BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

សម្ដេចធិបតី ហ៊ុន ម៉ាណែត តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដកខ្លួនឯកតោភាគីពី MoU 2001

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

នយោបាយ និង ការអភិវឌ្ឍន៍

ឯកឧត្ដម ណុប រ័ត្ននិមល៖ ទីណាមានការលំបាកទីនោះតែងមានវត្តមានសម្ដេចតេជោ និងសម្ដេចកិត្តិព្រឹទ្ធបណ្ឌិត

ភ្នំពេញ៖ ឯកឧត្ដម ណុប រ័ត្ននិមល ប្រធានក្រុមការងារយុវជនគណបក្សខុទ្ទកាល័យសម្ដេចតេជោ ហ៊ុន សែន មានប្រសាសន៍ថា ទីណាមានការលំបាកទីនោះតែងតែមានវត្តមានសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត នៅជាប់ជាមួយប្រជាពលរដ្ឋ មិនរត់ចោលប្រជាពលរដ្ឋនៅដោះស្រាយបញ្ហារួមសុខទុក្ខ ជាមួយប្រជាពលរដ្ឋគ្រប់កាលៈទេសៈ។ការថ្លែងបែបនេះរបស់ឯកឧត្ដម ខណៈអញ្ជើញចុះសាកសួរសុខទុក្ខ និងនាំយកអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ចែកជូនប្រជាពលរដ្ឋដែលបានរងផលប៉ះពាល់ ដោយសារទឹកជំនន់កន្លងមកនៅក្នុងឃុំរកា និងឃុំរលាំងកែនស្រុកកណ្ដាលស្ទឹង ខេត្តកណ្ដាលនៅព្រឹកថ្ងៃទី៣០ ខែតុលានេះចំនួន ៣០០គ្រួសារ ដោយក្នុង ១គ្រួសារទទួលបានអង្ករ គ្រឿងឧបភោគបរិភោគ និងថវិកា ៣ម៉ឺនរៀល និងបានឧបត្ថម្ភថវិកាជូនសាលាស្រុក និងសមត្ថកិច្ចផងដែរ។ ឯកឧត្ដម ណុប រ័ត្ននិមល បានបន្តថា ជាក់ស្ដែងនៅក្នុងអំឡុងពេលមានទឹកជំនន់កន្លងមកថ្មីៗ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញបញ្ជាបន្ទាន់ដល់អាជ្ញាធរពាក់ព័ន្ធគ្រប់លំដាប់ថ្នាក់ ចុះជួយអន្តរាគមន៍សង្គ្រោះជម្លៀសប្រជាពលរដ្ឋ ទៅកាន់ទីទួលសុវត្ថិភាព និងផ្ដល់អំណោយសង្គ្រោះទៅកាន់គោលដៅរងគ្រោះទឹកជំនន់ មិនទុកឱ្យប្រជាពលរដ្ឋណាម្នាក់អត់អាហារ ដោយអាជ្ញាធរមិនបានដឹងនោះទេ។សម្ដេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា បានបញ្ជូនកម្លាំងសមាជិកតាមសាខាកាកបាទក្រហម និងអំណោយសង្គ្រោះបន្ទាន់ចែកជូនប្រជាពលរដ្ឋ ដែលរងគ្រោះទឹកជំនន់បានទាន់ពេលវេលាក្នុងនោះដែរ ឯកឧត្ដម ហ៊ុន ម៉ាណែត បានបញ្ជាឱ្យក្រុមការងារ និងកងទ័ពចុះគ្រប់ទីកន្លែង ដើម្បីជួយសង្គ្រោះមនុស្សស្ត្រីមានផ្ទៃពោះ សម្ភារៈកូនចៅប្រជាពលរដ្ឋជាបន្ទាន់ នៅតំបន់ប្រឈមគ្រោះថ្នាក់ទឹកហូរខ្លាំង ដោយមិនគិតពីពេលវេលាយប់ថ្ងៃសោះឡើយ ធ្វើយ៉ាងណាជម្លៀសប្រជាពលរដ្ឋឱ្យផុតពីមុខទឹកជំនន់ និងមានសុវត្ថិភាព។ ជាពិ សេសព្រះមហាក្សត្រនៃព្រះរាជាណាចក្រកម្ពុជា ក៏បានចាត់មន្ត្រីនាំយកអំណោយចុះចែកប្រជាពលរដ្ឋផងដែរ។ បច្ចុប្បន្នប្រមុខរាជរដ្ឋាភិបាលបានខិតខំទប់ស្កាត់ការចម្លង និងការរីករាលដាលជំងឺកូវីដ១៩ បានល្អមិនឱ្យប្រជាពលរដ្ឋណាម្នាក់ស្លាប់ដោយជំងឺកូវីដ១៩ ជាមោទនភាពរបស់ប្រទេសយើង បើប្រៀបធៀបជាមួយប្រទេសដទៃមានអ្នកឆ្លង និងស្លាប់ដោយសារជំងឺកូវីដ១៩ នេះច្រើនណាស់។ឯកឧត្ដមបានលើកឡើងថា សម្ដេចតេជោ ហ៊ុន សែន ជាមេដឹកនាំដ៏ក្លាហានឈ្លាសវៃ ការពារប្រជាពលរដ្ឋដឹកនាំប្រទេសបានល្អ ដឹងសុខទុក្ខប្រជាពលរដ្ឋមានការអភិវឌ្ឍគ្រប់វិស័យ កសាងប្រទេសជាតិពីបាតដៃទទេ។ សម្ដេច និងវីរបុរសជាច្រើនបានបូជាសាច់ស្រស់ឈាមស្រស់ ដើម្បីប្ដូរយកសន្តិភាពជូនជាតិ និងប្រជាជន។ ឯកឧត្ដមបានអំពាវនាវ សូមបងប្អូនប្រជាពលរដ្ឋចូលរួមការពារថែរក្សាសន្តិភាពបន្ត នូវការជឿជាក់លើការដឹកនាំរបស់សម្ដេចតេជោ ហ៊ុន សែន និងបន្តការគាំទ្របេក្ខភាពសម្ដេចតេជោ ហ៊ុន សែន ជានាយករដ្ឋមន្ត្រីគ្រប់អាណត្តិជាបន្តបន្ទាប់៕

