TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

លោកត្រាំ៖ អ៊ីស្រាអែល មាន«កំហុសដ៏ធំ»ជាមួយនឹងការបំផ្លិចបំផ្លាញតំបន់ហ្កាហ្សា

2024/03/26 02:04:34 pm        260
អតីតប្រធានាធិបតី លោកត្រាំ និយាយថា អ៊ីស្រាអែល មាន«កំហុសដ៏ធំមួយជាមួយនឹងការលុកលុយតំបន់ហ្កាហ្សា ដោយកត់សម្គាល់ថា ការផ្សាយរូបភាពនៃការបំផ្លិចបំផ្លាញដ៏ធ្ងន់ធ្ងរ បានធ្វើឲ្យ មនុស្សជាច្រើនប្រឆាំងនឹងប្រទេសនេះ នៅក្នុងការរិះគន់យ៉ាងខ្លាំងបំផុតរបស់លោកចំពោះអ៊ីស្រាអែល ចាប់តាំងពីការចាប់ផ្តើមនៃសង្រ្គាមប្រឆាំងនឹងក្រុមហាម៉ាសកាលពីឆ្នាំមុន។នៅក្នុងបទសម្ភាសន៍ជាមួយសារព័ត៌មានអ៊ីស្រាអែល Hayom កាលពីថ្ងៃអាទិត្យ លោកត្រាំ បានរិះគន់រដ្ឋាភិបាលអ៊ីស្រាអែលសម្រាប់ការផ្សព្វផ្សាយជាសាធារណៈនូវយុទ្ធនាការវាយប្រហារដ៏ធំរបស់ខ្លួនប្រឆាំងនឹងតំបន់ហ្កាហ្សា និងការបំផ្លិចបំផ្លាញបណ្តាលមកពីការលុកលុយដែលកំពុងបន្តរបស់ខ្លួន បានកើតឡើងបន្ទាប់ពីជនជាតិអ៊ីស្រាអែលជាង ១.១០០នាក់ ត្រូវបានសម្លាប់នៅក្នុងការវាយប្រហាររបស់ក្រុមហាម៉ាសកាលពីថ្ងៃទី៧ ខែតុលា។លោកត្រាំ បាននិយាយថា ការកើនឡើងនៃការប្រឆាំងនឹងជ្វីហ្វនិយម នៅក្នុងសហរដ្ឋអាមេរិក និងនៅក្រៅប្រទេស គឺដោយសារតែអ៊ីស្រាអែល «បានសងសឹក»ទៅលើក្រុមហាម៉ាសវិញនោះ។លោកបាននិយាយថា៖«ខ្ញុំគិតថា អ៊ីស្រាអែលមានកំហុសដ៏ធំមួយ។ «ខ្ញុំចង់ទូរស័ព្ទទៅ [អ៊ីស្រាអែល] ហើយនិយាយថា កុំធ្វើវា។ រូបថត និងរូបថតទាំងនេះ គឺជាភ័ស្តុតាងដែលខ្ញុំចង់និយាយថា មានការទម្លាក់គ្រាប់បែក ដែលត្រូវបានទម្លាក់ចូលទៅក្នុងអគារនានា ក្នុងតំបន់ហ្កាហ្សា ហើយខ្ញុំបាននិយាយថា អូ! នោះគឺជារូបថតដ៏គួរឲ្យខ្លាច»។

