BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

កម្ពុជាបន្ដរកឃើញមនុស្ស៥៨៣នាក់ឆ្លងកូវីដ-១៩ ខណៈអ្នកជំងឺ៦៥៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៨៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦៥៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៤២៦នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៥៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៤៨៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧២ ៨០៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧៩ ៦៣៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ឃាត់ខ្លួនមនុស្សជាង៥០០នាក់ ដើម្បីអប់រំ និងពិន័យពេលអនុវត្តបំរាមគោចរក្នុងរាជធានីភ្នំពេញនៅយប់ថ្ងៃទី៣នេះ

ភ្នំពេញ ៖ កងកម្លាំងនៃស្នងការនគរបាលរាជធានីភ្នំពេញ នៅយប់ថ្ងៃទី៣ ខែសីហា ឆ្នាំ២០២១នេះ បានឃាត់ខ្លួនមនុស្សចំនួន៥៤៨នាក់ ដើម្បីយកមកអប់រំបន្ថែម និងធ្វើការផាកពិន័យបានល្មើសនឹងបំរាមគោចររបស់អាជ្ញាធរ ដើម្បីទប់ស្កាត់ការរីករាលដាលនូវមេរោគកូវីដ១៩បំប្លែងថ្មី delta ។យោងតាមលទ្ធផលអនុវត្តវិធានការច្បាប់ចំពោះបុគ្គលដែលល្មើស នឹងវិធានការសុខាភិបាល ដែល ទូរទស្សន៍BTV ទទួលបាននាព្រឹកថ្ងៃទី៤ ខែសីហានេះ បានឲ្យដឹងថា«លទ្ធផលអនុវត្តវិធានការច្បាប់ចំពោះបុគ្គលដែលល្មើស នឹងវិធានការសុខាភិបាល និងវិធានការរដ្ឋបាល សម្រាប់ថ្ងៃទី ០៣ ខែសីហា ឆ្នាំ២០២១នេះ ៖ កាអនុវត្តវិធានការច្បាប់មានចំនួន ៣៧២ ករណី ក្នុងនោះ ដូចជាឃាត់ខ្លួន (អប់រំ និងពិន័យ) ចំនួន ៥៤៨ នាក់ ,ឃាត់យានយន្ត ចំនួន ២១៥គ្រឿង និងធ្វើការពិន័យជាប្រាក់ ចំនួន ៣២លានរៀលផងដែរ»។សូមបញ្ជាក់ថា រាជធានីភ្នំពេញ ចាប់ផ្តើមនៃការអនុវត្តបំរាមគោចរមានរយៈពេល០៤យប់កន្លងមកនេះ គឺចាប់ពីយប់អធ្រាត្រថ្ងៃទី៣០ ខែ កក្កដា រហូតដល់យប់ថ្ងៃទី០១ ខែសីហា ឆ្នាំ២០២១ត្រូវគេមើលឃើញថា មានអ្នកបើយានយន្តល្មើសបំរាមគោចរមួយចំនួនត្រូវបានផាកពិន័យ ក្នុងនោះម៉ូតូ០១គ្រឿង ចំនួន២០ម៉ឺនរៀល និងរថយន្ត០១គ្រឿង០១លានរៀល ដើម្បីជាការព្រមាន។រាជធានីភ្នំពេញការអនុវត្តវិធានការរដ្ឋបាលមានរយៈពេល១៤ថ្ងៃគឺចាប់ពីថ្ងៃទី៣០ ខែកក្កដា រហូតដល់ថ្ងៃទី១២ ខែសីហា ឆ្នាំ២០២១។នៅក្នុងប្រតិបត្តិការបម្រាមគោចរនេះ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានជំរុញដល់កម្លាំងនគរបាលរាជធានីភ្នំពេញទាំងអស់គ្រប់ពេលប្រតិបត្តិការ ត្រូវបង្កើន និងចាត់វិធានការអនុវត្តបំរាមគោចរនៅក្នុងភូមិសាស្រ្តរាជធានីភ្នំពេញឱ្យបានតឹងរ៉ឹងបំផុតចំពោះអ្នកល្មើសបំរាមគោចរ ដើម្បីទប់ស្កាត់វីរុសកូវីដ១៩បំប្លែងថ្មី (delta) ឱ្យកាន់តែមានប្រសិទ្ធភាពបន្ថែមទៀត ហើយមន្រ្តីខ្លួនឯងក៏ត្រូវមានការប្រុងប្រយ័ត្នខ្ពស់ផងដែរ ក្នុងពេលចុះបំពេញការងារនោះ។ ជាងនេះទៅទៀត ឯកឧត្តមឧត្តមសេនីយ៍ឯក បានព្រមានចាត់វិធានការក្តៅដោយនឹងចាប់វាយខ្នោះភ្លាមៗផងដែរ ចំពោះអ្នកល្មើសបម្រាបគោចរ ដោយគ្មានការណែនាំបន្តទៀតនោះឡើយ ជាពិសេសអ្នកផឹកស៊ីជួបជុំគ្នា និងបើកហាងផឹកស៊ីជាដើមនោះ៕អត្ថបទបាន ចក់

