BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

បណ្ដាមេដឹកនាំពិភពលោកព្រមានពីភាពអត់ឃ្លាន ខណៈគោលដៅអាកាសធាតុកំពុងស្ថិតនៅក្នុងគ្រោះមហន្តរាយ

បញ្ជីការងារដែលត្រូវធ្វើនៃគោលដៅអភិវឌ្ឍន៍ប្រកបដោយចីរភាព ដែលបានកំណត់ក្នុងឆ្នាំ២០១៥ ហាក់ដូចជាកំពុងស្ថិតនៅក្នុងគ្រោះថ្នាក់ នេះបើយោងតាមកិច្ចប្រជុំរបស់បណ្ដាមេដឹកនាំពិភពលោក នៅអង្គការសហប្រជាជាតិក្នុងសប្តាហ៍នេះ។ សេចក្តីថ្លែងការណ៍របស់បណ្ដាមេដឹកនាំទាំងនោះ ដែលអនុម័តដោយឯកច្ឆន្ទនៅក្នុងកិច្ចប្រជុំកំពូលមួយ មុនពេលមហាសន្និបាតប្រចាំឆ្នាំរបស់អង្គការសហប្រជាជាតិ បានព្រមានថា ប្រសិនបើមិនមានវិធានការបន្ទាន់ណាមួយទេ ពិភពលោកអាចនឹងប្រឈមមុខនឹងផលវិបាកយ៉ាងធ្ងន់ធ្ងរក្នុងពេលឆាប់ៗនេះ។បញ្ជីនៃគោលដៅអភិវឌ្ឍន៍ប្រកបដោយចីរភាពចំនួន១៧ចំណុច ត្រូវបានបង្កើតឡើងដើម្បីលុបបំបាត់ភាពអត់ឃ្លាន និងភាពក្រីក្រខ្លាំង ព្រមទាំងការប្រយុទ្ធនឹងបម្រែបម្រួលអាកាសធាតុនៅត្រឹមឆ្នាំ២០៣០។ អគ្គលេខាធិការអង្គការសហប្រជាជាតិ លោក Antonio Guterres បានប្រាប់កិច្ចប្រជុំកំពូលនៃបណ្ដាមេដឹកនាំថា មានតែតួលេខគោលដៅចំនួន១៥%ប៉ុណ្ណោះដែលកំពុងដំណើរការ ហើយមានចំណុចជាច្រើនកំពុងដំណើរការបញ្ច្រាស។កាលពីដើមខែនេះ លោក Guterres បានអំពាវនាវឱ្យមេដឹកនាំក្រុមប្រទេសទាំង២០ (G20) ធានានូវថវិកាជំរុញយ៉ាងតិច៥០០ពាន់លានដុល្លារក្នុងមួយឆ្នាំ ដើម្បីឆ្ពោះទៅរកគោលដៅអភិវឌ្ឍន៍ប្រកបដោយចីរភាព (SDG)។ យោងតាមរបាយការណ៍កាលពីឆ្នាំមុនបានឲ្យដឹងថា ការចំណាយលើការសម្រេចគោលដៅសកលបានកើនឡើង២៥% ដល់ចំនួន១៧៦សែនកោដិ៍ដុល្លារក្នុងឆ្នាំ ដែលបានបញ្ចប់ក្នុងខែកញ្ញា ឆ្នាំ២០២២ ជាមួយនឹងការអនុវត្តលើវិធានការបញ្ច្រាសខុសពីគោលដៅជាច្រើនផងដែរ៕

ប្រទេសប៉េរូ ប្រកាសដាក់រដ្ឋក្នុងគ្រាអាសន្ន នៅតាមផ្នែកខ្លះនៃរដ្ឋធានី បន្ទាប់ពីឧក្រិដ្ឋកម្មកើនឡើង

