នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

អគារ Empire State របស់អាមេរិកបំភ្លឺភ្លើងអបអរទិវាឯករាជ្យប្រេស៊ីល

2023/09/08 10:46:38 am        134
Facebook Telegram Linkin
អាមេរិក៖ អគារ Empire State ដ៏ល្បីល្បាញនៅទីក្រុងញ៉ូវយ៉ក បានបើកភ្លើងបំភ្លឺកាលពីថ្ងៃព្រហស្បតិ៍មាន៖ ពណ៌បៃតង លឿង និងខៀវ ដើម្បីប្រារព្ធទិវាឯករាជ្យរបស់ប្រេស៊ីល។ នៅថ្ងៃទី៧ ខែកញ្ញា ដែលត្រូវបានគេស្គាល់ថា Sete de Setembro ( សែតស៊ី ឌីសេតែមប៊្រូ) នៅក្នុងប្រទេសប្រេស៊ីល គឺជាថ្ងៃវិស្សមកាលជាតិដែលប្រារព្ធការប្រកាសឯករាជ្យរបស់ប្រេស៊ីលពីព័រទុយហ្គាល់ ប្រេស៊ីល និងតំបន់ Algarves ក្នុងឆ្នាំ១៨២២។គួរបញ្ជាក់ថា អគារនេះ បានប្រើប្រាស់ ប្រព័ន្ធភ្លើង LED ដោយមានជាង ១៦លានពណ៌ ចាប់តាំងពីឆ្នាំ២០១២ ដើម្បីរៀបចំឱកាសសំខាន់ៗ៕

ជំនាញប្រើពេល៥ថ្ងៃទៀត ដើម្បីបិទបណ្ដោះអាសន្នផ្នែកខ្លះនៃការដ្ឋានសាងសង់ ស្ពានអាកាសព្រះមុនីវង្ស