អ្នកឆ្លងជំងឺ COVID-19 កើនឡើងជាង ១លាននាក់នៅប្រទេសកូឡុំប៊ី

កូឡុំប៊ី៖ ប្រទេសកូឡុំប៊ីមានករណីឆ្លងជំងឺ COVID-19 ជាង ១លាននាក់កាលពីចុងសប្ដាហ៍មុន ហើយបានក្លាយជាប្រទេសទី៣ នៅអាមេរិកឡាទីនដែលមានអ្នកឆ្លងខ្ពស់ជាងគេបំផុត ចាប់តាំងពីជំងឺរាតត្បាតសកលបានផ្ទុះឡើង។ ប្រទេសប្រេស៊ីលមានករណីឆ្លងជំងឺនេះជាង ១លាននាក់កាលពីខែមិថុនា ហើយអាហ្សង់ទីនបានឆ្លងជំងឺនេះជាង ១លានករណីកាលពីថ្ងៃច័ន្ទ។ ប្រទេសប៉េរូ និងម៉ិចស៊ិកូត្រូវបានគេរំពឹងថា នឹងឈានដល់ចំណុចកំពូលនៅថ្ងៃខាងមុខ។ជារួមអាមេរិកឡាទីនមានករណីឆ្លងជំងឺនេះជាង ១០លាន ៩សែននាក់ និងជាង ៣៩៣.០០០នាក់បានស្លាប់គិតត្រឹមថ្ងៃច័ន្ទសប្ដាហ៍នេះ នេះបើយោងតាមទិន្នន័យពីសាកលវិទ្យាល័យចនហ៊បគីនស៍។ ក្រុមអាជ្ញាធរសុខាភិបាលកូឡុំប៊ីបាននិយាយថា ប្រទេសនេះបានរាយការណ៍ពីការឆ្លងជំងឺនេះចំនួន ១.០២៥.០៥២នាក់ចាប់តាំងពីករណីឆ្លងដំបូងត្រូវបានរកឃើញកាលពីថ្ងៃទី៦ ខែមីនា ហើយការស្លាប់បានកើនឡើងដល់ ៣០,៣៤៨នាក់។ ខណៈដែលមានអ្នកឆ្លងចំនួន ៥,៤៤០,៩០៣នាក់ ប្រទេសប្រេស៊ីលជាប់ចំណាត់ថ្នាក់ទី៣ នៅលើពិភពលោកដែលមានចំនួនអ្នកឆ្លងខ្ពស់ជាងគេបំផុត។ វាមានអ្នកស្លាប់ចំនួន ១៥៧,៩៨១នាក់។យោងតាមទិន្នន័យជាផ្លូវការបានឱ្យដឹងថា នៅប្រទេសវេណេហ្ស៊ុយអេឡាមានករណីឆ្លងជំងឺ COVID-19 ជាង ៩ម៉ឺនករណី និងស្លាប់ ៧៨០នាក់។ វីរុសនេះត្រូវបានគេសង្ស័យថា បានសម្លាប់មនុស្សប្រហែល ៨៩.០០០នាក់នៅក្នុងប្រទេសម៉ិកស៊ិក។ ម៉ិកស៊ិកមានចំនួនអ្នកស្លាប់ខ្ពស់ជាងបំផុតលំដាប់ទី៤ នៅលើពិភពលោកបន្ទាប់ពីសហរដ្ឋអាមេរិក ប្រេស៊ីល និងឥណ្ឌា៕អត្ថបទ៖ សុខមាន

ព្យុះទីហ្វុង Molave វាយប្រហារប្រទេសវៀតណាមសម្លាប់មនុស្ស ២៥នាក់ និងរាប់សិបនាក់បាត់ខ្លួន

វៀតណាម៖ រដ្ឋាភិបាលបាននិយាយថា ប្រទេសវៀតណាមបានបញ្ជូនទាហានរាប់រយនាក់ និងគ្រឿងចក្រធុនធ្ងន់នៅថ្ងៃព្រហស្បតិ៍នេះ ដើម្បីស្វែងរកអ្នកនៅរស់រានមានជីវិត បន្ទាប់ពីបំណាក់ដីដែលបង្កឡើងដោយសារភ្លៀងធ្លាក់ខ្លាំងបណ្ដាលមកពីព្យុះទីហ្វុង Molave ជាព្យុះមួយក្នុងចំណោមព្យុះទីហ្វុងមានឥទ្ធិពលខ្លាំងបំផុត នៅក្នុងតំបន់ក្នុងរយៈពេលប៉ុន្មានទសវត្សមកនេះ។រដ្ឋាភិបាលបាននិយាយថា បំណាក់ដីដែលបានវាយប្រហារតំបន់ដាច់ស្រយាល ក្នុងខេត្តក្វាងណាមភាគកណ្ដាលកាលពីមួយថ្ងៃមុនបានសម្លាប់មនុស្ស ២៥នាក់ និងបាត់ខ្លួនចំនួន ៥៣នាក់ ខណៈកិច្ចប្រឹងប្រែងជួយសង្គ្រោះត្រូវបានរារាំងដោយអាកាសធាតុអាប់អួ នៅពេលចុងក្រោយនៃឥទ្ធិពលរបស់ព្យុះនេះ។ ក្រុមអាជ្ញាធរបានជម្លៀសប្រជាជនប្រមាណ ៣៧៥.០០០នាក់ទៅកាន់ទីសុវត្ថិភាព ដោយបានលុបចោលជើងហោះហើររាប់រយ និងបិទសាលារៀន និងឆ្នេរដែលនៅចំពីមុខព្យុះ ដែលបណ្ដាលឱ្យមានបំណាក់ដីនៅភាគខាងត្បូងទីក្រុងដាណាង ដែលមានកម្លាំងខ្យល់រហូតដល់ ១៤៥គីឡូម៉ែត្រក្នុងមួយម៉ោង។លំនៅឋានជាង ៣១០,០០០ខ្នងត្រូវបានរងការបំផ្លិចបំផ្លាញ ឬខូចខាតដោយសារតែទឹកជំនន់ថ្មីៗ ដែលបង្ខំឲ្យមនុស្សជិត ១លាន ២សែននាក់ស្ថិតក្នុងគ្រោះថ្នាក់ និងត្រូវការជំនួយសង្គ្រោះបន្ទាន់៕អត្ថបទ៖ សុខមាន

