នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

មនុស្ស១៦នាក់ បានស្លាប់ក្នុងអគ្គិភ័យរោងចក្រនៅប្រទេសហ្វីលីពីន

2023/09/01 02:08:58 pm        128
Facebook Telegram Linkin
ហ្វីលីពីន៖ ក្រុមអាជ្ញាធរអគ្គិភ័យបាននិយាយកាលពីថ្ងៃព្រហស្បតិ៍ (៣១សីហា) ថា អគ្គិភ័យនៅអាគារមួយដែលប្រើជាលំនៅដ្ឋាន និងឃ្លាំង បានសម្លាប់មនុស្ស១៦នាក់ និងបណ្ដាលឲ្យមនុស្ស៣នាក់របួស នៅក្នុងរដ្ឋធានីហ្វីលីពីនកាលពីថ្ងៃព្រហស្បតិ៍ (៣១សីហា)។ គេនៅមិនទាន់ពីមូលហេតុ ដែលបណ្ដាលឲ្យមានអគ្គិភ័យ ដែលបានចាប់ផ្ដើមទាំងព្រឹកព្រលឹម ហើយបានឆាបឆេះអាគារកំពស់ពីរជាន់ ដែលប្រើជាឃ្លាំង និងផ្ទះកម្មករ សម្រាប់អាជីវកម្មបោះពុម្ពអាវយឺត នេះនោះទេ។អ្នកនាំពាក្យការិយាល័យការពារអគ្គិភ័យ លោក Douglas Guiyab បានប្រាប់ស្ថានីយវិទ្យុ DZRH ថា មនុស្ស៣នាក់បានរួចរស់ជីវិតដោយការលោតពីលើជាន់ទីពីរនៃអាគារនេះ។ ប្រទេសហ្វីលីពីន មានកំណត់ត្រាមិនច្បាស់លាស់ក្នុងការពង្រឹងនិយ័តកម្មសុវត្ថិភាពអគ្គិភ័យនៅក្នុងអគារ លំនៅដ្ឋាន និងការិយាល័យ។ គួររម្លឹកផងដែរថា កាលពីឆ្នាំ២០១៧ អគ្គិភ័យនៅផ្សារទំនើបមួយនៅភាគខាងត្បូងទីក្រុង Davao បានសម្លាប់ភ្នាក់ងារទទួលព័ត៌មានតាមទូរស័ព្ទចំនួន៣៧នាក់ និងមន្រ្តីសន្តិសុខម្នាក់។ កាលពីខែឧសភា អគ្គិភ័យដ៏ធំមួយក៏បានឆាបឆេះអគារប្រវត្តិសាស្ត្រនៃការិយាល័យប្រៃសណីយ៍កណ្តាលរបស់ទីក្រុងម៉ានីល ផងដែរ៕

ប្រទេសចិនប្រឆាំងដាច់ខាតលើការដាក់ពង្រាយយោធារបស់អាមេរិកនៅអាស៊ីប៉ាស៊ីហ្វិក

2023/09/01 02:06:31 pm        62
Facebook Telegram Linkin
ចិន៖ អ្នកនាំពាក្យក្រសួងការពារជាតិចិន លោក Wu Qian( អ៊ូ ឈាន) បាននិយាយនៅក្នុងសន្និសីទសារព័ត៌មានមួយក្នុងទីក្រុងប៉េកាំងកាលពីថ្ងៃព្រហស្បតិ៍ (៣១សីហា) ថា ប្រទេសចិនប្រឆាំងដាច់ខាតចំពោះការដាក់ពង្រាយយោធារបស់សហរដ្ឋអាមេរិក នៅក្នុងតំបន់អាស៊ីប៉ាស៊ីហ្វិក ហើយជំរុញឱ្យប្រទេសនេះធ្វើសកម្មភាពដើម្បីផលប្រយោជន៍នៃសន្តិភាព និងស្ថិរភាពក្នុងតំបន់។ការលើកឡើងរបស់លោក Wu បានធ្វើឡើងបន្ទាប់ពីសហរដ្ឋអាមេរិកមានគម្រោងបង្កើតទីតាំងការពារដែនអាកាសចំនួន២០ទីតាំងបន្ថែមទៀត ដែលបំពាក់ដោយមីស៊ីលស្ទាក់ចាប់ពីដីទៅលើអាកាស រ៉ាដា និងគ្រឿងយុទ្ធោបករណ៍ផ្សេងៗទៀតនៅលើកោះ Guam សហរដ្ឋអាមេរិក ហើយសាងសង់វាទៅជា «តំបន់ការពារខ្លាំងបំផុតក្នុងពិភពលោក»។លោកWuបានបន្ថែមថា «ដោយស្ថិតក្រោមលេសនៃការគំរាមកំហែងដោយគ្មានមូលដ្ឋាន សហរដ្ឋអាមេរិកនៅតែបន្តជំរុញការដាក់ពង្រាយយោធារបស់ខ្លួននៅក្នុងតំបន់អាស៊ីប៉ាស៊ីហ្វិក ដោយធ្វើឱ្យប៉ះពាល់ដល់ផលប្រយោជន៍សន្តិសុខរបស់ប្រទេសផ្សេងៗ និងបង្កើនភាពតានតឹងក្នុងតំបន់ផងដែរ ហើយប្រទេសចិនប្រឆាំងយ៉ាងដាច់ខាតចំពោះរឿងនេះ»៕

