BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

រដ្ឋបាលខេត្តតាកែវ រកឃើញមនុស្ស ៥១នាក់ទៀតឆ្លងមេរោគកូវីដ-១៩ ភាគច្រើនជាកម្មកររោងចក្រ

តាកែវ៖ រដ្ឋបាលខេត្តតាកែវ បានប្រកាសពីការរកឃើញមនុស្សចំនួន ៥១នាក់ទៀត បានឆ្លងមេរោគកូវីដ-១៩ ក្នុងនោះមានកម្មករកម្មការិនីជាច្រើននាក់។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តតាកែវ បានបញ្ជាក់ថា ប្រជាពលរដ្ឋទាំង ៥១នាក់ដែលទើបត្រូវបានរកឃើញឆ្លងមេរោគកូវីដ-១៩នោះ មានកម្មករកម្មការិនីរោងចក្រដល់ទៅ ៣៨នាក់ អាជីវករ ៤នាក់ កម្មករសំណង់ ៧នាក់ កសិករម្នាក់ និងសិស្សសាលាម្នាក់។រដ្ឋបាលខេត្តតាកែវ ក៏បានអំពាវនាវទៅដល់ប្រជាពលរដ្ឋដទៃទៀតដែលបានប៉ះពាល់ជាមួយអ្នកឆ្លងកូវីដ-១៩ទាំង ៥១នាក់នេះ ឱ្យទៅផ្ដល់សំណាក់ដើម្បីត្រួតពិនិត្យរកមេរោគកូវីដ-១៩ និងដាក់ខ្លួននៅដាច់ដោយឡែកដើម្បីតាមដានសុខភាពខ្លួន។គិតត្រឹមថ្ងៃនេះ កម្ពុជាបានរកឃើញមនុស្ស ២២ ៥៤៤នាក់ហើយ បានឆ្លងមេរោគកូវីដ-១៩នៅទូទាំងប្រទេសគិតចាប់តាំងពីពេលកម្ពុជារកឃើញករណីឆ្លងលើកដំបូងកាលពីចុងខែមករា ឆ្នាំ២០២០មក៕

ក្រសួងសុខាភិបាលថា ការឆ្លងរាល់ថ្ងៃនៅតែជាក្ដីបារម្ភ ទោះមានការថយចុះក្ដី

ភ្នំពេញ ៖ រយៈពេលប្រមាណ១សប្ដាហ៍នេះ ការឆ្លងកូវីដ-១៩ ប្រចាំថ្ងៃនៅកម្ពុជា មានការធ្លាក់ចុះក្រោមចំនួន ៥០០ ករណី។ ជុំវិញការធ្លាក់ចុះនៃការឆ្លងនេះ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល បានលើកឡើងកាលពីចុងសប្ដាហ៍ថា ការឆ្លងប្រចាំថ្ងៃក្នុងរយៈពេលប៉ុន្មានថ្ងៃមកនេះ ពិតជាមានការធ្លាក់ចុះមែន តែបើមើលក្រាហ្វិក នៃការឆ្លងគិតជាខែវិញ គឺមានចំនួនច្រើននៅឡើយ ហើយក្ដីបារម្ភមួយទៀតគឺវត្តមានវីរុសបំប្លែងថ្មី។ការឆ្លងកូវីដ-១៩ ប្រចាំថ្ងៃនៅកម្ពុជា ក្នុងរយៈពេលប្រមាណមួយសប្ដាហ៍ចុងក្រោយនេះមានការធ្លាក់ចុះជាបន្តបន្ទាប់ដោយស្ថិតក្រោមចំនួន ៥០០ ករណីក្នុងមួយថ្ងៃ។ ជុំវិញការធ្លាក់ចុះចំនួនឆ្លងនេះ លោកជំទាវ ឱ វណ្ឌឌីន អ្នកនាំពាក្យក្រសួងសុខាភិបាល លើកឡើងថា វានៅតែជាក្ដីព្រួយបារម្ភ និងទាមទារឱ្យមានការអនុវត្តវិធានការការពារចាំបាច់បំផុត។ លោកជំទាវថា ករណីឆ្លងប្រចាំថ្ងៃពិតជាមានធ្លាក់ចុះមួយចំនួនពិតមែន តែបើមើលការឆ្លងគិតជាខែវិញ គឺការឆ្លងក្នុងខែ ឧសភានេះស្ថិតក្នុងចំនួនច្រើន ស្របពេលដែលខែឧសភា មិនទាន់បិទបញ្ចប់នៅឡើយ។ជាក្ដីព្រួយបារម្ភមួយទៀត ដែលលោកជំទាវ បានលើកឡើងនោះ គឺវត្តមានវីរុសបំប្លែងថ្មីទាំងវីរុសបំប្លែងថ្មីមានប្រភពពីចក្រភពអង់គ្លេស និងវីរុសបំប្លែងថ្មីដែលមានប្រភពពីប្រទេស ឥណ្ឌា។ លោកជំទាវថា សព្វថ្ងៃវីរុសបំប្លែងថ្មីមកពីអង់គ្លេស គឺមានវត្តមានចរាចរណ៍នៅកម្ពុជាហើយ ចំណែកវត្តមានវីរុសបំប្លែងថ្មីពីឥណ្ឌាវិញ គឺកំពុងរីករាលដាលទៅប្រទេសជាច្រើន ជាក្ដីព្រួយបារម្ភសកល ហើយវីរុសនេះ ក៏ធ្លាប់បានរកឃើញនៅកម្ពុជា ១ករណីផងដែរ ជាករណីនាំចូលហើយបានព្យាបាលជាសះស្បើយ។ការធ្លាក់ចុះនៃចំនួនឆ្លងប្រចាំថ្ងៃប្រមាណ១សប្ដាហ៍មកនេះ ប្រជាពលរដ្ឋក៏បង្ហាញការសាទរផងដែរ។ ទន្ទឹមនឹងភាពរីករាយនេះ ពួកគាត់ថាការរស់នៅ និងការប្រកបរបរជីវិតប្រចាំថ្ងៃរបស់ពួកគាត់ គឺនៅតែរក្សាការប្រុងប្រយ័ត្នអនុវត្តវិធានការការពារ តាមការណែនាំរបស់ក្រសួងសុខាភិបាលនិងរាជរដ្ឋាភិបាល មិនប្រហែសនោះទេ។បច្ចុប្បន្នរាជរដ្ឋាភិបាលកម្ពុជា ក៏បានដាក់ចេញយុទ្ធសាស្ត្រជាច្រើនក្នុងការទប់ស្កាត់ការរីករាលដាលនៃការឆ្លងកូវីដ-១៩។ ក្នុងនោះរាជរដ្ឋាភិបាល ក៏បានស្វះស្វែងរកជំនួយ និងទិញវ៉ាក់សាំងដើម្បីចាក់ជូនដល់ប្រជាពលរដ្ឋផងដែរ។ គិតត្រឹមថ្ងៃទី ១៦ឧសភា ម្សិលមិញនេះ កម្ពុជាក៏បានចាក់វ៉ាក់សាំងជូនដល់ប្រជាពលរដ្ឋចំនួន ២ ០៨២ ២៨២ នាក់គិតជាភាគរយស្មើនឹង ២០,៨២ ភាគរយ នៃគោលដៅចាក់ជូនប្រជាពលរដ្ឋឱ្យបាន ១០លាននាក់៕អត្ថបទ ៖ គឹមហុក

