BTV NEWS

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ និង ការអភិវឌ្ឍន៍

ទំនាក់ទំនងជាប្រវត្តិសាស្ត្រ និងគ្រប់កម្រិតរវាងកម្ពុជា-បារាំង នឹងជំរុញឱ្យ កិច្ចសហប្រតិបត្តិការសេដ្ឋកិច្ច និងវប្បធម៌ កាន់តែរីកចម្រើនរឹងមាំប្រសើរឡើង

បារាំង៖ នារសៀលថ្ងៃទី១៨ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជួបសម្តែងការគួរសម និងពិភាក្សាការងារ ជាមួយនឹងលោកជំទាវ Yaël BRAUN-PIVET ប្រធានរដ្ឋសភាបារាំង ក្នុងឱកាស នៃដំណើរទស្សនកិច្ចផ្លូវការនៅទីក្រុងប៉ារីស សាធារណរដ្ឋបារាំង ។ជាកិច្ចចាប់ផ្តើម លោកជំទាវ Yaël BRAUN-PIVET ប្រធានរដ្ឋសភាបារាំង បានសម្តែងនូវកិច្ចស្វាគមន៍ចំពោះដំណើរទស្សនកិច្ចផ្លូវការរបស់ សម្តេចធិបតី នៅលើទឹកដីបារាំង និងបានវាយតម្លៃខ្ពស់ចំពោះការសម្រេចជ្រើសរើសរបស់សម្តេចធិបតី យកប្រទេសបារាំងជាប្រទេសទី១ ក្នុងចំណោមបណ្តាប្រទេសនៃទ្វីបអឺរ៉ុប ដើម្បីបំពេញទស្សនកិច្ចផ្លូវការក្នុងនាមប្រមុខរាជរដ្ឋាភិបាលកម្ពុជា ស្របពេលដែលប្រទេសបារាំង-កម្ពុជា កំពុងមានទំនាក់ទំនងកិច្ចសហប្រតិបត្តិការល្អលើគ្រប់វិស័យ។ បន្ថែមលើនេះ លោកជំទាវប្រធានរដ្ឋសភា ក៏បានសម្តែងនូវការពេញចិត្តចំពោះគំនិតផ្តួចផ្តើមរបស់ សម្តេចធិបតី ក្នុងការបង្កើតនូវមជ្ឈមណ្ឌលវប្បធម៌ថ្នាក់តំបន់មួយនៅក្នុងប្រទេសកម្ពុជា សម្រាប់បម្រើឱ្យការបណ្តុះបណ្តាលភាសាបារាំង និងការផ្សព្វផ្សាយវប្បធម៌បារាំង ដល់ប្រជាជននៃបណ្តាប្រទេសនៅក្នុងតំបន់អាស៊ី ខណៈដែលប្រទេសកម្ពុជាជាប្រទេសដែលមានទំនាក់ទំនងប្រវត្តិសាស្ត្រដ៏យូរលង់ជាមួយនឹងប្រទេសបារាំង ហើយក៏នៅតែជាប្រទេសសកម្មមួយ ដែលមានប្រជាជនប្រើប្រាស់ភាសាបារាំងជាច្រើន។ជាការឆ្លើយតប សម្តេចធិបតី បានថ្លែងអំណរគុណចំពោះបដិសណ្ឋារកិច្ចស្វាគមន៍យ៉ាងកក់ក្តៅពីសំណាក់ លោកជំទាវប្រធានរដ្ឋសភាបារាំង និងបានសម្តែងនូវក្តីរីករាយចំពោះវឌ្ឍនភាពរីកចម្រើនគួរឱ្យកត់សម្គាល់ នៃទំនាក់ទំងរវាងប្រទេសទាំងពីរនៅគ្រប់កម្រិត ជាពិសេសទំនាក់ទំនងរវាងសា្ថប័ននីតិប្រតិបត្តិ និងស្ថាប័ននីតិប្បញ្ញត្តិ ក៏ដូចជាកិច្ចសហប្រតិបត្តិការជិតស្និទ្ធនៅក្នុងវិស័យអប់រំ វប្បធម៌ ភាសា និងសេដ្ឋកិច្ច ។ល។ ទន្ទឹមគ្នានេះ, សម្តេចធិបតី ក៏បានលើកឡើងបន្ថែមថា នៅក្នុងដំណើរទស្សនកិច្ចផ្លូវការនាឱកាសនេះ ការជំរុញលើកកម្ពស់ទំនាក់ទំនងផ្នែកពាណិជ្ជកម្ម និងវិនិយោគ ក៏ជារបៀបវារៈសំខាន់មួយផងដែរ នៃបេសកកម្មរបស់សម្តេចធិបតី បន្ថែមលើកិច្ចការនយោបាយ និងការទូត ដោយសង្ឃឹមថា ក្រុមហ៊ុន-សហគ្រាសធំៗរបស់បារាំងនឹងបន្តពង្រីកការវិនិយោគនៅកម្ពុជាបន្ថែមទៀត ហើយចំពោះវិនិយោគិនបារាំងថ្មី ក៏អាចនឹងចាប់ផ្តើមសិក្សាស្វែងយល់អំពីសក្តានុពលវិនិយោគនៅកម្ពុជា ផងដែរ។ មុននឹងបញ្ចប់ សម្តេចធិបតី បានសង្កត់ធ្ងន់ថា ក្នុងនាមជាសមាជិកសកម្មរបស់អង្គការនៃបណ្តាប្រទេសនិយាយភាសាបារាំងនៃអង្គការហ្វ្រង់កូហ្វូនី (OIF), ទំនាក់ទំនងលើគ្រប់វិស័យរវាងប្រទេសទាំងពីរ នឹងកាន់តែត្រូវបានពង្រឹង និងលើកកម្ពស់ឱ្យកាន់តែរីកចម្រើនប្រសើរឡើងយ៉ាងប្រាកដ៕

