BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

រថយន្តដឹកឈើលើសទម្ងន់បណ្ដាលឲ្យបាក់កង់ផ្នែកខាងមុខ រ៉េចង្កូតបុកសួនច្បារក្រឡាប់ផ្ងារជើង

ភ្នំពេញ៖ រថយន្តធុនធំដឹកឈើ (អុសដុត) ផ្ទុកលើសទម្ងន់ បណ្ដាលឲ្យបាក់ដែកជន្ទាសរថយន្តកង់ផ្នែកខាងមុខ រ៉េចង្កូតទៅបុកសួនច្បារពុះចែកទ្រូងផ្លូវក្រឡាប់ផ្ងារជើងចាក់ឈើពេញផ្លូវ តែសំណាងល្អមិនបណ្ដាលឲ្យមានមនុស្សរងរបួសធ្ងន់ធ្ងរឡើយ។ហេតុការណ៍គ្រោះថ្នាក់ចរាណ៍នេះ បានកើតឡើងនៅវេលាម៉ោង០៨ព្រឹកថ្ងៃទី០៧ ខែមករា ឆ្នាំ២០២២ តាមបណ្ដោយផ្លូវជាតិលេខ៦A ចំណុចទល់មុខហាងនំប៉័ង ក្បែររង្វង់មូលតាព្រហ្ម សង្កាត់ជ្រោយចង្វា ខណ្ឌជ្រោយចង្វារ។តាមប្រភពព័ត៌មាន បានឲ្យដឹងថា នៅមុនពេលកើតហេតុឃើញមានរថយន្តធុនធំមួយគ្រឿង ពណ៌ទឹកប៊ិច ពាក់ស្លាកលេខព្រះសីហនុ 3A-1309 ដឹកឈើដុំកង់ៗ ពេញរថយន្តតាមបណ្ដោយផ្លូវជាតិលេខ៦A ក្នុងទិសដៅពីព្រែកលាភមកភ្នំពេញ ខណៈមកដល់ចំណុចកើតហេតុរថយន្ត បានបាក់ដែកជន្ទាសរថយន្តកង់ខាងមុខ រ៉េចង្កូតបុកឡើងសួនច្បារពុះចែកទ្រូងផ្លូវបណ្ដាលឲ្យរថយន្តក្រឡាប់ផ្ងារជើងធ្លាក់ឈើរាយពេញផ្លូវ តែសំណាងល្អក្នុងហេតុការណ៍នេះមិនបណ្ដាលឲ្យមានមនុស្សរងរបួសធ្ងន់ធ្ងរឡើយ។ក្រោយពេលកើតហេតុ កម្លាំងនគរបាលប្រចាំនៅគោលដៅរង្វងមូលជ្រោយចង្វារក៏ដូចជាអាជ្ញាធរមូលដ្ឋានបានចុះដល់ទីតាំងកើតហេតុ ដើម្បីការសម្រួលចរាចរណ៍និងរើឈើចេញរថយន្តរួច ស្ទួចរថយន្តទៅរក្សារទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញរងចាំដោះស្រាយតាមផ្លូវច្បាប់៕អត្ថបទ៖ កុម្ភៈ

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន១៨នាក់ ជាប្រភេទអូមីក្រុងទាំងអស់

ភ្នំពេញ៖ នៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ១៨នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ។ក្រសួងបានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,៥៥៣នាក់នៅទូទាំងប្រទេស។ប៉ុន្តែក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៩៨២នាក់ហើយ ត្រូវបានព្យាបាលជាសះស្បើយឡើងវិញ៕

តុលាការសម្រេចឃុំខ្លួនបណ្ដោះអាសន្នមេខ្លោង ២នាក់ទៀត ដែលដឹកនាំការតវ៉ានៅមុខក្រុមហ៊ុនណាហ្គា

