BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

ខេត្តព្រៃវែង រកឃើញស្ត្រី៥នាក់ និងបុរស២នាក់ទៀតឆ្លងកូវីដ-១៩ នៅតាមស្រុកចំនួន៤

ព្រៃវែង ៖ រដ្ឋបាលខេត្តព្រៃវែង បានប្រកាសថា បានរកឃើញមនុស្ស ៧នាក់ទៀតបានឆ្លងមេរោគកូវីដ-១៩កាលពីថ្ងៃម្សិលមិញនេះ។ក្នុងសេចក្ដីជូនដំណឹងរបស់ខ្លួន រដ្ឋបាលខេត្តព្រៃវែងបញ្ជាក់ថា ករណីឆ្លងថ្មីទាំង ៧នាក់នេះ ត្រូវបានរកឃើញលើពលរដ្ឋជាស្ត្រី ៥នាក់ និងបុរស ៣នាក់ ក្នុងនោះរកឃើញ ពលរដ្ឋ ៣នាក់ទៀតនៅស្រុកពារាំង អ្នកភូមិ ២នាក់ទៀតនៅស្រុកព្រះស្ដេច និងនៅឃើញ ១ករណីៗនៅស្រុកពាមជរ និងស្រុកកញ្ជៀច។គិតត្រឹមថ្ងៃម្សិលមិញនេះ ខេត្តព្រៃវែង បានរកឃើញមនុស្សសរុប ២៨៣នាក់ហើយបានឆ្លងមេរោគកូវីដ-១៩នៅក្នុងខេត្តមួយនេះ ក្នុងនោះអ្នកជំងឺកូវីដ-១៩ចំនួន ៤នាក់បានស្លាប់បាត់បង់ជីវិត។បើតាមរដ្ឋបាលខេត្តព្រៃវែង អ្នកជំងឺកូវីដ-១៩សរុប ១៤៣នាក់ហើយ ត្រូវបានព្យាបាលជាសះស្បើយ និង ១៣៦នាក់ទៀត កំពុងស្ថិតក្រោមការព្យាបាលបន្ត៕

ខេត្តកណ្ដាលសម្រេច អនុញ្ញាតឱ្យផ្សារស្អាងខាងជើង បើកដំណើរការវិញ តែតម្រូវឱ្យបន្តអនុវត្តវិធានការសុខាភិបាល

កណ្ដាល៖ រដ្ឋបាលខេត្តកណ្ដាល សម្រេចអនុញ្ញាតឱ្យផ្សារស្អាងខាងជើង ស្ថិតក្នុងស្រុកស្អាង បើកដំណើការឡើងវិញ ចាប់ពីថ្ងៃស្អែកនេះតទៅ។ក្នុងសេចក្ដីសម្រេចនៅថ្ងៃនេះ អភិបាលខេត្តកណ្ដាល លោក គង់ សោភ័ណ្ឌ បានបញ្ជាក់បន្ថែមថា បន្ទាប់ពីអនុញ្ញាតឱ្យបើកដំណើរការឡើងវិញ អាជីវករនៅផ្សារស្អាងខាងជើង និងប្រជាពលរដ្ឋ ត្រូវបន្តអនុវត្តតាមវិធានការសុខាភិបាល ដូចជា ពាក់ម៉ាស់ រក្សាគម្លាត និងលាងដៃសម្លាប់មេរោគជាប្រចាំ។អភិបាលខេត្តកណ្ដាល ក៏បានប្រាប់ទៅអាជ្ញាធរស្រុកស្អាង ឱ្យសម្របសម្រួលការបើកដំណើរការផ្សារមួយនេះឡើងវិញ ជាមួយការរៀបចំនូវវិធានការបង្ការការឆ្លងមេរោគកូវីដ-១៩ផងដែរ៕

