នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុង​ស្រុកបាកាន ខេត្តពោធិ៍សាត់
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

នយោបាយ​ និង ការអភិវឌ្ឍន៍

សភាអាមេរិកទំនងជានឹងអនុម័តលើការជំរុញដល់លក់យន្តហោះចម្បាំងទៅឲ្យទួរគី និងក្រិក

2024/01/27 03:02:19 pm        235
Facebook Telegram Linkin
រដ្ឋបាលរបស់ប្រធានាធិបតីអាមេរិកលោក Joe Biden កាលពីថ្ងៃសុក្រ (ទី២៦ ខែមករា) បានជូនដំណឹងជាផ្លូវការដល់សភាអំពីបំណងរបស់ខ្លួន ក្នុងការបន្តលក់យន្តហោះចម្បាំង F-16 តម្លៃ ២៣ពាន់លានដុល្លារទៅឲ្យប្រទេសទួរគី ដោយនេះជាការបោះជំហានដ៏សំខាន់មួយឆ្ពោះទៅរកការបញ្ចប់ដំណើរការដែលត្រូវបានពន្យារពេលជាយូរមកហើយដែលបានពិសោធទំនាក់ទំនងជាមួយទីក្រុងអង់ការ៉ា។ក្រសួងការបរទេសបានផ្ញើការជូនដំណឹងនេះ ដើម្បីជំរុញការលក់យន្តហោះ F-16 របស់ក្រុមហ៊ុន Lockheed Martin ចំនួន ៤០គ្រឿង និងយុទ្ធោបរណ៍ទំនើបៗជិត ៨០មុខ ដល់ប្រទេសទួរគី ពោលគឺនៅមួយថ្ងៃបន្ទាប់ពីទីក្រុងអង់ការ៉ា បានបញ្ចប់ទាំងស្រុងនូវការផ្តល់សច្ចាប័នលើសមាជិកភាពរបស់អង្គការណាតូ (NATO) របស់ប្រទេសស៊ុយអែត ជាការសម្រេចដែលមានភ្ជាប់ដោយផ្ទាល់ទៅនឹងការលក់យន្តហោះនេះ។ក្នុងពេលជាមួយគ្នានេះ រដ្ឋបាលលោក Biden បានជំរុញដល់ការលក់យន្តហោះចម្បាំងបំបាំងកាយ F-35 របស់ក្រុមហ៊ុន Lockheed ចំនួន ២០គ្រឿងទៅឲ្យប្រទេសក្រិកដែលជាសម្ព័ន្ធមិត្តណាតូ ដែលជាកិច្ចព្រមព្រៀងតម្លៃ ៨,៦ពាន់លានដុល្លារ ដែលទីក្រុងវ៉ាស៊ីនតោនបានបន្តជំរុញដំណើរការនេះ ខណៈដែលខ្លួនព្យាយាមធ្វើឲ្យមានតុល្យភាព រវាងសមាជិកសម្ព័ន្ធមិត្ត ដែលមានប្រវត្តិទំនាក់ទំនងតានតឹង។គួរបញ្ជាក់ថា ទួរគីបានស្នើសុំទិញយន្តហោះជាលើកដំបូង កាលខែតុលា ឆ្នាំ២០២១ ប៉ុន្តែការពន្យារពេលរបស់ទីក្រុងអង់ការ៉ា ក្នុងការអនុម័តផ្តល់សច្ចាប័នលើការស្នើសុំចូលជាសមាជិកអង្គការណាតូរបស់ប្រទេសស៊ុយអែត គឺជាឧបសគ្គធំចម្បង ក្នុងការទទួលបានការយល់ព្រមពីសភា សម្រាប់ការលក់ដូរនេះ។តែបន្ទាប់ពីការពន្យារពេលរយៈពេល ២០ខែ សភាទួរគីនៅដើមសប្តាហ៍នេះបានផ្តល់សច្ចាប័នលើការស្នើសុំចូលអង្គការណាតូរបស់ប្រទេសស៊ុយអែត ហើយបន្ទាប់មកប្រធានាធិបតីសហរដ្ឋអាមេរិក លោក Biden បានសរសេរលិខិតមួយទៅកាន់មេដឹកនាំគណៈកម្មាធិការសភាសំខាន់ៗ ដោយជំរុញឲ្យពួកគេយល់ព្រមលើការលក់យន្តហោះចម្បាំង F-16 ដោយមិនមានការពន្យារពេល៕