ភ្នំពេញ៖ ចៅក្រមស៊ើបសួរសាលាដំបូងរាជធានីភ្នំពេញបានសម្រេចឃុំខ្លួនមេខ្លោង ២នាក់ទៀត ដែលដឹកនាំការតវ៉ានៅខាងមុខក្រុមហ៊ុនណាហ្គាវើលដ៍ និងបក្ខពួកម្នាក់ត្រូវបានដាក់ឱ្យស្ថិតនៅក្រោមការត្រួតពិនិត្យ។បន្ទាប់ពីដំណើរការនីតិវិធីរបស់ចៅក្រមស៊ើបសួរ ពេញមួយថ្ងៃ នាព្រលប់ថ្ងៃទី៥ ខែមករា ឆ្នាំ២០២២នេះ ចៅក្រមស៊ើបសួរ សាលាដំបូងរាជធានីភ្នំពេញ លោក អ៊ឹម វណ្ណៈ បានសម្រេចចេញដីកាបង្គាប់ឱ្យឃុំខ្លួនមេខ្លោង២នាក់ជាបណ្ដោះអាសន្ន និងបក្ខពួកម្នាក់ត្រូវបានដាក់ឱ្យស្ថិតនៅក្រោមការត្រួតពិនិត្យ ដែលបានដឹកនាំការតវ៉ានៅខាងមុខក្រុមហ៊ុនណាហ្គាវើលដ៍។ក្នុងដីកាបង្គាប់ឱ្យឃុំខ្លួនរបស់លោក អ៊ឹម វណ្ណៈ ចៅក្រមស៊ើបសួរ គឺបានបង្គាប់ឱ្យកម្លាំងសមត្ថកិច្ចនាំខ្លួនជនត្រូវចោទឈ្មោះ ឈឹម ស៊ីថរ ភេទស្រី អាយុ៣៤ឆ្នាំ ទៅកាន់មណ្ឌលអប់រំកែប្រែទី២ និងជនត្រូវចោទឈ្មោះ សុខ ណារិទ្ធ ត្រូវនាំខ្លួនទៅកាន់មណ្ឌលអប់រំកែប្រែទី១ ចំពោះឈ្មោះ សុខ គង្គា ត្រូវបានដាក់ឱ្យស្ថិតនៅក្រោមការត្រួតពិនិត្យតាមផ្លូវតុលាការ។ មានន័យថា ឈ្មោះ ឈឹម ស៊ីថរ និងឈ្មោះ សុខ ណារិទ្ធ ត្រូវបានតុលាការឃុំខ្លួនជាបណ្ដោះអាសន្ន។សូមបញ្ជាក់ថា ក្នុងសំណុំរឿងនេះមានជនត្រូវចោទចំនួន៩នាក់ គិតមកដល់ពេលនេះជនត្រូវចោទទាំង៩នាក់ ត្រូវបានឃាត់ខ្លួនបានទាំងអស់ហើយ និងត្រូវបានតុលាការឃុំខ្លួនបណ្ដោះអាសន្នចំនួន៨នាក់ អ្នកដែលត្រូវបានឃុំខ្លួន៦នាក់នោះ រួមមានដូចជា៖ ១. រី សុវណ្ណឌី ២.សុន ស្រីពេជ ៣. ហៃ សុភាព ៤. ឃ្លាំង សុបិន្ត ៥.ទូច សិរីមាស និងទី៦. ឈឹម សុខន ទី៧. ឈឹម ស៊ីថរ និងទី៨ សុខ ណារិទ្ធ។គួររំលឹកដែរថា កាលពីព្រឹកថ្ងៃទី០៤ ខែមករា ឆ្នាំ២០២២ តំណាងអយ្យការអមសាលាដំបូងរាជធានីភ្នំពេញ និងនគរបាលរាជធានីភ្នំពេញ បានធ្វើសន្និសីទសារព័ត៌មានបង្ហាញភស្តុតាងមួយចំនួន ដែលបញ្ជាក់ថា ការរៀបចំប្រមូលផ្តុំធ្វើការតវ៉ានៅខាងមុខក្រុមហ៊ុនណាហ្គាវើលដ៍ គឺមានការផ្តល់ថវិការាប់ម៉ឺនដុល្លារពីអង្គការចាត់តាំងនៅក្រៅប្រទេស។ការតវ៉ារបស់ក្រុមបាតុករកន្លងមក រដ្ឋបាលរាជធានីភ្នំពេញ និងក្រសួងការងារ និងបណ្ដុះបណ្ដាលវិជ្ជាជីវៈ បានធ្វើការសម្របសម្រួល និងអំពាវនាវឱ្យផ្អាកសកម្មភាពតវ៉ា ដើម្បីអបអរសាទរដល់ការឆ្លងឆ្នាំសកល២០២២ ប៉ុន្តែ ក្រុមបាតុករមិនបានបញ្ឈប់សកម្មភាពតាមការអំពាវនាវនោះឡើយ ទើបឈានដល់មានការអនុវត្តច្បាប់ និងស្រាវជ្រាវរកឫសគល់នៃបញ្ហាតវ៉ានេះផងដែរ៕ អត្ថបទ៖ ប្រាក់ វ៉ាន់ដា

គណៈកម្មាធិការប្រយុទ្ធប្រឆាំងផលិតផលក្លែងក្លាយ របស់ក្រសួងមហាផ្ទៃចុះត្រួតពិនិត្យមជ្ឈមណ្ឌលកែសម្ផស្សផ្ការំដួល

