BTV NEWS

ស្មារតីគាំទ្រទំនិញក្នុងស្រុករបស់ពលរដ្ឋនាំឱ្យការផលិតមានការកើនឡើងទ្វេដង ដើម្បីបំពេញតម្រូវការទីផ្សារ

រដ្ឋមន្ត្រីក្រសួងរ៉ែ៖ រាជរដ្ឋាភិបាលកំពុងតាមដាន និងពិនិត្យលទ្ធភាពការអនុវត្តពន្ធជួយលើការធ្វើពាណិជ្ជកម្ម

មន្រ្តីជាន់ខ្ពស់ក្រសួងសេដ្ឋកិច្ច ចាត់ទុកធនធានផ្នែកគណនេយ្យ ជាកាតាលីករជួយរុញកំណើនសេដ្ឋកិច្ច

ភ្ញៀវទេសចរបរទេសចាប់អារម្មណ៍ប្រើប្រាស់ Bakong Tourist ដើម្បីទូទាត់តាមប្រព័ន្ធឌីជីថលនៅកម្ពុជា

សេដ្ឋកិច្ច និង កសិកម្ម

វិនិយោគិនមកពីឌូបៃ ឥណ្ឌា និងសិង្ហបុរី កំពុងគ្រោងធ្វើការវិនិយោគលើវិស័យសុខាភិបាលនៅកម្ពុជា

ក្រុមវិនិយោគិនមកពីទីក្រុងឌូបៃ ប្រទេសអារ៉ាប៊ីសាអ៊ូឌីត ប្រទេសឥណ្ឌា និងសិង្ហបុរី បានបង្ហាញការចាប់អារម្មណ៍ និងគ្រោងធ្វើការវិនិយោគលើវិស័យសុខាភិបាល និងភោជនីយកដ្ឋាន ជាដើម នៅក្នុងប្រទេសកម្ពុជា ។ក្នុងពេលនេះ ក្រុមអ្នកវិនិយោគមកពីទីក្រុងឌូបៃ ប្រទេសអារ៉ាប៊ីសាអ៊ូឌីត ប្រទេសឥណ្ឌា និងសិង្ហ បុរី កំពុងធ្វើទស្សនកិច្ចប្រទេសកម្ពុជា ដើម្បីសិក្សាស្វែងយល់បន្ថែម និងជួបជាមួយមន្ត្រី ឬអ្នកពាក់ព័ន្ធនៅកម្ពុជា ។ លោកវេជ្ជបណ្ឌិត សារ៉ាយូឌីន (Sirajuddin) ដែលជាអ្នកសម្របសម្រួលក្រុមអ្នកវិនិយោគនេះ បានឱ្យដឹងថា លោកបានមកដល់ប្រទេសកម្ពុជាប្រមាណ៧ឆ្នាំមកហើយ និងបាននាំអ្នកវិនិយោគមក កម្ពុជាជាច្រើន ហើយពេលនេះ បាននាំអ្នកវិនិយោគបន្ថែមទៀតមកពីឌូបៃ សិង្ហបុរី និងឥណ្ឌា ដែលពួកគេ ពិតជាចង់វិនិយោគនៅក្នុងប្រទេសកម្ពុជា ដោយចង់បង្កើតក្រុមហ៊ុន និងអ្វីៗជាច្រើនទៀត ព្រោះកម្ពុជា ជាប្រទេសដ៏ស្រស់ស្អាតខ្លាំង និងគួរឲ្យទាក់ទាញ ។លោកបានបង្ហាញការពេញចិត្ត និងស្រឡាញ់ពលរដ្ឋ និងប្រទេសកម្ពុជា ដែលមានបរិយាកាសល្អ ហើយនឹងបន្តនាំអ្នកវិនិយោគមកកាន់តែច្រើនបន្ថែមទៀតពីជុំវិញពិភពលោក ដើម្បីចូលរួមលើកកម្ពស់ ប្រទេសកម្ពុជាឱ្យកាន់តែរីកចម្រើន ខណៈពេលនេះ ក៏បាននាំអ្នកវិនិយោគមកពីឌូបៃ សិង្ហបុរី និងឥណ្ឌា ក្នុងនោះមានអ្នកមានបទពិសោធន៍លើការផលិតភាគយន្តនៅឥណ្ឌា និងសមាគមភោជនីដ្ឋានហាឡាល់ ជាដើម ។អ្នកវិនិយោគ បានលើកឡើងថា កម្ពុជា មានវប្បធម៌ និងអរិយធម៌ដ៏យូរលង់ណាស់មកហើយ ជា មួយនឹងការមានបទពិសោធន៍ផ្នែកពាណិជ្ជកម្មដ៏សម្បូរបែប ហើយពួកគេ គឺមានបំណងយកនាំមកនូវការ វិនិយោគបែបស្ដង់ដាអន្តរជាតិមកកាន់កម្ពុជា រួមទាំងការនាំយកផលិតផលពីកម្ពុជាទៅកាន់ពិភពលោក។ពួកគេបានបន្តថា ជាមួយនឹងការមានបទពិសោធន៍ និងការិយាល័យក្រុមហ៊ុន នៅក្នុងប្រទេស ចំនួន១៨ជុំវិញពិភពលោក ដែលកំពុងផ្តោតសំខាន់លើទេសចរណ៍វេជ្ជសាស្រ្ត ក៏ចង់ធ្វើការវិនិយោគវិស័យ នេះនៅក្នុងប្រទេសកម្ពុជា ជាមួយនឹងការបើកនូវភោជនីយកដ្ឋានបែបឥណ្ឌា និងអារ៉ាប់ ជាដើម ខណៈ ដែលកម្ពុជា មានស្ថិរភាពនយោបាយល្អ ជាអ្វីដែលអ្នកវិនិយោគបរទេសចង់បាន និងមានទំនុកចិត្ត ។ក្នុងដំណើរស្វែងរកឱកាសវិនិយោគនេះ វិនិយោគិនឌូបៃ ឥណ្ឌា និងសិង្ហបុរី ក៏មានគម្រោងជួប ជាមួយថ្នាក់ដឹកនាំ និងមន្ត្រីនៃក្រសួងស្ថាប័នពាក់ព័ន្ធមួយចំនួន ដែលក្នុងនោះមានរដ្ឋមន្ត្រីក្រសួងព័ត៌មាន និងរដ្ឋមន្ត្រីក្រសួងទេសចរណ៍ ជាដើម៕ អត្ថបទ៖ បាន សុខរិទ្ធិ

កម្ពុជាកំពុងលើកទឹកចិត្តដល់អ្នកធុរកិច្ចឱ្យស្វែងយល់ពីឱកាសវិនិយោគលើវិស័យកសិកម្មនៅកម្ពុជា

