BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

មន្ត្រីសុខាភិបាល បន្តយកសំណាកកម្មករជាង២០០នាក់ នៅស្រុកសំរោង ទៅធ្វើតេស្តរកកូវីដ-១៩

តាកែវ ៖ នៅក្នុងខេត្តតាកែវ មន្ត្រីសុខាភិបាល នៅព្រឹកថ្ងៃទី២៨ ខែឧសភានេះ បានបន្តចុះយកសំណាកកម្មករ ជាង២០០នាក់ នៅរោងចក្រ ពឺហ្វិកវីសិន ដែលមានទីតាំងនៅក្នុងឃុំបឹងត្រាញ់ខាងជើង ក្នុងស្រុកសំរោង បន្ទាប់ពីបានរកឃើញកម្មករចំនួន២នាក់ បានឆ្លងជំងឺកូវីដ-១៩។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានឲ្យដឹងថា ក្នុងចំណោម កម្មករជាង២ពាន់នាក់ នៅក្នុងរោងចក្រ ពឺហ្វិកវីសិន មន្ត្រីជំនាញ បានចាប់ផ្ដើមចុះទៅយកសំណាក កម្មករប្រមាណជាង២០០នាក់ នៅព្រឹកនេះ ដើម្បីធ្វើតេស្តរកមេរោគកូវីដ១៩ ក្រោយពីបានរកឃើញកម្មករ ២នាក់ ឆ្លងជំងឺកូវីដ-១៩ ។លោក បានបញ្ជាក់ថា ចំពោះកម្មករដែលយកសំណាកហើយ ត្រូវបានណែនាំឱ្យធ្វើចត្តាឡីស័កឱ្យ បានត្រឹមត្រូវនៅតាមផ្ទះ ហើយបើលទ្ធផលវិជ្ជមាន ឬអវិជ្ជមាន មន្ត្រីនឹងជូនដំណឹងទៅពួកគេ។លោក កេត ម៉ៅ អភិបាលស្រុកសំរោង បានឲ្យដឹងដែរថា រោងចក្រ ដែលមានកម្មករកើតជំងឺកូវីដ ១៩ ត្រូវបានតម្រូវឱ្យផ្អាកផលិតកម្មករ រយៈពេល២ថ្ងៃសិន ព្រោះកម្មករ កំពុងតែជ្រួលច្របល់ មិនមាន អារម្មណ៍ធ្វើការ។លោកវេជ្ជបណ្ឌិតប្រធានមន្ទីរសុខាភិបាល ខេត្តតាកែវ បានឱ្យដឹងថា រហូតមកដល់ពេលនេះ នៅទូ ទាំងខេត្តតាកែវ មានកម្មករចំនួនជាង៣០០នាក់ហើយ បានឆ្លងជំងឺកូវីដ-១៩ ហើយអ្នកជំងឺទាំងអស់នេះ កំពុងតែសម្រាកព្យាបាលនៅមន្ទីរពេទ្យបង្អែក តាមស្រុកនីមួយៗ ដោយឡែកកម្មករ។ក្នុងខេត្តតាកែវ រហូតមកដល់ពេលនេះ មានអ្នកឆ្លងជំងឺកូវីដ-១៩ ចំនួនជាង៨រយនាក់ ក្នុងនោះ ជាសះស្បើយ ចំនួនជាង២០០នាក់ ស្លាប់ចំនួន៥នាក់ ហើយអ្នកជំងឺជាង៥០០នាក់ទៀត កំពុងតែសម្រាក ព្យាបាលនៅតាមមន្ទីរពេទ្យបង្អែកក្រុងស្រុករបស់ខេត្ត៕អត្ថបទ ៖ គុជ វិភាគ

កម្ពុជាបន្ដរកឃើញអ្នកឆ្លងថ្មីចំនួន៥៩៩នាក់ទៀត ខណៈអ្នកជាសះស្បើយ៥០២នាក់

ភ្នំពេញ៖ ក្រសួងសុខាភិបាល បានបន្ដរកឃើញមនុស្សដល់ទៅ៥៩៩នាក់ ទៀតឆ្លងមេរោគកូវីដ-១៩ ដែលភាគច្រើនសុទ្ធតែពាក់ព័ន្ធ នឹងព្រឹត្តិការណ៍សហគមន៍២០កុម្ភៈ និងករណីឆ្លងថ្មី ២៥នាក់ គឺជាករណីនាំចូល។ក្នុងសេចក្ដីប្រកាសនៅថ្ងៃនេះ ក្រសួងសុខាភិបាល បានឱ្យដឹងទៀតថា អ្នកជំងឺកូវីដ-១៩ចំនួន ២នាក់ទៀត បានស្លាប់បាត់បង់ជីវិត ដោយសារជំងឺនេះ ដែលនាំឱ្យតួលេខអ្នកស្លាប់សរុបឡើងដល់ ១៩៦ នាក់ហើយគិតត្រឹមថ្ងៃនេះ ។ក្រសួងសុខាភិបាល ក៏បានឱ្យដឹងផងដែរថា អ្នកជំងឺកូវីដ-១៩ ចំនួន២០ ៩០០នាក់ ត្រូវបានព្យាបាលជាសះស្បើយហើយ ក្នុងនោះ មានទាំងអ្នកជាសះស្បើយថ្មី ៥០២នាក់ ដែលក្រសួងប្រកាសនៅថ្ងៃនេះផងដែរ៕

