BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

មនុស្សរហូតដល់២ពាន់នាក់ ត្រូវបានគេព្រួយបារម្ភថាលង់ទឹកស្លាប់បន្ទាប់ពីទីក្រុងប្រទេសលីប៊ីរងជន់លិចដោយទឹកជំនន់ដ៏មហន្តរាយ

លីប៊ី៖ យោងតាមប្រមុខនៃរដ្ឋាភិបាលមួយនៃគូបដិបក្ខទាំងពីរ បានឲ្យដឹងថា មនុស្សរហូតដល់២ពាន់នាក់អាចលង់ទឹកស្លាប់បន្ទាប់ពីព្យុះដ៏មានឥទ្ធិពលបានវាយបោកបក់នាំមកនូវទឹកជំនន់ដ៏មហន្តរាយ នៅទីក្រុង Derna ប្រទេសលីប៊ីភាគខាងកើត។ លោក Ossama Hamad នាយករដ្ឋមន្ត្រីនៃរដ្ឋាភិបាលមានមូលដ្ឋាននៅភាគខាងកើត បាននិយាយកាលពីថ្ងៃចន្ទថាមនុស្សរាប់ពាន់នាក់ត្រូវបានគេជឿថាកំពុងបាត់ខ្លួន បន្ទាប់ពីភ្លៀងធ្លាក់ខ្លាំងកាលពីចុងសប្តាហ៍។អង្គការអឌ្ឍចន្ទក្រហម ក្នុងទីក្រុង Benghazi បានដាក់ចំនួនអ្នកស្លាប់រហូតដល់ជិត២៥០នាក់ ប៉ុន្តែតំបន់ Derna ដែលរងការវាយប្រហារធ្ងន់ធ្ងរបំផុត នៅតែកាត់ផ្តាច់ឆ្ងាយពីមេដឹកនាំតំបន់ ដែលកំពុងអះអាងថា ស្ថានភាពនៅក្នុងទីក្រុងនេះ ហួសពីការគ្រប់គ្រង និងមហន្តរាយ៕

កាតាបញ្ជូនក្រុមរុករក និងជួយសង្រ្គោះទៅកាន់ប្រទេសម៉ារ៉ុក ក្រោយការរញ្ជួនដីសម្លាប់មនុស្ស ២.១២២នាក់

យន្តហោះយ៉ាងហោចណាស់ ៤គ្រឿង បានធ្វើដំណើរចេញពីប្រទេសកាតា ទៅកាន់ទីក្រុង Marrakech កាលពីថ្ងៃអាទិត្យ ដើម្បីបញ្ជូនក្រុមជួយសង្រ្គោះ និងជំនួយ ក្រោយការរញ្ជួយដីសម្លាប់មនុស្សច្រើនបំផុតនៅក្នុងប្រទេសម៉ារ៉ុក ក្នុងរយៈពេលជាង ៦ទសវត្សរ៍កន្លងមកនេះ ។ ព្រះមហាក្សត្រមហាម៉េដទី ៦ បានថ្លែងអំណរគុណដល់ប្រទេសអេស្ប៉ាញ កាតា អង់គ្លេស និងអារ៉ាប់រួម សម្រាប់ការបញ្ជូនជំនួយរបស់ពួកគេ ស្របពេលដែលការរញ្ជួយដីដ៏អាក្រក់បំផុត បានវាយប្រហារប្រទេសមួយនេះ កាលពីយប់ថ្ងៃសុក្រ ។ ប្រទេសម៉ារ៉ុក បានវាយតម្លៃតម្រូវការជំនួយ និងពិចារណាលើសារសំខាន់នៃការសម្របសម្រួលកិច្ចខិតខំជួយសង្រ្គោះ មុនពេលទទួលយកជំនួយពីប្រទេសទាំង ៤នេះ ។ ចក្រភពអង់គ្លេស បានបញ្ជូនយន្តហោះយោធា ២គ្រឿង ផ្ទុកក្រុមជួយសង្រ្គោះ ៦០នាក់ សុនខ ៤ក្បាល និងក្រុមសុខាភិបាលប៉ុន្មាននាក់ទៀត ។ ដោយឡែក ប្រទេសបារាំង និងសហរដ្ឋអាមេរិក ហើយនិងប្រទេសផ្សេងទៀត បានសន្យាផ្តល់ជំនួយផងដែរ ដល់ប្រទេសម៉ារ៉ុក ។ គួរឲ្យដឹងថា ចំណុចកណ្តាលនៃការរញ្ជួយដី ស្ថិតនៅចម្ងាយ ៧២គ.មភាគនិរតីទីក្រុង Marrakech គឺជាទីក្រុងគោលដៅទេសចរណ៍ដ៏មានប្រជាប្រិយភាពមួយរបស់ប្រទេសម៉ារ៉ុក ។ ភូមិតំបន់ភ្នំ Tafeghaghte ស្ថិតនៅចម្ងាយប្រហែល ៦០គ.មភាគនិរតីទីក្រុង Marrakech បានរងគ្រោះខ្លាំងជាងគេបំផុត ដោយមកទល់នឹងពេលនេះ មនុស្ស ៩០នាក់ ក្នុងចំណោមអ្នកភូមិ ២០០នាក់ ត្រូវបានប្រកាសថាស្លាប់ ។ ទូរទស្សន៍រដ្ឋម៉ារ៉ុក បានរាយការណ៍ថា ចំនួនមនុស្សស្លាប់ដោយសារការរញ្ជួយដីនេះ បានកើនឡើងដល់ ២.១២២នាក់ ខណៈដែលអ្នករងរបួសមានចំនួន ២.៤២១នាក់ ៕

