នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

លោក Xi ជួបប្រមុខការទូតរុស្ស៊ីលោក Lavrov ដើម្បីបង្ហាញការគាំទ្រប្រឆាំងលទ្ធិប្រជាធិបតេយ្យលោកខាងលិច

2024/04/10 08:55:30 am        83
Facebook Telegram Linkin
លោកប្រធានាធិបតីចិន Xi Jinping បានជួបរដ្ឋមន្ត្រីការបរទេសរុស្ស៊ីលោក ហ្សើហ្គេ ឡារ៉ូហ្វ (Sergey Lavrov) កាលពីថ្ងៃអង្គារជាសញ្ញានៃការគាំទ្រគ្នាទៅវិញទៅមក និងចែករំលែកការប្រឆាំងទៅនឹងលទ្ធិប្រជាធិបតេយ្យលោកខាងលិចស្របពេលសង្គ្រាម របស់រុស្ស៊ី នៅក្នុងប្រទេសអ៊ុយក្រែននៅតែបន្ត។ យោងតាមប្រព័ន្ធផ្សព្វផ្សាយរបស់ប្រទេសរុស្ស៊ី លោក Lavrov បានប្រាប់លោក Xi ថា យើងសូមសម្តែងការដឹងគុណ និងកោតសរសើរខ្ពស់បំផុតរបស់យើងចំពោះជោគជ័យដែលលោកប្រធានាធិបតីសម្រេចបានក្នុងរយៈពេលជាច្រើនឆ្នាំមកនេះ លើសពីនេះទៀតនោះ ក្នុងរយៈពេលមួយទសវត្សរ៍ចុងក្រោយនេះ ក្រោមការដឹកនាំរបស់លោក។យើងរីករាយដោយស្មោះចំពោះជោគជ័យទាំងនេះ ព្រោះទាំងនេះគឺជាជោគជ័យរបស់មិត្ត ទោះបីជាមិនមែនគ្រប់គ្នាក្នុងពិភពលោកចែករំលែកអាកប្បកិរិយានេះ និងកំពុងព្យាយាមគ្រប់មធ្យោបាយដែលអាចធ្វើទៅបានដើម្បីទប់ស្កាត់ការអភិវឌ្ឍន៍របស់ប្រទេសចិនក៏ដោយ តាមពិតទៅក៏ដូចជាការអភិវឌ្ឍន៍របស់រុស្ស៊ីដែរ។ ភាពឯកោផ្នែកសេដ្ឋកិច្ច និងការទូតដែលកំពុងកើនឡើងលើរុស្ស៊ី បានធ្វើឱ្យប្រទេសនេះពឹងផ្អែកកាន់តែខ្លាំងឡើងលើប្រទេសចិន ដែលជាអតីតគូប្រជែងរបស់ខ្លួនសម្រាប់ការដឹកនាំនៃប្លុកកុម្មុយនិស្តកំឡុងសង្គ្រាមត្រជាក់។ក្នុងទសវត្សរ៍កន្លងមក ប្រទេសទាំងពីរបានផ្សាភ្ជាប់យ៉ាងជិតស្និទ្ធនូវគោលនយោបាយការបរទេសរបស់ខ្លួន បានធ្វើសមយុទ្ធយោធារួមគ្នា និងស្វែងរកការប្រមូលផ្តុំរដ្ឋដែលមិនចូលបក្សសម្ព័ន្ធនៅក្នុងក្រុមដូច ជាអង្គការសហប្រតិបត្តិការសៀងហៃ។ប្រមុខការទូតរុស្ស៊ីរូបនេះ បានធ្វើសន្និសីទសារព័ត៌មានកាលពីថ្ងៃអង្គារជាមួយសមភាគីចិនលោក Wang Yi ដោយបានបញ្ជាក់ឡើងវិញនូវសាមគ្គីភាពក្នុងកិច្ចការអន្តរជាតិ។លោក Lavrov បាននិយាយថា រុស្ស៊ី និងចិន ប្រឆាំងរាល់ព្រឹត្តិការណ៍អន្តរជាតិ ដែលមិនយកជំហររបស់រុស្ស៊ីទៅពិចារណា៕

សម្តេចធិបតី ហ៊ុន ម៉ាណែត លើកទឹកចិត្តគូស្វាមីភរិយាដែលមានលទ្ធភាពគួរមានកូនច្រើន

2024/04/09 02:38:05 pm        152
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានលើកទឹកចិត្តដល់គូស្វាមីភរិយា ដែលមានលទ្ធភាពខាងសេដ្ឋកិច្ច គួរមានកូនច្រើន ដើម្បីចៀសវាងនូវហានិភ័យនាកង្វះកម្លាំង​ពលកម្ម នៅក្នុងប្រទេសកម្ពុជានាពេលអនាគត។សម្ដេចធិបតី នាយករដ្ឋមន្រ្ដី មានប្រសាសន៍ ណែនាំបែបនេះ ក្នុងឱកាសអញ្ជើញជាអធិបតីដ៏ខ្ពង់ខ្ពស់បិទសន្និបាតបូកសរុបការងារឆ្នាំ២០២៣ និងលើកទិសដៅការងារ ឆ្នាំ២០២៤ របស់ក្រសួងផែនការ នៅព្រឹកថ្ងៃទី៩ ខែមេសា ឆ្នាំ២០២៤នេះ។ សម្តេចធិបតី បានថ្លែងថា គោលនយោបាយជាតិប្រជាជន២០១៦-២០៣០ គឺឈរលើគោលការណ៍​ទទួលស្គាល់ និងគាំទ្រចំពោះសិទ្ធិរបស់គូស្វាមីភរិយា និងបុគ្គលទាំងអស់ឱ្យមានសិទ្ធិជាមូលដ្ឋាន​ក្នុងការសម្រេចចិត្ត ដោយសេរី និងដោយទទួលខុសត្រូវលើចំនួនកូន និងការពន្យារកំណើត និងមានលទ្ធភាពទទួលបានព័ត៌មាន ការអប់រំ សេវា និង មធ្យោបាយ ដើម្បីធ្វើការសម្រេច​ចិត្តលើការ​យកកូននៅក្នុងគ្រួសាររបស់ខ្លួននេះ។ ក្នុងឱកាសនេះ សម្តេចធិបតី នាយករដ្ឋមន្រ្ដី បានលើកទឹកចិត្តដល់គូស្វាមីភរិយាដែលមាន​លទ្ធភាព​ខាងសេដ្ឋកិច្ច គួរមានកូនច្រើនលើសពីកម្រិតជំនួស ២,១ ដើម្បី​ចៀសវាង​នូវហានិភ័យ​នាកង្វះកម្លាំងនាពេលអនាគត។សម្តេចធិបតី នាយករដ្ឋមន្រ្ដីបានបញ្ជាក់ថា ដើម្បីទាញយកអត្ថប្រយោជន៍ពីភាគលាភប្រជាសាស្ត្រ និងភាគលាភយេនឌ័រឱ្យបានជាអតិបរមា និងបញ្ចៀសបញ្ហាកង្វះកម្លាំងពលកម្ម និងប្រជាជន​វ័យចាស់ដែលច្រើនជាងប្រជាជនវ័យ​ ក្មេងនៅកម្ពុជាក្រោយឆ្នាំ ​២០៥០ សម្តេច ស្នើឱ្យ​ក្រសួងផែនការ គិតគូរឱ្យបានល្អិតល្អន់ឡើងវិញ អំពីនិន្នាការ ប្រជាសាស្ត្រ និងបម្រែបម្រួល​រចនាសម្ព័ន្ធអាយុ ព្រមទាំងសេណារីយ៉ូនៃយន្តការគាំទ្រសង្គមដល់យុវវ័យ ​និងគ្រួសារ នៅ​ពេលធ្វើបច្ចុប្បន្នភាពគោលនយោបាយជាតិប្រជាជន ២០១៦-២០៣០៕ អត្ថបទ៖វ៉ន ដារ៉ា

