នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

មនុស្សយ៉ាងហោចណាស់២៣នាក់បានស្លាប់ ក្នុងការវាយប្រហារលើភូមិមួយនៅភាគកណ្តាលប្រទេសម៉ាលី

2023/08/21 12:38:39 pm        98
Facebook Telegram Linkin
ម៉ាលី៖ ក្រុមមន្ត្រីបាននិយាយកាលពីថ្ងៃអាទិត្យថា ខ្មាន់កាំភ្លើងប្រដាប់អាវុធបានសម្លាប់មនុស្សយ៉ាងហោចណាស់ 23 នាក់ និងរបួស 12 នាក់នៅក្នុងការវាយប្រហារលើភូមិមួយនៅកណ្តាលប្រទេសម៉ាលី។ លោក Sidi Mohamed El Bechir អភិបាលនៃតំបន់ Bandiagara ជាកន្លែងដែលការវាយប្រហារបានកើតឡើងបាននិយាយថា បុរសមិនស្គាល់អត្តសញ្ញាណបានសម្លាប់មនុស្សរាប់សិបនាក់ និងបានដុតបំផ្លាញផ្ទះជាច្រើនខ្នងនៅក្នុងភូមិ Yarou កាលពីថ្ងៃសុក្រ។លោក Amadou Lougué ប្រធានអង្គការយុវជនក្នុងតំបន់ បាននិយាយកាលពីថ្ងៃអាទិត្យ (២០ សីហា) ថា ជនដៃដល់ទាំងនោះបានបន្តនៅក្នុងភូមិរហូតដល់ម៉ោង៧យប់ ហើយបានដុតបំផ្លាញផ្នែកនៃភូមិ វាយកម្ទេចហាងលក់ទំនិញ និងបានលួចយកគោក្របីរបស់អ្នកភូមិទៀតផង។ ការវាយប្រហារនេះមិនត្រូវបានអះអាងពីក្រុមឧក្រិដ្ឋជនណាមួយនោះទេ។សហគមន៍នៅទូទាំងភាគកណ្តាល និងភាគខាងជើងប្រទេសម៉ាលី បានស្ថិតក្នុងការក្ដោបក្តាប់នៃអំពើហិង្សាប្រដាប់អាវុធជាបន្តបន្ទាប់ចាប់តាំងពីឆ្នាំ២០១២មក។ ក្រុមឧទ្ទាមជ្រុលនិយមត្រូវបានបង្ខំឱ្យចេញពីអំណាចនៅក្នុងទីក្រុងភាគខាងជើងនៃប្រទេសអាហ្វ្រិកខាងលិចមួយនេះនៅឆ្នាំបន្ទាប់ ដោយមានជំនួយពីប្រតិបត្តិការយោធាដឹកនាំដោយប្រទេសបារាំង។ ប៉ុន្តែពួកគេបានប្រមូលផ្តុំគ្នាឡើងវិញនៅតំបន់វាលខ្សាច់ ហើយចាប់ផ្តើមវាយប្រហារលើកងទ័ពម៉ាលី និងសម្ព័ន្ធមិត្តរបស់ប្រទេសនេះផងដែរ៕

អង្គការឧតុនិយមពិភពលោក៖ បញ្ហាអាកាសធាតុ នឹងក្លាយជារឿងធម្មតា

2023/08/21 12:36:03 pm        85
Facebook Telegram Linkin
អង្គការឧតុនិយមពិភពលោកនិយាយថា ព្រឹត្តិការណ៍អាកាសធាតុធ្ងន់ធ្ងរ បានក្លាយទៅជារឿងធម្មតាថ្មី ខណៈរលកកម្ដៅបន្តវាយប្រហារលើផ្នែកធំៗនៃពិភពលោក។ សេវាបម្រែបម្រួលអាកាសធាតុ Copernicus របស់សហភាពអឺរ៉ុបបាននិយាយនៅដើមខែនេះថា ខែកក្កដាត្រូវបានបញ្ជាក់ថាជាខែក្តៅបំផុតនៅលើផែនដីចាប់តាំងពីកំណត់ត្រាបានចាប់ផ្តើមនៅឆ្នាំ១៩៤០មក។ទិន្នន័យរបស់ទីភ្នាក់ងារនេះបានបង្ហាញថា សីតុណ្ហភាពមធ្យមជាមធ្យមរបស់ពិភពលោកគឺមានកម្រិត ១៦,៩៥អង្សាសេកាលពីខែមុន លើសពីកំណត់ត្រាមុនដែលមានកម្រិត១៦,៦៣អង្សាសេ បានកំណត់ក្នុងខែកក្កដា ឆ្នាំ២០១៩។ សីតុណ្ហភាពជាមធ្យមលើផ្ទៃសមុទ្ររបស់ពិភពលោកបានបន្តកើនឡើង បន្ទាប់ពីរយៈពេលដ៏យូរនៃសីតុណ្ហភាពខ្ពស់មិនធម្មតា ដោយឈានដល់កម្រិតខ្ពស់បំផុតក្នុងខែកក្កដា។កាលពីខែកក្កដា តំបន់ទឹកកកសមុទ្រអង់តាក់ទិក ក៏បានឈានដល់កម្រិតទាបបំផុតចាប់តាំងពីការសង្កេតផ្កាយរណបបានចាប់ផ្តើមមកផងដែរ។ លោក Alvaro Soto អ្នកជំនាញអាកាសធាតុនៃអង្គការ WMO បាននិយាយថា ព្រឹត្តិការណ៍អាកាសធាតុធ្ងន់ធ្ងរបានក្លាយជារឿងធម្មតាថ្មី ហើយបញ្ហាទាំងនោះនឹងមិនមែនជារឿងភ្ញាក់ផ្អើលទៀតនោះទេ៕