ឯកឧត្តមបណ្ឌិត ហ៊ុន ម៉ាណែត៖ រាជរដ្ឋាភិបាលអាណត្តិទី៧ នឹងពង្រីកសេវាថែទាំសុខភាពជូនពលរដ្ឋឱ្យបាន ជិត៩លាននាក់

2023/09/01 01:28:03 pm        245
Facebook Telegram Linkin
កណ្ដាល៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ថា រាជរដ្ឋាភិបាលអាណត្តិទី៧ ​នឹងពង្រីកសេវាថែទាំសុខភាពជូនពលរដ្ឋឱ្យបានជិត ៩លាននាក់ ។ក្នុងឱកាសអញ្ជើញបន្ត​ជួប​សំណេះសំណាល​ជាមួយកម្មករ ​និយោជិត រោងចក្រ​ សហគ្រាស នានា នៅក្នុងក្រុងតាខ្មៅ នៅព្រឹកថ្ងៃទី០១ ខែកញ្ញានេះ ​ឯកឧត្តមនាយករដ្ឋមន្ត្រី ហ៊ុន ​ម៉ាណែត​ បាន​មានប្រសាសន៍ថា រាជរដ្ឋាភិបាលអាណត្តិទី៧ ​បានចាប់ផ្ដើមអនុវត្តភ្លាម​ តាមគោលនយោបាយ ជា​អាទិភាពចំនួន៦ចំណុចរបស់ខ្លួនឱ្យបានរហ័ស ​ព្រោះ​គណបក្សប្រជាជនកម្ពុជា មិនចេះតែ​និយាយនោះទេ ​គឺធ្វើដោយ ប្រាកដប្រជាច្បាស់លាស់ ។សូមបញ្ជាក់ថា កម្មវិធីគោលនយោបាយជាអាទិភាពរបស់រាជរដ្ឋាភិបាល​ គឺការផ្តល់ការថែទាំ សុខ ភាពឆ្ពោះទៅកម្មវិធីគ្របដណ្តប់​សុខភាពជាសកល ​ដោយចាប់ផ្តើមពី (១). ការផ្តល់សេវាថែទាំ​សុខភាព ជូនគ្រួសារងាយរងហានិភ័យ ​ប្រមាណជាង៤៥ម៉ឺនគ្រួសារ, ស្មើនឹងសមាជិក​សរុបជាង ១,៥លាននាក់ តាមរយៈការប្រើប្រាស់មូលនិធិសមធម៌សុខាភិបាល; និង (២). ការពង្រីករបបថែ​ទាំសុខភាព​របស់ ប.ស.ស ទាំងសម្រាប់កម្មករ-និយោជិត ​និងសម្រាប់មន្ត្រីសាធារណៈ ដែល​គ្របដណ្តប់បន្ថែមដល់សមាជិកគ្រួសារ ​និងអ្នកនៅក្នុងបន្ទុក​ ប្រមាណជាង៣លាននាក់ តាមគោលការណ៍ស្ម័គ្រចិត្ត ។ សរុបគម្រោងទាំងពីរនេះ នឹងធ្វើឱ្យប្រជាជន​ប្រមាណ៧,៤លាននាក់ មានលទ្ធភាពទទួលបាននូវរបបសន្តិសុខសង្គមផ្នែកសេវា ​ថែទាំសុខភាព ៕អត្ថបទ៖ មុត សុទ្ធ

