BTV NEWS

សម្ដេចធិបតី ហ៊ុន ម៉ាណែត តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដកខ្លួនឯកតោភាគីពី MoU 2001

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ និង ការអភិវឌ្ឍន៍

នគរបាលវៀតណាមផ្តល់សម្ភារៈ និងថវិកាមួយចំនួនសម្រាប់ប្រយុទ្ធប្រឆាំងកូវីដ១៩ ដល់នគរបាលកម្ពុជា

ភ្នំពេញ ៖ នគរបាលក្រុងហូជីមិញ និងខេត្តឡុង អាង ប្រទេសវៀតណាម បានឧបត្ថម្ភសម្ភារៈសុខាភិបាល និងថវិកា មួយចំនួនជូននគរបាលរាជធានីភ្នំពេញ នគរបាលខេត្តស្វាយរៀង និងខេត្តព្រៃវែង សម្រាប់ប្រើប្រាស់ប្រយុទ្ធប្រឆាំងជំងឺកូវីដ១៩ ខណៈសម្ភារៈទាំងនេះបានបង្ហាញនៅកិច្ចសហប្រតិបត្តិការរវាងនគរបាលប្រទេសទាំងពីរ កាន់តែល្អប្រសើរបន្ថែមទៀត។ពិធីប្រគល់ និងទទួលសម្ភារៈសុខាភិបាល ដែលជាជំនួយរបស់នគរបាលវៀតណាមនេះ គឺបានធ្វើឡើង នៅថ្ងៃទី៩ ខែឧសភានេះ នៅច្រកទ្វារព្រំដែនអន្តរជាតិព្រៃវលិ៍ល ខេត្តស្វាយរៀង និងច្រកទ្វារព្រំដែនអន្តរជាតិ ប៊ិន ហៀប ខេត្តឡុងអាង ដោយគណៈប្រតិភូនគរបាលរាជធានីភ្នំពេញ ខេត្តស្វាយរៀង និងខេត្តព្រៃវែង ដឹកនាំដោយ លោកឧត្តមសេនីយ៍ត្រី ជីវ លី ស្នងការរងនៃស្នងការដ្ឋាននគរបាលរាជធានីភ្នំពេញ តំណាងឧត្តមសេនីយ៍ឯក ស ថេត អគ្គស្នងរងនគរបាលជាតិ និងជាស្នងការនគរបាលរាជធានីភ្នំពេញ ចំណែកភាគីនគរបាលក្រុងហូជីមិញ និងនគរបាលខេត្ត ឡុង អាង ដឹកនាំដោយលោក ឧត្តមសេនីយ៍ត្រី កៅ ដាំងហឹក ស្នងការរងនគរបាលក្រុងហូជីមិញ។ថ្លែងនៅក្នុងពិធីប្រគល់ និងទទួលនោះ លោក ឧត្តមសេនីយ៍ត្រី កៅ ដាំងហឹក ស្នងការរងនគរបាលក្រុងហូជីមិញ បានលើកឡើងថា ការឧបត្ថម្ភនូវគ្រឿងសម្ភារៈសុខាភិបាល និងថវិកា នៅពេលនេះ គឺជាការបង្ហាញនូវការបង្កើនកិច្ចសហប្រតិបត្តិការរឹតចំណងមិត្តភាព សាមគ្គីភាព រវាងនគរបាលទាំងពីរ ឱ្យកាន់តែរឹងមាំ និងការចែករំលែកបទពិសោធន៍សម្រាប់ចូលរួមប្រយុទ្ធប្រឆាំងជំងឺកូវីដ-១៩ ដែលជំងឺកូវីដ១៩ កំពុងប្រឈមចំពោះមុខ នៃការរាតត្បាត នៅក្នុងប្រទេសទាំងពីរ។លោក ឧត្តមសេនីយ៍ត្រី ក៏បានលើកឡើងទៀតថា នគរបាលកម្ពុជា និងនគរបាល វៀតណាម កន្លងមក បានសហការគ្នាយ៉ាងល្អក្នុងការបង្ការទប់ស្កាត់ជំងឺឆ្លងកូវីដ១៩ មិនឱ្យឆ្លងចូលទៅវិញទៅមករវាងប្រទេសទាំងពីរនោះឡើយ ហើយជាងនេះថែមទៀត លោក ក៏បានជម្រាបជូនកម្ពុជាឱ្យដឹងអំពីសភាពការណ៍ជំងឺឆ្លងកូវីដ១៩ នៅក្នុងប្រទេសវៀតណាមបច្ចុប្បន្ននេះ នៅតែមានកត្តាស្មុគស្មាញច្រើន ហើយការឆ្លងចូលក្នុងសហគមន៍ អាចផ្ទុះឡើងគ្រប់ពេលនិងគ្រប់ទីកន្លែង ហើយកម្លាំងនគរបាលប្រទេសវៀតណាមទាំងមូលបាននៅឈរជួរមុខ ក្នុងការប្រយុទ្ធប្រឆាំងជំងឺកូវីដ១៩នេះ។ថ្លែងនៅក្នុងពិធីនោះដែរ លោកឧត្តមសេនីយ៍ត្រី ជីវ លី ស្នងការរងនៃស្នងការដ្ឋាននគរបាលរាជធានីភ្នំពេញ បានថ្លែងអំណរគុណចំពោះនគរបាលប្រទេសវៀតណាម ដែលបានបរិច្ចាគនូវសម្ភារៈសុខាភិបាល និងថវិកា មួយចំនួន ជូនដល់នគរបាល រាជធានីភ្នំពេញ និង នគរបាលខេត្តទាំង២ ស្វាយរៀង ព្រៃវែង ដើម្បីបំពេញតម្រូវការចាំបាច់សម្រាប់កងកម្លាំងនគរបាលកម្ពុជា ប្រើប្រាស់បង្ការកូវីដ១៩ ទន្ទឹមដែលនគរបាលរាជធានីភ្នំពេញ នគរបាលខេត្តស្វាយរៀង និងខេត្តព្រៃវែង កំពុងបំពេញភារកិច្ចយ៉ាងសកម្ម ចូលរួមប្រយុទ្ធប្រឆាំងជំងឺឆ្លងកូវីដ១៩ នៅក្នុងសហគមន៍នេះ។សូមបញ្ជាក់ថា សម្ភារៈសុខាភិបាលដែលនគរបាលក្រុងហូជីមិញ សហការជាមួយនគរបាលខេត្តឡុង អាង ឧបត្ថម្ភជូននោះរួមមាន ៖ ស្នងការដ្ឋាននគរបាលរាជធានីភ្នំពេញទទួលបានម៉ាស់ចំនួន១២កេសធំ ស្មើនឹង៣ម៉ឺនម៉ាស់ ថ្នាំសម្លាប់មេរោគចំនួន៣០ធុង ថវិកាចំនួន២០០លានដុង និងឯកសណ្ឋានមួយចំនួន។ ស្នងការដ្ឋាននគរបាលខេត្តស្វាយរៀង និងស្នងការដ្ឋាននគរបាលខេត្តព្រៃវែង ក្នុងមួយខេត្ត ទទួលបានម៉ាស់៤កេសធំ, ថ្នាំសម្លាប់មេរោគ២០ធុង និងថវិកា១០០លានដុង វៀតណាម៕អត្ថបទ៖ បាន ចក់

