BTV NEWS

សម្ដេចធិបតី ហ៊ុន ម៉ាណែត តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដកខ្លួនឯកតោភាគីពី MoU 2001

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ និង ការអភិវឌ្ឍន៍

យុទ្ធនាការចាក់វ៉ាក់សាំង ពលរដ្ឋកម្ពុជាជាង ២លាននាក់ហើយ ទទួលបានវ៉ាក់សាំងទាំងពីរដូសរួចរាល់

ភ្នំពេញ៖ គណៈកម្មការចំពោះកិច្ចការចាក់វ៉ាក់សាងបង្ការជំងឺកូវីដ-១៩ បានឱ្យដឹងថា ប្រជាពលរដ្ឋដល់ទៅជាង ២លាន ៦៤ម៉ឺននាក់ហើយ បានទទួលការចាក់វ៉ាក់សាំងនៅក្នុងយុទ្ធនាការចាក់វ៉ាក់សាំងទូទាំងប្រទេសជាង ៣ខែកន្លងមកនេះ។គណៈកម្មការចំពោះកិច្ចការចាក់វ៉ាក់សាំងបង្ការជំងឺកូវីដ-១៩ បានឱ្យដឹងបែបនេះនៅក្នុងរបាយការណ៍ប្រចាំថ្ងៃរបស់ខ្លួនទើបចេញនៅយប់នេះ។របាយការណ៍នោះ បានឱ្យដឹងថា ដំណើរការចាក់វ៉ាក់សាំងជូនប្រជាពលរដ្ឋទូទាំងប្រទេសម្រេចបាន ២៦.៤៩ភាគរយនៃចំនួនប្រជាពលរដ្ឋ ១០លាននាក់ដែលរាជរដ្ឋាភិបាលកំណត់ចាក់វ៉ាក់សាំងនៅឆ្នាំនេះ។បើតាមរបាយការណ៍ដដែលនេះ ប្រជាពលរដ្ឋជាង ២លាននាក់ហើយ បានទទួលវ៉ាក់សាំងទាំងពីរដូសរួចរាល់ហើយ។យុទ្ធនាការចាក់វ៉ាក់សាំងទូទាំងប្រទេសបានចាប់ផ្ដើមតាំងពីថ្ងៃទី១០ ខែកុម្ភៈ ហើយគិតមកដល់ថ្ងៃនេះ យុទ្ធនាការនេះបានដំណើរការអស់រយៈពេល ១១២ថ្ងៃហើយ។ក្នុងរយៈពេលនេះ យុទ្ធនាការចាក់វ៉ាក់សាំងទូទាំងប្រទេស បានទទួលពលរដ្ឋស្ម័គ្រចិត្តចាក់វ៉ាក់សាំងដល់ទៅជាង ២លាន ៧០ម៉ឺននាក់ ប៉ុន្តែ ប្រជាពលរដ្ឋជាង ៥ម៉ឺននាក់ មិនត្រូវបានអនុញ្ញាតឱ្យចាក់វ៉ាក់សាំងនោះឡើយដោយសារបញ្ហាសុខភាពរបស់ពួកគេ៕

លោកជំទាវ អនុរដ្ឋមន្ត្រីការបរទេសអាមេរិករីករាយដែលបានឃើញទំនាក់ទំនងកាន់តែល្អរវាងកម្ពុជា និងអាមេរិក ហើយសម្តេចតេជោ ក៏ស្នើឱ្យអាមេរិកពិចារណាបញ្ហាលុបបំបាត់បំណុលដែលកម្ពុជាជំពាក់

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ស្នើឱ្យសហរដ្ឋអាមេរិក ជាពិសេសប្រធានាធិបតី ចូ បៃដិន ពិនិត្យពិចារណាទៅលើបញ្ហាបំណុលដែលកម្ពុជាជំពាក់អាមេរិកតាមវិធីទ្វេភាគី។ក្នុងឱកាសអនុញ្ញាតឱ្យលោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក ចូលជួបសំដែងការគួរសម និង ពិភាក្សាការងារ នៅវិមានសន្តិភាព ទីស្តីការនាយករដ្ឋមន្ត្រី នារសៀលថ្ងៃទី១មិថុនានេះ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានបញ្ជាក់ប្រាប់ដល់ក្រុមអ្នកយកព័ត៌មានថា៖ នៅក្នុងជំនួបនេះសម្តេចតេជោ បានមានប្រសាសន៍ថា៖បញ្ហាបំណុលដែលកម្ពុជាជំពាក់អាមេរិក គឺសូមអនុញ្ញាតឱ្យកម្ពុជាអាចសង អាមេរិកបន្តិចម្តងៗឬបង្វែរការជំពាក់នេះមកជាជំនួយសម្រាប់ការអភិវឌ្ឍលើវិស័យផ្សេងៗដល់ប្រទេសកម្ពុជា។ សូមបញ្ជាក់ថា៖ លោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក អញ្ជើញបំពេញ ទស្សនកិច្ចនៅកម្ពុជា រយៈពេល១ថ្ងៃ គឺនៅ ថ្ងៃទី០១ ខែមិថុនា ដោយកម្ពុជាស្ថិតក្នុងប្រទេសបី ក្នុងចំណោមប្រទេស១០របស់អាស៊ាន ដែលត្រូវបានលោកជំទាវជ្រើសរើសយកក្នុងដំណើរទស្សនកិច្ចរបស់ខ្លួន ១១ថ្ងៃ ទៅកាន់ប្រទេសចំនួន ៥ ចាប់ពីថ្ងៃទី ២៥ ខែឧសភា ដល់ ថ្ងៃទី ៤ ខែមិថុនា ឆ្នាំ ២០២១ ដោយទស្សនកិច្ចដំបូង លោកជំទាវ បានទៅកាន់ប្រទេសប្រទេសបែលហ្ស៊ិក ហើយបន្តទៅ តួកគី , ឥណ្ឌូនេស៊ី ,កម្ពុជា និងបន្តទៅប្រទេស ថៃ ផងដែរ៕ អត្ថបទ៖ មុត សុទ្ធ

