BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

សម្ដេចធិបតី ហ៊ុន ម៉ាណែត តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដកខ្លួនឯកតោភាគីពី MoU 2001

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

នយោបាយ និង ការអភិវឌ្ឍន៍

កងពលតូចលេខ៧០ ចាប់ផ្តើមចាក់វ៉ាក់សាំងការពារជំងឺកូវីដ-១៩ ដូសទី២ ជូនគ្រួសារយោធិន

ភ្នំពេញ ៖ នៅព្រឹកថ្ងៃទី២២ ខែមេសា ឆ្នាំ២០២១ កងពលតូចលេខ៧០ បានចាប់ផ្តើមចាក់វ៉ាក់សាំងការពារជំងឺកូវីដ-១៩ (ស៊ីណូហ្វាម)ដូសទី២ ជូនគ្រួសារយោធិននៅតាមបណ្តាខណ្ឌនៅក្នុងរាជធានីភ្នំពេញ។ក្នុងឱកាសនោះ ឃើញមានវត្ដមាន ឧត្តមសេនីយ៍ឯក ម៉ៅ សុផាន់ មេបញ្ជាការកងពលតូចលេខ៧០ បានអញ្ជើញចុះត្រួតពិនិត្យទីតាំងចាក់វ៉ាក់សាំងការពារជំងឺកូវីត-១៩ នៅតាមបណ្តាខណ្ឌ ដូចជា ៖១,ទីបញ្ជាការកងពលតូចលេខ៧០(ចោមចៅ) ២,ខណ្ឌចំការមន សាលាបឋមសិក្សាអ្នកឧកញ៉ាមហាភក្តី ហ៊ុន នាង ទួលទំពួងទី២ ៣, ខណ្ឌ៧មករា សាលាបឋមសិក្សាវឌ្ឍនវិជ្ជា ៤, ខណ្ឌទួលគោក សាលាមត្តេយ្យទួលគោក ៥, ខណ្ឌបឹងកេងកង វិទ្យាល័យជាស៊ីមបឹងកេងកង ៦, ខណ្ឌឬស្សីកែវ សាលបឋមសិក្សាច្រាំងចម្រេះ និង៧, ខណ្ឌមានជ័យ សាលាអន្តរជាតិ ACE ផ្លូវជាតិលេខ២ ។សូមជម្រាបថា ការចាក់ថ្នាំការពារជំងឺកូវីដ-១៩(ដូសទី២) ជូនគ្រួសារយោធិននេះ ចាប់ពីថ្ងៃទី២២ រហូតដល់ថ្ងៃទី២៨ ខែមេសា ឆ្នាំ២០២១ ។ ការចាក់វ៉ាក់សាំងការពារជំងឺកូវីដ-១៩ ទាំង ០៧ទីតាំងខាងលើនេះ ក្នុងគ្រា ដែល ប្រទេស កម្ពុជាបានបិទខ្ទប់ ភូមិសាស្រ្តរាជធានីភ្នំពេញ និងខេត្តកណ្តាល៕

អ្នកនាំពាក្យសាលារាជធានី បញ្ជាក់ថា ផ្សារចំនួន១៥ហើយ ត្រូវបានផ្អាកដំណើរការជាបណ្ដោះអាសន្នរហូតដល់ថ្ងៃនេះ

ភ្នំពេញ៖ អ្នកនាំពាក្យសាលារាជធានីភ្នំពេញ លោក ម៉េត មាសភក្ដី បានឱ្យដឹងថា រហូតមកដល់ថ្ងៃនេះ ផ្សារចំនួន ១៥ហើយនៅទូទាំងរាជធានីភ្នំពេញ ត្រូវបានបិទជាបន្តបន្ទាប់ ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩។អ្នកនាំពាក្យសាលារាជធានីភ្នំពេញរូបនេះ បានបញ្ជាក់ដូច្នេះនៅលើហ្វេសប៊ុករបស់លោកនៅរសៀលថ្ងៃនេះ។បើតាមលោក ម៉េត មាសភក្ដី ផ្សារទាំង ១៥នោះ ត្រូវបានបិទផ្អាកដំណើរការជាបណ្ដោះអាសន្នជាបន្តបន្ទាប់នៅក្នុងភូមិសាស្ត្ររាជធានីអំឡុងពេលអនុវត្តវិធានការបិទខ្ទប់ភូមិសាស្ត្រមួយនេះ។ការផ្អាកជាបណ្ដោះអាសន្ននូវដំណើរការផ្សារទាំងអស់នេះ បានកើតឡើងបន្ទាប់ពីការឆ្លងរីករាលដាលនៃមេរោគកូវីដ១៩ បានផ្ទុះឡើងខ្លាំងនៅរាជធានីភ្នំពេញក្នុងរយៈពេលប៉ុន្មានសប្ដាហ៍ចុងក្រោយមកនេះ៕

