នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

អង់គ្លេស នឹងដាក់បម្រាមលើក្រុមហ៊ុនទាហានស៊ីឈ្នួលរុស្ស៊ី Wagner ថាជាអង្គការភេរវកម្ម

2023/09/06 11:37:35 am        72
Facebook Telegram Linkin
អង់គ្លេស៖ របាយការណ៍ដោយប្រព័ន្ធផ្សព្វផ្សាយបាននិយាយកាលពីថ្ងៃអង្គារ ដោយដកស្រង់សម្តីរដ្ឋមន្ត្រីកិច្ចការផ្ទៃក្នុង លោកស្រី Suella Braverman ថា ចក្រភពអង់គ្លេស នឹងត្រូវដាក់បម្រាមលើក្រុមហ៊ុន Wagnerជាក្រុមហ៊ុនទាហានស៊ីឈ្នួលរុស្ស៊ី ជាអង្គការភេរវកម្ម។ សេចក្តីរាយការណ៍នៅក្នុងសារព័ត៌មាន Daily Mail បានឲ្យដឹងថា ចក្រភពអង់គ្លេសត្រូវបានកំណត់ដើម្បីធ្វើឲ្យក្រុមហ៊ុន Wagner ជាអង្គការត្រូវបានហាមឃាត់ ក្រោមច្បាប់ប្រឆាំងភេរវកម្ម ដោយដាក់ក្រុមហ៊ុនេះ លើបទដ្ឋានដូចគ្នាជាមួយក្រុមរដ្ឋអ៊ីស្លាម និងក្រុងអាល់កៃដា។ សារព័ត៌មានបានដកស្រង់សម្តីរបស់លោកស្រី Braverman ដែលបាននិយាយថា ក្រុមហ៊ុន Wagner គឺជាអង្គការបំផ្លាញនិងហិង្សា ដែលបានធ្វើសកម្មភាពជាឧបករណ៍យោធានៅក្រៅប្រទេសរុស្ស៊ីរបស់លោក Vladimir Putin ។ ស្ថិតនៅក្រោមច្បាប់ភេរវកម្ម ឆ្នាំ២០០០ រដ្ឋមន្ត្រីកិច្ចការផ្ទៃក្នុង មានអំណាចដើម្បីដាក់បម្រាមលើអង្គការមួយប្រសិនបើពួកគេបានជឿថា វាជាប់ពាក់ព័ន្ធក្នុងអំពើភេរវកម្ម។ សារព័ត៌មានBBC បានដកស្រង់សម្តី របស់រដ្ឋមន្ត្រីថា បទបញ្ជាហាមឃាត់នេះ ធ្វើឲ្យវាក្លាយជាបទល្មើសព្រហ្មទណ្ឌចំពោះការគាំទ្រដល់ក្រុមនេះ។ ពួកគេគឺជាភេរវជន ច្បាស់លាស់និងសាម័ញ្ញ ហើយបទបញ្ជាហាមឃាត់នេះ ធ្វើឲ្យច្បាស់លាស់ដល់ច្បាប់របស់ចក្រភពអង់គ្លេស។ លោកស្រី Braverman បាននិយាយថា ក្រុមហ៊ុន Wagner បានជាប់ព័ន្ធទៅនឹងការលួច ការធ្វើទារុណកម្ម និងឃាតកម្មដ៏ឃោឃៅ។ ប្រតិបត្តិការរបស់ក្រុមនេះ នៅក្នុងប្រទេសអ៊ុយក្រែន នៅមជ្ឈឹមបូព៌ា និងនៅអាហ្វ្រិក គឺជាការគំរាមកំហែងមួយដល់សន្តិសុខសកល។ នោះហើយជាមូលហេតុដែលយើងនឹងហាមឃាត់អង្គការភេរវកម្មមួយនេះ និងបន្តផ្តល់ជំនួយដល់អ៊ុយក្រែន នៅកន្លែងណាក៏ដោយដែលយើងអាចប្រយុទ្ធប្រឆាំងរុស្ស៊ី។ របាយការណ៍និយាយថា វិធានការពង្រាងដើម្បីដាក់បម្រាមលើក្រុមហ៊ុនទាហានស៊ីឈ្នួល Wagner ស្ថិតនៅក្រុមច្បាប់ដែលនឹងដាក់នៅក្នុងសភានៅថ្ងៃពុធនេះ៕