អាជ្ញាធរខេត្តបាត់ដំបង ស្នើកសិករបង្កើនការយល់ដឹងលើការធ្វើកសិកម្មទំនើប និងតាមដានធាតុអាកាស

បាត់ដំបង៖ ខណៈរដូវវស្សាបានឈានមកដល់ និងល្បាយទឹកភ្លៀងនាដើមឆ្នាំនេះ បានធ្លាក់រាយប៉ាយល្អនោះ ឯកឧត្តម ងួន រតនៈ អភិបាលខេត្តបាត់ដំបង បានជំរុញទៅប្រជាពលរដ្ឋ ត្រូវខិតខំបង្កបង្កើនការដាំដុះស្រូវ ដំណាំផ្សេងៗឲ្យបានទាន់ពេលវេលា និងត្រូវចេះតាមដានស្ថានភាពការប្រែប្រួលអាកាសធាតុ ពិសេសការព្យាករណ៍អាកាសធាតុ របស់ក្រសួងធនធានទឹក និងឧតុនិយម។ក្នុងឱកាសយកអំណោយសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនដល់ប្រជាពលរដ្ឋមានជីវភាពខ្វះខាតចំនួន១៥០គ្រួសារ នៅស្រុកសង្កែ នាថ្ងៃទី០១ ខែមិថុនាឯកឧត្តម ងួន រតនៈ អភិបាលខេត្តបាត់ដំបង និងជាអនុប្រធានកិត្តិយសសាខាកាកបាទក្រហមខេត្ត មានប្រសាសន៍ថា បច្ចុប្បន្នវិស័យជាច្រើននៅលើពិភពលោកកំពុងមានការរីកចម្រើន ក្នុងនោះក៏មានវិស័យកសិកម្មមួយផងដែរ ដែលមានការភ្ជួររាស់ ការប្រើប្រាស់ថ្នាំ ការប្រើជី ការប្រមូលផល និងការដឹកជញ្ជូនជាដើម មានលក្ខណៈទំនើប និងាយស្រួលជាងមុន។ ឯកឧត្តមបន្តថា ស្របតាមការអភិវឌ្ឍជឿនលឿនទៅមុខរបស់ពិភពលោកកសិករគួរខិតខំរៀនបច្ចេកទេសការធ្វើកសិកម្ម ពិសេសការធ្វើដំណាំស្រូវ តាមរយៈការចេះជ្រើសរើសពូជឲ្យត្រូវតម្រូវការទីផ្សារ ការថែទាំជាដើម ដើម្បីទទួលបានទិន្នផលល្អ និងស្របតាមស្ដង់ដារ ហើយត្រូវចេះតាមដានការព្យាករណ៍របស់ក្រសួងធនធានទឹក ដើម្បីឲ្យការបង្កបង្កើនដំណាំស្រូវ ឲ្យបានទាន់ពេលវេលា។ ឯកឧត្ដម ក៏បានជំរុញកសិករទាំងអស់ ត្រូវចេះជ្រើសរើសពូជស្រូវឲ្យឆ្លើយតបនិងពេលវេលារដូវកាល ពិនិត្យលទ្ធភាពទឹកសម្រាប់ស្រោចស្រព ពិសេសប្រភពទឹក តើអាចបំពេញតាមតម្រូវការបានកម្រិតណា ចៀសវាងជួបបញ្ហាខ្វះខាតទឹកដាក់ស្រូវ ធ្វើឲ្យមានការខាតបង់ថវិកា និងពេលវេលា។ឯកឧត្តម ក៏បានក្រើនរំលឹកដល់អាជ្ញាធរនៅក្នុងមូលដ្ឋានទាំងអស់ រួមទាំងប្រជាពលរដ្ឋត្រូវបន្តទប់ស្កាត់ការឆ្លងរាលដាលនៃជំងឺកូវីដ១៩ តាមវិធានការនានា របស់រាជរដ្ឋាភិបាល ក្រសួងសុខាភិបាល និងសេចក្តីណែនាំផ្សេងៗរបស់រដ្ឋបាលខេត្តឲ្យខ្ជាប់ខ្ជួន និងម៉ឺងម៉ាត់បំផុត៕អត្ថបទ៖ បាន សុខរិទ្ធ

ជំនួបរវាងសម្តេចតេជោនាយករដ្ឋមន្ត្រីកម្ពុជា និងលោកជំទាវ អនុរដ្ឋមន្ត្រីការបរទេសអាមេរិកនឹងនាំមកនូវទំនាក់ទំនងកាន់តែល្អប្រសើរ