សម្ដេចធិបតី ណែនាំក្រសួងផែនការបង្កើនសមត្ថភាពមន្រ្ដី ដើម្បីគ្រប់គ្រង វិភាគ និងប្រមូលទិន្នន័យសម្រាប់ជាតិ

2024/04/09 02:33:39 pm        94
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានណែនាំដល់ក្រសួងផែនការ ត្រូវបង្កើនការពង្រឹងសមត្ថភាពមន្រ្ដីរបស់ខ្លួន ដើម្បីអនុវត្តកិច្ចការងារ គ្រប់គ្រង វិភាគ និងប្រមូលទិន្នន័យសម្រាប់ការអភិវឌ្ឍជាតិឱ្យបានគ្រប់ជ្រុងជ្រោយ ច្បាស់លាស់ និងមានប្រសិទ្ធភាពល្អ។ សម្ដេចធិបតី នាយករដ្ឋមន្រ្ដី មានប្រសាសន៍ ណែនាំបែបនេះ ក្នុងឱកាសអញ្ជើញជាអធិបតីដ៏ខ្ពង់ខ្ពស់បិទសន្និបាតបូកសរុបការងារឆ្នាំ២០២៣ និងលើកទិសដៅការងារ ឆ្នាំ២០២៤ របស់ក្រសួងផែនការ នៅព្រឹកថ្ងៃទី៩ ខែមេសា ឆ្នាំ២០២៤នេះ។ សម្ដេចធិបតី បានមានប្រសាសន៍ថា ក្រសួងផែនការមានតួនាទីសំខាន់ ធ្វើជាសេនាធិការដ្ឋាន​របស់​រាជរដ្ឋាភិបាលក្នុងការសម្របសម្រួលការរៀបចំផែនការយុទ្ធសាស្ត្រអភិវឌ្ឍន៍ជាតិ ផែនការ​វិនិយោគសាធារណៈ ការងារអត្តសញ្ញាណគ្រួសារក្រីក្រ និងគ្រួសារងាយរងហានិភ័យ ការងារលើកកម្ពស់អាហារូបត្ថម្ភ ការងាររៀបចំ និងគ្រប់គ្រងប្រព័ន្ធទិន្នន័យជាតិជាដើម។សម្តេចធិបតី បានបន្តថា ក្រសួងផែនការ ក៏ជាសេនាធិការដ្ឋានរបស់រាជរដ្ឋាភិបាល ក្នុងការរៀបចំ និងសម្របសម្រួលការងារ ​ក្នុងកិច្ចការងារអន្តរជាតិជាច្រើនទៀត ដូចជាការងារគោលដៅអភិវឌ្ឍន៍​ប្រកបដោយចីរភាព ការងារពង្រឹង និងតាមដានការអនុវត្តកម្មវិធីសកម្មភាពនៃសន្និសីទ​អន្តរជាតិស្តីពីប្រជាជន និងការអភិវឌ្ឍ និងការងាររៀបចំការចាកចេញរបស់កម្ពុជាពីចំណាត់ក្រុម​ប្រទេសអភិវឌ្ឍន៍​តិចតួចផងដែរ។សូមជម្រាបថា ក្រសួងផែនការដែលជាសេនាធិការរបស់រាជរដ្ឋាភិបាល​ លើវិស័យផែនការ ស្ថិតិ សម្របសម្រួល ​និងគ្រប់គ្រង ដើម្បីការអភិវឌ្ឍសង្គម-សេដ្ឋកិច្ច នៅថ្នាក់ជាតិ និងថ្នាក់ក្រោមជាតិ។ ជាមួយគ្នានេះ ​ក្រសួងផែនការក៏បាននឹងកំពុងពង្រឹងការងារកិច្ចសហប្រត្តិបត្តិការអន្តរជាតិជាមួយ និង​បណ្ដាប្រទេសក្នុងតំបន់ និងពិភពលោកជាទ្វេភាគី​ និងជាពហុភាគី និងបានគិតគូបង្កើតយន្តការ​សម្របសម្រួល​ការងារសហប្រតិបត្តិការត្បូង-ត្បូង​ និងត្រីកោណ។ក្រសួងផែនការក៏បានដាក់ឱ្យប្រើប្រាស់ជាផ្លូវការមជ្ឈមណ្ឌលទិន្នន័យ និងហេដ្ឋារចនាសម្ព័ន្ធ​បច្ចេកវិទ្យាព័ត៌មាន​របស់ក្រសួងផែនការ ​ដើម្បីប្រមូលផ្ដុំគ្រប់គ្រងលើទិន្នន័យច្រើនប្រភេទ​កំពុង​នៅរាយប៉ាយគ្នាដែលកំពុងផ្ទុក ​និងបង្ហោះដោយក្រុមហ៊ុនឯកជន​ និងស្ថាប័នដ៏ទៃ មានដូចជា ទិន្នន័យអត្តសញ្ញាណកម្មគ្រួសារក្រីក្រ ​ទិន្នន័យមូលដ្ឋានថ្នាក់ក្រោមជាតិ ទិន្នន័យជំរឿន អង្គេត CAMSTAT ជាដើម៕អត្ថបទ៖វ៉ន ដារ៉ា