ប៉េរូ៖ ប្រធានាធិបតីប៉េរូ លោកស្រី Dina Boluarte បាននិយាយកាលពីថ្ងៃចន្ទ (១៨ កញ្ញា) ថា រដ្ឋាភិបាលរបស់លោកស្រី បានប្រកាសដាក់រដ្ឋក្នុងភាពអាសន្ននៅក្នុងស្រុកចំនួនបី ដែលរងគ្រោះដោយការរីករាលដាលនៃឧក្រិដ្ឋកម្ម ដោយជាវិធានការដែលអនុញ្ញាតឱ្យយោធាជួយពង្រឹងសន្តិសុខក្នុងប្រទេស។លោកស្រី Boluarte បាននិយាយនៅក្នុងសេចក្តីថ្លែងការណ៍មួយថា ស្ថានភាពអាសន្នត្រូវបានប្រកាសនៅក្នុងស្រុក San Juan de Lurigancho (សាន វ៉ាន់ ដេ លូរីហ្កានឆូ) និងស្រុក San Martin de Porras (សាន ម៉ាទីន ដេ ប៉ូរ៉ាស)ទាំងនៅក្នុងរដ្ឋធានី លីម៉ា និងនៅភាគខាងជើងនៃស្រុក តាឡារ៉ា (Talara) ដោយបន្ថែមនៅក្នុងបទសម្ភាសន៍មួយថា វិធានការនេះមានគោលបំណងបង្កើន «ការប្រយុទ្ធប្រឆាំងនឹងឧក្រិដ្ឋកម្ម និងក្រុមឧក្រិដ្ឋកម្មដែលមានអង្គការចាត់តាំង»។ក្នុងរយៈពេលប៉ុន្មានថ្ងៃថ្មីៗនេះ នគរបាលបានរាយការណ៍ពីការវាយប្រហារនៅក្នុងទីក្រុង សាន វ៉ាន់ រួមទាំងការគប់គ្រាប់បែកដៃសង្រ្គាមចូលទៅក្នុងក្លឹបរាត្រីមួយ ដែលការវាយប្រហារដោយគ្រាប់បែកដៃមួយទៀតនៅក្បែរនោះ បានបណ្តាលឲ្យមនុស្សយ៉ាងហោចណាស់១៥នាក់រងរបួស។ របាយការណ៍ឧក្រិដ្ឋកម្មទៅកាន់នគរបាលក្នុងរដ្ឋធានី លីម៉ា បានកើនឡើងដល់ជិត១៦០.២០០ករណីកាលពីឆ្នាំមុន ធៀបនឹងចំនួន១២០.៣៥០ករណីក្នុងឆ្នាំ២០២១ នេះបើយោងតាមការិយាល័យទទួលបណ្ដឹងពលរដ្ឋ របស់ប្រទេសប៉េរូ៕

ក្រុមអ្នកតវ៉ានិយាយថា កន្លែងតែមួយគត់ដែលនាយករដ្ឋមន្ត្រីអ៊ីស្រាអែលគួរទៅ គឺពន្ធនាគារ អំឡុងទស្សនកិច្ចនៅអាមេរិក