កោះតៃវ៉ាន់ឃើញយន្តហោះយោធាចិន ៣៣គ្រឿង ហោះក្រឡឹងកោះ

2024/01/27 02:58:54 pm        323
Facebook Telegram Linkin
ក្រសួងការពារជាតិរបស់ទីក្រុងតៃប៉ិ នៅថ្ងៃសៅរ៍ (ទី២៧ ខែមករា) បាននិយាយថា យន្តហោះយោធាចិនជាង ៣០គ្រឿង ត្រូវបានប្រទះឃើញ ហោះក្រឡឹងកោះតៃវ៉ាន់ ក្នុងរយៈពេល ២៤ម៉ោង ដែលធ្វើឲ្យវាក្លាយជាការបង្ហាញពីកម្លាំងដ៏ធំបំផុត នៅជុំវិញកោះនេះ ចាប់តាំងពីកោះបានរៀបចំការបោះឆ្នោតដ៏សំខាន់។សូមបញ្ជាក់ថា ប្រទេសចិនបានអះអាងទាមទារកោះតៃវ៉ាន់ជាផ្នែកមួយនៃទឹកដីរបស់ខ្លួន ហើយមិនដែលបោះបង់ចោលនូវការប្រើកម្លាំង ដើម្បីព្យាយាមក្រសោបយកកោះដែលគ្រប់គ្រងដោយខ្លួនឯងឲ្យមកស្ថិតក្រោមការគ្រប់គ្រងរបស់ខ្លួនឡើយ។ នៅមុនការបោះឆ្នោតថ្ងៃទី១៣ ខែមករារបស់កោះតៃវ៉ាន់ ទីក្រុងប៉េកាំងបានព្រមានអ្នកបោះឆ្នោតថា បេក្ខជនតំណែងមេដឹកនាំលោក Lai Ching-te ដែលបច្ចុប្បន្នជាមេដឹកនាំលំដាប់ទី២ ដែលប្រទេសចិនបានហៅថា ជា «អ្នកបំបែកខ្លួនដ៏គ្រោះថ្នាក់» នឹងនាំមកនូវ «សង្រ្គាម និងការអាប់ឱន» ប្រសិនបើត្រូវបានជ្រើសរើសឲ្យដឹកនាំកោះនេះ។តែយ៉ាងណាក្ដី ទោះមានការព្រមានពីប្រទេសចិនម្ដងហើយម្ដងទៀត ក៏លោក Lai នៅតែឈ្នះការបោះឆ្នោត ដោយធានាបាននូវអាណត្តិទី៣ ដែលមិនធ្លាប់មានពីមុនមក សម្រាប់គណបក្សប្រជាធិបតេយ្យជឿនលឿន ដែលបានច្រានចោលជាយូរមកហើយនូវការទាមទារទឹកដីរបស់ចិនមកលើកោះតៃវ៉ាន់។ក្នុងរយៈពេល ២៤ម៉ោង រហូតដល់ម៉ោង ៦ព្រឹក ម៉ោងក្នុងស្រុក នៅថ្ងៃសៅរ៍ នៅក្នុងសេចក្តីថ្លែងការណ៍មួយរបស់ខ្លួន ក្រសួងការពារជាតិបានឲ្យដឹងថា ខ្លួនបានឃើញយន្តហោះយោធាចិនចំនួន ៣៣គ្រឿង និងនាវាកងទ័ពជើងទឹកចំនួន ៧គ្រឿង ដែលកំពុងប្រតិបត្តិការ ជុំវិញកោះតៃវ៉ាន់ ដោយក្នុងនោះយន្តហោះ ១៣គ្រឿង បានហោះឆ្លងកាត់ច្រកសមុទ្រតៃវ៉ាន់។កងកម្លាំងប្រដាប់អាវុធរបស់កោះតៃវ៉ាន់បាន «តាមដានស្ថានភាពនេះ ហើយប្រើប្រាស់យន្តហោះ (ល្បាតតាមអាកាស) នាវាកងទ័ពជើងទឹក និងប្រព័ន្ធមីស៊ីលឆ្នេរសមុទ្រ ដើម្បីឆ្លើយតបទៅនឹងសកម្មភាពដែលត្រូវបានរកឃើញនេះ»។ការបង្ហាញកម្លាំងនេះក៏បានកើតឡើងបន្ទាប់ពីដំណើរទស្សនកិច្ចរបស់សមាជិកសភាអាមេរិក ២រូបទៅកាន់ទីក្រុងតៃប៉ិ ដើម្បីជួបជាមួយមេដឹកជាប់ឆ្នោតលោក Lai និងមិត្តរួមតំណែងរបស់លោក គឺលោកស្រី Hsiao Bi-khim ដែលសុទ្ធតែត្រូវបានរិះគន់ដោយទីក្រុងប៉េកាំងថា ជា «អ្នកស្វែងរកឯករាជ្យទាំង២»៕

ឆ្នាំ២០២៣ តុលាការកំពូល និងមហាអយ្យការអមបានទទួលសំណុំរឿងជាង ២៣០០រឿង

2024/01/27 12:58:27 pm        389
Facebook Telegram Linkin
តាមរយៈសន្និបាតតុលាការកំពូលបានឱ្យដឹងថា នៅឆ្នាំ២០២៣ តុលាការកំពូល និងមហាអយ្យការអមបានទទួលសំណុំរឿងជាង ២៣០០រឿង និងចាត់ការរួចជិត ១៥០០រឿង។តុលាការកំពូល បានប្រារព្ធសន្និបាតតុលាការកំពូល និងមហាអយ្យការអមតុលាការកំពូល សម្រាប់ឆ្នាំ២០២៣ និងលើកទិសដៅការងារសម្រាប់ឆ្នាំ២០២៤ នាថ្ងៃទី២៦ ខែមករា ឆ្នាំ២០២៤ ស្របតាមមាត្រា ៧៣ នៃច្បាប់ស្តីពីការរៀបចំអង្គការតុលាការ។ សន្និបាតនេះប្រព្រឹត្តឡើងក្រោមអធិបតីភាពរបស់ ឯកឧត្តមបណ្ឌិត ជីវ កេង ប្រធានតុលាការកំពូល និងលោកជំទាវ ជា លាង អគ្គព្រះរាជអាជ្ញានៃមហាអយ្យការអមតុលាការកំពូល ក្នុងគោលបំណងបូកសរុបលទ្ធផលការងាររបស់តុលាការកំពូល និងមហាអយ្យការអមតុលាការកំពូល ឆ្នាំ២០២៣ ដោះស្រាយបញ្ហាប្រឈមនានា និងកំណត់ទិសដៅការងារសម្រាប់ឆ្នាំ២០២៤ ដើម្បីដោះស្រាយរឿងក្តីឱ្យបានយុត្តិធម៌ និងឆាប់រហ័ស។តាមរយៈសន្និបាតតុលាការកំពូលបានឱ្យដឹងថា នៅឆ្នាំ២០២៣ កន្លងមកតុលាការកំពូល និងមហាអយ្យការអម តុលាការកំពូល បានទទួលសំណុំរឿងព្រហ្មទណ្ឌចំនួន ១២៥២ រឿង ចាត់ការរួចចំនួន ៨១៣ រឿង និងសំណុំរឿងរដ្ឋប្បវេណីចំនួន ១០៦៦ រឿង ចាត់ការរួចចំនួន ៦៦៧ រឿង ដូច្នេះជាសរុបមានចំនួន ២៣១៨ រឿង ចាត់ការរួចចំនួន ១៤៨០ រឿង នៅសល់ចំនួន ៨៣៨ រឿង។តាមរយៈសន្និបាតបូកសរុបការងារឆ្នាំ២០២៣នេះដែរ បង្ហាញឱ្យឃើញថាការងារដែលតុលាការ​កំពូល​សម្រេចបានក្នុងឆ្នាំ២០២៣ ទទួលបានលទ្ធផលរីកចម្រើនក្នុងការដោះស្រាយរឿងក្តី ក្នុងនោះរឿងក្ដីគ្រប់ប្រភេទត្រូវបានចាត់ការកើនឡើងចំនួន ១៩៣រឿង ​បើធៀបនឹងឆ្នាំ២០២២។ ជាងនេះទៅទៀត ​អង្គសន្និបាត បានធ្វើការពិភាក្សាដោយផុលផុស និងរកឃើញដំណោះស្រាយ​យ៉ាងល្អចំពោះបញ្ហាប្រឈម និងចំណុចខ្វះខាតនានា ដើម្បីអនុវត្តក្នុងឆ្នាំ២០២៤៕អត្ថបទ ៖ ប្រាក់ វ៉ាន់ដា