សម្ដេចតេជោ បួងសួងថ្វាយព្រះពរព្រះមហាក្សត្រក្នុងឱកាសនៃព្រះរាជពិធីបុណ្យខួបយាងគ្រងរាជសម្បត្តិ

ភ្នំពេញ ៖ សម្ដេចតេជោ ហ៊ុន សែន បានបួងសួងថ្វាយព្រះពរព្រះ ករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសនៃព្រះរាជពិធីបុណ្យខួបលើកទី១៦ នៃការ យាងគ្រងព្រះបរមសិរីរាជសម្បត្តិ។សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅលើទំព័របណ្ដាញសង្គម ហ្វេសប៊ុក នៅថ្ងៃទី២៩ ខែតុលានេះ បានសរសេរថា ក្នុងព្រះរាជវរោកាសដ៏ឧត្ដុង្គឧត្ដមប្រសើរថ្លៃថ្លា នៃព្រះ រាជពិធីបុណ្យខួបលើកទី១៦ នៃការយាងគ្រងព្រះបរមសិរីរាជសម្បត្តិរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្ដេច និងភរិយា សូមព្រះ បរមរាជានុញ្ញាតធ្វើអភិវន្ទនកិច្ច ថ្វាយព្រះពរបវរមហាប្រសើរ និងសូមលើកហត្ថទាំងទ្វេ ប្រណមបួងសួង ដល់គុណបុណ្យព្រះរតនត្រ័យ វត្ថុស័ក្ដិសិទ្ធិទាំងឡាយក្នុងលោក មានទេវតារក្សាព្រះមហាស្វេតច្ឆត្រ ទេវតា ឆ្នាំថ្មី ព្រះបារមី ព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ និងដួងព្រះ វិញ្ញាណក្ខន្ធ ព្រះបរមរតនកោដ្ឋ សូមតាមបីបាច់ថែរក្សា ប្រោះព្រំសព្ទសាធុការពរ សិរីសួស្ដី ជ័យមង្គល វិបុលសុខ មហាប្រសើរថ្វាយព្រះករុណាជាអម្ចាស់ជីវិតលើត្បូង ទ្រង់មានព្រះរាជសុខភាពបរិបូរណ៍ ព្រះ រាជកាយពលវិបុលមាំមួន ព្រះបញ្ញាញាណឈ្លាសវៃ ព្រះជន្មាយុយឺនយូរ ដើម្បីគង់ ប្រថាប់ក្នុង ព្រះបរមសិរី រាជសម្បត្តិ ជាព្រះម្លប់ សម្រាប់អាណាប្រជារាស្ត្រខ្មែរគ្រប់ៗរូប។ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ត្រូវបានក្រុមប្រឹក្សារាជសម្បត្តិទាំង ៩អង្គ/នាក់ សម្រេចជ្រើសតាំងជាព្រះមហាក្សត្រថ្មី នៃព្រះរាជាណាចក្រកម្ពុជា បន្ទាប់ពីព្រះរាជបិតា សម្តេចព្រះបរមរតនកោដ្ឋ សម្ដេចព្រះ នរោត្តម សីហនុ បានប្រកាសដាក់រាជ្យសម្បត្តិ នៅថ្ងៃទី៧ ខែតុលា ឆ្នាំ២០០៤។ ក្នុងរយៈពេល១៦ឆ្នាំ នៃការគ្រងព្រះបរមសិរីរាជសម្បត្តិ ព្រះអង្គ បានយកព្រះទ័យទុកដាក់ ខ្ពស់ បំពេញព្រះរាជកិច្ចតាមរដ្ឋធម្មនុញ្ញ ក្នុងការបម្រើវិស័យសាសនា វិស័យមនុស្សធម៌ វិស័យអប់រំ សង្គម កិច្ច សុខុមាលភាព និងជីវភាពរស់នៅរបស់ប្រជារាស្ត្រ ទូទាំងប្រទេស ជាពិសេសនៅជនបទស្រែចម្ការ។ ព្រះអង្គ តែងតែចូលរួមចំណែកបរិច្ចាគថវិកាជួយសាងសង់អាគារមន្ទីរពេទ្យ សាលារៀន ប្រឡាយទឹក ។ល។ ដើម្បីជាប្រយោជន៍ក្នុងការរស់នៅរបស់ប្រជានុរាស្ត្រ ជាពិសេសតែងបានប្រទានថវិកាជារៀងរាល់ខែជួយ ទ្រទ្រង់ដល់សកម្មភាពកាកបាទក្រហមកម្ពុជា។ ព្រះអង្គ បានយកព្រះទ័យទុកដាក់យ៉ាងខ្លាំង ក្នុងទំនាក់ទំនងជាមួយបណ្ដាប្រទេសជាមិត្ត ដើម្បីពង្រីកទំនាក់ទំនង និងកិច្ចសហប្រតិបត្តិការ៕អត្ថបទ ៖ មុត សុទ្ធ