ភ្នំពេញ៖ ក្នុងឱកាសអញ្ជើញមកបំពេញទស្សនកិច្ចនៅកម្ពុជា លោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក ត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យចូលជួបសំដែងការគួរសម និងពិភាក្សាការងារ នៅវិមានសន្តិភាព ទីស្តីការនាយករដ្ឋមន្ត្រី នារសៀលថ្ងៃទី០១មិថុនានេះ ដែលទស្សនកិច្ចនេះ នឹងនាំមកនូវទំនាក់ទំនង កិច្ចសហប្រតិបត្តិការកាន់តែល្អប្រសើរជាងមុនរវាងសហរដ្ឋអាមេរិក និងកម្ពុជា។បើតាមឯកឧត្តម កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ដែលបាន ប្រាប់ដល់ប្រព័ន្ធសារព័ត៌មាន បានបញ្ជាក់ថា អំឡុងពេលបំពេញទស្សនកិច្ចនៅកម្ពុជា នៅថ្ងៃទី០១ មិថុនា គឺដើម្បីពិភាក្សាអំពីការពង្រឹងទំនាក់ទំនងទ្វេភាគី រវាងប្រទេសទាំងពីរកម្ពុជា អាមេរិក វាជា ទម្លាប់ការទូតមួយ ក្រោយមន្ត្រីការទូតថ្មី នៃរដ្ឋាភិបាលថ្មី របស់ប្រទេសមួយឡើងកាន់តំណែងនោះ អ្នកការទូត នៃរដ្ឋាភិបាលថ្មី នៃប្រទេសនោះ តែងទៅកាន់តំបន់សំខាន់ៗ ដែលត្រូវតែពង្រឹង ទំនាក់ទំនង ឬក៏ដើម្បីរក្សាផលប្រយោជន៍នៅក្នុងតំបន់នោះ។ដោយឡែកខាងភាគីសហរដ្ឋអាមេរិកវិញ បើតាមក្រសួងការបរទេសអាមេរិក ក៏បានឱ្យដឹងថា លោកជំទាវ Wendy Ruth Sherman និងពាំនាំការប្តេជា្ញចិត្តរបស់សហរដ្ឋអាមេរិក ចំពោះភាពចាំបាច់ នៅអាស៊ាន និងដំណោះស្រាយបញ្ហាកម្រិតទ្វេភាគី និងតំបន់ផងដែរ។ អាមេរិកក៏នឹងជំរុញប្រទេស មីយ៉ាន់ម៉ាឲ្យបញ្ឈប់អំពើហិង្សា ដោះលែងអ្នកជាប់ឃុំ ដែលខ្លួនថា ជាអំពើអយុត្តិធម៌ និងស្តារ ប្រទេសមីយ៉ាន់។សូមបញ្ជាក់ថា លោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក អញ្ជើញ បំពេញទស្សនកិច្ចនៅកម្ពុជា រយៈពេល១ថ្ងៃ គឺនៅថ្ងៃទី០១ ខែមិថុនា ដោយកម្ពុជា ស្ថិតក្នុងប្រទេសបី ក្នុងចំណោមប្រទេស១០របស់អាស៊ាន ដែលត្រូវបានលោកជំទាវជ្រើសរើសយក ក្នុងដំណើរទស្សនកិច្ចរបស់ខ្លួន ១១ថ្ងៃ ទៅកាន់ប្រទេសចំនួន៥ ចាប់ពីថ្ងៃទី២៥ ខែឧសភា ដល់ថ្ងៃទី៤ ខែមិថុនា ឆ្នាំ២០២១ ដោយទស្សនកិច្ចដំបូង លោកជំទាវ បានទៅកាន់ប្រទេសប្រទេសបែលហ្ស៉ិក ហើយបន្តទៅតួកគី , ឥណ្ឌូនេស៊ី ,កម្ពុជា និងបន្តទៅប្រទេស ថៃ ផងដែរ៕ អត្ថបទ៖ មុត សុទ្ធ

