នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក

នយោបាយ​ និង ការអភិវឌ្ឍន៍

ជនរងគ្រោះពីចំហេះព្រៃរដ្ឋហាវ៉ៃមួយចំនួនត្រូវបានកំណត់អត្តសញ្ញាណ ខណៈអ្នកស្លាប់នៅតែមានចំនួន១១៥នាក់

2023/08/25 12:16:14 pm        66
Facebook Telegram Linkin
អាមេរិក៖ នាយកដ្ឋាននគរបាលកោះម៉ូអ៊ី បានកំណត់អត្តសញ្ញាណជនរងគ្រោះមួយចំនួនបន្ថែមទៀតពីចំហេះព្រៃនៅទីក្រុងឡាហេណា កាលពីថ្ងៃទី៨ ខែសីហា ប៉ុន្តែចំនួនអ្នកស្លាប់សរុបដែលបានបញ្ជាក់នៅតែមានចំនួន ១១៥នាក់ដដែល។ ក្នុងចំណោមអ្នកស្លាប់ចំនួន១១៥នាក់នោះ មានជនរងគ្រោះចំនួន៣៥នាក់ត្រូវបានកំណត់អត្តសញ្ញាណ ហើយក្រុមគ្រួសាររបស់ពួកគេបានជូនដំណឹង ខណៈដែលអ្នកស្លាប់ចំនួន១១នាក់ទៀតត្រូវបានគេកំណត់អត្តសញ្ញាណដែរ ប៉ុន្តែនាយកដ្ឋាន MPD បាននិយាយថា គ្រួសាររបស់ពួកគេមិនត្រូវបានគេរកឃើញ ឬផ្តល់ដំណឹងឡើយ។ទីភ្នាក់ងារតំបន់នៃកោះម៉ូអ៊ី បានប្តឹងក្រុមហ៊ុនសហគ្រាសអគ្គិសនីរដ្ឋហាវ៉ៃ និងក្រុមហ៊ុនបុត្រសម្ព័ន្ធរបស់ខ្លួន រួមទាំងក្រុមហ៊ុនអគ្គិសនីកោះម៉ូអ៊ី កាលពីថ្ងៃព្រហស្បតិ៍ ដោយចោទប្រកាន់ថា ការធ្វេសប្រហែសរបស់ក្រុមហ៊ុននេះ បាននាំឱ្យមានចំហេះព្រៃកាលពីថ្ងៃទី៨ ខែសីហា ដែលបានបំផ្លាញទីក្រុងឡាហេណា ភាគច្រើននេះ។បណ្តឹងនេះ ស្ថិតនៅក្នុងតុលាការថ្នាក់ទីពីរ ដោយបានចោទប្រកាន់ក្រុមហ៊ុនអគ្គិសនីរដ្ឋហាវ៉ៃ និងក្រុមហ៊ុនបុត្រសម្ព័ន្ធរបស់ខ្លួន ថាបានប្រព្រឹត្តដោយការធ្វេសប្រហែស ដោយខកខានមិនបានបិទថាមពលដល់ឧបករណ៍អគ្គិសនីរបស់ពួកគេ បើទោះបីជាសេវាអាកាសធាតុជាតិ ចេញ «ការព្រមានទង់ក្រហម» ដែលបានចេញផ្សាយកាលពីថ្ងៃទី៧ ខែសីហា មួយថ្ងៃមុនពេលចំហេះព្រៃបានផ្ទុះឡើង ក៏ដោយ។រហូតមកដល់ពេលនេះ ចំនួនអ្នកស្លាប់ដោយសារចំហេះព្រៃទីក្រុងឡាហេណា នៅតែមានចំនួន១១៥នាក់ ខណៈមនុស្សប្រហែល១០០០នាក់ទៅ១១០០នាក់នៅបន្តបាត់ខ្លួននៅឡើយ។ ចំហេះនៅទីក្រុងឡាហេណា និងកោះគូឡា បានដុតបំផ្លាញផ្ទៃដីជាង៣.០០០ហិចតា និងបានបំផ្លាញសំណង់ជាង២.២០០ទីតាំង ដែលភាគច្រើនជាលំនៅឋាន និងបានបណ្តាលឱ្យមានការខូចខាតសរុបជាទឹកប្រាក់ប្រមាណ៥,៥ពាន់លានដុល្លារអាមេរិកផងដែរ៕

សហរដ្ឋអាមេរិក ប្តឹងក្រុមហ៊ុនអវកាស SpaceX ដោយចោទប្រកាន់ថាមានភាពលម្អៀងក្នុងការជួលបុគ្គលិក