ភ្លៀងធ្លាក់បណ្តាលមកពីការបោកបក់នៃព្យុះទីហ្វុង លើប្រទេសចិនសម្រាប់ថ្ងៃទី៧

ភ្លៀងធ្លាក់ខ្លាំង ពីព្យុះទីហ្វុងនៅតែស្ថិតនៅប្រទេសចិនភាគខាងត្បូង ដែលបានវាយបោកបក់សម្រាប់ថ្ងៃទី៧ ខណៈពពកព្យុះដែលធ្វើដំណើរយឺតៗរសាត់ពីខេត្តក្វាងទុង(Guangdong) នៅលើឆ្នេរ Guangxi ដែលបានធ្វើឲ្យជន់លិចតំបន់ទំនាប ធ្វើឲ្យរាំងស្ទះផ្លូវធ្វើដំណើរ និងធ្វើឲ្យពលរដ្ឋជាប់គាំង។ ប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃចន្ទនេះថា នៅក្នុងតំបន់ជន់បទ Bobai ក្នុងតំបន់ Guangxi ក្រុមជួយសង្គ្រោះ នៅលើទូកបានប្រញាប់ប្រញាល់ទាញយកមនុស្សទៅកាន់ទីសុវត្ថិភាពចាប់តាំងពីយប់ថ្ងៃអាទិត្យ ខណៈទឹកមានជម្រៅជាង២ម៉ែត្រ បានធ្វើឲ្យពលរដ្ឋជាប់គាំងដំណើរនៅក្នុងលំនៅឋានក្នុងតំបន់ទំនាប។ព្យុះ Haikui បានចុះខ្សោយពីព្យុះទីហ្វុង មកជាព្យុះត្រូពិក ចាប់តាំងពីវាយបោកបក់ដល់ដីគោកក្នុងខេត្ត Fujian កាលពីថ្ងៃទី៥ ខែកញ្ញា ប៉ុន្តែដំណើរវាយបក់របស់វានៅតែមាន បន្តបំផ្លាញនៅប្រទេសចិន ភាគខាងត្បូង ដោយទីក្រុង Shenzhen ដ៏មានប្រជាប្រីយ៍ បានជន់លិចដោយសារភ្លៀងធ្លាក់ខ្លាំង ចាប់តាំងពីមានកំណត់ត្រាចាប់ផ្តើមក្នុងឆ្នាំ១៩៥២។អ្នកវិទ្យាសាស្ត្រ បានព្រមានថាព្យុះទីហ្វុង បានវាយប្រហារប្រទេសចិន ដែលកាន់តែខ្លាំងឡើងៗ ហើយផ្លូវរបស់វាកំពុងបង្កើនភាពស្មុគស្មាញបន្ថែម ដែលនឹងបង្កើនហានីភ័យគ្រោះមហន្តរាយ ទោះបីនៅក្នុងទីក្រុងឆ្នេរ ដូចជា តំបន់ Shenzhen ជាញឹកញាប់មានព្យុះស៊ីក្លូនត្រូពិកខ្លាំង ហើយមានសមត្ថភាពការពារទឹកជំនន់ខ្លាំងរួចទៅហើយ។