ការបំផ្លាញព្រៃឈើនៅតំបន់ព្រៃ Amazon ប្រទេសប្រេស៊ីល ធ្លាក់ចុះ៦០ភាគរយ ក្នុងខែសីហា

2023/09/06 11:35:17 am        69
Facebook Telegram Linkin
ប្រេស៊ីល៖ រដ្ឋមន្ត្រីក្រសួងបរិស្ថាន លោក Marina Silva បាននិយាយកាលពីថ្ងៃអង្គារនៅក្នុងការកំណត់ដ៏សំខាន់មួយសម្រាប់គោលនយោបាយបរិស្ថានរបស់ក្រសួងខណៈការបំផ្លាញកើនឡើងញឹកញាប់នៅពេលនេះនៃឆ្នាំ ថា ការបំផ្លាញព្រៃឈើ នៅក្នុងតំបន់ព្រៃAmazon ប្រទេសប្រេស៊ីល បានធ្លាក់ចុះ ៦៦,១១ភាគរយ នៅក្នុងខែសីហាដល់កម្រិតទាបបំផុតមួយសម្រាប់ខែនេះ ចាប់តាំងពីឆ្នាំ២០១៨មក។ ទិន្នន័យតាមផ្កាយរណបពីទីភ្នាក់ងារស្រាវជ្រាវអវកាសប្រេស៊ីល(INPE) បានបង្ហាញថា ព្រៃទឹកភ្លៀងទំហំ៥៦៣គីឡូម៉ែត្រក្រឡា ត្រូវបានសម្អាតនៅក្នុងខែនេះដែលធ្លាក់ចុះ៦៦,១ភាគរយពីអំឡុងពេលដូចគ្នាកាលពីឆ្នាំកន្លងទៅនេះ។ក្នុងរយៈពេល៨ខែដំបូងនៃឆ្នាំនេះ តួលេខរបស់ទីភ្នាក់ងារ INPE បានបង្ហាញថាការបំផ្លាញព្រៃឈើ បានធ្លាក់ចុះផ្ទួនៗគ្នា ៤៨ភាគរយពីអំឡុងពេលដូចគ្នានៃឆ្នាំ២០២២។ ទិន្ន័យនេះ ផ្តល់ឲ្យប្រធានាធិបតីលោក Luiz Inacio Lula da Silva នូវមូលហេតុជាច្រើនដើម្បីសាទរ ខណៈលោក បានសន្យាបញ្ចប់ការបំផ្លាញព្រៃឈើ នៅក្នុងតំបន់ នៅត្រឹមឆ្នាំ២០៣០ បន្ទាប់ពីការបំផ្លាញបានកើនឡើងក្រោមការគ្រប់គ្រប់របស់អ្នកកាន់តំណែងមុនរបស់លោក លោក Jair Bolsonaro ជាអ្នកដែលបានរិះគន់កិច្ចប្រឹងប្រែងការពារបរិស្ថាន។ក្រុមអ្នកជំនាញ ព្រួយបារម្ភថាការធ្លាក់ចុះដ៏ច្រើន ជាង៤០ភាគរយ ក្នុងការបំផ្លាញព្រៃឈើ ត្រូវបានគេមើលឃើញនៅក្នុងរយៈពេល៧ខែដំបូងនៃរដ្ឋបាលរបស់លោក Lula ដែលអាចដាក់ហានីភ័យដោយការបំផ្លាញកាន់តែខ្ពស់នៅក្នុងខែសីហា និងខែកញ្ញា នៅពេលដែលអាកាសធាតុប្រែជាកាន់តែស្ងួតហួតហែង៕

សម្ដេចធិបតី ហ៊ុន ម៉ាណែត អញ្ជើញចូលរួមកិច្ចប្រជុំកំពូលអាស៊ាន-កូរ៉េ លើកទី២៤ នៅទីក្រុងហ្សាការតា សាធារណរដ្ឋឥណ្ឌូនេស៊ី

2023/09/06 11:29:35 am        150
Facebook Telegram Linkin
នៅព្រឹកថ្ងៃទី៦ ខែកញ្ញា ឆ្នាំ ២០២៣ នេះ ក្នុងឱកាសអញ្ជើញចូលរួមក្នុងកិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធ នៅប្រទេសឥណ្ឌូនេស៊ី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចូលរួមកិច្ចប្រជុំកំពូលអាស៊ាន-កូរ៉េ លើកទី២៤ នៅទីក្រុងហ្សាការតា សាធារណរដ្ឋឥណ្ឌូនេស៊ី៕