ស្នងការរាជធានីភ្នំពេញ ព្រមានចាត់វិធានការក្តៅ និងចាប់វាយខ្នោះភ្លាមៗ ចំពោះអ្នកល្មើសបំរាមគោចរ ចាប់ពីយប់ថ្ងៃទី៣ខែសីហានេះតទៅ

ភ្នំពេញ ៖ ស្នងការរាជធានីភ្នំពេញ ព្រមានចាត់វិធានការក្តៅដោយនឹងចាប់វាយខ្នោះភ្លាមៗ ចំពោះអ្នកល្មើសបម្រាបគោចរ ចាប់ពីយប់ថ្ងៃទី៣ខែសីហានេះតទៅ ដោយគ្មានការណែនាំបន្តទៀតនោះឡើយ ជាពិសេសអ្នកផឹកស៊ីជួបជុំគ្នា និងបើកហាងផឹកស៊ីជាដើម។ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក៏បានជំរុញបន្ថែម ដល់កម្លាំងនគរបាលរាជធានីភ្នំពេញទាំងអស់ ត្រូវបង្កើន និងចាត់វិធានការ អនុវត្តបំរាមគោចរនៅក្នុងភូមិសាស្រ្តរាជធានីភ្នំពេញ ឱ្យបានតឹងរ៉ឹងបំផុត ចំពោះអ្នកល្មើសបំរាមគោចរ ដើម្បីទប់ស្កាត់វីរុសកូវីដ១៩ បំប្លែងថ្មី(delta) ឱ្យកាន់តែមានប្រសិទ្ធភាពបន្ថែមទៀត ហើយមន្រ្តីខ្លួនឯងក៏ត្រូវមានការប្រុងប្រយ័ត្នខ្ពស់ផងដែរ ក្នុងពេលចុះបំពេញការងារ។ឧត្តមសេនីយ៍ឯក ស ថេត ស្នងការរាជធានីភ្នំពេញ ថ្លែង ក្នុងឱកាសដែលដឹកនាំកិច្ចប្រជុំបូកសរុបលទ្ធផលការងារសន្តិសុខ រក្សាសណ្តាប់សុវត្ថិភាពសង្គម ប្រចាំខែកក្កដា និងលើកទិសដៅការងារប្រចាំខែសីហា ឆ្នាំ២០២១ របស់ស្នងការដ្ឋាននគរបាលរាជធានីភ្នំពេញតាម តាមវីដេអូ ZOOM នាព្រឹកថ្ងៃទី៣ ខែសីហា ឆ្នាំ២០២១នេះ ដោយមានការចូលរួមពីលោក-លោកស្រីស្នងការរង នាយការិយាល័យជំនាញទាំង៣៣ និងលោកអធិការនៃអធិការដ្ឋាននគរបាលខណ្ឌទាំង១៤ ចំណុះស្នងការដ្ឋាននគរបាលរាជធានីភ្នំពេញ។ឯកឧត្តមឧត្តមសេនីយ៍ឯក ស ថេត បានលើកឡើងថា ការដាក់បម្រាមគោចរ ជាលើកទីពីរ នៅក្នុងរាជធានីភ្នំពេញ គឺធ្វើឡើងស្របទៅតាមបទបញ្ជារបស់ប្រមុខរាជរដ្ឋាភិបាល ដើម្បីទប់ស្កាត់ការរីករាលដាលនូវមេរោគកូវីដ១៩ ជាពិសេសគឺមេរោគកូវីដ១៩ បំប្លែងថ្មីប្រភេទDeltaនេះតែម្តង ខណៈមេរោគដ៏កាចសាហាវនេះ បានកំពុងធ្វើចរាចរណ៍នៅទឹកដីប្រទេសកម្ពុជាយើង ។ តាមរបាយការណ៍របស់ក្រសួងសុខាភិបាល បានបញ្ជាក់ថា មេរោគដែលតាថ្មីនេះ បានកើតឡើងនៅទឹកដីកម្ពុជា ជាង២០០ករណីហើយ។ឯកឧត្តមឧត្តមសេនីយ៍ បានបញ្ជាក់ទៅកងកម្លាំងនគរបាលរាជធានីភ្នំពេញទាំងអស់ ត្រូវបង្កើនចាត់វិធានការការអនុវត្តបំរាមគោចរនៅក្នុងភូមិសាស្រ្តរាជធានីភ្នំពេញឱ្យបានតឹងរ៉ឹងថែមទៀតចំពោះអ្នកល្មើសបំរាមគោចរ ដើម្បីទប់ស្កាត់វីរុសកូវីដ១៩បំប្លែងថ្មី delta ឱ្យកាន់តែមានប្រសិទ្ធភាព និងណែនាំដល់កងកម្លាំងដែលចុះអនុវត្តបំរាមគោចរក៏ត្រូវប្រុងប្រយ័ត្ន និងគិតពីសុវត្ថិភាពផ្ទាល់ខ្លួនឱ្យបានខ្ពស់បំផុតផងដែរកុំឱ្យឆ្លងវីរុសកូវីដ១៩បំប្លែងថ្មីនេះ ពីព្រោះវីរុសបំប្លែងថ្មីបង្កឱ្យគ្រោះថ្នាក់ធ្ងន់ធ្ងរដល់អាយុជីវិតជាងវីរុសកូវីដ១៩ ធម្មតាទៅទៀតនោះ។សូមបញ្ជាក់ថា រាជធានីភ្នំពេញចាប់ផ្តើមនៃការអនុវត្តបំរាមគោចរមានរយៈពេល០៣យប់កន្លងមកនេះ គឺចាប់ពីយប់អធ្រាត្រថ្ងៃទី៣០ ខែកក្កដា រហូតដល់យប់ថ្ងៃទី០១ ខែសីហា ឆ្នាំ២០២១ត្រូវគេមើលឃើញថា មានអ្នកបើយានយន្តល្មើសបំរាមគោចរមួយចំនួនត្រូវបានផាកពិន័យ ក្នុងនោះម៉ូតូ០១គ្រឿងចំនួន២០ម៉ឺនរៀល និងរថយន្ត០១គ្រឿង០១លានរៀល ដើម្បីជាការប្រមាន។ រាជធានីភ្នំពេញការអនុវត្តវិធានការរដ្ឋបាលមានរយៈពេល១៤ថ្ងៃ គឺចាប់ពីថ្ងៃទី៣០ ខែកក្កដា រហូតដល់ថ្ងៃទី១២ ខែសីហា ឆ្នាំ២០២១៕អត្ថបទ បាន ចក់

