BTV NEWS

ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់

អាជ្ញាធររាជធានីភ្នំពេញ បន្តប្រតិបត្តិការបោសសម្អាត Online Scams ត្រួតពិនិត្យ ៨០ ទីតាំងទៀត និងផាកពិន័យម្ចាស់ទីតាំងរស់នៅប្រមូលផ្ដុំចំនួន ៤ទីតាំង

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

សន្តិសុខ និង សង្គម

អង្គការសហប្រជាជាតិ ជំរុញឱ្យប៉ាគីស្ថានបញ្ឈប់ការបណ្តេញជនជាតិអាហ្វហ្គានីស្ថានក្នុងរដូវរងា

ទីភ្នាក់ងារជនភៀសខ្លួនរបស់អង្គការសហប្រជាជាតិកាលពីថ្ងៃពុធបានជំរុញឱ្យប៉ាគីស្ថានបញ្ឈប់ការនិរទេសជនភៀសខ្លួនអាហ្វហ្គានីស្ថានដែលគ្មានឯកសារក្នុងអំឡុងរដូវរងាដ៏អួរអាប់នេះ។ លោក បាបា បាឡូច (Babar Baloch) អ្នកនាំពាក្យប្រចាំតំបន់របស់អង្គការ UNHCR និយាយថា UNHCR កំពុងអំពាវនាវឱ្យរដ្ឋាភិបាលប៉ាគីស្ថានបញ្ឈប់ការបញ្ជូនទៅប្រទេសកំណើតរបស់ពួកគេវិញដ៏ច្រើនទាំងនេះក្នុងអំឡុងពេលរដូវរងាដ៏អាក្រក់នេះ ព្រោះភាពត្រជាក់នៅក្នុងប្រទេសអាហ្វហ្គានីស្ថានពិតជាមានគ្រោះថ្នាក់ដល់ជីវិត ហើយអាចឆក់យកជីវិតមនុស្សបានទៀតផង។ នៅទីក្រុងកំពង់ផែ Karachi ភាគខាងត្បូង ជាទីដែលមានជនភៀសខ្លួនអាហ្វហ្គានីស្ថានរាប់សែននាក់រស់នៅ នគរបាលបានស្វែងរកពីផ្ទះមួយទៅផ្ទះមួយនៅក្នុងជម្រកតូចៗរបស់ជនភៀសខ្លួនកាលពីថ្ងៃអង្គារ។ ប្រទេសប៉ាគីស្ថាននិយាយថា ការធ្វើទុក្ខបុកម្នេញលើជនភៀសខ្លួនដែលមានឯកសារគឺកម្រណាស់ ហើយប្រទេសនេះកំពុងចាត់វិធានការប្រឆាំងនឹងក្រុមជនល្មើស។ ទីភ្នាក់ងារអង្គការសហប្រជាជាតិបាននិយាយថា ការវិលត្រឡប់របស់ជនជាតិអាហ្វហ្គានីស្ថានគួរតែធ្វើឡើងដោយស្ម័គ្រចិត្ត ហើយប៉ាគីស្ថានគួរតែកំណត់អត្តសញ្ញាណបុគ្គលងាយរងគ្រោះដែលត្រូវការការការពារជាអន្តរជាតិ។ ប្រទេសប៉ាគីស្ថានគឺជាទីម្រកសម្រាប់ក្រុមជនអន្តោប្រវេសន៍ និងជនភៀសខ្លួនអាហ្វហ្គានីស្ថានជាង ៤លាននាក់ ក្នុងនោះ ប្រហែល ១,៧ លាននាក់គ្មានឯកសារ។ ទីក្រុង អ៊ីស្លាម៉ាបាដ(Islamabad) បាននិយាយកាលពីខែមុនថា ខ្លួននឹងបណ្តេញជនភៀសខ្លួន គ្មានឯកសារជាងមួយលាននាក់ ដែលភាគច្រើនជាជនជាតិអាហ្វហ្គានីស្ថាន ស្របពេលមានជម្លោះជាមួយទីក្រុងកាប៊ុល ជុំវិញការចោទប្រកាន់ថា ប្រទេសគ្រប់គ្រងដោយក្រុមតាលីបង់មួយនេះ ផ្ដល់ជម្រកដល់ក្រុមសកម្មប្រយុទ្ធប្រឆាំងប៉ាគីស្ថាន។ប្រជាជនអាហ្វហ្គានីស្ថានជាង ៣៧០.០០០ នាក់ បានភៀសខ្លួនចេញពីប្រទេសប៉ាគីស្ថានចាប់តាំងពីថ្ងៃទី១ ខែតុលាមក។ទីក្រុងអ៊ីស្លាម៉ាបាដ មិនបានអើពើការអំពាវនាវពីបណ្ដាអង្គការអន្តរជាតិ និងទីភ្នាក់ងារជនភៀសខ្លួនឲ្យពិចារណាឡើងវិញចំពោះផែនការនិរទេសខ្លួននោះឡើយ៕