ចំនួនអ្នកស្លាប់ដោយសារព្យុះទីហ្វុង Molave នៅហ្វីលីពីនកើនឡើងដល់ ១៦នាក់

ហ្វីលីពីន៖ ក្រុមប្រឹក្សាកាត់បន្ថយ និងគ្រប់គ្រងគ្រោះមហន្តរាយជាតិហ្វីលីពីន (NDRRMC) បាននិយាយកាលពីថ្ងៃពុធថាខ្យល់ និងភ្លៀងយ៉ាងខ្លាំងដោយសារព្យុះទីហ្វុង Molave បានបណ្ដាលឱ្យមនុស្ស ១៦នាក់ស្លាប់, ២២នាក់រងរបួស ខណៈបាត់ខ្លួន ៤នាក់ និងខូចខាតយ៉ាងដំណំនៅប្រទេសហ្វីលីពីន។ក្រុមប្រឹក្សាកាត់បន្ថយ និងគ្រប់គ្រងគ្រោះមហន្តរាយជាតិខាងលើបាននិយាយថា មនុស្ស ២នាក់ក៏បានបាត់ខ្លួនផងដែរ បន្ទាប់ពីព្យុះបានបោកបក់លើប្រទេសហ្វីលីពីន កាលពីថ្ងៃអាទិត្យរហូតដល់ថ្ងៃអង្គារ ដោយបានបង្ខំឲ្យជម្លៀសប្រជាជនជិត ២១០.០០០នាក់នៅកោះលូហ្សុន និងភាគកណ្ដាលប្រទេសហ្វីលីពីន ដែលកំពុងជន់លិចភូមិឋានប្រជាពលរដ្ឋ មុនពេលបក់បោះពួយចេញពីប្រជុំកោះនេះ។ ទីភ្នាក់ងារនេះបាននិយាយនៅក្នុងរបាយការណ៍មួយថា ប្រជាជនដែលផ្លាស់ទីលំនៅជាង ៤៨.០០០នាក់កំពុងស្នាក់នៅក្នុងមជ្ឈមណ្ឌលជម្លៀសចំនួន ៧០៤កន្លែង។ ព្យុះនេះក៏បានធ្វើឱ្យខូចខាតផ្លូវយ៉ាងតិច ៩៣ខ្សែ និងស្ពានចំនួន ២០ នៅទូទាំងប្រទេស និងបណ្ដាលឲ្យខាតបង់ថវិកាប្រមាណ ៤៣០លានប៉េសូ (៨លាន ៩សែនដុល្លារអាមេរិក) ដោយសារតែការខូចខាតដល់វិស័យកសិកម្ម និងហេដ្ឋារចនាសម្ព័ន្ធ៕អត្ថបទ៖ សុខមាន

សម្ដេចតេជោអំពាវនាវដល់សមត្ថកិច្ចយកចិត្តទុកដាក់ខ្ពស់ថែរក្សាសន្តិសុខសណ្ដាប់ធ្នាប់ឲ្យបានល្អជូនប្រជាពលរដ្ឋក្នុងថ្ងៃឈប់សម្រាក

ភ្នំពេញ៖ តាមរយៈហ្វេសប៊ុកនៅព្រឹកថ្ងៃទី៣០ ខែតុលា ឆ្នាំ២០២០ សម្ដេចតេជោ ហ៊ុន សែន បានអំពាវដល់អាជ្ញាធរ និងសមត្ថកិច្ចគ្រប់ជាន់ថ្នាក់ យកចិត្តទុកដាក់ខ្ពស់ថែរក្សាសន្តិសុខសណ្ដាប់ធ្នាប់ឲ្យបានល្អ ដើម្បីឲ្យប្រជាពលរដ្ឋ និងទេសចរមានឱកាសសប្បាយរីករាយក្នុងថ្ងៃឈប់សម្រាកនេះ។សម្ដេចតេជោ ហ៊ុន សែន បានសរសេរយ៉ាងដូច្នេះថា «អបអរសាទរ និងសប្បាយរីករាយក្នុងថ្ងៃនៃព្រះរាជពិធីបុណ្យអុំទូកថ្ងៃទី១ ! ថ្ងៃនេះជាថ្ងៃដំបូង នៃព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុកឆ្នាំ២០២០។ ថ្វីត្បិតតែយើងមិនមានពិធីប្រណាំងទូកនៅទីក្រុងភ្នំពេញក៏ដោយ ក៏បងប្អូនប្រជាពលរដ្ឋអាចកម្សាន្តសប្បាយរីករាយនៅតាមបណ្ដាខេត្តនានា ទៅតាមទំនៀមទម្លាប់របស់ខ្មែរយើង។ ក៏ប៉ុន្តែទោះជាយ៉ាងណាក៏ដោយ បងប្អូនប្រជាពលរដ្ឋត្រូវតែមានការប្រុងប្រយ័ត្នជាប់ជានិច្ច ក៏ដូចជាបង្ការការពារការចម្លងជំងឺកូវីដ១៩ ដោយត្រូវអនុវត្តឲ្យបានខ្ជាប់ខ្ជួននូវការណែនាំរបស់ក្រសួងសុខាភិបាល។ សូមអាជ្ញាធរ និងសមត្ថកិច្ចគ្រប់ជាន់ថ្នាក់យកចិត្តទុកដាក់ខ្ពស់ ក្នុងការថែរក្សាសន្តិសុខសណ្ដាប់ធ្នាប់ឱ្យបានល្អ ដើម្បីអោយប្រជាពលរដ្ឋ និងទេសចរបរទេសមានឱកាសបានសប្បាយរីករាយ ក្នុងថ្ងៃឈប់សម្រាកក្នុងពិធីបុណ្យនេះនៅទូទាំងប្រទេស»៕

រដ្ឋមន្ត្រីធនធានទឹក ដឹកនាំមន្ត្រីជំនាញចុះពិនិត្យស្ថានភាពទឹក ជួសជុលប្រព័ន្ធធារាសាស្ត្រ និងបើកទ្វារទឹកបញ្ចូលអាង នៅខេត្តព្រៃវែង