ខេត្តតាកែវ រកឃើញមនុស្ស៤៩នាក់ទៀតឆ្លងកូវីដ-១៩ ភាគច្រើនជាកម្មការិនីរោងចក្រសាន់បូរ

តាកែវ៖ រដ្ឋបាលខេត្តតាកែវ បានប្រកាសថា មនុស្ស ៤៩នាក់ទៀត ត្រូវបានរកឃើញឆ្លងមេរោគកូវីដ-១៩ ដែលភាគច្រើនជាកម្មករកម្មការិនី រោងចក្រសាន់បូរ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តតាកែវ បានបញ្ជាក់ថា កម្មការិនីរោងចក្រសាន់បូរចំនួន ៣៥នាក់ទៀត ត្រូវបានរកឃើញឆ្លងមេរោគកូវីដ-១៩ ខណៈអាជីវករផ្សារសំរោងយ៉ោងចំនួន ៧នាក់ទៀត ក៏ត្រូវបានរកឃើញឆ្លងមេរោគនេះផងដែរ។ក្រៅពីនេះ ករណីឆ្លងមេរោគកូវីដ-១៩នេះក៏ត្រូវបានរកឃើញលើកុមារម្នាក់អាយុ ១០ឆ្នាំ កម្មករក្បឿង ២នាក់ អ្នកលក់បុកល្ហុង ២នាក់ និងបុរសម្នាក់អាយុ ៥១ឆ្នាំជាអ្នករត់តាក់ស៊ីភ្នំពេញ-ព្រះសីហនុ។អាជីវករជាច្រើននាក់ នៅផ្សារសំរោងយ៉ោង ស្ថិតក្នុងស្រុកបាទី ត្រូវបានរកឃើញឆ្លងមេរោគកូវីដ-១៩ជាបន្តបន្ទាប់ រហូតអាជ្ញាធរត្រូវសម្រេចផ្អាកដំណើរការផ្សារមួយនេះ ហើយប្រមូលសំណាកពីអាជីវករ និងអ្នកពាក់ព័ន្ធទាំងអស់ទៅពិនិត្យរកមេរោគ។ចំណែកឯរោងចក្រសាន់បូរវិញ ក៏បានរកឃើញករណីឆ្លងក្នុងចំណោមកម្មករកម្មការិនីជាច្រើនផងដែរ ដែលជំរុញឱ្យផ្អាកដំណើរការតាមផ្នែកខ្លះនៃរោងចក្រនេះផងដែរ៕

កម្ពុជារកឃើញមនុស្ស ៥៦៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៦៣នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាល បានប្រកាសនៅថ្ងៃនេះថា មនុស្ស ៥៦៨នាក់ទៀត ត្រូវបានរកឃើញឆ្លងមេរោគកូវីដ-១៩ ហើយអ្នកជំងឺកូវីដ-១៩ចំនួន ៦៦៣នាក់ទៀត ត្រូវបានព្យាបាលជាសះស្បើយ។ក្រសួងសុខាភិបាល បញ្ជាក់ថា ករណីឆ្លងថ្មីដល់ទៅ ៥៤០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ២៨នាក់ទៀត គឺជាករណីនាំចូល។ គិតត្រឹមថ្ងៃនេះ កម្ពុជាបានរកឃើញមនុស្សសរុប ២៦ ៣២៩នាក់ហើយ ឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងលើកដំបូងកាលពីចុងខែមករា ឆ្នាំ២០២០ កន្លងមក។ក្រសួងសុខាភិបាល ក៏បានប្រកាសផងដែរថា មនុស្ស ៤នាក់បន្ថែមទៀត បានស្លាប់បាត់បង់ជីវិតដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ១៨៣នាក់ហើយគិតចាប់តាំងពីពេលកម្ពុជា បានប្រកាសពីករណីស្លាប់ ដោយសារជំងឺកូវីដ-១៩ ជាលើកដំបូងកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១៩ ០២២នាក់ហើយ ត្រូវបានព្យាបាលជាសះស្បើយ ក្នុងនោះ មានទាំងអ្នកជាសះស្បើយ ៦៦៣នាក់ទៀត ដែលក្រសួងប្រកាសនៅថ្ងៃនេះផងដែរ៕

ខេត្តកំពង់ធំ រកឃើញពលរដ្ឋ១៤នាក់ទៀតឆ្លងមេរោគកូវីដ-១៩ ក្នុងនោះ មានពលករ២នាក់វិលត្រឡប់ពីប្រទេសថៃ