រថយន្តសណ្តោងកុងតឺន័រ មួយគ្រឿងបើកលឿន ជ្រុលទៅបុករបាំងថ្មពុះចែកទ្រូងផ្លូវបាក់ចំនួន ៤កង់

ភ្នំពេញ៖ ដោយសារកត្តាមនុស្សបើកបរខ្វះការប្រុងប្រយ័ត្ន បង្កជាករណីគ្រោះថ្នាក់ចរាចរណ៍ ដោយរថយន្តសណ្តោងទូរកុងតឺន័រ របស់ក្រុមហ៊ុន ផែស្ងួតតេងឡាយ មួយគ្រឿង បើកក្នុងល្បឿនលឿនជ្រុលទៅ បុកក្បាលនាគពុះចែកទ្រូងផ្លូវ ពេញទំហឹងបណ្ដាលឲ្យបាក់ចំនួន ៤ កង់ ហើយរថយន្តខូចខាតផ្នែកខាងមុខស្ទើទាំងស្រុង។ហេតុការណ៍នេះ កើតឡើងកាលពីវេលាម៉ោង៥ទៀបភ្លឺព្រឹកថ្ងៃទី១៧ ខែឧសភា ឆ្នាំ២០២១ ស្ថិតតាមបណ្ដោយផ្លូវជាតិលេខ៥ ក្នុងភូមិស្វាយប៉ាក់ សង្កាត់ស្វាយប៉ាកខណ្ឌឬស្សីកែវ រាជធានីភ្នំពេញ។តាមប្រភពព័ត៌មាន នៅកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្ត សណ្តោងទូរកុងតឺន័រមួយគ្រឿង ម៉ាកFUSO ពាក់ស្លាកលេខភ្នំពេញ3C-0635 ជារថយន្តរបស់ក្រុមហ៊ុន ផែស្ងួតតេងឡាយ បានធ្វើដំណើរតាមផ្លូវជាតិលេខ៥ ក្នុងទិសដៅពីជើងទៅត្បូង ក្នុងល្បឿនលឿន ខណៈពេលមកដល់ចំណុចកើតហេតុ ក៏ជ្រុលចង្គូតទៅបុកក្បាលនាគពុះចែកទ្រូងផ្លូវ ពេញទំហឹង បណ្ដាលឱ្យបែកខ្ទាតចេញពីជួរ ចំនួន៤កង់ ចំណែករថយន្តបណ្ដាលឱ្យរងការខូចខាតដាច់កង់មុខទាំងពី រួមទាំងផ្នែកខាងមុខទៀតស្ទើតែទាំងស្រុង នៅកណ្ដាលផ្លូវបង្កការកកស្ទះចរាចរណ៍ តែមិនបណ្តាលឱ្យនរណាម្នាក់រងរបួសនោះទេ បន្ទាប់ មក តៃកុងរថយន្តបានចុះពីលើរថយន្ត ហើយរត់គេចខ្លួនបាត់ពីកន្លែងកើតហេតុ។ក្រោយពេលកើតហេតុ កម្លាំងសមត្ថកិច្ចមូលដ្ឋាន រួមកម្លាំងសមត្ថកិច្ចជំនាញ ចុះមកដល់ចំណុចកើតហេតុ ជួយសម្រួលចរាចរណ៍ រួចធ្វើការវាស់វែង ស្ទូចយករថយន្តទៅរក្សាទុកនៅការិយាល័យចរាចរណ៍ ផ្លូវគោក ដើម្បីដោះស្រាយសងការខូចខាតទ្រព្យសម្បត្តិសាធារណៈ៕អត្ថបទ ៖ កុម្ភះ

