BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

អាវុធហត្ថខេត្តតាកែវ បង្ក្រាបគ្រឿងញៀនបានជិត៦កីឡូក្រាម

តាកែវ៖ គ្រឿងញៀនជិត៦គីឡូ និងជនសង្ស័យចំនួន២នាក់ ត្រូវកម្លាំងកងរាជអាវុធហត្ថខេត្តតាកែវសហការជាមួយកងកម្លាំងអាវុធហត្ថលើផ្ទៃប្រទេស បានចុះឃាត់ខ្លួននៅក្នុងខេត្តតាកែវម្នាក់ និងម្នាក់ទៀត នៅរាជធានីភ្នំពេញ ពាក់ព័ន្ធនិងការចែកចាយ និងជួញដូរគ្រឿងញៀនខុសច្បាប់ ។លោកឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ បានឲ្យដឹងថា មន្ត្រីការិយាល័យគ្រឿងញៀន របស់អាវុធហត្ថខេត្តតាកែវ កាលពីយប់ថ្ងៃទី២២ ខែមិនា ឆ្នាំ២០២១ បានចុះបង្ក្រាបករណីជួញដូរគ្រឿងញៀន នៅត្រង់ចំណុចភូមិពេជចង្វារ ឃុំបឹងត្រាញ់ខាងជើង ស្រុកសំរោងខេត្តតាកែវ ដោយធ្វើការ ឃាត់ខ្លួនជនសង្ស័យបានម្នាក់ ឈ្មោះ ចែម គីមស្រ៊ុន ភេទប្រុសអាយុ ២៧ឆ្នាំ រស់នៅកន្លែងកើតហេតុ នឹង ដកហូតវត្ថុតាង ក្រាមពណ៌សថ្លា(សង្ស័យគ្រឿងញៀន)បានចំនួន ០១កញ្ចប់ ទម្ងន់២៥,៩១ក្រាម ទូរស័ព្ទចំនួន០១គ្រឿង ។លោកឧត្តមសេនីយ៍ត្រី ឡា ឡៃ បានបន្តថា ក្រោយពីស្ដាប់ចម្លើយជនសង្ស័យខាងលើបានសារភាពថាខ្លួន ជាអ្នកដឹកជញ្ជូនគ្រឿងញៀនពីនារីម្នាក់ នៅម្ដុំផ្លូវបេតុង ស្ថិតក្នុងភូមិព្រៃព្រីងខាងជើង២ សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ និងដោយបានការអនុញ្ញាតពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ ក៏បានធ្វើការពន្លាតដែនសមត្ថកិច្ច ទៅរាជធានីភ្នំពេញ ដោយ សហការជាមួយការិយាល័យប្រឆាំងគ្រឿងញៀនកងរាជអាវុធហត្ថលើផ្ទៃប្រទេស នឹងដោយបានការអនុញ្ញាតិពីលោក ច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញ ជាលទ្ធផល ៖ ១-ចាប់បានជនសង្ស័យម្នាក់ទៀតឈ្មោះ ហេង ច្រឹប ភេទស្រីអាយុ៣១ឆ្នាំ ជនជាតិខ្មែរស្នាក់នៅផ្ទះជួលភូមិព្រៃទា១ សង្កាត់ចោមចៅ៣ ខណ្ឌពោធិសែនជ័យ ២-ក្រាមពណ៌សថ្លា(ICE)ចំនួន០៥កញ្ចប់ទម្ងន់ប្រហែល៥០០ក្រាម ៣-ម៉ូតូចំនួន០១គ្រឿងម៉ាកឃ្លីកពណ៌សលាយទឹកក្រូច ពាក់ស្លាកលេខPP-1IR-4377 ភ្នំពេញ ។និងបន្តទៅឆែកឆេរផ្ទះជួលរបស់ជនសង្ស័យឈ្មោះ ហេង ច្រឹប នៅវេលាម៉ោង១៥និង៤០នាទី ទទួលបានលទ្ធផល ៖ ១-ក្រាមពណ៌សថ្លា(ICE)ចំនួន០៥ដុំធំ ទម្ងន់ប្រហែល៥គីឡូក្រាម ,២-ស្លាកលេខរថយន្តចំនួន០៦ ស្មើនិង០៣រថយន្ត ។ នៅចំពោះមុខជនសង្ស័យបានទទួលស្គាល់វត្ថុតាងខាងលើពិតជារបស់ខ្លួនប្រាកដមែន ។បើតាមលោកមេបញ្ជាការកងរាជអាវុធហត្ថខេត្តតាកែវ បច្ចុប្បន្នជនសង្ស័យរួម និងវត្ថុតាងការិយាល័យជំនាញ អាវុធហត្ថខេត្តតាកែវ ចាត់ការតាមនីតិវិធីបន្ត ៕ដោយ៖គុជ វិភាគ

ក្រុមឈ្មួញនាំជ្រូកឆ្លងដែនខុសច្បាប់ ត្រូវបានសមត្ថកិច្ចជំនាញចុះបង្ក្រាបបាន ក្នុងភូមិសាស្ត្រក្រុងស្ទឹងត្រែង