2023/08/25 12:13:23 pm        79
Facebook Telegram Linkin
អាមេរិក៖ ក្រសួងយុត្តិធម៌សហរដ្ឋអាមេរិក បានប្តឹងក្រុមហ៊ុនរ៉ុកែត និងផ្កាយរណប ដែលគ្រប់គ្រងដោយមហាសេដ្ឋីលោក Elon Musk កាលពីថ្ងៃព្រហស្បតិ៍ (២៤សីហា) ពីបទរើសអើងប្រឆាំងនឹងអ្នកស្វែងរកសិទ្ធិជ្រកកោន និងជនភៀសខ្លួនក្នុងការជួលបុគ្គលិក។ យោងតាមបណ្តឹងរបស់ក្រសួងយុត្តិធម៌ DOJ បានឲ្យដឹងថា យ៉ាងហោចណាស់ចាប់ពីខែកញ្ញា ឆ្នាំ២០១៨ ដល់ខែឧសភា ឆ្នាំ២០២២ ក្រុមហ៊ុនអវកាស SpaceX បានបំបាក់ទឹកចិត្តអ្នកស្វែងរកសិទ្ធិជ្រកកោន និងជនភៀសខ្លួន ពីការដាក់ពាក្យសុំការងារ ហើយជៀសវាងការពិចារណារើសយកពួកគេ ដោយសារតែស្ថានភាពសញ្ជាតិរបស់អ្នកទាំងនោះ ដូច្នេះនេះជាការរំលោភលើច្បាប់អន្តោប្រវេសន៍ និងសញ្ជាតិ។ក្រសួងយុត្តិធម៌បាននិយាយថា នៅក្នុងការប្រកាសការងារ និងសេចក្តីថ្លែងការណ៍ជាសាធារណៈក្នុងរយៈពេលជាច្រើនឆ្នាំមកនេះ ក្រុមហ៊ុន SpaceX បានអះអាងដោយខុសថា ក្រោមនិយ័តកម្មរបស់សហព័ន្ធ ដែលគេស្គាល់ថាជាច្បាប់គ្រប់គ្រងការនាំចេញ ក្រុមហ៊ុន SpaceX អាចជួលបុគ្គលិកបានតែពលរដ្ឋអាមេរិក និងអ្នករស់នៅអចិន្ត្រៃយ៍ស្របច្បាប់ ដែលជួនកាលហៅថា «អ្នកមានកាតបៃតង»។នាយកដ្ឋានយុត្តិធម៌ ក៏បានចង្អុលទៅការបង្ហោះតាមអ៊ីនធឺណិត ពីម្ចាស់ក្រុមហ៊ុនមួយនេះគឺលោក Musk ជាឧទាហរណ៍នៃ «សេចក្តីថ្លែងការណ៍សាធារណៈដែលបានរើសអើង»។ ពាក្យបណ្តឹង នេះបានសំអាងដល់ការបង្ហោះក្នុងខែមិថុនាឆ្នាំ២០២០ នៅលើបណ្ដាញសង្គម X ដែលពីមុនមានឈ្មោះថាបណ្ដាញសង្គម Twitter ដោយនាយកប្រតិបត្តិក្រុមហ៊ុននេះគឺលោក Musk ទៅកាន់អ្នកតាមដានចំនួន៣៦លាននាក់របស់លោកថា «ច្បាប់របស់សហរដ្ឋអាមេរិក ទាមទារយ៉ាងហោចណាស់កាតបៃតង ដើម្បីក្លាយជាបុគ្គលិកនៅក្រុមហ៊ុន SpaceX ព្រោះគ្រាប់រ៉ុកែតគឺជាបច្ចេកវិទ្យាអាវុធទំនើប»។ក្រសួងយុត្តិធម៌បាននិយាយថា សហរដ្ឋអាមេរិក បានពិចារណាដោយស្មើភាព និងទាមទារប្រាក់សំណងសម្រាប់អ្នកស្វែងរកសិទ្ធិជ្រកកោន និងជនភៀសខ្លួន ដែលត្រូវបានរារាំង ឬបដិសេធការងារនៅក្រុមហ៊ុន SpaceX ដោយសារតែការរើសអើង ដែលត្រូវបានចោទប្រកាន់នោះ៕

ក្រុមស្ត្រីអ៊ីស្រាអែល ទាមទារសិទ្ធិក្នុងការតវ៉ា ចំពោះការផ្លាស់ប្តូរប្រព័ន្ធតុលាការរបស់លោក Netanyahu