ជប៉ុន នឹងអនុញ្ញាតឱ្យយន្តហោះចម្បាំងផលិតជាមួយអង់គ្លេស និងអ៊ីតាលី ត្រូវបាននាំចេញ

2024/03/26 02:01:19 pm        209
ប្រទេសជប៉ុន បានសម្រេចបន្ធូរបន្ថយច្បាប់នាំចេញផ្នែកការពារជាតិដ៏តឹងរឹងរបស់ខ្លួន ដើម្បីអនុញ្ញាតឱ្យយន្តហោះចម្បាំងជំនាន់ក្រោយ ដែលប្រទេសនេះកំពុងផលិតជាមួយចក្រភពអង់គ្លេស និងអ៊ីតាលីត្រូវបាននាំចេញ ក្រោមលក្ខខណ្ឌជាក់លាក់។ ការសម្រេច ធ្វើឡើងដោយរដ្ឋាភិបាល នៅក្នុងកិច្ចប្រជុំគណៈរដ្ឋមន្ត្រី នៅថ្ងៃអង្គារនេះ គឺស្របតាមកិច្ចព្រមព្រៀងរវាងគណបក្សប្រជាធិបតេយ្យសេរីដែលកំពុងកាន់អំណាច និងដៃគូចម្រុះរបស់ខ្លួនគឺគណបក្ស Komeito ។ រដ្ឋាភិបាល និយាយថា ជប៉ុនត្រូវតែផលិតយន្តហោះចម្បាំងមានសមត្ថភាព ដែលចាំបាច់ត្រូវទប់ទល់ទៅនឹងបរិយាកាសសន្តិសុខរបស់ប្រទេស ហើយយន្តហោះចម្បាំង ត្រូវតែផលិតឡើងដើម្បីទប់ស្កាត់ផលប៉ះពាល់អវិជ្ជមាន លើផ្នែកការពារជាតិ។រដ្ឋាភិបាល និយាយថា ត្រូវការយន្តការមួយដែលអាចឱ្យខ្លួនផ្ទេរយន្តហោះចម្បាំងទៅកាន់ប្រទេសទីបី។ រដ្ឋាភិបាល បានបើកកិច្ចប្រជុំគណៈរដ្ឋមន្ត្រីនៃក្រុមប្រឹក្សាសន្តិសុខជាតិ នៅថ្ងៃអង្គារនេះ។ អំឡុងកិច្ចប្រជុំ សេចក្តីណែនាំសម្រាប់ការអនុវត្តគោលការណ៍ចំនួនបីរបស់ប្រទេស ស្តីពីការផ្ទេរយុទ្ធោបករណ៍ការពារជាតិទៅក្រៅប្រទេស ត្រូវបានពិនិត្យឡើងវិញ។គោលការណ៍ណែនាំពិនិត្យឡើងវិញ បានឲ្យដឹងថាការនាំចេញនឹងត្រូវបានកំណត់ចំពោះយន្តហោះចម្បាំងជំនាន់ក្រោយ ហើយយន្តហោះចម្បាំងអាចត្រូវបានផ្ទេរទៅកាន់ប្រទេសដែលបានចុះហត្ថលេខាលើកិច្ចព្រមព្រៀងការពារជាតិជាមួយប្រទេសជប៉ុនតែប៉ុណ្ណោះ ហើយមិនពាក់ព័ន្ធទៅនឹងជម្លោះសកម្មណាមួយនោះទេ។ រដ្ឋមន្ត្រីក្រសួងការពារជាតិ លោក Kihara Minoru និយាយថា ការសម្រេចចិត្តរបស់រដ្ឋាភិបាល នឹងផ្តល់ឱ្យប្រទេសជប៉ុននូវជំហរក្នុងការរួមចំណែកដូចគ្នាដែលចក្រភពអង់គ្លេស និងប្រទេសអ៊ីតាលីធ្វើ។លោកនិយាយថា ប្រទេសជប៉ុន នឹងពិភាក្សាឱ្យបានហ្មត់ចត់អំពីបញ្ហានេះជាមួយដៃគូទាំងពីរ ដើម្បីឲ្យយន្តហោះចម្បាំង សមស្របសម្រាប់បរិស្ថានសន្តិសុខរបស់ប្រទេសដែលអាចត្រូវបានផលិត។ យោងទៅលើផែនការផលិត លោក Kihara បាននិយាយថា ប្រទេសទាំងបី កំពុងធ្វើការលើការរចនាយន្តហោះចម្បាំងនៅពេលនេះ យើងធ្វើការរួមគ្នា ដូច្នេះការសម្រេចចិត្ត អំពីលក្ខណៈបច្ចេកទេស និងដំណើរការរបស់យន្តហោះ អាចធ្វើឡើងក្នុងរយៈពេល ៥ ឆ្នាំ។

សម្តេចធិបតី ហ៊ុន ម៉ាណែត ដឹកនាំគណៈប្រតិភូធ្វើមាតុភូមិនិវត្តន៍មកដល់កម្ពុជាវិញហើយ បន្ទាប់ពីបានបំពេញទស្សនកិច្ចនៅប្រទេសឡាវ

2024/03/26 01:51:18 pm        178
នៅរសៀលថ្ងៃទី២៦ ខែមីនា ឆ្នាំ២០២៤ នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូ ជាន់ខ្ពស់ នៃ​រាជរដ្ឋាភិបាល​កម្ពុជា ធ្វើមាតុភូមិនិវត្តន៍ បន្ទាប់ពីបានអញ្ជើញ​បំពេញ​ទស្សន​កិច្ចផ្លូវ​ការ​នៅ​ប្រទេស​ឡាវ។ ជាលទ្ធផលនៃដំណើរទស្សនកិច្ចផ្លូវការរបស់សម្តេចធិបតី ទៅកាន់ប្រទេស ឡាវ នាពេល​នេះ នឹង​ធ្វើ​ឱ្យកាន់តែស៊ីជម្រៅថែមទៀតនូវទំនាក់ទំនងទ្វេភាគី ក្នុងស្មារតីភាពជាអ្នកជិតខាងល្អ មិត្តភាព ជា​ប្រពៃណី និងភាពជាដៃគូយុទ្ធសាស្រ្តគ្រប់ជ្រុងជ្រោយ និងយូរអង្វែងរវាងប្រទេសទាំងពីរ ព្រមទាំង ពង្រឹង មូលដ្ឋានគ្រឹះដើម្បីវឌ្ឍនភាព និងវិបុលភាពសម្រាប់ផលប្រយោជន៍ របស់​ប្រជាជន​នៃប្រទេសទាំងពីរ៕

សម្ដេចធិបតីវាយតម្លៃខ្ពស់សមាគមមិត្តភាពឡាវ-កម្ពុជាដែលបានរួមចំណែកពង្រឹងទំនាក់ទំនង​ប្រទេសទាំងពីរ