រដ្ឋបាលរាជធានីភ្នំពេញ កំពុងពិចារណាបង្រួមតំបន់ក្រហមពីកម្រិតភូមិទៅតាមខ្នងផ្ទះនីមួយៗនៃភូមិ

ភ្នំពេញ ៖ រដ្ឋបាលរាជធានីភ្នំពេញ កំពុងសិក្សា ដើម្បីបង្រួមតំបន់ក្រហម នៅក្នុងរាជធានីភ្នំពេញឲ្យកាន់តែតូចបន្ថែមទៀត ខណៈដែលអត្រាអ្នកឆ្លងជំងឺកូវីដ ១៩ ប្រចាំថ្ងៃ នៅភ្នំពេញបានថយចុះ។ ក្នុងពេលចុះពិនិត្យទីតាំងចាក់វ៉ាក់សាំងជូនប្រជាពលរដ្ឋរស់នៅតំបន់ក្រហមស្ថិតក្នុងសង្កាត់បឹងសាឡាង នៃខណ្ឌទួលគោក កាលពីថ្ងៃទី៩ ខែឧសភា ឆ្នាំ២០២១ ឯកឧត្តម ឃួង ស្រេង អភិបាលរាជធានីភ្នំពេញ បានថ្លែងថា នៅពេលនេះ ក្រុមអ្នកបច្ចេកទេសដែលពាក់ព័ន្ធ កំពុងធ្វើការពិចារណា ដើម្បីបង្រួមការគ្រប់គ្រង និងបិទខ្ទប់តំបន់ក្រហមពីសង្កាត់ មកត្រឹមភូមិ និងពីកម្រិតភូមិ មកតាមខ្នងផ្ទះប្រជាពលរដ្ឋ។ ឯកឧត្តម បានបញ្ជាក់ថា ការពិចារណាបង្រួមនេះ ដោយសាររដ្ឋបាលរាជធានីភ្នំពេញ បានវាយតម្លៃអត្រាអ្នកឆ្លងជំងឺកូវីដ-១៩ ក្នុងរាជធានីភ្នំពេញបានថយចុះពីចន្លោះ៥០០នាក់ មកត្រឹម២០០នាក់ កាលពីថ្ងៃទី០៩ ខែឧសភា ឆ្នាំ២០២១៕អត្ថបទ ៖ ជា ធីរិទ្ធ

ទេយ្យវត្ថុរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនជូនវត្តទាំង២៤ក្នុងស្រុក៨ នៃខេត្តកំពង់ឆ្នាំង

កំពង់ឆ្នាំង៖ ឯកឧត្តម ឌី វីជ្ជា និងលោកជំទាវ ហ៊ុន ម៉ាណា បានអនុញ្ញាតអោយក្រុមការងារដឹកនាំដោយលោក ជិន ប៊ុនធឿន បាននាំយកទេយ្យវត្ថុរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មួយចំនួនធំមានជាស្បៀងអាហារ គ្រឿងឧបភោគ-បរិភោគជាច្រើនមុខយកទៅប្រគេនបណ្តាវត្តចំនួន ២៤ ក្នុងស្រុកចំនួន ០៨នៃខេត្តកំពង់ឆ្នាំង កាលពីថ្ងៃទី ០៨ និងទី០៩ ខែឧសភា ឆ្នាំ២០២១នេះ ។លោក ជិន ប៊ុនធឿន បាននាំនូវការផ្ដាំផ្ញើសួរសុខទុក្ខពីសំណាក់ឯកឧត្តម ឌី វីជ្ជា និងលោកជំទាវ ហ៊ុន ម៉ាណា ដល់ព្រះតេជគុណ ព្រះសង្ឃគ្រប់ព្រះអង្គទាំងអស់ដែលកំពុងទទួលរងផលប៉ះពាល់នូវការរីករាលដាលដោយសារជំងឺកូវីដ-១៩ ជាសាកលនាពេលនេះ។ ព្រោះក្នុងដំណាក់កាលនេះព្រះសង្ឃ មិនអាចបិណ្ឌបាត្រចង្ហាន់បាន និងប្រជាពុទ្ធបរិស័ទក៏មិនអាចយកចង្ហាន់មកប្រគេនដល់ព្រះសង្ឃដូចពេលមុនបានដែរ ទើបឯកឧត្តម និងលោកជំទាវបានគិតគូរអំពីទុក្ខលំបាករបស់ព្រះសង្ឃគ្រប់ព្រះអង្គតាមទីអារាមនានា ក្នុងប្រទេសកម្ពុជា។ ហើយការនាំយកទេយ្យវត្ថុមកប្រគេនជូននៅពេលនេះ អាចជួយសម្រាលនូវការលំបាករបស់ព្រះសង្ឃគ្រប់អង្គបានមួយរយៈផងដែរ ។ ម្យ៉ាងវិញទៀត លោក បានបន្ថែមថា ដើម្បីផ្តាច់ ឬសគល់នៃការចម្លងនៃជំងឺកូវីដ-១៩ចូលក្នុងសហគមន៍ យើងទាំងអស់គ្នាត្រូវចូលរួមអនុវត្តឱ្យបានខ្ជាប់ខ្ជួននូវវិធានសុខាភិបាល របស់រាជរដ្ឋាភិបាល ជាពិសេសរួមអនុវត្ត «៣ការពារ និង៣កុំ» ដើម្បីការពារខ្លួនយើង គ្រួសារយើង សង្គមជាតិយើង និងប្រជាជនយើង ។ក្នុងឱកាសនោះដែរ លោក ជិន ប៊ុនធឿន និងក្រុមការងារបានចែកជូនលោកយាយ លោកតាដែល បានអញ្ជើញចូលរួមក្នុងថ្ងៃនេះដោយម្នាក់ៗទទួលឃីដ មួយកញ្ចប់ ក្នុងនោះមានដូចជា ៖១-ថ្នាំដុះធ្មេញ ០១ប្រអប់ និងច្រាស់ដុះធ្មេញ ០១ដើម២-ជែលលាង ០១ កំប៉ុង៣-ខោអាវ ០១ សម្រាប់៤-ថ្នាំវីតាមីនសេ ០១ដប៥-សាប៊ូ ០១ដុំតូច និងព្រះសង្ឃ សាមណេ ចំនួន៤៩០អង្គក៏ទទួលបាន ស្លាដក ០១ ក្នុងមួយអង្គផងដែរ ។ទេយ្យវត្ថុក្នុងវត្តនីមួយៗទទួលបានរួមមាន ៖ ១-អង្ករចំនួន ០១តោន២-ត្រីខ ១កេស មាន ១០០ កំប៉ុង៣-មីចំនួន ១៨កេសតូច៤- ទឹកផ្លែឈើគ្រប់មុខចំនួន ១០កេស៥-ទឹកដោះគោខាប់ចំនួន ០២កេសធំ មាន ៩៦កំប៉ុង៦-កាហ្វេចំនួន ០៥កញ្ចប់ធំ មាន ២៥០កញ្ចប់៧-តែចំនួន ០២គីឡូក្រាម៨-ស្ករសចំនួន ០១បេ(មាន ២៥ គីឡូក្រាម)៩-អំបិលចំនួន ០១បេ(មាន១០គីឡូក្រាម)១០-ទឹកត្រីចំនួន ០៥យួរ មាន៣០ដប១១-ទឹកស៊ីអ៊ីវចំនួន ០៥យួរ មាន៣០ដប១២-ប៊ីចេងចំនួន ០១បេ(មាន២៥គីឡូក្រាម)១៣-ម៉ាស់ ២០ប្រអប់១៤-សាប៊ូ ៣០ដុំ១៥-ថ្នាំពេទ្យ ១កេស មាន ៨០ប្រអប់១៦-ថវិកា ២លានរៀល ដោយក្នុងស្រុកនីមួយៗមានវត្តចំនួន៖១-ស្រុកំពង់ត្រឡាចមានវត្តចំនួន ០៣២-ស្រុករលាប្អៀរមានវត្តចំនួន ០៣៣-សាមគ្គីមានជ័យមានវត្តចំនួន ០៣៥-ស្រុកជល់គីរីមានវត្តចំនួន ០៣៦-ស្រុកបរិបូរណ៍មានវត្តចំនួន ០៣៧-ស្រុកកំពង់លែងមានវត្តចំនួន ០៣៨-ស្រុកទឹកផុសមានវត្តចំនួន ០៣ ៕