ភ្លៀងធ្លាក់ និងខ្យល់បក់ខ្លាំង វាយប្រហារប្រទេសអេស្ប៉ាញ ភាគពាយព្យ

ភ្លៀងធ្លាក់ខ្លាំង បានវាយប្រហារ នៅប្រទេសអេស្ប៉ាញនៅថ្ងៃចន្ទនេះ មានរយៈពេល២សប្តាហ៍ចាប់តាំងពីទឹកជំនន់ដ៏មហន្តរាយ បានវាយបោកបក់នៅផ្នែកភាគកណ្តាលរបស់ប្រទេសនេះ។វីដេអូថតក្នុងហេតុការណ៍ បានដាក់នៅក្នុងបណ្តាញផ្សព្វផ្សាយសង្គមបង្ហាញឲ្យឃើញដើមឈើដួលទោទន់ក្រុមកម្លាំងខ្យល់ខ្លាំង ខណៈផ្លេកបន្ទោលកើតមាននៅជុំវិញដងផ្លូវជន់លិចដែលអាចមើលឃើញ។ វីដេអូមួយផ្សេងទៀត បានបង្ហាញ ទឹកកំពុងហូរចេញពីឧបករណ៍លាងចាននៅផ្ទះបាយចូលទៅក្នុងបន្ទប់។ កាលពីថ្ងៃអាទិត្យ និងថ្ងៃចន្ទ ទី៣ និងទី៤ ខែកញ្ញា មនុស្សយ៉ាងហោចណាស់៥នាក់បានស្លាប់ បន្ទាប់ពីភ្លៀងធ្លាក់វាយបោកបក់នៅតំបន់ធំៗជាច្រើនរបស់ប្រទេសអេស្ប៉ាញ។

ជនជាតិថៃ០៤នាក់ ជាប់ពាក់ព័ន្ធនឹងឃាតកម្មសម្លាប់មួយគ្រួសារ ត្រូវឃាត់បានក្នុងទឹកដីកម្ពុជា