កម្ពុជាបន្ដរកឃើញមនុស្ស៥៧៧នាក់ឆ្លងកូវីដ-១៩ ខណៈអ្នកជំងឺ៦២៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៧៧នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦២៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៥៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២២៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៤៧១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧២ ១៤៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧៩ ០៥១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

លោកវរសេនីយ៍ត្រី អេង អូន ត្រូវបានមេអង្គភាព ហៅទៅសួរនាំ៣ថ្ងៃជាប់គ្នា រឿងបើកក្រុមហ៊ុនឯកជន ផ្ទុយលក្ខន្តិកៈកងកម្លាំង

ភ្នំពេញ ៖ លោកវរសេនីយ៍ត្រី អេង អូន អត្តលេខ ០៨៩៩៤៨ មុខងារជាជំនួយការផ្នែកប្រតិបត្តិការ នៃមូលដ្ឋានកងកេង កងទ័ពជើងអាកាស ខេត្តព្រះសីហនុ ត្រូវបានមេអង្គភាពរបស់ខ្លួន ហៅទៅសួរនាំចំនួន៣ថ្ងៃជាប់គ្នា ពាក់ព័ន្ធការបើកក្រុមហ៊ុនឯកជនមួយ ដែលមានឈ្មោះថា «ក្រុមហ៊ុនអភិវឌ្ឍន៍ភ្នំថ្កូវ» ដែលផ្ទុយពីលក្ខន្តិកៈរបស់កងកម្លាំង ។តាមប្រភពព័ត៌មានច្បាស់ការណ៍ ដែលទើបទទួលបាន នៅថ្ងៃទី៣ ខែសីហា ឆ្នាំ២០២១ នេះ បានឲ្យដឹងថា មូលហេតុដែលមេអង្គភាពរបស់ លោកវរសេនីយ៍ត្រី អេង អូន ហៅទៅសួរនាំនាពេលនេះ បន្ទាប់ពីមានការផ្សព្វផ្សាយព័ត៌មានព្រោងព្រាត អំពីការចាប់ខ្លួន លោក អេង អូន នៅរាជធានីភ្នំពេញ ពាក់ព័ន្ធបទល្មើសឆបោក និងរំលោភទំនុកចិត្តទឹកប្រាក់ជាង៩០ម៉ឺនដុល្លារ តាមបណ្តឹងរបស់លោកឧកញ៉ា ប្រាក់ ប្រាកដ និងធ្លាយព័ត៌មាន ដែលឯកឧត្តមរដ្ឋមន្ត្រីក្រសួងរ៉ែ និងថាមពល សម្រេចផាកពិន័យ លោក អេង អូន ដែលជា «ប្រធានក្រុមហ៊ុនអភិវឌ្ឍន៍ភ្នំថ្កូវ» នូវទឹកប្រាក់ជាង៨០០លានរៀល ដោយសារតែក្រុមហ៊ុនអភិវឌ្ឍភ្នំថ្កូវ» របស់លោក បានការយកដីក្រហមមុនទទួលបានអាជ្ញាប័ណ្ណ ។ជាមួយគ្នានេះ តាមប្រភពព័ត៌មានពីប្រជាពលរដ្ឋសុំមិនបញ្ចេញឈ្មោះ ដែលរងប៉ះពាល់ពីសកម្មភាពកាយដីក្រហមរបស់ «ប្រធានក្រុមហ៊ុនអភិវឌ្ឍន៍ភ្នំថ្កូវ»វិញ គឺមិនសប្បាយចិត្តជាមួយលោក