អាជ្ញាធរស្រុកគិរីសាគរ ហាមប្រាមដល់អ្នកនេសាទ១៤នាក់ ឡើងលើគោកដាច់ខាត

កោះកុង ៖ អាជ្ញាធរ មន្រ្តីសុខាភិបាល និងកម្លាំងសមត្ថកិច្ចស្រុកគិរីសាគរ ខេត្តកោះកុង បានហាមប្រាមដាច់ខាតចំពោះក្រុមអ្នកនេសាទចំនួន១៤នាក់ ឡើងលើភូមិកោះស្តេច គ្រាពួកគេត្រូវបានដាក់ការសង្ស័យទើបតែមកពីប្រទេសថៃ។ទូកចំនួន២គ្រឿង និងអ្នកនេសាទចំនួន១៤នាក់ កំពុងដាក់សង្ស័យថា ពួកគេបានធ្វើដំណើរតាមព្រំដែនផ្លូវទឹកមកពីប្រទេសថៃ កាលពីម៉ោង៧ព្រឹកថ្ងៃទី២១ មេសានេះ ទោះបីជាជាពលរដ្ឋរស់នៅក្នុងភូមិស្តេចកោះក៏ដោយ ប៉ុន្តែអាជ្ញាធរសមត្ថកិច្ចតម្រូវអនុវត្តសុខាភិបាលទប់ស្កាត់ជំងឺកូវីដឆ្លងចូលសហគមន៍។លោក ចេង មុនីរិទ្ធិ អភិបាលស្រុកគិរីសាគរ បានឱ្យដឹងនៅរសៀលថ្ងៃទី២២ ខែមេសា ២០២១ នេះថា មកទល់ម៉ោងនេះ អាជ្ញាធររបស់លោកដឹកនាំដោយលោក ទួន ឪទី អភិបាលរងស្រុកបញ្ជាប្រាប់ពួកគេចតទូកមុខកោះស្តេចបណ្តោះអាសន្ន មិនឱ្យចូលចំណតកំពុងផែឡើងលើគោកដាច់ខាត។ ពោលគឺរង់ចាំថ្ងៃស្អែក មានក្រុមការងារខេត្តចុះមកយកសំណាកធ្វើតេស្តរកវីរុសកូវីឌ១៩៕

អាជ្ញាធរជាតិអប្សរា សហការជាមួយប្រទេសអាល្លឺម៉ង់ ជួសជុល និងអភិរក្សក្បាច់ចម្លាក់នៅកំពូលប្រាសាទអង្គរវត្ត

សៀមរាប ៖ អាជ្ញាធរជាតិអប្សរា ទទួលបន្ទុកដោយនាយកដ្ឋានអភិរក្សប្រាសាទក្រៅឧទ្យានអង្គរ និងបុរាណវិទ្យាបង្ការ ក្រោមកិច្ចសហប្រតិបត្តិការជាមួយស្ថាប័ន GARCP (German Apsara Restoration Conservation Project) ប្រទេសអាល្លឺម៉ង់ ជួសជុល អភិរក្សក្បាច់ចម្លាក់នៅជ្រុងខាងជើងឈៀងខាងកើត រួតទី២នៃកំពូលប្រាសាទអង្គរវត្ត និងសង្គ្រោះបន្ទាន់នូវផ្នែកមួយចំនួនទៀតរបស់ប្រាសាទនេះ។ការជួសជុលអភិរក្សក្បាច់ចម្លាក់នៅកំពូលប្រាសាទអង្គរវត្តនេះ បានចាប់ផ្តើមតាំងពីពាក់កណ្តាលឆ្នាំ២០១៩ មកដល់ពេលបច្ចប្បន្ន អនុវត្តបានប្រមាណ៤០ភាគរយ និងគ្រោងបញ្ចប់នៅពាក់កណ្ដាលឆ្នាំ២០២៣ខាងមុខ៕