រដ្ឋ Alabama នឹងជួយរដ្ឋផ្សេងអនុវត្តការប្រហារជីវិតដោយប្រើឧស្ម័នអាសូតឲ្យថប់ដង្ហើម

2024/01/27 12:45:48 pm        219
Facebook Telegram Linkin
រដ្ឋ Alabama កាលពីថ្ងៃសុក្រ (ទី២៦ ខែមករា) បានស្នើជួយដល់រដ្ឋផ្សេងទៀតរបស់សហរដ្ឋអាមេរិកដែលស្វែងរកការប្រហារជីវិតដោយប្រើឧស្ម័ននីត្រូហ្សែន ឬអាសូតឲ្យថប់ដង្ហើម ដោយការលើកឡើងនេះកើតមានប៉ុន្មានម៉ោងបន្ទាប់ពីរកឃើញនូវវិធីថ្មី ដើម្បីបញ្ចប់ជីវិតលោក Kenneth Smith ជាអ្នកទោសដែលត្រូវបានផ្ដន្ទាទោសពីបទឃាតកម្មឆ្នាំ១៩៨៨។ជាមួយគ្នានេះ រដ្ឋក៏បានសន្យានឹងអនុវត្តបន្ថែមទៀត នៅរដ្ឋអាឡាបាម៉ានេះ។ រដ្ឋមន្ត្រីក្រសួងយុត្តិធម៌ប្រចាំរដ្ឋលោក Steve Marshall បាននិយាយថា មនុស្ស ៤៣នាក់ផ្សេងទៀត ដែលស្ថិតក្នុងបញ្ជីប្រហារជីវិតបានជ្រើសរើសវិធីថប់ដង្ហើមនេះជាងការចាក់ថ្នាំពុល គិតចាប់តាំងពីសមាជិកសភា បានអនុម័តវិធីសាស្ត្រនេះ ក្នុងឆ្នាំ២០១៨។រដ្ឋ Alabama បានហៅវិធីសាស្ត្រថ្មីនេះថា ជា «វិធីសាស្ត្រមនុស្សធម៌» ខណៈពេលដែលក្រុមសិទ្ធិមនុស្ស បានថ្កោលទោសវាថា ជាអំពើឃោរឃៅ និងធ្វើទារុណកម្ម។ លោក Marshall មកពីគណបក្សសាធារណរដ្ឋ បានប្រាប់អ្នកយកព័ត៌មានកាលពីថ្ងៃសុក្រថា៖ «រដ្ឋ Alabama បានអនុវត្តវិធីនេះ ហើយឥឡូវនេះ រដ្ឋផ្សេងក៏អាចធ្វើបែបនេះដែរ ហើយយើងត្រៀមខ្លួនជាស្រេច ដើម្បីជួយរដ្ឋដទៃទៀតក្នុងការប្រើវិធីសាស្រ្តនេះ»។គួរបញ្ជាក់ដែរថា សមាជិកសភារដ្ឋ Oklahoma និង Mississippi បានបន្ថែមការប្រើឧស្ម័នអាសូតឲ្យថប់ដង្ហើមទៅក្នុងវិធីសាស្ត្រអនុវត្តទោសប្រហារជីវិតដែលត្រូវបានអនុញ្ញាតដោយរដ្ឋរបស់ពួកគេ ប៉ុន្តែមិនទាន់បានចាប់ធ្វើនៅឡើយទេ។ អ្នកនាំពាក្យរបស់រដ្ឋ Alabama បាននិយាយថា រដ្ឋ Alabama បានផ្តល់ឲ្យនាយកដ្ឋានកែប្រែរបស់រដ្ឋ Oklahoma នូវកំណែចុងក្រោយដោយឥតលាក់បាំងនៃនិតិវីធីថ្មីរបស់ខ្លួន៕

