នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា

នយោបាយ​ និង ការអភិវឌ្ឍន៍

ស្រ្តីមួយរូបនៃកងពលតូចលេខ៧០ មានក្តីរំពឹងខ្ពស់ចំពោះការសន្យារបស់នាយករដ្ឋមន្រ្តីថ្មី

2023/08/23 08:34:14 pm        716
Facebook Telegram Linkin
ភ្នំពេញ ៖ ឧត្តមសេនីយ៍ត្រី យុង ខេមរា ជាមេបញ្ជាការរងនៃកងពលតូចលេខ៧០ ចំណុះឲ្យបញ្ជាការដ្ឋានកងទ័ពជើងគោក បានមានជំនឿរយ៉ាងម៉ុតមាំថា រាជរដ្ឋាភិបាលថ្មី ដែលដឹកនាំដោយឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នឹងធ្វើបានសម្រេចនូវអ្វីដែលនាយករដ្ឋមន្រ្តីវ័យក្មេងរូបនេះបានសន្យាថា នឹងរកទីផ្សារជូនកសិករ និងបន្តដំឡើងប្រាក់ខែជូនកម្មករនិយោជិត ក៏ដូចជាមន្រ្តីរាជការជាដើមនោះ។ឆ្លើយតបទៅនឹងសំណួររបស់ទូរទស្សន៍BTV ឧត្តមសេនីយ៍ត្រី យុង ខេមរា បានបញ្ជាក់ថា ក្នុងនាមជានាយទាហាន ក៏ដូចជាប្រជាពលរដ្ឋខ្មែរមួយ លោកស្រីសូមប្រកាសគាំទ្រយ៉ាងពេញទំហឹងចំពោះឯក ឧត្តមហ៊ុន ម៉ាណែត ដែលត្រូវបានតែងតាំងជានាយករដ្ឋមន្រ្តីបន្តវេននៅកម្ពុជា ខណៈការតែងតាំងនេះគឺពិតជាសាកសមបំផុត ដោយសារតែឯកឧត្តមបណ្ឌិត ហ៊ុន ម៉ាណែត ជាកុលបុត្រខ្មែរមួយរូបមានទាំងគុណវុធ សមត្ថភាព បទពិសោធន៍ និងចំណេះដឹងខ្ពង់ខ្ពស់។ ហើយជាងនេះទៅទៀត ការសន្យារបស់ឯកឧត្តម ថាកិត្តិទេសាភិបាលថា ការដឹកនាំរដ្ឋាភិបាលអាណត្តិទី៧នេះនឹងប្តូរផ្តាច់ដឹកនាំនីតិប្រតិបត្តិរបស់ជាតិ ដែលជាកម្មវិធីនយោបាយរបស់រាជរដ្ឋាភិបាលឲ្យខាងតែបាន នឹងពិតជាធ្វើបានជាក់ជាមិនខាននោះឡើយ។ជាមួយគ្នានោះដែរឧត្តមសេនីយ៍ត្រី យុង ខេមរា ក៏បានឆ្លើយតបចំពោះជនអគតិមួយក្តាប់តូចដែលតែងតែធ្វើការរិះគន់ថា ការតែងតាំងឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ថាមិនសមស្របទៅ តាមលទ្ធិប្រជាធិបតេយ្យនោះគឺមិនពិតនោះឡើយ ខណៈការតែងតាំងនេះគឺបានចេញព្រះរាជក្រឹត្យដោយព្រះមហាក្សត្រ និងតាមការបោះឆ្នោតក្នុងរដ្ឋសភា និងមានការឯកភាពពីគណបក្សប្រជាជនកម្ពុជាដែលជា គណបក្សឈ្នះឆ្នោតនោះ។សូមបញ្ជាក់ថានៅក្នុងកិច្ចប្រជុំរដ្ឋសភាលើកទី១នីតិកាលទី៧ នាថ្ងៃទី២២ ខែសីហា ឆ្នាំ២០២៣នេះ បានបោះឆ្នោតអនុម័តគាំទ្រទាំងស្រុងចំពោះឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្រ្តីបន្តវេនសម្រាប់អាណត្តិទី៧នេះ។ភ្លាមៗបន្ទាប់ពីមានការបោះឆ្នោតឲ្យធ្វើជានាយករដ្ឋមន្រ្តី ឯកឧត្តមកិត្តិទេសាភិបាលបណ្ឌិតហ៊ុន ម៉ាណែត បានសន្យាថា ក្នុងនាមជាប្រមុខរាជរដ្ឋាភិបាលអាណត្តិទី៧នេះ ឯកឧត្តមសូមសន្យា និងធ្វើការប្តេជ្ញាជាឱឡារិកថា នឹងប្តូរផ្តាច់ដឹកនាំនីតិប្រតិបត្តិរបស់ជាតិ ដែលជាកម្មវិធីនយោបាយរបស់រាជរដ្ឋាភិបាលឲ្យខាងតែបាន និងជោគជ័យបំផុត និងមួយវិញទៀត នឹងខិតខំរកទីផ្សារឲ្យបានសមរម្យជូនប្រជាកសិករ និងដំឡើងប្រាក់ខែជូនកម្មករនិយោជិត និងមន្រ្តីរាជការជាដើម៕អត្ថបទ៖ បាន ចក់