កំពង់ធំ៖ រដ្ឋបាលខេត្តកំពង់ធំ បានប្រកាសពីការរកឃើញមនុស្ស ១៤នាក់ទៀតឆ្លងមេរោគកូវីដ-១៩ ដែលភាគច្រើនពលរដ្ឋទាំងនោះ បានឆ្លងមេរោគនេះ បន្ទាប់ពីបានប៉ះពាល់ជាមួយអ្នកជំងឺកូវីដ-១៩។ក្នុងសេចក្ដីប្រកាសព័ត៌មានរបស់ខ្លួន រដ្ឋបាលខេត្តកំពង់ធំ បានបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញនៅស្រុកតាំងគោកចំនួន១២នាក់ ស្រុកស្ទោង ១នាក់ និងស្រុកប្រាសាទសំបូរ ១នាក់។នៅឯស្រុកតាំងគោក រដ្ឋបាលខេត្តកំពង់ធំ បានឱ្យដឹងទៀតថា ពលរដ្ឋចំនួន ១១នាក់ ត្រូវបានរកឃើញឆ្លងមេរោគកូវីដ-១៩ បន្ទាប់ពីពួកគេបានប៉ះពាល់នឹងអ្នកជំងឺកូវីដ-១៩ ហើយអ្នកជំងឺកូវីដ-១៩ម្នាក់ទៀត គឺជាកម្មការិនីម្នាក់បម្រើការងារនៅរោងចក្រខាលីនតុន ស្ថិតនៅក្នុងស្រុកជើងព្រៃ ខេត្តកំពង់ចាម។ ចំណែកឯពលរដ្ឋ ២នាក់ទៀត រដ្ឋបាលខេត្តនេះ បញ្ជាក់ថា ជាពលករខ្មែរវិលត្រឡប់មកពីប្រទេសថៃ កាលពីពេលថ្មីៗនេះ។គិតមកត្រឹមថ្ងៃនេះ ខេត្តកំពង់ធំ រកឃើញប្រជាពលរដ្ឋសរុប ១៨៨នាក់ហើយបានឆ្លងមេរោគកូវីដ-១៩នៅទូទាំងខេត្ត ក្នុងនោះអ្នកជំងឺកូវីដ-១៩ចំនួន ៦៨នាក់ ត្រូវបានអនុញ្ញាតឱ្យចាកចេញវិលត្រឡប់ទៅផ្ទះសម្បែងវិញហើយ ក្រោយត្រូវបានព្យាបាលជាសះស្បើយ ហើយអ្នកជំងឺកូវីដ-១៩ ចំនួន ១២០នាក់ទៀត កំពុងស្ថិតក្រោមការព្យាបាលបន្ត៕

នៅខេត្តស្វាយរៀង ស្ថានភាពអ្នកជំងឺកូវីដ-១៩ ចំនួនជិត២០០នាក់ ចុងក្រោយបានធូរស្រាលច្រើន

ស្វាយរៀង ៖ អ្នកជំងឺកូវីដ-១៩ រកឃើញថ្មីនៅក្នុងរោងចក្រមួយ ក្នុងក្រុងបាវិត ជិត២០០នាក់ បច្ចុប្បន្ន មានភាពធូរស្រាលជាបណ្ដើរៗហើយ បន្ទាប់ពីរដ្ឋបាលខេត្ត បានដាក់ឲ្យធ្វើការព្យាបាលនៅតាមមន្ទីរពេទ្យចំនួនបីនៅក្នុងខេត្តស្វាយរៀង ខណៈដែលអ្នកជំងឺកូវីដ-១៩ ជាង៣០០នាក់ផ្សេងទៀត បានជាសះស្បើយ។លោកវេជ្ជបណ្ឌិត អឹម បុត្រ សមាជិកក្រុមការងារស្រាវជ្រាវជំងឺកូវីដ-១៩ ថ្នាក់ខេត្ត និងជាប្រធានក្រុមចត្តាឡីស័ក ច្រកទ្វារព្រំដែនអន្តរជាតិបាវិត ខេត្តស្វាយរៀង នៅថ្ងៃទី២៥ ខែឧសភានេះ បានប្រាប់ BTVថា ស្ថានភាពអ្នកជំងឺកូវីដ-១៩ ដែលត្រូវបានរកឃើញថ្មី នៅក្នុងរោងចក្រ (យូលីមួយ) តំបន់សានតុងក្រុងបាវិត បច្ចុប្បន្ន ដែលកំពុងសម្រាកកព្យាបាលនៅមន្ទីរពេទ្យនានា នៅក្នុងខេត្ត មានភាពធូរស្រាលជាបណ្ដើរៗហើយ ក្រោមការយកចិត្តទុកដាក់ពីក្រុមគ្រូពេទ្យ។លោក បានបញ្ជាក់ថា ទន្ទឹមនឹងការព្យាបាលអ្នកជំងឺកូវីដ ឱ្យជាសះស្បើយជាបណ្ដើរៗនោះ ក្រុមការងារស្រាវជ្រាវថ្នាក់ខេត្ត បានបន្តចុះស្រាវជ្រាវរកអ្នកដែលប៉ះពាល់ផ្ទាល់ និងប្រយោលជាមួយកម្មករ នៅតាមមូលដ្ឋាន និងដាក់ឲ្យធ្វើចត្តាឡីស័ក។ ខេត្តស្វាយរៀង នៅក្នុងស្ថានភាពផ្ទុះជំងឺកូវីដ-១៩ ឆ្លងនៅក្នុងរោងចក្រ (យូលី១) តំបន់សានតុង ក្រុងបាវិត មានចំនួនជាង១០០ករណី៕អត្ថបទ៖ ភា សារិត