តុលាការចោទប្រកាន់មនុស្ស៤នាក់ ករណីបញ្ជូនគ្រឿងញៀន តាមកញ្ចប់បញ្ញើពីកម្ពុជាទៅវៀតណាម

ភ្នំពេញ៖ អយ្យការអមសាលាដំបូងរាជធានីភ្នំពេញ នៅថ្ងៃនេះ បានសម្រេចចោទប្រកាន់មនុស្ស៤នាក់ និងបក្ខពួក ករណីបញ្ជូនគ្រឿងញៀន តាមកញ្ចប់បញ្ញើពីប្រទេសកម្ពុជាទៅកាន់ប្រទេសវៀតណាម។លោក ប្លង់ សុផល ព្រះរាជអាជ្ញារង និងជាអ្នកនាំពាក្យនៃអយ្យការអមសាលាដំបូងរាជធានីភ្នំពេញបានឱ្យដឹងថា កាលពីថ្ងៃទី២១ ខែវិច្ឆិកា ឆ្នាំ២០២៣ តំណាងអយ្យការអមសាលាដំបូងរាជធានីភ្នំពេញ បានទទួលចាត់ការលើសំណុំរឿងព្រហ្មទណ្ឌ ដែលមានជនសង្ស័យចំនួន ០៣នាក់ ដែលត្រូវបានសង្ស័យថា ប្រព្រឹត្តសកម្មភាព ដឹកជញ្ជូនដោយខុសច្បាប់ នូវសារធាតុញៀន ប្រព្រឹត្តនៅចំណុចក្រុមហ៊ុនដឹកជញ្ជូន ស្ថិតក្នុងរាជធានីភ្នំពេញ ។អ្នកនាំពាក្យនៃអយ្យការអមសាលាដំបូងរាជធានីភ្នំពេញ បានបន្ថែមថា បន្ទាប់ពីការរាយការណ៍របស់ក្រុមហ៊ុនដឹកជញ្ជូននៅថ្ងៃទី១៧ ខែវិច្ឆិកា ឆ្នាំ២០២៣ សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន ក្រោមការដឹកនាំសម្របសម្រួលពីតំណាងអយ្យការ បានធ្វើការបង្ក្រាបករណីនេះ ព្រមទាំងបានឃាត់ខ្លួនជនសង្ស័យនៅថ្ងៃទី១៨ ខែវិច្ឆិកា ឆ្នាំ២០២៣ នៅក្រុងបាវិត ខេត្តស្វាយរៀង និងបានដកហូតវត្ថុតាងគ្រឿងញៀនប្រភេទកេតាមីនមានទម្ងន់ ៩៩២ ក្រាម និងសារធាតុរាវចំនួន ១០៤កញ្ចប់ មានទម្ងន់ ៦០៥២៨ ក្រាម បន្ទាប់មកសមត្ថកិច្ចបានកសាងសំណុំរឿងបញ្ជូនមកកាន់អយ្យការអមសាលាដំបូងរាជធានីភ្នំពេញ ដើម្បីចាត់ការតាមនីតិវិធី។អ្នកនាំពាក្យនៃអយ្យការអមសាលាដំបូងរាជធានីភ្នំពេញ បានបន្ថែមថា ផ្អែកតាមលទ្ធផលនៃការស៊ើបអង្កេត តំណាងអយ្យការបានសម្រេចបើកការស៊ើបសួរតាមរយៈដីកាសន្និដ្ឋានបញ្ជូនរឿងឱ្យស៊ើបសួរនៅថ្ងៃទី២២ ខែវិច្ឆិកា ឆ្នាំ២០២៣នេះ ដោយស្នើសុំចៅក្រមស៊ើបសួរដាក់ឱ្យស្ថិតនៅក្រោមការពិនិត្យលើជនត្រូវចោទមាន ឈ្មោះ ង្វៀង វ៉ាន់ហ៊ីប ភេទប្រុស ឈ្មោះ ង្វៀង វ៉ាងធឹង ភេទប្រុស ឈ្មោះ ង៉ូ វីហ្វឿង ភេទប្រុស អ្នកទាំង៣ជាជនជាតិវៀតណាម និងត្រូវបានសមត្ថកិច្ចឃាត់ខ្លួន និងឈ្មោះ វី ព្រមទាំងបក្ខពួកកំពុងគេចខ្លួន ដោយសម្រេចចោទប្រកាន់ពីបទ ដឹកជញ្ជូនដោយខុសច្បាប់នូវសារធាតុញៀន ប្រព្រឹត្តនៅចំណុចក្រុមហ៊ុនដឹកជញ្ជូន ស្ថិតក្នុងរាជធានី ភ្នំពេញ បទល្មើសមានបញ្ញត្តិឱ្យផ្ដន្ទាទោសតាមមាត្រា ៤៨ នៃច្បាប់ស្តីពីការត្រួតពិនិត្យគ្រឿងញៀន៕អត្ថបទ ៖ ប្រាក់ វ៉ាន់ដា