សប្បុរសជនចំនួន ១០ទៀត បន្តផ្តល់ជំនួយដល់កាកបាទក្រហមកម្ពុជា

ភ្នំពេញ៖ ដោយមើលឃើញពីវិសាលភាព នៃជនរងគ្រោះដោយទឹកជំនន់ បានជន់លិចភូមិឋាន និងផលដំណាំ ក៏ដូចជាប៉ះពាល់ដល់ជីវភាពរស់នៅរបស់ប្រជាពលរដ្ឋស្ទើរតែគ្រប់បណ្តារាជធានីខេត្ត ក្នុងនោះ ឃើញថាមានសប្បុរសជនជាច្រើន បានផ្តល់ជំនួយមនុស្សធម៌ ដល់កាកបាទក្រហមកម្ពុជា ជាបន្តបន្ទាប់នៅទីស្នាក់ការកណ្តាល កាកបាទក្រហមកម្ពុជា។ជាក់ស្ដែងនៅព្រឹកថ្ងៃទី២៧ ខែតុលានេះ មានសប្បុរសជនចំនួន១០បន្ថែមទៀត បានផ្តល់នូវសម្ភារ ប្រើប្រាស់ផ្សេងៗ គ្រឿងឧបភោគបរិភោគ និងថវិកា ដល់កាកបាទក្រហមកម្ពុជា សម្រាប់បម្រើដល់សកម្មភាពមនុស្សធម៌ ជួយដល់ប្រជាពលរដ្ឋជួបការលំបាក ដោយគ្រោះធម្មជាតិ និងគ្រោះមហន្តរាយផ្សេងៗ ជាពិសេសក្នុងស្ថានភាព គ្រោះទឹកជំនន់រហ័សនាពេលបច្ចុប្បន្ននេះ ក្នុងនោះ សប្បុរសជនរួមមាន: ទី១ក្រុមហ៊ុន សុវណ្ណគីរី អំបិលម៉ដ្ឋ៦០០បាវស្មើនឹង១៥តោន មីខ្លាឃុំ១៥០កេស ត្រីខកំប៉ុង៤០កេសធំ, ទី២ លោក ចាន់ សុដារ៉ាត់ ថវិកា៣០០ ដុល្លារអាមេរិក, ទី៣ លោក ដារារិទ្ធ ម្ចាស់ហាងម៉ូតូ ដារារិទ្ធ មី៥០កេស ទឹកស៊ីវ ៣០យួរ, ទី៤សមាគម វាយនភណ្ឌ ចិននៅកម្ពុជា អង្ករ៣០តោន មី១ពាន់កេស សំលៀកបំពាក់កុមារ២០០ឈុត ម៉ាស់២ម៉ឺន សរុបស្មើនិងថវិកា២ម៉ឺនដុល្លារអាមេរិក,ទី៥ លោកស្រី តាំង ឈុយឡាង ប្រធានក្រុមហ៊ុន បេឡាហ្វាម៉ា ឯ.ក ជូននូវ បន្ទះត្រជាក់ BELLA COOLING PATCH ចំនួន២០០០ប្រអប់ ស្មើនឹង៨០០០បន្ទះ,ទី៦ លោក ភុំ ភិរម្យ ថវិកា៥លានរៀល អង្ករ៥តោន ភួយ៥០០, ទី៧ កញ្ញា វណ្ណ យុធា ប្រធានក្រុមហ៊ុន វី វី ស៊ី ធី ថវិកា១ពាន់ ដុល្លារអាមេរិក និងអង្ករ១តោន, ទី៨ក្រុមហ៊ុន អ អិម អេ ខេមបូឌា អង្ករ ២០តោន ទឹកត្រី១ពាន់យួរ ទឹកស៊ីអ៊ីវ១ពាន់យួរ, ទី៩ សភាពាណិជ្ជកម្មហ៊ូបេ ថវិកាចំនួន ១៣៣៥០ដុល្លារអាមេរិក ទី១០ ក្រុមហ៊ុន Golden Real estate ថវិកា៥លានរៀល អាវរងាចំនួន១៥០០អាវ។ នៅក្នុងឱកាសទទួលអំណោយមនុស្សធម៌ ពីសប្បុរសជនខាងលើ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានពាំនាំប្រសាសន៍សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាវជ្រៅ ចំពោះសប្បុរសជនទាំងអស់ដែល បានចូលរួមចែករំលែកនូវក្តីស្រឡាញ់មួយនេះ ជាមួយកាកបាទក្រហមកម្ពុជា ដែលនេះគឺជាមោទនភាពមួយ របស់សប្បុរសជនទាំងអស់ បានបង្ហាញពីកម្លាំងសាមគ្គីគ្នា ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាមានអាសន្ន ខ្មែរជួយខ្មែរ ខ្មែរកាន់តែរឹងមាំ។ និងសូមកោតសរសើរចំពោះសប្បុរសជនជាតិ និងអន្ដរជាតិ ដែលមានទឹកចិត្ដស្រឡាញ់គ្នា និងជួយដល់ពលរដ្ឋងាយរងគ្រោះនាពេលកន្លងៗមក ដោយមិន ប្រកាន់ពូជសាសន៍ ពណ៌សម្បុរ ឬនិន្នាការអ្វីឡើយ។ដូច្នេះ ដើម្បីជាការឆ្លើយតបទៅនិង ទឹកចិត្តរបស់សប្បុរសជន ដែលបានចូលរួម លោកជំទាវ បានអោយដឹងថា អំណោយទាំងអស់នេះ និងយកទៅប្រគល់ជូន ដល់ដៃប្រជាពលរដ្ឋក្នុងពេលឆាប់ៗនេះ ស្របពេលដែលពួកគាត់កំពុងតែជួបនៅគ្រោះអាសន្ន។សូមជម្រាបថា រហូតមកដល់ពេលនេះ កាកបាទក្រហមកម្ពុជា បានចែកអំណោយជូនពលរដ្ឋរងគ្រោះដោយសារទឹកជំនន់រហ័សបានចំនួនជាង២ម៉ឺនគ្រួសារហើយ ដោយរាប់ទាំង២៥សាខារាជធានី ខេត្ត ក្រុង។ ដែលអំណោយដ៏វិសេសវិសាលទាំងនេះ គឺបានមកពីសប្បុរសជនគ្រប់ទិសទី ចូលរួមជាមួយរាជរដ្ឋាភិបាលកម្ពុជា និងកាកបាទក្រហម ដើម្បីរួមសុខរួមទុក្ខ ជាមួយប្រជាពលរដ្ឋនៅពេលមានគ្រោះអាសន្ន៕