សង្ស័យពុលស្រាស មនុស្ស៩នាក់បានស្លាប់ និងជាង៣០នាក់ កំពុងសម្រាកក្នុងមន្ទីរពេទ្យ

កំពត ៖ មនុស្សប្រុសស្រី៩នាក់បានស្លាប់ ជាបន្តបន្ទាប់ ចាប់ពីថ្ងៃទី២១ ដល់ថ្ងៃទី២៤ ខែឧសភា ឆ្នាំ២០២១ និង៣៣នាក់ ផ្សេងទៀតកំពុងសម្រាកព្យាបាលនៅមន្ទីរពេទ្យ ក្រោយពីជនរងគ្រោះទាំងនោះចូលរួមក្នុងពិធីបុណ្យសពមួយ ក្នុងភូមិធ្នង់ ឃុំឫស្សីស្រុកខាងកើត ស្រុកកំពង់ត្រាច ខេត្តកំពត សង្ស័យថា ជាករណីពុលស្រាស។របាយការណ៍ពីសាលាស្រុកកំពង់ត្រាច បានឱ្យដឹងថា ក្រោយពីទៅចូលរួមក្នុងពិធីបុណ្យសពក្នុងភូមិឃុំកើតហេតុខាងលើ ពោលគឺចាប់ពីថ្ងៃទី២១ រហូតដល់ព្រឹកថ្ងៃទី២៤ ខែឧសភា មនុស្សប្រុសស្រីចំនួន៨នាក់បានស្លាប់ជាបន្តបន្ទាប់ ខណៈពេលជនរងគ្រោះទាំងនោះដេកឈឺនៅផ្ទះ និងតាមគ្លីនិកផ្សេងៗ។ ដោយឡែក អ្នកទី៩បានស្លាប់ នារសៀលថ្ងៃទី២៤ បន្ទាប់ពីនាំយកទៅព្យាបាលនៅមន្ទីរពេទ្យបង្អែកស្រុក ដោយសារស្ថានភាពជំងឺដល់ដំណាក់កាលធ្ងន់ធ្ងរខ្លាំង។មន្ត្រីនៃមន្ទីរពេទ្យបង្អែកស្រុកកំពង់ត្រាច បានប្រាប់ឱ្យដឹងថា ដោយទទួលព័ត៌មានថា អ្នកភូមិជាច្រើនកំពុងដេកឈឺនៅផ្ទះ និងតាមគ្លីនិកមួយចំនួន ដែលសង្ស័យពុលស្រា នាព្រឹកថ្ងៃទី២៤ ខែឧសភា មន្ត្រីសុខាភិបាលស្រុកបានតាមស្វែងរក រួចបញ្ជូនអ្នកជំងឺចំនួន៣៤នាក់ មកកាន់មន្ទីរពេទ្យដើម្បីព្យាបាល។ ជាអកុសល បុរសវ័យប្រហែល៤០ឆ្នាំម្នាក់ បានស្លាប់ព្រោះតែស្ថានភាពជំងឺធ្ងន់ធ្ងរខ្លាំង។លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានបញ្ជាក់ថា សមត្ថកិច្ច និងមន្ត្រីជំនាញកំពុងធ្វើកិច្ចការនេះ ដោយយកស្រាស ដែលសល់ពីពួកគាត់ពិសាទៅធ្វើការពិសោធន៍។ លទ្ធផលយ៉ាងណា នឹងចុះទៅត្រួតពិនិត្យតាមបណ្តាហាងបិតស្រាសជាបន្តទៀត៕អត្ថបទ ៖ សារីម

