BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

អគ្គនាយកអគ្គិសនីកម្ពុជាថ្មី ប្ដេជ្ញាទប់តម្លៃមិនឲ្យឡើង និងខិតខំពង្រីកថាមពលអគ្គិសនី

ភ្នំពេញ៖ ឯកឧត្តម ប្រាំង ជលសា អគ្គនាយកអគ្គិសនីកម្ពុជា បានប្ដេជ្ញាទប់មិនឲ្យតម្លៃអគ្គិសនីមានការឡើងថ្លៃ ទោះក្នុងកាលៈទេសៈណាក៏ដោយ និងខិតខំពង្រីកបន្ថែមទៀត នូវថាមពលអគ្គិសនីនៅកម្ពុជា ដើម្បីពលរដ្ឋមានភ្លើងប្រើប្រាស់គ្រប់គ្រាន់ និងឆ្ពោះទៅមានលទ្ធភាពអាចផលិតបាន រហូតនាំចេញទៅខាងក្រៅ ។ក្នុងឱកាសទើបទទួលបានតំណែងជាអគ្គនាយកអគ្គិសនីកម្ពុជា នៅថ្ងៃទី១ ខែកញ្ញា ឆ្នាំ២០២៣ ឯកឧត្តម ប្រាំង ជលសា បានលើកឡើងថា នឹងបន្តផែនការយុទ្ធសាស្ត្រ របស់អគ្គីសនីកម្ពុជា ដើម្បីបន្តភាពខ្លាំង ដោយបន្តពង្រីការគ្រប់គ្រងអគ្គិសនីឲ្យបានគ្រប់គ្រាន់ មានតុល្យភាព គុណភាព និរន្តរភាព ជូនប្រជាពលរដ្ឋ ។ឯកឧត្តម បានបន្តថា បន្តអភិវឌ្ឍន៍ប្រភពថាមពល ប្រកបដោយចីរភាព ដោយប្រើប្រាស់ជាអតិបរិមា ប្រភពអគ្គិសនីស្អាតកកើតឡើងវិញ កាត់បន្ថយការពឹងផ្អែក ប្រភពអគ្គិសនីពីក្រៅ ដោយម្ចាស់ការមានការផលិតថាមពលដោយខ្លួនឯង និងឈានលទ្ធភាពនាំចេញទៅវិញ ។អគ្គនាយកអគ្គិសនីកម្ពុជា បានបន្ថែមថា នឹងខិតខំប្រឹងប្រែងរកយុទ្ធសាស្ត្របញ្ចុះតម្លៃអគ្គិសនីតាមគោលនយោបាយរបស់រាជរដ្ឋាភិបាល ហើយក៏ត្រូវព្យាយាមគ្រប់វិធីសាស្ត្រ និងមធ្យោបាយទប់ស្កាត់ការកើនឡើងថ្លៃអគ្គិសនីដល់អ្នកប្រើប្រាស់ ទោះក្នុងកាលៈទេសៈលំបាកយ៉ាងណាក៏ដោយ ខណៈដែលប្រទេសផ្សេងៗ ពុំអាចទ្រទ្រងបាន ហើយបង្កើនតម្លៃអគ្គិសនី ។ក្នុងឱកាសនោះ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានដាស់តឿនផងដែរ ទៅអគ្គនាយអគ្គិសនីកម្ពុជាថ្មី ត្រូវខិតខំពង្រីកវិសាលភាព នៃការតបណ្ដាញអគ្គិសនី ដើម្បីឲ្យប្រជាពលរដ្ឋបានប្រើប្រាស់គ្រប់គ្រាន់ រួមទាំងធ្វើយ៉ាងណា អនុវត្តឲ្យបានតាមគោលដៅរបស់រាជរដ្ឋាភិបាល ធ្វើឲ្យអ្នកប្រើប្រាស់ទទួលបានផលប្រយោជន៍ និងប្រកបដោយភាពសប្បាយរីករាយ ។គួរបញ្ជាក់ថា បច្ចុប្បន្នកម្ពុជា មានទីតាំងផលិតនូវថាមពលអគ្គិសនីជាច្រើនកន្លែង រួមទាំងកំពុងអភិវឌ្ឍន៍បន្ថែមនៅតាមបណ្ដាខេត្តមួយចំនួន ហើយកាលពីពេលថ្មីៗនេះ រាជរដ្ឋាភិបាល ក៏បានអនុញ្ញាតឲ្យក្រុមហ៊ុនឯកជន អនុវត្តការកសាងនូវប្រភពអគ្គិសនីថ្មីចំនួន៥ ដែលមានអនុភាព ៥២០ម៉េហ្កាវ៉ាត់ ដែលរដ្ឋអាចនឹងទទួលបានចំណូលពន្ធប្រមាណ ៣២២លានដុល្លារ ពីគម្រោងទាំងអស់នេះ ៕ អត្ថបទ បាន សុខរិទ្ធិ