លោក ពូទីន ស្វែងរកការផ្គត់ផ្គង់ប្រេងសាំងបន្ទាន់ បន្ទាប់ពីអ៊ុយក្រែនវាយប្រហារលើរោងចក្រចម្រាញ់ប្រេងរបស់ខ្លួន

2024/04/09 02:22:59 pm        140
Facebook Telegram Linkin
តាមសេចក្តីរាយការណ៍ រុស្ស៊ីបានស្នើឲ្យប្រទេសកាហ្សាក់ស្ថានផ្គត់ផ្គង់ប្រេងសាំង ខណៈដែលការវាយប្រហាររបស់អ៊ុយក្រែនលើរោងចក្រចម្រាញ់ប្រេង បង្ខំឲ្យប្រទេសនេះ នាំចូលប្រេងសាំង។សារព័ត៌មានរ៉យទ័រ បានរាយការណ៍ថា ប្រទេសកាហ្សាក់ស្ថាន ត្រូវបានស្នើសុំឲ្យបង្កើតទុនបម្រុងប្រេងសាំងចំនួន ១00.000តោន ស្មើនឹង ៨៤៥.000 បារ៉ែល ដើម្បីផ្គត់ផ្គង់ដល់ប្រទេសរុស្ស៊ី ប្រសិនបើ កង្វះខាត កើតឡើង។ពុំទាន់ច្បាស់ទេថាតើកិច្ចព្រមព្រៀងមួយ ត្រូវបានឈានដល់រយ៉ាងណាទេ។ វិមានក្រឹមឡាំង ក៏កំពុងស្វែងរកការផ្គត់ផ្គង់ពីប្រទេសបេឡារុសផងដែរនោះ។តាមធម្មតា ប្រទេសរុស្ស៊ី គឺជាអ្នកនាំចេញប្រេងសាំង ប៉ុន្តែការវាយប្រហារដោយយានដ្រូនរបស់អ៊ុយក្រែនបានប៉ះពាល់យ៉ាងខ្លាំងដល់សមត្ថភាពចម្រាញ់របស់ខ្លួន ដោយបង្ខំឲ្យប្រទេសនេះពឹងផ្អែកលើការនាំចូលដើម្បីបំពេញតម្រូវការ។ការវាយប្រហារដោយយានដ្រូន បានត្រូវចំរោងចក្រចម្រាញ់ប្រេងរបស់រុស្ស៊ីយ៉ាងហោចណាស់ ១២ដង រួមទាំង ៥ដង ក្នុងខែមីនាតែមួយប៉ុណ្ណោះ ហើយអាចមានចម្ងាយរាប់រយម៉ាយ ក្នុងទឹកដីរុស្ស៊ី។ប្រទេសអ៊ុយក្រែន បានងាកមកវាយប្រហារលើហេដ្ឋារចនាសម្ព័ន្ធរុស្ស៊ីជាមធ្យោបាយវាយលុកសេដ្ឋកិច្ច ក្នុងសម័យសង្គ្រាមរបស់ខ្លួន ខណៈដែលភាគីទាំងសងខាង មិនបានចំណេញទឹកដីជាក់ស្តែងនោះ។

រដ្ឋមន្ត្រីអ៊ីស្រាអែល គំរាមផ្តួលរំលំលោកណេតាន់យ៉ាហ៊ូ ប្រសិនបើលោក មិនចូលឈ្លានពានទីក្រុងរ៉ាហ្វាទេ

2024/04/09 02:00:57 pm        185
Facebook Telegram Linkin
រដ្ឋមន្ត្រីសន្តិសុខជាតិស្តាំនិយមរបស់អ៊ីស្រាអែល បានគំរាមផ្តួលរំលំលោក បេនចាមីន ណេតាន់យ៉ាហ៊ូ ( Benjamin Netanyahu) ប្រសិនបើគាត់បរាជ័យក្នុងការបញ្ជាឲ្យមានការឈ្លានពានជើងគោកលើទីក្រុងរ៉ាហ្វា (Rafah) នៅតំបន់ហ្កាហ្សាភាគខាងត្បូងទេ។លោក Itamar Ben-Gvir បានថ្លែងកាលពីថ្ងៃចន្ទថា៖«ប្រសិនបើលោកណេតាន់យ៉ាហ៊ូ សម្រេចចិត្តបញ្ចប់សង្រ្គាមដោយគ្មានការវាយលុកទ្រង់ទ្រាយធំនៅទីក្រុងរ៉ាហ្វាទេ នោះគាត់នឹងមិនមានអាណត្តិ ដើម្បីធ្វើជានាយករដ្ឋមន្ត្រីតទៅទៀតទេ»។កងទ័ពអ៊ីស្រាអែល បានដកកម្លាំងជើងគោកចេញពីតំបន់ហ្កាហ្សាភាគខាងត្បូង កាលពីថ្ងៃអាទិត្យ ដោយជំរុញឲ្យមានការរំពឹងទុកថា ប្រតិបត្តិការជើងគោកនៅទីក្រុងរ៉ាហ្វា ត្រូវបានផ្អាក ឬពន្យារពេល។រដ្ឋមន្ត្រីអ៊ីស្រាអែលម្នាក់ដែលនិយាយក្នុងលក្ខខណ្ឌមិនបញ្ចេញឈ្មោះ បានប្រាប់កាសែតសារព័ត៌មាន The Telegraph ថា ខ្លួនយល់ស្រប ១០០ ភាគរយ ជាមួយនឹងលោក Ben-Gvir។«យើងមានគោលដៅច្បាស់លាស់ ពោលគឺលុបបំបាត់សមត្ថភាពយោធារបស់ក្រុមហាម៉ាស។ នោះមានន័យថា ជាកងវរសេនាតូចទាំង៤ ដែលនៅសេសសល់នៅទីក្រុងរ៉ាហ្វា»។រដ្ឋមន្ត្រីនោះ បានបញ្ជាក់ថា៖«គោលដៅទីពីរ គឺដើម្បីរុះរើសមត្ថភាពនយោបាយ និងរដ្ឋបាលរបស់ពួកគេ។ ដូច្នេះសង្រ្គាម មិនទាន់ចប់ទេ ហើយយើងមានការងារត្រូវធ្វើ។ វាគឺរឿងសាមញ្ញណាស់»។កងកម្លាំងការពារអ៊ីស្រាអែល (IDF) បាននិយាយថា កងកម្លាំងជើងគោករបស់ខ្លួន បានចាកចេញពីតំបន់ហ្កាហ្សាភាគខាងត្បូង ដោយសារតែការហត់នឿយ ហើយមិនមែនដោយសារតែសង្គ្រាម បានបញ្ចប់នោះទេ ប៉ុន្តែការសម្រេចចិត្តនេះ ត្រូវបានធ្វើឡើងតែប៉ុន្មានថ្ងៃបន្ទាប់ពីលោក ចូ បៃដិន (Joe Biden) បានសន្ទនាតាមទូរស័ព្ទដ៏តានតឹងជាមួយលោកណេតាន់យ៉ាហ៊ូ។ លោកបៃដិន បានទាមទារជំនួយបន្ថែមទៀតត្រូវបានអនុញ្ញាតឲ្យចូលទៅក្នុងតំបន់ហ្កាហ្សា ក៏ដូចជាការការពារកាន់តែប្រសើរឡើងនៃជនស៊ីវិល និងបុគ្គលិកជំនួយ។