អេង អូន ព្រោះបានធ្វើអោយប៉ះពាល់ដល់ការរស់នៅរបស់ប្រជាពលរដ្ឋ ដោយសង្ឃឹមថា ថ្នាក់លើនឹងមានចំណាត់ការចំពោះលោក អេង អូន ផង ។គួររំលឹកថា លោក អេង អូន ដែលរងបណ្តឹងពីលោកឧកញ៉ា ប្រាក់ ប្រាកដ បទល្មើសឆបោកនិងរំលោភលើទំនុកចិត្ត ទឹកប្រាក់ចំនួន៩២ម៉ឺនដុល្លារអាមេរិក ត្រូវបានតុលាការអនុញ្ញាតឲ្យត្រឡប់ទៅផ្ទះវិញ កាលពីល្ងាចថ្ងៃទី២៦ ខែកក្កដា ឆ្នាំ២០២១ កន្លងទៅ ។លោក ប្លង់ សុផល អ្នកនាំពាក្យអយ្យការអមសាលាដំបូងរាជធានីភ្នំពេញ ថ្លែងថា «ករណីឈ្មោះ អេង អូន គឺត្រូវបានតំណាងអយ្យការចេញបញ្ជាឲ្យចូលខ្លួនកាលពីថ្ងៃទី១៥ ខែកក្កដា ឆ្នាំ២០២១ ពីបទសង្ស័យថា បានប្រព្រឹត្តបទឆបោក និងរំលោភលើទំនុកចិត្ត ។ ក្រោយមក ឈ្មោះខាងលើ បានចូលមកចំពោះមុខអយ្យការដោយឯកឯងដើម្បីស្តាប់ចម្លើយ » ។លោក ប្លង់ សុផល បន្តថា បន្ទាប់ពីបានស្តាប់ចម្លើយចប់សព្វគ្រប់រួចរាល់ហើយ តំណាអយ្យការបានចេញដីកា «បញ្ឈប់ដីកាបញ្ជាឲ្យចូលខ្លួន» ដោយយល់ឃើញថា ពុំមានលក្ខខណ្ឌចាំបាច់អ្វីទៀតទេព្រោះជនសង្ស័យបានចូលខ្លួនរួចហើយ ។ អ្នកនាំពាក្យតុលាការ សូមបញ្ជាក់ជូនផងដែរថា ដីកាបញ្ជាឲ្យចូលខ្លួនជាដីកាមួយដែលអនុញ្ញាតឲ្យមន្រ្តីនគរបាលយុត្តិធម៌ប្រើប្រាស់កម្លាំងសាធារណៈបង្ខំជនដែលជាកម្មវត្ថុនៃដីកាឲ្យចូលមកបង្ហាញខ្លួនដើម្បីស្តាប់ចម្លើយ ។សមត្ថកិច្ចព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ នៅថ្ងៃទី២៦ ខែកក្កដា ឆ្នាំ២០២១ នេះ បានឃាត់ខ្លួន លោក អេង អូន នៅមុខផ្សារស៊ីធីម៉ល រាជធានីភ្នំពេញ តាមដីកាបញ្ជាឲ្យចូលខ្លួនរបស់ លោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ ។លោក អេង អូន ក៏ត្រូវបានឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល សម្រេចផាកពិន័យជាទឹកប្រាក់ជាង៨០០លានរៀល ផងដែរ ដោយសារតែក្រុមហ៊ុនអភិវឌ្ឍន៍ភ្នំថ្កូវ របស់លោក បានកាយយកដីក្រហមមុនទទួលបានអាជ្ញាប័ណ្ណ ។ ប៉ុន្តែរហូតមកទល់ពេលនេះ លោក អេង អូន ប្រធានក្រុមហ៊ុនអភិវឌ្ឍន៍ភ្នំថ្កូវ បានគេចវេសដោយហេតុផលផ្សេងៗ ពុំព្រមបង់ប្រាក់ផាកពិន័យ តាមការសម្រេចរបស់រដ្ឋមន្ត្រីក្រសួងរ៉ែនោះទេ ៕អត្ថបទ ៖ កុម្ភៈ