គ្រាប់បែកបំផ្ទុះរថយន្តច្រើនគ្រាប់ បានផ្ទុះនៅរដ្ឋធានីប្រទេសអេក្វាឌ័រ មនុស្ស៦នាក់ត្រូវបានចាប់ខ្លួន

អេក្វាឌ័រ៖ អាជ្ញាធរនិយាយថា ការបំផ្ទុះរថយន្តចំនួន២លើក បានផ្ទុះនៅក្នុងរដ្ឋធានីប្រទេសអេក្វាឌ័រ កាលពីយប់ថ្ងៃពុធ និងថ្ងៃព្រហស្បតិ៍។ នគរបាលតំបន់បាននិយាយលើបណ្តាញX ដែលគេស្គាល់ពីមុន Twitter ថា ការផ្ទុះលើកដំបូងបានកើតឡើងនៅអតីតអគាររបស់ទីភ្នាក់ងារពន្ធនាគារSNAI របស់ប្រទេស ដែលបច្ចុប្បន្នជាទីតាំងរបស់ក្រសួងកិច្ចការនារី និងសិទ្ធមនុស្ស។កាលកំណត់ពេលបំផ្ទុះលើកទី២ ពុំទាន់ត្រូវបាននគរបាលបញ្ជាក់នៅឡើយនោះទេ ហើយក៏ពុំមានរបាយការណ៍បញ្ជាក់ពីអ្នករងរបួសក្នុងការផ្ទុះនេះដែរ។ មនុស្ស៦នាក់ត្រូវបាននាំទៅកាន់មន្ទីរឃុំឃាំងជាប់ពាក់ព័ន្ធទៅនឹងការបំផ្ទុះនេះ។ ៤នាក់ក្នុងចំណោមអ្នកឃុំខ្លួន តាមសេចក្តីរាយការណ៍ ធ្លាប់មានប្រវត្តិគំរាមទារប្រាក់ និងចាប់ជំរិត ហើយម្នាក់ក្នុងចំណោមជនសង្ស័យ គឺជាជនជាតិកូឡំប៊ី៕

ចំហេះព្រៃបំផ្លាញសេដ្ឋកិច្ច ដែលផ្អែកលើវិស័យទេសចរណ៍របស់កោះម៉ូអ៊ី សហរដ្ឋអាមេរិក

អាមេរិក៖ ចំហេះព្រៃកោះម៉ូអ៊ី បានធ្វើឱ្យសេដ្ឋកិច្ចដែលពឹងផ្អែកលើវិស័យទេសចរណ៍នៃកោះរបស់សហរដ្ឋអាមេរិកមួយនេះចុះខ្សោយ ដែលនាំឱ្យមានការដួលរលំ និងការបញ្ឈប់ការងារជាដើម។ បន្ទាប់ពីចំហេះព្រៃដ៏មហន្តរាយបំផុតនៅក្នុងប្រទេស អស់រយៈពេលជាងមួយសតវត្សរ៍ បានវាយប្រហារទីក្រុងប្រវត្តិសាស្ត្រ ឡាហេណា នៅភាគខាងលិចកោះម៉ូអ៊ី មក អ្នកទេសចរជាច្រើនបានលុបចោលជើងហោះហើររបស់ពួកគេ ឬប្តូរទៅកាន់កោះហាវ៉ៃផ្សេងទៀត។ដោយជាកន្លែងទេសចរណ៍ដ៏ពេញនិយមបំផុតមួយនៅក្នុងសហរដ្ឋអាមេរិក កោះម៉ូអ៊ី ទទួលបានភ្ញៀវទេសចរជាមធ្យមជាង៧.០០០នាក់ក្នុងមួយថ្ងៃ។ ប៉ុន្តែឥឡូវនេះចំនួនបានធ្លាក់ចុះមកនៅត្រឹមតែជាង២.០០០នាក់ប៉ុណ្ណោះ។ ព្រឹទ្ធសមាជិករដ្ឋហាវ៉ៃ លោក Brian Schatz បាននិយាយនៅលើប្រព័ន្ធផ្សព្វផ្សាយសង្គមថា ក្រៅពីតំបន់ដែលឆេះហើយ ផ្នែកផ្សេងទៀតនៃកោះក៏កំពុងទទួលរងការធ្លាក់ចុះនៃអ្នកទេសចរផងដែរ ព្រោះមនុស្សគិតថាកោះទាំងមូលត្រូវបានបិទ។ប្រជាពលរដ្ឋក្នុងស្រុកព្រួយបារម្ភថា វិបត្តិទេសចរណ៍នឹងធ្វើឱ្យអ្នកស្រុកកាន់តែច្រើន មិនមានលទ្ធភាពជួលផ្ទះ និងការចំណាយប្រចាំថ្ងៃ ដោយបង្ខំឱ្យអ្នកដែលមិនរងផលប៉ះពាល់ផ្ទាល់ដោយចំហេះព្រៃ ចូលរួមជាមួយជំនួយសង្គ្រោះ។ រយៈពេលបីសប្តាហ៍បន្ទាប់ពីចំហេះបានបំផ្លិចបំផ្លាញសហគមន៍មាត់សមុទ្រជាប្រវត្តិសាស្ត្ររបស់កោះម៉ូអ៊ី នៃទីក្រុងឡាហេណា ដោយចំនួនអ្នកស្លាប់មានដល់ទៅ១១៥នាក់ ប៉ុន្តែមនុស្សរាប់រយនាក់ទៀតនៅតែបាត់ខ្លួននៅឡើយ៕