អ៊ីស្រាអែល៖ ក្រុមអ្នកតវ៉ាប្រឆាំងលោកនាយករដ្ឋមន្ត្រីអ៊ីស្រាអែល Netanyahu បានប្រមូលផ្ដុំគ្នានៅក្នុងទីក្រុង San Francisco កាលពីថ្ងៃចន្ទ ទី១៨ខែកញ្ញា ខណៈលោកនាយករដ្ឋមន្ត្រី រូបនេះ បានបំពេញទស្សនកិច្ចនៅរដ្ឋ California និងជួបជាមួយសហគ្រិនបច្ចេកវិទ្យាលោក Elon Musk។ យោងតាមគេហទំព័ររបស់ខ្លួន ការតវ៉ានេះ ត្រូវបានរៀបចំដោយក្រុមមូលដ្ឋាន UnXeptable ដែលបេកកម្មរបស់ពួកគេ គឺដើម្បីថែរក្សាអត្តសញ្ញាណប្រជាធិបតេយ្យរបស់អ៊ីស្រាអែល ជាទីជម្រករបស់ប្រជាជនជ្វីសទាំងអស់។ អ្នកតវ៉ាវ័យ៨៣ ឆ្នាំម្នាក់ឈ្មោះ តូនី ហ្គូលបាស់ (Toni Golbus)បាននិយាយថា ខ្ញុំមកទីនេះព្រោះខ្ញុំស្រឡាញ់អ៊ីស្រាអែល។ខ្ញុំបានចំណាយពេលយ៉ាងច្រើននៅទីនោះ ខ្ញុំចង់ឲ្យប្រទេសនេះក្លាយជាប្រទេសប្រជាធិបតេយ្យ ហើយខ្ញុំបារម្ភថា អ្វីដែលលោក Netanyahu កំពុងព្យាយាមធ្វើគឺដើម្បីបំភ្លេចចោលលទ្ធិប្រជាធិបតេយ្យ។ អ្នកតវ៉ាម្នាក់ទៀតឈ្មោះ យ៉ាអេល ឡេវី(Yael Levy)វ័យ៣៩ឆ្នាំ បានបន្ថែមថា ខ្ញុំគិតថា វាជារឿងសំខាន់ក្នុងការបញ្ចូនសារ លឺៗនិងច្បាស់ៗ ថា លោកមិនត្រូវបានស្វាគមន៍នៅទីនេះទេ។ខ្ញុំគិតថាមានកន្លែងតែមួយគត់ដែលលោកគួរតែត្រូវបានស្វាគមន៍នោះគឺពន្ធធានាគារ។ រដ្ឋាភិបាលរបស់លោកNetanyahu បានកែប្រែប្រព័ន្ធតុលាការកាលពីខែមករា ដែលបានបង្កឲ្យមានការតវ៉ាទូទាំងប្រទេសមិនធ្លាប់មាននៅក្នុងប្រទេសអ៊ីស្រាអែល ។ លោក Netanyahu បានជំរុញលោក Musk ឲ្យថ្លឹងថ្លែងរវាងការកាពារសិទ្ធិបញ្ចេញមតិដោយសេរីនិងការប្រយុទ្ធប្រឆាំងនឹងសម្ដីបង្កការស្អប់ខ្ពើមនៅជំនួបមួយកាលពីថ្ងៃចន្ទ បន្ទាប់ពីមានភាពចម្រូង ចម្រាសជាច្រើនសប្ដាហ៍ជុំវិញខ្លឹមសារអរិភាពលើបណ្ដាញសង្គម X របស់លោក Musk៕