2023/09/08 10:31:14 am        5373
Facebook Telegram Linkin
ភ្នំពេញ៖ ការដ្ឋានសាងសង់ស្ពានអាកាសព្រះមុនីវង្ស ដែលជាស្ពានអាកាសមានរង្វង់មូលលើ​អាកាស​ដំបូងគេនៅកម្ពុជា ​បាននឹងកំពុងដំណើរការសាងសង់​យ៉ាងមមាញឹក ខណៈមកដល់​ពេលនេះ​នៅចំណុចគម្រោងរង្វង់មូលគឺជំនាញកំពុង​ហ៊ុមព័ទ្ធ​ការដ្ឋានផងដែរ ដែលធ្វើឱ្យ​ការចរាចរណ៍មានកការកកស្ទះ។លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី៨ ខែកញ្ញា ឆ្នាំ២០២៣នេះថា ​គម្រោងសាងសង់ស្ពានអាកាសព្រះមុន្នីវង្ស បច្ចុប្បន្នខាងក្រុមហ៊ុន​សាងសង់​កំពុងតែធ្វើការដំឡើងសសរស្ពាន និងមានការ​ហ៊ុមព័ទ្ធ​ការដ្ឋាន​ច្រើនតំបន់ ចំពោះផ្លូវធ្វើ​ចរាចរណ៍ជំនាញបានកែសម្រួលជាបន្តបន្ទាប់ និងកន្លែងពិបាកគឺបាន​ឈូសឆាយ​គៀរសម្រួល​បណ្ដោះអាសន្ន ។ លោក សាំ ពិសិដ្ឋ បន្ថែមថា យប់មិញនេះជំនាញបានគៀរសម្រួលផ្លូវ ហើយព្រឹកនេះបាន​បើក​ផ្លូវបណ្តោះអាសន្នចូលក្នុងការដ្ឋាន ដើម្បីកាត់បន្ថយ​ការកស្ទះចុះពីស្ពានព្រះមុនីវង្ស។ ប្រធានមន្ទីរសាធារណការសូមឱ្យអ្នកដំណើរ​មានការយោគយល់ ដោយជំនាញនឹងប្រើពេល ៥ថ្ងៃ៥យប់ទៀត ​នៅទីតាំងបិទបណ្តោះអាសន្ននេះ ​ហើយនឹងបើកឱ្យដំណើរការជាធម្មតាឡើងវិញ។ការដ្ឋានចំពោះមុខ គឺកំពុងមានសកម្មភាពនៅលើផ្លូវ៦០​ ម៉ែត្រ និងការដ្ឋាននៅលើ​មហាវិថី​ព្រះមុនីវង្ស ​និងមកក្បែរតំបន់ស្ពាន​អាកាសក្បាលថ្នល់ហើយ ​ដោយឡែកនៅលើផ្លូវលេខ ២៧១ ពុំទាន់បានចូលសាងសង់នៅឡើយនោះទេ។ការសាងសង់ស្ពានអាកាសព្រះមុនីវង្ស ​គឺដើម្បីសម្រួលការធ្វើចរាចរណ៍ក្នុងរាជធានីភ្នំពេញ ដែលមាន​កំណើនយានយន្ត និងការធ្វើចរាចរណ៍កាន់​តែច្រើនឡើង​ពីមួយឆ្នាំទៅមួយឆ្នាំ។ ស្ពានអាកាសនេះ ​សាងសង់ស្ថិតនៅចំណុចប្រសព្វមហាវិថីសម្តេចតេជោ ​ហ៊ុន សែន មហាវិថីព្រះមុនីវង្ស ​ជាមួយវិថីកងយោធពលខេមរភូមិន្ទ ​ហៅផ្លូវលេខ២៧១ ក្នុងទឹកដីខណ្ឌចំការមន និងខណ្ឌមានជ័យ។ ស្ពានអាកាសទាំងនេះ ​សាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC គ្រោងចំណាយថវិកា ​ជាង ៣៦លានដុល្លារ និងចំណាយពេលវេលាសាងសង់ ៣៦ខែ។គម្រោងស្ពានអាកាស ព្រះមុនីវង្ស មានសាងសង់ផ្លូវផ្ទាល់ដី​ ដែលមានរង្វង់មូលបែងចែកទិស និងផ្លូវតភ្ជាប់រវាងមហាវិថីព្រះមុនីវង្ស​ មហាវិថីសម្តេចតេជោ​ ហ៊ុន សែន វិថីកងយោធពលខេមរភូមិន្ទ ឆ្ពោះទៅស្ពានព្រះមុនីវង្ស ​និងផ្លូវជាតិលេខ២។ បន្ទាប់មកសាងសង់ស្ពានអាកាសចំនួនពីរជាន់។ ស្ពានអាកាសជាន់ទី១ ជាស្ពានរង្វង់មូល នៅត្រង់ចំណុចប្រសព្វ ​ដែលបំបែកខ្នែងជាបួនទិសផ្សេងគ្នា ទៅ​កាន់​មហាវិថីសម្តេចតេជោ ហ៊ុន សែន ​ស្ពានព្រះមុនីវង្ស មហាវិថីព្រះមុនីវង្ស និង​វិថីកងយោធពល​ខេមរភូមិន្ទ។ ស្ពានអាកាសជាន់ទី២ ជាផ្លូវទ្វេទិស​ មានទិសដៅទៅមក រវាងមហា​វិថីព្រះមុនីវង្ស និងមហាវិថីសម្តេចតេជោ ហ៊ុន សែន។ ក្រៅពីស្ពានអាកាស ព្រះមុនីវង្ស រដ្ឋបាលរាជ​ធានី​ភ្នំពេញក៏បានតៀមដំណើរការការដ្ឋានសាងសង់ស្ពាន​អាកាសមួយកន្លែងទៀតស្ថិតនៅចំណុច​ប្រសព្វមហាវិថីសហព័ន្ធរុស្ស៉ី ​ជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ហៅផ្លូវលេខ២០០៤ ក្នុងខណ្ឌពោធិ៍សែនជ័យ។បច្ចុប្បន្ននៅក្នុងរាជធានីភ្នំពេញ ​មានស្ពានអាកាសចំនួន៧ ​ដែលបានសាងសង់រួចរាល់ និងកំពុង​ប្រើប្រាស់ រួមមាន ស្ពានអាកាសក្បាលថ្នល់​ ស្ពានអាកាស៧មករា ​ស្ពានអាកាសស្ទឹងមានជ័យ ស្ពានអាកាស៥មករា ​ស្ពានអាកាសមិត្តភាពកម្ពុជា-ចិន​​ សែនសុខ ឬហៅថា ស្ពានអាកាស​ផ្សារដីហ៊ុយ ស្ពានអាកាសចោមចៅ និងស្ពានអាកាសលើផ្លូវជាតិលេខ៥ ឫស្សីកែវ៕ អត្ថបទ ៖ ប្រាក់ វ៉ាន់ដា 

ព្យុះស៊ីក្លូនដ៏មានឥទ្ធិពល នាំមកនូវការបំផ្លាញដល់គ្រួសារប្រេស៊ីល និងអ្នកស្លាប់កើនដល់៣៩នាក់