ការគោរពស្តង់ដារសុវត្ថិភាពម្ហូបអាហារ បានជំរុញឱ្យផលិតផលខ្មែរមានការគាំទ្រច្រើន

2023/08/21 12:35:41 pm        94
Facebook Telegram Linkin
ភ្នំពេញ៖ ការគោរពស្តង់ដារសុវត្ថិភាពម្ហូបអាហារ បានជំរុញឱ្យផលិតផលខ្មែរមានការគាំទ្រ​ច្រើន​ពីអតិថិជន និងមានទីផ្សារល្អផងដែរ ។ នេះបើតាមការអះអាងរបស់អាជីវករ ។បណ្តាអាជីវករ បានប្រាប់BTVថា ​តាមការសង្កេតប្រជាពលរដ្ឋ​ បានយល់ដឹងច្រើនពីសុវត្ថិភាពម្ហូប អាហារមានអនាម័យ ​ប្រសិនបើម្ហូបអាហារណាមិនមានអនាម័យ ​នោះពួកគេមិនសូវគាំទ្រ​ផលិតផល​នោះទេ ។ ក្រៅពីនេះ បណ្តាអាជីករ ប្តេជ្ញាបន្តគោរពស្តង់ដារសុវត្ថិភាពម្ហូបអាហារ ដើម្បី​ធានានិរន្តរភាពការគាំទ្រ​ ពីអតិថិជន ​និងជួយឱ្យ​ទីផ្សារកាន់​តែធំ​ទូលាយជាដើម ។ឯកឧត្តម ផាន អូន ប្រតិភូរាជរដ្ឋាភិបាលកម្ពុជា ​ទទួលបន្ទុកជាអគ្គនាយក​ នៃអគ្គនាយកដ្ឋាន ក.ប.ប. នៃ​ក្រសួងពាណិជ្ជកម្ម ​បានប្រាប់BTVដែរថា ​បញ្ហាសុវត្ថិភាពម្ហូបនៅកម្ពុជា ​គឺ​មាន​ភាពប្រទាក់​ក្រឡាគ្នា ​ដែល​ត្រូវមាន​ការ​ចូលរួម​ពីគ្រប់ភាគី​ពាក់ព័ន្ធ ​ដើម្បី​ឱ្យ​សុវត្ថិភាព​ម្ហូបអាហារ ​កាន់តែមាន​ភាពល្អ​ប្រសើរថែមទៀត ​ខណៈបច្ចុប្បន្ន ​អន្តរក្រសួងចំនួន៦ បន្តការអភិវឌ្ឍស្តង់ដា​សុវត្ថិភាពម្ហូបអាហារ​នៅកម្ពុជា។ឯកឧត្តម បានបញ្ជាក់ថា ​ប្រសិនបើម្ចាស់ជីវកម្ម ​គោរពស្តង់ដារជាតិ ​និងអន្តរជាតិ​ នឹងធ្វើឱ្យកេរ្តិ៍ ឈ្មោះផលិតផល​ពួកគេកាន់តែរក្សាបាននូវទំនុកចិត្តពីអតិថិជន និងមិនប្រឈមចំពោះមុខច្បាប់​ផងដែរ។ម្ហូបអាហារមានសុវត្ថិភាព ​មានសារសំខាន់ខ្លាំងណាស់ចំពោះសុខភាព ​ជីវភាពរស់នៅ ​និង​សុខុមាលភាពរបស់មនុស្សគ្រប់រូប។​ កាលើកកម្ពស់សុវត្ថិភាពម្ហូបអាហារ គឺជាកក្កតាសំខាន់​សម្រាប់ចីរភាពប្រព័ន្ធស្បៀង​ ការអភិវឌ្ឍមូលធនមនុស្ស ​និងជាតម្រូវការចាំបាច់ ដើម្បីឈានទៅ​សម្រេច​បាននូវគោលដៅ អភិវឌ្ឍន៍ប្រកបដោយចីរភាពឆ្នាំ២០៣០ ​របស់អង្គការសហប្រជាជាតិ ៕អត្ថបទ៖ ទូច សោភ័ណ 