អាជ្ញាធរក្រុងសំរោង សម្រេចបិទទីតាំងលក់គ្រឿងបន្លាសរថយន្ត១កន្លែង ពាក់ព័ន្ធនឹងបុគ្គល ដើរលក់កងឡាន មានវិជ្ជមានកូវីដ-១៩

ឧត្តរមានជ័យ៖ នៅថ្ងៃនេះអាជ្ញាធរក្រុងសំរោង ខេត្តឧត្តរមានជ័យ សហការជាមួយមន្រ្តីសុខាភិបាលខេត្ត ចុះពិនិត្យសម្រេចបិទទីតាំងលក់គ្រឿងបន្លាសរថយន្ត នឹងសំបកកងឡានមួយកន្លែង យីហោឈ្មោះ សួស សុភា២ ស្ថិតនៅបរិវេណភូមិពុល សង្កាត់សំរោង ក្រុងសំរោង ខេត្តឧត្តរមានជ័យ ដែលពាក់ព័ន្ធដោយប្រយោលជាមួយបុគ្គលម្នាក់ឈ្មោះកេង រ៉ា អាយុ២៦ឆ្នាំ ជាអ្នកដើរទីផ្សារលក់សំបកកងឡានមានវិជ្ជមានកូវីដ-១៩។ក្នុងនោះដែរ ឯកឧត្តមវេជ្ជបណ្ឌិត ឃ្លោក ហួត ទីប្រឹក្សាក្រសួងសុខាភិបាលនឹងជាប្រធានមន្ទីរសុខាភិបាល ខេត្តឧត្តរមានជ័យ បានឲ្យដឹងថា ការសម្រេចធ្វើការបិទទីតាំងលក់គ្រឿងបន្លាសរថយន្ត នឹងសំបកកងឡានដែលមានយីហោឈ្មោះ សួស សុភា២នេះ ដោយសារតែម្ចាស់ អាជីវកម្ម ខាងលើបានប៉ះពាល់ដោយប្រយោលជាមួយបុគ្គលម្នាក់ឈ្មោះ កេង រ៉ា ជាអ្នកដើរទីផ្សារលក់សំបកកងឡាន មានវិជ្ជមានកូវីដ-១៩ បានធ្វើដំណើរមកក្រុងសំរោង នៅថ្ងៃទី១៤ ឧសភា ឆ្នាំ២០២១នេះ។ឯកឧត្តមវេជ្ជបណ្ឌិត បានបន្តថា ក្នុងនោះអ្នកពាក់ព័ន្ធដែលត្រូវយកសំណាកពិនិត្យធ្វើតេស្តរកកូវីដ-១៩មានចំនួន១២បូករួមទាំងគ្រួសារ នឹងជាងជួសជុលផងដែរ។ឯកឧត្តមវេជ្ជបណ្ឌិត បានបញ្ជាក់ថា ក្នុងករណីដែលមានការពាក់ព័ន្ធជាមួយ និងបុគ្គលឈ្មោះ កេង រ៉ា ដែលមានវិជ្ជមានកូវីដ-១៩នេះ ទីតាំងដែលបានពាក់ព័ន្ធត្រូវបានបិទជាបណ្តោះអាសន្ន រួមមាន នៅស្រុកត្រពាំងប្រសាទ មាន២កន្លែង ស្រុកអន្លងវេង ផ្ទះសំណាកសោភា ១កន្លែង នឹងទីតាំងលក់គ្រឿងបន្លាសសំបកកងឡាន យីហោ សួស សុភា២ ក្រុងសំរោង១កន្លែងទៀត ។អ្នកទាំងអស់នោះ ត្រូវបានមន្រ្តីជំនាញសុខាភិបាល ឲ្យបន្តនៅធ្វើចត្តាឡីស័ក នៅនឹងផ្ទះ ដោយមិនឲ្យចេញទៅណានោះឡើយរងចាំការយកសំណាកពិនិត្យលើកក្រោយៗទៀត បើមិនមានកូវីដ-១៩នោះទេ នឹងឲ្យដំណើរបើអាជីវកម្មជាធម្មតាវិញ ៕អត្ថបទ ៖ ឃិនសារិទ្ធ