ស្អែកនេះកិច្ចសម្ភាសការងារ នឹងនាំយកឱកាសជាង២០០កន្លែង បង្ហាញជូនយុវជន

2023/09/06 11:17:36 am        241
Facebook Telegram Linkin
ភ្នំពេញ៖ ទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៧ ខែកញ្ញា ឆ្នាំ២០២៣ស្អែកនេះ សហការជាមួយក្រុមហ៊ុនធំៗចំនួន៤ ​នឹងផ្តល់ឱកាសការងារ ២០៧កន្លែង ​ជូនដល់សិស្ស និស្សិត និងអ្នកកំពុងស្វែងរកការងារធ្វើនៅក្នុងកម្មវិធី វេទិកាការងារ។ប្រភពទីភ្នាក់ងារជាតិមុខរបរ និងការងារ នៅព្រឹកថ្ងៃទី៦ ខែកញ្ញានេះ បានឲ្យដឹងថា ​កម្មវិធី "កិច្ចសម្ភាសការងារ"នេះ សហការរៀបចំដោយទីភ្នាក់ងារជាតិមុខរបរ និងការងារ និងសហភាពសហព័ន្ធយុវជនកម្ពុជាវិស័យការងារ ​និងបណ្តុះបណ្តាលវិជ្ជាជីវៈ។ ចំពោះសិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្តូរការងារ អាចយកប្រវត្តិរូប​សង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ភ្លាមៗជាមួយតំណាង​ក្រុមហ៊ុនទាំង៤បាន ចាប់ពីព្រឹកម៉ោង៨ ដល់ល្ងាចម៉ោង៥ នៅក្នុងបរិវេណក្រសួងការងារ ​និងបណ្តុះបណ្តាលវិជ្ជាជីវៈ។កញ្ញា សូរសៀង សុម៉ាលី ប្រធានផ្នែកជ្រើសរើសបុគ្គលិក នៃក្រុមហ៊ុន FWD Insurance បានលើកឡើងក្នុងខ្លឹមសារព័ត៌មានរបស់ទីភ្នាក់ងារជាតិមុខរបរ និងការងារថា នេះជាលើកទី១ ដែលក្រុមហ៊ុនចូលរួម ​ទាំងវេទិកាការងារ ​និងពិព័រណ៍​ការងារថ្នាក់ជាតិ ដែលនឹងរៀបចំ​នាពេលខាងមុខនេះ។ កញ្ញាបានបន្តថា កញ្ញាពិតជាសប្បាយរីករាយក្នុងការសហការជាមួយនឹង ទីភ្នាក់ងារជាតិមុខរបរ និងការងារ ដោយសារតែមានបណ្តាញច្រើនក្នុងការផ្សព្វផ្សាយព័រត៌មាន​ស្តីពីការជ្រើសរើស​បុគ្គលិក។ កញ្ញា ជឿជាក់ថា ក្រុមហ៊ុននឹងជ្រើសរើសបុគ្គលិកទាន់តម្រូវការរបស់ក្រុមហ៊ុន​ដែលកំពុងតែមានការរីកចម្រើន។ជាមួយគ្នានេះ កញ្ញា សុម៉ាលី ក្រើនរំលឹកដល់អ្នកស្វែងរកការងារធ្វើទាំងអស់ថា ប្រសិន​បើសិស្សនិស្សិត ឬអ្នកមានបំណងចង់ផ្លាសប្តូរការងារចង់បានឱកាសការងារ ​ជាមួយក្រុមហ៊ុន អាច​អញ្ជើញមកចូលរួមក្នុងកិច្ចសម្ភាសការងារនៅថ្ងៃស្អែកនេះបាន​ ដោយភ្ជាប់មកជាមួយនឹងប្រវត្តិរូប ដើម្បីសម្ភាសន៍ការងារ។សូមជម្រាបថា ក្រុមហ៊ុនធំៗទាំង៤ នោះរួមមាន៖ គ្រឹះស្ថានមីក្រូហិរញ្ញវត្ថុ មហានគរ ម.ក ,ក្រុមហ៊ុន Urban Hub (Cambodia) CO.,LTD, ក្រុមហ៊ុន អរប៊ីតគ្លូរី អ៊ិនវេសមេន ខមផេនី ,ក្រុមហ៊ុន FWD LIFE INSURANCE (CAMBODIA) PLC.៕

ប៊ុលហ្គារីចង់ចរចាតម្លៃ១,៥ពាន់លានដុល្លារលើកិច្ចព្រមព្រៀងទិញលក់យានប្រយុទ្ធ Stryker ជាមួយអាមេរិក