2024/03/26 01:06:00 pm        203
នារសៀល ថ្ងៃទី២៥ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ខាំបៃ ដាំឡាត់ (Khambai Damlat) ប្រធាន​សមាគមមិត្តភាពឡាវ-កម្ពុជា ចូលជួបសម្តែងការគួរសម និងពិភាក្សាការងារ ក្នុង​ឱកាស​នៃដំណើរបំពេញទស្សនកិច្ចផ្លូវការ នៅសាធារណរដ្ឋប្រជាធិបតេយ្យប្រជាមានិតឡាវ នៅថ្ងៃទី​២៥-២៦ ខែមីនា ឆ្នាំ២០២៤។ ក្នុងឱកាសនៃជំនួប ឯកឧត្តម ខាំបៃ ដាំឡាត់ បានថ្លែងអំណរគុណចំពោះសម្តេចធិបតី ដែលបាន​ឆ្លៀត​ពេលវេលាដ៏មមាញឹកអនុញ្ញាតឱ្យរូបឯកឧត្តម និងសហការីបានចូលជួបសម្តែងការគួរសម ព្រមទាំងបានអបអរសាទរចំពោះសម្ដេចធិបតី ដែលត្រូវបានរដ្ឋសភាបោះឆ្នោតជ្រើសតាំងជា​នាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ កាលពីខែសីហា ឆ្នាំ២០២៣ កន្លង​ទៅ​នេះ ដើម្បីដឹកនាំប្រទេសកម្ពុជាឆ្ពោះទៅរកការអភិវឌ្ឍបន្ថែមទៀត។ ឯកឧត្តមប្រធានសមាគម ក៏បាន​អបអរសាទរចំពោះសមិទ្ធផលរបស់រាជរដ្ឋាភិបាលកម្ពុជា ក៏ដូចជាការធ្វើឱ្យ​ជីវភាព​របស់​ប្រជាជន​មាន​ភាពរីកចម្រើនកាន់តែប្រសើរ។ ព្រមជាមួយគ្នានេះឯកឧត្តមប្រធានសមាគម បានវាយតម្លៃខ្ពស់​ចំពោះ​ដំណើរ​ទស្សន​កិច្ច​របស់​សម្ដេចធិបតី​មក​កាន់ប្រទេសឡាវនាឱកាសនេះ ហើយមានជំនឿជាក់ថា ដំណើរទស្សន​កិច្ច​នេះ​នឹង​រួម​ចំណែកក្នុងការលើកពង្រឹងនិងពង្រីកទំនាក់ទំនង កិច្ចសហ​ប្រតិបត្តិការ និងមិត្តភាព​រវាង​ប្រទេស​ទាំង​ពីរបន្ថែមទៀត។ ឯកឧត្តមប្រធានសមាគម បានគោរពរាយការណ៍ជូនសម្ដេចធិបតី អំពីសកម្មភាពសំខាន់ៗមួយចំនួន និងរចនាសម្ព័ន្ធរបស់សមាគមមិត្តភាពឡាវ-កម្ពុជាផងដែរ។ជាការឆ្លើយតប សម្ដេចធិបតី បានវាយតម្លៃខ្ពស់ចំពោះកិច្ចការរបស់សមាគមមិត្តភាពកម្ពុជា-ឡាវ និង​ឡាវ-កម្ពុជា ព្រមទាំងបានវាយតម្លៃខ្ពស់ផងដែរចំពោះឯកឧត្តមប្រធានសមាគមមិត្តភាពឡាវ-កម្ពុជា ដែលបានរួមចំណែកពង្រឹងទំនាក់ទំនងរវាងប្រទេសកម្ពុជា និងឡាវនាពេលកន្លងមក។ សម្តេចធិបតីបានលើកទឹកចិត្តឱ្យសមាគមមិត្តភាពទាំងពីរខិតខំបន្តក្នុងការលើកកម្ពស់ទំនាក់ទំនងប្រជាជន និងប្រជាជននៃប្រទេសទាំងពីរ ជាពិសេស​ប្រជាជន​ដែល​រស់​នៅ​តា​មប​ណ្តាខេ​ត្ត​ដែល​ជាប់​ព្រំដែនផងដែរ។ ទន្ទឹមនេះ សម្តេចធិបតី បានគូសបញ្ជាក់អំពីសារៈសំខាន់នៃការជំរុញការប្រាស្រ័យ​ទាក់ទង​រវាង​ប្រជាពលរដ្ឋ​នៃ​ប្រទេសទាំងពីរ ដែលនឹងរួមចំណែកលើកកម្ពស់ថែមទៀតនូវពាណិជ្ជកម្ម ទេសចរណ៍ និងវិស័យសំខាន់ៗដទៃទៀតរបស់ប្រទេសទាំងពីរ។ មុននឹងបញ្ចប់ សម្តេចធិបតី បាន​សង្កត់ធ្ងន់ផងដែរថា សក្តានុពលនៃកម្ពុជា និងឡាវនៅមានច្រើន និងលើកទឹកចិត្ត សមាគម​មិត្តភាព​រវាងប្រទេស​ទាំងពីរ​ខិតខំ​ធ្វើ​សកម្មភាព​បន្ថែមទៀត​ក្នុង​ការ​សម្រប​សម្រួល​ឱ្យ​មាន​ការ​តភ្ជាប់​រវាងប្រទេសទាំងពីរកាន់តែច្រើន៕ អត្ថបទ៖ វ៉ន ដារ៉ា

មន្រ្ដីអន្តរក្រសួង ចុះពិនិត្យការងារស្ដារឡើងវិញផ្លូវក្រាលដីល្បាយក្រួស នៅខេត្ដសៀមរាប