ភ្នំពេញ ៖ គណៈកម្មាធិការប្រយុទ្ធប្រឆាំង ផលិតផលក្លែងក្លាយ របស់ក្រសួងមហាផ្ទៃ បានចុះធ្វើការឆែកឆេរ ននិងត្រួតពិនិត្យនៅមជ្ឈមណ្ឌលកែសម្ផស្សមួយកន្លែងដែលមានឈ្មោះថា ផ្ការំដួល ។ ប្រតិបត្តិការនេះធ្វើឡើងនៅវេលាម៉ោង០៥ល្ងាចថ្ងៃទី០៥ ខែធ្នូ ឆ្នាំ ២០២២ ដែលមានទីតាំងជាប់នឹងផ្លូវលេខR8 ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។ សមត្ថកិច្ចកំពុងធ្វើការសាកសួរនិងត្រួតពិនិត្យ តែមិនទាន់ដឹងថាជាករណីអ្វីអោយពិត្យប្រាកដនោះទេ ព្រោះគ្មានការបញ្ជាក់ពីសម្ថកិច្ច ។ អត្ថបទ ៖ កុម្ភះ

សមត្ថកិច្ចចុះបង្ក្រាបគ្រឿងញៀន ភ្លាត់ស្នៀតជនសង្ស័យដណ្តើមបានកាំភ្លើងបាញ់រះ៥គ្រាប់ ត្រូវពលរដ្ឋរបួសធ្ងន់២នាក់

ភ្នំពេញ ៖ មនុស្ស២នាក់រងរបួសធ្ងន់ ក្នុងហេតុការណ៍ផ្ទះអាវុធ ក្នុងនោះស្ត្រីចំណាស់ម្នាក់រងរបួសត្រូវស្មាស្តាំ និងនារីម្នាក់ទៀតរងរបួសត្រូវដើមដៃស្តាំ បន្ទាប់ពីមានកម្លាំងសមត្ថកិច្ចមួយក្រុមចុះទៅបង្ក្រាបគ្រឿងញៀន ត្រូវបានជនសង្ស័យដណ្តើមបានកាំភ្លើង បាញ់រះ៥គ្រាប់ផ្ទួនៗ ផ្អើលរត់ជាន់ជើងគ្នា ទាំងសមត្ថកិច្ច ទាំងពលរដ្ឋ កាលពីវេលាម៉ោង៩និង៥០នាទីព្រឹក ថ្ងៃទី០៤ ខែមករា ឆ្នាំ២០២២ នៅតាមផ្លូវលំ តំបន់សម្បុកគ្រឿងញៀន គោកបញ្ជាន់ ភូមិថ្មគោល៣១ សង្កាត់ចោមចៅ២ ខណ្ឌពោធិសែនជ័យ ។ប្រជាពលរដ្ឋរងគ្រោះ ដោយត្រូវគ្រាប់កាំភ្លើង ទាំង២នាក់ ទី១ ឈ្មោះ ទេព សាវឿន ភេទស្រី អាយុ៦៧ឆ្នាំ រស់នៅកន្លែងកើតហេតុ របួសត្រូវស្មាស្តាំ ។ ទី២ ឈ្មោះ វ៉ា ចាន់សេរីរ័ត្ន ភេទស្រី អាយុ១៨ឆ្នាំ មុខរបរសិស្ស រស់នៅកន្លែងកើតហេតុ ។តាមប្រជាពលរដ្ឋ បានឲ្យដឹងថា តំបន់គោកបញ្ជាន់ នាពេលបច្ចុប្បន្ន ក្នុងខណ្ឌពោធិសែនជ័យ ជាប់ចំណាត់ថ្នាក់ល្បីខាង ជួញដូរ ជក់ លក់ គ្រឿងញៀន មិនចាញ់ បឹងឈូក មុខមន្ទីរពេទ្យលោកសង្ឃកន្លងមកចាប់លែងៗ ចាប់មិនចេះអស់ ហើយមុនកើតហេតុ ខណៈដែលកម្លាំងសមត្ថកិច្ច បង្ក្រាបគ្រឿងញៀន អគ្គស្នងការនគរបាលជាតិ មួយក្រុម៥ទៅ៦នាក់ ចុះទៅបង្ក្រាបគ្រឿងញៀននៅចំណុចខាងលើ ភ្លាត់ស្នៀតត្រូវបានជនសង្ស័យគ្រឿងញៀនម្នាក់ឈ្មោះ ជីវ៉ា ភេទប្រុស អាយុ៣៥ឆ្នាំ វាយតដៃដណ្តើមកាំភ្លើងពីដៃសមត្ថកិច្ច បាញ់សំដៅលើសមត្ថកិច្ច១គ្រាប់ ត្រូវដៃរបួសម្នាក់ផ្អើលឆោឡោ ជនសង្ស័យរត់ សមត្ថកិច្ចដេញតាមចាប់ ត្រូវបានជនសង្ស័យបាញ់រះ៤គ្រាប់ ទៀត បណ្តាលឲ្យត្រូវចំទ្វារដែកធ្លាយ របួសស្ត្រីម្នាក់កំពុងនៅក្នុងផ្ទះ និងត្រូវចំនារីម្នាក់កំពុងអង្គុយនៅមុខផ្ទះ រីឯជនសង្ស័យត្រូវបានសមត្ថកិច្ចចាប់ខ្លួន ដណ្តើមយកកាំភ្លើងបានវិញ ។ពលរដ្ឋ បន្តទៀតថា ក្រោយពីចាប់ខ្លួនជនសង្ស័យ ដណ្តើមយកកាំភ្លើងបានវិញ សមត្ថកិច្ចនាំឡើងរថយន្ត នាំគ្នាបើកយកចេញទៅអស់ បន្សល់ទុកតែប្រជាពលរដ្ឋរងរបួស២នាក់ ត្រូវបានក្រុមគ្រួសារដឹកយកទៅពេទ្យរៀងខ្លួន ស្ត្រីចំណាស់ ដឹកតាមម៉ូតូកង់បីយកទៅសង្គ្រោះនៅមន្ទីរពេទ្យកាល់ម៉ែត្រ ចំណែកនារីរងគ្រោះត្រូវបានដឹកតាមម៉ូតូកង់បីយកទៅមន្ទីរពេទ្យបង្អែកពោធិចិនតុង ។ហេតុការណ៍ផ្ទុះអាវុធ ផ្តើមចេញពីកម្លាំងសមត្ថកិច្ចចុះទៅបង្ក្រាបគ្រឿងញៀន ត្រូវបានជនសង្ស័យតដៃដណ្តើមបានកាំភ្លើងបាញ់រះខាងលើ សមត្ថកិច្ចមូលដ្ឋានបានចុះទៅសាកសួរ ដល់ទីតាំងកើតហេតុ រួចបន្តទៅតាមសាកសួរជនរងគ្រោះនៅមន្ទីរពេទ្យ រីឯកម្លាំងមួយក្រុម ដែលពលរដ្ឋអះអាងថា នគរបាលប្រឆាំងគ្រឿងញៀន អគ្គស្នងការនគរបាលជាតិ ក្រោយពីឃាត់បានជនសង្ស័យនាំគ្នាចាកចេញទៅបាត់អស់ ៕អត្ថបទ៖ កុម្ភះ