មិត្តចិន ផ្ដល់វ៉ាក់សាំងការពារជំងឺអុតក្ដាមគោក្របីចំនួន១០ ម៉ឺនកម្រិត ដល់កម្ពុជា

ភ្នំពេញ ៖ ប្រទេសចិន កាលពីថ្ងៃទី២១ ខែមេសា ម្សិលមិញនេះ បានផ្ដល់វ៉ាក់សាំង អុតក្ដាមចំនួន 10 ម៉ឺនកម្រិតដល់កម្ពុជាដើម្បីការពារការឆ្លង រាលដាលនៃជម្ងឺអុតក្ដាមលើគោក្របីនៅកម្ពុជា ។វ៉ាក់សាំងនេះ បានដឹកជញ្ជូនតាមជើងយន្តហោះចេញពីអាកាសយាន្តដ្ឋានអន្តរជាតិឡានស៊ូ ស៊ុងចួន ប្រទេសចិនមកដល់អាកាសយានដ្ឋានអន្តរជាតិភ្នំពេញ នៅថ្ងៃដដែលនេះ យកមករក្សាទុកនៅអគ្គនាយកដ្ឋានសុខភាពសត្វ និងផលិតកម្មសត្វ។វ៉ាក់សាំងនេះ បានផលិតដោយក្រុមហ៊ុនចិនឈ្មោះក្រុមហ៊ុនបច្ចេកវិទ្យាកសិកម្មនិងបសុជីវវិទ្យា មានទីតាំងនៅឡានស៊ូ ចាប់ផ្ដើមផលិតវ៉ាក់សាំងនេះ ចាប់តាំងពីថ្ងៃទី១ ខែមីនា ឆ្នាំ ២០២១ មក។អាជ្ញាធរចិនបានធ្វើតេស្តនិងធានាអំពីប្រសិទ្ធភាព និងសុវត្ថិភាពរបស់វ៉ាក់សាំងនេះរួចហើយ។សូមបញ្ជាក់ផងដែរថា ការផ្ដល់វ៉ាក់សាំងអុតក្ដាមនេះ គឺផ្នែកមួយនៃកម្មវិធី ផ្ដល់វ៉ាក់សាំងជាជំនួយឥតសំណង របស់ភាគីមិត្តចិន ក្នុងបរិមាណសរុបមក 20 ម៉ឺនកម្រិត កាលពីថ្ងៃទី 12 ខែមករា ឆ្នាំ២០២១កន្លងមក កម្ពុជាបានទទួលវ៉ាក់សាំងសារទឹក សម្រាប់ចាក់ការពារជំងឺសារទឹកគោក្របី ចំនួន១០ម៉ឺនកម្រិតដែរ។លទ្ធផលខាងលើជាការឆ្លើយតប ទៅនឹងសំណើរសុំការគាំទ្រពីក្រសួងកសិកម្មរុក្ខាប្រមាញ់ និងនេសាទកម្ពុជា កាលពីខែធ្នូ ឆ្នាំ ២០២០ កន្លងមក។ ការគាំទ្ររបស់ភាគីមិត្ដចិន ឆ្លុះបញ្ចាំងអំពីមិត្តភាពនិងការគាំទ្រយូរអង្វែងរវាងកម្ពុជា និងប្រទេសចិន ដែលមានកន្លងមក និងឆ្ចុះបញ្ចាំងអំពីការយកចិត្តទុកដាក់របស់ឯកឧត្តម វេន សាខុន រដ្ឋមន្ដ្រីក្រសួងកសិកម្មរុក្ខាប្រមាញ់ និងនេសាទ ដែលតែងតែយកចិត្តទុកដាក់ប្រឹងប្រែង និងគាំទ្រ វិស័យចិញ្ចឹមសត្វ និងទប់ស្ដាត់ ការឆ្លងរាលដាលជំងឺសត្វកន្លងមក។ វ៉ាក់សាំងទាំងនេះ និងចូលរួមចំណែកក្នុងការកាត់បន្ថយការឆ្លងរាលដាលជំងឺសត្វគោក្របីរបស់កសិករ ជាពិសេសនៅក្នុងរដូវវស្សាខាងមុខនេះ ៕

ក្រសួងអប់រំ គ្រោងស្នើវ៉ាក់សាំងកូវីដ-១៩បន្ថែម ចាក់ជូនបុគ្គលិកអប់រំរដ្ឋ និងឯកជន ជំហានទី២