ក្រុមមេធាវីលោក Trump ព្រមានតុលាការកំពូលពីភាពរំជើបរំជួល បើអនុញ្ញាតឲ្យដកឈ្មោះលោក Trumpចេញពីសន្លឹកឆ្នោតឆ្នាំ២០២៤

អតីតប្រធានាធិបតីលោក Donald Trump កំពុងជំរុញតុលាការកំពូលអាមេរិកឲ្យដកសេចក្ដីសម្រេចរបស់តុលាការកំពូលរដ្ឋ Colorado ដែលបានដកឈ្មោះលោកចេញពីសន្លឹកឆ្នោតរបស់រដ្ឋនេះ។លិខិតដាក់ជូនដោយក្រុមមេធាវីរបស់លោក Trump កាលពីថ្ងៃព្រហស្បតិ៍ទៅកាន់តុលាការកំពូលបានបង្ហាញពីជម្លោះរបស់ពួគេ ចំពោះមូលហេតុដែលតុលាការរដ្ឋនេះ បានប្រព្រឹត្តិខុស នៅពេលខ្លួនបានចេញសេចក្ដីសម្រេចមិនធ្លាប់មានកាលពីខែមុន។ ក្រុមមេធាវីរបស់លោក Trump បានតវ៉ាថា តុលាការគួរតែលុបចោលការសម្រេចចិត្តរបស់រដ្ឋ Colorado ព្រោះលោក Trump មិនជាប់ពាក់ព័ន្ធនឹងករណីដូចបានចែងនៅក្នុងមាត្រាទី៣នោះទេ ខណៈដែលអតីតប្រធានាធិបតីរូបនេះ មិនមែនជាមន្ត្រីស្ថិតក្រោមរដ្ឋធម្មនុញ្ញរបស់សហរដ្ឋអាមេរិកទេ។ ហើយបប្រសិនបើលោក Trump ជាប់ពាក់ព័ន្ធនឹងមាត្រាទី៣នេះ លោកពុំបានជាប់ពាក់ព័ន្ធទៅនឹងករណីណាមួយ ដែលចាត់ទុកថាជាជនបះបោរនោះទេ។ កិច្ចខិតខំប្រឹងប្រែងនេះ ក្រុម Trump បានលើកឡើងថា ទង្វើរនេះ នឹងធ្វើឱ្យមានភាពចលាចល និងបាត់បង់សណ្ដាប់ធ្នាប់ ប្រសិនបើតុលាការរដ្ឋ និងមន្ត្រីរដ្ឋផ្សេងទៀត យកគំរូតាមរដ្ឋ Colorado ហើយមិនរាប់បញ្ចូលបេក្ខភាពប្រធានាធិបតីដែលទំនងមកពីគណបក្សសាធារណរដ្ឋពីសន្លឹកឆ្នោតរបស់ពួកគេ។ តុលាការកំពូលរដ្ឋ Colorado កាលពីខែមុនបាននិយាយថា លោក Trump គ្មានមានសិទ្ធិឈរឈ្មោះតាមរដ្ឋធម្មនុញ្ញសម្រាប់ការបោះឆ្នោតឆ្នាំ ២០២៤ នេះ ទេ ដោយសារការហាមប្រាមរបស់វិសោធនកម្មទី ១៤ លើក្រុមបះបោ រគ្របដណ្តប់លើការប្រព្រឹត្តរបស់លោកកាលពីថ្ងៃទី៦ខែមករា ឆ្នាំ ២០២១នៅវិមានកាពីតូល៕

សភាអាមេរិក អនុម័តសេចក្តីស្នើច្បាប់ ដើម្បីបញ្ចៀសការបិទរដ្ឋាភិបាល និងបានបញ្ជូនទៅលោក Biden

សភារបស់សហរដ្ឋអាមេរិកកាលពីថ្ងៃព្រហស្បតិ៍ បានអនុម័តសេចក្តីស្នើច្បាប់ជាមធ្យោបាយបណ្តោះអាសន្ន ដើម្បីផ្តល់មូលនិធិដល់រដ្ឋាភិបាលសហព័ន្ធ រហូតដល់ដើមខែមីនា និងបញ្ចៀសការបិទរដ្ឋាភិបាលដោយផ្នែក ដោយបានបញ្ជូនសេចក្តីស្នើច្បាប់ទៅកាន់ប្រធានាធិបតី លោក Joe Biden សម្រាប់ការអនុម័តចុងក្រោយ។វិធានការនេះ បានអនុម័តសំឡេង ៣១៤ទល់នឹង១០៨សំឡេង ដោយគណបក្សសាធារណរដ្ឋចំនួន ១០៦នាក់ និងគណបក្សប្រជាធិបតេយ្យ២នាក់ ប្រឆាំង។ កាលពីព្រឹកថ្ងៃព្រហស្បតិ៍ ព្រឹទ្ធសភាបានអនុម័តយ៉ាងងាយស្រួលនូវសេចក្តីស្នើច្បាប់ ដោយមានសំឡេងឆ្នោត ៧៧ ទល់នឹង១៨សំឡេង មុនថ្ងៃផុតកំណត់នៅចុងសប្តាហ៍នេះ។ព្រឹទ្ធសភាដែលភាគច្រើនជាគណបក្សលទ្ធិប្រជាធិបតេយ្យ ហើយសភាគ្រប់គ្រងដោយគណបក្សសាធារណរដ្ឋ គឺនៅឆ្ងាយពីការអនុវត្តកាតព្វកិច្ចជាមូលដ្ឋានរបស់ពួកគេក្នុងការផ្តល់មូលនិធិដល់រដ្ឋាភិបាលសម្រាប់ឆ្នាំសារពើពន្ធ ដែលបានចាប់ផ្តើមនៅថ្ងៃទី ១ ខែតុលា ដោយសមាជិកសភា កំពុងប្រញ៉ាប់ប្រញាល់ ដើម្បីរក្សាឲ្យនៅបន្តផ្តល់ពេលវេលាបន្ថែមដល់ពួកគេដើម្បីអនុម័តសេចក្តីស្នើច្បាប់ ពេញមួយឆ្នាំ។