2024/03/26 12:55:08 pm        274
សៀមរាប៖ គណ:កម្មការអន្តរក្រសួងរួមមាន ក្រសួងអភិវឌ្ឍន៍ជនបទ និងក្រសួង​សេដ្ឋកិច្ច​ហិរញ្ញ​វត្ថុ ដឹកនាំដោយឯកឧត្តម ទ្រី មេង រដ្ឋលេខាធិការ តំណាងដ៏ខ្ពស់ខ្ពស់ឯកឧត្តម ឆាយ ឬទ្ធិសែន រដ្ឋមន្រ្ដីក្រ​សួងអភិវឌ្ឍន៍ជនបទ បានចុះពិនិត្យ និងវាយតម្លៃលើការងារស្តារឡើងវិញ​ផ្លូវ​ក្រាល​ដី​ល្បាយ​ក្រួសចំនួនមួយខ្សែ បន្ទាប់ពីបញ្ចប់ការងារស្ដារឡើងវិញ ដែលរងការខូចខាត​ដោយ​ទឹកជំនន់​នេះ។ការចុះត្រួតពិនិត្យនិងវាយតម្លៃលើការងារស្ដារឡើងវិញផ្លូវក្រាលដីល្បាយក្រួសនេះនៅថ្ងៃទី២៥ ខែមីនា ឆ្នាំ២០២៤ ស្ថិតនៅស្រុកជីក្រែងខេត្ដសៀមរាប ។ឯកឧត្តម ទ្រី មេង រដ្ឋលេខាធិការ ក្រសួងអភិវឌ្ឍន៍ជនបទ មានប្រសាសន៍ថា ផ្លូវមួយខ្សែនេះ មានប្រវែង ៧០០០ម៉ែត្រ ទទឹង ៧ម៉ែត្រ សាងសង់លូមូលមុខពីរចំនួន ១កន្លែង និង​លូមូល​មុខ​មួយ​ចំនួន ៣កន្លែង និងផ្លាកឈ្មោះចំនួន ២កន្លែង ស្ថិតនៅភូមិចំបក់ខ្ពស់ និង​ភូមិរូងថ្មី ឃុំល្វែង​ឫស្សី ស្រុកជីក្រែង ខេត្តសៀមរាប អនុវត្តដោយ នាយកដ្ឋានវិស្វកម្ម ក្រសួងការពារជាតិ ប្រើប្រាស់​ថវិការបស់រាជរដ្ឋាភិបាល តាមរយ:ក្រសួងអភិវឌ្ឍន៍ជនបទ។ផ្លូវក្រាលដីល្បាយក្រួសប្រវែង៧គីឡូម៉ែត្រដែលទើបស្ដារឡើងវិញនេះ មានសារៈសំខាន់ណាស់ សម្រាប់​ប្រជាពលរដ្ឋនៅមូលដ្ឋានក្នុងការដឹកជញ្ជូនទំនិញ​ដំណាំ​កសិកម្ម​គ្រប់ប្រភេ​ទ​របស់​ប្រជាពលរដ្ឋ​នៅ​ជនបទ ជាពិសេសការធ្វើដំណើររបស់សិស្សានុសិស្ស ទៅសាលារៀន។ឯកឧត្តម ក៏បានអំពាវនាវដល់អាជ្ញាធរមូលដ្ឋាន និងប្រជាពលរដ្ឋ​ឲ្យ​ចូលរួម​ថែ​រក្សា​ផ្លូវ​នេះ​ឲ្យ​បាន​​ល្អ​សម្រាប់អនាគតវែងឆ្ងាយ។ ព្រមទាំងហាមដឹកជញ្ជូនទំនិញធុនធ្ងន់លើសចំនួនកំណត់ដែលធ្វើឲ្យផ្លូវងាយរងគ្រោះផងដែរ។ក្រោយពីស្ដារឡើងវិញរួចរាល់ និងបើកឱ្យប្រើប្រាស់ជាផ្លូវការ ដោយប្រជាពលរដ្ឋ បានសម្ដែង​ការ​សាទរ និង​សប្បាយរីករាយ ព្រោះផ្លូវមួយខ្សែនេះ ជាសរសៃឈាមសម្រាប់ប្រជាពលរដ្ឋធ្វើដំណើរ ព្រោះ​កន្លងមកមានការលំបាកធ្វើដំណើរដោយសារផ្លូវរងនូវការខូចខាតដោយទឹកជំនន់ផងដែរ។ ប្រជា​ពលរដ្ឋនៅក្នុងឃុំល្វែងឬស្សី បាថ្លែងអំណរគុណដល់រាជរដ្ឋាភិបាល ជាពិសេស​ក្រសួង​អភិវឌ្ឍន៍​ជនបទ ដែលបានស្តារឡើងវិញផ្លូវមួយខ្សែនេះ សម្រាប់ឲ្យប្រជាពលរដ្ឋ​ងាយ​ស្រួល​ធ្វើ​ដំណើរ ដែលបានបង្ហាញថា រាជរដ្ឋាភិបាល​មាន​ការ​យក​ចិត្ដ​ទុក​ដាក់​ដល់​ប្រជាពលរដ្ឋ​គ្រប់​ទីកន្លែងមិនថា ទីក្រុងឬជនបទ៕

ប្រធានគោនយោបាយកិច្ចការអឺរ៉ុប៖ លោកខាងលិចពុំបានជួយអ៊ុយក្រែន ដោយក្ដីស្រឡាញ់អស់ពីចិត្តទេ