រដ្ឋមន្ត្រីការងារជំរុញឱ្យសមាគមពាណិជ្ជកម្មកម្ពុជាជប៉ុន ចូលរួមការប្រកួតកម្មវិធីសហគ្រាសមួយ ជាសហគមន៍សុខសាន្តមួយ

2024/01/27 11:43:59 am        210
Facebook Telegram Linkin
ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានជំរុញឱ្យសមាគមពាណិជ្ជកម្មកម្ពុជាជប៉ុន (JBAC) ចូលរួមប្រកួតប្រជែងកម្មវិធីសហគ្រាសមួយ ជាសហគមន៍សុខសាន្តមួយ ដែលជាអនុសាសន៍ណែនាំរបស់សម្តេចនាយករដ្ឋមន្រ្តីនៃកម្ពុជា។ប្រភពក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី២៧ មករា ឆ្នាំ២០២៤នេះ បានឲ្យដឹងថា នៅក្នុងជំនួបសម្តែងការគួរសមជាមួយលោក មីស៊ុកូហ្សិ តាកេហារ៉ូ (Mizukoshi Takeharu) ប្រធានក្រុមប្រឹក្សាភិបាលសមាគមពាណិជ្ជកម្មកម្ពុជាជប៉ុន ​ឯកឧត្តមរដ្ឋមន្រ្តី បាន​បញ្ជាក់ពីសារៈសំខាន់នៃកម្មវិធីប្រកួតប្រជែងកម្មវិធីសហគ្រាសមួយ ជាសហគមន៍សុខសាន្តមួយ ថា ដើម្បីបង្កើនភាពសុខដុមនីយកម្មក្នុងទំនាក់ទំនងវិជ្ជាជីវៈនៅកម្ពុជាឱ្យកាន់តែមានប្រសិទ្ធភាព ដែលជាការចង់បានរបស់ប្រមុខរាជរដ្ឋាភិបាល។ជាការឆ្លើយតប ភាគីជំនួប បានទទួលយកសំណើរបស់ឯកឧត្តមរដ្ឋមន្ត្រី និងជំរុញឱ្យក្រុមហ៊ុន​ដែល​ជាសមាជិកចូលរួមក្នុងកម្មវិធីប្រកួតប្រជែងដ៏មានសារៈសំខាន់នេះ។ក្រៅពីនេះ ឯកឧត្តមរដ្ឋមន្ត្រី បានគូសបញ្ជាក់ទៅកាន់សមាគមជប៉ុនពីកាតព្វកិច្ចរបស់វិស័យឯកជន​ក្នុងការទទួលយកសិក្ខាកាមដើម្បីចុះកម្មសិក្សានៅតាមរោងចក្រ ​សហគ្រាស និងគ្រឹះស្ថាន ទៅ​តាមការកំណត់របស់ច្បាប់ដែលរាជរដ្ឋាភិបាលអាណត្តិទី៧នេះ បាននិងកំពុងយកចិត្តទុកដាក់ខ្ពស់។ ឯកឧត្តម ​បានបន្តថា ការអនុវត្តកាតព្វកិច្ចហ្វឹកហ្វឺនកូនជាងនេះ គឺជាប្រយោជន៍ទាំងវិស័យឯកជន​ដែលមានឱកាសក្នុងការសម្លឹងរកនិយោជិតដែលមានសក្តានុពល ទន្ទឹមនឹងនោះ ក៏ជាប្រយោជន៍​ដែលសិក្ខាកាមដកស្រង់បទពិសោធន៍ជាក់ស្តែង ក៏ដូចជាឱកាសការងារផងដែរ។ បន្ថែមពីនេះ ​ឯកឧត្តមរដ្ឋមន្ត្រី ក៏បានបញ្ជាក់ជូនសមាគមបន្ថែមទៀត អំពីគោលនយោបាយ​ជា​យុទ្ធសាស្ត្ររបស់ក្រសួងការងារនៅអាណត្តិទី៧នេះ​ ក្នុងការពង្រឹង និងពង្រីកកម្លាំងពលកម្មជំនាញ​សម្រាប់ទីផ្សារការងារផងដែរ៕អត្ថបទ៖ ឈិត បូរ៉ាវី

រដ្ឋមន្រ្តីការងារគាំទ្រគម្រោងស្ត្រីក្នុងវិស័យថែរក្សាសម្ផស្ស ក្លាយជាកូនសោពង្រីកការបណ្តុះបណ្តាលជំនាញនៅកម្ពុជា