ឯកឧត្តម ហ៊ុន ម៉ាណែត នឹងស្នើកែសម្រួលទីប្រឹក្សាដែលមានឋានៈស្មើ

2023/09/01 01:12:34 pm        616
Facebook Telegram Linkin
ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា បានបង្ហើបឱ្យដឹងថា នៅពេលខាងមុខនេះ នឹងស្នើសុំ កែសម្រួលទីប្រឹក្សា ដែលមានឋានៈស្មើ ។ឯកឧត្តមកិត្តិទេភិបាលបណ្ឌិត ហ៊ុន ម៉ាណែត មានខណៈអញ្ជើញជួបសំណេះសំណាលជាមួយ កម្មករ និយោជិត ជិត២ម៉ឺននាក់ទៀត ធ្វើការនៅរោងចក្រ សហគ្រាសនានា នៅក្រុងតាខ្មៅ នៅព្រឹកថ្ងៃទី ០១​ ខែកញ្ញា នេះ បានបកស្រាយពន្យល់ទៅកាន់អ្នករិះគន់អំពីការតែងតាំង​ជា​ហូរហែមកនេះ ជាពិសេស​ ដូចជាទីប្រឹក្សាក្រសួងជាដើម ​ដើម្បីក្នុងគោលបំណងបន្តលើកទឹកចិត្ត ក្នុង​គោលនយោបាយរក្សាចាស់​ បង្កើនថ្មី ​និងបានបង្ហើបអំពីកំណែទម្រង់ទៅលើមុខតំណែង និងងារ ដែល​មានឋានៈស្មើ ។ឯកឧត្តមបណ្ឌិត ហ៊ុន ម៉ាណែត បានបញ្ជាក់ថា ​មន្ត្រីរាជការ កងកម្លាំងប្រដាប់អាវុធ ​ដែលមាន តួនាទី​ នឹងមិនត្រូវបានតែងតាំងជាទីប្រឹក្សាដែល​មានឋានៈស្មើនោះទេ។ ​ដោយឡែក មន្ត្រី​មុខងារ​នយោបាយ ដែលមានដូចជាអនុរដ្ឋលេខាធិការ ​រដ្ឋលេខាធិការ ​អាចជាទីប្រឹក្សា ដែលមាន​ឋានៈស្មើបាន។ ដោយឡែកអ្នកក្រៅក្របខណ្ឌ ​ដូចជាឧ​កញ៉ាជាដើម ​បើជា​ទីប្រឹក្សា ​អាចមាន​ឋានៈស្មើនេះ ស្មើនោះបាន ​ព្រោះមិនប៉ះពាល់ដល់ការងារស្ថាប័ន ៕អត្ថបទ៖ មុត សុទ្ធ

រដ្ឋបាលខណ្ឌ៧មករា បើកកិច្ចប្រជុំពាក់ព័ន្ធវិធានការជនអនាថា ជនប្រើប្រាស់គ្រឿងញៀន និងកុមារអនាថា