ប្រទេសសមាជិក BRICS ថ្កោលទោសសង្រ្គាមរបស់អ៊ីស្រាអែល លើតំបន់ហ្កាហ្សា ជាសារដល់លោកខាងលិច

មេដឹកនាំនៃបណ្តាប្រទេសដែលមានសេដ្ឋកិច្ចកំពុងរីកចម្រើនធំៗ បានអំពាវនាវឱ្យបញ្ចប់សង្គ្រាមរបស់អ៊ីស្រាអែលនៅហ្កាហ្សាកាលពីថ្ងៃអង្គារ និងការបញ្ឈប់អរិភាពលើភាគីទាំងពីរ ដើម្បីបន្ធូរបន្ថយវិបត្តិមនុស្សធម៌ដែលកំពុងយ៉ាប់យ៉ឺនខ្លាំងយ៉ាងឆាប់រហ័សនៅក្នុងតំបន់ហ្កាហ្សាស្ទ្រីប។ នៅក្នុងកិច្ចប្រជុំកំពូលតាមវីដេអូ ដែលដឹកនាំដោយប្រធានាធិបតីអាហ្វ្រិកខាងត្បូង សារ៉ូល រ៉ាម៉ាផូសា (Cyril Ramaphosa) ក្រុមប្រទេស BRICS បានរិះគន់ការវាយប្រហារលើជនស៊ីវិលនៅប៉ាឡេស្ទីន និងអ៊ីស្រាអែល ខណៈក្រុមមេដឹកនាំជាច្រើនបានហៅការចល័តទីលំនៅដោយបង្ខំរបស់ប៉ាឡេស្ទីន នៅក្នុងតំបន់ហ្កាហ្សា ឬនៅខាងក្រៅដែនដី នោះថាជាឧក្រិដ្ឋកម្មសង្រ្គាម។ សេចក្តីសង្ខេបរបស់ប្រធានមួយកិច្ចប្រជុំនេះបានអានថា យើងបានថ្កោលទោសរាល់ប្រភេទបុគ្គល ឬការផ្ទេរដោយបង្ខំដ៏ធំ និងការនិរទេសពលរដ្ឋប៉ាឡេស្ទីនចេញពីទឹកដីរបស់ពួកគេ។ ក្រុមប្រទេសសមាជិក ដែលពុំបានចេញសេចក្តីប្រកាសរួមក៏បាន បញ្ជាក់ឡើងវិញ ផងដែរ ថា ការផ្ទេរ និងនិរទេសដោយបង្ខំ សម្រាប់ជនជាតិប៉ាឡេស្ទីន មិនថានៅខាងក្នុងតំបន់ហ្កាហ្សា ឬទៅកាន់ប្រទេសជិតខាងនោះទេ គឺជាការរំលោភបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវ និងឧក្រិដ្ឋកម្មសង្រ្គាម និងការបំពានក្រោមច្បាប់មនុស្សធម៌អន្តរជាតិ។គួររម្លឹកថា ក្រុមប្រទេស BRICS ត្រូវបានបង្កើតឡើងដោយមានការចូលរួមពីប្រទេសប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ជាប្រទេសមានសេដ្ឋកិច្ចកំពុងរីកចម្រើនធំៗទាំងអស់ ដែលកំពុងស្វែងរកការប្រកាសកាន់តែខ្លាំងនៅក្នុងសណ្ដាប់ធ្នាប់ពិភពលោកដែលគ្រប់គ្រងជាយូរមកហើយដោយសហរដ្ឋអាមេរិក និងសម្ព័ន្ធមិត្តលោកខាងលិចរបស់ខ្លួន។ ប្រទេសទាំងនេះជារឿយៗត្រូវបានចាត់ទុកជាមេដឹកនាំ ទាំងនេះ ថាជាអ្វីដែលត្រូវបានសំដៅដល់ការនិយាយនៅក្នុងគោលនយោបាយអន្តរជាតិថាជា ពិភពលោកប៉ូលខាងត្បូង៕