2024/01/27 10:15:51 am        221
Facebook Telegram Linkin
ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម UENO Atsushi ឯកអគ្គរាជទូតជប៉ុនប្រចាំនៅកម្ពុជា នៅរសៀលថ្ងៃទី២៦ មករា ឆ្នាំ២០២៤ បានអញ្ជើញជាអធិបតីក្នុងពិធីប្រកាសបើកការអនុវត្តគម្រោងជួយគាំទ្រស្រ្តីក្នុងវិស័យថែរក្សាសម្ផស្ស និងសហគ្រិនភាពដែលធ្វើឡើងនៅវិទ្យាស្ថានសហគ្រិនភាព និងនវានុវត្តន៍។ឯកឧត្តម ហេង សួរ ក្នុងពិធីនាឱកាសនោះ បានគូសបញ្ជាក់ថា អ្វីដែលឯកឧត្តមចង់ឃើញ គឺភាពជោគជ័យរបស់គម្រោងដែលនឹងផ្តល់ជំនាញផ្នែកថែរក្សាសម្រស់ដល់សិក្ខាកាមកម្ពុជាដែលកំពុងសិក្សា ហើយការបញ្ចប់គម្រោងដោយជោគជ័យ នឹងបើកឱកាសបណ្តុះបណ្តាលបន្ថែម ដល់ពលរដ្ឋកម្ពុជាកាន់តែច្រើនឱ្យចូលរួមវគ្គបណ្តុះបណ្តាលជំនាញដែលមានការហ្វឹកហ្វឺនពីប្រទេសជប៉ុនផ្ទាល់ផងដែរ។ បន្ថែមពីនេះ ឯកឧត្តម បានលើកទឹកចិត្តដល់សិក្ខាកាម និងគ្រូបង្រៀន រួមទាំងគ្រប់ភាគីពាក់ព័ន្ធ ធ្វើការរួមគ្នាដើម្បីឱ្យគម្រោងលើកទីមួយនេះ អាចបញ្ចប់ដោយជោគជ័យ ហើយបន្តអនុវត្តតទៅមុខទៀត។ ទន្ទឹមនឹងនោះ ឯកឧត្តមអគ្គរាជទូតជប៉ុន បានគូសបញ្ជាក់ពីភាពចាំបាច់នៃការបណ្តុះបណ្តាល​ជំនាញ ដល់យុវជនដែលជាកត្តាសំខាន់សម្រាប់កសាងនិងជំរុញកំណើនសេដ្ឋកិច្ច។ ជាមួយនឹងកិច្ចសហការរបស់ក្រុមហ៊ុនជប៉ុននាពេលនេះ ឯកឧត្តមរដ្ឋមន្ត្រី និងឯកឧត្តម​ឯកអគ្គរាជទូត បានរំលេចដូចគ្នាថា កត្តាទំនាក់ទំនងល្អរវាងរដ្ឋាភិបាល និងរដ្ឋាភិបាល ប្រជាជន និងប្រជាជន គឺជាកត្តាសត្យានុម័តដែលធ្វើឱ្យកិច្ចសហការគម្រោងត្រីភាគីនេះលេចជារូបរាង៕ អត្ថបទ ឈិត បូរ៉ាវី 

លោក Donald Trump ត្រូវបានបង្គាប់ឱ្យបង់ប្រាក់ ៨៣,៣លានដុល្លារ ដល់លោកស្រី E. Jean Carroll

2024/01/27 09:30:17 am        314
Facebook Telegram Linkin
លោក Donald Trump ត្រូវបានផ្តល់ឱ្យនូវការបរាជ័យដ៏គួរឱ្យភ្ញាក់ផ្អើលមួយកាលពីថ្ងៃសុក្រ ដោយ គណៈវិនិច្ឆ័យទីក្រុង Manhattan បង្គាប់ឱ្យលោកបង់ប្រាក់ចំនួន ៨៣,៣លានដុល្លារ ដល់អ្នកនិពន្ធលោកស្រី អ៊ី ហ្សង់ ខារ៉ូល(E. Jean Carroll) ជាអ្នកដែលបាននិយាយថា លោកបានបំផ្លាញកេរ្តិ៍ឈ្មោះរបស់លោកស្រី ជាអ្នកសារព័ត៌មានគួរឱ្យទុកចិត្ត ដោយការបដិសេធថា លោកពុំបានរំលោភលោកស្រីនោះទេ។ចៅក្រម ត្រូវការពេលតិចជាងបីម៉ោង ដើម្បីឈានដល់សាលក្រមមួយនៅតុលាការសហព័ន្ធ ទីក្រុងManhattan បន្ទាប់ពីសវនាការរយៈពេលប្រាំថ្ងៃ។ ចំនួនទឹកប្រាក់សរុប ដែលអតីតប្រធានាធិបតីអាមេរិករូបនេះ ត្រូវបានបង្គាប់ឱ្យបង់ លើសពីចំនួនអប្បបរមា ១០ លានដុល្លារ ដែលលោកស្រី Carroll បានស្វែងរក។ករណីរបស់លោកស្រី Carroll បានក្លាយជាបញ្ហាមួយនៅក្នុងយុទ្ធនាការរបស់លោក Trump ដើម្បីដណ្តើមយកមកវិញសេតវិមាន ក្នុងការបោះឆ្នោត នៅខែវិច្ឆិកា របស់សហរដ្ឋអាមេរិក។ លោក Trump គឺជាអ្នកនាំមុខគេសម្រាប់ការតែងតាំងរបស់គណបក្សសាធារណរដ្ឋ ដើម្បីប្រជែងជាមួយប្រធានាធិបតីគណបក្សប្រជាធិបតេយ្យ លោក Joe Biden ដែលបានធ្វើឲ្យលោក Trump បរាជ័យ កាលពីឆ្នាំ ២០២០។លោក Trump បានចូលរួមក្នុងសវនាការភាគច្រើន ប៉ុន្តែពុំបាននៅក្នុងបន្ទប់សវនាការ ដើម្បីស្តាប់សាលក្រមនោះទេ។ លោក បាននិយាយលើការបង្ហោះតាមបណ្តាញសង្គមថា លោកនឹងប្តឹងឧទ្ធរណ៍។គណៈវិនិច្ឆ័យស្ត្រី២រូប និងបុរស៧រូប ដែលសមាជិកត្រូវបានរក្សាភាពអនាមិក បានផ្តល់ប្រាក់ដល់ លោកស្រី Carroll ចំនួន ១៨,៣លានដុល្លារ ជាសំណងសម្រាប់ការខូចខាត រួមទាំង ១១លានដុល្លារសម្រាប់ការធ្វើឲ្យប៉ះពាល់ដល់កេរ្តិ៍ឈ្មោះរបស់លោកស្រី។ ចៅក្រម ក៏បានផ្តល់សំណងចំនួន ៦៥ លានដុល្លារ ជាការសំណងជំងឺចិត្ត ដែលលោកស្រី Carroll បាននិយាយថា ចាំបាច់ដើម្បីបញ្ឈប់ លោក Trump មិនឲ្យបន្តបង្ខូចកេរ្តិ៍ឈ្មោះរបស់លោកស្រី។

