នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមប្រឹក្សាអភិវឌ្ឍន៍កម្ពុជាបើកកិច្ចប្រជុំពិនិត្យវឌ្ឍនភាពការអនុវត្កគម្រោងវិនិយោគតាមបណ្តាកោះ-ឆ្នេរ និងរមណីយដ្ឋាននានានៅព្រះសីហនុ
កម្ពុជាទទួលបានការវិនិយោគចំនួន ១២គម្រោង មានទុនសរុបប្រមាណ ១២៨ លានដុល្លារ
កម្ពុជាស្នើបង្កើតគំនិតផ្តួចផ្តើមច្រករបៀងនវានុវត្តន៍ ដើម្បីកសាងអនាគតបច្ចេកវិទ្យារួមគ្នា
កម្ពុជានាំចេញជ័រកៅស៊ូក្នុងរយៈពេល៥ខែ មានទំហំទឹកប្រាក់ជាង ៧៥៤លានដុល្លារអាមេរិក

សេដ្ឋកិច្ច និង កសិកម្ម

ក្រុមប្រឹក្សាអភិវឌ្ឍន៍កម្ពុជាបើកកិច្ចប្រជុំពិនិត្យវឌ្ឍនភាពការអនុវត្កគម្រោងវិនិយោគតាមបណ្តាកោះ-ឆ្នេរ និងរមណីយដ្ឋាននានានៅព្រះសីហនុ

2025/06/13 03:53:48 pm        140
Facebook Telegram Linkin
ព្រះសីហនុ៖ នាព្រឹកថ្ងៃទី១៣ ខែមិថុនា ឆ្នាំ២០២៥ លោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ បានអញ្ជើញជាតំណាងរដ្ឋបាលខេត្ត ចូលរួមកិច្ចប្រជុំពិនិត្យវឌ្ឍនភាព នៃការអនុវត្កគម្រោងវិនិយោគតាមបណ្តាកោះ-ឆ្នេរ និងរមណីយដ្ឋាននានានៅខេត្តកោះកុង ខេត្តព្រះសីហនុ និងខេត្តកែប ក្រោមអធិបតីភាព ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា(ក.អ.ក) ដោយមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ នៅទីស្តីការក្រុមប្រឹក្សាអភិវឌ្ឍន៍កម្ពុជា។កិច្ចប្រជុំនេះរៀបចំឡើងក្នុងគោលបំណងដើម្បី បើកកិច្ចពិភាក្សា វាយតម្លៃតថភាពនៃគម្រោងវិនិយោគដែលទទួលបានគោលការណ៍ ពីរាជរដ្ឋាភិបាលកម្ពុជាកន្លងមក។

កម្ពុជាទទួលបានការវិនិយោគចំនួន ១២គម្រោង មានទុនសរុបប្រមាណ ១២៨ លានដុល្លារ

2025/06/12 04:46:38 pm        109
Facebook Telegram Linkin
គណៈកម្មាធិការវិនិយោគកម្ពុជា ពិនិត្យ ពិភាក្សា លើសំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់ចំនួន ១២ គម្រោង មានទុនវិនិយោគសរុបប្រមាណ ១២៨ លានដុល្លារអាមេរិក អាចបង្កើតការងារបានប្រមាណ ៤,៦ ពាន់កន្លែង។គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី១២ ខែមិថុនា ឆ្នាំ២០២៥ បានបើកកិច្ចប្រជុំច្រក ចេញចូលតែមួយ លើកទី៩ ក្នុងឆ្នាំ២០២៥ ដើម្បីពិនិត្យ ពិភាក្សា លើសំណើសុំចុះបញ្ជីគម្រោងវិនិយោគមានលក្ខណៈសម្បត្តិ គ្រប់គ្រាន់ចំនួន ១២ គម្រោង ក្រោមអធិបតីភាពឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ដោយមានការ អញ្ជើញចូលរួមពីសំណាក់តំណាងក្រសួង-ស្ថាប័ន និងរដ្ឋបាលខេត្តពាក់ព័ន្ធ។គម្រោងវិនិយោគទាំងនេះ មានទុនវិនិយោគសរុបប្រមាណ ១២៨ លានដុល្លារអាមេរិក អាចបង្កើតការងារបានប្រមាណ ៤,៦ ពាន់កន្លែង មានគម្រោងវិនិយោគក្នុងវិស័យឧស្សាហកម្មចំនួន ១១ គម្រោង (ផលិតគ្រឿងសង្ហារិម និងសម្ភារៈបរិក្ខារប្រើប្រាស់ក្នុង ផ្ទះគ្រប់ប្រភេទ, ផលិតសម្ភារៈប្រើប្រាស់ដូចជា កំប៉ុងទឹក ប្រអប់ ចាន ស្លាបព្រា សម ចង្កឹះ ទុយោបឺត ជើងទ្រកំប៉ុង ក្រដាសជូតមាត់, ផលិតអំពូលភ្លើង សម្ភារៈលម្អក្នុងផ្ទះ និងគ្រឿងបន្ទាប់បន្សំអគ្គិសនីគ្រប់ប្រភេទ, ខារអំបោះ និងជ្រលក់ពណ៌, ផលិតផលិតផលធ្វើអំពី ការកាវ, ផលិតបំពង់ទីបដែក, ផលិតបរិក្ខារអគ្គិសនីបំភ្លឺ និងគ្រឿងអគ្គិសនីសម្រាប់ប្រើប្រាស់ក្នុងផ្ទះ, ផលិតនុយសិប្បនិម្មិត និងសម្ភារៈ ស្ទូចត្រីគ្រប់ប្រភេទ, បង្កើតកសិដ្ឋានចិញ្ចឹម និងភ្ញាស់កូនមាន់ ទា, ផលិតខ្សែភ្លើង អំពូលភ្លើងលម្អ និងសម្ភារៈអគ្គិសនី, និងផលិត សម្ភារៈក្មេងលេង និងសត្វចិញ្ចឹម) និងវិស័យទេសចរណ៍ចំនួន១គម្រោង (សាងសង់ និងធ្វើអាជីវកម្មសណ្ឋាគារផ្កាយ៥ ចំនួន២៨០ បន្ទប់)។សូមបញ្ជាក់ថា គម្រោងវិនិយោគចំនួន ១២ ខាងលើនេះ គ្រោងវិនិយោគស្ថិតនៅខេត្តកណ្តាល តាកែវ កំពង់ស្ពឺ ស្វាយរៀង កំពត កំពង់ឆ្នាំង និងកំពង់ធំ៕អត្ថបទ៖ សុន រ៉ាឌី

កម្ពុជាស្នើបង្កើតគំនិតផ្តួចផ្តើមច្រករបៀងនវានុវត្តន៍ ដើម្បីកសាងអនាគតបច្ចេកវិទ្យារួមគ្នា

