BTV NEWS

សម្ដេចធិបតី ហ៊ុន ម៉ាណែត តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដកខ្លួនឯកតោភាគីពី MoU 2001

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ និង ការអភិវឌ្ឍន៍

ការចាក់វ៉ាក់សាំងជូនពលរដ្ឋបានប្រព្រឹត្តិទៅដោយរលូន មកដល់ពេលនេះបានជិតបីលាននាក់ហើយ

ភ្នំពេញ ៖ រដ្ឋលេខាធិការក្រសួងសុខាភិបាលកម្ពុជា និងជាប្រធានក្រុមការងារចំពោះកិច្ចនៃការចាក់វ៉ាក់សាំងកូវីដ១៩ លោកជំទាវ ឱ វណ្ណឌីន បានអះអាងថា វឌ្ឍនភាពនៃការចាក់វ៉ាក់សាំងកូវីដ-១៩ជូនដល់បងប្អូនប្រជាពលរដ្ឋបានប្រព្រឹត្តិទៅដោយរលូន និងហួសការគ្រោងទុករបស់ក្រុមការងារ ដែលរហូតមកដល់ពេលនេះចំនួន អ្នកចាក់បានរហូតដល់ជាងពីរលានប្រាំពីរសែននាក់ហើយ។ក្នុងកិច្ចសម្ភាសន៍ពិសេសជាមួយទូរទស្សន៍BTV ខណៈចុះបេសកកម្មការងារនៅភាគពាយព្យ នាព្រឹកថ្ងៃទី៧ ខែមិថុនា ឆ្នាំ២០២១នេះ លោកជំទាវ ឱ វណ្ណឌីន បានលើកឡើងថា ការចាក់វ៉ាក់សាំងការពារមេរោគកូវីដ-១៩ វាបានផ្តល់ផលប្រយោជន៍ដល់បងប្អូនប្រជាពលរដ្ឋខ្លាំងណាស់ ពោលគឺវាបានជួយកាត់បន្ថយហានិភ័យនៃការឆ្លងដល់យើងពេលដែលចាក់រួច ហើយប្រសិនបើឆ្លងក៏វាមិនងាយធ្ងន់ធ្ងរនោះដែរ។យ៉ាងណាក៏ដោយលោកជំទាវ ឱ វណ្ណឌីន នៅតែបន្តទទូចដល់បងប្អូនប្រជាពលរដ្ឋខ្មែរទាំងអស់កុំមានការធ្វេសប្រហែសឲ្យសោះក្នុងកិច្ចការពារមេរោគកូវីដ-១៩នេះ ទោះបីជាយើងបានចាក់នូវវ៉ាក់សាំងរួចឬមិនទាន់រួចក៏ដោយនោះ ដោយត្រូវប្រកាន់ឲ្យបានខ្ជាប់ខ្ជួននៅវិធាន បីការពារ និងបីកុំ ដែលជាអភិក្រមរបស់សម្តេចតេជោ ហ៊ុន សែន នាយករដ្ឋមន្ត្រី ។សូមបញ្ជាក់ថា រហូតមកដល់ថ្ងៃទី៧ ខែមិថុនា ឆ្នាំ២០២១នេះប្រទេសកម្ពុជាមានអ្នកឆ្លងនូវជំងឺកូវីដ-១៩សរុប៣៤៨៣៣នាក់ហើយ ក្នុងនោះអ្នកជាសះស្បើយ ២៨០៩២នាក់ ខណៈ អ្នកស្លាប់ កើន ដល់២៦៦នាក់៕អត្ថបទ៖ បាន ចក់

