BTV NEWS

ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

អាជ្ញាធររាជធានីភ្នំពេញបន្តត្រួតពិនិត្យតាមទីតាំងប្រមូលផ្ដុំក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើស

សមត្ថកិច្ចរាជធានីភ្នំពេញ បន្តត្រួតពិនិត្យទីតាំងស្នាក់នៅប្រមូលផ្ដុំ ដើម្បីស្វែងរក និងបោសសម្អាតបទល្មើស Online Scams

សន្តិសុខ និង សង្គម

អ៊ីស្រាអែល បញ្ជាក់ថា មេបញ្ជាការរងយោធារបស់ក្រុមហាម៉ាស ត្រូវបានសម្លាប់ក្នុងការវាយប្រហារ

អ្នកនាំពាក្យយោធាអ៊ីស្រាអែល បាននិយាយកាលពីថ្ងៃអង្គារថា មេបញ្ជាការរងយោធាក្រុមហាម៉ាស ឈ្មោះ ម៉ាវ៉ាន អ៊ីសា (Marwan Issa) ត្រូវបានសម្លាប់នៅក្នុងការវាយប្រហាររបស់អ៊ីស្រាអែល ក្នុងខែនេះ ដោយបញ្ជាក់របាយការណ៍នៅដើមខែនេះ។ឧត្តមនាវីទោ ដានីញែល ហាហ្ការី (Daniel Hagari) បាននិយាយនៅក្នុងសេចក្តីថ្លែងការណ៍តាមទូរទស្សន៍មួយថា «យើងបានត្រួតពិនិត្យការស៊ើបការណ៍សម្ងាត់ទាំងអស់ ហើយ ម៉ាវ៉ាន អ៊ីសា ត្រូវបានសម្លាប់នៅក្នុងការវាយប្រហារដែលយើងបានធ្វើប្រហែលពីរសប្តាហ៍មុន»។ ក្រុមហាម៉ាសមិនមានការអត្ថាធិប្បាយភ្លាមៗលើរបាយការណ៍របស់អ៊ីស្រាអែលនោះទេ។លោក អ៊ីសា ស្ថិតនៅខាងលើបង្អស់នៃបញ្ជីឧក្រិដ្ឋជនដែលកំពុងតាមចាប់ខ្លួនរបស់អ៊ីស្រាអែល រួមជាមួយលោក ម៉ូហាម៉េដ ដេហ្វ (Mohammed Deif) ដែលជាប្រធានស្លាបយោធារបស់ក្រុមហាម៉ាស ក្រុមកងពលតូច អ៊ីស អែលឌីន អាល់កាសាម (Izz el-Deen al-Qassam) និងមេដឹកនាំក្រុមហាម៉ាស នៅហ្កាហ្សា លោក យ៉ាសយ៉ា ស៊ីនវ៉ា (Yahya Sinwar) ដែលត្រូវបានគេជឿថាជាមេក្លោងពីក្រោយការវាយប្រហារថ្ងៃទី០៧ តុលា របស់ក្រុមនេះលើប្រទេសអ៊ីស្រាអែល ភាគខាងត្បូង ដែលបង្កឱ្យមានសង្គ្រាមដ៏បង្ហូរឈាមនៅហ្កាហ្សា៕

អ្នកជំនាញ UN និយាយថា អ៊ីស្រាអែល បានប្រព្រឹត្តអំពើប្រល័យពូជសាសន៍នៅតំបន់ហ្កាហ្សា

អ្នកជំនាញរបស់អង្គការសហប្រជាជាតិ បានប្រាប់ក្រុមប្រឹក្សាសិទ្ធិមនុស្សរបស់ស្ថាប័នពិភពលោកមួយនេះ កាលពីថ្ងៃអង្គារ (២៦ មីនា) ថា ខ្លួនជឿជាក់ថា យុទ្ធនាការយោធារបស់អ៊ីស្រាអែលនៅតំបន់ហ្កាហ្សា ចាប់តាំងពីថ្ងៃទី០៧ ខែតុលា មក គឺជាការប្រល័យពូជសាសន៍ ហើយបានអំពាវនាវឱ្យប្រទេសនានាដាក់ទណ្ឌកម្មជាបន្ទាន់ និងការហាមឃាត់អាវុធ។ អ៊ីស្រាអែល ដែលមិនបានចូលរួមក្នុងសម័យប្រជុំនោះ បានច្រានចោលការរកឃើញរបស់អ្នកជំនាញ UN រូបនេះ។លោកស្រី ហ្រ្វេនឆេសស្កា អាលបាលនីស (Francesca Albanese) អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅក្នុងតំបន់កាន់កាប់ បានប្រាប់ស្ថាប័នសិទ្ធិមនុស្សរបស់អង្គការសហប្រជាជាតិនៅទីក្រុងហ្សឺណែវថា «យើងរកឃើញថាមានហេតុផលសមស្របក្នុងការជឿថា មានកម្រិតដែលបង្ហាញពីការប្រព្រឹត្តិកម្មឧក្រិដ្ឋកម្មប្រល័យពូជសាសន៍ប្រឆាំងនឹងប៉ាឡេស្ទីនជាក្រុមនៅក្នុងតំបន់ហ្កាហ្សា»។ លោកស្រីបានបង្ហាញរបាយការណ៍មួយឈ្មោះថា «កាយវិភាគសាស្ត្រនៃការប្រល័យពូជសាសន៍» ដោយលើកឡើងពីជនជាតិប៉ាឡេស្ទីនជាង ៣០.០០០ នាក់ដែលត្រូវបានសម្លាប់ក្នុងចំណោមអំពើឃោរឃៅផ្សេងទៀត។អនុសញ្ញាប្រល័យពូជសាសន៍ឆ្នាំ ១៩៤៨ ដែលបានអនុម័តបន្ទាប់ពីមានការសម្លាប់រង្គាលជនជាតិជ្វីហ្វនៅក្នុងរបបផ្តាច់ការ ណាហ្ស៊ី កំណត់ការប្រល័យពូជសាសន៍ថាជា «អំពើដែលបានប្រព្រឹត្តដោយចេតនាដើម្បីបំផ្លាញទាំងស្រុង ឬមួយផ្នែក លើក្រុមសញ្ជាតិ ជនជាតិ ពូជសាសន៍ ឬសាសនា»។បេសកកម្មការទូតរបស់អ៊ីស្រាអែល នៅទីក្រុងហ្សឺណែវ បាននិយាយថា ការប្រើពាក្យប្រល័យពូជសាសន៍គឺ «ជារឿងគួរឱ្យខឹងសម្បារ» ហើយបាននិយាយថា សង្រ្គាមនេះគឺប្រឆាំងនឹងក្រុមអ៊ីស្លាមហាម៉ាសប៉ុណ្ណោះ មិនមែនជនស៊ីវិលប៉ាឡេស្ទីនទេ៕