2023/09/08 09:58:20 am        233
Facebook Telegram Linkin
ប្រេស៊ីល៖ ពលរដ្ឋក្នុងក្រុង Roca Sales នៅប្រទេសប្រេស៊ីលភាគខាងត្បូងបានប្រមែប្រមូលរៀបទុកដាក់ពីការបំផ្លាញលំនៅឋាននិងទ្រព្យសម្បត្តិរបស់ពួកគេកាលពីថ្ងៃព្រហស្បតិ៍ បន្ទាប់ពីព្យុះស៊ីក្លូនដ៏មានឥទ្ធិពល វាយបោកបក់មកលើរដ្ឋ Rio Grande do Sul។ ភ្លៀងធ្លាក់ នៅចុងភាគខាងត្បូងប្រទេសប្រេស៊ីល បណ្តាលឲ្យមនុស្សយ៉ាងហោចណាស់ ៣៩នាក់ស្លាប់ និងបានជនលិចផ្ទះជាច្រើនខ្នង ព្រមទាំងបានធ្វើឲ្យទន្លេពេញហៀរច្រាំង។យោងតាមរដ្ឋាភិបាលរដ្ឋ Rio Grande do Sul បានឲ្យដឹងថា ភ្លៀងធ្លាក់ខ្លាំងបណ្តាលមកពីព្យុះស៊ីក្លូនត្រូព្រិកខ្លាំងក្លា បានធ្វើឲ្យទីក្រុងចំនួន៨០រងផលប៉ះពាល់ និងបន្សល់ទុកពលរដ្ឋជាង២.៣០០នាក់ គ្មានលំនៅឋាន និងជាង៣.៩០០នាក់ភៀសខ្លួនចេញ។មជ្ឈមណ្ឌលព្យាករណ៍អាកាសធាតុឯករាជ្យ MetSul និងClimatempo បានប្រុងប្រយ័ត្នចំពោះរដ្ឋ Rio Grande do Sul ដែលអាចទទួលភ្លៀងរលឹមធ្លាក់ខ្លាំងនៅថ្ងៃព្រហស្បតិ៍ និងថ្ងៃសុក្រ៕

បាតុករគាំទ្ររដ្ឋាភិបាល ប្រមូលផ្តុំគ្នានៅទីក្រុងហ្សេរុយសាឡឹម

2023/09/08 09:56:01 am        239
Facebook Telegram Linkin
អ៊ីស្រាអែល៖ ក្រុមអ្នកគាំទ្ររបស់ក្រុមចម្រុះស្តាំនិយមរបស់រដ្ឋាភិបាលអ៊ីស្រាអែល បានចេញមកគាំទ្រការផ្លាស់ប្តូរប្រព័ន្ធតុលាការ នៅក្នុងការតវ៉ាមួយក្នុងទីក្រុងហ្សេរុយសាឡឹមកាលពីថ្ងៃព្រហស្បតិ៍។ នាយករដ្ឋមន្ត្រី អ៊ីស្រាអែល លោក Benjamin Netanyahu និងក្រុមចម្រុះជាតិនិយមស្តាំនិយមរបស់លោក និងគណបក្សអភិរក្សនិយមប្រកាន់សាសនា និយាយថា ការផ្លាស់ប្តូរប្រព័ន្ធតុលាការ គឺចាំបាច់ដើម្បីការពារនូវអ្វីហួសពីតម្រូវការផ្នែកនយោបាយ ដោយក្រុមចៅក្រមមិនបានជាប់ឆ្នោត។ ក្រុមអ្នកប្រឆាំងនិយាយថាការផ្លាស់ប្តូរនេះនឹងធ្វើឲ្យចុះខ្សោយតួនាទីរបស់តុលាការ ដើម្បីផ្តល់ការពិនិត្យសំខាន់ និងតុល្យភាព នៅក្នុងប្រព័ន្ធនយោបាយរបស់ប្រទេសអ៊ីស្រអែល ជាប្រទេសមួយមានសភាជាន់ខ្ពស់តែមួយ ជាប្រធាននៃពិធីផ្លូវការធំ និងគ្មានរដ្ឋធម្មនុញ្ញនោះទេ។វីដេអូដោយយានដ្រូនរបស់សារព័ត៌មានរ៉យទ័រ បានបង្ហាញឲ្យឃើញពលរដ្ឋអ៊ីស្រាអែលរាប់ពាន់នាក់ក្រវីទង់ជាតិ និងកាន់បដាធំៗ។ តុលាការកំពូលរបស់ប្រទេសអ៊ីស្រអែល កាលពីខែសីហា បានចាប់ផ្តើមសវនាការលើកដំបូង ក្នុងបណ្តឹងឧទ្ធរណ៍ជាបន្តបន្ទាប់ពាក់ព័ន្ធទៅនឹងការផ្លាស់ប្តូរប្រព័ន្ធតុលាការ យល់ព្រមទទួលដោយក្រុមចម្រុះ ដែលបានចាប់ផ្តើមឲ្យមានវិបត្តិក្នុងប្រទេសមិនធ្លាប់មានពីមុនមក។   ផែនការរបស់រដ្ឋាភិបាល បានបង្ហាញការបែងចែកក្នុងចំណោមសាធារណៈរបស់អ៊ីស្រាអែល និងសូម្បីតែនៅក្នុងផ្នែកយោធា ដែលត្រូវបានគេចាត់ទុកជាយូរមកហើយថាជាចំណុចធ្វើសាបសូន្យការមិនអើពើផ្នែកនយោបាយសម្រាប់សង្គមដែលជួបការលំបាក ដោយមានការបារម្ភអំពីការត្រៀមខ្លួនសម្រាប់សង្គ្រាម ដែលបង្ហាញដោយភាគីទាំងពីរក្នុងការជជែកដេញដោល៕