2025/06/12 04:41:30 pm        150
Facebook Telegram Linkin
ចិន៖ កម្ពុជាស្នើដល់អង្គសន្និសីទ បង្កើតគំនិតផ្តួចផ្តើមថ្នាក់តំបន់ សម្រាប់កិច្ចសហប្រតិបត្តិការក្នុងវិស័យវិទ្យាសាស្ត្រ ដោយរំលេចគំនិត ផ្តួចផ្តើមច្រករបៀង នវានុវត្តន៍មេគង្គ-ឡានឆាង ដើម្បីប្រែក្លាយតំបន់អាស៊ីអាគ្នេយ៍ ទៅជាមជ្ឈមណ្ឌលសម្រាប់ការផ្ទេរបច្ចេកវិទ្យា។ឯកឧតុ្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅក្នុងកិច្ចប្រជុំថ្នាក់រដ្ឋមន្ត្រី នៃសន្និសីទខ្សែក្រវាត់ និងផ្លូវ លើកទី២ ស្តីពីវិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី១១ ខែមិថុនា ឆ្នាំ២០២៥ ម្សិលមិញនេះ ដែលរៀបចំឡើងនៅខេត្តស៊ីឈួន សាធារណរដ្ឋប្រជាមានិតចិន, ឯកឧតុ្តមរដ្ឋមន្ត្រី បានស្នើបង្កើតគំនិតផ្តួចផ្តើមថ្នាក់តំបន់ សម្រាប់ កិច្ចសហប្រតិបត្តិការក្នុងវិស័យវិទ្យាសាស្ត្រ ដោយរំលេចគំនិតផ្តួចផ្តើម “ច្រករបៀងនវានុវត្តន៍មេគង្គ-ឡានឆាង ដើម្បីប្រែក្លាយតំបន់ អាស៊ីអាគ្នេយ៍ ទៅជាមជ្ឈមណ្ឌលសម្រាប់ ការផ្ទេរបច្ចេកវិទ្យា និងអភិវឌ្ឍធនធានមនុស្សផ្នែកបច្ចេកវិទ្យា។ក្នុងកិច្ចប្រជុំនោះ, ឯកឧតុ្តមរដ្ឋមន្ត្រី បានសង្កត់ធ្ងន់លើសារៈសំខាន់ នៃនវានុវត្តន៍ប្រកបដោយក្រមសីលធម៌ និងបរិយាបន្ន និងបានលើកឡើងថា សម្រាប់កម្ពុជា, កិច្ចសហប្រតិបត្តិការនេះ គឺជាការបោះជំហានដ៏សំខាន់ សម្រាប់ការធ្វើទំនើបកម្មឧស្សាហកម្ម ការអភិវឌ្ឍជំនាញ និងការបង្កើតអនាគតដ៏រឹងមាំមួយ។សូមបញ្ជាក់ថា សន្និសីទខ្សែក្រវាត់ និងផ្លូវ ស្តីពីការផ្លាស់ប្តូរវិទ្យាសាស្ត្រ និងបច្ចេកវិទ្យា លើកទី២ គឺជាវេទិកាជំរុញកិច្ចសហប្រតិបត្តិ នវានុវត្តន៍ ក្នុងចំណោមប្រទេសដែលចូលរួមអនុវត្តគំនិតផ្តួចផ្តើមខ្សែក្រវាត់ និងផ្លូវ។ សន្និសីទឆ្នាំនេះ ត្រូវបានឡើងក្រោមប្រធានបទ “រួមគ្នាដើម្បីនវានុវត្តន៍ ការអភិវឌ្ឍសម្រាប់ទាំងអស់គ្នា” ដោយផ្តោតលើការកសាងប្រព័ន្ធអេកូឡូស៊ីនវានុវត្តន៍សកលមួយ ប្រកប ដោយបរិយាបន្ន៕ អត្ថបទ៖ សុន រ៉ាឌី

កម្ពុជានាំចេញជ័រកៅស៊ូក្នុងរយៈពេល៥ខែ មានទំហំទឹកប្រាក់ជាង ៧៥៤លានដុល្លារអាមេរិក

2025/06/12 12:05:57 pm        155
Facebook Telegram Linkin
​កម្ពុជានាំចេញជ័រកៅស៊ូ និងផលិតផលធ្វើពីកៅស៊ូ ក្នុងរយៈពេល ៥ ខែ ឆ្នាំ២០២៥ មាន​ទំហំ​ទឹក​ប្រាក់​ប្រមាណជាង ៧៥៤ លាន ដុល្លារអាមេរិក កើនឡើងជិត ៥២ ភាគរយ ធៀបរយៈពេលដូច​គ្នា​ឆ្នាំ​២០២៤, ដែលការកើនឡើងនេះ បានបង្ហាញនូវការរីកចម្រើន នៃការ​ដាំដុះ​សម្រាប់​បម្រើ​ការ​នាំចេញ និងការផ្គត់ផ្គង់ទីផ្សារក្នុងស្រុក។អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បាន​បង្ហាញ​ស្ថិតិ​ពាណិជ្ជ​កម្ម​នៃ​ការ​នាំ​ចេញ​ទំនិញ ទៅកាន់ទីផ្សារអន្តរជាតិរបស់កម្ពុជា នៅក្នុងរយៈពេល ៥ ខែ ឆ្នាំ២០២៥ នេះ កម្ពុជាបាននាំចេញទំនិញ មានទំហំទឹកប្រាក់សរុប ប្រមាណជិត ១២ ពាន់លាន​ដុល្លារ​អាមេរិក​ កើនឡើងប្រមាណជាង ១៧ ភាគរយ បើធៀបរយៈពេលដូចគ្នាឆ្នំា២០២៤ ដែលការ កើន​ឡើង​នេះ បង្ហាញអំពីការអភិវឌ្ឍន៍រីគចម្រើនក្នុងស្រុក ជាពិសេស​ផលិត​ផល​នៅ​ក្នុង​វិស័យ​កសិកម្ម ដែលបានចូលរួមចំណែក ដល់កំណើននៃការនាំចេញទំនិញរបស់កម្ពុជាផងដែររ។ជាក់ស្តែងផលិតផលកសិកម្ម នៅក្នុងរយៈពេល៥ខែនេះ កម្ពុជាបាននាំចេញជ័រកៅស៊ូ និង​ផលិត​ផល​ធ្វើ​ពីកៅស៊ូ មានទឹក ប្រាក់ជាង ៧៥៤ លានដុល្លារអាមេរិក កើនឡើងប្រមាណ ៥១,៨ ភាគ​រយ ខណៈនៅក្នុងរយៈពេលដូចគ្នាក្នុងឆ្នាំ២០២៤ ការនាំ ចេញជ័រកៅស៊ូ និង​ផលិត​ផល​ធ្វើ​ពី​កៅស៊ូ ​សម្រេចបានត្រឹម ៤៩៧ លានដុល្លារអាមេរិកប៉ុណ្ណោះ ។ ក្រៅពីកៅស៊ូ កម្ពុជាក៏បាន នាំ​ចេញ​​ផលិតផលក្នុងវិស័យកសិកម្មជាច្រើនទៀតដូចជា៖ ផ្លែឈើ និងគ្រាប់ផ្លែឈើគ្រាប់មុខ មាន​ទឹក​ប្រាក់ជាង ៩៣៨ លានដុល្លារ កើនឡើង ៤២ ភាគរយ, ផលិតផលកែច្នៃពីបន្លែ ផ្លែឈើ និង​គ្រាប់​ផ្លែ​ឈើ ចំនួន ៨៨ លានដុល្លារ កើនឡើងជិត ១៥ ភាគរយ និងធញ្ញជាតិជាដើម មាន​ទឹក​ប្រាក់​ជាង ៨០០ លានដុល្លារអាមេរិកផងដែរ។អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ថ្មីៗនេះលើកឡើងថា ប្រទេស​កម្ពុជា​ភាគ​ច្រើន​ផលិតជ័រកៅស៊ូ លេខ១ និងលេខ២ សម្រាប់បម្រើតែទីផ្សារនាំចេញ, ជាក់ស្តែង​ការ​នាំ​ចេញ​ជ័រកៅស៊ូ ដែលមានកំណើនកើនឡើងនេះ គឺជាសញ្ញាណ មួយល្អ នៃការងើបឡើង​ក្នុង​វិស័យ​កសិកម្ម គាំទ្រដល់ការនាំចេញ និងសកម្មភាពនៃការដាំដុះ ក៏ជាការគាំទ្រដល់រោងចក្រផលិត សំបក​កង់​រថយន្តក្នុងស្រុកផងដែរ។សូមបញ្ជាក់ថា នៅក្នុងបំណាច់ឆ្នាំ២០២៤ បើយោងតាមអគ្គនាយកដ្ឋានគយ និងរដ្ឋាករកម្ពុជា កម្ពុជា​បាននាំចេញជ័រកៅស៊ូ គិតជា ទឹកប្រាក់មានចំនួនជាង ១ ៥០០ លានដុល្លារអាមេរិក កើន​ឡើង​ជិត ៦៤ ភាគរយ ខណៈនៅក្នុងឆ្នាំ ២០២៣ កម្ពុជាបាននាំចេញ កៅស៊ូ មានទឹកប្រាក់ជិត ១ ពាន់លានដុល្លារអាមេរិកប៉ុណ្ណោះ។ ចំណែកការដាំដុះវិញ, យោងតាមអគ្គនាយកដ្ឋានកៅស៊ូ គិត​ត្រឹមដំណាច់ឆ្នាំ២០២៤ នៅកម្ពុជាមានផ្ទៃដីកៅស៊ូសរុបចំនួនជាង ៤២ ម៉ឺនហិកតា ក្នុង​នោះ​ផ្ទៃ​ដី​កៅស៊ូចៀរជ័រ មានចំនួនជាង ៣៣មឺ់ន ហិកតា ស្មើជាង ៧៧ ភាគរយ នៃផ្ទៃដីកៅស៊ូសរុប និង​ផ្ទៃ​ដីថែទាំ ៩៥ ពាន់ហិកតា ស្មើនឹងជាង ២២ ភាគរយ៕ អត្ថបទ៖ សុន រ៉ាឌី 