កម្ពុជា ឆ្ពោះទៅរកការធ្វើទំនើបកម្មរៀបចំការបោះឆ្នោតតាមប្រព័ន្ធបច្ចេកវិទ្យាព័ត៌មាន

សៀមរាប ៖ លេខាធិការដ្ឋានរៀបចំការបោះឆ្នោតខេត្តសៀមរាប បានបញ្ជាក់ថា ការបោះឆ្នោតសាកល្បងជ្រើសរើសក្រុមប្រឹក្សាឃុំ-សង្កាត់នាពេល ខាងមុខនេះ គឺមិនមែនជាការស្ទង់មតិមុនការបោះឆ្នោតនោះទេ តែជាពិសោធន៍អនុវត្តកម្មវិធីទំនើបកម្មតាមប្រព័ន្ធបច្ចេកវិទ្យាព័ត៌មាន សម្រាប់ការបោះឆ្នោតជាសកលជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។អនុវត្តតាមប្រតិទិន នៃការបោះឆ្នោតសាកល្បងជ្រើសរើសក្រុមប្រឹក្សាឃុំ-សង្កាត់ឆ្នាំ២០២១ ដែលបានគ្រោងទុកដោយគណៈកម្មាធិការជាតិរៀបចំការបោះឆ្នោត (គជប) នៅថ្ងៃនេះ វគ្គបណ្តុះបណ្តាលស្តីពី ការចុះបញ្ជីបេក្ខជនឈរឈ្មោះបោះឆ្នោត ការបោះឆ្នោត ការរាប់សន្លឹកឆ្នោត និងការបញ្ជូនលទ្ធផលនៃការបោះឆ្នោតសាកល្បង ត្រូវបានធ្វើឡើង ក្រោមការរៀបចំឡើងដោយលេខាធិការដ្ឋានរៀបចំការបោះឆ្នោតខេត្តសៀមរាប។អនុប្រធានលេខាធិការដ្ឋានរៀបចំការបោះឆ្នោតខេត្តសៀមរាប ( លោក អ៊ាម ស៊ីណា ) បានឱ្យដឹង ថា គជប បានរៀបចំប្រព័ន្ធគ្រប់គ្រងកម្មវិធីការបោះឆ្នោតសាកល្បងនេះឡើង គឺស្របតាមការធ្វើកំណែទម្រង់ការបោះឆ្នោតនៅកម្ពុជា ឲ្យដើរទាន់សម័យបច្ចេកវិទ្យាទំនើប ហើយក៏សំខាន់ផងដែរ គឺស្ថិតក្នុងគោលបំណងសាកល្បងការអនុវត្តកម្មវិធីចុះបញ្ជីបេក្ខជនគណបក្សនយោបាយឈរឈ្មោះបោះឆ្នោត តាមប្រព័ន្ធកុំព្យូទ័រ។ សាកល្បងអនុវត្តឲ្យមានភាពច្បាស់លាស់ ការកំណត់សញ្ញាគាំទ្រគណបក្សនយោបាយ ដោយប្រើប៊ិកគំនូសសញ្ញាគាំទ្របោះឆ្នោតនៅលើសន្លឹកឆ្នោត។ វគ្គបណ្តុះបណ្តាលនេះ ក៏ជាដំណើរនៃការសាកល្បងកម្មវិធីត្រួតពិនិត្យ ផ្ទៀងផ្ទាត់ និងបូកសរុបលទ្ធផលបោះឆ្នោតតាមប្រព័ន្ធកុំព្យូទ័រ រួមទាំងដកបទពិសោធន៍ លើការអនុវត្តវិធានការទប់ស្កាត់ និងការពារទប់ស្កាត់ ការឆ្លងជំងឺកូវីដ-១៩ ក្នុងការិយាល័យបោះឆ្នោតផងដែរ។ ថ្ងៃទី២០ ខែមិថុនា ឆ្នាំ២០២១ គឺជាថ្ងៃបោះឆ្នោតសាកល្បងជ្រើសរើសក្រុមប្រឹក្សាឃុំ-សង្កាត់។ បើសិនជាការបោះឆ្នោតសាកល្បងនេះ ដំណើរការទទួលបានលទ្ធផលល្អប្រសើរ កម្មវិធីទំនើបកម្ម នៃដំណើរការបោះឆ្នោតនេះ នឹងត្រូវយកទៅអនុវត្តសម្រាប់ការបោះឆ្នោតជាសកលជ្រើសរើសក្រុមប្រឹក្សាឃុំ-សង្កាត់អាណត្តិទី៥ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។នៅក្នុងវគ្គបណ្តុះបណ្តាលរយៈពេល១ថ្ងៃនេះ មានការចូលរួមពីអភិបាលរងខេត្ត សមាជិកក្រុមប្រឹក្សាខេត្ត មន្ត្រីពាក់ព័ន្ធ មន្ត្រីបោះឆ្នោត អង្គការមិនមែនរដ្ឋាភិបាល ហើយមានវត្តមានផងដែរតំណាងរបស់គណបក្សនយោបាយចំនួន៧ លើ៩គណបក្ស ដែលបានឈរឈ្មោះបោះឆ្នោតនៅមណ្ឌលសៀមរាប ព្រមទាំងតំណាងអង្គការខុមហ្វ្រែលផងដែរ៕អត្ថបទ៖ ងឹន គឹមឡេង

ខេត្តកណ្តាលត្រៀមទីតាំងចាក់វ៉ាក់សាំងច្រើនទីតាំង ខណៈកម្មករនិងអ្នកជាប់ឃុំអាចជាអ្នកអាទិភាព

កណ្ដាល ៖ មកដល់ពេលនេះ នៅតាមបណ្តាមន្ទីរពេទ្យបង្អែក និងមណ្ឌលចាក់វ៉ាក់សាំងការពារកូវីដ-១៩នានា នៅក្នុងខេត្តកណ្តាល មិនទាន់បានបើកដំណើរការចាក់ជូនពលរដ្ឋខ្លួនឡើងវិញនោះទេ ប៉ុន្តែសម្រាប់តែក្រុងតាខ្មៅ ខេត្តកណ្តាល អាចនឹងមានវ៉ាក់សាំងការពារកូវីដ-១៩ ចាក់ជូនពលរដ្ឋឡើងវិញនៅក្នុងសប្តាហ៍នេះ នៅពេលវ៉ាក់សាំងមកដល់ ហើយ ខេត្តនឹងរៀបចំចាក់មុនគេ ជូនកម្មករ និងអ្នកកំពុងជាប់ឃុំក្នុងពន្ធនាគារ។ឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងថា នៅពេលនេះ ខេត្តកណ្តាល បាននឹងកំពុងរៀបចំមណ្ឌលចាក់វ៉ាក់សាំងជាច្រើនទីតាំងទៀត នៅតាមមន្ទីរពេទ្យបង្អែក តាមមណ្ឌលសុខភាព តាមរោងចក្រ វត្តអារាម និងតាមបណ្តាសាលារៀននានា ដែលនៅជិតលំនៅឋានរបស់ប្រជាពលរដ្ឋ ដើម្បីចាក់ជូនពលរដ្ឋទូទៅដែលមានអាយុចាប់ពី១៨ឆ្នាំឡើងទៅ ជាពិសេសពលរដ្ឋជាកម្មករបំរើការតាមរោងចក្រ និងអ្នកទោសកំពុងជាប់ឃុំនានាទៀត នៅក្នុងខេត្តកណ្តាល។ឯកឧត្តម បន្តថា នៅពេលនេះ រដ្ឋបាលខេត្តកណ្តាល កំពុងរងចាំវ៉ាក់សាំងមកដល់ ហើយនៅពេលវ៉ាក់សាំងនោះ មកដល់ខេត្តកណ្តាលពេលណា គឺក្រុមគ្រូពេទ្យស្ម័គ្រចិត្ត និងក្រុមគ្រូពេទ្យជំនាញ នឹងធ្វើការចាក់ជូនពលរដ្ឋទូទៅនៅក្នុងខេត្តកណ្តាល។បើតាមការបញ្ជក់ពីលោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានថ្លែងថា វ៉ាក់សាំងការពារកូវីដ១៩ដែលយើងបញ្ជាទិញនោះ នៅថ្ងៃទី៨ ខែមិថុនាស្អែកនេះ នឹងមកដល់ប្រមាណ៥០ម៉ឺនដូសបន្ថែមទៀត ហើយវ៉ាក់សាំងនោះគឺយើងផ្តោតនៅក្នុងរាជធានីភ្នំពេញ ហើយក្រសួងនឹងមានការបែងចែកវ៉ាក់សាំងខ្លះចាក់ជូនពលរដ្ឋនៅក្នុងក្រុងតាខ្មៅ នៃខេត្តកណ្តាលផងដែរ។សម្រាប់វ៉ាក់សាំងដែលនឹងមកដល់នាពេលខាងមុខនេះ នឹងដំណើរការចាក់ជូនប្រជាពលរដ្ឋទូទៅ នៅខណ្ឌចំនួន៣ទៀតក្នុងរាជធានីភ្នំពេញគឺ ខណ្ឌដូនពេញ ខណ្ឌជ្រោយចង្វា និងខណ្ឌព្រែកព្នៅ សំរាប់ដូសទី១ នៅថ្ងៃទី១០ មិថុនា ហើយចំពោះក្រុងតាខ្មៅ ក៏អាចនឹងបើកដំណើរការចាក់នៅសប្តាហ៍នេះ ផងដែរ៕ អត្ថបទ ស៊ុម សុខជា