IDI បង្កើតកម្មវិធីផ្តល់ឱកាសដល់ធុរកិច្ច និងវិនិយោគិនទាំងក្នុង និងក្រៅស្រុក ដើម្បីចែករំលែកនូវឱកាសវិនិយោគ ការផ្តល់ ចំណេះដឹង ការធ្វើធុរកិច្ចនិងពាណិជ្ជកម្ម សម្រាប់ការធ្វើអាជីវកម្ម ជាពិសេសការវិនិយោគនៅលើវិស័យកសិកម្មនៅកម្ពុជា។លោកបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាលសមាគម IDI និងក្រុមហ៊ុន IDC លើកឡើងនៅក្នុងកម្មវិធី IDI Investment Roadshow នៅថ្ងៃទី ៣០ ខែ កក្កដា ឆ្នាំ ២០២៤ នេះថា IDI Investment Roadshow គឺជាកម្មវិធីមួយ ដែលរៀបចំ ឡើងដើម្បីបង្ហាញពីឱកាសវិនិយោគនៅកម្ពុជា និងការប្រមូលផ្តុំការវិនិយោគរួមគ្នា សម្រាប់វិនិយោគលើវិស័យផ្សេងៗគ្នា ជាក់ស្តែងនា ពេលនេះ យើងបានកំពុងផ្តោតលើវិស័យកសិកម្ម ដើម្បីបង្កើតជាមូលនិធិវិនិយោគក្នុងវិស័យកសិកម្ម និងការបង្ហាញឱកាសវិនិយោគ លើកាហ្វេ ម្ទេស ដែលដំណាំទាំងនេះ គឺជាដំណាំសក្តានុពលមួយនៅក្នុងវិស័យកសិកម្ម រួមជាមួយការចែករំលែកនូវបទពិសោធន៍ ផ្សេងៗទៀត រវាងអ្នកជំនាញបរទេស និងអ្នកជំនាញក្នុងស្រុក។ជុំវិញវិស័យកសិកម្មនេះ, លោកបណ្ឌិត ក៏បានអំពាវនាវដល់ម្ចាស់កសិដ្ឋាន សហគ្រាស និងកសិករដែលស្ថិតនៅក្នុង វិស័យកសិកម្មនេះ សូមមានទំនុកចិត្តក្នុងការដំាដុះលើវិស័យកសិកម្ម, ព្រោះបច្ចុប្បន្នកម្ពុជាមានទីផ្សារកាន់តែធំ ហើយការចូលរួម ពីតួអង្គផ្សេងៗក៏មានភាពកាន់តែប្រសើរជាងមុន ទាំងក្នុងស្រុកនិងក្រៅស្រុក ជាពិសេសរាជរដ្ឋាភិបាលបាននិងកំពុងគាំទ្រនិងយក ចិត្តទុកដាក់ខ្ពស់លើវិស័យនេះផងដែរ។ ដូច្នេះអ្នកដែលកំពុងធ្វើនៅក្នុងវិស័យកសិកម្ម ទាំងអ្នកដាំដុះ និងកែច្នៃ ត្រូវអនុវត្តន៍ឲ្យបានល្អ ស្របតាមតម្រូវការទីផ្សារ ដើម្បីជំរុញការនាំចេញឲ្យបានកាន់តែច្រើន។សូមបញ្ជាក់ថា ជុំវិញវិស័យកសិកម្មនេះ នៅក្នុងឆមាសទី១ ឆ្នាំ២០២៤ កម្ពុជាបាននាំចេញកសិផលទៅទីផ្សារក្រៅប្រទេស មាន បរិមាណសរុបជាង ៦,១ លានតោន គិតជាទំហំទឹកប្រាក់ត្រូវប្រមាណជាង ២ ៨០០ លានដុល្លារអាមេរិក ដោយគាំទ្រកំណើន នៃការនាំចេញរួមមាន៖ ស្រូវ អង្ករ ដំឡូងមីស្រស់ ម្សៅ ដំឡូង គ្រាប់ស្វាយចន្ទី ពោត ផ្លែមៀន ផ្លែស្វាយ និងម្រេចជាដើម៕ អត្ថបទ៖ សុន រ៉ាឌី

ក្រុមហ៊ុនស្យាមគូបូតា និងក្រុមហ៊ុនមិត្តហ្វូន សហការគ្នាពង្រឹងវិស័យកសិកម្មនៅកម្ពុជា

ក្រុមហ៊ុនស្យាមគូបូតា និងក្រុមហ៊ុនមិត្តហ្វូន ចុះអនុស្សារណៈលើកិច្ចព្រមព្រៀង ការសហការគ្នា ដើម្បីពង្រឹងវិស័យកសិកម្ម ដើម្បី ផ្តល់អត្ថប្រយោជជូនដល់កសិករនៅក្នុងប្រទេសកម្ពុជា ។លោកស្រី វៈរ៉ាផន អូសាក់ថាផាន់ (Waraporn Osathapan) អគ្គនាយករងជាន់ខ្ពស់ ក្រុមហ៊ុន ស្យាមគូបូតា និងលោក កាវ ម៉ាន់ឌឺក (Cao Manh Duc) អគ្គនាយកក្រុមហ៊ុនមិត្តហ្វូន នៅថ្ងៃទី ៣០ ខែ កក្កដា ឆ្នាំ ២០២៤ ចុះហត្ថលេខាលើអនុស្សារណៈ នៃការយោគយល់គ្នា (MoU) លើកិច្ចសហការដើម្បីផ្តល់សេវាកម្មជូនប្រជាកសិករកម្ពុជាឲ្យបានកាន់តែប្រសើរឡើង ។ ការសហការ គ្នានេះមានគោលបំណងជាយុទ្ធសាស្រ្ត ដើម្បីជំរុញការធ្វើអាជីវកម្ម និងកិច្ចសហប្រតិបត្តិការបំពេញឲ្យគ្នាទៅវិញទៅមក លើផ្នែក ទីផ្សាររបស់ក្រុមហ៊ុនទាំងពីរ ដោយផ្តោតសំខាន់ គឺលើការអភិវឌ្ឍន៍កម្មវិធីទូរសព្ទដៃគូបូតា ដើម្បីផ្តល់សេវាកម្មកាន់តែប្រសើរដល់ អតិថិជនគូបូតា។ Viettel Group ក្នុងនាមជាក្រុមហ៊ុននាំមុខគេ ក្នុងទីផ្សារទូរគមនាគមន៍នៅក្នុងតំបន់ អាស៊ីអាគ្នេយ៍ និងជាប់ចំណាត់ ថ្នាក់លេខមួយក្នុងប្រទេសកម្ពុជា ជាមួយនឹងបណ្តាញសេវាទូរសព្ទដៃមិត្តហ្វូន បានដើរតួនាទីយ៉ាងសំខាន់ក្នុងកិច្ចសហប្រតិបត្តិការ នេះ។ យោងតាមទិន្នន័យរបស់យើង កសិករជាច្រើនកំពុងតែប្រើប្រាស់ទូរស័ព្ទដៃក្នុងជីវិតប្រចាំថ្ងៃរបស់ពួកគេ ហើយនិន្នាការនេះនៅ តែបន្តកើនឡើង។លោកស្រី វៈរ៉ាផន អូសាក់ថាផាន់ (Waraporn Osathapan) មានប្រសាសន៍ថា ក្រុមហ៊ុនស្យាមគូបូតា បានផ្តោតយកចិត្ត ទុកដាក់យ៉ាងខ្លាំង ក្នុងការផ្តល់សេវាកម្ម និងការផ្តល់អត្ថប្រយោជន៍ពិសេសផ្សេងៗជូនអតិថិជនរបស់ខ្លួន តាមរយៈការចូលជាសមាជិក គូបូតា តាមគម្រោងថែរទាំអតិថិជន (CRM) ដែលក្នុងនោះមានគម្រោងអតិថិជនគូបូតា VIP ដែលបានផ្តល់អត្ថប្រយោជន៍ជូនដល់ អតិថិជនចាស់និងអតិថិជនថ្មី ។ ហើយកម្មវីធីទូរសព្ទដៃគូបូតា ផ្តល់ជាចំណេះដឹង និងវិធីថែទាំគ្រឿងចក្របានយ៉ាងមានប្រសិទ្ធភាព។ នៅក្នុងកិច្ចសហប្រតិបត្តិការនេះ គឺបានផ្តោតសំខាន់លើការផ្តល់សេវាកម្មឲ្យបានកាន់តែប្រសើរ ជូនដល់អតិថិជនដូចជា ការធ្វើរឲ្យកាន់តែប្រសើរឡើងនូវប្រព័ន្ធសេវាទូរសព្ទជូនដល់អតិថិជនគូបូតា រួមជាមួយនិងការផ្តល់កញ្ចប់សេវាអ៊ិនធើណែត Wi-Fi និង សេវាកម្មអ៊ីនធើណែតដែលមានល្បឿនលឿន និងមានស្ថេរភាព ជាពិសេសជូនដល់អតិថិជនគូបូតាប្រចាំប្រទេសកម្ពុជា។ កិច្ចសហ- ប្រតិបត្តិការនេះ នឹងនាំទៅរកការអភិវឌ្ឍន៍ផ្នែកបច្ចេកវិទ្យា និងការអភិវឌ្ឍន៍ផ្នែកសេវាកម្មសំខាន់ៗ ដែលនឹងផ្តល់អត្ថប្រយោជន៍ យ៉ាងធំធេងជូនដល់កសិករនៅក្នុងប្រទេសកម្ពុជា ៕ អត្ថបទ៖ សុន រ៉ាឌី