ឯកឧត្តម ហ៊ុន ម៉ាណែត ទទួលអំណោយម៉ាស់សុខាភិបាល ពីសមាគមចំនួនបី សម្រាប់ទប់ស្កាត់ជំងឺកូវីដ-១៩

ភ្នំពេញ ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានទទួលអំណោយម៉ាស់សុខាភិបាលពីសមាគមខ្មែរ-ចិន នៅកម្ពុជា សមាគមត្រកូល លីម និងសមាគមសហព័ន្ធប្រជាជនចិននៅទីក្រុង ហ៊ូចូវ តាមរយៈនាយឧត្តមសេនីយ៍ មាស សុភា ទេសរដ្ឋមន្ត្រី ទទួលបន្ទុកបេសកកម្មពិសេសរបស់រាជរដ្ឋាភិបាល លើកិច្ចការមីន យុទ្ធភណ្ឌ មិនទាន់ផ្ទុះ និងវិស្វកម្ម នៃកងយោធពលខេមរភូមិន្ទ។ពិធីប្រគល់ និងទទួលបានធ្វើឡើងនៅស្នាក់ការសមាគមត្រកូល លីម មានទីតាំងខាងកើតស្ពានជ្រោយចង្វារ។ អំណោយរួមមាន ៖ ម៉ាស់ធម្មតាចំនួន ២៥០, ០០០ម៉ាស់ , ម៉ាស N95 ចំនួន ១០ ,០០០ម៉ាស់ និងនំសាកឺរាចំនួន ៦០កេស។ក្នុងនាមកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងឧត្តមសេនីយ៍ មាស សុភា បានថ្លែងអំណរគុណចំពោះសមាគម ទាំង០៣ រួមមាន សមាគម ខ្មែរ-ចិន នៅកម្ពុជា សមាគមត្រកូល លីម និងសមាគម សហព័ន្ធប្រជាជនចិននៅទីក្រុង ហ៊ូចូវ។ ឧត្តមសេនីយ៍ឯក ហ៊ុន ម៉ាណែត បានបន្តទៀតថា អំណោយដ៏ថ្លៃថ្លានេះ ជាការចែករំលែកដ៏មានសារៈសំខាន់ ដើម្បីចូលរួមគាំទ្រដល់កងទ័ព ក្នុងការប្រយុទ្ធប្រឆាំងជំងឺឆ្លងរាតត្បាតកូវីដ-១៩ ៕

សម្តេចពញាចក្រី ហេង សំរិន ផ្តល់ស្បៀង និងថវិកា ដល់រាជធានីភ្នំពេញ សម្រាប់ចែកជូនពលរដ្ឋកំពុងអនុវត្តវិធានការទប់ស្កាត់ជំងឺកូវីដ-១៩

ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានផ្តល់អំណោយជាស្បៀងអាហារ មានអង្ករ គ្រឿងឧបភោគបរិភោគ រួមនិងថវិកា ដល់រដ្ឋបាលរាជធានីភ្នំពេញ សម្រាប់ចែកជូនប្រជាពលរដ្ឋដែលជួបការខ្វះខាត នៅក្នុងពេលកំពុងអនុវត្តវិធានការការពារទប់ស្កាត់ជំងឺកូវីដ-១៩ នាព្រឹកថ្ងៃទី៨ ខែឧសភា ឆ្នាំ២០២១នេះ។អំណោយសម្តេចដែលបានផ្តល់ជូនថ្នាក់ដឹកនាំរដ្ឋបាលរាជធានីភ្នំពេញនាពេលនេះ មានថវិកា២០លានរៀល អង្ករចំនួន ១១,២៤០គីឡូក្រាម រួមនឹងគ្រឿងឧបភោគបរិភោគជាច្រើនទៀតដូចជា ត្រីខកំប៉ុង មី រួមនិងសម្ភារៈអនាម័យ មានអាល់កុល សាប៊ូ ថ្នាំដុសធ្នេញជាដើម។ក្នុងឱសកាសនេះ សម្តេចប្រធានរដ្ឋសភា បានសម្តែងការសោកស្តាយនិងចូលរួមមរណទុក្ខចំពោះក្រុមគ្រួសារដែលមានសមាជិកបានស្លាប់បាត់បង់អាយុជីវិត ដោយសារជំងឺកូវីដ-១៩ និងបានជូនពរដល់ប្រជាពលរដ្ឋដែលកំពុងសម្រាកព្យាបាលជំងឺ នៅតាមមន្ទីរពេទ្យ និងមណ្ឌលព្យាបាល ទំាងអស់បានឆាប់ជាសះស្បើយក្នុងពេលឆាប់ៗនេះ ហើយបានវិលត្រឡប់ទៅជួបជុំក្រុមគ្រួសារវិញ។សម្តេចអគ្គមហាពញាចក្រី ហេង សំរិន បានបន្តអំពាវនាវដល់ប្រជាពលរដ្ឋអនុវត្តវិធានការរដ្ឋបាល និងសុខាភិបាល ឲ្យបានខ្ជាប់ខ្ជួនមិនគួរធ្វេសប្រហែសឡើយ ព្រោះថាជំងឺកូវីដ-១៩ នៅតែបង្កហានិភ័យខ្ពស់ ដដែលនៅកម្ពុជា ក៏ដូចជាពិភពលោកទំាងមូល បើទោះបី ពេលនេះ រាជរដ្ឋាភិបាលបានបញ្ចប់វិធានការបិទខ្ទប់នៅរាជធានីភ្នំពេញ និងក្រុងតាខ្មៅ ខេត្តកណ្តាលយ៉ាងណាក្តី។សម្តេច បានលើកទឹកចិត្តដល់ពលរដ្ឋ សូមអញ្ជើញទៅទទួលវ៉ាក់សំាងការពារជំងឺកូវីដ-១៩ ដែលរាជរដ្ឋាភិបាលផ្តល់ជូនដោយឥតគិតថ្លៃ ដើម្បីការពារខ្លួននិងបង្កើតភាពស៊ាំក្នុងសហគមន៍ ជាការការពារទប់ស្កាត់កុំឲ្យជំងឺដ៏កាចសាហាវនេះ យាយីសង្គមជាតិកាន់តែធ្ងន់ធ្ងរឡើង។ សម្តេច បានលើកឡើងថា ប្រទេសជាច្រើននៅលើពិភពលោកបានកំពុងជំរុញការចាក់វ៉ាក់សំាងដល់ប្រជាពលរដ្ឋរៀងៗខ្លួន ដើម្បីទប់ស្កាត់ជំងឺកូវីដ-១៩ និងដើម្បីឆាប់បានស្តារសង្គម និងសេដ្ឋកិច្ចប្រទេសជាតិពីវិបត្តិជំងឺរាតត្បាតនេះឡើងវិញ។ សម្តេចអគ្គមហាពញាចក្រី ហេង សំរិន បានថ្លែងអំណរគុណចំពោះរាជរដ្ឋាភិបាល អាជ្ញាធររាជធានីខេត្តទូទំាងប្រទេស កងកម្លំាងប្រដាប់អាវុធ ជាពិសេសក្រុមក្រុមគ្រូពេទ្យជួរមុខទំាងអស់ ដែលបានដាក់ចេញវិធានការបន្តបន្ទាប់ ហើយបានខិតខំទប់ស្កាត់ការពារ គ្រប់មធ្យោបាយបានទាន់ពេលវេលាប្រកបដោយស្មារតីទទួលខុសត្រូវចំពោះសុខុមាលភាពប្រជាពលរដ្ឋ ដោយមិនគិតពីពេលវេលានិងការនឿយហត់នោះឡើយ។ សម្តេចបានបានកោតសរសើរផងដែរ ដល់សកម្មភាពមនុស្សធម៌នានា ដែលបានកើតឡើងយ៉ាងផុលផុសនៅគ្រប់កន្លែង គ្រប់តំបន់ ដើម្បីជួយគ្នាទៅវិញទៅមកនៅគ្រាលំបាកនេះ ដែលជាវប្បធម៌និងប្រពៃណីដ៏ថ្លៃថ្នា ក្នុងសង្គមកម្ពុជាតំាងពីដើមមក។ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ដែលបានដឹកនាំគណៈប្រតិភូរដ្ឋបាលរាជធានីភ្នំពេញ ទទួលអំណោយដ៏ថ្លៃថ្លារបស់សម្តេចប្រធានរដ្ឋសភា នាឱកាសនេះ បានថ្លែងអំណរគុណយ៉ាងជ្រាលជ្រៅជូនសម្តេច និងសម្តេច ធម្មវិសុទ្ធវង្សា សៅ ទី ហេង សំរិន ដែលជានិច្ចកាលសម្តេចទំាងទ្វេបានយកចិត្តទុកដាក់ដល់សុខទុក្ខនិងជីវភាពប្រជាពលរដ្ឋនៅគ្រប់កាលៈទេសៈនិងតំាងពីដើមមក។ឯកឧត្តមអភិបាល បានបញ្ជាក់ថា អំណោយទាំងអស់នេះ រដ្ឋបាលរាជធានីភ្នំពេញ នឹងយកទៅចែកជូនប្រជាពលរដ្ឋ ដែលមានជីវភាពខ្វះខាតនៅក្នុងអំឡុងពេល នៃការផ្ទុះរាលដាលជំងឺកូវីដ១៩ ក្នុងព្រឹត្តិការណ៍ "សហគមន៍ ២០កុម្ភៈ" នៅរាជធានីភ្នំពេញ៕

សម្ដេចតេជោ សំណូមពរជាថ្មីដល់ម្ចាស់ផ្ទះជួល អគ្គិសនី និងរដ្ឋករទឹក ផ្អាកយកថ្លៃឈ្នួល និងតម្លៃទឹកភ្លើងពីកម្មករ កម្មការិនី ក្នុងតំបន់បិទខ្ទប់