CMACនិងក្រុមហ៊ុនឯកជនមួយចុះ MOUលើកិច្ចព្រមព្រៀងស្តីការគ្រប់គ្រងសុនកប្រឆាំងភេរវកម្ម

2023/08/23 05:10:15 pm        189
Facebook Telegram Linkin
ភ្នំពេញ៖ មជ្ឈមណ្ឌលសកម្មភាពកំចាត់មីនកម្ពុជា(CMAC) និងក្រុមហ៊ុន Prince security service នៅរសៀលថ្ងៃទី២១ ខែសីហានេះ បានរៀបចំពិធីចុះហត្ថលេខាលើអនុស្សរណៈយោគយល់គ្នា ដោយមានការអញ្ជើញចូលរួមពីលោក ប្រាក់ សុម៉ាធី ប្រធានាយកដ្ឋានកណ្តាលទទួលបន្ទុក​ជំនាញ​បច្ចេកទេសសត្វក្នុងសកម្មភាពនៃអង្គភាពស៊ីម៉ាក់​ តំណាងឯកឧត្តម ហេង រតនា ប្រតិភូរាជរដ្ឋាភិបាល​ទទួលបន្ទុកជាអគ្គនាយកCMAC ​និងលោកជូ តេង ហាន( Choo Teng Han) អ្នកគ្រប់គ្រងទូទៅក្រុមហ៊ុន Prince security service។នៅក្នុងឱកាសនោះលោក ប្រាក់ សុម៉ាធី បានឱ្យដឹងថា ការចុះMOUនេះ គឺស៊ីម៉ាក់បានផ្តល់​សុនកប្រចាំភេរវកម្មចំនួន២ក្បាលទៅឱ្យក្រុមហ៊ុន Prince security service ក្នុងតម្លៃសមរម្យ ព្រមទាំងមានការបណ្តុះបណ្តាលជំនាញគ្រប់គ្រងសុនកដល់ក្រុមហ៊ុនផងដែរ។ លោកបន្តថា សុនកប្រឆាំងភេរវកម្មដែលអង្គភាពស៊ីម៉ាក់ប្រគល់ជូនដល់ក្រុមហ៊ុននាពេលនេះ គឺទទួលបានហ្វឹកហ្វឺនពីអ្នកជំនាញនៅក្នុងប្រទេស ​និងក្រៅប្រទេស ដែលសមត្ថភាព​គ្រប់គ្រាន់ការពារសន្តិសុខ។បច្ចុប្បន្ន សុនកនៅក្នុងអង្គភាពស៊ីម៉ាក់មានចំនួន១៧០ក្បាល បែកចែកចេញជាពីប្រភេទរួមមាន៖សុនកប្រឆាំងភេរវកម្ម និងសុនកដោះមីន។ នេះបើតាមការបញ្ជាក់លោក ប្រាក់ សុម៉ាធី ប្រធានាយកដ្ឋានកណ្តាលទទួលបន្ទុកជំនាញបច្ចេកទេសសត្វក្នុងសកម្មភាពនៃអង្គភាពស៊ីម៉ាក់។ អត្ថបទ៖ទូច សោភ័ណ 