អាជីវកម្មបោះពុម្ពមួយចំនួននៅភ្នំពេញទទួលបានការបញ្ជាទិញអាវ មួក គាំទ្រព្រែកជីកហ្វូណនតេជោ

ភ្នំពេញ ៖ នៅក្នុងអំឡុងពេលដែលថ្ងៃជាប្រវត្តិសាស្ត្រ បើកការដ្ឋានអនុវត្តគម្រោងជីកព្រែកជីកហ្វូណនតេជោ ជិតឈានចូលមកដល់នេះ បណ្តាអាជីវកម្មបោះពុម្ភសម្លៀកបំពាក់មួយចំនួន នៅរាជធានីភ្នំពេញ បានទទួលការកុម្មង់បញ្ជាទិញពីអតិថិជនជាច្រើនឲ្យបោះពុម្ភសា្លកសញ្ញា គាំទ្រការពិធីសម្ពោធបើកការដ្ឋានព្រែកជីកហ្វូណនតេជោ នៅលើមួក និងអាវគ្រប់ប្រភេទ ដើម្បីពាក់គាំទ្រថ្ងៃបើកការដ្ឋានជីកព្រែកជីកហ្វូណនតេជោ នៅថ្ងៃទី៥ ខែសីហាខាងមុខនេះ។កញ្ញា ទេព បូរីរតនា ម្ចាស់អាជីវកម្មយីហោយក្សា បានថ្លែងប្រាប់ BTV នៅថ្ងៃទី៣០ ខែកក្កដានេះថា បច្ចុប្បន្ន អាជីវកម្មបោះពុម្ភរបស់កញ្ញាមាន សាខាចំនួន៤ទីតាំង ហើយគ្រប់ទីតាំងគឺសុទ្ធតែទទួលបានការកុម្មង់បញ្ជាទិញពីមហាជនទូទៅ តាមក្រសួង ស្ថាប័ន និងបណ្តាខេត្ត រាជធានីនានានៅប្រព័ន្ធអនឡាញ ឲ្យបោះពុម្ភ ស្លាកសញ្ញា គាំទ្រការជីកព្រែកជីកហ្វូណនតេជោ នៅលើមួក អាវគ្រប់ប្រភេទទំហំនិងតម្លៃទាំងអស់ ដើម្បីពាក់អបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោ។សូមបញ្ជាក់ថា មកដល់ថ្ងៃនេះគឺនៅសល់ពេល៦ថ្ងៃទៀតប៉ុណ្ណោះ ថ្ងៃជាប្រវត្តិសាស្ត្របើកការដ្ឋានព្រែកជីកហ្វូណនតេជោ នឹងឈានចូលមកមកដល់៕អត្ថបទ ស៊ុម សុខជា

ក្រុមហ៊ុនចិនមួយ ចុះហត្ថលេខាជាមួយសមាគម CCCAA ដើម្បីធ្វើការនាំចេញដំឡូងមីស្ងួត ៣០ម៉ឺនតោន ទៅទីផ្សារប្រទេសចិន

សមាគមសម្ព័ន្ធដំឡូងមីកម្ពុជា-ចិន ហៅកាត់ថា CCCAA និងក្រុមហ៊ុន Yufan Grande Industrial Co., Ltd. ជាបុត្រសម្ព័ន្ធរបស់ Jiangxi Youfan Bioenergy Co., Ltd. នៅថ្ងៃទី២៥ ខែកក្កដា ឆ្នាំ២០២៤នេះ បានចុះហត្ថលេខាលើកិច្ចព្រមព្រៀងសហប្រតិបត្តិការនាំចេញដំឡូងមីស្ងួតចំនួន ៣០ម៉ឺនតោន ដើម្បីនាំចេញទៅកាន់ប្រទេសចិននាពេលខាងមុខ។នៅក្នុងសេចក្តីប្រកាសព័ត៌មាន ការចុះហត្ថលេខាលើកិច្ចព្រមព្រៀងសហប្រតិបត្តិការនាំចេញដំឡូងមីស្ងួត ចំនួន ៣០ម៉ឺនតោននេះ សមាគមសម្ព័ន្ធដំឡូងមីកម្ពុជា-ចិន បានឲ្យដឹងថា តាមរយៈការសម្របសម្រួលរបស់សមាគម និងដោយទទួលបានការទុកចិត្តពីសំណាក់ក្រុមហ៊ុនធំៗ មកពីបណ្តាប្រទេសនានា ពិសេសក្រុមហ៊ុន និងសាជីវកម្មរបស់ប្រទេសចិន ដែលជាបន្តបន្ទាប់បានទំនាក់ទំនង ផ្លាស់ប្តូរព័ត៌មានអំពីចំណាប់អារម្មណ៍លើការវិនិយោគ និងទិញដំឡូងមីរបស់កម្ពុជា។ ជាក់ស្តែងនាឱកាសនេះ ក្រុមហ៊ុន Yufan Grande Industrial Co., Ltd. ដែលជាបុត្រសម្ព័ន្ធរបស់ Jiangxi Youfan Bioenergy Co., Ltd. ជាក្រុមហ៊ុនធំមួយរបស់ប្រទេសចិន មានសមត្ថភាពផលិតអេតាណុលបាន ១០ម៉ឺនតោន ក្នុងមួយឆ្នាំ ជាមួយបរិមាណនាំចូលដំឡូងមីស្ងួត សម្រាប់ផ្គត់ផ្គង់ច្រវ៉ាក់ផលិតកម្មជាប្រចាំចំនួន ៣០ម៉ឺនតោន ក្នុងមួយឆ្នាំ បានសម្រេចចិត្តឈានដល់ការចុះហត្ថលេខា លើកិច្ចព្រមព្រៀងនេះ ជាមួយសមាគមសម្ព័ន្ធដំឡូងមីកម្ពុជា-ចិន ក្នុងការជំរុញនាំចេញដំឡូងមីស្ងួតរបស់កម្ពុជា ទៅកាន់ប្រទេសចិន ក្នុងបរិមាណ ៣០ម៉ឺនតោន សម្រាប់រយៈពេល១ឆ្នាំដំបូង។ប្រភពដដែល បានលើកឡើងបន្តថា ជាមួយនឹងកាលានុវត្តភាព និងទស្សនវិស័យច្បាស់លាស់របស់សមាគមសម្ព័ន្ធដំឡូងមីកម្ពុជា-ចិន ដែលជាសមាគមប្រមូលផ្តុំនូវសមាជិកជាច្រើន រួមមាន កសិករដាំដុះ ក៏ដូចជាគ្រប់ភាគីទាំងអស់ដែលពាក់ព័ន្ធក្នុងវិស័យដំឡូងមី ដែលរួមមានទាំងអ្នកប្រមូលទិញ ក្រុមហ៊ុនផ្នែកដឹកជញ្ជូន ឈ្មួញ និងធនធានជាច្រើនទម្រង់ផ្សេងទៀត ដែលសុទ្ធសឹងមានសមត្ថភាពពេញលេញ ក្នុងការផ្តល់ជូននូវជំនួយអាជីវកម្ម និងសេវាកម្មជំនួយលក់ដទៃៗទៀតជាច្រើនក្នុងវិស័យនេះ ដែលអាចផ្តល់នូវឧត្តមភាពថ្លៃដើម ដល់គ្រប់ភាគីដែលប្រកបអាជីវកម្ម និងមានបំណងវិនិយោគក្នុងវិស័យដំឡូងមីនៅក្នុងប្រទេសកម្ពុជា។ សមាជិកទាំងអស់របស់សមាគម នឹងប្រើប្រាស់ភាពខ្លាំងរបស់ខ្លួនអោយបានជាអតិបរិមាតាមដែលអាចធ្វើទៅបាន ទៅលើគ្រប់ទិដ្ឋភាពនៃប្រតិបត្តិការអាជីវកម្មក្នុងវិស័យដំឡូងមី ឲ្យដល់បណ្តាក្រុមហ៊ុន និងដៃគូសហការនានា ធានាជូននូវសេវាកម្មដ៏ល្អបំផុត ដែលនឹងអាចជួយដល់ឧស្សាហកម្មដំឡូងមីកម្ពុជា មានការអភិវឌ្ឍន៍រីកចម្រើនប្រកបដោយភាពរឹងមាំនិងចេរភាព។សូមបញ្ជាក់ផងដែរថា សមាគមសម្ព័ន្ធដំឡូងមីកម្ពុជា-ចិន គឺជាអង្គការមិនរកប្រាក់ចំណេញ ហើយត្រូវបានចុះ បញ្ជីស្របច្បាប់ជាមួយក្រសួងមហាផ្ទៃ នៃព្រះរាជាណាចក្រកម្ពុជា ហើយទើបបានប្រកាសបង្កើតជាផ្លូវការ កាលពីខែ មិថុនា ឆ្នាំ២០២៤ កន្លងទៅថ្មីនេះ ដោយទទួលបាននូវការចាប់អារម្មណ៍យ៉ាងច្រើនពីសំណាក់វិនិយោគិននានា មកពីអន្តរជាតិ ពិសេសវិនិយោគិនចិន ដែលមានបំណងមកធ្វើពាណិជ្ជកម្ម នាំចេញ និងវិនិយោគលើវិស័យដំឡូងមីនៅប្រទេសកម្ពុជា៕