វិទ្យាស្ថានដើម្បីសិក្សាពីសង្គ្រាម (ISW)៖ លោកពូទីន ចង់បំបែកអង្គការណាតូ

វិទ្យាស្ថានដើម្បីពីសិក្សាសង្គ្រាម (ISW) បាននិយាយនៅក្នុងរបាយការណ៍ កាលពីថ្ងៃទី២០ ខែវិច្ឆិកា របស់ខ្លួនថា យុទ្ធសាស្ត្រធ្វើសង្គ្រាមចម្រុះរបស់ទីក្រុងម៉ូស្គូ នៅតាមព្រំដែនហ្វាំងឡង់-រុស្ស៊ី ទំនងជាជាផ្នែកមួយនៃគោលដៅដ៏ទូលំទូលាយ ដើម្បីបង្កអស្ថិរភាពលើប្រទេសសមាជិកមួយចំនួនរបស់អង្គការណាតូ នៅជិតព្រំដែនរុស្ស៊ី។ISW បាននិយាយថា ភាពតានតឹងបច្ចុប្បន្នរវាងប្រទេសរុស្ស៊ី និងហ្វាំងឡង់ ភាគច្រើនជាលទ្ធផលនៃវិស្វកម្មរបស់រុស្ស៊ី គឺវិបត្តិជនអន្តោប្រវេសន៍សិប្បនិម្មិត នៅព្រំដែននៃប្រទេសហ្វាំងឡង់។ប្រទេសហ្វាំងឡង់ បានចាប់ផ្តើមបិទច្រកព្រំដែន កាលពីថ្ងៃទី១៧ ខែវិច្ឆិកា ហើយបានប្រកាសផែនការសាងសង់របងតាមបណ្តោយព្រំដែនរបស់ខ្លួនជាមួយប្រទេសរុស្ស៊ី នៅថ្ងៃទី១៩ ខែវិច្ឆិកា។ ការផ្លាស់ប្តូរនេះបានកើតឡើង បន្ទាប់ពីអាជ្ញាធរហ្វាំងឡង់ បានរាយការណ៍ពីការហូរចូលនៃអ្នកស្វែងរកសិទ្ធិជ្រកកោន នៅព្រំដែនភាគខាងកើតរបស់ខ្លួន កាលពីថ្ងៃទី១២ ខែវិច្ឆិកា។រដ្ឋាភិបាលហ្វាំងឡង់ បានចោទរុស្ស៊ីពីបទរៀបចំឲ្យមានវិបត្តិជនអន្តោប្រវេសន៍។អ្នកស្វែងរកសិទ្ធិជ្រកកោនដែលមកដល់ព្រំដែនប្រទេសហ្វាំងឡង់ គឺជាជនភៀសខ្លួន និងជនអន្តោប្រវេសន៍ឆ្លងកាត់ប្រទេសរុស្ស៊ីពីប្រទេសទីបី ដូចជាអ៊ីរ៉ាក់ ស៊ីរី ទួរគី និងសូម៉ាលី។