ចាប់ខ្លួនមេក្លោងឧក្រិដ្ឋជនគ្រឿងញៀន ជនជាតិចិន ២នាក់ រឹបអូសគ្រឿងញៀនជាង ៧០ គីឡូក្រាម

ភ្នំពេញ ៖ សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន ក្រសួងមហាផ្ទៃ បង្ក្រាបករណីជួញដូរគ្រឿងញៀនឆ្លងដែន តាមផ្លូវគោក (ឆ្លងកាត់កម្ពុជាទៅវៀតណាម) ចាប់ខ្លួនមេក្លោងឧក្រិដ្ឋជនគ្រឿងញៀន ជនជាតិចិន២នាក់ និងរឹបអូសគ្រឿងញៀនជាង ៧០ គីឡូក្រាម នៅរាជធានីភ្នំពេញ ។យោងតាមប្រភពព័ត៌មានពីសមត្ថកិច្ចមន្ទីរប្រឆាំងគ្រឿងញៀន ដែល BTV ទទួលបាន នាថ្ងៃទី១៦ ខែឧសភា ឆ្នាំ២០២១ បានឲ្យដឹងថា ដោយអនុវត្តតាមបញ្ជាលោកនាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង លោកនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់លោក ឧត្ដមសេនីយ៍ឯក ឡឹក វណ្ណៈ នាយក មន្ទីរប្រឆាំងបទល្មើសគ្រឿងញៀន សមត្ថកិច្ចជំនាញ បានបន្តការស៊ើបអង្កេតតាមជំនាញ លើករណីជួញដូរគ្រឿងញៀនឆ្លងដែនតាមផ្លូវគោក ឆ្លងកាត់កម្ពុជា ទៅវៀតណាម ដោយសហការបង្ក្រាបនៅខេត្តស្វាយរៀង កាលពីថ្ងៃទី ០៥ ខែឧសភា ឆ្នាំ ២០២១ ។ រហូតដល់ថ្ងៃទី១២ ខែឧសភា ឆ្នាំ ២០២១ វេលាម៉ោង ១៩ និង០៥នាទី កម្លាំងជំនាញរបស់មន្ទីរប្រឆាំងបទល្មើសគ្រឿងញៀន (ក១០) ដឹកនាំដោយលោក ឧត្តមសេនីយ៍ទោ សារី បុត្រសត្យា នាយករងមន្ទីរ និងលោក វរសេនីយ៍ឯក តឹក សូនី នាយការិយាល័យ ( ក១០ ) ដឹកនាំសម្របសម្រួលពី លោក សឿន មុនីរត្ន័ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបើកកិច្ចប្រតិបត្តិការ បន្តបង្រ្កាបករណីរក្សាទុកជួញដូរគ្រឿងញៀនឆ្លងដែនតាមផ្លូវគោក នៅចំណុចទល់មុខផ្សារ ម៉ាតស៊ីផ្លេស ក្នុងបុរីប៉េងហួតបឹងស្នោ និងឆែកឆេរលំនៅដ្ឋានជនសង្ស័យ ផ្ទះលេខ២៧ ផ្លូវP10 បុរីប៉េងហួតបឹងស្នោរ ស្ថិតក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ឃាត់ខ្លួនមេក្លោងឧក្រិដ្ឋជនគ្រឿងញៀន ចំនួន ០២នាក់ ១-ឈ្មោះ LIU JIC ភេទប្រុស អាយុ ៤០ឆ្នាំ ជនជាតិ ចិន។ ២-ឈ្មោះ CHAN HUNG FAI ភេទប្រុស អាយុ ៥៨ឆ្នាំ ជនជាតិចិន ។ វត្ថុតាង រួមមាន សារធាតុញៀនប្រភេទ អ៊ិចស្តាស៊ី (MDMA) ទម្ងន់ 52 kg 768.50g , ហេរ៉ូអ៊ីន ចំនួន ៤៩ដុំ ស្មើទម្ងន់ 17 kg 292.59g មេតំហ្វេតាមីន(ICE) 11.79 g ។ វត្ថុតាង គ្រឿងញៀន សរុប 70 kg 072.88 g ។ ករណីនេះ សមត្ថកិច្ចជំនាញបានកសាងសំណុំរឿង បញ្ជូនជូនទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធី ៕តារាវុទ្ធី

រថយន្តដងស្ទូចប្រភេទ Kato ស្ទូចលើសទម្ងន់ រលំលើផ្ទះកម្មករក្បែរការដ្ឋាន សំណាងល្អមិនបង្ករឲ្យមនុស្សរងរបួស