ភ្នំពេញ ៖ ឯកឧត្តម រស់ សុវាចា អ្នកនាំពាក្យក្រសួងអប់រំយុវជន និងកីឡា ថ្លែងតាមរយៈ BTV ព័ត៌មាន នាព្រឹកថ្ងៃទី២១ មេសា ២០២១នេះថា ក្រសួងអប់រំ គ្រោងស្នើសុំវ៉ាក់សាំងកូវីដ-១៩បន្ថែមពីគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងក្រសួងសុខាភិបាល សម្រាប់ចាក់វ៉ាក់សាំងកូវីដ-១៩ នៅជំហ៊ានទី២ ក្នុងបរិមាណប្រមាណ៥៥០០០នាក់ បន្ថែមទៀត ជូនបុគ្គលិកអប់រំ សាធារណៈ និងឯកជន។ឯកឧត្តម រស់ សុវាចា បន្តថា ក្រសួងអប់រំ យុវជន និងកីឡា បានចាប់ផ្តើមដំណើរការចាក់វ៉ាក់សាំងកូវីដ-១៩ ដូសលើកទី២ ជំហ៊ានទី១ ប្រភេទស៊ីណូវ៉ាក់ (Sinovac) ជូនដល់បុគ្គលិកអប់រំសាធារណៈ និងឯកជន ទៅតាមការគ្រោងទុក ដែលបានចាប់ផ្តើមពីថ្ងៃទី២០ ខែមេសា ឆ្នាំ២០២១។ ហើយសម្រាប់ការត្រៀមខ្លួន ទទួលការចាក់វ៉ាក់សាំងកូវីដ-១៩ ស៊ីណូវ៉ាក់ ជូនដល់បុគ្គលិកអប់រំសាធារណៈ និងឯកជននេះ គឺបានប្រព្រឹតិ្តទៅដោយមានការសហការពីគ្រប់ភាគីពាក់ព័ន្ធ ជាពិសេសក្រសួងសុខាភិបាល ខាងក្រុមការងារគ្រូពេទ្យស.ស.យ.ក ក្រុមគ្រូពេទ្យធីតា ក៏ដូចជាអាជ្ញាធរមូលដ្ឋាន ហើយនិងគណៈគ្រប់គ្រងមនី្ទរអប់រំ យុវជន និងកីឡា ក៏ដូចជាគណៈគ្រប់គ្រងនៅតាមគ្រឹះស្ថានសិក្សា។ ដោយឡែកនៅទីតាំងរាជធានីភ្នំពេញ មានទីតាំងចាក់វ៉ាក់សាំងកូវីដ-១៩ ចំនួន១៥មណ្ឌល ដើម្បីផ្តល់សេវាជាបន្តទៀតជូនបុគ្គលិកអប់រំសាធារណៈ និងឯកជន ហើយនៅកម្រិតទូទាំងប្រទេស ក៏មានការរៀបចំនៅតាម២៥ខេត្ត-រាជធានី ដើម្បីផ្តល់ជូនការចាក់វ៉ាក់សាំងកូវីដ-១៩ ដូសលើកទី២ ជូនទៅដល់បុគ្គលិកអប់រំរដ្ឋ និងឯកជនផងដែរ។ជាចុងក្រោយឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា បានអំពាវនាវបុគ្គលិកអប់រំ លោកគ្រូ អ្នកគ្រូ ដែលបានទទួលការចាក់វ៉ាក់សាំងកូវីដ-១៩ ដូសលើកទី១រួចហើយ នៅក្នុងជំហ៊ានទី១នេះ សូមបន្តរួសរាន់មកទទួលការចាក់វ៉ាក់សាំងកូវីដ-១៩ ដូសលើកទី២ នៅក្នុងជំហ៊ានទី១ នៅតាមបណ្តាខណ្ឌដែលខ្លួនរស់នៅ ដោយមិនអនុញ្ញាតឲ្យឆ្លងខណ្ឌនោះទេ៕អត្ថបទ រដ្ឋា

ឯកឧត្តម ហ៊ុន ម៉ាណែត អំពាវនាវឲ្យគោរពគោលការណ៍បិទខ្ទប់រយៈពេលខ្លី ដើម្បីឈានដល់ការបញ្ចប់ជំងឺកូវីដ១៩ ឲ្យបានឆាប់រហ័ស