2023/09/06 11:16:13 am        74
Facebook Telegram Linkin
ប៊ុលហ្គារី៖ រដ្ឋមន្ត្រីការពារជាតិប៊ុលហ្គារី លោក ទូឌ័រ តាហ្គារីវ (Toodor Tagarev) បាននិយាយថា រដ្ឋាភិបាលមានគោលបំណងចរចាបញ្ចុះតម្លៃនៅក្នុងកិច្ចព្រមព្រៀងដ៏សំខាន់ក្នុងការទិញយានប្រយុទ្ធ Stryker ចំនួន ១៨៣គ្រឿងពីសហរដ្ឋអាមេរិកទាបជាងការប៉ាន់ប្រមាណចំនួន១.៥ពាន់លានដុល្លារដែលចេញផ្សាយដោយរដ្ឋាភិបាលសហរដ្ឋអាមេរិក។ដោយត្រូវបានដកស្រង់សម្តីដោយទីភ្នាក់ងារសារព័ត៌មានក្នុងស្រុក Novinite លោកតាហ្គារីវ បាននិយាយថា៖«នៅខាងអាមេរិក ការលក់ ការលក់ដ៏សំខាន់ ត្រូវបានអនុម័តដោយមន្ទីរបញ្ចកោណ និងក្រសួងការបរទេស»។ “ខាងសហរដ្ឋអាមេរិក នៅមិនទាន់ឈានដល់សភាទេ ព្រោះមានតែសភាប៉ុណ្ណោះអាចធ្វើការសម្រេចចិត្តចុងក្រោយ។ ទាំងនេះ គឺជាប៉ារ៉ាម៉ែត្រ ហើយនេះគឺជាចំនួនអតិបរមានៃឧបករណ៍ និងតម្លៃដែលអាចចរចារអតិបរមា នៅក្នុងគម្រោងនេះ»។ទីភ្នាក់ងារសហប្រតិបត្តិការសន្តិសុខការពារជាតិអាមេរិកកាលពីថ្ងៃទី១ ខែកញ្ញា បាននិយាយថា ក្រសួងការបរទេសបានអនុម័តលទ្ធភាពការលក់យានប្រយុទ្ធStrykersនិងឧបករណ៍ពាក់ព័ន្ធឲ្យបរទេស។ ប្រសិនសមាជិកសភាមិនរារាំងការលក់ ទីក្រុងសូហ្វីយ៉ា (Sofia)នឹងចូលរួមក្នុងការចរចាបន្ថែមជាមួយទីក្រុងវ៉ាស៊ីនតោន រួមទាំងតម្លៃរបស់យានទាំងនោះ ដែលផលិតដោយក្រុមហ៊ុន General Dynamics Land Systems។នៅក្នុងការអធិប្បាយរបស់ខ្លួនកាលពីថ្ងៃចន្ទ លោកតាហ្គារីវ បាននិយាយថា ប្រទេសប៊ុលហ្គារី នឹងពន្លឿនកិច្ចខិតខំប្រឹងប្រែងរបស់ខ្លួន ដើម្បីបង្កើតកងពលតូចយន្តកម្មធុនធ្ងន់ ហើយ[គម្រោង] ទាក់ទងនឹងការធានាសន្តិសុខនៅក្នុងសមុទ្រខ្មៅ នេះបើយោងតាមសេចក្តីថ្លែងការណ៍ដែលចេញផ្សាយដោយក្រសួងការពារជាតិប៊ុលហ្គារី៕

បេឡារុសហាមពលរដ្ឋមិនឲ្យបន្តលិខិតឆ្លងដែននៅបរទេស ដោយបារម្ភពីការរីករាលដាលក្នុងចំណោមអ្នកដែលរត់គេចពីការគាបសង្កត់

2023/09/06 11:09:27 am        58
Facebook Telegram Linkin
បេឡារុស៖ ប្រធានាធិបតីផ្តាច់ការរបស់ប្រទេសបេឡារុស កាលពីថ្ងៃអង្គារ បានហាមឃាត់ពលរដ្ឋមិនឲ្យបន្តលិខិតឆ្លងដែនរបស់ពួកគេ ខណៈពេលដែលស្នាក់នៅក្រៅប្រទេស ដែលអាចបង្ខំឲ្យអ្នកដែលភៀសខ្លួនចេញពីប្រទេស ចំពេលមានការគាបសង្កត់ឲ្យវិលត្រឡប់មករក្សាទុកឯកសារធ្វើដំណើររបស់ពួកគេ។ប្រជាជនបេឡារុស ប្រមាណពី២០០ ទៅ ៣០០.០០០ នាក់ បានចាកចេញពីប្រទេសនេះ ក្នុងរយៈពេលបីឆ្នាំចុងក្រោយនេះ ចាប់តាំងពីការតវ៉ាដ៏ធំប្រឆាំងនឹងការបោះឆ្នោត ដែលបានធ្វើឲ្យលោកប្រធានាធិបតី អាឡិចសាន់ឌឺ លូកាសិនកូ (Alexander Lukashenko) ឡើងកាន់តំណែង បាននាំឲ្យមានការបង្រ្កាបដ៏ឃោរឃៅលើក្រុមប្រឆាំងនយោបាយ។លទ្ធផលនៃការបោះឆ្នោត ត្រូវបានគេចាត់ទុកជាទូទៅថា មានការរៀបចំផែនការយ៉ាងប៉ិនប្រសប់។ក្រឹត្យរបស់លោកលូកាសិនកូ បានបញ្ជាក់ថា លិខិតឆ្លងដែនបេឡារុសអាចបន្តជាថ្មីបាន លុះត្រាតែអ្នកកាន់នោះ ជាអ្នកស្រុកដែលបានចុះឈ្មោះ មុនពេលចាកចេញពីប្រទេសនេះ៕