គ្រឹះស្ថានមីក្រូហិរញ្ញវត្ថុបាននឹងកំពុងចូលរួមគាំទ្រដល់ការរីកលូតលាស់ក្នុងវិស័យកសិកម្មតាមរយៈការផ្តល់កម្ចីឥណទានមានអាទិភាពខ្ពស់

2025/06/11 03:01:37 pm        129
Facebook Telegram Linkin
គ្រឹះស្ថានមីក្រូហិរញ្ញវត្ថុនៅកម្ពុជា បាន​និង​កំពុង​បន្ត​ចូល​រួម​ដល់​ការ​រីក​លូត​លាស់​នៅ​ក្នុង​ការ​អភិវឌ្ឍន៍​វិស័យកសិកម្ម តាមរយៈការផ្តល់ កម្ចីឥណទានមានអាទិភាពខ្ពស់ គាំទ្រដល់ការ​អភិវឌ្ឍន៍​សេដ្ឋកិច្ចគ្រួសារ និងការនាំចេញផលិតផលកសិកម្មរបស់កម្ពុជា។ លោក កាំង តុងងី អ្នកនាំពាក្យសមាគមមីក្រូហិរញ្ញវត្ថុកម្ពុជា (CMA) លើក​ឡើង​ក្នុង​កិច្ច​សម្ភាសន៍​ជាមួយ BTV ស្តីពីការផ្តល់ ឥណទានទៅដល់វិស័យកសិកម្ម និងវិស័យផ្សេងៗទៀតថា ទាក់​ទង​ការផ្តល់ឥណទាននេះ ក្នុងនោះការចាប់ផ្តើមដំបូងរបស់គ្រឹះស្ថាន មីក្រូហិរញ្ញវត្ថុ គឺ​បាន​ផ្តល់​ឥណទានលើវិស័យកសិកម្មមុនគេ ប៉ុន្តែក្រោយមកដោយសារការវិវត្តន៍របស់ប្រទេសកម្ពុជា វិស័យ​មីក្រូហិរញ្ញវត្ថុ នៅកម្ពុជា ក៏បានផ្តល់ឥណទានទៅដល់វិស័យជាច្រើនផ្សេងៗទៀត ដើម្បី​គាំទ្រ​ដល់​ការរីកលូតលាស់នៅក្នុងសេដ្ឋកិច្ច។លោកបន្តថា ជុំវិញការផ្តល់ឥណទាននេះ មកដល់បច្ចុប្បន្នឃើញថា គ្រឹះស្ថានមីក្រូហិរញ្ញវត្ថុ បាន​ផ្តល់​ឥណទានទៅដល់ កសិករច្រើនជាងគេ ជាក់ស្តែងវិស័យកសិកម្ម មានឥណទានប្រមាណ ២១​ភាគរយ, ពាណិជ្ជកម្ម លក់រាយ និងជំនួញ មានចំនួន ២០ ភាគរយ, វិស័យសេវាកម្ម ជិត ២១​ភាគរយ, សំណង់ ៧ ភាគរយ, ដឹកជញ្ជូនជិត ៣ ភាគរយ និងវិស័យផ្សេងៗ ៣ភាគរយ ។ លោកបន្តថា ទាក់ទិនការផ្តល់ឥណទាននេះដែរ ស្ថិតនៅក្នុងស្ថានភាពបច្ចុប្បន្ន ការបញ្ចេញ​ឥណទាន​របស់​មីក្រូហិរញ្ញវត្ថុ គឺមានការប្រយ័ត្ន ប្រយែងខ្ពស់ ដើម្បីប្រាកដថា ការបញ្ចេញ​ឥណទាន​ទាំង​នោះពិតជាជួយដល់ការសិករ ហើយកសិករមានលទ្ធភាពបង់សង់ត្រឡប់ មកវិញ។ លោក កាំង តុងងី បញ្ជាក់បន្ថែមថា ជារួម, ការផ្តល់ឥណទានដល់វិស័យកសិកម្មនៅតែល្អ ហើយ​គ្រឹះ​មី​ក្រូ​ហិរញ្ញវត្ថុ នៅតែផ្តល់ អាទិភាពដល់វិស័យនេះ ដើម្បីចូល​រួម​ចំណែក​ដល់​ការ​រីក​លូត​លាស់​នៅ​ក្នុង​ការអភិវឌ្ឍន៍វិស័យកសិកម្ម។សូមបញ្ជាក់ថា រាជរដ្ឋាភិបាលរំពឹងថា ក្នុងឆ្នាំ២០២៥ វិស័យកសិកម្ម នឹង​បន្ត​សម្រេច​បាន​កំណើន​ល្អ​ក្នុងរង្វង់ ១,១ ភាគរយ ដោយសារការបន្តនិន្នាការល្អនៃអនុវិស័យដំណាំ និងការចិញ្ចឹមសត្វ និង​ការ​ងើបឡើងនៃអនុវិស័យនេសាទ ក្នុងនោះអនុវិស័យដំណាំត្រូវបាន រំពឹងថា នូវរក្សា​កំណើន​ល្អ ដោយសារការកើនឡើងនៃការវិនិយោគទាំងក្នុងនិងក្រៅស្រុក លើការកែច្នៃផលិតផលកសិកម្ម និង​ការបង្កើនវិនិយោគសាធារណៈរបស់រដ្ឋជាដើម៕ អត្ថបទ៖ សុន រ៉ាឌី