ឧបទ្ទវហេតុរថយន្តក្រុង បណ្តាលឲ្យមនុស្សយ៉ាងហោចណាស់២៤នាក់ស្លាប់នៅប៉េរូ

ប៉េរូ៖ យោងតាមក្រុមហ៊ុនដឹកជញ្ជូនដែលធ្វើប្រតិបត្តិការយានយន្តបានឲ្យដឹងថា មនុស្សយ៉ាងហោចណាស់២៤នាក់ បានស្លាប់ ក្នុងឧបទ្ទវហេតុរថយន្តក្រុងដឹកអ្នកដំណើរ នៅក្នុងប្រទេសប៉េរូ កាលពីថ្ងៃចន្ទ។អ្នកតំណាងក្រុមហ៊ុន សហជីព Molina លោក Scarlet Bueno បានប្រាប់សារព័ត៌មានរ៉យទ័រថា មនុស្សយ៉ាងហោចណាស់ ២៤នាក់ស្លាប់ ប៉ុន្តែពុំបានផ្តល់ព័ត៌មានលម្អិតបន្ថែមនោះទេ។ទីភ្នាក់ងារគ្រប់គ្រងការដឹកជញ្ជូនរបស់ប្រទេសប៉េរូនៅក្នុងសេចក្តីថ្លែងការណ៍ បានបញ្ជាក់ថាគ្រោះថ្នាក់បានកើតឡើងកាលពីថ្ងៃចន្ទ ដោយមិនបានផ្តល់ចំនួនអ្នកស្លាប់ឬរងរបួសនោះទេ។ ទីភ្នាក់ងារ និយាយថារថយន្តក្រុងនេះកំពុងធ្វើដំណើរពីក្រុង Ayacucho ទៅកាន់ទីក្រុង Huancayo ប្រទេសប៉េរូ។ ទីភ្នាក់ងារ បាននិយាយក្នុងការស៊ើបអង្កេតដំបូង បង្ហាញថា រថយន្តក្រុងទំនងជាមានការពិនិត្យសុវត្ថិភាពទាន់សម័យ និងមានធានារ៉ាប់រងគ្រោះថ្នាក់។ គ្រោះថ្នាក់ជាច្រើនគឺជារឿងពាក់ព័ន្ធធម្មតានៅតាមផ្លូវដ៏គ្រោះថ្នាក់របស់ប្រទេសប៉េរូ ខណៈមានមនុស្សយ៉ាងហោចណាស់ ២៤នាក់ស្លាប់ កាលពីខែមករា នៅពេលរថយន្តក្រុង បានធ្លាក់ចុះពីឆ្នេរចោទ នៅភាគខាងជើងប្រទេស៕

ប្រធានាធិបតីម៉ិកស៊ិក ការពារការចូលរួមរបស់រុស្ស៊ី ក្នុងព្យុហយាត្រាយោធា

ម៉ិកស៊ិក៖ ប្រធានាធិបតីម៉ិកស៊ិក លោក Andres Manuel Lopez Obrador កាលពីថ្ងៃចន្ទ បានការពារវត្តមានរបស់អង្គភាពយោធារុស្ស៊ី ក្នុងព្យុហយាត្រាកាលពីចុងសប្តាហ៍ ដែលប្រារព្ធទិវាឯករាជ្យរបស់ប្រទេសម៉ិកស៊ិក បន្ទាប់ពីការរិះគន់ដ៏ខ្លាំងលើប្រទេសរបស់លោកថាបានផ្តល់វេទិកាមួយដល់កងកម្លាំងដែលឈ្លានពានប្រទេសអ៊ុយក្រែន។ឯកអគ្គរដ្ឋទូតអ៊ុយក្រែនប្រចាំប្រទេសម៉ិកស៊ិក អ្នកនយោបាយប្រឆាំង និងប្រព័ន្ធផ្សព្វផ្សាយទិទៀន បានរិះគន់សេចក្តីសម្រេចដើម្បីអនុញ្ញាឲ្យអង្គភាពរុស្ស៊ីបានចូលរួមកាលពីថ្ងៃសៅរ៍ ប៉ុន្តែលោក Lopez Obrador បាននិយាយថាប្រទេសម៉ិកស៊ិក បានអនុញ្ញាតឲ្យប្រទេសណាមួយក៍ដោយឲ្យចូលរួម។លោក Lopez Obrador ជាអ្នកឆ្វេងនិយម បានព្យាយាមដើម្បីរក្សាប្រទេសម៉ិកស៊ិកនៅជាអព្យាក្រិត ក្នុងសង្គ្រាម រវាង រុស្ស៊ី និងអ៊ុយក្រែន នៅក្នុងចំណុចមួយដែលស្នើសុំឲ្យមានកិច្ចចរចាសន្តិភាព។ទោះជាយ៉ាងណា រដ្ឋាភិបាលរបស់លោក បានគាំទ្រសេចក្តីសម្រេចធំៗរបស់អង្គការសហប្រជាជាតិ ដែលរិះគន់តួនាទីរបស់រុស្ស៊ី នៅក្នុងជម្លោះនេះ៕