ទាហានបួគីណា ហ្វាសូ និងក្រុមអ្នកស្ម័គ្រចិត្ត៥៣នាក់ បានស្លាប់ ក្នុងការប៉ះទង្គិចគ្នាជាមួយក្រុមឧទ្ទាម

2023/09/06 10:49:05 am        62
Facebook Telegram Linkin
បួគីណាហ្វាសូ៖ យោងតាមទាហាន សមាជិកកងកម្លាំងសន្តិសុខរបស់ប្រទេសបួគីណា ហ្វាសូ យ៉ាងហោចណាស់៥៣នាក់ បានស្លាប់អំឡុងការប៉ះទង្គិចគ្នាជាមួយក្រុមយុទ្ធជនឧទ្ទាម នៅក្នុងភាគខាងជើងប្រទេស ។ ទាហាន បាននិយាយនៅក្នុងសេចក្ដីថ្លែងការណ៍មួយកាលពីថ្ងៃអង្គារថា ទាហានចំនួន១៧ នាក់ និងក្រុមអ្នកស្ម័គ្រចិត្ត ផ្ដល់ជំនួយយោធា ៣៦នាក់បានស្លាប់ ក្នុងការវាយប្រហារមួយនៅឃុំកូមប្រ៊ី (Koumbri) ក្នុងខេត្តយ៉ាតេនហ្កា (Yatenga) កាលពីថ្ងៃចន្ទ ។   ប្រភពខាងលើបានបន្ថែមថា កងកម្លាំងសន្តិសុខត្រូវបានដាក់ពង្រាយនៅក្នុងទីប្រជុំជននេះ ដើម្បីអាចជួយការពារឲ្យប្រជាពលរដ្ឋតាំងទីលំនៅថ្មីដែលរាតត្បាតដោយក្រុមយុទ្ធជននេះជាង២ឆ្នាំមកនេះ។ សេចក្ដីថ្លែងការណ៍នេះបាននិយាយថាទង្វើដ៏កំសាកនេះនឹងមិនអាចគេចផុតពីការផ្ដន្ទាទោសឡើយ។ រាល់កិច្ចខិតខំប្រឹងប្រែងកំពុងត្រូវបានធ្វើឡើងដើម្បីបញ្ឈប់ប្រភពឬសគល់ភេរវករដែលនៅសេសសល់និងកំពុងរត់គេចខ្លួន ដោយបន្ថែមថា ក្រុមអ្នកប្រយុទ្ធរាប់សិបនាក់ក៏ត្រូវបានសម្លាប់ និងគ្រឿងយុទ្ធោបករណ៍របស់ពួកគេត្រូវបានបំផ្លាញចោលផងដែរ៕