ស្នងការខេត្តឧត្តរមានជ័យ ផ្តល់ថវិកាលើទឹកចិត្តដល់កម្លាំងសមត្ថកិច្ច ដែលមានស្នាដៃបង្ក្រាបគ្រឿងញៀន

ឧត្តរមានជ័យ៖ ដោយមានការចង្អុលបង្ហាញពីឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការដ្ឋាននគរបាលខេត្តឧត្តរមានជ័យ បានផ្តល់ថវិកាលើទឹកចិត្តដល់កងកម្លាំងសមត្ថកិច្ចជំនាញ នឹងកម្លាំងប្រជាការពារ ដែលមានស្នាដៃ ក្នុងការចុះបង្ក្រាបស្រាវជ្រាវករណីមេខ្លោងចែកចាយគ្រឿងញៀន នឹងប្រើប្រាស់អាវុធខុសច្បាប់ ។គួររម្លឹកថា កាលពីថ្ងៃទី២៣ ឧសភាឆ្នាំ២០២១ កន្លងមកនេះ កម្លាំងសមត្ថកិច្ច ចុះបង្ក្រាបករណីមេខ្លោងចែកចាយគ្រឿងញៀន នឹងប្រើប្រាស់អាវុធខុសច្បាប់ នៅចំណុចភូមិសាស្ត្រសង្កាត់អូរស្មាច់ ក្រុងសំរោង ខេត្តឧត្តរមានជ័យ។លោកឧត្តមសេនីយ៍ទោ ហួត សុធី ស្នងការខេត្តឧត្តរមានជ័យ បានឲ្យដឹងថា ការចុះស្រាវជ្រាវបង្ក្រាបករណីមេខ្លោងជួញដូរចែកចាយគ្រឿងញៀន នឹងការប្រើប្រាស់អាវុធខុសច្បាប់ កាលពី កន្លងមកថ្មីៗនេះ កម្លាំងជំនាញយើងបានធ្វើការចុះស្រាវជ្រាវអស់រយៈពេលជាច្រើនខែបន្ទាប់ពីជនសង្ស័យចំនួន៤នាក់នោះ បានធ្វើសកម្មភាពបាញ់រះមកលើសមត្ថកិច្ច កាលពីពេលកន្លងមក ពេលចុះធ្វើការប្រដេញតាមផ្លូវក្រវ៉ាត់ព្រំដែន នឹងបានបាញ់រះតបជាមួយសមត្ថកិច្ចជាច្រើនគ្រាប់បណ្តាលឲ្យសមត្ថកិច្ចម្នាក់ រងរបួសធ្ងន់ កាលពីឆ្នាំ២០២០ នៅស្រុកអន្លង់វែង ។ បច្ចុប្បន្នត្រូវបានកម្លាំងសមត្ថកិច្ចជំនាញស្រាវជ្រាវចាប់ខ្លួនបាន។ជាមួយគ្នានោះដែរ ថវិកាដែលត្រូវផ្តល់ឲ្យលើកទឹកចិត្តដល់កងកម្លាំងដែលមានស្នាដៃ ក្នុងការបង្ក្រាបនោះ រួមមាន ៖ ជំនាញផែនព្រហ្មទណ្ឌចំនួន៥០ម៉ឺន ផែនគ្រឿងញៀន១លានរៀល មន្ត្រីប៉ុស្តិ៍នគរបាលសង្កាត់អូរស្មាច់៥០ម៉ឺនរៀល នឹងកម្លាំងប្រជាការពារ២០ម៉ឺនរៀលផងដែរ៕អត្ថបទ ៖ ឃិន សារិទ្ធ

ស្លាប់ម្នាក់ និងរបួសធ្ងន់ម្នាក់ ដោយសារបើកគោយន្តកិនមីន នៅស្រុកសំឡូត

បាត់ដំបង៖ ជនរងគ្រោះម្នាក់ បានស្លាប់បាត់បង់ជីវិតភ្លាមៗនៅនឹងកន្លែងកើតហេតុ ខណៈម្នាក់ទៀតបានរងរបួសធ្ងន់ ដោយសារបើកគោយន្តមកពីចម្ការ ហើយបានកិនមីនដែលបន្សល់ទុកពីសម័យសង្គ្រាម ដែលករណីនេះ បានកើតឡើងនៅវេលាម៉ោង ០២និង៣០នាទី រសៀលថ្ងៃទី២៧ ខែឧសភា ឆ្នាំ២០២១ នៅចំណុចភូមិចំការចេក ឃុំស៊ុង ស្រុកសំឡូត ខេត្តបាត់ដំបង។អាជ្ញាធរមូលដ្ឋាន បានឲ្យដឹងថា ជនរងគ្រោះបានស្លាប់ឈ្មោះ ប៊ន សុភា ភេទប្រុស អាយុ១៨ឆ្នាំ ជាអ្នកបើកគោយន្ត រស់នៅភូមិឃុំកើតហេតុ ចំណែកអ្នករងរបួសឈ្មោះ មាង់ សីហ័រ អាយុ២៦ឆ្នាំ រស់នៅភូមិឃុំជាមួយគ្នា ហើយត្រូវជាអ្នកជិះ។ប្រភពបានបន្តថា មុនពេលកើតហេតុ ជនរងគ្រោះបានបើកគោយន្តទៅកាត់ស្មៅចម្ការ ដែលជាដីចម្ការថ្មី មិនធ្លាប់អាស្រ័យផលពីមុន និងក្រោយមកក៏នាំគ្នា ជិះគោយន្តមកផ្ទះវិញ បើកនៅតាមផ្លូវចាស់ (ផ្លូវសល់ពីសង្គ្រាម) ហើយក៏កិនគ្រាប់មីនតែម្ដង បង្កជាគ្រោះថ្នាក់បែបនេះតែម្ដង ។អាជ្ញាធរដដែល បានបន្ថែមថា ចំពោះអ្នករងរបួស ពេលកើតហេតុភ្លាមៗ ក៏បានរត់ទៅរកអ្នកភូមិឲ្យជួយ និងប្រាប់ពីហេតុការណ៍ ហើយពេលប្រាប់រួច ក៏ដួលសន្លប់ និងត្រូវបញ្ជូនទៅសង្គ្រោះនៅមន្ទីរពេទ្យ ចំណែកអ្នកស្លាប់ បានប្រគល់ឲ្យគ្រួសារ ធ្វើបុណ្យតាមប្រពៃណី៕