កាកបាទក្រហមកម្ពុជា ប្រគល់ថវិកា ១លានដុល្លារជួយទ្រទ្រង់មន្ទីរពេទ្យគន្ធបុប្ផា

ភ្នំពេញ៖ នារសៀលថ្ងៃទី០១ ខែមិថុនា ឆ្នាំ២០២១នេះ នៅទីស្នាក់ការកណ្តាលកាកបាទក្រហមកម្ពុជា លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានជួបសំណេះសំណាល ជាមួយឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិនៃមូលនិធិគន្ធបុប្ផាកម្ពុជា តំណាងឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងក្រុមការងារ។ ដោយនៅក្នុងជំនួបនេះ បានពិភាក្សាអំពីវឌ្ឍនភាពការងារ របស់មូលនិធិគន្ធបុប្ផាកម្ពុជា មន្ទីរពេទ្យគន្ធបុប្ផា និងការងារសំខាន់ៗរបស់កាកបាទក្រហមកម្ពុជា ព្រមទាំងការផ្តល់វិភាគទានប្រចាំឆ្នាំនូវថវិកាចំនួន១លាន(១ ០០០ ០០០) ដុល្លារ ជូនមូលនិធិគន្ធបុប្ផាកម្ពុជាផងដែរ។តាមការផ្តល់ព័ត៌មានពីឯកឧត្តម តាំង សាមឿន លេខាធិការ សម្តេចកិត្តព្រឹទ្ធបណ្ឌិត ប៊ុន រ៉ានីហ៊ុនសែន បានអោយដឹងថា ក្នុងជំនួបនេះលោកជំទាវ ពុំ ចន្ទីនី បានសម្តែងនូវសេចក្តីសោមនស្សរីករាយ និងស្វាគមន៍យ៉ាងកក់ក្តៅចំពោះប្រតិភូនៃមូលនិធិគន្ធបុប្ផាកម្ពុជា។ ជាមួយគ្នានោះលោកជំទាវអគ្គលេខាធិការ ក៏បានពាំនាំនូវក្តីនឹករលឹក និងការសួរសុខទុក្ខពីសំណាក់ សម្តេចប្រធានកាកបាទក្រហមកម្ពុជា ដល់កុមារទាំងអស់ដែលកំពុងសម្រាកព្យាបាលជំងឺ នៅមន្ទីរពេទ្យគន្ធបុប្ផា ជាពិសេសក្នុងថ្ងៃនៃទិវាកុមារអន្តរជាតិ១ មិថុនានេះ សូមឱ្យបានឆាប់ជាសះស្បើយពីជំងឺទាំងឡាយ។ក្នុងឱកាសនេះដែរ លោកជំទាវ ពុំ ចន្ទីនី បានជម្រាបជូនអំពីសកម្មភាពកៀរគរ និងទទួលថវិកាសប្បុរស និង ការអនុវត្តសកម្មភាពសប្បុរសធម៌ របស់កាកបាទក្រហមកម្ពុជានាពេលកន្លងមក ដូចជាការចុះជួយដល់បណ្តាប្រជាជនរងគ្រោះ និងមានការលំបាកផ្នែកជីវភាព ជាពិសេសក្នុងខណៈពេលដែលជំងឺកូវី៨-១៩ បាននិងកំពុងរាតត្បាត ក៏ដូចជាសកម្មភាពសំខាន់ផ្សេងៗទៀត។ បន្ថែមលើសកម្មភាពមនុស្សធម៌សំខាន់ៗជាច្រើននោះ កាកបាទក្រហមកម្ពុជាបាននិងកំពុង អនុវត្តការបន្តជួយឧបត្ថម្ភថវិកាប្រចាំឆ្នាំ ជូនមូលនិធិគន្ធបុប្ផាកម្ពុជា ដើម្បីជួយសង្គ្រោះជីវិតកុមារនៅកម្ពុជា។ លោកជំទាវបានអោយដឹងទៀតថា នេះជាលើកទី១០ហើយ ដែលកាកបាទក្រហមកម្ពុជា បានផ្ដល់វិភាគទានប្រចាំឆ្នាំដល់មន្ទីរពេទ្យគន្ធបុប្ផា ដែលក្នុងមួយឆ្នាំៗនូវថវិកាចំនួន១លាន(១.០០០ ០០០)ដុល្លារអាមេរិក។ ចាប់តាំងពីឆ្នាំ២០១២មក ក្នុងគោលដៅជួយសង្គ្រោះកុមារនៅកម្ពុជា តាមរយៈមន្ទីរពេទ្យគន្ធបុប្ផាទាំងប្រាំទីតាំង។ឯកឧត្តម រស់ សីលវ៉ា ក៏បានជម្រាបជូនលោកជំទាវ ពុំ ចន្ទីនី អំពីវឌ្ឍនភាពការងាររបស់មូលនិធិគន្ធបុប្ផាកម្ពុជាផងដែរ ទាំងក្នុងទិដ្ឋភាពប្រតិបត្តិការ និងទិដ្ឋភាពហិរញ្ញវត្ថុ ជាពិសេសពាក់ព័ន្ធនឹងការកៀរគរមូលនិធិ ដែលបាននិងកំពុងរងផលប៉ះពាល់ពីការរីករាលដាលនៃជំងឺកូដ-១៩ ដែលធ្វើឱ្យមានការថយចុះ នៃទំហំថវិកាបរិច្ចាគពីសំណាក់សប្បុរសជននានា ដូចជាការថយចុះនៃថវិកា ដែលទទួលបានពីការកាត់កម្រៃសំបុត្រចូលទស្សនាតំបន់រមណីដ្ឋានអង្គរដើម ដោយសារការធ្លាក់ចុះនៃចំនួនទេសចរអន្តរជាតិ។ លោកជំទាវ ពុំ ចន្ទីនី បានថ្លែងអំណរគុណយ៉ាងជ្រាលជ្រៅជូន ចំពោះឯកឧត្តម រស់ សីលវ៉ា និងលេខាធិការដ្ឋានមូលនិធិគន្ធបុប្ផាកម្ពុជា ចំពោះកិច្ចខិតខំប្រឹងប្រែង និងការយកចិត្តទុកដាក់ខ្ពស់ ក្នុងការអនុវត្តការងារ និងកៀរគរមូលនិធិដើម្បីទ្រទ្រង់មន្ទីរពេទ្យគន្ធបុប្ផា ក្នុងការជួយសង្គ្រោះកុមារនៅកម្ពុជា។ និងជូនពរលោកគ្រូ-អ្នកគ្រូពេទ្យ និងបុគ្គលិកទាំងអស់របស់មន្ទីរពេទ្យ ដែលបាននិងកំពុងបំពេញបេសកកម្មពិនិត្យ និងព្យាបាលកុមារនៅកម្ពុជាយ៉ាងសស្រាក់សស្រាំ ប្រកបដោយគុណភាព និងក្រមសីលធម៌វិជ្ជាជីវៈខ្ពស់ និងជៀសផុតពីជំងឺចង្រៃទាំងឡាយ៕

ខេត្តកំពត រកឃើញពលរដ្ឋ ៥៧នាក់ទៀតឆ្លងកូវីដ-១៩ ភាគច្រើនពាក់ព័ន្ធនឹងកាស៊ីណូនៅច្រកទ្វារព្រំដែនតន់ហន់