ប្រធានវិទ្យាស្ថានយុទ្ធសាស្ត្រ៖ ការដឹកនាំរបស់សម្ដេចតេជោបានប្រែក្លាយកម្ពុជា ជាប្រទេសអភិវឌ្ឍន៍លឿននៅក្នុងតំបន់

2024/04/09 01:48:17 pm        176
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី និងជាប្រធានព្រឹទ្ធសភា នៃ​ព្រះរាជា​ណា​ចក្រ​កម្ពុជា នៅព្រឹកថ្ងៃទី៩ ខែមេសា ឆ្នាំ២០២៤ នៅវិមានព្រឹទ្ធសភា បានអនុញ្ញាតឱ្យ លោក តាន់ ស្រ៊ី មីឆែល យ៉េវ (Tan Sri Michael Yeoh) ប្រធានវិទ្យាស្ថានយុទ្ធសាស្ត្រ KSI ប្រចាំ​តំបន់​អាស៊ី​ប៉ាស៊ីហ្វិក ចូលជួបសម្ដែងការគួរសម និងពិភាក្សាការងារ។ជាកិច្ចចាប់ផ្ដើមសម្ដេចតេជោបានស្វាគមន៍ចំពោះដំណើរតទស្សនកិច្ចរបស់លោក តាន់ ស្រ៊ី មីឆែល យ៉េវ ប្រធានវិទ្យាស្ថានយុទ្ធសាស្ត្រប្រចាំតំបន់អាស៊ីប៉ាស៊ីហ្វិក និងគណៈប្រតិភូនៅកម្ពុជា។ សម្ដេចតេជោក៏បានថ្លែងអំណរគុណចំពោះលោកប្រធានវិទ្យាស្ថានដែលកន្លងមក តែងតែ​គាំទ្រ​កម្ពុជា​ជា​ហូរហែរពិសេសក្នុងពេលដែលកម្ពុជាធ្វើជាម្ចាស់ផ្ទះដឹកនាំអាស៊ានឆ្នាំ ២០២២ ហើយ​ក៏​អរគុណ​ចំពោះ​វិទ្យាស្ថានដែលបានផ្ដល់ពានរង្វាន់មួយជីវិតដល់សម្ដេច ជាថ្នាក់ដឹកនាំ​ឆ្នើម​នៅ​ក្នុង​អាស៊ាន ដែលបានកាន់ញរញ៊ូអាស៊ានរហូតដល់ទៅ៣ដង។ សម្ដេច​តេជោក៏​បាន​សម្ដែង​ការ​រីក​រាយ​ដោយ​បាន​ធ្វើការជាមួយគ្នាក្នុងរយៈពេលជាងដប់ឆ្នាំនេះ ដែលលោក តាន់ ស្រ៊ី មីឆែល យ៉េវ បាន​ធ្វើការនេះតាំងពីឆ្នាំ២០២១រហូតដល់បច្ចុប្បន្ន។ជាការឆ្លើយ​តបលោក លោក តាន់ ស្រ៊ី មីឆែល យ៉េវ បានថ្លែងអំណរគុណ​ចំពោះសម្ដេច​ដែល​បាន​អនុញ្ញាត​ឲ្យ​ចូលជួប​សម្ដែង​ការគួរសម​ក្នុងពេលនេះក្នុងពេលដែលលោកបានបំពេញ​ទស្សនកិច្ច​នៅ​កម្ពុជា ហើយលោកក៏បានសម្ដែងការសរសើរចំពោះការដឹកនាំរបស់សម្ដេចតេជោ ចាប់តាំងពី​លោក​បាន​ចាប់ផ្ដើមគ្រប់គ្រង KSI មក គឺលោកបានធ្វើការកត់​សម្គាល់​ឃើញ​ថា​កម្ពុជា​មាន​ការ​អភិវឌ្ឍ​រីក​ចម្រើន យ៉ាងសម្បើម ដែលបង្ហាញពីការដឹកនាំរបស់សម្ដេចតេជោ ហើយសង្ឃឹម​ថា​សម្ដេចតេជោ​នឹង​មានការចែករំលែកនូវការដឹកនាំរបស់សម្ដេច ប្រកបដោយប្រសិទ្ធ​ភាព​នេះ​ដល់​បណ្ដាល​ថ្នាក់​ដឹកនាំនៃបណ្ដាប្រទេសអាស៊ានផ្សេងទៀត។ ការដឹកនាំរបស់​សម្ដេច​បាន​នាំ​មក​នូវ​ស្ថិរភាព សន្តិសុខដល់កម្ពុជា ធ្វើឲ្យមានកំណើនក្នុងវិស័យសេដ្ឋកិច្ច សង្គម ហើយប្រែក្លាយ​ប្រទេស​កម្ពុជា​ទៅជាប្រទេសដែលមានការអភិវឌ្ឍន៍លឿននៅក្នុងតំបន់។លោក​បានសម្ដែងការចាប់អារម្មណ៍ចំពោះសម្ដេចធិបតីនាយករដ្ឋមន្ត្រី កាលពីម្សិលមិញ ដែល​លោក​បាន​មានប្រសាសន៍ថា សម្ដេចធិបតី នាយករដ្ឋមន្ត្រី មានចក្ខុវិស័យវែងឆ្ងាយ មាន​ភា​ព​ឆ្លាត​វៃ​ក្នុង​ការដឹកនាំ ហើយសង្ឃឹមថា សម្ដេចធិបតី​នឹង​បន្ត​ពី​សម្ដេច​តេជោដឹក​នាំក​ម្ពុជា​ទៅ​រក​ការ​រីក​ចម្រើន​នៅក្នុងសម័យកាលថ្មីមួយថែមទៀត។លោក តាន់ ស្រ៊ី មីឆែល យ៉េវ បានជម្រាបជូនសម្ដេចតេជោថា លោកគ្រោង​នឹង​នាំ​មក​នូវ​សហគ្រិន អ្នកវិនិយោគជាច្រើនដែលផ្ដោតទៅលើ វិស័យហិរញ្ញវត្ថុ វិស័យកសិកម្ម វិស័យ​ថាមពលដែលកកើតពីជីវម៉ាស លោកក៏បានជម្រាបជូនសម្ដេចថា