អាជ្ញាធរ និងពលរដ្ឋគាំទ្រការគោលនយោបាយអភិវឌ្ឍន៍ឌីជីថល ដែលស្របតាមការវិវឌ្ឍរបស់ពិភពលោក

2023/08/21 12:23:39 pm        292
Facebook Telegram Linkin
កណ្ដាល៖ អាជ្ញាធរមូលដ្ឋាន និងប្រជាពលរដ្ឋ បានបង្ហាញការគាំទ្រ ចំពោះគោលនយោបាយ​របស់​រាជរដ្ឋាភិបាល ក្នុងការអភិវឌ្ឍវិស័យឌីជីលនៅកម្ពុជា ​តាមរយៈការបង្កើតនូវមជ្ឈមណ្ឌល​បច្ចេកវិទ្យា​សហគមន៍ នៅតាមវិទ្យាល័យទូទាំងប្រទេស ​ស្របតាមការវិវឌ្ឍឥតឈប់ឈររបស់ពិភពលោក ។លោក កុយ ណារ៉ុង មេឃុំកំពង់ស្វាយ ស្រុកកៀនស្វាយ បានលើកឡើងថា ការបង្កើតមជ្ឈមណ្ឌល នេះ នឹងធ្វើឲ្យសិស្សានុសិស្ស យុវជន និងប្រជាពលរដ្ឋទូទៅ ​កាន់តែមានឱកាស បានសិក្សាបន្ថែម​លើវិស័យឌីជីថល ​ទន្ទឹមនឹងពលរដ្ឋក្នុងមូលដ្ឋាននេះ ​ប្រមាណជាង ៧០ភាគរយហើយ មាន​ស្មាតហ្វូន​ប្រើប្រាស់​ ក្នុងកិច្ចការចាំបាច់ផ្សេងៗ ។លោកមេឃុំ បានបន្តថា មួយវិញទៀត ក្នុងឃុំកំពង់ស្វាយ ​មានប្រជាពលរដ្ឋជាច្រើន ​ក៏បាន​ប្រកប​របរ​ធ្វើអាជីវករ ​ហើយពួកគេប្រើប្រាស់ស្មាតហ្វូន ​និងបានដោនឡូតបណ្ដាញ​សង្គម​មួយចំនួន ក្នុងការ​ដោះដូរទំនិញ ​ប៉ុន្តែចំណេះដឹងនៅមានកម្រិត ​ហើយប្រសិនបើរាជរដ្ឋាភិបាល តាមរយៈក្រសួង​ប្រៃសណីយ៍ និងទូរគមនាគមន៍ ​បង្កើតមជ្ឈមណ្ឌល​នេះបាននោះ ពលរដ្ឋអាច​ទៅសិក្សាបន្ថែមបាន ។ប្រជាពលរដ្ឋរស់នៅក្នុងមូលដ្ឋាននេះ លើកឡើងថា​ ពួកគេមានការសប្បាយរីករាយ នៅពេល​ដែល​រាជរដ្ឋាភិបាល​កម្ពុជា​ កំពុងប្រឹងប្រែងអភិវឌ្ឍន៍វិស័យអប់រំ ​តាមរយៈសកម្មភាពជាច្រើន ដូចជា​ការពង្រីកសាលារៀន ឲ្យកាន់តែជិតពលរដ្ឋ រួមទាំងគម្រោងថ្មី ​ក្នុងការអភិវឌ្ឍវិស័យឌីជីថលនេះ ។គួរបញ្ជាក់ថា ក្រសួងប្រៃសណីយ៍ និងទូរគមនាគមន៍ ​បានចាប់ផ្ដើមកសាងជាបណ្ដើរៗហើយនូវ​មជ្ឈមណ្ឌល​បច្ចេកវិទ្យាសហគមន៍​ នៅតាមវិទ្យាល័យ​ ខណៈដែលគោលដៅរបស់ក្រសួង នឹង​បង្កើតឲ្យគ្រប់វិទ្យាល័យ ទាំង៥៥៨ នៅទូទាំងប្រទេស ៕អត្ថបទ៖ បាន សុខរិទ្ធិ

ប្រជាពលរដ្ឋរស់នៅក្នុងទីក្រុងឆ្នេរប្រទេសម៉ិកស៊ិក ព្រួយបារម្ភពីផលវិបាកបង្កឡើងដោយសារព្យុះ Hilary