រកឃើញមនុស្ស១១នាក់ទៀត ករណីថ្មីនៃការឆ្លងកូវីដ-១៩ នៅស្រុកស្រែអំបិល

កោះកុង ៖ គិតម៉ោង៧ព្រឹកដល់ម៉ោង១២ ថ្ងៃទី២៤ខែឧសភា ២០២១ អាជ្ញាធរ និងមន្ត្រីសុខាភិបាល បានរកឃើញមនុស្សចំនួន១១ផ្សេងទៀត មានវិជ្ជមានកូវីដ-១៩ នឹងកំពុងបន្តស្វែងបន្ថែមទៀត។លោក ទូ សាវុធ អភិបាលរងខេត្តកោះកុង ទទួលបន្ទុកកិច្ចការចំពោះកិច្ចលើការងារទប់ស្កាត់ និងដោះស្រាយវិបត្តិកូវីដ របស់ខេត្ត បានឱ្យដឹងថា ស្រុកស្រែអំបិល កំពុងស្ថិតនៅការព្រួយបារម្ភ ខណៈអត្រារកឃើញវិជ្ជមានថ្មីចំពោះអ្នកពាក់ព័ន្ធ កាលពីថ្ងៃទី២២ ឧសភាមក។បើតាមលោកអភិបាលរងខេត្ត ចាប់ពីព្រឹកមកដល់ម៉ោង១២នៅថ្ងៃទី២៤ ឧសភា គឺអាជ្ញាធរមន្ត្រីសុខាភិបាល បានរកឃើញមនុស្សពាក់ព័ន្ធចំនួន១១នាក់បន្ថែមទៀត ដោយសរុបមានទាំងអស់៣៤នាក់ហើយ បើធៀបនឹងកាលពីថ្ងៃទី២៣ ឧសភា រកឃើញត្រឹមតែចំនួន២៣នាក់។ ទាក់ទិនបញ្ហាប្រឈមនេះដែរ លោក ជា ច័ន្ទកញ្ញា អភិបាលស្រុកស្រែអំបិល អះអាងថា ក្រុមការងាររដ្ឋបាលស្រុកត្រៀមរួចរាល់ហើយនូវអគារសម្រាប់ពិនិត្យព្យាបាលអ្នកជំងឺកូវីដ-១៩ថ្មី នៅក្នុងបរិវេណវិទ្យាល័យស្រែអំបិល ចំនួន២អគារ មាន៨បន្ទប់។ ប្រសិនបើមន្ទីរពេទ្យបង្អែកស្រុក ខ្វះខាតទីកន្លែងព្យាបាល។លោកអភិបាលស្រុកស្រែអំបិល ក៏បានសង្កេតឃើញថា នៅម៉ោងនេះ ប្រជាពលរដ្ឋសហការជាមួយអាជ្ញាធរមន្ត្រីជំនាញ បានល្អប្រសើរពុំមានការគេចវេះ អ្វីនោះទេ។ ទៀតសោត ប្រជាពលរដ្ឋដែលមានការសង្ស័យសុខភាព ក៏ហ៊ានរាយការណ៍ផ្តល់ព័ត៌មានមកក្រុមគ្រូពេទ្យផងដែរដោយមិនលាក់លៀមព្រោះតែក្តីបារម្ភ។គួរកត់សម្គាល់ថា លោកជំទាវ មិថុនា ភូថង អភិបាលខេត្តកោះកុង សម្រេចបិទធ្វើដំណើរចរាចរណ៍ចេញចូលក្នុងឃុំចំនួន៣ នៅស្រុកស្រែអំបិល មិនប៉ះពាល់ដល់ការធ្វើដំណើរដឹកជញ្ជូនទំនិញលើកំណាត់ផ្លូវជាតិលេខ៤៨ឡើយ ព្រោះការផ្ទុះជំងឺកូវីដ មិនស្ថិតនៅតំបន់នេះ ពោលគឺបិទតែច្រកចេញចេញចូលភូមិខ្លង ភូមិវាលជើង ភូមិវាលត្បូង ភូមិត្រពាំង ភូមិត្រៀក ក្នុងឃុំស្រែអំបិល។ ភូមិសារ៉ាយ ឃុំជ្រោយស្វាយ និងភូមិសាលាម្ខាង ឃុំប្រឹងព្រាវ។ប្រភពចម្លងរីករាលដាលជំងឺកូវីដ១៩ ២ថ្ងៃចុងក្រោយនេះ គឺបណ្តាលមកពីបុរសឈ្មោះ ម៉ន សុម៉េង អាយុ១៩ឆ្នាំ ជាកម្មកររោងចក្រធ្វើចំណីសត្វ អាយ តាវ ស្ថិតនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ដែលធ្លាប់ចូលរួមពិធីបុណ្យសពសាច់ញាតិនៅក្នុងភូមិខ្លុង ឃុំស្រែអំបិល រយៈពេល៣ថ្ងៃ កាលពីថ្ងៃទី១៤ ដល់១៦ ឧសភា កន្លងទៅ៕អត្ថបទ ៖ ឈឹម មករា