2024/03/26 11:50:13 am        270
លោក ចូសេប បូរ៉ែល ប្រធានគោលនយោបាយកិច្ចការបរទេសរបស់សហភាពអឺរ៉ុប បានប្រាប់សារព័ត៌មាន CNN កាលពីថ្ងៃចន្ទថា សហរដ្ឋអាមេរិក និងសហភាពអឺរ៉ុប គាំទ្រអ៊ុយក្រែន មិនមែនដោយសារតែពួកគេស្រឡាញ់ប្រជាជនអ៊ុយក្រែនឡើយ តែព្រោះតែផលប្រយោជន៍ភូមិសាស្ត្រនយោបាយរបស់ពួកគេប៉ុណ្ណោះ ។ លោក បារ៉ែល និយាយជាថ្មីពីកាបញ្ជាក់របស់ទីក្រុងព្រុចសែល និង ទីក្រុងវ៉ាស៊ីនតោន ថា អ៊ុយក្រែន ពុំមានជាប់ពាក់ព័ន្ធអ្វីនឹងការវាយប្រហារភេរវកម្មនៅសាលប្រគំតន្ត្រីក្រូកាស (Crocus City Hall) ក្នុងទីក្រុងមូស្គូ ទេ និងបានជំរុញសហរដ្ឋអាមេរិក ឲ្យអនុម័តកញ្ចប់ថវិកាចំនួន៦០ពាន់លានឲ្យទៅអ៊ុយក្រែន ។ លោកបន្តថា អ្នកដឹងហើយ សហរដ្ឋអាមេរិកមានឆន្ទៈធំធេង ក្នុងការគាំទ្រអ៊ុយក្រែន តែយើងនឹងផ្ដល់ផលចំណេញឲ្យរុស្ស៊ីទៅវិញទេ ។ ហើយអ្នកក៏បានដឹងហើយថា បន្ទាប់មកមានរឿងបានកើតឡើងទៀត ។ អ្នកប្រាកដជាចាំរឿង នៅគ្រីម៉េ និង ប្រទេសស៊ីរី ។ លោកបានបន្ថែមថា យើងមិនអាចឲ្យរុស្ស៊ីឈ្នះសង្រ្គាមនេះបានទេ ប៉ុន្តែផលប្រយោជន៍របស់សហរដ្ឋអាមេរិក និងសហភាពអឺរ៉ុប នឹងត្រូវប៉ះពាល់ខ្លាំង នេះមិនមែនពាក់ព័ន្ធនឹងសប្បុរសតែមួយគត់នោះទេ នេះមិនមែនជាបញ្ហាគាំទ្រអ៊ុយក្រែនទេ គឺព្រោះតែយើងស្រឡាញ់ប្រជាជនអ៊ុយក្រែន។នេះជាផលប្រយោជន៍ផ្ទាល់ខ្លួនរបស់យើង ហើយក៏ជាផលប្រយោជន៍សម្រាប់អាមេរិក ដែរ ក្នុងនាមជា មេដឹកនាំពិភពលោក ជាអ្នកដែលត្រូវគេមើលឃើញជាដៃគូអាចទុកចិត្តបាន ជាអ្នកផ្ដល់សន្តិសុខ ដល់ក្រុមសម្ព័ន្ធមិត្ត៕

សម្ដេចតេជោ ហ៊ុន សែន ស្នើប្រធានក្រុមហ៊ុនមេកខ្យងកូរ៉េយកចិត្តទុកដាក់​លើវិស័យសំខាន់ៗចំនួន៥