អាមេរិកនិងចិនទាស់សម្តីគ្នាពីបញ្ហាសមុទ្រចិនខាងត្បូង ខណៈឥណ្ឌូនេស៊ីជំរុញឲ្យមេដឹកនាំទាំងអស់រក្សាសន្តិភាព

2023/09/08 09:53:23 am        290
Facebook Telegram Linkin
អាមេរិក៖ ប្រទេសមហាអំណាចពិភពលោកធំបំផុតចំនួនរបសពិភពលោក គឺ សហរដ្ឋអាមេរិក និងប្រទេសចិន បានប៉ះទង្គិចពាក្យសម្ដីគ្នាលើបញ្ហាសមុទ្រចិនខាងត្បូង នៅជំនួបកំពូលមួយជាមួយបណ្ដាមេដឹកនាំអាស៊ាន កាលពីថ្ងៃព្រហស្បតិ៍ ទី៧ខែកញ្ញា ខណៈម្ចាស់ផ្ទះឥណ្ឌូនេស៊ី បានជំរុញភាគីទាំងអស់ឲ្យរក្សាសន្តិសភាព និងបញ្ជៀសជម្លោះ ។ អំឡុងជំនួបកំពូលអាស៊ីបូព៌ាប្រចាំឆ្នាំ(EAS) បានធ្វើឡើងនៅក្នុងរដ្ឋធានីហ្សាការតា ក្រៅ ជំនួបកំពូលអាស៊ាន អនុប្រធានាធិបតីសហរដ្ឋអាមេរិកលោកស្រី កាម៉ាឡាហារីស(Kamala Harris) បាន បញ្ជាក់ថា សេរីភាពនៃការធ្វើនាវាចរណ៍ និងការហោះហើរលើដែនសមុទ្រ ត្រូវតែបានគោរព នៅក្នុងការប្រកួតប្រជែងដ៏ក្ដៅគគុក នៅសមុទ្រចិនខាងត្បូង។លោកស្រី ហារីស ដែល បានចូលរួមជំនួបនេះតំណាងឲ្យលោកប្រធានាធិបតី Joe Biden ក៏បាននិយាយផងដែរថា ជម្លោះទាំងអស់ត្រូវតែត្រូវបានដោះស្រាយដោយសន្តិវិធី និងស្របទៅតាមច្បាប់អន្តរជាតិរួមទាំងអនុសញ្ញាអង្គការសហប្រជាជាតិឆ្នាំ១៩៨២ ស្ដីពីច្បាប់សមុទ្រ ដែលត្រូវបានផ្តល់សច្ចាប័នដោយប្រទេសជាង១៦០ រួមទាំងប្រទេសចិនផងដែរ។ លោកនាយករដ្ឋមន្ត្រី លីឈាង (Li Qiang) ក៏បានបង្ហាញក្ដីសង្ឃឹមផងដែរថា បណ្ដាប្រទេសនៅក្នុងតំបន់ ត្រូវគោរពឲ្យបានពេញលេញនូវកិច្ចខិតខំប្រឹងប្រែងធ្វើឡើងដោយប្រទេសក្នុងតំបន់ក្នុងការចរចាការគ្រប់គ្រងសមុទ្រចិនខាងត្បូង និងរក្សាសន្តិភាព ក៏ដូចជាស្ថិរភាពក្នុងតំបន់៕

រដ្ឋមន្ត្រីការបរទេសរុស្ស៊ី៖ អាមេរិកមានបំណងធ្វើឲ្យរុស្ស៊ីនៅឯកោ ក្នុងតំបន់ឥណ្ឌូ-ប៉ាស៊ីហ្វិក