កំពត៖ រដ្ឋបាលខេត្តកំពត ប្រកាសពីការរកឃើញប្រជាពលរដ្ឋ ៥៧នាក់ទៀតឆ្លងមេរោគកូវីដ-១៩នៅថ្ងៃនេះ ដែលភាគច្រើនជាបុគ្គលិកកាស៊ីណូ និងពលរដ្ឋរស់នៅក្នុងស្រុកកំពង់ត្រាចដែលបានពាក់ព័ន្ធនឹងកាស៊ីណូនៅច្រកតន់ហន់។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តកំពតបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើបុគ្គលិកកាស៊ីណូចំនួន ១៧នាក់ ដែលបម្រើការងារនៅកាស៊ីណូ សុខ គឹមម៉េង ស្ថិតនៅច្រកទ្វារភាគីតន់ហន់ នៅក្នុងស្រុកកំពង់ត្រាច។រដ្ឋបាលខេត្តនេះបានឱ្យដឹងទៀតថា ករណីឆ្លងថ្មីនេះ ក៏ត្រូវបានរកឃើញលើកសិករចំនួន ៣៤នាក់ផងដែរ ដែលជាពលរដ្ឋរស់នៅស្រុកនានារបស់ខេត្តមួយនេះ។ក្រៅពីនេះ ករណីឆ្លងថ្មីនេះ ក៏បានកើតឡើងផងដែរលើកុមារាម្នាក់អាយុ ៧ឆ្នាំ និងកុមារីម្នាក់អាយុ ៥ឆ្នាំ។រដ្ឋបាលខេត្តកំពតបញ្ជាក់ថា អ្នកជំងឺកូវីដ-១៩ទាំង ៥៧នាក់នេះ ត្រូវបានដាក់ឱ្យសម្រាកព្យាបាលនៅមណ្ឌលព្យាបាលកូវីដ-១៩ស្ថិតក្នុងបរិវេណវិទ្យាល័យព្រះបិតាជាតិ និងមណ្ឌលព្យាបាល សុខ គីមម៉េង៕

ខេត្តតាកែវ សម្រេចផ្អាកបណ្ដោះអាសន្នមន្ទីរសម្រាកព្យាបាល និងសម្ភព សោ សុខុម ពាក់ព័ន្ធអ្នកជំងឺកូវីដ-១៩

តាកែវ៖ រដ្ឋបាលខេត្តតាកែវ បានសម្រេចផ្អាកបណ្ដោះអាសន្នមន្ទីរសម្រាកព្យាបាល និងសម្ភព សោ សុខុម ស្ថិតនៅភូមិឡូរី សង្កាត់រកាក្នុង ក្រុងដូនកែវ ដែលជាទីតាំងមានអ្នកវិជ្ជមានជំងឺកូវីដ-១៩។ ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលតាកែវ បានបញ្ជាក់ថា មន្ទីរពេទ្យខាងលើនេះត្រូវបានសម្រេចផ្អាកដំណើរការជាបណ្ដោះអាសន្ន ព្រោះជាទីតាំងមានអ្នកវិជ្ជមានជំងឺកូវីដ-១៩ បានប៉ះពាល់ដោយផ្ទាល់និងដោយប្រយោលជាច្រើននាក់ពាក់ព័ន្ធក្នុង “ព្រឹត្តការណ៍សហគមន៍ ២០ កុម្ភៈ។ រដ្ឋបាលខេត្តតាកែវ បានឱ្យដឹងទៀតថា គោលបំណងនៃផ្អាកនេះ គឺដើម្បីការឆ្លងរាលដាលនៃជំងឺកូវីដ-១៩ នៅក្នុងភូមិសាស្រ្ដ ដែលត្រូវបានបិទខ្ទប់ និងទប់ស្កាត់ជំងឺនេះមិនឱ្យឆ្លងរាលដាលទៅតំបន់ផ្សេងទៀត។ រដ្ឋបាលខេត្តតាកែវ ក៏បានអំពាវនាវឱ្យម្ចាស់មន្ទីរសម្រាកព្យាបាល បុគ្គលិក និងអ្នកពាក់ព័ន្ធទាំងអស់ត្រូវផ្ដល់សំណាកដល់មន្រ្ដីសុខាភិបាល ដើម្បីវិភាគរកមេរោគកូវីដ-១៩។ គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ៣០ ៧១០នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

កូរ៉េប្រគល់អំណោយឧបករណ៍បរិក្ខារវេជ្ជសាស្ត្រជូនកម្ពុជា ដើម្បីទប់ស្កាត់ការរីករាលដាលជំងឺកូវីដ-១៩

ភ្នំពេញ៖ ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ រួមជាមួយឯកឧត្តម Prak Heung-Kyeong ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋកូរ៉េ ប្រចាំព្រះរាជាណាចក្រកម្ពុជា បានអញ្ជើញប្រគល់-ទទួល អំណោយឧបករណ៍បរិក្ខារវេជ្ជសាស្ត្រ គិតជាទឹកប្រាក់សរុបប្រមាណ ៣០០.០០០ដុល្លារអាមេរិក (សាមសិបម៉ឺនដុល្លារអាមេរិក)នៅទីសី្តការក្រសួង នារសៀលថ្ងៃទី១ ខែមិថុនា ឆ្នាំ២០២១នេះ។ឯកឧត្តម រដ្ឋមន្រី្ត ម៉ម ប៊ុនហេង បានថ្លែងថា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តនៃព្រះរាជាណាចក្រកម្ពុជា ចំណងមិត្តភាពជាប្រពៃណី កម្ពុជា-កូរ៉េ ត្រូវបានពង្រឹង និងពង្រីកឥតឈប់ឈរ ហើយភាគីកូរ៉េ បានផ្តល់ជំនួយឥតសំណងជាច្រើន ក្នុងការរួមចំណែកធ្វើឲ្យប្រសើរឡើងវិស័យសុខាភិបាលកម្ពុជា។ ជាក់ស្តែងចាប់តាំងពីការរីករាលដាលនៃជំងឺកូវីដ-១៩ ភាគីមិត្តកូរ៉េ បានផ្តល់ជំនួយជាឧបករណ៍សម្ភារៈបរិក្ខារវេជ្ជសាស្ត្រមួយចំនួន និងថវិកា។ឯកឧត្តម សាស្ត្រាចារ្យ ម៉ម ប៊ុនហេង បានថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម Prak Heung-Kyeong ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋកូរ៉េ ប្រចាំព្រះរាជាណាចក្រកម្ពុជា ក៏ដូចជារដ្ឋាភិបាល និងប្រជាជនកូរ៉េ ដែលតែងតែឧបត្ថម្ភគាំទ្រគ្នាទៅវិញទៅមក ជាពិសេសលើវិស័យសុខាភិបាល។ជាមួយគ្នានោះដែរ ឯកឧត្តម Prak Heung-Kyeong បានជម្រាបជូនឯកឧត្តម រដ្ឋមន្រី្តថា ស្ថានទូតកូរ៉េ មានកី្តរីករាយជាខ្លាំងដោយសាររដ្ឋាភិបាលកូរ៉េ បានផ្តល់ធ្វើការឧបត្ថម្ភសម្ភារៈវេជ្ជសាស្ត្រដែលមានតម្លៃ៣០ម៉ឺនដុល្លារលើកនេះ ក្នុងគោលបំណងជួយដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការទប់ស្កាត់ជំងឺកូវីដ-១៩។ ជាពិសេសក្នុងដំណាក់កាលនេះ ប្រជាជនកូរ៉េ ដែលបានស្នាក់នៅក្នុងប្រទេសកម្ពុជា មានចំនួនជិត១០០០នាក់ បានទទួលការចាក់វ៉ាក់សាំងបង្ការជំងឺកូវីដ-១៩ ព្រមទាំងបុគ្គលិកនៃស្ថានទូតកូរ៉េ រហូតដល់ទទួលបានការចាក់វ៉ាក់សាំងបង្ការជំងឺកូវីដ-១៩ ដូសទី២។ ដូច្នេះស្ថានទូតកូរ៉េ សូមថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលកម្ពុជា ក៏ដូចជាក្រសួងសុខាភិបាលផងដែរ៕ អត្ថបទ រដ្ឋា