2023/08/21 12:15:23 pm        79
Facebook Telegram Linkin
ម៉ិកស៊ិក៖  មន្ទីរព្យុះសង្ឃរាជាតិ(NHC) បាននិយាយនៅក្នុងសេចក្តីជូនដំណឹងចុងក្រោយរបស់ខ្លួនថា ប្រជាពលរដ្ឋរស់នៅតាមទីក្រុងឆ្នេរ ក្នុងឧបទ្វីប Baja California ប្រទេសម៉ិកស៊ិក កំពុងត្រៀមខ្លួនការមកដល់របស់ព្យុះ Hilary ។  មនុស្សម្នាក់ បានស្លាប់នៅក្នុងប្រទេសម៉ិកស៊ិកស្របពេលមានសេចក្តីរាយការណ៍ពីទឹកជំនន់ដ៏គំហក់នៅឧបទ្វីបមួយនេះ ។ ព្យុះបានបោកក្នុងល្បឿន ៩៦គ.មក្នុង១ម៉ោង ហើយចំណុចកណ្តាលរបស់ព្យុះ ត្រូវបានគេព្យាករណ៍ថា ស្ថិតនៅតំបន់ភាគខាងជើងឧបទ្វីប Baja California ហើយវាបានបោកបក់ឆ្ពោះទៅកាន់តំបន់ Southern California ។  នៅទីក្រុង Rosarito ក្រុមអាជ្ញាធរ បានជំរុញឲ្យប្រជាពលរដ្ឋរស់នៅតំបន់រងការជន់លិច ត្រូវធ្វើដំណើរទៅកាន់ទីជម្រក ហើយប្រជាពលរដ្ឋត្រូវបានគេមើលឃើញដើរផ្សារទិញទំនិញចាំបាច់ដូចជាទៀន ទឹក និងអាហារកំប៉ុង ។  ភ្លៀងធ្លាក់កម្ពស់ពី ៧,៦សង់ទីម៉ែត្រ ដល់ ១៥សង់ទីម៉ែត្រ ត្រូវបានគេរំពឹងថានឹងកើតមានផងដែរនៅឧបទ្វីប Baja California ក៏ដូចជាតំបន់ជាច្រើនទៀតនៅតំបន់ Southern California និងតំបន់ Southern Nevada ។   លោក Wendy Rodriguez គឺជាពលរដ្ឋមួយរូបរស់នៅឧបទ្វីប Baja Californiaនិយាយថា ទៀន ទឹក និងអាហារកំប៉ុង ពួកយើងបានត្រៀមទុករួចជាស្រេច ។ ពួកយើងកំពុងរៀបចំផ្ទះ និងរៀបចំទុកដាក់ឯកសារសំខាន់ៗឲ្យបានត្រឹមត្រូវ ពួកយើងសាកថ្មទូរស័ព្ទ និងដាក់ហ្គាសក្នុងរថយន្ត ក្នុងករណីដែលពួកយើងចាកចេញទៅភ្លាម ៕

ក្រុមនិស្សិតបង្ហាញមោទកភាពចំពោះនាយករដ្ឋមន្ត្រីថ្មី ក្នុងការដឹកនាំប្រទេសកម្ពុជា

2023/08/21 12:08:08 pm        114
Facebook Telegram Linkin
ភ្នំពេញ៖ បណ្ដានិស្សិតកំពុងសិក្សានៅតាមសាកលវិទ្យាល័យនានានៅក្នុងរាជធានីភ្នំពេញ បាន​បង្ហាញ​សេចក្ដីពេញចិត្ត ​និងមានមោទកភាពជាខ្លាំង ​ខណៈថ្ងៃទី២១ ​ខែសីហានេះ រដ្ឋសភាជាតិ​ចាប់ផ្តើមបើកសម័យប្រជុំជាលើកដំបូងនៃនីតិកាលទី៧របស់ខ្លួន ​និងឈានទៅផ្ដល់សេចក្ដីទុកចិត្ត​ចំពោះរាជរដ្ឋាភិបាលថ្មី ​ក្នុងនោះឯកឧត្តមកិត្ដិទេសាភិបាលបណ្ឌិត ​ហ៊ុន ម៉ាណែត នឹង​ត្រូវក្លាយ​ជា​នាយករដ្ឋ​មន្ត្រីថ្មីរបស់ប្រជាជនខ្មែរ​ជាផ្លូវការដើម្បី​ដឹកនាំ​ប្រទេសជាតិ​ឱ្យមានការអភិវឌ្ឍរីកចម្រើន​តទៅមុខទៀត។និស្សិតកំពុងសិក្សានៅសកលវិទ្យាល័យ​ភូមិន្ទនីតិសាស្ត្រ ​និងវិទ្យាសាស្ត្រសេដ្ឋកិច្ច ថ្លែងប្រាប់ BTV នៅថ្ងៃទី២១ ​ខែសីហានេះថា​ ពួកគេគាំទ្រ ​និងស្រឡាញ់ទុកចិត្ត ​គាំទ្រ​ឯកឧត្ដមបណ្ឌិត ហ៊ុន ​ម៉ាណែត ​ជានាយករដ្ឋមន្រ្ដីថ្មីនៃកម្ពុជា ​និងគាំទ្រ​រាជរដ្ឋាភិបាលថ្មី ដើម្បី​បន្តដឹកនាំប្រទេសកម្ពុជា​ឱ្យទទួល​បាននូវសុខសន្ដិភាព​ និងការអភិវឌ្ឍបន្ថែមទៀត។ សូមបញ្ជាក់ថា នៅថ្ងៃទី២១ ខែសីហា ឆ្នាំ២០២៣ នេះ ​ជាឱកាសដ៏មហាវិសេសវិសាល ដែល​រដ្ឋសភា ​នីតិកាលទី៧ ​បាន​ប្រារព្ធ​បើកសម័យ ​ប្រជុំដំបូង​របស់ខ្លួន​ ស្របទៅតាមកាលកំណត់​របស់រដ្ឋធម្មនុញ្ញ ​នៃព្រះរាជាណាចក្រកម្ពុជា ​បន្ទាប់ពីតំណាងរាស្ត្រទាំងអស់ត្រូវ​បាន​ជ្រើសតាំង​ដោយ​ការបោះឆ្នោត​ កាលពីថ្ងៃទី២៣​ ខែកក្កដា ឆ្នាំ២០២៣កន្លងទៅនេះ ​ហើយ​នាពេលរសៀល​នេះ​សមាជិក​រដ្ឋសភាទាំងអស់នឹងត្រូវស្បថ​ចូលកាន់ដំណែង។ ​ចំណែកនៅថ្ងៃទី ២២ ខែសីហាស្អែកនេះ សភានឹងកោះប្រជុំក្រោមអធិបតីភាព​របស់ព្រឹទ្ធសមាជិករដ្ឋ​សភាហើយពេលនោះក្បាល​ម៉ាស៊ីន​រដ្ឋសភា និងក្បាលម៉ាស៊ីន​រាជរដ្ឋាភិបាល​នឹងត្រូវបង្កើតឡើង​ ហើយគណៈរដ្ឋមន្ត្រីនឹងស្បថ​ចូល​កាន់ដំណែងជាផ្លូវការនាពេលរសៀលនោះផងដែរ៕អត្ថបទ ស៊ុម សុខជា

