នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុង​ប្រតិបត្តិការ​បង្រ្កាបបទល្មើសតាមប្រព័ន្ធបច្ចេកវិទ្យា
ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប
ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ
ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

គ្រោះថ្នាក់​ចរាចរណ៍​បណ្ដា​ល​ឲ្យ​រថយន្ត​ ១​គ្រឿង​ក្រឡាប់​ផ្ងារ​ជើង បណ្ដាល​ឲ្យ​មនុស្ស​រងរបួស​

2021/11/18 10:11:13 am        480
Facebook Telegram Linkin
​ភ្នំពេញ​៖ រថយន្ត​ពីរ​គ្រឿង​បុក​គ្នា​យ៉ាង​ពេញទំហឹង​បណ្ដាល​ឲ្យ​រថយន្ត​ម៉ាក landcruise ក្រឡាប់​ផ្ងា​ជើង និង​មនុស្ស​ក្នុង​រថយន្ត​រងរបួស​បញ្ជូនទៅ​មន្ទីរពេទ្យ​ភ្លាមៗ​។ ហេតុការណ៍​គ្រោះថ្នាក់​ចរាចរណ៍​បាន​កើតឡើង​នៅវេលា​ម៉ោង​៩​និង​២០​នាទី​ព្រឹក​ថ្ងៃទី ១៩ ខែវិច្ឆិកា ឆ្នាំ​២០២១ នៅ​ចំណុច ផ្លូវ​លេខ​១១៣ កែង​ផ្លូវ​លេខ​៦១៦ ក្នុង​តំបន់​បឹងកក់មូលដ្ឋាន​សង្កាត់​ស្រះចក ខណ្ឌដូនពេញ​។​​តាម​ប្រភពព័ត៌មាន​បាន​ឲ្យ​ដឹងថា នៅ​មុនពេល​កើតហេតុ​គេ​ឃើញ​មាន​រថយន្ត ម៉ាក landcruise ពណ៌​សំបក​ឪឡឹក ពាក់​ស្លាក​លេខ​ភ្នំពេញ 2H -6579 ធ្វើដំណើរ​ក្នុង​ល្បឿន​លឿន មកពី​ស្តុ​ប​ស្រែ​លាភ ក្នុងទិសដៅ​ពី​លិច​មក​កើត ខណៈ​មក​ចំណុចកើតហេតុ​បាន​បួង​ចង្កួត​ប​ត់​ឆ្វេង​ភា្ល​ម​នោះ​ក៏​មាន​រថយន្ត​មួយគ្រឿង​ទៀត សេរី​ទំនើប ម៉ាក Discovery ពណ៌​ខ្មៅ ពាក់​ស្លាក​លេខ​ភ្នំពេញ 2BM-6633 ក្នុង​ល្បឿន​លឿន​ដូចគ្នា បាន​បុក បណ្ដាល​ឲ្យ​រថយន្ត​ម៉ាក landcruise ក្រឡាប់​ផ្ងា​ជើង​តែម្ដង និង​មនុស្ស​ក្នុង​រថយន្ត​រងរបួស​បញ្ជូនទៅ​ម​ន្ទូ​រ​ពេទ្យ​ភ្លាមៗ​។ ចំណែក​រថយន្ត​សេរី​ទំនើប​គ្រាន់តែ​ខូចខាត​ផ្នែក​ខាងមុខ​បន្តិច និង​បែក​ធុង​ទឹក​ប៉ុណ្ណោះ​។​​បច្ចុប្បន្ន​រថយន្ត រថយន្ត​សេរី​ទំនើប​បាន​បើកបរ​ចេញពី​កន្លែងកើតហេតុ ចំណែក​រថយន្ត​ម៉ាក់ landcruise​ត្រូវបាន​សមត្ថកិច្ច​មូល​ដ្ឋា​ន​ទាក់​ទៅ​ជំនាញ​ស្ទួ​ច​រថយន្ត​ទៅ​រក្សាទុក​នៅ​ការិយាល័យ​ចរាចរណ៍​ជើងគោក នៃ​ស្នងការដ្ឋាន​នគរបាល​រាជធានី​ភ្នំពេញ រងចាំ​ដោះស្រាយ​តាម​នីតិវិធី​៕អត្ថបទ​៖ កុ​ម្ភះ​