សាលារាជធានីភ្នំពេញ បិទខ្ទប់ផ្នែកខ្លះនៃភូមិចំនួនពីរក្នុងខណ្ឌឫស្សីកែវ និងទួលគោក ដើម្បីទប់ស្កាត់ការឆ្លងរាលដាលនៃមេរោគកូវីដ-១៩ដែលតា

ភ្នំពេញ៖ សាលារាជធានីភ្នំពេញ បានសម្រេចបិទខ្ទប់ជាបណ្ដោះអាសន្នផ្នែកខ្លះនៃភូមិផ្សារតូច ស្ថិតក្នុងសង្កាត់ទួលសង្កែ ក្នុងខណ្ឌឫស្សកែវ និងផ្នែកខ្លះទៀតនៃភូមិ៥ ស្ថិតក្នុងសង្កាត់បឹងសាឡាង ខណ្ឌទួលគោក ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩បំប្លែងថ្មី។អាជ្ញាធររាជធានីភ្នំពេញ បានបញ្ជាក់ពីការបិទខ្ទប់ជាបណ្ដោះអាសន្ននេះ នៅក្នុងសេចក្ដីសម្រេចនៅថ្ងៃនេះ បន្ទាប់ពីការសង្ស័យជាប់ពាក់ព័ន្ធនឹងមេរោគបំប្លែងខ្លួនថ្មីដែលតា។បើតាមសេចក្ដីសម្រេចនេះ ទីតាំងដែលត្រូវបានបិទខ្ទប់ មានកំណាត់ផ្លូវលេខ៩៣ ស្ថិតនៅភូមិផ្សារតូច ដែលស្ថិតក្នុងសង្កាត់ទួលសង្កែទី១ ខណ្ឌឫស្សីកែវ។អំឡុងពេលនៃការបិទខ្ទប់នេះ អាជ្ញាធរបានហាមឃាត់រាល់ការចេញ-ចូល និងការជួបជុំ ឬការប្រមូលផ្ដុំមនុស្សនៅទីតាំងដូចដែលបានបញ្ជាក់ខាងលើនេះ។ក្នុងសេចក្ដីសម្រេចដាច់ដោយឡែកមួយទៀត សាលារាជធានីភ្នំពេញ ក៏បានសម្រេចបិទខ្ទប់ច្រកផ្លូវចំនួន ៣ខ្សែនៅភូមិ៥ ស្ថិតក្នុងសង្កាត់បឹងសាឡាង ខណ្ឌទួលគោក ដើម្បីទប់ស្កាត់ការឆ្លងរាលដាលនៃមេរោគកូវីដ-១៩ផងដែរ។ក្នុងសេចក្ដីសម្រេចនេះ សាលារាជធានីភ្នំពេញ ដាក់ចេញវិធានការដូចគ្នាទៅនឹងវិធានការបិទខ្ទប់ផ្នែកខ្លះនៃភូមិផ្សារតូចផងដែរ។កាលយប់មិញនេះ ក្រសួងសុខាភិបាលបានប្រកាសពីការរកឃើញមនុស្ស ១០៩នាក់ទៀត បានឆ្លងមេរោគកូវីដ-១៩បំប្លែងខ្លួនថ្មីដែលតា ក្នុងនោះ ៤ករណី ត្រូវបានរកឃើញលើពលរដ្ឋនៅរាជធានីភ្នំពេញ៕