សាលាដំបូងរាជធានីភ្នំពេញ សម្រេចបើកការស៊ើបសួរលើអតីតបុគ្គលិកណាហ្គាវើលដ៍ ០៩នាក់ និងបក្ខពួកមួយចំនួនទៀត

ភ្នំពេញ៖ សាលាដំបូងរាជធានីភ្នំពេញ បានសម្រេចបើកការស៊ើបសួរទៅលើមេដឹកនាំសហជីព ៩រូប និងបក្ខពួកមួយចំនួនទៀត ដែលជាអតីតបុគ្គលិករបស់ក្រុមហ៊ុនកាស៊ីណូណាហ្គាវើលដ៍ ក្រោមការចោទពីបទ«ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។សេចក្ដីសម្រេចរបស់សាលាដំបូងរាជធានីភ្នំពេញ ត្រូវបានប្រកាសឱ្យដឹងតាមរយៈសេចក្ដីប្រកាសព័ត៌មានរបស់អ្នកនាំពាក្យនៃអយ្យការអមសាលាដំបូងរាជធានីភ្នំពេញនៅថ្ងៃនេះ។ក្នុងសេចក្ដីប្រកាសព័ត៌មាននោះ សាលាដំបូងរាជធានីភ្នំពេញ បានបញ្ជាក់ថា តុលាការសម្រេចបើកការស៊ើបសួរទៅលើឈ្មោះ ឈឹម ស៊ីថរ មេដឹកនាំសហជីពប្រចាំក្រុមហ៊ុនណាហ្គាវើលដ៍ និងអតីតបុគ្គលិក ៨រូបទៀត ក្នុងនោះមានបុរស ២នាក់ផងដែរ។ក្រៅពីបុគ្គលទាំង ៩រូបនេះ សាលាដំបូងរាជធានីភ្នំពេញ ក៏បញ្ជាក់ថា បើកការស៊ើបសួរលើបុគ្គលមួយចំនួនទៀត ដែលតុលាការចាត់ទុកជា«បក្ខពួក»ផងដែរ។សាលាដំបូងរាជធានីភ្នំពេញ បញ្ជាក់បន្ថែមថា បុគ្គលទាំង ៩នាក់ និងបក្ខពួកមួយចំនួន ត្រូវបានដាក់ឱ្យស្ថិតក្រោមការស៊ើបសួរនៅក្រោមការចោទពីបទ«ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»ទៅតាមមាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ។ក្រុមអតីតបុគ្គលិកក្រុមហ៊ុនកាស៊ីណូណាហ្គាវើលដ៍ជាច្រើនរយនាក់ បានចេញតវ៉ានៅមុខអគារក្រុមហ៊ុននេះចាប់តាំងពីពាក់កណ្ដាលខែធ្នូកន្លងមកនេះជុំវិញវិវាទការងារ៕