វេទិកាការងារស្អែកនេះ នឹងនាំយកឱកាសការងារជិត ៨០០កន្លែងសម្រាប់អ្នកស្វែងរកការងារ

2023/08/23 04:03:56 pm        232
Facebook Telegram Linkin
ភ្នំពេញ៖ ទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ និងសហភាពសហព័ន្ធយុវជនកម្ពុជាវិស័យការងារ និងបណ្តុះបណ្តាលវិជ្ជាជីវៈ នៅថ្ងៃទី២៤ ខែសីហាស្អែកនេះ ​នឹងដាក់តាំងបង្ហាញឱកាសការងារចំនួនជិត ៧០០កន្លែង របស់ក្រុមហ៊ុនធំៗចំនួន១០។ទីភ្នាក់ងារជាតិមុខរបរ និងការងារ បានបញ្ជាក់ជូនដល់សិស្ស/និស្សិត និងអ្នកកំពុងស្វែង​រកការងារធ្វើ ឬចង់ផ្លាស់ប្តូរការងារ សូមត្រៀមប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយ អ្នកតំណាងក្រុមហ៊ុនទាំងនោះបាន ចាប់ពីម៉ោង ៨ព្រឹក ដល់ម៉ោង ៥ល្ងាច នៅក្នុងបរិវេណក្រសួងការងារ ​និងបណ្តុះបណ្តាលវិជ្ជាជីវៈ។តំណាងក្រុមហ៊ុនទាំង១០ ដែលនឹងត្រូវចូលរួមក្នុងវេទិកាការងារនេះ លោក នៅ សិទ្ធី ចាត់ទុកថា វេទិកាការងារ បានដើរតួនាទីយ៉ាងសំខាន់ក្នុងការជួយដល់ក្រុមហ៊ុនកន្លង​មកក្នុងការ​ជ្រើសរើស​បុគ្គលិក ព្រោះកម្មវិធីនេះបានផ្តល់ឱកាសដល់ខាងក្រុមហ៊ុនបានជួប​ដោយផ្ទាល់ជាមួយនឹងអ្នកស្វែង​រកការងារធ្វើ ​ឬអ្នកចង់ផ្លាស់ប្តូរការងារជាដើម។ សូមជម្រាបថា ក្រុមហ៊ុនធំៗចំនួន១០ រួមមាន៖ ធនាគារ WOORI BANK, ធនាគារ កាថេ យូណៃធីត, ក្រុមហ៊ុន Land & Home, ក្រុមហ៊ុន Forte Life insurance, ក្រុមហ៊ុន MR Training, ក្រុមហ៊ុន GEOLINK, ធនាគារ ឯកទេស AEON, ក្រុមហ៊ុន DDD, ក្រុមហ៊ុន JACCS និងក្រុមហ៊ុន Kofi៕

ប្រជាពលរដ្ឋកម្ពុជានៅថៃ បង្ហាញការពេញចិត្តនាយករដ្ឋមន្ត្រីថ្មីទើបចូលកាន់តំណែង

2023/08/23 02:43:16 pm        423
Facebook Telegram Linkin
ភ្នំពេញ៖ ក្រុមពលករ និងសិស្សនិស្សិតខ្មែរដែលកំពុងធ្វើការនៅប្រទេសថៃ បានចេញអបអរសាទរចំពោះគណៈរដ្ឋមន្ត្រីថ្មីក្នុងនីតិកាលទី៧នៃរដ្ឋសភាដែលដឹកនាំដោយ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី។ ការចេញអបអរសាទរនេះ គឺធ្វើឡើងបន្ទាប់ពីរដ្ឋសភាជាតិនីតិកាលទី៧ បានបោះឆ្នោតផ្តល់​សេចក្តីទុកចិត្តជូនគណៈរដ្ឋមន្ត្រីថ្មី ​កាលពីថ្ងៃទី២២ ខែសីហា ឆ្នាំ២០២៣។តាមរយៈសាវីដេអូដែលអ្នកសារព័ត៌មានទទួលបាន ​ពលករទាំងនោះមានមកពីគ្រប់តំបន់ផ្សេងៗគ្នា ពលករបានលើកឡើងព្រមៗគ្នាថា ​បណ្ឌិតហ៊ុន ម៉ាណែត នឹងធ្វើឱ្យកម្ពុជារីកចម្រើន ហើយនឹងបន្តរក្សាបាននូវសុខសន្តិភាពដែលកម្ពុជាកំពុងមានបន្តទៀត។

ជនអន្តោប្រវេសន៍បាក់ទឹកចិត្តរាប់ម៉ឺននាក់ បានជាប់ខ្លួនងក្នុងប្រទេសនីហ្សេ ដោយសារការបិទព្រំដែនក្រោយរដ្ឋប្រហារ