មនុស្ស២នាក់ស្លាប់ ៣នាក់របួស ក្នុងការបាញ់ប្រហារនៅទីក្រុង អូស្ទីន រដ្ឋតិចសាស់ សហរដ្ឋអាមេរិក

អាមេរិក៖ ក្រុមមន្ត្រី និយាយថា មនុស្ស២នាក់ស្លាប់និង៣នាក់រងរបួសក្នុងការបាញ់ប្រហារមួយនៅជិតផ្សារទំនើប អាបូរ៉េធឹម (Arboretum) ក្នុងទីក្រុងអូស្ទីន (Austin)រដ្ឋតិចសាស់ (Texas)សហរដ្ឋអាមេរិក កាលពីថ្ងៃព្រហស្បតិ៍។ ស្នងការនគរបាលបណ្ដោះអាសន្ន លោក រ៉ូប៊ីន ហេនឌ័រស៊ុន (Robin Henderson ) និយាយថា មនុស្ស២នាក់ ត្រូវបានប្រកាសថាបានស្លាប់នៅនឹងកន្លែងកើតហេតុ ម្នាក់ក្នុងចំណោមអ្នកស្លាប់ទាំង២ម្នាក់ជាជនសង្ស័យជាខ្មាន់កាំភ្លើង ។យោងតាមសេវាវេជ្ជសាស្ត្រសង្រ្គោះបន្ទាន់ប្រចាំស្រុក Austin-Travis យុវជនម្នាក់ ត្រូវបានបញ្ជូនទៅកាន់មន្ទីរពេទ្យក្នុងតំបន់ដោយសាររបួសធ្ងន់គំរាមកំហែងដល់អាយុជីវិត ។ ចំណែកយុវជន២នាក់ផ្សេងទៀត ត្រូវបានជម្លៀសចេញ តែមានរបួសស្រាល ។យោងតាមក្រុមមន្ត្រី គេនៅតែពុំទាន់បានដឹងច្បាស់នៅឡើយទេនៅពេលនេះ ពីទំនាក់ទំនងរវាងជនសង្ស័យ និងជនរងគ្រោះ។គ្មានជនសង្ស័យណាម្នាក់ត្រូវបានចាប់ឃុំខ្លួនទេ ប៉ុន្តែនគរបាលក្រុងអូស្ទីន បានធានានៅក្នុងការបង្ហោះលើបណ្ដាញសង្គម X ថា គ្មានការគំរាមកំហែងចំពោះសាធារណជននោះទេ៕

សម្តេចតេជោ ហ៊ុន សែន ទទួលជួបនាយិកាប្រតិបត្តិ និងនាយកគ្រប់គ្រងថ្មីនៃគ្រឹះស្ថានពហុសិក្សា