លោក Zelenskyy ទៅដល់សហរដ្ឋអាមេរិកដើម្បីជួបជាមួយលោក Biden និងចូលរួមប្រជុំនៅUN នៅថ្ងៃនេះ

អាមេរិក៖ លោកប្រធានាធិបតីអ៊ុយក្រែន Volodymyr Zelensky កាលពីថ្ងៃចន្ទបានទៅដល់ទីក្រុង New York មុនសុន្ទរកថានៅមហាសន្និបាតអង្គការសហប្រជាជាតិ និងជួបលោកប្រធានាធិបតីអាមេរិក Joe Bidenសម្រាប់ជំនួបពិភាក្សានានា ព្រមទាំងក្រុមមេដឹកនាំសភានិងគណបក្សនានា មេដឹកនាំយោធា ធុរកិច្ចជនសហដ្ឋអាមេរិក អ្នកសារព័ត៌មាន និងសមាជិកនៃសហគមន៍អ៊ុយក្រែន។ នេះជាដំណើរទស្សនកិច្ចទី២របស់លោក Zelensky ទៅកាន់សហរដ្ឋអាមេរិក ដែលបានផ្គត់ផ្គង់អាវុធឲ្យទីក្រុងគីវ(Kyiv)ប្រយុទ្ធជាមួយរុស្ស៊ី ចាប់តាំងពីការវាយលុករបស់ក្រុងមូស្គូ កាលពីខែកុម្ភៈឆ្នាំមុន។ លោក Zelensky បាននិយាយនៅលើបណ្ដាញសង្គម X សំដៅដល់ការធ្វើដំណើរជាមួយភរិយារបស់លោក ថា លោកស្រី Olena Zelenska និងខ្ញុំបានមកដល់ទឹកដីសហរដ្ឋអាមេរិកហើយសម្រាប់ជំនួបជាន់ខ្ពស់រយៈពេលមួយសប្ដាហ៍របស់មហាសន្និបាតអង្គការសហប្រជាជាតិ និងដំណើរទស្សនកិច្ចទៅកាន់ទីក្រុង Washington DC។ គេរំពឹងថា លោក Zelensky នឹងថ្លែងនៅអង្គមហាសន្និបាតអង្គការសហប្រជាជាតិនៅថ្ងៃអង្គារនេះ ។ លោក Volodymyr Zelenskiy បានជួបទាហានអ៊ុយក្រែន ដែលរងរបួសនៅមន្ទីរពេទ្យទីក្រុង New York កាលពីថ្ងៃចន្ទទី១៨ កញ្ញា មុនការថ្លែងសុន្ទរកថារបស់លោកទៅកាន់បណ្ដាមេដឹកនាំនៅអង្គការសហប្រជាជាតិ៕

យកគ្រឿងចក្រទៅកាយដីមិនប្រាប់ម្ចាស់ដី តាមទាន់ចាប់ប្រគល់ឱ្យអាជ្ញាធរដោះស្រាយតាមផ្លូវច្បាប់