2023/08/23 02:39:32 pm        138
Facebook Telegram Linkin
បន្ទាប់ពីឆ្លងកាត់វាលខ្សាច់រយៈពេល៣ខែ ហើយបានមើលឃើញជនអន្តោប្រវេសន៍ផ្សេងទៀតស្លាប់នៅសមុទ្រក្នុងការប៉ុនប៉ងបរាជ័យរបស់ខ្លួន ដើម្បីទៅដល់អឺរ៉ុប  បុរស សាចន យ៉ាមបាស៊ុ (Sahr John Yambasu) បានបោះបង់ការឆ្លងកាត់សមុទ្រមេឌីទែរ៉ាណេ ហើយសម្រេចចិត្តត្រឡប់ទៅផ្ទះវិញ។បុរសអាយុ២៩ឆ្នាំរូបនេះ មកពីប្រទេសសៀរ៉ាឡេអូន បានទៅដល់ប្រទេសនីហ្សេ ក្នុងខែមិថុនា ក្នុងការធ្វើដំណើរត្រឡប់មកវិញរបស់គាត់ ប៉ុន្តែមន្ត្រីអង្គការសហប្រជាជាតិ បាននិយាយថា គាត់ត្រូវរង់ចាំនៅមជ្ឈមណ្ឌលជនអន្តោប្រវេសន៍ដែលមានមនុស្សច្រើនណែនតាន់តាប់ មុនពេលគាត់អាចត្រូវបានធ្វើមាតុភូមិនិវត្តន៍។នៅពេលនោះ ទាហានបះបោរបានផ្តួលរំលំប្រធានាធិបតីនីហ្សេរីយ៉ាប៉ុន្មានសប្តាហ៍ក្រោយមក ដោយនាំមកនូវភាពតានតឹងក្នុងតំបន់ និងការបិទព្រំដែន ហើយបុរសយ៉ាមបាស៊ុ ក៏ត្រូវជាប់នៅទីនោះ៕

ក្រុមហ៊ុនអាកាសចរណ៍ Air Koryo នឹងហោះហើរ រវាងទីក្រុងព្យុងយ៉ាង និងប៉េកាំង ៣ដងក្នុង១សប្តាហ៍

2023/08/23 02:36:07 pm        129
Facebook Telegram Linkin
កូរ៉េខាងជើង៖ បើយោងតាមការឆ្លើយតបពីអាជ្ញាធរ ចំពោះសំណួររបស់ទីភ្នាក់ងារសារព័ត៌មាន Reuters នៅថ្ងៃពុធ (ទី២៣ ខែសីហា) នេះ បានឲ្យដឹងថា អាជ្ញាធរអាកាសចរណ៍ស៊ីវិលរបស់ប្រទេសចិន បានយល់ព្រមឲ្យក្រុមហ៊ុនអាកាសចរណ៍ Air Koryo របស់ប្រទេសកូរ៉េខាងជើង ហោះហើរធ្វើការ រវាងទីក្រុងព្យុងយ៉ាង និងទីក្រុងប៉េកាំងចំនួន ៣ថ្ងៃ ក្នុងមួយសប្ដាហ៍ គឺនៅថ្ងៃអង្គារ ថ្ងៃព្រហស្បតិ៍ និងថ្ងៃសៅរ៍ ចាប់ពីថ្ងៃទី២៦ ខែមីនា ដល់ថ្ងៃទី២៨ ខែតុលា។ជាមួយគ្នានេះ អាកាសចរណ៍ស៊ីវិលរបស់ចិន បានឲ្យដឹងទៀតថា ក្រុមហ៊ុនអាកាសចរណ៍រដ្ឋរបស់ចិន Air China ដែលធ្លាប់ហោះហើរ រវាងទីក្រុងទាំងពីរនោះ មិនបានអនុវត្តការចាប់ផ្ដើមហោះហើរឡើងវិញលើផ្លូវហោះហើរចិន-កូរ៉េខាងជើងនោះទេ ហើយប្រាប់ថា និយតករផ្តល់ការយល់ព្រមលើការហោះហើរតាមរដូវកាល។លោក Simon Cockerell អ្នកគ្រប់គ្រងទូទៅនៅក្រុមហ៊ុនដំណើរកម្សាន្ត Koryo Tours ដែលមានមូលដ្ឋាននៅទីក្រុងប៉េកាំង បាននិយាយថា មុនពេលមានជំងឺរាតត្បាតកូវីដ-១៩ ជាធម្មតាមានជើងហោះហើររបស់ក្រុមហ៊ុនអាកាសចរណ៍ Air Koryo ប្រហែលពី ៣ ទៅ ៥ជើង រវាងទីក្រុងប៉េកាំង និងព្យុងយ៉ាង ក្នុងមួយសប្តាហ៍ ដោយអាស្រ័យលើរដូវកាល និងតម្រូវការ ក៏ដូចជាមានជើងហោះហើរទៅកាន់ទីក្រុងស៊ាងហៃ និងទីក្រុង Shenyang ផងដែរ។ជើងហោះហើររបស់ Air Koryo ពីទីក្រុងព្យុងយ៉ាង បានចុះចតនៅទីក្រុងប៉េកាំង កាលពីព្រឹកថ្ងៃអង្គារ (ទី២២ ខែសីហា) ជាលើកដំបូង គិតចាប់តាំងពីមានការបិទខ្ទប់ ដើម្បីទប់ស្កាត់ជំងឺរាតត្បាត ចាប់ផ្តើមក្នុងឆ្នាំ២០២០ ខណៈដែលកូរ៉េខាងជើងបានបើកព្រំដែនរបស់ខ្លួនឲ្យអ្នកដំណើរឆ្លងកាត់ចេញចូល៕