ភ្នំពេញ ៖ ឯកឧត្តម ហ៊ុន ម៉ាណែត បានអំពាវនាវជាថ្មី ដល់ពលរដ្ឋនោទូទាំងប្រទេស ឲ្យចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល ក៏ដូចជាការទៅទទួលការចាក់វ៉ាក់សាំងការពារជំងឺកូវីដ១៩ និងការគោរពគោលការណ៍អនុវត្តក្នុងការបិទខ្ទប់មួយរយៈពេលខ្លី ដើម្បីរួមគ្នាទប់ស្កាត់ការរីករាលដាល និងឈានដល់ការបញ្ចប់ជំងឺកូវីដ១៩ ឲ្យបានឆាប់រហ័ស។តាមរយៈបណ្តាញសង្គមហ្វេសប៊ុក ឯកឧត្តម ហ៊ុន ម៉ាណែត ប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នៅថ្ងៃទី២១ ខែមេសា ឆ្នាំ២០២១នេះ បានកូសបញ្ជាក់ថា បន្ទាប់ពីបញ្ចប់ការរៀបចំមណ្ឌលព្យាបាលកូវីដ១៩ កម្រិតស្រាលនៅកោះពេជ្រជំហានទី២ ដែលបង្កើនចំនួនគ្រែសម្រាប់ព្យាបាលអ្នកជំងឺកូវីដ១៩ នៅមណ្ឌលកោះពេជ្រដល់ប្រមាណជិត២៦០០គ្រែ ក្រុមការងារបានបន្តទៅរៀបចំមណ្ឌលព្យាបាលជំងឺកូវីដ១៩ មួយកន្លែងទៀតនៅក្នុងខណ្ឌដង្កោ ដើម្បីត្រៀមទទួលព្យាបាលអ្នកជំងឺកូវីដ១៩ ក្នុងករណីមានតម្រូវការចាំបាច់។ ឯកឧត្តម បានមានប្រសាសន៍ទៀតថា រូបលោកផ្ទាល់ និងក្រុមការងារសង្ឃឹមថា ការឆ្លងនិងរីករាលដាលនៃជំងឺកូវីដ១៩ នឹងត្រូវបញ្ចប់នៅក្នុងពេលឆាប់គ្រប់មុខ ហើយទីតាំងដែលយើងរៀបចំទាំងនេះ នឹងមិនមានតម្រូវការប្រើប្រាស់នោះទេ។ ប៉ុន្តែទោះជាយ៉ាងណា ក៏យើងនឹងខិតខំប្រឹងប្រែងរៀបចំមណ្ឌលព្យាបាលជំងឺកូវីដ១៩ ទាំងនេះ ឲ្យបានឆាប់រហ័ស និងបានល្អ ក្នុងករណីមានតម្រូវការចាំបាច់ក្នុងការទទួលព្យាបាលបងប្អូនប្រជាពលរដ្ឋដែលឆ្លងជំងឺកូវីដ១៩។បន្ថែមបីលើនេះ ឯកឧត្តម ហ៊ុន ម៉ាណែត ក៏បានអំពាវនាវឲ្យបងប្អូនប្រជាពលរដ្ឋទាំងអស់ ចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល (៣កុំ ៣ ការពារ) ក៏ដូចជាក្នុងការទទួលចាក់វ៉ាក់សាំងការពារជំងឺកូវីដ១៩ និងការគោរពគោលការណ៍អនុវត្តន៍ក្នុងការបិទខ្ទប់មួយរយៈពេលខ្លី ដើម្បីយើងរួមគ្នាទប់ស្កាត់ការរីករាលដាល និងឈានដល់ការបញ្ចប់ជំងឺកូវីដ១៩ នៅក្នុងប្រទេសរបស់យើងបានឆាប់រហ័ស៕

រដ្ឋបាលខណ្ឌទួលគោក ផ្អាកដំណើរការផ្សារដេប៉ូ ជាបណ្តោះអាសន្ន រយៈពេល១៤ថ្ងៃ

ភ្នំពេញ ៖ រដ្ឋបាលខណ្ឌទួលគោក សូមជម្រាបជូនដំណឹងដល់បងប្អូនប្រជាពលរដ្ឋ និងសាធារណជន ពិសេសអាជីវករទាំងអស់ឲ្យបានជ្រាបថា អាស្រ័យដោយស្ថានភាពនៃការរីករាលដាលជំងឺកូវីដ-១៩ ក្នុងរយៈពេល ប៉ុន្មានថ្ងៃចុងក្រោយនេះ មានអាជីវករ និងប្រជាពលរដ្ឋ បានឆ្លងកូវីដ-១៩ ក្នុង ព្រឹត្តិការណ៍សហគមន៍២០ កុម្ភៈ ឆ្នាំ២០២១ ដែលស្ថានភាពនេះ បានឆ្លងរាលដាលយ៉ាងឆាប់រហ័ស គួរឲ្យព្រួយបារម្ភ និងចាំបាច់ត្រូវមានវិធានការ សុខាភិបាល ដើម្បីទប់ស្កាត់ជាបន្ទាន់។រដ្ឋបាលខណ្ឌទួលគោក សូមផ្អាកដំណើរការ ជាបណ្តោះអាសន្ននូវមូលដ្ឋានផ្សារដេប៉ូ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ សម្រាប់រយៈពេល១៤ថ្ងៃ ចាប់ពីម៉ោងសូន្យនាទី ថ្ងៃទី២១ ខែមេសា ឆ្នាំ២០២១ រហូតដល់ថ្ងៃទី០៥ ខែឧសភា ឆ្នាំ២០២១ ដើម្បីបង្ការ និងទប់ស្កាត់ការឆ្លងរាលដាលកូវីដ-១៩ ទៅដល់បងប្អូនអាជីវក អតិថិជន ក៏ដូចជាប្រជាពលរដ្ឋ ដែលចេញចូល ក្នុងទីតាំងផ្សារខាងលើ។អាជ្ញាធរខណ្ឌទួលគោក សូមអំពាវនាវដល់បងប្អូនអាជីវករ សន្តិសុខ បុគ្គលិក កម្មករ បម្រើ ការងារក្នុងផ្សារ និងក្រុមគ្រួសារអាជីវករពាក់ព័ន្ធ ព្រមទាំងប្រជាពលរដ្ឋដែលបានចេញចូលផ្សារខាងលើ គិតចាប់ពីថ្ងៃ ទី០៧ ខែមេសា ឆ្នាំ២០២១ ដល់ថ្ងៃទី១៤ ខែមេសា ឆ្នាំ២០២១. បើមានអាការៈក្តៅខ្លួន ក្អក ពិបាកដកដង្ហើម ហើយ មានការសង្ស័យថាឆ្លងវិរុសកូវីដ-១៩. សូមអញ្ជើញមកយកសំណាកតេស្តរកមេរោគកូវីដ១៩ ជាបន្ទាន់ បរិវេណ ទីរួមផ្សារដេប៉ូ ស្ថិតក្នុងសង្កាត់ផ្សារដេប៉ូទី១ ព្រមទាំងអនុវត្តន៍វិធានការចត្តាឡីស័ក ស្របតាមការណែនាំរបស់ក្រសួង សុខាភិបាល ឲ្យបានត្រឹមត្រូវបំផុត។រដ្ឋបាលខណ្ឌទួលគោកសង្ឃឹមជឿជាក់ថា បងប្អូនប្រជាពលរដ្ឋ ពិសេសអាជីវករទាំងអស់ ដែលកំពុងប្រកប អាជីវកម្មក្នុងមូលដ្ឋានផ្សារដេប៉ូ មានការយោគយល់ និងចូលរួមអនុវត្តន៍សេចក្តីជូនដំណឹងនេះ ឲ្យមានប្រសិទ្ធភាព៕