កម្ពុជាបន្ដរកឃើញមនុស្ស៥៦០នាក់ឆ្លងកូវីដ-១៩ ខណៈអ្នកជំងឺ៧៦៣នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៦០នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧៦៣នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៩១នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៦៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៤៤២នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧១ ៥១៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧៨ ៤៧៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

អំឡុងពេលបិទព្រំដែនកម្ពុជា-ថៃ ពុំមានសកម្មភាពលួចឆ្លងដែន តាមច្រកជាប់ខេត្តបាត់ដំបង

បាត់ដំបង ៖ ចាប់តាំងពីរាជរដ្ឋាភិបាលកម្ពុជា បានប្រកាសបិទខ្ទប់ខេត្តចំនួន៨ និងបិទព្រំដែនមិនឲ្យ មានការឆ្លងដែនជាមួយថៃ ជាបណ្ដោះអាសន្នលើកលែងការដឹកទំនិញ អាជ្ញាធរខេត្តបាត់ដំបង បានឲ្យដឹងថា រហូតមកដល់ពេលនេះ ពុំមានសកម្មភាពលួចឆ្លងដែនខុសច្បាប់ តាមច្រកនានាជាប់ខេត្តបាត់ដំបងឡើយ ខណៈអាជ្ញាធរ និងកងកម្លាំងជំនាញ កំពុងបន្តធ្វើការរឹតបន្តឹងតាមបន្ទាប់ព្រំដែន ។លោក សុខ គឹមខុន អភិបាលស្រុកកំរៀង នៅថ្ងៃទី២ ខែសីហា ឆ្នាំ២០២១នេះ បានថ្លែងថា ក្នុងដំណើរការបិទព្រំដែនេះ ភាគីកម្ពុជាបានសហការយ៉ាងល្អជាមួយខាងភាគីថៃ ហើយរហូតមកដល់ពេលនេះ ខាងភាគីថៃពុំមានបញ្ជូនពលករខ្មែរ មកតាមច្រកព្រំដែនឡើយ ដោយខាងថៃបានរៀបចំឲ្យពលករខ្មែរធ្វើចត្តាឡីស័ក នៅក្នុងទឹកដីថៃ តែប្រសិនបើក្នុងករណីមានពលករខ្មែរលួចឆ្លងដែនទៅប្រទេសថៃ ត្រូវសមត្ថកិច្ចថៃចាប់បាន នឹងបញ្ជូនមកឲ្យភាគីកម្ពុជាវិញ ។ លោក បញ្ជាក់ថា ដោយសារតែភាគីកម្ពុជាបានឯកភាព និងស្រុះស្រួលគ្នាជាមួយខាងភាគីថៃរួចហើយ ទើបរហូតមកដល់ពេលនេះ ពុំមានករណីពលករលួចឆ្លងដែនខុសច្បាប់ ហើយកាលពីមុនពេលបិទព្រំដែននេះ ដោយមានការព្រមព្រៀមគ្នា គឺភាគីថៃបានបញ្ជូនពលករមានបំណងមកស្រុកកំណើតវិញ តាមច្រកតំបន់អូរអន្លក់ ស្ថិតក្នុងស្រុកកំរៀងនេះ ។ចំពោះស្ថានភាពតាមបន្ទាត់ព្រំដែនវិញ លោកអភិបាលស្រុក បានអះអាងថា អាជ្ញាធរ និងកងកម្លាំង បានសហការគ្នាពង្រឹងយន្តការគ្រប់គ្រងព្រំដែនតាមអង្គភាពនីមួយៗ បានយ៉ាងល្អ និងតឹងរ៉ឹងបំផុត ពិសេសការទទួលខុសត្រូវរបស់មន្រ្តីតាមបន្ទាត់ព្រំដែន គឺមានកម្រិតខ្ពស់ពុំមានបាតុភាពមិនប្រក្រតីណាមួយកើតឡើងឡើយ ។ យោងតាមរបាយការណ៍រដ្ឋបាលខេត្តបាត់ដំបង កាលពីថ្ងៃទី១ ខែសីហា ឆ្នាំ២០២១ បានឲ្យដឹងថា មិនថាតែច្រកព្រំដែនជាប់ស្រុកកំរៀងនោះទេ ដែលគ្មានសកម្មភាពលួចឆ្លងដែន ខណៈស្រុក ៣ទៀត មានស្រុកសំពៅលូន ស្រុកភ្នំព្រឹក និងស្រុកសំឡូត ក៏គ្មានសកម្មភាពនេះដែរ និងបច្ចុប្បន្ននៅក្នុងខេត្តបាត់ដំបង មានអ្នកកំពុងធ្វើចត្តាឡីស័ត តាមមណ្ឌលនានាមាន ចំនួន២៥៣០នាក់ ។ចាប់ពីមានការផ្ទុះឆ្លងជំងឺកូវីដ១៩ នៅក្នុងប្រទេសកម្ពុជា សម្រាប់ខេត្តបាត់ដំបង មានអ្នកវិជ្ជមានជំងឺនេះ ចំនួន៣ ៤៨៧នាក់ បានព្យាបាលជាសះស្បើយចំនួន ២ ០៨៦នាក់ ករណីស្លាប់ ចំនួន ៤៣នាក់ និងកំពុងសំរាកព្យាបាល ១ ៣៥៨នាក់ ៕អត្ថបទ បាន សុខរិទ្ធ