ព្រះវិហារ៖ អេស្កាមួយគ្រឿង កាយដីប្រជាពលរដ្ឋមិនជូនដំណឹងប្រាប់ម្ចាស់ដី ត្រូវបានម្ចាស់ដីចាប់ប្រគល់ឱ្យសមត្ថកិច្ចយកមករក្សាទុក ដើម្បីរងចាំការដោះស្រាយទៅតាមផ្លូវច្បាប់ ។គួរម្លឹកថា ករណីនេះបានកើតឡើងកាលពីថ្ងៃទី០៧ ខែកញ្ញា ឆ្នាំ២០២៣ កន្លងមក នៅចំណុចដីឈ្មោះលោកស្រី ឡេង ធារ៉ា រស់នៅភូមិជាំក្សាន ឃុំជាំក្សាន្ត ស្រុកជាំក្សាន ខេត្តព្រះវិហារ ចំណែកម្ចាស់គ្រឿងចក្រឈ្មោះ ចែ ណៃ កាយយកដីសម្រាប់ធ្វើផ្លូវរបស់ក្រុមហ៊ុន ជីវ គឺមឡុង ។ក្រោយពីករណីនេះកើតឡើងលោក អ៊ុង វុទ្ធី អភិបាលរងខេត្តព្រះវិហារទទួលបន្ទុកដោះស្រាយទំនាស់ដីធ្លី បានអញ្ជើញភាគីទាំងពាក់ព័ន្ធទៅប្រជុំដោះស្រាយក្រោមការសម្របសម្រួលពីព្រះរាជអាជ្ញារងលោក គឹម សំលេង កាលពីថ្ងៃទី១៥ ខែកញ្ញាកន្លងមកនេះ ជាលទ្ធផលមិនត្រូវរ៉ូវគ្នា ដោយភាគីលោកស្រី ឡេង ធារ៉ា ជាម្ចាស់ដីទាមទារសំណង៤០លានរៀល ចំណែកតំណាងក្រុមហ៊ុនមិនព្រមសង ។លោក អ៊ុង វុទ្ធី អភិបាលរងខេត្តព្រះវិហារ បានឱ្យដឹងថា ប្រជុំសម្របសម្រួលដោះស្រាយមិនត្រូវគ្នាមានតែបញ្ជូនទៅតុលាការដោះស្រាយបន្ត ទៅតាមផ្លូវច្បាប់ ។ពាក់ព័ន្ធករណីនេះ លោកស្រី ឡេង ធារ៉ា ម្ចាស់ដីបានដាក់ពាក្យបណ្តឹងម្ចាស់គ្រឿងចក្រឈ្មោះ ចែ ណៃ ទៅតុលាការរួចហើយទាមទារសំណង៨០លានរៀល ដោយលោកស្រី ឡេង ធារ៉ា ជាម្ចាស់ដីអះអាងថា ម្ចាស់គ្រឿងចក្រឈ្មោះ ចែ ណៃ បានលួចកាយរបស់គាត់ម្ដងជាពីរម្ដងទើបរូបគាត់សម្រេចដាក់ពាក្យបណ្ដឹងទៅតុលាការដោះស្រាយតាមផ្លូវច្បាប់ ។យោងតាមពាក្យបណ្ដឹងរបស់លោកស្រី ឡេង ធារ៉ា សុំប្តឹងឈ្មោះ ចែ ណៃ និងបក្សពួកពីបទ៖ ធ្វើឱ្យខូចខាតដោយចេតនា ដែលបានប្រព្រឹនៅភូមិទឹកក្រហម ឃុំទឹកក្រហម ស្រុកជាំក្សន្ដ ខេត្តព្រះវិហារ កាលពីថ្ងៃទី០៧ ខែកញ្ញា ឆ្នាំ ២០២៣កន្លងមក។ករណីនេះឈ្មោះ ចែ ណៃ ម្ចាស់គ្រឿងចក្រដែលរងការចោទប្រកាន់ថា បានយកគ្រឿងចក្រទៅកាយដីកម្មសិទ្ធិរបស់លោកស្រី ឡេង ធារ៉ា នោះមិនអាចទាក់ទងសុំការបំភ្លឺបានទេ នៅរសៀលថ្ងៃទី១៨ ខែកញ្ញានេះ៕