ជនមានពិការភាពដាក់ចិត្តប្រឹងប្រែងរៀនជំនាញបច្ចេកទេស ដើម្បីកែប្រែស្ថានភាពជីវិតទៅពេលអនាគត

2024/01/26 02:13:57 pm        133
Facebook Telegram Linkin
ដើម្បីកែប្រែស្ថានភាពរស់នៅនាពេលអនាគតឱ្យល្អជាងមុន ជនមានពិការភាព បានដាក់ចិត្តខិតខំ ប្រឹងប្រែងរៀនជំនាញបច្ចេកទេសវិជ្ជាជីវៈឱ្យចេះពិតប្រាកដ ដើម្បីមានលទ្ធភាពរកការងារធ្វើសមរម្យដូច ជនមិនមានពិការភាពដែរ ។ជនមានពិការភាព ដែលកំពុងរៀនជំនាញបច្ចេកទេសនៅវិទ្យាស្ថានជាតិពហុបច្ចេកទេសតេជោ សែន ក្រុងតាខ្មៅ ខេត្តកណ្តាល នៅថ្ងៃទី២៦ ខែមករា នេះ បានប្រាប់BTVថា ពួកគេទទួលស្គាល់ថា ការ រៀនជំនាញបច្ចេកទេសឱ្យចេះពិតប្រាកដពិតជាមានសារសំខាន់ណាស់ សម្រាប់រកប្រាក់​ចំណូល​ជួយទ្រទ្រង់ជីវភាពរស់នៅប្រចាំថ្ងៃ ហើយក៏​អាចកែប្រែស្ថានភាពរស់នៅក្នុងពេលអនាគត​បាន​ល្អជាងមុនផងដែរ។ លើសពីនេះពួកគេប្តេជ្ញាថា នឹងខិតខំប្រឹងប្រែងរៀនជំនាញ​ឱ្យចេះ​ពិតប្រាកដ។ឯកឧត្តម កត្តា អ៊ន អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ ​បានឱ្យដឹងថា គិតត្រឹម ថ្ងៃទី២៥ ខែមករានេះ មានយុវជនចុះឈ្មោះចូលរៀនជំនាញវិជ្ជាជីវៈ ​និងបច្ចេកទេស ចំនួនជាង២ម៉ឺន ៦ពាន់នាក់ ​ក្នុងនោះជនមានពិការភាព ​ចំនួន៦៥នាក់។ ឯកឧត្តម ​បានអំពាវនាវដល់យុវជន ទាំង​ជនពិការភាព និងមិនពិការភាពរួសរាន់ទៅចុះឈ្មោះចូលរៀនជំនាញវិជ្ជាជីវៈ ​និងបច្ចេកទេស ដើម្បីឱ្យមានអាជីព មួយច្បាស់លាស់។កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស សម្រាប់យុវជន១.៥លាននាក់ មកពីគ្រួ សារក្រីក្រ ​និងគ្រួសារងាយរងហានិភ័យ អ្នកសេដ្ឋកិច្ចក្នុងប្រព័ន្ធ ​និងក្រៅប្រព័ន្ធ បានបើក​បវេសនកាលចូលរៀននៅទូទាំងប្រទេស​ កាលពីថ្ងៃទី១៥ ខែមករានេះ ។ ​ការចុះឈ្មោះ និងចូល​រៀន ​នៅតែបន្តធ្វើជារៀង រាល់ថ្ងៃ ​នៅតាមបណ្តាវិទ្យាស្ថានបណ្តុះបណ្តាលជំនាញ​ផ្សេងៗពីគ្នា សរុបចំនួន៣៧ទីតាំង ​ដែលស្ថិតនៅ រាជធានីភ្នំពេញ ​និងតាមបណ្តាខេត្តមួយចំនួនទៀត ដូចជា៖ ខេត្តកណ្តាល កំពង់ស្ពឺ បាត់ដំបង ព្រះសីហនុ កោះកុង បន្ទាយមានជ័យ និងខេត្តឧត្តរមានជ័យ ជាដើម ៕អត្ថបទ៖ ទូច សោភ័ណ

ជំនាញអំពាវនាវដល់ពលរដ្ឋកុំលែងត្រីនាំមកពីក្រៅប្រទេសចូលបឹង ដែលអាចបង្កហានិភ័យដល់ត្រីក្នុងបឹង