ឥណ្ឌា សន្យាជំរុញវិនិយោគិនឥណ្ឌា និងការសម្រួលពាណិជ្ជកម្មក្រៅប្រទេសនៅកម្ពុជា

ភ្នំពេញ ៖ រដ្ឋាភិបាលឥណ្ឌា បន្តពង្រឹង និងពង្រីកកិច្ចសហប្រតិបត្តិការ ជាពិសេសជំរុញការវិនិយោគឯកជនពីឥណ្ឌាមកកម្ពុជា ការសម្រួលពាណិជ្ជកម្មក្រៅប្រទេស និងកិច្ចសហប្រតិបត្តិការហិរញ្ញប្បទាន ក្នុងវិស័យហេដ្ឋារចនាសម្ព័ន្ធរូបវន្ត និងវិស័យឌីជីថលជាដើម ។លោកជំទាវឯកអគ្គរដ្ឋទូត Dr. Devyani Khobragade ឯកអគ្គរដ្ឋទូតសាធារណរដ្ឋឥណ្ឌា ប្រចាំកម្ពុជា បានលើកឡើងក្នុងជំជួបពិភាក្សាការងារ តាមប្រព័ន្ធវីដេអូជាមួយ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅចុងសប្តាហ៍កន្លងមកនេះ។ លោកជំទាវ បានថ្លែងនូវការកោតសរសើរចំពោះកម្ពុជា ដែលកន្លងមកសម្រេចបាននូវកំណើនសេដ្ឋកិច្ចក្នុងរង្វង់ ៧% ក្នុង ១ ឆ្នាំ និងបានប្រែក្លាយកម្ពុជា ជាប្រទេសដែលមានប្រាក់ចំណូលមធ្យមកម្រិតទាប ហើយក្នុងស្ថានភាពដ៏លំបាកនេះ។លោកជំទាវ បន្តថា ចំពោះស្ថានភាពជំងឺកូវីដ-១៩, បច្ចុប្បន្ននៅប្រទេសឥណ្ឌា មានលក្ខណៈប្រសើរជាងមុនជាបណ្តើរៗហើយ ទោះបីស្ថិតនៅក្នុងកាលៈទេសៈលំបាកបែបនេះក៏ដោយ រដ្ឋាភិបាលឥណ្ឌា នៅតែបន្តរក្សាការសន្យារបស់ខ្លួន ចំពោះរាជរដ្ឋាភិបាលកម្ពុជា ក្នុងកិច្ចសហការលើការប្រយុទ្ធទប់ស្កាត់ការរីករាលដាលនៃជំងឺកូវីដ-១៩ និងខិតខំបន្តពង្រឹង និងជំរុញកិច្ចសហប្រតិបត្តិការលើវិស័យផ្សេងទៀតដូចជា ការសម្រួលពាណិជ្ជកម្មក្រៅប្រទេស ការជំរុញវិស័យវិនិយោគឯកជនពីឥណ្ឌាមកកម្ពុជា និងកិច្ចសហប្រតិបត្តិការហិរញ្ញប្បទាន ក្នុងវិស័យហេដ្ឋារចនាសម្ព័ន្ធរូបវន្ត និងវិស័យឌីជីថល តាមរយៈយន្តការនានាដូចជា៖ យន្តការទ្វេភាគី, យន្តការតំបន់ និងយន្តការឥណ្ឌា-អាស៊ានជាដើម ។ជាការឆ្លើយតប ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី បានវាយតម្លៃខ្ពស់ ចំពោះសាធារណរដ្ឋឥណ្ឌា ដែលមានបំណងផ្តល់ហិរញ្ញប្បទានដល់កម្ពុជាក្នុងវិស័យឌីជីថល ស្របពេលដែលកម្ពុជាកំពុងមានតម្រូវការ ដោយកម្ពុជាទើបតែបានអនុម័តឯកសារ (ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥) និងត្រៀមរៀបចំឲ្យមានគោលនយោបាយពាក់ព័ន្ធនឹងវិស័យឌីជីថលផ្សេងទៀត នាពេលខាងមុខ ។ ចំពោះការធ្វើពាណិជ្ជកម្មរវាងប្រទេសទាំងពីរវិញ, កម្ពុជា បានកំពុងជំរុញ និងសម្រួលពាណិជ្ជកម្មទ្វេភាគី តាមរយៈការខិតខំឲ្យមានកិច្ចព្រមព្រៀងពាណិជ្ជកម្មសេរីកម្ពុជា-ឥណ្ឌា នាពេលខាងមុខផងដែរ៕អត្ថបទ ៖ សុន រ៉ាឌី

អ្នកនាំពាក្យគណៈកម្មាធិការសិទ្ធិមនុស្សកម្ពុជា ចាត់ទុកការស្នើឲ្យដោះលែងអ្នកទោសគឺជារឿងខុសច្បាប់