ស្ទឹងត្រែង ៖ សកម្មភាពជួញដូរសត្វជ្រូកឆ្លងដែនពីប្រទេសឡាវ តាមច្រកព្រំដែន វឺនខាម ចំណុចដើមល្វា ត្រូវបានកម្លាំងសមត្ថកិច្ចជំនាញ របស់អគ្គនាយកដ្ឋានសុខភាពសត្វ និងផលិតកម្មសត្វ ចុះបង្ក្រាបបាន ក្នុងភូមិលើ សង្កាត់ស្ទឹងត្រែង ក្រុងស្ទឹងត្រែង កាលពីយប់ថ្ងៃទី២៣ ខែមិនា ម្សិលមិញនេះ ។ពាក់ព័ន្ធករណីចុះបង្ក្រាបសត្វជ្រូកឆ្លងដែនពីប្រទេសឡាវខាងលើនេះ ត្រូវបាន លោក តាន់ ផាន់ណារ៉ា អគ្គនាយកដ្ឋានសុខភាពសត្វនិងផលិតកម្មសត្វ បានឲ្យដឹងថា សត្វជ្រូកដែលក្រុមឈ្មួញធ្វើសកម្មភាពដឹកឆ្លងដែនពីឡាវ ចូលតាមច្រកល្បៀង ចំណុចដើមល្វា រវាងព្រំដែនកម្ពុជា ឡាវ គឺគ្មានច្បាប់នោះទេ។លោក អគ្គនាយកដ្ឋានសុខភាពសត្វ បន្តឲ្យដឹងទៀតថា តាមការស្រាវជ្រាវរបស់ក្រុមការងារ ជ្រូកទាំងអស់នេះ គេបាននាំចូលពីប្រទេសថៃ រួចឆ្លងដែនចូលប្រទេសឡាវ ហើយបន្ដឆ្លងដែនមកទឹកដីកម្ពុជា តាមច្រកល្បៀងប៉ុស្តិ៍ទឹក ក្នុងចំណុចដើមល្វា ស្ថិតក្នុងឃុំអូរស្វាយ ស្រុកបូរីអូរស្វាយសែនជ័យ របស់ខេត្តស្ទឹងត្រែង ហើយសត្វជ្រូកដែលក្រុមឈ្មួញ បាននាំយកមកនេះ ទី១ មិនមានមានច្បាប់ទម្លាប់ត្រឹមត្រូវ មានតែលិខិតរបស់ខេត្ត អនុញ្ញាតឲ្យដឹកជញ្ជូនក្នុងស្រុកតែប៉ុណ្ណោះ តែក្រុមឈ្មួញ បែរជាដឹកជ្រូកឆ្លងដែនពីក្រៅប្រទេស ហើយមិនមានមន្ត្រី បសុពេទ្យខេត្តចុះបូមឈាមពិនិត្យនិងធ្វើចត្តាឡីស័ក នោះឡើយ។លោក តាន់ ផាន់ណារ៉ា បានបញ្ជាក់ថា បច្ចុប្បន្ន សត្វជ្រូកនេះ ត្រូវបានគេរកឃើញមានកើតជំងឺ ប៉េសអាហ្វ្រិក នៅក្នុងប្រទេសថៃ យ៉ាងច្រើន តែក្រុមឈ្មួញបែរជានាំចូលសត្វជ្រូកពីប្រទេសថៃឆ្លងចូលមកកម្ពុជា ហើយលក់ចែកចាយក្នុងខេត្តស្ទឹងត្រែង និងខេត្តព្រះវិហារ យ៉ាងអានាធិបតេយ្យ ដោយអាជ្ញាធរ និងសមត្ថកិច្ចក្នុងតំបន់គ្មាន វិធានការក្នុងការទប់ស្កាត់ ឬ ចុះពិនិត្យឲ្យបានត្រឹមត្រូវ នោះទេ។ជុំវិញការឃាត់រថយន្ដដឹកជ្រូកខាងលើនេះ ត្រូវបាន លោក ចិត្រ ដែលជាអ្នករត់ការនាំជ្រូកឆ្លងដែនចេញពីប្រទេសឡាវ តាមច្រកព្រំដែន ចំណុចដើមល្វា បានឲ្យដឹងថា ការដែលគាត់នាំជ្រូកនេះ គឺគាត់មានច្បាប់ ហើយសត្វជ្រូកទាំងអស់ ត្រូវបានត្រួតពិនិត្យយ៉ាងត្រឹមត្រូវពីខាងសមត្ថកិច្ចរបស់ភាគីឡាវ ទើបគាត់អាចនាំចូលមកប្រទេសកម្ពុជានេះ ។អ្នកនាំសត្វជ្រូក បានបន្តថា ការដែលគាត់ទិញជ្រូកពីឡាវ មកលក់ចែកចាយតាមបណ្ដាលខេត្តមួយចំនួននេះ គឺគាត់បានរត់ការជាមួយសមត្ថកិច្ចអស់ហើយ ជាពិសេស មន្ត្រីពេទ្យសត្វក្នុងខេត្តស្ទឹងត្រែង។ពាក់ព័ន្ធករណីខាងលើនេះBTV News សូមការបំភ្លឺពីលោក សៀង ម៉េងហ័ង ប្រធានការិយាល័យបសុពេទ្យប្រចាំខេត្តស្ទឹងត្រែង តាមប្រព័ន្ធទូរស័ព្ទលេខ ០១៧ ៥៩៩ ៦៨៨ លើកទី១ គាត់ឆ្លើយថាគាត់ស្ដាប់មិនបានទេ ព្រោះគាត់កំពុងបើកឡាន ក្រោយមកទៀតយើង បានបន្ដទំនាក់ទំនង តែទូរស័ព្ទចូលតែគាត់មិនលើក មិនថាគាត់ជាប់រវល់ ឬក៏មានចេតនាគេចវេះ ឬបិទបាំងព័ត៌មាននេះ តែទោះបីយ៉ាងណាក្រុមអ្នកយកព័ត៌មានក្នុងខេត្ត និងព្យាយាមស្រាវជ្រាវបន្តទៀតដើម្បីរកការពិត៕អត្ថបទ ៖ មាស ផល្លា

