញឡើងថ្លៃ នេះគឺជាក្រឹត្យក្រមធម្មតារវាងសេចក្តីត្រូវការនិងការផ្គត់ផ្គង់ដែលមានការស៊ីសង្វាក់គ្នា ខណៈពលរដ្ឋមួយចំនួនមានតម្រូវការក្នុងអំឡុងចូលឆ្នាំប្រពៃណីចិននិងវៀតណាម។សម្តេចតេជោ ហ៊ុន សែន ចំអកឲ្យពួកប្រឆាំងទាំងឡាយ ដែលបានរិះគន់ថា ក្រោមការដឹកនាំរបស់សម្តេចតេជោ ហ៊ុន សែន ប្រមុខនៃរាជរដ្ឋាភិបាលប្រទេសជាតិក្រទៅៗ ខណៈដែលពួកគេពីមុនដើរគ្មានស្បែកជើងពាក់ និងគ្មានកង់ជិះ តែឥលូវជិះសុទ្ធតែឡានទំនើប និងផ្ទះវីឡា។សម្តេចតេជោ ហ៊ុន សែន ប្រកាសថា គណបក្សប្រជាជនកម្ពុជាមិនអាចបំភ្លេច៧មករាដាច់ខាត ព្រោះវាជាស្នូលនៃការរស់រានមានជីវិតរបស់ប្រជាពលរដ្ឋខ្មែរ។ កម្ពុជាមិនបានប្រារព្ធពិធីធំនៅឆ្នាំនេះ ដោយសារកម្ពុជាកំពុងបន្តយុទ្ធនាការកាត់បន្ថយការជួបជុំទ្រង់ទ្រាយធំ ទប់ស្កាត់ការឆ្លងរីករាលដាលជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុង។សម្ដេចតេជោ នាយករដ្ឋមន្ត្រី អំពាវនាវប្រជាពលរដ្ឋចូលរួមបន្តអនុវត្តនូវវិធានការការពារទប់ស្កាត់ការឆ្លងកូវីដ១៩ ប្រភេទបំប្លែងខ្លួនថ្មី អូមីក្រុង ខណៈមកដល់ពេលនេះមានករណីឆ្លងអូមីក្រុងជាង៨០០នាក់ ដោយមួយចំនួនបានជាសះស្បើយ និងមួយចំនួនទៀតបានឲ្យអនុញ្ញាតឲ្យព្យាបាលនៅផ្ទះ។សម្តេចតេជោ បានបញ្ជាក់ថា វ៉ាក់សាំងកូវីដ១៩ នឹងមកដល់ចំនួន ៨លានដុល្លារបន្ថែមទៀតនៅក្នុងឆមាសទី១នេះ ខណៈដែលចិននឹងផ្ដល់ជូនបន្ថែមចំនួន៥លានដូស និងកម្ពុជាបញ្ជាទិញចំនួន ៣លានដុល្លារបន្ថែមទៀតផងដែរ។សម្តេចតេជោ ហ៊ុន សែន ប្រកាសថា នៅពេលនេះកម្ពុជាមិនអាចនិយាយរឿងខ្វះវ៉ាក់សាំងទៀតនោះទេ ហើយយុទ្ធនាការចាក់ស្រោចវ៉ាក់សាំងកូវីដ-១៩ ទាំងដូសមូលដ្ឋាននិងដូសជំរុញ នៅតែបន្តដើម្បីធានាការបើកប្រទេសឡើងវិញ មិនងាកថយក្រោយនោះទេ។

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៥៧នាក់ ជាប្រភេទអូមីក្រុងទាំងអស់

ភ្នំពេញ៖ នៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ៥៧នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ៤៤ករណីឆ្លងក្នុងសហគមន៍។ក្រសួងបានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២១,២៩៩នាក់នៅទូទាំងប្រទេស។ប៉ុន្តែក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៧,៤២៨នាក់ហើយ ត្រូវបានព្យាបាលជាសះស្បើយឡើងវិញ៕

បណ្ដាញសង្គម

ព័ត៌មានថ្មីៗ

រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង

ផ្លូវជនបទបញ្ចប់សុពលភាពនៅខេត្តពោធិ៍សាត់ បានរក្សាគុណភាពល្អសម្រាប់ការរស់នៅរបស់ប្រជាជន

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវ អញ្ជើញចូលរួមអបអរសាទរព្រឹត្តិការណ៍នៃការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព” ក្នុងបញ្ជីបេតិកភណ្ឌពិភពលោក

មេដឹកនាំហ្វីលីពីន នឹងពិភាក្សាអំពីពាណិជ្ជកម្ម និងសន្តិសុខ អំឡុងទស្សនកិច្ចនៅអាមេរិក ខណៈពន្ធគយលេចឡើងស្ទុងៗ

អ៊ីរ៉ង់ច្រានចោលការអះអាងរបស់អាមេរិកដែលថា ខ្លួនបញ្ជូនអាវុធទៅឲ្យក្រុមហ៊ួទី នៅប្រទេសយេម៉ែន

អ៊ីស្រាអែល បដិសេធរបាយការណ៍អំពីការវាយប្រហារពេលយប់ នៅស៊ីរី

សេចក្ដីព្រាងចំនួន ៤ ត្រូវបានកិច្ចប្រជុំពេញអង្គគណៈរដ្ឋមន្ត្រីអនុម័តនៅថ្ងៃនេះ

អាជ្ញាធរខេត្តកោះកុង បំភ្លឺថាមិនមានការបង្រ្កាបទីតាំងល្បែងអនឡាញទេ មានការស្រាវជ្រាវករណីឃាតកម្ម