ភ្នំពេញ៖ រថយន្តដងស្ទូចប្រភេទ Kato ស្ទូចសម្ភារៈសំណង់លើសទម្ងន់ រលំលើដំបូលផ្ទះកម្មករ និងទីតាំងស្តុកគ្រឿងសំណង់ របស់ការដ្ឋាន រងការខូចខាត តែសំណាងល្អមិនបង្ករឲ្យមានមនុស្សរងរបួស។ ហេតុការណ៍នេះ កើតឡើងកាលពីវេលាម៉ោង០៩ព្រឹកថ្ងៃទី១៦ ខែឧសភា ឆ្នាំ២០២១ នៅការដ្ឋានសាងសងខនដូរ បឹងកក់ តាមបណ្ដោយផ្លូវលេខ៨៦ សង្កាត់ស្រះចក់ ខណ្ឌដូនពេញ រាជធានីភ្នំពេញ។ប្រភពព័ត៌មានពីប្រជាពលរដ្ឋ ដែលរស់នៅក្បែរការដ្ឋានសាងសង់ បានឲ្យដឹងថា នៅមុនពេលកើតហេតុ រថយន្តស្ទូចបានស្ទូចសម្ភារៈសំណង់ លើសទម្ងន់ ខណៈកំពុងស្ទូចបាន ផ្ងាជើងរលំ មកសង្កត់លើដំបូលផ្ទះកម្មករបង្កអោយខូចខាតផ្ទះ តែសំណាងល្អមិនបង្កអោយមានមនុស្សរងរបួសឡើយ។ក្រោយពេលកើតហេតុ ឃើញមានវត្តមាន លោក សុខ ពេញវុធ អភិបាលនៃគណៈអភិបាលខណ្ឌដូនពេញ ចុះមកពិនិត្យមើលទីតាំងការដ្ឋាន ផ្ទាល់ផងដែរ ដោយពុំមានប៉ះពាល់ដល់បងប្អូនប្រជាពលរដ្ឋឡើយ គឺខូចខាតតែរបស់ការដ្ឋានផ្ទាល់ តែរថយន្តស្ទូចរលំកណ្ដាលផ្លូវបង្កការកកស្ទះ តែត្រូវបានកម្លាំងអាជ្ញាធរ បញ្ជាអោយយករថយន្តស្ទូចចំនួន២គ្រឿង ដើម្បីមកស្ទូចរថយន្ត Kato ចេញពីកណ្ដាលផ្លូវ ជៀសវាងការកក់ស្ទះចរាចរណ៍បងប្អូនប្រជាពលរដ្ឋ៕អត្ថបទ ៖ កុម្ភះ

អ្នកជំងឺកូវីដ១៩ ក្នុងខេត្តកំពង់ចាម៣០នាក់ បានជាសះស្បើយ និងបានអនុញ្ញាតឲ្យទៅលំនៅឋានវិញ

កំពង់ចាម ៖ អ្នកជម្ងឺកូវីដ១៩ ដែលកំពុងសម្រាក់នៅក្នុងមន្ទីរពេទ្យមេគង្គកំពង់ចាម នៅថ្ងៃទី១៥ ឧសភានេះ មានអ្នកជំងឺកូវីដ១៩ចំនួន៣០នាក់ បានជាសះស្បើយ និងបានអនុញ្ញាតចាកចេញទៅកាន់លំនៅដ្ឋានរៀងៗខ្លួន និងបន្តធ្វើចត្តាឡីស័ករយៈពេលពីរសប្តាហ៍នៅតាមផ្ទះបន្ថែមទៀត ។យោងតាមរបាយការណ៍ នៃមន្ទីរសុខាភិបាលខេត្តកំពង់ចាម បានឱ្យដឹងនៅថ្ងៃទី១៥ឧសភា ថា អ្នកជំងឺដែលបានជាសះស្បើយទាំង៣០នាក់ មានអ្នករស់នៅស្រុកកងមាសចំនួន១៣នាក់ , ស្រុកកំពង់សៀមចំនួន២នាក់ ស្រុកបាធាយចំនួន៤នាក់ ស្រុកស្រីសន្ធរចំនួន៧ នាក់និង ស្រុកចម្ការលើចំនួន៤ នាក់ ។ ក្នុងនោះ មានកុមារអាយុក្រោម១៨ឆ្នាំចំនួន ៤នាក់ កុមារីចំនួន ២ នាក់ ។ថ្ងៃនេះ ជាលើកដំបូង ដែលមាន អ្នកជំងឺកូវីដ១៩ បានជា សះស្បើយជាទ្រង់ទ្រាយធំបែបនេះ ដោយសារតែមានការយកចិត្តទុកដាក់ ដោយការខិតខំប្រឹងប្រែងយ៉ាងសស្រាក់សស្រាំទាំងយប់ទាំងថ្ងៃរបស់ក្រុមគ្រូពេទ្យជំនាញជួរមុខ ។គួរបញ្ជាក់ថា គិតត្រឹមថ្ងៃទី១៤ ឧសភា ខេត្តកំពង់ចាមមានអ្នកជំងឺកូវីដ១៩ ក្នុងព្រឹត្តិការណ៍សហគមន៍២០ កុម្ភសរុបចំនួន ២០០ នាក់ មានអ្នកជាសះស្បើយចំនួន៧៧នាក់និងមានអ្នកស្លាប់ចំនួន២នាក់ ៕