ប្រធានអង្គការណាតូ ព្រមានថា សង្រ្គាមនៅអ៊ុយក្រែន នឹងមិនមានការបញ្ចប់ភ្លាមៗនោះទេ

អគ្គលេខាធិការអង្គការណាតូ លោក Jens Stoltenberg បានព្រមានថា សង្រ្គាមនៅអ៊ុយក្រែន អាចមានរយៈពេលវែង ដោយសារការវាយបករបស់ទីក្រុង គីវ ប្រឆាំងនឹងរុស្ស៊ី នៅតែបន្តទទួលបានផលតិចតួចប៉ុណ្ណោះ។បណ្ដាសម្ព័ន្ធមិត្តរបស់អ៊ុយក្រែន បានព្យាយាមសង្កត់ធ្ងន់លើកំណើននៃយុទ្ធនាការសង្គ្រាមក្នុងប៉ុន្មានសប្តាហ៍ថ្មីៗនេះ ប៉ុន្តែយុទ្ធនាការនោះបានដំណើរការអស់ជាច្រើនខែដោយមិនមានរបកគំហើញធំដុំទេ។ ជំហានថយក្រោយនោះ នឹងនាំមកនូវការផ្លាស់ប្តូរលក្ខខណ្ឌនៅលើសមរភូមិ និងលទ្ធភាពដែលរុស្ស៊ី នឹងព្យាយាមម្តងទៀតដើម្បីបំផ្លាញហេដ្ឋារចនាសម្ព័ន្ធថាមពលអ៊ុយក្រែន។នៅពេលត្រូវបានសាកសួរអំពីលទ្ធភាពដែលប្រធានាធិបតីរុស្ស៊ី លោក ពូទីន អាចប្រើប្រាស់អាវុធនុយក្លេអ៊ែរនៅអ៊ុយក្រែននោះ លោក Stoltenberg បាននិយាយថា «វោហាសាស្ត្រនុយក្លេអ៊ែររបស់លោកពូទីន គឺមានគ្រោះថ្នាក់ និងគ្មានមេត្តា ប៉ុន្តែអង្គការ ណាតូ បានត្រៀមខ្លួនទប់ទល់រាល់ការគំរាមកំហែង និងបញ្ហាប្រឈមទាំងឡាយ។ ប្រធានអង្គការណាតូ រូបនេះ បានបញ្ជាក់ជាថ្មីថា មុននិងក្រោយអ៊ុយក្រែន នឹងចូលរួមក្នុងសម្ព័ន្ធយោធាមួយនេះ គ្រាន់តែមានបញ្ហាពេលវេលាតែប៉ុណ្ណោះ៕

ទឹកជំនន់បង្កឡើងដោយសារភ្លៀងធ្លាក់ខ្លាំង និងទឹកទំនប់បង្កផលរំខានដល់ការរស់នៅរបស់ប្រជាពលរដ្ឋឥណ្ឌា

រដ្ឋភាគកណ្តាល Madhya Pradesh ប្រទេសឥណ្ឌា បានប្រឈមនឹងទឹកជំនន់ដ៏គំហក់កាលពីថ្ងៃអាទិត្យ ពេលដែលទឹកទន្លេហូរប្រៀបច្រាំង ដោយសារតែភ្លៀងធ្លាក់ខ្លាំង និងការបញ្ចេញទឹកដ៏ច្រើនលើសលុបចេញពីទំនប់ ។ ក្រុមការងាររបស់កងកម្លាំងឆ្លើយតបគ្រោះមហន្តរាយជាតិ ត្រូវបានគេអំពាវនាវឲ្យជួយសង្រ្គោះ និងជម្លៀសខ្លួនប្រជាពលរដ្ឋ ជាពិសេសជម្លៀសមនុស្សចេញពីតំបន់ទាបៗនៅទីក្រុង Ujjain និងទីក្រុង Khandwa ។ ប្រាសាទជាច្រើនកន្លែងនៅក្នុងទីក្រុង Ujjain បានរងការជន់លិច ក្នុងនោះក្រុមអ្នកគោរពបូជា ត្រូវបានគេស្នើសុំឲ្យនៅឆ្ងាយពីកន្លែងធ្វើសក្ការៈបូជា ។ លោក Baljeet Singh Bisenគឹជាមន្រ្តីស្ថានីយ៍បញ្ចេញទឹកទំនប់និយាយថា ស្របពេលដែលចំណុះរំដោះទឹកពីទំបន់បន្តកើនឡើងឥតឈប់ឈរបែបនេះ ពួកយើងបានតាមដានយ៉ាងដិតដល់តំបន់ជុំវិញទំបន់ទឹក ។ សូមបញ្ជាក់ថា ភ្លៀងមូសុងវស្សា មានចំនួន ៣៦ភាគរយលើសកម្រិតមធ្យមកាលពីខែសីហា ហើយភ្លៀងរដូវក្តៅមានចំនួន ១០ភាគរយទាបជាងកម្រិតធម្មតា ចាប់តាំងពីរដូវវស្សាចាប់ផ្តើមកាលពីថ្ងៃទី ១ ខែមិថុនាកន្លងទៅ ៕