ភ្នំពេញ ៖ អ្នកនាំពាក្យគណៈកម្មាធិការសិទ្ធិមនុស្សកម្ពុជា ឯកឧត្តម ជិន ម៉ាលីន បានចាត់ទុកសេចក្តីថ្លែងការណ៍រួមរបស់អង្គការចំនួន២០ ដែលអំពាវនាវដល់រាជរដ្ឋាភិបាលឱ្យដោះលែងអ្នកទោសមនសិការទាំងអស់ គឺមិនសមស្រប ហើយខុស នឹងនីតិវិធីច្បាប់ និងរដ្ឋធម្មនុញ្ញកម្ពុជា និងមានចរិតជានយោបាយ។ឯកឧត្តម ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជានៅលើហ្វេសប៊ុក ផ្លូវការរបស់ឯកឧត្តម នៅព្រឹកថ្ងៃទី ៦ ខែមិថុនា ឆ្នាំ២០២១នេះ បានឆ្លើយតបនឹងសេចក្តីថ្លែងការណ៍របស់អង្គការសង្គមស៊ីវិលចំនួន ២០ ដែលស្នើសុំឲ្យតុលាការ និងរាជរដ្ឋាភិបាលកម្ពុជាពិចារណាដោះលែងអ្នកទោសមនសិការទាំងអស់ ក្រោមហេតុផលវិបត្តិកូវីដ-១៩ ដែលកំពុងឆ្លងរាលដាលចូលទៅក្នុងសហគមន៍ពន្ធនាគារកម្ពុជា ថា គឺជារឿងខុសច្បាប់រដ្ឋធម្មនុញ្ញកម្ពុជា ហើយមានចរិតនយោបាយ។ឯកឧត្តម ជិន ម៉ាលីន បានលើកហេតុផលចំនួន៥ គឺ ទី១. ផ្អែកតាមរដ្ឋធម្មនុញ្ញ និងគោលការណ៍នៃការបែងចែកអំណាចក្នុងសង្គមប្រជាធិបតេយ្យ រដ្ឋាភិបាលមិនមានអំណាចដោះលែងអ្នកជាប់ឃុំដែលស្ថិតក្រោមសមត្ថកិច្ចរបស់តុលាការនោះទេ ហើយក៏គ្មានបុគ្គល ឬស្ថាប័នណាអាចបង្គាប់បញ្ជាតុលាការដែលជាស្ថាប័នឯករាជ្យបាននោះដែរ។ ទី២. នៅកម្ពុជា មិនមានអ្នកទោសនយោបាយ ឬអ្នកទោសមនសិការដូចការលើកឡើងរបស់អង្គការទាំង២០នេះទេ គឺមានតែអ្នកនយោបាយដែលមានទោសដោយសារតែបានប្រព្រឹត្តបទល្មើសព្រហ្មទណ្ឌ។ ទី ៣. ការអំពាវនាវឱ្យដោះលែងអ្នកទោស របស់អង្គការទាំង២០នេះ ដើម្បីដោះស្រាយភាពចង្អៀតណែនក្នុងពន្ធនាគារ ដោយមិនផ្អែកលើមូលដ្ឋាន និងនីតិវិធីច្បាប់ដែលមានជាធរមាន មិនមែនជាវិធានការសមស្របនោះទេ តែផ្ទុយទៅវិញ វានឹងនាំឱ្យមានផលប៉ះពាល់ជាអវិជ្ជមានដល់សន្តិសុខនិងសណ្តាប់ធ្នាប់សង្គមទៅវិញទេ។ឯកឧត្តម ជិន ម៉ាលីន បន្តលើកឡើងនៅហេតុផលទី ៤ ថា ចំពោះការដោះលែងអ្នកជាប់ឃុំតាមការអំពាវនាវរបស់អង្គការទាំង២០នេះ ដើម្បីដោះស្រាយបញ្ហានៃការឆ្លងកូវវីដ-១៩ ក្នុងពន្ធនាគារ ក៏មិនមែនជាវិធានការសមស្របនិងមានប្រសិទ្ធភាពនោះដែរ តែផ្ទុយទៅវិញ មានតែវិធានការសុខាភិបាល និងវិធានការរដ្ឋបាលនៃការគ្រប់គ្រងពន្ធនាគារឱ្យបានហ្មត់ចត់នោះទេ ដែលក្រសួងសុខាភិបាលនិងអគ្គនាយកដ្ឋានពន្ធនាគារបាននិងកំពុងអនុវត្ត ទើបជាវិធានការសមស្រប និងអាចធានាបាននូវសន្តិសុខសង្គមនិងប្រសិទ្ធភាពនៃទប់ស្កាត់ការឆ្លងរាលដាលកូវវីដ-១៩ នេះក្នុងពន្ធនាគារ។ ចំណុចទី ៥. ឯកឧត្តមអ្នកនាំពាក្យ ក៏បានបន្ថែមថា ការអំពាវនាវដែលផ្ទុយទៅនឹងច្បាប់ និងមានចរិតជានយោបាយបែបនេះ នឹងមិនអាចជួយការពារដល់អ្នកជាប់ឃុំទាំងអស់នោះបានទេ តែផ្ទុយទៅវិញ មានតែការចូលរួមក្នុងដំណើរការនីតិរបស់តុលាការទេ ហើយធ្វើការការពារខ្លួនតាមផ្លូវច្បាប់ ទើបជាមធ្យោបាយស្របច្បាប់តែមួយគត់ក្នុងការការពារដល់ក្រុមគោលដៅទាំងនោះ នៅក្នុងសង្គមប្រជាធិបតេយ្យនីតិរដ្ឋ៕ អត្ថបទ ៖ សូដាវណ្ណ

វឌ្ឍនភាពនៃស្ថាបនាផ្លូវជាតិលេខ៣ សម្រេចបាន៩៨,០៤% ហើយ គ្រោងនឹងបញ្ចប់ការសាងសង់ នាខែកញ្ញា ខាងមុខនេះ