ងាប់ត្រីជាច្រើនប្រភេទ ក្នុងស្ទឹងនៅស្រុករតនមណ្ឌល ដោយសារធ្លាយជាតិពុលចេញពីរោងចក្រមួយកន្លែង

បាត់ដំបង ៖ ត្រីតូចធំជាច្រើនប្រភេទ បានពុលងាប់ជាបន្តបន្ទាប់ នៅក្នុងស្ទឹងថ្វាក ស្ថិតក្នុងស្រុករតនមណ្ឌល ខេត្តបាត់ដំបង ដោយសារតែមានការធ្លាយនូវជាតិពុល ចេញពីរោងចក្ររបស់ក្រុមហ៊ុនចិនមួយឈ្មោះ “វ៉ាកាង” នៅបែកខាងក្រោមទំនប់ពហុបំណងសេកសក ។បើតាមប្រជាពលរដ្ឋ ចុះស្រង់ត្រីងាប់អណ្ដែតទឹកស្ទឹង បានឲ្យដឹងថា ករណីនេះ កើតឡើងតាំងពីរសៀលថ្ងៃទី២៦ ដល់ព្រឹកថ្ងៃទី២៧ ខែឧសភា ឆ្នាំ២០២១ ដោយសារធាតុនោះពណ៌ក្រម៉ៅ ល្អក់ បានហូរពេញស្ទឹង ដែលចេញពីរោងចក្រ ទីតាំងដែលហូរចូលនោះ បានប៉ះពាល់ដល់ឃុំចំនួន៣ គឺឃុំត្រែង ឃុំផ្លូវមាស និងឃុំអណ្ដើកហែប ស្រុករតនមណ្ឌល ។ពលរដ្ឋ បានបន្តថា មិនត្រឹមតែប៉ុណ្ណោះ ជាតិពុលនេះ ក៏បានធ្វើឲ្យត្រីក្នុងស្ទឹង បានងាប់ជាច្រើនក្បាល ខណៈសារធាតុនេះ ក៏ធ្វើឲ្យប៉ះពាល់ផងដែរ តំបន់ទេសចរណ៍ស្ទឹងថ្វាក ដែលមានអ្នកទេសចរណ៍ទៅលេង ហើយករណីនេះ ជាលើកទីពីរ ដែលជាតិពុលបានហូរចេញពីរោងចក្រចិនមួយនោះ ។លោក សន និល អធិការនគរបាលស្រុករតនមណ្ឌល បានឲ្យដឹងថា ក្រោយទទួលដំណឹងភ្លាមៗ កម្លាំងនគរបាលស្រុក និងអាជ្ញាធរឃុំ បានចុះទៅកាន់ទីតាំងរោងចក្រចិនខាងលើ ដើម្បីត្រួតពិនិត្យ គឺឃើញថា ជាតិពុលនេះ បានហៀរចេញពីកន្លែងអាងស្តុបទឹកពណ៌លឿង នៃរោងចក្រពិតប្រាកដមែន ដោយសារតែទឹកភ្លៀងខ្លាំងបានហូរច្រោះក្នុងអាងនេះ បណ្តាលឲ្យហៀរទឹកគីមីពុលចូលស្ទឹងតែម្ដង ។លោកអធិការ បានបញ្ជាក់ថា ក្រោយពីចុះពិនិត្យអាជ្ញាធរបានឲ្យម្ចាស់ទីតាំងរោងចក្រខាងលើនេះ បិទកន្លែងធ្លាយចេញពីអាងស្តុកនេះ រួចរាល់ហើយ មិនមានហូរជាតិពុលចេញមកទៀតនោះទេ និងណែនាំឲ្យម្ចាស់រោងចក្រមានការប្រុងប្រយ័ត្ន បើមានលើកក្រោយទៀត នឹងរាយការណ៍ជូនថ្នាក់លើ ដើម្បីចាត់ការតាមច្បាប់ ។បើតាមលោកអនុសេនីយ៍ទោ អ៊ី រស្មាក់ នាយប៉ុស្តិ៍រដ្ឋបាលអណ្ដើកហែប បានឲ្យដឹងថា គិតត្រឹមរសៀលថ្ងៃទី២៧ ខែឧសភា ទឹកក្នុងស្ទឹងបានថ្លា ឡើងវិញហើយ បន្ទាប់ពីចំហាយសារធាតុពណ៌ខ្មៅបានហូរទៅក្រោមអស់ ហើយចំពោះត្រីក្នុងស្ទឹង ត្រង់ចំណុចឃុំនេះ ក៏លែងងាប់ហើយដែរ ៕