កងអាវុធហត្ថមួកខៀវ ៧៣រូប មកពីប្រទេសស៊ូដង់ខាងត្បូង បានយកសំណាកបញ្ជូនធ្វើចត្តាឡីស័ក

ភ្នំពេញ៖ កងអាវុធហត្ថលេខ៨៦១ ចំនួន៧៣នាក់ ក្នុងនោះ មាននារី ១២នាក់ ដែលបានបញ្ចប់ការងារបំពេញថែរក្សាសន្តិភាពនៅប្រទេសស៊ូដង់ខាងត្បូង នៅរសៀលថ្ងៃទី២៧ ខែតុលានេះ បានអញ្ជើញមាតុភូមិនិវត្តបានប្រទេសកម្ពុជាវិញអស់ហើយ។នៅក្នុងឱកាសអញ្ជើញមកដល់ចំណតអាកាសយានដ្ឋានអន្តរជាតិនេះដែរ កងកម្លាំងមួកខៀវទាំងនោះ ត្រូវបានក្រុមគ្រូពេទ្យ យកសំណាកពិនិត្យរកមេរោគ COVID-19 និងតម្រូវអោយធ្វើចត្តាឡីស័កស្នាក់នៅដាច់ដោយឡែកចំនួន១៤ថ្ងៃ នៅវិទ្យាស្ថានហ្វឹកហ្វឺកកងកម្លាំងរក្សាសន្តិភាពស្រុងឧត្តុង្គ ខេត្តកំពង់ស្ពឺ។សម្រាប់លទ្ធផល នៃការយកសំណាកពិនិត្យមេរោគ COVID-19 លើកងកម្លាំងអាវុធហត្ថបញ្ចប់បេសកកម្មរក្សាសន្តិភាពមកពីប្រទេសស៊ូដង់ខាងត្បូង នឹងដឹងលទ្ធផលពីវិទ្យាស្ថានប៉ាស្ទ័រកម្ពុជា នៅថ្ងៃស្អែកនេះ។បើតាមឧត្តមសេនីយឯក អោក សៀង អគ្គនាយករងមជ្ឈមណ្ឌលជាតិរក្សាសន្តិភាព ក្នុងឱកាសទទួលដំណើរកងមួកខៀវ បានថ្លែងអំណរគុណចំពោះកងអាវុធហត្ថលេខ៨៦១ ដែលបានខិតខំបំពេញបេសកកម្មថែរក្សាសន្តិភាពនៅប្រទេសស៊ូដង់ខាងត្បូងទទួលជោគជ័យ នាំកិត្តិយសជូនជាតិ និងទទួលបានការកោតសរសើរថ្នាក់ដឹកនាំ នៃអង្គការសហប្រជាជាតិ ខណៈដែលនៅក្នុងប្រទេសស៊ូដង់ខាងត្បូង បច្ចុប្បន្នកំពុងមានជម្លោះសង្គ្រាម ដោះស្រាយមិនទាន់ចប់។ទោះយ៉ាងណា ឯកឧត្តម អោក សៀង បានស្នើបណ្តាកងអាវុធហត្ថ បន្ទាប់ពីយកសំណាកនេះ គឺត្រូវទៅធ្វើចត្តាឡីស័កតាមវិធានសុខាភិបាល និងត្រូវខិតខំប្រឹងប្រែងអនុវត្តតាមការណែនាំបញ្ជាការធ្វើចត្តាឡីស័ក អោយត្រឹមត្រូវ ដើម្បីទប់ស្កាត់ការចំលងកូវីដតៗគ្នានៅក្នុងមណ្ឌលចត្តាឡីស័ក។សូមបញ្ជាក់ថា ការវិលត្រឡប់មកដល់មាតុភូមិកម្ពុជាវិញ នៃកងអនុសេនាធំរាជអាវុធហត្ថលេខ៨៦១នេះ គឺបានធ្វើឡើងបន្ទាប់ពីរាជរដ្ឋាភិបាល ក្រសួងការពារជាតិកម្ពុជា បានបញ្ជូនអាវុធហត្ថថ្មីលេខ១៨៦ ចំនួន ៧៣នាក់ ក្នុងនោះ មានស្ត្រីចំនួន ២៨នាក់ បានបញ្ជូនប្តូរវេនទៅដល់ប្រទេសស៊ូដង់ខាងត្បូង កាលពីយប់ថ្ងៃទី២៥ ខែតុលាកន្លងមកថ្មីៗនេះ។គិតចាប់តាំងពីឆ្នាំ២០០៦មក កម្ពុជាបានបញ្ជូនកម្លាំងជិត ៧,១២៣នាក់ ក្នុងនោះមានស្ត្រីចំនួនជិត៤០០នាក់ ទៅចូលរួមបេសកកម្មរបស់អង្គការសហប្រជាជាតិ។ រហូតដល់ពេលនេះ កម្ពុជាមានកងកម្លាំង៥កង សរុបចំនួន៧៨៧នាក់ កំពុងបំពេញបេសកកម្មរក្សាសន្តិភាព ក្រោមឆ័ត្ររបស់អង្គការសហប្រជាជាតិ ក្នុងនោះ មានប្រទេសលីបង់, ស៊ូដង់, ស៊ូដង់ខាងត្បូង, ម៉ាលី និងអាហ្វ្រិកកណ្តាល៕អត្ថបទ៖ ស៊ុម សុខជា