អាមេរិក កាត់បន្ថយការផ្គត់ផ្គង់គ្រាប់កាំភ្លើងធំដល់អ៊ុយក្រែនជាង ៣០ភាគរយ

សារព័ត៌មាន ABC News បានរាយការណ៍ដោយដកស្រង់សម្តីមន្ត្រីអ៊ុយក្រែនដែលមិនបញ្ចេញឈ្មោះម្នាក់ថា សហរដ្ឋអាមេរិក បានកាត់បន្ថយការផ្គត់ផ្គង់អាវុធស្តង់ដាសំខាន់ៗរបស់អង្គការណាតូដល់អ៊ុយក្រែន «ជាង៣០ភាគរយ» ចាប់តាំងពីការចាប់ផ្តើមនៃសង្រ្គាមរបស់អ៊ីស្រាអែលប្រឆាំងនឹងក្រុមហាម៉ាស នៅតំបន់ហ្កាហ្សា កាលពីខែមុន។គ្រាប់កាំភ្លើងធំ ១៥៥មិល្លីម៉ែត្រ គឺជាអាវុធដ៏សំខាន់បំផុតសម្រាប់អ៊ុយក្រែន ក្នុងការប្រយុទ្ធប្រឆាំងនឹងការឈ្លានពានរបស់កងកម្លាំងរុស្ស៊ី ហើយអាវុធមួយចំនួនរបស់សហរដ្ឋអាមេរិក ដែលត្រូវបានកំណត់សម្រាប់កងកម្លាំងអ៊ុយក្រែន ត្រូវបានបង្វែរទៅអ៊ីស្រាអែល។ក្នុងប៉ុន្មានសប្តាហ៍ថ្មីៗនេះ មន្ត្រីអាមេរិក បាននិយាយម្តងហើយម្តងទៀតថា ការផ្គត់ផ្គង់សព្វាវុធដល់អ៊ីស្រាអែល នឹងមិនមានផលប៉ះពាល់អ្វីដល់សង្រ្គាមនៅអ៊ុយក្រែនឡើយ។មន្ត្រីអ៊ុយក្រែនម្នាក់ បាននិយាយថា៖«ពួកគេ (មន្ត្រីអាមេរិក) បានប្រាប់យើងថា វានឹងមិនមានឥទ្ធិពលលើការប្តេជ្ញាចិត្ត (ពីសហរដ្ឋអាមេរិក) នោះទេ ប៉ុន្តែវាមានរួចទៅហើយ។មន្ត្រីដែលបានថ្លែងទៅកាន់សារព័ត៌មាន ABC News ដោយមិនបញ្ចេញឈ្មោះ បាននិយាយថា ការផ្គត់ផ្គង់គ្រាប់កាំភ្លើងធំសំខាន់ៗទាំងនេះគឺ «ប្រហែល ៦០-៧០ភាគរយនៃការផ្គត់ផ្គង់សរុបដល់អ៊ុយក្រែន។ទោះជាយ៉ាងនេះក្តី មន្ត្រីការពារជាតិអាមេរិកជាន់ខ្ពស់ម្នាក់ បានប្រាប់សារព័ត៌មាន ABC News ថា ការកាត់បន្ថយគ្រាប់រំសេវនេះ មិនមានអ្វីពាក់ព័ន្ធនឹងអ្វីដែលកំពុងកើតឡើង នៅតំបន់ហ្កាហ្សាទេ។

នគរបាលប៉ាគីស្ថាន ស្រាវជ្រាវរកជនជាតិអាហ្វហ្កានីស្ថានគ្មានឯកសារ ខណៈការបណ្ដេញនៅតែបន្ត

នៅក្នុងទីក្រុងកំពង់ផែ ការ៉ាជី (Karachi) ភាគខាងត្បូង ជាទីដែលជនជាតិអាហ្វហ្កានីស្ថានរាប់ម៉ឺននាក់រស់នៅ នគរបាលកាលពីថ្ងៃអង្គារទី២១ វិច្ឆិកា បានឆែកឆេរ ពីផ្ទះមួយទៅផ្ទះមួយនៅក្នុងជំរំជនភៀសខ្លួន រួមជាមួយក្រុមមន្ត្រីអាជ្ញាធរគ្រប់គ្រងទិន្នន័យជាតិ។ ទីក្រុងអ៊ីស្លាម៉ាបាដ កាលពីខែមុន បានប្រកាសថាខ្លួននឹងបណ្ដេញជនភៀសខ្លួនគ្មានឯកសារជាង១លាននាក់ ភាគច្រើនជាជនជាតិអាហ្វហ្កានីស្ថាន ស្របពេលមានជម្លោះជាមួយទីក្រុងកាប៊ុល ជុំវិញការចោទប្រកាន់ប្រទេសអាហ្វហ្គានីស្ថាន ថាបានផ្ដល់ជម្រកដល់ក្រុមសម្មប្រយុទ្ធប្រឆាំងប្រទេសប៉ាគីស្ថាន ។ជនជាតិអាហ្វហ្គានីស្ថាន ជាង៣៧០.០០០នាក់ បានរត់គេចចូលទៅក្នុងប្រទេសប៉ាគីស្ថានចាប់តាំងពីថ្ងៃទី១ខែតុលាមក។ នៅក្នុងតំបន់មួយស្ថិតនៅលើទីឋានដាច់ស្រយាលនានានៃទីក្រុងនេះ ជំរំលំនៅឋានគ្មានរបៀបរាបរយមួយ ដែលមានខ្ទមតូចៗរាប់រយ ត្រូវបានក្រុមមន្ត្រីគោះទ្វារស្នើសុំបង្ហាញអត្តសញ្ញាណប័ណ្ណ ដែល ត្រូវបានពិនិត្យដោយម៉ាស៊ីនថេប្លេត អេឡិចត្រូនិក (electronic tablets)។ ប្រជាពលរដ្ឋ មានចិត្តស្ទាក់ស្ទើរ និង ហាក់មិនពេញចិត្តនឹងការឆែកឆេរនេះ បានអនុញ្ញាតឲ្យនគរបាលស្រី ចូលក្នុងផ្ទះរបស់ពួកគេ ដើម្បីផ្ទៀងផ្ទាត់អត្តសញ្ញាណប័ណ្ណរបស់ស្ត្រី និងកុមារផងដែរ។ គ្មានការទាស់ទែងគ្នា ណាមួយកើតឡើងទេ ហើយក្រុមអ្នកស្រាវជ្រាវ ទាំងនោះ ពុំបានប្រើប្រាស់កម្លាំងនោះឡើយ និងបានប្រគល់អត្តសញ្ញាណប័ណ្ណជូនពួកគេវិញក្រោយត្រួតពិនិត្យ។ ពលរដ្ឋអាហ្វហ្គានីស្ថារាប់ពាន់នាក់ បានរត់គេចចូលទៅលាក់ខ្លួនក្នុងរូងក្រោមដី ក្នុងប្រទេសប៉ាគីស្ថាន ព្រោះបារម្ភពីការនិរទេសទៅប្រទេសកំណើតពួកគេវិញ ដោយនិយាយថាពួកគេបារម្ភពីជីវិតរស់នៅ ប្រសិនប្រើពួកគេវិលទៅកាន់អាហ្វហ្គានីស្ថានវិញ ដែលបច្ចុបន្នគ្រប់គ្រងដោយចលនាអ៊ីស្លាមតាលីបង់ ក្រោយដកកងទ័ពបរទេសចេញ យ៉ាងប្រញាប់ប្រញាល់ និងចលាចល កាលពីឆ្នាំ២០២១ ដឹកនាំដោយសហរដ្ឋអាមេរិក៕