បញ្ហាប្រជាជនវ័យចំណាស់របស់ប្រទេសចិន គំរាមកំហែងការប្តូរទៅរកគំរូកំណើនសេដ្ឋកិច្ចថ្មី

ប្រជាជនវ័យចំណាស់របស់ប្រទេសចិន បានគំរាមកំហែងដល់គោលដៅគោលនយោបាយក្រុងប៉េកាំង ដ៏សំខាន់សម្រាប់ទសវត្សរ៍ខាងមុខនៃការជំរុញការប្រើប្រាស់ក្នុងស្រុក និងការពង្រឹងបំណុលដែលបង្កជាបញ្ហាប្រឈមយ៉ាងធ្ងន់ធ្ងរដល់ការរំពឹងទុកនៃកំណើនរយៈពេលវែងរបស់សេដ្ឋកិច្ច។អត្រាកើតធ្លាក់ទាបបំផុតក្នុងឆ្នាំ២០២៣ និងរលកនៃការស្លាប់ដោយសារជំងឺកូវីដ១៩ បណ្តាលឱ្យមានការថយចុះចំនួនប្រជាជនក្នុងឆ្នាំទីពីរជាប់ៗគ្នា ដែលបង្កើនការព្រួយបារម្ភអំពីការធ្លាក់ចុះនៃប្រជាសាស្រ្តរបស់ប្រទេសចិន។ក្រុមធំនៃប្រជាជនចំនួន ១,៤ពាន់លាននាក់ ដែលរស់នៅក្នុងប្រទេសសេដ្ឋកិច្ចធំទីពីររបស់ពិភពលោកមួយនេះ នឹងចាកចេញពីវិស័យការងារ ហើយនឹងស្ថិតក្នុងអាយុហួសសម័យកាលនៃជីវិតរបស់ពួកគេសម្រាប់ការប្រើប្រាស់ ដែលធ្វើអោយអតុល្យភាពរចនាសម្ព័ន្ធកាន់តែធ្ងន់ធ្ងរ ដែលអ្នកបង្កើតគោលនយោបាយបានប្តេជ្ញាដោះស្រាយ។ក្នុងរយៈពេល ១០ឆ្នាំខាងមុខ មនុស្សប្រហែល ៣០០លាននាក់ ដែលបច្ចុប្បន្នមានអាយុពី ៥០ឆ្នាំទៅ ៦០ឆ្នាំ ដែលជាក្រុមប្រជាសាស្រ្តដ៏ធំបំផុតរបស់ប្រទេសចិន ពោលគឺស្មើនឹងចំនួនប្រជាជនអាមេរិកស្ទើរតែទាំងអស់ ត្រូវបានកំណត់ឱ្យចាកចេញពីការងារកម្លាំងពលកម្ម នៅពេលដែលថវិកាសោធននិវត្តន៍ត្រូវបានបង្កើនរួចទៅហើយ៕

សហភាពអឺរ៉ុប អនុម័តសេចក្តីសម្រេចបទឈប់បាញ់នៅតំបន់ហ្កាហ្សា ដែលទាមទារឲ្យមានការដោះលែងចំណាប់ថ្នូរ