អគ្គិភ័យឆេះរោងចក្រខ្សែភ្លើងមួយនៅក្នុងតំបន់សេដ្ឋកិច្ចពិសេស7NG បណ្តាលឲ្យកម្មកររងរបួសស្រាលម្នាក់

ភ្នំពេញ ៖ អគ្គិភ័យបានឆាបឆេះរោងបាយ នៅក្នុងរោងចក្រផលិតខ្សែភ្លើងមួយកន្លែង ដែលមានឈ្មោះថា ឃ្យុងស៊ីង ស្ថិតនៅក្នុងតំបន់សេដ្ឋកិច្ចពិសេស7NG បានបណ្តាលឲ្យកម្មករម្នាក់បំរើការនៅក្នុងរោងចក្រនេះ រងរបួសស្រាល និងខូចខាតសម្ភារៈមួយចំនួនតួចផងដែរ។យោងតាមរបាយការណ៍របស់ លោក ប៊ុន ផេងអភិបាលស្រុកខ្សាច់កណ្ដាល បានឲ្យដឹងថា ហេតុការណ៍ ឆេះរោងបាយនៅក្នុងរោងចក្រនេះ គឺនៅព្រឹកថ្ងៃទី ២៤ ខែមិនា ឆ្នាំ២០២១ ស្ថិតនៅតំបន់សេដ្ឋកិច្ចពិសេស (7NG) ភូមិវិហារសួគ៌ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។ រោងចក្រនេះ បណ្ដោយ១២០ម៉ែត្រ ទទឹង៨០ម៉ែត្រ ភ្លើងបានឆេះរោងបាយកម្មករ មានទំហំ បណ្ដោយ៨០ម៉ែត្រ និងទទឹង១៥ម៉ែត្រ ។ យ៉ាងណាក៏ដោយការឆេះត្រូវបានអាជ្ញាធរជួយអន្តរាគមន៍ទាន់ពេលវេលា។ប្រភព បានបន្តទៀតថា ករណីនេះ បណ្ដាលឲ្យកម្មករ ម្នាក់ ឈ្មោះ ភឹម រដ្ឋា ភេទប្រុសអាយុ២៤ឆ្នាំ រស់នៅភូមិព្រៃចាស់ ឃុំវិហារសួគ៌ ស្រុកខ្សាច់កណ្ដាល រងរបួសស្រាល និងខូចខាតសម្ភារៈ មាន ម៉ាស៊ីនភ្លើងធំចំនួន០១គ្រឿង ម៉ាស៊ីនស្កេនក្រយ៉ៅដៃ១៥គ្រឿង តុបាយ កៅអី កង្ហារ មួយចំនួនផងដែរ។សូមបញ្ជាក់ថា ម្ចាស់រោងចក្រដែលបានឆេះនេះ គឺឈ្មោះ ចាង សាងហូ ភេទ ប្រុស អាយុ ៤៦ឆ្នាំ (ជាជនជាតិកូរ៉េខាងត្បូង) ហើយរោងចក្រនេះ មានកម្មកររោងចក្រមានចំនួន១៦៧៥នាក់ ស្រី១៣១៨នាក់ ដែលកំពុងធ្វើការ។ ការសន្និដ្ឋានរបស់អាជ្ញាធរ បានបញ្ជាក់ថា ការឆេះនេះ គឺដោយសារទុសេខ្សែភ្លើង នៅក្បែររោងបាយហើយបានឆាបឆេះផ្នែករោងម៉ាស៊ីនរហូតដល់រោងបាយតែមិនឆេះចូលកន្លែងកម្មករធ្វើការឡើយ។ ក្រោយពីមានការឆេះភ្លាមៗនោះ មន្ត្រីជំនាញសណ្ដាប់ធ្នាប់ស្រុកខ្សាច់កណ្ដាល បានប្រើរថយន្តពន្លត់អគ្គិភ័យ ស្រុកខ្សាច់កណ្ដាល០១គ្រឿង និងរថយន្តទឹក (7NG) ចំនួន០២គ្រឿង ប្រើប្រាស់ទឹកអស់ចំនួន២៥គីប ទើបរលត់ទាំងស្រុង៕អត្ថបទ ៖ បាន ចក់