អាស៊ែបៃហ្សង់៖ បារាំង កំពុងក្រាលផ្លូវសម្រាប់សង្គ្រាមថ្មីក្នុងតំបន់ ដោយការផ្គត់ផ្គង់អាវុធដល់អាមេនី

ប្រធានាធិបតីអាស៊ែបៃហ្សង់ លោក អ៊ីលហាម អាលីយេវ (Ilham Aliyev) បានចោទប្រកាន់ប្រទេសបារាំង កាលពីថ្ងៃអង្គារ (២១ វិច្ឆិកា) ថា បានបង្កើតលក្ខខណ្ឌសម្រាប់សង្រ្គាមថ្មីមួយនៅតំបន់កូកាសខាងត្បូង ដោយផ្គត់ផ្គង់អាវុធដល់ប្រទេសអាមេនី។ លោក អាលីយេវ បានប្រើសុន្ទរកថានៅក្នុងសន្និសិទស្តីពីការកាត់អាណានិគមនៅទីក្រុងបាគូ ដើម្បីបង្ហាញពីទិដ្ឋភាពដ៏អាក្រក់ប្រឆាំងនឹងប្រទេសបារាំង ដែលបាននិយាយកាលពីខែមុនថា ខ្លួនបានយល់ព្រមលើកិច្ចសន្យាថ្មីដើម្បីផ្គត់ផ្គង់គ្រឿងយុទ្ធោបករណ៍យោធាដល់អាមេនី។លោក អាលីយេវ បាននិយាយថា «ប្រទេសបារាំង មិនត្រឹមតែកំពុងធ្វើឱ្យមានអស្ថិរភាពដល់អតីតអាណានិគម និងអាណានិគមបច្ចុប្បន្នរបស់ខ្លួនប៉ុណ្ណោះទេ ថែមទាំងបង្កហានិភ័យដល់តំបន់របស់យើងផងដែរ គឺតំបន់កូកាសខាងត្បូងទាំងមូល ដោយគាំទ្រដល់និន្នាការផ្តាច់ខ្លួន និងចលនាបំបែកខ្លួន។ តាមរយៈការផ្គត់ផ្គង់អាវុធដល់អាមេនី បារាំងអនុវត្តគោលនយោបាយយោធានិយម លើកទឹកចិត្តកងកម្លាំងប្រយុទ្ធនៅក្នុងប្រទេសអាមេនី ព្រមទាំងក្រាលផ្លូវសម្រាប់ការចាប់ផ្តើមនៃសង្រ្គាមថ្មីនៅក្នុងតំបន់ផងដែរ»។អាមេនី និងអាស៊ែបៃហ្សង់ បានប្រយុទ្ធគ្នាក្នុងសង្រ្គាមចំនួនពីរ ក្នុងរយៈពេល ៣ ទសវត្សរ៍ចុងក្រោយនេះ ប៉ុន្តែលោក អាលីយេវ បានទទួលជ័យជម្នះដ៏ធំមួយនៅក្នុងខែកញ្ញា ដោយការដណ្តើមយកការគ្រប់គ្រងតំបន់ការ៉ាបាក់ នៃប្រទេសអាស៊ែបៃហ្សង់ ឡើងវិញ ជាទីដែលជនជាតិដើមអាមេនី ទទួលបានឯករាជ្យជាក់ស្ដែងចាប់តាំងពីដើមទសវត្សរ៍ឆ្នាំ១៩៩០ មក ហើយពលរដ្ឋទាំងនោះជាង ១០ម៉ឺននាក់ បានភៀសខ្លួនទៅអាមេនី៕