ពីលោក​បាន​គោរព​ស្នើ​សុំ​សម្ដេច​ធិបតី ដើម្បីបានរៀបចំនូវវេទិកា ២ សំខាន់ ដែលគ្រោងរៀបចំនៅខែវិច្ឆិកា ឆ្នាំ ២០២៤នេះ ដែល​ចង់ឱ្យកម្ពុជាធ្វើជាម្ចាស់ផ្ទះនៃព្រឹត្តិការណ៍នេះ។សម្ដេច​តេជោ​បានថ្លែងអំណរគុណចំពោះការរៀបចំវេទិកាទាំងពីរនោះ និងបានផ្ដល់យោបល់ថា សូមឲ្យ​កម្ម​វិធីនានា ចូលរួមដោយសម្ដេចធិបតី នាយករដ្ឋមន្ត្រី។ សម្ដេច​តេជោ​ផ្ដល់​យោបល់​បន្ថែម​ថា ​សូមឱ្យមានការគិតគូរ ធ្វើការជាមួយដៃគូរនានានៅក្នុងកម្ពុជា ហើយ​ផ្ដោត​ទៅ​លើ​ពាណិជ្ជកម្ម​តម្រង់​ទិស​ទៅលើ ពាណិជ្ជកម្មអាស៊ាន និងចិន ដោយសម្ដេច ចាត់ទុកថាប្រទេសចិន គឺជា​ទីផ្សារ​ធំ​មួយ​សម្រាប់អាស៊ាន សម្រាប់កម្ពុជា ហើយប្រទេសចិនមានប្រជាជនច្រើន ហើយបើ​ប្រៀប​ធៀប​ប្រជាជន​ចិន​គឺ​ច្រើនជាងអាមេរិក និងអឺរ៉ុបបូកចូល​គ្នា​ទៀត​ហើយ​សេច​ក្ដី​ត្រូវ​ការ​របស់​ចិន​គឺ​ធំ​ធេង​ណាស់ ដូច្នេះត្រូវមើលទីផ្សារជិតប្រសើរជាងស្វែងរកទីផ្សារឆ្ងាយ ដោយសម្ដេច បានធ្វើ​ការ​ប្រៀប​ធៀប​ក្នុង​ សម័យកូវីដ-១៩ ដែលពីមុននោះគិតគូរតែទីផ្សារឆ្ងាយៗ ផ្ទុយទៅវិញ​នៅ​ពេល​ការ​រារាំង​ដោយ​ជំងឺ​កូវីដ-១៩ ពាណិជ្ជកម្មរបស់កម្ពុជា និងបណ្ដាប្រទេសអាស៊ានជាអាទិ៍ជាមួយ វៀតណាម ជា​មួយថៃ ជាមួយម៉ាឡេស៊ី និងជាមួយចិន មានការកើនឡើងទ្វេរដង ឬអាច​លើស​ទ្វេរ​ដង​ទៅ​ទៀត​។ដូច្នេះសម្ដេច​តេជោបានផ្ដល់យោបល់ឲ្យយកចិត្តទុកដាក់ទៅលើទីផ្សារនៅក្នុងតំបន់ ត្រូវ​យក​ទុក​ដាក់​លើ​អ្វី​ដែលមានហើយដូចជាកិច្ចព្រមព្រៀង RCEP, China-ASEAN Free Trade និង​សមាជិក​អាស៊ាន​នីមួយៗ ជាមួយបណ្ដាប្រទេសផ្សេងទៀត។សម្ដេចតេជោ​បានរំលេចផងដែរថា នៅក្នុងបណ្ដាប្រទេសអាស៊ាននេះ គឺមិន​ព្រួយ​បារម្ភ​ពី​ការ​ខ្វះ​ស្បៀង​នោះ​ទេ ដោយសារបណ្ដាសមាជិកអាស៊ានមួយចំនួនជាប្រទេសផលិតស្រូវ ស្បៀង ហើយ​ប្រទេ​ស​មួយចំនួនទៀត គឺជាប្រទេសដែលនាំចូលនូវស្បៀងអាហារ ដូច្នេះអាច​បំពេញ​ឲ្យគ្នា​ទៅ​វិញ​ទៅម​ក ហើយត្រូវធ្វើខិតខំធ្វើ សមាហរណកម្ម លើវិស័យពាណិជ្ជកម្ម ការវិនិយោគ​ផ្សេង​ៗ​ជា​មួយ​គ្នា​។សម្ដេចក៏​បានផ្ដល់អនុសាសន៍ដល់វិទ្យាស្ថាន KSI និង AVI របស់កម្ពុជាធ្វើការសិក្សារួមគ្នា ជំរុញ​ទំនាក់​ទំនង​រកទីផ្សារនៅក្នុងតំបន់ជាពិសេសរវាងអាស៊ាន និងចិន។ ជាចុងក្រោយសម្ដេចតេជោ បាន​ជូនពរដល់ លោកប្រធានវិទ្យាស្ថានយុទ្ធសាស្រ្ដ និងប្រតិភូ​សូម​ឲ្យ​ដំណើរ​ទស្សន​កិច្ច​រប​ស់លោ​ក បានប្រកបដោយជោគជ័យ និងជូនពរឲ្យការរៀបចំកិច្ចប្រជុំកំពូលទាំងពីរ​នៅ​ខែវិច្ឆិកា​ខាង​មុខ​នេះ​ប្រកប​ដោយជោគជ័យ។ជាការឆ្លើយតប លោក តាន់ ស្រ៊ី មីឆែល យ៉េវ បានថ្លែងអំណរគុណចំពោះសម្តេចតេជោ ចំពោះ​ការផ្ដល់​ជា​អនុសាសន៍លើការទំនាក់ទំនងរវាង អាស៊ាន និងចិន និងបានកោតសរសើរនូវរចនាបទ និង​ការសំបូរណ៍បែបនៃវប្បធម៌ អរិយធម៌ បេតិកភណ្ឌរបស់កម្ពុជាដោយថែរក្សាបានយ៉ាងល្អ៕

ឯកឧត្តម ស សុខា អញ្ជើញបើកការដ្ឋានសាងសង់អគារប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត និងជួបជាមួយពលករកម្ពុជាត្រឡប់ពីថៃ