ពលរដ្ឋប្រទះឃើញគ្រាប់យុទ្ធភ័ណ្ឌជាច្រើននៅក្នុងស្រុកចំនួន៣នៃខេត្តបាត់ដំបង

បាត់ដំបង៖ គ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់ ត្រូវបានប្រជាពលរដ្ឋប្រទះឃើញនៅក្នុងស្រុកបាណន់, ស្រុកបវេល, និងស្រុកគាស់ក្រឡ ស្ថិតក្នុងខេត្តបាត់ដំបង នៅថ្ងៃទី២៣ ខែមីនា ឆ្នាំ២០២១។សេចក្តីរាយការណ៍ បានឲ្យដឹងថា ករណីទី១ ត្រូវបានប្រជាពលរដ្ឋជាម្ចាស់ស្រែ ឈ្មោះ រឿម គង់ ភេទប្រុស អាយុ ៤២ឆ្មាំ រស់នៅភូមិថ្មី ឃុំកន្ទឺ១ ស្រុកបាណន់ ប្រទះឃើញនៅក្នុងដំបូកដីស្រែ ដែលមានចំនួនសរុប២៩គ្រាប់ ក្នុងនោះមានគ្រាប់ទំហំ 60មីលីម៉ែត្រចំនួន ១៩គ្រាប់, គ្រាប់ DK82 ចំនួន ០៤គ្រាប់, គ្រាប់ 80មីលីម៉ែត្រចំនួន០៤គ្រាប់, គ្រាប់ 75មីលីម៉ែត្រចំនួន ០១គ្រាប់, គ្រាប់ B40 ចំនួន ០១គ្រាប់។ករណីទី២ ត្រូវបានប្រជាពលរដ្ឋ ឈ្មោះ ទឹម ស៊ីណាក់ ភេទប្រុស អាយុ ៦៤ឆ្នាំ រស់នៅចំណុចទួលសង្កែបបួយ ស្ថិតនៅភូមិកោះរាម ឃុំខ្នាចរមាស ស្រុកបវេល បានប្រទះឃើញខណៈពេលកំពុងកាយដីធ្វើផ្លូវថ្នល់នៅចំណុចខាងលើ ដែលមានចំនួនសរុប០៦គ្រាប់ ក្នុងនោះមានគ្រាប់ 8០មីលីម៉ែត្រចំនួន ០១គ្រាប់, គ្រាប់B40ចំនួន០១គ្រាប់, មីន69ចំនួន០១គ្រាប់, គ្រាប់បែកដៃចំនួន០៣គ្រាប់។ដោយឡែក ករណីទី៣ ត្រូវបានព្រះសង្ឃប្រទះឃើញនៅក្នុងដី ខណៈដែលព្រះសង្ឃគង់នៅក្នុងវត្តបុរាណនិវេសន៍ (ហៅវត្តគាស់ក្រឡ) ស្ថិតក្នុងភូមិមុខវត្ត ឃុំគាស់ក្រឡ ស្រុកគាស់ក្រឡ បានជីកកាយដី ដើម្បីដាក់លូធ្វើបង្គន់អនាម័យ ចំនួន១៦កេះ ស្មើនឹង៤០០០គ្រាប់ ជាប្រភេទ (PKF ផលិតនៅសហរដ្ឋអាមេរិច)។បច្ចុប្បន្ន គ្រាប់យុទ្ធភ័ណ្ឌមិនទាន់ផ្ទុះទាំងនោះ ក្រោយពីប្រមូលបានរួចរាល់ហើយ ត្រូវបានសមត្ថកិច្ចប្រគល់ជូនឣង្គភាពស៊ីម៉ាក់ ដើម្បីយកទៅរក្សារទុក និងធ្វើការកម្ទេចចោល នៅពេលក្រោយ ៕

អាជ្ញាធរខណ្ឌមានជ័យ ចុះណែនាំដល់អាជីវករលក់ដូរបាយឆាពេលយប់ ឲ្យបញ្ឈប់សកម្មភាពបោសសំរាមចូលមាត់លូបង្ហូរទឹកបន្ដទៀត