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវជាថ្មីដល់ម្ចាស់ផ្ទះជួលទាំងឡាយសូមបញ្ចេញកាយវិកាមនុស្សធម៌ សម្រាប់កម្មករ កម្មការិនីនៅតំបន់ក្រហម និងតំបន់បិទខ្ទប់ អំពីតម្លៃឈ្នួលផ្ទះ ខណៈថៅកែរោងចក្រមិនទាន់បើកលុយអោយផង។ សម្ដេច ក៏បានអំពាវនាវអោយរដ្ឋករទឹកស្វយ័ត និងអគ្គិសនីកម្ពុជា បញ្ចេញនូវកាយវិកាមនុស្សធម៌ចំពោះកម្មករ កម្មការិនីដែលបានប្រើប្រាស់ទឹកភ្លើងនៅក្នុងតំបន់បិទខ្ទប់ និងតំបន់ក្រហម។ជាមួយនេះ សម្កេច ក៏សូមម្ចាស់រោងចក្រកុំបំភ័យកម្មករដែលថាមិនទាន់បានចាក់វ៉ាក់សាំង មិនអោយចូលធ្វើការនោះ ពេលវេលានេះ មិនមែនជាពេលវេលាដែលត្រូវយកវ៉ាក់សាំងមកធ្វើសមភាព សមធម៌ ហើយធ្វើជាលក្ខខណ្ឌ ដើម្បីដោះស្រាយការងារធ្វើនោះទេ រង់ចាំទីក្រុងភ្នំពេញ និងខេត្តកណ្ដាល ឬប្រទេសទាំងមូល បានចាក់វ៉ាក់សាំងរួចរាល់ហើយ អ្នកដែលបដិសេធមិនចាក់វ៉ាក់សាំង អ្នកនោះច្បាស់ណាស់ នឹងអស់ការងារធ្វើ ឬរកការងារធ្វើមិនបាន ដោយសារតែការជឿការឃោសនាអកុសលពីមនុស្សមួយចំនួន ដែលថាចាក់វ៉ាក់សាំងហើយស្លាប់ ឬកើតជំងឺនេះ ឬជម្ងឺនោះ ។ដូច្នេះសម្តេច បានអំពាវនាវចំពោះបងប្អូនទាំងអស់មេត្តាយោគយល់ចំពោះសភាពការណ៍ទាំងឡាយ ហើយអ្នកដែលមានលទ្ធភាពហើយ សូមកុំមកដណ្ដើមយកជំនួយដែលអ្នកត្រូវការជួយកំពុងតែទាមទារឲ្យជួយក្នុងពេលដែលយើងមានជំនួយ មិនគ្រប់គ្រាន់ហើយបែរជាមានការទាមទារសមធម៌ ដែលនេះ ជាការគួរឲ្យខ្មាស់អៀនសម្រាប់អ្នកដែលមាន លទ្ធភាព។ទោះជាកន្លងទៅ មានម្ចាស់ផ្ទះជួលមួយចំនួនសម្រេចមិនយកថ្លៃជួលផ្ទះពីកម្មករ កម្មការិនី ក្នុងរយៈពេលមួយ ឬក៏បានបញ្ចុះ ថ្លៃនិងមានមួយចំនួនទៀតឱ្យប្រើប្រាស់រហូតដល់រយៈពេលវែងដែលសម្ដេច បានធ្វើលិខិត ថ្លែងអំណរគុណរួចហើយនោះ ប៉ុន្តែក៏នៅមានសេសសល់បងប្អូនមួយចំនួន ដែលខ្វះការយោគយល់និងបង្កើតឲ្យមានបញ្ហាឡើងដែលម្សិលមិញបានប្រញាប់ប្រញាល់ធ្វើការដោះស្រាយនៅទីកន្លែងនោះ។ដូច្នេះ សម្តេច បានសំណូមពរជាថ្មី សូមអោយម្ចាស់ផ្ទះជួលមានការយោគយល់អោយផ្អាកមួយរយៈសិន ឬបញ្ចុះថ្លៃ ឬលើកលែង រយ:ពេលខ្លះ សម្រាប់កម្មករកម្មការិនី នៅតំបន់បិទខ្ទប់ ឬតំបន់ក្រហម ពិតណាស់ម្ចាស់ផ្ទះជួល ឬ ផ្ទះសំណាក់ខ្លះ មានការលំបាកដូចគ្នាដោយខ្ចីលុយពីធនាគារមកសាងសង់ ប៉ុន្តែសង្ឃឹមថា ម្ចាស់ផ្ទះជួលទាំងអស់ នឹងអាចយល់បាននូវការលំបាករបស់កម្មករ កម្មការិនី ហើយស្ថានភាពនេះ មិនមែនគ្រាន់តែនៅទីក្រុងភ្នំពេញទេ បើអាចធ្វើបានសុំធ្វើនៅគ្រប់ទីកន្លែងទាំងអស់៕អត្ថបទ មុត សុទ្ធ

ហ្វូងដំរីព្រៃជាច្រើនក្បាល តែងចេញមកស៊ីចំណីនៅស្រុកកែវសីមា

មណ្ឌលគិរី ៖ នៅក្នុងប្រទេសកម្ពុជាមន្ត្រីជំនាញ បានវាយតម្លៃថា គម្របព្រៃឈើ នៅខេត្តមណ្ឌលគិរីកំពុងមានវត្តមានសត្វដំរីព្រៃរស់នៅច្រើនជាងគេ ខណៈដែលដំរីទាំងនោះ ជាប្រភេទដំរីអាស៊ី ហើយចំនួនរបស់ពួកវាក៏បាននិងកំពុងកើនឡើង ព្រោះតែមានការយកចិត្តទុកដាក់ពីមន្ត្រីជំនាញក្នុងការអភិរក្ស ។លោក ហាន សុខន នាយកដែនជម្រកសត្វព្រៃកែវសីមា បានឲ្យដឹងថា សត្វដំរីព្រៃជាច្រើនហ្វូងកំពុងបំលាស់ទីនៅក្នុងដែនជម្រកសត្វព្រៃកែវសីមា ក្នុងមួយហ្វូងមានចំនួនចន្លោះពី០២ក្បាលទៅជាង១០ជាងក្បាល ហើយកាលដែលវាតែងតែចេញមកក្បែរភូមិប្រជាជនព្រោះស្វែងរកចំណី កន្លែងណាមានទឹក និងចំណីច្រើនគឺពួកវានៅទីនោះ ។ លោកនាយកដែនជម្រកសត្វព្រៃកែវសីមា បន្តថា ការដែលសត្វដំរីទាំងតែងចេញមកក្បែរភូមិប្រជាជន ព្រោះកន្លែងនោះជាជម្រកចាស់របស់វាតាំងពីមិនទាន់មានមនុស្សមករស់នៅម្ល៉េះ ហើយបច្ចុប្បន្នជម្រកជាច្រើនរបស់វាត្រូវមនុស្សមករំខានដូចជាការកាប់រានព្រៃយកដី និងបោះទីលំនៅជាបន្តបន្ទាប់ ។ លោក ហាន សុខន បានឲ្យដឹងទៀតថា មិនមែនតែសត្វដំរីព្រៃទេដែលតែងចេញមកជម្រកចាស់របស់ពួកវា ក្នុងនោះ សត្វព្រៃទាំងអស់ ពិសេសគឺសត្វធំៗដូចជា ខ្ទីង ទន្សោងជាដើម ក៏នឹងវិលប្រឡប់មកកន្លែងពួកវាធ្លាប់រស់នៅពីមុននៅថ្ងៃណាមួយ ប៉ុន្តែសោកស្ដាយដែលកន្លែងខ្លះត្រូវមនុស្សចូលបំពានពួកវា ។ប្រធានមន្ទីរបរិស្ថានខេត្តមណ្ឌលគិរី លោក កែវ សុភក៌ បានថ្លែងប្រាប់ទូរស័ព្ទថា សត្វដំរីព្រៃអាស៊ីនៅខេត្តមណ្ឌលគិរី មិនមានចំនួនថយចុះនោះទេ ពួកវាកំពុងរស់នៅក្នុងព្រៃបង្កាត់កូនចៅយ៉ាងសុខសាន្ត ហើយចំនួនរបស់ពួកវាអាចមានចន្លោះពី៣០០ក្បាលទៅ៤០០ក្បាល មានរស់នៅច្រើនក្នុងដែនជម្រកសត្វព្រៃកែវសីមា បន្ទាប់មកគឺដែនជម្រកសត្វព្រៃភ្នំព្រេច និងខ្លះទៀតរស់នៅក្នុងដែនជម្រកសត្វព្រៃស្រែពក ។អ្នកជំនាញ បានបញ្ជាក់ថា សត្វដំរីព្រៃមិនធ្វើបាបមនុស្សទេ ប្រសិនបើមនុស្សមិនប៉ះពាល់វា ក្នុងករណីមនុស្សទៅបាញ់វា ឬព្យាយាមធ្វើបាបពួកវា សត្វដំរីទាំងនោះនឹងតបត ។ ហើយហ្វូងរបស់សត្វដំរីនីមួយៗនៅដែនជម្រកសត្វព្រៃកែវសីមា ក៏មានឃើញកូនរបស់ពួកវាធ្វើដំណើរជាមួយផងដែរ បង្ហាញឲ្យឃើញថា មានកំណើនសត្វដំរី ឬក៏មិនមានការថយចុះទេ ឆ្នាំមុនដំរីព្រៃក៏បានចេញមកបង្កាត់ពូជជាមួយដំរីញីរបស់អ្នកស្រុកផងដែរ ៕អ៊ិត ភីរុណ