អាជ្ញាធខេត្តតាកែវ សម្រេចបិតខ្ទប់ភូមិមួយ នៅក្នុងស្រុកបាទី បន្ទាប់ពីរកឃើញអ្នកឆ្លងជំងឺកូវីដ១៩ចំនួន៤នាក់

តាកែវ ¶៖ អាជ្ញាធខេត្តតាកែវ នៅព្រឹកថ្ងៃទី ២១ ខែ មេសា ឆ្នាំ៣០២១នេះ បានចេញលិខិតមួយដោយសម្រេចបិទខ្ទប់ភូមិសាស្រ្ត ភូមិជ្រោងស្ដៅ ឃុំក្រាំងធ្នង់ ស្រុកបាទី ជាបណ្ដោះអាសន្ន រហូតដល់មានសេចក្ដីសម្រេចសារជាថ្មី ដើម្បីចូលរួមបង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩។ បើយោងតាមលិខិតរបស់រដ្ឋបាលខេត្តតាកែវ ដែលចុះហត្ថលេខាដោយលោក អ៊ូច ភា អភិបាលខេត្តតាកែវ បានសម្រេចបិតខ្ទប់ភូមិជ្រោងស្ដៅ ឃុំក្រាំងធ្នង់ ស្រុកបាទី គឺបន្ទាប់ពីមន្រ្តីជំនាញសុខាភិបាលបានរកឃើញអ្នកឆ្លងជំងឺកូវីដ១៩ចំនួន៤នាក់ នៅក្នុងភូមិខាងលើកាលពីម្សិលមិញនេះ។

អាជ្ញាធរខេត្តបាត់ដំបង សម្រេចបិទមិនឲ្យឆ្លងកាត់ចេញ-ចូល រយៈពេល៨ថ្ងៃ ដើម្បីទប់ស្កាត់ការឆ្លងកូវីដ១៩