2023/09/01 12:56:30 pm        141
Facebook Telegram Linkin
ភ្នំពេញ៖ រដ្ឋបាលខណ្ឌ ៧មករា ជាមួយមន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ នៅព្រឹកថ្ងៃទី០១ ខែកញ្ញា ឆ្នាំ២០២៣នេះ បានបើកកិច្ចប្រជុំពាក់ព័ន្ធនិងនីតិវិធីបញ្ជូនជនអនាថា ជនប្រើប្រាស់គ្រឿងញៀន ជនវ័យចំណាស់គ្មានទីពឹង និងកុមារអនាថា ដើម្បីបញ្ជូនទៅ តាមជំនាញធ្វើការកែប្រែ និងអប់រំ ឱ្យបានត្រឹមត្រូវ។លោកស្រី មុំ ចាន់ដានី ប្រធានមន្ទីរសង្គមកិច្ចអតីតយុទ្ធជន និងយុវនីតិសម្បទារាជធានីភ្នំពេញ បានស្នើសូមឲ្យអាជ្ញាធរ សមត្ថកិច្ចត្រូវធ្វើការកំណត់​អត្តសញ្ញាណ​ ឲ្យច្បាស់លាស់ ​ចំពោះ ជនអានាថា ត្រូវធ្វើលិខិតទៅមន្ទីរសង្គមកិច្ច ដើម្បីការកែប្រែ និងអប់រំ និងជនប្រើប្រាស់គ្រឿងញៀន ត្រូវបញ្ជូនទៅមណ្ឌលបន្សាប ​គ្រឿងញៀន។ បើពុំដូចនោះទេជន​ដែល​ប្រើប្រាស់​គ្រឿងញៀន បញ្ជូន​ទៅមន្ទីរសង្គមកិច្ច ហើយពេលដែលពួកគាត់ចេញមកវិញ នៅតែបន្តប្រើប្រាស់គ្រឿងញៀនដដែល។លោកស្រី មុំ ចាន់ដានី បានបន្តថា ពាក់ព័ន្ធនឹងករណីជនមានពិការភាពដែលដាក់រទេះ និង​ភ្លេងច្រៀង​តាមភ្លើង​ស្តុប​ចរាចរណ៍សំខាន់ៗ ក៏ដូចគ្នានោះដែរ​គឺ​មាន​មេខ្យល់​ដែលដឹកជញ្ជូន​ជនមានពិការភាពទាំងនោះមកធ្វើការច្រៀង និងសុំលុយ​ ដើម្បី​ឧបត្ថម្ភ​ទៅ​ខាងនេះ​ទៅខាងនោះ ជាដើម ​នេះគឺជាករណីឆបោកយ៉ាងពិតប្រាកដ។ ចំណែកកុមារអាណាថា​ ក៏មានមេខ្យល់​ដើម្បី​ដឹកជញ្ជូន​កុមារអនាថា ទាំងនោះដាក់នៅតាមដងផ្លូវសាធារណៈដើម្បីសុំលុយផងដែរ។ ជាចុងក្រោយលោកស្រី ប្រធានមន្ទីរសង្គមកិច្ច ស្នើសុំដ៏អាជ្ញាធរពាក់ព័ន្ធជួយ​ស្រាវជ្រាវ​រកមុខ​សញ្ញាមេខ្យល់ ដើម្បីធ្វើការអប់រំណែនាំ ​បើមិនរាងចាលទេ និងចាត់ការតាមនីតិវិធី។ក្នុងកិច្ចប្រជុំនេះ លោក ថេង សុថុល អភិបាល​នៃគណៈអភិបាលខណ្ឌ៧មករា​បានលើកឡើងថា ចំពោះបញ្ហា សូមឱ្យមន្ត្រីប៉ុស្តិ៍នគរបាលរដ្ឋបាលក៏ដូចជាសង្កាត់ទាំង០៨​ ក្នុងភូមិសាស្រ្ត ខណ្ឌ៧មករា ឲ្យយកចិត្តទុកដាក់ពីបញ្ហា ក្មេងអនាថា ​សុំទានតាមដងផ្លូវ ​ជនប្រើប្រាស់គ្រឿងញៀន ជនមានពិការភាព ដែលច្រៀងតាមភ្លើងស្តុបចរាចរណ៍សំខាន់ៗ ​តាមសួនច្បារសាធារណៈ ជាដើម។ លោកអភិបាល បានបញ្ជាក់ថា ពាក់ព័ន្ធនឹងករណីកុមារអានាថា ដែលដើរសុំលុយតាមដង​ផ្លូវសាធារណៈ​គឺ​អាចបង្កគ្រោះថ្នាក់ចរាចរណ៍ ​និងធ្វើឲ្យបាត់បង់សណ្ដាប់ធ្នាប់សាធារណៈផងដែរ៕ អត្ថបទ៖ កុម្ភៈ

យោធាសហរដ្ឋអាមេរិកអំពាវនាវឲ្យបញ្ចប់ការប្រយុទ្ធគ្នានៅស៊ីរីភាគខាងកើត ហើយព្រមានថា វាអាចនាំឲ្យក្រុមISងើបឡើងវិញ

2023/09/01 12:50:19 pm        81
Facebook Telegram Linkin
អាមេរិក៖ យោធាសហរដ្ឋអាមេរិក បានអំពាវនាវឲ្យបញ្ចប់ការប្រយុទ្ធជាច្រើនថ្ងៃរវាងក្រុមគូប្រជែងដែលគាំទ្រដោយសហរដ្ឋអាមេរិកនៅក្នុងប្រទេសស៊ីរីភាគខាងកើត កាលពីថ្ងៃព្រហស្បតិ៍ ដោយព្រមានថា វាអាចជួយដល់ការងើបឡើងវិញនៃក្រុមរដ្ឋឥស្លាមIS។ការប្រយុទ្ធគ្នាដែលបានផ្ទុះឡើងកាលពីថ្ងៃចន្ទ ហើយបានបណ្តាលឲ្យមនុស្សយ៉ាងហោចណាស់ ៤០នាក់ស្លាប់ និងរាប់សិបនាក់រងរបួសនៅក្នុងខេត្តដេអែលហ្សួ ( Deir el-Zour) ភាគខាងកើតដែលសម្បូរដោយប្រេង គឺជារឿងដ៏អាក្រក់បំផុតក្នុងរយៈពេលជាច្រើនឆ្នាំ។ ប្រទេសស៊ីរីខាងកើតគឺជាកន្លែងដែលទាហានអាមេរិករាប់រយនាក់ បានឈរជើង តាំងពីឆ្នាំ ២០១៥ ដើម្បីជួយប្រយុទ្ធជាមួយពួកសកម្មប្រយុទ្ធIS។ការប៉ះទង្គិចគ្នានេះ បានធ្វើឲ្យសមាជិកនៃកងកម្លាំងប្រជាធិបតេយ្យស៊ីរីដឹកនាំដោយជនជាតិភាគតិចឃើដប្រឆាំងនឹងអតីតសម្ព័ន្ធមិត្តរបស់ខ្លួន គឺក្រុមប្រឹក្សាយោធាដេអែលហ្សួ (Deir el-Zour) ដែលដឹកនាំដោយអារ៉ាប់និងកុលសម្ព័ន្ធអារ៉ាប់ក្នុងតំបន់មួយចំនួនដែលគាំទ្រពួកគេ៕