ការបើកសាលារៀនឡើងវិញ ក្នុងដំណាក់កាលទី៣ នឹងចាប់ផ្ដើមពីថ្ងៃទី២វិច្ឆិកាឆ្នាំ២០២០

ភ្នំពេញ៖ បន្ទាប់ពីការបើកសាលារៀនឡើងវិញ បានពីរដំណាក់កាលមកនេះ ក្រសួងអប់រំយុវជន និងកីឡា បានកំណត់ពេលវេលាជាក់លាក់ ដោយបើកដំណើរការសាលារៀនក្នុងដំណាក់កាលទី៣នឹងចាប់ផ្ដើមពីថ្ងៃ២ ខែវិច្ឆិការហូតដល់ដំណាច់ខែធ្នូ ឆ្នាំ២០២០។ ការសម្រេចបើកសាលារៀនក្នុងដំណាក់កាលទី៣នេះ ធ្វើឡើងក្រោមការឯកភាពនិងទទួលបានការអនុញ្ញាតពីប្រមុខរាជរដ្ឋាភិបាល។ក្រសួងអប់រំ នាថ្ងៃទី ២៧ ខែធ្នូ ឆ្នាំ ២០២០ នេះ បានបញ្ជាក់ថា ការបើកសាលារៀនឡើងវិញក្នុងដំណាក់កាលទី៣ សម្រាប់គ្រប់គ្រឹះស្ថានសិក្សាសាធារណៈ នឹងអាចចាប់ផ្ដើមចាប់ពីថ្ងៃទី ២ខែវិច្ឆិកា រហូតដល់ដំណាច់ខែធ្នូ ឆ្នាំ២០២០ខាងមុខនេះ។ ការបើកសាលារៀនជាថ្មីក្នុងដំណាក់កាលទី៣នេះ ក៏តម្រូវឱ្យគ្រប់សាលារៀននៅតែប្រកាន់ខ្ជាប់នូវ គោលការណ៍ប្រតិបត្តិស្តង់ដារ SOP ដែលក្រសួងបានដាក់ចេញនាពេលកន្លងផងដែរការបើកដំណើរការសាលារៀនឡើងវិញក្នុងដំណាក់កាលទី៣នេះ មានការបែងចែកចំនួនសិស្សក្នុងថ្នាក់រៀន និងចំនួនថ្ងៃសិក្សាផ្សេងគ្នាទៅតាមកម្រិតសិក្សា។ សម្រាប់គ្រឹះស្ថានមតេ្តយ្យសិក្សា និងសេវាអប់រំកុមារតូច អាចបើកការបង្រៀន និងរៀនរយៈពេល៥ថ្ងៃ ក្នុងមួយសប្ដាហ៍ ដោយកំណត់ចំនួនសិស្សមិនលើសពី ២៥នាក់ក្នុងមួយថ្នាក់។សម្រាប់កម្រិតបឋមសិក្សាវិញ ក្រសួងកំណត់ការបង្រៀននិងរៀន តែមុខវិជ្ជាគោលប៉ុណ្ណោះ គឺមុខវិជ្ជាភាសាខ្មែរ និងគណិតវិទ្យា ដោយសិក្សា ៥ម៉ោងក្នុងមួយថ្ងៃ និងសិក្សារយៈពេល ៣ថ្ងៃក្នុងមួយសប្ដាហ៍ និងកំណត់ចំនួនសិស្សមិនលើសពី ៣០នាក់ក្នុងមួយថ្នាក់ និងត្រូវបន្តការសិក្សាបែបចម្រុះ គឺសិក្សាក្នុងថ្នាក់រៀនខ្លះ និងសិក្សាតាមប្រព័ន្ធអនឡាញខ្លះ។ចំណែកឯគ្រឹះស្ថានមធ្យមសិក្សាវិញ ក្រសួងបានកំណត់ឱ្យសិស្សថ្នាក់ទី ៩ និងសិស្សថ្នាក់ទី ១២ គឺបន្តការសិក្សាដូចដំណាក់កាលទី ២ដដែល ហើយអនុញ្ញាតឱ្យសិស្សថ្នាក់ទី៧ ទី៨ ទី១០ និងទី១១ សិក្សាក្នុងរយៈពេល ៣ថ្ងៃក្នុងមួយសប្ដាហ៍ ដោយចំនួនសិស្សមិនត្រូវលើស ៣០នាក់ក្នុងមួយបន្ទប់ និងត្រូវអនុវត្តការសិក្សាបែបចម្រុះដដែល ដោយផ្តោតលើមុខវិជ្ជាសិក្សាយ៉ាងតិច ៦មុខវិជ្ជា។ការបើកសាលារៀនដំណាក់កាលទី៣នេះក៏អនុញ្ញាតឱ្យគ្រឹះស្ថានសាធារណៈអាចចាប់ផ្ដើមដំណើរការឡើងវិញសេវារថយន្តដឹកសិស្ស បណ្ណាល័យ សកម្មភាពអប់រំកាយ និងកីឡា សកម្មភាពសិល្បៈ សេវអាហារដ្ឋាន ដោយត្រូវប្រកាន់ខ្ជាប់នូវគោលការណ៍ប្រតិបត្តិស្តង់ដារ SOP ឱ្យបានខ្ជាប់ខ្ជួន៕អត្ថបទ៖ គឹមហុក

បណ្ដាញសង្គម

ព័ត៌មានថ្មីៗ

ភ្លើងឆេះព្រៃបានបំផ្លាញព្រៃឈើ ខណៈសីតុណ្ហភាពក្ដៅទូទាំងអឺរ៉ុបកើនឡើងជាថ្មីក្រោយសម្លាប់មនុស្សរាប់ពាន់នាក់

[UPDATE] ប្រធានាធិបតីស្ដីទីវ៉េណេស៊ុយអេឡា ការពារការឆ្លើយតបការរញ្ជួយដី ខណៈអ្នកស្លាប់កើនដល់ជាង ៣.០០០នាក់

សម្តេចតេជោ ហ៊ុន សែន ចុះជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តក្រចេះ