សាខាកាកបាទក្រហមខេត្តតាកែវ នាំយកអំណោយសម្ដេចកិត្តិព្រឹទ្ធបណ្ឌិត ចែកជូនអាជីវករផ្សារត្រាំកក់

តាកែវ ៖ អភិបាលខេត្តតាកែវ និងជាប្រធានសាខាកាកបាទក្រហមកម្ពុជាខេត្ត ឯកឧត្តម អ៊ូច ភា បាននាំយកអំណោយសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទៅចែកជូនដល់ក្រុមអាជីវករផ្សារត្រាំកក់ ដែលរងគ្រោះដោយសារអគ្គិភ័យឆាបឆេះ តូបអស់ទាំងស្រុង កាលពីពេលកន្លងទៅថ្មីៗនេះ។ក្នុងឱកាសចុះចែកអំណោយដល់ក្រុមអាជីវករផ្សារត្រាំកក់ នៅព្រឹកថ្ងៃទី៧ ខែឧសភា នេះ ឯកឧត្តម អ៊ូច ភា អភិបាលខេត្ត និងជាប្រធានសាខាកាកបាទក្រហមកម្ពុជាខេត្ត មានប្រសាសន៍ដោយបានពាំនាំនូវបណ្តាំសាកសួរ សុខទុក្ខពីសំណាក់សម្តេចកិត្ដិព្រឹទ្ធិបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មកជម្រាបជូនក្រុមអាជីវករដោយក្តីនឹករំលឹក និងចូលរួមសោកស្ដាយចំពោះហេតុការណ៍អគ្គិភ័យ ដែលបានឆាប់ឆេះផ្សារត្រាំកក់នេះ ដែលធ្វើឱ្យខូចខាតសម្ភារលក់ដូរអស់មួយចំនួនធំ ហើយគ្រាន់តែទទួលបានព័ត៌មាននេះភ្លាម សម្ដេចកិត្តិព្រឹទ្ធបណ្ឌិត បានណែនាំឲ្យមន្ត្រីសាខាកាកបាទក្រហមខេត្តតាកែវ នាំយកអំណោយទៅចែកជូនភ្លាមៗ ដើម្បីជាការជួយសម្រាលទុក្ខបានមួយគ្រា។ឯកឧត្តម បន្តថា ទីណាមានទុក្ខលំបាក ទីនោះតែងតែមានមុខអាជ្ញាធរជាពិសេសមន្ត្រីកាកបាទក្រហម ចុះជួយបងប្អូនគ្រប់ពេលវេលាវេលា ហើយការចុះជួយនេះ គឺមិនគិតពីជាតិសាសន៍ ពណ៌សម្បុរ ឬនិន្នាការនយោបាយអ្វីទាំងអស់។ឯកឧត្តម អ៊ូច ភា ឆ្លៀតឱកាសនេះ បានធ្វើការណែនាំដល់អាជីវរកទាំងអស់ កុំភ្លេចថែរក្សាសុខភាព ជាពិសេស ៣កុំ ៣កាពារ ដោយធ្វើយ៉ាងណាចៀសវាងឱ្យបាននូវការឆ្លងជំងឺកូវីដ-១៩ នៅក្នុងសហគមន៍ ដោយត្រូវតែពាក់ម៉ាស់ លាងដៃនឹងសាប៊ូ ឬអាល់កុល និងត្រូវរក្សាគម្លាតពីគ្នា ដែលបើធ្វើដូច្នេះបានវានឹងជួយទប់ស្កាត់ការឆ្លងរីករាលដាលជំងឺកូវីដ១៩ ជាក់ជាពុំខាន៕អត្ថបទ៖ គុជ វិភាគ

ខេត្តកណ្តាល ចាប់ផ្តើមដំណើរការចាក់វ៉ាក់សាំងកូវីសែលដូសទី២ ជូនពលរដ្ឋវ័យចាប់ពី៦០ឆ្នាំឡើងទៅ