2024/03/26 11:49:21 am        236
នៅព្រឹកថ្ងៃទី២៦ ខែមីនា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធាន​ក្រុម​ឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា បានអនុញ្ញាត​ឱ្យ​លោក​បណ្ឌិត ​ចាង ដេវ៉ាន (Chang Dae-whan) ប្រធានក្រុមហ៊ុន មេកខ្យង (Maekjung Group) ចូល​ជួប​ស្តែងការគួរសម និងពិភាក្សាការងារនៅ វិមាន៧មករា រាជធានីភ្នំពេញ។ សម្តេចតេជោ បានស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់គណៈប្រតិភូ ក្រុមហ៊ុន មេកខ្យង (Maekjung Group) នៅកម្ពុជា ហើយសង្ឃឹមថាដំណើរទស្សនកិច្ចនេះ នឹងរួម​ចំណែក​ក្នុង​ការស្វែងយល់អំពីសន្តិភាព ស្ថិរភាព និងការអភិវឌ្ឍ ដើម្បី​ជា​ឱកាស​ដល់​ការ​វិនិយោគ​នៅ​កម្ពុជា​។ឯកឧត្តម ចាង ដេវ៉ាន បានជម្រាបជូនសម្តេចតេជោថា ឯកឧត្តម ពិតជាមាន​កិត្តិយស​ខ្លាំង​ណាស់​ដែល សម្ដេចតេជោ បានអនុញ្ញាអោយចូលជួប សម្ដែងការគួរសម នៅពេលនេះ និង បាន​ពាំនាំ​បណ្តា​ក្រុម​ហ៊ុនកូរ៉េ ជាច្រើន ដើម្បីស្វែងរកឱកាសវិនិយោគនៅកម្ពុជា។នៅក្នុងជំនួប​នេះ​សម្តេចតេជោ បានជម្រាបជូន​គណៈប្រតិភូ​អំពី​ប្រវត្តិ​ទំនាក់​ទំនង​ការ​ទូត​រវាង​កម្ពុជា និងសាធារណរដ្ឋកូរ៉េដែល សម្តេចតេជោ ជាស្ថាបនិក និង​បាន​បង្កើត​ឡើង​​តាំ​ង​ពី​ឆ្នាំ​១៩៩៦។ សម្តេចបានគូសបញ្ជាក់ថា តាមរយៈ​ទំនាក់​ទំនង​ការ​ទូត​នេះ​បាន​ផ្តល់​ផល​ប្រយោជន៍​យ៉ាង​ច្រើន​ដល់ ប្រជាជនកម្ពុជា តាមរយៈក្រុមហ៊ុនកូរ៉េជាច្រើនបានមកវិនិយោគនៅកម្ពុជា ជំនួយ​អភិវឌ្ឍន៍ ការកសាង ហេដ្ឋារចនាសម្ព័ន្ធ វិស័យអប់រំ សុខាភិបាល ។ល។ ជាពិសេស​កូរ៉េ​ខាង​ត្បូង​បាន​ទទួល​យក ពលករកម្ពុជា ជាច្រើនម៉ឺននាក់ទៅធ្វើការនៅប្រទេសកូរ៉េ។ចំពោះ​កិច្ចសហប្រតិបត្តិការទ្វេភាគី សម្តេចតេជោ បានស្នើដល់ភាគីទាំងពីរយកចិត្តទុក្ខដាក់ ដល់​វិស័យ​សំខាន់​ៗចំនួន ៥ គឺ៖ ១ ពង្រឹងទំនាក់ទំនងទ្វេភាគី កម្ពុជា-សាធារណរដ្ឋ​កូរ៉េ​ឱ្យ​កាន់​តែ​រីក​ចម្រើន​ថែមទៀត។ ២ ជំរុញកិច្ចសហប្រតិបត្តិការ មេគង្គ-កូរ៉េ អោយកាន់តែរីកចម្រើនរឹងមាំ។ ៣ ជំរុញកិច្ចសហប្រតិបត្តិការ អាស៊ាន-សាធារណរដ្ឋកូរ៉េ អោយកាន់តែមានប្រសិទ្ធភាព។ ៤ ជំរុញ​កិច្ច​សហ​ប្រតិបត្តិការ ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEPT) និង ៥ ជំរុញ​កិច្ច​សហ​ប្រតិបត្តិការ រវាងកម្ពុជា និងកូរ៉េខាងត្បូង ក្នុងក្របខណ្ឌអង្គការសហប្រជាជាតិ។ ជាមួយ​គ្នា​នោះ​សម្តេច​តេជោបានថ្លែង អំណរគុណយ៉ាងជ្រាលជ្រៅចំពោះ ក្រុមហ៊ុនប៊ូយ៉ុង នៅកម្ពុជា ដែល​បាន​ជួយ​ដល់វិស័យសុខាភិបាល ពត៌មានវិទ្យា និងការផ្តល់រថយន្តក្រុងជាច្រើនគ្រឿង ដល់​សាលា​រាជ​ធានី​ភ្នំពេញ។ឯកឧត្តម ចាង ដេ វ៉ាន បានគោរពអញ្ជើញ សម្តេចតេជោ ហ៊ុន សែន ទៅចូលរួមវេទិកា Forld Knowledge Forum ដែលនឹងរៀបចំឡើងនៅប្រទេសកូរ៉េខាងត្បូង នាពេលខាងមុខ។ សម្តេច​តេជោ ​ក៏បានទទួលយកការអញ្ជើញនេះ នឹងជូនពរដល់គណៈប្រតិភូ អោយទទួលបានជោគជ័យ នៅ​ក្នុងដំណើរទស្សនកិច្ចនៅកម្ពុជា៕

ចិន ជំរុញសហរដ្ឋអាមេរិក ឲ្យបញ្ឈប់ជ្រៀតជ្រែកកិច្ចការផ្ទសក្នុងរបស់ទីក្រុងហុងកុងជាបន្ទាន់

2024/03/26 11:46:58 am        258
អ្នកនាំពាក្យក្រសួងការបរទេសចិន លោក លីនជៀន (Lin Jian ) បាននិយាយកាលពីថ្ងៃចន្ទថា ប្រទេសចិន បានទទូចយ៉ាងខ្លាំង និងប្រឆាំងយ៉ាងដាច់អហង្ការ ចំពោះការមួលបង្កាច់ និងលាបពណ៌របស់សហរដ្ឋអាមេរិក លើច្បាប់សន្តិសុខការពារជាតិរបស់ទីក្រុងហុងកុង និងបានជំរុញសហរដ្ឋអាមេរិក ឲ្យបញ្ឈប់ជាបន្ទាន់រាល់សកម្មភាពជ្រៀតជ្រែក ក្នុងកិច្ចការរបស់ទីក្រុងហុងកុង ដែលជាកិច្ចការផ្ទៃក្នុងរបស់ចិន។ លោក លីន បានធ្វើសេចក្ដីអត្ថាធិប្បាយបែបនេះនៅសន្និសីទសារព័ត៌មានប្រចាំថ្ងៃមួយ នៅពេលឆ្លើយសំណួរទាក់នឹងក្ដីបារម្ភពីការអត្ថាធិប្បាយថ្មីៗរបស់ប្រមុខការទូតអាមេរិក លោ Antony Blinken ស្ដីពីច្បាប់សន្តិសុខការពារជាតិរបស់ទីក្រុងហុងកុង។លោកបន្តថា លោក ចង់បញ្ចាក់ឲ្យច្បាស់ថា កិច្ចការរបស់ទីក្រុងហុងកុង គឺជាកិច្ចការផ្ទៃក្នុងរបស់ចិនសុទ្ធសាធ គ្មានប្រទេសក្រៅណាមួយមានសិទ្ធិនិយាយស្ដីដោយគ្មានទំនួលខុសត្រូវឡើយ។ដោយកត់សម្គាល់ថាការចេញផ្សាយក្នុងសារាចរណ៍ណែនាំ និងចូលជាធរមាននៃច្បាប់ នេះបញ្ជាក់ថា តំបន់រដ្ឋបាលពិសេសហុងកុង បានបំពេញទំនួលខុសត្រូវតាមរដ្ឋធម្មនុញ្ញដែលមានចែងក្នុងមាត្រា ២៣ នៃច្បាប់មូលដ្ឋាន ។ លោកបន្តថា ច្បាប់នេះនឹងពង្រឹងបន្ថែមទៀតនូវមូលដ្ឋានគ្រឹះសន្តិសុខសម្រាប់ការអភិវឌ្ឍន៍របស់ហុងកុង និងធ្វើឱ្យហុងកុងសម្រេចបាននូវស្ថិរភាព និងវិបុលភាពក្នុងល្បឿនកាន់តែលឿន។ បទបញ្ជានេះមានតុល្យភាពរវាងការការពារសន្តិសុខជាតិ និងការធានាសិទ្ធិ សេរីភាព និងកំណើនសេដ្ឋកិច្ច ដែលធ្វើឡើងយោងយ៉ាងពេញលេញស្របទៅនឹងបទពិសោធន៍ច្បាប់របស់ប្រទេសផ្សេងៗ ជាពិសេសយុត្តាធិការច្បាប់ទូទៅ គោរពយ៉ាងពេញលេញ និងការពារសិទ្ធិមនុស្ស កំណត់យ៉ាងច្បាស់លាស់នូវធាតុផ្សំនៃឧក្រិដ្ឋកម្ម និងបែងចែកយ៉ាងច្បាស់រវាងទម្ងន់ទោសដល់កម្រិតឧក្រិដ្ឋកម្ម និងកម្រិតស្រាល៕