កម្មកររោងចក្រ៥នាក់ ត្រូវបានពិន័យ ដោយសារគេចវេះពីការយកសំណាក

ព្រះសីហនុ ៖ កាលពីថ្ងៃទី២៣ ខែឧសភា ម្សិលមិញនេះ កម្លាំងកងរាជអាវុធហត្ថស្រុកព្រៃនប់ បានឃាត់ខ្លួនកម្មកររោងចក្រ ៥នាក់ បម្រើការងារនៅរោងចក្រ ហ្សីជាងហុមភ័ញ ហ្វើនីឈ័រ ឯ.ក នៃតំបន់សេដ្ឋកិច្ចពិសេស ក្នុងស្រុកព្រៃនប់ ខេត្តព្រះសីហនុ ដែលមានការពាក់ព័ន្ធដោយផ្ទាល់ជាមួយអ្នកជំងឺកូវីដ-១៩ ហើយគេចវេះមិនសហការជាមួយមន្ត្រីសុខាភិបាល ដើម្បីយកសំណាកទៅធ្វើវិភាគ។លោក សរ កក្កដា អភិបាលស្រុកព្រៃនប់ បានឱ្យដឹងថា បន្ទាប់ពីធ្វើការសាកសួរ អប់រំណែនាំ និងពិន័យអន្តរការណ៍រួចមក កម្លាំងកងរាជអាវុធហត្ថ បានបញ្ជូនបុគ្គលទាំង០៥រូបនេះ ទៅផ្តល់វត្ថុសំណាក ដើម្បីធ្វើតេស្តវិភាគរកមេរោគកូវីដ-១៩។យោងតាមអនុក្រឹត្យលេខ ៣៧ អនក្រ.បក ចុះថ្ងៃទី១២ ខែមីនា ឆ្នាំ២០២១ ត្រង់មាត្រា២១ បាន ចែងថា បុគ្គល (ដែលមានកាតព្វកិច្ចត្រូវផ្ដល់វត្ថុសំណាក) ដែលមិនសហការជាមួយមន្ត្រីសុខាភិបាល ដើម្បីយកវត្ថុសំណាកទៅវិភាគរកមេរោគកូវីដ-១៩ ត្រូវផ្ដន្ទាទោសជាពិន័យអន្តរការណ៍ ពី១លានរៀល ទៅ ៥លានរៀល។អាជ្ញាធរ បានធ្វើការ អំពាវនាវដល់ប្រជាពលរដ្ឋ ដែលមានការប្រាស្រ័យទាក់ទងដោយផ្ទាល់ជាមួយអ្នកជំងឺកូវីដ-១៩ ត្រូវរាយការណ៍មកអាជ្ញាធរមូលដ្ឋានជាបន្ទាន់ ដើម្បីផ្តល់វត្ថុសំណាកឲ្យទាន់ពេលវេលា ដើម្បីកុំឱ្យរងនូវទោសទណ្ឌ៕