ឃាត់ខ្លួនជនសង្ស័យ១នាក់ ក្នុងករណីរំលោភសេពសន្ថវៈលើក្មេងស្រី​អនីតិជន

2021/11/17 10:12:07 am        582
Facebook Telegram Linkin
ភ្នំពេញ ៖ នគរបាលប៉ុស្តិ៍រដ្ឋបាលដង្កោ ចាប់ឃាត់ខ្លួនជនសង្ស័យ ១នាក់ ក្នុងករណីរំលោភសេពសន្ថវៈ លើក្មេងស្រីរងគ្រោះអាយុ០៦ឆ្នាំ ។ជនសង្ស័យឈ្មោះ លី សេងថិន ភេទប្រុស អាយុ៤៨ឆ្នាំ ជនជាតិខ្មែរ មុខរបរលក់ដូរ ទីលំនៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ (ជនសង្ស័យគ្មានសារធាតុញៀន) ។ក្មេងស្រីរងគ្រោះឈ្មោះ ..... អាយុ ០៦ឆ្នាំ ជនជាតិខ្មែរ ស្នាក់នៅផ្ទះជួល ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។សមត្ថកិច្ច បាន​ឲ្យដឹងថា កាលពីថ្ងៃទី១៦ ខែវិច្ឆិកា ឆ្នាំ២០២១ វេលាម៉ោង១៧ និង៣០នាទី ក្មេងស្រីរងគ្រោះបានដេកលេងទូរស័ព្ទដៃ នៅក្នុងបន្ទប់ជួលតែម្នាក់ឯង ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ចំណែកម្តាយទៅធ្វើការរោងចក្រ ។ ពេលក្មេងស្រីរងគ្រោះកំពុងតែដេកលេងទូរស័ព្ទ ស្រាប់តែជនសង្ស័យឈ្មោះ លី សេងថិន ដែលជាអ្នករាប់អានគ្នាជាមួយម្តាយក្មេងស្រីរងគ្រោះ ​បានដើរចូលទៅក្នុងបន្ទប់ជួល ដោយ​ឃើញ​ឱកាសល្អ ​ក៏ធ្វើសកម្មភាពរំលោភបានសម្រេច​ បណ្តាលឱ្យមានការឈឺចាប់យ៉ាងខ្លាំង រួចក្មេងស្រី​រងគ្រោះ​ស្រែកយំ ហើយជនសង្ស័យបានចាប់ខ្ទប់មាត់ក្មេងស្រីរងគ្រោះមិនឱ្យស្រែកយំ ។ ក្មេងស្រីរងគ្រោះមានការឈឺចាប់រហូតសន្លប់លេងដឹងខ្លួន ហើយជនសង្ស័យក៏បាន​ដើរគេចខ្លួន​ទៅ​ផ្ទះរបស់គេ (ជនសង្ស័យ) វិញ​ នៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ។ រហូតដល់វេលាម៉ោង១៨ និង០០នាទី ថ្ងៃខែឆ្នាំដដែល ម្តាយរបស់ក្មេងស្រីរងគ្រោះបានត្រឡប់​ពី​ធ្វើការមកដល់ផ្ទះ ឃើញកូនស្រីដេក ក៏ដាស់ឱ្យភ្ញាក់តែក្មេងស្រីរងគ្រោះមិនភ្ញាក់ រួចម្តាយ​ក្មេងស្រី​រងគ្រោះ ក៏បានទុកឱ្យក្មេងស្រីរងគ្រោះនៅដេកបន្ត។ លុះដល់វេលាម៉ោង០៦ និង៣០នាទី ថ្ងៃទី១៧ ខែវិច្ឆិកា ឆ្នាំ២០២១ ក្មេងស្រីរងគ្រោះភ្ញាក់ពីដេក ​ក៏បាននិយាយរឿងហេតុខាងលើ ប្រាប់ម្តាយ​ឱ្យ​បានដឹង ទើបរាយការណ៍ប្រាប់សមត្ថកិច្ច និងដាក់ពាក្យបណ្តឹងចំឈ្មោះជនសង្ស័យនៅប៉ុស្តិ៍​នគរបាល​រដ្ឋបាលដង្កោ ដើម្បីឱ្យសមត្ថកិច្ចជួយស្រាវជ្រាវឃាត់ខ្លួនជនសង្ស័យ យកមកធ្វើការសាក​សួរតាមនីតិវិធីច្បាប់ ។សមត្ថកិច្ច​ ប្រាប់បន្តថា ក្រោយពីទទួលបានពាក្យសមត្ថកិច្ចនគរបាលប៉ុស្តិ៍រដ្ឋបាលដង្កោ សហការ​ជាមួយនគរបាលព្រហ្មទណ្ឌខណ្ឌដង្កោ ​ធ្វើការស្រាវជ្រាវឃាត់ខ្លួនជនសង្ស័យបាននៅវេលាម៉ោង០៨ និង៣០នាទី ថ្ងៃខែឆ្នាំដដែល​ នៅចំណុចផ្ទះគ្មានលេខ ភូមិជើងឯក​ សង្កាត់ជើងឯក ខណ្ឌដង្កោ រាជធានីភ្នំពេញ ​យកមកធ្វើការសាកសួរនៅប៉ុស្តិ៍នគរបាលរដ្ឋបាលដង្កោតាមនីតិវីធីច្បាប់ ។ ក្រោយពីធ្វើការសាកសួរជនសង្ស័យបានឆ្លើយសារភាពប្រាប់សមត្ថកិច្ចថា រូបគេ (ជនសង្ស័យ) ពិតជាបានធ្វើសកម្មភាពរំលោភសេពសន្ថវៈលើក្មេងស្រីរងគ្រោះប្រាកដមែន ៕អត្ថបទ ៖ តារាវុទ្ធី