កម្មកររោងចក្រជិត២០០នាក់ ប៉ះពាល់ជាមួយអ្នកជំងឺកូវីដ១៩ នៅស្វាយរៀង ធ្វើតេស្ដលើកទី១ លទ្ធផលអវិជ្ជមាន

ស្វាយរៀង ៖ កម្មករ-កម្មការិនី ចំនួន១៥៥នាក់ បំរើការងារនៅរោងចក្រមួយ នៅក្រុងបាវិត ខេត្តស្វាយរៀង ដែលពាក់ព័ន្ធជាមួយអ្នកវិជ្ជមានកូវីដ-១៩ ក្រោយពេលក្រុមគ្រូពេទ្យធ្វើតេស្តរហ័សលើកទី១ លទ្ធផលអវិជ្ជមានជំងឺទាំងអស់។លោកវេជ្ជបណ្ឌិត អ៊ឹម បុត្រ ប្រធានក្រុមចត្តាឡីស័កថ្នាក់ខេត្ត នៅថ្ងៃទី១៤ ខែឧសភានេះ បានប្រាប់ BTV Newsតាមសារតេឡេក្រាមថា គិតត្រឹមថ្ងៃទី១២ ខែកុម្ភៈ ឆ្នាំ២០២១នេះ នៅស្វាយរៀង មានកម្មករចំនួន១៥៥នាក់ បន្ថែមទៀត ដែលបំរើការងារនៅរោងចក្រមួយកន្លែង ក្នុងក្រុងបាវិត ទទួលបានលទ្ធផល អវិជ្ជមានជំងឺកូវីដ១៩ បន្ទាប់ពីពួកគាត់ ធ្វើតេស្តរហ័សលើកទី១ បន្ទាប់ពីពួកគាត់បានទទួលរងប៉ះពាល់ជាមួយអ្នកមានវិជ្ជមានជំងឺកូវីដ១៩ម្នាក់ រស់នៅភូមិស្រម៉ ឃុំបុសមន ស្រុករំដួល ខេត្តស្វាយរៀង មុខរបរបច្ចុប្បន្នជា កម្មកររោងចក្រ មួយកន្លែង ស្ថិតនៅតំបន់ SEZ មេហាតធេនក្រុងបាវិត ។លោក បន្តថា កម្មករដែលរងប៉ះពាល់ និងឈានទៅធ្វើតេស្តយកសំណាក រកសញ្ញាជំងឺកូវីដ១៩ បណ្តាលមកពីការសង្ស័យទៅលើ បុគ្គល ដែលមានជំងឺកូវីដ១៩ ក្រោយពីពេលដែលគាត់ មានអាការៈ មិនស្រួលខ្លួនហើយបានធ្វើដំណើរទៅកាន់មន្ទីរពេទ្យបង្អែកខេត្ត កាលពីថ្ងៃទី១២ ខែឧសភា ឆ្នាំ២០២១ ដើម្បីពិនិត្យ និងតាមដានសុខភាព បានដឹងថា ខ្លួនមានជំងឺពិត ហើយក្រុមការងារបានដឹកនាំយកគាត់ទៅធ្វើការព្យាបាល ទើបក្រុមកម្មករដែលបំរើការងារនៅរួមអគារ នាំគ្នាមកយកសំណាក ដើម្បីរកសញ្ញាជំងឺកូវីដ១៩បែបនេះ។ក្នុងនោះលោកបណ្ឌិត អ៊ឹម បុត្រ សូមអំពាវនាវដល់ ពលរដ្ឋខែ្មរ និងជនបរទេស ពិសេសក្រុមគ្រួសារកម្មករ កម្មការិនី ដែលរងប៉ះពាល់ជាមួយកម្មកររួមអាជីព ដែលមានវត្តមានជំងឺកូវីដ១៩ សូមអញ្ជើញទៅយកសំណាកស្វែងរកសញ្ញាជំងឺកូវីដ១៩ ឲ្យបានគ្រប់ៗគ្នា នៅតាមបញ្ជរយកសំណាក ក្នុងក្រុងជាបន្ទាន់ ដើម្បីរកលទ្ធផល និងទទួលយកការព្យាបាល ឬ ចូលធ្វើចត្តាឡីស័ក និងបន្តរួមគ្នាអនុវត្តវិធានការ ៣ការពារ និង៣កុំ របស់រាជរដ្ឋាភិបាល ឆ្ពោះទៅបិទបញ្ចប់ព្រឹត្តិការសហគមន៍ ២០កុម្ភៈ នៅស្វាយរៀង ក៏ដូចនៅកម្ពុជា៕

អ្នកជំងឺកូវីដ-១៩ កម្រិតស្រាលជាង៩០០នាក់ កំពុងសម្រាកព្យាបាលនៅពហុកីឡដ្ឋានជាតិអូឡាំពិក