2023/09/08 09:50:45 am        265
Facebook Telegram Linkin
រុស្ស៊ី៖ រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយថា សហរដ្ឋអាមេរិកមានបំណងធ្វើឲ្យរុស្ស៊ីនៅឯកោក្នុងតំបន់អាស៊ី-ប៉ាស៊ីហ្វិកដើម្បីទប់ទល់ប្រទេសចិន នៅក្នុងសន្និសីទសារព័ត៌មានក្នុងទីក្រុងDhaka ប្រទេសបង់ក្លាដែស កាលពីថ្ងៃព្រហស្បតិ៍។ លោក Lavrov គឺជារដ្ឋមន្ត្រីការបរទេសដំបូងគេដែលធ្វើទស្សនកិច្ចនៅប្រទេសបង់ក្លាដែស ចាប់តាំងពីឯករាជ្យឆ្នាំ១៩៧១របស់ខ្លួន ដែលបានទៅដល់ទីក្រុងDhaka កាលពីល្ងាចថ្ងៃព្រហស្បិ៍សម្រាប់ដំណើរទស្សនកិច្ចរយៈពេល២ថ្ងៃ បន្ទាប់ពីបានចូលរួមកិច្ចប្រជុំកំពូលអាស៊ីបូព៌ាក្នុងទីក្រុងហ្សាកាតា ប្រទេសឥណ្ឌូនេស៊ី។ទាំងរុស្ស៊ី ទាំងប្រទេសលោកខាងលិច កំពុងស្វែងរកការគាំទ្រពីប្រទេសបង់ក្លាដែស ដែលមានភាពស្ទាក់ស្ទើរទទួលយកភាគីទាំងពីរនៅក្នុងសង្គ្រាមនៅអ៊ុយក្រែន ទោះបីជាប្រទេសនេះ ព្យាយាមទប់ទល់តម្លៃប្រេងហក់ឡើងខ្ពស់និងការនាំចូលស្បៀងអាហារក៏ដោយ។ប្រធានាធិបតីបារាំង លោក Emmanuel Macron ក៏នឹងធ្វើទស្សនកិច្ចនៅទីក្រុង Dhaka នៅសប្តាហ៍ក្រោយនេះដែរបន្ទាប់ពីចូលកិច្ចប្រជុំ G20 ក្នុងគោលបំណងធ្វើឲ្យកាន់តែស៊ីជម្រៅទំនាក់ទំនងជាមួយប្រទេសមួយដែលជួបប្រទះកំណើនសេដ្ឋកិច្ចឆាប់រហ័ស៕

អាមេរិករឹបអូសប្រេងអ៊ីរ៉ង់ជិត១លានបារ៉ែល ដែលត្រូវបានរត់ពន្ធទៅប្រទេសចិន

2023/09/08 09:39:48 am        334
Facebook Telegram Linkin
អាមេរិក៖ អាជ្ញាធរសហរដ្ឋអាមេរិក បានរឹបអូសប្រេងអ៊ីរ៉ង់ជិត មួយលានបារ៉ែល ដែលក្រុមមន្ត្រីនិយាយថា ត្រូវបានរត់ពន្ធដោយខុសច្បាប់ទៅកាន់ប្រទេសចិន កាលពីដើមឆ្នាំនេះ នេះបើយោងតាមកំណត់ត្រារបស់តុលាការដែលបានចេញផ្សាយថ្មីៗនេះ។ការរឹបអូសរបស់សហរដ្ឋអាមេរិកនូវនាវាដឹកប្រេង M/TSuez Rajan បានកើតឡើងនៅដើមឆ្នាំនេះ ដែលនាំទៅដល់កិច្ចខិតខំប្រឹងប្រែងផ្ទាល់របស់កងការពារបដិវត្តន៍អ៊ីរ៉ង់ ក្នុងការរឹបអូសយកនាវាដឹកប្រេងចំនួនពីរគ្រឿងនៅច្រកសមុទ្រHormuz។ ឯកសាររបស់តុលាការបង្ហាញពីការចោទប្រកាន់របស់រដ្ឋអាជ្ញាអាមេរិកថា អ៊ីរ៉ង់ក្លែងបន្លំកំណត់ត្រាទំនិញនៅក្នុងនាវានោះ និងរារាំងទីតាំងរបស់ខ្លួនពីការតាមដានយ៉ាងត្រឹម  ត្រូវ។ចាប់តាំងពីការរឹបអូសដំបូងនៅនិទាឃរដូវឆ្នាំនេះ នាវាដឹកប្រេង Rajan ត្រូវបានចតនៅឆ្នេរសមុទ្រនៃរដ្ឋតិចសាស។ ប្រទេសអ៊ីរ៉ង់ បានគំរាមឲ្យក្រុងវ៉ាស៊ីនតោនទទួលខុសត្រូវ ប្រសិនបើទំនិញនោះ ត្រូវបានដឹកចេញ ហើយពុំមានក្រុមហ៊ុនអាមេរិកណាមួយ យល់ព្រមដាក់ធុងប្រេងទាំងនោះចេញនាវាទេ ព្រោះខ្លាចមានការសងសឹកពីក្រុងតេអេរ៉ង់។នៅទីបំផុត ក្រុមហ៊ុនក្រិក ដែលគ្រប់គ្រងនាវា Rajan គឺក្រុមហ៊ុន Empire Navigation បានបញ្ជូននាវាមួយផ្សេងទៀត ដើម្បីបញ្ចប់ដំណើរការដឹកជញ្ជូនប្រេងនេះ៕