សម្ដេចធិបតី៖បូជនីយដ្ឋានចងចាំនៃកម្ពុជានឹងក្លាយជាការចងចាំជាសាកល និងជាមជ្ឈមណ្ឌលអន្តរជាតិ

លោកអ្នកឧកញ៉ាបណ្ឌិត ទ្រី ភាព ជួបសំណេះសំណាលជាមួយនិស្សិតជ័យលាភីអាហារូបករណ៍ទៅសិក្សានៅប្រទេសហុងគ្រីចំនួន ១៦រូប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋអាយុពី ១៨ឆ្នាំឡើងចំនួនជាង ១លាននាក់នៅរាជធានីភ្នំពេញ បានចាក់វ៉ាក់សាំងដូសទី៣រួចរាល់

អាជ្ញាធរជាតិអប្សរា កំពុងរៀបចំវង់ទស្សនាថ្ងៃលិចនៅប្រាសាទភ្នំក្រោម

មន្រ្តីសុខាភិបាលរំលឹកពលរដ្ឋឲ្យបន្តមានការប្រុងប្រយ័ត្នខ្ពស់ ខណៈអូមីក្រុងបន្តកើនឡើងជារៀងរាល់ថ្ងៃ

ជប៉ុននឹងជួយដោះស្រាយបញ្ហាទឹកជំនន់ព្រែកត្នោត

ពលរដ្ឋខ្មែរកាត់ចិនជាច្រើន សំរុកទៅយកអំពៅខ្មៅពីវិហារចិន ដើម្បីសុំលាភសំណាងឆ្នាំថ្មី

សម្ដចេតេជោ ព្រមានប្រើកណ្ដាប់ដៃដែកជានិច្ច ចំពោះអ្នកបំផ្លាញភាពសុខសាន្តរបស់ពលរដ្ឋ

សម្តេចតេជោ៖ ប្រជាពលរដ្ឋដើរលេងបានដោយសារកត្តាសន្តិភាព និងហេដ្ឋារចនាសម្ព័ន្ធតភ្ជាប់

សម្តេចតេជោ៖ គណបក្សប្រជាជនកម្ពុជា គ្មានថ្ងៃបោះបង់ចោលការប្រារព្ធខួបជ័យជំនះ៧មករាឡើយ

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ៥

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៥៧នាក់ ជាប្រភេទអូមីក្រុងទាំងអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋអាយុពី ១៨ឆ្នាំឡើងចំនួនជាង ១លាននាក់នៅរាជធានីភ្នំពេញ បាន​ចាក់​វ៉ាក់​សាំង​ដូសទី៣រួចរាល់

អាជ្ញាធរ​ជាតិ​អប្សរា ​កំពុង​រៀបចំ​វង់​ទស្សនា​ថ្ងៃលិច​នៅ​ប្រាសាទភ្នំក្រោម

មន្រ្តីសុខាភិបាលរំលឹកពលរដ្ឋឲ្យបន្តមានការ​ប្រុងប្រយ័ត្ន​ខ្ពស់​ ខណៈអូមីក្រុងបន្តកើនឡើង​ជា​រៀងរាល់​ថ្ងៃ

ជប៉ុននឹងជួយដោះស្រាយបញ្ហាទឹកជំនន់ព្រែកត្នោត

ពលរដ្ឋខ្មែរកាត់ចិនជាច្រើន សំរុកទៅយកអំពៅខ្មៅពីវិហារចិន ដើម្បីសុំលាភសំណាងឆ្នាំថ្មី

សម្ដចេតេជោ ព្រមានប្រើកណ្ដាប់ដៃដែកជានិច្ច ចំពោះអ្នកបំផ្លាញភាពសុខសាន្តរបស់ពលរដ្ឋ

សម្តេចតេជោ៖ ប្រជាពលរដ្ឋដើរលេងបានដោយសារកត្តាសន្តិភាព និងហេដ្ឋារចនាសម្ព័ន្ធតភ្ជាប់

សម្តេចតេជោ៖ គណបក្សប្រជាជនកម្ពុជា គ្មានថ្ងៃបោះបង់ចោលការប្រារព្ធខួបជ័យជំនះ៧មករាឡើយ

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ៥

កម្ពុជា​បន្ដ​រក​ឃើញ​ករណី​ឆ្លង​ជំងឺ​កូវីដ-១៩​ ចំនួន​៥៧នាក់ ជា​ប្រភេទ​អូមី​ក្រុង​ទាំងអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋអាយុពី ១៨ឆ្នាំឡើងចំនួនជាង ១លាននាក់នៅរាជធានីភ្នំពេញ បានចាក់វ៉ាក់សាំងដូសទី៣រួចរាល់

អាជ្ញាធរជាតិអប្សរា កំពុងរៀបចំវង់ទស្សនាថ្ងៃលិចនៅប្រាសាទភ្នំក្រោម

មន្រ្តីសុខាភិបាលរំលឹកពលរដ្ឋឲ្យបន្តមានការប្រុងប្រយ័ត្នខ្ពស់ ខណៈអូមីក្រុងបន្តកើនឡើងជារៀងរាល់ថ្ងៃ

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៥៧នាក់ ជាប្រភេទអូមីក្រុងទាំងអស់