តំបន់លឿងទុំក្នុងក្រុងព្រះសីហនុ ត្រូវបានបញ្ចប់មុនកំណត់ដោយសារឆ្លងកូវីដ-១៩ ថយចុះ

ព្រះសីហនុ ៖ រដ្ឋបាលខេត្តព្រះសីហនុ បានសម្រេចបិទបញ្ចប់តំបន់លឿងទុំនៅក្នុងក្រុង មុនកាលកំណត់ ក្រោយការ ឆ្លងរាលដាល នៃជំងឺកូវីដ-១៩ មានការថមថយចុះ។លោក ឃាង ភារម្យ អ្នកនាំពាក្យសាលាខេត្តព្រះសីហនុ បានឱ្យដឹងថា កាលពីម្សិលមិញ អភិបាលខេត្តព្រះសីហនុ និងជាប្រធានគណៈបញ្ជាការឯកភាពរដ្ឋបាលខេត្ត ឯកឧត្ដម គួច ចំរើន បានដឹកនាំកិច្ចប្រជុំពិភាក្សាលើសេចក្តីព្រាងសេចក្តីសម្រេច ស្តីពីការដាក់ចេញវិធានការរដ្ឋបាលសម្រាប់ភូមិសាស្ត្រក្រុងព្រះសីហនុ និងស្រុកព្រៃនប់ ខេត្តព្រះសីហនុ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ លោក បានបញ្ជាក់ថា ឯកឧត្តម គួច ចំរើន ក្នុងកិច្ចប្រជុំនេះ បានលើកឡើងថា តាមរយៈវិធានការដែលរដ្ឋបាលខេត្តបានដាក់ចេញកន្លងមក ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងក្រុងព្រះសីហនុ មានដូចជា ការបិទខ្ទប់ក្រុងព្រះសីហនុ ការកំណត់តំបន់ក្រហម និងតំបន់លឿងទុំ ការកាត់បន្ថយតំបន់លឿងទុំ និងតំបន់លឿង ។ល។ ជាលទ្ធផល គឺការឆ្លងរាលដាល បានធ្លាក់ចុះជាបន្តបន្ទាប់ ដូច្នេះដើម្បីសម្រួលដល់ជីវភាពរស់នៅ និងការធ្វើដំណើររបស់ប្រជាពលរដ្ឋ រដ្ឋបាលខេត្ត បានសម្រេចបញ្ចប់តំបន់លឿងទុំក្នុងក្រុងព្រះសីហនុ មុនកាលកំណត់ ដោយប្តូរមកជាតំបន់លឿងវិញ និងពង្រីកតំបន់លឿង ទីតាំងក្រហម ទៅស្រុកព្រៃនប់ ដែលទើបមានការរាលដាលថ្មី ព្រមទាំងបង្កើនវិធានការផាកពិន័យលើការល្មើសបម្រាមទាំងឡាយ សំដៅកាត់ផ្តាច់ការឆ្លងរីករាលដាលជំងឺកូវីដ-១៩ នៅក្នុងសហគមន៍។ អ្នកនាំពាក្យរូបនេះ បានបញ្ជាក់ទៀតថា ឯកឧត្តមអភិបាលខេត្ត បានបញ្ជាក់ប្រាប់ដល់អាជ្ញាធរស្រុកព្រៃនប់ ត្រូវធ្វើការគ្រប់គ្រងឲ្យបានម៉ឺងមាត់ ប្រើប្រាស់វិធានការការអប់រំ ការណែនាំ វិធានការរដ្ឋបាល ផាកពិន័យ និងផ្តន្ទាទោស។ វិធានការទាំង៥ចំណុចនេះ គឺត្រូវតែអនុវត្ត បើមិនដូច្នោះទេ មិនអាចគ្រប់គ្រងស្ថានការបាននោះទេ ដើម្បីកាត់ផ្តាច់ការចម្លងជំងឺកូវីដ១៩។ ក្នុងករណីរកឃើញអ្នកជំងឺកូវីដ-១៩ នៅក្នុងលំនៅឋានណាមួយ ឬ ទីសំណាក់ណាមួយ ឬសណ្ឋាគារ កាស៊ីណូ ផ្ទះសំណាក់ណាមួយ ឬក្រុមហ៊ុន រោងចក្រ សហគ្រាសណាមួយ ។ល។ ត្រូវកំណត់ទីតាំងនោះ ជា «ទីតាំងក្រហម» ទោះបីទីតាំងនោះឋិតនៅក្នុងតំបន់ណាមួយក៏ដោយ។ ក្នុងអំឡុងពេលត្រូវកំណត់ជា«ទីតាំងក្រហម» ត្រូវអនុវត្តវិធានការហាមឃាត់ការចេញចូល ឆ្លងកាត់ទីតាំងនោះជាបន្ទាន់។ ហាមឃាត់ការជួបជុំ ឬការប្រមូលផ្តុំមនុស្ស។ ហាមឃាត់ការលក់ដូរ ឬការធ្វើអាជីវកម្ម សេវាកម្មផ្សេងៗ។ បុគ្គល ដែលស្នាក់នៅក្នុង «ទីតាំងក្រហម» ត្រូវភ្ជាប់កម្មវិធីសម្រាប់តាមដានការធ្វើចត្តាឡីស័ក និងកំណត់ទីតាំងនោះជាកន្លែងធ្វើចត្តាឡីស័ក៕អត្ថបទ៖ គង់ ប៊ុនថា

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខេត្តព្រៃវែង រកឃើញស្ត្រី៥នាក់ និងបុរស២នាក់ទៀតឆ្លងកូវីដ-១៩ នៅតាមស្រុកចំនួន៤

ខេត្តកណ្ដាលសម្រេច អនុញ្ញាតឱ្យផ្សារស្អាងខាងជើង បើកដំណើរការវិញ តែតម្រូវឱ្យបន្តអនុវត្តវិធានការសុខាភិបាល

ខេត្តតាកែវ រកឃើញមនុស្ស៤៩នាក់ទៀតឆ្លងកូវីដ-១៩ ភាគច្រើនជាកម្មការិនីរោងចក្រសាន់បូរ

កម្ពុជារកឃើញមនុស្ស ៥៦៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៦៣នាក់ទៀតបានជាសះស្បើយ

ខេត្តកំពង់ធំ រកឃើញពលរដ្ឋ១៤នាក់ទៀតឆ្លងមេរោគកូវីដ-១៩ ក្នុងនោះ មានពលករ២នាក់វិលត្រឡប់ពីប្រទេសថៃ