កោះតៃវ៉ាន់ សាកល្បងប្រព័ន្ធការការពារដែនអាកាស ក្នុងសមយុទ្ធមីស៊ីលទាំងព្រឹកព្រលឹម

2024/03/26 11:29:15 am        232
កោះតៃវ៉ាន់ បានសាកល្បងប្រព័ន្ធការពារដែនអាកាសរបស់ខ្លួននៅថ្ងៃអង្គារ (២៦ មីនា) នេះ ក្នុងសមយុទ្ធពេលព្រឹកព្រលឹមដោយប្រើមីស៊ីលបាញ់ពីដីទៅអាកាស និងកម្លាំងទ័ពអាកាស ដីគោក និងកងទ័ពជើងទឹក ដោយនិយាយថាខ្លួននឹងបន្តពង្រឹងការហ្វឹកហ្វឺន នៅចំពោះមុខសកម្មភាពយោធាជាញឹកញាប់របស់ប្រទេសចិន នៅក្បែរនោះ។កោះតៃវ៉ាន់ ដែលចិនអះអាងសិទ្ធថាជាទឹកដីរបស់ខ្លួន បានត្អូញត្អែរក្នុងរយៈពេលបួនឆ្នាំចុងក្រោយនេះនៃករណីម្តងហើយម្តងទៀតនៃយន្តហោះកងទ័ពអាកាស និងនាវាកងទ័ពជើងទឹករបស់ចិន ដែលប្រតិបត្តិការនៅជិត និងជុំវិញកោះនេះ។បញ្ជាការកងទ័ពអាកាសរបស់កោះតៃវ៉ាន់ បាននិយាយនៅក្នុងសេចក្តីថ្លែងការណ៍ខ្លីមួយថា នៅចន្លោះម៉ោង ៥ ព្រឹកដល់ម៉ោង ៧ ព្រឹក(ម៉ោងក្នុងស្រុក) ខ្លួនបានអនុវត្ត «សមយុទ្ធផែនការការពារដែនអាកាសទាំងមូល»។ សមយុទ្ធនេះគឺ «ដើម្បីត្រួតពិនិត្យ និងផ្ទៀងផ្ទាត់បញ្ជាការប្រយុទ្ធការពារដែនអាកាសរួមគ្នា និងការគ្រប់គ្រងនៃសាខាទាំងបី» ដោយបន្ថែមថាលទ្ធផលគឺ «ល្អប្រសើរ»។ អ្នកនាំពាក្យអាជ្ញាធរការពារជាតិតៃវ៉ាន់ លោក ស៊ុន លីហ្វាង (Sun Li-fang) បាននិយាយថា ទោះបីជាមិនមានទំនាក់ទំនងដោយផ្ទាល់រវាងអ្វីដែលលោកហៅថា សមយុទ្ធប្រចាំឆ្នាំជាប្រចាំបែបនេះ ទៅនឹងភាពតានតឹងបច្ចុប្បន្នក៏ដោយ ក៏ប៉ុន្តែការគំរាមកំហែងពីប្រទេសចិន នៅតែបន្តកើនឡើង៕

លោក Trump៖ ការវាយប្រហាររបស់ហាម៉ាស គឺអាក្រក់ខ្លាំងណាស់ ប៉ុន្តែអ៊ីស្រាអែល គួរតែបញ្ចប់សង្រ្គាម