អតីតនាយករដ្ឋមន្ត្រីថៃ ស្នើសុំការលើកលែងទោសពីព្រះមហាក្សត្រ

2023/09/01 12:21:03 pm        73
Facebook Telegram Linkin
ថៃ៖ រដ្ឋមន្ត្រីរដ្ឋាភិបាល បាននិយាយកាលពីថ្ងៃព្រហស្បតិ៍ថា អតីតនាយករដ្ឋមន្ត្រីដែលជាប់ពន្ធនាគាររបស់ប្រទេសថៃ លោក ថាក់ស៊ីន ស៊ីណាវ៉ាត (Thaksin Shinawatra ) បានស្នើសុំការលើកលែងទោសពីព្រះមហាក្សត្រ ជាពាក្យចចាមអារ៉ាមនៃកិច្ចព្រមព្រៀសម្ងាត់សម្រាប់ការផ្លាស់ប្តូរការសុំលើកលែងទោស។ មហាសេដ្ឋីដែលមានអាយុ៧៤ឆ្នាំរូបនេះ ជានាយករដ្ឋមន្ត្រីជាប់ឆ្នោត២ដង ហើយត្រូវបាន បណ្តេញចេញក្នុងរដ្ឋប្រហារយោធាកាលពីឆ្នាំ២០០៦ ត្រូវបានបញ្ជូនទៅកាន់ពន្ធនាគារកាលពីសប្តាហ៍មុនភ្លាមៗបន្ទាប់ពីការវិលត្រលប់មកកាន់ព្រះរាជាណាចក្រមួយនេះវិញពីការនិរទេសខ្លួនរយៈពេល១៥ឆ្នាំ។ការវិលត្រលប់មកកាន់ប្រទេសវិញស្របពេលជាមួយការវិលត្រឡប់មកវិញរបស់គណបក្សភឿថៃរបស់លោក មកដឹកនាំរដ្ឋាភិបាលក្នុងសម្ព័ន្ធភាពជាមួយគណបក្សនានាគាំទ្រដោយយោធា ដែលបង្កឲ្យមានមន្ទិលសង្ស័យការរាលដាលថា កិច្ចព្រមព្រៀងត្រូវបានធ្វើឡើងដើម្បីកាត់បន្ថយពេលវេលាជាប់ពន្ធនាគាររបស់លោក។ រដ្ឋមន្ត្រីក្រសួងយុត្តិធម៌ចាំផ្ទះ លោក Wissanu Krea-ngam ( វិសានុ គ្រឿង៉ាម) បាននិយាយថា លោក Thasin បានស្នើសុំការលើកលែងទោសពីការជាប់ពន្ធនាគាររយៈពេល៨ឆ្នាំ ពីបទអំពើពុករលួយ និងការបំពានអំណាច។ដោយត្រូវបាសួរថាតើដំណើរការមានរយៈពេលយូរប៉ុណ្ណា លោក Wissanu និយាយថា វាពិតជាអាស្រ័យលើ ការអនុគ្រោះពីព្រះមហាក្សត្រ។ នីតិវិធីពីរដ្ឋាភិបាលមិនយូរនោះទេ ប៉ុន្តែអាស្រ័យរយៈពេលព្រះតម្រិះរបស់ព្រះមហាក្សត្រ។ ស្ថិតនៅក្រោមច្បាប់របស់ប្រទេសថៃ អ្នកជាប់ទោស អាចដាក់ពាក្យស្នើសុំលើកលែងទោស ដែលត្រូវបានអនុម័តពីរដ្ឋមន្ត្រីក្រសួងយុត្តិធម៌ ឆ្លងកាត់នាយករដ្ឋមន្ត្រី ទៅកាន់ឧត្តមក្រុមប្រឹក្សារាជបល្ល័ង្កមុនពេលទៅដល់ព្រះមហាក្សត្រ Maha Vajiralongkorn ៕