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន បានទទួលជួប លោកស្រី អេវ៉ា មីស្លីវីក នាយិកាប្រតិបត្តិ និងលោក មហាម៉ាត់ ឌៀររ៉ា នាយកគ្រប់គ្រងថ្មីនៃគ្រឹះស្ថានពហុសិក្សា នាព្រឹកថ្ងៃទី១ ខែកញ្ញា ឆ្នាំ ២០២៣ ដើម្បីពិនិត្យលើស្ថានការណ៍ និងសមិទ្ធផល ព្រមទាំងចក្ខុវិស័យនៃគ្រឹះស្ថានពហុសិក្សានេះ នៅពេលអនាគត ។នៅក្នុងជំនួបសម្តេចតេជោ ហ៊ុន សែន បានសំដែងការពេញចិត្តចំពោះការគ្រប់គ្រងដ៏ល្អរបស់គ្រឹះស្ថានដែល មានលទ្ធភាពរ៉ាប់រងលើការចំណាយដំណើរការទាំងអស់របស់ខ្លួនចាប់តាំងពីឆ្នាំ២០១៨មក ដោយសារចំណូលនៃការបង់ថ្លៃសិក្សា និងសមិទ្ធផលសម្រេចបានដែលស្ថិតនៅក្នុងចំណោមសាលាល្បីៗកំពូលទាំង៥ នៅទូទាំងប្រទេសម៉ាលី ។ សម្តេចតេជោ បានផ្តល់ការលើកទឹកចិត្តដល់គណៈគ្រប់គ្រងសាលាបន្តកិច្ចខិតខំប្រែងធានានិរន្តរភាពរបស់សាលាបន្តទៅទៀត ។ ជាមួយគ្នានេះដែរ សម្រាប់ការអភិវឌ្ឍនៃគ្រឹះស្ថានពហុសិក្សានាពេលខាងមុខ សម្តេចតេជោ បានសម្រេចផ្តល់អាហាររូបករណ៍ចំនួន ៧០កន្លែង ដល់គណៈគ្រប់គ្រងគ្រឹះស្ថាន សម្រាប់រយៈពេល ១០ឆ្នាំ (២០២៣-២០៣៣) ក្នុងនោះ ៤០ កន្លែង សម្រាប់សិស្សានុសិស្សកម្រិតបឋមសិក្សា និង ៣០កន្លែង សម្រាប់ កម្រិតមធ្យមសិក្សា ។ ជាកិច្ចឆ្លើយតប លោកស្រី អេវ៉ា មីស្លីវីក និង លោក មហាម៉ាត់ ឌៀររ៉ា បានថ្លែងការដឹងគុណដ៏ជ្រាលជ្រៅ ក្នុងនាមកុមារម៉ាលីទាំងអស់នៃគ្រឹះស្ថានពហុសិក្សា ចំពោះអំណោយ និងកាយវិការដ៏វិសេសថ្លៃថ្លារបស់សម្តេចតេជោ ដល់វិស័យសិក្សាធិការនៃប្រទេសម៉ាលី ។ សូមបញ្ជាក់ថា គ្រឹះស្ថានពហុសិក្សា សម្តេច ហ៊ុន សែន នៅទីក្រុងបាម៉ាកូ ត្រូវបានបង្កើតឡើងនៅឆ្នាំ២០១៣ ក្រោមជំនួយឧបត្ថម្ភរបស់សម្តេចតេជោ និងអ្នកស្រី អេវ៉ា មីស្លីវិក និងដៃគូជនជាតិម៉ាលីមួយរូបទៀត នៅក្នុងក្របខ័ណ្ឌនៃការពង្រឹងនូវសាមគ្គីភាពរវាងប្រទេសទាំងពីរនៅក្នុងក្រុមគ្រួសារហ្វ្រង់កូហ្វូន និងក្របខ័ណ្ឌនៃប្រទេសកំពុងអភិវឌ្ឍន៍ ហើយនិង កិច្ចសហប្រតិបត្តិការភាពជាដៃគូត្បូង – ត្បូង៕

ការបង្កើតបណ្តាញទំនាក់ទំនងថ្មីសម្រាប់ពាណិជ្ជកម្មរវាងប្រទេសចិន និងសហរដ្ឋអាមេរិក គឺជាជំហានដ៏សំខាន់