សភាសហភាពអឺរ៉ុបកាលពីថ្ងៃព្រហស្បតិ៍ បានអនុម័តសេចក្តីសម្រេចមួយ ដោយអំពាវនាវឲ្យមានបទឈប់បាញ់នៅក្នុងសង្គ្រាមអ៊ីស្រាអែល-ក្រុមហាម៉ាស ប្រសិនបើលក្ខខណ្ឌចំនួនពីរ ត្រូវបានបំពេញនោះ។វិធានការមិនជាប់កាតព្វកិច្ច បានទាមទារមានការដោះលែងចំណាប់ថ្នូរ ទាំងអស់ ហើយក្រុមហាម៉ាស ត្រូវរុះរើ ដើម្បីអំពាវនាវឲ្យមានបទឈប់បាញ់ និងការវិលត្រឡប់ទៅរកកិច្ចខិតខំប្រឹងប្រែង ដើម្បីស្វែងរកដំណោះស្រាយនយោបាយចំពោះជម្លោះនេះ។សភាបាននិយាយថា៖«ខណៈពេលដែលថ្កោលទោសក្នុងលក្ខខណ្ឌដ៏ខ្លាំងក្លាបំផុតនៃការវាយប្រហារភេរវកម្មដ៏គួរឲ្យស្អប់ខ្ពើម ដែលប្រព្រឹត្តដោយក្រុមហាម៉ាសប្រឆាំងនឹងអ៊ីស្រាអែល ពួកគេ ក៏បានថ្កោលទោសការឆ្លើយតបរបស់យោធាអ៊ីស្រាអែលមិនសមហេតុផល ដែលបានបណ្តាលឲ្យចំនួនជនស៊ីវិលស្លាប់ ក្នុងទំហំដែលមិនធ្លាប់មានពីមុនមក»។សេចក្តីសម្រេចនេះ ក៏បានអំពាវនាវឲ្យមានគំនិតផ្តួចផ្តើមរបស់អឺរ៉ុប ដែលដាក់ដំណោះស្រាយរដ្ឋពីរ ត្រឡប់រកមាគ៌ាដ៏ត្រឹមត្រូវ ហើយសង្កត់ធ្ងន់លើភាពចាំបាច់ដាច់ខាតនៃការចាប់ផ្តើមដំណើរការសន្តិភាពឡើងវិញជាបន្ទាន់។សេចក្តីសម្រេចនេះដែរ គាំទ្រដល់គំនិតផ្តួចផ្តើមសន្តិភាពអារ៉ាប់ឆ្នាំ២០០២ ដែលអំពាវនាវឲ្យបញ្ចប់ការកាន់កាប់របស់អ៊ីស្រាអែលលើទឹកដីប៉ាឡេស្ទីន ហើយសង្កត់ធ្ងន់ថា ការតាំងទីលំនៅរបស់អ៊ីស្រាអែលនៅតំបន់វេសបែងនិងហ្ស៊េរុសាឡឹមគឺ «ខុសច្បាប់ក្រោមច្បាប់អន្តរជាតិ»។

អ៊ុយក្រែន ចាប់ផ្តើមកសាងទីប្រជុំជន និងទីក្រុងឡើងវិញ ទោះបីជាសង្រ្គាមកំពុងបន្តក៏ដោយ

ក្នុងទីក្រុង ត្រូស្តៀណិតស៍ (Trostianets) របស់អ៊ុយក្រែន គេឃើញយានអេស្កាវ៉ាទ័រកំពុងសម្អាតបំណាក់ដី និងកម្ទេចកម្ទីពីចន្លោះរថភ្លើង និងស្ថានីយរថយន្តក្រុងដើម្បីធ្វើផ្លូវសម្រាប់មជ្ឈមណ្ឌលដឹកជញ្ជូនដែលបានគ្រោងទុកឡើងវិញ។ដោយរងការខូចខាតយ៉ាងធ្ងន់ធ្ងរនៅក្នុងការប្រយុទ្ធជាមួយកងកម្លាំងរុស្ស៊ី កាលពីជិត ២ឆ្នាំមុន ទីក្រុង ត្រូស្តៀណិតស៍ គឺជាតំបន់លំនៅដ្ឋានមួយក្នុងចំណោមការតាំងទីលំនៅចំនួនប្រាំមួយដែលកំពុងត្រូវបានសាងសង់ឡើងវិញជាមួយនឹងមូលនិធិរបស់រដ្ឋនៅក្នុងកម្មវិធីសាកល្បងដើម្បីអភិវឌ្ឍជំនាញ និងបទពិសោធន៍ដែលត្រូវការសម្រាប់ដំណើរការកសាងឡើងវិញដ៏ទូលំទូលាយនៅពេលក្រោយ។អភិបាលក្រុង លោក យ៉ូរីវ បូវ៉ា (Yuriy Bova) បាននិយាយថា ពេលវេលាកំពុងជិតអស់ហើយក្នុងការនាំយកដង្ហើមជីវិតត្រឡប់ទៅទីក្រុងវិញ បើមិនដូច្នោះទេយើងនឹងប្រថុយនឹងការបាត់បង់ជនជាតិអ៊ុយក្រែនរាប់លាននាក់ ដែលអាចជួយអភិវឌ្ឍប្រទេសឡើងវិញ ដោយសារពួកគេនិរទេសខ្លួនជាអចិន្ត្រៃយ៍នៅអឺរ៉ុប។ ក្រុមមន្ត្រីក្នុងទីក្រុងគីវ ក៏បានផ្តល់សញ្ញាអំពីភាពបន្ទាន់នៃការកសាងអ៊ុយក្រែនឡើងវិញ ដោយជាកិច្ចខិតខំប្រឹងប្រែងដែលនឹងត្រូវការប្រាក់រាប់រយពាន់លានដុល្លារ និងពាក់ព័ន្ធនឹងការជួសជុលរហ័សទៅកាន់ទីតាំងសំខាន់ៗដូចជា មន្ទីរពេទ្យ ស្ថានីយ៍ថាមពល និងផ្លូវរថភ្លើង។ទោះជាយ៉ាងណា សង្គ្រាមមិនបង្ហាញសញ្ញានៃការធូរស្រាលឡើយ ហើយពេលនេះអ៊ុយក្រែនកំពុងការពារប្រឆាំងនឹងការវាយប្រហារថ្មីរបស់រុស្ស៊ី បន្ទាប់ពីការវាយលុករបស់ខ្លួនមិនបានជោគជ័យ និងមិនទទួលបានផលចំណេញច្រើន។ ទីក្រុងមូស្គូ ក៏បានបន្តយុទ្ធនាការវាយប្រហារតាមអាកាសទ្រង់ទ្រាយធំលើមជ្ឈមណ្ឌលប្រជាជនឆ្ងាយហួសពីជួរមុខនៃសង្រ្គាមផងដែរ៕