រដ្ឋមន្ត្រីការពារជាតិអង់គ្លេស លាលែងពីតំណែង

2023/09/01 12:18:44 pm        67
Facebook Telegram Linkin
អង់គ្លេស៖ រដ្ឋមន្ត្រីការពរាជាតិចក្រភពអង់គ្លេស លោក Ben Wallace ( បេន វ៉លលីស) បានប្រកាសថា លោកនឹងលាលែងពីតំណែង ដែលលោកបានដាក់ស្នើការលាលែងរបស់លោកទៅកាន់នាយករដ្ឋមន្ត្រីលោក Rishi Sunak កាលពីថ្ងៃព្រហស្បតិ៍ ដោយនិយាយថា វាដល់ពេលវេលាដើម្បីវិនិយោគនៅក្នុងក្រុមគ្រួសាររបស់លោកនិងខ្លួនលោកផ្ទាល់។ លោក Wallace គឺជាយោធាម្នាក់ ដែលបានឡើងជាមេបញ្ជាការកងទ័ព។ លោកត្រូវបានតែងតាំងជារដ្ឋមន្ត្រីការពារជាតិរយៈពេល៤ឆ្នាំមកហើយ ដោយអតីតនាយករដ្ឋមន្ត្រីលោក Boris Johnson និងបានគ្រប់គ្រងការដកទ័ពចេញពីប្រទេសអាហ្វហ្គានីស្ថាន។លោក Wallace បានកាន់តួនាទីដឹកនាំមួយ ក្នុងការគាំទ្រការរៀបចំសម្រាប់ប្រទេសអ៊ុយក្រែន។ លោកគឺជាមនុស្សម្នាក់ដំបូងគេក្នុងចំណោមអ្នកមានឋានៈស្មើលោកក្នុងការការពារការដឹកជញ្ជូនមីស៊ីលតម្រង់គោលដៅរយៈចម្ងាយឆ្ងាយ និងរថក្រោះ។ លោក Wallace បានសរសេរនៅលើលិខិតលាលែងរបស់លោកថាចក្រភពអង់គ្លេស មិនត្រូវវិលត្រលប់ដូចសព្វថ្ងៃនេះនៅពេលការចំណាយផ្នែកការពារជាតិត្រូវបានចាត់ទុកថាជាការគ្មានព្រំដែនកំណត់។ លោកបាននិយាយថា ពិភពលោកនឹងកាន់តែគ្មានសុវត្ថិភាព និងមានអស្ថិរភាពនៅទសវត្សរ៍បន្ទាប់ទៀត។លោក Wallace ត្រូវបានគេមើលឃើញថាជាបេក្ខជនម្នាក់ក្នុងការដឹកនាំសម្ព័ន្ធយោធាNATO។ ទោះជាយ៉ាងណាអគ្គលេខាធិការលោក Jens Stoltenberg បានព្រមព្រៀងកាលពីខែកក្កដាថានឹងបន្តនៅរយៈពេល១ឆ្នាំទៀត។ ក្រោយមក លោក Wallace បានប្រកាសថា លោកបានត្រៀមជាស្រេចដើម្បីចេញពីសមាជិកសភាក្នុងបំណងបន្តឱកាសថ្មី។លោក Wallace នឹងត្រូវបានដាក់ជំនួសដោយលោក Grant Shapps អតីតរដ្ឋមន្ត្រីថាមពល។ លោក Shapps បានសន្យាដាក់គំនាបនៅពេលខាងមុខក្នុងការប្រយុទ្ធប្រឆាំងចំពោះអ្វីដែលលោកហៅថា ការឈ្លានពានដ៏ឃោឃៅរបស់លោក Putin៕

ប្រមុខUN ផ្ញើទៅឲ្យរុស្ស៊ី នូវសំណើស្រោចស្រង់កិច្ចព្រមព្រៀងគ្រាប់ធញ្ញជាតិនៅសមុទ្រខ្មៅ