2024/04/09 01:39:51 pm        134
Facebook Telegram Linkin
បន្ទាយមានជ័យ៖ នៅព្រឹកថ្ងៃទី៩ ខែមេសា ឆ្នាំ២០២៤ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ បានអញ្ជើញជួប​សំណេះសំណាល​សួរ​សុខទុក្ខពលករកម្ពុជាត្រឡប់ពីថៃ ​នៅច្រកទ្វារអន្តរជាតិប៉ោយប៉ែត និង​អញ្ជើញបញ្ចុះបឋមសិលាបើកការដ្ឋាន ​សាងសង់អគារស្នាក់នៅ និងបន្ទប់ធ្វើការថ្មីរបស់កងកម្លាំងប៉ុស្តិ៍នគរបាលច្រកទ្វារអន្តរជាតិប៉ោយប៉ែត។ នាឱកាសនោះ ឯកឧត្តមអភិសន្តិបណ្ឌិត ស សុខា បានមាមប្រសាសន៍​ទៅ​កាន់ពុកម៉ែបងប្អូន​ជាពលករខ្មែរ ដែលបានវិលត្រឡប់មកស្រុកកំណើតវិញ ​ដើម្បី​ចូលរួម​បុណ្យចូលឆ្នាំថ្មីប្រពៃណីខ្មែរ​នាពេលខាងមុខថា​ ដោយ​មាន​ការយកចិត្តទុកដាក់ពី​សំណាក់រដ្ឋាភិបាលកម្ពុជា​ដែល​មាន​សម្តេចបវរធិបតី ហ៊ុន ម៉ាណែត ​នាយករដ្ឋមន្រ្តី បាន​សម្របសម្រួល​ជាមួយ​រដ្ឋាភិបាលថៃ​ដល់​ការវិលត្រឡប់មកស្រុកកំណើត ​របស់ពលករ កម្ពុជា ក្នុងអំឡុងពេលចូលឆ្នាំថ្មីប្រពៃណី ជាតិ​ខាងមុខ ​រាជរដ្ឋាភិបាលនៃប្រទេសថៃឡង់ដ៍ ​តាមរយៈប្រកាសរបស់​ក្រសួងមហាផ្ទៃថៃ បាន​លើកលែង ​តម្លៃសេវាអនុញ្ញាតចេញ–ចូល​ (Re-Entry Permit) សម្រាប់​បងប្អូនពលករកម្ពុជា ដែល​ធ្វើដំណើរចេញ–ចូលប្រទេសថៃចាប់ពីថ្ងៃទី០១​ ខែមេសា ដល់ថ្ងៃទី១៥ ខែឧសភា ឆ្នាំ២០២៤ ។ក្រៅពីការ​សម្របសម្រួល ​ធ្វើយ៉ាងណាអោយបងប្អូនបានមកស្រុកកំណើរឆាប់រហ័ស អាជ្ញាធរ​និងសមត្ថកិច្ចនៅច្រក​ ក៏បានធ្វើការ​ចែកស្បៀង អាហារ មានដូចជា​ នំបុ័ង ទឹកបរិសុទ្ធ និង​វត្ថុអនុស្សាវរីយ៍ ជាក្រមា១ក្នុង ម្នាក់ផងដែរដល់បងប្អូន ។សូមបញ្ជាក់ថា ​ចាប់តាំងពីដើមខែមេសា ​អាកាសសធាតុនៅខេត្តបន្ទាយមានជ័យ ​មានភាពក្តៅខ្លាំង មិនមានភ្លៀង ស្រាបតែនៅថ្ងៃទី៩នេះ ចំពេលវត្តមានឯកឧត្តមអភិសន្តិបណ្ឌិត ស សុខា​ អញ្ជើញមក ស្រាប់តែភ្លៀងជោគជាំតែម្តង៕

អ៊ីរ៉ង់ បើកស្ថានកុងស៊ុលថ្មីនៅប្រទេសស៊ីរី បន្ទាប់ពីការវាយប្រហាររបស់អ៊ីស្រាអែល

2024/04/09 01:16:44 pm        135
Facebook Telegram Linkin
រដ្ឋមន្ត្រីការបរទេសអ៊ីរ៉ង់ លោក ហូសេន អាមឺ អាបឌុលឡាហៀន (Hossein Amir-Abdollahian) បានបើកអគារកុងស៊ុលថ្មីមួយនៅរដ្ឋធានី ដាម៉ាស ប្រទេសស៊ីរីកាលពីថ្ងៃចន្ទ (០៨ មេសា) បន្ទាប់ពីមានការបំផ្លិចបំផ្លាញស្ថានកុងស៊ុលមុន ដោយការវាយប្រហារដែលសង្ស័យរបស់អ៊ីស្រាអែល កាលពីសប្តាហ៍មុន។លោក អាបឌុលឡាហៀន រួមជាមួយរដ្ឋមន្ត្រីការបរទេសស៊ីរី លោក ហ្វៃសាល ម៉េកដាដ (Faisal Mekdad) បានចូលរួមក្នុងពិធីសម្ពោធស្ថានកុងស៊ុលថ្មី ដែលមានទីតាំងនៅជាប់នឹងអគារមុនដែលត្រូវបានកម្ទេចដោយការវាយប្រហារដោយមីស៊ីលរបស់អ៊ីស្រាអែល កាលពីប៉ុន្មានថ្ងៃមុននោះ។លោក អាបឌុលឡាហៀន បានទៅដល់ទីក្រុង ដាម៉ាស កាលពីរសៀលថ្ងៃចន្ទ សម្រាប់ដំណើរទស្សនកិច្ចលើកដំបូងរបស់ខ្លួនទៅកាន់ប្រទេសនេះ ចាប់តាំងពីការវាយប្រហាររបស់អ៊ីស្រាអែល ទៅលើស្ថានកុងស៊ុលអ៊ីរ៉ង់កាលពីថ្ងៃទី០១ ខែមេសា មក។ ការវាយប្រហារនេះបានសម្លាប់មេដឹកនាំជាន់ខ្ពស់ជាច្រើននាក់នៅក្នុងកងឆ្មាំបដិវត្តន៍អ៊ីស្លាម (IRGC) រួមទាំងលោក ម៉ូហាម៉េដ រ៉េហ្សា ហ្សាហេឌី (Mohammad Reza Zahedi) ដែលជាអតីតយុទ្ធជនមេបញ្ជាការ ដែលដឹកនាំកងប្រតិបត្តិការបរទេសកងឆ្មាំបដិវត្តន៍អ៊ីស្លាម គឺកងកម្លាំងគុត (Quds) នៅស៊ីរី និងលីបង់។ថ្លែងនៅក្នុងសន្និសីទសារព័ត៌មានរួមគ្នាជាមួយសមភាគីស៊ីរី លោក អាបឌុលឡាហៀន បានបញ្ជាក់សារជាថ្មីថា អ៊ីស្រាអែល នឹងទទួលបាន «ការឆ្លើយតបជាចាំបាច់» សម្រាប់ការវាយប្រហាររបស់ខ្លួនលើស្ថានកុងស៊ុល ខណៈពេលដែលបន្ទោសសហរដ្ឋអាមេរិក ចំពោះឧប្បត្តិហេតុនេះ៕