អគ្គនាយកដ្ឋានពន្ធដារ ប្រមូលចំណូលពន្ធអាករគ្រប់ប្រភេទបានជាង ១៩១៧លានដុល្លារ

អគ្គនាយកដ្ឋានពន្ធដារ នៅក្នុងត្រីមាសទី១ ឆ្នាំនេះ ប្រមូលចំណូលពន្ធអាករគ្រប់ប្រភេទ បានចំនួនជាង ៧ ៧៦៧ ប៊ីលានរៀល ត្រូវប្រមាណជាង ១ ៩១៧ លានដុល្លារអាមរិក ស្មើនឹង ៤៦ ភាគរយ នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំ ឆ្នាំ២០២៤។ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយក ដ្ឋានពន្ធដារ លើកនៅក្នុងកិច្ចប្រជុំបូកសរុបលទ្ធផលប្រមូលចំណូលពន្ធ ប្រចាំខែ មិថុនា និងប្រចាំឆមាសទី១ ឆ្នាំ២០២៤ នៅថ្ងៃទី ២៤ ខែ កក្កដា ឆ្នាំ ២០២៤ នេះថា ចំពោះលទ្ធផលប្រមូលចំណូលពន្ធក្នុងខែ មិថុនា ឆ្នាំ២០២៤, ចំណូលពន្ធអាករគ្រប់ប្រភេទ ដែល អគ្គនាយកដ្ឋានពន្ធដារប្រមូលបានជាក់ស្តែង តាមប្រព័ន្ធគ្រប់គ្រងទិន្នន័យចំណូលអនឡាញ មានចំនួនជាង ១ ០០០0 ប៊ីលានរៀល ត្រូវជាង ២៤៨ លានដុល្លារ ស្មើជិត ៦ ភាគរយ នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤ ក្នុងនោះបើគិត ៦ ខែ ក្នុងឆ្នាំ ២០២៤ វិញ ឃើញថា ចំណូលពន្ធអាករដែលអគ្គនាយកដ្ឋានពន្ធដារ ប្រមូលបានជាក់ស្ដែងតាមប្រព័ន្ធគ្រប់គ្រង ទិន្នន័យ ចំណូលអនឡាញរបស់អគ្គនាយកដ្ឋានពន្ធដារ មានចំនួនជាង ៧ ៧៦៧ ប៊ីលានរៀល (ត្រូវប្រមាណជា ១ ៩១៧ លានដុល្លារ) ស្មើ ៤៦ ភាគរយ នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំឆ្នាំ២០២៤។ជុំវិញវិស័យពន្ធដារនេះ, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ ជំរុញឲ្យអគ្គនាយកដ្ឋានពន្ធដារ អនុវត្តនូវវិធានការនិងជាយុទ្ធសាស្ត្រសំខាន់ៗដូចជា៖ បន្តពង្រឹងការផ្សព្វផ្សាយ និង ការអនុវត្តប្រកបដោយការយកចិត្តទុកដាក់ នូវវិធានការលើកទឹកចិត្ត និងសម្រួលផ្នែកពន្ធដារជូនវិស័យឯកជន, បន្តរៀបចំនិងធ្វើ បច្ចុប្បន្នភាពលិខិតបទដ្ឋានគតិយុត្ត (ប្រកាស សេចក្ដីណែនាំ ឬសេចក្តីជូនដំណឹង), ពង្រឹងការយកចិត្តទុកដាក់ខ្ពស់លើគុណភាព នៃការផ្តល់សេវា និងលើកកម្ពស់ប្រសិទ្ធភាពការងាររបស់ខ្លួន, បន្តជំរុញនិងបង្កើនល្បឿននៃការធ្វើបរិវត្តកម្មរដ្ឋបាលសារពើពន្ធ និងបន្ត ធ្វើទំនើបកម្មប្រព័ន្ធបច្ចេកវិទ្យាព័ត៌មាន និងកម្មវិធីប្រកបដោយស្មារតីបុរេសកម្ម តាមរយៈការអភិវឌ្ឍនិងធ្វើបច្ចុប្បន្នភាព និងអភិវឌ្ឍន៍ ប្រព័ន្ធបច្ចេកវិទ្យាព័ត៌មាននិងហេដ្ឋារចនាសម្ព័ន្ធគាំទ្រ រួមជាមួយការពង្រឹងសមត្ថភាពមុខងារវិភាគទិន្នន័យបន្ថែមទៀត ដើម្បីបន្តជំរុញ បង្កើនកម្រិតអនុលោមភាពសារពើពន្ធ ដោយធ្វើយ៉ាងណាឱ្យមានភាពងាយស្រួលក្នុងការបំពេញកាតព្វកិច្ចពន្ធដារ ប៉ុន្តែពិបាកក្នុងការ គេចវេះ តាមរយៈការបន្តអភិវឌ្ឍបន្ថែមនូវមុខងារមួយចំនួន។ក្រៅពីវិធានខាងលើ, ឯកឧត្តមអគ្គបណ្ឌិតសភាចារ្យ បានជំរុញឲ្យពង្រឹងការងារចុះបញ្ជីពន្ធដារ និងធ្វើបច្ចុប្បន្នភាពព័ត៌មាន សហគ្រាស និងបន្តកិច្ចសហការជាមួយក្រសួងពាណិជ្ជកម្ម ស្ថាប័នពាក់ព័ន្ធ ដើម្បីចូលរួមកែលម្អ និងជំរុញការងារចុះបញ្ជីសហគ្រាស តាមថ្នាលបច្ចេកវិទ្យាព័ត៌មាន (CamDX) ឱ្យកាន់តែមានប្រសិទ្ធភាព និងមានភាពគ្រប់ជ្រុងជ្រោយ តាមរយៈការពិនិត្យ និងស្វែង រកដំណោះស្រាយចំពោះបញ្ហាប្រឈមនានា ជាពិសេសបន្តជំរុញលើការងាររៀបចំចរចា និងពង្រីកវិសាលភាពនៃកិច្ចព្រមព្រៀងស្ដីពី ការលុបបំបាត់ការយកពន្ធត្រួតគ្នា (DTA) ជាមួយបណ្តាប្រទេសនានា រួមជាមួយការបន្តរៀបចំលិខិតបទដ្ឋានគតិយុត្ត និងផែនការ សកម្មភាព ដើម្បីគាំទ្រការអនុវត្តវិធានការនានាពាក់ព័ន្ធនឹងពន្ធដារ ដូចមានកំណត់នៅក្នុងយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ច ក្រៅប្រព័ន្ធ ២០២៣-២០២៨ ជាដើម៕ អត្ថបទ៖ សុន រ៉ាឌី