ភ្នំពេញ៖ ជនសង្ស័យជាជនជាតិថៃចំនួន០៤នាក់ ដែលមានជាប់ពាក់ព័ន្ធនឹងអំពើឆបោកតាមប្រព័ន្ធ អនឡាយ រហូតក្លាយជាដើមចម ដែលបង្កឱ្យមានជាអំពើឃាតកម្មសម្លាប់មួយគ្រួសារ នៅក្នុងទឹកដីប្រទេសថៃ ត្រូវបានកម្លាំងសមត្ថកិច្ចរបស់កម្ពុជា សហការជាមួយនគរបាលភូមិន្ទថៃ បើកប្រតិបត្តិការស្រាវជ្រាវ នឹងឈានដល់ឃាត់ខ្លួនបាន នៅក្នុងក្រុងប៉ោយប៉ែត ខេត្តបន្ទាយមានជ័យ កាលពីថ្ងៃទី០៩ ខែកញ្ញា ឆ្នាំ២០២៣ ។ប្រតិបត្តិការនេះ ធ្វើឡើងក្រោមបទបញ្ជាដ៏ម៉ឺងម៉ាត់របស់ឯកឧត្តមនាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ និងមានការចង្អុលដឹកនាំដោយផ្ទាល់ពី ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ ទទួលដឹកនាំនាយកដ្ឋានកណ្តាលសន្តិសុខ អនុញ្ញាតឱ្យកម្លាំងនគរបាលនាយកដ្ឋានប្រឆាំងបទល្មើសបច្ចេកវិទ្យា សហការជាមួយ នាយកដ្ឋានប្រឆាំងបទល្មើសល្បែងពាណិជ្ជកម្ម និងនគរបាល នៃស្នងការដ្ឋាននគរបាលខេត្តបន្ទាយមានជ័យ និងដោយមានការចូលរួមពីនគរបាលភូមិន្ទប្រទេសថៃផងដែរ ។ ក្នុងប្រតិបត្តិការស្រាវជ្រាវក្នុងរយៈពេល១សប្តាហ៍ ពោលគិតចាប់ពីថ្ងៃទី០៤ ខែកញ្ញា ឆ្នាំ២០២៣ កម្លាំងនគរបាល នៃប្រទេសទាំងពីរ បានស្វែងរកឃើញ និងធ្វើការបង្ក្រាបបានជនសង្ស័យ០៤នាក់ ក្នុងចំណោមបក្សពួកមួយចំនួនផ្សេងទៀត ដែលជាប់ពាក់ព័ន្ធនឹងអំពើឃាតកម្មសម្លាប់មួយគ្រួសារ ដែលកំពុងសំងំលាក់ខ្លួនក្នុងខេត្តបន្ទាយមានជ័យ ។ក្រោយការចាប់ឃាត់ខ្លួនបាន ជនសង្ស័យទាំង០៤នាក់ ត្រូវបានបំពេញសំណុំបែបបទប្រគល់ជូនសមត្ថកិច្ចភូមិន្ទថៃ ដើម្បីយកទៅបន្តនីតិវិធីច្បាប់ ក្នុងប្រទេសរបស់ខ្លួនវិញ ។គួររំលឹកថា កាលពីយប់ថ្ងៃទី២៨ ខែសីហា ឆ្នាំ២០២៣ មានអំពើឃាតកម្មដ៏សាហាវមួយបានកើតឡើងនៅក្នុងខេត្តសាមុតប្រកាន ប្រទេសថៃ ដោយបុរសជាប្តី និងជាឪពុក ឈ្មោះសានីត ដកម៉ៃ វ័យ៤១ឆ្នាំ បានសម្លាប់ស្ត្រីជាប្រពន្ធ និងកូនរបស់ខ្លួនចំនួន០២នាក់ទៀត បណ្តាលឱ្យស្លាប់ ហើយរូបគេព្យាយាមសម្លាប់ខ្លួនឯងតាមក្រោយ តែមិនសម្រេច បណ្តាលឱ្យរងរបួសធ្ងន់ ។ផ្អែកតាមប្រភពព័ត៌មានពីសមត្ថកិច្ចប្រទេសថៃ បានឱ្យដឹងថា ដំបូងឡើយបុរសជាឃាតករ បានធានាឈ្មោះជួយខ្ជីលុយឱ្យមិត្តភក្តិរបស់ខ្លួនប្រមាណ ១១៤០០ដុល្លារ ប៉ុន្តែក្រោយមកមិត្តភក្តិរបស់ខ្លួនបានរត់គេចខ្លួនបាត់ ធ្វើឱ្យរូបគេជាអ្នករ៉ាប់រងបំណុល ដែលបានធ្វើឱ្យរូបគេពិបាកចិត្តជាខ្លាំង ។ ដោយស្ត្រីជាប្រពន្ធបានដឹងរឿងរ៉ាវ និងឃើញប្តីពិបាកចិត្តផងនោះ ក៏បានទៅរកសេវាកម្ចីអនឡាយ ហើយក៏ត្រូវបានចាញ់បោកក្រុមកម្ចី រហូតឈានដល់ជំពាក់បំណុលខាងក្រុមកម្ចីអនឡាញប្រមាណ ៤៨០០០ ដុល្លារបន្ថែមទៀត។ ដោយសារកត្តាចាញ់បោកខាងកម្ចីអនឡាយ រហូតកើតសាច់ប្រាក់ជំពាក់គេកាន់តែច្រើនរហូតវ័ន្តករនេះហើយ ទើបធ្វើឱ្យបុរសជាប្តីកើតមានសម្ពាធផ្លូវចិត្តខ្លាំង ក៏សម្រេចចិត្តសម្លាប់ផ្តាច់ជីវិតក្រុមគ្រួសារទាំងអស់តែម្តង៕ ដោយ ៖ ម៉ម លីហេង