2023/08/25 12:10:58 pm        72
Facebook Telegram Linkin
អ៊ីស្រាអែល៖ ជនជាតិអ៊ីស្រាអែលរាប់ពាន់នាក់បានដើរដង្ហែរឆ្លងកាត់តំបន់ក្រុមជ្រុលនិយម Bnei Brak កាលពីថ្ងៃព្រហស្បតិ៍ (២៤ សីហា) ដើម្បីទាមទារសិទ្ធិរបស់ស្ត្រី បន្ទាប់ពីមានការកែប្រែប្រព័ន្ធតុលាការដែលមានការប្រកួតប្រជែងយ៉ាងខ្លាំងរបស់រដ្ឋាភិបាល បានធ្វើឱ្យអ៊ីស្រាអែលធ្លាក់ចូលទៅក្នុងវិបត្តិនយោបាយដ៏អាក្រក់បំផុតរបស់ខ្លួន និងបង្កឱ្យមានការតវ៉ាដែលមិនធ្លាប់មានពីមុនមកនៅក្នុងប្រទេស ព្រមទាំងការព្រួយបារម្ភយ៉ាងខ្លាំងនៅបរទេសផងដែរ។ផែនការរបស់រដ្ឋាភិបាល បានធ្វើឱ្យមានការខ្វែងគំនិតគ្នាក្នុងចំណោមសាធារណៈជនអ៊ីស្រាអែល និងសូម្បីតែនៅក្នុងជួរយោធា ដែលត្រូវបានចាត់ទុកថាជាសក្តានុពលនៃការរលាយនយោបាយសម្រាប់សង្គមដ៏ប្រេះស្រាំមួយ ជាមួយនឹងការព្រួយបារម្ភអំពីការត្រៀមខ្លួនជាស្រេចសម្រាប់សង្គ្រាម ត្រូវបានបញ្ចេញនៅលើភាគីទាំងពីរនៃការពិភាក្សា។ ក្រុមអ្នកគាំទ្រច្បាប់អះអាងថា កំណែទម្រង់នេះផ្តល់តុល្យភាពឡើងវិញដល់សាខារដ្ឋាភិបាល ខណៈក្រុមអ្នករិះគន់និយាយថា វាដកការត្រួតពិនិត្យ និងតុល្យភាពលើអំណាចរដ្ឋាភិបាល។តុលាការកំពូលរបស់អ៊ីស្រាអែល បានចាប់ផ្តើមសវនាការកាលពីថ្ងៃព្រហស្បតិ៍ (៣ សីហា) ដែលជាសវនាការដំបូងក្នុងបណ្ដឹងឧទ្ធរណ៍ជាបន្តបន្ទាប់ ពាក់ព័ន្ធនឹងការកែប្រែប្រព័ន្ធតុលាការ ដែលធ្វើឡើងដោយលោកនាយករដ្ឋមន្ត្រី Benjamin Netanyahu និងក្រុមចម្រុះស្តាំនិយមរបស់លោក ដែលបានបង្កើតជាវិបត្តិក្នុងស្រុកមិនធ្លាប់មានពីមុនមក៕

ក្រុមគាំទ្រទីក្រុងគីវ ជាជនជាតិរុស្ស៊ី ជំរុញឲ្យក្រុមទាហានស៊ីឈ្នួលវ៉េកណាសងសឹកចំពោះការស្លាប់របស់លោកប្រ៊ីកូស៊ីន

2023/08/25 12:08:45 pm        135
Facebook Telegram Linkin
រុស្ស៊ី៖ ក្រុមសកម្មប្រយុទ្ធជនជាតិរុស្ស៊ីមួយក្រុមដែលស្ថិតនៅក្នុងទឹកដីអ៊ុយក្រែន បានអំពាវនាវដល់ក្រុមទាហានស៊ីឈ្នួលវ៉េកណា (Wagner) មកចូលរួមជាមួយពួកគេដើម្បីសងសឹកការស្លាប់របស់ស្ថាបនិក      ក្រុមវ៉េកណា លោក យ៉េហ្គេនី ប្រ៊ីកូស៊ីន(Yevgeny Prigozhin) និងមេបញ្ជាការរបស់ពួកគេគឺលោកឌីមីទ្រី អ៊ុគីន (Dmitry Utkin)។ ក្រុមអាជ្ញាធរដែនអាកាសរបស់រុស្ស៊ី បាននិយាយថា លោក Prigozhin និង លោក Utkin ព្រមទាំងមនុស្ស៨នាក់ផ្សេងទៀត ស្ថិតនៅលើយន្តហោះខ្នាតតូចឯកជនមួយគ្រឿង ដែលបានធ្លាក់ពុំមាននរណាម្នាក់រួចផុតជីវិតឡើយ នៅភាគខាងជើងទីក្រុង ម៉ូស្គូ កាលពីថ្ងៃពុធ។  មេបញ្ជាការកងពលស្ម័គ្រចិត្តរុស្ស៊ី (RVC) លោក ដេនីស កាពូស្ទីន (Denis Kapustin) បាននិយាយនៅក្នុងវីដេអូ មួយ បញ្ចេញកាលពីថ្ងៃព្រហស្បតិ៍ ថា នៅពេលនេះ អ្នកកំពុងប្រឈមនឹងជម្រើសដ៏លំបាក អ្នកអាចឈរក្រោមសម្ពាធរបស់ក្រសួងការពារជាតិរុស្ស៊ី ហើយធ្វើជាឆ្មាំឃ្លាំមើលក្រុមអ្នកប្រតិបត្តិបញ្ជាការរបស់អ្នក ឬសងសឹក។មេបញ្ជាការរូបនេះបាននិយាយថា ដើម្បីសងសឹកបាន អ្នកចាំបាច់ត្រូវផ្លាស់ប្ដូរភាគីហេតុការណ៍នេះ បានកើតឡើង២ ខែ បន្ទាប់ពីលោក Prigozhin និង កងទ័ពទាហានស៊ីឈ្នួលរបស់លោក បានក្រោកបះបោរ ប្រឆាំងក្រុមមេបញ្ជាការរបស់យោធារុស្ស៊ី ដែលបានពួកគេបានគ្រប់គ្រងតំបន់រ៉ូវស្តូវ (Rostov )ភាគខាងត្បូង និងបានចូលទៅកាន់ទីក្រុងម៉ូស្គូ មុនពេលត្រឡប់ក្រោយវិញ នៅចម្ងាយប្រហែល២០០គីឡូម៉ែត្រពីរដ្ឋធានី។ រុស្ស៊ី បានបើកការស៊ើបអង្កេត ករណី ធ្លាក់យន្តហោះនេះ ប៉ុន្តែលទ្ធផលទំនងជាមិនធ្វើឲ្យមានការផ្លាស់ប្ដូរលើការវាយតម្លៃជាទូទៅដែលថា គេជឿថាលោក Prigozhin បានស្លាប់ ដោយសារតែការបះបោរនោះទេ៕