ការពង្រឹកបម្រាមប្រើប្រាស់ទូរស័ព្ទដៃ iPhoneរបស់ចិន ប៉ះពាល់ដល់វិស័យបច្ចេកវិទ្យារបស់សហរដ្ឋអាមេរិក

2023/09/08 09:28:38 am        281
Facebook Telegram Linkin
អាមេរិក៖ ការពង្រីកបម្រាមប្រើប្រាស់លើទូរសព័្ទដៃ iPhone ចំពោះបុគ្គលិករដ្ឋាបាភិបាល បានប៉ះពាល់ដល់ក្រុមហ៊ុន Apple និងភាគហ៊ុនបច្ចេកវិទ្យារបស់សហរដ្ឋអាមេរិក កាលពីថ្ងៃព្រហស្បតិ៍ទី៧ខែកញ្ញា ខណៈក្រុមវិនិយោគិនខកចិត្តជុំវិញការប៉ះពាល់ហិរញ្ញវត្ថុនៃការកើនឡើងភាពតានតឹនរវាងទំនាក់ទំនងការទូត អាមេរិកនិងចិនលើក្រុមហ៊ុននានាដោយសារការរារាំងដ៏ធំរបស់ចិន ។   ចំណូលក្រុមហ៊ុន Apple បានធ្លាក់ចុះជាង៣ភាគរយ ហើយកំពុងស្ថិតនៅលើផ្លូវឈានទៅរកការធ្លាក់ចុះរយៈពេលពីរថ្ងៃដ៏អាក្រក់បំផុតរបស់ខ្លួនចាប់តាំងពីខែវិច្ឆិកា បន្ទាប់ពីរបាយការណ៍ប្រព័ន្ធផ្សព្វផ្សាយបាននិយាយថាទីក្រុងប៉េកាំងបានប្រាប់បុគ្គលិកនៅទីភ្នាក់ងារកណ្តាលរដ្ឋាភិបាលមួយចំនួនក្នុងប៉ុន្មានពេលសប្តាហ៍ថ្មីៗនេះឲ្យឈប់ប្រើប្រាស់ទូរស័ព្ទដៃក្រុមហ៊ុន Apple នៅកន្លែងធ្វើការ។ ក្រុមអ្នកវិភាគរបស់ក្រុមហ៊ុន Wall Street បាននិយាយថា បម្រាមនេះបង្ហាញថា សូម្បីតែក្រុមហ៊ុនដែលមានទំនាក់ទំនងល្អជាមួយរដ្ឋាភិបាលចិន និងវត្តមានដ៏ធំនៅក្នុងមហាអំណាចសេដ្ឋកិច្ចទីពីររបស់ពិភពលោកមួយនេះ ក៏មិនមានភាពស៊ាំនឹងការកើនឡើងភាពតានតឹងរវាងប្រទេសទាំងពីរដែរ។ក្រុមហ៊ុនផ្គត់ផ្គង់ Apple Qualcomm ជាក្រុមហ៊ុនមួយក្នុងចំណោមក្រុមហ៊ុនជាច្រើនរបស់សហរដ្ឋអាមេរិកដែលមានវត្តមានប្រទេសចិនធំជាងគេបានធ្លាក់ចុះជិត៧ភាគរយឈានឆ្ពោះទៅរកការខាតបង់  ក្នុងចំណោមក្រុមហ៊ុនបច្ចេកវិទ្យាធំៗ។  លោក ម៉ៃ ហ្គាឡាហ័រ (Mike Gallagher) ប្រធានក្រុមប្រឹក្សាសភានៅប្រទេសចិន បាននិយាយថា ការហាមប្រាមកាន់តែទូលំទូលាយមិនគួរឲ្យភ្ញាក់ផ្អើលនោះទេ ហើយបានគូសបញ្ជាក់ពីកិច្ចខិតខំប្រឹងប្រែងដើម្បីកម្រិតការចូលទៅកាន់ទីផ្សារពីសំណាក់ក្រុមហ៊ុនរបស់លោកខាងលិចទៅកាន់ប្រទេសចិន៕