រយៈពេល៥ខែ ការដោះដូរពាណិជ្ជកម្មអន្តរជាតិរបស់កម្ពុជាកើនដល់ជាង ២៥ពាន់លានដុល្លារ

2025/06/10 03:46:32 pm        128
Facebook Telegram Linkin
ការដោះដូរពាណិជ្ជកម្មអន្តរជាតិរបស់កម្ពុជា ក្នុងរយៈពេល ៥ ខែ ឆ្នាំ២០២៥ នេះ មាន​ទំហំ​ទឹក​ប្រាក់​សរុបជាង ២៥ ពាន់លាន ដុល្លារអាមេរិក ក្នុងនោះកម្ពុជាបាននាំចេញទំនិញសំខាន់ៗ មាន​ទឹក​ប្រាក់​ជិត ១២ ពាន់លានដុល្លារ ដោយទីផ្សារអាមេរិកឈរក្នុងលំដាប់ ទី១ នៃ​ការស្រូប​យក​ទំនិញ​របស់​កម្ពុជា។អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បាន​បង្ហាញ​ស្ថិតិ​ពាណិជ្ជ​កម្ម​ នៃការធ្វើពាណិជ្ជកម្មលើ ទីផ្សារអន្តរជាតិរបស់កម្ពុជា ក្នុងនោះសម្រាប់រយៈពេល ៥ ខែ ឆ្នាំ​២០២៥​នេះ, ការធ្វើពាណិជ្ជកម្មទំនិញជាមួយប្រទេសដៃគូរសំខាន់ៗ របស់កម្ពុជា មានទំហំ​ទឹក​ប្រាក់​សរុប​ប្រមាណជាង ២៥ ពាន់លានដុល្លារអាមេរិក កើនឡើងជាង ១៨ ភាគរយ ក្នុងនោះ​កម្ពុជា​បាន​នាំចេញទំនិញ មានទឹកប្រាក់ជិត ១២ ពាន់លានដុល្លារ កើនឡើងជាង ១៧ភាគរយ ខណៈ​ការនាំចូល មានទឹកប្រាក់ជាង ១៣ពាន់លានដុល្លារ កើនឡើងជិត ២០ភាគរយ បើ​ធៀប​រយៈ​ពេល​ដូច​គ្នានឹងឆ្នំា២០២៤។ជុំវិញការនាំចេញទំនិញនេះ, ទីផ្សារដែលគាំទ្រទំនិញសំខាន់ៗរបស់កម្ពុជារួមមាន៖ សហរដ្ឋ​អាមេរិក​មានទឹកប្រាក់ជាង ៤ ៣០០ លានដុល្លារ កើនឡើង ២៧ ភាគរយ, វៀតណាម មាន​ទឹក​ប្រាក់​ជាង ២ ០០០ លានដុល្លារ កើនឡើង ៨ ភាគរយ, ចិន ៦៣៤ លានដុល្លារ ថយចុះ​បន្តិច​បន្តួច​, ជប៉ុនជាង ៦៣៥ លានដុល្លារ កើន ១៩ ភាគរយ, កាណាដា ជិត ៥០០ លានដុល្លារ កើន​ឡើង ២៦ ភាគរយ, ចក្រភពអង់គ្លេស ជិត ៤០០ លានដុល្លារ កើនជាង ១៥ ភាគរយ, អេស្បាញ​ ៤១៤ លានដុល្លារ កើនជិត ១៩ ភាគរយ, អាល្លឺម៉ង់ ៣៦៩ លានដុល្លារ កើន ១០ ភាគរយ, ហូរឡង់ ៣៥៨ លានដុល្លារ កើនជិត ៤០ ភាគរយ, បារាំង ១៨៦ លានដុល្លារ កើន ១៦ ភាគរយ, បែលហ្សិក ១៥១ លានដុល្លារ កើន ៣ ភាគរយ បើធៀប​រយៈ​ពេល​ដូច​គ្នានឹង​ឆ្នំា​២០២៤ ក្រៅពីនេះកម្ពុជានៅមាន ទីផ្សារសំខាន់ៗជាច្រើនទៀត ដែល​បាន​កំពុង​គាំទ្រ​ដល់​ការ​នាំ​ចេញ​។ចំពោះទំនិញនាំចេញសំខាន់ៗក្នុងរយៈពេល ៥ខែ នេះរួមមាន៖ ការរនាំចេញសម្លៀកបំពាក់ គ្រឿង​បន្ទាប់បន្សំធ្វើពីក្រណាត់ មានទឹកប្រាក់ជិត ២ ៧០០ លានដុល្លារ, សម្លៀកបំពាក់ និង​គ្រឿង​បន្ទាប់​បន្សំមិនធ្វើពីក្រណាត់ជាង ១ ៥០០ លានដុល្លារ, ស្បែក ជើង ស្រោមជើង ៨៤២ លាន​ដុល្លារ, ផ្លែឈើ និងគ្រាប់ផ្លែឈើ ៩៣៨ លានដុល្លារ, វត្ថុធ្វើពីស្បែក និងបរិក្ខាធ្វើពីរោម ៨៨០ លានដុល្លារ, ធញ្ញជាតិ ជាង ៨០០ លានដុល្លារ, កៅស៊ូ និងផលិតផលធ្វើពីកៅស៊ូ ៥៨៦ លាន​ដុល្លារ, គ្រឿងសង្ហារឹម ជិត ៥០០ លានដុល្លារ, បន្លែបរិភោគបាន ជិត ៤០០ លានដុល្លារ ក្រៅ​ពី​នេះក៏មានប្រភេទទំនិញជាច្រើន បាននិងកំពុងគាំទ្រដល់កំណើននៃការ នាំចេញ​របស់​កម្ពុជា​ផង​ដែរ៕ អត្ថបទ៖ សុន រ៉ាឌី

កម្ពុជា-អាមេរិក បានឈានទៅឯកភាពគ្នាលើបញ្ញត្តិជាច្រើន ក្នុងកិច្ចប្រជុំចរចាជុំទី២ ថ្មីៗនេះ