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៦នាក់ ក្នុងនោះប្រភេទអូមីក្រុង៤នាក់

ភ្នំពេញ៖ នៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ៦នាក់ទៀត ត្រូវបានឆ្លងមេរោគកូវីដ-១៩ ក្នុងនោះប្រភេទអូមីក្រុង៤នាក់ ។ក្រសួងបានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១២នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,៤៩៣នាក់នៅទូទាំងប្រទេស។ប៉ុន្តែក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៩១៧នាក់ហើយ ត្រូវបានព្យាបាលជាសះស្បើយឡើងវិញ៕

រថយន្តដឹកដីធុនធំបុករថយន្តដឹកដីដូចគ្នាពីក្រោយបណ្ដោយឲ្យរថយន្តរងការខូចខាត

ភ្នំពេញ៖ រថយន្តដឹកដីធុនធំបុករថយន្តដឹកដីដូចគ្នាពីក្រោយ បណ្ដោយឲ្យរថយន្តរងការខូចខាតទាំងសងខាង ប៉ុន្តែសំណាងល្អមិនបណ្ដាលឲ្យមានមនុស្សរងរបួសឡើយ។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង០៩ព្រឹក ថ្ងៃទី៣១ ខែធ្នូ ឆ្នាំ២០២១ ស្ថិតតាមបណ្ដោយមហាវិថីឈ្នះឈ្នះ មូលដ្ឋានសង្កាត់គោករការ ខណ្ឌព្រែកព្នៅ រាជធានីភ្នំពេញ។តាមប្រភពព័ត៌មាន បានឲ្យដឹងថា នៅមុនពេលកើតហេតុមានរថយន្តដឹកដីធុនធំជាច្រើនគ្រឿងដឹកដី ខណៈកំពុងបើកបរតាមបណ្ដោយមហាវិថីឈ្នះឈ្នះ ក្នុងទិសដៅពីលិចទៅកើតស្រាប់តែមានរថយន្តដឹកដីខាងមុខបានបត់ រថយន្តដឹកដីបន្ទាប់បានអក់ហ្សឺបន្តិចដែរនោះ រថយន្តដឹកដីធុនធំមកពីក្រោយបានជ្រុលល្បឿនបុករថយន្តដឹកដីពីក្រោយយ៉ាងពេញទំហឹង បណ្ដាលឲ្យរថយន្តខូចខាតផ្នែកខាងមុខស្ទើទាំងស្រុង និងរថយន្តមួយគ្រឿងទៀតខូចខាតផ្នែកខាងក្រោយ តែសំណាងល្អមិនបណ្ដាលឲ្យមានមនុស្សរងរបួសឡើយ។ក្រោយពេលកើតហេតុកម្លាំងសមត្ថកិច្ចបានចុះដល់ទីតាំងកើតហេតុរួចធ្វើការវាស់វែងយករថយន្តចេញកន្លែងកើតហេតុដើម្បីបញ្ចៀសចរាចរណ៍ជៀសវាងបង្កការកក់ស្ទះ និងរងចាំតំណាងក្រុមហ៊ុនទាំង២មកចចារគ្នានៅពេលក្រោយ៕អត្ថបទ៖ កុម្ភះ

Update៖នគរបាលជំនាញបញ្ជូនខ្លួនក្រុមជនសង្ស័យចំនួន៩នាក់ទៅតុលាការ ពាក់ព័ន្ធបទល្មើសគ្រឿងញៀនជាង៣៥០គីឡូក្រាម