អង្គការយូនីសេហ្វ រាយការណ៍ពីចំនួនកុមារដ៏ច្រើនលើសលប់ឆ្លងកាត់ព្រៃ នៅប្រទេសប៉ាណាម៉ា

2023/09/08 08:44:49 am        228
Facebook Telegram Linkin
UN៖ អង្គការយូនីសេហ្វ (UNICEF) បានរាយការណ៍កាលពីថ្ងៃពុធ (៦ កញ្ញា) អំពីកំណត់ត្រាច្រើនបំផុតនៃចំនួនកុមារអន្តោប្រវេសន៍ឆ្លងកាត់ព្រៃដារៀន (Darien) ដ៏គ្រោះថ្នាក់របស់ប្រទេសប៉ាណាម៉ាក្នុងឆ្នាំ២០២៣នេះ។ យោងតាមរបាយការណ៍ថ្មីបានឲ្យដឹងថា កុមារជាង៦០.០០០នាក់បានប្រថុយជីវិត ដើម្បីឆ្លងកាត់ព្រៃច្រករបៀបដារៀនហ្គាប (Darien Gap) ដ៏គ្រោះថ្នាក់ក្នុងរយៈពេលប្រាំបីខែដំបូងនៃឆ្នាំ២០២៣នេះ ហើយតួលេខនេះធ្វើឱ្យឆ្នាំនេះ ក្លាយជាឆ្នាំដែលមានកំណត់ត្រាកុមារឆ្លងកាត់ព្រៃដ៏គ្រោះថ្នាក់មួយនេះច្រើនបំផុត។យ៉ាងហោចណាស់មានកុមារ និងក្មេងជំទង់ចំនួន២៩.០០០នាក់ បានឆ្លងកាត់ព្រៃដារៀន ក្នុងឆ្នាំ២០២១ និងកុមារចំនួន៤០.០០០នាក់បានធ្វើដំណើរឆ្លងកាត់ក្នុងឆ្នាំ២០២២។ ក្រុមអាជ្ញាធរអន្តោប្រវេសន៍របស់ប៉ាណាម៉ាបាននិយាយថា មានមនុស្សប្រហែល២៤៨.៩០១នាក់ បានឆ្លងកាត់ព្រៃនេះ រហូតដល់ថ្ងៃទី៣១ ខែកក្កដា ហើយកុមារ និងក្មេងជំទង់មានចំនួន២១ភាគរយនៃតួលេខនោះ។ ការធ្វើដំណើរចម្ងាយ៦០គីឡូម៉ែត្រ ឆ្លងកាត់ព្រៃដារៀន បានទាក់ទាញជនអន្តោប្រវេសន៍ទៅកាន់ប៉ាណាម៉ា ហើយជាផ្លូវដ៏សំខាន់សម្រាប់អ្នកដែលសង្ឃឹមថា នឹងទៅដល់សហរដ្ឋអាមេរិក និងកាណាដាផងដែរ៕

កូរ៉េខាងជើងបញ្ចេញនាវាមុជទឹកវាយប្រហារដោយនុយក្លេអ៊ែរតាកទិកថ្មីបែបកូរ៉េ និងបន្តព្រមានអាមេរិកពីគ្រោះថ្នាក់សង្គ្រាមនុយក្លេអ៊ែរ

2023/09/08 08:35:58 am        316
Facebook Telegram Linkin
 កូរ៉េខាងជើង៖ ទីភ្នាក់ងារសារព័ត៌មានរដ្ឋកូរ៉េ (KCNA)បាននិយាយនៅថ្ងៃសុក្រនេះថា ប្រទេសកូរ៉េខាងជើងបាន បានបញ្ចេញនាវាមុជទឹកវាយប្រហារដោយនុយក្លេអ៊ែរតាកទិកថ្មីបែបកូរ៉េ កាលពីថ្ងៃពុធ ក្នុងអំឡុង ពិធីមួយចូលរួមដោយមេដឹកនាំប្រទេសនេះ គឺលោក Kim Jong Un ។ យោងតាមទីភ្នាក់ងារសារព័ត៌មាន KCNA លោក Kim បាននិយាយក្នុងអំឡុងពិធីនេះថា នាវាមុជទឹកថ្មីនេះ នឹងបំពេញបេសកកម្មប្រយុទ្ធរបស់ខ្លួនជាមធ្យោបាយវាយលុកក្រោមទឹកដ៏សំខាន់របស់កងកម្លាំងជើងទឹករបស់កូរ៉េខាងជើង។ ទីភ្នាក់ងារសារព័ត៌មានរបស់កូរ៉េខាងជើងដដែលនេះ បានរាយការណ៍ថា នាវាមុជទឹកដែលមានឈ្មោះថា "វីរបុរសគីម គុនអុក" (Hero Kim Kun Ok) នឹងប្រកាសពីការចាប់ផ្តើមនៃជំពូកថ្មីសម្រាប់ការពង្រឹងកម្លាំងទ័ពជើងទឹករបស់កូរ៉េខាងជើង ។លោក Kim បាននិយាយថា ពុំមានច្រកណាមួយត្រូវដើរថយក្រោយ ក្នុងការជំរុញលើការពង្រីកឧស្សាហកម្មសាងសង់នាវារបស់កងទ័ពជើងទឹកនោះទេ ព្រោះនេះជាកិច្ចការអាទិភាពកំពូលដែលត្រូវបំពេញដោយមិនត្រូវស្គាល់ពាក្យថាបរាជ័យជាដាច់ខាត។ ការប្រកាសនេះធ្វើឡើងបន្ទាប់ពីកូរ៉េខាងជើងបាននិយាយថាខ្លួនបានធ្វើសមយុទ្ធប្រដូចទៅនឹងការវាយប្រហារពិតៗដោយមីស៊ីលនុយក្លេអ៊ែរកាលពីចុងសប្តាហ៍ដើម្បីព្រមានសហរដ្ឋអាមេរិកពី គ្រោះថ្នាក់នៃសង្គ្រាមនុយក្លេអ៊ែរ។ប្រភពខាងលើ បានរាយការណ៍នៅពេលនោះថា សមយុទ្ធប្រដូចនឹងការពិតនេះគឺដើម្បីឆ្លើយតបទៅនឹងសមយុទ្ធយោធារួមគ្នាដែលធ្វើឡើងដោយសហរដ្ឋអាមេរិក និងកូរ៉េខាងត្បូងកាលពីដើមសប្តាហ៍នេះ។គួររម្លឹកថា សមយុទ្ធបាញ់គ្រាប់ពិតរបស់អាមេរិក និងកូរ៉េខាងត្បូង ដោយផ្អែកលើការវាយបកប្រឆាំងនឹងកងកម្លាំងឈ្លានពានបានចាប់ផ្តើមនៅថ្ងៃទី៣១ ខែសីហា៕