គ្រួសារចំណាប់ខ្មាំងអ៊ីស្រាអែលតវ៉ានៅក្រុង Tel Aviv ទាមទារកិច្ចព្រមព្រៀង

នៅក្នុងទីក្រុង Tel Aviv ក្រុមគ្រួសាររបស់ចំណាប់ខ្មាំង និងអ្នកគាំទ្ររបស់ពួកគេ បានមកប្រមូលផ្តុំគ្នានៅខាងក្រៅទីបញ្ជាការក្រសួងការពារជាតិអ៊ីស្រាអែល កាលពីថ្ងៃអង្គារ ដោយទាមទារឱ្យមានកិច្ចព្រមព្រៀងដើម្បីដោះលែងមនុស្សជាទីស្រលាញ់របស់ពួកគេ។ មនុស្សមួយចំនួន បានចាក់សោខ្លួនឯងនៅក្នុងទ្រុង ដើម្បីតវ៉ា អ្នកខ្លះទៀតកាន់រូបថតមនុស្សជាទីស្រឡាញ់របស់ពួកគេ។ នៅក្នុងសេចក្តីថ្លែងការណ៍ដែលអំពាវនាវឱ្យមានការតវ៉ា ក្រុមគ្រួសារចំណាប់ខ្មាំង និងអ្នកគាំទ្រ បានស្តីបន្ទោសនាយករដ្ឋមន្ត្រី លោក Benjamin Netanyahu ចំពោះការរឹតត្បិតទំនាក់ទំនងជាមួយសម្ព័ន្ធមិត្តដ៏រឹងមាំបំផុតរបស់ខ្លួន គឺសហរដ្ឋអាមេរិក និងធ្វើឱ្យកិច្ចព្រមព្រៀងចំណាប់ខ្មាំង និងប្រទេសនេះស្ថិតក្នុងហានិភ័យ។ រឿងនេះ បានកើតឡើងបន្ទាប់ពី លោក Netanyahu បានហៅត្រឡប់មកវិញអ្នកចរចា ពីទីក្រុង Doha ហើយបាននិយាយថា លោកនឹងមិនបញ្ជូនគណៈប្រតិភូ ដូចដែលបានគ្រោងទុកទៅកាន់ទីក្រុងវ៉ាស៊ីនតោនឡើយ បន្ទាប់ពីសហរដ្ឋអាមេរិក មិនប្រើសិទ្ធវ៉េតូចំពោះសំណើរបស់ក្រុមប្រឹក្សាសន្តិសុខអង្គការសហប្រជាជាតិ ដែលអំពាវនាវឱ្យមានបទឈប់បាញ់នៅតំបន់ហ្កាហ្សា។យោងតាមសេចក្តីថ្លែងការណ៍មួយពីការិយាល័យ លោក Netanyahu បាននិយាយថា ការបរាជ័យរបស់ទីក្រុងវ៉ាស៊ីនតោន ក្នុងការរារាំងសំណើនេះគឺជា «ការដកថយយ៉ាងច្បាស់» ពីជំហរកាលពីពេលមុនរបស់ខ្លួន ហើយនឹងធ្វើឱ្យប៉ះពាល់ដល់កិច្ចខិតខំប្រឹងប្រែងសង្រ្គាមប្រឆាំងក្រុមហាម៉ាស ព្រមទាំងកិច្ចខិតខំប្រឹងប្រែងដើម្បីដោះលែងចំណាប់ខ្មាំងជាង ១៣០ នាក់ដែលនៅតែត្រូវបានឃុំខ្លួនក្នុងតំបន់ហ្កាហ្សា។ការសម្រេចចិត្តរបស់ទីក្រុងវ៉ាស៊ីនតោន ក្នុងការបោះឆ្នោតអនុបវាទចំពោះសេចក្តីសម្រេចរបស់អង្គការសហប្រជាជាតិ បានធ្វើឱ្យទំនាក់ទំនងកាន់តែតានតឹងជាមួយ លោក Netanyahu ដែលកំពុងប្រឈមមុខទៅនឹងភាពតានតឹងកាន់តែខ្លាំងឡើងលើក្រុមចម្រុះដែលបែងចែកគ្នា ដោយសារតែការមិនចុះសម្រុងគ្នាជុំវិញសេចក្តីពង្រាងច្បាប់សម្រាប់ជនជាតិជ្វីហ្វអូថូដុកជ្រុលនិយម ឲ្យចូលជាយោធា។