ក្រសួងសន្តិសុខរដ្ឋ៖ ប្រទេសចិនស៊ើបអង្កេតពលរដ្ឋដែលត្រូវគេចោទពីបទជួយធ្វើចារកម្មឲ្យCIA

2023/08/21 12:04:03 pm        81
Facebook Telegram Linkin
ចិន៖ ក្រសួងសន្តិសុខរដ្ឋរបស់ប្រទេសនេះ បានឲ្យដឹងនៅថ្ងៃចន្ទនេះថា ប្រទេសចិនកំពុងស៊ើបអង្កេតជនជាតិចិនម្នាក់ដែលត្រូវបានចោទប្រកាន់ពីបទជួយធ្វើចារកម្មសម្រាប់ទីភ្នាក់ងារស៊ើបការណ៍កណ្តាលរបស់សហរដ្ឋអាមេរិក(CIA)។ក្រសួងនេះ បាននិយាយថា បុរសជនជាតិចិនអាយុ ៣៩ឆ្នាំ ដែលមានត្រកូល Hao គឺជាកម្មាភិបាលនៅក្រសួងមួយ ហើយបានទៅសិក្សានៅប្រទេសជប៉ុន ជាកន្លែងដែលការជ្រើសរើសចារកម្ម បានកើតឡើង។ ភេទរបស់បុគ្គលត្រកូលHao នោះ មិនត្រូវបានបង្ហាញទេ។សេចក្តីថ្លែងការណ៍នោះ បានកើតឡើងមិនដល់ពីរសប្តាហ៍ បន្ទាប់ពីក្រសួង បាននិយាយថា ខ្លួនបានរកឃើញជនជាតិផ្សេងទៀត ដែលសង្ស័យថា បានធ្វើចារកម្មឲ្យCIA បន្ទាប់ពីត្រូវបានជ្រើសរើសនៅក្នុងប្រទេសអ៊ីតាលី។ ស្ថានទូតអាមេរិកនៅទីក្រុងប៉េកាំង និងតូក្យូ មិនបានឆ្លើយតបភ្លាមៗចំពោះសំណើសុំការអត្ថាធិប្បាយរបស់សារព័ត៌មានរ៉យទ័រទេ។ក្រសួងនេះ បាននិយាយថា បុគ្គលឈ្មោះ Hao បានស្គាល់ជាមួយមន្ត្រីស្ថានទូតសហរដ្ឋអាមេរិក ដែលត្រូវបានគេស្គាល់ថា «Ted» ខណៈពេលដែលកំពុងរៀបចំដាក់ពាក្យសុំទិដ្ឋាការ។ ក្រសួងបាននិយាយទៀតថា លោក Ted បានអញ្ជើញបុគ្គល Hao មកទទួលទានអាហារពេលល្ងាច បង្ហាញអំណោយ និងស្វែងរកជំនួយពីHao ជាមួយនឹងការសរសេរលើក្រដាសមួយសន្លឹកដែលលោកTed សន្យាថា នឹងចំណាយ។ក្រសួងដដែល បានបន្តថា លោកTed បានណែនាំ Hao ឲ្យស្គាល់សហសេវិកម្នាក់ឈ្មោះ Li Jun មុនពេលអាណត្តិរបស់គាត់នៅស្ថានទូតជប៉ុន ត្រូវបានបញ្ចប់។ Li និង Hao បន្ទាប់មកបានរក្សា«ទំនាក់ទំនងសហប្រតិបត្តិការ៕