បណ្ដាញសង្គម

ព័ត៌មានថ្មីៗ

ក្រសួងការងារ លើកទឹកចិត្តឱ្យនិស្សិតជ័យលាភីអាហារូបករណ៍បារាំង ថ្នាក់បរិញ្ញាបត្រជាន់ខ្ពស់ ក្លាយ​ជា​ធនធានសក្តានុពល និង​ជាបេសកជនបន្តពង្រឹងទំនាក់ទំនងរវាងកម្ពុជា និងបារាំង
08/20/2025 04:08 PM
Facebook Telegram Linkin
ជនសង្ស័យ៤នាក់ ត្រូវបានកម្លាំងកងទ័ពចាប់ខ្លួនភ្លាមៗ ក្រោយពួកគេព្យាយាមដឹកកូនត្រីខុសច្បាប់ក្នុងរដូវបិទនេសាទទៅលក់បន្តអោយឈ្មួញ
08/20/2025 04:08 PM
Facebook Telegram Linkin
អតិផរណា នៅចក្រភពអង់គ្លេស ឡើងដល់កម្រិតខ្ពស់បំផុត ៣,៨ភាគរយ គិតតាំងពីដើមឆ្នាំ២០២៤
08/20/2025 04:08 PM
Facebook Telegram Linkin
យោធាអ៊ីស្រាអែល នឹងទូរស័ព្ទហៅទាហានបម្រុងចំនួន ៥០.០០០នាក់ ខណៈដែលខ្លួនមានផែនការដំណាក់កាលថ្មីនៃសង្រ្គាម នៅហ្កាហ្សា
08/20/2025 04:08 PM
Facebook Telegram Linkin
លោកស្រី Kallas៖ រដ្ឋមន្ត្រីសហភាពអឺរ៉ុប គ្រោងនឹងពិភាក្សាអំពីកញ្ចប់បន្ទាប់នៃទណ្ឌកម្មប្រឆាំងរុស្ស៊ី នៅចុងខែសីហា
08/20/2025 04:08 PM
Facebook Telegram Linkin
ទាហានរុស្ស៊ី វាយប្រហាររោងចក្រចម្រាញ់ប្រេង ដែលផ្គត់ផ្គង់ប្រេងដល់កងទ័ពអ៊ុយក្រែន នៅតំបន់ Donbass
08/20/2025 04:08 PM
Facebook Telegram Linkin
អតីតរដ្ឋមន្ត្រីកូរ៉េខាងត្បូង រងការចោទប្រកាន់ផ្លូវការ ជុំវិញតួនាទីក្នុងវិបត្តិច្បាប់អាជ្ញាសឹក
08/20/2025 04:08 PM
Facebook Telegram Linkin
ប្រធានាធិបតីលីបង់ ជំរុញឲ្យបន្តអាណត្តិរបស់កងរក្សាសន្តិភាពរបស់អង្គការសហប្រជាជាតិ
08/20/2025 04:08 PM
Facebook Telegram Linkin
ទឹកជំនន់ហូរលឿន បណ្ដាលឲ្យមនុស្សយ៉ាងតិច ១០នាក់ រងរបួស នៅក្នុងទីក្រុង Aden ប្រទេសយេម៉ែន
08/20/2025 04:08 PM
Facebook Telegram Linkin
លោក Rubio៖ អាមេរិកលែងផ្តល់អាវុធដល់អ៊ុយក្រែន និងផ្គត់ផ្គង់សព្វាវុធ ដែលអឺរ៉ុបជាអ្នកចំណាយទៀតហើយ
08/20/2025 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.