កាកបាទក្រហមកម្ពុជាប្រកាសទទួលស្គាល់ប្រធានគណៈកម្មាធិការថ្មីសាខាខេត្តសៀមរាប

2023/09/06 10:48:11 am        82
Facebook Telegram Linkin
សៀមរាប៖ ពិធីប្រកាសទទួលស្គាល់ប្រធានថ្មី នៃគណៈកម្មាធិការ សាខាកាកបាទក្រហម​កម្ពុជាខេត្តសៀមរាបអាណត្តិទី៥ ក្រោមអធិបតីភាព លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជាតំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មន្ត្រីសាខា-អនុសាខា និងមន្ត្រីបច្ចេកទេសទីស្នាក់ការកណ្តាល យុវជន និងអ្នកស្ម័គ្រចិត្តសរុបចំនួន ១៧៥នាក់។លោកជំទាវ ពុំ ចន្ទីនី មានប្រសាសន៍ថា នៅក្នុងអាណត្តិទី៥ របស់សាខាកាកបាទក្រហមកម្ពុជា ខេត្តសៀមរាប សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បាន​សម្រេចតែងតាំង ឯកឧត្តម ប្រាក់ សោភ័ណ ជាប្រធាន,អនុប្រធានអចិន្ត្រៃយ៍១រូប អនុប្រធាន២រូប ហេរញ្ញិក១រូប និងសមាជិក សមាជិកាសរុបចំនួន១៣រូប ​និងសមាជិកបំរុង ២រូប តាមសេចក្តី​សម្រេចលេខ ០១ កក្រក.ធធ.ចត ចុះថ្ងៃទី១ ខែកញ្ញា ឆ្នាំ២០២៣។ នៅក្នុងឱកាសនោះឯកឧត្តម ប្រាក់ សោភ័ណ ដែលជាប្រធានថ្មី បានថ្លែងអំណរគុណយ៉ាង​ជ្រាលជ្រៅ​ជាទីបំផុតចំពោះ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលបាន​ផ្តល់ភារកិច្ច ជាប្រធានគណៈកម្មាធិការសាខាកាកបាទក្រហមកម្ពុជាខេត្ត អាណត្តិទី៥ នាពេលនេះ ហើយដើម្បីជាសក្ខីភាព ​ឆ្លើយតបចំពោះទំនុកចិត្ត ​និងសេចក្តីជឿជាក់ពីសំណាក់ សម្តេច​កិត្តិព្រឹទ្ធបណ្ឌិត ឯកឧត្តមបានធ្វើការប្តេជ្ញាចិត្តថា ប្រកាន់ខ្ជាប់នូវគោលការណ៍គ្រឹះទាំង៧ នៃចលនា​អន្តរជាតិ កាកបាទក្រហម អឌ្ឍចន្ទក្រហម មាន៖ ភាពមនុស្សធម៌, ភាពមិនលំអៀង, អព្យាក្រឹតភាព, ឯករាជភាព, សេវាកម្មស្ម័គ្រចិត្ត, ឯកភាព និងសកលភាព។ រក្សាសាមគ្គីភាពក្នុងជួរគណៈកម្មាធិការសាខា និងទទួលយកការប្រឹក្សាជាមួយគណៈកិត្តិយស​សាខា និងឯកភាពរួមគ្នា ​ដោះស្រាយបញ្ហាប្រឈម ដោយស្មារតីទទួលខុសត្រូវខ្ពស់ ដឹកនាំ​តម្រង់ទិស ក្រុមប្រតិបត្តិសាខា-អនុសាខាឱ្យអនុវត្តបានល្អ នូវភារកិច្ចស្របតាមយុទ្ធសាស្ត្រកាកបាទ​ក្រហមកម្ពុជា ដែលក្នុងនោះមានវិស័យអាទិភាពទាំង៤។ យកចិត្តទុកដាក់បន្តការងារពង្រីក យុវជន និងអ្នកស្ម័គ្រចិត្ត ដែលជាឆ្អឹងខ្នងរបស់សមាគមជាតិនៅមូលដ្ឋាន និងពង្រឹងសកម្មភាពផ្សព្វផ្សាយ អប់រំសុខភាពសហគមន៍។ បន្តសហការល្អជាមួយអាជ្ញាធរគ្រប់ថ្នាក់ មន្ទីរ ស្ថាប័ន អង្គការជាតិ អន្តរជាតិ ក្នុងបុព្វហេតុមនុស្សធម៌ ប្រមូលកម្លាំង ដើម្បីរួមចំណែកកាត់បន្ថយ និងសម្រាលការ​លំបាករបស់ប្រជាពលរដ្ឋ។ ជាមួយគ្នានេះ លោកជំទាវ អគ្គលេខាធិការ បានសំដែងនូវការគាំទ្រឯកឧត្តម ប្រាក់ សោភ័ណ្ឌ ដែលទើបទទួលស្គាល់ថ្មីនេះ ថាពិតជាស្មោះស្ម័គ្រ ក្នុងការចូលរួម ជួយទទួលខុសត្រូវចំពោះមុខ គណៈកម្មាធិការកណ្តាល ជាពិសេសសម្តេចកិត្តិព្រឹទ្ធបណ្ឌិតប្រធាន។ ជាពិសេសបន្តពង្រឹង ពង្រីកសមាជិកភាព ផ្ដួចផ្ដើមរៀបចំយុទ្ធនា ការកៀរគររកមូលនិធិ និងបន្តអនុវត្តយុទ្ធសាស្ត្រ ២០២១-២០៣០​ របស់កាកបាទក្រហមកម្ពុជា ​៕អត្ថបទ៖ សំ ងីម

អាមេរិក និយាយថា កូរ៉េខាងជើងនឹងទទួលផលវិបាកតាមទង្វើរបស់ខ្លួនសម្រាប់ការផ្គត់ផ្គង់អាវុធទៅឲ្យរុស្ស៊ី