ចិន៖ លោកស្រី Shu Jueting អ្នកនាំពាក្យក្រសួងពាណិជ្ជកម្មចិន បាននិយាយនៅក្នុងសន្និសីទសារព័ត៌មានក្នុងទីក្រុងប៉េកាំងកាលពីថ្ងៃព្រហស្បតិ៍ (៣១សីហា)ថា ការបង្កើតបណ្តាញទំនាក់ទំនងថ្មីសម្រាប់ពាណិជ្ជកម្មរវាងប្រទេសចិន និងសហរដ្ឋអាមេរិក គឺជាជំហានដ៏សំខាន់មួយដើម្បីរក្សាស្ថិរភាពទំនាក់ទំនងសេដ្ឋកិច្ច និងពាណិជ្ជកម្មទ្វេភាគី។លោកស្រី Shu បាននិយាយថា វិធានការនេះនឹងផ្តល់នូវវេទិកាដ៏សំខាន់មួយសម្រាប់អាជ្ញាធរពាណិជ្ជកម្មរបស់ប្រទេសទាំងពីរ ដើម្បីអនុវត្តការពិភាក្សាលើបញ្ហាសេដ្ឋកិច្ច និងពាណិជ្ជកម្ម ដែលមានការព្រួយបារម្ភរៀងៗខ្លួនក្នុងលក្ខណៈជាស្ថាប័ន និងទៀងទាត់។លោកស្រីបានបន្ថែមថា ក្រុមការងារក៏នឹងផ្តោតលើបញ្ហាទាក់ទងនឹងវិស័យឧស្សាហកម្ម និងពាណិជ្ជកម្មនៃប្រទេសទាំងពីរ ហើយធ្វើការរួមគ្នាដើម្បីស្វែងរកដំណោះស្រាយចំពោះបញ្ហាពាណិជ្ជកម្មជាក់លាក់ផងដែរ។ លោកស្រី Shu បាននិយាយថា ភាគីទាំងពីរនឹងផ្លាស់ប្តូរព័ត៌មានទាក់ទងនឹងការត្រួតពិនិត្យការនាំចេញស្របតាមច្បាប់រៀងៗខ្លួន។ យន្តការនេះ នឹងជួយរដ្ឋាភិបាលទាំងពីរបង្កើនការយោគយល់គ្នា និងការប្រាស្រ័យទាក់ទងលើនគរបាលគ្រប់គ្រងការនាំចេញរបស់គ្នាទៅវិញទៅមក និងបង្ហាញពីកង្វល់របស់អាជីវកម្មនៃភាគីទាំងពីរផងដែរ៕

ផែនទីជាតិថ្មីរបស់ប្រទេសចិន បង្កឲ្យមានការផ្ទុះកំហឹងពីប្រទេសជិតខាង

ហ្វីលីពីន៖ ហ្វីលីពីនបានក្លាយជាប្រទេសជិតខាងចុងក្រោយបង្អស់របស់ចិន ដែលជំទាស់នឹងផែនទីជាតិថ្មីរបស់ប្រទេសនេះ ដោយបានចូលរួមជាមួយម៉ាឡេស៊ី និងឥណ្ឌា ក្នុងការចេញសេចក្តីថ្លែងការណ៍ប្រើប្រាស់ពាក្យសំដីខ្លាំងៗ ដោយចោទប្រកាន់ទីក្រុងប៉េកាំងថាបានប្រកាសសិទ្ធិលើទឹកដីរបស់ពួកគេនៅសមុទ្រចិនខាងត្បូង។ប្រទេសចិនបានចេញផ្សាយកំណែថ្មីនៃផែនទីជាតិរបស់ខ្លួនកាលពីថ្ងៃចន្ទ ដូចដែលខ្លួនបានធ្វើជាទៀងទាត់ចាប់តាំងពីឆ្នាំ ២០០៦ ដើម្បីកែតម្រូវនូវអ្វីដែលទីក្រុងប៉េកាំងមានកាលពីអតីតកាលដែលហៅថា ផែនទីបញ្ហា ដែលខ្លួនអះអាងថាជាការបង្ហាញខុសការពិតលើព្រំដែនទឹកដីរបស់ខ្លួន។ ប្រទេសឥណ្ឌា បាននិយាយកាលពីថ្ងៃអង្គារទី២៩ខែសីហាថា ខ្លួនបានជំទាស់យ៉ាងដាច់ខាតចំពោះចិន ជុំវិញផែនទីថ្មីនេះ ដែលអះអាងសិទ្ធិលើដែនដីរបស់ឥណ្ឌា ជាការផ្ទុះកំហឹងចុងក្រោយក្នុងទំនាក់ទំនងផុយស្រួយរវាងប្រទេសមហាអំណាចអាស៊ីទាំង២នេះ។ ប្រទេសហ្វីលីពីនបាននិយាយកាលពីថ្ងៃព្រហស្បតិ៍ថាខ្លួនបានច្រានចោលផែនទីនេះដោយសារតែការដាក់បញ្ចូលចំណុចបន្ទាត់មួយចំនួនជុំវិញតំបន់ដែលមានជម្លោះនៃសមុទ្រចិនខាងត្បូងដែលជាកម្មវត្ថុនៃសេចក្តីសម្រេចរបស់តុលាការអន្តរជាតិក្នុងឆ្នាំ ២០១៦ ដែលបានគាំទ្រទីក្រុងម៉ានីល។នាយកដ្ឋានកិច្ចការបរទេសហ្វីលីពីនបាននិយាយនៅក្នុងសេចក្តីថ្លែងការណ៍មួយថា ផែនទីនេះគឺជាការប៉ុនប៉ងចុងក្រោយបំផុតដើម្បីធ្វើឱ្យស្របច្បាប់នូវអធិបតេយ្យភាព និងយុត្តាធិការរបស់ប្រទេសចិនលើលក្ខណៈពិសេសហ្វីលីពីន និងតំបន់ដែនសមុទ្រ ហើយ មិនមានមូលដ្ឋាននៅក្រោមច្បាប់អន្តរជាតិទេ។ ឥណ្ឌាគឺជាប្រទេសដំបូងគេដែលបានត្អូញត្អែរកាលពីថ្ងៃអង្គារនៅពេលដែលខ្លួនបានតវ៉ាយ៉ាងខ្លាំងអំពីការដាក់បញ្ចូលរដ្ឋ អារូណាចាល់ ប្រទេស( Arunachal Pradesh) របស់ឥណ្ឌា និងខ្ពង់រាប អាកសៃ-ជីន (Aksai-Chin) ដែលមានជម្លោះនៅក្នុងទឹកដីចិន៕