សមត្ថកិច្ចខេត្តស្ទឹងត្រែង ចាប់ខ្លួនអ្នកទោសពីរនាក់ចុងក្រោយដែលរត់ចេញពីគុក

2021/11/17 09:27:17 am        365
Facebook Telegram Linkin
ស្ទឹងត្រែង ៖ អ្នកទោសពីរនាក់ចុងក្រោយក្នុងចំណោម៧នាក់ ដែលបានរត់ចេញពីពន្ធនាគារខេត្តស្ទឹងត្រែង កាលពីដើមសប្ដាហ៍មុននោះ ត្រូវបានចាប់ខ្លួនមកវិញហើយនៅថ្ងៃនេះ ដូច្នេះមកដល់ថ្ងៃនេះ អ្នកទោសទាំង ៧នាក់ ដែលបានរត់ចេញពីគុកខេត្តស្ទឹងត្រែង ត្រូវបានចាប់ខ្លួនមកវិញអស់ហើយ។ក្រោយរត់ចេញពីពន្ធនាគារខេត្តស្ទឹងត្រែង អស់រយៈពេល១០ថ្ងៃ ពោលគឺចាប់ពីថ្ងៃទី០៨ ខែវិច្ឆិកា នេះ អ្នកទោស៧នាក់ មកដល់ថ្ងៃទី១៧ ខែវិច្ឆិកានេះ ត្រូវបានកម្លាំងសមត្ថកិច្ចចម្រុះចាប់ឃាត់​ខ្លួនមក វិញទាំងអស់ហើយ​ ដែលថ្ងៃនេះ គឺចាប់បានពីរនាក់ចុងក្រោយ នៅលើកោះហិប ក្នុងឃុំព្រះរំកិល ស្រុកបូរីអូរស្វាយសែនជ័យ។ នេះបើតាមការឱ្យដឹងពីលោកវរសេនីយ៍ទោ ជិប ហួរ នាយរងសេនាធិការប្រតិបត្តិការសឹករងស្ទឹងត្រែង។កម្លាំងសមត្ថកិច្ចចម្រុះ ចាប់តាំងពីថ្ងៃដែលអ្នកទោសរត់ចេញពីគុក គឺបានខិតខំប្រឹងប្រែងក្នុងការ តាមប្រមាញ់ចាប់យកអ្នកទោសទាំងនេះមកវិញ រហូតប្រតិបត្តិការបានសម្រេចនៅថ្ងៃនេះ។អ្នកទោសទាំងពីរនាក់ ដែលត្រូវបានចាប់ខ្លួនមកវិញនៅថ្ងៃនេះ ទី១ ឈ្មោះ សៀន ខន ឈ្មោះសៀន ខន ជនជាតិឡាវ បទល្មើសជួញដូរដោយខុសច្បាប់នូវសារធាតុញៀន មានកម្រិតទោស៣០ឆ្នាំ ទី២ ឈ្មោះ ឡាវ៉ាន់ កាវង់ផេង ជនជាតិឡាវ បទល្មើសជួញដូរដោយខុសច្បាប់នូវសារធាតុញៀន មានកម្រិតទោស២៨ឆ្នាំ ។ ចំណែកអ្នកទោសប្រាំនាក់ទៀត មានដូចជា ទី១ ឈ្មោះ ទូច វ៉ាត់ ជនជាតិខ្មែរបទល្មើស សមគំនិតក្នុងអំពើជួញដូរ និងប្រើប្រាស់ដោយខុសច្បាប់នូវសារធាតុញៀន មានកម្រិត្តទោស៣០ឆ្នាំ។ ទី២ ឈ្មោះ វ៉ាន់ ភូ ជនជាតិខ្មែរ បទល្មើសជួញដូរដោយខុសច្បាប់​នៅ​សារធាតុញៀន មានកម្រិតទោស២៨ឆ្នាំ។ ទី៣ ឈ្មោះ ភិត ងិន ជនជាតិឡាវ មានកម្រិតទោស​ប៉ុនប៉ង​ជួញដូរដោយខុសច្បាប់នូវសារធាតុញៀន មានកម្រិតទោស៤ឆ្នាំ។ ទី៤ ឈ្មោះ ចាក់លឺ ឆឺតាលី ជនជាតិឡាវ បទល្មើសជួញដូរដោយខុសច្បាប់នៅសារធាតុញៀន មានកម្រិតទោស​មួយជីវិត និង ទី៥ ឈ្មោះ ហន វិមាន ជនជាតិខ្មែរ បទល្មើសលួចមានស្ថានទម្ងន់ទោស ដោយ​សារការប្រើទារុណកម្មយ៉ាងឃោរឃៅ មានកម្រិតទោស២៧ឆ្នាំ។ក្រោយពីមានករណីអ្នកទោសហែកគុករត់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ បានបង្កើតឲ្យមានក្រុមការងាចុះអធិការកិច្ច អង្កេតស្រាវជ្រាវទៅលើករណីនេះ ហើយក្រុមការងារនេះ ​ក៏បាននឹងកំពុងធ្វើការលើរឿងនេះដែរ៕អត្ថបទ៖ មាស ផល្លា

សមត្ថកិច្ចអាកាសយានដ្ឋានអន្ដរជាតិភ្នំពេញ ចាប់ខ្លួនស្ត្រីជនជាតិថៃម្នាក់ ដកហូតគ្រឿងញៀនជិត ២គីឡូក្រាម

2021/11/17 06:37:56 am        175
Facebook Telegram Linkin
ភ្នំពេញ ៖ សមត្ថកិច្ចជំនាញនៃមន្ទីរប្រឆាំងគ្រឿងញៀន បានបង្ក្រាបករណីដឹកជញ្ជូនគ្រឿងញៀនឆ្លងដែនចូលកម្ពុជា ដោយចាប់ខ្លួនស្រ្ដីជនជាតិថៃម្នាក់ និងរឹបអូសគ្រឿងញៀនជិត ២គីឡូក្រាម នៅអាកាសយានដ្ឋានអន្តជាតិភ្នំពេញ។នគរបាល បានឲ្យដឹងថា កាលពីវេលាម៉ោង០១ និង៣០នាទី រំលងអាធ្រាត ថ្ងែទី១៥ខែវិច្ឆិកា ឆ្នាំ២០២១ កម្លាំងជំនាញការិយាល័យ ក១០ របស់មន្ទីរប្រឆាំងបទល្មើសគ្រឿងញៀន ដឹកនាំ​ដោយលោកឧត្តមសេនីយ៍ទោ សារី បុត្រសត្យា ​បានសហការជាមួយសមត្ថកិច្ចគយ និង រដ្ឋាករ​ប្រចាំ​នៅ​អាកាសយានដ្ឋានអន្តរជាតិភ្នំពេញ ​ត្រង់ច្រកអ្នកដំណើរមកដល់ និងដោយមាន​ការ​សម្របសម្រួល​ពីលោក មុត ដារ៉ា ព្រះរាជអាជ្ញារង ​នៃអយ្យកាអមសាលាដំបូងរាជធានីភ្នំពេញ បាន​បង្រ្កាបករណីដឹកជញ្ជូនគ្រឿងញៀន​ឆ្លងដែន ​ពីប្រទេសម៉ាលី​ ឆ្លងកាត់ប្រទេស អេត្យូពី និង​ប្រទេសកូរ៉េខាងត្បូង ​ចូលមកប្រទេសកម្ពុជា។ជា​លទ្ធផលក្នុងការបង្ក្រាបសមត្ថកិច្ច បានឃាត់ខ្លូនជនសង្ស័យម្នាក់ឈ្មោះ​ SINEE SAISUWAN ភេទស្រី អាយុ ៦២ឆ្នាំ ជនជាតិថៃ កាន់លិខិត ឆ្លងដែន លេខAB3676188 ដោយចាប់​យក​វត្ថុតាង​ជាសារធាតុញៀនប្រភេទកូកាអ៊ីនទម្ងន់សុទ្ធជិត ២គីឡូក្រាម ដែលជនសង្ស័យបង្កប់លាក់​នៅ​បាត​វ៉ាលី។ បច្ចុប្បន្នជនសង្ស័យព្រមទាំងវត្ថុតាង ត្រូវ​បាន​មន្ទីរប្រឆាំង​គ្រឿង​ញៀន​កសាងសំណុំរឿង​បញ្ជូន​ទៅ​សាលាដំបូងរាជធានីភ្នំពេញតាមនីតិវិធី ៕អត្ថបទ ៖ ប្រាក់ វ៉ាន់ដា 