ADB បាននិងកំពុងគាំទ្រការឈានទៅសម្រេចតាមចក្ខុវិស័យឆ្នាំ២០៥០ របស់កម្ពុជា

ធនាគារអភិវឌ្ឍន៍អាស៊ី (ADB) បាននិងកំពុងគាំទ្រ នៃការចូលរួមចំណែក ដើម្បីឲ្យកម្ពុជាអាចឈានទៅសម្រេចបាននូវគោល ដៅអភិវឌ្ឍន៍ ស្របតាមចក្ខុវិស័យកម្ពុជាឆ្នាំ ២០៥០ សំដៅប្រែក្លាយកម្ពុជាទៅជាប្រទេសមានចំណូលខ្ពស់។ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្តីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លើកឡើងនៅក្នុង ជំនួបពិភាក្សាការងារ ជាមួយលោកស្រី ចាន់ថាល វង់ (Chantale Wong) នាយកប្រតិបត្តិតំណាងសហរដ្ឋអាម៉រិក នៃក្រុមប្រឹក្សា នាយកប្រតិបត្តិធនាគារអភិវឌ្ឍន៍អាស៊ី (ADB) នេះថា ឯកឧត្ដមបានថ្លែងអំណរគុណ និងវាយតម្លៃខ្ពស់ចំពោះការចូលរួមចំណែក ដ៏សំខាន់របស់ ADB ដែលតែងតែផ្តល់កិច្ចសហប្រតិបត្តិការយ៉ាងល្អ នៃការគាំទ្រកម្ពុជាក្នុងដំណើរអភិវឌ្ឍន៍សេដ្ឋកិច្ច ចាប់តាំងពីឆ្នាំ ១៩៩២ មក ជាពិសេស ADB បាននិងកំពុងគាំទ្រ ចូលរួមចំណែកដើម្បីកម្ពុជាអាចឈានទៅសម្រេចបាននូវគោលដៅអភិវឌ្ឍន៍ ស្របតាម ចក្ខុវិស័យកម្ពុជាឆ្នាំ២០៥០ សំដៅប្រែក្លាយកម្ពុជាទៅជាប្រទេសមានចំណូលខ្ពស់ តាមរយៈការដាក់ចេញនូវយុទ្ធសាស្ត្រ ភាពជាដៃគូសម្រាប់អភិវឌ្ឍន៍កម្ពុជា ឆ្នាំ២០២៤-២០២៨ ប្រកបដោយប្រសិទ្ធភាព និងភាពឆ្លើយតបនឹងយុទ្ធសាស្ត្រជាអាទិភាព របស់រាជរដ្ឋាភិបាល ។ ឈរលើអភិក្រម “រក្សាសមិទ្ធផលចាស់, បង្កើតសមិទ្ធផលថ្មី” និងដើម្បីចាប់យកនូវកាលានុវត្តភាពក្នុងបរិការណ៍ នៃការ ផ្លាស់ប្តូរយ៉ាងរហ័សនៃស្ថានភាពសង្គម-សេដ្ឋកិច្ចតំបន់សកលលោកនេះ, រាជរដ្ឋាភិបាលនីតិកាលទី ៧ នៃរដ្ឋសភា បានដាក់ចេញនូវ “យុទ្ធសាស្ត្របញ្ចកោណ-ដំណាក់កាលទី១” ដើម្បី កំណើន, ការងារ, សមធម៌, ប្រសិទ្ធភាព និង ចីរភាព បានកំណត់នូវអាទិភាព គន្លឹះចំនួន៥គឺ៖ មនុស្ស, ផ្លូវ, ទឹក,ភ្លើង និងបច្ចេកវិទ្យាឌីជីថល ឆ្លើយតបទៅនឹងបដិវត្តឧស្សាហកម្មទី ៤.០ និងបរិវត្តកម្មឌីជីថល នៃសេដ្ឋកិច្ចនិងសង្គម ក៏ដូចជាដើម្បីលើកកម្ពស់ផលិតភាពសេដ្ឋកិច្ចកម្ពុជា ដោយមានគោលដៅយុទ្ធសាស្ត្រចំនួន៥គឺ៖ ១- ការ សម្រេចបាននូវកំណើនសេដ្ឋកិច្ច ៧% ប្រចាំឆ្នាំ, ២- ការបង្កើនការងារ (ទាំងបរិមាណនិងគុណភាព), ៣- ការកាត់បន្ថយភាព ក្រីក្រ, ៤- ការពង្រឹងប្រសិទ្ធភាពការងារ និងចីរភាពនៃការអភិវឌ្ឍសង្គមជាតិ និង ៥- ការកសាងភាពធន់ ។ ឯកឧត្តមអគ្គបណ្ឌិត សភាចារ្យ ក៏បានថ្លែងអំណរគុណដល់ ADB ដែលបានរួមចំណែកគាំទ្រ និងផ្តល់ឥណទានដល់វិស័យឯកជន សម្រាប់ពង្រីកធុរកិច្ច និងប្រតិបត្តិការនៅកម្ពុជា នៃការចូលរបស់វិស័យឯកជន ក្នុងការអភិវឌ្ឍន៍សង្គម-សេដ្ឋកិច្ច។ក្នុងជំនួបនេះ, លោកស្រី ចាន់ថាល វង់ បានកោតសរសើរចំពោះកិច្ចខិតខំប្រឹងប្រែងនៃរាជរដ្ឋាភិបាលកម្ពុជា នីតិកាលទី ៧ ក្នុងការបន្តពង្រឹង និងពង្រីកសមិទ្ធផលនានា ដែលរាជរដ្ឋាភិបាលនៅក្នុងនីតិកាលកន្លងមកសម្រេចបាន ហើយក្នុងនីតិកាលទី ៧ នេះ រាជរដ្ឋាភិបាលកម្ពុជាកំពុងស្ថិតលើមាគ៌ាដឹកនាំដ៏ត្រឹមត្រូវ ។ ជាមួយគ្នានេះ, លោកស្រី ក៏បានថ្លែងអំណរគុណរាជរដ្ឋាភិបាល កម្ពុជា ដែលបានសហការយ៉ាងជិតស្និទ្ធជាមួយ ADB ក្នុងការរៀបចំ “យុទ្ធសាស្ត្រភាពជាដៃគូ សម្រាប់អភិវឌ្ឍន៍កម្ពុជាឆ្នាំ ២០២៤- ២០២៨ " ក្រោមសសរស្តម្ភមួយចំនួនរួមមាន៖ ការពន្លឿនការធ្វើពិពិធកម្មសេដ្ឋកិច្ច ដែលដឹកនាំដោយវិស័យឯកជន, ការលើក កម្ពស់ការអភិវឌ្ឍធនធានមនុស្ស, និងការពង្រឹងភាពធន់នឹងបម្រែបម្រួលអាកាសធាតុ។ កម្ពុជាក៏មានសក្តានុពលក្នុងការធ្វើពិពិធកម្ម សេដ្ឋកិច្ច និងកាលានុវត្តភាពក្នុងការជំរុញពាណិជ្ជកម្មអន្តរជាតិ និងការទាក់ទាញការវិនិយោគពីក្រុមហ៊ុនក្រៅស្រុក ។ បញ្ហានេះ ADB និងគាំទ្រដល់ការកែលម្អ និងពង្រឹងបរិយាកាសអំណោយផលដល់ការធ្វើធុរកិច្ច និងការវិនិយោគរបស់វិស័យឯកជនផងដែរ៕ អត្ថបទ៖ សុន រ៉ាឌី