ទាហានប៉ាគីស្ថាន៩នាក់ បានស្លាប់ក្នុងហេតុការណ៍បំផ្ទុះគ្រាប់បែកអត្តឃាតមួយ

ប៉ាគីស្ថាន៖ យោធាប៉ាគីស្ថានបាននិយាយថា ទាហាន៩នាក់ បានសម្លាប់ នៅពេលដែលបុរសម្នាក់បានបំផ្ទុះគ្រាប់បែកអត្តឃាតនៅលើទោចក្រយានយន្តមួយគ្រឿង នៅក្បែរក្បួនរថយន្តនៅភាគពាយ័ព្យប្រទេសប៉ាគីស្ថានកាលពីថ្ងៃព្រហស្បតិ៍ (៣១សីហា)។ កងកម្លាំងទំនាក់ទំនងសាធារណៈរបស់យោធាបាននិយាយនៅក្នុងសេចក្តីថ្លែងការណ៍មួយថា ទាហាន៥នាក់ផ្សេងទៀតបានរងរបួសនៅក្នុងការវាយប្រហារនៅក្នុងស្រុក Bannu មួយនេះ។ភាគពាយ័ព្យនៃប្រទេសប៉ាគីស្ថាន ដែលមានព្រំប្រទល់ជាប់នឹងប្រទេសអាហ្វហ្គានីស្ថាន បានឃើញការកើនឡើងនៃការវាយប្រហារកាលពីប៉ុន្មានឆ្នាំមុន ចាប់តាំងពីកិច្ចពិភាក្សារវាងក្រុមសកម្មប្រយុទ្ធអ៊ីស្លាម និងរដ្ឋាភិបាល បានបរាជ័យមក។ យោធាបាននិយាយថា កងកម្លាំងសន្តិសុខបានឡើមព័ទ្ធជុំវិញតំបន់នោះ ហើយគ្មានក្រុមណាមួយចេញមុខអះអាងទទួលខុសត្រូវចំពោះការវាយប្រហារនេះភ្លាមៗនោះទេ។ ការបំផ្ទុះគ្រាប់បែកអត្តឃាតមួយផ្សេងទៀត នៅក្នុងការជួបជុំនយោបាយមួយនៅភាគពាយ័ព្យ កាលពីខែមុន បានសម្លាប់មនុស្សជាង៦០នាក់ ហើយការវាយប្រហារនោះ ត្រូវបានអះអាងដោយក្រុមសកម្មប្រយុទ្ធរដ្ឋឥស្លាមផងដែរ៕