តៃវ៉ាន់រាយការណ៍ ពីសកម្មភាពយោធាចិនជាថ្មី មានយន្តហោះច្រើនគ្រឿងនៅក្នុងតំបន់ឆ្លើយតប

2023/08/25 12:06:30 pm        86
Facebook Telegram Linkin
តៃវ៉ាន់៖ ក្រសួងការពារជាតិកោះតៃវ៉ាន់ បានរាយការណ៍ពីសកម្មភាពយោធាចិនកើតមានជាថ្មីនៅជុំវិញកោះនៅថ្ងៃសុក្រនេះ រួមមាន យន្តហោះ១៣គ្រឿង ដែលបានចូលមកតំបន់ឆ្លើយតបរបស់កោះតៃវ៉ាន់ និងមាននាវា ៥គ្រឿង កំពុងអនុវត្តការល្បាតត្រៀមប្រយុទ្ធ។ កាលពីថ្ងៃសៅរ៍ ប្រទេសចិន បានធ្វើសមយុទ្ធមួយថ្ងៃនៅជុំវិញកោះតៃវ៉ាន់ ក្នុងការឆ្លើយតបដ៏ខឹងសម្បារចំពោះការឈប់ចតរយៈពេលខ្លីនៅក្នុងខែនេះនៅសហរដ្ឋអាមេរិក ធ្វើឡើងដោយមេដឹកនាំលំដាប់ទី២ លោក William Lai។ ក្រសួងបាននិយាយថា ដោយចាប់ផ្តើមនៅម៉ោង៧ព្រឹកម៉ោងក្នុងតំបន់ ក្រសួងបានប្រទះឃើញ យន្តហោះ យន្តហោះប្រយុទ្ធ យន្តហោះទម្លាក់គ្រាប់បែករបស់ចិន និងយានដ្រូន ចំនួន២២គ្រឿង ដែលក្នុងចំណោមនេះ១៣គ្រឿងបានចូលមកក្នុងតំបន់ឆ្លើយតបរបស់កោះតៃវ៉ាន់ ទោះបីជាក្រសួងពុំបានផ្តល់ព័ត៌មានលម្អិតក៏ដោយ។  ក្រសួងនិយាយថា កោះតៃវ៉ាន់ បានបញ្ជូនយន្តហោះ និងនាវាដើម្បីតាមដានយន្តហោះទាំងនោះ។ កោះតៃវ៉ាន់ពុំបានផ្សព្វផ្សាយជាសាធារណៈ នៅទីតាំងតំបន់ឆ្លើយតបរបស់ខ្លួននោះទេ ប៉ុន្តែរក្សាការឃ្លាំមើលខ្លាំងបំផុតនៅច្រកសមុទ្រតៃវ៉ាន់ និងតំបន់ទៅកាន់ភាគខាងត្បូង និងភាគនិរតីរបស់កោះ ជាកន្លែងដែលមានសកម្មភាពយោធារបស់ចិន តែងតែផ្តោតទៅលើ។ ប្រទេសចិនពុំបានប្រកាសពីសមយុទ្ធបន្ថែមទៀតនោះទេ នៅជុំវិញកោះតៃវ៉ាន់ ចាប់តាំងពីថ្ងៃសៅរ៍ ទោះបីជាប្រទេសនេះ ជាញឹកញាប់មានបេសកកម្មបែបនេះ ដោយគ្មានការទទួលស្គាល់ជាមុន ឬនៅពេលក្រោយក៏ដោយ។ក្រសួង នៅក្នុងសេចក្តីថ្លែងការណ៍ដាច់ដោយឡែក នៅព្រឹកថ្ងៃសុក្រនេះ បាននិយាយថាអំឡុងរយៈពេល២៤ម៉ោងមុន ខ្លួនបានប្រទះឃើញ យានដ្រូនចិន២គ្រឿង នៅកោះតៃវ៉ាន់ភាគខាងជើង ដែលយានទាំងពីរនេះ បានឆ្លងកាត់បន្ទាត់មេដ្យានច្រកសមុទ្រ៕

ក្រុមអង្គការសង្គមតវ៉ាប្រឆាំងនឹងភាពអត់ឃ្លានក្នុងប្រទេសអាហ្សង់ទីន ខណៈអតិផរណាឡើងខ្ពស់