បណ្តាញសហគមកសិកម្មសួនផ្កាផ្ទះបៃតង ត្រៀមបង្កើនធ្វើដំណាំនាំចេញតាមព្រែកជីកហ្វូណនតេជោ

តំណាងបណ្តាញសហគមកសិកម្ម សួនផ្កាផ្ទះបៃតង ក៏ដូចអាជ្ញាធរមូលដ្ឋានមួយចំនួនបានសម្តែងការអបអរសាទរដែលថ្ងៃបើកការដ្ឋានព្រែកជីកហ្វូណនតេជោកាន់តែខិតជិតមកដល់។ ខណៈតំណាងបណ្តាញសហគមកសិកម្ម បានជំរុញប្រជាសហគមកសិករ រៀបចំផែនការ ជំរុញការធ្វើដំណាំដាំដុះឲ្យបានច្រើន ដើម្បីទាញយកអត្ថប្រយោជន៍ និងជំរុញនាំចេញកសិផលទៅក្រៅប្រទេស តាមព្រែកជីកហ្វូណនតេជោ។លោកស្រី យ៉ែម ណារី ស្ថាបនិកសួនផ្កាផ្ទះបៃតង ថ្លែងប្រាប់ BTV នៅថ្ងៃទី២៥ ខែកក្កដានេះថា បច្ចុប្បន្ន សួនផ្ទះផ្កាបៃតង មានបណ្តាញសហគមកសិកម្ម និងបណ្តាញកសិករ ធ្វើដំណាំបន្លែសុវត្ថិភាពរបស់ខ្លួននៅតាមបណ្តាជាច្រើនរួមមាន៖ ខេត្តកណ្តាល ពោធិ៍សាត់ បាត់ដំបង និងខេត្តសៀមរាបជាដើម ហើយបណ្តាប្រជាសហគមមានគាំទ្រខ្ពស់ និងអបអរសាទរចំពោះថ្ងៃបើកការដ្ឋានព្រែកជីកហ្វូណនតេជោ នៅថ្ងៃទី៥ ខែសីហាខាងមុខនេះ ពីព្រោះព្រែកនេះនឹងផ្តល់សេវាដឹកជញ្ជូនតម្លៃថោក នាំចេញកសិផលខ្មែរទៅលក់នៅក្រៅប្រទេស។លោក រឿន សាបុណ្យ សមាជិកក្រុមប្រឹក្សាឃុំកោះខ្សាច់ទន្លា ស្រុកស្អាង ខេត្តកណ្តាលវិញ ថ្លែងអបអរសាទរដែលគម្រោង ព្រែកជីកហ្វូណនតេជោ បានដំណើរការ ឆ្លងកាត់កោះខ្សាច់ទន្លាផងដែរ ខណៈបច្ចុប្បន្ន អាជ្ញាធរឃុំដោយមានកិច្ចគាំទ្រពីក្រសួងកសិកម្មរុក្ខាប្រមាញ់ និងនេសាទ បាននិងកំពុងចង់សហគមកសិកម្មទំនើប បង្កើនការធ្វើដំណាំដាំដុះឲ្យច្រើន ជំរុញការនាំចេញទៅក្រៅប្រទេស តាមព្រែកជីកហ្វូណាតេជោនោះផងដែរ។សូមបញ្ជាក់ថាគម្រោងព្រែកជីកហ្វូណនតេជោ គ្រោងនឹងចំណាយថវិកាជីកប្រមាណ ១ ៧០០ លានដុល្លាអាមេរិច ជីករយៈពេល ៤ ឆ្នាំ មានប្រវែង១៨០គីឡូម៉ែត្រ ក្នុងនោះជីកឆ្លងកាត់ខេត្តកណ្តាលមានប្រវែងប្រមាណ ៥៦ គីឡូម៉ែត្រ៕ អត្ថបទ ស៊ុម សុខជា