កំពត ៖ នាព្រឹកថ្ងៃសៅរ៍ទី ៥ ខែមិថុនា ឆ្នាំ ២០២១ នេះ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និង ដឹងជញ្ជូន បានដឹកនាំក្រុមការងារ ចុះពិនិត្យវឌ្ឍនភាពនៃការស្ថាបនាផ្លូវជាតិលេខ៣ ពីភ្នំពេញទៅកាន់ខេត្តកំពត ព្រមទាំងបានចុះពិនិត្យមើលទីតាំងដំឡើងគ្រឿងចក្រផលិតកៅស៊ូបេតុង ដែលស្ថិតនៅក្នុងខេត្តកែប ។របាយការណ៍ពីក្រសួងសាធារណការ និងដឹកជញ្ជូន បានឱ្យដឹងថា ផ្លូវជាតិលេខ៣ ដែលទទួលការស្ថាបនាដោយក្រុមហ៊ុនចិន គិតមកទល់នឹងពេលនេះស្ថាបនាបាន ៩៨,០៤% ហើយ ដែលគ្រោងនឹងបញ្ចប់ការសាងសង់នាខែកញ្ញា ឆ្នាំ២០២១ ខាងមុខនេះ។គួរបញ្ជាក់ថា កំណាត់ផ្លូវជាតិលេខ៣ (ភ្នំពេញ-កំពត) មានប្រវែងសរុបជាង ១៣៤គីឡូម៉ែត្រ ដោយក្នុងនោះ ប្រវែងជាង ៦៩គីឡូម៉ែត្រ ចាប់ពីចោមចៅ ដល់បែកគុស នឹងត្រូវសាងសង់ជាផ្លូវ ៤គន្លង និងចាប់ពីបែកគូស ដល់ទីរួមខេត្តកំពត ប្រវែងជាង ៦៥ គីឡូម៉ែត្រ ត្រូវសាងសង់ជាផ្លូវ ២គន្លង ដោយក្រាលបេតុងកៅស៊ូអាស្វាល់ (AC)។ លើសពីនេះ ក្រសួងសាធារណការ និងដឹកជញ្ជូន ក៏នឹងសាងសង់ផ្លូវអាកាសថ្មើរជើង ២កន្លែង ស្ថានីយជញ្ជីងអចល័ត២កន្លែង និងបំពាក់កាមេរ៉ាចាប់ល្បឿន ១៤កន្លែងផងដែរ។ គម្រោងនេះ កំពុងសាងសង់ដោយប្រើទឹកប្រាក់ ប្រមាណជាង ២១៩លានដុល្លារអាមេរិក ដែលជាហិរញ្ញប្បទានសម្បទានពី សាធារណរដ្ឋ ប្រជាមានិតចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា៕

ពលរដ្ឋចំនួន៥០គ្រួសារ នៅសង្កាត់បឹងសាឡាង ខណ្ឌទួលគោក ទទួលបានអំណោយពីសាខាកាកបាទក្រហមកម្ពុជា

ភ្នំពេញ ៖ គណៈកម្មាធិការអនុសាខាកាកបាទក្រហមកម្ពុជា ខណ្ឌទួលគោក បានបន្តចែកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់ចាស់ជរា ស្ត្រីមេម៉ាយ ជនពិការ និងប្រជាពលរដ្ឋដែលមានជីវភាពខ្វះខាត សរុបចំនួន ៥០គ្រួសារ រស់នៅក្នុងសង្កាត់បឹងសាឡាង នៅថ្ងៃទី០៥ខែមិថុនា ឆ្នាំ២០២១នេះ ។លោក ឯក ឃុនដឿន អភិបាលខណ្ឌ និងជាប្រធានកិត្តិយសអនុសាខាកាកបាទក្រហមកម្ពុជា ខណ្ឌទួលគោក បានពាំនាំនូវការផ្ដាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែបានគិតគូរយកចិត្តទុកដាក់ជាប់ជានិច្ចចំពោះសុខទុក្ខប្រជាពលរដ្ឋ គ្រប់ក្រុមគ្រួសារ និងគ្រប់ទីកន្លែង ដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់ ពោល “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល“ ។ក្នុងនោះ លោកក៏សូមអំពាវនាវដល់លោកតាលោកយាយ បងប្អូនទាំងអស់ យកចិត្តទុកដាក់ពីសុខភាព ជាពិសេសបន្តការពារ និងរក្សាអនាម័យជានិច្ចតាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ បង្ការហានិភ័យពីការឆ្លងជំងឺកូវីដ-១៩ ទាំងអស់គ្នា ដោយផ្តើមចេញពីខ្លួនយើង ។ អំណោយដែលត្រូវប្រគល់ជូនក្នុង១គ្រួសារទទួលបា អង្ករ២៥គីឡូក្រាម មី១កេស ទឹកត្រី១យួរ ត្រីខ ១យួរ ឃីត ១កញ្ចប់ និងថវិកាមួយចំនួនផងដែរ៕អត្ថបទ៖ កុម្ភះ

ក្នុងខេត្តសៀមរាប ត្រីមេពូជក្នុងតំបន់អភិរក្សបឹងពារាំង បានងាប់ជាបន្តបន្ទាប់ដោយសារខ្វះទឹក