2023/08/25 12:04:15 pm        56
Facebook Telegram Linkin
អាហ្សង់ទីន៖ ក្រុមបាតុកររាប់ពាន់នាក់បានដើរតាមដងផ្លូវក្នុងទីក្រុង Buenos Aires ប្រទេសអាហ្សង់ទីនកាលពីថ្ងៃព្រហស្បតិ៍ (២៤សីហា) ដើម្បីទាមទារការគាំទ្របន្ថែមពីរដ្ឋាភិបាល នៅពេលដែលមានវិបត្តិសេដ្ឋកិច្ចកាន់តែធ្ងន់ធ្ងរមុនការបោះឆ្នោតសកលខែតុលា។ក្រុមអ្នកតវ៉ាបានកាន់ទង់ជាតិ និងកាន់ស្លាកសញ្ញានានា ហើយទាមទារធនធានបន្ថែមទៀតសម្រាប់កម្មវិធីសុខុមាលភាពសង្គម និងការផ្ដល់អាហារ ខណៈប្រជាជនកំពុងជួបផលលំបាកជាមួយកំណើនអតិផរណា ដែលបាននិងកំពុងធ្វើឱ្យមនុស្សកាន់តែច្រើនឡើងស្ថិតក្នុងភាពក្រីក្រ។អាហ្សង់ទីនកំពុងប្រឈមមុខនឹងបញ្ហាអតិផរណាប្រចាំឆ្នាំ ដែលឥឡូវនេះស្ថិតនៅកម្រិត១១៣% ហើយធនាគារ JP Morgan សហរដ្ឋអាមេរិក បានប៉ាន់ស្មានថា អតិផរណានៅអាហ្សង់ទីនអាចឈានដល់កម្រិត១៩០% នៅចុងឆ្នាំនេះ។ តួលេខអត្រាអតិផរណាបីខ្ទង់នេះ បានធ្វើឲ្យប្រហែល ៤០% នៃចំនួនប្រជាជនអាហ្សង់ទីន ស្ថិតនៅក្រោមបន្ទាត់នៃភាពក្រីក្រ។ការទម្លាក់តម្លៃរូបិយប័ណ្ណរបស់ខ្លួនយ៉ាងខ្លាំងនាពេលថ្មីៗនេះ បានធ្វើឱ្យទំនិញកាន់តែឡើផងថ្លៃ ហើយបញ្ហាទាំងអស់នេះ កំពុងជំរុញឱ្យមានការប្រកួតប្រជែងបីផ្លូវដ៏អាក្រក់រួចទៅហើយសម្រាប់តំណែងបេក្ខជនប្រធានាធិបតី ដែលបច្ចុប្បន្នដឹកនាំដោយអ្នកនយោបាយសេរីនិយមជ្រុល លោក Javier Milei ដែលបានធ្វើឱ្យមានរលកនៃការខឹងសម្បារពីអ្នកបោះឆ្នោត ចំពោះបញ្ហាអតិផរណា និងផលលំបាកផ្សេងៗទៀត៕

បន្ទាប់ពីការស្លាប់របស់លោក Prigozhin ជនជាតិអាហ្វ្រិករំពឹងថានឹងមានការផ្លាស់ប្តូរតិចតួចប៉ុណ្ណោះពីក្រុម Wagner

2023/08/25 12:01:10 pm        65
Facebook Telegram Linkin
បួគីណាហ្វាសូ៖ អ្នកស្រុកនៃរដ្ឋធានីរបស់ប្រទេស បួគីណាហ្វាសូ និងសាធារណៈរដ្ឋអាហ្រ្វិកកណ្តាល កាលពីថ្ងៃព្រហស្បតិ៍ (២៤ សីហា) មានការសោកស្តាយយ៉ាងខ្លាំងចំពោះព័ត៌មាននៃការស្លាប់របស់ប្រធានក្រុមទាហានស៊ីឈ្នួល Wagner Group លោក Yevgeny Prigozhin ដោយសង្កត់ធ្ងន់ថា ទំនាក់ទំនងក្នុងតំបន់ជាមួយរដ្ឋរុស្ស៊ី ផ្តោតសំខាន់បំផុតលើភាពស្មោះត្រង់ចំពោះមនុស្សតែម្នាក់។កេរិ៍តឈ្មោះ និងឥទ្ធិពលរបស់លោក Prigozhin បានរីករាលដាលពាសពេញទ្វីបអាហ្រ្វិក ដោយរូបភាពដែលគាំទ្រក្រុម Wagner បានក្លាយជាចំណុចសំខាន់នៃការធ្វើរដ្ឋប្រហារ និងការតវ៉ាប្រឆាំងលោកខាងលិចនៅក្នុងប្រទេសម៉ាលី បួគីណាហ្វាសូ និងនីហ្សេ នាពេលថ្មីៗនេះ។ប្រធានាធិបតីនៃសាធារណរដ្ឋអាហ្រ្វិកកណ្តាល លោក Faustin-Archange Touadera បានងាកទៅរកក្រុម Wagner ដើម្បីទទួលបានជំនួយក្នុងការដោះស្រាយក្រុមឧទ្ទាមកាលពីឆ្នាំ២០១៨។ កងទ័ពមួយចំនួនរបស់ក្រុម Wagner គឺជាផ្នែកមួយនៃកងកម្លាំងសន្តិសុខរបស់លោក Touadera ហើយត្រូវបានគេមើលឃើញថាតែងតែនៅជាមួយលោកផងដែរ។ប្រជាជនបានសម្តែងការអាណិតអាសូរចំពោះលោក Prigozhin នៅតាមដងផ្លូវនៃទីក្រុង Bangui និងទីក្រុង Ouagadougou កាលពីថ្ងៃព្រហស្បតិ៍ ខណៈពេលដែលមនុស្សម្នាមានការរំពឹងដូចគ្នាថា នឹងមានការផ្លាស់ប្តូរយ៉ាងឆាប់រហ័សដែលនឹងអនុញ្ញាតឱ្យក្រុម Wagner បន្តប្រតិបត្តិការរបស់ខ្លួនទៀត៕