ភ្នំពេញ ៖ តំណាងអយ្យការអមសាលាដំបូងរាជធានីភ្នំពេញ នារសៀលថ្ងៃទី២៩ ខែធ្នូ ឆ្នាំ២០២១ បានបើកការស៊ើបសួរលើសុំណុំរឿង ក្រុមជនសង្ស័យចំនួន៩នាក់ ពាក់ព័ន្ធបទល្មើស ជួញដូរគ្រឿងញៀនឆ្លងដែន បន្ទាប់ពីកម្លាំងសមត្ថកិច្ចធ្វើការចាប់ខ្លួន និងរឹបអូសគ្រឿងញៀនជាង ៣៥០ គីឡូក្រាម នៅរាជធានីភ្នំពេញ រួចបញ្ជូនទៅអយ្យការអមសាលាដំបូងរាជធានីភ្នំពេញ។ប្រតិបត្តិការនេះ ដោយអនុវត្តតាមបញ្ជា ឯកឧត្តម នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន ។សូមរំលឹកថាកាលពីវេលាម៉ោង០៥ និង ៥៥នាទីល្ងាច ថ្ងៃទី២៤ ខែធ្នូ ឆ្នាំ២០២១ សមត្ថកិច្ចជំនាញនៃមន្ទីរប្រឆាំ គ្រឿង ញៀន(ក១) ដឹកនាំដោយលោក ឧត្តមសេនីយ៍ទោ អ៊ិន សុង នាយករងមន្ទីរគ្រឿងញៀន លោក វរ:សេនីយ៍ឯក ម៉ាក់ សេរីវឌ្ឍនា នាយករងមន្ទីរគ្រឿងញៀន លោក វរ:សេនីយ៍ទោ ហុង សុវណ្ណារិទ្ធ នាយការិយាល័យ(ក១) ចូលរួមសហការពីកម្លាំងជំនាញនៃនាយកដ្ឋានស៊ើបការណ៍ខាងក្រៅ និងបច្ចេកទេស សមត្ថកិច្ចគយ កំពង់ផែព្រះសីហនុ និងកម្លាំងជំនាញស្នងការដ្ឋាននគរបាលរាជធានីភ្នំពេញ សម្របសម្រួលដោយ លោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានដំណើរការស្រាវជ្រាវបង្ក្រាប។ ករណីនេះផ្ដើមចេញពីកិច្ចសហប្រតិបត្តិការជាមួយសមត្ថកិច្ចចិន រួមជាមួយសមត្ថកិច្ចកម្ពុជា ទទួលបានព័ត៌មានជំនាញហើយ បានបើកការស៊ើបអង្កេតអស់រយៈពេលជាង៤ខែ ទើបឈានទៅបង្ក្រាបព្រមគ្នានេះ សមត្ថកិច្ចចិនក៏បានបង្ក្រាបក្រុមឧក្រឹដ្ឋជនពាក់ព័ន្ធ នៅឯប្រទេសចិនផងដែរ។ជាមួយគ្នានោះដែរក្នុងកិច្ចប្រតិបត្តិការ កម្លាំងសមត្ថកិច្ច ធ្វើឡើងនៅ២គោលដៅ ផ្សេងគ្នា (នៅចំណុចវីឡាភ្លោះលេខ២១ ផ្លូវលេខ R03 ស្តាផ្លាទីនឹម បុរីប៉េងហូតបឹងស្នោ សង្កាត់និរោធ ខណ្ឌច្បារអំពៅ និងនៅចំណុច ភោជនីយដ្ឋានអីយិនម៉ាថូវ សង្កាត់បឹងព្រលឹត ខណ្ឌ៧មករា រាជធានីភ្នំពេញ ឃាត់ខ្លួនជនសង្ស័យចំនួន៩នាក់ ដកហូតគ្រឿងញៀនប្រភេទ មេតំហ្វេតាមីន(ICE)សរុបរួមទម្ងន់ ៣៤៧ គីឡូក្រាម (លាក់ក្នុងបំពង់ដែក ៣៦៧ដើម និង៦១កញ្ចប់ធំ) ជញ្ជីងថ្លឹងគ្រឿងញៀន ២គ្រឿង និងសម្ភារៈវេចខ្ចប់មួយចំនួន ។រួមទាំងទ្រព្យសម្បត្តិ ដូចជា រថយន្ត ១គ្រឿង ម៉ាក TOYOTA ALPHARD ពាក់ស្លាក់លេខ ភ្នំពេញ 2BE-2973 , ម៉ូតូមួយគ្រឿងម៉ាក HONDA PCX ពណ៌ខ្មៅ ស្លាកលេខ ភ្នំពេញ 1FE-5946 , ទូរស័ព្ទដៃ ចំនួន ១០គ្រឿង , ប្រាក់ចំនួន ៣០០ ដុល្លារអាមេរិក។ សូមបញ្ជាក់ថា ក្រុមឧក្រឹដ្ឋជន បានរៀបចំបញ្ជូនគ្រឿងញៀនក្នុងបំពង់ដែកមកកាន់កម្ពុជា បំរុងបញ្ជូនតាមផ្លូវសមុទ្រទៅប្រទេសទី៣" ។បច្ចុប្បន្ន ក្រុមជនសង្ស័យកំពុងស្ថិតក្នុងដំណាក់កាលតំណាងអយ្យការបើកការស៊ើបសួរនៅឡើយ៕ អត្ថបទ៖ កុម្ភះ