ប្រជាប្រិយភាពរបស់ TikTok ក្នុងចំណោមអ្នកនយោបាយអឺរ៉ុបកើនឡើង ទោះមានក្ដីបារម្ភផ្នែកសន្តិសុខក៏ដោយ

2024/04/09 01:10:30 pm        118
Facebook Telegram Linkin
នៅពេលលោក Simon Harris ក្លាយជានាយករដ្ឋមន្ត្រីអៀរឡង់ ក្នុងខែមីនា លោកបានងាកទៅរកវេទិកាមួយ ដែលលោកពេញចិត្តក្នុងការបង្ហាញពីខ្លួនលោកគឺ បណ្ដាញសង្គមបង្ហោះព័ត៌មានកម្សាន្តខ្លីៗ TikTok ។ នៅក្នុងវីដេអូដែលមានអក្សរថា អរគុណ 'Thank YOU' ពណ៌លឿង បុរសដែលនឹងក្លាយជា នាយករដ្ឋមន្ត្រីឬមេដឹកនាំក្មេងជាងគេរបស់ប្រទេសអៀរឡង់បានប្រាប់អ្នកតាមដានឬ followers ចំនួន ៩៥.០០០នាក់ របស់លោកអំពីការកើនឡើងចំនួនគាំទ្ររបស់លោកពី ក្មេងជំទង់ដែលមានគំនិត និងអារម្មណ៍មិនល្អ ដោយខ្វះជំនួយផ្នែកអប់រំសម្រាប់បងប្រុសរបស់លោកដែលមានជំងឺអូទីស្សឹម។ លោកHarris ដែលជួនកាលដាក់ឈ្មោះថា ទីកតុក តាអស៊ីច "TikTok Taoiseach" ស្ថិតក្នុងចំណោមអ្នកនយោបាយអឺរ៉ុបដែលនាំមុខវេទិកាប្រព័ន្ធផ្សព្វផ្សាយសង្គមគ្រប់គ្រងដោយចិនមួយនេះ ដោយហៅថាតម្រូវការដើម្បីទៅដល់អ្នកបោះឆ្នោតវ័យក្មេងមានការព្រួយបារម្ភខ្លាំងអំពីសុវត្ថិភាព។ស្របពេលការបោះឆ្នោតនៅអឺរ៉ុបខិតជិតមកដល់ក្នុងខែមិថុនខាងមុខ អ្នកនយោបាយទូទៅមានការប្រុងប្រយ័ត្នចំពោះភាគីពាក់ព័ន្ធដែលបានទាញយកផលចំណេញពីទម្រង់វីដេអូខ្លីៗរបស់ខ្លួនដោយជោគជ័យ។ ប៉ុន្តែបណ្ដាញសង្គមTikTok កំពុងស្ថិតក្រោមការត្រួតពិនិត្យកាន់តែខ្លាំងឡើងនៅលោកខាងលិច ដោយសារតែក្ដីបារម្ភថាទិន្នន័យអ្នកប្រើប្រាស់ពីកម្មវិធី ដែលគ្រប់គ្រងដោយក្រុមហ៊ុន ByteDance មានមូលដ្ឋាននៅទីក្រុងប៉េកាំងអាចបញ្ចប់នៅក្នុងដៃរបស់រដ្ឋាភិបាលចិន។ជាឧទាហរណ៍ ភ្នាក់ងារសន្តិសុខរបស់ប្រទេសអាល្លឺម៉ង់បានព្រមានប្រឆាំងនឹងការប្រើប្រាស់កម្មវិធីនេះ ជុំវិញក្ដីបារម្ភថា បណ្ដាញនេះអាចចែករំលែកទិន្នន័យជាមួយរដ្ឋាភិបាលរបស់ប្រទេសចិន ឬត្រូវបានប្រើប្រាស់ដើម្បីគ្រប់គ្រងលើអ្នកប្រើប្រាស់។នៅសហរដ្ឋអាមេរិក សមាជិកសភាចង់បង្ខំឱ្យលក់វេទិកាគ្រប់គ្រងដោយប្រទេសចិនមួយនេះ ឬហាមឃាត់ប្រាមមិនឲ្យប្រើប្រាស់កម្មវិធីនេះ។ លោកប្រធានាធិបតីJoe Bidenបានលើកឡើងពីការព្រួយបារម្ភជាមួយលោកប្រធានាធិបតីចិនXi Jinping ។ចំណែកលោកប្រធានាធិបតីបារាំង Emmanuel Macron វិញមានអ្នកតាមដាន ឬ followers ដល់ទៅ៤លាននាក់ ចាប់តាំងពីចូលរួម TikTok ក្នុងឆ្នាំ ២០២០មក៕

រដ្ឋមន្ត្រីការបរទេសអ៊ីរ៉ង់ ចោទអាមេរិកថា បានផ្តល់ភ្លើងខៀវឲ្យអ៊ីស្រាអែលវាយប្រហារស្ថានកុងស៊ុល នៅស៊ីរី