សាកសព៤នាក់បន្ថែមទៀតត្រូវបានរកឃើញ បន្ទាប់ពីព្យុះបណ្តាលឲ្យអ្នកស្លាប់កើនដល់១៥នាក់

ក្រិក៖ ក្រុមអ្នកសង្គ្រោះរបស់ប្រទេសក្រិក បានរកឃើញសាកសពមនុស្ស៤នាក់បន្ថែមទៀត នៅប្រទេសក្រិកភាគកណ្តាលកាលពីថ្ងៃអាទិត្យ បណ្តាលឲ្យចំនួនអ្នកស្លាប់កើនឡើងដល់១៥នាក់ ដោយសារតែព្យុះភ្លៀងខ្លាំងបំផុតនៅប្រទេសនេះ ចាប់តាំងពីកំណត់ត្រា បានចាប់ផ្តើមក្នុងឆ្នាំ១៩៣០។ យោងតាមអាជ្ញាធរបានឲ្យដឹងថា មនុស្ស២នាក់ផ្សេងទៀតនៅបាត់ខ្លួននៅឡើយ។ ព្យុះ Daniel បានវាយបោកបក់មកលើប្រទេសក្រិករយៈពេល៣ថ្ងៃចាប់តាំងពីថ្ងៃអង្គារនៅចុងរដូវក្តៅដែលក្តៅបំផុតពុំធ្លាប់ត្រូវបានកត់ត្រា ខណៈ បន្សល់ទុកការអូសបន្លាយពេលកាលពីពេលថ្មីនៃការបំផ្លាញ បន្ទាប់ពីចំហេះព្រៃមានមនុស្សស្លាប់ច្រើន។ លំនៅឋាន និងស្ពាន បានបាក់រលំ សាលារៀន ផ្លូវថ្នល់ និងបង្គោលអគ្គិសនីត្រូវបានបំផ្លាញ សត្វពាហៈនៈលង់ទឹក ហើយដំណាំនៅទីវាលតំបន់ Thessaly ដីមានជីវជាតិ ត្រូវបានបំផ្លាញ។ ពលរដ្ឋដែលជាប់គាំងដោយទឹកជំនន់ ត្រូវបានដឹកជញ្ជូនតាមយន្តហោះ ឬផ្ទេរទៅក្នុងទូកសង្គ្រោះនៅទូទាំងតំបន់។អាជ្ញាធរនិយាយថា រហូតមកដល់ពេលនេះ មនុស្ស៤.២៥០ត្រូវបានជម្លៀស ខណៈកិច្ចប្រឹងប្រែងត្រូវបានផ្តោតទៅលើអ្នកភូមិ នៅជិតទីក្រុង Larissa និងនៅជិតទន្លេ Pineios ដែលផ្នែកជាច្រើនបានពេញហៀរបំផ្លាញភូមិជាច្រើនបន្ថែមទៀត។ នាយករដ្ឋមន្ត្រី លោក Kyriakos Mitsotakis បានចុះពិនិត្យ មជ្ឈមណ្ឌលប្រតិបត្តិការធំ ក្នុងតំបន់ Thessaly កាលពីល្ងាចថ្ងៃអាទិត្យ និងបានប្រកាសថា វិធានាការផ្តល់ជំនួយសង្គ្រោះបន្ទាន់ផ្នែកហិរញ្ញវត្ថុចម្រុះ នឹងត្រូវបានផ្តល់ឲ្យដល់អ្នកទាំងឡាយណា ដែលទទួលរងដោយដោយព្យុះ។ លោក Mitsotakis នឹងជួបជាមួយប្រធានគណៈកម្មាធិការអឺរ៉ុប លោកស្រី Ursula von der Leyen ក្នុងទីក្រុង Strasbourg ប្រទេសបារាំងនៅថ្ងៃអង្គារ។ លោកបាននិយាយថា លោក មានបំណងធានាបានថា ប្រទេសក្រិកអាចទទួលបានមូលនិធិបន្ថែមទៀតដើម្បីដោះស្រាយផលប៉ះពាល់ដោយសារព្យុះ ដែលទំហំនៃផលប៉ះពាល់លោកបាននិយាយថា ហួសពីការព្យាករណ៍៕

ការប៉ះទង្គិចគ្នា បានផ្ទុះឡើងនៅក្នុងការដើរក្បួនរំលឹកដល់ជនរងគ្រោះដោយរដ្ឋប្រហារនៅឈីលី