អាមេរិកព្រមានពីកិច្ចប្រឹងប្រែងរបស់រុស្សី ដើម្បីឲ្យមានភាពលំអៀងក្នុងការបោះឆ្នោតនៅអឺរ៉ុប ប្រឆាំងនឹងអ៊ុយក្រែន

ប្រធានការិយាល័យព័ត៌មានមិនពិតរបស់ក្រសួងការបរទេស បាននិយាយកាលពីថ្ងៃព្រហស្បតិ៍ (១៨ មករា) ថាសហរដ្ឋអាមេរិកជឿជាក់ថាប្រទេសរុស្ស៊ី នឹងធ្វើ «ប្រតិបត្តិការព័ត៌មាន» ក្នុងគោលបំណងបង្វែរមតិនៅអឺរ៉ុបប្រឆាំងនឹងអ៊ុយក្រែន នៅពេលដែលប្រទេសនានាទូទាំងទ្វីបទៅបោះឆ្នោតនៅឆ្នាំនេះ។ប្រទេសរាប់សិបនៅទូទាំងពិភពលោកនឹងបោះឆ្នោតជ្រើសរើសមេដឹកនាំថ្មីនៅឆ្នាំ២០២៤ រួមទាំងការបោះឆ្នោតនៅចក្រភពអង់គ្លេស អូទ្រីស និងហ្សកហ្ស៊ី ក៏ដូចជាការបោះឆ្នោតសភាអឺរ៉ុបនៅខែមិថុនា ខាងមុខនេះ។លោក ជេមមី រ៉ូប៊ីន (Jamie Rubin) បេសកជនពិសេស និងអ្នកសម្របសម្រួលសម្រាប់មជ្ឈមណ្ឌលការចូលរួមជាសកល (GEC) បានប្រាប់អ្នកសារព័ត៌មានថា សត្រូវរបស់សហរដ្ឋអាមេរិក គឺរុស្ស៊ី ក៏ដូចជាប្រទេសចិន កំពុងធ្វើការនៅជុំវិញពិភពលោក ដើម្បីចែកចាយការឃោសនាបែបបំភាន់របស់រដ្ឋក្នុងនាមជាអ្នកសារព័ត៌មានឯករាជ្យ ដោយលាក់ប្រភពពិតរបស់ខ្លួន។លោក រ៉ូប៊ីន មិនបានលើកឡើងពីប្រទេសជាក់លាក់ដែលលោកមានការព្រួយបារម្ភនោះទេ ប៉ុន្តែបាននិយាយថាការគំរាមកំហែងចម្បងក្នុងឆ្នាំនេះគឺនៅអឺរ៉ុប ដែលដំបូងឡើយបានរួបរួមគ្នាប្រឆាំងនឹងការឈ្លានពានអ៊ុយក្រែន ក្នុងឆ្នាំ២០២២ របស់រុស្ស៊ី ហើយបានផ្តល់ជំនួយយោធា និងជំនួយផ្សេងៗទៀតដល់អ៊ុយក្រែន៕

ម៉ិកស៊ិក និងឈីលី បញ្ជូនជម្លោះអ៊ីស្រាអែល និងក្រុមហាម៉ាស ទៅតុលាការ ICC ជុំវិញលទ្ធភាពនៃឧក្រិដ្ឋកម្ម

ម៉ិកស៊ិក និងឈីលី បានសម្តែង «ការព្រួយបារម្ភកាន់តែខ្លាំង» កាលពីថ្ងៃព្រហស្បតិ៍ (១៨ មករា) ជុំវិញ «ការកើនឡើងនៃអំពើហិង្សា» បន្ទាប់ពីសង្គ្រាមជាច្រើនខែរវាងអ៊ីស្រាអែល និងក្រុមហាម៉ាស ដោយបញ្ជូនជម្លោះនេះទៅកាន់តុលាការព្រហ្មទណ្ឌអន្តរជាតិ (ICC) ជុំវិញឧក្រិដ្ឋកម្មសង្រ្គាមដែលអាចកើតមាន។ក្រុមសកម្មប្រយុទ្ធហាម៉ាស បានបើកការវាយប្រហារដ៏គួរឱ្យភ្ញាក់ផ្អើលមួយក្នុងប្រទេសអ៊ីស្រាអែល ក្នុងខែតុលា ដោយបានសម្លាប់ជនស៊ីវិលភាគច្រើន ១.២០០នាក់ និងចាប់ចំណាប់ថ្នូរចំនួន ២៥៣នាក់ ជាមួយនឹងករណីជាច្រើនបានលេចចេញជារូបរាងពីការរំលោភ និងការសម្លាប់ដោយកាត់ផ្តាច់រាងកាយ។ ការវាយប្រហារសងសឹករបស់អ៊ីស្រាអែលលើតំបន់ហ្កាហ្សាស្ទ្រីប ដែលគ្រប់គ្រងដោយក្រុមហាម៉ាស បាននាំឱ្យមានការបង្កើនការជូនដំណឹងជាអន្តរជាតិ និងការត្រួតពិនិត្យលើការស្លាប់របស់ជនស៊ីវិល ជាពិសេសកុមារ។ នៅក្នុងសេចក្តីថ្លែងការណ៍មួយ ក្រសួងការបរទេសរបស់ប្រទេសម៉ិកស៊ិកបាននិយាយថា តុលាការព្រហ្មទណ្ឌអន្តរជាតិ ICC គឺជាវេទិកាត្រឹមត្រូវដើម្បីបង្កើតទំនួលខុសត្រូវលើលទ្ធភាពនៃឧក្រិដ្ឋកម្ម «មិនថាប្រព្រឹត្តដោយភ្នាក់ងារនៃអំណាចកាន់កាប់ ឬអំណាចដែលត្រូវគេកាន់កាប់ក៏ដោយ»។អ៊ីស្រាអែលមិនមែនជាសមាជិកនៃតុលាការដែលមានមូលដ្ឋាននៅទីក្រុងឡាអេ នេះទេហើយក៏មិនទទួលស្គាល់យុត្តាធិការរបស់តុលាការនេះដែរ ប៉ុន្តែរដ្ឋអាជ្ញារបស់តុលាការ ICC បានសង្កត់ធ្ងន់ថា តុលាការនេះមានយុត្តាធិការលើឧក្រិដ្ឋកម្មសង្រ្គាមដែលអាចកើតមានដោយក្រុមសកម្មប្រយុទ្ធហាម៉ាស នៅអ៊ីស្រាអែល និងដោយជនជាតិអ៊ីស្រាអែលនៅតំបន់ហ្កាហ្សា៕