ជនអន្តោប្រវេសន៍ជាង ២០០នាក់ ត្រូវបានរកឃើញនៅក្នុងរថយន្តសណ្តោង នៅប្រទេសម៉ិកស៊ិក

អាជ្ញាធរប្រទេសម៉ិកស៊ិក បាននិយាយកាលពីថ្ងៃអង្គារថា ពួកគេបានរកឃើញជនអន្តោប្រវេសន៍ ២១៥នាក់ រួមមានទាំងអនីតិជន ដែលត្រូវបានចាក់សោរនៅក្នុងរថយន្តសណ្តោងមួយគ្រឿងនៅរដ្ឋ Veracruz ភាគខាងត្បូង។ក្រុមន្ត្រីនៅវិទ្យាស្ថានទេសន្តប្រវេសន៍របស់ប្រទេសម៉ិកស៊ិក ដោយមានការគាំទ្រពីកងឆ្មាំជាតិ និងក្រសួងការពារជាតិ បានរកឃើញជនបរទេសត្រូវបានដាក់ប្រមូលផ្តុំ នៅផ្នែកខាងក្រោយកន្ទុយសណ្តោងរថយន្ត បន្ទាប់ពីការប្រដេញតាមនៅតាមផ្លូវ។អ្នកបើកបររថយន្ត បានបោះបង់រថយន្តចោល ហើយបានរត់គេចខ្លួន។ ក្រុមជនអន្តោប្រវេសន៍ រួមមានទាំងអ្នកគ្មានឯកសារមកពីប្រទេសអែលសាវ៉ាឌ័រ ហុងឌុយរ៉ាស់ និងប្រទេសហ្កាតេម៉ាឡា ដែល២៦នាក់ក្នុងចំណោមពួកគេ គឺជាអនីតិជន។ ជនអន្តោប្រវេសន៍ត្រូវបានបញ្ជូនទៅកាន់ស្ថានីយ៍ទេសន្តប្រវេសន៍ Acayucan ជាកន្លែងដែលពួកគេកំពុងទទួលបានការពិនិត្យសុខភាព និងទទួលបានទឹកនិងអាហារ។-

ចំនួនអ្នកស្លាប់ បានកើនឡើងដល់២៣នាក់ ដោយគ្រោះថ្នាក់រថយន្តក្រុងនៅប្រទេសប៉េរូ

ប៉ុស្តិ៍ទូរទស្សន៍ក្នុងតំបន់ បានរាយការណ៍ថា ចំនួនអ្នកស្លាប់ដោយគ្រោះថ្នាក់រថយន្តក្រុងកាលពីថ្ងៃចន្ទ ក្នុងខេត្ត Corongo ជាខេត្តស្ថិតនៅតំបន់ Ancash ប្រទេសប៉េរូ បានកើនឡើងដល់២៣នាក់។មជ្ឈមណ្ឌលប្រតិបត្តិការសង្គ្រោះបន្ទាន់ប្រចាំតំបន់ នៅតំបន់ Ancash បាននិយាថាមនុស្ស៦នាក់ផ្សេងទៀត បានរងរបួស ខណៈរថយន្តក្រុងដែលធ្វើប្រតិបត្តិការដោយក្រុមហ៊ុនដឹកជញ្ជូន La Perla del Altomayo បានបើកបរធ្លាក់ចេញពីផ្លូវហាយវ៉េ PE-12A។ យោងតាមព័ត៌មានរបស់កម្មវិធីវិទ្យុ del Peru បានរាយការាណ៍ថា រថយន្តក្រុងនេះកំពុងធ្វើដំណើរពី តំបន់ភាគខាងជើងនៃតំបន់ La Libertad ទៅកាន់រដ្ឋធានី Lima បានធ្លាក់ចូលក្នុងជ្រោះជ្រៅមានជម្រៅរហូតដល់ប្រមាណ៣០០ម៉ែត្រ។ប្រព័ន្ធផ្សព្វផ្សាយក្នុងតំបន់ បាននិយាយថា អភិបាលស្រុក Yanac លោក Carlos Pinedo បានដាក់កំហុសឧបទ្ទវហេតុនេះទៅលើស្ថានភាពមិនអំណោយផលនៃផ្លូវថ្នល់ និងបានអំពាវនាវឲ្យរដ្ឋាភិបាលតំបន់ ធ្វើឲ្យប្រសើរផ្លូវធ្វើដំណើរនេះ។