នៅខេត្តស្វាយរៀង ស្ថានភាពអ្នកជំងឺកូវីដ-១៩ ចំនួនជិត២០០នាក់ ចុងក្រោយបានធូរស្រាលច្រើន

សង្ស័យពុលស្រាស មនុស្ស៩នាក់បានស្លាប់ និងជាង៣០នាក់ កំពុងសម្រាកក្នុងមន្ទីរពេទ្យ

រកឃើញមនុស្ស១១នាក់ទៀត ករណីថ្មីនៃការឆ្លងកូវីដ-១៩ នៅស្រុកស្រែអំបិល

កម្មកររោងចក្រ៥នាក់ ត្រូវបានពិន័យ ដោយសារគេចវេះពីការយកសំណាក

តំបន់លឿងទុំក្នុងក្រុងព្រះសីហនុ ត្រូវបានបញ្ចប់មុនកំណត់ដោយសារឆ្លងកូវីដ-១៩ ថយចុះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្ត​ព្រៃវែង ​រក​ឃើញ​ស្ត្រី​៥​នាក់ និង​បុរស​២​នាក់​ទៀត​ឆ្លង​កូវីដ-១៩ ​នៅ​តាម​ស្រុក​ចំនួន​៤

ខេត្ត​តាកែវ​ រក​ឃើញ​មនុស្ស​៤៩​នាក់​ទៀត​ឆ្លង​កូវីដ-១៩ ភាគ​ច្រើន​ជា​កម្មការិនី​​រោងចក្រ​សាន់បូរ

កម្ពុជា​រក​ឃើញ​មនុស្ស ៥៦៨​នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៦៦៣​​នាក់​ទៀត​បាន​ជា​សះ​ស្បើយ

នៅ​ខេត្តស្វាយរៀង ​ស្ថានភាព​អ្នកជំងឺ​កូ​វីដ​-១៩​ ចំនួន​ជិត​២០០​នាក់ ​ចុងក្រោយបាន​ធូរស្រាល​ច្រើន

សង្ស័យ​ពុល​ស្រាស មនុស្ស​៩​នាក់​បាន​ស្លាប់ ​និង​ជាង​៣០​នាក់​ កំពុង​សម្រាក​ក្នុង​មន្ទីរពេទ្យ

រក​ឃើញ​មនុស្ស​១១នាក់​​ទៀត ​ករណី​ថ្មី​នៃ​ការ​ឆ្លង​កូ​វីដ-១៩ ​នៅ​ស្រុក​ស្រែអំបិល

កម្មករ​រោងចក្រ​៥​នាក់ ត្រូវ​បាន​ពិន័យ ​ដោយសារ​គេចវេះ​ពី​ការ​យក​សំណាក​

តំបន់​លឿងទុំ​ក្នុង​ក្រុងព្រះសីហនុ​ ត្រូវបាន​បញ្ចប់​មុន​កំណត់​ដោយសារ​ឆ្លង​កូ​វីដ​-១៩ ​ថយចុះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខេត្តព្រៃវែង រកឃើញស្ត្រី៥នាក់ និងបុរស២នាក់ទៀតឆ្លងកូវីដ-១៩ នៅតាមស្រុកចំនួន៤

ខេត្តតាកែវ រកឃើញមនុស្ស៤៩នាក់ទៀតឆ្លងកូវីដ-១៩ ភាគច្រើនជាកម្មការិនីរោងចក្រសាន់បូរ

កម្ពុជារកឃើញមនុស្ស ៥៦៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៦៣នាក់ទៀតបានជាសះស្បើយ

នៅខេត្តស្វាយរៀង ស្ថានភាពអ្នកជំងឺកូវីដ-១៩ ចំនួនជិត២០០នាក់ ចុងក្រោយបានធូរស្រាលច្រើន

សង្ស័យពុលស្រាស មនុស្ស៩នាក់បានស្លាប់ និងជាង៣០នាក់ កំពុងសម្រាកក្នុងមន្ទីរពេទ្យ

រកឃើញមនុស្ស១១នាក់ទៀត ករណីថ្មីនៃការឆ្លងកូវីដ-១៩ នៅស្រុកស្រែអំបិល

កម្មកររោងចក្រ៥នាក់ ត្រូវបានពិន័យ ដោយសារគេចវេះពីការយកសំណាក

តំបន់លឿងទុំក្នុងក្រុងព្រះសីហនុ ត្រូវបានបញ្ចប់មុនកំណត់ដោយសារឆ្លងកូវីដ-១៩ ថយចុះ