មន្រ្តីជំនាញសុខភាពសត្វខេត្តកំពង់ធំ ឃាត់រថយន្តក្រុងដឹកគ្រឿងក្នុងជ្រូកជាង២តោន

កំពង់ធំ៖ មន្រ្តីជំនាញសុខភាពសត្វខេត្តកំពង់ធំ ឃាត់រថយន្តក្រុងដឹកគ្រឿងក្នុងជ្រូកជាង២តោន គ្មានឯកសារបញ្ជាក់សុខភាពសត្វ និងសុវត្ថិភាពម្ហូបអាហារ មានប្រភពមកពីប្រទេសថៃ និងរថយន្តដឹកមាន់ដឹកលើសច្បាប់អនុញ្ញាត ដើម្បីការពារសុខភាពសាធារណៈ។លោក តាន់ ម៉េងឆាង ប្រធានការិយាល័យផលិតកម្មសត្វ និងបសុព្យាបាលខេត្តកំពង់ធំ លើកឡើងប្រាប់ទូរស្សន៍ BTV នៅថ្ងៃទី១ ខែសីហា ឆ្នាំ២០២១ថា ការចាប់ឃាត់រថយន្តទាំងពីរនេះ គឺដោយសារមានការបញ្ជាផ្ទាល់ពីលោក ប៉ែន វណ្ណារិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត ក្រោមការសម្របសម្រួលពីលោក សាយ វាសនា ព្រះរាជ្ញារងខេត្តកំពង់ធំ។ លោក បន្តថា សកម្មភាពដឹកជញ្ជូនសាច់សត្វមានប្រភពមកពីប្រទេសថៃគ្មានប្រភពបញ្ជាក់សុខភាព និងការដឹកជញ្ជូន អាចជាសាច់សត្វគ្មានគុណភាពធ្វើឲ្យប៉ះពាល់សុខភាពសាធារណៈ ជាពិសេសអាចជាប្រភពចម្លងជំងឺផ្សេងៗទៅកាន់អ្នកបរិភោគ ឬជាសាច់ដែលក្រុមអ្នកដឹកជញ្ជូនល្មើសដាក់សារធាតុហាមឃាត់មួយចំនួនដូចជា (ហ៉្វកម៉ុល) ជាដើម ដែលជាសារធាតុរក្សាសាច់សត្វឲ្យមានសភាពមើលទៅល្អ ប៉ុន្តែសារធាតុនេះ នឹងជះឥទ្ធិពលយ៉ាងខ្លាំងចំពោះសុខភាព។លោកបញ្ជាក់ថា ការចាប់ឃាត់រថយន្តក្រុង និងរយន្តដឹកសត្វមាន់ ទាំងពីរខាងលើនេះ គឺបានធ្វើឡើងនៅនៅវេលាម៉ោង៤ទើបភ្លឺ យប់ថ្ងៃទី៣១ ខែកក្កដា ឈានចូលថ្ងៃទី០១ ខែសីហា ឆ្នាំ២០២១។ ក្រោយពីការឃាត់រថយន្តនេះ តៃកុងរថយន្តក្រុងដឹកគ្រឿងក្នុងជ្រូកគេចខ្លួន បច្ចុប្បន្នមិនទាន់មានម្ចាស់មកទទួលធ្វើ ការពិន័យតាមតាមនីតិវិធីច្បាប់នៅឡើយនោះទេ! ។សាច់សត្វ និងគ្រឿងក្នុងជ្រូកលើរថយន្តក្រុងសរុបមានចំនួន៤០កញ្ចប់ មានទម្ងន់សរុបចំនួន២តោន បច្ចុប្បន្នកំពុងរក្សាទុកនៅមណ្ឌលការិយាល័យផលិតកម្មសត្វ និងបសុព្យាបាលខេត្តកំពង់ធំ។ ចំពោះរថយន្តដឹកមាន់សាច់ របស់ក្រុមហ៊ុន ប៉េតាក្រូ មានលិខិតបញ្ជាក់សុខភាពសត្វ និងលិខិតដឹកជញ្ជូន ប៉ុន្តែលើសចំនួនតិចតួច ត្រូវធ្វើកិច្ចសន្យាអប់រំលើកទី១ ឲ្យបញ្ឈប់ការដឹកជញ្ជូនលើសចំនួនអនុញ្ញាតបន្តទៀត ប្រសិនបើមានករណីដូចនេះម្តងទៀត នឹងធ្វើការផាកពិន័យតាមនីតិវីធីច្បាប់៕