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ទូទាំង​ប្រទេស​មក​នៅ​ត្រឹម៥១​នាក់​នៅ​ថ្ងៃ​នេះ

2021/11/17 12:01:10 pm        85
Facebook Telegram Linkin
ភ្នំពេញ៖ កម្ពុជា​បន្ត​កត់ត្រា​ការ​ធ្លាក់​ចុះ​នៃ​ករណី​ឆ្លង​កូវីដ-១៩​នៅ​ទូទាំង​ប្រទេស​នៅ​ថ្ងៃ​នេះ ដោយ​បាន​រក​ឃើញ​មនុស្ស​ត្រឹម​តែ ៥១​នាក់​បន្ថែម​ទៀត​ប៉ុណ្ណោះ បាន​ឆ្លង​មេរោគ​កូវីដ-១៩​កាល​ពី​ថ្ងៃ​ម្សិល​មិញ​នេះ។ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៥១​នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៥​នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុង​នោះ​មនុស្ស​រហូត​ដល់​ទៅ ៤​នាក់ មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៨៨១​នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប បាន​កើន​ឡើង​ដល់ ១១៩,៦៨៧​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩​សរុប​រហូត​ដល់ ១១៦,០៧២​នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ ឬ​ស្មើ​នឹង​ប្រហែល ៩៧​ភាគរយ​នៃ​ចំនួន​អ្នក​ឆ្លង​ជំងឺ​កូវីដ-១៩​សរុប​ទូទាំង​ប្រទេស៕

រថយន្ត​ហ៊ីយ៉ានដាយ​ ដឹក​ភេសជ្ជៈ​បើក​បរ​វ៉ាជែង​ខ្វះការប្រុងប្រយ័ត្ន​ គេច​ពី​រថយន្ត​មួយ​គ្រឿងទៀត​ឆ្លង​ផ្លូវ​ក្រឡាប់

2021/11/16 04:50:37 pm        802
Facebook Telegram Linkin
ភ្នំពេញ៖ រថយន្តហ៊ីយ៉ានដាយឃ្លុបដឹកភេសជ្ជៈមួយគ្រឿង បានបើកគេចពីរថយន្តមួយគ្រឿងទៀត មិនចាំម៉ាកកំពុងឆ្លងផ្លូវបណ្តាលឱ្យក្រឡាប់រងការខូចខាត កាលពីវេលាម៉ោង១០ និង១៥នាទី ព្រឹកថ្ងៃទី១៦ ខែវិច្ឆិកា ឆ្នាំ២០២១ ចំណុចខាងលិចផ្លូវចូលបុរីផ្លរ៉ាក្នុងភូមិក្តីចាស់ សង្កាត់បាត់ខែង ខណ្ឌជ្រោយចង្វារ រាជធានីភ្នំពេញ។តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញរថយន្ត​ហ៊ីយ៉ានដាយ​មួយគ្រឿងឃ្លុបដឹកភេសជ្ជៈ ពណ៌ស ពាក់ស្លាកលេខភ្នំពេញ2AA - 8209 បើក​តាម​បណ្តោយផ្លូវជាតិលេខ៦អា ក្នុងទិសដៅពីលិច​ទៅ​កើត​លុះដល់​ចំណុច​កើត​ហេតុ​ស្រាប់តែ​មាន​រថយន្តមួយគ្រឿង​មិនចាំម៉ាកបើក​ឆ្លងផ្លូវ​ក៏​អកហ្សើ​គេច​ទាំង​បង្ខំ​បណ្តាល​ឱ្យ​ក្រឡាប់​ផ្ងារ​កង់​រងការខូចខាត។ក្រោយពីកើតហេតុ​សមត្ថកិច្ច​មូលដ្ឋាន​បាន​មកដល់​ពិនិត្យ​មើល​កន្លែង​កើត​ហេតុ​ និង​សម្រួល​ចរាចរណ៍​កន្លែង​កើត​ហេតុ រីឯភាគី​ខាង​រថយន្ត​ទម្លាក់​ភេសជ្ជៈ​ចុះ​ និង​ហៅ​រថយន្ត​ស្ទូច​រថយន្ត នឹងជញ្ជូន​ភេសជ្ជៈ​ដាក់រថយន្តបន្តដំណើរ​ទៅមុខទៀត៕អត្ថបទ៖ កុម្ភះ

មន្ត្រីជំនាញ៖ អាជីវកម្មកាយអាចម៍ដី បាននឹងកំពុងបំផ្លាញជីវចម្រុះនៅបឹងទ្រា ក្នុងស្រុកកណ្ដាលស្ទឹង