អ្នកទិញទំនិញ សម្រុកទៅកាន់ហាងទំនិញនានា ដើម្បីទិញទំនិញនៅថ្ងៃ Black Friday

អ្នកដើរទិញទំនិញនៅថ្ងៃវិស្សមកាល នៅទីក្រុង Chicago បានធ្វើដំណើរទៅកាន់គោលដៅសម្រាប់ការទិញទំនិញនៅ ថ្ងៃ Black Friday កាលពីថ្ងៃអង្គារ។ ក្រុមហ៊ុនលក់រាយដ៏ធំ ជាអាជីវកម្មមួយក្នុងចំណោមអាជីវកម្មជាច្រើន ដែលផ្តល់ឲ្យការបញ្ចុះតម្លៃនៅថ្ងៃ Black Friday ដ៏សំខាន់នៅមុនថ្ងៃបុណ្យ Thanksgiving ។នាង Earlana Delaney ជាម្តាយដែលមានកូនពីរនាក់ បាននិយាយថា នាងមកទីនេះ មកក្រុមហ៊ុន Starbucks ។ ប៉ុន្តែបន្ទាប់មក ចុងក្រោយពួកយើងបានត្រលប់ទៅរកកន្លែងលក់របស់របរក្មេងលេងវិញ ដូច្នេះពួកយើងក៏នៅទីនេះ។ នាង Delaney បាននិយាយថា នាង និងកូនស្រីអាយុ ៧ និង ១១ ឆ្នាំ ទន្ទឹងរង់ចាំក្នុងការសន្សំប្រាក់របស់នាង ដើម្បីទិញទំនិញនៅថ្ងៃ Black Friday ជារៀងរាល់ឆ្នាំ។ វាមានន័យច្រើនសម្រាប់ថ្ងៃនេះ ព្រោះវាទទួលបានទំនិញកាន់តែច្រើនដែលយើងចង់បានពេញមួយឆ្នាំ។ ថ្ងៃទិញទំនិញធំបំផុត នៅឆ្នាំនេះ គឺនៅទីនេះ នៅថ្ងៃ Black Friday ដែលកំពុងផ្តល់ឲ្យអ្នកទិញទំនិញនូវការទិញទំនិញបញ្ចុះតម្លៃរាប់តោនពីក្រុមហ៊ុនលក់រាយ។ដោយមនុស្សជាច្រើនសម្រាកពីការងារឬសាលារៀននៅសប្តាហ៍នេះ ក្រុមហ៊ុនលក់រាយជាច្រើនកំពុងផ្តល់ការលក់ទំនិញបញ្ចុះតម្លៃជាច្រើនមុខ។អ្នកវិភាគនៅក្រុមហ៊ុនលក់រាយ កំពុងព្យាករណ៍ រដូវកាលទិញទំនិញនៅថ្ងៃសម្រាកវិស្សមកាលនៅឆ្នាំនេះ ថា មានចំនួនច្រើន ទោះបីជាមានអតិផរណា ដែលបានជំរុញឲ្យតម្លៃទំនិញហក់ឡើងខ្ពស់ក៏ដោយ។

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស

របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញការប្រព្រឹត្តិ ចំពោះនាវាមនុស្សធម៌ឆ្ពោះទៅហ្កាហ្សា

WHO៖ ករណីសង្ស័យជំងឺ Ebola ធ្លាក់ចុះ ក្រោយមនុស្សរាប់រយនាក់ត្រូវបានដកចេញ

ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ

អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី

មនុស្សយ៉ាងតិច ១៥នាក់រងរបួស ដោយសារព្យុះនៅជប៉ុន ខណៈមានការអំពាវនាវឲ្យជម្លៀស

លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី

លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877