កម្ពុជាបន្ដរកឃើញមនុស្ស៦៧១នាក់ឆ្លងកូវីដ-១៩ ខណៈអ្នកជំងឺ៧៥៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៧១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧៥៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៤០៦នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២៦៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៣នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៤២០នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧០ ៧៥៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧៧ ៩១៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បណ្ដាញសង្គម

ព័ត៌មានថ្មីៗ

បណ្ដាអង្គទូត១១ប្រទេស និងទីភ្នាក់ងារ UN ១៥ស្ថាប័ន ចុះពិនិត្យជំរុំប្រជាជនភៀសសឹក ក្នុងខេត្តឧត្តរមានជ័យ

អាមេរិក និងអឺរ៉ុប បន្តមានពាណិជ្ជកម្មរាប់ពាន់លានដុល្លារជាមួយរុស្ស៊ី រយៈពេល ៣ឆ្នាំ ក្នុងសង្គ្រាម

បឹងកេត ប្រកាសកៀគរជំនួយ និងសម្ភារ ជួយដល់ជនភៀសសឹក ដែលរងផលប៉ះពាល់នៅតាមព្រំដែនកម្ពុជា-ថៃ

វិមានក្រឹមឡាំង៖ ប្រទេសអធិបតេយ្យភាព មានសេរីភាពក្នុងការជ្រើសរើសដៃគូពាណិជ្ជកម្ម

គ្រូក្រុមនារីកម្ពជាថា ៣ពិន្ទុជាគោលដៅសំខាន់ ទោះស្ថិតក្នុងពូល ជាមួយវៀតណាម ឥណ្ឌូនេស៊ី និងថៃ ក៏ដោយ

ឯកឧត្ដម គួច ចំរើន អភិបាលខេត្តកណ្ដាល ទិញដី កាត់ឈ្មោះ ប្លង់រឹង ជូនភរិយា និងកូន យុទ្ធជនពលី រិន វាសនា

រុស្ស៊ី តវ៉ាជុំវិញការវាយប្រហាររបស់អ្នកតាំងលំនៅអ៊ីស្រាអែលលើយានយន្តការទូតនៅតំបន់ West Bank

គ្រឿងឧបភោគបរិភោគជាច្រើនមុខត្រូវបាននាំយកទៅផ្ដល់ជូនវីរៈកងទ័ព និងជនភៀសសឹក

សមយុទ្ធហ្វឹកហាត់ជប៉ុន-អាមេរិក អាចពាក់ព័ន្ធនឹងប្រព័ន្ធមីស៊ីលថ្មីរបស់អាមេរិក

ឧបនាយករដ្ឋមន្រ្តីប្រចាំការ វង្សី វិស្សុត អញ្ជើញចុះសួរសុខទុក្ខ និងនាំយកអំណោយជូនប្រជាជន ភៀសសឹក ៣៧០០គ្រួសារក្នុងខេត្តឧត្តរមានជ័យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877