បុរសម្នាក់ត្រូវបានបញ្ជូនទៅពន្ធនាគារ ក្រោយរត់ចេញពីមណ្ឌលព្យាបាលជំងឺកូវីដ-១៩

ភ្នំពេញ ៖ បុរសម្នាក់ ដែលបានរត់ចេញពីមណ្ឌលព្យាបាល កូវីដ-១៩ ត្រូវអាវុធហត្ថរាជធានីភ្នំពេញ បញ្ជូនទៅឃុំខ្លួនបណ្តោះអាសន្ននៅពន្ធនាគារព្រៃស (ម១) កាលពីល្ងាច ថ្ងៃទី២៦ ខែឧសភា ឆ្នាំ២០២១ តាមដីកាបង្គាប់ឲ្យឃុំខ្លួនលេខ ៣៥២៣ ខ.ដ.ឃ.ដ ចុះថ្ងៃទី២៦ ខែឧសភា ឆ្នាំ២០២១ របស់ចៅក្រមស៊ើបសួរ រស់ សាម៉ឺឌី បន្ទាប់ពីបុរសរូបនេះ ត្រូវបានព្យាបាលជាសះស្បើយពីជំងឺកូវីដ-១៩រួចរាល់ ។យោងតាមច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ ការរត់គេចចេញពីមណ្ឌលព្យាបាល ត្រូវប្រឈមនឹង ការផ្តន្ទាទោសដាក់ពន្ធនាគារពី១ឆ្នាំ ទៅ៥ឆ្នាំ និងពិន័យជាប្រាក់ពី ៥លានរៀលទៅ២០លានរៀល តែបើមានការចម្លងដល់អ្នកដទៃ នឹងត្រូវផ្តន្ទាទោសដាក់ពន្ធនាគារពី៥ឆ្នាំ ទៅ១០ឆ្នាំជាមិនខាន។ជាមួយគ្នានេះ អាវុធហត្ថរាជធានីភ្នំពេញ សូមធ្វើការអំពាវនាវជាថ្មីម្តងទៀត ដល់បងប្អូនប្រជាពលរដ្ឋដែល វិជ្ជមានជំងឺកូវីដ-១៩ សូមមេត្តាចូលរួមអនុវត្តតាមវិធានការព្យាបាល របស់ក្រសួងសុខាភិបាល ដោយការ អត់ធ្មត់ដើម្បីឲ្យជាសះស្បើយ ជៀសវាងរត់គេចដែលអាចនាំទុក្ខដល់សុខភាពខ្លួនផង នាំទុក្ខដល់អ្នកដ៏ទៃក្នុងក្រុមគ្រួសារ និងសហគមន៍ផង និង ត្រូវមានទោសទណ្ឌ ជាប់ពន្ធនាគាររយៈពេលវែងផងដែរ។សូមជម្រាបជូនថា បុរសខាងលើ បានព្យាយាមរត់ចេញពីមណ្ឌលព្យាបាលជំងឺកូវីដ-១៩ បង្កការភ្ញាក់ផ្អើល ដល់ក្រុមគ្រូពេទ្យ ដែលប្រចាំការក្នុងមណ្ឌលគ្រប់ៗគ្នា កាលពីល្ងាច ថ្ងៃទី២២ ខែឧសភា ឆ្នាំ២០២១។ បន្ទាប់ពីបានទទួលការស្នើសុំ ឲ្យជួយអន្តរាគមន៍ពីក្រុមគ្រូពេទ្យ កម្លាំង គ-អន្តរាគមន៍ កងរាជអាវុធហត្ថរាជធានីភ្នំពេញ បានចេញ ស្រាវជ្រាវរុករកមុខសញ្ញាតាមបណ្តាភូមិសាស្ត្ររាជធានីភ្នំពេញ រយៈពេលត្រឹមតែ១៥នាទី ក៏រកឃើញអ្នកជំងឺកូវីដ-១៩ម្នាក់នោះ នៅចំណុចផ្លូវ៣៧១ កែងនឹងផ្លូវ២០០២ ទើបសមត្ថកិច្ចអាវុធហត្ថភ្នំពេញ ដែលបានត្រៀមរួចជាស្រេច ជាមួយសំលៀកបំពាក់ ការពារមេរោគ និង ឧបករណ៍ចាប់ពីចម្ងាយស្វ័យប្រវត្តិ ចាប់ឃាត់ខ្លួនអ្នកជំងឺកូវីដ-១៩នោះភ្លាមៗ តែម្តង៕អត្ថបទ ៖ តារាវុទ្ធី