ឆេះផ្ទះឈើមួយខ្នងនៅខណ្ឌដង្កោខូចខាតទាំងស្រុង

ភ្នំពេញ៖ ផ្ទះឈើលើថ្មក្រោមមួយខ្នងនៅចំណុចផ្លូវបេតុង ភូមិស្ពានថ្ម សង្កាត់ស្ពានថ្ម ខណ្ឌដង្កោ រាជធានីភ្នំពេញ ត្រូវបានអណ្តាតភ្លើងឆាបឆេះខូចខាតទាំងស្រុង កាលពីវេលាម៉ោង ១១ និង២០នាទីថ្ងៃទី២៧ ខែធ្នូ ឆ្នាំ២០២១ ។ហេតុការណ៍នេះ បង្កអោយមានការភ្ញាក់ផ្អើលដល់សមត្ថកិច្ចខណ្ឌដង្កោ ដឹកនាំដោយលោកស្រី គឹម ញឹប អភិបាលខណ្ឌដង្កោ សមត្ថកិច្ចមូលដ្ឋានសហការជាមួយជំនាញពន្លត់អគ្គីភ័យនៃស្នងការដ្ឋាននគរបាលរាជធានីភ្នំពេញ ចុះទៅដល់កន្លែងកើតហេតុផងដែរ ។ដោយសារស្ថានភាពផ្លូវរាងវែងឆ្ងាយបន្តិចហើយថែមទាំងមានខ្យល់បក់ទៀតនោះ ទើបធ្វើអោយអណ្តាតភ្លើងឆាបឆេះកាន់តែលឿន បណ្តាលឲ្យផ្ទះនោះឆាបឆេះអស់ទាំងស្រុង ដោយមិនអាចជួយអន្តរាមន៍ទាន់ពេលវេលាបានឡើយ ។ជុំវិញករណីនេះ សមត្ថកិច្ចជំនាញកំពុងស្រាវជ្រាវរកមូលហេតុ នៃការឆេះអោយបានពិតប្រាកដ ៕ អត្ថបទ៖ តារាវុទ្ធី

បណ្ដាញសង្គម

ព័ត៌មានថ្មីៗ

រដ្ឋបាលខេត្តសៀមរាប ត្រៀមសម្របសម្រួលកន្លែងស្នាក់នៅ និងផ្គត់ផ្គង់អាហារជូនបងប្អូនភៀសខ្លួនពីខេត្តឧត្តរមានជ័យ និងខេត្តព្រះវិហារ

TOP STORY | សម្ដេចតេជោ៖ថាក់ សុីន ប្រើប្រាស់សង្រ្គាមដើម្បីសងសឹក ហ៊ុន សែន ដែលលទ្ធផលចុងក្រោយគឺប្រជាជនជាអ្នករងគ្រោះ

ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី

ទេសរដ្ឋមន្រ្តី គន់ គីម ចុះសួរសុខទុក្ខ និងរៀបចំបញ្ជូនអំណោយជូនជនភៀសសឹកក្នុងខេត្តឧត្តរមានជ័យ

កុមារខ្វះអាហារូបត្ថម្ភទទួលការព្យាបាលនៅមន្ទីរពេទ្យហ្កាហ្សា ខណៈវិបត្តិអត់ឃ្លានកាន់តែអាក្រក់ខ្លាំង

ហ៊្សកដានី បញ្ជូនជំនួយចូលទៅកាន់តំបន់ហ្កាហ្សា ស្របពេលដែលភាពអត់ឃ្លានកាន់តែអាក្រក់ខ្លាំង