2023/09/06 09:31:12 am        70
Facebook Telegram Linkin
អាមេរិក៖ មន្ត្រីសហរដ្ឋអាមេរិក បាននិយាយកាលពីថ្ងៃអង្គារថា ការចរចាស្តីពីការលក់អាវុធ រវាងរុស្ស៊ី និងកូរ៉េខាងជើងកំពុងមានសន្ទុះដ៏សកម្ម ហើយបានព្រមានមេដឹកនាំលោក Kim Jong Un ថា ប្រទេសនេះ នឹងទទួលផលវិបាកសមតាមទង្វើរបស់ខ្លួនចំពោះការផ្គត់ផ្គង់អាវុធទៅឲ្យរុស្ស៊ី ដើម្បីប្រើប្រាស់នៅអ៊ុយក្រែន។ទីប្រឹក្សាសន្តិសុខជាតិសហរដ្ឋអាមេរិក លោក Jake Sullivan បានប្រាប់អ្នកសារព័ត៌មាននៅសេតវិមានថា ការផ្តល់អាវុធទៅឲ្យរុស្ស៊ី នឹងមិនឆ្លុះបញ្ចាំងល្អនោះទេលើប្រទេសកូរ៉េខាងជើង ហើយពួកគេនឹងទទួលផលវិបាកតាមទង្វើសម្រាប់អាវុធនៅក្នុងសហគមន៍អន្តរជាតិ។ វិមានក្រឹមឡាំង បាននិយាយកាលពីព្រឹកថ្ងៃអង្គារ៍ថា ខ្លួនគ្មានអ្វីនិយាយនោះទេ អំពីសេចក្តីថ្លែងការណ៍ដោយមន្ត្រីសហរដ្ឋអាមេរិកដែលថា លោក Kim មានផែនការធ្វើដំណើរទៅកាន់ប្រទេសរុស្ស៊ីនៅក្នុងខែនេះ ដើម្បីជួបជាមួយប្រធានាធិបតីលោក Vladimir Putin ដើម្បីពិភាក្សាពីការផ្គត់ផ្គង់អាវុធទៅឲ្យទីក្រុងមូស្គូ។លោក Sullivan និយាយថា លោក Kim រំពឹងថា ការពិភាក្សាអំពីអាវុធនឹងបន្ត ដោយរួមទាំងនៅក្នុងកម្រិតមេដឹកនាំ ហើយប្រហែលជាជួបគ្នាដោយផ្ទាល់។ លោក Sullivan និយាយថា យើងបានបន្តដាក់គំនាបលើមូលដ្ឋានឧស្សាហកម្មការពារជាតិរបស់រុស្ស៊ី ហើយបច្ចុប្បនេះទីក្រុងមូស្គូ កំពុងសំឡឹងរកមើលចំពោះអ្វីក៏ដោយជាប្រភពដែលពួកគេអាចស្វែងរកទំនិញដូចជាគ្រាប់រំសេវ។ យើងនឹងបន្តអំពាវនាវដល់ប្រទេសកូរ៉េខាងជើងទទួលយកការប្តេជ្ញាចិត្តជាសាធារណៈថាមិនផ្គត់ផ្កង់អាវុធដល់ប្រទេសរុស្ស៊ីនោះទេ ដែលនឹងបញ្ចប់ការសម្លាប់ពលរដ្ឋអ៊ុយក្រែន។ កាលពីថ្ងៃចន្ទ អ្នកនាំក្រុមប្រឹក្សាសន្តិសុខជាតិសហរដ្ឋអាមេរិកលោក Adrienne Watson បាននិយាយថា លោក Kim និងលោក Putin មានផែនការជួបគ្នាហើយសារព័ត៌មាន the New York Times បានលើកឡើងមន្ត្រីសម្ព័ន្ធមិត្ត និងមន្ត្រីអាមេរិកដែលមិនបញ្ចេញឈ្មោះដោយនិយាយថា លោក Kim មានផែនការធ្វើដំណើរទៅរុស្ស៊ីក្នុងពេលឆាប់ៗនេះ នៅសប្តាហ៍ក្រោយដើម្បីជួបលោក Putin៕

ព្យុះស៊ីក្លូននាំមកនូវទឹកភ្លៀងមកកាន់ភាគខាងត្បូងប្រេស៊ីលបណ្តាលឲ្យមនុស្ស២២នាក់ស្លាប់ និងទីក្រុងជាច្រើនត្រូវជន់លិច

2023/09/06 09:28:36 am        64
Facebook Telegram Linkin
ប្រេស៊ីល៖ យោងតាមអាជ្ញាធររដ្ឋបានឲ្យដឹងថា ព្យុះស៊ីក្លូនត្រូពិកដ៏មានឥទ្ធិពល បានវាយបោកបក់មកលើប្រទេសប្រេស៊ីលភាគខាងត្បូង បណ្តាលឲ្យជន់លិចផ្ទះជាច្រើនខ្នង ទឹកទន្លេហៀរច្រាំង និងបានឆក់យកជីវិតមនុស្សជាង២០នាក់។ វីដេអូដែលទទួលបានដោយសារព័ត៌មានរ៉យទ័រ បានបង្ហាញផ្ទះច្រើនខ្នង នៅទីក្រុង Mucum បានជន់លិចដោយទឹកកើនឡើង ខណៈផ្លូវនានានិងទន្លេក៏បានជន់លិច។ លំនៅឋានរាប់សិបខ្នង ដំបូលត្រូវបានបំផ្លាញដោយព្យុះព្រិល ហើយពលរដ្ឋរាប់រយនាក់គ្មានទំនាក់ទំនងនៅក្នុងរដ្ឋ Rio Grande do Sul ។ លោក Luana da Luz ស្ថិតក្នុងចំណោមពលរដ្ឋប្រេស៊ីលរាប់រយនាក់ ដែលបានប្រម៉ែប្រមូលទ្រព្យសម្បត្តិរបស់ពួកគេក្នុងការព្យាយាមដើម្បីគេចចេញពីទឹកកើនឡើង។ លោក Da Luz គឺជាពលរដ្ឋរស់នៅទីក្រុង Passo Fundo នៅរដ្ឋ Rio Grande Sul ភាគខាងត្បូង ជាកន្លែងដែលអាជ្ញាធររដ្ឋ បានបញ្ជាក់ថាមនុស្ស២១នាក់បានស្លាប់ ហើយយោងតាមរដ្ឋាភិបាលបានឲ្យដឹងថា ជនរងគ្រោះស្លាប់បន្ថែមម្នាក់ទៀត ត្រូវបានបញ្ជាក់នៅក្នុងរដ្ឋ Santa Catarina ដែលនៅជិតខាង៕