ឈីលី៖កាលពីថ្ងៃអាទិត្យ ការប៉ះទង្គិចគ្នា រវាងក្រុមអ្នកតវ៉ានិងនគរបាល បានផ្ទុះឡើង នៅក្នុងការដើរក្បួនរំលឹកខួបទី៥០ នៃរដ្ឋប្រហារនៅប្រទេសឈីលី។ ក្នុងការប្រឈមមុខដាក់គ្នាដ៏តានតឹងនៅទីបញ្ចុះសពមួយកន្លែង ដោយក្រុមអ្នកតវ៉ារាប់សិបនាក់ដែលភាគច្រើនស្លៀកពាក់ក្នុងសំលៀកបំពាក់ពណ៌ខ្មៅ ដោយមុខរបស់ពួកគេត្រូវបានបិទបាំង បានចូលរួមក្នុងការប្រឈមមុខដាក់គ្នាជាមួយកងកម្លាំងនគរបាលដោយមានគប់ដុំថ្ម និងគ្រាប់បែកភ្លើង។ ជាការឆ្លើយតប នគរបាល បានដាក់ពង្រាយការណុងបាញ់ទឹក និងនគរបាលបង្ក្រាបកុបកម្មដើម្បីបំបែកក្រុមអ្នកតវ៉ា។ ទន្ទឹមនឹងនេះ សមាជិកក្រុមគ្រួសារនៃអ្នកដែលត្រូវបានឃុំខ្លួន បានបាត់ខ្លួនឬត្រូវបានប្រហាជីវិត អំឡុងអំណាចផ្តាច់ការ បានទៅកាន់ទីបញ្ចុះសព ជាកន្លែងដែលព្រឹត្តិការណ៍ ត្រូវបានស្នើសុំឲ្យបញ្ចប់។ខណៈជាមេបញ្ជាការយោធាម្នាក់ លោក Pinochet បានដឹកនាំការផ្តួលរំលំប្រដាប់អាវុធប្រធានាធិបតីសង្គមនិយមដែលជាប់ឆ្នោតតាមបែបលទ្ធិប្រជាធិបរតេយ្យ លោក Salvador Allende នៅថ្ងៃទី១១ ខែកញ្ញា ឆ្នាំ១៩៧៣ ដែលអំឡុងពេលនោះមនុស្សជាង៣.០០០នាក់ត្រួវបានសម្លាប់ និង២៨.០០០ នាក់ត្រូវបានធ្វើទារុណកម្មក្នុងអំពើហិង្សានយោបាយ អំឡុងរបបផ្តាច់ការយោធាឆ្នាំ១៩៧៣ដល់ឆ្នាំ១៩៩០ របស់លោក Pinochet៕