ការត្រួសត្រាយផ្លូវរួចរាល់ពីថ្នាក់ដឹកនាំចាស់ ធ្វើឲ្យរាជរដ្ឋាភិបាលថ្មី ងាយអភិវឌ្ឍន៍ប្រទេស

2023/08/25 11:58:49 am        32
Facebook Telegram Linkin
ភ្នំពេញ៖ សាសនិកឥស្លាមរស់នៅក្នុងប្រទេសកម្ពុជា បានលើកឡើងថា រាជរដ្ឋាភិបាលថ្មី នឹងមានភាពងាយស្រួល ក្នុងការអភិវឌ្ឍប្រទេសជាតិ ឲ្យមានការរីកចម្រើនជាងមុន ព្រោះថ្នាក់តែដឹកនាំចាស់ បានត្រួសត្រាយផ្លូវរួចរាល់ហើយ ក្នុងការកសាងនូវធនធានផ្សេងៗ បានគ្រប់គ្រាន់ សម្រាប់អ្នកបន្តវេន ។លោក សាន់ យូ ប្រធានសមាគមសម្ព័ន្ធមូស្លីមកម្ពុជាខេត្តកំពង់ឆ្នាំង បានលើកឡើងថា រាជរដ្ឋាភិ បាលកម្ពុជា ដែលដឹកនាំដោយគណបក្សប្រជាជនកម្ពុជា គឺមានគោលនយោបាយ ឬកម្មវិធី​នយោបាយ ច្បាស់លាស់ ក្នុងការអភិវឌ្ឍប្រទេសជាតិ ​ក៏ដូចជារកបាននូវសន្តិភាព ថែរក្សាបាន​នូវ​ស្ថិរភាពនយោបាយ ទើបធ្វើឲ្យប្រទេសកម្ពុជា​ ដើរមកដល់ថ្ងៃនេះ ។លោកបានបន្តថា នេះជាមូលដ្ឋានដ៏សំខាន់ សម្រាប់បន្តនិរន្តរភាពក្នុងការដឹកនាំប្រទេសទៅថ្ងៃ ខាងមុខ ​ខណៈរាជរដ្ឋាភិបាល នាពេលបច្ចុប្បន្ន ​ដែលជាសមាជិករបស់គណបក្សប្រជាជនកម្ពុជា ក៏បាន ​ប្ដេជ្ញាថែរក្សានូវកេរដំណែលរបស់ថ្នាក់ដឹកនាំចាស់ពីមុនឲ្យបានគង់វង្ស ។ជាមួយនេះ ក្នុងនាមជាសាសនិឥស្លាមនៅកម្ពុជា លោក សាន់ យូ បង្ហាញនូវការជឿជាក់​យ៉ាងមុត មាំ​ចំពោះរាជរដ្ឋាភិបាលថ្មី ដែលដឹកនាំដោយឯកឧត្តមកិត្តិទេសភិបាលបណ្ឌិត ហ៊ុន ម៉ាណែត នឹងបន្តដឹក នាំឲ្យមានសុខដុមនីយកម្ម នៃសាសនានៅក្នុងប្រទេស ព្រោះកម្ពុជា ក៏ត្រូវបាន​ប្រទេសមួយចំនួនយកជាគំរូ ដែលធ្វើឲ្យជាតិសាសន៍នៅកម្ពុជា រស់នៅជុំគ្នាដោយភាពសុខសាន្ត ។គួរបញ្ជាក់ថា រាជរដ្ឋាភិបាល នីតិកាលទី៧ កាលថ្ងៃទី២៤ ខែសីហា នេះ បានប្រជុំគណៈ រដ្ឋមន្ត្រី ដំបូង ហើយឯកឧត្តមកិត្តិទេសភិបាលបណ្ឌិត ហ៊ុន ម៉ាណែត បានប្រកាសដាក់ចេញ​នូវយុទ្ធសាស្ត្របញ្ច កោណ មាន មនុស្ស ផ្លូវ ទឹក ភ្លើង និងបច្ចេកវិទ្យា ដើម្បីបន្តជំរុញការអភិវឌ្ឍរីកចម្រើននៃប្រទេសជាតិ ៕អត្ថបទ៖ បាន សុខរិទ្ធិ