ខេត្តតាកែវ បន្តរកឃើញអ្នកឆ្លងជំងឺកូវីដ-១៩ចំនួន១១នាក់ នៅថ្ងៃនេះ

តាកែវ ៖ ខេត្តតាកែវ បន្ដការរកឃើញអ្នកឆ្លងជំងឺកូវីដ-១៩ ចំនួន១១នាក់ថ្មីបន្ថែមទៀត ដែលជាករណីឆ្លងសហគមន៍ បន្ទាប់ពីបានយកវត្ថុសំណាកជនសង្ស័យទៅធ្វើការវិភាគរកមេរោគកូវីដ-១៩ កាលពីម្សិលមិញ។បើយោងតាមសេចក្ដីជូនដំណឹងរបស់រដ្ឋបាលខេត្តតាកែវ នៅថ្ងៃទី២៧ខែឧសភានេះ បានឲ្យដឹងថា អ្នកឆ្លងជំងឺកូវីដ-១៩ ចំនួន១១នាក់នេះ ជាករណីឆ្លងសហគមន៍ហើយអ្នកជំងឺភាគច្រើនជាអាជីវករ សិស្ស អ្នកលក់ដូ និងបងប្អូនកម្មករ ដែលបំរើការនៅរោងចក្រមួយចំនួន នៅក្នុងខេត្តតាកែវ។រដ្ឋបាលខេត្តតាកែវ ក៏សូមអំពាវនាវដល់លោកលោកស្រីអាជីវករបងប្អូនប្រជាពលរដ្ឋ និងក្រុមគ្រួសារ ដែលធ្លាប់បានប្រាស្រ័យទាក់ទងដោយផ្ទាល់ និងប្រយោលជាមួយអ្នកវិជ្ជមានកូវីដ-១៩ ខាងលើ ត្រូវរាយការណ៍មកអាជ្ញាធរមូលដ្ឋាន ជាបន្ទាន់ និងប្រញាប់រួសរាន់ទៅយកសំណាកដើម្បីវិភាគរកវីរុសកូវីដ-១៩ នៅតាមមន្ទីរពេទ្យបង្អែក ឬមណ្ឌលសុខភាពនៅជិតផ្ទះរបស់លោកអ្នករៀងរាល់ម៉ោងធ្វើការ ហើយត្រូវធ្វើចត្តាឡីស័ក ឲ្យបានត្រឹមត្រូវតាមការណែនាំរបស់ក្រសួងសុខាភិបាល។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានប្រាប់ទូរទស្សន៍BTV បានឲ្យដឹងថា អ្នកជំងឺកូវីដ-១៩ ដែលចំនួន១១នាក់ ដែលអាជ្ញាធរខេត្តប្រកាសនៅថ្ងៃនេះ ភាគច្រើនជាអ្នករស់នៅក្នុងស្រុកបាទី និងស្រុកសំរោង ហើយពួកគេត្រូវបានដាក់អោយសម្រាកព្យាបាលនៅតាមមន្ទីរពេទ្យបង្អែក នៅក្នុងស្រុកនីមួយៗ ហើយមន្ត្រីជំនាញសុខាភិបាល ក៏កំពុងតែបន្តយកសំណាកអ្នកពាក់ព័ន្ធទៅធ្វើតេស្តរកមេរោគកូវីដ-១៩ បន្តទៀតផងដែរ៕អត្ថបទ ៖គុជ វិភាគ

ចំនួនអ្នកឆ្លងជំងឺកូវីដ-១៩ ក្នុងតំបន់ផ្សារព្រៃទា មានជាង៦០០នាក់ ខណៈអ្នកពាក់ព័ន្ធជាង៤ពាន់នាក់ កំពុងយកសំណាក