កណ្ដាល ៖ គ្រប់មន្ទីរពេទ្យបង្អែកទាំងអស់ នៅខេត្តកណ្តាល នៅថ្ងៃទី៧ ខែឧសភានេះ បានចាប់ផ្តើមទទួលការចាក់វ៉ាក់សាំងកូវីសែល ដែលទទួលអាជ្ញាប័ណ្ណផលិតដោយក្រុមហ៊ុន AstraZeneca សំរាប់ដូសទី២ ដល់មនុស្សចាស់វ័យលើស៦០ឆ្នាំ ។បើតាមវេជ្ជបណ្ឌិត លី មករា ប្រធានមន្ទីរពេទ្យបង្អែកជ័យជំនះ នៅក្នុងក្រុងតាខ្មៅខេត្តកណ្តាល បានថ្លែងប្រាប់ BTV នៅថ្ងៃទី៧ ខែឧសភានេះថា សម្រាប់មន្ទីរពេទ្យជ័យជំនះ នៅថ្ងៃនេះដែរ គឺបានដំណើរការចាក់វ៉ាក់សាំងប្រឆាំងកូវីដ-១៩ ទាំងបីប្រភេទក្នុងនោះ មានវ៉ាក់សាំងស៊ីណូហ្វាម ស៊ីណូវ៉ាក់សាំង និងវ៉ាក់សាំងកូវីសែល ដែលក្រុមគ្រូពេទ្យកំពុងចាប់ផ្តើមចាក់ចាប់ពីថ្ងៃនេះតទៅ។លោក លី មករា បន្តថា សម្រាប់វ៉ាក់សាំងប្រភេទស៊ីណូហ្វាម និងស៊ីណូវ៉ាក់យើងទទួលចាក់លើពលរដ្ឋទូទៅ ដែលមានវ័យចាប់ពី១៨ឆ្នាំឡើងទៅ ។ ដោយឡែកសម្រាប់វ៉ាក់សាំងកូវីសែលវិញ គឺយើងទទួលចាក់ជូនតែដូសទី២ ជូនចំពោះពលរដ្ឋវ័យចាប់ពី៦០ឆ្នាំឡើង ដែលបានមកចាក់ដូសទី១នៅក្នុងមន្ទីរពេទ្យជ័យជំនះនេះ ចន្លោះពី៨ទៅ១២សប្តាហ៍ ហើយយើងមិនអាចទទួលចាក់អ្នកមកពីចំងាយនោះទេ។សម្រាប់ពលរដ្ឋដែលបានអញ្ជើញចាក់វ៉ាក់សាំងកូវីសែលដូសទី២នេះ បានមើលឃើញថា បច្ចុប្បន្នរាជរដ្ឋាភិបាល បាននិងកំពុងស្វះស្វែងរកវ៉ាក់សាំងប្រឆាំងកូវីដ១៩ និងបានរៀបចំផែនការចាក់ច្បាស់លាស់ ដើម្បីចាក់ជូនពលរដ្ឋខ្មែរ អោយបានគ្រប់ៗគ្នា ហើយគេរំពឹងថា នៅថ្ងៃខាងមុខនេះ បើពលរដ្ឋខ្មែរ បានទទួលចាក់វ៉ាក់សាំងប្រឆាំងកូវីដ-១៩នេះទាំងអស់គ្នា នឹងធ្វើអោយគ្មានពលរដ្ឋណាឆ្លងកើតជំងឺកូវីដ១៩នេះ។បើតាមឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងថា គិតមកដល់ពេលនេះ មានមន្ត្រីរាជការ កងកម្លាំងនគរបាល មន្ត្រីកិច្ចសន្យា ដែលបំរើការងារជួរមុខប្រឆាំងកូវីដ១៩ និងបណ្តាអាជីវករអ្នកប្រកបរបរសេដ្ឋកិច្ចក្នុងប្រព័ន្ធ និងក្រៅប្រព័ន្ធ មនុស្សចាស់ ព្រះសង្ឃ និងពលរដ្ឋអាទិភាពនានាទៀត បានចាក់វ៉ាក់សាំងប្រឆាំងកូវីដ-១៩ សរុបបានប្រមាណជាង ១០ម៉ឺននាក់ ហើយបច្ចុប្បន្ន រដ្ឋបាលខេត្តក៏កំពុងបានរៀបចំផែនការចាក់ជូនពលរដ្ឋទូទៅចាប់ពីវ័យ១៨ឆ្នាំឡើងទៅអោយបានលើមនុស្សជាង៨០ម៉ឺននាក់នៅទូទាំងខេត្តកណ្តាល នៅពេលដែលរាជរដ្ឋាភិបាលទំលាក់វ៉ាក់សាំងនោះមកអោយខេត្តកណ្តាល៕អត្ថបទ ៖ ស៊ុម សុខជា

មនី្ទរពេទ្យកុមារជាតិ ចាក់វ៉ាក់សាំងកូវីដ-១៩ ដូសទី២ ទាំង៣ប្រភេទ ជូនឥស្សរជន និងប្រជាពលរដ្ឋ