ភ្នំពេញ ៖ លោកសាស្ត្រាចារ្យ វេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ និងជាអ្នកគ្រប់គ្រងរៀបចំមណ្ឌលព្យាបាលអ្នកជំងឺកូវីដ-១៩ កម្រិតស្រាល នៅពហុកីឡដ្ឋានជាតិអូឡាំពិក ប្រាប់BTV ព័ត៌មាន នាព្រឹកថ្ងៃទី១៤ ឧសភា ២០២១នេះថា គិតត្រឹមព្រឹកនេះ អ្នកជំងឺកូវីដ-១៩ កម្រិតស្រាល ចំនួន៩៣០នាក់ កំពុងសម្រាកព្យាបាលនៅពហុកីឡដ្ឋានជាតិអូឡាំពិក។លោកសាស្ត្រាចារ្យ វេជ្ជបណ្ឌិត ញឹប អង្គាបុស្ស បានឲ្យដឹងទៀតថា មណ្ឌលថែទាំព្យាបាលជំងឺកូវីដ-១៩ នៅពហុកីឡដ្ឋានជាតិអូឡាំពិក មានចំនួនជាង៩០០គ្រែ គឺបានទទួលឲ្យអ្នកជំងឺកូវីដ-១៩ចូលសម្រាកព្យាបាល មានទាំងមនុស្សពេញវ័យ និងកុមារ កាលពីយប់ថ្ងៃសៅរ៍ ទី១ ខែឧសភា ឆ្នាំ២០២១។ ក្នុងនោះ ក្រុមគ្រូពេទ្យចំនួន១៧នាក់ ក្នុងចំណោមគ្រូពេទ្យសរុបជាង១៧០នាក់(គ្រូពេទ្យជាង១២០នាក់ និងអ្នកបម្រើសេវាកម្មផ្សេងៗ៥០នាក់) ចេញពីមនី្ទរពេទ្យកុមារជាតិ ត្រូវបាន ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល ចាត់តាំងឲ្យមកចូលរួមរៀបចំចាត់ចែង និងព្យាបាលជំងឺកូវីដ១៩ នៅមណ្ឌលថែទាំព្យាបាលជំងឺកូវីដ-១៩ កម្រិតស្រាល និងមធ្យម ទន្ទឹមនឹងនោះ អ្នកសម្រាកព្យាបាលជំងឺកូវីដ១៩ ទាំង៩៣៩នាក់ មាន៤នាក់ជាស្រី្តមានផ្ទៃពោះ ត្រូវបានក្រុមគ្រូពេទ្យយកគាត់ទាំង៤នាក់នោះ មកបង្កើតបុត្រ(ឆ្លងទន្លេ) នៅក្នុងមនី្ទរពេទ្យកុមារជាតិ ដោយជោគជ័យ ក្រៅពីនោះប្រសិនបើករណីធ្ងន់ ក្រុមគ្រូពេទ្យយើង នឹងបញ្ជូនអ្នកជំងឺកូវីដ១៩ ទៅព្យាបាលនៅមនី្ទរពេទ្យមិត្តភាពខ្មែរ-សូវៀត និងមណ្ឌលថែទាំព្យាបាលជំងឺកូវីដ១៩ ចាក់អង្រែ និងមនី្ទរពេទ្យហ្លួងម៉ែ។លោកសាស្ត្រាចារ្យ វេជ្ជបណ្ឌិត ញឹប អង្គាបុស្ស បានបញ្ជាក់ថា សព្វថ្ងៃ មានក្រុមគ្រូពេទ្យចំនួន០២ក្រុម មានសមាជិកសរុបចំនួន៣២នាក់ នៅមនី្ទរពេទ្យកុមារជាតិ នៃក្រសួងសុខាភិបាល កំពុងចូលរួមពិនិត្យ ព្យាបាលអ្នកជំងឺកូវីដ១៩ កម្រិតស្រាលនៅសណ្ឋាគារក្រេឌុក៕អត្ថបទ ៖ រដ្ឋា

ក្រសួងសុខាភិបាល អំពាវនាវឱ្យអភិបាលរាជធានី-ខេត្ត ពង្រឹងបន្ថែមវិធានការទប់ស្កាត់ការរាតត្បាតជំងឺកូវីដ១៩

ភ្នំពេញ៖ ក្រសួងសុខាភិបាល បានជំរុញទៅអភិបាលរាជធានី-ខេត្តទាំងអស់ ឱ្យពង្រឹងបន្ថែមទៀតនូវវិធានការទប់ស្កាត់ការរាតត្បាតនៃជំងឺកូវីដ-១៩នៅមូលដ្ឋានរបស់ខ្លួន។ក្នុងសេចក្ដីជូនដំណឹងនៅថ្ងៃនេះ ក្រសួងសុខាភិបាល អំពាវនាវឱ្យអភិបាលរាជធានី-ខេត្តទាំងអស់ ត្រូវបន្ដពង្រឹងការអនុវត្តច្បាប់ វិធានការសុខាភិបាល និងវិធានការរដ្ឋបាល ដើម្បីទប់ស្កាត់ការឆ្លងរាលដាលជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀតឱ្យមានប្រសិទ្ធភាពខ្ពស់ ។ ក្រសួងសុខាភិបាលបានបញ្ជាក់ទៀតថា ត្រូវលើកកម្ពស់ការយល់ដឹងអំពីវិធានការបង្ការជំងឺកូវីដ-១៩ ឱ្យកាន់តែស៊ីជម្រៅទៅដល់បុគ្គល គ្រួសារ និងសហគមន៍៕