2025/06/09 10:31:34 am        313
Facebook Telegram Linkin
វ៉ាស៊ីនតោន៖ ការចរចារកិច្ចព្រមព្រៀងពាណិជ្ជកម្មរវាងកម្ពុជា-អាមេរិក នៅក្នុងជុំទី២នេះ ភាគី​ទាំង​ពីរ​បានបន្តពិភាក្សាគ្នា លើអត្ថបទ សេចក្ដីព្រាងកិច្ចព្រមព្រៀងពាណិជ្ជកម្មបដិការ ដោយ​ឈរ​លើ​ស្មារតី​យោគយល់គ្នាខ្ពស់ និងបានឈានទៅឯកភាពគ្នាលើបញ្ញត្តិជាច្រើន។យោងតាមសេចក្តីប្រកាសព័ត៌មាន របស់អង្គភាពអ្នកនាំពាក្យរាជរដ្ឋាភិបាលកម្ពុជា បាន​ជម្រាប​ជូន​ឱ្យដឹង​ថា នាថ្ងៃទី ៤ ដល់ ថ្ងៃទី៦ ខែមិថុនា ឆ្នាំ២០២៥ នៅរដ្ឋធានីវ៉ាស៊ីនតោន សហរដ្ឋ​អាមេរិក​, ឯកឧត្ដម ស៊ុន ចាន់ថុលឧបនាយករដ្ឋមន្ត្រី និងជាអនុប្រធាន ទី១ នៃក្រុម​ប្រឹក្សា​អភិវឌ្ឍន៍​កម្ពុជា និងលោកជំទាវ ចម និម្មល រដ្ឋមន្តីក្រសួងពាណិជ្ជកម្ម បានដឹកនាំ​ក្រុម​ការ​ងារ​ចំពោះ​កិច្ច​សម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាមេរិក ចូ​ល​រួម​កិច្ចប្រជុំចរចាជុំទី២ ស្ដីពីកិច្ចព្រមព្រៀងពាណិជ្ជកម្មបដិការរវាងកម្ពុជា និងសហរដ្ឋអាមេរិក ជា​មួយ​ភាគី​សហរដ្ឋអាមេរិក ដឹកនាំដោយលោកជំទាវ Sarah Ellerman អនុប្រធាន តំណាង​ពាណិជ្ជកម្ម​សហរដ្ឋអាមេរិក ទទួលបន្ទុកតំបន់អាស៊ីអាគ្នេយ៍ និងប៉ាស៊ីហ្វិក។ក្នុងកិច្ចប្រជុំចរចាជុំទី២ នេះ ភាគី​ទាំង​ពីរ​បាន​បន្ត​ពិភាក្សា​គ្នា​លើ​អត្ថបទ​សេចក្ដី​ព្រាង​កិច្ច​ព្រម​ព្រៀង​ពាណិជ្ជ​កម្ម​បដិការ ដោយឈរលើស្មារតីយោគយល់គ្នាខ្ពស់ និង​បាន​ឈាន​ទៅ​ឯកភាព​គ្នា​លើ​បញ្ញត្តិ​ជា​ច្រើន។ ភាគីទាំងពីរ គ្រោងនឹងរៀបចំកិច្ចប្រជុំចរចាជុំទី៣ នាពេលឆាប់​ៗ​ខាង​មុខ​នេះ​ដោយ​ផ្ទាល់​ នៅរដ្ឋធានីវ៉ាស៊ីនតោន។តាមរយៈនៃកិច្ចចរាចររវាងកម្ពុជា-អាមេរិកនេះ, ថ្មីៗនេះ លោកបណ្ឌិត ហុង វណ្ណៈ ជំនាញ​សេដ្ឋ​កិច្ច ​នៃវិទ្យាស្ថានទំនាក់ទំនងអន្តរជាតិ រាជបណ្ឌិតសភា រំពឹងថា កម្ពុជា​នឹង​ទទួល​បាន​ផល​វិជ្ជាមាន គឺបានកើតឡើងពីកត្តាជាច្រើនដូចជា៖ កម្ពុជានិងអាមេរិកមានកិច្ច សហ​ប្រតិបត្តិការ​ជា​យូរ​លង់​មកហើយ, អាមេរិកក៏ជាប្រទេសធ្លាប់ផ្តល់ជំនួយដល់កម្ពុជានាពេលកន្លងមក, កម្ពុជា​បាន​បន្ធូ​បន្ថយ​ពន្ធនាំចូលរបស់សហរដ្ឋអាមេរិក ជាពិសេសអាមេរិក​ក៏​ជាប្រទេស​ដែល​មាន​តម្រូវ​ការ​ក្នុង​ការ​នាំ​ចូល សម្រាប់ផ្គត់ផ្គង់ក្នុងស្រុក និងដើម្បី កំណើនសេដ្ឋកិច្ចផងដែរ តាមរយៈ​នៃ​ការ​ធ្វើ​ពាណិជ្ជ​កម្ម​ជាមួយបណ្តាប្រទេសផ្សេងៗក៏ដូចកម្ពុជា៕ អត្ថបទ៖ សុន រ៉ាឌី

ជំនាញហិរញ្ញវត្ថុ៖ ប្រសិនអាមេរិកទម្លាក់ការប្រាក់ដុល្លារ វាជាបច្ច័យល្អសម្រាប់ពិភពលោកក៏ដូចកម្ពុជា