រយៈពេល១ខែនៃខែឧសភា កម្ពុជារកឃើញនិងរឹងអូសអាល់កុលក្លែងក្លាយជាង ៥៣តោន

ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) នៃក្រសួងពាណិជ្ជកម្ម បានបញ្ជាក់ថា គិតក្នុងរយៈពេលពេញ១ខែឧសភា ឆ្នាំ២០២១នេះ បានរកឃើញ និងរឹបអូសនូវអាល់កុលក្លែងក្លាយ ឬមេតាណុលសរុបចំនួនប្រមាណជាង ៥៣តោន។នៅក្នុងបណ្តាញសង្គមហ្វេសប៊ុក អគ្គនាយកដ្ឋាន ក.ប.ប បានលើកឡើងថា ខណៈដែលជំងឺកូវីដ១៩ កំពុងបន្តរាលដាលនៅកម្ពុជា និងដោយមានការណែនាំ ចង្អុលបង្ហាញពីឯកឧត្តមរដ្ឋមន្ត្រី ប៉ាន សូរស័ក្តិ អគ្គនាយកដ្ឋានក.ប.ប បានចុះប្រតិបត្តិការបង្ក្រាបអាល់កុលក្លែងក្លាយនៅតាមផ្សារ ហ្វាម៉ាស៊ី ឱសថស្ថាន ឬតាមកន្លែងលក់ថ្នាំពេទ្យនានាយ៉ាងហោច ៨លើក ដោយមានអាល់ក្លែងក្លាយសរុបជាង ៥៣តោន ស្មើនឹងប្រមាណ ៥៣,០០០លីត្រ ក្នុងនោះរឹបអូសច្រើនជាងគេនៅរាជធានីភ្នំពេញ និងខេត្តព្រៃវែង ក្រចេះ កោះកុង ត្បូងឃ្មុំ ស្ទឹងត្រែង ព្រះវិហារ ឧត្តរមានជ័យ សៀមរាប និងខេត្តបន្ទាយមានជ័យ។ទាក់ទិនករណីនេះ ក.ប.ប បានអំពាវនាវដល់ប្រជាពលរដ្ឋដែលជាអាជីវករលក់ដុំ លក់រាយ ម្ចាស់ឱសថស្ថាន ម្ចាស់ផ្សារទំនើប និងអ្នកនាំចូលផលិតផលអាល់កុលទាំងអស់ សូមប្រកបរបរអាជីវកម្មប្រកបដោយការទទួលខុសត្រូវ ប្រកាន់ខ្ជាប់នូវក្រមសីលធម៌ និងសុចរិតភាព ដោយគិតពីសុខុមាលភាពរបស់ប្រជាពលរដ្ឋខ្ពស់ជាងផលចំណេញរបស់ខ្លួន។ ក.ប.ប បានអំពាវនាវថែមទៀតទៅដល់សាធារណជនដែលជាអ្នកប្រើប្រាស់ សូមពិនិត្យនិងជ្រើសរើសផលិតផលដែលមានស្លាកសញ្ញា និងប្រភពត្រឹមត្រូវ ច្បាស់លាស់ មុននឹងសម្រេចចិត្តជាវអាល់កុល ឬជែល យកមកប្រើប្រាស់ក្នុងគោលបំណងសម្លាប់មេរោគ។ សូមបញ្ជាក់ថា អាល់កុល ឬអេតាណុល គឺជាសារធាតុដែលគេយកមកប្រើសម្រាប់សម្លាប់មេរោគ ពិសេសក្នុងដំណាក់កាលដែលជំងឺកូវីដ-១៩ កំពុងរីករាលដាលខ្លាំង ធ្វើឲ្យតម្រូវការប្រើប្រាស់មានការកើនឡើងខ្ពស់ ជាហេតុនាំឱ្យមានបុគ្គលឆ្លៀតឱកាសមួយចំនួន បានបន្លំយកសារធាតុមេតាណុល មកលក់ជូនប្រជាពលរដ្ឋដើម្បីយកទៅសម្លាប់មេរោគ ឬធ្វើជាសារធាតុផ្សំសម្រាប់ផលិតជែលសម្លាប់មេរោគជាដើម។ សារធាតុគីមីមេតាណុល គឺជាសារធាតុពុល ដែលគេច្រើនប្រើធ្វើជាសារធាតុសម្រាប់រំលាយ។ ការប្រើប្រាស់មេតាណុលធ្វើជាសារធាតុសម្លាប់មេរោគ មិនត្រឹមតែមិនមានប្រសិទ្ធភាពក្នុងការសម្លាប់មេរោគប៉ុណ្ណោះទេ តែថែមទាំងបណ្តាលឲ្យប៉ះពាល់ដល់សុខភាពរបស់អ្នកប្រើ ដូចជាបណ្តាលឱ្យរលាកស្បែក រលាកភ្នែក ឈឺក្បាល វិលមុខ ស្រវាំងភ្នែក ងងុយដេក បាត់បង់ស្មារតី ក្អួតចង្អោរ រំខានដល់ការរំលាយអាហារ ឬអាចបណ្តាលឱ្យស្លាប់បានប្រសិនបើយកទៅលាយជាមួយស្រា ហើយបរិភោគលើសកម្រិត៕ អត្ថបទ៖ ឈិត បូរ៉ាវី