ប្រទេសហ្វីលីពីន បង្កើនការលាតត្រដាងពីការគំរាមកំហែងរបស់ចិនក្នុងជម្លោះសមុទ្រចិនខាងត្បូង

2023/08/25 11:57:50 am        58
Facebook Telegram Linkin
ហ្វីលីពីន៖ប្រទេសហ្វីលីពីន កំពុងបង្កើនកិច្ចខិតខំប្រឹងប្រែង ដើម្បីធ្វើឲ្យប្រាកដថា មនុស្សជុំវិញពិភពលោក អាចមើលឃើញដោយខ្លួនឯងនូវអ្វីដែលខ្លួននិយាយថា ជាសកម្មភាព «ឈ្លានពាន» ដោយនាវាចិននៅសមុទ្រចិនខាងត្បូង ក្នុងគោលបំណងដាក់សម្ពាធទីក្រុងប៉េកាំង្យផ្លាស់ប្តូរមធ្យោបាយរបស់ខ្លួន។ប្រទេសអាស៊ីអាគ្នេយ៍នេះ បានចេញផ្សាយវីដេអូនិងរូបភាពនៃឧប្បត្តិហេតុយ៉ាងតិចចំនួន៨ដែលពាក់ព័ន្ធនឹងនាវារបស់ចិនមកទល់ពេលនេះ ជាញឹកញាប់តាមរយៈប្រព័ន្ធផ្សព្វផ្សាយសង្គម រួមទាំងបេសកកម្មមួយក្នុងសប្តាហ៍នេះ ដើម្បីផ្គត់ផ្គង់ឡើងវិញនូវមូលដ្ឋានយោធាដែលហ្វីលីពីនបាននិយាយថា ប្រទេសចិនស្ថិតនៅចំណុចមួយ បានព្យាយាមរារាំង។យោងតាមអ្នកនាំពាក្យឆ្មាំល្បាតឆ្នេរសមុទ្រហ្វីលីពីន លោកឧត្តមនាវាត្រី ចាយ តារីឡា (Jay Tarriela) បាននិយាយថា កាចេញផ្សាយនោះ ប្រៀបធៀបទៅនឹងការចេញផ្សាយស្រដៀងគ្នាចំនួនបីក្នុងអំឡុងពេលអាណត្តិប្រធានាធិបតីរយៈពេល៦ឆ្នាំរបស់ លោក រ៉ូឌ្រីហ្គោ ឌូទែរើតេ (Rodrigo Duterte)។    រដ្ឋាភិបាលរបស់លោក ឌូទែរើតេដែលបានជំរុញឲ្យមានទំនាក់ទំនងកាន់តែប្រសើរឡើងជាមួយទីក្រុងប៉េកាំង និងបានទុកដោយឡែកនូវសេចក្តីសម្រេចរបស់តុលាការអន្តរជាតិឆ្នាំ២០១៦ ដែលបញ្ជាក់ពីការទាមទារដែនសមុទ្ររបស់ប្រទេសលោក មានទំនោរចង់ធ្វើការតវ៉ាជាលាយលក្ខណ៍អក្សរវិញ៕

បណ្ដារដ្ឋភាគកណ្ដាល និងរដ្ឋតិចសាស់ របស់សហរដ្ឋអាមេរិក ព្រមានពីកង្វះខាតថាមពលអគ្គិសនី

2023/08/25 11:54:26 am        60
Facebook Telegram Linkin
សហរដ្ឋអាមេរិក៖ បណ្តាញអគ្គិសនីរបស់សហរដ្ឋអាមេរិកចំនួនពីរ បានចេញការព្រមានអំពីលទ្ធភាពនៃកង្វះខាតថាមពលកាលពីថ្ងៃព្រហស្បតិ៍ ដោយសារតែរលកកម្ដៅដ៏ខ្លាំងបានគ្របដណ្តប់លើរដ្ឋតិចសាស់ និងរដ្ឋភាគកណ្តាលរបស់សហរដ្ឋអាមេរិក។ ក្រុមប្រឹក្សាភាពជឿជាក់អគ្គិសនីនៃរដ្ឋតិចសាស់ (ERCOT) ដែលប្រតិបត្តិការបណ្តាញសម្រាប់អតិថិជនជាង២៦លាននាក់ បានអំពាវនាវឱ្យមានការអភិរក្សដោយស្ម័គ្រចិត្ត និងបានស្នើឱ្យបណ្ដានិយតកររដ្ឋ អនុញ្ញាតឱ្យគុណភាពខ្យល់លើសពីស្តង់ដារផងដែរ។ប្រតិបត្តិករបណ្តាញអគ្គិសនីបាននិយាយថា ក្រុមប្រឹក្សា ERCOT ប្រឈមនឹង «លទ្ធភាពខ្ពស់ក្នុងការចូលទៅប្រតិបត្តិការសង្គ្រោះបន្ទាន់កាលពីល្ងាចថ្ងៃព្រហស្បតិ៍» ដោយសារតែការផលិតខ្យល់ទាប និងតម្រូវការថាមពលខ្ពស់។ គេហទំព័ររបសទីភ្នាក់ងារនេះ បានបង្ហាញពីអានុភាពអគ្គិសនីដែលអាចប្រើបាន ក្នុងការកាត់បន្ថយតម្រូវការអគ្គិសនីចំនួន៩៥មេហ្គាវ៉ាត់ នៅម៉ោង៧:៥៥នាទីយប់ ម៉ោងក្នុងស្រុក។អ្នករស់នៅរដ្ឋតិចសាស់ មានការព្រួយបារម្ភអំពីបញ្ហាអាកាសធាតុ ចាប់តាំងពីព្យុះរដូវរងាដ៏មហន្តរាយមួយក្នុងខែកុម្ភៈឆ្នាំ២០២១ បានធ្វើឱ្យមនុស្សរាប់លាននាក់គ្មានថាមពល ទឹក និងកំដៅអស់ជាច្រើនថ្ងៃ ខណៈដែលក្រុមប្រឹក្សា ERCOT បានព្យាយាមការពារការដួលរលំនៃបណ្តាញអគ្គិសនី។ ទៅភ្នាក់ងារអាកាសធាតុ AccuWeather បានព្យាករណ៍ថា សីតុណ្ហភាពនៅទីក្រុង Houston ដែលជាទីក្រុងធំបំផុត ក្នុងរដ្ឋតិចសាស់ បានឡើងដល់ ១០៧អង្សាហ្វារិនហៃ (៤១,៧អង្សាសេ) កាលពីថ្ងៃព្រហស្បតិ៍។ នោះប្រៀបធៀបជាមួយនឹងកម្រិតខ្ពស់ធម្មតានៃសីតុណ្ហភាព៩៤អង្សាហ្វារិនហៃ (៣៤អង្សាសេ) សម្រាប់ពេលវេលានៃឆ្នាំនេះ៕