បារាំង និងអាមេរិក សម្រុះសម្រួលគ្នា ដើម្បីបន្តបេសកកម្មរក្សាសន្តិភាពរបស់អង្គការសហប្រជាជាតិនៅលីបង់

UN៖ ក្រុមប្រឹក្សាសន្តិសុខអង្គការសហប្រជាជាតិ បានបោះឆ្នោតកាលពីថ្ងៃព្រហស្បតិ៍ (៣១សីហា) ដើម្បីបន្តបេសកកម្មរក្សាសន្តិភាពដ៏យូរអង្វែងនៅក្នុងប្រទេសលីបង់រយៈពេលមួយឆ្នាំទៀត បន្ទាប់ពីបានឈានដល់ការសម្របសម្រួលមួយរវាងប្រទេសបារាំង និងសហរដ្ឋអាមេរិក លើច្បាប់ស្តីពីសេរីភាពនៃចល័តទីរបស់កងទ័ពអង្គការសហប្រជាជាតិ។កងកម្លាំងបណ្តោះអាសន្នរបស់អង្គការសហប្រជាជាតិនៅលីបង់ (UNIFIL) ដែលត្រូវបានបង្កើតឡើងក្នុងឆ្នាំ១៩៧៨ កំពុងធ្វើការល្បាតព្រំដែនភាគខាងត្បូងនៃប្រទេសលីបង់ជាមួយអ៊ីស្រាអែល។ អាណត្តិសម្រាប់ប្រតិបត្តិការនេះត្រូវបានបន្តជារៀងរាល់ឆ្នាំ ហើយការអនុញ្ញាតបច្ចុប្បន្នរបស់វាបានត្រូវផុតកំណត់កាលពីថ្ងៃព្រហស្បតិ៍ (៣១សីហា)។ពង្រាងសេចក្តីសម្រេចរបស់បារាំង ត្រូវបានអនុម័តដោយមានសំឡេងគាំទ្រ១៣សំឡេង និងអនុប្បវាទ ដោយរុស្ស៊ី និងចិន។ ការបោះឆ្នោតដែលបានគ្រោងទុកកាលពីថ្ងៃពុធ (៣០ សីហា) ត្រូវបានពន្យារពេល ខណៈដែលប្រទេសបារាំង សហរដ្ឋអាមេរិក និងអេមីរ៉ាត់អារ៉ាប់រួម បានឈ្លោះប្រកែកគ្នាអំពីច្បាប់ស្តីពីសេរីភាពនៃចល័តទីរបស់អង្គការសហប្រជាជាតិ។ការបន្តរក្សាសន្តិភាពនេះ កើតឡើងស្របពេលមានសង្គ្រាមពាក្យសម្តីកាន់តែខ្លាំងឡើងរវាងអ៊ីស្រាអែល និងក្រុមហេបូឡា ដែលគាំទ្រដោយអ៊ីរ៉ង់នៅក្នុងប្រទេសលីបង់ ដោយម្នាក់ៗប្តេជ្ញាថា នឹងបញ្ជូនគ្នាទៅវិញទៅមកទៅកាន់សម័យកាល «យុគថ្ម» វិញ ព្រមទាំងរៀបចំសម្រាប់ជម្លោះដែលអាចកើតមាន ទោះបីជាពួកគេព្យាយាមមិនបង្កើតជម្លោះក៏ដោយ៕

វិស្វករនុយក្លេអ៊ែរជប៉ុន អំពាវនាវឲ្យបញ្ចប់ការបញ្ចេញទឹកកខ្វក់នុយក្លេអ៊ែរ ហ្វ៊ូគូស៊ីម៉ា