នគរបាល៖ ចោរព័ត៌មានវិទ្យាកូរ៉េខាងជើង ដាក់គោលដៅលើសមយុទ្ធយោធាកូរ៉េខាងត្បូង និងអាមេរិក

2023/08/21 12:01:06 pm        73
Facebook Telegram Linkin
កូរ៉េខាងត្បូង៖ នគរបាលកូរ៉េខាងត្បូង បាននិយាយកាលពីថ្ងៃអាទិត្យថា ចោរព័ត៌មានវិទ្យាកូរ៉េខាងជើងដែលសង្ស័យ បានដាក់គោលដៅ លើសមយុទ្ធយោធាកូរ៉េខាងត្បូង និងសហរដ្ឋអាមេរិកដែលកំពុងធ្វើឡើងនៅសប្តាហ៍នេះ ទោះបីជាព័ត៌មាសម្ងាត់ត្រូវបានសម្របសម្រួលក៏ដោយ។កងកម្លាំងកូរ៉េខាងត្បូង និងសហរដ្ឋអាមេរិក នៅថ្ងៃចន្ទនេះ នឹងចាប់ផ្តើមសមយុទ្ធរដូវក្តៅ Ulchi Freedom Guardian ដើម្បីធ្វើឲ្យប្រសើរឡើងសមត្ថភាពរបស់ពួកគេ ឆ្លើយតបទៅនឹងការគំរាមមីស៊ីល និងនុយក្លេអ៊ែរដែលកំពុងវិវឌ្ឍរបស់ប្រទេសកូរ៉េខាងជើង។ ប្រទេសកូរ៉េខាងជើង បានជំទាស់ទៅនឹងសមយុទ្ធបែបនេះ ដោយនិយាយថា សមយុទ្ធទាំងនេះគឺជាការត្រៀមខ្លួនដោយសហរដ្ឋអាមេរិក និងសម្ព័ន្ធមិត្តកូរ៉េខាត្បូងសម្រាប់ការឈ្លានពានមកលើខ្លួន។ ទីភ្នាក់ងារនគរបាលខេត្ត Gyeonggi Nambu ( ក្យុងហ្គី ណាមប៊ូ) បាននិយាយនៅក្នុងសេចក្តីថ្លែងការណ៍ថា ក្រុមចោរព័ត៌មានវិទ្យា ត្រូវបានគេជឿថា មានជាប់ពាក់ព័ន្ធជាមួយក្រុមកូរ៉េខាងជើង ដែលក្រុមអ្នកស្រាវជ្រាវហៅថា Kimsuky ហើយពួកគេបានអនុវត្តការលួចទិន្នន័យតាមរយៈសារអេឡិចត្រូនិកចំពោះអ្នកជាប់កិច្ចសន្យាកូរ៉េខាងត្បូង ដែលកំពុងធ្វើការនៅមជ្ឈមណ្ឌលត្រាប់ប្រដូចសង្គ្រាមសមយុទ្ធរួមគ្នាអាមេរិក-កូរ៉េខាងត្បូង។ នគរបាល បាននិយាយនៅក្នុងសេចក្តីថ្លែងការណ៍កាលពីថ្ងៃអាទិត្យថា វាត្រូវបានបញ្ជាក់ថា ព័ត៌មានដែលទាក់ទងទៅនឹងយោធា មិនត្រូវបានគេលួចនោះទេ។ កាលពីពេលមុន ប្រទេសកូរ៉េខាងជើង បានបដិសេធតួនាទីរបស់ខ្លួនណាមួយក្នុងការវាយប្រហារតាមបណ្តាញអ៊ីនធឺណិត។ នគរបាលនិយាយថា នគរបាលប្រទេសកូរ៉េខាងត្បូង និងយោធាសហរដ្ឋអាមេរិក បានបើកការស៊ើបអង្កេតរួមគ្នា និងបានរកឃើញអាសយដ្ឋាន IP ដែលប្រើប្រាស់ក្នុងការប៉ុនប៉ងលួយយកទិន្នន័យ ដែលផ្គូរផ្គងជាមួយ IP ដែលត្រូវបានកំណត់អត្តសញ្ញាណកាលពីក្នុងឆ្នាំ២០១៤ មកលើប្រតិបត្តិកររ៉េអាទ័រនុយក្លេអ៊ែររបស់ប្រទេសកូរ៉េខាងត្បូង។ជាមួយគ្នានេះ ប្រទេសកូរ៉េខាងត្បូង បានចោទប្រកាន់កូរ៉េខាងជើងពីការនៅពីក្រោយការវាយប្រហារតាមបណ្តាញអ៊ីនធឺណិត៕