ភ្នំពេញ ៖ ត្រីមេពូជចម្រុះក្នុងតំបន់អភិរក្សបឹងពារាំង ដែលមានទីតាំងក្នុងសង្កាត់ជ្រាវ ក្រុងសៀមរាប បានងាប់ជា បន្តបន្ទាប់ ដោយសាតែទឹកក្នុងបឹង បានចាប់ផ្ដើមគោករាក់។ សហគមន៍ និងមន្ត្រីជលផល កំពុងស្វះស្វែង រកវិធីជួយសង្គ្រោះ។ប្រធានសហគមន៍បឹងពារាំង លោក គង់ មង្គល បានឲ្យដឹងថា ត្រីមេពូជ ក្នុងបឹងពារាំង បានចាប់ ផ្តើមងាប់ ចំនួនពីរយប់មកហើយ។ យប់ថ្ងៃទី៣ ខែមិថុនានេះ មានត្រីងាប់តិចតួច តែយប់ថ្ងៃទី៤ ខែមិថុនា នេះ ងាប់រហូតជិត១០០គីឡូក្រាមឯណោះ ដែលមួយយប់ត្រីងាប់ជាង៥០ក្បាល ស្មើជាង៧០គីឡូក្រាម។ កត្តា ដែលធ្វើឱ្យត្រីមេពូជចម្រុះងាប់លឿនបែបនេះ ដោយសារកត្តាអាកាសធាតុក្តៅខ្លាំង ធ្វើឱ្យទឹករីងហួត លឿន។លោក បានឱ្យដឹងទៀតថា កន្លងមក សហគមន៍បានស្នើសុំខេត្ត និងក្រសួង ជីកជាស្រះក្នុងបឹងនេះ ដើម្បីរក្សាទឹកក្នុងការអភិរក្សត្រីមេពូជ។ តែដោយសាលិខិតដឹកជញ្ជូនអាចម៍ដីចេញមានការយឺតយ៉ាវ ទើប មិនអាចបន្តជីកទៀតកើត ហើយខ្វះទឹកក្នុងការសង្គ្រោះត្រីបែបនេះ។លោក បានបញ្ជាក់ថា ប្រសិនបើនៅតែបែបនេះ ត្រីមេពូជ និងហ្វូងសត្វស្លាបទឹក អាចបន្តងាប់ថែម ទៀតមិនខាន។ តែលោករំពឹងថា ថ្នាក់ដឹកនាំខេត្ត នឹងជួយពន្លឿនក្នុងការផ្តល់លិខិតដឹកអាចម៍ដីចេញ ដើម្បីបានជីកស្តារបឹងនេះបន្តទៀត។លោក ពត វណ្ណដេត នាយរងផ្នែករដ្ឋបាលជលផលចុងឃ្នៀស បានឱ្យដឹងដែរថា ករណីត្រីមេពូជ ក្នុងបឹងពារាំងងាប់យ៉ាងច្រើននេះ ខាងលោកកំពុងសហការជាមួយសហគមន៍ បូមទឹកពីក្នុងស្រះបញ្ចូល ដើម្បីសង្គ្រោះបឋម។ ក្នុងករណីជួយមិនបាននោះ នឹងសុំគោលការណ៍ពីសាលាក្រុង ប្រើប្រាស់រថយន្ត ដឹកទឹកយកទៅបញ្ចូលថែមទៀត។ បើមិនដូច្នេះទេ ត្រីមេពូជអាចងាប់បន្តរហូតអស់ពីបឹងក៏ថាបាន៕អត្ថបទ៖ ឈិត សាវី

ពលរដ្ឋរងគ្រោះដោយសារខ្យល់កន្ត្រាក់ចំនួន៧៣គ្រួសារ ទទួលបានការជួយឧបត្ថម្ភពីកាកបាទក្រហម

ភ្នំពេញ ៖ ប្រជាពលរដ្ឋចំនួន៧៣គ្រួសារ ដែលរងគ្រោះដោយសារខ្យល់កន្ត្រាក់ នៅស្រុកប្រាសាទសំបូរ និងស្រុកកំពង់ស្វាយ ទទួលបានសម្ភារសង្គ្រោះបន្ទាន់ថវិកា និងគ្រឿងឧបភោគបរិភោគពីការបាទក្រហមកម្ពុជាសាខាខេត្តកំពង់ធំ។ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ធំ និងសហការី កាលពីម្សិលមិញ បានអញ្ជើញចុះជួបសំណេះសំណាលសាកសួរសុខទុក្ខ និងនាំយកអំណោយមនុស្សធម៌ ផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ ចំនួន៧៣គ្រួសារ នៅទីតាំងចំនួន៥ផ្សេងគ្នា ក្នុងស្រុក ប្រាសាទសំបូរ និងស្រុកកំពង់ស្វាយ ដែលក្នុងឱកាសនោះ ឯកឧត្តម បានចូលរួមសម្តែងការសោកស្តាយ ជាខ្លាំងជាមួយក្រុមគ្រួសាររងគ្រោះទាំងអស់ ចំពោះមហន្តរាយធម្មជាតិ ដែលបង្កឲ្យមានការខូចខាតផ្ទះ សម្បែង និងបង្កឲ្យមានគ្រោះថ្នាក់រហូតដល់បាត់បង់អាយុជីវិត ព្រមទាំងរងរបួសជាច្រើននាក់។ឯកឧត្តម បានពាំនាំប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់ រូប ជនរងគ្រោះ ជនងាយរងគ្រោះ ដោយមិនរើសអើងឡើយ ហើយតែងបានចាត់តំណាងឲ្យចុះអន្តរាគមន៍ ផ្តល់ជំនួយសង្គ្រោះទាន់ពេលវេលា "ទីណាមានទុក្ខលំបាក ទីនោះមានកាកបាទក្រហមកម្ពុជា" ។ឯកឧត្តម អំពាវនាវដល់ប្រជាពលរដ្ឋទាំងអស់ ឱ្យបង្កើនការប្រុងប្រយ័ត្នឱ្យបានគ្រប់ៗគ្នា ក្នុងការ ចូលរួមទប់ស្កាត់ការឆ្លងជំងឺកូវីដ-១៩ ដោយត្រូវអនុវត្តវិធានការ "៣ការពារ ៣កុំ និង ២ចូលរួម" ពិសេស ត្រូវអនុវត្តឱ្យបានខ្ជាប់ខ្ជួនតាមសារណែនាំរបស់ក្រសួងសុខាភិបាល ដើម្បីទប់ស្កាត់ខ្សែចម្លង កុំឲ្យជំងឺកូវីដ-១៩ ឆ្លងចូលគ្រួសារ និងសហគមន៍។អំណោយមនុស្សធម៌ ដែលបានផ្ដល់ជូនជនរងគ្រោះ ទាំង៧៣គ្រួសារ ក្នុង១គ្រួសារ អង្ករ២៥គីឡូ ក្រាម គ្រឿងឧបភោគបរិភោគ និងសម្ភារប្រើប្រាស់មួយចំនួនទៀត និងថវិកាចំនួន២០០ពាន់រៀល។ ថ្វីត្បិត តែអំណោយទាំងអស់នេះ តិចតួចក៏ពិមែន ប៉ុន្តែបានជួយសម្រាលដល់ការលំបាករបស់ប្រជាពលរដ្ឋមួយ គ្រាដែរ៕អត្ថបទ ៖ លី សាងស៊ីន