បណ្ដាញសង្គម

ព័ត៌មានថ្មីៗ

ក្រសួងអភិវឌ្ឍន៍ជនបទ ចុះវាយតម្លៃការងារថែទាំខួបផ្លូវជាច្រើនខ្សែ នៅក្នុងខេត្តកំពង់ចាម
08/08/2025 09:08 PM
Facebook Telegram Linkin
ICRC ថា ទាហានកម្ពុជា១៨រូប ដែលកំពុងស្ថិតក្រោមការឃុំខ្លួនរបស់ភាគីថៃនោះ គឺមានសុវត្ថិភាព និងមានសុខភាពល្អទាំងអស់គ្នា ..
08/08/2025 09:08 PM
Facebook Telegram Linkin
ក្រុមធម្មយាត្រាអ៊ីរ៉ង់ ធ្វើដំណើរឆ្លងកាត់ព្រំដែនចូលទៅក្នុងប្រទេសអ៊ីរ៉ាក់ មុនពិធីបុណ្យសាសនា Arbaeen
08/08/2025 09:08 PM
Facebook Telegram Linkin
មន្រ្តីជាន់ខ្ពស់ធនាគារជាតិដឹកនាំក្រុមការងារ គោរពវិញ្ញាណក្ខវិរកងទ័ពពលីក្នុងបុព្វហេតុជាតិ នៅខេត្តកំពង់ធំ
08/08/2025 09:08 PM
Facebook Telegram Linkin
UNHCR ព្រមានពីការរីករាលដាលឆ្លងជំងឺអាសន្នរោគក្នុងចំណោមជនភៀសខ្លួនស៊ូដង់នៅប្រទេសឆាដ
08/08/2025 08:08 PM
Facebook Telegram Linkin
​សម្ដេចតេជោ អស់សំណើចក្រោយឭថាសាកលវិទ្យាល័យថៃមួយបានបោះឆ្នោតដកហូតសញ្ញាបត្រពីសម្ដេច ខណៈសម្ដេចបានបោះវាចោលចូលក្នុងបង្គន់តាំងពីឆ្នាំ២០០៨
08/08/2025 08:08 PM
Facebook Telegram Linkin
ជនប៉ាឡេស្ទីន៖ តើឲ្យពួកយើងគួរទៅកន្លែងណា បើអ៊ីស្រាអែលគ្រប់គ្រងទីក្រុងហ្កាហ្សាហើយនោះ?
08/08/2025 08:08 PM
Facebook Telegram Linkin
អ៊ីរ៉ាក់បដិសេធគ្មានចំណែករួមណាមួយ ក្នុងការរត់ពន្ធប្រេងជាប់ទណ្ឌកម្មរបស់អ៊ីរ៉ង់
08/08/2025 08:08 PM
Facebook Telegram Linkin
លោក Merz៖ អាល្លឺម៉ង់ផ្អាកការនាំចេញយោធាដែលអាចត្រូវបានប្រើប្រាស់នៅហ្គាហ្សា
08/08/2025 08:08 PM
Facebook Telegram Linkin
យុទ្ធនាការទ្រង់ទ្រាយធំ ៧ថ្ងៃនេះ ក្រសួងការងារផ្សាយពីឱកាសការងារដល់ពលករមកពីថៃ និងពលរដ្ឋជាង៦ម៉ឺននាក់ ខណៈអ្នកទទួលបានការងារភ្លាមជាង ១ម៉ឺននាក់
08/08/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.