ភ្នំពេញ ៖ ចំនួនប្រជាពលរដ្ឋ និងកម្មកររោងចក្រ ក្នុងតំបន់ផ្សារព្រៃទា ខណ្ឌពោធិ៍សែនជ័យ ឆ្លងជំងឺកូវីដ-១៩ មានជាង៦០០នាក់ គិតត្រឹមថ្ងៃទី២៧នេះ ខណៈអាជ្ញាធរបិទខ្ទប់តំបន់ផ្សារព្រៃទា ហាមមិនឱ្យប្រជាពលរដ្ឋ ធ្វើដំណើរចេញ-ចូល។យោងតាមអាជ្ញាធរមូលដ្ឋាន តំបន់ព្រៃទាទាំងមូល ត្រូវបានបិទបណ្តោះអាសន្ន ដើម្បីអាជ្ញាធរមានសមត្ថកិច្ច យកសំណាករបស់ប្រជាពលរដ្ឋ និងកម្មករ មានលំនៅឋានក្នុងតំបន់បិទខ្ទប់ ធ្វើវិភាគរកជំងឺកូវីដ-១៩។រោងចក្រ Hand Seven បានបិទទ្វារបណ្តោះអាសន្នតាំងពីថ្ងៃទី២៣ ខែឧសភា ដើម្បីធ្វើយកសំណាកធ្វើតេស្ត បន្ទាប់ពីសង្ស័យមានការឆ្លងមេរោគ។ ចំនួនកម្មកររោងចក្រ Hand Seven បានពិនិត្យឃើញ ឆ្លងជំងឺកូវីដ-១៩ បានកើនឡើងជាបន្តបន្ទាប់។ កម្មករផ្សេងទៀត បន្ទាប់ពីការយកសំណាក គឺតម្រូវឱ្យធ្វើចត្តាឡីស័ក តាមផ្ទះ និងបន្ទប់ជួលរៀងខ្លួន ដើម្បីតាមដានសុខភាព។អាជ្ញាធរមូលដ្ឋាន បញ្ជាក់ថា ដោយសារកម្មកររោងចក្រ មានឆ្លងជំងឺកូវីដ-១៩ ហើយបានប៉ះពាល់ដោយប្រយោល ជាមួយនឹងប្រជាពលរដ្ឋ ដែលជាអ្នកលក់នៅមុខរោងចក្រ និងមានលំនៅឋាន នៅក្នុងតំបន់រោងចក្រ និងម្ចាស់បន្ទប់ជួលដែលកម្មកររស់នៅ។សូមបញ្ជាក់ថា កាលពីថ្ងៃទី២៥ ខែឧសភា ឆ្នាំ២០២១ កម្លាំងនគរបាលរាជធានីភ្នំពេញ បានចុះសហការជាមួយកម្លាំងគណៈបញ្ជាការឯកភាពខណ្ឌពោធិ៍សែនជ័យ នាំយករនាំងដែក និងដាក់ពង្រាយកម្លាំងបិទខ្ទប់ចំនួន១៤គោលដៅម្តុំផ្សារព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។ក្នុងការដាក់ពង្រាយរនាំងដែកនេះ អាជ្ញាធរហាមឃាត់មិនឱ្យប្រជាពលរដ្ឋនៅក្នុងភូមិសាស្ត្រខាងលើធ្វើដំណើរចេញ-ចូល និងមិនអនុញ្ញាតឱ្យប្រជាពលរដ្ឋនៅខាងក្រៅធ្វើដំណើរចូលក្នុងតំបន់នោះទេ ដើម្បីបង្ការទប់ស្កាត់កុំឱ្យមានការឆ្លងរីករាលដាលជំងឺកូវីដ-១៩ ទៅតំបន់ផ្សេងទៀត ។ដោយសារអត្រាឆ្លងថ្មីកើនឡើង រដ្ឋបាលរាជធានីភ្នំពេញ បានកំណត់ ផ្នែកខ្លះនៃភូមិព្រៃទា១ នៃសង្កាត់ចោមចៅទី៣ ខណ្ឌពោធិ៍សែនជ័យ ដែលរោងចក្រ Hand Seven មានទីតាំងក្នុងតំបន់ភូមិសាស្ត្រនេះ ជាតំបន់លឿងទុំសម្រាប់អនុវត្តរយៈពេល ១៤ថ្ងៃ គិតចាប់ពីម៉ោងសូន្យ នាថ្ងៃទី២៧ ខែឧសភា ឆ្នាំ២០២១ រហូតដល់ថ្ងៃទី០៩ ខែមិថុនា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ៕អត្ថបទ ៖ ឈិត បូរ៉ាវី

អ្នកជំងឺកូវីដ-១៩ មួយចំនួននៅមន្ទីរពេទ្យបង្អែកពញាក្រែក ធ្វើតេស្តរកសារធាតុញៀន ខណៈសន្តិសុខត្រូវរឹតបន្តឹង

ត្បូងឃ្មុំ ៖ ក្រោយពីបុរសម្នាក់ ដែលមានជំងឺកូវីដ-១៩ និងញៀនថ្នាំ បានវាយសម្លាប់មន្ត្រីយោធាម្នាក់ ដែលជាអ្នកយាមមន្ទីរពេទ្យបង្អែកស្រុកពញាក្រែក អ្នកជំងឺមួយចំនួននៅក្នុងមន្ទីរពេទ្យនេះ ធ្វើតេស្តរកសារធាតុញៀន ប៉ុន្តែអវិជ្ជមាន ខណៈសន្តិសុខ ត្រូវបានរឹតបន្តឹង។លោកស្រីវេជ្ជបណ្ឌិត ហុង កុសល ប្រធានមន្ទីរពេទ្យបង្អែកស្រុកពញាក្រែក ក្នុងខេត្តត្បូងឃ្មុំ បានប្រាប់BTVនៅថ្ងៃនេះថា បន្ទាប់ពីមានករណីអ្នកជំងឺកូវីដ-១៩ញៀនថ្នាំ បានវាយសម្លាប់មន្ត្រីយោធា ដែល ជាអ្នកយាមមន្ទីរពេទ្យ កាលពីថ្ងៃទី២៥ ខែឧសភានេះមក ចំពោះអ្នកដែលមានវិជ្ជមានកូវីដ-១៩ កំពុងសម្រាកព្យាបាលនៅមន្ទីរបង្អែកនេះទាំងអស់ ត្រូវបានធ្វើតេស្តរកសារធាតុញៀន ហើយក្រុមគ្រូពេទ្យ នឹងសហការជាមួយកងកម្លាំងសមត្ថកិច្ច ដើម្បីរឹតបន្តឹងការយាមកាមបន្ថែមទៀត ដោយមានបំពាក់កាមេរ៉ាសុវត្ថិភាពនៅតាមបន្ទប់នីមួយៗ និងបន្ថែមកងកម្លាំងសមត្ថកិច្ចចំនួន៤ ទៅ៥នាក់ទៀត នៅកន្លែងមណ្ឌលចត្តាឡីស័ក និងមណ្ឌលពិនិត្យព្យាបាលជំងឺកូវីដ-១៩។កាលពីល្ងាចថ្ងៃទី២៥ ខែឧសភា នេះ បុរសម្នាក់ ដែលវិជ្ជមានកូវីដ-១៩ និងញៀនថ្នាំផងនោះ បានធ្វើសកម្មភាពវាយសម្លាប់មន្ត្រីយោធាផ្នែកសឹករងស្រុកពញាក្រែក ដែលត្រូវបានអង្គភាពបញ្ជូនទៅយាមនៅមន្ទីរពេទ្យបង្អែកស្រុកពញាក្រែក។ ក្រោយកើតហេតុ បុរសនេះ ត្រូវបានឃាត់ខ្លួន និងបញ្ជូនទៅដាក់ក្នុងបន្ទប់ដាច់ដោយឡែក ដើម្បីព្យាបាលជំងឺកូវីដ-១៩ និងបន្សាបគ្រឿងញៀន បន្ទាប់មកទៀត នឹងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕អត្ថបទ៖ ថុង សីហា