ចិន ថ្កោលទោសការវាយប្រហារភេរវកម្មនៅប៉ាគីស្ថាន ខណៈស្នើឲ្យមានការស៊ើបអង្កេតហ្មត់ចត់

អ្នកនាំពាក្យក្រសួងការបរទេសចិននៅថ្ងៃពុធ ទី២៧មីនា សប្ដាហ៍នេះ បានអត្ថាធិប្បាយលើការវាយប្រហារដោយគ្រាប់បែកនៅស្រុកដាស៊ូ (Dasu) នៅក្នុងប្រទេសប៉ាគីស្ថាន ដោយនិយាយថា ប្រទេសចិនថ្កោលទោសយ៉ាងខ្លាំងចំពោះការវាយប្រហារភេរវកម្មនេះ ហើយស្នើឱ្យប៉ាគីស្ថានស៊ើបអង្កេតឱ្យបានហ្មត់ចត់ចំពោះឧបទ្ទវហេតុនេះឱ្យបានឆាប់តាមដែលអាចធ្វើទៅបាន។ អ្នកនាំពាក្យរូបនេះ បានឲ្យដឹងថា នៅម៉ោងប្រហែល១ រសៀល ម៉ោងក្នុងស្រុកកាលពីថ្ងៃទី ២៦ ខែមីនា ជនជាតិចិន ៥នាក់ និងជនជាតិប៉ាគីស្ថានម្នាក់ បានស្លាប់នៅក្នុងការវាយប្រហារភេរវកម្មលើក្បួនរថយន្តរបស់គម្រោងទំនប់វារីអគ្គិសនី ដាស៊ូ របស់ក្រុមហ៊ុនចិន នៅក្នុងខេត្ត ឃីប៊ ប៉ាកទុនខ្វា (Khyber Pakhtunkhwa) ។ អ្នកនាំពាក្យខាងលើបាននិយាយថា យើងសូមចូលរួមរំលែកទុក្ខយ៉ាងក្រៀមក្រំចំពោះអ្នកស្លាប់ និងសូមចូលរួមរំលែកទុក្ខយ៉ាងស្មោះស្ម័គ្រចំពោះក្រុមគ្រួសារនៃសព ដោយបន្ថែមថា ប្រទេសចិនស្នើឱ្យប៉ាគីស្ថានស៊ើបអង្កេតឱ្យបានហ្មត់ចត់ចំពោះឧបទ្ទវហេតុនេះឱ្យបានឆាប់តាមដែលអាចធ្វើទៅបាន ស្វែងរកជនដៃដល់ និងខ្មាន់បំផ្ទុះគ្រាប់បែកទាំងនោះមកកាត់ទោស។ ទន្ទឹមនឹងនោះដែរ យើងស្នើឱ្យប៉ាគីស្ថានចាត់វិធានការប្រកបដោយប្រសិទ្ធភាព ដើម្បីធានាសុវត្ថិភាព និងសន្តិសុខរបស់ជនជាតិចិន គម្រោង និងស្ថាប័ននានានៅក្នុងប្រទេសប៉ាគីស្ថាន៕

ក្រុមមេដឹកនាំហៃទីព្យាយាមស្វែងរកការស្របមតិជាឯកច្ឆ័ន្ទអន្តរកាល ខណៈវិបត្តិកំពុងកើនឡើង