2021/11/16 09:24:21 am        376
Facebook Telegram Linkin
កណ្ដាល ៖ មន្ត្រីជំនាញ បានឱ្យដឹងថា ការកាយអាចម៍ដីរបស់ក្រុមហ៊ុន អិល ប៊ី អិន ដែលគេស្គាល់ថា របស់លោកឧកញ៉ា លឹម ប៊ុនណា (ហៅខ្នា) ក្នុងបឹងទ្រា ក្នុងឃុំទ្រា ស្រុកកណ្ដាលស្ទឹង ខេត្តកណ្ដាល ដើម្បីធ្វើអាជីវកម្មបាននឹងកំពុងធ្វើឲ្យបាត់បង់នូវជីវៈចម្រុះជាច្រើនប្រភេទ នៅក្នុងបឹងមួយនេះ ។មន្ត្រីជំនាញ បានឱ្យដឹងថា ក្រុមហ៊ុន អិល ប៊ី អិន ទទួលបានអាជ្ញាប័ណ្ណពីក្រសួងរ៉ែ និងថាមពល ក្នុងការស្ដារបឹងទ្រាទំហំផ្ទៃដីប្រមាណជាង៩ហិកតា ដើម្បីស្តុកទឹកឲ្យបានច្រើន ដោយ​អនុវត្ត​រហូតដល់ឆ្នាំ២០២២។ក្នុងអាជ្ញាប័ណ្ណ ក្រុមហ៊ុនមួយនេះ មានសិទ្ធិតែស្ដារបឹងប៉ុណ្ណោះ មិនអាចលក់អាចម៍ដីបាននោះទេ ប៉ុន្តែបែរជាយកអាចម៍ដីទៅលក់នៅកន្លែងផ្សេងៗ ដោយមិនមានអាជ្ញាប័ណ្ណធ្វើអាជីវកម្មលក់ អាចម៍ដីថែមមួយទៀត ពីអាជ្ញាធរខេត្ត ឬពីក្រសួង ហើយការស្ដារបឹងនេះទៀតសោត គឺ​បាន​អនុវត្តខុសពីគោលការណ៍ខាងដើម ។ប្រភពដដែល បានបញ្ជាក់ថា តាមគោលការណ៍ គឺក្រុមហ៊ុនត្រូវស្ដារដីម្ខាងសិន រួចបង្ហូរទឹកពីម្ខាង ទៀតមកទីកន្លែងកាយហើយ ដើម្បីឲ្យមច្ឆជាតិនៅក្នុងបឹង អាចរស់រានបានគង់វង្ស ប៉ុន្តែ​ក្រុមហ៊ុន​មួយនេះ បានអនុវត្តផ្ទុយ គឺចាប់ផ្ដើមស្ដារកាយទាំងអស់ ដែល​ធ្វើឲ្យជីវៈចម្រុះនៅក្នុងបឹង ត្រូវរង​ការ​វិនាសអស់ រួមទាំងសត្វស្លាបជាច្រើនប្រភេទ ធ្លាប់អាស្រ័យរកចំណីក្នុងបឹងមួយនេះ​ ក៏លែងមាន ធ្វើឲ្យអាជ្ញាធរ​មានការខកចិត្ត ​និងមានប្រតិកម្មពីពលរដ្ឋនៅតំបន់នោះផងដែរ។ប្រភព បានបន្តទៀតថា ដោយឃើញក្រុមហ៊ុននេះ អនុវត្តខុសពីគោលការណ៍ដើមបែបនេះ រដ្ឋ បាលស្រុកកណ្ដាលស្ទឹង ​បានធ្វើសំណើទៅរដ្ឋបាលខេត្តកណ្ដាល​ ស្នើដល់ក្រសួងរ៉ែ​ និងថាមពល ចុះមកអធិការកិច្ចនៅទីតាំងស្ដារបឹងទ្រា ​ហើយបើមិនមានអ្វីប្រែប្រួលទេនោះ ​នៅថ្ងៃទី២២ ខែវិច្ឆិកា ឆ្នាំ២០២១​ ក្រុមការងាររបស់ក្រសួងរ៉ែ នឹងចុះទៅធ្វើអធិការកិច្ច ។យោងតាមប្រជាពលរដ្ឋ ដែលរងទុក្ខលំបាក ពីការធ្វើអាជីវកម្មដឹកអាចម៍ដីទៅលក់នេះ ​បានត្អូញត្អែរ ជា​រៀងរាល់ថ្ងៃ ឡានដឹកដីជាច្រើនគ្រឿង ​បាននឹងកំពុងបំផ្លាញផ្លូវបេតុងមួយខ្សែ ​និងផ្លូវវជាច្រើនខ្សែ ទៀត ​នៅក្នុងស្រុកកណ្ដាលស្ទឹង ​រួមទាំងបង្កការរំខានដល់ការរស់នៅរបស់ពួកគេ ​ដោយរថយន្តខ្លះ ដឹកដី ​គ្មានការគ្របឲ្យបានត្រឹមត្រូវ ធ្វើឲ្យដី និងខ្សាច់ ជ្រុះធ្លាក់រាយប៉ាយពេញផ្លូវ ធ្វើឱ្យហុយ បង្កការ​រំខានដល់ អ្នកដំណើរ​ រហូតដល់ពេលខ្លះ ​មានគ្រោះថ្នាក់ចរាចរណ៍ផងដែរ ។នៅក្នុងបឹងទ្រានេះ មិនត្រឹមតែក្រុមហ៊ុន អិល ប៊ី អិន របស់ឧកញ៉ាខ្នា នោះទេ ដែលកំពុងកាយ អាចម៍ដីលក់ គឺនៅមានរបស់ឈ្មោះ ម៉ម ម៉េង ក្រុមហ៊ុន ឃីង ឡាក់គី និងមានមួយទៀតរបស់ឈ្មោះ ម៉ាប់ ​កាយអាចម៍ដីដោយមិនមានសូម្បីតែអាជ្ញាប័ណ្ណស្ដារបឹងពីក្រសួង​ ហើយបច្ចុប្បន្ននេះ គណៈកម្មការចម្រុះ​ នៃរដ្ឋបាលខេត្តកណ្ដាល ​ដឹកនាំដោយលោក នុត ពុតដារ៉ា អភិបាលរងខេត្ត ជាប្រធានគណៈកម្មការ បានចុះទៅបិទមិនឲ្យកាយបន្តទៀតទេ៕អត្ថបទ៖ បាន សុខរិទ្ធ