បណ្ដាញសង្គម

ព័ត៌មានថ្មីៗ

លោកជំទាវលីម ដារ៉ែន ជួន ណារិន្ទ ផ្តល់ម៉ូតូ២០គ្រឿង និងអំណោយមួយចំនួន ទៅកាន់វរៈនគរបាល និងកងទ័ពការពារព្រំដែន
08/16/2025 06:08 PM
Facebook Telegram Linkin
ក្រុមការងាររាជរដ្ឋាភិបាលចុះមូលដ្ឋានឃុំកណ្តឹងស្រុកបាទី ខេត្តតាកែវនិងរដ្ឋបាលឃុំកណ្តឹងប្រារព្វពិធីផ្សព្វផ្សាយពីបញ្ហាគ្រឿងញៀន និង ពិធីបង្សុកូលឧទ្ទិសកុសលដល់វិញ្ញាណក្ខន្ធវិរះកងទ័ពកម្ពុជាដែលបានពលីជីវិតក្នុងសមរភូមិ
08/16/2025 06:08 PM
Facebook Telegram Linkin
ហ្វីលីពីន និងអូស្ត្រាលី ចាប់ផ្តើមសមយុទ្ធដ៏ធំបំផុតមិនធ្លាប់មាន នៅជិតសមុទ្រចិនខាងត្បូង
08/16/2025 05:08 PM
Facebook Telegram Linkin
ទីក្រុងគីវ៖ រុស្ស៊ីបាញ់យាន ៨៥គ្រឿង និងមីស៊ីល ១គ្រាប់ លើអ៊ុយក្រែន ប៉ុន្មានម៉ោងក្រោយមានជំនួប Trump-Putin
08/16/2025 05:08 PM
Facebook Telegram Linkin
ផ្ទុះរោងចក្រ នៅតំបន់ Ryazan របស់រុស្ស៊ី បណ្ដាលឲ្យមនុស្ស ១១នាក់ស្លាប់ និង ១៣០នាក់របួស
08/16/2025 05:08 PM
Facebook Telegram Linkin
នាយករដ្ឋមន្ត្រីដាណឺម៉ាក និយាយថា លោក Netanyahu បានប្រែទៅជាបង្ក «បញ្ហាដោយខ្លួនលោកផ្ទាល់»
08/16/2025 05:08 PM
Facebook Telegram Linkin
ឯកឧត្តមសាស្ត្រាចារ្យ ប៉ិច សុធី អញ្ជើញបើកសន្និសីទប្រចាំឆ្នាំលើកទី១ របស់សមាគមគ្រូពេទ្យបង្កកំណើតកម្ពុជា
08/16/2025 04:08 PM
Facebook Telegram Linkin
មេដឹកនាំអឺរ៉ុបស្វាគមន៍កិច្ចប្រឹងប្រែងរបស់លោក Trump ប៉ុន្តែបញ្ជាក់ថា សម្ពាធលើរុស្ស៊ី ត្រូវតែមានបន្ត
08/16/2025 04:08 PM
Facebook Telegram Linkin
មេភូមិភាគ៣កម្ពុជាស្នើថៃជៀសវាងសកម្មភាពទាំងឡាយដែលនាំឲ្យមានភាពតានតឹងនៅតាមព្រំដែនជាយថាហេតុ
08/16/2025 04:08 PM
Facebook Telegram Linkin
[UPDATE] ក្រុមអ្នកជួយសង្គ្រោះប៉ាគីស្ថាន ពិបាកស្រង់សាកសព ក្រោយភ្លៀងរដូវមូសុង សម្លាប់មនុស្សយ៉ាងតិច ៣២០នាក់
08/16/2025 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.