បារាំង សន្យាផ្តល់ហិរញ្ញប្បទានដល់កម្ពុជាពី១០០ ទៅ១២០លានអ៊ឺរ៉ូក្នុងមួយឆ្នាំ

ភ្នំពេញ ៖ រដ្ឋាភិបាលបារាំង សន្យាបង្កើនទំហំហិរញ្ញប្បទានសហប្រតិបត្តិការ សម្រាប់កម្ចីសម្បទានក្នុងរង្វង់ពី ១០០ ទៅ ១២០ លានអឺរ៉ូ ក្នុងមួយឆ្នាំ ដើម្បីគាំទ្រដល់កិច្ចសហប្រតិបត្តិការលើគ្រប់វិស័យនៅកម្ពុជា។ការសន្យានេះ ធ្វើឡើង នៅកិច្ចប្រជុំ ពិគ្រោះយោបល់កម្រិតគោលនយោបាយលើកទី៤ ដោយមានការចូលរួមដោយឯកឧត្តម វង្សី វិស្សុត រដ្ឋមន្ដ្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ លោក R–mi GENEVEY តំណាងទីភ្នាក់ងារបារាំងសម្រាប់ការអភិវឌ្ឍ AFD និងលោកជំទាវ Eva NGYEN BINH ឯកអគ្គរដ្ឋទូតនៃសាធារណបារាំង ប្រចាំនៅព្រះរាជាណាចក្រកម្ពុជា ដែលដឹកនាំ ដោយ តាមរយៈ Video Conference នៅថ្ងៃទី ៣១ ខែ ឧសភា ឆ្នាំ ២០២១។តំណាងភាគីបារាំង បញ្ជាក់ថា បារាំងនឹងបន្តខិតខំប្រឹងប្រែង ប្រមូលហិរញ្ញប្បទានឥតសំណងពីសហគមអឺរ៉ុប ជួយកម្ពុជា និងពីប្រភពផ្សេងៗទៀតឱ្យបានច្រើន ស្របទៅតាមពេលវេលា បច្ចុប្បន្ន ក៏ដូចជានៅពេលក្រោយកូវីដ-១៩។ ជាការឆ្លើយតប ឯកឧត្តម វង្សី វិស្សុត ថ្លែងថា ប្រទេសបារាំងមិនត្រឹមតែជាមិត្ត ភក្តិ និងជាបណ្តាប្រទេសឈានមុខគេ ដែលចូលរួមចំណែកក្នុងការនាំមកនូវសន្តិភាពសម្រាប់ប្រទេសកម្ពុជាប៉ុណ្ណោះទេ គឺថែមទាំងជាដៃគូអភិវឌ្ឍន៍ដ៏សំខាន់ក្នុងការផ្តល់ការគាំទ្រទាំងផ្នែកបច្ចេកទេស និងហិរញ្ញវត្ថុ បន្ទាប់ពីកិច្ចព្រមព្រៀងសន្តិភាពទីក្រុងប៉ារីស។ ផ្អែកលើមូលដ្ឋាននេះ កម្ពុជាបានទទួលហិរញ្ញប្បទានសហប្រតិបត្តិការ ជាបន្តបន្ទាប់ប្រមាណ ៨៦៧លានអឺរ៉ូ ក្នុងនោះឥណទានសម្បទានរបស់រដ្ឋ មានទឹកប្រាក់ ៥០៧ លានអឺរ៉ូ។ ហិរញ្ញប្បទានទាំងនេះ បាននិងកំពុងរួមចំណែកយ៉ាងសកម្មដល់ការទ្រទ្រង់ការអភិវឌ្ឍ និងការជំរុញកំណើនសេដ្ឋកិច្ច ស្របតាមកម្មវិធី និងគោលនយោបាយសំខាន់ៗ របស់រាជរដ្ឋាភិបាលកម្ពុជា ពីមួយអាណត្តិទៅមួយអាណត្តិ។ ឯកឧត្តម បន្តថា ស្ថិតនៅក្នុងស្ថានភាពបច្ចុប្បន្ន ការរីករាលដាលជំងឺកូវីដ-១៩ បានបង្កជាវិបត្តិយ៉ាងធ្ងន់ធ្ងរប៉ះ ពាល់ដល់ដំណើរការសេដ្ឋកិច្ច និងសង្គម រួមទាំងសុខភាពសាធារណៈ ការរំខានដល់ខ្សែចង្វាក់ផលិតកម្ម ការបាត់បង់ការងារ និងការធ្លាក់ចុះនៃសេដ្ឋកិច្ចពិភពលោក ក្នុងនោះ សម្រាប់កម្ពុជាក៏បានរងនូវការរីករាលដាលជំងឺនេះផងដែរ។ ប្រការនេះ បានធ្វើឱ្យផលិតផលសរុបក្នុងស្រុកនៅក្នុងឆ្នាំ២០២០ បានធ្លាក់ចុះប្រមាណ ៣,០% ក្នុងនោះការនាំចេញបានធ្លាក់ចុះប្រមាណ -១,១% ឱនភាពថវិកាកើនឡើងដល់ ៩,២៥% ។ឯកឧត្តម វង្សី វិស្សុត បន្តលើកឡើងថា សេដ្ឋកិច្ចរបស់យើងនឹងងើបឡើងវិញនៅឆ្នាំ២០២១ ប៉ុន្តែការងើបឡើងនេះ នៅមានភាពមិនប្រាកដប្រជាកម្រិតខ្ពស់នៅឡើយ ប្រសិនបើការរាតត្បាតជំងឺកូវីដ-១៩ ក្នុងព្រឹត្តិការណ៍ ២០ កុម្ភៈ មានកម្រិតនៃផលប៉ះពាល់នៅតែខ្ពស់ និងមានជម្រៅជ្រៅ ហើយកម្មវិធីចាក់វ៉ាក់សាំងមិនអាចសម្រេចបានឆាប់រហ័ស៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