កិច្ចខិតខំប្រឹងប្រែងដើម្បីបង្កើតរដ្ឋាភិបាលអន្តរកាល និងបំពេញចន្លោះប្រហោងនៃអំណាចនៅក្នុងប្រទេសហៃទីដែលរងការហែកហួរដោយអំពើហិង្សា បានបង្កើតឡើងកាលពីថ្ងៃចន្ទ ខណៈក្រុមគណៈប្រតិភូបានឈ្លោះប្រកែកគ្នាជុំវិញការជ្រើសរើសមេដឹកនាំ និងការគំរាមកំហែងដល់អាយុជីវិត ដែលបានបណ្តាលឱ្យសមាជិកម្នាក់ត្រូវលាលែងពីតំណែងកាលពីចុងសប្តាហ៍។ វិបត្តិសន្តិសុខរបស់ប្រទេសនៅសមុទ្រការីអ៊ីបមួយនេះ ត្រូវបានដុតបញ្ឆេះដោយបញ្ហានយោបាយ ដោយសារតែខកខានការរៀបការបោះឆ្នោត ចាប់តាំងពីឆ្នាំ២០១៦ មក ខណៈនាយករដ្ឋមន្ត្រី លោក អារីយ៉ែល ហង់រី (Ariel Henry) បានដឹកនាំប្រទេសនេះ ចាប់តាំងពីការធ្វើឃាតប្រធានាធិបតី ហ្សូវ៉េណេល ម៉យអ៊ីស (Jovenel Moise) ឆ្នាំ ២០២១។ ស្របពេលភាពចលាចលកាន់តែធ្ងន់ធ្ងរខ្លាំង ក្រោមការគ្រប់គ្រងរបស់លោកហង់រី ដែលឈានដល់ទីបញ្ចប់នៅពេលក្រុមប្រដាប់អាវុធបានរួបរួមគ្នាដើម្បីបើកការវាយប្រហារ និងទាមទារឱ្យមានការបណ្តេញរូបលោកចេញពីតំណែងកាលពីចុងខែមុន នាយករដ្ឋមន្ត្រីបាននិយាយថា លោកនឹងលាលែងពីតំណែងនៅពេលដែលក្រុមប្រឹក្សាអន្តរកាលត្រូវបានបង្កើតឡើងហើយនោះ។ ប៉ុន្តែស្ថាប័ននេះ ដែលត្រូវបានគាំទ្រដោយអង្គការសហប្រជាជាតិ និងប្លុកក្នុងតំបន់ CARICOM ក្នុងចំណោមប្រទេសផ្សេងទៀត នៅតែតស៊ូដើម្បីធ្វើការស្របមតិជាឯកច្ឆ័ន្ទអន្តរកាល មួយលេចចេញជារូបរាង រយៈពេលពីរសប្តាហ៍បន្ទាប់ពីការប្រកាសកាលពីថ្ងៃទី ១១ ខែមីនារបស់ លោកហង់រី ៕

មនុស្ស៦នាក់ ត្រូវបានគេសន្និដ្ឋានថាស្លាប់ បន្ទាប់ពីនាវាដឹកទំនិញដោតទង់ជាតិសិង្ហបុរី បុកស្ពានBaltimore

បុគ្គលិក៦នាក់បានបាត់ខ្លួន ហើយត្រូវបានគេសន្និដ្ឋានថាបានស្លាប់បន្ទាប់ពីស្ពានបាក់នៅកំពង់ផែ Baltimore កាលពីថ្ងៃអង្គារ នៅពេលដែលនាវាដឹកទំនិញខ្នាតធំមួយគ្រឿង បានដាច់ចរន្តអគ្គិសនី បុក ចូលរចនាសម្ព័ន្ធស្ពាន ដោយបង្ខំឱ្យបិទកំពង់ផែដ៏មមាញឹកបំផុតមួយនៅលើឆ្នេរសមុទ្រភាគខាងកើត សហរដ្ឋអាមេរិក។ឆ្មាំឆ្នេរសហរដ្ឋអាមេរិក និងមន្ត្រីនគរបាលរដ្ឋ Maryland បាននិយាយថា ដោយផ្អែកលើសីតុណ្ហភាពទឹកត្រជាក់ និងរយៈពេលដែលបានកន្លងផុតទៅចាប់តាំងពីស្ពានបានបាក់ មានឱកាសតិចតួចបំផុតដែលអ្នកបាត់ខ្លួនទាំង ៦ នាក់ អាចត្រូវបានរកឃើញនៅរស់។នាវាដឹកទូទំនិញ បំពាក់ទង់ជាតិសិង្ហបុរីឈ្មោះ Dali ដែលធ្វើដំណើរទៅកាន់ប្រទេសស្រីលង្កា បានបុកផ្នែកដ៏ធំមួយនៃស្ពាន Francis Scott Key នៅម៉ោងប្រហែល ១.៣០នាទី រំលងអាធ្រាត ម៉ោងក្នុងស្រុក ត្រូវនឹងម៉ោង ១.៣០នាទី រសៀល ម៉ោងនៅប្រទេសសិង្ហបុរី។ក្រុមអ្នកជួយសង្រ្គោះបានជួយសង្គ្រោះអ្នកនៅរស់រានមានជីវិតពីរនាក់ ទៅកាន់ទីសុវត្ថិភាព ដែលក្នុងនោះម្នាក់ត្រូវបានបញ្ជូនទៅមន្ទីរពេទ្យ ហើយបានស្វែងរកមនុស្សបន្ថែមទៀតនៅក្នុងទន្លេ Patapsco បន្ទាប់ពីកំណាត់ដែកស្ពានបានធ្លាក់ចូលទៅក្នុងទឹកត្រជាក់ខ្លាំង។នាវាត្រូវវបានគេរាយការណ៍ថាដាច់ចរន្តអគ្គិសនី មុនពេលមានផលប៉ះពាល់ដែលអាចឲ្យមន្ត្រីបញ្ឈប់ចរាចរណ៍នៅលើស្ពាន មុនពេលបាក់។