2024/01/26 02:06:11 pm        209
Facebook Telegram Linkin
រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានអំពាវនាវដល់ប្រជាពលរដ្ឋ​កុំលែង ត្រី ដែលមានប្រភពពីក្រៅប្រទេសចូលទៅក្នុងបឹងបួរធម្មជាតិនានា ដែលអាចបង្កហានិភ័យទៅដល់ត្រី នៅក្នុងប្រទេស ។យោងតាមសេចក្តីប្រកាសព័ត៌មាន របស់រដ្ឋបាលជលផល ចុះថ្ងៃទី២៥ ខែមករានេះ បានឲ្យដឹងថា នាពេលថ្មីៗនេះ មានប្រជាពលរដ្ឋខ្លះ បានលែងត្រីដែលមានប្រភពពីក្រៅប្រទេសចូល​ក្នុងដែន​ទឹកធម្មជាតិ ​ដែលសកម្មភាពនេះ​ អាចនឹងបង្ក​ហានិភ័យ​ដល់​មច្ឆជាតិ​ក្នុងស្រុក ។ វារីសត្វ ឬប្រភេទដែលមានប្រភពពីក្រៅប្រទេសមួយចំនួន​ ជាប្រភេទត្រីកាចស៊ីសាច់ជាអាហារ ឬសាយកូនលឿន ​ប្រសិនបើប្រភេទត្រី ឬវារីសត្វទាំងនោះ មានវត្តមានកាន់តែច្រើននៅក្នុងដែនទឹក​ធម្មជាតិ វានឹងស៊ីត្រីក្នុងធម្មជាតិ ដណ្ដើមទី ជម្រក និងអាចនាំឲ្យប៉ះពាល់ដល់ពូជក្នុងស្រុក ។ពាក់ព័ន្ធនឹងបញ្ហានេះ រដ្ឋបាលជលផល បានអំពាវនាវដល់ប្រជាពលរដ្ឋ ដែលកំពុងចិញ្ចឹមប្រភេទ ត្រី ឬវារីសត្វ មានប្រភពពីក្រៅប្រទេស ​សូមថែរក្សាឲ្យបានខ្ជាប់ខ្ជួន ចៀសវាងលែង ឬធ្វេសប្រហែស​ឲ្យរួច ចូលក្នុងដែនទឹកធម្មជាតិ ​។ ករណីពលរដ្ឋមានបំណងលែងត្រី ឬវារីសត្វមានប្រភពពី​ក្រៅប្រទេស ត្រូវទំ នាក់ទំនងមន្ត្រីជលផល ។រដ្ឋបាលជលផល ក៏បានលើកទឹកចិត្តដល់ប្រជាពលរដ្ឋ ​ពិសេសអ្នកនេសាទ បន្តផ្ដល់នូវព័ត៌មាន ដល់​សមត្ថកិច្ចជលផល និងលែងនូវប្រភេទត្រីកម្រ ត្រីមេពូជ ​និងវារីសត្វផ្សេងទៀត ដែល​នេសាទបានឲ្យ ផុលផុសថែមទៀត ដែលនេះជាសកម្មភាពដ៏មានតម្លៃ មិនអាចកាត់ថ្លៃបាន​ក្នុងការចូលរួមថែរក្សា ការពារ និងអភិរក្សធនធានជលផលឲ្យបានគង់វង្សសម្រាប់កូន​ចៅជំនាន់ក្រោយ ។ជាមួយនេះ រដ្ឋបាលជលផល បានសម្ដែងការរីករាយ​ និងថ្លែងអំណរគុណ ចំពោះប្រជាពលរដ្ឋ ពិសេសអ្នកនេសាទដែលបានចូលរួមលែងនូវប្រភេទត្រីកម្រ ត្រីមេពូជ ​និងវារីសត្វផ្សេងៗទៀត ជាអាទិ៍ ត្រី រាជ ត្រីគល់រាំង ត្រីត្រសក់ អណ្ដើកហ្លួង អណ្ដើកសមុទ្រ ផ្សោតសមុទ្រ ដែលជាសកម្មភាពដ៏ប្រពៃ ក្នុងការ ចូលរួមថែរក្សាការពារធនធានជលផល និងទទួលបាននូវការអបអរសាទរយ៉ាងខ្លាំងពីមហាជន ៕អត្ថបទ៖ បាន សុខរិទ្ធិ

ឧទ្ធម្ភាគចក្រភពព្រះអង្គារ ជាប្រវត្តិសាស្ត្ររបស់ NASA បានចុះចតដោយសុវត្ថិភាព បន្ទាប់ពីហោះហើរបាន ៧២ លើក