អាជីវកររាប់រយនាក់ នៅផ្សារសាមគ្គីហ៊ុយគាំង ខេត្ដសៀមរាប ធ្វើតេស្ដរកមេរោគកូវីដ-១៩

សៀមរាប ៖ ក្រោយពីរកឃើញអ្នកឆ្លងជំងឺកូវីដ-១៩ម្នាក់ ជាអ្នកលក់ដូរកាហ្វេ នៅក្នុងផ្សារសាមគ្គីហ៊ុយគាំង ស្ថិតនៅក្នុងក្រុងសៀមរាប កាលពីថ្ងៃទី២៥ ខែឧសភានេះ អាជ្ញាធរខេត្ដសៀមរាប បានអំពាវឱ្យអាជីវករ ក៏ដូចជាប្រជាពលរដ្ឋដែលជាប់ពាក់ព័ន្ធ នឹងការចូលទៅក្នុងផ្សារនោះ ធ្វើទៅតេស្ដរកមេរោគកូវីដ-១៩ និងធ្វើចត្ដាឡីស័ក តាមផ្ទះដើម្បីការពារការឆ្លងជំងឺកូវីដ-១៩នេះ។លោក នាក់ ណេរ៉ុន អភិបាលរងខេត្ដសៀមរាប បានមានប្រសាសន៍ថា នៅក្នុងផ្សារនោះ មានអាជីវក ក៏ដូចជាប្រជាពលរដ្ឋរាប់រយនាក់ បានជាប់ពាក់ព័ន្ធដោយផ្ទាល់ និងប្រយោល ព្រោះពួកគាត់ទៅរកទិញកាហ្វេ ឬពិសាកាហ្វេរបស់ស្ដ្រីម្នាក់ដែលមានឈ្មោះ ស៊ុ សុធា ជាអាជីវករលក់ដូរកាហ្វេនៅក្នុងផ្សារនោះ ។ជាមួយគ្នានោះ អ្នកវិជ្ជមានកូវីដ១៩រូបនេះ ក៏បានដើរលក់កាហ្វេនៅកន្លែងផ្សេងៗជាច្រើនកន្លែងទៀត ព្រោះគាត់ជាអ្នកផ្គត់ផ្គង់ ក៏ដូចជាអ្នកបោះដុំកាហ្វេ ដែលអាចធ្វើអោយអាជ្ញាធរព្រួយបារម្ភមានការជាប់ពាក់ព័ន្ធច្រើននាក់។លោក បានបន្ដថា នៅថ្ងៃទី២៦ ខែឧសភានេះ ក្រុមគ្រូពេទ្យបានយកសំណាក់ធ្វើតេស្ដ ក្រុមអាជីវករ នៅខាងមុខផ្សារជាច្រើនរយនាក់ ប៉ុន្ដែមិនទាន់ដឹងថា មានការឆ្លងនៅឡើយ ទេ ព្រោះជាការធ្វើតេស្ដលើកទី១។លោក ថ្លែងថា បើតាមការស្រង់ចំនួនអ្នកលក់ដូរនៅក្នុងផ្សារនោះ មានអាជីវករលក់ដូរប្រមាណជាង៦០០តូប ហើយខ្លះទៀតប្រជាពលរដ្ឋពួកគាត់ក៏បានចូលទៅផ្សារ និងទៅកន្លែងលក់កាហ្វេនោះដែរ។សូមជម្រាបថា កាលពីថ្ងៃទី២៦ ខែឧសភានេះ អាជ្ញាធរខេត្ដសៀមរាប បានសម្រេចបិទការចេញចូល ផ្សារសាមគ្គីហ៊ុយគាំងង ស្ថិតនៅភូមិបន្ទាយចាស់ សង្កាត់ស្លក្រាម ក្រុងសៀមរាប ជាបណ្ដោះអាសន្ន ចាប់ពីថ្ងៃទី២៦ ខែឧសភា ឆ្នាំ២០២១ បន្ទាប់ពីអាជ្ញាធរខេត្ដនេះ បានរកឃើញអ្នកវិជ្ជមានកូវីដ១៩ មកពីរាជធានីភ្នំពេញ នៅក្នុងផ្សារនោះ។ស្ដ្រីវិជ្ជមានកូវីដ-១៩រូបនោះ មកពីរាជធានីភ្នំពេញ ក្នុងតំបន់លឿងទំ ហើយបច្ចុប្បន្ននេះ កំពុងមានជំងឺធ្ងន់ធ្ងរកំពុងសម្រាកព្យាបាលនៅមន្ទីរពេទ្យបង្អែកខេត្ដសៀមរាប ។រដ្ឋបាល ខេត្ដសៀមរាប ក៏បានអំពាវឱ្យអាជីវករ ក៏ដូចជាប្រជាពលរដ្ឋដែលជាប់ពាក់ព័ន្ធ នឹងការចូលទៅក្នុងផ្សារនោះ ធ្វើទៅតេស្ដរកមេរោគកូវីដ-១៩ និងធ្វើចត្ដាឡីស័ក តាមផ្ទះដើម្បីការពារការឆ្លងជំងឺកូវីដ-១៩នេះ៕អត្ថបទ ៖ សាវី