2024/03/26 10:22:21 am        145
បេក្ខជនប្រធានាធិបតីនៃគណបក្សសាធារណរដ្ឋ លោក ដូណាល់ ត្រាំ (Donald Trump) បាននិយាយថា លោកក៏នឹងមានប្រតិកម្មតបដូចដែលអ៊ីស្រាអែលបានធ្វើ បន្ទាប់ពីការវាយប្រហាររបស់ពួកហាម៉ាស កាលពីថ្ងៃទី០៧ ខែតុលា ប៉ុន្តែថាអ៊ីស្រាអែល កំពុងបាត់បង់ការគាំទ្រពីអន្តរជាតិ ហើយគួរតែបញ្ចប់សង្រ្គាមប្រឆាំងនឹងក្រុមអ៊ីស្លាមនេះនៅតំបន់ហ្កាហ្សា។អតីតប្រធានាធិបតីអាមេរិករូបនេះ បានធ្វើអត្ថាធិប្បាយនៅក្នុងបទសម្ភាសន៍ជាមួយសារព័ត៌មាន អ៊ីស្រាអែល ហាយូម (Israel Hayom) ដែលបានចេញផ្សាយកាលពីថ្ងៃច័ន្ទ ដោយនិយាយថា ការសម្លាប់រង្គាលរបស់ក្រុមហាម៉ាស ឆ្លងកាត់ភាគខាងត្បូងអ៊ីស្រាអែល គឺជារឿងដ៏សោកសៅបំផុតមួយ ប៉ុន្តែអ៊ីស្រាអែល ក៏ចាំបាច់ត្រូវតែបញ្ចប់សង្រ្គាមដែរ។ការវាយប្រហារកាលពីថ្ងៃទី០៧ ខែតុលា បានជំរុញឲ្យមានសង្គ្រាមនៅតំបន់ហ្កាហ្សា ដែលបានអូសបន្លាយជិតកន្លះឆ្នាំ។ អ៊ីស្រាអែលនិយាយថា ការវាយលុករបស់ខ្លួននឹងបន្តរហូតដល់ក្រុមហាម៉ាស ត្រូវបានបំផ្លាញ ហើយចំណាប់ថ្នូរនៅក្នុងតំបន់ហ្កាហ្សា ត្រូវបានដោះលែង។ចេតនារបស់អ៊ីស្រាអែលក្នុងការពង្រីកប្រតិបត្តិការរបស់ខ្លួនទៅកាន់ទីក្រុងរ៉ាហ្វា (Rafah) ភាគខាងត្បូងហ្កាហ្សា ជាទីដែលប្រជាជនប៉ាឡេស្ទីនជាងមួយលាននាក់កំពុងជ្រកកោន បានបង្កឱ្យមានការបែកបាក់ជាមួយរដ្ឋបាលលោកប្រធានាធិបតីអាមេរិក ចូ បៃដិន ដែលបាននិយាយថា ការធ្វើបែបនោះនឹងក្លាយជាកំហុសដ៏ធំមួយរបស់អ៊ីស្រាអែល៕

បណ្ដាញសង្គម

ព័ត៌មានថ្មីៗ

អ៊ីស្រាអែល និងអាមេរិក ហៅត្រឡប់មកវិញនូវក្រុមការងារចរចាបទឈប់បាញ់ហ្កាហ្សា ដោយអះអាងថា ក្រុមហាម៉ាសមិនបង្ហាញភាពស្មោះត្រង់
07/25/2025 09:07 AM
បារាំង នឹងទទួលស្គាល់រដ្ឋប៉ាឡេស្ទីននៅខែកញ្ញា ដែលធ្វើឲ្យអ៊ីស្រាអែលមានកំហឹង
07/25/2025 09:07 AM
ប្រទេសទួរគី និងស៊ីប ប្រឹងប្រែងទប់ស្កាត់ចំហេះព្រៃ ខណៈរលកកម្ដៅគ្របដណ្ដប់ពាសពេញតំបន់
07/25/2025 09:07 AM
អាមេរិក ដកទណ្ឌកម្មលើសម្ព័ន្ធមិត្តយោធាមីយ៉ាន់ម៉ា បន្ទាប់ពីប្រមុខរបបសឹកសរសើរលោក Trump
07/25/2025 08:07 AM
[BREAKING NEWS] ក្រុមប្រឹក្សាសន្តិសុខអង្គការសហប្រជាជាតិ នឹងជួបគ្នានៅថ្ងៃសុក្រនេះ ស្ដីពីការប៉ះទង្គិចគ្នារវាងថៃនិងកម្ពុជា
07/25/2025 07:07 AM
រដ្ឋបាលខេត្តសៀមរាប ត្រៀមសម្របសម្រួលកន្លែងស្នាក់នៅ និងផ្គត់ផ្គង់​អាហារ​ជូន​បង​ប្អូនភៀសខ្លួនពី​​ខេត្ត​ឧត្តរមានជ័យ និងខេត្តព្រះវិហារ
07/25/2025 07:07 AM
TOP STORY | សម្ដេចតេជោ៖ថាក់ សុីន ប្រើប្រាស់សង្រ្គាមដើម្បីសងសឹក ហ៊ុន សែន ដែលលទ្ធផលចុងក្រោយគឺប្រជាជនជាអ្នករងគ្រោះ
07/25/2025 12:07 AM
ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
07/24/2025 11:07 PM
ទេសរដ្ឋមន្រ្តី គន់ គីម ចុះសួរសុខទុក្ខ និងរៀបចំបញ្ជូនអំណោយជូនជនភៀសសឹកក្នុងខេត្តឧត្តរមានជ័យ
07/24/2025 10:07 PM
កុមារខ្វះអាហារូបត្ថម្ភទទួលការព្យាបាលនៅមន្ទីរពេទ្យហ្កាហ្សា ខណៈវិបត្តិអត់ឃ្លានកាន់តែអាក្រក់ខ្លាំង
07/24/2025 09:07 PM