មនុស្ស៥នាក់រងរបួស ក្នុងការបាញ់ប្រហារនៅទីក្រុង Dorchester រួមទាំងកុមារម្នាក់របួសធ្ងន់

នគរបាលទីក្រុង Boston និយាយថាមនុស្ស៥នាក់រងរបួស រួមមានទាំងជនរងគ្រោះជាកុមារម្នាក់បានរងរបួសធ្ងន់ បន្ទាប់ពីការបាញ់កាំភ្លើងបានផ្ទុះឡើងនៅក្រុង Dorchester រដ្ឋ Massachusetts សហរដ្ឋអាមេរិក កាលពីយប់ថ្ងៃអាទិត្យ។ស្នងការនគរបាលទីក្រុង Boston លោក Michael Cox បាននិយាយថា ក្រុមមន្ត្រី បានឆ្លើយតបចំពោះសកម្មភាពអ្នកបាញ់ប្រហារ សម្រាប់ការបាញ់ជាច្រើនគ្រាប់នៅជិតផ្លូវលេខ 50 Ames St. ក្នុងតំបន់ Franklin ជាសហគមន៍លំនៅឋាន។លោក Cox និយាយថា ក្រុមមន្ត្រីបានរកឃើញ កុមារ២នាក់ និងមនុស្សពេញវ័យ៣នាក់ រងរបួសដោយការបាញ់កាំភ្លើង។ការរងរបួស របស់ជនរងគ្រោះជាកុមារម្នាក់ ត្រូវបានគេចាត់ទុកថាមានការគំរាមកំហែងដល់ជីវិត។ ជនរងគ្រោះទាំងអស់ ឈ្មោះនិងអាយុ ពុំត្រូវបានគេចេញផ្សាយឡើយ ដែលត្រូវបាននាំទៅកាន់មន្ទីរពេទ្យក្នុងតំបន់។ លោក Cox បាននិយាយថាការបាញ់ប្រហារ បានកើតឡើង អំឡូងការជួបជុំនៅបរិវេណខាងក្រៅដ៏ធំមួយនៅលើផ្លូវ Ames Street ខាងត្បូងសួនឧទ្យាន Harambee ។ គ្មានការចាប់ខ្លួននណាម្នាក់ត្រូវបានរាយការនៅឡើយ។

បណ្ដាញសង្គម

ព័ត៌មានថ្មីៗ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អភិបាលខេត្តបន្ទាយមានជ័យ អំពាវនាវដល់មន្ត្រីរាជការសប្បុរសជនចូលរួមយុទ្ធនាការ "១ម៉ឺនរៀល ១ម៉ឺននាក់"

អគ្គកុងស៊ុលវៀតណាម រៀបចំកម្មវិធីសប្ដាហ៍វប្បធម៌វៀតណាម ឆ្នាំ២០២៦ នៅខេត្ដសៀមរាប

រដ្ឋបាលខេត្តកំពតត្រៀមទុរេនទុំ ២តោន សម្រាប់ទទួលទេសចរចូលរួមព្រឹត្តិការណ៍ «មរតកផ្លែឈើ និងនំចំណីកំពត»

មន្ត្រីជំនាញ ស្នើដល់កសិករ សហគមន៍ និងអ្នកពាក់ព័ន្ធរួមគ្នាលើកកម្ពស់វិស័យកសិកម្មខេត្តកែប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877