ជំនួបកំពូលក្រុមប្រទេសG20 បិទបញ្ចប់ដោយឥណ្ឌា ប្រេស៊ីលនិងរុស្ស៊ីពោលសរសើរពីជោគជ័យ

ឥណ្ឌា៖ លោកនាយករដ្ឋមន្ត្រីឥណ្ឌាណារិន្ទ្រមូឌី (Narendra Modi)បានបិទបញ្ចប់ជំនួបកំពូល G20 កាលពីថ្ងៃអាទិត្យទី១០ខែកញ្ញា ដែលបានសម្រាលការបែកបាក់គ្នាយ៉ាងខ្លាំងជុំវិញសង្រ្គាមអ៊ុយក្រែន និងបម្រែបម្រួលអាកាសធាតុ ប៉ុន្តែបានផ្ដល់ឱកាសដល់រូបលោកក្នុងការដោះស្រាយបញ្ហាការទូត។ក្រុមប្រទេស G20 ត្រូវបានខ្វែងគំនិតគ្នាជុំវិញសង្រ្គាមអ៊ុយក្រែន ចាប់តាំងពីការវាយលុករបស់ទីក្រុងមូស្គូកាលពីឆ្នាំមុន ដោយប្រធានាធិបតីរុស្ស៊ី លោក Vladimir Putin ពុំបានចូលរួមកិច្ចប្រជុំកំពូលនេះឡើយជាការគេចពីបញ្ហានយោបាយ។ បណ្ដាមេដឹកនាំនៃក្រុមប្រទេសទាំង ២០ ដែលនាំឲ្យរុស្ស៊ី និងចិនជួបគ្នា ក៏ដូចជាក្រុមអ្នកគាំទ្រដ៏ធំបំផុតរបស់អ៊ុយក្រែន នាពេលថ្មីៗនេះ បានជួបការលំបាកក្នុងការឯកភាពលើបញ្ហាជាច្រើន ជាពិសេសអំពីការលុកលុយរយៈពេល ១៨ ខែមកនេះ ។ដោយប្រឈមនឹងភាពអាម៉ាស់ផ្នែកការទូត ម្ចាស់ផ្ទះឥណ្ឌាបានជំរុញសមាជិកទាំងអស់យល់ព្រមលើសេចក្តីថ្លែងការណ៍រួមមួយកាលពីថ្ងៃសៅរ៍ដែលបានរិះគន់ការប្រើប្រាស់កម្លាំងដណ្ដើមយកទឹកដី ប៉ុន្តែបានគេចចេញពីការរិះគន់ចំៗទៅលើរុស្ស៊ី។ ក្រុង Kyiv បាននិយាយថា ក្រុមប្រទេស G20 គ្មានអ្វីគួរឲ្យមានមោទនភាពឡើយ ប៉ុន្តែរដ្ឋមន្ត្រីការបរទេសរុស្ស៊ីលោកហ្សឺហ្គេ ឡារ៉ូហ្វ (Sergei Lavrov) ដែលឈរពាំងលោក Putin ក្នុងកិច្ចប្រជុំកាលពីថ្ងៃអាទិត្យ បានអះអាងទទួលជ័យជម្នះខាងការទូត។ អ្នកការទូតជើងចាស់រូបនេះ បាននិយាយថា យើងអាចទប់ស្កាត់ការប៉ុនប៉ងរបស់បស្ចិមប្រទេសដើម្បីការពារអ៊ុយក្រែនដែលជា របៀបវារៈនៃកិច្ចប្រជុំកំពូលនេះ ដោយហៅការជួបជុំគ្នារយៈពេលពីរថ្ងៃមកនេះថា ជាជោគជ័យ។ កាលពីថ្ងៃអាទិត្យ លោក Modi បានបិទបញ្ចប់ជំនួបនេះដោយប្រគល់ការរៀបចំឲ្យទៅប្រធានាធិបតីប្រេស៊ីល លោក លូស អ៊ីណាស៊ីយ៉ូ លូឡា ដាស៊ីលវ៉ា(Luiz Inacio Lula da Silva) ដែលប្រទេសរបស់លោកនឹងធ្វើជម្ចាស់ផ្ទះជំនួប G20 នៅខែធ្នូ ឆ្នាំក្រោយ។លោកលើកឡើងថា យើងមិនអាចបណ្ដោយឲ្យជម្លោះភូមិសាស្ត្រនយោបាយក្លាយជារបៀបវារៈនៃកិច្ចពិភាក្សាក្នុងជំនួប G20 នោះទេ៕

អ៊ីរ៉ង់ និងអាមេរិក ជិតឈានដល់ការដោះដូរអ្នកទោស ក្រោមកិច្ចព្រមព្រៀងសម្របសម្រួលដោយប្រទេសកាតា