បាត់ដំបង ៖ នៅថ្ងៃទី២០ ខែមេសា នេះ រដ្ឋបាលខេត្តបាត់ដំបង បានសម្រេចបិទ និងហាមឃាត់ការធ្វើដំណើរឆ្លងកាត់ ចេញ-ចូល ជាបណ្តោះអាសន្ន រយៈពេល៨ថ្ងៃ គឺចាប់ពីថ្ងៃទី២០ ដល់ថ្ងៃទី២៨ ខែមេសា ឆ្នាំ២០២១នេះ ដើម្បីបង្ការ និងទប់ស្កាត់ការរីកដាលដាលនូវមេរោគកូវីដ១៩ ប៉ុន្តែចំពោះការដឹកជញ្ជូន ទំនិញគ្រប់ប្រភេទត្រូវបានដំណើរការជាធម្មតា និងករណីមួយចាំបាច់មួយចំនួនទៀតជាដើម។យោងតាមលិខិតមួយរបស់រដ្ឋបាលខេត្តបាត់ដំបង ដែលបានផ្ញើជូនដល់កងកម្លាំងប្រដាប់អាវុធទាំងបីប្រភេទ និងរដ្ឋបាលស្រុកទាំង១៤ នៃខេត្តនេះ បានឲ្យដឹងថា ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ ស្របតាមការណែនាំរបស់រាជរដ្ឋាភិបាលកម្ពុជា សូមធ្វើការបិទការធ្វើដំណើរជាបណ្តោះអាសន្ន រយៈពេល៨ថ្ងៃ ដោយចាប់ពីថ្ងៃជូនដំណឹងនេះតទៅ ហើយប្រសិនបើបុគ្គលណាបំពាននូវបំរាម ហាមឃាត់នេះ ត្រូវចាត់វិធានការជាធរមានផងដែរ។ លិខិតដដែលបានបញ្ជាក់បន្ថែមទៀតថា«ចំពោះវិធានការរដ្ឋបាល ក្នុងការហាមឃាត់ការធ្វើដំណើរឆ្លងកាត់ ចេញ-ចូលនេះ ត្រូវយកចិត្តទុកដាក់ខ្ពស់ចំពោះបុគ្គលល្មើស ដែលប្រើប្រាស់មធ្យោបាយផ្សេងៗ ធ្វើដំណើរតាមផ្លូវជនបទ ផ្លូវលំនានាតាមភូមិ ឃុំ ស្រុក ដើម្បីបង្វែងដានអាជ្ញាធរសមត្ថកិច្ច ហើយទៅសំងំខ្លួននៅក្នុងសហគមន៍ ភូមិ ឃុំ និងសង្កាត់ ដែលអាចនាំមកនូវការរីករាលដាលជំងឺកូវីដ១៩»។ ប៉ុន្តែទោះបីជាយ៉ាងណាក៏ដោយ ការហាមឃាត់ការធ្វើដំណើរនេះ ត្រូវបានលើកលែងផងដែរ ដូចជាការដឹកជញ្ជួនទំនិញគ្រប់ប្រភេទទាំងផ្លូវគោក ទឹក និងអាកាស.ការធ្វើដំណើររបស់មន្រ្តីរាជកាសាធារណៈទាំងថ្នាក់ជាតិ និងថ្នាក់ក្រោមជាតិ សំដៅបំពេញការងារប្រចាំថ្ងៃ ដោយត្រូវបង្ហាញដល់កងកម្លាំងមានសមត្ថកិច្ច ត្រួតពិនិត្យប័ណ្ណសម្គាល់ខ្លួន ឯកសារបេសកកម្ម និងឯកសារពាក់ព័ន្ធផ្សេងៗទៀត។ ចំពោះការធ្វើដំណើររបស់កងកម្លាំងប្រដាប់អាវុធគ្រប់ប្រភេទ ក្នុងគោលដៅបំពេញភារកិច្ចរបស់ខ្លួន ដោយរួមទាំងការដឹកជញ្ជួនពលករ ដែលធ្វើដំណើរវិលត្រឡប់ពីក្រៅប្រទេស ចូលក្នុងកម្ពុជាទៅកាន់ស្រុកកំណើតក្នុងគោលបំណងដើម្បីធ្វើច័ត្តាឡីស័ក រថយន្តសង្រ្គោះបន្ទាន់របស់មន្ទីរពេទ្យរដ្ឋ និងឯកជន រថយន្តពន្លត់អគ្គិភ័យ និងរថយន្តបម្រើសេវាកម្មដឹកជញ្ជួនសំរាម និងកាកសំណល់ក៏ត្រូវបានលើកលែងផងដែរ។ ជាមួយគ្នានោះដែរ រដ្ឋបាលខេត្តបាត់ដំបង ក៏បានបញ្ជាក់ដល់អាជ្ញាធរគ្រប់លំដាប់ថ្នាក់ទាំងអស់ឲ្យមានការលើកលែង ការដឹកជញ្ជួនកម្មករទៅកាន់ទីកន្លែងការងារនៅតាមរោងចក្រ-សហគ្រាស ដែលត្រូវមានប័ណ្ណអនុញ្ញាត ចេញដោយក្រសួងការងារ និងបណ្តុះបណ្តាលវិជ្ជាជីវៈ ឬមន្ទីរការងារ និងបណ្តុះបណ្តាលវិជ្ជាជីវៈ។ ការធ្វើដំណើររបស់ប្រជាពលរដ្ឋទៅកាន់មន្ទីរពេទ្យ ឬមណ្ឌលសុខភាព ដែលនៅជិតបំផុតដើម្បីទទួលបាននូវសេវាសុខភាពចាំបាច់ និងបន្ទាន់ ដោយកំណត់ចំនួនមនុស្សមិនឲ្យលើសពី៤នាក់ សម្រាប់ករណីនីមួយៗនោះឡើយ ហើយនិងការធ្វើដំណើរដោយមូលហេតុចាំបាច់ផ្សេងទៀតដោយមានការអនុញ្ញាតពីអាជ្ញាធរមានសមត្ថកិច្ចជាដើមនោះ៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន អញ្ជើញសំណេះសំណាល និងនាំយកអំណោយសម្តេចតេជោ ចែកជូនគ្រួសារអតីតយុទ្ធជន ២៥គ្រួសារ នៅខេត្តស្វាយរៀង