កម្ពុជា​បន្ត​រក​ឃើញ​មនុស្ស​ ៤៨នាក់​​ឆ្លង​កូវីដ-១៩​ ខណៈ​​អ្នក​ជំងឺ​៤៥នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/11/16 12:07:32 pm        204
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​៤៨នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន ៤៥នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន ៣៧នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ១១នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស៤នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់ ២ ៨៧៦នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​ នាពេល​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប ១១៦ ០២៤នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ១១៩ ៦៣៦នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

ជនជាតិកាណាដាម្នាក់ប្រឈមជាប់ពន្ធនាគារពី៥ទៅ១០ឆ្នាំទាក់ទិនរក្សាទុក និងដឹកជញ្ជូនគ្រឿងញៀនជាង ១៦០គីឡូនៅកម្ពុជា

2021/11/16 10:27:43 am        2691
Facebook Telegram Linkin
ភ្នំពេញ ៖ លោក ប្លង់ សុផល ព្រះរាជអាជ្ញារង និង ជាអ្នកនាំពាក្យអមសាលាដំបូងរាជធានីភ្នំពេញ នៅព្រឹកថ្ងៃទី១៦ ខែវិច្ឆិកា ឆ្នាំ២០២១បានបញ្ជាក់ថា បន្ទាប់ពី តំណាងអយ្យការអមសាលាដំបូងរាជធានីភ្នំពេញ បានបើកការស៊ើបសួរលើសុំណុំរឿងរបស់ជនត្រូវចោទម្នាក់ ដែលត្រូវបានសមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន បង្ក្រាបករណីរក្សាទុក ដឹកជញ្ជូនគ្រឿងញៀនឆ្លងដែន និង ឃាត់ខ្លួនសញ្ជាតិកាណាដាម្នាក់ និងរឹបអូសគ្រឿងញៀនជាង ១៦៧ គីឡូក្រាម នៅរាជធានីភ្នំពេញ រួចបញ្ជូនទៅកាន់សាលាដំបូងរាជធានីភ្នំពេញ ពេលនេះអយ្យការបាន ចោទប្រកាន់ពីបទ «រក្សាទុក និងដឹកជញ្ជូន ដោយខុសច្បាប់នូវសារធាតុញៀន និងបទ កាន់កាប់ ប្រើប្រាស់អាវុធដោយគ្មានការអនុញ្ញាត តាមមាត្រា ៤០នៃច្បាប់ស្តីពីការត្រួតពិនិត្យគ្រឿងញៀន និងមាត្រា ៤៩០ នៃក្រមព្រហ្មទណ្ឌ»។សូមបញ្ជាក់ផងដែរ យោងតាមមាត្រា ៤០នៃច្បាប់ស្តីពីការត្រួតពិនិត្យគ្រឿងញៀន ត្រូវផ្តន្ទាទោសដាក់ពន្ធនាគារពី ៥ (ប្រាំ) ឆ្នាំ ទៅ ១០ (ដប់) ឆ្នាំ និងផ្តន្ទាទោសពិន័យជាប្រាក់ ពី ១០.០០០.០០០ (ដប់លាន) រៀល ទៅ ២០.០០០.០០០ (ម្ភៃលាន) រៀល។ និងមាត្រា ៤៩០ នៃក្រមព្រហ្មទណ្ឌ ត្រូវផ្តន្ទាទោសដាក់ពន្ធនាគារពី ៦ (ប្រាំមួយ) ខែ ទៅ ៣ (បី) ឆ្នាំ និង ពិន័យជាប្រាក់ ពី ១ ០០០ ០០០ (មួយលាន) រៀល ទៅ ៦ ០០០ ០០០ (ប្រាំមួយ លាន) រៀល ។សូមជម្រាបជូនថា ប្រតិបត្តិការណ៍ចុះបង្រ្កាបនេះធ្វើឡើង ដោយអនុវត្តតាមបញ្ជា ឯកឧត្តម នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ចាប់ពីថ្ងៃទី ២៧ ខែតុលា ដល់ថ្ងៃទី១០ ខែវិច្ឆិកា ឆ្នាំ២០២១ សមត្ថកិច្ចនៃមន្ទីប្រឆាំងបទល្មើសគ្រឿងញៀន(ក១)ដឹកនាំដោយលោក ឧត្តមសេនីយ៍ទោ អ៊ិន សុង នាយករងមន្ទីរ ចូលរួមសហការជាមួយកម្លាំងជំនាញស្នងការដ្ឋាននគរបាលរាជធានីភ្នំពេញ សម្របសម្រួលដោយលោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះស្រាវជ្រាវ និងឈានទៅបង្ក្រាបឧក្រិដ្ឋជនរក្សាទុក ដឹកជញ្ជូនគ្រឿងញៀនឆ្លងដែន នៅ ៣គោលដៅ ផ្សេងគ្នាជាបន្តបន្ទាប់ គោលដៅទី១-នៅចំណុចក្រុមហ៊ុនដឹកជញ្ជូន ស្ថិតនៅភូមិត្រពាំងស្វាយ សង្កាត់ឃ្មួញ ខណ្ឌសែនសុខ រាជធានីភ្នំពេញ គោលដៅទី ២-ចំណុចបន្ទប់លេខ ៤១២១ ខុនដូជិតកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ និង គោលដៅទី៣-នៅបន្ទប់ 13AD និង 13AE ខុនដូរ PROVENCE ផ្លូវលេខ៣០២ សង្កាត់បឹងកេងកង រាជធានីភ្នំពេញ។ក្នុងប្រតិបត្តិការណ៍នេះជាលទ្ធផលកម្លាំងសមត្ថកិច្ចបានឃាត់ខ្លួនជនសង្ស័យម្នាក់ ឈ្មោះ FU YONG QING ភេទប្រុស សញ្ជាតិកាណាដា អាយុ៥២ឆ្នាំ កាន់លិខិតឆ្លងដែនការណាដា លេខ: AC790143 រួមទាំងដកហូតវត្ថុតាងសរុបជាង១៦៧គីឡូក្រាម រួមមាន ប្រភេទអ៊ិចស្តាស៊ីគ្រាប់(MDMA) ពណ៌ផ្កាឈូក ប្រមាណជាង៨ម៉ឺនគ្រាប់ ស្មើទម្ងន់ ជិត៣០គីឡូក្រាម។ ប្រភេទអ៊ិចស្តាស៊ីគ្រាប់(MDMA) ពណ៌ប្រផេះ ប្រមាណជាង១៥ម៉ឺនគ្រាប់ ស្មើទម្ងន់ ជាង៦០គីឡូក្រាម។ ប្រភេទ អ៊ិចស្តាស៊ីម្សៅ(MDMA) កញ្ចប់រូបសេះ F3 ទម្ងន់ ជាង៥០គីឡូក្រាម។ ប្រភេទអ៊ិចស្តាស៊ីក្រាម(MDMA) ទម្ងន់ ជាង២៤គីឡូក្រាម។ ប្រភេទនីមេតាហ្សេប៉ាម(Nimetazepam) ជាង៩ពាន់គ្រាប់ ស្មើទម្ងន់ ជាង១៧គីឡូក្រាម។ ប្រភេទមេតំហ្វេតាមីន(ICE) ទម្ងន់ជិត១គីឡូក្រាម។ ប្រភេទ កេតាមីន (Ketamine) ជាង២គីឡូក្រាម។ និងដកហូតអាវុធខ្លី ១ដើម (គ្រាប់ ៦) ជញ្ជីង ១គ្រឿង រថយន្ត ១គ្រឿង និងមានសម្ភារ:មួយចំនួនទៀត។បច្ចុប្បន្ន ជនត្រូវចោទកំពុងស្ថិតក្នុងដំណាក់កាលចៅក្រមស៊ើបសួរ បន្តទៀត៕ អត្ថបទ៖ កុម្ភះ 