កាតា៖ នៅពេលដែលមូលនិធិអ៊ីរ៉ង់ចំនួន ៦ពាន់លានដុល្លារ ត្រូវបានភ្ជាប់ទៅធនាគារមួយចំនួននៅក្នុងប្រទេសកាតា នៅដើមសប្តាហ៍ក្រោយ វានឹងធ្វើឲ្យមានដំណើរការតាមលំដាប់លំដោយយ៉ាងប្រុងប្រយ័ត្ន ដែលនឹងឃើញជនជាតិអាមេរិកចំនួន៥នាក់ ដែលត្រូវបានឃុំឃាំង ចាកចេញពីប្រទេសអ៊ីរ៉ង់ និងអ្នកទោសអ៊ីរ៉ង់ចំនួនដូចគ្នា ដែលត្រូវបានឃុំខ្លួននៅសហរដ្ឋអាមេរិក ហោះទៅត្រឡប់ទៅប្រទេសមកវិញ នេះបើយោងតាមប្រភពជនជាតិអ៊ីរ៉ង់៨រូប និងប្រភពផ្សេងទៀតដែលដឹងច្បាស់អំពីការចរចា ដែលបាននិយាយជាមួយសារព័ត៌មានរ៉យទ័រ។ជាជំហានដំបូង ប្រទេសអ៊ីរ៉ង់កាលពីថ្ងៃទី១០ ខែសីហា បានដោះលែងពលរដ្ឋអាមេរិក៤នាក់ពីពន្ធនាគារ Evin នៃទីក្រុងតេអេរ៉ង់ ឲ្យទៅឃុំខ្លួននៅក្នុងផ្ទះ ជាកន្លែងដែលពួកគេចូលរួមជាមួយអ្នកទី៥នាក់ ដែលស្ថិតនៅក្រោមការឃុំខ្លួននៅក្នុងផ្ទះ។ ក្រោយមក នៅថ្ងៃនោះ រដ្ឋមន្ត្រីក្រសួងការបរទេសសហរដ្ឋអាមេរិក លោក អង់តូនី ប៊្លីនខិន (Antony Blinken) បានហៅចំណាត់ការនេះថា ជាជំហានដំបូងនៃដំណើរការដែលនឹងនាំទៅដល់ការវិលត្រឡប់របស់ពួកគេទៅកាន់ប្រទេសកំណើតវិញ។រដ្ឋបាលសហរដ្ឋអាមេរិក បាននិយាយថា ពួកគេរួមមានពាណិជ្ជករជាច្រើនរូប ដូចជាលោក Siamak Namazi មានវ័យ ៥១ ឆ្នាំ និងលោក Emad Sharqi មានវ័យ៥៩ ឆ្នាំ ក៏ដូចជាអ្នកបរិស្ថាន លោក Morad Tahbaz មានវ័យ៦៧ឆ្នាំ ដែលមានសញ្ជាតិអង់គ្លេសផងដែរ។ គ្រួសាររបស់លោក Tahbaz និង លោក Shargi ពុំបានឆ្លើយតបនឹងសំណើសុំការអត្ថាធិប្បាយទេ។ មេធាវីរបស់គ្រួសារលោក Namazi បានបដិសេធមិនធ្វើការអត្ថាធិប្បាយទេ៕

មនុស្ស៤នាក់ បានស្លាប់ក្នុងការបំផ្ទុះនៅកន្លែងជីកយកថ្មក្នុងប្រទេសហ្គាណា

ហ្គាណា៖ មន្ត្រីក្នុងតំបន់បាននិយាយកាលពីថ្ងៃអាទិត្យ (១០ កញ្ញា) ថា មនុស្សយ៉ាងហោចណាស់៤នាក់ ត្រូវបានស្លាប់ ក្នុងនោះមានជនជាតិចិនម្នាក់ ក្នុងការផ្ទុះមួយកាលពីល្ងាចថ្ងៃសៅរ៍ (៩ កញ្ញា) នៅកន្លែងជីកយកថ្មក្រានីត នៅភាគខាងលិចប្រទេសហ្គាណា ដែលជាកម្មសិទ្ធិរបស់ក្រុមហ៊ុនចិន Omni Quarries។មន្ត្រីគ្រប់គ្រងគ្រោះមហន្តរាយក្នុងតំបន់ លោក Michael Nyah បាននិយាយថា គេមិនច្បាស់ភ្លាមៗទេថា តើមូលហេតុអ្វីដែលបណ្តាលឱ្យមានការផ្ទុះ ដែលបានបំផ្លាញអគារនៅជិតការដ្ឋានយកថ្មនៅក្នុងស្រុក Shama និងបានបន្សល់ទុកនូវគំនរបាក់បែកនៅពាសពេញផ្ទៃដីកសិកម្មនេះ។ លោក Nyah បានប្រាប់សារព័ត៌មាន រ៉យទ័រ ថា មនុស្ស៤នាក់ទៀតនៅតែបាត់ខ្លួន ខណៈមនុស្ស២នាក់ស្ថិតក្នុងស្ថានភាពធ្ងន់ធ្ងរ ហើយកំពុងព្យាបាលនៅមន្ទីរពេទ្យក្នុងតំបន់៕

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877