ទេសរដ្ឋមន្ត្រី លី ធុជ ប្រគល់សម្ភារៈបរិក្ខារពេទ្យ ដើម្បីចូលរួមជួយដល់វិស័យសុខាភិបាលនៅក្រុងបាវិត

បាវិត ៖ រសៀលថ្ងៃទី០៤ ខែមិថុនានេះ ឯកឧត្តម ទេសរដ្ឋមន្ត្រី លី ធុជ ប្រធានក្រុមការងាររាជរដ្ឋាភិបាល ចុះមូលដ្ឋានក្រុងបាវិត បានប្រគល់សម្ភារៈបរិក្ខារពេទ្យចាំបាច់មួយចំនួនចូលរួមជួយដល់វិស័យសុខាភិបាលនៅក្រុងបាវិត ខេត្តស្វាយរៀង ក្នុងការប្រយុទ្ធប្រឆាំង និងទប់ស្កាត់ការរីករាលជំងឺកូវីដ-១៩ ។ក្នុងនាមលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ឯកឧត្តម ទេសរដ្ឋមន្ត្រី លី ធុជ មានប្រសាសន៍ថា ក្រោមការសម្របសម្រួលរបស់លោក, លោក សាឡា អេអ៊ីសា បានកៀរគរនូវធនធានមួយចំនួនពីអ្នកវិនិយោគិន និងសប្បុរសជននានាទាំងក្នុងនិងក្រៅប្រទេស ដើម្បីចូលរួមជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការចូលរួមដល់ការងារចាក់វ៉ាក់សាំងបង្ការកូវីដ-១៩ ក៏ដូចជា ការងារទប់ស្កាត់ការរីករាលដាលជំងឺកូវីដ-១៩ ដែលលើកនេះ គឺជាលើកទីបីមកហើយតាមរយៈ លោក សាឡា អ៊ីសា។ឯកឧត្តម ទេសរដ្ឋមន្ត្រី បានបន្តទៀតថា ក្រុមធុរកិច្ចបរទេស និងសប្បុរសជនទាំងអស់ បានចាត់ទុកប្រទេសកម្ពុជាជាផ្ទះ និងជាកន្លែងធ្វើការរបស់ខ្លួន ព្រមទាំងបានបង្ហាញនូវកម្លាំងសាមគ្គីជាមួយប្រជាពលរដ្ឋកម្ពុជា និងតែងតែឈរជាមួយរាជរដ្ឋាភិបាលកម្ពុជាគ្រប់កាលៈទេសៈ និងគាំទ្រចំពោះការដឹកនាំរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែលអំណោយសប្បុរសនេះ គឺបានឆ្លុះបញ្ចាំងឲ្យឃើញអំពីការយកចិត្តទុកដាក់ និងទឹកចិត្តសាមគ្គីគ្នា ក្នុងការចូលរួមចំណែកពីសំណាក់ក្រុមធុរកិច្ចទាំងអស់ និងសប្បុរសជននានា សំដៅឱ្យដំណើរការងារចាក់វ៉ាក់សាំង និងការប្រយុទ្ធប្រឆាំងការរីករាលដាលជំងឺកូវីដ-១៩ បានប្រព្រឹត្តទៅដោយជោគជ័យ។ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្ត្រី លី ធុជ បានថ្លែងអំណរគុណចំពោះទឹកចិត្តប្រកបដោយសប្បុរសចំពោះអ្នកវិនិយោគិន និងសប្បុរសជននានា ដែលមិនត្រឹមតែបានមកបណ្តាក់ទុករកស៊ីជួយដល់កំណើនសេដ្ឋកិច្ចជាតិ និងបង្កើតឱកាសការងារយ៉ាងច្រើនជូនបងប្អូនប្រជាពលរដ្ឋកម្ពុជា ប៉ុណ្ណោះទេ ថែមទាំងបានបង្ហាញពីសន្ដានចិត្តមេត្តាធម៌ចូលរួមជាមួយរាជរដ្ឋាភិបាលកម្ពុជា ក្នុងការងារទប់ស្កាត់ការរីករាលនៃជំងឺឆ្លងកូវីដ-១៩ ដែលបាននឹងកំពុងបង្ករជាក្តីបារម្ភយ៉ាងខ្លាំងក្នុងប្រទេសកម្ពុជា នាសព្វថ្ងៃនេះ។សម្ភារៈដែលត្រូវប្រគល់ជូននោះ រួមមាន ៖ សំលៀកបំពាក់ពេទ្យ(PPE), ឧបករណ៍វាស់សម្ពាធឈាម, ម៉ាស៊ីនស្កេនកំដៅ, ម៉ាស៊ីនបាញ់សម្លាប់មេរោគ, កុំព្យូទ័រ, ស្រោមដៃ, ស្រោមជើង, វ៉ែនតាសុវត្ថិភាព, មួកការពារ, របាំងមុខ, ម៉ាស់, អាលកុល, ជែល ថ្នាំផ្តាសាយទីហ្វី និងអង្ករ ដែលមានវិស័យឯកជន និងសប្បុរសជនទាំង ០៩ បានចូលរួម រួមមាន ៖ ១/. លោក Salah Essa២/. តំបន់សេដ្ឋកិច្ចពិសេស Manhattan Special Economic Zone & Medtecs Group៣/. កញ្ញា Narumon Rinruangsin (Modern IMP&EXP Co.,LTD)៤/. ក្រុមហ៊ុន ACMCERT INDOCHINA (Cambodia) Co.,LTD,៥/. លោក ANTHONY Galliano ប្រធានសភាពាណិជ្ជកម្មអាម៉េរិកកាំងប្រចាំនៅកម្ពុជា ៦/. លោក Khun Darith៧/. លោកស្រី ប្រាក់ ច័ន្ទបុផា និងក្រុមគ្រួសារ ៨/. លោក ANDREW TAY៩/. លោកស្រី អ៊ី សុដារីយ៍ និងក្រុមគ្រួសារ៕

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

បុគ្គលិកសន្តិសុខស៊ីរី ៣រូបរងរបួស ដោយសារវាយប្រហារនៅជិតក្រុងដាម៉ាស ខណៈអ្នកប្រព្រឹត្តិស្លាប់

ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង

EU «ថ្កោលទោសយ៉ាងខ្លាំង» ចំពោះការវាយប្រហារបណ្ដាលឲ្យមានអ្នកស្លាប់ច្រើន នៅទីក្រុងដាម៉ាស

កងទ័ពជើងទឹកអង់គ្លេស សាកល្បងយានដ្រូនមានសមត្ថភាពវាយប្រហារចេញពីនាវា

មន្រ្តីជាន់ខ្ពស់រួមទាំងប្រធានាធិបតីអ៊ីរ៉ង់ ចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូល Khamenei

អង្គការសហប្រជាជាតិ ព្រមានអំពីការមានបាតុភូតអែលនីញ៉ូដ៏ខ្លាំងក្លា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ការចាក់វ៉ាក់សាំងជូនពលរដ្ឋបានប្រព្រឹត្តិទៅដោយរលូន មកដល់ពេលនេះបានជិតបីលាននាក់ហើយ

កម្ពុជា ឆ្ពោះទៅរកការធ្វើទំនើបកម្មរៀបចំការបោះឆ្នោតតាមប្រព័ន្ធបច្ចេកវិទ្យាព័ត៌មាន

ខេត្តកណ្តាលត្រៀមទីតាំងចាក់វ៉ាក់សាំងច្រើនទីតាំង ខណៈកម្មករនិងអ្នកជាប់ឃុំអាចជាអ្នកអាទិភាព

ឥណ្ឌា សន្យាជំរុញវិនិយោគិនឥណ្ឌា និងការសម្រួលពាណិជ្ជកម្មក្រៅប្រទេសនៅកម្ពុជា

អ្នកនាំពាក្យគណៈកម្មាធិការសិទ្ធិមនុស្សកម្ពុជា ចាត់ទុកការស្នើឲ្យដោះលែងអ្នកទោសគឺជារឿងខុសច្បាប់

វឌ្ឍនភាពនៃស្ថាបនាផ្លូវជាតិលេខ៣ សម្រេចបាន៩៨,០៤% ហើយ គ្រោងនឹងបញ្ចប់ការសាងសង់ នាខែកញ្ញា ខាងមុខនេះ

ពលរដ្ឋចំនួន៥០គ្រួសារ នៅសង្កាត់បឹងសាឡាង ខណ្ឌទួលគោក ទទួលបានអំណោយពីសាខាកាកបាទក្រហមកម្ពុជា

ក្នុងខេត្តសៀមរាប ត្រីមេពូជក្នុងតំបន់អភិរក្សបឹងពារាំង បានងាប់ជាបន្តបន្ទាប់ដោយសារខ្វះទឹក

ពលរដ្ឋរងគ្រោះដោយសារខ្យល់កន្ត្រាក់ចំនួន៧៣គ្រួសារ ទទួលបានការជួយឧបត្ថម្ភពីកាកបាទក្រហម

ទេសរដ្ឋមន្ត្រី លី ធុជ ប្រគល់សម្ភារៈបរិក្ខារពេទ្យ ដើម្បីចូលរួមជួយដល់វិស័យសុខាភិបាលនៅក្រុងបាវិត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ការចាក់​វ៉ាក់សាំង​ជូន​ពលរដ្ឋ​បាន​ប្រព្រឹត្តិ​ទៅដោយ​រលូន មកដល់ពេលនេះ​បាន​ជិត​បី​លាន​នាក់​ហើយ

កម្ពុជា ឆ្ពោះទៅរក​ការធ្វើ​ទំនើបកម្ម​រៀបចំ​ការបោះ​ឆ្នោត​តាម​ប្រព័ន្ធ​បច្ចេកវិទ្យា​ព័ត៌មាន​

ឥណ្ឌា សន្យា​ជំរុញ​វិនិយោគិន​ឥណ្ឌា​ និង​ការសម្រួល​ពាណិជ្ជកម្ម​ក្រៅប្រទេសនៅ​កម្ពុជា

ពលរដ្ឋ​ចំនួន​៥០​គ្រួសារ នៅ​សង្កាត់​បឹង​សាឡាង​ ខណ្ឌទួលគោក ទទួលបាន​​អំណោយ​ពី​​សាខា​កាក​បាទ​ក្រហមកម្ពុជា

ក្នុង​ខេត្តសៀមរាប ត្រី​មេ​ពូជ​ក្នុង​តំបន់​អភិរក្ស​បឹង​ពារាំង បាន​ងាប់​ជា​បន្តបន្ទាប់​ដោយសារ​ខ្វះ​ទឹក​

ពលរដ្ឋ​រងគ្រោះ​ដោយសារ​ខ្យល់​កន្ត្រាក់​ចំនួន​៧៣​គ្រួសារ​ ទទួល​បាន​ការ​ជួយឧបត្ថម្ភ​ពី​កាក​បាទក្រហម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ការចាក់វ៉ាក់សាំងជូនពលរដ្ឋបានប្រព្រឹត្តិទៅដោយរលូន មកដល់ពេលនេះបានជិតបីលាននាក់ហើយ

កម្ពុជា ឆ្ពោះទៅរកការធ្វើទំនើបកម្មរៀបចំការបោះឆ្នោតតាមប្រព័ន្ធបច្ចេកវិទ្យាព័ត៌មាន

ឥណ្ឌា សន្យាជំរុញវិនិយោគិនឥណ្ឌា និងការសម្រួលពាណិជ្ជកម្មក្រៅប្រទេសនៅកម្ពុជា

ពលរដ្ឋចំនួន៥០គ្រួសារ នៅសង្កាត់បឹងសាឡាង ខណ្ឌទួលគោក ទទួលបានអំណោយពីសាខាកាកបាទក្រហមកម្ពុជា

ក្នុងខេត្តសៀមរាប ត្រីមេពូជក្នុងតំបន់អភិរក្សបឹងពារាំង បានងាប់ជាបន្តបន្ទាប់ដោយសារខ្វះទឹក

ពលរដ្ឋរងគ្រោះដោយសារខ្យល់កន្ត្រាក់ចំនួន៧៣គ្រួសារ ទទួលបានការជួយឧបត្ថម្ភពីកាកបាទក្រហម