កោះតៃវ៉ាន់ រកឃើញយន្តហោះយាធាចិន៤២គ្រឿងបន្ទាប់ពីដំណើរទស្សនកិច្ចនៅអាមេរិករបស់មន្ត្រីជាន់ខ្ពស់

2023/08/21 11:58:26 am        74
Facebook Telegram Linkin
តៃវ៉ាន់៖ ក្រសួងការពារជាតិកោះតៃវ៉ាន់ បាននិយាយថាខ្លួនបានប្រទះឃើញយន្តហោះយោធាចិន៤២គ្រឿង កាលពីថ្ងៃសៅរ៍ ក្នុងពេលសមយុទ្ធចិន ដែលទីក្រុងប៉េកាំងនិយាយថា គឺជា«ការព្រមានដ៏ខ្លាំងក្លា» ជុំវិញនូវអ្វីដែលហៅថា ការឃុបឃិតជាមួយក្រុមផ្តាច់ខ្លួន និងកងកម្លាំងបរទេស ដែលបានបានកើតឡើងប៉ុន្មានថ្ងៃ បន្ទាប់ពីមេដឹកនាំលំដាប់ទី២របស់កោះនេះ បានធ្វើទស្សនកិច្ចរយៈពេលខ្លី ទៅកាន់សហរដ្ឋអាមេរិក។ ដំណើរទស្សនកិច្ចរបស់ មេដឹកនាំលំដាប់ទី២កោះតៃវ៉ាន់ លោក William Lai ទៅកាន់ប្រទេសប៉ារ៉ាហ្គាយដោយរួមទាំងទីឈប់ចតទាំងនៅទីក្រុងញ៉ូវយ៉ក និង San Francisco ដែលបក្សកុម្មុន្នីសចិន បានរិះគន់យ៉ាងខ្លាំង ដោយនិយាយថា កោះនេះជាដែនដីរបស់ខ្លួន ហើយពុំគួមានទំនាក់ជាមួយបរទេសឡើយ។ នៅតាមបណ្តាញTwitter លើវេទិកា X ជាក្រុមហ៊ុនដែលគេស្គាល់ផ្លូវការថាជា Twitter ក្រសួងការពារជាតិកោះតៃវ៉ាន់ បាននិយាយថា ខ្លួនបានប្រទះឃើញយន្តហោះយោធា៤២គ្រឿង ដោយ២៦គ្រឿងក្នុងចំណោមយន្តហោះទាំងនេះ បានឆ្លងកាត់ខ្សែបន្ទាត់មេដ្យាន នៃច្រកសមុទ្រតៃវ៉ាន់។ ជាមួយគ្នានេះ នាវាយោធាចិនចំនួន៨គ្រឿង ក៏ត្រូវបានរកឃើញផងដែរ។  នៅក្នុងសេចក្តីថ្លែងការណ៍សង្ខេបមួយ អ្នកនាំពាក្យទីបញ្ជាការតំបន់ភាគខាងកើតរបស់ចិន បាននិយាយថា សមយុទ្ធយោធារួមមានការសម្របសម្រួលរវាង យន្តហោះ និងនាវា ហើយសមត្ថភាពរបស់ពួកវា និងចាប់យកការគ្រប់គ្រងលម្ហរអាកាស និងសមុទ្រ៕

អ្នកជំនាញ៖ កម្ពុជាចាប់ផ្តើមផ្លាស់ប្តូររបត់នយោបាយដោយសញ្ញាវិជ្ជមានប្រកបដោយនិរន្តរភាព