2024/04/09 10:01:03 am        221
Facebook Telegram Linkin
រដ្ឋមន្ត្រីការបរទេសអ៊ីរ៉ង់កាលពីថ្ងៃចន្ទ បានចោទប្រកាន់សហរដ្ឋអាមេរិកថា បានផ្តល់ «ភ្លើងខៀវ» ឲ្យអ៊ីស្រាអែលធ្វើការវាយប្រហារលើអគារកុងស៊ុលរបស់ខ្លួន នៅក្នុងប្រទេសស៊ីរីដែលបានសម្លាប់មន្ត្រីយោធាអ៊ីរ៉ង់៧ នាក់ រួមទាំងឧត្តមសេនីយ៍ពីរនាក់។លោក ហ៊ូសេន អាមីរ៉ាប់ឌូឡាហៀន (Hossein Amirabdollahian) បានអះអាងសាជាថ្មីនូវការប្តេជ្ញារបស់ទីក្រុងតេអេរ៉ង់ថា ខ្លួននឹងឆ្លើយតបចំពោះការវាយប្រហារ ដែលត្រូវបានស្តីបន្ទោសយ៉ាងទូលំទូលាយលើអ៊ីស្រាអែល ហាក់ដូចជាបង្ហាញពីការកើនឡើងនៃការកំណត់គោលដៅរបស់អ៊ីស្រាអែលទៅលើមន្ត្រីយោធាមកពីប្រទេសអ៊ីរ៉ង់ដែលគាំទ្រក្រុមសកម្មប្រយុទ្ធប្រយុទ្ធនឹងអ៊ីស្រាអែល នៅតំបន់ហ្កាហ្សា និងតាមបណ្តោយព្រំដែនរបស់ខ្លួនជាមួយប្រទេសលីបង់។មេដឹកនាំក្រុមហេសបូឡា លោកហាសាន ណាស្រាលឡា (Hassan Nasrallah) ក្នុងសុន្ទរកថាកាលពីថ្ងៃចន្ទ បានរំលឹកឡើងវិញនូវការគាំទ្ររបស់ក្រុមគាំទ្រដោយអ៊ីរ៉ង់សម្រាប់ការឆ្លើយតបយោធាក្រុងតេអេរ៉ង់ចំពោះការវាយប្រហារដែលបានសម្លាប់ឧត្តមសេនីយ៍ ម៉ូហាម៉េដ រីហ្សា ហ្សាហ៊ីឌី (Mohammad Reza Zahedi) មន្ត្រីយោធាជាន់ខ្ពស់ នៅក្នុងកងកម្លាំង Quds របស់ឆ្មាំបដិវត្តន៍អ៊ីរ៉ង់ និងធ្វើឲ្យមានការភ័យខ្លាចកាន់តែខ្លាំងឡើងនៃសង្គ្រាមទៅកាន់តែរាលដាលក្នុងតំបន់មជ្ឈិមបូព៌ាទាំងមូល។ចាប់តាំងពីសង្គ្រាមនៅហ្កាហ្សា បានចាប់ផ្តើមកាលពី ៦ខែមុន ការប៉ះទង្គិចគ្នា បានកើនឡើងរវាងអ៊ីស្រា អែល និងក្រុមហេសបូឡារបស់លីបង់។ ក្រុមហាម៉ាសដែលគ្រប់គ្រងតំបន់ហ្កាហ្សា និងវាយប្រហារអ៊ីស្រាអែលកាលពីថ្ងៃទី៧ ខែតុលា ក៏ត្រូវបានគាំទ្រដោយអ៊ីរ៉ង់ ក៏ដូចជាក្រុមជីវពលអ៊ីរ៉ាក់ដែលមានគោលដៅលើមូលដ្ឋានទ័ព និងទីតាំងរបស់សហរដ្ឋអាមេរិក នៅក្នុងប្រទេសស៊ីរី និងអ៊ីរ៉ាក់។

បណ្ដាញសង្គម

ព័ត៌មានថ្មីៗ

ចាប់ពីថ្ងៃទី២៧ ខែមិថុនាដល់ថ្ងៃទី១៦ ខែកក្កដានេះ គ.ប.ឆ.ប. បង្រ្កាប ONLINESCAMS ២០ទីតាំងឃាត់ខ្លួនជនសង្ស័យ ១.៣៦២ នាក់ ក្នុងនោះជនជាតិវៀតណាម ៣៤៧នាក់
07/17/2025 10:07 PM
Facebook Telegram Linkin
រាជរដ្ឋាភិបាលបានកំណត់តម្លៃនិងតួនាទីព្រៃឈើ ដោយមិនកាត់ផ្តាច់ចេញពីវិស័យអាទិភាពរបស់រដ្ឋ
07/17/2025 09:07 PM
Facebook Telegram Linkin
ឯកឧត្តមឧបនាយករដ្ឋមន្ត្រី ប្រាក់ សុខុន អញ្ជើញធ្វើបាឋកថាស្តីពី «សភាពការណ៍អន្តរជាតិ និងនយោបាយការបរទេសរបស់កម្ពុជា» ចែករំលែកដល់សិស្សមន្ត្រីសាលាភូមិន្ទរដ្ឋបាល
07/17/2025 09:07 PM
Facebook Telegram Linkin
ក្រសួងការងារបដិសេធចំពោះជនខិលខូចប្រើប្រាស់រូប និងឈ្មោះ ឯកឧត្តម ហេង សួរ ក្នុងចេតនាឆបោកសាធារណជន
07/17/2025 09:07 PM
Facebook Telegram Linkin
តើហេតុអ្វីបានជាប្រទេសប៉ាគីស្ថានងាយរងគ្រោះដោយសារទឹកជំនន់ស្លាប់មនុស្ស?
07/17/2025 08:07 PM
Facebook Telegram Linkin
ឯកឧត្តមឧបនាយករដ្ឋមន្ត្រី ហ៊ុន ម៉ានី ជួបសំណេះសំណាលជាមួយសមាជិក សមាជិកា ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលទើបនឹងជ្រើសរើសថ្មី ប្រចាំសាកលវិទ្យាល័យវិទ្យាសាស្រ្តសុខាភិបាល ចំនួន ៥៨៤នាក់
07/17/2025 08:07 PM
Facebook Telegram Linkin
ការទម្លាក់គ្រាប់បែករបស់រុស្ស៊ីសម្លាប់មនុស្ស ៤នាក់ និង ២៧នាក់ រងរបួសនៅទីក្រុង Dobropillia ប្រទេសអ៊ុយក្រែន
07/17/2025 08:07 PM
Facebook Telegram Linkin
ក្រសួងឧស្សាហកម្ម ដាក់ប្រព័ន្ធបន្សុទ្ធទឹកស្អាតនៅមន្ទីរពេទ្យគន្ធបុប្ផា ជូនដល់អ្នកព្យាបាលជំងឺពិសា
07/17/2025 08:07 PM
Facebook Telegram Linkin
សាស្ត្រាចារ្យសាកលវិទ្យាល័យតូក្យូ ចាប់អារម្មណ៍ស្វែងយល់បន្ថែមអំពីកម្ពុជា និងការអភិវឌ្ឍសង្គម-សេដ្ឋកិច្ច
07/17/2025 08:07 PM
Facebook Telegram Linkin
សារព័ត៌មាន NBC News៖ ការវាយប្រហាររបស់អាមេរិក បានបំផ្លាញទីតាំងនុយក្លេអ៊ែរអ៊ីរ៉ង់តែមួយប៉ុណ្ណោះ
07/17/2025 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.