កប៉ាល់ដែលបុកស្ពាន បាល់ទីម័រ របស់អាមេរិក ជាប់ពាក់ព័ន្ធនឹងគ្រោះថ្នាក់មួយនៅបែលហ្ស៊ិក កាលឆ្នាំ២០១៦

កប៉ាល់ ដែលបានបង្កឱ្យមានការដួលរលំនៃស្ពាន ហ្រ្វង់ស៊ីស ស្កុត ឃី (Francis Scott Key) ក្នុងទីក្រុង បាល់ទីម័រ (Baltimore) កាលពីថ្ងៃអង្គារ (២៦ មីនា) ក៏បានពាក់ព័ន្ធក្នុងឧប្បត្តិហេតុមួយនៅក្នុងកំពង់ផែ អានធ្វើប (Antwerp) ប្រទេសបែលហ្ស៊ិក ក្នុងឆ្នាំ ២០១៦ ។ អាជ្ញាធរកំពង់ផែ អានធ្វើប បាននិយាយថាកប៉ាល់ដឹកទូកុងតឺន័រ ដាលី (Dali) បានបុកផែចតកប៉ាល់កាលពីថ្ងៃទី១១ ខែកក្កដា ឆ្នាំ២០១៦ នៅពេលដែលព្យាយាមចាកចេញពីស្ថានីយកុងតឺន័រសមុទ្រខាងជើង។ការត្រួតពិនិត្យឆ្នាំ ២០១៦ នៃកប៉ាល់នេះ ដែលបានធ្វើឡើងនៅទីក្រុង អានធ្វើប បានរកឃើញថា វាមានបញ្ហារចនាសម្ព័ន្ធ ដែលត្រូវបានចែងថាជា «ការខូចខាតនៃនាវាដែលធ្វើឱ្យខូចគុណភាពនៃការចេញទៅសមុទ្រ» នេះបើយោងតាមទិន្នន័យដែលបានចេញផ្សាយនៅលើគេហទំព័រ អ៊ីខ្វេស៊ីស (Equasis) ដែលជាមូលដ្ឋានទិន្នន័យសាធារណៈសម្រាប់ឧស្សាហកម្មដឹកជញ្ជូន។ អាជ្ញាធរកំពង់ផែបាននិយាយថា កប៉ាល់នេះត្រូវបានចតចោលដើម្បីជួសជុលមួយរយៈក្រោយកើតហេតុ ហើយអ្នកនាំពាក្យកំពង់ផែនិយាយថា កប៉ាល់នោះត្រូវបានអនុញ្ញាតឱ្យចាកចេញ បន្ទាប់ពីអ្នកជំនាញវាយតម្លៃថាវាមានសុវត្ថិភាព។សារព័ត៌មាន រ៉យទ័រ បានផ្ទៀងផ្ទាត់ថា កប៉ាល់ដែលឃើញនៅក្នុងវីដេអូនៃឧប្បត្តិហេតុនៅកំពង់ផែ អានធ្វើប ក្នុងឆ្នាំ ២០១៦ ដែលត្រូវបានចែករំលែកនៅលើប្រព័ន្ធផ្សព្វផ្សាយសង្គម ត្រូវគ្នានឹងរូបភាពរបស់ រ៉យទ័រ និងរូបភាពផ្សេងទៀតនៃកប៉ាល់ ដែលបានបុកស្ពាន បាល់ទីម័រ នេះ។កប៉ាល់ អ៊ឹមអេស ដាលី (MS Dali) ដោយទង់ជាតិសិង្ហបុរី ដែលជាកម្មសិទ្ធិរបស់ក្រុមហ៊ុន ហ្រ្គេស អូស្ហ៊ីន ប្រាយវ៉េត លីមីតធីត (Grace Ocean Pte Ltd) និងគ្រប់គ្រងដោយសារជីវកម្ម ស៊ីនើជី ម៉ារីន ខប (Synergy Marine Corp) កាលពីថ្ងៃអង្គារ បានបុកជាមួយនឹងសសរស្តម្ភមួយនៃស្ពាន ហ្រ្វង់ស៊ីស ស្កុត ឃី ដោយបានធ្វើឱ្យដួលរលំផ្នែកដ៏ធំមួយនៃវិសាលភាព ១,៦ ម៉ាយល៍ ដែលប្រហែលនឹងជាង ២,៥ គីឡូម៉ែត្ររបស់ស្ពាន៕

អ៊ីស្រាអែល និយយាថា សេចក្ដីសម្រេចរបស់ UN បានធ្វើឲ្យប៉ះពាល់ដល់កិច្ចចរចាបទឈប់បាញ់នៅហ្កាហ្សា