ក្រុមការងារចុះមូលដ្ឋានស្រុកចន្ទ្រាប្រជុំដាក់ផែនការឆ្ពោះទៅកាន់ការបោះឆ្នោតក្រុមប្រឹក្សាឃុំ-សង្កាត់

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

កងពលតូចលេខ៧០ ចាប់ផ្តើមចាក់វ៉ាក់សាំងការពារជំងឺកូវីដ-១៩ ដូសទី២ ជូនគ្រួសារយោធិន

អ្នកនាំពាក្យសាលារាជធានី បញ្ជាក់ថា ផ្សារចំនួន១៥ហើយ ត្រូវបានផ្អាកដំណើរការជាបណ្ដោះអាសន្នរហូតដល់ថ្ងៃនេះ

អាជ្ញាធរស្រុកគិរីសាគរ ហាមប្រាមដល់អ្នកនេសាទ១៤នាក់ ឡើងលើគោកដាច់ខាត

អាជ្ញាធរជាតិអប្សរា សហការជាមួយប្រទេសអាល្លឺម៉ង់ ជួសជុល និងអភិរក្សក្បាច់ចម្លាក់នៅកំពូលប្រាសាទអង្គរវត្ត

មិត្តចិន ផ្ដល់វ៉ាក់សាំងការពារជំងឺអុតក្ដាមគោក្របីចំនួន១០ ម៉ឺនកម្រិត ដល់កម្ពុជា

ក្រសួងអប់រំ គ្រោងស្នើវ៉ាក់សាំងកូវីដ-១៩បន្ថែម ចាក់ជូនបុគ្គលិកអប់រំរដ្ឋ និងឯកជន ជំហានទី២

រដ្ឋបាលខណ្ឌទួលគោក ផ្អាកដំណើរការផ្សារដេប៉ូ ជាបណ្តោះអាសន្ន រយៈពេល១៤ថ្ងៃ

អាជ្ញាធខេត្តតាកែវ សម្រេចបិតខ្ទប់ភូមិមួយ នៅក្នុងស្រុកបាទី បន្ទាប់ពីរកឃើញអ្នកឆ្លងជំងឺកូវីដ១៩ចំនួន៤នាក់

អាជ្ញាធរខេត្តបាត់ដំបង សម្រេចបិទមិនឲ្យឆ្លងកាត់ចេញ-ចូល រយៈពេល៨ថ្ងៃ ដើម្បីទប់ស្កាត់ការឆ្លងកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កងពលតូចលេខ៧០ ចាប់ផ្តើមចាក់វ៉ាក់សាំងការពារជំងឺកូវីដ-១៩ ដូសទី២ ជូនគ្រួសារយោធិន

អាជ្ញាធរស្រុកគិរីសាគរ ហាមប្រាមដល់អ្នកនេសាទ១៤នាក់ ឡើងលើគោកដាច់ខាត

មិត្តចិន​ ផ្ដល់​វ៉ាក់សាំង​ការពារជំងឺអុតក្ដាមគោក្របីចំនួន​១០​ ម៉ឺនកម្រិត​ ដល់កម្ពុជា

ក្រសួងអប់រំ គ្រោងស្នើវ៉ាក់សាំងកូវីដ-១៩បន្ថែម ចាក់ជូនបុគ្គលិកអប់រំរដ្ឋ និងឯកជន ជំហានទី២

រដ្ឋបាលខណ្ឌទួលគោក ផ្អាកដំណើរការផ្សារដេប៉ូ ជាបណ្តោះអាសន្ន រយៈពេល១៤ថ្ងៃ

អាជ្ញាធខេត្តតាកែវ សម្រេចបិតខ្ទប់ភូមិមួយ នៅក្នុងស្រុកបាទី បន្ទាប់ពីរកឃើញអ្នកឆ្លងជំងឺកូវីដ១៩ចំនួន៤នាក់

អាជ្ញាធរខេត្តបាត់ដំបង សម្រេចបិទមិនឲ្យឆ្លងកាត់ចេញ-ចូល រយៈពេល៨ថ្ងៃ ដើម្បីទប់ស្កាត់ការឆ្លងកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

មិត្តចិន ផ្ដល់វ៉ាក់សាំងការពារជំងឺអុតក្ដាមគោក្របីចំនួន១០ ម៉ឺនកម្រិត ដល់កម្ពុជា