អាមេរិក៖ ការគម្រាមកំហែងរបស់កូរ៉េខាងជើងអាចផ្លាស់ប្តូរយ៉ាងខ្លាំងក្នុងកិច្ចសហប្រតិបត្តិការជាមួយរុស្ស៊ី

ប្រធានទទួលបន្ទុកជាន់ខ្ពស់ផ្នែកគ្រប់គ្រងអាវុធរបស់សេតវិមានលោក ប្រាណាយ វ៉ាឌី (Pranay Vaddi ) បាននិយាយកាលពីថ្ងៃព្រហស្បតិ៍ថា ធម្មជាតិនៃការគំរាមកំហែងផ្នែកសន្តិសុខដែលបង្កឡើងដោយកូរ៉េខាងជើងអាចផ្លាស់ប្តូរយ៉ាងខ្លាំង នៅក្នុងទសវត្សរ៍ខាងមុខនេះ ដោយសារតែកិច្ចសហប្រតិបត្តិការមិនធ្លាប់មានជាមួយប្រទេសរុស្ស៊ី។ លោក Vaddi បានប្រាប់មជ្ឈមណ្ឌលស្រាវជ្រាវយុទ្ធសាស្ត្រ និងការសិក្សាអន្តរជាតិរបស់ទីក្រុងវ៉ាស៊ីនតោនថា អ្វីដែលយើងកំពុងឃើញរវាងរុស្ស៊ី និងកូរ៉េខាងជើង គឺជាកម្រិតនៃកិច្ចសហប្រតិបត្តិការដែលមិនធ្លាប់មានពីមុនមកនៅក្នុងវិស័យយោធា។ហើយខ្ញុំនិយាយដោយចេតនាដែលមិនធ្លាប់មាន ថា យើងមិនដែលឃើញរឿងនេះពីមុនមកទេ ។លោក Vaddi បាននិយាយថា នេះជាបញ្ហាដ៏ចាំបាច់ ត្រូវយកចិត្តទុកដាក់ ដែលមិនត្រឹមតែជំនួយរបស់ប្រទេសអាវុធនុយក្លេអ៊ែរកូរ៉េខាងជើង សម្រាប់សង្គ្រាមរុស្ស៊ីនៅអ៊ុយក្រែន ដែលផ្ដោតជាចម្បងនៅក្នុងទម្រង់នៃប្រព័ន្ធមីស៊ីលប៉ុណ្ណោះទេ ប៉ុន្តែ ជាអ្វីដែលអាចនឹងកើតឡើងក្នុងទិសដៅផ្សេងទៀតផងដែរ។ លោក Vaddi បាននិយាយថា លោកគិតថាធម្មជាតិរបស់កូរ៉េខាងជើងដែលជាការគំរាមកំហែងនៅក្នុងតំបន់អាចផ្លាស់ប្តូរយ៉ាងខ្លាំងក្នុងរយៈពេលមួយទសវត្សរ៍ខាងមុខនេះ ដោយសារកិច្ចសហប្រតិបត្តិការនេះ។លោក បាននិយាយថា សហរដ្ឋអាមេរិកនឹងបន្តធ្វើការជាមួយកូរ៉េខាងត្បូងដើម្បីធ្វើឱ្យប្រាកដថា ការរារាំងការវិញបញ្ចូលគ្នារបស់ពួកគេគឺគួរឱ្យជឿជាក់តាមដែលអាចធ្វើទៅបានក្នុងការប្រឈម ទៅនឹងការគំរាមកំហែងរបស់កូរ៉េខាងជើងដែលកំពុងវិវត្តទៅមុខ ដោយសំដៅដល់ ឆ័ត្រនុយក្លេអ៊ែរ ការពារសម្ព័ន្ធមិត្តរបស់សហរដ្ឋអាមេរិក៕

ក្រុមការងារអន្តរក្រសួងឯកភាពគ្នាប្រើប្រាស់កម្លាំងសរុបជំរុញការងារចុះបញ្ជីដីធ្លីមានលក្ខណៈជាប្រព័ន្ធ