ភ្នំពេញ ៖ បន្ទាប់ពីទទួលបានព័ត៌មានអំពី សកម្មភាពបោសកាកសំណល់សំរាមសល់ពីការលក់ដូរបាយឆា មីឆាពេលយប់ ចូលទៅក្នុងមាត់លូបង្ហូរទឹករួចមក នៅវេលាព្រឹកថ្ងៃទី២២ ខែមិនា ឆ្នាំ២០២១នេះ អាជ្ញាធរខណ្ឌមានជ័យ ដឹកនាំដោយលោក ឌី រ័ត្នខេមរុណ បានចុះទៅណែនាំបុគ្គល២នាក់ ដែលប្រព្រឹត្តិ ធ្វើកិច្ចសន្យាឲ្យបញ្ឈប់សកម្មភាពមិនល្អនេះទៀត ។អ្នកលក់បាយឆា មីឆា២នាក់ បងប្អូនខាងលើ មានឈ្មោះ លី សារ៉េត ភេទស្រី អាយុ២៧ឆ្នាំ និងម្នាក់ទៀតជា ប្អូនបង្កើតមានឈ្មោះ លី មៃឃ័រ អាយុ២៤ឆ្នាំ ។ អ្នកទាំង២ស្នាក់នៅផ្ទះជួលម្តុំកន្លែងលក់របស់ពួកគេ ដែលស្ថិតនៅតាមបណ្តោយផ្លូវជាតិលេខ២ ក្បែរស្តុបវត្តចាក់អង្រែក្រោម ក្នុងសង្កាត់ចាក់អង្រែក្រោម ខណ្ឌមានជ័យ ។នៅចំពោះមុខ ក្រុមអាជ្ញាធរ បងប្អូនបង្កើតទាំង២នាក់ បានទទួលស្គាល់នូវកំហុសដែលបានប្រព្រឹត្តិ ដោយពួកគេ បានបោសសំរាមចូលទៅក្នុងមាត់លូ ប្រាកដមែន នឹងបានធ្វើកិច្ចសន្យាបញ្ឈប់សកម្មភាពនេះ បន្តទៀតហើយ ប្រសិនបើមានសកម្មភាពនេះ នៅលើកក្រោយទៀត ពួកគេសូមទទួលខុសត្រូវចំពោះវិធានការណ៍របស់អាជ្ញាធរ ។ក្នុងឱកាសនោះ លោកឌី រ័ត្នខេមរុណ អភិបាលរងខណ្ឌមានជ័យ បានធ្វើការអប់រំដល់បុគ្គលទាំង២ ឲ្យពួកគេបញ្ឈប់សកម្មភាពនេះទៀត ព្រោះវាជាគំរូមិនល្អ ជះឥទ្ធិពលអាក្រក់ ដល់បរិស្ថានសង្គមជាតិ ។ លោក អភិបាលរង ក៏បានពន្យល់ណែនាំអោយពួកគេ ត្រូវកែខ្លួនមកជាបុគ្គលត្រឹមត្រូវវិញ ត្រូវចូលរួមចំណែកជាមួយសង្គមជាតិ ក្នុងការចូលរួមថែរក្សាបរិស្ថានអនាម័យ ដោយត្រូវវេចខ្ចប់ទុកដាក់សំរាម ដែលសេសសល់ពីការលក់ដូរ និងប្រើប្រាស់ទុកដាក់មួយកន្លែងអោយបានត្រឹមត្រូវ ដើម្បីអាចអោយរថយន្តស៊ិនទ្រី ធ្វើការចុះទៅប្រមែប្រមូល ជៀសវាងការបោះចោលសំរាមពាសវាលពាស កាល ពិសេសនោះ ការបោសសំរាមចូលទៅក្នុងមាត់លូ ដូចសកម្មភាពរបស់ពួកគេ ជាដើម ដែលជាហេតុធ្វើអោយប្រព័ន្ធលូបង្ហូរទឹកត្រូវទទួលរងការកកស្ទះ មិនអាចហូរទឹកបាន ៕ អត្ថបទ ៖ លី ហេង

រថយន្តដឹកស៊ីម៉ងត៍ ទម្ងន់១៥តោន បួងចង្កូតគេចពីម៉ូតូវ៉ាជែង បណ្ដាលឲ្យក្រឡាប់ផ្ងារជើង

ភ្នំពេញ៖ រថយន្ត ដឹកស៊ីម៉ងត៍ទម្ងន់១៥តោន មួយគ្រឿង បើកគេចចេញពីម៉ូតូមួយគ្រឿង ដែលវ៉ាជែងហើយដួលនៅខាងមុខ អ្នកបើករថយន្តបួងចង្កូតគេច បណ្ដាលអោយក្រឡាប់ផ្ងារជើង នៅកណ្តាលផ្លូវ តែសំណាងល្អមិនបណ្តាលឱ្យមនុស្សរងរបួសធ្ងន់ធ្ងរក្នុងហេតុការណ៍នេះ ។ហេតុការណ៍នេះ កើតឡើងកាលពីវេលាម៉ោង ៩ និង ៣០នាទី ព្រឹកថ្ងៃទី២២ ខែមិនា ឆ្នាំ២០២១ នៅតាមបណ្តោយផ្លូវជាតិលេខ៦ ស្ថិតនៅភូមិបាក់ខែង សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។តាមប្រភពព័ត៌មាន នៅកន្លែងកើតហេតុ បានប្រាប់ឱ្យដឹងថា នៅមុនពេលកើតហេតុ គេឃើញ បុរសម្នាក់ បើករថយន្តម៉ាក់ហ៊ីយ៉ាន់ដាយ ដឹកស៊ីម៉ងត៍ធន់ធំ ពណ៌ស ពាក់ស្លាកលេខ កំពត3A-0914 បានធ្វើដំណើរតាមផ្លូវជាតិលេខ៦ ក្នុងទិសដៅពីត្បូងទៅជើង ពេលមកដល់ចំណុចកើតហេតុ ស្រាប់តែមានម៉ូតូមួយគ្រឿង បើកវ៉ាជែង បណ្តាលរអិលផ្លូវដួលនៅពីមុខ ទើបអ្នកបើករថយន្តបួងចង្កូតគេចទៅស្តាំដៃជ្រុលប្រុងទៅបុកចូលផ្ទះប្រជាពលរដ្ឋ ក៏បានទាញចង្កូតមកឆ្វេងដៃវិញ បណ្តាលឱ្យរថយន្តប្រឡាប់ ផ្ងារជើងម្ខាង នៅកណ្តាលផ្លូវតែម្តង ភ្លាមៗអ្នកបើកបរ បានលូនចេញពីក្នុងរថយន្ត ដោយមានរបួសស្រាលតែប៉ុណ្ណោះ។តាមអ្នកបើកបរ បានឱ្យដឹងថា នៅមុនពេលកើតហេតុ គាត់បានដឹកស៊ីម៉ងត៍ ចំនួន១៥តោន មកពីរោងចក្រនៅខេត្តកំពត យកទៅដាក់នៅការដ្ឋាន នៅព្រែកពោធិ៍ ពេលធ្វើដំណើរតាមផ្លូវ មកដល់ចំណុចកើតហេតុ ស្រាប់តែមានម៉ូតូវ៉ាជែង ហើយដួលនៅខាងមុខរថយន្តគាត់តែម្តង តែបើគាត់មិនទាញចង្កូតគេចច្បាស់ ជាកិនអ្នកបើកបរ ម៉ូតូដួលនោះស្លាប់ ជាមិនខាន ដូច្នេះក៏សុខចិត្តបួងចង្កូតគេច។ក្រោយពេលកើតហេតុ កម្លាំងសមត្ថកិច្ចមូលដ្ឋាន បានចុះមកដល់ចំណុចកើតហេតុ រួចឱ្យម្ចាស់រថយន្តយកទៅជួសជុលដោយខ្លួនឯង ដោយសារពុំបង្កឱ្យមនុស្សរងរបួស ឬ ខូចខាតទ្រព្យសម្បត្តិរដ្ឋនោះទេ៕អត្ថបទ៖ កុម្ភះ