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

មន្ត្រីសុខាភិបាល បន្តយកសំណាកកម្មករជាង២០០នាក់ នៅស្រុកសំរោង ទៅធ្វើតេស្តរកកូវីដ-១៩

កម្ពុជាបន្ដរកឃើញអ្នកឆ្លងថ្មីចំនួន៥៩៩នាក់ទៀត ខណៈអ្នកជាសះស្បើយ៥០២នាក់

ស្នងការខេត្តឧត្តរមានជ័យ ផ្តល់ថវិកាលើទឹកចិត្តដល់កម្លាំងសមត្ថកិច្ច ដែលមានស្នាដៃបង្ក្រាបគ្រឿងញៀន

ស្លាប់ម្នាក់ និងរបួសធ្ងន់ម្នាក់ ដោយសារបើកគោយន្តកិនមីន នៅស្រុកសំឡូត

ងាប់ត្រីជាច្រើនប្រភេទ ក្នុងស្ទឹងនៅស្រុករតនមណ្ឌល ដោយសារធ្លាយជាតិពុលចេញពីរោងចក្រមួយកន្លែង

បុរសម្នាក់ត្រូវបានបញ្ជូនទៅពន្ធនាគារ ក្រោយរត់ចេញពីមណ្ឌលព្យាបាលជំងឺកូវីដ-១៩

ខេត្តតាកែវ បន្តរកឃើញអ្នកឆ្លងជំងឺកូវីដ-១៩ចំនួន១១នាក់ នៅថ្ងៃនេះ

ចំនួនអ្នកឆ្លងជំងឺកូវីដ-១៩ ក្នុងតំបន់ផ្សារព្រៃទា មានជាង៦០០នាក់ ខណៈអ្នកពាក់ព័ន្ធជាង៤ពាន់នាក់ កំពុងយកសំណាក

អ្នកជំងឺកូវីដ-១៩ មួយចំនួននៅមន្ទីរពេទ្យបង្អែកពញាក្រែក ធ្វើតេស្តរកសារធាតុញៀន ខណៈសន្តិសុខត្រូវរឹតបន្តឹង

អាជីវកររាប់រយនាក់ នៅផ្សារសាមគ្គីហ៊ុយគាំង ខេត្ដសៀមរាប ធ្វើតេស្ដរកមេរោគកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

មន្ត្រី​សុខាភិបាល​ បន្ត​យក​សំណាក​កម្មករ​ជាង​២០០នា​ក់ ​នៅ​ស្រុក​សំរោង ​ទៅធ្វើ​តេស្តរកកូ​វីដ​-១៩

កម្ពុជា​បន្ដរកឃើញអ្នកឆ្លងថ្មីចំនួន៥៩៩នាក់ទៀត ​ខណៈអ្នកជាសះស្បើយ​៥០២នាក់​

ស្លាប់​ម្នាក់ និង​របួសធ្ងន់​ម្នាក់ ដោយសារ​បើក​គោយន្ត​កិន​មីន នៅ​ស្រុក​សំឡូត​

បុរស​ម្នាក់​ត្រូវ​​បាន​បញ្ជូនទៅ​ពន្ធនាគារ ក្រោយ​រត់​ចេញពី​មណ្ឌល​ព្យាបាល​ជំងឺ​កូ​វីដ​-១៩

ខេត្តតាកែវ​ បន្ត​រកឃើញ​អ្នក​ឆ្លង​ជំងឺ​កូ​វីដ-​១៩​ចំនួន​១១​នាក់ ​នៅថ្ងៃនេះ​

អាជីវករ​រាប់រយ​នាក់ នៅ​ផ្សារ​សាមគ្គី​ហ៊ុយ​គាំង ខេត្ដ​សៀមរាប​​ ធ្វើតេស្ដរក​មេរោគ​កូ​វីដ​-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ត្រីសុខាភិបាល បន្តយកសំណាកកម្មករជាង២០០នាក់ នៅស្រុកសំរោង ទៅធ្វើតេស្តរកកូវីដ-១៩

កម្ពុជាបន្ដរកឃើញអ្នកឆ្លងថ្មីចំនួន៥៩៩នាក់ទៀត ខណៈអ្នកជាសះស្បើយ៥០២នាក់

ស្លាប់ម្នាក់ និងរបួសធ្ងន់ម្នាក់ ដោយសារបើកគោយន្តកិនមីន នៅស្រុកសំឡូត

បុរសម្នាក់ត្រូវបានបញ្ជូនទៅពន្ធនាគារ ក្រោយរត់ចេញពីមណ្ឌលព្យាបាលជំងឺកូវីដ-១៩

ខេត្តតាកែវ បន្តរកឃើញអ្នកឆ្លងជំងឺកូវីដ-១៩ចំនួន១១នាក់ នៅថ្ងៃនេះ

អាជីវកររាប់រយនាក់ នៅផ្សារសាមគ្គីហ៊ុយគាំង ខេត្ដសៀមរាប ធ្វើតេស្ដរកមេរោគកូវីដ-១៩