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ និងក្រសួងរៀបចំដែនដី នគរូបនីយកម្ម និងសំណង់ ឯកភាពគ្នាប្រើប្រាស់កម្លាំងសរុប ដើម្បីជំរុញដល់ការងារចុះបញ្ជីដីធ្លី មានលក្ខណៈជាប្រព័ន្ធ និងការចែកវិញ្ញាបនបត្រ សម្គាល់ម្ចាស់អចលនវត្ថុ ដែលទទួលបានការលើកលែងពន្ធប្រថាប់ត្រា ជូនប្រជាពលរដ្ឋប្រកបដោយប្រសិទ្ធភាព និងស័ក្តិសិទ្ធភាព ។ការឯកភាពគ្នានេះ ធ្វើឡើងក្នុងកិច្ចប្រជុំអន្តរក្រសួង ដែលដឹកនាំដោយឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នាថ្ងៃទី១៨ ខែមករា ឆ្នាំ២០២៤។ កិច្ចប្រជុំបានត្រួតពិនិត្យ ពិគ្រោះយោបល់ និងតម្រង់ទិសការងាររៀបចំនិយាមនីតិវិធីប្រតិបត្តិការងារ (Standard Operation Procedure-SOP) ស្តីពីការចុះបញ្ជីដីធ្លីមានលក្ខណៈជាប្រព័ន្ធ និងការចែកវិញ្ញាបនបត្រសម្គាល់ម្ចាស់អចលនវត្ថុ ដែលទទួលបានការលើកលែងពន្ធប្រថាប់ត្រា ស្របតាមបទប្បញ្ញត្តិស្តីពីពន្ធដារ និងការបញ្ជូនសំណុំឯកសារ ដើម្បីចុះបញ្ជី និងកត់ត្រាទិន្នន័យ ក្នុងប្រព័ន្ធគ្រប់គ្រងទិន្នន័យអចលនទ្រព្យ នៃអគ្គនាយកដ្ឋានពន្ធដារ សំដៅធានាបាននូវការផ្តល់បណ្ណកម្មសិទ្ធិ និងការកត់ត្រាទិន្នន័យឱ្យបានឆាប់រហ័ស។ឯកឧត្តម សាយ សំអាល់ មានប្រសាសន៍ថា សម្ដេចតេជោ ហ៊ុន សែន អតីតនាយករដ្ឋមន្ត្រី និងសម្ដេចធិបតីនាយករដ្ឋមន្ត្រី ហ៊ុន ម៉ាណែត នាយករដ្ឋមន្ត្រីនៃកម្ពុជា បានជំរុញឱ្យពន្លឿនការងារចុះបញ្ជីដីធ្លី ដើម្បីបន្តផ្តល់បណ្ណកម្មសិទ្ធិដល់ប្រជាជន ឱ្យបានលឿន ធានាសុវត្ថិភាព នៃការកាន់កាប់ដីធ្លី និងកាត់បន្ថយវិវាទដីធ្លីនៅទូទាំងប្រទេស ។ ឯកឧត្តមឧបនាយករដ្ឋមន្ត្រី បានបន្ថែមថា មកទល់ពេលនេះ ក្រសួងបានប្រគល់បណ្ណកម្មសិទ្ធិដីធ្លីប្រមាណ ៥លានបណ្ណ ជូនប្រជាពលរដ្ឋរួច ហើយនៅមានប្រមាណ ២លានបណ្ណ ដែលកំពុងតែចែកជូនប្រជាពលរដ្ឋជារៀងរាល់ថ្ងៃ ហើយបច្ចុប្បន្ននៅទូទាំងប្រទេស នៅសល់ប្រមាណជា ៥លានក្បាលដីទៀត ដែលត្រូវវាស់វែង និងចុះបញ្ជីឱ្យបានចប់សព្វគ្រប់ ។គួរបញ្ជាក់ថា យុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា ផ្តោតអាទិភាពលើការបន្តដំណើរការកែទម្រង់ដីធ្លី ដោយជំរុញការចុះបញ្ជី និងការដោះស្រាយវិវាទដីធ្លីក្រៅប្រព័ន្ធតុលាការ ការរៀបចំដែនដី និងនគរូបនីយកម្ម ទាំងថ្នាក់ជាតិ និងថ្នាក់ក្រោមជាតិ ក្នុងគោលដៅគ្រប់គ្រង និងអភិវឌ្ឍវិស័យដីធ្លី ឱ្យបានត្រឹមត្រូវ និងកាន់តែមានប្រសិទ្ធភាព៕ អត្ថបទ៖ បាន សុខរិទ្ធិ

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល អនុញ្ញាតឱ្យគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ជួបសម្តែងការគួរសម និងពិភាក្សាការងារ

រ៉្វាន់ដា៖ ការអំពាវនាវរបស់កុងហ្គោឲ្យ UN ទទួលស្គាល់មាន «អំពើប្រល័យពូជសាសន៍» គឺជាទង្វើ «ល្ងង់ខ្លៅ»

វិមានក្រឹមឡាំងបដិសេធមិនធ្វើអត្ថាធិប្បាយ ជុំវិញឧប្បត្តិហេតុយានដ្រូន នៅប៉ូឡូញ

ក្រុមបារាំងកៀរគរគ្នាដើម្បីបេតិកភណ្ឌកម្ពុជា

នាយករដ្ឋមន្ត្រីអង់គ្លេស៖ ការរំលោភរបស់រុស្ស៊ីលើដែនអាកាសប៉ូឡូញ គឺជា «ធ្វេសប្រហែសខ្លាំងណាស់»