2025/06/05 02:29:53 pm        110
Facebook Telegram Linkin
អ្នកជំនាញក្នុងវិស័យហិរញ្ញវត្ថុ រំពឹងថា ប្រសិនបើធនាគារកណ្តាលសហរដ្ឋអាមេរិក កាត់អត្រាការប្រាក់ដុល្លារទាបជាងកម្រិតក្នុងពេល បច្ចុប្បន្ន វាគឺជាបច្ច័យល្អសម្រាប់ពិភពលោក ជាពិសេសកម្ពុជា លើការចរាចរណ៍សាច់ប្រាក់នៅក្នុងវិស័យធនាគារ និងមានភាពកាន់តែល្អ ប្រសើរជាងមុន ព្រមទាំងជួយជំរុញដល់ការវិនិយោគបន្ថែមទៀតផងដែរ។លោក ឈា ឆាយហេង ប្រធានផ្នែកប្រឹក្សាយោបល់ហិរញ្ញវត្ថុ PP Link Securities និងជាអ្នកជំនាញនៅក្នុងវិស័យហិរញ្ញវត្ថុ លើកឡើងក្នុងកិច្ចសម្ភាសន៍ជាមួយ BTV ស្តីពីគម្រោងកាត់អត្រាការប្រាក់ដុល្លាររបស់ធនាគារកណ្តាលសហរដ្ឋអាមេរិក នេះថា ជុំវិញនិង ការកាត់អត្រាការប្រាក់ដុល្លារនេះ ធនាគារកណ្តាលសហរដ្ឋអាមេរិក បានអនុវត្តជាច្រើនលើកច្រើនសារមកហើយ ក្នុងនោះនៅពេលកាត់ អត្រាការប្រាក់ម្តងៗ វាបានបង្កផងវិជ្ជមាន និងអវិជ្ជមានជាច្រើននៅលើភពលោក ជាពិសេសគឺប្រទេសដែលចាយវាយប្រាក់ដុល្លារ។លោក លើកឡើងបន្តថា ជុំវិញការកាត់អត្រាការប្រាក់នេះ បើយោងតាមធនាគារកណ្តាលសហរដ្ឋអាមេរិក, អាមេរិកគ្រោងកាត់ អត្រាការប្រាក់នៅពាក់កណ្តាលខែ មិថុនា នេះ ដោយគម្រោងលើកនេះ អាចមានជាច្រើនជម្រើសរួមមាន ការរក្សាអត្រាការប្រាក់ចាស់ ៤,៥០ ភាគរយនៅដ៏ដែល ឬធ្លាក់មកនៅ ៤,២៥ ភាគរយ ឬអាចនៅត្រឹម ៤ ភាគរយប៉ុណ្ណោះ។ លោក ឈា ឆាយហេង បញ្ជាក់ថា ប្រសិនអត្រាការប្រាក់ធ្លាក់ចុះ វានឹងប៉ះពាល់ជាសកល ដល់ប្រតិបត្តិការអាជីវកម្មធំៗនៅលើពីភពលោក, តែបញ្ហានេះវាគឺជាប្រយោជន៍ សម្រាប់សហរដ្ឋអាមរិក ក្នុងការស្រូបយកក្រុមហ៊ុនវិនិយោគធំៗចូលទៅបណ្តាក់ទុនក្នុងប្រទេសរបស់ខ្លួនផងដែរ។ចំណែកលោក លោក តាំង តុងងី អ្នកនាំពាក្យសមាគមមីក្រូហិរញ្ញវត្ថុកម្ពុជា (CMA) និងជាអ្នកជំនាញក្នុងវិស័យហិរញ្ញវត្ថុ លើកឡើងថា ជុំវិញការកាត់អត្រាការប្រាក់ដុល្លារនេះ វាក៏មានទំនាក់ទំនងទៅនិងវិស័យមីក្រូហិរញ្ញវត្ថុផងដែរ ដោយប្រជាពលរដ្ឋខ្មែរក៏ នៅតែប្រើប្រាស់ដុល្លារ ហើយគ្រឹះស្ថានមីក្រូហិរញ្ញវត្ថុ ក៏មានការវិនិយោគពីក្រៅប្រទេសផងដែរ ក្នុងនោះប្រសិនធនាគារកណ្តាលសហរដ្ឋ អាមេរិកទម្លាក់ងអត្រាការប្រាក់របស់ខ្លួន វាអាចនឹងមានផលល្អសម្រាប់វិស័យវិស័យធនាគារនៅក្នុងពិភពលោក។ លោកបន្តថា តាមរយៈ នេះសម្រាប់សម្រាប់កម្ពុជា ក៏នឹងទទួលផលល្អផងដែរ ប៉ុន្តែសម្រាប់គ្រឹះស្ថានមីក្រូហិរញ្ញវត្ថុ មិនសូវទទួលផលដូចវិស័យធនាគារនោះទេ ព្រោះធនាគារបានផ្តល់ឥណទានទៅដល់វិស័យធំៗច្រើន និងមានទំហំឥណទានធំផងដែរ ជាពិសេសធនាគារបរទេស គឺបានអនុវត្តអត្រា ការប្រាក់ថេរ ដែលអាចឡើងឬចុះតាមទីផ្សារអន្តរជាតិ។សូមបញ្ជាក់ថា ការបន្តប្រឈមមុខភូមិសាស្ត្រនយោបាយ កាន់តែស្រួចស្រាល់, ការបែកខ្ញែកនៃសេដ្ឋកិច្ចសកល ដែលប៉ះពាល់ដល់កិច្ច សហប្រតិបត្តិការ និងពាណិជ្ជកម្មអន្ដរជាតិ, ការប្រកួតប្រជែងផ្នែកបច្ចេកវិទ្យាព័ត៌មាន និងបញ្ញាសប្បនិម្មិតកាន់តែខ្លាំងក្លា, ការងើបមក វិញនៃនិន្នាការឯកតោភាគីនិយម, និងការប្រែប្រួលអត្រាការប្រាក់ដុល្លារនេះជាដើម គឺបានធ្វើឱ្យប៉ះពាល់លើពិភពលោក ចំណែកកម្ពុជា ក៏មានការប៉ះពាលផងដែរ ដែលបញ្ហានេះរាជរដ្ឋាភិបាលរៀបចំ និងដាក់ចេញគោលនយោបាយ, យុទ្ធសាស្ត្រ និងផែនការសម្រាប់ការ អភិវឌ្ឍជាបន្តបន្ទាប់ ដើម្បីទប់ស្កាត់និងហានីភ័យនានា ឆ្លើយតបទៅនឹងបរិការណ៍ថ្មីៗទាំងក្នុងក្របខ័ណ្ឌផ្ទៃក្នុង តំបន់ និងពិភពលោក៕អត្ថបទ៖ សុន រ៉ាឌី

គិតត្រឹម៣ខែដើមឆ្នាំនេះ ការផ្តល់ឥណទាន និងការទទួលប្រាក់បញ្ញើររបស់គ្រឹះស្ថានមីក្រូហិរញ្ញវត្ថុបានបន្តកើនឡើង