ជប៉ុន៖ អ្នកជំនាញនៅក្រុមហ៊ុនវិស្វកម្ម Toshiba លើការចេញគំរូរោងចក្រនុយក្លេអ៊ែរចូលនិវត្តន៍ម្នាក់ ដែលធ្លាប់ជាប់ពាក់ព័ន្ធជាមួយរោងចក្រនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី បានអំពាវនាវឱ្យបញ្ចប់ការបញ្ចេញទឹកកខ្វក់នុយក្លេអ៊ែររបស់ប្រទេសជប៉ុន ដែលកំពុងបន្តនោះ។ ជប៉ុនបានចាប់ផ្តើមបញ្ចេញទឹកកខ្វក់នុយក្លេអ៊ែរចេញពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី ដែលបានខូចខាត ចូលទៅក្នុងមហាសមុទ្រប៉ាស៊ីហ្វិកនៅថ្ងៃទី ២៤ ខែសីហា។នៅក្នុងបទសម្ភាសន៍ផ្តាច់មុខជាមួយទូរទស្សន៍កណ្ដាលចិន (CCTV) កាលពីថ្ងៃពុធ (៣១សីហា) លោក Shiro Ogura ដែលធ្វើការលើការចេញគំរូម៉ាស៊ីនរ៉េអាក់ទ័រ ដៃអ៊ីឈី បានចង្អុលបង្ហាញថា ការបំពុលសមុទ្រមិនអាចស្រោចស្រង់វិញបានទេទោះជាប្រើវិធីណាក៏ដោយ ហើយប្រទេសជប៉ុនគួរតែបញ្ឈប់ជាបន្ទាន់នូវការបញ្ចេញទឹកកខ្វក់នុយក្លេអ៊ែរនេះ។រដ្ឋាភិបាលជប៉ុនបានសម្រេចក្នុងខែមេសា ឆ្នាំ២០២១ ដើម្បីធ្វើប្រព្រឹត្តិកម្ម និងសម្លាប់មេរោគទឹកកខ្វក់នុយក្លេអ៊ែរចេញពីរោងចក្រ ហ្វ៊ូគូស៊ីម៉ា ហើយចាប់ផ្តើមបញ្ចេញវាទៅក្នុងសមុទ្រកាលពីថ្ងៃទី២៤ ខែសីហា ដោយមិនយកចិត្តទុកដាក់ចំពោះសំណួរ ព្រមទាំងការតវ៉ាក្នុងស្រុក និងបរទេសឡើយ។ ដំណើរការនេះត្រូវបានគេរំពឹងថានឹងមានរយៈពេលពី២០ឆ្នាំ ទៅ៣០ឆ្នាំ រហូតដល់រោងចក្រថាមពលនុយក្លេអ៊ែរត្រូវបានបំផ្លាញចោល៕

បណ្ដាញសង្គម

ព័ត៌មានថ្មីៗ

លោក Trump ព្រមានថាកិច្ចប្រជុំកំពូលអាឡាស្កាជាមួយលោក Putin មានឱកាសនៃការបរាជ័យ២៥%

អន្តរជាតិរិះគន់ផែនការតាំងទីលំនៅថ្មីរបស់អ៊ីស្រាអែល ដោយព្រមានថាអាចនឹងបំផ្លាញដំណោះស្រាយរដ្ឋពីរ

អ៊ីស្រាអែលសម្លាប់មនុស្សរាប់សិបនាក់បន្ថែមទៀត ខណៈបង្កើនការវាយលុកកាន់តែខ្លាំងលើទីក្រុងហ្កាហ្សា

រដ្ឋមន្រ្តីអ៊ីស្រាអែល ប្រកាសផែនការតាំងទីលំនៅដើម្បី «កប់» គំនិតនៃការបង្កើតរដ្ឋប៉ាឡេស្ទីន

[UPDATE] ភ្លៀងធ្លាក់ខ្លាំងយ៉ាងគំហុក នៅតំបន់កាស្មៀរឥណ្ឌា សម្លាប់មនុស្សជិត ៦០នាក់ និងរាប់សិបនាក់បាត់ខ្លួន

លោក Trump និយាយថាលោក Putin ត្រៀមខ្លួនចុះកិច្ចព្រមព្រៀងស្តីពីបញ្ហាអ៊ុយក្រែនដោយសង្ឃឹមថាលោក Zelenskyy នឹងចូលរួម

ពិធីចុះអនុស្សរណៈនៃការយោគយល់គ្នារវាងសាកលវិទ្យាល័យចេនឡា និងសាកលវិទ្យាល័យ Dongshin University នៃសាធារណៈរដ្ឋកូរ៉េ

UN៖ ឧក្រិដ្ឋកម្មសង្រ្គាមទំនងជាបានប្រព្រឹត្តដោយភាគីទាំង ២នៅក្នុងអំពើហិង្សាតំបន់ឆ្នេរប្រទេសស៊ីរី

កង្វះអាំងស៊ុយលីនធ្វើឲ្យអ្នកជំងឺទឹកនោមផ្អែមកុងហ្គោឈឺចាប់នៅតំបន់ភាគខាងកើតដែលញាំញីដោយភ្លើងសង្រ្គាម

រុស្ស៊ី និងអ៊ុយក្រែន ដោះដូរអ្នកទោសម្ខាងៗចំនួន ៨៤នាក់ដូចគ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