បុគ្គលិកសន្តិសុខស៊ីរី ៣រូបរងរបួស ដោយសារវាយប្រហារនៅជិតក្រុងដាម៉ាស ខណៈអ្នកប្រព្រឹត្តិស្លាប់

ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង

EU «ថ្កោលទោសយ៉ាងខ្លាំង» ចំពោះការវាយប្រហារបណ្ដាលឲ្យមានអ្នកស្លាប់ច្រើន នៅទីក្រុងដាម៉ាស

កងទ័ពជើងទឹកអង់គ្លេស សាកល្បងយានដ្រូនមានសមត្ថភាពវាយប្រហារចេញពីនាវា

មន្រ្តីជាន់ខ្ពស់រួមទាំងប្រធានាធិបតីអ៊ីរ៉ង់ ចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូល Khamenei

អង្គការសហប្រជាជាតិ ព្រមានអំពីការមានបាតុភូតអែលនីញ៉ូដ៏ខ្លាំងក្លា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

យុទ្ធនាការចាក់វ៉ាក់សាំង ពលរដ្ឋកម្ពុជាជាង ២លាននាក់ហើយ ទទួលបានវ៉ាក់សាំងទាំងពីរដូសរួចរាល់

អាជ្ញាធរខេត្តបាត់ដំបង ស្នើកសិករបង្កើនការយល់ដឹងលើការធ្វើកសិកម្មទំនើប និងតាមដានធាតុអាកាស

កាកបាទក្រហមកម្ពុជា ប្រគល់ថវិកា ១លានដុល្លារជួយទ្រទ្រង់មន្ទីរពេទ្យគន្ធបុប្ផា

ខេត្តកំពត រកឃើញពលរដ្ឋ ៥៧នាក់ទៀតឆ្លងកូវីដ-១៩ ភាគច្រើនពាក់ព័ន្ធនឹងកាស៊ីណូនៅច្រកទ្វារព្រំដែនតន់ហន់

ខេត្តតាកែវ សម្រេចផ្អាកបណ្ដោះអាសន្នមន្ទីរសម្រាកព្យាបាល និងសម្ភព សោ សុខុម ពាក់ព័ន្ធអ្នកជំងឺកូវីដ-១៩

កូរ៉េប្រគល់អំណោយឧបករណ៍បរិក្ខារវេជ្ជសាស្ត្រជូនកម្ពុជា ដើម្បីទប់ស្កាត់ការរីករាលដាលជំងឺកូវីដ-១៩

រយៈពេល១ខែនៃខែឧសភា កម្ពុជារកឃើញនិងរឹងអូសអាល់កុលក្លែងក្លាយជាង ៥៣តោន

បារាំង សន្យាផ្តល់ហិរញ្ញប្បទានដល់កម្ពុជាពី១០០ ទៅ១២០លានអ៊ឺរ៉ូក្នុងមួយឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាជ្ញាធរខេត្តបាត់ដំបង ស្នើកសិករបង្កើនការយល់ដឹងលើការធ្វើកសិកម្មទំនើប និងតាមដានធាតុអាកាស

កាកបាទក្រហមកម្ពុជា​ ប្រគល់​ថវិកា ​១​លាន​ដុល្លារ​ជួយ​ទ្រទ្រង់​មន្ទីរពេទ្យ​គន្ធបុប្ផា​

រយៈពេល​១​ខែ​នៃ​ខែឧសភា កម្ពុជា​រកឃើញ​និង​រឹង​អូស​អាល់កុល​ក្លែងក្លាយ​ជាង ៥៣​តោន​

បារាំង​ សន្យា​ផ្តល់​ហិរញ្ញប្បទាន​ដល់​កម្ពុជា​ពី​១០០​ ទៅ​១២០​លាន​អ៊ឺ​រ៉ូ​ក្នុង​មួយឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កាកបាទក្រហមកម្ពុជា ប្រគល់ថវិកា ១លានដុល្លារជួយទ្រទ្រង់មន្ទីរពេទ្យគន្ធបុប្ផា

រយៈពេល១ខែនៃខែឧសភា កម្ពុជារកឃើញនិងរឹងអូសអាល់កុលក្លែងក្លាយជាង ៥៣តោន

បារាំង សន្យាផ្តល់ហិរញ្ញប្បទានដល់កម្ពុជាពី១០០ ទៅ១២០លានអ៊ឺរ៉ូក្នុងមួយឆ្នាំ