ការលើកទឹកចិត្តដល់វិស័យឯកជនបាននិងកំពុងបង្កើតបរិយាកាសវិនិយោគល្អប្រសើរ

ការកែទម្រង់ និងការលើកទឹកចិត្តរបស់រាជរដ្ឋាភិបាលដល់វិស័យឯកជន រួមជាមួយការកែទម្រង់នៅក្នុងប្រព័ន្ធពន្ធដារ បានធ្វើឲ្យ បរិយាកាសវិនិយោគនៅកម្ពុជាមានភាពល្អប្រសើរ និងបានកំពុងទាក់ទាញ និងហូរចូលមកបណ្តាក់ទុនលើវិស័យផ្សេងៗ ប្រកបដោយ បរិយាបន្ន។ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុក ជាអគ្គនាយកនៃអគ្គនាយក ដ្ឋានពន្ធដារ លើកនៅក្នុងសិក្ខាសាលាផ្សព្វផ្សាយសៀវភៅណែនាំស្តីពីបែបបទ និងនីតិវិធីនៃការធ្វើសវនកម្មពន្ធដារសម្រាប់មន្ត្រីពន្ធដារ និងអ្នកជាប់ពន្ធ និងសៀវភៅណែនាំស្តីពី ការស៊ើបអង្កេតបទល្មើសព្រហ្មទណ្ឌលើបទប្បញ្ញាត្តិស្តីពីពន្ធដារ នៅថ្ងៃទី២៣ ខែ កក្កដា ឆ្នាំ២០២៤ នេះថា ទាក់ទិនវិស័យពន្ធដារនេះ មុនកែទម្រង់ប្រព័ន្ធពន្ធដារ ការរៀបចំឯកសារ និងការបំពេញបែបបទផ្សេងៗ គឺបាន អនុវត្តដោយដៃ ជាពិសេសការប្រកាសពន្ធជាដើម ក្នុងនោះគឺត្រូវយកលុយទៅបង់ពន្ធដោយផ្ទាល់នៅតាមសាខាពន្ធដារ ប៉ុន្តែក្នុងពេល ឥឡូវនេះ អ្នកជាប់ពន្ធត្រូវបានបង់ពន្ធតាមប្រព័ន្ធអនឡាញឌីជីថល គឺបានផ្តល់ភាពងាយស្រួល និងចំណេញពេលវេលាជាដើម។ គឺដោយសារមកពីបដិវត្តន៍កម្មផ្នែកបច្ចេកវិទ្យា បានធ្វើឲ្យកម្ពុជាដើរយ៉ាងលឿននៅក្នុងរយៈពេល ១០ ឆ្នាំមកនេះ។ឯកឧត្តម បន្តថា ជុំវិញបញ្ហាទាំងអស់នេះ គឺបានកើតឡើងក្រោមចក្ខុវិស័យដ៏ច្បាស់លាស់របស់រាជរដ្ឋាភិបាល ជាក់ស្តែងជា ច្រើនឆ្នាំមកនេះ រាជរដ្ឋាភិបាលបង្កើតឲ្យមានវេទិកាវាងរាជរដ្ឋាភិបាល និងវិស័យឯកជន ដើម្បីដោះស្រាយនូវបញ្ហាដែលកើតមាន ឡើងចំពោះវិស័យឯកជន។ កត្តាទាំងនេះបានបង្ហាញឲ្យឃើញនូវភាពជឿជាក់ និងមានទំនុកចិត្តខ្ពស់ពីវិស័យឯកជន ក្នុងការមក បណ្តាក់ទុនរកស៊ីទទួលទានជាហូរហែរ ក្នុងនោះបើគិតក្នុងឆមាសទី១ ឆ្នាំ២០២៤នេះ កម្ពុជាទទួលបានគម្រោងវិនិយោគថ្មីមានចំនួន ១៩០ គម្រោង មានទុនវិនិយោគសរុបប្រមាណ ៣,២ ពាន់លានដុល្លារអាមេរិក ។ឯកឧត្តម គង់ វិបុល លើកឡើងបន្ថែមថា នៅក្នុងវេទិការាជរដ្ឋាភិបាលនិងវិស័យឯកជន លើកទី១៩ កន្លងមកនេះ រាជរដ្ឋា ភិបាលបានដាក់ចេញនូវវិធានការមួយចំនួន ស្តីពីការកែលម្អបរិយាកាសវិនិយោគកម្ពុជា នេះគឺជាចំណុចមួយនៃវិធានការជាង ៥០ របស់អគ្គនាយកដ្ឋានពន្ធដារ ក្នុងនោះចំនួនជាង ៥០ ទៀត ត្រូវបានកំពុងអនុវត្តជាបណ្តើរៗ ដោយក្នុងនោះអគ្គនាយកដ្ឋានពន្ធដារ ឈានមុខគេនៃការអនុវត្តវិធានការទាំងនោះ។ទាក់ទិនការប្រមូលចំណូលពន្ធដារនេះ, តាមសារាចរណែនាំស្តីពីការអនុវត្តច្បាប់ហិរញ្ញវត្ថុសម្រាប់ការគ្រប់គ្រងឆ្នាំ ២០២៤ រាជរដ្ឋាភិ បាលបានកំណត់ការអនុវត្តប្រមូលចំណូលថវិកាអគ្គនាយកដ្ឋានពន្ធដារ ត្រូវបានគ្រោងចំនួន ១៤ ៦៤១ ប៊ីលានរៀល ត្រូវប្រមាណ ១០,២៤ ភាគរយ នៃ ផ.ស.ស. ដោយបានកើនឡើង ១៩,២ ភាគរយ ធៀបនិងច្បាប់ថវិកាឆ្នាំ ២០២៣ ដែលក្នុងនោះរាជរដ្ឋាភិបាល មិនបានដាក់ចេញនូវប្រភេទពន្ធថ្មី ឬការបង្កើនអត្រាពន្ធនោះឡើយ៕ អត្ថបទ៖ សុន រ៉ាឌី

អាជ្ញាធរឃុំកោះខ្សាច់ទន្លាជំរុញបង្កើតសហគមកសិកម្មដាំដំណាំទេសចរណ៍តាមបណ្ដោយព្រែកជីកហ្វូណនតេជោ

អាជ្ញាធរ និងបណ្តាពលរដ្ឋ នៅលើឃុំកោះខ្សាច់ទន្លា ស្រុកស្អាង ខេត្តកណ្តាល ក្រោយពីបានដឹងថាព្រែកជីកហ្វូណនតេជោ នឹងធ្វើជីកឆ្លងកាត់មូលដ្ឋានឃុំរបស់ខ្លួន គឺគេមានការអបអរសាទរ គាំទ្រជំរុញឲ្យព្រែកជីកនេះជីកឲ្យលឿន ខណៈអាជ្ញាធរ និងពលរដ្ឋ បានរួមគ្នាបង្កើតសហគមន៍កសិកម្ម និងកសិទេសចរណ៍ ជំរុញការធ្វើដំណាំនាំចេញ និងទទួលបានអត្ថប្រយោជន៍នានាទៀតពីព្រែកជីកណនតេជោ។បើតាមលោក រឿន សាបុណ្យ សមាជិកក្រុមប្រឹក្សាឃុំកោះខ្សាច់ទន្លា ថ្លែងប្រាប់BTV នៅថ្ងៃទី២៤ ខែកក្កដានេះ ថ្លែងថា នៅពេលនេះ បណ្តាអាជ្ញាធរមូលដ្ឋាន ក៏ដូច បណ្តាពលរដ្ឋ បានសម្តែងការគាំទ្រពេញទំហឹងថ្ងៃបើកការដ្ឋានផ្លូវការអនុវត្តគម្រោងជីកព្រែកជីកហ្វូណនតេជោ ខណៈការជីកព្រែកជីកនេះ នឹងកប៉ាល់ដឹកទំនិញ សេវាកម្ម និងទេសចរជាតិអន្តរជាតិធ្វើដំណើរឆ្លងកាត់ទន្លេបាសាក់ និងកាត់តាមកោះខ្សាច់ទន្លានេះ ហើយផ្តល់ប្រយោជន៍ផ្នែកដឹកជញ្ជូនតម្លៃថោកនាំមកនូវទេសចរជាតិ អន្តរជាតិនានាទៀតអញ្ជើញមកទស្សនា។តំណាងសហគមន៍កសិកម្ម និងកសិទេសចរណ៍ នៅកោះខ្សាច់ទន្លា ថ្លែងថា នៅពេលនេះពលរដ្ឋទាំងអស់គ្នាពិតជាចង់ឲ្យព្រែកជីកហ្វូណនតេជោ បើកដំណើរការជីកឲ្យបានលឿន ដើម្បីផ្តល់ជាផលប្រយោជន៍ ប្រើប្រាស់ដឹកនាំកសិផលទៅលើកនៅក្រៅប្រទេសផង ក៏ដូចជាការទេសចរជាតិ អន្តរជាតិមកទស្សនាសហគម មូលដ្ឋានរបស់យើងដែរ។ សូមបញ្ជាក់ថា ព្រែកជីកហ្វូណនតេជោជីក ឆ្លងកាត់ខេត្តកណ្តាលមានសរុបប្រវែង៥៦ គ.ម ដែលនឹងចាប់ផ្តើមជីកពង្រីកចេញពីទន្លេមេគង្គត្រង់ចំណុចព្រែកតាកែវ ឃុំសំរោងធំ ស្រុកគៀនស្វាយ សំដៅទៅកាន់ទន្លេបាសាក់ ម្តុំព្រែកពោធិ៍មានប្រវែង២១គ.មហើយបន្តធ្វើដំណើរឆ្លងកាត់ដងទន្លេបាសាក់មានប្រវែង២៩គ.ម ទៅដល់ជីកព្រែកតាហ៊ីងទន្លេបាសាក់ស្រុកកោះធំ រួចបន្តជីកទៅដល់ព្រំប្រទល់ខេត្តតាកែវ មានប្រវែង៦គ.មទៀត៕ អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