ភ្នំពេញ ៖ មនី្ទរពេទ្យកុមារជាតិ នាព្រឹកថ្ងៃទី៧ ឧសភា ២០២១នេះ បានចាក់វ៉ាក់សាំងបង្ការជំងឺកូវីដ-១៩ ដូសទី២ ទាំង៣ប្រភេទ គឺកូវីសែល(ទទួលអាជ្ញាប័ណ្ណផលិតពីក្រុមហ៊ុន AstraZeneca) ស៊ីណូហ្វាម និងស៊ីណូវ៉ាក់ ជូនឥស្សរជន និងប្រជាពលរដ្ឋ។លោកសាស្ត្រាចារ្យ វេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ បានលើកឡើងថា ថ្ងៃនេះមនី្ទរពេទ្យកុមារជាតិ ក៏ដូចជាមនី្ទរពេទ្យផ្សេងទៀត បានចូលរួមជាមួយរាជរដ្ឋាភិបាល ក្នុងការបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី២។ ហើយវ៉ាក់សាំងកូវីសែល សម្រាប់ចាក់វ៉ាក់សាំងលើមនុស្ស អាយុ៦០ឆ្នាំឡើងទៅ។ ក្នុងនោះ អ្នកដែលបានចាក់វ៉ាក់សាំងកូវីសែល ដូសទី១ បានចំនួនជាង៦០០០នាក់ ទន្ទឹមនឹងនោះមនី្ទរពេទ្យកុមារជាតិ បានចាប់ផ្តើមចាក់វ៉ាក់សាំងកូវីសែល កាលពីថ្ងៃទី៦ ខែមីនា ឆ្នាំ២០២១ ដូច្នេះអ្នកដែលដល់ថ្ងៃកំណត់ត្រូវចាក់វ៉ាក់សាំង សូមអញ្ជើញមកចាក់វ៉ាក់សាំង ព្រោះវ៉ាក់សាំងកូវីសែល មានចំនួនកំណត់ ព្រោះថា មនី្ទរពេទ្យពិបាកក្នុងការចាក់វ៉ាក់សាំងជូនបងប្អូន ដែលបានចាក់វ៉ាក់សាំងនៅទីតាំងផ្សេង ហើយមកទទួលការចាក់វ៉ាក់សាំងខុសទីតាំង គឺធ្វើឲ្យការគ្រប់គ្រងវ៉ាក់សាំង និងការផ្តល់ឲ្យនេះ អត់បានគ្រប់គ្រាន់ទាំងអស់គ្នានោះទេ។ ដូច្នេះ តម្រូវឲ្យទៅចាក់វ៉ាក់សាំងនៅតាមទីតាំង ដែលអ្នកចាក់វ៉ាក់សាំងពីមុនមក ដើម្បីឲ្យទទួលបានការចាក់វ៉ាក់សាំងបានគ្រប់គ្នា។ជាមួយគ្នានោះដែរ ប្រជាពលរដ្ឋ មកទទួលការចាក់វ៉ាក់សាំងបង្ការជំងឺកូវីដ១៩ នៅក្នុងមនី្ទរពេទ្យកុមារជាតិ បានលើកឡើងស្រដៀងគ្នាថា គាត់បានមកចាក់វ៉ាក់សាំងកូវីសែល ដូសទី២តាមការកំណត់ ដើម្បីការពារសុខភាព និងកុំឲ្យឆ្លងជំងឺកូវីដ១៩ ក៏សូមថ្លែងអំណរគុណដល់ប្រមុខរាជរដ្ឋាភិបាល ក្រសួងសុខាភិបាល និងលោកគ្រូពេទ្យ អ្នកគ្រូពេទ្យ បានខិតខំយ៉ាងសស្រាក់សស្រាំចាក់វ៉ាក់សាំងកូវីដ-១៩ ជូនគាត់ និងប្រជាពលរដ្ឋទាំងអស់។ឋិតក្នុងស្ថានភាពដ៏លំបាកនេះ លោកសាស្ត្រាចារ្យ វេជ្ជបណ្ឌិត ញឹប អង្គាបុស្ស បានបញ្ជាក់ទៀតថា បងប្អូនប្រជាពលរដ្ឋបានដឹងទាំងអស់គ្នាហើយថា ក្នុងព្រឹត្តិការណ៍សហគមន៍ ២០ កុម្ភៈ មានប្រជាពលរដ្ឋជាង១ម៉ឺននាក់ ដែលបានឆ្លងជំងឺកូវីដ១៩ ហើយសព្វថ្ងៃចំនួននៃការឆ្លងនេះ នៅមានចំនួន៣ខ្ទង់នៅឡើយ ក្នុងនោះរាជរដ្ឋាភិបាលបានចេញវិធានការបិទខ្ទប់ និងបើកឡើងវិញកាលពីថ្ងៃទី៦ ខែឧសភា ឆ្នាំ២០២១ផងដែរ ប៉ុន្តែថែរក្សា និងចែកចេញជាតំបន់លឿង តំបន់លឿងទុំ និងតំបន់ក្រហមមួយចំនួន ដើម្បីបិទខ្ទប់ និងកាត់ផ្តាច់ការចម្លង។ ជាពិសេសបើទោះបីបងប្អូនប្រជាពលរដ្ឋ បានចាក់វ៉ាក់សាំងកូវីដ១៩ ហើយកី្ត និងមិនទាន់បានចាក់វ៉ាក់សាំងកូវីដ១៩ហើយកី្ត គឺវិធានការ៣កុំ ៣ការពារ និង២ចូលរួម ជាវិធីសាស្ត្រមួយដ៏សំខាន់ ដែលបុគ្គលគ្រប់រូបអាចធ្វើបានគ្រប់គ្នា ដែលជាវីធីសាស្ត្រ កំពុងប្រើប្រាស់នៅទូទាំងសកលលោក អាចទប់ស្កាត់ ការពារ ការចម្លងមេរោគកូវីដ១៩យ៉ាងមានប្រសិទ្ធភាព៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

នគរបាលវៀតណាមផ្តល់សម្ភារៈ និងថវិកាមួយចំនួនសម្រាប់ប្រយុទ្ធប្រឆាំងកូវីដ១៩ ដល់នគរបាលកម្ពុជា

រដ្ឋបាលរាជធានីភ្នំពេញ កំពុងពិចារណាបង្រួមតំបន់ក្រហមពីកម្រិតភូមិទៅតាមខ្នងផ្ទះនីមួយៗនៃភូមិ

ឯកឧត្តម ហ៊ុន ម៉ាណែត ទទួលអំណោយម៉ាស់សុខាភិបាល ពីសមាគមចំនួនបី សម្រាប់ទប់ស្កាត់ជំងឺកូវីដ-១៩

ហ្វូងដំរីព្រៃជាច្រើនក្បាល តែងចេញមកស៊ីចំណីនៅស្រុកកែវសីមា

សាខាកាកបាទក្រហមខេត្តតាកែវ នាំយកអំណោយសម្ដេចកិត្តិព្រឹទ្ធបណ្ឌិត ចែកជូនអាជីវករផ្សារត្រាំកក់

ខេត្តកណ្តាល ចាប់ផ្តើមដំណើរការចាក់វ៉ាក់សាំងកូវីសែលដូសទី២ ជូនពលរដ្ឋវ័យចាប់ពី៦០ឆ្នាំឡើងទៅ

មនី្ទរពេទ្យកុមារជាតិ ចាក់វ៉ាក់សាំងកូវីដ-១៩ ដូសទី២ ទាំង៣ប្រភេទ ជូនឥស្សរជន និងប្រជាពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្តម ​ហ៊ុន ម៉ា​ណែ​ត ទទួល​អំណោយម៉ាស់​សុខាភិបាល ​ពី​សមាគម​​ចំនួន​បី​ សម្រាប់​ទប់ស្កាត់​ជំងឺ​កូ​វីដ​-១៩

ហ្វូង​ដំរីព្រៃ​ជាច្រើន​ក្បាល​ តែង​ចេញ​មក​ស៊ី​ចំណី​នៅ​ស្រុក​កែវ​សីមា​

សាខា​កាកបាទក្រហម​ខេត្តតាកែវ​ នាំ​យក​អំណោយ​សម្ដេច​កិត្តិព្រឹទ្ធបណ្ឌិត ​ចែក​ជូន​អាជីវករ​ផ្សារ​ត្រាំកក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ឯកឧត្តម ហ៊ុន ម៉ាណែត ទទួលអំណោយម៉ាស់សុខាភិបាល ពីសមាគមចំនួនបី សម្រាប់ទប់ស្កាត់ជំងឺកូវីដ-១៩

ហ្វូងដំរីព្រៃជាច្រើនក្បាល តែងចេញមកស៊ីចំណីនៅស្រុកកែវសីមា

សាខាកាកបាទក្រហមខេត្តតាកែវ នាំយកអំណោយសម្ដេចកិត្តិព្រឹទ្ធបណ្ឌិត ចែកជូនអាជីវករផ្សារត្រាំកក់