ឃាត់ខ្លួនមុខសញ្ញា មេខ្យល់នាំចូលជនជាតិវៀតណាម ខុសច្បាប់មកកម្ពុជា៣នាក់បន្ថែមទៀត នៅស្រុកបូរីជលសារ

តាកែវ ៖ កំលាំងជំនាញ អធិការដ្ឋាននគរបាល ស្រុក ចុះល្បាតមូលដ្ឋាន បានឃាត់ខ្លួនមុខសញ្ញា មេខ្យល់ នាំចូល ជនជាតិវៀតណាម ខុសច្បាប់ មកកម្ពុជា ចំនួន ០៣នាក់ បន្ថែម ទៀត ។ជនសង្ស័យទាំង៣នាក់នេះ ទី១ ឈ្មោះ សាំង លុច ភេទ ប្រុស អាយុ ២៣ឆ្នាំ រស់នៅ ភូមិ កំពង់ ក្រសាំង ឃុំកំពង់ក្រសាំង ស្រុកបូរីជលសារ ខេត្ត តាកែវ ។ទី២ ឈ្មោះ ហួត សុខរ៉ាវី អាយុ ២២ឆ្នាំ ភេទ ប្រុស រស់នៅ ភូមិ កំពង់ក្រសាំង ឃុំកំពង់ក្រសាំង ស្រុកបូរីជលសារ ខេត្ត តាកែវ និងទី ៣ ឈ្មោះ ឡា ឆានី ភេទ ប្រុស អាយុ ២២ឆ្នាំ រស់នៅ ភូមិ ថ្មី បីដុំ ឃុំកំពង់ក្រសាំង ស្រុកបូរីជលសារ ខេត្ត តាកែវ ឃាត់ ខ្លួន បាន នៅចំណុច ភូមិ សាស្ត្រ ឃុំកំពង់ក្រសាំង ស្រុកបូរីជលសារ ខេត្ត តាកែវ ។ក្រោយ ពី ឃាត់ខ្លួនមុនសញ្ញានាំចូលជនជាតិ វៀតណាម ខុសច្បាប់ មកកម្ពុជា កម្លាំង ជំនាញ អធិការ ដ្ឋាននគរបាល ស្រុក បូរីជលសារ សហការជាមួយ កម្លាំងជំនាញស្នងការ ដ្ឋាននគរបាល ខេត្តតាកែវ បានកសាងសំណុំរឿងតាមនិតិវិធី ៕

ក្រុមប្រឹក្សាជាតិកម្ពុជា ដើម្បីកុមារថ្កោលទោសចំពោះអ្នកធ្វើឲ្យកុមារកំព្រាម្នាក់ស្លាប់