អ៊ីស្រាអែល និយាយថា ការច្រានចោលរបស់ក្រុមហាម៉ាស ស្ដីពីកិច្ចព្រមព្រៀងបទឈប់បាញ់ថ្មីៗ នៅតំបន់ហ្កាហ្សា ជាមួយអ៊ីស្រាអែល បង្ហាញពីការប៉ះពាល់ធ្ងន់ធ្ងរ ដោយសារសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលទាមទារឲ្យមានបទឈប់បាញ់បន្ទាន់ ជាពេលវេលា មួយដែលសម្ព័ន្ធមិត្តរបស់ខ្លួន គឺសហរដ្ឋអាមេរិក បានអនុបវាទ ។ ការិយាល័យរបស់លោកនាយករដ្ឋមន្ត្រី បេន ចាមីន ណេតានយ៉ាហ៊ូ (Benjamin Netanyahu) បាននិយាយថា អ៊ីស្រាអែល នឹងមិនផ្ដល់នូវអ្វីដែលខ្លួនហៅថា ជាការទាមទារហួសហេតុគួរឲ្យអស់សំណើចរបស់ក្រុមហាម៉ាស ជាដាច់ខាត ។ ការទាមទារទាំងនោះរួមទាំង ការបញ្ចប់សង្រ្គាម និងការដកទ័ពអ៊ីស្រាអែលចេញទាំងស្រុងពីដែនដីហ្កាហ្សា ផងដែរ។ សហរដ្ឋអាមេរិក បានហៅសេចក្ដីថ្លែងការណ៍របស់អ៊ីស្រាអែល ថាជារឿងមិនត្រឹមត្រូវស្ទើរគ្រប់ចំណុច។ អ្នកនាំពាក្យក្រសួងការបរទេសអាមេរិក មួយរូប បានទទូចថា ការឆ្លើយតបរបស់ក្រុមហាម៉ាស ត្រូវបានរៀបចំមុនការបោះឆ្នោតក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃចន្ទ។ ជាមួយគ្នានោះ យោធាអ៊ីស្រាអែល បានបញ្ជាក់ថា មេដឹកនាំរងរបស់ស្លាបប្រដាប់អាវុធក្រុមហាម៉ាស លោក ម៉ាវ៉ាន់ អ៊ីសា (Marwan Issa) ត្រូវបានសម្លាប់ក្នុងការវាយប្រហារតាមអាកាស លើរូងក្រោមដី នៅខាងក្រោមជំរំជនភៀសខ្លួននូសេរ៉ាត់ (Nuseirat) ប្រហែល២សប្ដាហ៍មុន៕

ក្រុមចរចាបទឈប់បាញ់អ៊ីស្រាអែលចាកចេញពីកាតា និងបានបន្ទោសក្រុមហាម៉ាសថាធ្វើឲ្យការចរចាបរាជ័យ

មន្ត្រីជាន់ខ្ពស់អ៊ីស្រាអែលមួយរូបបាននិយាយកាលពីថ្ងៃអង្គារទី២៦មីនា សប្ដាហ៍នេះថា អ៊ីស្រាអែលបានហៅក្រុមអ្នកចរចារបស់ខ្លួនត្រឡប់ពីទីក្រុងដូហា(Doha)ប្រទេស កាតា វិញ បន្ទាប់ពីបានចាត់ទុកការចរចាស្តីពីបទឈប់បាញ់តំបន់ហ្កាហ្សា ដែលត្រូវបានសម្របសម្រួល ថាបានបរជ័យ ដោយសារការទាមទាររបស់ក្រុមហាម៉ាស។ មន្ត្រីដែលស្និទ្ធនឹងប្រធានចារកម្មម៉ូហ្សាដ (Mossad)របស់អ៊ីស្រាអែល ដែលបានដឹកនាំកិច្ចពិភាក្សានោះ បានចោទប្រកាន់មេដឹកនាំក្រុមហាម៉ាស លោក យ៉ាយ៉ា ស៊ីនវ៉ា (Yahya Sinwar) ថាបានបំផ្លិចបំផ្លាញផ្នែកការទូត ជាផ្នែកនៃកិច្ចខិតខំប្រឹងប្រែងកាន់តែខ្លាំងក្លាក្នុងការដុតបញ្ឆេះសង្រ្គាមនេះធអំឡុង ពិធីបុណ្យ រ៉ាម៉ាដាន (Ramadan)។ភាគីជម្លោះបានបង្កើនការចរចា ដែលសម្របសម្រួលដោយកាតា និងអេហ្ស៊ីប ក្នុងការផ្អាកការបាញ់ផ្លោងរបស់អ៊ីស្រាអែលរយៈពេលប្រាំមួយសប្តាហ៍ និងជាថ្នូរ សំណើសុំដោះលែងចំណាប់ខ្មាំង៤០ នាក់ក្នុងចំណោមចំណាប់ខ្មាំង១៣០នាក់ ដែលនៅតែត្រូវបានឃុំខ្លួនដោយក្រុមសកម្មប្រយុទ្ធប៉ាឡេស្ទីននៅតំបន់ហ្កាហ្សា។ក្រុមហាម៉ាស បានស្វែងរកកិច្ចព្រមព្រៀងណាមួយដើម្បីបញ្ចប់ការប្រយុទ្ធគ្នា និងការដកទ័ពរបស់អ៊ីស្រាអែល។ អ៊ីស្រាអែល បានច្រានចោលការលើកឡើងនេះ ដោយនិយាយថា ខ្លួននឹងបន្តកិច្ចខិតខំប្រឹងប្រែងដើម្បីបោសសម្អាតអភិបាលកិច្ច និងសមត្ថភាពយោធារបស់ក្រុមហាម៉ាស។ ក្រុមហាម៉ាស ក៏ចង់ឱ្យជនជាតិប៉ាឡេស្ទីនរាប់ម៉ឺននាក់ដែលបានភៀសខ្លួនចេញពីទីក្រុងហ្កាហ្សា និងតំបន់ជុំវិញ នៅភាគខាងត្បូង ក្នុងអំឡុងដំណាក់កាលដំបូងនៃសង្រ្គាមជិតប្រាំមួយខែ ត្រូវបានអនុញ្ញាតឱ្យត្រឡប់ទៅភាគខាងជើងវិញ។ មន្ត្រីអ៊ីស្រាអែលបាននិយាយថា អ៊ីស្រាអែលបានយល់ព្រមបង្កើនចំនួនទ្វេដងនៃចំនួនប្រជាជនប៉ាឡេស្ទីនដែលខ្លួននឹងដោះលែង សម្រាប់ចំណាប់ខ្មាំងជាអ្នកទោសរហូតដល់៧០០ទៅ៨០០នាក់ និងអនុញ្ញាតឱ្យពលរដ្ឋប៉ាឡេស្ទីនដែលត្រូវបានជម្លៀសចេញទីលំនៅមួយចំនួនត្រឡប់ទៅតំបន់ហ្កាហ្សាភាគខាងជើងវិញ៕