ក្រុមអាជីវករលក់ដូរជុំវិញផ្សារដើមគ យល់ព្រមទទួលយកគម្រោងកែលម្អ និងស្ថាបនាផ្លូវជុំវិញផ្សារ

កាកបាទក្រហមកម្ពុជាផ្តល់ផ្ទះ២ខ្នង ដល់គ្រួសារទីទ័លក្រនៅស្រុកបសេដ្ឋ ខេត្តកំពង់ស្ពឺ

រដ្ឋមន្ត្រីក្រសួងវប្បធម៌និង វិចិត្រសិល្បៈ បញ្ជាក់អំពីការប្តេជ្ញាចិត្តរបស់រាជរដ្ឋាភិបាលក្នុងកិច្ចការពារបូរណភាពទឹកដី និងសម្បត្តិវប្បធម៌នានាស្របតាមច្បាប់អន្តរជាតិ

សមត្ថកិច្ចចុះបង្ក្រាបទីតាំងសង្ស័យលួចលាក់ធ្វើសកម្មភាព Online Scam ឃាត់ខ្លួនជនបរទេសជាង ១៤០នាក់

មនុស្ស៩នាក់រងរបួសដោយសារភ្លើងឆេះព្រៃនៅក្នុងប្រទេសព័រទុយហ្គាល់

ប្រធានាធិបតីទួរគី ថ្លែងថា មិនត្រូវឲ្យអ៊ីស្រាអែលបំផ្លាញកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ ឡើយ

អ៊ីរ៉ង់ ផ្សព្វផ្សាយសារនៃការបន្ត និងការសងសឹកនៅក្នុងពិធីរំលឹកវិញ្ញាណក្ខន្ធលោក Khamenei

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្ដម ណុប រ័ត្ននិមល៖ ទីណាមានការលំបាកទីនោះតែងមានវត្តមានសម្ដេចតេជោ និងសម្ដេចកិត្តិព្រឹទ្ធបណ្ឌិត

អ្នកឆ្លងជំងឺ COVID-19 កើនឡើងជាង ១លាននាក់នៅប្រទេសកូឡុំប៊ី

ព្យុះទីហ្វុង Molave វាយប្រហារប្រទេសវៀតណាមសម្លាប់មនុស្ស ២៥នាក់ និងរាប់សិបនាក់បាត់ខ្លួន

សម្ដេចតេជោ បួងសួងថ្វាយព្រះពរព្រះមហាក្សត្រក្នុងឱកាសនៃព្រះរាជពិធីបុណ្យខួបយាងគ្រងរាជសម្បត្តិ

ចំនួនអ្នកស្លាប់ដោយសារព្យុះទីហ្វុង Molave នៅហ្វីលីពីនកើនឡើងដល់ ១៦នាក់

សប្បុរសជនចំនួន ១០ទៀត បន្តផ្តល់ជំនួយដល់កាកបាទក្រហមកម្ពុជា

កងអាវុធហត្ថមួកខៀវ ៧៣រូប មកពីប្រទេសស៊ូដង់ខាងត្បូង បានយកសំណាកបញ្ជូនធ្វើចត្តាឡីស័ក

ការបើកសាលារៀនឡើងវិញ ក្នុងដំណាក់កាលទី៣ នឹងចាប់ផ្ដើមពីថ្ងៃទី២វិច្ឆិកាឆ្នាំ២០២០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អ្នក​ឆ្លង​ជំងឺ COVID-19 កើន​ឡើង​ជាង ​១​លាន​នាក់​នៅ​ប្រទេស​​កូ​ឡុំ​ប៊ី

ព្យុះ​ទី​ហ្វុ​ង​ Molave ​វាយ​ប្រហារ​ប្រទេស​វៀតណាម​សម្លាប់​មនុស្ស​ ២៥​នាក់ ​និង​រាប់​សិប​នាក់​បាត់​ខ្លួន​

ចំនួន​អ្នក​ស្លាប់​ដោយសារ​ព្យុះ​ទី​ហ្វុ​ង ​Molave ​នៅ​ហ្វីលីពីន​កើន​ឡើង​ដល់ ១៦​នាក់​

សប្បុរសជន​ចំនួន ​១០​ទៀត បន្ត​ផ្តល់​ជំនួយ​ដល់​កាកបាទក្រហមកម្ពុជា​

កង​អាវុធហត្ថ​មួក​ខៀវ​ ៧៣​រូប​ មកពី​ប្រទេស​ស៊ូដង់​ខាងត្បូង បាន​យក​សំណាក​បញ្ជូន​ធ្វើ​ច​ត្តា​ឡី​ស័ក​

ការ​បើក​សាលារៀន​ឡើងវិញ ​ក្នុងដំណាក់កាល​ទី៣ ​នឹង​ចាប់ផ្ដើម​ពី​ថ្ងៃ​ទី​២​វិច្ឆិកា​ឆ្នាំ​២០២០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អ្នកឆ្លងជំងឺ COVID-19 កើនឡើងជាង ១លាននាក់នៅប្រទេសកូឡុំប៊ី

ព្យុះទីហ្វុង Molave វាយប្រហារប្រទេសវៀតណាមសម្លាប់មនុស្ស ២៥នាក់ និងរាប់សិបនាក់បាត់ខ្លួន

ចំនួនអ្នកស្លាប់ដោយសារព្យុះទីហ្វុង Molave នៅហ្វីលីពីនកើនឡើងដល់ ១៦នាក់

សប្បុរសជនចំនួន ១០ទៀត បន្តផ្តល់ជំនួយដល់កាកបាទក្រហមកម្ពុជា

កងអាវុធហត្ថមួកខៀវ ៧៣រូប មកពីប្រទេសស៊ូដង់ខាងត្បូង បានយកសំណាកបញ្ជូនធ្វើចត្តាឡីស័ក

ការបើកសាលារៀនឡើងវិញ ក្នុងដំណាក់កាលទី៣ នឹងចាប់ផ្ដើមពីថ្ងៃទី២វិច្ឆិកាឆ្នាំ២០២០