ភ្នំពេញ ៖ គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជាដើម្បីកុមារ (ក.ជ.ក.) បានថ្កោលទោស ជនសង្ស័យពីររូប ដែលបានប្រើប្រាស់អាវុធបាញ់សត្វ បណ្តាលឲ្យបាត់បង់អាយុជីវិតក្មេងប្រុសកំព្រាស្លូត ត្រង់ម្នាក់ ដែលកំពុងស្នាក់នៅក្នុងមណ្ឌលអង្គការសង្គ្រោះជនអស់សង្ឃឹម នៅខណ្ឌកំពូល រាជធានីភ្នំពេញ កាលពីពេលថ្មីៗនេះ។យោងតាមសេចក្តីថ្លែងការណ៍របស់គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជា ដើម្បីកុមារ នៅថ្ងៃទី១១ ខែមីនា នេះ បានលើកឡើងថា គណៈកម្មការការពារកុមារថ្នាក់ជាតិ ក៏ដូចជាសាធារណជនទូទៅ «ពិតជាមានក្តីរន្ធត់ តក់ស្លុតឥតឧបមា និងមានការអាណិតអាសូរយ៉ាងក្រៃលែង ចំពោះ កុមារកំព្រាដ៏កំសត់ម្នាក់ ដែលបានទទួលរងគ្រោះបាត់បង់ជីវិតយ៉ាងអាណោចអាធ័ម សោកសៅ និងខ្លោច ផ្សារបំផុត ដោយទង្វើខ្វះការប្រុងប្រយ័ត្ន ដែលជនសង្ស័យពីរនាក់ បានប្រើប្រាស់អាវុធជាឧបករណ៍កម្សាន្ត និងបានធ្វើការថ្កោលទោសចំពោះទង្វើមិនទទួលខុសត្រូវរបស់ជនសង្ស័យទាំងពីរ ដែលបណ្តាលឲ្យបាត់ បង់ជីវិតក្មេងប្រុសកំព្រាស្លូតត្រង់មួយរូប។សេចក្ដីថ្លែងការណ៍ បានបញ្ជាក់ថា គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជា ដើម្បីកុមារ បានថ្លែងកោតសរសើរ ចំពោះសមត្ថកិច្ចជំនាញ និងតុលាការ ដែលបានចាត់វិធានការយ៉ាងក្តៅ គគុក និងទាន់ពេលវេលា ចំពោះករណីស្លាប់បាត់បង់ជីវិតកុមារា សារឿន ប៊ុនថា អាយុ១៤ឆ្នាំ ជាសិស្ស នៃ អនុវិទ្យាល័យបែកចាន ស្នាក់នៅអង្គការសង្គ្រោះជនរស់សង្ឃឹម ដែលករណីនេះ បានកើតឡើងនៅក្នុង ខណ្ឌកំបូល រាជធានីភ្នំពេញ កាលពីថ្ងៃទី០៦ ខែមីនា នេះ ហើយជាមួយគ្នានេះដែរ កម្លាំងសមត្ថកិច្ច ក៏បាន ឃាត់ខ្លួនជនសង្ស័យពីររូប ព្រមទាំងកសាងសំណុំរឿងបញ្ជូនទៅតុលាការ ដើម្បីបន្តនីតិវិធីច្បាប់។យ៉ាងណាក៏ដោយ ពាក់ព័ន្ធនឹងករណីនេះដែរ គណៈកម្មការការពារកុមារថ្នាក់ជាតិ នៃក្រុមប្រឹក្សា ជាតិកម្ពុជាដើម្បីកុមារ ក៏បានអំពាវនាវ និងសំណូមពរដល់ស្ថាប័នតុលាការ បន្តធ្វើការស៊ើបអង្កេត និងផ្ដន្ទាទោសកម្រិតអតិបរមា (ស្ថានទម្ងន់ទោសលើជនសង្ស័យ ដោយគ្មានការលើកលែង) ដើម្បីកុំឲ្យទង្វើបែប នេះកើតមានក្នុងសង្គមខ្មែរបន្តទៀត៕អត្ថបទ៖ បាន ចក់

មនុស្ស ៣នាក់ស្លាប់ក្នុងការវាយប្រហារភេរវកម្មនៅទីក្រុងវីយែនប្រទេសអូទ្រីស

អូទ្រីស៖ មនុស្ស ៣នាក់ត្រូវបានសម្លាប់ បន្ទាប់ពីខ្មាន់កាំភ្លើងជាច្រើននាក់បានបើកការបាញ់ប្រហារ នៅកណ្ដាលទីក្រុងវីយែនកាលពីថ្ងៃច័ន្ទម្សិលមិញ ហើយយ៉ាងហោចណាស់ខ្មាន់វាយប្រហារម្នាក់នៅតែបន្តរត់គេខ្លួន បន្ទាប់ពីអ្វីដែលអធិការបតីអូទ្រីសលោក Sebastian Kurz បានថាជា “ការវាយប្រហារភេរវកម្មគួរឲ្យស្អប់ខ្ពើម”។អូទ្រីស៖ មនុស្ស ៣នាក់ត្រូវបានសម្លាប់ បន្ទាប់ពីខ្មាន់កាំភ្លើងជាច្រើននាក់បានបើកការបាញ់ប្រហារ នៅកណ្ដាលទីក្រុងវីយែនកាលពីថ្ងៃច័ន្ទម្សិលមិញ ហើយយ៉ាងហោចណាស់ខ្មាន់វាយប្រហារម្នាក់នៅតែបន្តរត់គេខ្លួន បន្ទាប់ពីអ្វីដែលអធិការបតីអូទ្រីសលោក Sebastian Kurz បានថាជា “ការវាយប្រហារភេរវកម្មគួរឲ្យស្អប់ខ្ពើម”។អត្ថបទ៖ សុខមាន

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

ភ្នំពេញ៖ នៅក្នុងព្រះរាជពិធីបុណ្យ អុំទូក បណ្ដែតប្រទីប សំពះព្រះខែ និងអកអំបុក រយៈពេលបីថ្ងៃ គឺពីថ្ងៃទី៣០–៣១ ខែតុលា ដល់ថ្ងៃទី១ ខែវិច្ឆិកា ឆ្នាំ២០២០ គ្រោះថ្នាក់ចរាចរណ៍បានកើតឡើងចំនួន ៣៦លើក បណ្តាលឲ្យមនុស្សស្លាប់ និងរបួស ចំនួន ៧២នាក់ ក្នុងនោះ ស្លាប់ ១៩នាក់ និងរបួសធ្ងន់ស្រាលចំនួន ៥៣នាក់។ នេះបើតាមការបញ្ជាក់របស់លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ។អ្នកនាំពាក្យអគ្គស្នងការដ្ឋាននគរបាលជាតិ បានបន្តថា បើប្រៀបធៀបនឹងរយៈពេលបីថ្ងៃដូចគ្នា នៃព្រះរាជពិធីបុណ្យ អុំទូក បណ្ដែតប្រទីប សំពះព្រះខែ និងអកអំបុក ឆ្នាំ២០១៩ អ្នកស្លាប់កើនចំនួន ៩នាក់ (១៩នាក់លើ១០នាក់) របួសថយ ២៤នាក់ (៥៣លើ៧៧នាក់)៕