សង្ស័យម្នាក់ត្រូវបានបញ្ជូនខ្លួនទៅកាន់តុលាការ ពាក់ព័ន្ធ បទល្មើសដឹកជញ្ជូនគ្រឿងញៀនឆ្លងដែន ចំនួន១៦៧ គីឡូក្រាម ក្នុងភូមិសាស្ត្រ រាជធានីភ្នំពេញ

2021/11/15 04:42:12 pm        516
Facebook Telegram Linkin
ភ្នំពេញ ៖ សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន នៃអគ្គស្នងការនគរបាលជាតិ បានបញ្ជូនខ្លួនជនសង្ស័យម្នាក់ ពាក់ព័ន្ធករណី ដឹកជញ្ជូនគ្រឿងញៀនឆ្លងដែន រឹបអូសគ្រឿងញៀនចំនួនជាង ១៦៧ គីឡូក្រាម ទៅអយ្យការអមសាលាដំបូងរាជធានីភ្នំពេញនៅព្រឹកថ្ងៃទី១៥ ខែវិច្ឆិកា ឆ្នាំ២០២១ នេះ ដើម្បី បើកការស៊ើបសួរលើសុំណុំរឿងរបស់ជនត្រូវចោទម្នាក់ សញ្ជាតិកាណាដារូបនេះតាមនីតិវិធី។ប្រតិបត្តិការណ៍ចុះបង្រ្កាប់នេះធ្វើឡើង ដោយអនុវត្តតាមបញ្ជា ឯកឧត្តម នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ចាប់ពីថ្ងៃទី ២៧ ខែតុលា ដល់ថ្ងៃទី១០ ខែវិច្ឆិកា ឆ្នាំ២០២១ សមត្ថកិច្ចនៃមន្ទីប្រឆាំងបទល្មើសគ្រឿងញៀន(ក១)ដឹកនាំដោយលោក ឧត្តមសេនីយ៍ទោ អ៊ិន សុង នាយករងមន្ទីរ ចូលរួមសហការជាមួយកម្លាំងជំនាញស្នងការដ្ឋាននគរបាលរាជធានីភ្នំពេញ សម្របសម្រួលដោយលោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះស្រាវជ្រាវ និងឈានទៅបង្ក្រាបឧក្រិដ្ឋជនរក្សាទុក ដឹកជញ្ជូនគ្រឿងញៀនឆ្លងដែន នៅ ៣គោលដៅ ផ្សេងគ្នាជាបន្តបន្ទាប់ គោលដៅទី១-នៅចំណុចក្រុមហ៊ុនដឹកជញ្ជូន ស្ថិតនៅភូមិត្រពាំងស្វាយ សង្កាត់ឃ្មួញ ខណ្ឌសែនសុខ រាជធានីភ្នំពេញ គោលដៅទី ២-ចំណុចបន្ទប់លេខ ៤១២១ ខុនដូជិតកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ និង គោលដៅទី៣-នៅបន្ទប់ 13AD និង 13AE ខុនដូរ PROVENCE ផ្លូវលេខ៣០២ សង្កាត់បឹងកេងកង រាជធានីភ្នំពេញ។ក្នុងប្រតិបត្តិការណ៍នេះជាលទ្ធផលកម្លាំងសមត្ថកិច្ចបានឃាត់ខ្លួនជនសង្ស័យម្នាក់ ឈ្មោះ FU YONG QING ភេទប្រុស សញ្ជាតិកាណាដា អាយុ៥២ឆ្នាំ កាន់លិខិតឆ្លងដែនការណាដា លេខ: AC790143 រួមទាំងដកហូតវត្ថុតាងសរុបជាង១៦៧គីឡូក្រាម រួមមាន ប្រភេទអ៊ិចស្តាស៊ីគ្រាប់(MDMA) ពណ៌ផ្កាឈូក ប្រមាណជាង៨ម៉ឺនគ្រាប់ ស្មើទម្ងន់ ជិត៣០គីឡូក្រាម។ ប្រភេទអ៊ិចស្តាស៊ីគ្រាប់(MDMA) ពណ៌ប្រផេះ ប្រមាណជាង១៥ម៉ឺនគ្រាប់ ស្មើទម្ងន់ ជាង៦០គីឡូក្រាម។ ប្រភេទ អ៊ិចស្តាស៊ីម្សៅ(MDMA) កញ្ចប់រូបសេះ F3 ទម្ងន់ ជាង៥០គីឡូក្រាម។ ប្រភេទអ៊ិចស្តាស៊ីក្រាម(MDMA) ទម្ងន់ ជាង២៤គីឡូក្រាម។ ប្រភេទនីមេតាហ្សេប៉ាម(Nimetazepam) ជាង៩ពាន់គ្រាប់ ស្មើទម្ងន់ ជាង១៧គីឡូក្រាម។ ប្រភេទមេតំហ្វេតាមីន(ICE) ទម្ងន់ជិត១គីឡូក្រាម។ ប្រភេទ កេតាមីន (Ketamine) ជាង២គីឡូក្រាម។ និងដកហូតអាវុធខ្លី ១ដើម (គ្រាប់ ៦) ជញ្ជីង ១គ្រឿង រថយន្ត ១គ្រឿង និងមានសម្ភារ:មួយចំនួនទៀត។បច្ចុប្បន្ន ជនត្រូវចោទ កំពុងស្ថិតក្នុងដំណាក់កាលតំណាងអយ្យការបើកការស៊ើបសួរនៅឡើយ រងចាំការចោទប្រកាន់របស់អយ្យការ បញ្ជូនសុំរឿងទៅកាន់ចៅក្រមស៊ើបសួរបន្តទៀត៕អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