2023/09/01 12:16:10 pm        99
Facebook Telegram Linkin
UN៖ អគ្គលេខាធិការអង្គការសហប្រជាជាតិ លោក António Guterres បាននិយាយកាលពីថ្ងៃព្រហស្បតិ៍ថាលោកបានផ្ញើនូវសំណើរជាក់លាក់មួយច្បាប់ ទៅឲ្យរដ្ឋមន្ត្រីការបរទេសរុស្ស៊ី លោក Sergei Lavrov ដែលមានគោលបំណងស្រោចស្រង់ឡើងវិញកិច្ចព្រមេព្រៀងដែលអនុញ្ញាតឲ្យមានការនាំចេញដោយសុវត្ថិភាពនូវគ្រាប់ធញ្ញាជាតិរបស់អ៊ុយក្រែន តាមសមុទ្រខ្មៅ។ រុស្ស៊ីបានបោះបង់ចោល កិច្ចព្រមព្រៀងកាលពីខែកក្កដា មានរយៈពេល១ឆ្នាំបន្ទាប់ពីកិច្ចព្រមព្រៀងនេះ ត្រូវបានសម្របសម្រួលដោយអង្គការសហប្រជាជាតិ និងប្រទេសទួរគី ដោយបានត្អូញត្អែរថា ការនាំចេញស្បៀងអាហារនិងផលិតផលជីផ្ទាល់របស់ខ្លួន ប្រឈមមុខឧបសគ្គជាច្រើន និងបាននិយាយថា គ្រាប់ធញ្ញជាតិអ៊ុយក្រែនពុំគ្រប់គ្រាន់ចូលទៅក្នុងប្រទេសនានាដែលត្រូវការនោះទេ។ លិខិត្តរបស់លោក Guterres ធ្វើឡើងមុនពេលជំនួបរវាងប្រធានាធិបតីរុស្ស៊ីលោក Vladimir Putin និងសមភាគីទួរគី លោក Tayyip Erdogan។ ប្រភពព័ត៌មានចំនួន២មកពីទួរគីបាន បានប្រាប់សារព័ត៌មាន រ៉យទ័រថា មេដឹកនាំទាំងពីរ នឹងជួបគ្នានៅថ្ងៃចន្ទ ហើយនឹងពិភាក្សាជាចម្បងពីការនាំចេញគ្រាប់ធញ្ញជាតិនៅសមុទ្រខ្មៅ។ កិច្ចព្រមព្រៀងនៅសមុទ្រខ្មៅ មានបំណងប្រយុទ្ធប្រឆាំងវិបត្តិស្បៀងអាហារសកល ដែលអង្គការសហប្រជាជាតិនិយាយថា បានធ្វើឲ្យធ្ងន់ធ្ងរដោយការឈ្លានពានរបស់រុស្ស៊ីលើអ៊ុយក្រែនកាលពីខែកុម្ភះឆ្នាំ២០២២។ រុស្ស៊ីនិងអ៊ុយក្រែន ប្រទេសទាំងពីរនេះ ជាអ្នកនាំចេញគ្រាប់ធញ្ញជាតិឈានមុខ។ លោក Guterres បានប្រាប់អ្នកសារព័ត៌មានថា «ខ្ញុំជឿថា យើងបានបង្ហាញសំណើមួយដែលអាចជាមូលដ្ឋានសម្រាប់ការបន្តថ្មី ប៉ុន្តែការបន្តថ្មីដែលមានស្ថិរភាព» ដោយគ្មានការពិភាក្សាលម្អិតពីសំណើរនោះទេ។លោកនិយាយថា យើងពុំអាចមានគំនិតផ្តួចផ្តើមសមុទ្រខ្មៅ ដែលដកចេញពីវិបត្តិទៅជាវិបត្តិ ពីការផ្អាកទៅជាការផ្អាកវិញនោះទេ។ យើងចាំបាច់ត្រូវមានអ្វីដែលដំណើរការ ហើយដំណើរការនោះផ្តល់ផលប្រយោជន៍ដល់មនុស្សគ្រប់គ្នា៕