រថយន្តក្រុងធ្វើដំណើរទៅកាន់ទីក្រុង Sweida ប្រទេសស៊ីរី ដើម្បីជម្លៀសជនស៊ីវិល

ថៃបាននឹងកំពុងប្រព្រឹត្តឧក្រិដ្ឋកម្មធ្ងន់ធ្ងរប្រឆាំងនឹងបេតិកភណ្ឌពិភពលោក និងរំលោភបំពានច្បាប់អន្តរជាតិ

សម្តេចកិត្តិសង្គហបណ្ឌិត ម៉ែន សំអន អញ្ជើញគោរពបូជា និងបួងសួងឱ្យបារមីលោកឧកញ៉ា ឃ្លាំង មឿង តាមជួយបីបាច់ថែរក្សាប្រជាពលរដ្ឋទូទាំងប្រទេស ឱ្យទទួលបានសេចក្តីសុខ សេចក្តីចម្រើន ពិសេសក្នុងបេសកកម្មការពារបូរណភាពទឹហកដីពីសត្រូវឈ្លានពាន

កម្ពុជាគាំទ្រគំនិតផ្តួចផ្តើមរៀបចំចុះ MoU ជាមួយបង់ក្លាដែស លើកិច្ចសហប្រតិបត្តិការវិស័យការងារនិងបណ្តុះបណ្តាលវិជ្ជាជីវៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

រថយន្តដឹកឈើលើសទម្ងន់បណ្ដាលឲ្យបាក់កង់ផ្នែកខាងមុខ រ៉េចង្កូតបុកសួនច្បារក្រឡាប់ផ្ងារជើង

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន១៨នាក់ ជាប្រភេទអូមីក្រុងទាំងអស់

តុលាការសម្រេចឃុំខ្លួនបណ្ដោះអាសន្នមេខ្លោង ២នាក់ទៀត ដែលដឹកនាំការតវ៉ានៅមុខក្រុមហ៊ុនណាហ្គា

សាលាដំបូងរាជធានីភ្នំពេញ សម្រេចបើកការស៊ើបសួរលើអតីតបុគ្គលិកណាហ្គាវើលដ៍ ០៩នាក់ និងបក្ខពួកមួយចំនួនទៀត

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៦នាក់ ក្នុងនោះប្រភេទអូមីក្រុង៤នាក់

រថយន្តដឹកដីធុនធំបុករថយន្តដឹកដីដូចគ្នាពីក្រោយបណ្ដោយឲ្យរថយន្តរងការខូចខាត

Update៖នគរបាលជំនាញបញ្ជូនខ្លួនក្រុមជនសង្ស័យចំនួន៩នាក់ទៅតុលាការ ពាក់ព័ន្ធបទល្មើសគ្រឿងញៀនជាង៣៥០គីឡូក្រាម

ឆេះផ្ទះឈើមួយខ្នងនៅខណ្ឌដង្កោខូចខាតទាំងស្រុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

រថយន្តដឹកឈើលើស​ទម្ងន់​បណ្ដាលឲ្យបាក់កង់ផ្នែកខាងមុខ ​រ៉េចង្កូតបុកសួនច្បារក្រឡាប់ផ្ងារជើង

កម្ពុជា​បន្ដ​រក​ឃើញ​ករណី​ឆ្លង​ជំងឺ​កូវីដ-១៩​ ចំនួន​១៨នាក់ ជាប្រភេទអូមីក្រុងទាំងអស់

កម្ពុជា​បន្ដ​រក​ឃើញ​ករណី​ឆ្លង​ជំងឺ​កូវីដ-១៩​ ចំនួន​៦នាក់ ក្នុងនោះប្រភេទអូមីក្រុង៤នាក់

រថយន្តដឹកដីធុនធំបុករថយន្តដឹកដីដូចគ្នាពីក្រោយបណ្ដោយឲ្យរថយន្តរងការខូចខាត

Update៖នគរបាលជំនាញបញ្ជូនខ្លួនក្រុមជនសង្ស័យចំនួន៩នាក់ទៅតុលាការ ពាក់ព័ន្ធបទល្មើសគ្រឿងញៀនជាង៣៥០គីឡូក្រាម

ឆេះផ្ទះឈើមួយខ្នងនៅខណ្ឌដង្កោខូចខាតទាំងស្រុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រថយន្តដឹកឈើលើសទម្ងន់បណ្ដាលឲ្យបាក់កង់ផ្នែកខាងមុខ រ៉េចង្កូតបុកសួនច្បារក្រឡាប់ផ្ងារជើង

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន១៨នាក់ ជាប្រភេទអូមីក្រុងទាំងអស់

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៦នាក់ ក្នុងនោះប្រភេទអូមីក្រុង៤នាក់