កម្ពុជា-ថៃ ប្ដេជ្ញារួមគ្នាកាត់ផ្តាច់ខ្សែសង្វាក់ការផលិត និងការចរាចរណ៍របស់ក្រុមឧក្រិដ្ឋជនគ្រឿងញៀន

ភ្នំពេញ ៖ កម្ពុជា និងថៃ ប្ដេជ្ញារួមគ្នាកាត់ផ្តាច់ខ្សែសង្វាក់ការផលិត ,សកម្មភាពលួចកែច្នៃ និងចរាចរគ្រឿងញៀនឆ្លងដែនរបស់ក្រុមឧក្រិដ្ឋជនគ្រឿងញៀនឲ្យខាងតែបាន ដើម្បីធានាការពារសន្តិសុខ សណ្ដាប់ធ្នាប់ និងសុវត្ថិភាពជូនដល់ប្រជាជននៃប្រទេសទាំងពីរ និងនៅក្នុងតំបន់ជាដើម។នៅក្នុងកិច្ចប្រជុំទ្វេភាគីកម្ពុជា-ថៃ ស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀនលើកទី១៤ នារសៀលថ្ងៃទី ២៦ ខែមីនា ឆ្នាំ២០២៤នេះ នាសណ្ឋាគារសុខាភ្នំពេញ ដែលកម្ពុជាដឹកនាំដោយនាយឧត្ដមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន និងភាគីថៃដឹកនាំដោយឧត្ដមសេនីយ៍ឯក ផានូរ៉ាត លូកប៊ូន (Phanurat Lukboon) អគ្គលេខាធិការក្រុមប្រឹក្សា ត្រួតពិនិត្យគ្រឿងញៀននៃព្រះរាជាណាចក្រថៃ បានឯកភាពរួមគ្នាពង្រឹងកិច្ចសហប្រតិបត្តិការ រវាងស្ថាប័ន ប្រយុទ្ធប្រឆាំងគ្រឿងញៀន នៃប្រទេសទាំងពីរឱ្យកាន់តែមានប្រសិទ្ធភាពបន្ថែមទៀត ដើម្បី ឆ្លើយតបឲ្យបានជាក់ស្តែងទៅនឹងស្ថានភាព និងនិន្នាការបច្ចុប្បន្ន នៃបញ្ហាគ្រឿងញៀននៅក្នុងតំបន់ និងក្នុងប្រទេសយើងទាំងពីរ។ភាគីទាំងពីរសន្យានឹងធ្វើការផ្លាស់ប្ដូរនិងផ្ដល់ព័ត៌មានឲ្យគ្នាទៅវិញទៅមកយ៉ាងឆាប់រហ័ស ដើម្បីរួមគ្នាការទប់ស្កាត់សារធាតុគីមីផ្សំ និងសារធាតុគីមីមិនឱ្យចូលទៅក្នុងទីតាំង ផលិតគ្រឿងញៀន និងការកាត់ផ្តាច់ខ្សែសង្វាក់ការផលិត របស់ក្រុមឧក្រិដ្ឋជនគ្រឿងញៀនជាដើម។ថ្លែងនៅក្នុងកិច្ចប្រជុំនោះ នាយឧត្ដមសេនីយ៍ មាស វិរិទ្ធ បានលើកឡើងថា ប៉ុន្មានឆ្នាំកន្លងមកនេះ បើទោះបីប្រទេសយើងទាំងពីរ(កម្ពុជា-ថៃ) ក៏ដូចជាតំបន់ និងពិភពលោកទាំងមូលបានទទួលរងនូវវិបត្តិធ្ងន់ធ្ងរដែលបណ្តាលមកពីជំងឺ កូវីដ-19ក្តី ក៏បញ្ហានេះមិនបានរារាំងឬបន្ទុចបង្អាក់ចំពោះដំណើរការប្រព្រឹត្តបទល្មើសគ្រឿងញៀននៃក្រុមឧក្រឹដ្ឋជននោះឡើយ ផ្ទុយទៅវិញក្រុមឧក្រិដ្ឋជនបានឆ្លៀតយកឱកាស នេះ បង្កើនសកម្មភាពលួចកែច្នៃផលិត និងចរចរគ្រឿងញៀនកាន់តែសកម្ម និងមានបរិមាណកាន់តែច្រើននៅទូទាំងតំបន់ និងពិភពលោក ។ ឆ្លើយតបនឹងស្ថានភាពនេះ ឯកឧត្តម មាស វិរិទ្ធបានលើកឡើងថា រាជរដ្ឋាភិបាលកម្ពុជាកាន់តែពង្រឹង