អង្គការសហប្រជាជាតិ ត្រូវបានជំរុញឱ្យកាត់ផ្ដាច់ទំនាក់ទំនង ជាមួយបណ្ដាមេដឹកនាំរដ្ឋប្រហារមីយ៉ាន់ម៉ា

2023/08/23 02:20:47 pm        74
Facebook Telegram Linkin
មីយ៉ាន់ម៉ា៖ ក្រុមអង្គការសង្គមស៊ីវិល ដែលធ្វើការពាក់ព័ន្ធនឹងសហភាពមីយ៉ាន់ម៉ា បានរិះគន់ប្រធានជំនួយសង្គ្រោះរបស់អង្គការសហប្រជាជាតិ លោក Martin Griffiths ជុំវិញដំណើររបស់លោកទៅកាន់ប្រទេសនេះនាពេលថ្មីៗនេះ ដោយនិយាយថា ដំណើរទស្សនកិច្ចរបស់លោកមិនបានធ្វើឱ្យមានការជឿនលឿនច្រើនលើជំនួយមនុស្សធម៌នោះទេ និងបានផ្តល់ភាពស្របច្បាប់ដល់ក្រុមមេដឹកនាំរដ្ឋប្រហារ ដែលប្រើប្រាស់ជំនួយជាអាវុធ មួយនេះទៀតផង។ក្រុមសង្គមស៊ីវិលនេះបាននិយាយថា «ការចូលរួមគោលការណ៍ផ្នែកមនុស្សធម៌ ត្រូវតែមើលឃើញការិយាល័យសម្របសម្រួលកិច្ចការមនុស្សធម៌ OCHA និងភ្នាក់ងារមនុស្សធម៌ដទៃទៀតរបស់អង្គការសហប្រជាជាតិ កាត់ផ្ដាច់ទំនាក់ទំនងជាមួយរបបយោធាឧក្រិដ្ឋកម្មខុសច្បាប់មីយ៉ាន់ម៉ានេះ ដែលប្រើប្រាស់ជំនួយជាអាវុធ និងជាឫសគល់នៃការឈឺចាប់មនុស្សនៅក្នុងសហភាពមីយ៉ាន់ម៉ា"។លោក Griffiths ដែលជាអគ្គលេខាធិការរងអង្គការសហប្រជាជាតិទទួលបន្ទុកកិច្ចការមនុស្សធម៌ និងជាអ្នកសម្របសម្រួលជំនួយសង្គ្រោះបន្ទាន់ បានធ្វើដំណើរទៅកាន់រដ្ឋធានី Naypyidaw សហភាពមីយ៉ាន់មា កាលពីសប្តាហ៍មុន ជាទីដែលលោកត្រូវបានគេថតរូបដាក់នៅលើទំព័រមុខនៃសារព័ត៌មាន Global New Light របស់មីយ៉ាន់ម៉ា ក្នុងការចាប់ដៃជាមួយមេទ័ព ដែលជាឧត្តមសេនីយ៍ជាន់ខ្ពស់ លោក Min Aung Hlaing ដែលបានដឹកនាំការដណ្តើមអំណាចនៅខែកុម្ភៈ ឆ្នាំ២០២១ របស់យោធា។កាលពីខែកក្កដា ប្រធានសិទ្ធិមនុស្សអង្គការសហប្រជាជាតិ លោក Volker Turk បាននិយាយថា យោធាមីយ៉ាន់ម៉ាបានចូលរួមក្នុង «ការបដិសេធជាប្រព័ន្ធ» នៃការផ្តល់ជំនួយមនុស្សធម៌ដល់ជនស៊ីវិលរាប់លាននាក់ដែលត្រូវការជំនួយ ដោយបង្កើតរបាំងផ្លូវច្បាប់ ហិរញ្ញវត្ថុ និងការិយាធិបតេយ្យ ដើម្បីរារាំងប្រជាជនពីការទទួលបានជំនួយ៕