សម្តេចធិបតី៖បំណងនៃកិច្ចប្រជុំស្អែកជាមួយនាយករដ្ឋមន្រ្តីស្តីទីរបស់ថៃ គឺដើម្បីសម្រេចឲ្យមានបទឈប់បាញ់គ្នា
07/27/2025 11:07 PM
Facebook Telegram Linkin
សាលាបឋមសិក្សាស្ថាពរខេត្តព្រះវិហារ ទទួលអំណោយមួយចំនួនពីសប្បុរសជន
07/27/2025 10:07 PM
Facebook Telegram Linkin
ច្ចសន្ទនាតាមទូរស័ព្ទរបស់ ឯកឧត្តម Marco Rubio រដ្ឋមន្ត្រីក្រសួងការបរទេសអាមេរិក និងឯកឧត្តម ប្រាក់ សុខុន ឧបនាយករដ្ឋមន្ត្រី និង​រដ្ឋមន្ត្រី​ក្រសួងការបរទេស​កម្ពុជា
07/27/2025 10:07 PM
Facebook Telegram Linkin
គណៈប្រតិភូសភាកម្ពុជា ដឹកនាំដោយសម្តេចរដ្ឋសភាធិបតី ឃួន សុដារី អញ្ជើញដល់ទីក្រុងហ្សឺណែវ ប្រទេសស្វីស ដោសុវត្ថិភាព ក្នុងការចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦
07/27/2025 09:07 PM
Facebook Telegram Linkin
ឯកឧត្តម ឌិត ទីណា ស្វាគមន៍ពលករដែលបន្តចាកចេញពីប្រទេសថៃមកកម្ពុជាវិញ
07/27/2025 07:07 PM
Facebook Telegram Linkin
ក្រុមការងារមន្ទីរបរិស្ថានខេត្តព្រះវិហារ កំពុងរៀបចំអនាម័យបរិស្ថាន នៅតាមមណ្ឌលសុវត្ថិភាពជនភៀសសឹកដែលរដ្ឋបាលខេត្ត បានរៀបចំទទួលទាំង ១១កន្លែង
07/27/2025 06:07 PM
Facebook Telegram Linkin
ពលរដ្ឋខ្មែររាប់ម៉ឺននាក់ ចេញធ្វើបាតុកម្មទាមទារបញ្ឈប់ការឈ្លានពានភាគីថៃ និងលើកទឹកចិត្តវីរកងទ័ពជួរមុខកម្ពុជា
07/27/2025 06:07 PM
Facebook Telegram Linkin
ឯកឧត្តម ឌិត ទីណា ចូលរួមរំលែកទុក្ខវីរៈកងទ័ពដែលបានពលីជីវិតក្នុងបុព្វហេតុការពារដែនដី
07/27/2025 06:07 PM
Facebook Telegram Linkin
[BREAKING NEWS] រដ្ឋមន្ត្រីការបរទេសម៉ាឡេស៊ី៖ សម្ដេចធិបតី ហ៊ុន ម៉ាណែត និង​នាយករដ្ឋមន្ត្រី​ស្តីទីថៃ ជួបគ្នានៅប្រទេសម៉ាឡេស៊ីស្អែកនេះ
07/27/2025 06:07 PM
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន អញ្ជើញគោរពវិញ្ញាណក្ខន្ធសពឧត្តមសេនីយ៍ឯក ដួង សំនៀង ដែលបានពលីជីវិតនៅលើសមរភូមិប្រយុទ្ធជាមួយទ័ពសៀមឈ្លានពាន ដែនអធិបតេយ្យភាពកម្ពុជា
07/27/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.