និងផ្តោតការយកចិត្តទុកដាក់ ថែមទៀតតាមរយៈការបន្តដាក់ចេញនូវយុទ្ធនាការប្រយុទ្ធប្រឆាំងគ្រឿងញៀនជាបន្តបន្ទាប់ ដែលមកដល់ឆ្នាំនេះ យើងឈានដល់យុទ្ធនាការប្រយុទ្ធប្រឆាំងគ្រឿងញៀន ខុសច្បាប់លើកទី៩ហើយ។ ឯកឧត្ដមបន្តថា កិច្ចប្រជុំលើកទី១៤ ក្នុងពេលនេះ នឹងធ្វើការពិនិត្យ ពិភាក្សា លើកិច្ចការដែលភាគីទាំងពីរបានសហការ គ្នាអនុវត្តក្នុពេលន្លងមក និងស្វែងរកវិធាន និងវិធីសាស្ត្រថ្មីៗបន្ថែមទៀតក្នុងគោលដៅពង្រឹងកិច្ចសហប្រតិបត្តិការរវាងស្ថាប័ន ប្រយុទ្ធប្រឆាំងគ្រឿងញៀន នៃប្រទេសទាំងពីរឱ្យកាន់តែមានប្រសិទ្ធភាព ឆ្លើយតបបានជាក់ស្តែងទៅនឹងស្ថានភាព និងនិន្នាការបច្ចុប្បន្ន នៃបញ្ហាគ្រឿងញៀននៅ ក្នុងតំបន់ និងក្នុងប្រទេសយើងទាំងពីរ ។ជាមួយគ្នានេះដែរឧត្ដមសេនីយ៍ឯក ផានូរ៉ាត លូកប៊ូន ក៏បានលើកឡើងផងដែរថា ប្រទេសថៃ និងកម្ពុជា ប្រឈមមានបញ្ហាដូចគ្នាគឺបញ្ជាការចរាចរណ៍គ្រឿងញៀនឆ្លងកាត់ពីតំបន់ត្រីកោណមាសចេញ ទៅប្រទេសទី៣។ ចំណែកប្រទេសថៃ មានវិធានការត្រួតពននិត្យ យ៉ាងតឹងរ៉ឹង ក្នុងការគ្រប់គ្រងតំបន់ជាប់ព្រំដែនទាំងអស់។ ជាពិសេស ព្រំដែនភាគខាងជើង និងភាគ ឦសាន ព្រោះគេតែងតែប្រើប្រាស់ជាផ្លូវដឹកជញ្ជូនគ្រឿងញៀនពីតំបន់ត្រីកោណមាសចូលមកក្នុងប្រទេស។ លោកឧត្តមសេនីយ៍ឯកបានបន្តថា ក្រៅពីតំបន់ត្រីកោណមាស នៅមានបណ្តាញជនបរទេស មួយចំនួនប្រើប្រាស់ប្រទេសក្នុងអនុតំបន់មេគង្គ របស់យើង ជាមូលដ្ឋានផលិតគ្រឿងញៀន បន្តដឹកជញ្ជូនសម្រាប់នាំចេញទៅកាន់តំបន់ផ្សេងទៀតផងដែរ៕ទន្ទឹមនិងនេះលោកឧត្តមសេនីយ៍ បានពិនិត្យឃើញថា គ្រឿងញៀនជាបញ្ហាឆ្លងដែន ដែលប៉ះពាល់ដល់គ្រប់ប្រទេសទាំងអស់ ហើយវាជាការចាំបាច់ដែលយើងសហការគ្នាឲ្យបានជិតស្និទ្ធ បំផុតដើម្បីលុបបំបាត់បញ្ហាឲ្យអស់។ តែទោះជាយ៉ាងណា លោកឧត្តមសេនីយ៍ បានសម្ដែងការកោតសរសើរ អំពីឆន្ទៈដ៏មុតមាំរបស់កម្ពុជាក្នុងការប្រយុទ្ធប្រឆាំង និងក្នុងការបង្ក្រាប បណ្តាញគ្រឿងញៀនឆ្លងដែន ដែលលួចលាក់ប្រើប្រាស់ប្រទេសកម្ពុជា ជាទីតាំង ផលិតកែឆ្នៃ គ្រឿងញៀនខុសច្បាប់ និងប្រតិបត្តការឈានទៅដល់ការបង្ក្រាប រោងចក្រផលិត ketamine ធំៗ ក្នុងប្រទេសតាំងពីដើមរហូតមក៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍

អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877