សហរដ្ឋអាមេរិកដាក់ទណ្ឌកម្មប្រទេសចិន ជុំវិញការធ្វើសមានកម្មដោយបង្ខំលើកុមារទីបេតិ៍

2023/08/23 02:17:46 pm        71
Facebook Telegram Linkin
អាមេរិក៖ សហរដ្ឋអាមេរិកបាននិយាយកាលពីថ្ងៃអង្គារ (២២សីហា)ថា ខ្លួនកំពុងដាក់ទណ្ឌកម្មទិដ្ឋាការលើមន្ត្រីចិនដែលបន្ត «ការធ្វើសមានកម្មដោយបង្ខំ» របស់កុមារនៅក្នុងតំបន់ទីបេតិ៍ ជាទីដែលក្រុមអ្នកជំនាញរបស់អង្គការសហប្រជាជាតិនិយាយថា កុមារចំនួន១លាននាក់ត្រូវបានបំបែកចេញពីគ្រួសាររបស់ពួកគេ។នៅក្នុងសកម្មភាពចុងក្រោយបង្អស់របស់សហរដ្ឋអាមេរិកលើទីក្រុងប៉េកាំង បើទោះបីជាមានការបន្តកិច្ចសន្ទនាកម្រិតខ្ពស់ឡើងវិញក៏ដោយ រដ្ឋមន្ត្រីការបរទេសលោក Antony Blinken បាននិយាយថា សហរដ្ឋអាមេរិកនឹងដាក់ការរឹតត្បិតទិដ្ឋាការដល់មន្ត្រីចិនដែលនៅពីក្រោយគោលនយោបាយផ្តល់អាហារូបករណ៍របស់រដ្ឋ។ចាប់តាំងពីឆ្នាំ២០២១មក សហរដ្ឋអាមេរិក បានចោទប្រកាន់ប្រទេសចិន ពីបទប្រល័យពូជសាសន៍នៅក្នុងតំបន់មួយផ្សេងទៀត គឺតំបន់ស៊ីនជាំង តាមរយៈអ្វីដែលក្រុមមន្ត្រីសហរដ្ឋអាមេរិក ក្រុមសិទ្ធិមនុស្ស និងសាក្សីនិយាយថា គឺជាបណ្តាញដ៏ធំនៃជំរំពលកម្មដោយបង្ខំ ប៉ុន្តែប្រទេសចិនបានបដិសេធការចោទប្រកាន់នេះ។អ្នកនាំពាក្យក្រសួងការបរទេសអាមេរិកនេះបាននិយាយថា ការរឹតបន្តឹងថ្មីនេះនឹងអនុវត្តចំពោះមន្ត្រីបច្ចុប្បន្ន និងអតីតមន្រ្តី ដែលពាក់ព័ន្ធនឹងគោលនយោបាយអប់រំនៅទីបេតិ៍ប៉ុន្តែមិនបានផ្តល់ព័ត៌មានលម្អិតបន្ថែមទៀតទេ ដោយលើកឡើងពីច្បាប់សម្ងាត់របស់សហរដ្ឋអាមេរិកស្តីពីកំណត់ត្រាទិដ្ឋាការ៕