2025/06/05 02:18:40 pm        130
Facebook Telegram Linkin
គិតត្រឹមត្រីមាសទី១ ឆ្នាំ២០២៥ នេះ វិស័យមីក្រូហិរញ្ញ្ញវត្ថុនៅកម្ពុជា បានផ្តល់ឥណទាន មានចំនួនប្រមាណជិត ៥.៤០០ លានដុល្លារ កើនឡើង ៤,១% ធៀបនឹងត្រីមាសមុន ខណៈការទទួលប្រាក់បញ្ញើរ មានចំនួនសរុបជិត ២.៨០០ លានដុល្លារ កើនឡើងជិត ១០% បើធៀបនឹងត្រីមាសមុន។លោក តាំង តុងងី អ្នកនាំពាក្យសមាគមមីក្រូហិរញ្ញវត្ថុកម្ពុជា (CMA) លើកឡើងក្នុងកិច្ចសម្ភាសន៍ជាមួយភ្នាក់ងារអ្នកយក- ព័ត៌មាន ស្តីពីការផ្តល់ឥណទាន និងការទទួលប្រាក់បញ្ញើរនៅក្នុងគ្រឹះមីក្រូហិរញ្ញវត្ថុ នេះថា ទាក់ទងនិងមីក្រូហិរញ្ញវត្ថុនៅកម្ពុជា ឃើញ ថា នៅក្នុងរយៈពេលប៉ុន្មានឆ្នាំមកនេះ ក្រោយពីវិបត្តិជម្ងឺកូវីដ-១៩ ខណ:ដែលសេដ្ឋកិច្ចមិនទាន់មានភាពច្បាស់លាស់ បានបង្ករឱ្យ ប៉ះពាល់ដល់ការរកស៊ីទទួលទានរបស់ប្រជាពលរដ្ឋ ក្នុងនោះការផ្តល់ឥណទានរបស់គ្រឹះស្ថាននីមួយៗ ក៏បានថយចុះផងដែរ ប៉ុន្តែនៅក្នុង រយៈពេលចុងក្រោយនេះ ការផ្តល់ឥណទាន និងប្រាក់បញ្ញើរបស់គ្រឹះស្ថានមីក្រូហិរញ្ញវត្ថុ បានកំពុងបន្តនិន្នាការកើនឡើង។លោក បន្តឱ្យដឹងថា ជាក់ស្តែងគិតត្រឹមត្រីមាសទី១ ឆ្នាំ២០២៥, វិស័យមីក្រូហិរញ្ញ្ញវត្ថុកម្ពុជា បានផ្តល់ឥណទានជិត ៥.៤០០ លានដុល្លារ (កើនឡើង ៤,១% ធៀបនឹងត្រីមាសមុន) ដោយបានផ្តល់ជូនដល់អតិថិជនប្រមាណ ១,៥ លាននាក់ នៅទូទាំងប្រទេស (បានកើនឡើង ១,៧% ធៀបនឹងត្រីមាសមុន)។ ចំណែកទាក់ទងនិងប្រាក់បញ្ញើរវិញ, វិស័យមីក្រូហិរញ្ញវត្ថុ បានទទួលប្រាក់បញ្ញើ មាន ចំនួនជិត ២,៨ ពាន់លាន់ដុល្លារ (កើនឡើងជិត ១០% ធៀបនិងត្រីមាសមុន) ដោយមានអតិថិជនជិត ២ លាននាក់ (ថយចុះជិត ៩% ធៀបនឹងត្រីមាសមុន)។ ចំពោះឥណទានដែលអតិថិជនបង់សងយឺតលើស ៣០ ថ្ងៃ បានឡើងជាង ៩% (កើនឡើងប្រមាណជាង ២% ធៀបនឹងត្រីមាសមុនផងដែរ)។ ជារួម, សមាគមមីក្រូហិរញ្ញវត្ថុ វាយតំលៃថា វិស័យមីក្រូហិរញ្ញវត្ថុនៅតែមានស្ថេរភាព ដោយមានកំណើន ទាំងឥណទាន និងប្រាក់បញ្ញើ បើទោះឥណទានយឺតយ៉ាវមានការកើនឡើង ដោយវិស័យមីក្រូហិរញ្ញវត្ថុ នៅតែមានតួនាទីសំខាន់ក្នុងការ ជំរុញកំណើនសេដ្ឋកិច្ច និងការអភិវឌ្ឍសង្គម។ជុំវិញការផ្តល់ឥណទាននេះ, លោក តាំង តុងងី បញ្ជាក់ឱ្យដឹងថា គិតត្រឹមត្រីមាសទី១ ឆ្នាំ២០២៥ នេះ, គ្រឹះស្ថានមីក្រូហិរញ្ញវត្ថុបាន ផ្តល់ឥណទានដល់វិស័យសំខាន់ៗមានដូចជា៖ ការផ្តល់ឥណទានគ្រួសារ មានចំនួនប្រមាណជិត ៣៣%, វិស័យកសិកម្មជិត ២១%, ពាណិជ្ចកម្មជិត ២០%, សេវាកម្មជិត ១២%, វិស័យសំណង់ ៧%, ដឹកជញ្ជូនជិត ៣%, កម្មន្តសាល ជាង ២% និងវិស័យផ្សេងៗទៀត ប្រមាណ២% ផងដែរ៕ អត្ថបទ៖ សុន រ៉ាឌី