ស្ត្រីប៉ាគីស្ថាន ដុតវិក្កយបត្រ ក្នុងការតវ៉ាប្រឆាំងការកើនឡើងតម្លៃងគ្គិសនី

2023/09/01 12:12:43 pm        59
Facebook Telegram Linkin
ប៉ាគីស្ថាន៖ ស្ត្រីរាប់រយនាក់ បានចេញធ្វើបាតុកម្ម នៅក្នុងទីក្រុងKarachi ជាទីក្រុងធំបំផុតរបស់ប្រទេសប៉ាគីស្ថាន កាលពីថ្ងៃព្រហស្បតិ៍ ដើម្បីតវ៉ាប្រឆាំងការកើនឡើងតម្លៃតម្លៃអគ្គិសនី។ ស្ត្រីប្រមាណ១ពាន់នាក់ មានកាន់បដានិងផ្ទាំងប្រកាស ហើយអ្នកតវ៉ាមួយចំនួន បានដុតវិក្កយបត្របង់ថ្លៃអគ្គិសនី បានមកប្រមូលផ្តុំគ្នានៅលើផ្លូវធំមួយនៅទីក្រុងក្នុងការតវ៉ាដែលត្រូវបានរៀបចំដោយគណបក្សអ៊ីស្លាមដ៏ធំ Jamaat-e-Islami ។មានការតវ៉ាដែលកើតឡើងយូៗម្តង នៅទូទាំងប្រទេស បន្ទាប់ពីអ្នកប្រើប្រាស់បានទទួលវិក្កយបត្របង់ថ្លៃអគ្គិសនីខែកក្កដា ខណៈមានការកើនឡើងតម្លៃអគ្គិសនីនិងពន្ធនៅពេលថ្មីៗនេះ ជាតម្រូវការសំខាន់របស់មូលនិធីរូបីយវត្ថុអន្តរជាតិ(IMF) សម្រាប់ការពិនិត្យឡើងវិញនៃកញ្ចប់ជំនួយហិរញ្ញវត្ថុដែលជាប់គាំងមកជាយូរ៕

បណ្ដាញសង្គម

ព័ត៌មានថ្មីៗ

មិនទាន់មានពន្លឺនៃការដោះលែងទាហានកម្ពុជា១៨នាក់ ដែលថៃចាប់ទៅនោះទេ ខណៈថ្ងៃនេះគឺមានរយៈពេល១៧ថ្ងៃហើយ
08/15/2025 11:08 AM
Facebook Telegram Linkin
[BREAKING NEWS] ប្រមុខការបរទេស​រុស្ស៊ី លោក Lavrov បានទៅដល់រដ្ឋ​អាឡាស្កា ​មុន​ជំនួប​កំពូលលោក Trump-Putin
08/15/2025 11:08 AM
Facebook Telegram Linkin
ចក្រភពអង់គ្លេស៖ លោក Putin ត្រូវតែបង្ហាញឱ្យឃើញថាលោកមានភាពម៉ឺងម៉ាត់ចំពោះសន្តិភាព
08/15/2025 11:08 AM
Facebook Telegram Linkin
រុស្ស៊ី និងអ៊ុយក្រែន ដោះដូរឈ្លើយសឹកទៅវិញទៅមក នៅមុនជំនួបកំពូលរវាងលោក Trump-Putin
08/15/2025 11:08 AM
Facebook Telegram Linkin
វិស័យឯកជន៖ ការនាំចេញទំនិញកម្ពុជានឹងកើនឡើងកាន់ខ្លាំង គាំទ្រ​ដល់​កំណើន​នៃ​សេដ្ឋកិច្ចជាតិ
08/15/2025 10:08 AM
Facebook Telegram Linkin
វត្ថុអនុស្សាវរីយ៍លោកPutin និងលោក Trump ដាក់គរលើធ្នើរក្នុងទីក្រុងមូស្គូមុនជំនួបកំពូលនៅអាឡាស្កា
08/15/2025 10:08 AM
Facebook Telegram Linkin
កូរ៉េខាងត្បូង គ្រោងស្តារកិច្ចព្រមព្រៀងបញ្ឈប់សកម្មភាពយោធាឡើងវិញនៅតាមព្រំដែនកូរ៉េខាងជើង
08/15/2025 10:08 AM
Facebook Telegram Linkin
ប្រធានសភារបស់រុស្ស៊ី បានជួបជាមួយមេដឹកនាំកូរ៉េខាងជើង នៅទីក្រុងព្យុងយ៉ាង
08/15/2025 10:08 AM
Facebook Telegram Linkin
ប្រមុខធនធានមនុស្សរបស់លោក Trump៖ រដ្ឋាភិបាលអាមេរិក នឹងរំសាយបុគ្គលិក ៣០ម៉ឺននាក់ នៅឆ្នាំនេះ
08/15/2025 10:08 AM
Facebook Telegram Linkin
ជប៉ុនប្រកាសផ្តល់ជំនួយជិត២លានដុល្លារសម្រាប់ឆ្លើយតបតម្រូវការសង្រ្គោះបន្ទាន់​នៅតំបន់ព្រំដែនកម្ពុជានិងថៃ
08/15/2025 10:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.