ប្រធានាធិបតីអាមេរិក នឹងចូលរួមកិច្ចប្រជុំកំពូលG20 នៅឥណ្ឌា

2023/08/23 02:09:34 pm        94
Facebook Telegram Linkin
អាមេរិក៖ .រដ្ឋាភិបាលអាមេរិក បាននិយាយថាប្រធានាធិបតីលោក Joe Biden នឹងចូលរួមកិច្ចប្រជុំកំពូលក្រុមប្រទេសG20 នៅក្នុងប្រទេសឥណ្ឌានៅខែក្រោយ។ ទីប្រឹក្សាសន្តិសុខជាតិ សហរដ្ឋអាមេរិក លោក Jake Sullivan បានប្រកាសកាលពីថ្ងៃអង្គារថាលោក Biden នឹងធ្វើដំណើរទៅកាន់ទីក្រុង New Delhi ពីថ្ងៃទី៧ ដល់ថ្ងៃទី១០ ខែកញ្ញាដើម្បីចូលរួមកិច្ចប្រជុំកំពូលមេដឹកនាំប្រទេស G20។ សេតវិមាននិយាយថា លោក Biden និងដៃគូប្រទេស G20 នឹងពិភាក្សាកិច្ចប្រឹងប្រែងរួមជាបន្តបន្ទាប់ដើម្បីដោះស្រាយ បញ្ហាសកល រួមទាំងការផ្លាស់ប្តូរទៅរកថាមពលស្អាត និងការប្រយុទ្ធប្រឆាំងបម្រែបម្រួលអាកាសធាតុ។សេតវិមាននិយាយថាមេដឹកនាំទាំងអស់ នឹងផ្តោតលើយុទ្ធសាស្ត្រដើម្បីសម្រាលផលប៉ះពាល់សេដ្ឋកិច្ច និងសង្គមបង្កឡើងដោយសង្គ្រាមរបស់ប្រធានាធិបតី រុស្ស៊ី លោក Vladimir Putin នៅអ៊ុយក្រែន។ លោក Sullivan និយាយថា លោក Biden នឹងមានជំនួបទ្វេរភាគីមួយចំនួន អំឡុងការស្នាក់នៅរបស់លោក ប៉ុន្តែពុំបានផ្តល់ព័ត៌មានល្អិតនោះទេ។ ការយកចិត្តទុកដាក់នោះ គឺផ្តោតលើថា លោក Biden នឹងជួបជាមួយប្រធានាធិបតីចិនលោក Xi Jinping ឬយ៉ាងណា។ លោក Sullivan និយាយថា អនុប្រធានាធិបតីលោកស្រី Kamala Harris នឹងចូលរួមកចិ្ចប្រជុំកំពូលរបស់សមាគមប្រជាជាតិអាស៊ីអាគ្នេយ៍ និងកិច្ចប្រជុំកំពូលអាស៊ីបូព៌ា នៅក្នុងទីក្រុងហ្សាកាតា ប្រទេសឥណ្ឌូនេស៊ី នៅដើមខែក្រោយ៕

ប្រទេសហ្វីលីពីន៖ មូលដ្ឋានយោធានៅសមុទ្រចិនខាងត្បូង ត្រូវបានផ្គត់ផ្គង់ឡើងវិញបើទោះបីជាមានការយាយីពីប្រទេសចិនក៏ដោយ

2023/08/23 01:48:50 pm        80
Facebook Telegram Linkin
ហ្វីលីពីន៖ ប្រទេសហ្វីលីពីនកាលពីថ្ងៃអង្គារ បាននិយាយថា ខ្លួនបានបញ្ជូនសម្ភារៈផ្គត់ផ្គង់ដោយជោគជ័យដល់កងម៉ារីននៅលើនាវា BRP Sierra Madre ដែលជាមូលដ្ឋានយោធាដែលចាស់ទ្រុឌទ្រោមនៅក្នុងសមុទ្រចិនខាងត្បូង ដែលមានការប្រកួតប្រជែង ទោះបីជាមានការប៉ុនប៉ងដោយនាវាចិន ដើម្បីរារាំងបេសកកម្មនេះក៏ដោយ។ក្រុមការងារជាតិសម្រាប់សមុទ្រហ្វីលីពីនខាងលិច បាននិយាយនៅក្នុងសេចក្តីថ្លែងការណ៍មួយថា ខ្លួនបានបញ្ជូនសម្ភារៈផ្គត់ផ្គង់ដោយជោគជ័យដល់នាវាចូលចតដែលជាប់គាំងនៅលើកោះប៉ប្រះទឹកថូម៉ាសទី២ ( Second Thomas Shoal ) ក្នុងតំបន់សេដ្ឋកិច្ចផ្តាច់មុខរបស់ទីក្រុងម៉ានីល ដែលប្រទេសចិនហៅថា Renai Reef (តំបន់ថ្មប៉ប្រះទឹករីណៃ)ហើយថែមទាំងអះអាងថា ជាទឹកដីអធិបតេយ្យភាពរបស់ខ្លួន។ក្រុមការងារ បាននិយាយថា បេសកកម្មនេះ ត្រូវបានអនុវត្ត ទោះបីជាមានការប៉ុនប៉ងដោយឆ្មាំល្បាតសមុទ្រចិន និងកងជីវពលដែនសមុទ្រចិន ដើម្បីរារាំង យាយី និងជ្រៀតជ្រែក ក្នុងបេសកកម្មផ្គត់ផ្គង់នេះក្តី។កងជីវពលដែនសមុទ្ររបស់ប្រទេសចិន គឺជានាវារាប់រយគ្រឿងដ៏ខ្លាំងក្លា ហើយដើរតួជាកម្លាំងមិនផ្លូវការ និងមិនអាចប្រកែកបានជាផ្លូវការ ដែលទីក្រុងប៉េកាំងប្រើ ដើម្បីជំរុញការទាមទារទឹកដីរបស់ខ្លួនទាំងនៅក្នុងសមុទ្រចិនខាងត្បូង និងហួសពីនេះ បើយោងតាមហ្វីលីពីន សហរដ្ឋអាមេរិក និងអ្នកជំនាញសន្តិសុខសមុទ្រលោកខាងលិច៕