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

រដ្ឋបាលខេត្តតាកែវ រកឃើញមនុស្ស ៥១នាក់ទៀតឆ្លងមេរោគកូវីដ-១៩ ភាគច្រើនជាកម្មកររោងចក្រ

ក្រសួងសុខាភិបាលថា ការឆ្លងរាល់ថ្ងៃនៅតែជាក្ដីបារម្ភ ទោះមានការថយចុះក្ដី

រថយន្តសណ្តោងកុងតឺន័រ មួយគ្រឿងបើកលឿន ជ្រុលទៅបុករបាំងថ្មពុះចែកទ្រូងផ្លូវបាក់ចំនួន ៤កង់

ចាប់ខ្លួនមេក្លោងឧក្រិដ្ឋជនគ្រឿងញៀន ជនជាតិចិន ២នាក់ រឹបអូសគ្រឿងញៀនជាង ៧០ គីឡូក្រាម

រថយន្តដងស្ទូចប្រភេទ Kato ស្ទូចលើសទម្ងន់ រលំលើផ្ទះកម្មករក្បែរការដ្ឋាន សំណាងល្អមិនបង្ករឲ្យមនុស្សរងរបួស

អ្នកជំងឺកូវីដ១៩ ក្នុងខេត្តកំពង់ចាម៣០នាក់ បានជាសះស្បើយ និងបានអនុញ្ញាតឲ្យទៅលំនៅឋានវិញ

កម្មកររោងចក្រជិត២០០នាក់ ប៉ះពាល់ជាមួយអ្នកជំងឺកូវីដ១៩ នៅស្វាយរៀង ធ្វើតេស្ដលើកទី១ លទ្ធផលអវិជ្ជមាន

អ្នកជំងឺកូវីដ-១៩ កម្រិតស្រាលជាង៩០០នាក់ កំពុងសម្រាកព្យាបាលនៅពហុកីឡដ្ឋានជាតិអូឡាំពិក

ក្រសួងសុខាភិបាល អំពាវនាវឱ្យអភិបាលរាជធានី-ខេត្ត ពង្រឹងបន្ថែមវិធានការទប់ស្កាត់ការរាតត្បាតជំងឺកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

រដ្ឋបាល​ខេត្ត​តាកែវ​ រក​ឃើញ​មនុស្ស ៥១​នាក់​ទៀត​ឆ្លង​មេរោគ​កូវីដ-១៩​ ភាគច្រើន​ជា​កម្មករ​រោងចក្រ

ក្រសួងសុខាភិបាល​ថា​ ការឆ្លង​រាល់ថ្ងៃ​នៅតែ​ជា​ក្ដីបារម្ភ ​ទោះ​មានការ​ថយ​ចុះ​ក្ដី

រថយន្តសណ្តោងកុងតឺន័រ មួយគ្រឿងបើកលឿន ជ្រុលទៅបុករបាំងថ្មពុះចែកទ្រូងផ្លូវបាក់ចំនួន ៤កង់

ចាប់ខ្លួនមេក្លោងឧក្រិដ្ឋជនគ្រឿងញៀន ជនជាតិចិន ២នាក់ រឹបអូសគ្រឿងញៀនជាង ៧០ គីឡូក្រាម

រថយន្តដងស្ទូចប្រភេទ Kato ស្ទូចលើសទម្ងន់ រលំលើផ្ទះកម្មករក្បែរការដ្ឋាន សំណាងល្អមិនបង្ករឲ្យមនុស្សរងរបួស

អ្នកជំងឺកូវីដ១៩ ក្នុងខេត្តកំពង់ចាម៣០នាក់ បានជាសះស្បើយ និងបានអនុញ្ញាត​ឲ្យ​ទៅលំនៅឋានវិញ​

អ្នកជំងឺ​កូ​វីដ​-១៩ កម្រិត​ស្រាល​ជាង​៩០០​នាក់​ កំពុង​សម្រាក​ព្យាបាល​នៅ​ពហុ​កីឡដ្ឋាន​ជាតិ​អូឡាំពិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋបាលខេត្តតាកែវ រកឃើញមនុស្ស ៥១នាក់ទៀតឆ្លងមេរោគកូវីដ-១៩ ភាគច្រើនជាកម្មកររោងចក្រ

ក្រសួងសុខាភិបាលថា ការឆ្លងរាល់ថ្ងៃនៅតែជាក្ដីបារម្ភ ទោះមានការថយចុះក្ដី

អ្នកជំងឺកូវីដ១៩ ក្នុងខេត្តកំពង់ចាម៣០នាក់ បានជាសះស្បើយ និងបានអនុញ្ញាតឲ្យទៅលំនៅឋានវិញ

អ្នកជំងឺកូវីដ-១៩ កម្រិតស្រាលជាង៩០០នាក់ កំពុងសម្រាកព្យាបាលនៅពហុកីឡដ្ឋានជាតិអូឡាំពិក