ឃាត់ខ្លួនជនជាតិចិន៤នាក់ ធ្វើសកម្មចូលបន្លំលួចលុយតាមទីតាំងដូរប្រាក់វីងជាច្រើនកន្លែង ក្នុងរាជធានីភ្នំពេញ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីដ៏ខ្ពង់ខ្ពស់ចូលរួម «ពិធីបើកយុទ្ធនាការ ១ម៉ឺនរៀល ១ម៉ឺននាក់» ឆ្នាំ២០២៦ និង«ពិធីសំណេះសំណាល និងប្រគល់-ទទួលថវិកាបរិច្ចាគពីវិស័យឯកជន ជូនមូលនិធិគន្ធបុប្ផាកម្ពុជា»

កោះតៃវ៉ាន់ ជំរុញឱ្យអាមេរិក បន្តលក់អាវុធ ដោយលើកឡើងពីចំណងមិត្តភាពដ៏រឹងមាំរវាងភាគីទាំងពីរ

លោកជំទាវបណ្ឌិត ពេជ ចន្ទមុន្នី៖ កម្លាំងសាមគ្គីជាតិផុលផុសបានជួយសង្គ្រោះកុមារកម្ពុជាដែលជាធនធានមនុស្សអនាគតរាប់ម៉ឺនាក់ក្នុងមួយឆ្នាំៗ

មួយឆ្នាំមកនេះ រាជរដ្ឋាភិបាលបានខិតខំគ្រប់បែបយ៉ាង ដើម្បីការពារបូរណភាពទឹកដី និងរក្សាការពារសន្តិភាព

ប្រជាជនហ្កាហ្សា ប្រមូលផ្តុំគ្នាសម្រាប់ការបួងសួងបុណ្យ Eid ក្នុងពេលមានជម្លោះ និងការលំបាកនៅបន្ត

រដ្ឋមន្ត្រីការបរទេស៖ អាមេរិក មិនអនុញ្ញាតឱ្យមានករណីជំងឺអេបូឡាណាមួយ ចូលក្នុងប្រទេសបានទេ

អ្នកវិភាគ៖ ភាពមិនប្រាកដប្រជានៃនយោបាយអាមេរិក និងសង្គ្រាមនៅអ៊ីរ៉ង់ នឹងគ្របដណ្ដប់លើកិច្ចប្រជុំកំពូលសន្តិសុខអាស៊ី

ភាពតានតឹងថ្មីកើនឡើងនៅជុំវិញភាគខាងត្បូងប្រទេសអ៊ីរ៉ង់ បន្ទាប់ពីការវាយប្រហាររបស់អាមេរិក

ប្រមុខការទូតកម្ពុជា-ចិន បញ្ជាក់ឡើងវិញអំពីការពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយ និងសហការគ្នាយ៉ាងជិតស្និទ្ធក្នុងវេទិកាពហុភាគី ដើម្បីលើកកម្ពស់ស្ថិរភាពក្នុងតំបន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

វិនិយោគិនមកពីឌូបៃ ឥណ្ឌា និងសិង្ហបុរី កំពុងគ្រោងធ្វើការវិនិយោគលើវិស័យសុខាភិបាលនៅកម្ពុជា

កម្ពុជាកំពុងលើកទឹកចិត្តដល់អ្នកធុរកិច្ចឱ្យស្វែងយល់ពីឱកាសវិនិយោគលើវិស័យកសិកម្មនៅកម្ពុជា

ក្រុមហ៊ុនស្យាមគូបូតា និងក្រុមហ៊ុនមិត្តហ្វូន សហការគ្នាពង្រឹងវិស័យកសិកម្មនៅកម្ពុជា

អាជីវកម្មបោះពុម្ពមួយចំនួននៅភ្នំពេញទទួលបានការបញ្ជាទិញអាវ មួក គាំទ្រព្រែកជីកហ្វូណនតេជោ

ក្រុមហ៊ុនចិនមួយ ចុះហត្ថលេខាជាមួយសមាគម CCCAA ដើម្បីធ្វើការនាំចេញដំឡូងមីស្ងួត ៣០ម៉ឺនតោន ទៅទីផ្សារប្រទេសចិន

អគ្គនាយកដ្ឋានពន្ធដារ ប្រមូលចំណូលពន្ធអាករគ្រប់ប្រភេទបានជាង ១៩១៧លានដុល្លារ

ADB បាននិងកំពុងគាំទ្រការឈានទៅសម្រេចតាមចក្ខុវិស័យឆ្នាំ២០៥០ របស់កម្ពុជា

បណ្តាញសហគមកសិកម្មសួនផ្កាផ្ទះបៃតង ត្រៀមបង្កើនធ្វើដំណាំនាំចេញតាមព្រែកជីកហ្វូណនតេជោ

ការលើកទឹកចិត្តដល់វិស័យឯកជនបាននិងកំពុងបង្កើតបរិយាកាសវិនិយោគល្អប្រសើរ

អាជ្ញាធរឃុំកោះខ្សាច់ទន្លាជំរុញបង្កើតសហគមកសិកម្មដាំដំណាំទេសចរណ៍តាមបណ្ដោយព្រែកជីកហ្វូណនតេជោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

វិនិយោគិនមកពីឌូបៃ ឥណ្ឌា និងសិង្ហបុរី កំពុងគ្រោងធ្វើការវិនិយោគ​លើវិស័យ​សុខាភិបាល​នៅកម្ពុជា

កម្ពុជាកំពុងលើកទឹកចិត្តដល់អ្នកធុរកិច្ចឱ្យស្វែងយល់ពីឱកាសវិនិយោគលើវិស័យកសិកម្មនៅកម្ពុជា

ក្រុមហ៊ុនស្យាមគូបូតា និងក្រុមហ៊ុនមិត្តហ្វូន សហការគ្នាពង្រឹងវិស័យកសិកម្មនៅកម្ពុជា

អាជីវកម្មបោះពុម្ពមួយចំនួននៅភ្នំពេញទទួលបានការបញ្ជាទិញអាវ មួក គាំទ្រព្រែកជីកហ្វូណនតេជោ

ក្រុមហ៊ុនចិនមួយ ចុះហត្ថលេខាជាមួយសមាគម CCCAA ដើម្បីធ្វើការនាំចេញដំឡូងមីស្ងួត ៣០ម៉ឺនតោន ទៅទីផ្សារប្រទេសចិន

អគ្គនាយកដ្ឋានពន្ធដារ ប្រមូលចំណូលពន្ធអាករគ្រប់ប្រភេទបានជាង ១៩១៧លានដុល្លារ

ADB បាននិងកំពុងគាំទ្រការឈានទៅសម្រេចតាមចក្ខុវិស័យឆ្នាំ២០៥០ របស់កម្ពុជា

បណ្តាញសហគមកសិកម្មសួនផ្កាផ្ទះបៃតង ត្រៀមបង្កើនធ្វើដំណាំនាំចេញតាម​ព្រែកជីកហ្វូណនតេជោ

ការលើកទឹកចិត្តដល់វិស័យឯកជនបាននិងកំពុងបង្កើតបរិយាកាសវិនិយោគល្អប្រសើរ

អាជ្ញាធរឃុំកោះខ្សាច់ទន្លាជំរុញបង្កើតសហគមកសិកម្មដាំដំណាំទេសចរណ៍តាមបណ្ដោយព្រែកជីកហ្វូណនតេជោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វិនិយោគិនមកពីឌូបៃ ឥណ្ឌា និងសិង្ហបុរី កំពុងគ្រោងធ្វើការវិនិយោគលើវិស័យសុខាភិបាលនៅកម្ពុជា

បណ្តាញសហគមកសិកម្មសួនផ្កាផ្ទះបៃតង ត្រៀមបង្កើនធ្វើដំណាំនាំចេញតាមព្រែកជីកហ្វូណនតេជោ