បណ្ដាញសង្គម

ព័ត៌មានថ្មីៗ

ក្រសួងការងារ ព្រមានចាត់វិធានការម៉ឺងម៉ាត់បំផុត ចំពោះបុគ្គលណាទារប្រាក់ពីពលរដ្ឋជាថ្នូរនឹងការទទួលបានការងារ
08/07/2025 09:08 PM
Facebook Telegram Linkin
កោះ Solomon Islands មិនអញ្ជើញអាមេរិក ចិន និងកោះតៃវ៉ាន់ ចូលរួមកិច្ចប្រជុំនយោបាយរបស់ប៉ាស៊ីហ្វិក
08/07/2025 08:08 PM
Facebook Telegram Linkin
ការិយាល័យនៃក្រុមហ៊ុនអាកាសចរណ៍អ៊ីស្រាអែល El Al នៅក្រុងប៉ារីស ត្រូវបានបំផ្លាញទ្រព្យសម្បត្តិ
08/07/2025 08:08 PM
Facebook Telegram Linkin
សម្ដេចធិបតី៖ស្របតាមសំណូមពរពលរដ្ឋខ្មែរគាំទ្របេក្ខភាពឯកឧត្តម Donald Trump សម្រាប់ពានរង្វាន់ណូបែលសន្តិភាព រាជរដ្ឋាភិបាលផ្ញើលិខិតជាផ្លូវការទៅគណៈកម្មការពានរង្វាន់ណូបែលសន្តិភាព
08/07/2025 08:08 PM
Facebook Telegram Linkin
សារព័ត៌មាន Ifax៖ លោក Putin នឹងទៅបំពេញទស្សនកិច្ច នៅឥណ្ឌា នាចុងឆ្នាំ២០២៥
08/07/2025 07:08 PM
Facebook Telegram Linkin
អាល្លឺម៉ង់នឹងពង្រីកការគ្រប់គ្រងព្រំដែន ពាក់ព័ន្ធនឹងវិធានការបង្ក្រាបជនអន្តោប្រវេសន៍
08/07/2025 07:08 PM
Facebook Telegram Linkin
សេចក្ដីរាយការណ៍៖ អគ្គិភ័យនៅរោងចក្រចម្រាញ់ប្រេង Afipsky របស់រុស្ស៊ី ត្រូវបានពន្លត់ ក្រោយត្រូវយានដ្រូនវាយប្រហារ
08/07/2025 06:08 PM
Facebook Telegram Linkin
ប្រព័ន្ធផ្សព្វផ្សាយរដ្ឋ៖ បុរសដែលត្រូវបានអ៊ីរ៉ង់ប្រហារជីវិតពីបទចារកម្ម គឺជាអ្នកវិទ្យាសាស្ត្រនុយក្លេអ៊ែរ
08/07/2025 06:08 PM
Facebook Telegram Linkin
មន្ត្រីជាន់ខ្ពស់ EU៖ ការសម្លាប់ នៅហ្កាហ្សា មើលទៅដូចអំពើប្រល័យពូជសាសន៍ខ្លាំងណាស់
08/07/2025 06:08 PM
Facebook Telegram Linkin
នាយករដ្ឋមន្ត្រីស៊ូដង់ ទៅបំពេញទស្សនកិច្ចអេហ្ស៊ីប ជាលើកដំបូង ចាប់តាំងពីឡើងកាន់តំណែង
08/07/2025 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.