2024/01/26 12:34:40 pm        187
Facebook Telegram Linkin
អង្គការអវកាសNASA និយាយកាលពីថ្ងៃព្រហស្បតិ៍ទី២៥ ខែមករា ថាឧទ្ធម្ភាគចក្ររូបយន្តខ្នាតតូច អ៊ីនជីនញូធី(Ingenuity)របស់ខ្លួន ដែលកាលពីឆ្នាំ២០២១បានក្លាយជាយន្តហោះដំបូងគេដែលសម្រេចបាននូវការហោះហើរដែលមានថាមពលនៅលើភពមួយផ្សេងទៀតមិនអាចហោះហើរបានទៀតទេ ដែលជាការបញ្ចប់បេសកកម្មនៅលើភពព្រះភពអង្គារយូរជាងការគ្រោងទុកដំបូង។ ប្រធានរដ្ឋបាលអង្គការណាសាលោក Bill Nelson បាននិយាយនៅក្នុងវីដេអូមួយដែលត្រូវបានបង្ហោះនៅលើប្រព័ន្ធផ្សព្វផ្សាយសង្គមថា នេះជារឿងជូរចត់ដែលលោកត្រូវតែប្រកាសថាយានអ៊ីនជីនញូធី (Ingenuity)ជាឧទ្ធម្ភាគចក្រខ្នាតតូច ដែលអាចនៅតែបន្តនិយាយថា លោកគិតថាលោកអាចធ្វើបាន ដែលឥឡូវនេះយាននេះ បានហោះហើរចុងក្រោយនៅលើភពព្រះអង្គារ។ អង្គការNASAបានបន្ថែមថា ទីភ្នាក់ងារអវកាសអាមេរិកបាននិយាយថា យានអ៊ីនជីនញូធី(Ingenuity)បានចុះចតបន្ទាន់ ក្នុងអំឡុងពេលហោះហើរពីទីពីរទៅចុងក្រោយរបស់វា។ ក្នុងអំឡុងពេលហោះហើរចុងក្រោយរបស់យាននេះ។ យាននេះដែលកាលពីថ្ងៃទី១៨ ខែមករា បានបាត់បង់ការទាក់ទងជាមួយយានអវកាសតាមដានប្រតិបត្តិការ ជាយានដែលឧទ្ធម្ភាគចក្ររូបយន្តខ្នាតតូច អ៊ីនជីនញូធី(Ingenuity)បានដាក់បញ្ជូនកាលពីឆ្នាំ២០២១ពេលយាននេះកំពុងហោះហើរកម្ពស់ប្រហែល ១ ម៉ែត្រពីលើដី ខណៈចុះមកដី។ បន្ទាប់ពីការហោះហើរលើកដំបូងរបស់ឧទ្ធម្ភាគចក្ររូបយន្តខ្នាតតូចអ៊ីនជីនញូធីកាលពីខែមេសា ឆ្នាំ ២០២១ រំញ័រពីលើផ្ទៃភពព្រះអង្គារក្នុងរយៈពេល ៣៩ វិនាទី ក្រុមមន្ត្រីណាសាបានសាទរចំពោះសមិទ្ធផលរបស់យន្តហោះដើរដោយថាមពលពន្លឺព្រះអាទិត្យទម្ងន់១,៨ គីឡូក្រាម ជាយន្តហោះដែលនឹងជួយត្រួសត្រាយផ្លូវសម្រាប់គំរូថ្មីមួយនៃការរុករកតាមអាកាសនៅលើភពក្រហម និងគោលដៅផ្សេងទៀតនៅក្នុងប្រព័ន្ធព្រះអាទិត្យ ដូចជាភពសុក្រ និងព្រះចន្ទ។ ភាពជោគជ័យរបស់ឧទ្ធម្ភាគចក្រនៅក្នុងការហោះហើរសាកល្បងដំបូងៗ បានផ្ដល់ឱ្យតួនាទីប្រកបដោយផ្លែផ្កាកាន់តែប្រសើរនៅលើភពព្រះអង្គារ ដោយជួយស្វែងរកទីតាំងគោលដៅសម្រាប់កាមេរ៉ាតូចរបស់វា។ អង្គការណាសា បាននិយាយថា យាននេះបានរស់រានមានជីវិតជិតរយៈពេលជិត ១.០០០ ថ្ងៃ ដែលរាប់បញ្ចូលទាំងរដូវរដូវរងាដ៏ត្រជាក់របស់ភពផែនដីផងដែរ៕

បណ្ដាញសង្គម

ព័ត៌មានថ្មីៗ

ប្លុកអឺរ៉ុប នឹងដកពន្ធលើទំនិញអាមេរិក ដើម្បីត្រួសត្រាយផ្លូវសម្រាប់បន្ទាបពន្ធរថយន្ត
08/29/2025 08:08 AM
Facebook Telegram Linkin
មន្រ្តីលោក Trump៖ ការឈប់លើកលែងពន្ធលើកញ្ចប់ទំនិញតម្លៃទាបរបស់អាមេរិក ជាវិធានការអចិន្ត្រៃយ៍
08/29/2025 08:08 AM
Facebook Telegram Linkin
ក្រុមមេដឹកនាំអឺរ៉ុប ខឹងសម្បារខ្លាំងក្រោយរុស្ស៊ីវាយប្រហារសម្លាប់មនុស្ស២៣នាក់ និងខូចខាតទីស្នាក់ការរបស់សហភាពអឺរ៉ុប
08/29/2025 08:08 AM
Facebook Telegram Linkin
នាយឧត្តមសេនីយ៍ ម៉ឹង សំផន ផ្តល់សម្ភារៈពេទ្យដល់មន្ទីរពេទ្យយោធាសម្តេចតេជោស្រអែមនៅខេត្តព្រះវិហារ
08/29/2025 08:08 AM
Facebook Telegram Linkin
អ្នកការទូត៖ អង់គ្លេស បារាំង និងអាល្លឺម៉ង់ នឹងផ្តួចផ្តើមដំណើរការដាក់ទណ្ឌកម្មរបស់ UN លើអ៊ីរ៉ង់
08/28/2025 08:08 PM
Facebook Telegram Linkin
EU និងអង់គ្លេសកោះអញ្ជើញបេសកជនរុស្ស៊ី ក្រោយអគារបេសកកម្មរងខូចខាត អំឡុងការវាយប្រហារលើក្រុងគីវ
08/28/2025 08:08 PM
Facebook Telegram Linkin
ប្រធានាធិបតីស្វីស ពិភាក្សាអំពីសន្តិភាព និងការកសាងឡើងវិញជាមួយនាយករដ្ឋមន្ត្រីអ៊ុយក្រែន
08/28/2025 08:08 PM
Facebook Telegram Linkin
ឯកអគ្គរដ្ឋទូតអ៊ីរ៉ង់ចាកចេញពីអូស្ត្រាលី ក្នុងពេលមានជម្លោះផ្នែកការទូត ជុំវិញការវាយប្រហារប្រឆាំងជ្វីហ្វ
08/28/2025 07:08 PM
Facebook Telegram Linkin
រុស្ស៊ី បញ្ជាក់ថា «នៅតែចាប់អារម្មណ៍» ចំពោះសន្តិភាព ប៉ុន្តែនឹងបន្តការវាយប្រហារអ៊ុយក្រែន
08/28/2025 07:08 PM
Facebook Telegram Linkin
ផ្លូវជនបទ២គម្រោងក្នុងខេត្តសៀមរាប ស្ថាបនាប្រកបដោយគុណភាព បម្រើដល់ការធ្វើដំណើរ និងការប្រកបអាជីវកម្មផ្សេងៗ
08/28/2025 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.