2023/08/21 11:56:14 am        376
Facebook Telegram Linkin
ភ្នំពេញ៖ លោកបណ្ឌិត យង់ ពៅ អ្នកជំនាញវិទ្យាសាស្រ្តនយោបាយ ​លើកឡើងថា កម្ពុជាចាប់ផ្តើម​ផ្លាស់ប្តូររបត់នយោបាយរបស់ខ្លួនប្រកបទៅដោយសញ្ញាណវិជ្ជមាន និងនិរន្តរភាពយូរអង្វែង។ស្របពេលរាជរដ្ឋាភិបាលនីតិកាលទី៧ ​នឹងចាប់ផ្តើមដំណើរការនៅថ្ងៃស្អែក ​ថ្លែងប្រាប់ BTV News នៅថ្ងៃទី២១ ខែសីហា ឆ្នាំ២០២២ លោកបណ្ឌិត យង់ ពៅ អ្នកជំនាញវិទ្យាសាស្រ្តនយោបាយ បានឲ្យដឹងថា ប្រវត្តិសាស្រ្តកម្ពុជាក្នុងពេលបច្ចុប្បន្នកំពុងឆ្ពោះទៅរករបត់ផ្លាស់ប្តូរ​មួយដែល​មិន​ធ្លាប់មាន​ ដោយសារការរៀបចំបន្តវេនប្រកបដោយនិរន្តរភាព ​ដែលជាការធានាដល់​សន្តិភាព ស្ថិរភាព​នយោបាយ និងការអភិវឌ្ឍជាប្រយោជន៍ដល់ប្រជាជនខ្មែរគ្រប់រូប។លោកបណ្ឌិត លើកឡើងថា ​កិច្ចការសំខាន់ៗ ​ដែលរាជរដ្ឋាភិបាលគួរតែចាប់ផ្តើម ហើយប្រើប្រាស់​កណ្តាប់ដែក​ជាបន្ទាន់គឺ ​ការដោះស្រាយបញ្ហាប៉ះពាល់ជីវភាព ​គម្លាតនៃការអភិវឌ្ឍសង្គម សមធម៌​សង្គម និង​គ្រឿងញៀន​ជាដើម​នៅក្នុងប្រទេសកម្ពុជា។លោកបណ្ឌិត ​បានបង្ហាញសុទិដ្ឋិនិយម​លើការដឹកនាំ​របស់រាជរដ្ឋាភិបាល ​នីតិកាលទី៧ ដោយ​ការ​បំពេញតួនាទី ​និងកាតព្វកិច្ចរបស់​ខ្លួន​ដោយប្រើឲ្យ​អស់បញ្ញាញាណ ​សមត្ថភាព និងបទពិសោធន៍​ទាំងអស់​ ដើម្បីអនុវត្តឲ្យទទួល​បានប្រសិទ្ធភាព និងជា​គុណប្រយោជន៍​ដល់សង្គមជាតិ និង​ប្រជាជនទាំងមូល៕អត្ថបទ សេក ឧត្តម 

បណ្ដាញសង្គម

ព័ត៌មានថ្មីៗ

អ្នកស្រុកនៅកាតេម៉ាឡាភាគអាគ្នេយ៍ ដោះស្រាយលំនៅឋានដែលរងការបំផ្លាញដោយរញ្ជួយដី
07/31/2025 12:07 PM
Facebook Telegram Linkin
អ្នកជំងឺនៅដេកឈឺ មន្ទីរពេទ្យគ្មានបុគ្គលិក ខណៈគិលានុបដ្ឋាយិកានីហ្សេរីយ៉ា ចាប់ផ្តើមធ្វើកូដកម្ម
07/31/2025 12:07 PM
Facebook Telegram Linkin
ក្រុមហេសបូឡា ច្រានចោលការអំពាវនាវឱ្យដកអាវុធ ដោយនិយាយថាការទាមទារនេះជួយដល់អ៊ីស្រាអែល
07/31/2025 12:07 PM
Facebook Telegram Linkin
អ្នកស្វែងរកជំនួយជាង៧០នាក់ត្រូវបានសម្លាប់ ខណៈទុរ្ភិក្សកាន់តែធ្ងន់ធ្ងរនៅតំបន់ហ្កាហ្សា
07/31/2025 12:07 PM
Facebook Telegram Linkin
រដ្ឋមន្ត្រីរបស់អ៊ីស្រាអែល និយាយបង្ហើបពីការដាក់បញ្ចូលឧបសម្ព័ន្ធផ្នែកជាច្រើននៅតំបន់ហ្កាហ្សា
07/31/2025 12:07 PM
Facebook Telegram Linkin
ចក្រភពអង់គ្លេស ព្រមានពីទំនិញឡើងថ្លៃកប់ពពកថែមទៀត ដោយសារឥទ្ធិពលពន្ធអាករក្នុងស្រុក
07/31/2025 11:07 AM
Facebook Telegram Linkin
អ៊ុយក្រែន គ្រោងផ្លាស់ការហ្វឹកហ្វឺនយោធាទៅក្រោមដី គេចពីការវាយប្រហារយ៉ាងសន្ធាប់របស់រុស្ស៊ី
07/31/2025 11:07 AM
Facebook Telegram Linkin
នាយករដ្ឋមន្ត្រីប៉ូឡូញ បង្ហើបពីសញ្ញាជាច្រើនដែលថាសង្រ្គាមនៅអ៊ុយក្រែន អាចនឹង "ផ្អាក" ក្នុងពេលឆាប់ៗ
07/31/2025 11:07 AM
Facebook Telegram Linkin
បុគ្គលិកជំនួយ៖ វិធានការថ្មីរបស់អ៊ីស្រាអែល មិនបានជួយអ្វីសោះក្នុងការបញ្ឈប់វិបត្តិអត់ឃ្លាននៅហ្កាហ្សា
07/31/2025 11:07 AM
Facebook Telegram Linkin
អំណោយរបស់សម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ត្រូវបានឯកឧត្តម នូ ស៊ីថា នាំ​យក​ទៅប្រគល់ជូនវីរកងទ័ព នៅខេត្តប៉ៃលិន
07/31/2025 11:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.