សមាគមជាតិ-អន្តរជាតិ៖ ទីផ្សារនាំចេញរបស់កម្ពុជា នៅតែបន្តប្រកបដោយថាមពល

2025/06/02 01:33:19 pm        93
Facebook Telegram Linkin
សមាគមជាតិ និងអន្តរជាតិ មើលឃើញអំពីទីផ្សារនាំចេញរបស់កម្ពុជា នៅតែ​បន្ត​ការ​នាំ​ចេញ​ទៅ​កាន់​ទីផ្សារ​អន្តរជាតិប្រកបដោយ ថាមពល ក្រោមការខិតខំប្រឹងប្រែង និងការកែ​ទម្រង់​ដ៏​មុត​ស្រួច​នានា​របស់រាជរដ្ឋាភិបាល ជាពិសេសការពង្រឹងនូវកិច្ចសហប្រតិបត្តិការ និងការផ្តល់​នូវ​ភាព​អំណោយ​ផល​ដល់បរិយាកាសវិនិយោគ។ឯកឧត្តម សួន ម៉ិ ប្រធានសមាគមសហគ្រិនវីម៉ូនៅកម្ពុជា លើកឡើងក្នុងកិច្ចសម្ភាសន៍ជាមួយ BTV ស្តីពីកិច្ចសហប្រតិបត្តិការ និងការដោះដូរពាណិជ្ជកម្មអន្តរជាតិរបស់កម្ពុជា នេះថា ស្រប​ពេល​កត្តា​ហានីភ័យចម្បងៗខាងក្រៅដូចជា បញ្ហាប្រឈមមុខភូមិសាស្រ្តន យោបាយ, ការបែក​ខ្ញែក​នៃ​សេដ្ឋកិច្ចសកល ដែលប៉ះពាល់ដល់ប្រតិបត្តិការ និងពាណិជ្ជកម្មអន្តរជាតិ, ការ​ប្រកួត​ប្រជែង​ផ្នែក​បច្ចេកវិទ្យា ព័ត៌មាន និងបញ្ញាសិប្បនិម្មិតកាន់តែខ្លាំងក្លា, ភាពមិនច្បាស់លាស់​នៃ​ទស្សន​វិស័យ​កំណើនសេដ្ឋកិច្ច នៃបណ្តាប្រទេសតំបន់ និងដៃគូជា ដើម ដែលកត្តាទាំងនេះ អាច​ធ្វើ​ឱ្យ​សេដ្ឋកិច្ចប្រទេសនីមួយៗមានភាពមិនប្រាកដប្រជា។ឯកឧត្តម បន្តថា ជុំវិញនិងកត្តាខាងលើ, ចំពោះកម្ពុជាឃើញថា រាជ​រដ្ឋាភិបាល​បាន​រៀបចំ​គោល​នយោបាយ​ យុទ្ធសាស្រ្ត និង ផែនការសម្រាប់អភិវឌ្ឍន៍មានភាពច្បាស់លាស់ និងគ្រប់ជ្រុងជ្រោយ ជាក់​ស្តែងក្នុងពេលបច្ចុប្បន្ន កម្ពុជាបាននិងកំពុងស្រូបយកអ្នក វិនិយោគ​មក​បណ្តាក់​ទុន​ជា​បន្ត​បន្ទាប់​ ចំណែកការនាំចេញកម្ពុជាក៏បានកំពុងជំរុញការនាំចេញ ក៏បានកំពុង​ឈរ​នៅលើ​មូលដ្ឋា​ន​កំណើន​ ដែលកត្តាទាំងនេះ បង្ហាញឱ្យឃើញពីការខិតខំប្រឹងប្រែងរបស់រាជរដ្ឋាភិបាល ជាពិសេស​ការ​ពង្រឹង​នូវកិច្ចសហប្រតិបត្តិការជាមួយ ប្រទេសដៃគូ និងការគូបផ្សំ​នៃ​ការ​ផ្តល់​នូវភា​ព​អំណោយ​ផល​ដល់បរិយាកាសវិនិយោគនៅក្នុងស្រុកជាដើម។លោក ខេស៊ី បាណេត ប្រធានសភាពាណិជ្ជកម្មអាម៉េរិកប្រចាំនៅកម្ពុជា (AmCham) លើក​ឡើង​ផង​ដែរថា ជុំវិញការនាំចេញ របស់កម្ពុជា លោកមានសុទិដ្ឋិនិយមខ្ពស់ នៅលើ​កំណើន​នៃ​ការ​នាំ​ចេញ​របស់​កម្ពុជា ខណៈកម្ពុជាបាននិងកំពុងកើនឡើងនៃការវិនិយោគ និងការកើន​ណើន​នៃ​ការ​នាំ​ចេញ​ទៅ​កាន់ទីផ្សារសហរដ្ឋអាមេរិកជាដើម ប៉ុន្តែកម្ពុជាក៏អាចមានហានីភ័យលើ ជាមួយ​គូ​ប្រកួត​​ប្រជែងក្នុង តំបន់ដូចជា ប្រទេសឥណ្ឌូនេស៊ី, បង់ក្លាដេស និងប្រទេសឥណ្ឌាជាដើម ខណៈ​ប្រទេស​ទាំងនោះមានខ្សែច្រវាក់ផលិតកម្ម សម្រាប់ ផ្គត់ផ្គង់ការ​នាំ​ចេញ​ប្រហាក់​ប្រហែល​នឹង​កម្ពុជា​ ខណៈបច្ចុប្បន្នកម្ពុជាក៏កំពុងស្ថិតនៅក្នុងភាពមិនទាន់ប្រាកដប្រជាលើបញ្ហាពន្ធ រវាង កម្ពុជា​ និងអាមេរិក។ តែទោះបីយ៉ាងណា បញ្ហានេះកម្ពុជា​បាន​និង​កំពុង​ខិតខំ​ប្រឹង​ប្រែង​ក្នុង​ការ​ចរចា​ផងដែរ។សូមបញ្ជាក់ថា នៅក្នុងរយៈពេល ៤ខែ ឆ្នាំ២០២៥ នេះ ការដោះដូរ​ពាណិជ្ជ​កម្ម​ទៅ​កាន់​ទីផ្សារ​អន្តរជាតិរបស់កម្ពុជា មានទំហំទឹកប្រាក់ សរុបជាង ១៩,៥ ពាន់លានដុល្លារអាមេរិក កើន​ឡើង​ប្រមាណ ​១៧ ភាគរយ ក្នុងនោះការនាំចេញទំនិញរបស់កម្ពុជាមានទឹកប្រាក់ជាង ៩,១ ពាន់​លាន​ដុល្លារ កើនជាង ១៤ ភាគរយ បើធៀបនិងឆ្នំា២០២៤។ សម្រាប់ទីផ្សារនាំចេញនេះ ឃើញថា ការ​នាំ​ចេញ​ទៅកាន់ទីផ្សារ អាមេរិកឈរក្នុងលំដាប់ទី១ ដែលមានទឹកប្រាក់ប្រមាណជាង ៣ ២០០ លាន​ដុល្លារអាមេរិក ស្មើរប្រមាណជិត ៤០ ភាគរយ នៃទីផ្សារ នាំចេញសរុបរបស់កម្ពុជា៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

រុស្ស៊ីត្រៀមជាស្រេចជួយសម្របសម្រួល ក្នុងបញ្ហាអ៊ីរ៉ង់ និងទទួលយកសារធាតុអ៊ុយរ៉ានីញ៉ូមរបស់ទីក្រុងតេអេរ៉ង់
06/16/2025 06:06 PM
Facebook Telegram Linkin
ប្រមុខ IAEA៖ មិនមានការខូចខាតបន្ថែមទៀតឡើយ នៅទីតាំងចម្រាញ់អ៊ុយរ៉ានីញ៉ុមរបស់អ៊ីរ៉ង់
06/16/2025 06:06 PM
Facebook Telegram Linkin
សមាជិកព្រឹទ្ធសភាអាមេរិក មានចំណាត់ការកម្រិតអំណាចសង្រ្គាមរបស់លោក Trump លើអ៊ីរ៉ង់ ខណៈជម្លោះ នៅមជ្ឈិមបូព៌ា កើនឡើង
06/16/2025 05:06 PM
Facebook Telegram Linkin
TOP STORY កម្ពុជាបានបញ្ជូនបណ្ដឹងផ្លូវការទៅដល់ ICJ ដើម្បីជួយស្វែងរកដំណោះស្រាយបញ្ហាវិវាទព្រំដែនជាមួយថៃ
06/16/2025 05:06 PM
Facebook Telegram Linkin
ក្រុមហ៊ួទីនៅយេម៉ែន បានកំណត់គោលដៅលើអ៊ីស្រាអែល ជាមួយនឹងមីស៊ីលបាលីស្ទីក នៅក្នុងការសម្របសម្រួលជាមួយអ៊ីរ៉ង់
06/16/2025 05:06 PM
Facebook Telegram Linkin
អាល្លឺម៉ង់ជំរុញឲ្យមានការខិតខំប្រឹងប្រែងការទូត ដើម្បីទប់ស្កាត់ការកើនឡើងភាពតានតឹងនៅមជ្ឈិមបូព៌ា
06/16/2025 05:06 PM
Facebook Telegram Linkin
ប្រធានាធិបតីអ៊ីរ៉ង់ និយាយថា អាមេរិកអនុញ្ញាតឲ្យអ៊ីស្រាអែលវាយប្រហារអ៊ីរ៉ង់
06/16/2025 05:06 PM
Facebook Telegram Linkin
ចំនួនអ្នកស្លាប់ដោយសារព្យុះទីហ្វុង Wutip នៅវៀតណាម កើនឡើងដល់ ៧នាក់
06/16/2025 05:06 PM
Facebook Telegram Linkin
ក្រសួងសុខាភិបាល៖ មនុស្សយ៉ាងតិច ២៨៧នាក់ បានរងរបួស ក្នុងការវាយប្រហាររបស់អ៊ីរ៉ង់លើ អ៊ីស្រាអែល
06/16/2025 05:06 PM
Facebook Telegram Linkin
អភិបាលខេត្តបន្ទាយមានជ័យ៖ ក្រុមការងារពាក់ព័ន្ធកំពុងត្រៀមទទួលពុកម៉ែបងប្អូនមានកន្លែងស្នាក់នៅបណ្តោះអាសន្ន រយៈពេលវែង និងសម្រួលឯកសារពាក់ព័ន្ធ
06/16/2025 04:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.