សមាជិកព្រឹទ្ធសភាអូស្ត្រាលីស្តាំនិយម ត្រូវបណ្តេញចេញពីក្រសួងស្រមោល ជុំវិញការអត្ថាធិប្បាយប្រឆាំងឥណ្ឌា

ក្រុងច្បារមន និងខេត្តកំពង់ស្ពឺ ទទួលបាន ជ័យលាភី “ទីក្រុងទេសចរណ៍គ្មានផ្សែងបារី”

ក្រុមហ៊ុនអាកាសចរណ៍ JAL រងការព្រមានជាលើកទី២ ពាក់ព័ន្ធនឹងអ្នកបើកបរយន្តហោះស្រវឹង

ប្រមុខគណៈកម្មការ EU បញ្ជាក់ថា លោកស្រីនឹងស្នើវិធានការថ្មីផ្ដោតលើអ៊ីស្រាអែល

សំឡេងផ្ទុះបន្លឺឡើង ក្រោយរថយន្តផ្លូវដែកផ្ទុកដោយឥន្ធនៈ មានអគ្គិភ័យ នៅលីទុយអានី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមមេធាវីលោក Trump ព្រមានតុលាការកំពូលពីភាពរំជើបរំជួល បើអនុញ្ញាតឲ្យដកឈ្មោះលោក Trumpចេញពីសន្លឹកឆ្នោតឆ្នាំ២០២៤

សភាអាមេរិក អនុម័តសេចក្តីស្នើច្បាប់ ដើម្បីបញ្ចៀសការបិទរដ្ឋាភិបាល និងបានបញ្ជូនទៅលោក Biden

បញ្ហាប្រជាជនវ័យចំណាស់របស់ប្រទេសចិន គំរាមកំហែងការប្តូរទៅរកគំរូកំណើនសេដ្ឋកិច្ចថ្មី

សហភាពអឺរ៉ុប អនុម័តសេចក្តីសម្រេចបទឈប់បាញ់នៅតំបន់ហ្កាហ្សា ដែលទាមទារឲ្យមានការដោះលែងចំណាប់ថ្នូរ

អ៊ុយក្រែន ចាប់ផ្តើមកសាងទីប្រជុំជន និងទីក្រុងឡើងវិញ ទោះបីជាសង្រ្គាមកំពុងបន្តក៏ដោយ

ម៉ិកស៊ិក និងឈីលី បញ្ជូនជម្លោះអ៊ីស្រាអែល និងក្រុមហាម៉ាស ទៅតុលាការ ICC ជុំវិញលទ្ធភាពនៃឧក្រិដ្ឋកម្ម

អាមេរិក៖ ការគម្រាមកំហែងរបស់កូរ៉េខាងជើងអាចផ្លាស់ប្តូរយ៉ាងខ្លាំងក្នុងកិច្ចសហប្រតិបត្តិការជាមួយរុស្ស៊ី

ក្រុមការងារអន្តរក្រសួងឯកភាពគ្នាប្រើប្រាស់កម្លាំងសរុបជំរុញការងារចុះបញ្ជីដីធ្លីមានលក្ខណៈជាប្រព័ន្ធ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមមេធាវីលោក Trump ព្រមានតុលាការកំពូលពីភាពរំជើបរំជួល បើអនុញ្ញាតឲ្យដកឈ្មោះលោក Trumpចេញពីសន្លឹកឆ្នោតឆ្នាំ២០២៤

សភាអាមេរិក អនុម័តសេចក្តីស្នើច្បាប់ ដើម្បីបញ្ចៀសការបិទរដ្ឋាភិបាល និងបានបញ្ជូនទៅលោក Biden

បញ្ហាប្រជាជនវ័យចំណាស់របស់ប្រទេសចិន គំរាមកំហែងការប្តូរទៅរកគំរូកំណើនសេដ្ឋកិច្ចថ្មី

សហភាពអឺរ៉ុប អនុម័តសេចក្តីសម្រេចបទឈប់បាញ់នៅតំបន់ហ្កាហ្សា ដែលទាមទារឲ្យមានការដោះលែងចំណាប់ថ្នូរ

អ៊ុយក្រែន ចាប់ផ្តើមកសាងទីប្រជុំជន និងទីក្រុងឡើងវិញ ទោះបីជាសង្រ្គាមកំពុងបន្តក៏ដោយ

ម៉ិកស៊ិក និងឈីលី បញ្ជូនជម្លោះអ៊ីស្រាអែល និងក្រុមហាម៉ាស ទៅតុលាការ ICC ជុំវិញលទ្ធភាពនៃឧក្រិដ្ឋកម្ម

អាមេរិក៖ ការគម្រាមកំហែងរបស់កូរ៉េខាងជើងអាចផ្លាស់ប្តូរយ៉ាងខ្លាំងក្នុងកិច្ចសហប្រតិបត្តិការជាមួយរុស្ស៊ី

ក្រុមការងារអន្តរក្រសួងឯកភាពគ្នាប្រើប្រាស់កម្លាំងសរុប​ជំរុញការងារចុះបញ្ជីដីធ្លី​មានលក្ខណៈជាប្រព័ន្ធ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រុមការងារអន្តរក្រសួងឯកភាពគ្នាប្រើប្រាស់កម្លាំងសរុបជំរុញការងារចុះបញ្ជីដីធ្លីមានលក្ខណៈជាប្រព័ន្ធ