បណ្ដាញសង្គម

ព័ត៌មានថ្មីៗ

កងទ័ពអ៊ីស្រាអែលដណ្តើមបានប្រាសាទយុទ្ធសាស្ត្រនៅលីបង់ក្នុងការឈ្លានពានដ៏ជ្រៅបំផុតចូលប្រទេសនេះ ក្នុងរយៈពេល២៦ ឆ្នាំ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អាវុធហត្ថខេត្តតាកែវ បង្ក្រាបគ្រឿងញៀនបានជិត៦កីឡូក្រាម

អគ្គិភ័យឆេះរោងចក្រខ្សែភ្លើងមួយនៅក្នុងតំបន់សេដ្ឋកិច្ចពិសេស7NG បណ្តាលឲ្យកម្មកររងរបួសស្រាលម្នាក់

ពលរដ្ឋប្រទះឃើញគ្រាប់យុទ្ធភ័ណ្ឌជាច្រើននៅក្នុងស្រុកចំនួន៣នៃខេត្តបាត់ដំបង

រថយន្តដឹកស៊ីម៉ងត៍ ទម្ងន់១៥តោន បួងចង្កូតគេចពីម៉ូតូវ៉ាជែង បណ្ដាលឲ្យក្រឡាប់ផ្ងារជើង

ឃាត់ខ្លួនមុខសញ្ញា មេខ្យល់នាំចូលជនជាតិវៀតណាម ខុសច្បាប់មកកម្ពុជា៣នាក់បន្ថែមទៀត នៅស្រុកបូរីជលសារ

ក្រុមប្រឹក្សាជាតិកម្ពុជា ដើម្បីកុមារថ្កោលទោសចំពោះអ្នកធ្វើឲ្យកុមារកំព្រាម្នាក់ស្លាប់

មនុស្ស ៣នាក់ស្លាប់ក្នុងការវាយប្រហារភេរវកម្មនៅទីក្រុងវីយែនប្រទេសអូទ្រីស

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អាវុធហត្ថ​ខេត្តតាកែវ​ បង្ក្រាប​គ្រឿងញៀន​បាន​ជិត​៦​កី​ឡូ​ក្រាម​

ពលរដ្ឋ​ប្រទះឃើញ​​គ្រាប់​យុទ្ធភ័ណ្ឌ​​ជាច្រើន​​នៅ​ក្នុង​​ស្រុកចំនួន៣​​នៃ​​ខេត្តបាត់ដំបង

រថយន្ត​ដឹក​ស៊ីម៉ងត៍ ​ទម្ងន់​១៥​តោន ​បួង​ចង្កូត​គេច​ពី​ម៉ូតូ​វ៉ាជែង​ បណ្ដាល​ឲ្យ​​ក្រឡាប់​ផ្ងារជើង​

ក្រុមប្រឹក្សា​ជាតិ​កម្ពុជា​ ដើម្បី​កុមារ​ថ្កោលទោស​ចំពោះ​អ្នកធ្វើ​ឲ្យ​កុមារ​កំព្រា​ម្នាក់​ស្លាប់

មនុស្ស​ ៣​នាក់​ស្លាប់​ក្នុង​ការ​វាយ​ប្រហារ​ភេរវកម្ម​នៅ​ទីក្រុង​វី​យែ​ន​ប្រទេស​អូទ្រីស​

បុណ្យអុំទូក​បី​ថ្ងៃ ៖ ស្លាប់ ១៩​នាក់ និង​របួស ៥៣​នាក់ ដោយ​គ្រោះថ្នាក់​ចរាចរណ៍​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាវុធហត្ថខេត្តតាកែវ បង្ក្រាបគ្រឿងញៀនបានជិត៦កីឡូក្រាម

ពលរដ្ឋប្រទះឃើញគ្រាប់យុទ្ធភ័ណ្ឌជាច្រើននៅក្នុងស្រុកចំនួន៣នៃខេត្តបាត់ដំបង

រថយន្តដឹកស៊ីម៉ងត៍ ទម្ងន់១៥តោន បួងចង្កូតគេចពីម៉ូតូវ៉ាជែង បណ្ដាលឲ្យក្រឡាប់ផ្ងារជើង

ក្រុមប្រឹក្សាជាតិកម្ពុជា ដើម្បីកុមារថ្កោលទោសចំពោះអ្នកធ្វើឲ្យកុមារកំព្រាម្នាក់ស្លាប់

មនុស្ស ៣នាក់ស្លាប់ក្នុងការវាយប្រហារភេរវកម្មនៅទីក្រុងវីយែនប្រទេសអូទ្រីស

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